ᠰᠡᠬᠦᠢᠨ ᠰᠦᠨᠳᠡᠷᠯᠡᠭᠰᠡᠨ ᠬᠢᠩᠭᠠᠨ ᠳᠠᠪᠠᠭᠠᠨᠤ ᠠᠭᠤᠯᠠ ᠨᠢᠷᠤᠭᠤᠳ᠂ ᠰᠢᠷᠭᠢᠰᠢ ᠦᠭᠡᠢ ᠮᠢᠷᠡᠯᠵᠠᠬᠤ ᠦᠯᠵᠡᠢᠮᠦ᠋ᠷᠡᠨ ᠭᠣᠣᠯᠤᠨ ᠤᠷᠤᠰᠬᠠᠯ ᠨᠢ ᠠᠷᠤᠭᠴᠢᠨ ᠨᠤᠳᠤᠭᠤᠨ ᠣᠯᠠᠨ ᠮᠢᠩᠭᠠᠨ ᠵᠢᠯᠦᠨ ᠲᠡᠦᠬᠡ ᠤᠯᠪᠠᠭᠠᠶᠢ ᠬᠦᠤᠷᠨᠢᠨᠠ᠃ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨᠤ ᠦᠨᠳᠦᠰᠦ ᠬᠦᠨ ᠰᠣᠶᠣᠯᠤᠯᠠᠮᠵᠢᠯᠠᠯ ᠨᠢ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠬᠠᠮᠲᠤ ᠵᠢᠨ ᠬᠦᠭᠵᠢᠯᠳᠡ ᠵᠢᠨ ᠲᠡᠦᠬᠡᠨ ᠶᠠᠪᠤᠴᠠᠶᠢ ᠭᠡᠷᠡᠴᠢᠯᠡᠭᠰᠡᠨ ᠲᠡᠳᠦᠢ ᠦᠭᠡᠢ ᠡᠨᠡᠬᠦ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠰᠣᠶᠣᠯ ᠢᠷᠭᠡᠨᠰᠢᠯᠢ ᠦᠷᠡ ᠬᠣᠢᠴᠢᠰᠲᠠᠭᠠᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭᠤᠯᠵᠤ ᠬᠦᠭᠵᠢᠬᠦᠯᠵᠦ ᠶᠠᠪᠤᠨᠠᠮ ᠪᠢᠯᠡ！
ᠠᠷᠤ ᠬᠤᠷᠴᠢᠨ ᠬᠣᠰᠢᠭᠤᠨᠤ ᠬᠢᠵᠠᠭᠠᠷᠲᠤ ᠡᠷᠲᠡᠨᠦ ᠤᠩᠭᠤᠨ ᠬᠠᠭᠤᠴᠢᠳ 400 ᠭᠠᠷᠤᠢ ᠪᠠᠢᠵᠤ᠂ ᠡᠭᠦᠨᠳᠦ ᠤᠯᠤᠰᠤᠨ ᠳᠡᠰᠤᠨ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠭᠡᠴᠢ 7 ᠪᠠᠢᠵᠤ᠂ ᠶᠧᠯᠢᠦᠢ ᠢᠦᠢ ᡁᠢᠶᠢᠨ ᠲᠥᠷᠥᠯ ᠤᠭᠰᠠᠭᠠᠶᠢᠨ ᠣᠩᠭᠣᠨ᠂ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶᠢᠨ ᠪᠤᠤᠱᠠᠨ （ᠡᠷᠳᠡᠨᠢ ᠠᠭᠤᠯᠠ）ᠤ ᠬᠠᠨᠠᠶᠢᠨ ᠵᠢᠷᠤᠭᠲᠠᠢ ᠣᠩᠭᠣᠨ ᠨᠢ ᠳᠤᠰ ᠪᠦᠷᠢ ᠪᠦᠬᠥ ᠤᠯᠤᠰᠤᠨ ᠠᠷᠪᠠᠨ ᠶᠡᠬᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠢᠨᠡ ᠢᠯᠡᠷᠡᠭᠦᠯᠦᠯᠳᠠ ᠵᠢᠨᠨᠢᠭᠡᠪᠡᠷ ᠵᠢᠭ᠍ᠰᠠᠭᠠᠭᠳᠠᠵᠤ᠂ ᠪᠦᠬᠦ ᠤᠯᠤᠰᠤᠨ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠢ ᠬᠠᠮᠠᠭᠠᠯᠠᠬᠤ ᠴᠢᠬᠤᠯᠠ ᠨᠢᠭᠡᠴᠢ ᠪᠣᠯᠪᠠ᠃ ᠮᠦᠨᠴᠦ 《ᠬᠠᠭᠠᠨ ᠣᠷᠳᠣᠨᠤ ᠬᠥᠭᠵᠢᠮ》᠂ 《ᠬᠠᠰᠠᠭ ᠲᠡᠷᠭᠡ ᠬᠢᠬᠦ ᠮᠡᠷᠭᠡᠵᠢᠯ》᠂ 《ᠠᠷᠪᠠᠨ ᠰᠤᠮᠤᠶᠢᠨ ᠬᠤᠷᠢᠮ》 ᠵᠡᠷᠭᠡ ᠨᠢ ᠤᠯᠤᠰᠤᠨ ᠳᠡᠰᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠲᠥᠷᠥᠯ ᠵᠦᠢᠯᠳᠦ ᠵᠢᠭ᠍ᠰᠠᠭᠠᠭᠳᠠᠬᠰᠠᠨ ᠪᠠᠢᠳᠠᠭ᠃
ᠲᠡᠤᠬᠡ ᠦᠭᠦᠯᠡᠭᠰᠡᠨ ᠴᠠᠭᠠᠠᠬᠤᠳᠠ ᠵᠢᠨ ᠪᠠᠭᠤᠷᠢ
ᠨᠠᠮᠤᠷᠤᠨ ᠬᠤᠩᠭᠤᠷ ᠰᠠᠯᠬᠢᠨᠳᠤ ᠠᠭᠤᠯᠠ ᠳᠠᠯᠠ ᠤᠶᠠᠰᠴᠤ᠂ ᠭᠠᠳᠠᠷ ᠳᠤᠳᠤᠷ ᠬᠤᠶᠠᠷ ᠳᠠᠪᠬᠤᠷ ᠬᠡᠷᠡᠮ ᠵᠢᠡᠷ ᠬᠦᠷᠢᠶᠡᠯᠡᠭᠳᠡᠨ ᠪᠠᠢᠭᠤᠯᠤᠬᠳᠠᠬᠰᠠᠨ ᠴᠠᠭᠠᠠᠬᠤᠳᠠ ᠵᠢᠨ ᠪᠠᠭᠤᠷᠢ ᠵᠢ ᠠᠯᠤᠰ ᠡᠴᠡ ᠬᠠᠷᠠᠬᠤᠳᠤ ᠦᠤᠬᠡ ᠲᠡᠤᠬᠡ ᠵᠢ ᠦᠭᠦᠯᠡᠵᠤ ᠪᠠᠢᠭᠠ ᠬᠡᠮᠡᠷᠬᠡᠨ ᠠᠷᠤ ᠬᠤᠷᠴᠢᠨ ᠨᠤᠲᠤᠭᠤᠨ ᠲᠡᠨᠢᠭᠡᠷ ᠦᠷᠦᠴᠡᠨᠳᠤ ᠠᠭᠤᠯᠠ ᠪᠠᠨ ᠳᠦᠰᠢᠵᠤ᠂ ᠤᠰᠤ ᠪᠡᠨ ᠪᠠᠷᠠᠳᠠᠨ᠂ ᠳᠠᠯᠠ ᠵᠢᠨ ᠵᠢᠡᠨ ᠳᠤᠮᠳᠠ ᠨᠠᠮᠪᠠ ᠳᠠᠢ ᠬᠠᠷᠠᠬᠳᠠᠨᠠ᠃
