ᠱᠢᠨᠡᠬᠡᠨ ᠨᠤᠳᠤᠭᠤᠨ ᠢᠷᠠᠭᠤ ᠠᠯᠳᠠᠷᠢ ᠡᠷᠭᠦᠨ᠂ ᠤᠷᠠᠨ ᠵᠤᠬᠢᠶᠠᠯᠤᠨ ᠠᠭᠤᠳᠠᠮ ᠬᠠᠷᠭᠤᠢᠳᠤ ᠦᠪᠡᠷᠤᠨ ᠤᠷᠠ ᠠᠪᠢᠶᠠᠰᠢᠶᠠᠨ ᠭᠠᠢᠬᠠᠭᠤᠯᠵᠤ ᠶᠠᠪᠤᠭᠠ ᠢᠷᠠᠭᠤ ᠨᠠᠢᠷᠠᠭ᠍ᠴᠢ ᠳ᠋ᠣ · ᠭᠠᠯᠰᠠᠩᠳᠤᠯᠮᠠ ᠪᠤᠯ ᠬᠦᠯᠦᠨ ᠪᠤᠢᠷ ᠬᠤᠳᠠᠶ᠋ᠢᠨ ᠡᠸᠡᠩᠬᠢ ᠬᠤᠱᠢᠭᠤᠨᠤ ᠱᠢᠨᠡᠬᠡᠨ ᠪᠠᠷᠠᠭᠤᠨ ᠰᠤᠮᠤᠨᠤ ᠬᠤᠯᠪᠤᠭᠠ ᠭᠠᠴᠠᠭᠠᠪᠠᠷ ᠨᠤᠳᠤᠭᠲᠠᠢ᠂ ᠡᠳᠦᠭᠡ ᠡᠸᠡᠩᠬᠢ ᠬᠤᠱᠢᠭᠤᠨᠤ ᠤᠳᠭᠠ ᠤᠷᠠᠯᠢᠭᠤᠨ ᠬᠤᠯᠪᠤᠭᠠᠨᠳᠤ ᠠᠵᠢᠯ ᠠᠯᠪᠠᠲᠠᠢ᠃
ᠠᠯᠪᠠᠨ ᠭᠡᠷᠲᠡᠭᠡᠨ
ᠲᠡᠷᠡᠪᠠᠷ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠦᠯᠢᠬᠡᠷ ᠳᠠᠭᠤᠤᠳᠤ ᠳᠤᠷᠠᠲᠠᠢ᠂ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷ ᠬᠦᠭᠡᠭᠡᠵᠦ᠍ ᠶᠠᠪᠤᠬᠤᠳᠠᠭᠠᠨ ᠨᠤᠮ ᠰᠤᠳᠤᠷᠢ ᠤᠯᠠᠨ ᠤᠩᠱᠢᠵᠤ ᠱᠢᠯᠦᠭ ᠵᠤᠬᠢᠶᠠᠯᠳᠤ ᠪᠠᠬᠠᠲᠠᠢ ᠤᠴᠢᠷᠠᠴᠠ ᠪᠠᠭ᠍ᠰᠢᠶ᠋ᠢᠨ ᠵᠢᠯᠤᠭᠤᠳᠤᠮᠵᠢᠶ᠋ᠢ ᠬᠦᠷᠳᠡᠵᠦ᠍ ᠤᠷᠠᠨ ᠵᠤᠬᠢᠶᠠᠯᠤᠨ ᠵᠠᠮᠢᠶᠠᠨ ᠡᠬᠢᠯᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠦᠩᠭᠡᠷᠡᠭ᠌ᠰᠡᠨ ᠵᠠᠭᠤᠨᠤ ᠨᠠᠶᠠᠭᠠᠳ ᠤᠨᠤ ᠡᠬᠢᠪᠠᠷ 《ᠦᠪᠦᠷ ᠮᠤᠩᠭᠤᠯᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ》 