2021 ᠣᠨᠤ 12 ᠰᠠᠷᠠᠶ᠋ᠢᠨ 15 ᠤ᠋ ᠡᠳᠦᠷ᠂ ᠬᠦᠬᠡᠬᠤᠳᠠᠵᠢᠨ ᠮᠤᠩᠭᠤᠯ ᠬᠢᠳᠠᠳ ᠡᠮᠨᠡᠯᠭᠡᠵᠢᠨ ᠬᠤᠷᠢᠶᠠᠨᠤ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ
ᠶᠠᠰᠤᠨᠤ ᠭᠡᠮᠲᠦᠯᠦᠨ ᠰᠠᠯᠠᠭᠠᠨᠤ ᠠᠯᠪᠠᠨ ᠭᠡᠷ ᠲᠦ᠍ ᠬᠡᠳᠦᠨ ᠡᠮᠴᠢ ᠦᠪᠡᠷᠦᠪᠡᠷᠤᠨ ᠠᠵᠢᠯᠳᠠᠭᠠᠨ ᠶᠠᠭᠠᠷᠠᠵᠠᠭᠠᠨᠠ᠂
ᠰᠤᠷᠤᠨᠠ ᠡᠮᠴᠢ ᠴᠦ᠍ ᠡᠪᠡᠳᠴᠢᠳᠡᠨᠤ ᠪᠡᠨ ᠡᠮᠨᠡᠬᠦᠯᠦᠭᠰᠡᠨ ᠲᠡᠦᠬᠡᠵᠢ ᠬᠢᠨᠠᠮᠠᠭᠠᠢ ᠪᠢᠴᠢᠵᠦ ᠰᠠᠭᠤᠨᠠ᠂
ᠬᠠᠭᠠᠯᠭᠠ ᠲᠤᠭᠰᠢᠬᠤ ᠳᠠᠭᠤᠨᠵᠢᠡᠷ ᠲᠤᠯᠤᠭᠠᠢ ᠦᠨᠳᠡᠢᠬᠦ ᠳᠦ᠂ ᠨᠢᠭᠡᠨᠳᠡ ᠢᠯᠡᠷᠢᠰᠢᠵᠦ ᠡᠮᠨᠡᠯᠭᠡ ᠡᠴᠡ ᠭᠠᠷᠤᠭᠰᠠᠨ
ᠡᠪᠡᠳᠴᠢᠲᠡᠨ ᠸᠠᠩ ᠣᠪᠣᠭ᠍ᠲᠤ ᠬᠡᠮᠡᠷᠯᠢᠭ ᠲᠤᠭᠵᠢᠡᠨ ᠬᠢᠴᠢᠶᠡᠩᠬᠦᠢᠯᠡᠨ ᠪᠠᠷᠢᠭᠰᠠᠭᠠᠷ᠄《ᠪᠢ ᠰᠦ᠍ᠷᠤᠨᠠ ᠡᠮᠴᠢᠳᠤ ᠲᠠᠯᠠᠷᠬᠠᠬᠤ ᠪᠡᠷ ᠢᠷᠡᠯᠡ᠂ ᠡᠨᠡ ᠮᠠᠭᠤ ᠬᠦᠯᠢ ᠤᠯᠠᠨ ᠭᠠᠵᠠᠷ
ᠡᠮᠨᠡᠬᠦᠯᠦᠭᠰᠡᠨ ᠪᠤᠯᠪᠠᠴᠤ ᠳᠤᠰᠠ ᠭᠠᠷᠤᠭᠰᠠᠨ ᠦᠭᠡᠢ᠂ ᠰᠦ᠍ᠷᠤᠨᠠ ᠡᠮᠴᠢᠪᠡᠷ ᠬᠠᠭᠠᠰ ᠰᠠᠷᠠ ᠡᠮᠨᠡᠬᠦᠯᠦᠭᠰᠡᠨ
ᠴᠢᠨᠢ ᠠᠯᠬᠤᠬᠤᠳᠦ ᠬᠦᠯ ᠠᠶᠠ ᠪᠡᠷ ᠵᠠᠷᠤᠭᠳᠠᠵᠦ᠂ ᠰᠠᠨᠳᠤᠷᠤᠭᠰᠠᠭᠠᠷ ᠪᠢ ᠴᠢᠨᠢ ᠪᠠᠰᠠ ᠭᠠᠷᠤᠭᠠᠳ ᠬᠦᠶᠦᠴᠢᠬᠡᠨᠡ》ᠭᠡᠵᠦ ᠪᠠᠶᠠᠷᠯᠠᠬᠤᠳᠠᠭᠠᠨ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠭᠰᠠᠭᠠᠷ ᠬᠡᠮᠡᠷᠯᠢᠭ ᠲᠤᠭᠵᠢᠡᠨ ᠰᠤᠷᠤᠨᠠ
ᠡᠮᠴᠢᠳᠦ ᠬᠢᠴᠢᠶᠡᠩᠬᠦᠢᠯᠡᠨ ᠭᠠᠷᠳᠠᠭᠤᠯᠤᠨᠠ᠃
《ᠰᠤᠷᠤᠨᠠ ᠡᠮᠴᠢᠵᠢᠨ