ᠴᠠᠭᠠᠠᠬᠤᠳᠠ ᠵᠢᠨ ᠪᠠᠭᠤᠷᠢ ᠨᠢ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠬᠠᠨᠰᠦ᠋ᠮᠡ ᠰᠤᠮᠤ ᠵᠢᠨ ᠠᠪᠠᠭᠠ ᠬᠠᠷᠠ ᠠᠭᠤᠯᠠᠨᠤ ᠡᠮᠦᠨᠡ ᠪᠠᠢᠷᠢᠰᠢᠵᠤ᠂ ᠠᠷᠠᠳᠤᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠ ᠵᠠᠷᠢᠮ ᠡᠷᠳᠡᠮᠳᠡᠨ ᠮᠡᠷᠭᠡᠳᠤᠨ ᠰᠤᠳᠤᠯᠤᠯ ᠵᠢᠡᠷ ᠪᠤᠯ ᠯᠢᠭᠳᠡᠨ ᠬᠤᠳᠤᠬᠳᠤ ᠡᠨᠳᠡ ᠨᠡᠢᠰᠯᠡᠵᠤ ᠦᠩᠭᠡᠷᠡᠭᠰᠡᠨ ᠠᠵᠢ᠃
ᠴᠠᠭᠠᠠᠬᠤᠳᠠ ᠵᠢᠨ ᠪᠠᠭᠤᠷᠢ ᠵᠢᠨ ᠭᠠᠳᠠᠷ ᠬᠤᠲᠠᠶᠢᠨ ᠠᠷᠤ ᠬᠡᠷᠡᠮ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 948 ᠮᠧᠲᠷ᠂ ᠪᠠᠷᠠᠭᠤᠨ ᠬᠡᠷᠡᠮ ᠨᠢ ᠤᠷᠤᠭ᠍ᠰᠢ ᠬᠣᠢᠰᠢ 581 ᠮᠧᠲᠷ᠂ ᠵᠡᠭᠦᠨ ᠬᠡᠷᠡᠮ ᠨᠢ ᠤᠷᠤᠭ᠍ᠰᠢ ᠬᠣᠢᠰᠢ 595 ᠮᠧᠲᠷ ᠪᠠᠢᠳᠠᠭ᠃ ᠵᠡᠭᠦᠨ ᠪᠠᠷᠠᠭᠤᠨ ᠬᠡᠷᠡᠮᠦᠨ ᠡᠮᠦᠨᠡ ᠬᠣᠶᠠᠷ ᠦᠵᠦᠭᠦᠷ ᠨᠢ ᠠᠭᠤᠢᠲᠤ ᠬᠠᠳᠠ ᠪᠣᠯᠣᠨ ᠪᠤᠬᠠ ᠬᠠᠳᠠᠪᠠᠷ ᠳᠠᠭᠠᠷᠢᠵᠤ᠂ ᠬᠣᠶᠠᠷ ᠬᠠᠲᠠᠨᠤ ᠮᠥᠷᠭᠥᠴᠡᠭᠦᠨ ᠳᠤᠮᠳᠠ ᠬᠣᠶᠠᠷ ᠡᠭᠦᠳᠡ ᠪᠠᠢᠷᠢᠰᠢᠭᠤᠯᠵᠠᠢ᠃ ᠬᠣᠶᠠᠷ ᠬᠠᠳᠠᠶᠢᠨ ᠶᠡᠬᠡ ᠪᠠᠭᠠ ᠥᠨᠳᠥᠷ ᠪᠣᠭᠣᠨᠢ ᠨᠢ ᠶᠡᠬᠡ ᠲᠥᠯᠥᠪ ᠠᠳᠠᠯᠢᠬᠠᠨ ᠪᠠᠢᠵᠤ᠂ ᠳᠤᠮᠳᠠᠪᠠᠨ 400 ᠭᠠᠷᠤᠢ ᠮᠧᠲᠷ ᠵᠠᠢᠲᠠᠢ ᠪᠣᠯᠪᠠᠴᠤ ᠳᠡᠭᠡᠷᠡᠬᠢ ᠴᠢᠯᠠᠭᠤ ᠨᠢ ᠬᠠᠷᠢᠨ ᠠᠰ ᠣᠨᠳᠣᠣ ᠪᠠᠢᠵᠤ᠂ ᠪᠤᠬᠠ ᠬᠠᠳᠠᠶᠢᠨ ᠴᠢᠯᠠᠭᠤ ᠨᠢ ᠵᠢᠵᠢᠭ ᠰᠡᠢᠷᠡᠭ ᠪᠠᠢᠬᠤᠳᠤ ᠠᠭᠤᠢᠲᠤ ᠬᠠᠲᠠᠶᠢᠨ ᠴᠢᠯᠠᠭᠤ ᠨᠢ ᠬᠠᠷᠢᠨ ᠲᠣᠮᠣ᠌ ᠪᠣᠷᠵᠢᠨ ᠴᠢᠯᠠᠭᠤ ᠪᠠᠢᠯᠠ᠃
ᠴᠠᠭᠠᠠᠬᠤᠳᠠᠶᠢᠨ ᠭᠠᠳᠠᠷ ᠬᠣᠲᠠᠶᠢᠨ ᠬᠡᠷᠡᠮ ᠨᠢ ᠨᠢᠭᠡᠨᠲᠡ ᠨᠤᠷᠠᠵᠤ᠂ ᠰᠢᠷᠣᠢᠶᠢᠨ ᠳᠠᠯᠠᠩ ᠯᠠ ᠦᠯᠡᠳᠡᠵᠦ ᠪᠣᠶ᠃ ᠬᠡᠷᠡᠮᠦᠨ ᠭᠠᠳᠠᠭᠤᠷ ᠨᠢ ᠬᠤᠲᠠ ᠬᠠᠮᠠᠭᠠᠯᠠᠬᠤ ᠤᠨᠠᠭᠤᠯᠢ ᠪᠠᠢᠭᠰᠠᠨ ᠨᠢ ᠬᠣᠩᠬᠤᠯ ᠪᠤᠯᠵᠠᠢ᠃ ᠭᠠᠳᠠᠷ ᠬᠤᠲᠠᠶᠢᠨ ᠪᠦᠬᠦ ᠲᠠᠯᠠᠪᠠᠢ ᠨᠢ 69 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠪᠠᠢᠳᠠᠭ᠃
ᠴᠠᠭᠠᠨᠬᠣᠲᠠᠶᠢᠨ ᠳᠣᠲᠣᠷ ᠬᠤᠲᠠᠶᠢᠨ ᠬᠡᠷᠡᠮ ᠨᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠢ᠃ ᠠᠷᠤ ᠲᠠᠯᠠᠪᠠᠷᠢᠶᠠᠨ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 246 ᠮᠧᠲᠷ᠂ ᠪᠠᠷᠠᠭᠤᠨ ᠲᠠᠯᠠ ᠨᠢ ᠡᠮᠦᠨᠡᠰᠢ ᠬᠣᠢᠰᠢ 247.76 ᠮᠧᠲᠷ᠂ ᠵᠡᠭᠦᠨ ᠲᠠᠯᠠ ᠨᠢ ᠡᠮᠦᠨᠡᠰᠢ ᠬᠣᠢᠰᠢ 245 ᠮᠧᠲᠷ᠂ ᠡᠮᠦᠨᠡ ᠲᠠᠯᠠ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 242.34 ᠮᠧᠲᠷ ᠪᠠᠢᠵᠤ᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 6 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠪᠠᠢᠳᠠᠭ᠃ ᠡᠭᠦᠨᠢ ᠪᠠᠰᠠ ᠬᠠᠭᠠᠨᠤ ᠣᠷᠳᠣᠨ ᠪᠤᠶᠤ ᠪᠣᠷᠣ᠌ ᠬᠤᠲᠠ ᠭᠡᠳᠡᠭ᠃ ᠡᠢᠮᠦᠡᠴᠡ ᠬᠣᠲᠠᠶᠢᠨ ᠬᠡᠷᠡᠮᠢ ᠨᠢ ᠪᠠᠰᠠ ᠪᠣᠷᠣ᠌ ᠬᠡᠷᠡᠮ ᠭᠡᠳᠡᠭ᠃ ᠬᠠᠭᠠᠨᠤ ᠬᠣᠲᠠᠨᠳᠤ ᠨᠢᠭᠡ ᠯᠡ ᠡᠮᠦᠨᠡ ᠡᠭᠦᠳᠡᠲᠠᠢ᠂ ᠴᠣᠯᠴᠣᠩᠤᠨ ᠠᠮᠠᠰᠠᠷᠢ ᠨᠢ ᠵᠡᠭᠦᠨᠰᠢ ᠬᠠᠷᠠᠭᠤᠯᠵᠠᠢ᠃
1634 ᠣᠨᠳᠤ᠂ ᠯᠢᠭᠳᠡᠨ ᠬᠤᠲᠤᠭᠲᠤ ᠬᠣᠢᠲᠤ ᠠᠯᠲᠠᠨ ᠤᠯᠤᠰᠤᠨ ᠬᠣᠩᠲᠠᠢᠵᠢᠳᠦ ᠳᠡᠢᠯᠦᠭᠳᠡᠭᠰᠡᠨᠦ ᠬᠤᠢᠨᠠ ᠬᠠᠭᠠᠨᠤ ᠬᠤᠲᠠ ᠨᠢ ᠴᠦ᠍ ᠭᠠᠯᠳᠤ ᠠᠪᠲᠠᠭᠳᠠᠵᠠᠢ᠃ ᠭᠡᠪᠡᠴᠦ ᠬᠥᠬᠡ ᠲᠣᠭᠣᠰᠬᠠᠪᠠᠷ ᠭᠠᠳᠠᠷᠯᠠᠭᠰᠠᠨ ᠬᠤᠲᠠᠶᠢᠨ ᠬᠡᠷᠡᠮ ᠨᠢ ᠪᠦᠷᠢᠨ ᠪᠦᠲᠦᠨ ᠦᠯᠡᠳᠡᠵᠡᠢ᠃ 1674 ᠤᠨᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠤᠳᠤ ᠵᠢᠨ ᠬᠠᠨᠰᠦ᠋ᠮᠡ ᠵᠢ ᠪᠠᠢᠭᠤᠯᠬᠤᠳᠤ ᠴᠠᠭᠠᠠᠬᠤᠳᠠ ᠵᠢᠨ ᠴᠢᠯᠠᠭᠤ ᠪᠠ ᠬᠡᠷᠡᠮᠤᠨ ᠳᠤᠭᠤᠰᠬᠠ ᠵᠡᠷᠭᠡᠶᠢ ᠨᠢ ᠨᠡᠭᠦᠯᠭᠡᠵᠦ ᠬᠡᠷᠡᠭᠯᠡᠭᠰᠡᠨ ᠪᠠᠢᠨᠠ᠃ ᠴᠣᠯᠴᠣᠩᠢᠶᠠᠷ ᠶᠠᠭᠤᠮᠠ ᠵᠥᠭᠡᠭᠡᠬᠦᠳᠦ ᠳᠥᠭᠥᠮ ᠦᠭᠡᠢ ᠪᠣᠯᠬᠣᠷ ᠬᠤᠲᠠᠶᠢᠨ ᠵᠡᠭᠦᠨ ᠬᠡᠷᠡᠮᠢ ᠰᠡᠲᠡᠯᠦᠭᠰᠡᠨ ᠨᠢ ᠣᠳᠣ᠌ᠶᠢᠨ ᠴᠠᠭᠠᠨᠬᠣᠲᠠᠶᠢᠨ ᠪᠣᠷᠣ᠌ ᠬᠡᠷᠡᠮᠦᠨ ᠵᠡᠭᠦᠨ ᠡᠭᠦᠳᠡ ᠨᠢ ᠪᠢᠯᠡ᠃
ᠡᠭᠦᠨᠡᠴᠡ ᠬᠣᠵᠢᠮᠤᠨ ᠭᠤᠷᠪᠠᠨ ᠵᠠᠭᠤ ᠢᠯᠡᠭᠦᠦ ᠵᠢᠯᠦᠳᠲᠦ᠂ ᠴᠠᠭᠠᠨᠬᠣᠲᠠᠶᠢᠨ ᠣᠷᠴᠢᠮ ᠪᠠᠷᠤᠭ ᠬᠥᠮᠥᠨ ᠠᠮᠢᠲᠠᠨ ᠪᠠᠢᠭᠰᠠᠨ ᠦᠭᠡᠢ᠃
ᠬᠣᠷᠢᠳᠤᠭᠠᠷ ᠵᠠᠭᠤᠨᠤ ᠵᠢᠷᠠᠭᠠᠳ ᠣᠨᠤ ᠦᠶᠡᠳᠦ᠂ ᠡᠨᠡ ᠬᠠᠪᠢ ᠨᠢ ᠬᠠᠨᠰᠦ᠋ᠮᠠ ᠰᠤᠮᠤᠶᠢᠨ ᠬᠠᠮᠢᠶᠠ ᠪᠦᠬᠦᠢ ᠠᠢᠯᠤᠨ ᠮᠠᠯᠤᠨ ᠣᠲᠣᠷ ᠪᠤᠶᠤ ᠡᠪᠡᠰᠤ ᠪᠣᠷᠳᠣᠭᠠᠨᠦ ᠰᠠᠭᠤᠷᠢᠨ ᠪᠠᠢᠪᠠ᠃ 1970 ᠣᠨᠳᠤ᠂ ᠬᠠᠨᠰᠦ᠋ᠮᠡ ᠣᠷᠴᠢᠮᠤᠨ ᠨᠢᠭᠡ ᠪᠦᠯᠦᠭ ᠠᠢᠯ ᠴᠠᠭᠠᠨᠬᠣᠲᠠᠶᠢᠨ ᠪᠠᠷᠠᠭᠤᠨᠲᠠᠢ ᠨᠡᠭᠦᠨ ᠢᠷᠡᠵᠦ᠂ ᠮᠥᠨ ᠴᠠᠭᠠᠨᠬᠣᠲᠠ ᠭᠡᠰᠡᠨ ᠨᠡᠷᠡ ᠠᠪᠴᠠᠢ᠃ ᠳᠤᠬᠠᠢ ᠵᠢᠨ ᠦᠶᠡᠳᠦ ᠬᠠᠭᠠᠨᠤ ᠬᠤᠲᠠᠶᠢᠨ ᠳᠣᠲᠣᠷᠠ ᠪᠠᠯᠠᠷ ᠮᠤᠳᠤ᠂ ᠡᠪᠡᠰᠦ ᠤᠷᠭᠤᠮᠠᠯ ᠢᠭ᠍ᠴᠤᠷᠠᠵᠤ᠂ ᠪᠣᠷᠣ᠌ ᠬᠡᠷᠡᠮᠦᠨ ᠣᠷᠣᠢ ᠨᠢ ᠪᠠᠷᠤᠭ ᠳᠥᠷᠪᠡᠨ ᠮᠧᠲᠷ ᠥᠷᠭᠡᠨ ᠦᠯᠡᠳᠡᠵᠦ᠂ ᠳᠡᠭᠡᠭᠦᠷ ᠨᠢ ᠮᠣᠷᠢᠪᠠᠷ ᠶᠠᠪᠤᠬᠤᠳᠤ ᠠᠵᠢᠭ᠋ ᠴᠤ᠌ ᠦᠭᠡᠢ ᠪᠠᠢᠵᠠᠢ᠃
2006 ᠣᠨᠤ 5 ᠰᠠᠷᠠᠳᠤ᠂ ᠴᠠᠭᠠᠨᠬᠣᠲᠠᠶᠢᠨ ᠪᠠᠭᠤᠷᠢ ᠨᠢ ᠵᠢᠷᠭᠤᠳᠤᠭᠠᠷ ᠪᠦᠯᠦᠭᠤᠨ ᠪᠦᠬᠦ ᠤᠯᠤᠰᠤᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯᠲᠤ ᠵᠤᠢᠯᠡᠰᠤᠨ ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ ᠪᠣᠯᠪᠠ᠃
