1
ᠪᠤᠷᠭᠠᠰᠦ ᠭᠥᠯᠥᠭᠡᠯᠡᠨ ᠨᠤᠭᠤᠭᠠᠨᠢᠶᠠᠷ ᠪᠣᠢᠲᠤᠭ᠍ᠯᠠᠵᠤ
ᠨᠠᠪᠴᠢᠪᠠᠷ ᠭᠤᠯᠬᠢᠬᠤᠶ᠋ᠢ
ᠬᠠᠪᠤᠷ ᠭᠡᠳᠡᠭ
ᠲᠠᠭᠠᠨᠠᠶ᠋ᠢᠨ ᠲᠣᠯᠣᠭᠠᠢ ᠴᠠᠭᠠᠨᠢᠶᠠᠷ ᠵᠠᠮᠪᠠᠭᠠᠯᠠᠵᠤ
ᠲᠠᠯᠠᠶ᠋ᠢᠨ ᠬᠥᠷᠦᠰᠦᠶ᠋ᠢ ᠲᠠᠢᠳᠭᠣᠷᠠᠭᠤᠯᠬᠤᠶ᠋ᠢ
ᠵᠤᠨ ᠭᠡᠳᠡᠭ
ᠮᠤᠳᠤᠳ ᠱᠢᠷᠠᠯᠠᠨ ᠵᠢᠮᠢᠰᠢᠶᠠᠷ ᠥᠨᠳᠡᠭᠡᠯᠡᠵᠤ
ᠨᠠᠪᠴᠢᠪᠠᠨ ᠰᠠᠯᠬᠢᠨᠳᠤ ᠪᠤᠯᠢᠶᠠᠭ᠍ᠳᠠᠬᠤᠶ᠋ᠢ
ᠨᠠᠮᠤᠷ ᠭᠡᠳᠡᠭ
ᠴᠢᠷᠭᠠᠶ᠋ᠢᠨ ᠳᠡᠭᠡᠰᠦ ᠴᠠᠩ ᠬᠦᠦᠷᠭᠡᠪᠠᠷ ᠰᠣᠷᠮᠣᠣᠰᠣᠯᠠᠵᠤ
ᠡᠳᠦᠷ ᠪᠣᠭᠤᠨᠢᠳᠦᠨ ᠰᠦᠨᠢ ᠤᠷᠳᠤᠰᠭᠤᠶ᠋ᠢ
ᠡᠪᠦᠯ ᠭᠡᠳᠡᠭ
2
ᠬᠡᠯᠡᠭᠡᠢ ᠰᠠᠯᠬᠢᠨᠤ ᠬᠥᠯ ᠬᠦᠨᠳᠦᠷᠴᠦ᠍
ᠤᠤᠯᠭᠠ ᠠᠯᠲᠠᠨ ᠶᠣᠣᠯᠠᠬᠤᠶ᠋ᠢ
ᠬᠠᠪᠤᠷ ᠭᠡᠳᠡᠭ
ᠲᠣᠩᠭᠠᠯᠠᠭ ᠤᠰᠤᠨᠤ ᠨᠢᠭᠤᠷ ᠲᠣᠭ᠍ᠲᠠᠵᠤ
ᠰᠠᠷᠠ ᠨᠢᠴᠦᠭᠦᠯᠡᠨ ᠵᠢᠷᠭᠠᠬᠤᠶ᠋ᠢ
ᠵᠣᠨ ᠭᠡᠳᠡᠭ
ᠴᠡᠴᠡᠭᠤᠨ ᠳᠡᠯᠪᠢᠨᠤ ᠬᠤᠪᠳᠤᠭᠨᠢ ᠬᠥᠳᠡᠯᠵᠤ
ᠱᠢᠭᠦᠳᠡᠷᠢᠪᠠᠨ ᠡᠮᠬᠦᠨ ᠠᠯᠢᠶᠠᠷᠬᠠᠬᠤᠶ᠋ᠢ
ᠨᠠᠮᠤᠷ ᠭᠡᠳᠡᠭ
ᠡᠭᠦᠯᠡᠰᠤᠨ ᠬᠤᠷᠮᠣᠢᠠᠴᠠ ᠤᠩᠭᠠᠷᠢᠯ ᠤᠨᠠᠵᠤ
