ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠪᠴᠢᠶᠡᠵᠢᠯ ᠦᠷᠭᠡᠳᠬᠦ ᠵᠢ ᠲᠠᠭᠠᠯᠳᠤᠨ᠂ ᠭᠠᠷ ᠬᠦᠳᠡᠯᠮᠤᠷᠢ ᠨᠢ ᠴᠠᠭ᠎ᠢ ᠨᠦᠭᠴᠢᠭᠡᠵᠤ᠂ ᠠᠵᠢᠯ᠎ᠤᠨ ᠠᠬᠢᠴᠠ ᠵᠢ ᠶᠡᠬᠡ ᠪᠡᠷ ᠨᠦᠯᠦᠭᠡᠯᠡᠬᠦ ᠪᠤᠯᠤᠭᠰᠠᠨ᠎ᠢᠶᠡᠷ ᠤᠳᠤ ᠪᠤᠯᠬᠤ᠎ᠳᠦ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ᠎ᠤᠨ ᠡᠯ᠎ᠡ ᠭᠤᠭᠴᠤᠭ᠎ᠠ ᠪᠤᠯᠭᠠᠨ᠎ᠳᠦ ᠮᠠᠰᠢᠨᠴᠢᠯᠠᠯᠳᠠ ᠵᠢ ᠪᠡᠶᠡᠯᠡᠬᠦᠯᠵᠤ ᠡᠬᠢᠯᠡᠭᠰᠡᠨ ᠪᠠᠢᠨ᠎ᠡ᠃ ᠡᠪᠦᠯ᠎ᠤᠨ ᠤᠯᠠᠷᠢᠯ᠎ᠳᠦ ᠮᠠᠯ᠎ᠤᠨ ᠬᠤᠷᠤᠭ᠎ᠠ ᠬᠠᠰᠢᠶ᠎ᠡ ᠪᠡᠨ ᠴᠡᠪᠡᠷᠯᠡᠬᠦ᠎ᠳᠦ ᠬᠦᠯᠳᠡᠬᠦᠰᠦ ᠲᠡᠬᠦᠬᠦ ᠭᠡᠭᠴᠢ ᠶᠡᠬᠡ ᠠᠵᠢᠯ᠂ ᠤᠨᠴᠠᠭᠠᠢᠯᠠᠨ ᠬᠠᠰᠢᠶᠠᠯᠠᠨ ᠮᠠᠯᠵᠢᠵᠤ ᠪᠤᠷᠳᠤᠨ ᠲᠡᠵᠢᠬᠡᠬᠦ ᠮᠠᠯᠵᠢᠯ᠎ᠤᠨ ᠠᠷᠭ᠎ᠠ ᠪᠠᠷᠢᠯ᠎ᠢ ᠦᠷᠭᠡᠨ᠎ᠢᠶᠡᠷ ᠬᠡᠷᠡᠭᠯᠡᠭᠰᠡᠨ ᠡᠴᠡ ᠡᠳᠦᠷ ᠪᠤᠯᠭᠠᠨ ᠬᠦᠯᠳᠡᠬᠦᠰᠦ ᠲᠡᠭᠦᠵᠤ ᠬᠤᠷᠤᠭ᠎ᠠ ᠬᠠᠰᠢᠶ᠎ᠡ ᠪᠡᠨ ᠠᠷᠢᠯᠭᠠᠬᠤ ᠴᠢᠬᠤᠯᠠᠳᠠᠢ᠃