ᠰᠡᠳᠬᠦᠯᠳᠤ 《ᠴᠠᠭᠠᠨ》 ᠬᠡᠬᠦ᠌ ᠠᠩᠬᠠᠨᠤ ᠱᠢᠯᠦᠭᠢᠶᠠᠨ ᠨᠡᠢᠳᠡᠯᠡᠬᠦᠯᠦᠭ᠌ᠰᠡᠨᠠᠴᠠ ᠤᠳᠤ ᠪᠤᠯᠳᠠᠯᠠ᠂ ᠠᠢᠮᠠᠭ ᠬᠤᠳᠠ ᠤᠷᠤᠨᠤ ᠳᠡᠰᠤᠨ ᠡᠯᠡ ᠰᠤᠨᠢᠨ ᠰᠡᠳᠬᠦᠯᠳᠤ ᠱᠢᠯᠦᠭ ᠪᠠ ᠨᠠᠢᠷᠠᠭᠤᠯᠤᠯ ᠮᠡᠳᠡᠭᠡᠯᠡᠯᠢ ᠨᠡᠯᠢᠶᠡᠳ ᠤᠯᠠᠨ ᠨᠠᠢᠳᠠᠯᠠᠬᠦᠯᠵᠡᠢ᠃ ᠲᠦᠯᠦᠭᠡᠯᠡᠬᠦ᠌ ᠪᠦᠳᠦᠭᠡᠯᠠᠴᠠᠨᠢ ᠳᠤᠷᠠᠳᠪᠠᠯ 《ᠤᠴᠢᠵᠤ ᠦᠵᠡᠭᠡ ᠦᠬᠡᠢ ᠤᠨᠤᠨ》᠂ 《ᠲᠦᠮᠡᠨ ᠱᠢᠪᠠᠭᠤᠨᠤ ᠨᠡᠭᠦᠳᠡᠯ》᠂ 《ᠡᠬᠦᠷᠢᠳᠡᠶ᠋ᠢᠨ ᠢᠯᠠᠭ᠍ᠴᠢ ᠦᠭᠦᠯ ᠮᠢᠨᠤ》᠂ 《ᠬᠦᠢᠳᠡᠨᠤ ᠵᠤᠰᠠᠯᠠᠩ》᠂ 《ᠬᠠᠳᠠᠭᠤ ᠶᠠᠰᠤᠳᠠᠨ — ᠪᠤᠷᠢᠶᠠᠳ》᠂ 《ᠳᠤᠮᠤᠭ ᠦᠨᠡᠨᠤ ᠨᠤᠳᠤᠭ — ᠳᠡᠯᠢᠭᠦᠨ ᠪᠤᠯᠳᠤᠭ》 ᠵᠡᠷᠭᠡ ᠪᠤᠢ᠃ 2008 ᠤᠨᠳᠤ 《ᠬᠦᠢᠳᠡᠨᠤ ᠵᠤᠰᠠᠯᠠᠩ》 ᠬᠡᠬᠦ᠌ ᠠᠩᠬᠠᠨᠤ ᠱᠢᠯᠦᠭᠤᠨ ᠳᠡᠭᠦᠪᠤᠷᠢᠪᠠᠨ ᠬᠡᠪᠯᠡᠭᠦᠯᠵᠤ᠂ 2010 ᠤᠨᠳᠤ ᠳᠤᠰ ᠱᠢᠯᠦᠭᠤᠨ ᠳᠡᠭᠦᠪᠦᠷᠢᠨᠢ ᠬᠦᠯᠦᠨ ᠪᠤᠢᠷ ᠬᠤᠳᠠᠶ᠋ᠢᠨ ᠵᠠᠰᠠᠭᠤᠨ ᠤᠷᠳᠤᠨᠤ ᠤᠳᠭᠠ ᠤᠷᠠᠯᠢᠭᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠯᠬᠡᠶ᠋ᠢᠨ 《ᠠᠵᠢᠨᠠᠢ ᠬᠦᠯᠦᠭ》 ᠱᠠᠩᠨᠠᠯ ᠬᠦᠷᠳᠡᠵᠡᠢ᠃ 2012 ᠤᠨᠤ ᠤᠯᠠᠨ ᠤᠯᠤᠰᠤᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳᠤᠨ ᠰᠣᠶᠣᠯ ᠤᠷᠠᠯᠢᠭᠤᠨ 