ᠳᠤᠮᠳᠠᠳᠤ᠎ᠶ᠋ᠢᠨ ᠰᠣᠶᠣᠯ ᠪᠣᠯᠤᠨ ᠦᠨᠳᠦᠰᠦᠲᠡᠨ ᠨᠤᠭᠦᠳ᠎ᠦᠨ ᠰᠣᠶᠣᠯ᠎ᠤᠨ ᠬᠠᠷᠢᠴᠠᠭ᠎ᠠ᠎ᠶ᠋ᠢ ᠡᠷᠬᠡᠪᠰᠢ ᠵᠥᠪ ᠡᠵᠡᠮᠳᠡᠵᠦ᠂ ᠦᠨᠳᠦᠰᠦᠲᠡᠨ᠎ᠨᠦᠭᠦᠳ᠎ᠦᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠪᠣᠯ ᠴᠥᠮ ᠳᠤᠮᠳᠠᠳᠤ᠎ᠶ᠋ᠢᠨ ᠰᠣᠶᠣᠯ᠎ᠤᠨ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠮᠥᠨ᠂ ᠳᠤᠮᠳᠠᠳᠤ᠎ᠶ᠋ᠢᠨ ᠰᠣᠶᠣᠯ ᠪᠣᠯ ᠭᠣᠣᠯ ᠡᠰᠢ ᠮᠥᠨ᠂ ᠦᠨᠳᠦᠰᠦᠲᠡᠨ᠎ᠨᠦᠭᠦᠳ᠎ᠦᠨ ᠰᠣᠶᠣᠯ ᠪᠣᠯ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ ᠮᠥᠨ᠂ ᠦᠨᠳᠦᠰᠦ ᠭᠦᠨ ᠡᠰᠢ ᠨᠢ ᠪᠦᠳᠦᠭᠦᠨ ᠪᠠᠢᠪᠠᠯ ᠰᠠᠶᠢ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ ᠨᠢ ᠢᠭ᠍ᠴᠤ ᠰᠠᠬᠤᠯᠢᠭ ᠤᠷᠭᠤᠵᠤ ᠴᠢᠳᠠᠨ᠎ᠠ᠃ ᠪᠣᠳᠠᠰ ᠪᠣᠯᠤᠨ ᠤᠶᠤᠨ ᠰᠠᠨᠠᠭᠠᠨ᠎ᠤ ᠬᠠᠷᠢᠴᠠᠭ᠎ᠠ᠎ᠶ᠋ᠢ ᠵᠥᠪ ᠡᠵᠡᠮᠳᠡᠵᠦ᠍᠂ ᠪᠤᠢ ᠪᠦᠬᠦᠢ ᠥᠭᠡᠷᠡᠴᠢᠯᠡᠯᠲᠡ ᠬᠥᠭ᠌ᠵᠢᠯᠲᠡ᠎ᠳᠦ ᠳᠤᠮᠳᠠᠳᠤ᠎ᠶ᠋ᠢᠨ ᠦᠨᠳᠦᠰᠦᠲᠡᠨ᠎ᠦ ᠬᠠᠮᠲᠤ᠎ᠶ᠋ᠢᠨ ᠴᠣᠭ᠍ᠴᠠ᠎ᠶ᠋ᠢᠨ ᠤᠬᠠᠮᠰᠠᠷ᠎ᠢ ᠢᠯᠡᠷᠡᠭᠦᠯᠬᠦ᠌ ᠠᠴᠢ ᠬᠣᠯᠪᠣᠭ᠍ᠳᠠᠯ᠂ ᠨᠢᠭᠡᠳᠦᠯ᠎ᠢ ᠬᠠᠮᠠᠭᠠᠯᠠᠬᠤ᠂ ᠬᠠᠭᠠᠴᠠᠭᠤᠯᠬᠤ᠎ᠶ᠋ᠢ ᠡᠰᠡᠷᠭᠦᠴᠡᠬᠦ᠌ ᠠᠴᠢ ᠬᠣᠯᠪᠣᠭ᠍ᠳᠠᠯ᠂ ᠠᠷᠠᠳ᠎ᠤᠨ ᠠᠮᠢᠳᠤᠷᠠᠯ᠎ᠢ ᠰᠠᠢᠵᠢᠷᠠᠭᠤᠯᠬᠤ᠂ ᠬᠥᠮᠦᠰ᠎ᠦᠨ ᠰᠡᠳᠭᠢᠯ᠎ᠢ ᠨᠢᠭ᠍ᠲᠠᠷᠠᠭᠤᠯᠬᠤ ᠠᠴᠢ ᠬᠣᠯᠪᠣᠭ᠍ᠳᠠᠯ ᠣᠯᠭᠣᠵᠤ᠂ ᠳᠤᠮᠳᠠᠳᠤ᠎ᠶ᠋ᠢᠨ ᠦᠨᠳᠦᠰᠦᠲᠡᠨ᠎ᠦ ᠬᠠᠮᠲᠤ᠎ᠶ᠋ᠢᠨ ᠴᠣᠭ᠍ᠴᠠ᠎ᠶ᠋ᠢ ᠡᠪᠳᠡᠷᠡᠰᠢ ᠦᠭᠡᠢ ᠪᠠᠲᠤ ᠪᠡᠬᠢ ᠪᠣᠯᠭᠠᠬᠤ ᠬᠡᠷᠡᠭ᠌ᠲᠡᠢ᠃

— ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠎ᠦᠨ ᠲᠥᠪ᠎ᠦᠨ ᠦᠨᠳᠦᠰᠦᠲᠡᠨ᠎ᠦ ᠠᠵᠢᠯ᠎ᠤᠨ ᠬᠤᠷᠠᠯ ᠳᠡᠭᠡᠷᠡᠬᠢ ᠶᠠᠷᠢᠶ᠎ᠠ᠎ᠠᠴᠠ （2021 ᠣᠨ᠎ᠤ 8 ᠰᠠᠷ᠎ᠠ᠎ᠶ᠋ᠢᠨ 28 ᠎ᠤ ᠡᠳᠦᠷ）

ᠪᠠᠯᠠᠷ ᠡᠷᠲᠡᠨ᠎ᠦ ᠳᠣᠮᠣᠭ ᠶᠠᠷᠢᠶᠠᠨ᠎ᠳᠠᠬᠢ ᠨᠢᠦᠢ ᠸᠠ ᠰᠢᠪᠠᠷ ᠵᠢᠡᠷ ᠬᠥᠮᠦᠨ ᠪᠦᠲᠦᠭᠡᠭ᠌ᠰᠡᠨ᠎ᠡᠴᠡ ᠬᠣᠩᠱᠠᠨ ᠰᠣᠶᠣᠯ᠎ᠤᠨ ᠨᠢᠦ ᠯᠢᠶᠠᠩ ᠾᠧ ᠵᠢᠨ ᠳᠠᠬᠢᠨᠢ ᠵᠢᠨ ᠰᠦᠮ᠎ᠡ᠎ᠶ᠋ᠢᠨ ᠳᠠᠭᠢᠨᠢ᠎ᠶ᠋ᠢᠨ ᠬᠦᠷᠦᠭ ᠬᠦᠷᠲᠡᠯ᠎ᠡ᠂ ᠰᠠᠬᠢᠭᠤᠯᠰᠤᠨ ᠱᠢᠪᠠᠷ᠎ᠢᠶᠠᠷ ᠬᠥᠮᠦᠨ ᠵᠤᠬᠢᠶᠠᠵᠤ᠂ ᠬᠥᠮᠦᠨ ᠱᠢᠪᠠᠷ᠎ᠢᠶᠠᠷ ᠰᠠᠬᠢᠭᠤᠯᠰᠤᠨ ᠱᠤᠭᠤᠵᠠᠢ ； ᠴᠢᠨ ᠤᠯᠤᠰ᠎ᠠᠴᠠ ᠡᠮᠦᠨᠡᠬᠢ ᠦᠶ᠎ᠡ᠎ᠶ᠋ᠢᠨ ᠪᠣᠭᠣᠯ᠎ᠤᠨ ᠱᠢᠪᠠᠷ ᠬᠡᠦᠬᠡᠯᠲᠠᠢ᠂ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰ᠎ᠤᠨ ᠦᠶ᠎ᠡ᠎ᠵᠢᠨ ᠡᠯ᠎ᠡ ᠵᠦᠢᠯ᠎ᠦᠨ ᠸᠠᠭᠠᠷ ᠱᠤᠭᠤᠮᠠᠯ ᠂ ᠰᠦᠶ ᠤᠯᠤᠰ ᠲᠠᠩ ᠤᠯᠤᠰ᠎ᠠᠴᠠ ᠬᠤᠢᠨᠠᠬᠢ ᠰᠦᠮ᠎ᠡ ᠬᠡᠢᠳ᠎ᠦᠨ ᠱᠤᠭᠤᠮᠠᠯ᠎ᠠᠴᠠ ᠰᠦᠩ ᠤᠯᠤᠰ᠂ ᠶᠤᠸᠠᠨ ᠤᠯᠤᠰ᠂ ᠮᠢᠩ ᠤᠯᠤᠰ᠂ ᠴᠢᠩ ᠤᠯᠤᠰ᠎ᠤᠨ ᠦᠶ᠎ᠡ᠎ᠡᠴᠡ ᠨᠠᠭᠠᠱᠢᠬᠢ ᠡᠯ᠎ᠡ ᠵᠦᠢᠯ᠎ᠦᠨ ᠠᠷᠠᠳ᠎ᠤᠨ ᠱᠢᠪᠠᠷ ᠱᠤᠭᠤᠮᠠᠯ ᠬᠦᠷᠲᠡᠯ᠎ᠡ ᠴᠥᠮ ᠱᠤᠭᠤᠮᠠᠯ᠎ᠤᠨ ᠤᠷ᠎ᠠ ᠮᠡᠷᠭᠡᠵᠢᠯ ᠪᠠ ᠥᠩᠭᠡ ᠪᠤᠳᠤᠭ᠎ᠤᠨ ᠭᠤᠢᠳᠠ ᠰᠠᠢᠬᠠᠨ᠎ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠶᠤᠮ ᠁ ᠲᠠᠪᠤᠨ ᠮᠢᠩᠭᠠᠨ ᠵᠢᠯ᠎ᠦᠨ ᠲᠤᠷᠰᠢ᠂ ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠱᠢᠪᠠᠷ ᠱᠤᠭᠤᠮᠠᠯ ᠤᠷᠠᠯᠢᠭ᠎ᠤᠨ ᠷᠢᠳᠢ ᠰᠢᠳᠢ ᠪᠠᠨ ᠭᠠᠢᠬᠠᠭᠤᠯᠤᠨ᠂ ᠤᠷᠠᠯᠢᠭᠴᠢᠨ ᠴᠢᠳᠠᠪᠤᠷᠢᠲᠠᠨ ᠴᠣᠯᠭᠣᠷᠠᠵᠤ᠂ ᠦᠶ᠎ᠡ ᠤᠯᠠᠷᠢᠨ ᠤᠯᠠᠮᠵᠢᠯᠠᠭ᠍ᠳᠠᠭ᠍ᠰᠠᠭᠠᠷ ᠢᠷᠡᠵᠡᠶ᠃