ᠡᠪᠡᠳᠴᠢᠳᠡᠨ ᠨᠢ ᠪᠠᠰᠠ ᠬᠡᠮᠡᠷᠯᠢᠭ ᠲᠤᠭ ᠬᠦᠷᠭᠡᠵᠤ ᠢᠷᠡᠵᠠᠢ ᠁》ᠬᠡᠵᠦ ᠬᠠᠮᠳᠦ
ᠠᠵᠢᠯᠯᠠᠭᠰᠠᠳ ᠨᠢ ᠬᠤᠭᠤᠷᠤᠨᠳᠦ ᠪᠡᠨ ᠬᠡᠯᠡᠯᠴᠡᠨᠡ᠃
ᠲᠡᠢᠮᠦ ᠡ᠂ ᠡᠨᠡ ᠦᠵᠡᠭᠳᠡᠯ ᠡᠨᠳᠡ ᠳᠠᠩᠳᠠ ᠢᠯᠡᠷᠡᠳᠡᠭ᠃ ᠰᠤᠷᠤᠨᠠ
ᠡᠮᠴᠢ ᠠᠵᠢᠯᠤᠨ ᠭᠠᠷᠤᠭᠠ ᠪᠡᠨ ᠠᠪᠤᠭᠰᠠᠨ ᠡᠴᠡ ᠨᠠᠭᠠᠰᠢ ᠨᠢᠭᠡᠨᠳᠡ ᠠᠷᠪᠡᠨ ᠬᠡᠳᠦᠨ ᠬᠡᠮᠡᠷᠯᠢᠭ ᠲᠤᠭ ᠲᠤᠰᠤᠭᠰᠠᠨ
ᠪᠠᠢᠪᠠ᠃
ᠰᠤᠷᠤᠨᠠ ᠪᠣᠯ ᠬᠥᠬᠡᠬᠣᠲᠠᠶ᠋ᠢᠨ ᠮᠣᠩᠭᠣᠯ ᠬᠢᠲᠠᠳ ᠡᠮᠨᠡᠯᠭᠡᠶ᠋ᠢᠨ
ᠬᠣᠷᠢᠶᠠᠨᠤ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ ᠶᠠᠰᠤᠨᠤ ᠭᠡᠮᠲᠦᠯᠦᠨ ᠰᠠᠯᠠᠭᠠᠨᠤ ᠡᠮᠴᠢ᠃ 2017 ᠣᠨᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ
ᠠᠰᠫᠢᠷᠠᠨᠲᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠠᠴᠠ ᠲᠡᠭᠦᠰᠴᠦ᠍᠂ ᠲᠤᠰ ᠵᠢᠯᠦᠨ 9 ᠰᠠᠷᠠᠳᠤ ᠬᠥᠬᠡᠬᠣᠲᠠᠶ᠋ᠢᠨ ᠮᠣᠩᠭᠣᠯ ᠬᠢᠲᠠᠳ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ
ᠶᠠᠰᠤᠨᠤ ᠭᠡᠮᠲᠦᠯᠦᠨ ᠰᠠᠯᠠᠭᠠᠳᠤ ᠠᠵᠢᠯᠤᠨ ᠭᠠᠷᠤᠭᠠ ᠪᠡᠨ ᠡᠬᠢᠯᠡᠭᠦᠯᠪᠠ᠃ ᠲᠡᠷᠡ ᠶᠠᠰᠤᠨᠤ ᠰᠠᠯᠠᠭᠠᠶ᠋ᠢᠨ
ᠪᠠᠢᠩᠭᠤ ᠲᠣᠬᠢᠶᠠᠯᠳᠤᠳᠠᠭ ᠶᠠᠰᠤᠨᠤ ᠦᠶᠡᠶ᠋ᠢᠨ ᠡᠪᠡᠳᠴᠢᠨᠢ ᠣᠨᠣᠱᠢᠯᠠᠨ ᠵᠠᠰᠠᠬᠤ ᠵᠢᠴᠢ ᠶᠠᠰᠤᠨᠤ ᠡᠳ᠋
ᠰᠡᠢᠷᠡᠭ᠌ᠵᠢᠬᠦ᠌ᠶ᠋ᠢ ᠣᠨᠣᠱᠢᠯᠠᠨ ᠵᠠᠰᠠᠬᠤ ᠠᠵᠢᠯᠢ ᠪᠣᠯᠪᠠᠰᠤᠷᠠᠩᠭᠤᠢ ᠡᠵᠡᠮᠱᠢᠵᠦ᠍᠂ ᠤᠯᠤᠰ᠂ ᠥᠪᠡᠷᠲᠡᠭᠡᠨ