ᠤᠵᠠᠭᠤᠷ ᠡᠷᠳᠡᠨᠤ ᠲᠡᠤᠬᠡ ᠵᠢ ᠦᠭᠦᠯᠡᠭᠰᠡᠨ ᠴᠠᠭᠠᠠᠬᠤᠳᠠ ᠵᠢᠨ ᠪᠠᠭᠤᠷᠢ ᠤᠯᠠᠨ ᠵᠠᠭᠤᠨ ᠵᠢᠯᠤᠨ ᠴᠠᠭ ᠬᠤᠭᠤᠴᠠᠭᠠ᠂ ᠨᠡᠢᠭᠡᠮ ᠠᠬᠤᠢ ᠵᠢᠨ ᠰᠢᠨᠡᠴᠢᠯᠡᠯᠳᠡ ᠬᠦᠭᠵᠢᠯᠳᠡ᠂ ᠦᠶᠡ ᠦᠶᠡ ᠵᠢᠨ ᠬᠦᠮᠦᠰᠤᠨ ᠠᠮᠢᠳᠤᠷᠠᠯ ᠤᠢᠯᠡᠳᠪᠤᠷᠢᠯᠠᠯᠤᠨ ᠬᠤᠪᠢᠷᠠᠯᠳᠠ ᠵᠢ ᠳᠠᠮᠵᠢᠨ ᠳᠡᠷᠳᠡᠭᠡ ᠡᠴᠡ ᠦᠨᠤᠳᠤ ᠬᠦᠷᠦᠭᠰᠡᠨ ᠨᠢ ᠨᠤᠲᠤᠭᠤᠨ ᠤᠯᠠᠨ ᠲᠦᠮᠡᠨᠤ ᠢᠷᠡᠭᠡᠳᠤᠢ ᠪᠡᠨ ᠨᠡᠩ ᠰᠠᠢᠨ ᠰᠠᠢᠬᠠᠨ ᠴᠤᠬᠴᠠᠯᠠᠨ ᠪᠠᠢᠭᠤᠯᠵᠤ᠂ ᠵᠤᠯ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯᠤᠨ ᠵᠢᠷᠤᠭ ᠵᠢᠡᠷ ᠨᠤᠲᠤᠭᠤᠨ ᠬᠦᠷᠦᠰᠦ ᠪᠡᠨ ᠴᠢᠮᠡᠬᠦ ᠢᠳᠡᠬᠡᠯ ᠵᠤᠷᠢᠭᠢ ᠬᠦᠪᠴᠢᠯᠡᠭᠰᠡᠭᠡᠷ ᠪᠢᠯᠡ！
ᠲᠦᠷᠦ ᠵᠢᠨ ᠬᠠᠮᠠᠭᠠᠯᠠᠯᠳᠠ ᠳᠠᠢ 《 ᠵᠢᠷᠤᠭᠲᠤ ᠣᠩᠭᠣᠨ》
1994 ᠣᠨᠤ 6 ᠰᠠᠷᠠᠳᠤ᠂ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨᠤ ᠤᠤᠯᠤᠨ ᠵᠡᠭᠦᠨ ᠰᠢᠪᠠᠷᠲᠠᠢ ᠰᠢᠶᠠᠩᠤᠨ ᠪᠦᠷᠬᠦᠭᠡᠰᠦᠲᠡᠢ ᠬᠠᠨ ᠠᠭᠤᠯᠠᠨᠦ ᠡᠩᠭᠡᠷ ᠡᠴᠡ ᠡᠷᠲᠡᠨᠦ ᠬᠣᠶᠠᠷ ᠣᠩᠭᠣᠨᠢ ᠢᠯᠡᠷᠡᠭᠦᠯᠪᠡ᠃ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠡᠷᠳᠡᠮᠲᠡᠨ ᠰᠤᠳᠤᠯᠤᠭ᠍ᠴᠢᠵᠢᠨ ᠨᠤᠲᠠᠯᠠᠭᠰᠠᠨ ᠵᠢᠠᠷ᠂ ᠡᠳᠡᠭᠡᠷ ᠨᠢ ᠯᠢᠶᠣᠤ ᠤᠯᠤᠰᠤᠨ ᠡᠬᠢᠨᠦ ᠦᠶᠡᠶᠢᠨ ᠣᠩᠭᠣᠨ ᠪᠠᠢᠵᠤ᠂ ᠪᠠᠢᠷᠢᠰᠢᠯ ᠨᠢ ᠪᠤᠤᠱᠠᠨ ᠲᠣᠰᠬᠣᠨᠤ ᠪᠠᠷᠠᠭᠤᠨᠲᠠᠢ ᠪᠠᠢᠬᠰᠠᠨ ᠪᠣᠯᠬᠣᠷ ᠬᠣᠵᠢᠮ ᠨᠢ 《ᠪᠤᠤᠱᠠᠨᠤ ᠬᠠᠨᠠᠶᠢᠨ ᠵᠢᠷᠤᠭᠲᠤ ᠣᠩᠭᠣᠨ》 ᠬᠡᠮᠡᠨ ᠨᠡᠷᠡᠢᠳᠴᠡᠢ᠃
ᠳᠤᠰ ᠬᠣᠶᠠᠷ ᠣᠩᠭᠣᠨᠨᠢ ᠭᠠᠵᠠᠷᠤᠨ ᠭᠠᠳᠠᠷᠭᠤ ᠳᠡᠭᠡᠷᠡ ᠪᠠᠰᠠ ᠣᠩᠭᠣᠨᠤ ᠬᠦᠷᠢᠶᠡᠯᠡᠩᠲᠠᠢ ᠪᠠᠢᠵᠤ᠂ ᠵᠢᠭᠠᠬᠠᠨ ᠵᠡᠭᠦᠨ ᠡᠮᠦᠨᠡ ᠵᠦᠭᠲᠦ ᠬᠠᠨᠳᠤᠬᠰᠠᠨ ᠤᠷᠳᠤ ᠳᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠠᠢ ᠪᠠᠢᠪᠠ᠃ ᠬᠦᠷᠢᠶᠡᠯᠡᠩᠦᠨ ᠬᠡᠷᠡᠮᠢ ᠰᠢᠷᠣᠢᠪᠠᠷ ᠨᠦᠳᠦᠨ ᠪᠠᠷᠢᠵᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 200 ᠮᠧᠲᠷ᠂ ᠡᠮᠦᠨᠡ ᠬᠣᠢᠰᠢ 170 ᠮᠧᠲᠷ᠂ ᠬᠡᠷᠡᠮᠦᠨ ᠰᠠᠭᠤᠷᠢ ᠨᠢ 7 ᠮᠧᠲᠷ ᠣᠷᠴᠢᠮ ᠪᠠᠢᠵᠤ᠂ ᠪᠠᠭᠤᠷᠢ ᠨᠢ 1 — 2 ᠮᠧᠲᠷ ᠥᠨᠳᠥᠷ ᠪᠠᠢᠪᠠ᠃ ᠨᠦᠳᠦᠭᠰᠡᠨ ᠰᠢᠷᠣᠢᠶᠢᠨ ᠵᠤᠵᠠᠭᠠᠨ ᠨᠢ 20 — 40 ᠰᠠᠨᠲ᠋ᠢᠮᠧᠲᠷᠦᠨ ᠬᠣᠭᠣᠷᠣᠨᠳᠤ ᠪᠠᠢᠳᠠᠭ᠃ ᠬᠦᠷᠢᠶᠡᠯᠡᠩᠦᠨ ᠡᠮᠦᠨᠡ ᠪᠣᠯᠣᠨ ᠵᠡᠭᠦᠨ ᠲᠠᠯᠠ ᠳ᠋ᠤᠨᠢ ᠡᠭᠦᠳᠡ ᠳᠠᠢ ᠪᠠᠢᠵᠤ᠂ ᠭᠠᠳᠠᠭᠤᠷ ᠨᠢ ᠪᠦᠷ ᠴᠣᠯᠴᠣᠩᠲᠠᠢ᠃ ᠲᠡᠭᠦᠨᠦ ᠪᠠᠭᠤᠷᠢ ᠨᠢ ᠪᠠᠰᠠ 2 ᠮᠧᠲᠷ ᠣᠷᠴᠢᠮ ᠪᠠᠢᠳᠠᠭ᠃