ᠮᠠᠨ᠎ᠤ ᠣᠷᠣᠨ᠎ᠤ ᠪᠣᠳᠠᠰ᠎ᠤᠨ ᠪᠤᠰᠤ ᠰᠣᠶᠣᠯ᠎ᠤᠨ ᠥᠪ᠎ᠦᠨ ᠲᠥᠯᠥᠭᠡᠯᠡᠬᠦ᠌  ᠴᠢᠨᠠᠷᠲᠠᠶ ᠲᠥᠷᠥᠯ ᠵᠦᠶ᠋ᠯ ᠪᠣᠯᠬᠤ ᠡᠸ᠋ ᠤᠪᠤᠭᠲᠤ᠎ᠶ᠋ᠢᠨ ᠱᠢᠪᠠᠷ ᠱᠤᠭᠤᠮᠠᠯ ᠪᠣᠯ ᠮᠠᠨ᠎ᠤ ᠤᠯᠤᠰ᠎ᠤᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠤᠷᠠᠯᠢᠭ᠎ᠤᠨ ᠬᠦᠷᠢᠶᠠᠨ᠎ᠳᠡᠬᠢ ᠨᠢᠭᠡᠨ ᠬᠦᠢᠰ ᠴᠡᠴᠡᠭ ᠪᠤᠯᠵᠤ᠂ ᠲᠡᠦᠬᠡ ᠵᠢᠨ ᠤᠷᠴᠢᠯ᠎ᠳᠤ ᠬᠡᠷᠡᠯ ᠭᠢᠯᠪᠠᠭ᠎ᠠ᠎ᠪᠠᠨ ᠰᠠᠴᠤᠷᠠᠭᠤᠯᠤᠭᠰᠠᠨ ᠪᠠᠢᠨ᠎ᠠ᠃

300 ᠭᠠᠷᠤᠶ ᠵᠢᠯ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠰᠢᠪᠠᠷ ᠱᠤᠭᠤᠮᠠᠯ

ᠡᠨᠡ ᠵᠢᠯ 54 ᠨᠠᠰᠤᠲᠠᠢ ᠡᠸ᠋ ᠸᠸᠨ ᠱᠧᠩ ᠪᠤᠯ ᠬᠥᠬᠡᠬᠣᠲᠠ᠎ᠶ᠋ᠢᠨ ᠬᠣᠷᠢᠨᠭᠡᠷ ᠱᠢᠶᠠᠨ᠎ᠤ ᠱᠠᠪᠠᠬᠠᠢ ᠱᠢᠶᠠᠩ᠎ᠤᠨ ᠪᠠᠷᠠᠭᠤᠨ ᠴᠠᠭᠠᠨᠲᠦ ᠲᠣᠰᠭᠣᠨ᠎ᠳᠤ ᠲᠦᠷᠦᠵᠠᠢ᠂ ᠲᠡᠷᠡ ᠪᠣᠯ ᠡᠸ᠋ ᠣᠪᠣᠭ᠍ᠲᠤ᠎ᠶ᠋ᠢᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠳᠣᠯᠣᠳᠤᠭᠠᠷ ᠦᠶ᠎ᠡ᠎ᠶ᠋ᠢᠨ ᠵᠠᠯᠭᠠᠮᠵᠢᠯᠠᠭ᠍ᠴᠢ ᠪᠣᠯᠤᠨ᠎ᠠ᠃ ᠡᠦ ᠣᠪᠣᠭ᠍ᠲᠤ᠎ᠶ᠋ᠢᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠲᠡᠦᠬᠡᠨ ᠡᠬᠢ ᠰᠤᠷᠪᠤᠯᠵᠢ᠎ᠶ᠋ᠢ ᠶᠠᠷᠢᠬᠤ᠎ᠳᠤ ᠡᠦ ᠸᠸᠨ ᠱᠧᠩ ᠣᠮᠣᠭ ᠪᠠᠬᠠᠳᠤᠯ᠎ᠤᠨ ᠢᠨᠢᠶᠡᠳᠦ ᠲᠣᠳᠣᠷᠠᠭᠤᠯᠵᠤ ᠄ 《 ᠪᠢᠳᠡ ᠨᠢᠭᠡᠨᠲᠡ 300 ᠭᠠᠷᠤᠶ ᠵᠢᠯ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠠᠶ》ᠭᠡᠵᠦ᠍ ᠬᠡᠯᠡᠭ᠌ᠰᠡᠨ᠎ᠢᠶᠡᠨ ᠰᠤᠷᠪᠤᠯᠵᠢᠯᠠᠭ᠍ᠴᠢ᠎ᠳᠤ 300 ᠭᠠᠷᠤᠢ ᠵᠢᠯ ᠬᠡᠷᠡᠭ᠌ᠯᠡᠭ᠌ᠰᠡᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠬᠡᠪ ᠵᠢᠡᠨ ᠳᠡᠯᠭᠡᠨ ᠦᠵᠡᠭᠦᠯᠦᠯ᠎ᠡ᠂ ᠬᠡᠪ᠎ᠢ ᠨᠢ ᠪᠠᠰᠠ ᠨᠠᠩᠬᠢ ᠱᠢᠪᠠᠷ᠎ᠢᠶᠠᠷ ᠬᠢᠵᠦ᠍ ᠂ ᠭᠦᠨ ᠭᠦᠶᠦᠭᠡᠨ ᠨᠢ ᠠᠳᠠᠯᠢ ᠪᠤᠰᠤ ᠴᠠᠪᠠ ᠭᠠᠷᠤᠭᠰᠠᠨ ᠬᠡᠰᠡᠭ᠎ᠢ ᠭᠣᠮ ᠪᠦᠰ᠎ᠢᠶᠡᠷ ᠨᠠᠭᠠᠵᠤ᠂ ᠤᠨ ᠵᠢᠯ᠎ᠦᠨ ᠤᠯᠠᠷᠢᠯ ᠬᠤᠪᠢᠰᠤᠯ᠎ᠢ ᠲᠣᠭᠠᠴᠢᠵᠤ ᠪᠠᠢᠯ᠎ᠠ᠃

ᠡᠦ ᠣᠪᠣᠭ᠍ᠲᠤ᠎ᠶ᠋ᠢᠨ ᠳᠡᠭᠡᠳᠦᠰ᠎ᠦᠨ ᠨᠤᠲᠤᠭ ᠨᠢ ᠱᠠᠨ ᠰᠢ᠎ᠶ᠋ᠢᠨ ᠱᠢᠨᠵᠸᠦ ᠪᠤᠯᠤᠨ᠎ᠠ᠂ ᠲᠩᠷᠢ ᠲᠡᠳᠬᠦᠭ᠌ᠴᠢ ᠬᠠᠭᠠᠨ᠎ᠤ ᠡᠬᠢᠨ᠎ᠦ ᠣᠨ᠎ᠳᠤ ᠬᠣᠷᠢᠨᠭᠡᠷ ᠱᠢᠶᠠᠨ᠎ᠳᠤ ᠢᠷᠡᠭᠡᠳ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠵᠢᠴᠢ ᠵᠢᠷᠤᠭ᠍ᠴᠢᠨ᠎ᠤ ᠠᠵᠢᠯ ᠬᠢᠵᠦ᠍᠂ ᠲᠠᠷᠢᠶᠠᠯᠠᠩ᠎ᠤᠨ ᠰᠤᠯᠠ ᠰᠡᠯᠡᠭᠦᠦ ᠴᠠᠭ ᠵᠢᠡᠷ ᠵᠢᠡᠨ ᠵᠢᠷᠤᠭ᠂ ᠲᠣᠰᠣ᠂ ᠱᠢᠪᠠᠷ ᠱᠤᠭᠤᠮᠠᠯ᠂ ᠨᠠᠭᠠᠬᠤ ᠵᠡᠷᠭᠡ ᠭᠠᠷ ᠤᠷᠠᠯᠠᠯ᠎ᠢᠶᠠᠷ᠎ᠢᠶᠠᠨ ᠠᠢᠯ ᠡᠷᠦᠬᠡ᠎ᠪᠡᠷ ᠶᠠᠪᠤᠵᠤ ᠠᠮᠢᠳᠤᠷᠠᠯ᠎ᠢᠶᠠᠨ ᠠᠷᠭᠠᠴᠠᠭᠠᠳᠠᠭ ᠪᠠᠢᠪᠠ᠃ ᠤᠶᠤᠨ ᠤᠬᠠᠭᠠᠨ ᠪᠦᠷᠢᠳᠦᠭᠰᠡᠨ ᠡᠦ ᠣᠪᠣᠭ᠍ᠲᠤ᠎ᠶ᠋ᠢᠨ ᠡᠪᠦᠭᠡ ᠳᠡᠭᠡᠳᠦᠰ ᠱᠢᠪᠠᠷ ᠬᠡᠸ᠋ᠬᠡᠯᠳᠡᠶ᠎ᠤᠯᠠᠨ᠎ᠳᠤ ᠬᠦᠷᠢᠶᠡᠯᠡᠯ ᠲᠠᠢ ᠪᠠᠢᠬᠤ ᠵᠢ ᠮᠡᠳᠡᠭᠡᠳ ᠱᠠᠨ ᠱᠢ ᠥᠪᠥᠷ ᠮᠣᠩᠭᠣᠯ ᠬᠣᠶᠠᠷ ᠭᠠᠵᠠᠷ᠎ᠤᠨ ᠵᠠᠩ ᠦᠢᠯᠡ᠎ᠶ᠋ᠢᠨ ᠰᠣᠶᠣᠯ᠎ᠢ ᠠᠭᠤᠰᠭᠠᠨ᠂ ᠲᠤᠰᠭᠠᠢᠯᠠᠨ ᠱᠢᠪᠠᠷ ᠬᠥᠮᠦᠨ ᠵᠤᠬᠢᠶᠠᠭᠠᠳ ᠬᠡᠦᠬᠡᠳ᠎ᠤᠨ ᠨᠠᠭᠠᠳᠤᠮ ᠪᠤᠯᠭᠠᠨ ᠪᠤᠷᠤᠯᠠᠭᠤᠯᠵᠠᠢ᠂ ᠢᠯᠡ ᠲᠣᠳᠣ ᠬᠡᠪ ᠨᠠᠮᠪᠠ ᠲᠠᠢ ᠡᠦ ᠣᠪᠣᠭ᠍ᠲᠤ᠎ᠶ᠋ᠢᠨ ᠱᠢᠪᠠᠷ ᠱᠤᠭᠤᠮᠠᠯ ᠢᠩᠬᠢᠵᠦ ᠪᠤᠶ ᠪᠣᠯᠤᠭᠰᠠᠨ ᠪᠠᠢᠨ᠎ᠠ᠃

《ᠳᠡᠭᠡᠷ᠎ᠡ ᠵᠠᠭᠤᠨ᠎ᠤ ᠭᠤᠴᠢ ᠳᠥᠴᠢᠭᠡᠳ ᠣᠨ᠎ᠤ ᠦᠶ᠎ᠡ᠎ᠳᠦ ᠡᠦ ᠣᠪᠣᠭ᠍ᠲᠤ᠎ᠶ᠋ᠢᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠤᠷᠠᠯᠢᠭ᠎ᠤᠨ ᠪᠦᠲᠦᠭᠡᠯ ᠣᠷᠭᠢᠯ᠎ᠳᠠᠭᠠᠨ ᠲᠤᠯᠵᠤ᠂ ᠲᠦᠮᠡᠳ᠎ᠦᠨ ᠲᠠᠯ᠎ᠠ᠎ᠠᠴᠠ ᠳᠠᠯᠠᠨ ᠬᠠᠷ᠎ᠠ ᠠᠭᠤᠯᠠ ᠵᠢᠨ ᠠᠷᠤ᠎ᠳᠤ ᠬᠦᠷᠲᠡᠯ᠎ᠡ ᠨᠡᠷ᠎ᠡ ᠠᠯᠳᠠᠷ ᠨᠢ ᠮᠠᠨᠳᠤᠵᠠᠢ᠂ ᠵᠣᠬᠢᠶᠠᠨ ᠪᠦᠲᠦᠭᠡᠭ᠌ᠰᠡᠨ ᠡᠷᠲᠡᠨ᠎ᠦ ᠬᠤᠪᠴᠠᠰᠤ᠎ᠲᠠᠶ ᠬᠥᠮᠦᠨ᠎ᠦ ᠪᠦᠲᠦᠭᠡᠯ ᠪᠤᠯᠬᠤ 〈ᠲᠤᠭᠤᠷ᠎ᠤᠨ ᠬᠦᠷᠢᠶᠡᠯᠡᠩ᠎ᠳᠦ ᠠᠨᠳᠠ ᠪᠠᠷᠢᠯᠳᠤᠭ᠍ᠰᠠᠨ ᠨᠢ〉 ᠂ 〈ᠴᠠᠭᠠᠨ ᠮᠣᠭᠠᠶ᠎ᠶ᠋ᠢᠨ ᠦᠯᠢᠭᠡᠷ〉 ᠂ 〈ᠨᠠᠢ᠍ᠮᠠᠨ ᠰᠠᠬᠢᠭᠤᠯᠰᠤᠨ〉 ᠵᠡᠷᠭᠡ ᠨᠢ ᠮᠠᠰᠢ ᠰᠣᠨᠢᠷᠬᠠᠯ ᠲᠠᠢ》 ᠭᠡᠵᠦ ᠦ᠋ ᠸᠸᠨ ᠱᠧᠩ ᠰᠤᠷᠪᠤᠯᠵᠢᠯᠠᠭ᠍ᠴᠢ᠎ᠳᠤ ᠶᠠᠷᠢᠵᠤ ᠪᠠᠢᠯ᠎ᠠ᠃ ᠱᠢᠪᠠᠷ ᠬᠡᠸ᠋ᠬᠡᠯᠳᠡᠶ᠂ ᠵᠢᠵᠢᠭ ᠠᠮᠢᠲᠠᠨ᠂ ᠪᠡᠮᠪᠡᠷᠳᠤᠤ ᠵᠡᠷᠭᠡ ᠪᠣᠯ ᠬᠡᠦᠬᠡᠳ᠎ᠦᠳ᠎ᠦᠨ ᠨᠠᠭᠠᠳᠤᠭᠠᠳ ᠬᠠᠨᠤᠬᠤ ᠦᠭᠡᠢ ᠳᠤᠷ᠎ᠠ ᠲᠠᠢ ᠲᠣᠭ᠍ᠯᠠᠭᠠᠮ ᠪᠤᠯᠬᠤ ᠶᠤᠮ᠃