ᠤᠢᠷ᠎ᠡ ᠵᠢᠨ ᠵᠢᠯ ᠡᠴᠡ ᠬᠦᠳᠡᠬᠡ ᠲᠤᠰᠬᠤᠨ᠂ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨ᠎ᠢᠶᠡᠷ ᠬᠦᠯᠳᠡᠬᠦᠰᠦ ᠲᠡᠬᠦᠬᠦ ᠮᠠᠰᠢᠨ ᠠᠭᠠᠵᠢᠮ᠎ᠢᠶᠡᠷ ᠲᠡᠯᠭᠡᠷᠡᠭᠰᠡᠨ᠎ᠢᠶᠡᠷ ᠮᠠᠯᠵᠢᠯ᠎ᠤᠨ ᠲᠠᠯᠠᠪᠠᠢ᠂ ᠮᠠᠯᠵᠢᠬᠤ ᠡᠷᠦᠭᠡ ᠵᠢᠨ ᠬᠦᠳᠡᠯᠮᠤᠷᠢ ᠬᠦᠴᠦ ᠵᠢ ᠶᠡᠬᠡ ᠪᠡᠷ ᠠᠷᠪᠢᠯᠠᠵᠤ ᠦᠭᠴᠦ ᠪᠠᠢᠨ᠎ᠠ᠃ ᠮᠦᠨ ᠴᠦ᠍ ᠮᠠᠯ᠎ᠤᠨ ᠬᠤᠷᠤᠭ᠎ᠠ ᠬᠠᠰᠢᠶ᠎ᠠ ᠵᠢ ᠴᠡᠪᠡᠷᠬᠡᠨ ᠪᠤᠯᠭᠠᠵᠤ᠂ ᠲᠤᠯᠠᠭᠠᠨ ᠲᠤᠬᠢᠳᠠᠢ ᠪᠠᠢᠯᠭᠠᠳᠠᠭ ᠡᠴᠡ ᠮᠠᠯ᠎ᠤᠨ ᠭᠡᠮ ᠬᠢᠵᠢᠭ᠎ᠢ ᠴᠦ᠍ ᠰᠡᠷᠭᠡᠢᠯᠡᠵᠤ ᠲᠡᠢᠯᠬᠦ ᠦᠢᠯᠡᠳᠦᠯ ᠦᠵᠡᠬᠦᠯᠵᠤ ᠪᠤᠢ᠃

ᠬᠦᠯᠳᠡᠬᠦᠰᠦ ᠲᠡᠬᠦᠬᠦ ᠮᠠᠰᠢᠨ ᠨᠢ ᠵᠦᠪᠬᠡᠨ ᠲᠡᠬᠦᠵᠤ ᠠᠷᠢᠯᠭᠠᠬᠤ ᠦᠢᠯᠡᠳᠦᠯ᠎ᠢᠶᠡᠷ ᠵᠤᠭᠰᠤᠬᠤ ᠪᠢᠰᠢ᠂ ᠬᠦᠯᠳᠡᠬᠦᠰᠦ ᠵᠢ ᠬᠡᠮᠬᠡᠴᠢᠨ ᠰᠦᠢᠷᠡᠬᠦᠯᠵᠤ ᠪᠤᠷᠳᠤᠭᠤᠷ ᠪᠤᠯᠭᠠᠳᠠᠭ ᠡᠴᠡ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠲᠠᠬᠢᠨ ᠠᠰᠢᠬᠯᠠᠯᠳᠠ᠎ᠳᠦ ᠴᠦ᠍ ᠠᠴᠢ ᠬᠤᠯᠪᠤᠭᠳᠠᠯ ᠶᠡᠬᠡ ᠪᠤᠯᠤᠨ᠎ᠠ᠃ ᠭᠡᠷᠡᠭᠯᠡᠭᠴᠢᠳ᠎ᠤᠨ ᠦᠪᠡᠷ᠎ᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭ᠎ᠠ ᠪᠡᠨ ᠦᠨᠳᠦᠰᠦᠯᠡᠵᠤ᠂ ᠮᠠᠰᠢᠨ᠎ᠤ ᠬᠦᠴᠦ ᠴᠢᠳᠠᠯ᠎ᠢ ᠨᠢ ᠰᠢᠯᠢᠵᠤ ᠰᠤᠨᠭᠭᠤᠨ ᠠᠪᠴᠦ ᠪᠤᠯᠤᠨ᠎ᠠ᠃

    （ᠰᠦᠯᠵᠢᠶᠡᠨ ᠡᠴᠡ  ᠤᠷᠴᠢᠭᠤᠯᠤᠨ   ᠨᠠᠢᠷᠠᠭᠤᠯᠪᠠ）