ᠴᠠᠰᠦᠨ ᠲᠠᠯᠠᠰᠲᠦ ᠨᠠᠮᠢᠷᠠᠨ ᠪᠦᠵᠢᠬᠦ ᠶ᠋ᠢ
ᠡᠪᠦᠯ ᠭᠡᠳᠡᠭ
3
ᠬᠠᠳᠤᠨ ᠬᠠᠷᠢᠶᠠᠴᠠᠢᠶ᠋ᠢᠨ ᠠᠮᠠ ᠱᠢᠪᠠᠷᠳᠠᠵᠤ
ᠠᠭᠠᠷᠲᠤ ᠲᠡᠭ ᠬᠡᠯᠬᠢᠨ ᠲᠣᠭ᠍ᠯᠠᠬᠤᠶ᠋ᠢ
ᠬᠠᠪᠤᠷ ᠭᠡᠳᠡᠭ
ᠠᠯᠠᠭ ᠡᠷᠪᠡᠭᠡᠢ ᠰᠣᠯᠣᠩᠭᠠᠳᠤ ᠬᠠᠭᠤᠷᠲᠠᠵᠤ
ᠴᠡᠴᠡᠭᠢᠶᠠᠨ ᠣᠷᠬᠢᠨ ᠬᠡᠶᠤᠷᠡᠬᠦ᠌ᠶ᠋ᠢ
ᠵᠣᠨ ᠭᠡᠳᠡᠭ
ᠬᠢᠷᠠᠭᠤᠶ᠋ᠢᠨ ᠳᠠᠭᠠᠷᠢᠯᠲᠠᠳᠤ ᠨᠠᠭᠤᠷ ᠬᠠᠢᠷᠰᠦᠳᠡᠵᠤ
ᠬᠠᠵᠠᠭᠤ ᠡᠷᠭᠢᠶ᠋ᠢᠨ ᠡᠪᠡᠰᠦ ᠲᠣᠯᠣᠭᠠᠢ ᠤᠨᠵᠢᠭᠤᠯᠬᠤᠶ᠋ᠢ
ᠨᠠᠮᠤᠷ ᠭᠡᠳᠡᠭ
ᠠᠭᠤᠯᠠᠰᠤᠨ ᠲᠣᠯᠣᠭᠠᠢ ᠬᠦᠢᠲᠡᠨᠳᠤ ᠴᠠᠷᠴᠠᠵᠤ
ᠤᠷᠤᠰᠭᠠᠯ ᠮᠥᠷᠡᠨ ᠮᠥᠰᠥᠨ ᠳᠡᠪᠡᠯ ᠨᠥᠮᠥᠷᠬᠦ᠌ᠶ᠋ᠢ
ᠡᠪᠦᠯ ᠭᠡᠳᠡᠭ
4
ᠶᠢᠰᠦᠶ᠋ᠢᠨ ᠬᠦᠢᠲᠡᠨᠤ ᠠᠭᠤᠷᠨᠢ ᠲᠠᠢᠪᠦᠰᠢᠷᠠᠵᠤ
ᠮᠥᠰᠦ ᠬᠠᠷᠬᠢᠯᠳᠤᠨ ᠰᠦᠩ ᠬᠠᠯᠢᠶᠠ ᠤᠷᠤᠰᠭᠤᠶ᠋ᠢ
ᠬᠠᠪᠤᠷ ᠭᠡᠳᠡᠭ
ᠬᠡᠯᠪᠡᠷᠢ ᠦᠭᠡᠢ ᠤᠰᠤ ᠳᠠᠯᠠᠪᠴᠢ ᠤᠷᠭᠤᠵᠤ
ᠨᠠᠷᠠ ᠥᠨᠥᠰᠭᠦ ᠬᠡᠵᠤ ᠨᠢᠰᠭᠦᠶ᠋ᠢ
ᠵᠣᠨ ᠭᠡᠳᠡᠭ
ᠨᠡᠭᠦᠳᠡᠯᠤᠨ ᠱᠢᠪᠠᠭᠤ ᠨᠤᠳᠤᠭᠲᠠᠭᠠᠨ ᠬᠤᠷᠭᠤᠳᠠᠵᠤ