ᠡᠸ᠋ ᠸᠸᠨ ᠱᠧᠩ᠎ᠦᠨ ᠤᠢ ᠴᠡᠭᠡᠵᠢᠨ᠎ᠳᠤ ᠲᠡᠭᠦᠨ᠎ᠦ ᠡᠪᠦᠭᠡ᠂ ᠶᠡᠬᠡ ᠠᠪᠠᠭ᠎ᠠ ᠨᠢ ᠪᠦᠷ ᠱᠢᠪᠠᠷ ᠱᠤᠭᠤᠮᠠᠯ᠎ᠵᠤᠬᠢᠶᠠᠬᠤ᠎ᠳᠠᠭᠠᠨ ᠤᠷ᠎ᠠ ᠮᠡᠷᠭᠡᠵᠢᠯ ᠰᠠᠢᠲᠠᠢ ᠬᠦᠮᠦᠰ ᠪᠠᠢᠵᠠᠢ᠂ ᠲᠡᠷᠡ 8 ᠨᠠᠰᠤᠨ᠎ᠠᠴᠠ᠎ᠪᠠᠨ ᠱᠢᠪᠠᠷ ᠲᠠᠢ ᠤᠷᠤᠯᠳᠤᠵᠤ ᠡᠬᠢᠯᠡᠭᠰᠡᠨ ᠪᠠᠢᠨ᠎ᠠ᠃ ᠡᠸ᠋ ᠸᠸᠨ ᠱᠧᠩ᠎ᠳᠦ ᠠᠪᠴᠤ᠌ ᠬᠡᠯᠡᠪᠡᠯ ᠱᠢᠪᠠᠷ ᠱᠤᠭᠤᠮᠠᠯ ᠭᠡᠷ᠎ᠤᠨ ᠬᠢᠨᠢ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯ ᠪᠣᠯᠬᠤ᠎ᠪᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠲᠡᠭᠦᠨ᠎ᠦ ᠣᠶᠤᠨ ᠰᠠᠨᠠᠭᠠᠨ᠎ᠤ ᠲᠦᠱᠢᠭ ᠲᠤᠯᠭᠠᠭᠤᠷᠢ ᠪᠣᠯᠤᠨ᠎ᠠ᠃ ᠡᠦ ᠸᠸᠨ ᠱᠧᠩ ᠲᠥᠷᠥᠯᠬᠢ ᠵᠢᠨ ᠰᠡᠭᠡᠷ ᠨᠢᠷᠤᠭᠤᠨ᠎ᠤ ᠡᠪᠡᠳᠴᠢᠨ ᠲᠠᠢ ᠡᠴᠡ ᠪᠤᠯᠵᠤ ᠬᠥᠯ  ᠨᠢ ᠲᠠᠮᠪᠠᠷᠠᠵᠠᠶ᠂ ᠲᠤᠬᠠᠶ᠎ᠶ᠋ᠢᠨ ᠦᠶ᠎ᠡ᠎ᠳᠦ ᠭᠡᠷ᠎ᠤᠨ ᠠᠮᠢᠳᠤᠷᠠᠯ ᠨᠢ ᠬᠦᠴᠢᠷᠲᠡᠢ ᠪᠤᠯᠬᠤᠷ ᠡᠪᠡᠳᠴᠢᠨ᠎ᠢ ᠨᠢ ᠡᠮᠨᠡᠭᠦᠯᠬᠦ ᠵᠣᠭᠣᠰ ᠦᠭᠡᠶ᠂ ᠡᠦ ᠸᠸᠨ ᠱᠧᠩ ᠬᠣᠶᠠᠷ ᠭᠠᠷ᠎ᠢᠶᠠᠷ᠎ᠢᠶᠠᠨ ᠮᠥᠯᠬᠥᠵᠦ᠍ ᠪᠠᠢᠵᠠᠶ᠃ ᠲᠡᠷᠡ ᠬᠥᠳᠡᠯᠵᠦ᠍ ᠪᠠᠷᠢᠬᠤ ᠨᠢ ᠳᠥᠭᠥᠮ ᠦᠭᠡᠢ᠎ᠡᠴᠡ ᠪᠣᠯᠵᠤ᠂ ᠨᠠᠰᠤ ᠬᠤᠷᠠᠭ ᠬᠡᠦᠬᠡᠳ᠎ᠦᠳ᠎ᠦᠨ ᠪᠢᠴᠢᠭ᠎ᠦᠨ ᠪᠣᠭ᠍ᠴᠣ᠎ᠪᠠᠨ ᠡᠭᠦᠷᠦᠭᠡᠳ ᠰᠤᠷᠭᠠᠭᠤᠯᠢ᠎ᠳᠠᠭᠠᠨ ᠶᠠᠪᠤᠬᠤ᠎ᠶ᠋ᠢ ᠬᠠᠷᠠᠵᠤ ᠰᠠᠭᠤᠬᠤ ᠯᠡ ᠲᠡᠳᠦᠢ᠃ ᠤᠢ ᠭᠠᠰᠢᠭᠤᠨ ᠡᠳᠦᠷ ᠬᠤᠨᠤᠭ᠎ᠦᠳ᠎ᠲᠦ ᠱᠢᠪᠠᠷ ᠱᠤᠭᠤᠮᠠᠯ ᠯᠠ ᠲᠡᠭᠦᠨ᠎ᠳᠤ ᠬᠠᠨᠢ ᠪᠤᠯᠵᠤ ᠰᠡᠳᠬᠢᠯ᠎ᠢ ᠨᠢ ᠳᠤᠯᠠᠭᠠᠯᠠᠭᠰᠠᠭᠠᠷ ᠢᠷᠡᠯ᠎ᠡ᠃ ᠶᠡᠬᠡ ᠠᠪᠠᠭ᠎ᠠ᠎ᠶ᠋ᠢᠨ ᠵᠢᠡᠨ ᠵᠢᠯᠣᠭᠣᠳᠤᠯᠭ᠎ᠠ ᠳᠣᠣᠷ᠎ᠠ᠂ ᠡᠦ ᠸᠸᠨ ᠱᠧᠩ᠎ᠤᠨ ᠰᠢᠪᠠᠷ ᠱᠤᠭᠤᠮᠠᠯ ᠵᠤᠬᠢᠶᠠᠬᠤ ᠤᠷ᠎ᠠ ᠮᠡᠷᠭᠡᠵᠢᠯ ᠨᠢ ᠤᠯᠠᠮ᠎ᠠᠴᠠ ᠤᠯᠠᠮ ᠰᠠᠢᠨ ᠪᠣᠯᠵᠤ᠂ ᠵᠤᠬᠢᠶᠠᠭᠰᠠᠨ ᠱᠢᠪᠡᠷ ᠬᠡᠦᠬᠡᠯᠳᠡᠢ᠂ ᠪᠢᠴᠢᠬᠠᠨ ᠠᠮᠢᠲᠠᠨ ᠨᠢ ᠠᠮᠢᠳᠤᠯᠢᠭ ᠪᠣᠯᠵᠤ ᠢᠷᠡᠪᠡ᠃

15 ᠨᠠᠰᠤᠲᠠᠢ᠎ᠳᠠᠭᠠᠨ ᠦ᠋ ᠸᠸᠨ ᠱᠧᠩ ᠵᠠᠩ ᠬᠠᠢ ᠳ᠋ᠢ᠎ᠶ᠋ᠢᠨ ᠪᠠᠶ᠎ᠠ ᠵᠡᠮᠳ᠋ᠨᠭ ᠪᠠᠢᠬᠰᠡᠨ ᠴᠦ᠍ ᠲᠤᠯᠭᠠᠷᠠᠵᠤ ᠢᠷᠡᠭᠰᠡᠨ ᠠᠮᠢᠳᠤᠷᠠᠯ᠎ᠤᠨ ᠬᠠᠲᠠᠭᠤ ᠵᠢ ᠡᠷᠡᠰ ᠵᠤᠷᠢᠬ ᠲᠠᠢ ᠪᠡᠷ ᠲᠤᠭᠤᠯᠵᠤ ᠭᠠᠷᠤᠭᠰᠠᠨ ᠦᠢᠯᠡ ᠠᠵᠢᠯᠯᠠᠭ᠎ᠠ᠎ᠶ᠋ᠢ ᠰᠣᠨᠣᠰᠤᠭᠠᠳ ᠡᠷᠬᠡ ᠦᠭᠡᠢ ᠰᠡᠳᠭᠢᠯ ᠬᠥᠳᠡᠯᠵᠦ᠍᠂ ᠥᠪᠡᠷ᠎ᠦᠨ ᠬᠦᠴᠦ᠍᠎ᠪᠡᠷ᠎ᠢᠶᠡᠨ ᠳᠡᠭᠵᠢᠷᠡᠬᠦ ᠪᠡᠷ ᠰᠢᠭᠤᠳᠤᠭᠠᠳ ᠲᠣᠰᠭᠣᠨ᠎ᠳᠠᠭᠠᠨ ᠵᠢᠵᠢᠭ ᠳᠡᠯᠭᠡᠭᠦᠷ ᠡᠷᠭᠢᠯᠡᠨ ᠪᠡᠶ᠎ᠡ᠎ᠪᠡᠨ ᠲᠡᠵᠢᠭᠡᠵᠡᠢ᠃ ᠲᠡᠷᠡ ᠴᠢᠯᠥᠭᠡ ᠵᠠᠪ᠎ᠢᠶᠠᠷ᠎ᠢᠶᠠᠨ ᠪᠠᠰᠠ ᠱᠢᠪᠠᠷ ᠱᠤᠭᠤᠮᠠᠯ ᠵᠤᠬᠢᠶᠠᠵᠤ ᠡᠬᠢᠯᠡᠵᠡᠢ᠃ 2005 ᠣᠨ᠎ᠤ ᠦᠶ᠎ᠡ᠎ᠪᠡᠷ᠂ ᠬᠣᠷᠢᠨᠭᠡᠷ ᠱᠢᠶᠠᠨ᠎ᠤ ᠰᠣᠶᠣᠯ᠎ᠤᠨ ᠣᠷᠳᠣᠨ᠎ᠤ ᠠᠵᠢᠯᠲᠠᠳ ᠲᠤᠬᠠᠢ᠎ᠶ᠋ᠢᠨ ᠭᠠᠵᠠᠷ᠎ᠤᠨ ᠰᠦᠮ᠎ᠡ᠎ᠶ᠋ᠢᠨ ᠬᠤᠷᠠᠯ ᠳᠡᠭᠡᠷ᠎ᠡ ᠤᠷᠠᠨ ᠨᠠᠷᠢᠯᠢᠭ ᠬᠢᠴᠡ ᠲᠠᠢ᠂ ᠨᠢᠳᠤ ᠬᠤᠵᠢᠷᠯᠠᠨ ᠰᠡᠳᠬᠢᠯ ᠪᠠᠶᠠᠰᠬᠠᠬᠤ ᠱᠢᠪᠠᠷ ᠬᠡᠦᠬᠡᠯᠳᠡᠢ᠎ᠶ᠋ᠢ ᠦᠵᠡᠭᠡᠳ᠂ ᠲᠤᠰ ᠭᠠᠵᠠᠷ᠎ᠤᠨ ᠲᠣᠰᠭᠣᠨ᠎ᠤ ᠠᠷᠠᠳ ᠡᠦ ᠸᠸᠨ ᠱᠧᠩ᠎ᠦᠨ ᠪᠦᠲᠦᠭᠡᠯ ᠪᠣᠯᠬᠤ᠎ᠶ᠋ᠢ ᠮᠡᠳᠡᠭ᠌ᠰᠡᠨ ᠪᠠᠢᠨ᠎ᠠ᠃ ᠲᠡᠳᠡ ᠡᠦ ᠣᠪᠣᠭ᠍ᠲᠤ᠎ᠶ᠋ᠢᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠢ ᠪᠣᠳᠠᠰ᠎ᠤᠨ ᠪᠤᠰᠤ ᠰᠣᠶᠣᠯ᠎ᠤᠨ ᠥᠪ ᠵᠢᠡᠷ ᠡᠷᠡᠮᠡᠯᠵᠡᠯᠡᠬᠦ᠎ᠪᠠᠷ ᠲᠣᠭ᠍ᠲᠠᠪᠠ᠃ 2009 ᠣᠨ᠎ᠳᠤ᠂ ᠡᠦ ᠤᠪᠤᠭᠲᠦ ᠵᠢᠨ ᠱᠢᠪᠠᠷ ᠱᠤᠭᠤᠮᠠᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠎ᠤ ᠬᠣᠶᠠᠳᠤᠭᠠᠷ ᠪᠦᠯᠦᠭ᠎ᠤᠨ ᠪᠣᠳᠠᠰ᠎ᠤᠨ ᠪᠤᠰᠤ ᠰᠣᠶᠣᠯ᠎ᠤᠨ ᠥᠪ᠎ᠦᠨ ᠲᠥᠯᠥᠭᠡᠯᠡᠬᠦ᠌ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯ᠎ᠦᠨ ᠨᠡᠷᠡᠰ᠎ᠲᠦ ᠵᠢᠭ᠍ᠰᠠᠭᠠᠭ᠍ᠳᠠᠵᠠᠢ᠃

ᠡᠤ ᠸᠸᠨ ᠱᠸᠨᠭ ᠪᠤᠯᠤᠨ ᠳ᠋ᠠᠩ ᠯᠢ ᠶᠢᠩ

ᠡᠤ ᠸᠸᠨ ᠱᠸᠨᠭ ᠪᠤᠯᠤᠨ ᠳ᠋ᠠᠩ ᠯᠢ ᠶᠢᠩ᠎ᠤᠨ ᠪᠥᠳᠤᠭᠡᠭᠰᠡᠨ ᠲᠠᠯ᠎ᠠ ᠨᠤᠳᠤᠭ᠎ᠤᠨ ᠰᠡᠳᠤᠪᠳᠤ ᠪᠥᠳᠤᠭᠡᠯ

ᠡᠤ ᠸᠸᠨ ᠱᠸᠨᠭ ᠪᠤᠯᠤᠨ ᠳ᠋ᠠᠩ ᠯᠢ ᠶᠢᠩ ᠎ᠤᠨ ᠪᠥᠳᠤᠭᠡᠭᠰᠡᠨ ᠪᠥᠳᠤᠭᠡᠯ 《 ᠭᠢᠵᠢᠭ ᠎ᠢ ᠰᠡᠷᠭᠡᠢᠯᠡᠬᠥ ᠥᠷᠳᠡᠭᠡ 》

ᠵᠠᠩ ᠦᠢᠯᠡ ᠠᠮᠢᠳᠤᠷᠠᠯ ᠲᠠᠢ ᠤᠢᠷᠠᠳᠤᠭᠰᠠᠨ ᠰᠢᠪᠠᠷ ᠱᠤᠭᠤᠮᠠᠯ

ᠭᠣᠣᠯ ᠭᠤᠷᠤᠬ᠎ᠠ ᠵᠢᠨ ᠠᠳᠬᠤ ᠱᠢᠪᠡᠷ ᠤᠷᠠᠨ ᠳᠠᠷᠬᠠᠨ᠎ᠤ ᠭᠠᠷ᠎ᠲᠤ ᠠᠮᠢᠯᠠᠬᠤ ᠨᠢ ᠭᠠᠢᠬᠠᠯᠲᠠᠢ᠃

ᠠᠳᠭᠤ ᠱᠢᠪᠡᠷ ᠡᠦ ᠸᠸᠨ ᠱᠧᠩ᠎ᠦᠨ ᠭᠠᠷ᠎ᠲᠤ ᠲᠠᠲᠠᠬᠤ᠂ ᠨᠤᠬᠤᠯᠠᠬᠤ᠂ ᠴᠢᠮᠬᠢᠬᠦ᠌᠂ ᠨᠢᠳᠡᠷᠡᠬᠦ᠂ ᠳᠠᠷᠤᠬᠤ᠂ ᠵᠠᠯᠭᠠᠬᠤ ᠵᠡᠷᠭᠡ ᠠᠵᠢᠯ᠎ᠤᠨ ᠭᠤᠭᠴᠤᠭ᠎ᠠ ᠪᠡᠷ ᠳᠠᠮᠵᠢᠭᠠᠳ ᠤᠷᠠᠯᠠᠭᠳᠠᠨ ᠠᠮᠢᠯᠠᠵᠤ᠂ ᠲᠤᠭᠤᠷ ᠢᠳᠡᠬᠦ ᠪᠡᠴᠢᠨ ᠪᠠᠭᠰᠢ᠂ ᠤᠷᠲᠤ ᠬᠦᠵᠦᠭᠦᠲᠦ ᠤᠯᠠᠭᠠᠨ ᠰᠡᠴᠢᠭ᠎ᠲᠡᠶ ᠲᠣᠭᠣᠷᠤᠤ᠂ ᠬᠥᠭᠡᠷᠦᠬᠦᠨ ᠳᠦᠷᠢ ᠲᠠᠢ ᠠᠷᠪᠠᠨ ᠬᠣᠶᠠᠷ ᠵᠢᠯ᠎ᠤᠨ ᠠᠮᠢᠲᠠᠨ᠂ ᠥᠩᠭᠡ ᠢᠯᠭᠠᠷᠠᠮ᠎ᠠ ᠨᠢᠭᠤᠷ᠎ᠤᠨ ᠳᠦᠷᠰᠦ ᠁ ᠵᠡᠷᠭᠡ ᠪᠤᠯᠵᠤ ᠬᠤᠪᠢᠯᠴᠢᠬᠠᠨ᠎ᠠ᠂ ᠡᠳᠡᠭᠡᠷ ᠤᠷᠠᠨ ᠠᠮᠢᠳᠤᠯᠢᠬ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠳ ᠦᠵᠡᠭᠰᠡᠨ ᠪᠦᠬᠦᠨ᠎ᠤ ᠬᠠᠷᠠᠭ᠎ᠠ ᠵᠢ ᠡᠷᠬᠡ ᠦᠭᠡᠢ ᠪᠠᠶᠠᠰᠬᠠᠨ᠎ᠠ᠃

ᠡᠦ ᠸᠸᠨ ᠱᠧᠩ 40 ᠭᠠᠷᠤᠶ ᠵᠢᠯ᠎ᠦᠨ ᠲᠤᠷᠰᠢ ᠠᠷᠠᠳ᠎ᠤᠨ ᠤᠷᠠᠯᠢᠭ ᠲᠦ᠍ ᠰᠢᠮᠡᠳᠦᠨ᠂ ᠰᠠᠨᠠᠭᠠᠨ᠎ᠤ ᠤᠷᠠᠨ ᠭᠠᠷ᠎ᠤᠨ ᠡᠷᠳᠡᠮ ᠬᠤᠤᠰᠯᠠᠨ᠂ ᠠᠷᠠᠳ᠎ᠤᠨ ᠵᠠᠩ ᠦᠢᠯᠡ ᠪᠠ ᠠᠮᠢᠳᠤᠷᠠᠯ᠎ᠳᠤ ᠭᠦᠨᠵᠡᠭᠡᠢᠷᠡᠵᠤ᠂  ᠠᠳᠬᠤ ᠱᠢᠪᠠᠷ᠎ᠢ ᠠᠮᠢᠳᠤᠯᠢᠬ ᠤᠷᠠᠯᠢᠭ᠎ᠤᠨ ᠪᠦᠲᠦᠭᠡᠯ ᠪᠣᠯᠭᠠᠠ ᠱᠤᠭᠤᠭᠰᠠᠨ ᠶᠤᠮ᠃