ᠵᠠᠰᠠᠬᠤ ᠣᠷᠣᠨᠤ ᠲᠡᠰᠤᠨ ᠤᠯᠠᠨ ᠵᠦᠢᠯᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠲᠦᠷᠦᠯ ᠵᠦᠢᠯᠳᠦ ᠣᠷᠣᠯᠴᠠᠵᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ ᠤᠨᠴᠠᠯᠢᠬ᠍ᠳᠤ
ᠳᠠᠪᠠᠭᠤᠯᠢᠭᠳᠦ ᠭᠣᠣᠯᠳᠠᠯᠭᠠᠲᠠᠶ ᠲᠤᠰᠭᠠᠢ ᠰᠠᠯᠠᠭᠠᠨᠤ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠠᠵᠢᠯ᠂ ᠬᠥᠬᠡᠬᠣᠲᠠᠶ᠋ᠢᠨ
ᠮᠣᠩᠭᠣᠯ ᠬᠢᠲᠠᠳ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ ᠶᠠᠰᠤᠨᠤ ᠡᠳ᠋ ᠰᠡᠢᠷᠡᠭ᠌ᠵᠢᠬᠦ᠌ᠶ᠋ᠢ
ᠡᠮᠨᠡᠨ ᠵᠠᠰᠠᠬᠤ ᠤᠯᠠᠨ ᠤᠯᠤᠰᠤᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠠᠺᠠᠳᠧᠮᠢᠴᠢᠶ᠋ᠢᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨᠦ ᠦᠷᠳᠡᠭᠡᠶ᠋ᠢᠨ
ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠠᠵᠢᠯᠳᠦ ᠭᠤᠤᠯ ᠤᠷᠤᠯᠴᠠᠵᠤ ᠪᠠᠢᠬᠤ ᠪᠦᠬᠡᠳ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ ᠶᠠᠰᠤᠨᠤ ᠭᠡᠮᠲᠦᠯᠦᠨ ᠲᠣᠭᠠᠴᠢᠯᠠᠭ᠍ᠰᠠᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠲᠥᠪᠦᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭᠤᠨ
ᠡᠷᠬᠢᠯᠡᠭ᠌ᠴᠢᠶ᠋ᠢᠨ ᠲᠤᠱᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃
ᠶᠠᠰᠤᠨᠤ᠋ ᠬᠡᠮᠳᠦᠯᠤᠨ ᠰᠠᠯᠠᠭᠠᠳᠤ ᠠᠵᠢᠯᠯᠠᠭ᠍ᠰᠠᠨ 4 ᠵᠢᠯᠭᠠᠷᠤᠢ ᠵᠢᠨ ᠲᠤᠷᠰᠢ᠂ ᠲᠡᠷᠡ ᠪᠡᠷ ᠡᠪᠡᠳᠴᠢᠲᠡᠨ ᠨᠢᠭᠡᠪᠦᠷᠢᠳᠤ
ᠦᠪᠡᠷᠤᠨ ᠡᠯᠢᠭᠡᠨ ᠰᠠᠳᠤᠨᠵᠢᠡᠨ ᠰᠢᠬ ᠡᠶᠡᠯᠳᠡᠭ ᠲᠤᠳᠤᠨᠤ ᠬᠠᠨᠳᠦᠵᠦ᠂ ᠡᠪᠡᠳᠴᠢᠲᠡᠨᠦ ᠪᠡᠨ ᠢᠳᠡᠭᠡᠯ ᠬᠦᠨᠳᠦᠵᠢ
ᠤᠯᠤᠭᠰᠠᠨ ᠪᠠᠢᠨᠠ᠃ ᠡᠳᠦᠷ ᠲᠤᠲᠤᠮᠤᠨ ᠣᠨᠣᠱᠢᠯᠠᠨ ᠵᠠᠰᠠᠬᠤ ᠠᠵᠢᠯᠳᠤᠮᠳᠠ ᠪᠡᠨ᠂ ᠰᠤᠷᠤᠨᠠ ᠡᠮᠴᠢ ᠡᠪᠡᠳᠴᠢᠲᠡᠨ
ᠨᠢᠭᠡᠪᠦᠷᠢᠶ᠋ᠢᠨ ᠡᠪᠡᠳᠴᠢᠨᠦ ᠪᠠᠢᠳᠠᠯᠢ ᠬᠦᠯᠢᠴᠡᠩᠭᠦᠶ ᠪᠥᠭᠡᠳ ᠨᠢᠮᠪᠠᠢ ᠵᠠᠳᠠᠯᠵᠤ᠂ ᠲᠡᠳᠡᠨ ᠤ᠋ ᠡᠪᠡᠳᠴᠢᠨᠦ
ᠪᠠᠢᠳᠠᠯ᠂ ᠪᠡᠶᠡ ᠮᠠᠬᠠᠪᠣᠳᠢ ᠦᠨᠳᠦᠰᠦᠯᠡᠨ᠂ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠲᠠᠯᠠᠠᠴᠠ ᠡᠪᠡᠳᠴᠢᠨᠤ ᠰᠢᠯᠳᠠᠭᠠᠨᠢ ᠨᠠᠷᠢᠨ ᠬᠢᠨᠠᠮᠠᠭᠠᠶ ᠵᠠᠳᠠᠯᠤᠨ ᠱᠢᠨᠵᠢᠯᠡᠵᠦ᠍᠂ ᠡᠮᠨᠡᠨ ᠵᠠᠰᠠᠬᠤ
ᠲᠥᠰᠦᠯᠵᠢᠡᠨ ᠲᠣᠭ᠍ᠲᠠᠭᠠᠳᠠᠭ᠃
2021 ᠤᠨᠦ 8 ᠰᠠᠷᠠ ᠳ᠋ᠤ ᠳᠤᠬᠢᠶᠠᠯᠳᠤᠭᠰᠠᠨ ᠤᠴᠢᠷ ᠪᠢᠯᠡ᠃ 16 ᠨᠠᠰᠤᠲᠠᠢ ᠺᠦᠡᠭ ᠣᠪᠣᠭ᠍ᠲᠤ᠂ ᠬᠥᠳᠡᠯᠵᠦ ᠪᠠᠷᠢᠬᠤᠳᠦᠨᠢ ᠰᠠᠭᠠᠳ ᠤᠴᠠᠷᠠᠵᠦ᠂ 20 ᠡᠳᠦᠷᠦᠨ ᠬᠢᠨᠢ ᠳᠠᠷᠠᠭᠠ ᠰᠤᠷᠤᠨᠠ ᠡᠮᠴᠢ ᠪᠡᠷ ᠢᠷᠡᠵᠦ ᠡᠮᠨᠡᠬᠦᠯᠪᠡ᠃
ᠡᠭᠦᠨᠡᠴᠡ ᠡᠮᠦᠨᠡ ᠲᠤᠰ ᠡᠪᠡᠳᠴᠢᠳᠡᠨ ᠨᠢᠭᠡᠨᠳᠡ ᠪᠤᠰᠤᠳ ᠡᠮᠨᠡᠯᠭᠡᠵᠢᠨ ᠬᠤᠷᠢᠶᠠᠵᠢᠨ ᠡᠭᠦᠳᠡᠨ ᠡᠮᠨᠡᠯᠭᠡᠳᠦ