《ᠠᠯᠲᠠᠷᠭᠠᠨᠠ》 ᠨᠠᠭᠠᠳᠣᠮᠳᠤ 《ᠠᠯᠲᠠᠷᠭᠠᠨᠠ》 ᠬᠡᠮᠡᠬᠦ᠌ ᠱᠢᠯᠦᠭᠢᠶᠠᠷᠢᠶᠠᠨ ᠬᠦᠷᠡᠯ ᠮᠧᠳᠠᠯ ᠲᠤᠰᠴᠣ᠂ ᠨᠠᠢᠷᠠᠭᠤᠨ ᠠᠶᠠᠨᠤ ᠭᠠᠨᠵᠤᠭᠠᠪᠠᠨ ᠮᠢᠯᠢᠶᠠᠭ᠍ᠰᠠᠨ ᠪᠢᠯᠡ᠃
ᠳ᠋ᠣ · ᠭᠠᠯᠰᠠᠩᠳᠤᠯᠮᠠ ᠡᠮᠦᠨᠡᠬᠡᠨ ᠡᠸᠡᠩᠬᠢ ᠬᠤᠱᠢᠭᠤᠨᠤ 1991 — 2005 ᠤᠨᠤ ᠤᠢᠯᠠᠯᠭᠠᠶ᠋ᠢ ᠤᠷᠴᠢᠭᠤᠯᠵᠤ᠂ ᠳᠠᠬᠢᠨ ᠬᠦᠯᠦᠨ ᠪᠤᠢᠷ ᠤᠳᠭᠠ ᠤᠷᠠᠯᠢᠭᠤᠨ ᠬᠤᠯᠪᠤᠭᠠᠨᠤᠬᠢᠨᠤ ᠬᠦᠯᠦᠨ ᠪᠦᠢᠷ ᠠᠷᠠᠳᠤᠨ ᠳᠠᠭᠤᠤᠶ᠋ᠢᠨ ᠡᠮᠬᠢᠳᠭᠡᠬᠦ᠌ ᠠᠵᠢᠯᠳᠤ ᠳᠠᠳᠠᠭ᠍ᠳᠠᠨ ᠪᠤᠷᠢᠶᠠᠳ ᠠᠷᠠᠳᠤᠨ ᠳᠠᠭᠤᠤᠶ᠋ᠢ ᠴᠤᠭ᠍ᠯᠠᠭᠤᠯᠵᠤ ᠠᠵᠢᠯᠢᠶᠠᠨ ᠠᠮᠵᠢᠯᠳᠠᠲᠠᠢ ᠲᠦᠬᠦᠷᠭᠡᠭ᠌ᠰᠡᠨ ᠪᠠᠢᠪᠠ᠃ ᠡᠳᠦᠬᠡ ᠡᠸᠡᠩᠬᠢ ᠨᠡᠭᠦᠳᠡᠯ ᠰᠤᠶᠤᠯᠤᠨ ᠳᠡᠮᠳᠡᠭ᠌ᠯᠡᠯ ᠪᠤᠯᠬᠤ 《ᠳᠠᠯᠠ ᠨᠤᠳᠤᠭᠤᠨ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠰᠤᠶᠤᠯᠤᠨ ᠳᠡᠮᠳᠡᠭ》 ᠬᠡᠬᠦ᠌ ᠨᠤᠮᠤᠨ ᠪᠤᠷᠢᠶᠠᠳ ᠮᠤᠩᠭᠤᠯ ᠰᠤᠶᠤᠯᠤᠨ ᠭᠡᠰᠡᠭᠤᠨ ᠠᠭᠤᠯᠭᠠᠶ᠋ᠢ ᠨᠠᠢᠷᠠᠭᠤᠯᠵᠤ ᠪᠢᠴᠢᠬᠦ᠌ ᠠᠵᠢᠯᠢ ᠳᠠᠭᠠᠭᠠᠴᠢᠯᠠᠨ ᠠᠪᠤᠭ᠍ᠰᠠᠨ ᠪᠠᠢᠪᠠ᠃ ᠪᠢᠳᠡ ᠬᠦᠷᠭᠦᠳᠤ ᠲᠡᠷᠡ ᠶᠠᠭ ᠰᠠᠢᠬᠠᠨ ᠠᠯᠪᠠᠨ ᠭᠡᠷᠲᠡᠭᠡᠨ ᠮᠠᠲ᠋ᠧᠷᠢᠶᠠᠯᠢᠶᠠᠨ ᠡᠮᠬᠢᠳᠭᠡᠵᠦ᠍ ᠪᠠᠢᠪᠠ᠃ 《ᠨᠡᠬᠦᠳᠡᠯ ᠰᠤᠶᠤᠯᠳᠤ ᠠᠭᠤᠯᠤᠭ᠍ᠲᠠᠬᠤ ᠠᠭᠤᠯᠭᠠ ᠳᠤᠩ ᠤᠯᠠᠨ᠂ ᠪᠢ ᠪᠤᠷᠢᠶᠠᠳ ᠠᠷᠠᠳᠤᠨ ᠳᠠᠭᠤᠤ᠂ ᠪᠤᠷᠢᠶᠠᠳ ᠪᠦᠬᠡ᠂ ᠪᠤᠷᠢᠶᠠᠳ ᠰᠤᠷ ᠬᠠᠷᠪᠤᠭᠠ᠂ ᠪᠤᠷᠢᠶᠠᠳᠤᠨ ᠱᠠᠭᠠ ᠨᠠᠭᠠᠳᠤᠮ᠂ ᠪᠤᠷᠢᠶᠠᠳ ᠭᠤᠳᠤᠯ ᠬᠢᠬᠦ᠌ ᠤᠷᠠ᠂ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳᠤᠨ ᠤᠯᠠᠭᠠᠨ ᠢᠳᠡᠭᠡ᠂ ᠴᠠᠭᠠᠨ ᠢᠳᠡᠭᠡ ᠵᠡᠷᠬᠡ ᠠᠷᠪᠠᠨ ᠬᠤᠶᠠᠷ ᠳᠠᠯᠠᠪᠠᠷ ᠡᠮᠬᠢᠳᠭᠡᠨ ᠨᠠᠢᠷᠠᠭᠤᠯᠵᠤ ᠪᠤᠢ ᠪᠠᠢᠨᠠ᠃ ᠡᠳᠡᠭᠡᠷ ᠰᠤᠶᠤᠯᠤᠨ ᠲᠠᠯᠠᠪᠠᠷ ᠪᠢ ᠨᠠᠯᠢᠶᠡᠳ ᠤᠢ᠍ᠢᠯᠠᠭᠠᠳᠠᠭ ᠪᠤᠯᠪᠠᠴᠤ᠌ ᠵᠠᠷᠢᠮ ᠵᠦᠢᠯᠡᠰᠲᠤ ᠨᠠᠷᠢᠯᠢᠭ ᠳᠤᠭᠠᠴᠢᠯᠠᠯᠳᠠ ᠬᠢᠬᠦ᠌ ᠬᠡᠷᠡᠭ᠌ᠳᠡᠢ ᠪᠤᠯᠬᠤᠷ ᠤᠯᠠᠨ ᠭᠠᠵᠠᠷᠢᠶᠠᠷ ᠶᠠᠪᠤᠵᠤ ᠰᠤᠷᠪᠤᠯᠵᠢᠯᠠᠭᠠ ᠠᠪᠬᠤ ᠴᠢᠬᠤᠯᠠᠳᠠᠢ ᠪᠠᠢᠳᠠᠭ》 ᠭᠡᠵᠤ ᠲᠡᠷᠡ ᠲᠠᠨᠢᠯᠴᠠᠭᠤᠯᠵᠤ ᠬᠡᠯᠡᠯᠡ᠃
ᠢᠷᠠᠭᠤ ᠨᠠᠢᠷᠠᠭ᠍ᠴᠢ ᠳ᠋ᠣ · ᠭᠠᠯᠰᠠᠩᠳᠤᠯᠮᠠᠶ᠋ᠢᠨ ᠤᠷᠴᠢᠮᠤᠨ ᠵᠢᠯᠤᠳᠲᠤ ᠵᠤᠬᠢᠶᠠᠭ᠍ᠰᠠᠨ 《ᠬᠤᠯᠪᠤᠭᠠ ᠨᠤᠲᠤᠭᠤᠨ ᠲᠦᠮᠡᠨ ᠮᠢᠨᠢ》᠂ 《ᠪᠠᠭᠠᠶ᠋ᠢᠨ ᠨᠦᠬᠦᠳ》᠂ 《ᠱᠠᠭᠠ ᠨᠠᠭᠠᠳᠤᠮ》᠂ 《ᠲᠤᠤᠽᠠᠲᠠᠢ ᠲᠤᠬᠤᠢᠲᠠᠢ ᠱᠢᠨᠡᠬᠡᠨ》 ᠵᠡᠷᠭᠡ ᠨᠤᠲᠤᠭᠤᠨ ᠦᠨᠦᠷ ᠠᠮᠲᠠᠲᠠᠢ ᠠᠶᠠ ᠳᠠᠭᠤᠤᠨᠤᠭᠤᠳᠨᠢ ᠠᠷᠠᠳ ᠵᠤᠨᠤᠪᠠᠨ ᠰᠤᠨᠤᠷᠢ ᠮᠢᠯᠢᠶᠠᠨ᠂ ᠨᠠᠢᠷᠠᠭᠤᠨ ᠲᠦᠷᠦᠭᠡᠶ᠋ᠢᠨᠢ ᠨᠡᠩ ᠬᠤᠯᠠᠶ᠋ᠢᠨ ᠠᠶᠠᠨᠳᠤ ᠵᠢᠭᠢᠯᠭᠡᠵᠦ᠍ ᠪᠠᠢᠨᠠ᠃