ᠬᠦᠷᠢᠶᠡᠯᠡᠩ ᠳᠣᠲᠣᠷᠠ ᠵᠡᠭᠦᠨ ᠪᠠᠷᠠᠭᠤᠨᠢᠶᠠᠷ ᠵᠡᠷᠭᠡᠴᠡᠭᠰᠡᠨ ᠬᠣᠶᠠᠷ ᠣᠩᠭᠣᠨᠲᠠᠢ᠃ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠥᠮᠥᠰ ᠲᠤᠰ ᠪᠦᠷᠢ 1 ᠨᠣᠮᠧᠷᠲᠤ ᠪᠠ 2 ᠨᠣᠮᠧᠷᠲᠤ ᠣᠩᠭᠣᠨᠭᠡᠵᠤ ᠨᠡᠷᠡᠢᠳᠴᠡᠢ᠃ 1 ᠨᠣᠮᠧᠷᠲᠤ ᠣᠩᠭᠣᠨᠤ ᠡᠭᠦᠳᠡ ᠨᠢ ᠡᠮᠦᠨᠡᠰᠢ ᠬᠠᠷᠠᠵᠤ᠂ ᠭᠠᠳᠠᠨᠠ ᠨᠢ ᠵᠢᠭᠠᠬᠠᠨ ᠲᠠᠯᠠᠪᠤᠷᠲᠠᠢ᠂ ᠵᠡᠭᠦᠨ ᠪᠠᠷᠠᠭᠤᠨ ᠪᠠ ᠬᠣᠢᠲᠤ ᠲᠠᠯᠠ ᠳ᠋ᠤᠨᠢ ᠪᠦᠷ ᠬᠥᠬᠡ ᠥᠩᠭᠡᠶᠢᠨ ᠲᠣᠭᠣᠰᠬᠠ ᠸᠠᠭᠠᠷᠢᠶᠠᠷ ᠪᠠᠷᠢᠭ᠍ᠰᠠᠨ ᠭᠡᠷᠦᠨ ᠰᠠᠷᠠᠪᠴᠢᠲᠠᠢ᠂ ᠠᠩᠬᠠ ᠦᠵᠡᠬᠦᠳᠦ ᠳᠥᠷᠪᠡᠯᠵᠢᠨ ᠬᠦᠷᠢᠶᠡᠲᠠᠢ ᠪᠠᠢᠰᠢᠩ ᠭᠡᠷ ᠰᠢᠭ ᠪᠠᠢᠳᠠᠭ᠃ ᠭᠡᠪᠡᠴᠦ ᠬᠣᠢᠲᠤ ᠲᠠᠯᠠ ᠨᠢ ᠣᠩᠭᠣᠨᠤ ᠭᠡᠷᠲᠦ ᠣᠷᠣᠬᠤ ᠡᠭᠦᠳᠡ ᠪᠥᠭᠡᠳ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠨᠢ ᠴᠢᠮᠡᠭᠯᠡᠯ ᠪᠠᠷᠢᠯᠭᠠ ᠶᠤᠮ᠃
ᠡᠨᠡᠬᠦ ᠡᠭᠦᠳᠡᠪᠡᠷ ᠳᠤᠳᠤᠬᠰᠢ ᠬᠣᠩᠭᠢᠯᠢᠶᠠᠷ ᠶᠠᠪᠤᠵᠤ᠂ ᠣᠩᠭᠣᠨᠤ ᠭᠡᠷᠦᠨ ᠡᠭᠦᠳᠡᠨᠳᠦ ᠬᠦᠷᠳᠡᠭ᠃ ᠲᠡᠭᠦᠨᠦ ᠬᠦᠷᠢᠶᠡᠶᠢᠨ ᠳᠣᠲᠣᠭᠤ ᠪᠣᠯᠣᠨ ᠬᠠᠲᠠᠪᠴᠢᠶᠢ ᠪᠦᠷ ᠪᠦᠬᠦᠯᠢ ᠴᠢᠯᠠᠭᠤᠪᠠᠷ ᠬᠢᠵᠦ᠂ ᠳᠡᠭᠡᠷᠡ ᠨᠢ ᠪᠦᠬᠦᠯᠢ ᠴᠢᠯᠠᠭᠤᠶᠢᠨ ᠬᠣᠶᠠᠷ ᠬᠠᠭᠠᠯᠭᠠ ᠲᠠᠭᠠᠷᠠᠭᠤᠯᠵᠠᠶ᠃ ᠡᠨᠡᠬᠦ ᠭᠡᠷᠢ ᠵᠤᠤᠪᠠᠩ ᠬᠡᠯᠪᠡᠷᠢᠲᠡᠢ ᠪᠠᠷᠢᠵᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 5.42 ᠮᠧᠲᠷ ᠥᠷᠭᠡᠨ᠂ ᠡᠮᠦᠨᠡᠰᠢ ᠬᠣᠢᠰᠢ 5.84 ᠮᠧᠲᠷ ᠤᠷᠲᠤ ᠪᠠᠢᠳᠠᠭ᠃ ᠭᠡᠷᠦᠨ ᠬᠥᠮᠥᠭᠡᠷ ᠣᠷᠣᠢᠶᠢᠨ ᠥᠨᠳᠥᠷ ᠨᠢ 5.3 ᠮᠧᠲᠷ᠂ ᠳᠡᠭᠡᠷᠡ ᠨᠢ ᠮᠣᠩᠭᠣᠯ ᠭᠡᠷᠦᠨ ᠤᠨᠢᠶᠢ ᠵᠢᠷᠤᠵᠠᠢ᠃
ᠭᠡᠷᠦᠨ ᠭᠣᠣᠯ ᠳᠤᠮᠳᠠᠠᠴᠠ ᠵᠢᠭᠠᠬᠠᠨ ᠬᠣᠢᠰᠢ ᠭᠠᠵᠠᠷᠲᠦ ᠪᠠᠰᠠ ᠨᠢᠭᠡᠨ ᠳᠥᠷᠪᠡᠯᠵᠢᠨ ᠴᠢᠯᠠᠭᠤᠨ ᠭᠡᠷᠪᠤᠢ᠂ ᠳᠥᠷᠪᠡᠨ ᠬᠠᠨᠠ ᠪᠣᠯᠣᠨ ᠳᠡᠭᠡᠪᠦᠷᠢ ᠨᠢ ᠪᠦᠷ ᠲᠣᠮᠣ᠌ ᠴᠢᠯᠠᠭᠤᠨ ᠬᠠᠪᠲᠠᠰᠤᠪᠠᠷ ᠬᠢᠵᠡᠢ᠃ ᠴᠢᠯᠠᠭᠤᠨ ᠭᠡᠷ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 3.16 ᠮᠧᠲᠷ ᠥᠷᠭᠡᠨ᠂ ᠡᠮᠦᠨᠡᠰᠢ ᠬᠣᠢᠰᠢ 3.7 ᠮᠧᠲᠷ᠂ ᠬᠠᠨᠠᠶᠢᠨ ᠥᠨᠳᠥᠷ ᠨᠢ 2.36 ᠮᠧᠲᠷ ᠪᠠᠢᠵᠤ᠂ ᠡᠭᠦᠳᠡ ᠨᠢ ᠶᠡᠬᠡ ᠭᠡᠷᠦᠨ ᠬᠠᠭᠠᠯᠭᠠ ᠪᠣᠯᠣᠨ ᠬᠣᠩᠭᠢᠯᠲᠠᠢ ᠠᠰᠯᠠᠵᠠᠢ᠃ ᠡᠨᠡᠬᠦ ᠴᠢᠯᠠᠭᠤᠨ ᠭᠡᠷᠲᠦ ᠣᠩᠭᠣᠨᠤ ᠡᠵᠡᠨᠦ ᠠᠪᠰᠠ ᠵᠡᠷᠭᠡ ᠶᠠᠭᠤᠮᠠ ᠪᠠᠢᠬᠰᠠᠨ ᠪᠤᠯᠪᠠᠴᠤ ᠣᠷᠣ᠌ ᠦᠭᠡᠢ ᠪᠣᠯᠲᠠᠯᠠ ᠬᠤᠯᠠᠭᠠᠢᠯᠠᠭᠳᠠᠵᠠᠢ᠃ ᠡᠨᠡᠬᠦ ᠴᠢᠯᠠᠭᠤᠨ ᠭᠡᠷᠦᠨ ᠬᠣᠢᠲᠤ ᠬᠠᠨᠠ ᠳᠡᠭᠡᠷᠡ ᠨᠢ ᠳᠥᠷᠪᠡᠯᠵᠢᠨ ᠬᠠᠨᠵᠤᠨ ᠰᠢᠷᠡᠭᠡ ᠵᠠᠰᠠᠵᠤ᠂ ᠳᠡᠭᠡᠷᠡ ᠨᠢ ᠵᠢᠷᠭᠤᠭᠠᠨ ᠫᠢᠯᠠ᠂ ᠭᠤᠷᠪᠠᠨ ᠴᠣᠮᠣ᠌ ᠪᠣᠯᠣᠨ ᠴᠡᠴᠡᠭᠦᠨ ᠳᠥᠷᠪᠡᠨ ᠲᠠᠯᠪᠢᠶᠢᠨ ᠬᠡᠯᠪᠡᠷᠢᠲᠡᠢ ᠬᠣᠶᠠᠷ ᠠᠶᠠᠭᠠᠶᠢ ᠲᠠᠯᠪᠢᠭ᠍ᠰᠠᠨᠢᠶᠠᠷ ᠵᠢᠷᠤᠵᠠᠢ᠃ ᠪᠤᠤᠱᠠᠨ ᠲᠣᠰᠬᠣᠨᠤ ᠵᠠᠷᠢᠮ ᠬᠥᠮᠥᠨ ᠠᠩᠬᠠ ᠡᠭᠦᠨᠢ ᠦᠵᠡᠵᠦ᠂ ᠠᠶᠠᠭᠠ ᠰᠠᠪᠠᠶᠢ ᠨᠢ ᠦᠨᠡᠨ ᠶᠠᠭᠤᠮᠠ ᠭᠡᠵᠦ ᠬᠣᠭᠣᠰᠤᠨ ᠰᠢᠭᠦᠷᠡᠬᠦᠳᠡᠭᠡᠨ ᠭᠠᠷᠢᠶᠠᠨ ᠬᠠᠨᠠ ᠳᠡᠭᠡᠷᠡ ᠬᠦᠷᠦᠯᠴᠡᠭᠦᠯᠦᠨ ᠡᠪᠡᠳᠬᠡᠭᠰᠡᠨ ᠭᠡᠳᠡᠭ᠃