ᠬᠦᠷᠴᠦ ᠬᠦᠵᠦᠭᠦᠦ ᠰᠡᠭᠡᠷ ᠴᠡᠭᠡᠵᠢᠨᠤ ᠴᠥᠮᠡᠶ᠋ᠢᠨ ᠰᠣᠷᠢᠨᠵᠢᠨᠤ ᠪᠠᠢᠴᠠᠭᠠᠯᠳᠠ᠂ ᠲᠣᠯᠣᠭᠠᠢᠶ᠋ᠢᠨ ᠬᠡᠰᠡᠭᠦᠨ
CT ᠪᠠᠢᠴᠠᠭᠠᠯᠳᠠ ᠵᠢᠴᠢ ᠡᠯᠡ ᠵᠦᠢᠯᠦᠨ ᠭᠦᠢᠴᠡᠳᠭᠡᠬᠦ᠌ ᠲᠣᠭᠠᠶ᠋ᠢ ᠪᠠᠢᠴᠠᠭᠠᠭᠠᠳ ᠬᠡᠳᠦᠨ
ᠮᠢᠩᠭᠠᠨ ᠲᠦᠭᠦᠷᠢᠭ ᠵᠠᠷᠤᠴᠠᠭᠤᠯᠤᠭᠠᠳ ᠪᠠᠰᠠ ᠤᠨᠤᠪᠴᠢᠳᠠᠢ ᠦᠷᠡ ᠳ᠋ᠦᠩ ᠤᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠴᠠᠭᠠᠰᠢᠯᠠᠪᠠᠯ ᠡᠮᠴᠢ ᠡᠴᠡ ᠪᠤᠯᠴᠢᠡᠭ ᠮᠢᠬᠠᠨ ᠤ᠋ ᠠᠪᠴᠢᠯ ᠪᠠ ᠬᠠᠳᠠᠭᠤᠷᠠᠯ ᠡᠪᠡᠳᠴᠢᠨ（ᠶᠡᠷᠦᠳᠡᠬᠡᠨ ᠪᠠᠰᠠ ᠠᠭᠠᠵᠢᠮ ᠵᠢᠡᠷ ᠬᠦᠯᠳᠡᠬᠦ ᠡᠪᠡᠳᠴᠢᠨ）ᠭᠡᠵᠦ᠍ ᠮᠠᠭᠠᠳᠯᠠᠭᠠᠳ ᠪᠡᠭᠡᠵᠢᠩᠳᠦ ᠣᠴᠢᠵᠤ ᠡᠮᠨᠡᠭᠦᠯᠬᠦ᠌ᠵᠢ ᠰᠠᠨᠠᠭᠤᠯᠪᠠ᠃ ᠰᠤᠷᠤᠨᠠ ᠡᠮᠴᠢᠵᠢᠨ ᠤᠢᠯᠠᠭᠠᠭᠰᠠᠨᠵᠢᠡᠷ᠂ ᠡᠨᠡ ᠬᠡᠦᠬᠡᠳᠤᠨ ᠭᠡᠷ ᠨᠢ ᠬᠥᠳᠡᠭᠡᠳᠦ
ᠪᠠᠢᠳᠠᠭ᠂ ᠠᠪᠤ ᠡᠵᠢᠨᠢ ᠦᠷᠭᠦᠯᠵᠢ ᠭᠠᠳᠠᠭ᠍ᠰᠢ ᠭᠠᠷᠴᠤ᠌ ᠬᠥᠯᠥᠰᠥᠨ ᠠᠵᠢᠯ ᠬᠢᠵᠦ᠂ ᠥᠪᠡᠷᠢᠶᠡᠨ ᠬᠣᠭᠣᠯᠠ ᠬᠢᠵᠦ᠍
ᠴᠢᠳᠠᠬᠤ ᠥᠬᠡᠶ ᠪᠣᠯᠬᠣᠷ ᠳᠣᠯᠣᠭᠠ ᠨᠠᠶ᠋ᠮᠠᠨ ᠨᠠᠰᠤᠨᠠᠴᠠ ᠪᠡᠨ ᠡᠬᠢᠯᠡᠨ ᠡᠳᠦᠷ ᠪᠦᠷᠢ ᠲᠥᠬᠥᠮ ᠮᠢᠨᠲᠤᠤᠷᠢᠶᠠᠷ
ᠭᠤᠤᠯ ᠢᠳᠡᠭᠡᠨ ᠪᠣᠯᠭᠠᠵᠤ ᠢᠷᠡᠵᠠᠢ᠂ ᠡᠭᠦᠨᠡᠴᠡ ᠡᠮᠦᠨᠡ ᠦᠷᠭᠦᠯᠵᠢ ᠲᠣᠯᠣᠭᠠᠶ ᠡᠷᠭᠢᠬᠦ᠌ ᠵᠡᠷᠭᠡ ᠪᠠᠢᠳᠠᠯ
ᠭᠠᠷᠳᠠᠭ᠂ ᠡᠨᠡ ᠤᠳᠠᠭᠠ ᠡᠪᠡᠳᠴᠢᠯᠡᠬᠦ ᠡᠴᠡ ᠡᠮᠦᠨᠡ ᠪᠠᠰᠠ ᠨᠢᠭᠡ ᠰᠦᠨᠢ ᠴᠤᠩᠬᠤ ᠪᠡᠨ ᠨᠡᠭᠡᠭᠡᠵᠦ ᠤᠨᠳᠠᠭᠠᠳ