ᠡᠦ ᠸᠸᠨ ᠱᠧᠩ᠎ᠲᠡᠶ ᠠᠭᠤᠯᠵᠠᠬᠤ ᠦᠶ᠎ᠡ᠎ᠳᠦ ᠲᠡᠷᠡ ᠬᠠᠨᠵᠤᠨ ᠳᠡᠭᠡᠷ᠎ᠡ᠎ᠪᠡᠨ ᠬᠡᠪᠲᠡᠭᠡᠳ ᠱᠢᠪᠠᠷ ᠱᠤᠭᠤᠮᠠᠯ ᠬᠢᠵᠦ᠍ ᠪᠠᠢᠪᠠ᠃ ᠲᠡᠷᠡ ᠱᠢᠪᠠᠷ ᠱᠤᠭᠤᠮᠠᠯ᠎ᠳᠠᠭᠠᠨ ᠥᠩᠭᠡ ᠣᠷᠣᠭᠤᠯᠬᠤ ᠵᠢᠨ ᠳᠠᠭᠠᠤ ᠤᠷ᠎ᠠ ᠮᠡᠷᠭᠡᠵᠢᠯ᠎ᠢᠶᠡᠨ ᠲᠠᠨᠢᠯᠴᠠᠭᠤᠯᠤᠨ᠎ᠠ᠄ 《ᠱᠢᠪᠠᠷ ᠱᠤᠭᠤᠮᠠᠯ᠎ᠢ ᠬᠢᠬᠦ᠌᠎ᠳᠦ ᠮᠠᠲ᠋ᠧᠷᠢᠶᠠᠯ ᠰᠣᠩᠭᠣᠬᠤ᠂ ᠱᠢᠪᠠᠷ ᠨᠤᠬᠤᠬᠤ᠂ ᠵᠠᠭ᠍ᠪᠤᠷ ᠬᠢᠬᠦ᠂ ᠰᠡᠢᠯᠬᠦ᠌᠂ ᠤᠬᠢᠶᠠᠬᠤ᠂ ᠪᠤᠳᠤᠵᠤ ᠵᠢᠷᠤᠬᠤ ᠵᠡᠷᠭᠡ ᠠᠵᠢᠯ᠎ᠤᠨ ᠭᠤᠭᠴᠤᠭ᠎ᠠ ᠵᠢ ᠳᠠᠮᠵᠢᠨ᠎ᠠ᠂ ᠠᠯᠢ ᠴᠦ᠍ ᠭᠤᠭᠴᠤᠭ᠎ᠠ ᠵᠢ ᠤᠮᠳᠤᠭᠠᠢᠯᠠᠵᠤ ᠪᠤᠯᠬᠤ ᠦᠭᠡᠢ᠂ ᠵᠠᠪᠠᠯ ᠨᠠᠷᠢᠨ ᠨᠢᠮᠪᠠᠶ ᠬᠢᠬᠦ᠌ ᠬᠡᠷᠡᠭ᠌ᠲᠡᠶ᠃ ᠭᠡᠪᠡᠴᠦ ᠬᠠᠮᠤᠭ᠎ᠤᠨ ᠴᠢᠬᠤᠯᠠ ᠨᠢ ᠬᠠᠱᠢ ᠯᠠ ᠮᠠᠲ᠋ᠧᠷᠢᠶᠠᠯ ᠰᠣᠩᠭᠣᠬᠤ ᠶᠠᠪᠤᠳᠠᠯ ᠪᠣᠯᠤᠨ᠎ᠠ᠂ ᠪᠣᠷᠣᠭᠠᠨ᠎ᠤ ᠳᠠᠷᠠᠭ᠎ᠠ ᠭᠤᠤᠯ᠎ᠤᠨ ᠭᠤᠤ᠎ᠳᠤ ᠲᠤᠨᠤᠭ᠍ᠰᠠᠨ ᠱᠢᠪᠠᠷ᠎ᠢ ᠰᠣᠩᠭᠣᠨ᠎ᠠ᠂ ᠡᠯᠡᠰᠦ ᠬᠠᠢᠷ ᠬᠤᠯᠢᠯᠳᠤᠵᠤ ᠪᠣᠯᠬᠤ ᠥᠬᠡᠶ ᠂ ᠪᠠᠰᠠ ᠵᠣᠬᠢᠬᠤ ᠬᠡᠮᠵᠢᠶᠡᠨ᠎ᠦ ᠬᠠᠲᠠᠭᠤᠷᠠᠭᠰᠠᠨ ᠰᠢᠪᠠᠷ ᠪᠠᠢᠬᠤ ᠬᠡᠷᠡᠭᠲᠡᠢ》᠃ ᠨᠠᠩᠬᠢ ᠱᠢᠪᠠᠷ᠎ᠢ ᠨᠡᠩ ᠤᠶᠠᠨ ᠬᠠᠳᠠᠨ ᠪᠣᠯᠭᠠᠬᠤ᠎ᠶ᠋ᠢᠨ ᠲᠥᠯᠥᠭᠡ ᠥᠩᠭᠡᠷᠡᠭ᠌ᠰᠡᠨ᠎ᠳᠦ ᠱᠢᠪᠠᠷ ᠦᠢᠯᠡᠳᠪᠦᠷᠢᠯᠡᠬᠦ᠌᠎ᠳᠦ ᠱᠢᠪᠠᠷ᠎ᠲᠤ ᠣᠯᠣᠰᠣᠨ ᠴᠠᠭᠠᠰᠤ ᠬᠤᠯᠢᠳᠠᠭ ᠪᠠᠢᠪᠠ᠃ ᠤᠳᠤ ᠣᠯᠣᠰᠣᠨ ᠴᠠᠭᠠᠰᠤ ᠤᠯᠳᠠᠬᠤ᠎ᠳᠦ ᠬᠦᠴᠢᠷ ᠪᠣᠯᠬᠤᠷ ᠤᠳᠤᠯ ᠪᠤᠶᠤ ᠬᠥᠪᠥᠩ᠎ᠢᠶᠡᠷ ᠣᠷᠣᠯᠠᠭᠤᠯᠵᠤ᠂ ᠵᠣᠬᠢᠬᠤ ᠬᠠᠷᠢᠴᠠᠯ᠎ᠢᠶᠠᠷ ᠤᠰᠤ ᠬᠢᠵᠦ ᠵᠢᠭ᠌ᠳᠡ ᠵᠢᠭᠤᠷᠠᠭᠠᠳ ᠭᠥᠯᠢᠭᠡᠷ ᠴᠢᠯᠠᠭᠤᠨ ᠳᠡᠭᠡᠷ᠎ᠡ ᠲᠠᠯᠪᠢᠨ᠎ᠠ᠂ ᠳᠠᠷᠠᠭ᠎ᠠ ᠨᠢ ᠰᠢᠪᠠᠷ ᠂ ᠤᠳᠤᠯ᠎ᠤᠨ ᠰᠢᠷᠬᠡᠭ ᠪᠣᠯᠤᠨ ᠤᠰᠤ ᠭᠦᠢᠴᠡᠳ ᠨᠡᠢᠯᠡᠵᠦ ᠠᠭᠤᠰᠲᠠᠯ᠎ᠠ ᠱᠢᠳᠠᠮ᠎ᠢᠶᠠᠷ ᠨᠦᠳᠦᠨ᠎ᠡ ᠂ ᠡᠴᠦᠰ ᠳᠤᠨᠢ  ᠪᠥᠰ᠎ᠢᠶᠡᠷ ᠪᠠᠭ᠍ᠯᠠᠵᠤ ᠪᠡᠯᠡᠳᠭᠡᠯ ᠬᠢᠨ᠎ᠡ᠃

ᠭᠡᠪ ᠬᠢᠬᠦ᠌ ᠦᠶᠡᠰ ᠤᠷᠢᠳ᠎ᠢᠶᠠᠷ ᠭᠤᠯᠢᠷ ᠨᠢᠮᠬᠡᠯᠡᠬᠦ ᠮᠤᠳᠤ ᠪᠡᠷ ᠱᠢᠪᠠᠷ᠎ᠢ ᠨᠢᠮᠬᠡᠯᠡᠭᠡᠳ ᠢᠳᠡᠭᠡᠨ᠎ᠦ ᠲᠤᠰᠦ ᠲᠦᠷᠬᠢᠭᠰᠡᠨ ᠬᠡᠪ᠎ᠲᠦ ᠬᠢᠨ᠎ᠡ᠂ ᠳᠠᠷᠠᠭ᠎ᠠ ᠨᠢ ᠵᠢᠵᠢᠭ ᠬᠢᠳᠦᠭ᠎ᠠ᠎ᠪᠠᠷ ᠬᠡᠪ᠎ᠦᠨ ᠬᠦᠪᠡᠭᠡᠨ᠎ᠳᠡᠬᠢ ᠢᠯᠡᠭᠦᠴᠡ ᠱᠢᠪᠠᠷ᠎ᠢ ᠬᠡᠷᠴᠢᠵᠦ ᠬᠠᠶᠠᠨ᠎ᠠ᠃ ᠬᠡᠪ ᠲᠡᠬᠢ ᠰᠢᠪᠠᠷ ᠬᠠᠭᠤᠷᠠᠢ ᠪᠣᠯᠤᠭ᠍ᠰᠠᠨ᠎ᠤ ᠳᠠᠷᠠᠭ᠎ᠠ ᠭᠠᠷ ᠵᠢᠡᠷ ᠵᠢᠡᠨ ᠳᠡᠭᠡᠷ᠎ᠡ᠎ᠨᠢ ᠤᠰᠤ ᠵᠢ ᠳᠠᠬᠢᠨ ᠳᠠᠪᠲᠠᠨ ᠲᠦᠷᠬᠢᠵᠦ᠍᠂ ᠬᠠᠭᠠᠷᠠᠭᠰᠠᠨ ᠴᠠᠪᠠ᠎ᠶ᠋ᠢ ᠨᠢ ᠠᠷᠢᠯᠭᠠᠨ᠎ᠠ᠃ ᠡᠴᠦᠰ᠎ᠤᠨ ᠠᠯᠬᠤᠮ ᠪᠣᠯ ᠪᠤᠳᠤᠵᠤ ᠵᠢᠷᠤᠨ᠎ᠠ᠂ ᠡᠨᠡ ᠦᠶ᠎ᠡ᠎ᠳᠤ ᠤᠯᠠᠮᠵᠢᠯᠠᠭ᠍ᠴᠢ ᠵᠢᠨ ᠨᠠᠷᠢᠯᠢᠭ ᠤᠷ᠎ᠠ ᠡᠷᠳᠡᠮ᠎ᠢ ᠱᠠᠭᠠᠷᠳᠠᠨ᠎ᠠ᠃ ᠴᠤᠭ ᠵᠢᠪᠬᠤᠭ᠎ᠠ᠎ᠶ᠋ᠢ ᠪᠠᠳᠠᠷᠠᠭᠤᠯᠬᠤ᠎ᠳᠤ ᠨᠢᠭᠤᠷ ᠴᠢᠷᠠᠶ᠎ᠶ᠋ᠢᠨ ᠪᠠᠢᠳᠠᠯ ᠨᠠᠢ᠍ᠮᠠᠨ ᠬᠤᠪᠢ᠎ᠶ᠋ᠢ ᠡᠵᠡᠯᠡᠨ᠎ᠡ᠂ ᠡᠦ ᠸᠸᠨ ᠱᠧᠩ ᠵᠢᠷᠤᠬᠤ᠎ᠶ᠋ᠢᠨ ᠳᠠᠭᠠᠤ᠄ 《ᠤᠷᠢᠳ᠎ᠢᠶᠠᠷ ᠬᠤᠪᠴᠠᠰᠤ᠂ ᠬᠡ ᠵᠢᠷᠤᠭᠠᠰᠤ᠂ ᠭᠡᠵᠢᠭᠡ᠎ᠶ᠋ᠢ ᠵᠢᠷᠤᠨ᠎ᠠ᠂ ᠡᠴᠦᠰ᠎ᠤᠨ ᠬᠠᠮᠤᠭ ᠬᠦᠴᠢᠷᠲᠡᠶ ᠠᠯᠬᠤᠮ ᠪᠣᠯ ᠬᠥᠮᠥᠰᠭᠡ᠎ᠨᠢᠳᠤ ᠵᠢ ᠵᠢᠷᠤᠨ᠎ᠠ᠂ ᠵᠢᠭᠠᠬᠠᠨ ᠵᠥᠷᠢᠭᠦᠯᠵᠦ ᠵᠢᠷᠤᠪᠠᠯ ᠬᠥᠮᠦᠨ ᠴᠤᠭ ᠰᠦᠯᠳᠡ ᠦᠭᠡᠢ ᠪᠣᠯᠴᠢᠬᠠᠨ᠎ᠠ᠂ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠡᠮᠦᠨᠡᠬᠢ ᠬᠢᠭᠰᠡᠨ ᠨᠢ ᠪᠦᠷ ᠲᠠᠯᠠᠭᠠᠷ ᠪᠣᠯᠴᠢᠬᠠᠨ᠎ᠠ》 ᠭᠡᠵᠦ ᠲᠠᠨᠢᠯᠴᠠᠭᠤᠯᠤᠨ᠎ᠠ᠂ ᠥᠩᠭᠡᠷᠡᠭ᠌ᠰᠡᠨ᠎ᠳᠦ ᠪᠤᠳᠤᠭ ᠣᠷᠣᠭᠤᠯᠬᠤ᠎ᠳᠤ ᠤᠰᠤᠨ ᠪᠤᠳᠤᠭ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠪᠤᠯᠬᠤᠷ ᠪᠤᠳᠤᠬ ᠤᠨᠠᠬᠤ ᠨᠢ ᠲᠦᠷᠭᠡᠨ ᠪᠥᠭᠡᠳ ᠬᠠᠳᠠᠭᠠᠯᠠᠬᠤ᠎ᠳᠤ ᠬᠦᠴᠢᠷ ᠪᠠᠢᠵᠠᠢ᠂ ᠣᠲᠣ ᠫᠷᠤᠫᠸᠨ᠎ᠤ ᠪᠤᠳᠤᠭ ᠬᠡᠷᠡᠭ᠌ᠯᠡᠬᠦ ᠪᠤᠯᠤᠭᠰᠠᠨ ᠡᠴᠡ ᠥᠩᠭᠡ ᠨᠢ ᠨᠠᠩ ᠭᠣᠶᠣ ᠪᠣᠯᠵᠣ᠂ ᠬᠠᠳᠠᠭᠠᠯᠠᠬᠤ ᠴᠠᠭ ᠨᠢ ᠴᠦ᠍ ᠨᠠᠩ ᠣᠷᠳᠣ ᠪᠣᠯᠵᠠᠶ᠃ ᠱᠢᠪᠠᠷ ᠱᠤᠭᠤᠮᠠᠯ ᠣᠷᠴᠢᠨ ᠲᠣᠭᠣᠷᠢᠨ᠎ᠤ ᠴᠢᠭᠢᠭ᠎ᠦᠨ ᠪᠠᠢᠳᠠᠯ᠎ᠳᠤ ᠨᠦᠯᠦᠭᠡᠯᠡᠭᠳᠡᠬᠦ ᠪᠤᠯᠬᠤᠷ ᠬᠠᠭᠠᠷᠠᠬᠤ ᠪᠠ ᠥᠩᠭᠡ ᠤᠨᠠᠬᠤ᠎ᠠᠴᠠ ᠵᠠᠢᠯᠠᠰᠭᠢᠬᠦ᠌᠎ᠶ᠋ᠢᠨ ᠲᠥᠯᠥᠭᠡ᠂ ᠦ᠋ ᠸᠸᠨ ᠱᠧᠩ ᠱᠠᠪᠢ ᠳ᠋ᠠᠩ ᠯᠢ ᠶᠢᠩ᠎ᠦᠨ ᠵᠢᠡᠨ ᠰᠡᠩᠬᠡᠷᠡᠭᠦᠯᠦᠯ ᠵᠢᠡᠷ ᠥᠩᠭᠡ᠎ᠶ᠋ᠢ ᠲᠣᠭ᠍ᠲᠠᠪᠤᠷᠢᠵᠢᠭᠤᠯᠬᠤ ᠠᠵᠢᠯ᠎ᠤᠨ ᠭᠤᠭᠴᠤᠭ᠎ᠠ ᠵᠢ ᠨᠡᠮᠡᠵᠡᠶ᠃ ᠳ᠋ᠠᠩ ᠯᠢ ᠶᠢᠩ ᠪᠣᠯ ᠵᠢᠰᠦ ᠬᠢᠮᠤᠰᠤ ᠭᠣᠶᠣᠯᠠᠭ᠍ᠴᠢ ᠶᠤᠮ᠂ ᠲᠡᠷᠡ ᠬᠢᠮᠤᠰᠤ ᠭᠣᠶᠣᠯᠠᠬᠤ᠎ᠳᠤ ᠬᠡᠷᠡᠭ᠌ᠯᠡᠳᠡᠭ ᠬᠢᠮᠤᠰᠤᠨ ᠪᠤᠳᠤᠭ᠎ᠤᠨ ᠴᠠᠪᠠᠤ᠎ᠶ᠋ᠢ ᠱᠢᠪᠠᠷ᠎ᠱᠤᠭᠤᠮᠠᠯ ᠳᠡᠭᠡᠷ᠎ᠡ ᠳᠦᠷᠭᠢᠪᠡᠯ ᠭᠥᠯᠢᠭᠡᠷ ᠪᠤᠯᠬᠤ ᠮᠦᠷᠲᠡᠭᠡᠨ ᠬᠢᠯᠡᠢᠭᠠᠳ ᠮᠠᠰᠢ ᠭᠣᠶᠣ ᠬᠠᠷᠠᠭ᠍ᠳᠠᠳᠠᠭ᠎ᠢ ᠤᠯᠵᠤ ᠮᠡᠳᠡᠭᠰᠡᠨ ᠪᠠᠢᠨ᠎ᠠ᠃