ᠳᠤᠳᠤᠷᠠᠭᠤᠯᠵᠤ ᠶᠠᠷᠢᠪᠠᠯ᠂ ᠡᠨᠡᠬᠦ ᠴᠢᠯᠠᠭᠤᠨ ᠭᠡᠷᠦᠨ ᠭᠠᠳᠠᠷ ᠬᠠᠨᠠᠶᠢᠨ ᠲᠣᠭᠣᠷᠢᠨᠳᠤ ᠪᠦᠷ ᠪᠤᠳᠤᠭᠲᠤ ᠬᠠᠨᠠᠶᠢᠨ ᠵᠢᠷᠤᠭ ᠵᠢᠷᠤᠵᠠᠢ᠃ ᠡᠭᠦᠨᠳᠦ ᠵᠠᠷᠢᠮ ᠨᠢ ᠤᠳᠠᠭᠠᠨ ᠵᠢᠯᠦᠨ ᠴᠢᠭᠢᠭ ᠤᠰᠤᠠᠴᠠ ᠬᠣᠭᠵᠢᠷᠠᠨ ᠤᠨᠠᠵᠤ᠂ ᠵᠠᠷᠢᠮ ᠨᠢ ᠨᠡᠯᠢᠶᠡᠳ ᠪᠦᠷᠢᠨ ᠪᠦᠲᠦᠨ ᠵᠢᠨᠷ ᠵᠢᠨᠨ ᠦᠯᠡᠳᠡᠵᠠᠢ᠃ ᠵᠢᠷᠤᠭ ᠳᠡᠭᠡᠷᠡᠬᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠥᠨ ᠨᠢ ᠦᠨᠡᠨ ᠬᠥᠮᠥᠨᠦ ᠬᠢᠷᠢ ᠥᠨᠳᠥᠷ ᠪᠠᠢᠵᠤ᠂ ᠨᠤᠬᠳᠤᠯᠠᠵᠤ ᠬᠠᠵᠠᠭᠠᠷᠯᠠᠨ ᠡᠮᠡᠭᠡᠯ ᠲᠣᠬᠣᠭᠰᠠᠨ ᠠᠭᠲᠠ ᠬᠥᠯᠥᠭ ᠪᠣᠯᠣᠨ ᠢᠮᠠᠭᠠ᠂ ᠨᠣᠬᠠᠢᠶᠢ ᠴᠤ᠌ ᠵᠢᠷᠤᠵᠠᠢ᠃ ᠡᠭᠦᠨᠳᠦ ᠡᠮᠡᠭᠡᠯᠢ ᠬᠥᠮᠥᠯᠳᠥᠷᠭᠡ ᠬᠤᠳᠠᠷᠭᠠᠲᠠᠢ ᠵᠢᠷᠤᠵᠤ᠂ ᠡᠮᠦᠨᠡ ᠪᠦᠭᠦᠷᠭᠡᠨᠦ ᠦᠵᠦᠭᠦᠷ ᠳᠣᠣᠷᠠᠠᠴᠠ ᠲᠦᠷᠦᠭᠡ ᠳᠡᠭᠦᠵᠢᠯᠡᠵᠦ᠂ ᠬᠠᠪᠲᠠᠭᠠᠯᠤᠨ ᠬᠣᠢᠲᠤ ᠦᠵᠦᠭᠦᠷᠲᠦ ᠵᠢᠷᠭᠤᠭᠠᠨ ᠭᠠᠨᠵᠤᠭᠠ ᠤᠨᠵᠢᠢᠯᠭᠠᠵᠠᠢ᠃
ᠴᠢᠯᠠᠭᠤᠨ ᠭᠡᠷᠦᠨ ᠵᠡᠭᠦᠨ ᠬᠠᠨᠠᠶᠢᠨ ᠭᠠᠳᠠᠨᠠ 《ᠦᠨᠡᠨᠢ ᠳᠠᠭᠠᠭᠰᠠᠨ ᠵᠢᠷᠤᠭ》 ᠲᠠᠢ᠃ ᠬᠠᠨ ᠤᠯᠤᠰᠤᠨ ᠦ᠋ ᠳᠢ ᠬᠠᠭᠠᠨ ᠯᠢᠦ ᠴᠧ ᠯᠦ᠍ᠭᠡ ᠰᠢ ᠸᠠᠩ ᠮᠦ᠍ ᠰᠠᠬᠢᠭᠤᠯᠰᠤᠨ ᠭᠤᠷᠪᠠᠨ ᠳᠠᠭᠢᠨᠢ ᠳᠠᠭᠠᠭᠤᠯᠤᠨ ᠠᠭᠤᠯᠵᠠᠬᠤᠪᠠᠷ ᠢᠷᠡᠭᠰᠡᠨ ᠠᠭᠤᠯᠭᠠᠶᠢ ᠢᠯᠡᠳᠬᠡᠵᠡᠢ᠃ ᠡᠭᠦᠨᠳᠦ ᠯᠢᠦ ᠴᠧ ᠶᠡᠬᠡ ᠬᠡᠪᠢᠰ ᠳᠡᠭᠡᠷᠡ ᠰᠠᠭᠤᠵᠤ᠂ ᠨᠥᠭᠥᠭᠡ ᠳᠥᠷᠪᠡᠨ ᠰᠠᠬᠢᠭᠤᠯᠰᠤᠨ ᠪᠣᠯᠣᠨ ᠳᠠᠭᠢᠨᠢ ᠨᠠᠷ ᠡᠭᠦᠯᠡ ᠬᠥᠯᠭᠡᠯᠡᠨ ᠪᠠᠭᠤᠵᠤ ᠪᠠᠢᠨᠠ᠃ ᠵᠢᠷᠤᠭᠤᠨ ᠠᠷᠤ ᠦᠵᠡᠭᠳᠡᠯᠳᠦ ᠬᠤᠯᠤᠰᠤ᠂ ᠮᠣᠳᠣ᠌ ᠵᠡᠷᠭᠡ ᠤᠷᠭᠤᠮᠠᠯ ᠦᠵᠡᠭᠳᠡᠨᠡ᠃
2 ᠨᠣᠮᠧᠷᠲᠤ ᠣᠩᠭᠣᠨᠤ ᠡᠭᠦᠳᠡ ᠨᠢ ᠵᠡᠭᠦᠨᠰᠢ ᠬᠠᠨᠳᠤᠵᠤ᠂ ᠬᠠᠭᠠᠯᠭᠠᠨᠤ ᠰᠠᠷᠠᠪᠴᠢᠶᠢᠨ ᠳᠣᠣᠷᠠ ᠬᠣᠶᠠᠷ ᠴᠢᠯᠠᠭᠤᠨ ᠬᠠᠭᠠᠯᠭᠠ ᠲᠠᠭᠠᠷᠠᠭᠤᠯᠵᠤ᠂ ᠳᠣᠲᠣᠭ᠍ᠰᠢ ᠣᠩᠭᠣᠨᠤ ᠭᠡᠷᠲᠦ ᠣᠷᠣᠳᠠᠭ᠃ ᠡᠨᠡᠬᠦ ᠭᠡᠷ ᠨᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠢ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 4.45 ᠮᠧᠲᠷ ᠥᠷᠭᠡᠨ᠂ ᠡᠮᠦᠨᠡᠰᠢ ᠬᠣᠢᠰᠢ 4.9 ᠮᠧᠲᠷ ᠤᠷᠲᠤ᠂ ᠬᠠᠨᠠᠶᠢᠨ ᠥᠨᠳᠥᠷ ᠨᠢ 3.8 ᠮᠧᠲᠷ᠂ ᠳᠡᠭᠡᠪᠦᠷᠢ ᠨᠢ ᠪᠦᠳᠦᠭᠦᠨ ᠴᠢᠯᠠᠭᠤᠨ ᠬᠠᠪᠲᠠᠰᠤᠪᠠᠷ ᠳᠠᠷᠤᠵᠠᠢ᠃ ᠡᠨᠡᠬᠦ ᠭᠡᠷ ᠳᠤᠳᠤᠷᠠ ᠪᠠᠰᠠ ᠨᠢᠭᠡ ᠵᠢᠵᠢᠭ ᠭᠡᠷ ᠳᠠᠢ᠂ ᠶᠡᠬᠡ ᠭᠡᠷᠤᠨ ᠬᠤᠢᠳᠤ ᠬᠠᠨᠠ ᠵᠢ ᠠᠰᠢᠬᠯᠠᠵᠤ᠂ ᠪᠠᠷᠠᠭᠤᠨ᠂ ᠡᠮᠦᠨᠡ ᠪᠠ ᠵᠡᠬᠦᠨ ᠬᠠᠨᠠ ᠵᠢ ᠨᠢ ᠪᠦᠷ ᠪᠦᠬᠦᠯᠢ ᠴᠢᠯᠠᠭᠤᠨ ᠬᠠᠪᠳᠠᠰᠤ ᠪᠡᠷ ᠬᠢᠵᠤ᠂ ᠵᠡᠬᠦᠨ ᠬᠠᠨᠠ ᠵᠢᠨ ᠳᠤᠮᠳᠠ ᠨᠢ ᠬᠤᠶᠠᠷ ᠴᠢᠯᠠᠭᠤᠨ ᠬᠠᠭᠠᠯᠭᠠ ᠳᠠᠭᠠᠷᠠᠭᠤᠯᠵᠤ᠂ ᠮᠦᠨ ᠳᠤᠮᠤ ᠴᠢᠯᠠᠭᠤᠨ ᠬᠠᠪᠳᠠᠰᠤ ᠪᠡᠷ ᠳᠡᠭᠡᠪᠤᠷ ᠳᠠᠯᠪᠢᠪᠠ᠃ ᠡᠨᠡᠬᠦ ᠴᠢᠯᠠᠭᠤᠨ ᠭᠡᠷ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 3.2 ᠮᠸᠲᠷ᠂ ᠡᠮᠦᠨᠡᠰᠢ ᠬᠤᠢᠰᠢ 2.97 ᠮᠸᠲᠷ᠂ ᠦᠨᠳᠤᠷ ᠨᠢ 2.18 ᠮᠸᠲᠷ ᠪᠠᠢᠳᠠᠭ᠃
ᠡᠨᠡᠬᠦ ᠴᠢᠯᠠᠭᠤᠨ ᠭᠡᠷᠲᠦ ᠪᠠᠢᠭᠰᠠᠨ ᠠᠪᠰᠠ ᠵᠡᠷᠭᠡ ᠣᠩᠭᠣᠨᠤ ᠶᠠᠭᠤᠮᠠ ᠨᠢ ᠮᠥᠨ ᠬᠤᠯᠠᠭᠠᠢᠯᠠᠭᠳᠠᠵᠤ᠂ ᠶᠠᠭᠤ ᠴᠤ᠌ ᠦᠭᠡᠢ ᠬᠤᠭᠤᠰᠤᠨ ᠪᠣᠯᠵᠠᠢ᠃ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠤᠪᠢᠳᠤ᠂ ᠬᠠᠷᠢᠨ ᠲᠡᠭᠦᠨᠦ ᠳᠡᠭᠡᠪᠦᠷ ᠪᠤᠯᠤᠨ ᠬᠠᠨᠠᠶᠢᠨ ᠳᠣᠲᠣᠨᠠ ᠭᠠᠳᠠᠨᠠ ᠵᠢᠷᠤᠭᠰᠠᠨ ᠪᠤᠳᠤᠭᠲᠤ ᠬᠠᠨᠠᠶᠢᠨ ᠵᠢᠷᠤᠭ ᠨᠢ ᠮᠠᠰᠢ ᠶᠡᠬᠡ ᠦᠨᠡ ᠴᠠᠨᠠᠲᠠᠢ ᠪᠠᠢᠵᠤ᠂ ᠬᠡᠳᠤᠢᠪᠡᠷ ᠴᠢᠭᠢᠭ ᠤᠰᠤᠨᠠᠴᠠ ᠪᠣᠯᠵᠤ ᠵᠠᠷᠢᠮ ᠭᠠᠵᠠᠷᠤᠨ ᠵᠢᠷᠤᠭ ᠨᠢ ᠬᠣᠭᠵᠢᠷᠠᠵᠤ᠂ ᠲᠣᠳᠣᠷᠬᠠᠢ ᠦᠵᠡᠭᠳᠡᠬᠦ ᠦᠭᠡᠢ ᠪᠤᠯᠤᠬᠰᠠᠨ ᠪᠤᠯᠪᠠᠴᠤ ᠵᠠᠷᠢᠮ ᠭᠠᠵᠠᠷᠤᠨ ᠵᠢᠷᠤᠭ ᠨᠢ ᠨᠡᠯᠢᠶᠡᠳ ᠪᠦᠷᠢᠨᠢᠶᠡᠷᠢᠶᠡᠨ ᠪᠠᠢᠬᠰᠠᠨ ᠨᠢ ᠮᠦᠨᠴᠦ ᠮᠠᠰᠢ ᠶᠡᠬᠡ ᠰᠤᠳᠤᠯᠭᠠᠨᠤ ᠦᠷᠳᠡᠭ ᠳᠠᠢ ᠪᠠᠢᠯᠠ᠃
ᠴᠢᠯᠠᠭᠤᠨ ᠭᠡᠷ ᠲᠡᠬᠢ 《ᠬᠡᠮᠡᠷᠯᠢᠭ ᠢᠯᠡᠭᠡᠭᠰᠡᠨ ᠵᠢᠷᠤᠭ》ᠲᠤ᠌᠂ ᠵᠢᠷᠭᠤᠭᠠᠨ ᠪᠦᠰᠡᠭᠦᠢ ᠨᠢᠭᠡᠨ ᠤᠯᠠᠭᠠᠴᠢᠳᠤ ᠢᠯᠡᠭᠡᠬᠦ ᠶᠠᠭᠤᠮᠠᠪᠠᠨ ᠲᠤᠰᠢᠶᠠᠵᠤ ᠪᠠᠢᠬᠤᠪᠠᠷ ᠵᠢᠷᠤᠵᠠᠢ᠃ ᠠᠷᠤ ᠦᠵᠡᠭᠳᠡᠯ ᠳ᠋ᠦ᠍ᠨᠢ ᠬᠤᠯᠤᠰᠤ᠂ ᠭᠠᠳᠠᠯᠢ᠂ ᠨᠠᠷᠠᠰᠤ ᠪᠣᠯᠣᠨ ᠬᠢᠯᠭᠠᠰᠤᠲᠤ ᠮᠣᠳᠣ᠌ ᠣᠷᠭᠤᠵᠤ ᠪᠤᠢ᠃ 《ᠨᠣᠮ ᠤᠩᠰᠢᠬᠤ ᠵᠢᠷᠤᠭ》 ᠲᠤ᠌᠂ ᠳᠠᠩ ᠤᠯᠤᠰᠤᠨ ᠰᠢᠤᠸᠠᠨᠽᠦ᠋ᠩ ᠬᠠᠭᠠᠨᠤ ᠦᠶᠡᠶᠢᠨ ᠶᠠᠩ ᠢᠦᠢ ᠬᠤᠸᠠᠨᠠᠴᠠ ᠪᠤᠷᠬᠠᠨᠤ ᠰᠤᠳᠤᠷᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠳᠡᠯᠭᠡᠵᠦ᠂ ᠥᠪᠡᠷ ᠲᠡᠭᠡᠨ ᠲᠦᠰᠢᠯᠭᠡᠲᠦ ᠰᠠᠨᠳᠠᠯᠢ ᠳᠡᠭᠡᠷᠡ ᠰᠠᠭᠤᠵᠤ᠂ ᠰᠤᠳᠤᠷᠢ ᠨᠠᠷᠢᠪᠴᠢᠯᠠᠨ ᠦᠵᠡᠵᠦ ᠪᠠᠢᠬᠤᠪᠠᠷ ᠵᠢᠷᠤᠵᠠᠢ᠃ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢ ᠪᠠᠰᠠ ᠨᠢᠭᠡ ᠤᠷᠳᠤ ᠰᠡᠭᠦᠯᠲᠠᠢ ᠴᠠᠭᠠᠨ ᠰᠢᠪᠠᠭᠤ ᠡᠵᠡᠨᠢᠶᠡᠨ ᠬᠠᠷᠠᠨ ᠰᠠᠭᠤᠨᠠ᠃ ᠶᠠᠩ ᠢᠦᠢ ᠬᠤᠸᠠᠨᠤ ᠬᠣᠢᠨᠠ ᠬᠣᠶᠠᠷ ᠪᠦᠰᠡᠭᠦᠢ ᠵᠣᠭᠰᠣᠵᠤ᠂ ᠨᠢᠭᠡ ᠨᠢ ᠳᠡᠪᠢᠭᠦᠷ ᠠᠳᠬᠤᠵᠤ᠂ ᠨᠥᠭᠥᠭᠡ ᠨᠢᠭᠡ ᠨᠢ ᠠᠶᠠᠭᠠᠲᠠᠢ ᠶᠠᠭᠤᠮᠠ ᠪᠠᠷᠢᠵᠠᠢ᠃ ᠶᠠᠩ ᠢᠦᠢ ᠬᠤᠸᠠᠨᠤ ᠪᠠᠷᠠᠭᠤᠨ ᠲᠠᠯᠠᠳᠤ ᠪᠠᠰᠠ ᠬᠣᠶᠠᠷ ᠡᠮᠡᠭᠲᠡᠢ᠂ ᠬᠣᠶᠠᠷ ᠡᠷᠡᠭᠲᠡᠢ ᠬᠣᠢᠨᠠ ᠬᠣᠢᠨᠠᠠᠴᠠᠪᠠᠨ ᠵᠣᠭᠰᠣᠵᠤ᠂ ᠬᠣᠶᠠᠷ ᠡᠷᠡᠭᠲᠡᠢᠶᠢᠨ ᠮᠠᠯᠠᠭᠠᠢ ᠨᠢ ᠨᠠᠷᠢᠨ ᠤᠷᠳᠤ ᠤᠨᠵᠢᠯᠭᠠᠲᠠᠢ ᠪᠠᠢᠵᠤ᠂ ᠶᠠᠮᠠᠷ ᠨᠢᠭᠡᠨ ᠵᠡᠷᠭᠡᠶᠢᠨ ᠲᠦᠰᠢᠮᠡᠯ ᠮᠠᠶᠢᠭ᠍ᠲᠠᠢ ᠪᠠᠢᠪᠠ᠃ ᠲᠤᠰ ᠵᠢᠷᠤᠭᠲᠤ ᠪᠠᠰᠠ ᠤᠨᠵᠢᠭᠢᠷ ᠤᠳᠠ᠂ ᠬᠤᠯᠤᠰᠤ ᠪᠣᠯᠣᠨ ᠭᠠᠳᠠᠯᠢ ᠵᠡᠷᠭᠡᠶᠢ ᠵᠢᠷᠤᠵᠠᠢ᠃