ᠬᠤᠯᠠᠭᠠᠢ ᠵᠢᠪᠠᠷ ᠲᠦ᠍ ᠴᠤᠬᠢᠭᠤᠯᠤᠭᠰᠠᠨ ᠮᠠᠭᠠᠳ ᠬᠡᠨᠡ᠃ ᠡᠳᠡᠭᠡᠷ ᠪᠠᠢᠳᠠᠯᠢ ᠣᠢᠯᠠᠭᠠᠭ᠍ᠰᠠᠨ ᠤ ᠳᠠᠷᠠᠭᠠ᠂
ᠰᠤᠷᠤᠨᠠ ᠡᠮᠴᠢ ᠡᠷᠭᠢᠨ ᠲᠣᠭᠣᠷᠢᠨᠤ ᠬᠥᠮᠦᠰᠦᠨ ᠤᠯᠠᠨᠳᠠ ᠢᠳᠭᠠᠭᠰᠠᠨ ᠳᠠᠷᠤᠯᠲᠠ ᠶ᠋ᠢᠨ ᠳᠤᠤᠷᠠ ᠡᠪᠡᠳᠴᠢᠲᠡᠨᠢ ᠬᠡᠳᠦᠨ ᠡᠳᠦᠷ ᠦᠯᠡᠳᠡᠭᠡᠨ
ᠡᠮᠨᠡᠨ ᠵᠠᠰᠠᠬᠤᠪᠠᠷ ᠰᠡᠳᠬᠢᠯ ᠰᠢᠭᠤᠳᠪᠠ᠃ ᠤᠴᠢᠷᠨᠢ᠂ ᠬᠡᠷᠪᠡ ᠲᠡᠷᠡ ᠬᠦᠯᠢᠶᠡᠨ ᠠᠪᠴᠦ ᠡᠮᠨᠡᠨ ᠵᠠᠰᠠᠬᠤ ᠦᠭᠡᠢ
ᠪᠤᠯ ᠡᠪᠡᠳᠴᠢᠲᠡᠨ ᠨᠠᠩ ᠣᠯᠠᠨ ᠵᠤᠭᠤᠰ ᠮᠦᠩᠬᠦ ᠵᠠᠷᠤᠴᠠᠭᠤᠯᠵᠤ᠂ ᠠᠮᠢᠳᠤᠷᠠᠯᠳᠠᠭᠠᠨ ᠨᠡᠩ ᠶᠡᠬᠡ ᠳᠠᠷᠤᠭᠠᠰᠦ ᠠᠪᠴᠢᠷᠠᠬᠤ ᠡᠴᠡ ᠵᠤᠪᠠᠨᠢᠵᠦ᠂ ᠴᠢᠨᠠᠭ᠍ᠰᠢᠯᠠᠨ
ᠡᠮᠨᠡᠬᠦᠯᠬᠦ ᠪᠡᠨ ᠵᠤᠭᠰᠤᠵᠦ ᠴᠸ᠋ ᠮᠡᠳᠡᠨᠠ ᠭᠡᠳᠡᠭᠢ ᠲᠡᠷᠡ ᠰᠠᠢᠨ ᠮᠡᠳᠡᠨᠡ᠃《ᠰᠠᠢᠨ ᠰᠠᠨᠠᠭᠠᠨᠤ ᠦᠵᠦᠬᠦᠷ ᠰᠦ》 ᠭᠡᠳᠡᠭᠴᠢᠯᠡᠨ᠂
ᠡᠳᠦᠷ ᠪᠦᠷᠢ ᠵᠡᠭᠦᠦ ᠲᠥᠭᠡᠨᠡᠯᠭᠡ᠂ ᠠᠬᠢ ᠡᠪᠡᠰᠦᠨᠤ ᠲᠥᠭᠡᠨᠡᠯᠭᠡᠶ᠋ᠢ ᠮᠣᠩᠭᠣᠯ ᠡᠮ ᠲᠠᠢ ᠤᠶᠠᠯᠳᠤᠭᠤᠯᠤᠨ
ᠵᠠᠰᠠᠭᠰᠠᠨ ᠵᠢᠡᠷ ᠡᠪᠡᠳᠴᠢᠲᠡᠨᠦ ᠡᠪᠡᠳᠬᠦ᠌ ᠨᠢ ᠮᠠᠰᠢ ᠲᠦᠷᠭᠡᠨ ᠨᠠᠮᠳᠠᠵᠤ᠂ ᠬᠡᠪᠦᠨ ᠪᠠᠢᠳᠠᠯᠢᠶᠠᠷ ᠶᠠᠪᠤᠵᠤ
ᠰᠠᠭᠤᠵᠦ ᠴᠢᠳᠠᠬᠤ ᠪᠤᠯᠵᠠᠢ᠃ ᠡᠪᠡᠳᠴᠢᠨ ᠨᠢ ᠢᠯᠡᠷᠢᠰᠢᠵᠦ᠂ ᠡᠨᠡ ᠬᠡᠦᠬᠡᠳ ᠰᠤᠷᠤᠨᠠ ᠡᠮᠴᠢᠳᠦ ᠲᠠᠯᠠᠷᠬᠠᠭᠰᠠᠨ
ᠰᠡᠳᠬᠢᠯᠭᠡ ᠪᠡᠨ ᠢᠯᠡᠳᠬᠡᠬᠦ ᠪᠡᠷ ᠬᠡᠮᠡᠷᠯᠢᠭ ᠲᠤᠭ ᠬᠦᠷᠭᠡᠵᠦ᠄ 《ᠪᠢ ᠡᠨᠳᠡ ᠢᠷᠡᠭᠡᠳ
ᠳᠡᠮᠡᠢ ᠵᠣᠭᠣᠰ ᠵᠠᠷᠤᠴᠠᠭᠤᠯᠤᠭᠰᠠᠨ ᠦᠭᠡᠢ ᠪᠡᠷ ᠬᠠᠷᠢᠨ
ᠡᠳᠡᠭᠡᠷᠡᠴᠢᠬᠡᠯᠡ》ᠭᠡᠪᠡ᠃ ᠬᠡᠮᠡᠷᠯᠢᠭ ᠲᠤᠭ ᠲᠤᠰᠤᠭᠰᠠᠨ ᠰᠤᠷᠤᠨᠠ ᠡᠮᠴᠢ ᠬᠠᠷᠢᠨ ᠪᠤᠳᠤᠯᠳᠠᠭᠠᠨ ᠠᠪᠳᠠᠨ ᠳᠤᠭᠤᠢᠬᠠᠨ
ᠰᠠᠭᠤᠨᠠ᠂ ᠬᠠᠮᠳᠦ ᠠᠵᠢᠯᠯᠠᠭᠰᠠᠳ ᠨᠢ《ᠬᠡᠮᠡᠷᠯᠢᠭ ᠲᠤᠭ
ᠲᠤᠰᠴᠢᠬᠠᠭᠠᠳ ᠶᠠᠭᠠᠬᠢᠭᠠᠳ ᠭᠡᠳᠡᠷᠬᠦ ᠪᠡᠨ ᠵᠤᠪᠠᠴᠢᠬᠠᠭᠰᠠᠨ ᠶᠤᠮ ᠪᠤᠢ》ᠭᠡᠵᠦ ᠭᠠᠢᠬᠠᠬᠤ ᠪᠡᠷ᠂ 《ᠭᠡᠷᠪᠡ ᠡᠨᠡ
ᠬᠡᠦᠬᠡᠳᠤᠨ ᠪᠡᠶᠡ ᠮᠠᠬᠠᠪᠣᠳ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠵᠡᠷᠭᠡ
ᠨᠢ ᠰᠠᠢᠵᠢᠷᠠᠬᠤ ᠦᠭᠡᠢ ᠪᠣᠯ ᠳᠠᠬᠢᠭᠠᠳ ᠡᠪᠡᠳᠴᠢᠯᠡᠬᠦ ᠪᠣᠯᠤᠯᠴᠠᠭᠠᠲᠠᠶ᠂ ᠮᠢᠨᠤ ᠮᠡᠷᠭᠡᠵᠢᠯ ᠠᠨᠠᠢ ᠡᠴᠡ
ᠪᠤᠯᠵᠦ ᠡᠪᠡᠳᠴᠢᠨᠢ ᠨᠢ ᠬᠤᠭ ᠦᠭᠡᠢ ᠡᠳᠡᠭᠡᠷᠡᠬᠦᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ》 ᠭᠡᠵᠦ ᠬᠠᠷᠢᠨ ᠪᠡᠶᠡ ᠪᠡᠨ ᠵᠢᠮᠡᠯᠡᠨᠠ᠃
ᠡᠪᠡᠳᠴᠢᠲᠡᠨᠢ ᠨᠡᠩ ᠰᠠᠢᠲᠤᠷ ᠡᠮᠨᠡᠨ ᠵᠠᠰᠠᠵᠤ᠂ ᠡᠪᠡᠳᠴᠢᠨ ᠵᠤᠪᠠᠯᠠᠩ
ᠡᠴᠡ ᠨᠢ ᠰᠠᠯᠭᠠᠬᠤᠶ᠋ᠢᠨ ᠲᠥᠯᠥᠭᠡ ᠰᠤᠷᠤᠨᠠ ᠡᠮᠴᠢ ᠰᠤᠷᠤᠯᠴᠠᠯᠭᠠ ᠪᠠᠨ ᠶᠠᠷᠤ ᠡᠴᠡ ᠪᠠᠷᠢᠮᠳᠠᠯᠠᠨᠠ᠃ ᠲᠡᠷᠡ
ᠥᠪᠡᠷᠦᠨ ᠬᠠᠳᠠᠭᠠᠯᠠᠮᠵᠢᠪᠠᠷᠢᠶᠠᠨ ᠤᠷᠢᠳ ᠬᠣᠵᠢᠳ ᠱᠠᠩᠬᠠᠢ᠂ ᠬᠠᠷᠪᠢᠨ᠂ ᠯᠢᠨ ᠹᠸᠨ᠂ ᠵᠧᠩᠵᠧᠦ᠂ ᠢᠷᠭᠠᠢ ᠵᠡᠷᠭᠡ
ᠭᠠᠵᠠᠷᠲᠤ ᠬᠦᠷᠴᠦ᠍ ᠡᠪᠡᠳᠬᠦᠢᠶ᠋ᠢᠨ ᠤᠬᠠᠭᠠᠨ᠂ ᠵᠥᠭᠡᠯᠡᠨ ᠨᠡᠬᠡᠳᠡᠰᠦᠶ᠋ᠢᠨ ᠭᠠᠳᠠᠷ ᠡᠮᠨᠡᠯᠭᠡᠵᠢᠨ ᠤᠬᠠᠭᠠᠨ᠂
ᠬᠥᠮᠦᠨᠦ ᠪᠡᠶᠡᠶ᠋ᠢᠨ ᠲᠤᠶᠠᠴᠢᠯᠠᠯᠲᠠ ᠵᠡᠷᠭᠡᠶ᠋ᠢ ᠰᠤᠷᠤᠯᠴᠠᠪᠠ； ᠪᠠᠰᠠ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠪᠠᠨ ᠠᠱᠢᠭ᠍ᠯᠠᠠ ᠲᠤᠶᠠᠴᠢᠬᠤ ᠳᠠᠰᠤᠭᠲᠤ ᠣᠴᠢᠵᠤ ᠰᠤᠳᠤᠯᠤᠨ