ᠡᠦ ᠸᠸᠨ ᠱᠧᠩ᠎ᠦᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠥᠩᠭᠡ ᠪᠤᠳᠤᠭ ᠨᠢ ᠭᠡᠭᠡᠨ᠂ ᠳᠦᠷᠰᠦ ᠪᠦᠲᠦᠭᠡᠯᠲᠡ ᠨᠢ ᠪᠣᠷᠣᠭ᠍ᠵᠢᠭᠤᠨ ᠪᠠᠢᠵᠤ᠂ ᠤᠷᠤᠨ ᠨᠤᠲᠤᠭ᠎ᠤᠨ ᠤᠨᠴᠠᠯᠢᠬ ᠵᠢᠡᠷ ᠥᠳᠭᠡᠨ ᠪᠠᠢᠳᠠᠭ᠃ 《ᠱᠢᠪᠠᠷ ᠱᠤᠭᠤᠮᠠᠯ ᠬᠢᠬᠦ᠎ᠳᠤ ᠨᠤᠲᠤᠭ᠎ᠤᠨ ᠱᠢᠪᠠᠷ᠎ᠢ ᠬᠡᠷᠡᠭ᠌ᠯᠡᠳᠡᠭ᠂ ᠪᠠᠰᠠ ᠠᠷᠠᠳ᠎ᠤᠨ ᠵᠠᠩ ᠦᠢᠯᠡ ᠪᠠ ᠠᠮᠢᠳᠤᠷᠠᠯ᠎ᠲᠠᠶ ᠤᠢᠷᠠᠳᠤᠭᠤᠯᠵᠤ ᠵᠤᠬᠢᠶᠠᠭᠰᠠᠨ ᠪᠣᠯᠬᠣᠷ ᠪᠤᠷᠤᠭᠵᠢᠭᠤᠨ ᠪᠤᠯᠵᠤ᠂ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ᠎ᠨᠢ ᠨᠡᠩ ᠢᠯᠡᠷᠭᠡᠢ ᠪᠠᠢᠳᠠᠭ》 ᠭᠡᠵᠤ ᠡᠦ ᠸᠸᠨ ᠱᠸᠩ ᠶᠠᠷᠢᠵᠤ ᠪᠠᠢᠯ᠎ᠠ᠃

300 ᠭᠠᠷᠤᠢ ᠵᠢᠯ ᠎ᠤᠨ ᠲᠡᠤᠭᠡ ᠲᠠᠢ  ᠰᠢᠪᠡᠷ  ᠱᠤᠭᠤᠮᠠᠯ ᠎ᠤᠨ ᠭᠡᠪ

ᠡᠤ ᠸᠸᠨ ᠱᠸᠨᠭ ᠎ᠤᠨ  ᠰᠢᠪᠡᠷ ᠱᠤᠭᠤᠮᠠᠯ᠎ᠤᠨ ᠪᠥᠳᠤᠭᠡᠯ

ᠳ᠋ᠠᠩ ᠯᠢ ᠶᠢᠩ᠎ᠤᠨ ᠪᠥᠳᠤᠭᠡᠯ 《ᠯᠠᠩ ᠶᠠ ᠱᠠᠨ ᠠᠭᠤᠯᠠᠨ᠎ᠤ ᠲᠠᠪᠤᠨ ᠪᠠᠭᠠᠲᠤᠷ 》

ᠡᠤ ᠸᠸᠨ ᠱᠸᠨᠭ ᠎ᠤᠨ ᠪᠥᠳᠤᠭᠡᠭᠰᠡᠨ ᠰᠢᠪᠡᠷ ᠱᠤᠭᠤᠮᠠᠯ

ᠤᠯᠠᠮᠵᠢᠯᠠᠯ ᠪᠠ ᠴᠠᠭ ᠦᠶ᠎ᠡ᠎ᠶ᠋ᠢ ᠵᠣᠯᠭᠠᠭᠤᠯᠤᠭᠰᠠᠨ ᠰᠢᠪᠠᠷ ᠱᠤᠭᠤᠮᠠᠯ

《ᠦ᠋ ᠪᠠᠭ᠍ᠰᠢ ᠪᠣᠯ ᠮᠠᠨ᠎ᠤ ᠲᠣᠰᠭᠣᠨ᠎ᠤ ᠴᠢᠳᠠᠪᠤᠷᠢᠲᠠᠨ ᠰᠢᠦ᠂ ᠵᠢᠷᠬᠢᠶ᠎ᠡ ᠵᠢ ᠨᠠᠳᠠ ᠡᠴᠡ ᠰᠠᠢᠨ ᠨᠠᠭᠠᠳᠤᠨ᠎ᠠ᠃ ᠲᠣᠰᠭᠣᠨ᠎ᠤ ᠬᠡᠨ᠎ᠦ ᠬᠢ ᠨᠢ ᠴᠠᠬᠢᠯᠭᠠᠨ ᠵᠠᠯᠭᠠᠬᠤ᠂ ᠰᠦᠯᠵᠢᠶ᠎ᠡ ᠨᠡᠪᠲᠡᠷᠡᠭᠦᠯᠬᠦ ᠠᠵᠢᠯ ᠪᠠᠢᠪᠠᠯ ᠪᠦᠷ ᠲᠡᠭᠦᠨ᠎ᠢ ᠡᠷᠢᠬᠦ᠌ ᠳᠤᠷᠠᠲᠠᠶ》 ᠭᠡᠵᠦ ᠡᠦ ᠸᠸᠨ ᠱᠧᠩ᠎ᠦᠨ ᠱᠠᠪᠢ ᠳ᠋ᠠᠩ ᠯᠢ ᠶᠢᠩ ᠪᠠᠭ᠍ᠰᠢ ᠪᠠᠨ ᠱᠣᠭ᠍ᠯᠠᠨ ᠶᠠᠷᠢᠵᠤ ᠪᠠᠢᠯ᠎ᠠ᠃

1980 ᠣᠨ᠎ᠳᠤ ᠲᠦᠷᠦᠭᠰᠡᠨ ᠳ᠋ᠠᠩ ᠯᠢ ᠶᠢᠩ 3 ᠵᠢᠯ᠎ᠦᠨ ᠡᠮᠦᠨ᠎ᠡ ᠨᠡᠢᠲᠡ᠎ᠶ᠋ᠢᠨ ᠠᠰᠠᠷᠠᠮᠵᠢ᠎ᠶ᠋ᠢᠨ ᠠᠵᠢᠯᠯᠠᠭ᠎ᠠ ᠳᠡᠭᠡᠷ᠎ᠡ ᠡᠦ ᠸᠸᠨ ᠱᠧᠩ᠎ᠲᠡᠶ ᠲᠠᠨᠢᠯᠴᠠᠵᠠᠢ᠂ ᠬᠣᠶᠠᠭᠤᠯᠠ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠲᠤᠬᠠᠢ ᠰᠠᠨᠠᠭ᠎ᠠ ᠤᠨᠤᠭ᠎ᠠ ᠨᠢ ᠨᠠᠢᠯᠠᠭᠡᠳ ᠬᠠᠭᠤᠴᠢᠨ ᠨᠠᠢᠵᠨ ᠰᠢᠬ ᠬᠠᠯᠠᠭᠤᠨ ᠰᠠᠨᠠᠭᠳᠠᠵᠠᠢ᠃ ᠳ᠋ᠠᠩ ᠯᠢ ᠶᠢᠩ ᠡᠦ ᠸᠸᠨ ᠱᠧᠩ᠎ᠦᠨ ᠪᠡᠶ᠎ᠡ ᠵᠡᠮᠳᠡᠭ ᠪᠣᠯᠪᠠᠴᠤ᠌ ᠰᠢᠨᠳᠠᠰᠤ ᠬᠠᠲᠠᠭᠤ᠂ ᠬᠦᠴᠦᠷᠬᠡᠭ᠌ᠵᠢᠬᠦ᠌᠎ᠪᠡᠷ ᠬᠦᠴᠦᠯᠡᠨ ᠴᠢᠷᠮᠠᠢᠬᠤ ᠵᠠᠩ ᠴᠢᠨᠠᠷ᠎ᠢ ᠨᠢ ᠬᠦᠨᠳᠦᠳᠭᠡᠨ᠂ ᠡᠦ ᠸᠸᠨ ᠱᠧᠩ᠎ᠳᠤ ᠱᠠᠪᠢ ᠤᠷᠤᠵᠠᠢ᠃ ᠲᠡᠷᠡ ᠵᠠᠪ ᠴᠢᠯᠥᠭᠡ ᠭᠠᠷᠬᠤ ᠪᠦᠷᠢ ᠬᠥᠬᠡᠬᠣᠲᠠ᠎ᠠᠴᠠ ᠲᠤᠰᠭᠠᠢᠯᠠᠨ ᠮᠠᠱᠢᠨ ᠵᠢᠯᠣᠭᠣᠳᠴᠤ᠌ ᠤᠴᠢᠭᠠᠳ ᠡᠦ ᠸᠸᠨ ᠱᠧᠩ᠎ᠲᠡᠶ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠲᠤᠬᠠᠢ ᠰᠢᠨ᠎ᠡ ᠰᠢᠨ᠎ᠡ ᠤᠷ᠎ᠠ ᠮᠡᠷᠭᠡᠵᠢᠯ᠂ ᠪᠤᠳᠤᠯ ᠰᠠᠨᠠᠯ᠎ᠢᠶᠠᠨ ᠰᠣᠯᠢᠯᠴᠠᠳᠠᠭ ᠪᠠᠢᠯ᠎ᠠ᠃