ᠪᠤᠤᠱᠠᠨᠤ 1᠂ 2 ᠨᠣᠮᠧᠷᠲᠤ ᠣᠩᠭᠣᠨᠤ ᠬᠠᠨᠠᠶᠢᠨ ᠵᠢᠷᠤᠭ ᠨᠢ ᠬᠥᠮᠥᠨᠢᠶᠡᠷ ᠭᠣᠣᠯ ᠪᠣᠯᠭᠠᠵᠤ᠂ ᠬᠠᠮᠲᠤ ᠳ᠋ᠤᠨᠢ ᠪᠠᠰᠠ ᠤᠷᠭᠤᠮᠠᠯ ᠪᠠ ᠠᠮᠢᠲᠠᠨᠢ ᠵᠢᠷᠤᠵᠠᠢ᠃ ᠡᠭᠦᠨᠳᠦ᠂ ᠪᠥᠬᠥᠳᠡ 46 ᠬᠥᠮᠥᠨ ᠪᠠᠢᠬᠤ ᠪᠥᠭᠡᠳ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠭᠣᠣᠯ ᠪᠠᠭᠠᠲᠤᠷ᠂ ᠵᠠᠷᠤᠴᠠ᠂ ᠮᠣᠷᠢ ᠬᠥᠲᠥᠯᠥᠭᠰᠡᠨ ᠬᠡᠦᠬᠡᠳ᠂ ᠡᠭᠦᠳᠡᠨ ᠬᠠᠷᠠᠭᠤᠯ ᠪᠣᠯᠣᠨ ᠬᠠᠮᠠᠭᠠᠯᠠᠭ᠍ᠴᠢ ᠵᠡᠷᠭᠡ ᠪᠣᠶ᠃ ᠳᠡᠪᠡᠯ ᠡᠮᠦᠰᠴᠦ ᠪᠦᠰᠡ ᠪᠦᠰᠡᠯᠡᠭᠰᠡᠨ ᠨᠢ ᠪᠦᠷ ᠬᠢᠳᠠᠨ ᠬᠥᠮᠥᠨᠦ ᠮᠠᠶᠢᠭ᠍ᠲᠠᠢ᠃
ᠳᠡᠭᠡᠬᠦᠯᠡᠷ 《ᠪᠤᠤᠱᠠᠨᠤ ᠬᠠᠨᠠᠶᠢᠨ ᠵᠢᠷᠤᠭᠲᠤ ᠣᠩᠭᠣᠨ》 ᠨᠢ 1994 ᠣᠨ ᠳ᠋ᠤ ᠪᠦᠬᠦ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠠᠷᠪᠠᠨ ᠶᠡᠬᠡ ᠢᠯᠡᠷᠡᠭᠦᠯᠦᠯᠲᠡᠳᠦ ᠵᠢᠭ᠍ᠰᠠᠭᠠᠭᠳᠠᠬᠰᠠᠨ ᠪᠠᠢᠳᠠᠭ᠃
1996 ᠣᠨᠤ 5 ᠰᠠᠷᠠᠳᠤ᠂ 《ᠪᠤᠤᠱᠠᠨᠤ ᠬᠠᠨᠠᠶᠢᠨ ᠵᠢᠷᠤᠭᠲᠤ ᠣᠩᠭᠣᠨ》 ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠨᠢᠭᠡᠴᠢᠪᠡᠷ ᠨᠡᠢᠲᠡᠯᠡᠭᠳᠡᠵᠦ᠂ 2001 ᠣᠨᠤ 6 ᠰᠠᠷᠠᠳᠤ ᠪᠦᠬᠦ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠢ ᠬᠠᠮᠠᠭᠠᠯᠠᠬᠤ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠨᠢᠭᠡᠴᠢᠪᠡᠷ ᠲᠣᠭᠲᠠᠭᠠᠭᠳᠠᠵᠠᠢ᠃
ᠡᠨᠡᠬᠦ ᠦᠪ ᠵᠤᠵᠠᠭᠠᠨ ᠨᠤᠲᠤᠭᠤᠨ ᠬᠦᠷᠦᠰᠦᠨᠳᠤ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠵᠣᠷᠢᠭ᠋ ᠰᠠᠨᠠᠭᠠ ᠠᠯᠢ ᠬᠡᠳᠦᠢᠨ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠠᠷᠠᠳ ᠲᠦᠮᠡᠨᠦ ᠵᠢᠷᠦᠬᠡ ᠰᠡᠳᠬᠢᠯᠳᠦ ᠭᠦᠨᠡ ᠠᠭᠤᠰᠤᠨ ᠰᠢᠩᠭᠡᠭᠰᠡᠨ ᠪᠥᠭᠡᠳ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨᠦ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠠᠷᠠᠳ ᠲᠦᠮᠡᠨ ᠴᠦ᠍ ᠰᠢᠨᠡ ᠠᠶᠠᠨ ᠵᠠᠮᠳᠠᠭᠠᠨ ᠬᠦᠴᠦᠨᠢᠶᠡᠨ ᠪᠤᠵᠠᠭᠠᠢᠷᠠᠭᠤᠯᠵᠤ᠂ ᠪᠦᠯᠬᠦᠮᠳᠡᠯ ᠨᠢᠭ᠍ᠲᠠᠷᠠᠯᠦᠨ ᠬᠦᠴᠦ ᠵᠣᠷᠢᠭ᠋ᠢᠶᠠᠨ ᠨᠢᠭᠡᠳᠬᠡᠨ᠂ ᠨᠡᠩ ᠰᠠᠢᠨ ᠰᠠᠢᠬᠠᠨ ᠠᠷᠤ ᠬᠣᠷᠴᠢᠨᠢ ᠪᠦᠲᠦᠭᠡᠨ ᠪᠠᠢᠭᠤᠯᠬᠤᠳᠤ ᠠᠤᠭᠠ ᠡᠷᠬᠢᠮᠰᠦᠭ ᠤᠶᠠᠩᠭᠠ ᠢᠷᠠᠭᠤ ᠬᠠᠭᠤᠳᠠᠰᠤ ᠵᠢ ᠪᠢᠴᠢᠭᠯᠡᠬᠦ ᠪᠡᠷ ᠤᠷᠤᠬᠰᠢᠯᠠᠨᠠ᠃