ᠰᠤᠷᠤᠯᠴᠠᠨᠠ᠃
ᠰᠤᠷᠤᠨᠠ ᠡᠮᠴᠢᠳᠦ ᠠᠪᠴᠦ ᠬᠡᠯᠡᠪᠡᠯ᠂ ᠬᠡᠪᠦᠨ ᠶᠣᠰᠣᠭᠠᠷ ᠠᠵᠢᠯᠠᠴᠠᠪᠠᠨ
ᠪᠠᠭᠤᠵᠤ ᠳᠡᠢᠯᠬᠦ᠌ ᠦᠭᠡᠢ᠂ ᠪᠠᠶᠠᠷ ᠳᠤᠷᠠᠰᠭᠠᠯ ᠠᠮᠠᠷᠠᠯᠲᠠᠶ᠋ᠢᠨ ᠡᠳᠦᠷ ᠴᠦ᠍ ᠠᠵᠢᠯ ᠳ᠋ᠠᠭᠠᠨ ᠶᠠᠭᠠᠷᠠᠬᠤ
ᠨᠢ ᠬᠡᠪᠦᠨ ᠶᠠᠪᠤᠳᠠᠯ ᠭᠡᠯᠳᠠᠢ᠃ 《ᠡᠬᠢᠯᠡᠵᠦ ᠠᠵᠢᠯᠯᠠᠭᠰᠠᠨ
ᠬᠣᠶᠠᠷ ᠵᠢᠯ ᠭᠠᠷᠤᠢ ᠳ᠋ᠤ ᠪᠦᠷ ᠰᠦᠨᠢ ᠳᠤᠮᠳᠠ ᠪᠣᠯᠲᠠᠯᠠ ᠠᠵᠢᠯᠯᠠᠳᠠᠭ᠂ ᠬᠡᠳᠦᠢᠪᠡᠷ ᠶᠠᠳᠠᠷᠠᠯᠲᠠᠢ ᠪᠣᠯᠪᠠᠴᠤ᠌᠂ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠳᠠᠭᠠᠨ
ᠨᠡᠩ ᠴᠠᠭᠠᠷᠠᠵᠠᠢ᠂ ᠲᠡᠢᠮᠦ ᠪᠤᠯᠬᠤᠷ ᠪᠢ ᠲᠤᠩ ᠰᠡᠳᠬᠢᠯ ᠬᠠᠨᠤᠮᠵᠢᠲᠠᠢ᠃ ᠡᠪᠡᠳᠴᠢᠲᠡᠨᠤ ᠴᠢᠷᠠᠢᠳᠦ ᠳᠤᠳᠤᠷᠠᠭᠰᠠᠨ
ᠪᠠᠶᠠᠷᠤᠨ ᠮᠦᠰᠢᠶᠡᠳᠦ ᠪᠤᠯ ᠳᠠᠷᠤᠢ ᠨᠠᠳᠠᠳᠤ ᠤᠯᠭᠤᠭᠰᠠᠨ ᠬᠠᠮᠤᠭᠤᠨ ᠶᠡᠬᠡ ᠵᠣᠷᠢᠭ᠍ᠵᠢᠭᠤᠯᠤᠯ ᠪᠣᠯᠤᠨᠠ》ᠭᠡᠵᠦ ᠰᠤᠷᠤᠨᠠ ᠤᠴᠢᠷᠯᠠᠨᠠ᠃
ᠠᠷᠠᠳ ᠲᠦᠮᠡᠨᠢ ᠳᠡᠭᠡᠳᠦᠯᠡᠬᠦ᠌᠂ ᠠᠮᠢ ᠨᠠᠰᠤᠶ᠋ᠢ ᠳᠡᠭᠡᠳᠦᠯᠡᠬᠦ᠌
ᠢᠲᠡᠭᠡᠯ ᠪᠢᠱᠢᠷᠡᠯᠢ ᠴᠠᠭ ᠢᠮᠠᠭ᠍ᠲᠠ ᠪᠠᠲᠤ ᠰᠠᠬᠢᠵᠤ᠂ ᠤᠭ ᠰᠠᠨᠠᠭᠠᠪᠠᠨ ᠪᠠᠲᠤ ᠰᠠᠬᠢᠨ᠂ ᠠᠮᠢ ᠨᠠᠰᠤᠵᠢ
ᠬᠠᠢᠷᠠᠯᠠᠨ ᠬᠢᠮᠠᠭᠠᠳᠠᠬᠤ ᠪᠣᠯ ᠰᠤᠷᠤᠨᠠ ᠡᠮᠴᠢᠵᠢᠨ ᠡᠬᠦᠷᠢᠳᠡᠵᠢᠨ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ᠂ ᠨᠢᠭᠡ ᠨᠠᠰᠤᠨᠤ
ᠬᠢᠨᠢ ᠡᠷᠢᠯ ᠬᠦᠬᠡᠬᠡᠴᠡᠯᠳᠦᠯ ᠪᠢᠯᠡ᠃