3 ᠵᠢᠯ᠎ᠦᠨ ᠲᠤᠷᠰᠢ᠂ ᠲᠡᠳᠡ ᠬᠣᠶᠠᠭᠤᠯᠠ ᠤᠯᠠᠮᠵᠢᠯᠠᠯᠲᠤ ᠱᠢᠪᠠᠷ᠎ᠱᠤᠭᠤᠮᠠᠯ᠎ᠤᠨ ᠤᠷ᠎ᠠ ᠮᠡᠷᠭᠡᠵᠢᠯ᠎ᠢ ᠱᠢᠨ᠎ᠡ ᠴᠠᠭ ᠦᠶ᠎ᠡ᠎ᠲᠡᠶ ᠵᠣᠯᠭᠠᠭᠤᠯᠵᠤ᠂ ᠥᠪᠥᠷ ᠮᠣᠩᠭᠣᠯ᠎ᠢ ᠮᠠᠭ᠍ᠲᠠᠨ ᠳᠠᠭᠤᠯᠠᠭ᠍ᠰᠠᠨ᠂ ᠱᠢᠨ᠎ᠡ ᠴᠠᠭ ᠦᠶ᠎ᠡ᠎ᠶ᠋ᠢ ᠮᠠᠭ᠍ᠲᠠᠨ ᠳᠠᠭᠤᠯᠠᠭ᠍ᠰᠠᠨ ᠮᠠᠰᠢ ᠤᠯᠠᠨ ᠪᠦᠲᠦᠭᠡᠯ ᠵᠣᠬᠢᠶᠠᠨ ᠪᠦᠲᠦᠭᠡᠪᠡ᠃ ᠦ᠋ ᠸᠸᠨ ᠱᠧᠩ ᠪᠣᠯᠤᠨ ᠳ᠋ᠠᠩ ᠯᠢ ᠶᠢᠩ᠎ᠦᠨ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠦᠲᠦᠭᠡᠭ᠌ᠰᠡᠨ ᠲᠠᠯ᠎ᠠ ᠨᠤᠲᠤᠭ᠎ᠤᠨ ᠰᠡᠳᠦᠪᠲᠦ ᠪᠦᠲᠦᠭᠡᠯ ᠳᠤᠲᠤᠷ᠎ᠠ ᠰᠥᠭᠥᠳᠦᠨ ᠬᠦᠬᠦᠬᠦ ᠬᠤᠷᠠᠭ᠎ᠠ ᠂ ᠬᠦᠳᠡᠭᠡ ᠨᠤᠳᠤᠭ᠎ᠤᠨ ᠬᠣᠲᠠᠴᠢ ᠨᠣᠬᠠᠢ ᠂ ᠮᠣᠷᠢ ᠤᠰᠤᠯᠠᠵᠤ ᠪᠠᠢᠭ᠎ᠠ ᠮᠣᠩᠭᠣᠯ ᠬᠡᠦᠬᠡᠨ ᠁ ᠵᠡᠷᠭᠡ ᠪᠤᠢ᠃ ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 100 ᠵᠢᠯ᠎ᠦᠨ ᠤᠢ᠎ᠶ᠋ᠢ ᠪᠡᠯᠭᠡᠯᠡᠬᠦ᠌᠎ᠶ᠋ᠢᠨ ᠲᠥᠯᠥᠭᠡ ᠳ᠋ᠠᠩ ᠯᠢ ᠶᠢᠩ 《 ᠯᠠᠩ ᠶᠠ ᠱᠠᠨ ᠠᠭᠤᠯᠠᠨ᠎ᠤ ᠲᠠᠪᠤᠨ ᠪᠠᠭᠠᠲᠤᠷ》 ᠎ᠢ᠋ ᠵᠣᠬᠢᠶᠠᠨ ᠪᠦᠲᠦᠭᠡᠵᠦ᠍ ᠂ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠨᠠᠷᠢᠨ ᠵᠦᠢᠯᠡᠰ ᠵᠢᠡᠷ ᠲᠠᠪᠤᠨ ᠪᠠᠭᠠᠲᠤᠷ᠎ᠤᠨ ᠡᠷᠡᠰ ᠪᠠᠲᠤ ᠤᠶᠠᠷᠠᠭᠤᠨ ᠵᠢᠪᠬᠤᠯᠠᠩᠲᠤ ᠪᠠᠢᠳᠠᠯ᠎ᠢ ᠲᠤᠰᠬᠠᠨ᠂ ᠦᠵᠡᠭ᠌ᠴᠢᠳ ᠲᠦ᠍ ᠲᠡᠷᠡᠬᠦ᠌ ᠲᠠᠷᠢ᠎ᠶ᠋ᠢᠨ ᠤᠳᠤᠭ᠎ᠠ ᠲᠤᠨᠤᠷᠠᠭ᠍ᠰᠠᠨ ᠴᠠᠭ ᠦᠶ᠎ᠡ᠎ᠳᠦ ᠬᠦᠷᠦᠭᠰᠡᠨ ᠬᠡᠮᠡᠷ ᠰᠠᠨᠠᠭᠳᠠᠭᠤᠯᠤᠨ᠎ᠠ᠃ 2020 ᠣᠨ᠎ᠳᠤ ᠂ ᠦ᠋ ᠸᠸᠨ ᠱᠧᠩ ᠪᠣᠯᠤᠨ ᠳ᠋ᠠᠩ ᠯᠢ ᠶᠢᠩ ᠬᠤᠶᠠᠭᠤᠯᠠ ᠬᠢᠵᠢᠭ᠎ᠲᠡᠶ ᠲᠡᠮᠡᠴᠡᠭᠰᠡᠨ ᠰᠡᠳᠦᠪ ᠵᠢᠡᠷ《ᠬᠢᠵᠢᠭ᠎ᠢ ᠰᠡᠷᠭᠡᠢᠯᠡᠬᠦ᠌ ᠦᠷᠳᠡᠭᠡ》 ᠭᠡᠬᠦ ᠪᠦᠲᠦᠭᠡᠯ᠎ᠢ ᠬᠠᠮᠲᠤ᠎ᠪᠠᠷ ᠪᠡᠶᠡᠯᠡᠭᠦᠯᠪᠡ᠂ ᠲᠤᠰ ᠪᠦᠲᠦᠭᠡᠯ ᠨᠢ ᠠᠵᠢᠯᠲᠠᠳ ᠡᠴᠡ ᠶᠠᠭ ᠭᠤᠷᠪᠠᠨ ᠬᠦᠷᠳᠦᠲᠦ ᠲᠡᠷᠭᠡᠨ᠎ᠦ ᠵᠢᠯᠣᠭᠣᠴᠢ᠎ᠶ᠋ᠢᠨ ᠪᠡᠶ᠎ᠡ᠎ᠶ᠋ᠢᠨ ᠳᠤᠯᠠᠭᠠᠨ᠎ᠢ ᠬᠡᠮᠵᠢᠵᠦ᠍᠂ ᠬᠢᠵᠢᠭ᠎ᠦᠨ ᠪᠠᠢᠳᠠᠯ᠎ᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠠᠵᠢᠯ᠎ᠤᠨ ᠡᠮᠬᠢ ᠴᠡᠭ᠌ᠴᠡ᠎ᠲᠡᠶ ᠶᠠᠪᠤᠭᠳᠠᠵᠤ ᠪᠠᠢᠭ᠎ᠠ ᠪᠠᠢᠳᠠᠯ᠎ᠢ ᠨᠢᠳᠦᠨ᠎ᠳᠤ ᠦᠵᠡᠭᠳᠡᠲᠡᠯ᠎ᠡ ᠠᠮᠢᠳᠤᠯᠢᠬ ᠲᠤᠰᠬᠠᠭᠰᠠᠨ ᠪᠠᠢᠯ᠎ᠠ᠃ 《ᠡᠨᠡ ᠪᠦᠲᠦᠭᠡᠯ ᠪᠣᠯ ᠪᠠᠭ᠍ᠰᠢ ᠪᠢᠳᠡ ᠬᠣᠶᠠᠷ᠎ᠤᠨ ᠦᠵᠡᠵᠦ᠍ ᠬᠠᠷᠠᠭ᠍ᠰᠠᠨ ᠵᠢᠡᠨ ᠦᠨᠳᠦᠰᠦᠯᠡᠨ ᠵᠤᠬᠢᠶᠠᠵᠠᠢ᠂ ᠯᠠᠪᠯᠠᠯᠲᠠ ᠪᠤᠯᠭᠠᠮᠠᠷ ᠵᠢᠷᠤᠭ ᠭᠡᠵᠦ ᠠᠯᠠᠭ᠎ᠠ᠃ ᠬᠠᠷᠠᠭᠠᠴᠢ ᠳ᠋ᠠ᠂ ᠪᠠᠭ᠍ᠰᠢ᠎ᠶ᠋ᠢᠨ ᠲᠥᠯᠥᠪᠯᠡᠵᠤ ᠵᠤᠬᠢᠶᠠᠭᠰᠠᠨ ᠭᠤᠷᠪᠠᠨ ᠬᠦᠷᠳᠦᠲᠦ ᠲᠡᠷᠭᠡ ᠶᠠᠪᠤᠵᠤ ᠴᠦ᠍ ᠳᠡᠢᠯᠦᠨ᠎ᠡ᠂ ᠮᠤᠷᠤᠢᠵᠤ ᠴᠤ᠌ ᠳᠡᠢᠯᠦᠨ᠎ᠡ᠂ ᠬᠦᠷᠳᠦ᠂ ᠪᠠᠷᠢᠭᠤᠯ᠎ᠢ ᠨᠢ ᠪᠠᠰᠠ ᠡᠷᠭᠢᠭᠦᠯᠵᠦ᠍ ᠳᠡᠢᠯᠦᠨ᠎ᠡ ᠰᠢᠦ》ᠭᠡᠵᠦ ᠳ᠋ᠠᠩ ᠯᠢ ᠶᠢᠩ ᠬᠡᠦᠬᠡᠳ᠎ᠢᠶᠡᠨ ᠬᠠᠷᠠᠵᠤ ᠪᠠᠢᠬᠤ ᠱᠢᠬ ᠡᠨᠡ ᠬᠦ᠌ ᠱᠢᠪᠠᠷ ᠱᠤᠭᠤᠮᠠᠯ᠎ᠢ ᠦᠵᠡᠭᠡᠳ ᠶᠠᠷᠢᠨ᠎ᠠ᠃

ᠡᠦ ᠸᠸᠨ ᠱᠧᠩ ᠵᠠᠯᠭᠠᠭᠠᠳ᠄ 《ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠤᠷᠠᠯᠢᠭ᠎ᠢ ᠤᠯᠠᠮᠵᠢᠯᠠᠬᠤ᠎ᠳᠤ ᠬᠣᠶᠠᠷ ᠲᠠᠯ᠎ᠠ ᠪᠠᠢᠨ᠎ᠠ᠂ ᠨᠢᠭᠡ ᠨᠢ ᠣᠳᠣ᠎ᠶ᠋ᠢᠨ ᠭᠠᠷ ᠤᠷᠠᠯᠠᠯ᠎ᠢ ᠢᠯᠡᠷᠡᠭᠦᠯᠦᠨ᠎ᠡ᠂ ᠨᠥᠭᠥᠭᠡ ᠨᠢ ᠴᠠᠭ ᠦᠶ᠎ᠡ᠎ᠲᠡᠶ ᠵᠡᠷᠭᠡ᠎ᠪᠡᠷ ᠱᠢᠨ᠎ᠡ ᠪᠦᠲᠦᠭᠡᠯ ᠵᠤᠬᠢᠶᠠᠨ᠎ᠠ᠃ ᠤᠯᠠᠮᠵᠢᠯᠠᠬᠤ᠎ᠶ᠋ᠢ ᠯᠠ ᠪᠤᠳᠤᠭᠠᠳ ᠱᠢᠨ᠎ᠡ᠎ᠶ᠋ᠢ ᠡᠭᠦᠳᠬᠦ᠌ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ᠃ ᠣᠲᠣ ᠵᠢᠨ ᠬᠥᠮᠦᠰ᠎ᠦᠨ ᠭᠠᠷ ᠤᠷᠠᠯᠠᠯ᠎ᠤᠨ ᠪᠦᠲᠦᠭᠡᠯ᠎ᠤᠨ ᠲᠤᠬᠠᠢ ᠱᠠᠭᠠᠷᠳᠠᠯᠭ᠎ᠠ ᠥᠨᠳᠥᠷ᠂ ᠤᠯᠠᠨ᠎ᠳᠤ ᠳᠠᠭᠠᠰᠢᠶᠠᠭᠳᠠᠭᠰᠠᠨ ᠪᠦᠲᠦᠭᠡᠯ ᠵᠣᠬᠢᠶᠠᠪᠠᠯ ᠰᠠᠶᠢ ᠱᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠰᠣᠶᠣᠯ᠎ᠢ ᠨᠠᠩ ᠤᠳᠠᠭᠠᠨ ᠨᠡᠩ ᠬᠣᠯᠠ ᠳᠠᠮᠵᠢᠭᠤᠯᠵᠤ ᠴᠢᠳᠠᠨ᠎ᠠ》 ᠭᠡᠵᠦ ᠦᠵᠡᠯᠲᠡ ᠲᠠᠨᠢᠯᠲᠠ ᠪᠠᠨ ᠶᠠᠷᠢᠵᠤ ᠪᠠᠢᠯ᠎ᠠ᠃

ᠡᠦ ᠸᠧᠨ ᠱᠧᠩ ᠪᠣᠯᠤᠨ ᠳ᠋ᠠᠩ ᠯᠢ ᠶᠢᠩ ᠬᠤᠶᠠᠭᠤᠯᠠ ᠪᠠᠰᠠ ᠦᠪᠡᠷ᠎ᠤᠨ ᠣᠬᠣᠷ ᠸᠢᠳᠢᠣ᠋᠎ᠶᠢᠨ ᠳᠠᠪᠴᠠᠩ ᠭᠠᠷᠭᠠᠵᠤ ᠂ ᠪᠦᠲᠦᠭᠡᠯ᠎ᠤᠳ ᠵᠢᠡᠨ ᠳᠡᠯᠭᠡᠨ ᠦᠵᠡᠭᠦᠯᠵᠦ᠍᠂ ᠴᠥᠭᠡᠨ ᠪᠤᠰᠤ ᠪᠠᠬᠠᠲᠠᠳ᠎ᠤᠨ ᠠᠩᠬᠠᠷᠤᠯ᠎ᠢ ᠲᠠᠲᠠᠭᠰᠠᠨ ᠪᠠᠢᠨ᠎ᠠ᠃ ᠬᠥᠬᠡᠬᠣᠲᠠ ᠪᠣᠭᠣᠮᠲᠠ᠎ᠶᠢᠨ ᠠᠵᠢᠯ᠎ᠠᠴᠠ᠎ᠪᠠᠨ ᠳᠠᠷᠬᠠᠯᠠᠭᠳᠠᠭᠰᠠᠨ ᠠᠵᠢᠯ᠎ᠠᠴᠠ᠎ᠪᠠᠨ ᠠᠮᠠᠷᠠᠬᠰᠠᠨ ᠺᠠᠳ᠋ᠷ᠎ᠤᠨ ᠠᠯᠪᠠᠨ ᠬᠡᠷ᠎ᠦᠨ ᠠᠵᠢᠯᠲᠠᠨ ᠸᠠᠩ ᠬᠣᠩ ᠲᠤᠤ ᠡᠦ ᠸᠸᠨ ᠱᠧᠩ ᠪᠣᠯᠤᠨ ᠳ᠋ᠠᠩ ᠯᠢ ᠶᠢᠩ᠎ᠤᠨ ᠰᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠪᠦᠲᠦᠭᠡᠯ᠎ᠦᠨ ᠸᠢᠳᠢᠣ᠋᠎ᠶᠢ ᠦᠵᠡᠭᠡᠳ᠄ 《ᠡᠦ ᠤᠪᠤᠭᠲᠤ᠎ᠶᠢᠨ ᠰᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠤᠷ᠎ᠠ ᠮᠡᠷᠭᠡᠵᠢᠯ᠎ᠨᠢ ᠨᠠᠷᠢᠯᠢᠭ᠂ ᠤᠷᠠᠯᠢᠭ᠎ᠤᠨ ᠦᠨ᠎ᠡ ᠥᠷᠲᠡᠭ ᠨᠢ ᠦᠨᠳᠦᠷ᠂ ᠡᠢᠮᠦᠷᠬᠦᠦ ᠪᠦᠲᠦᠭᠡᠯ᠎ᠢ ᠰᠦᠯᠵᠢᠶ᠎ᠡ᠎ᠪᠡᠷ ᠳᠠᠮᠵᠢᠭᠤᠯᠬᠤ᠎ᠨᠢ ᠪᠠᠰᠠ ᠰᠣᠶᠣᠯ᠎ᠤᠨ ᠠᠭᠤᠰᠤᠯᠴᠠᠨ ᠬᠥᠭᠵᠢᠬᠦ᠌᠎ᠳᠦ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠵᠡᠶ》 ᠭᠡᠵᠦ ᠮᠠᠭᠲᠠᠵᠤ ᠪᠠᠢᠪᠠ᠃

ᠰᠤᠷᠪᠤᠯᠵᠢᠯᠠᠭ᠎ᠠ ᠲᠡᠭᠦᠰᠭᠦ᠌ ᠦᠶ᠎ᠡ᠎ᠳᠦ ᠦ᠋ ᠸᠸᠨ ᠱᠧᠩ ᠤᠲᠠᠰᠤ ᠲᠤᠰᠤᠭᠠᠳ ᠶᠠᠭᠠᠷᠠᠤ ᠂ ᠨᠢᠭᠡ ᠪᠦᠯᠦᠭ ᠪᠠᠭ᠎ᠠ ᠰᠤᠷᠭᠠᠭᠤᠯᠢ᠎ᠶᠢᠨ ᠰᠤᠷᠤᠭᠴᠢᠳ ᠭᠠᠷᠠᠭ᠎ᠤᠨ ᠰᠡᠭᠦᠯᠴᠢ᠎ᠪᠡᠷ ᠦ᠋ ᠤᠪᠤᠭᠲᠤ᠎ᠶᠢᠨ ᠱᠢᠪᠠᠷ ᠱᠤᠭᠤᠮᠠᠯ᠎ᠢ ᠲᠣᠭᠣᠷᠢᠨ ᠦᠵᠡᠵᠦ᠍᠂ ᠳᠤᠷ᠎ᠠ ᠰᠣᠨᠢᠷᠬᠠᠯ᠎ᠤᠨ ᠬᠢᠴᠢᠶᠡᠯ ᠪᠣᠯᠭᠠᠨ ᠰᠤᠷᠤᠯᠴᠠᠵᠤ ᠪᠤᠯᠬᠤ ᠡᠰᠡᠬᠦ᠌᠎ᠶᠢ ᠦᠵᠡᠬᠦ ᠰᠠᠨᠠᠭ᠎ᠠ ᠲᠠᠢ ᠭᠡᠨ᠎ᠡ᠃ ᠡᠦ ᠸᠧᠨ ᠱᠧᠩ᠄《ᠢᠷᠡᠬᠦ᠌ ᠳᠤᠷᠠᠲᠠᠢ ᠪᠠᠢᠬᠤ ᠴᠢᠨᠢ ᠰᠠᠢᠨ ᠤᠴᠢᠷ ᠡ᠂ ᠮᠢᠨᠤ ᠪᠡᠯᠡᠳᠭᠡᠬᠦ᠌᠎ᠴᠢᠬᠤᠯᠠ ᠲᠠᠢ  ᠵᠦᠢᠯ ᠪᠠᠢᠪᠠᠯ ᠡᠷᠡᠭᠡ ᠦᠭᠡᠢ ᠬᠡᠯᠡᠭᠡᠷᠡᠢ》 ᠭᠡᠵᠦ ᠪᠠᠶᠠᠷᠲᠠᠢ᠎ᠶᠠᠷᠢᠵᠤ ᠪᠠᠢᠯ᠎ᠠ᠃

《ᠪᠢ ᠦᠵᠡᠭᠦᠯᠭᠡ ᠵᠢᠨ ᠲᠠᠯᠪᠢᠭᠤᠷ ᠬᠤᠳᠠᠯᠳᠤᠨ ᠠᠪᠤᠭᠠᠳ᠂ ᠲᠣᠰᠭᠣᠨ᠎ᠳᠤ ᠰᠢᠪᠠᠷ ᠱᠤᠭᠤᠮᠠᠯ᠎ᠤᠨ ᠦᠵᠡᠭᠦᠯᠭᠡ᠎ᠶᠢᠨ ᠣᠷᠳᠣᠨ ᠪᠠᠢᠭᠤᠯᠵᠤ᠂ ᠤᠯᠠᠨ᠎ᠳᠤ ᠡᠪᠦᠭᠡ ᠳᠡᠭᠡᠳᠦᠰ᠎ᠦᠨ ᠦᠯᠡᠳᠡᠭᠡᠭᠰᠡᠨ ᠲᠠᠷᠢᠶᠠᠯᠠᠩ᠎ᠤᠨ ᠪᠣᠯᠪᠠᠰᠤᠨ᠎ᠢ ᠤᠯᠠᠮᠵᠢᠯᠠᠨ᠂ ᠨᠡᠩ ᠤᠯᠠᠨ ᠦᠷ᠎ᠡ ᠬᠣᠢᠴᠢᠰ᠎ᠲᠤ ᠡᠪᠦᠭᠡ ᠳᠡᠭᠡᠳᠦᠰ᠎ᠦᠨ ᠠᠮᠢᠳᠤᠷᠠᠯ᠎ᠢ ᠮᠡᠳᠡᠭᠦᠯᠬᠦ ᠪᠡᠷ ᠪᠡᠯᠡᠳᠭᠡᠵᠦ᠍ ᠪᠠᠢᠨ᠎ᠠ》 ᠭᠡᠵᠦ ᠶᠠᠷᠢᠬᠤ᠎ᠳᠤ ᠡᠦ ᠸᠸᠨ ᠱᠧᠩ᠎ᠦᠨ ᠨᠢᠳᠤᠨ᠎ᠳᠤ ᠡᠷᠡᠰ ᠵᠤᠷᠢᠬ᠂ ᠲᠡᠭᠦᠯᠳᠡᠷ ᠣᠮᠣᠭ ᠬᠠᠷᠠᠭᠳᠠᠨ᠂ ᠬᠦᠰᠡᠯ ᠵᠢᠡᠨ ᠵᠤᠷᠢᠨ ᠲᠡᠮᠡᠦᠯᠬᠦ ᠪᠠᠭᠠᠴᠤᠳ ᠰᠢᠬ ᠪᠠᠢᠯ᠎ᠠ᠃