ᠲᠡᠭ᠌ᠷᠢ ᠴᠣᠭᠤᠯᠵᠤ ᠵᠠᠯᠠᠯᠠᠨ ᠤᠳᠭᠤᠶ᠋ᠢ
ᠨᠠᠮᠤᠷ ᠭᠡᠳᠡᠭ
ᠬᠡᠷᠡᠯ ᠬᠠᠷᠠᠩᠭᠤᠢ ᠬᠡᠮᠬᠡᠯᠢᠯᠴᠡᠨ ᠡᠭᠡᠯᠵᠢᠯᠡᠵᠤ
ᠠᠮᠢᠲᠠᠳ ᠢᠴᠡᠭᠡᠯᠡᠵᠤ ᠨᠤᠢᠷᠢᠶᠠᠨ ᠠᠪᠬᠤᠶ᠋ᠢ
ᠡᠪᠦᠯ ᠭᠡᠳᠡᠭ
5
ᠬᠥᠭ᠌ᠯᠡᠷᠡᠭ᠌ᠰᠡᠨ ᠢᠮᠠᠭᠠᠳᠤᠨ ᠨᠣᠣᠯᠣᠭᠤᠷ ᠬᠥᠨᠳᠡᠭ᠌ᠳᠡᠵᠦ᠍
ᠲᠣᠷᠭᠠᠨ ᠴᠠᠮᠴᠠ ᠪᠠᠨ ᠡᠮᠦᠰᠭᠦᠶ᠋ᠢ
ᠬᠠᠪᠤᠷ ᠭᠡᠳᠡᠭ
ᠠᠳᠣᠭᠤᠳ ᠲᠣᠯᠣᠭᠠᠢ ᠵᠥᠷᠢᠭᠦᠯᠡᠨ ᠳᠡᠯ ᠡᠮᠬᠦᠯᠴᠡᠵᠤ
ᠬᠤᠮᠣᠯᠤᠨ ᠥᠨᠥᠷ ᠬᠤᠭᠤᠯᠠᠢ ᠠᠷᠭᠠᠬᠤᠶ᠋ᠢ
ᠵᠣᠨ ᠭᠡᠳᠡᠭ
ᠬᠤᠨᠢᠳ ᠡᠷᠭᠢ ᠰᠡᠭᠦᠳᠡᠷᠯᠡᠨ ᠲᠣᠯᠣᠭᠠᠢ ᠪᠦᠬᠦᠢᠯᠴᠡᠵᠤ
ᠰᠦ ᠥᠳᠭᠡᠷᠡᠨ ᠥᠷᠦᠮᠡ ᠵᠤᠵᠠᠭᠠᠷᠠᠬᠤᠶ᠋ᠢ
ᠨᠡᠮᠤᠷ ᠭᠡᠳᠡᠭ
ᠲᠡᠮᠡᠭᠡᠨ ᠵᠢᠩᠤᠨ ᠳᠠᠭᠤ ᠵᠢᠩᠬᠢᠨᠡᠵᠤ
ᠪᠤᠤᠷᠠᠶ᠋ᠢᠨ ᠰᠠᠪᠰᠠᠯᠠᠭᠠ ᠦᠷᠬᠦᠯᠵᠢᠯᠡᠬᠦ᠌ᠶ᠋ᠢ
ᠡᠪᠦᠯ ᠭᠡᠳᠡᠭ
6
ᠲᠡᠭ᠌ᠷᠢᠶ᠋ᠢᠨ ᠭᠡᠷᠡᠯᠳᠤ ᠢᠪᠡᠭᠡᠭ᠌ᠳᠡᠬᠦ᠌ ᠤᠯᠠᠷᠢᠯ
ᠲᠣᠰ ᠲᠣᠰᠤᠨ ᠦᠵᠡᠮᠵᠢᠲᠠᠢ ᠪᠠᠢᠳᠠᠭ ᠲᠤᠯᠠ
ᠬᠠᠪᠤᠷ ᠵᠣᠨ ᠨᠠᠮᠤᠷ ᠡᠪᠦᠯ ᠭᠡᠳᠡᠭ
ᠭᠠᠵᠠᠷᠤᠨ ᠰᠠᠪᠰᠠᠯᠠᠭᠠᠨᠳᠤ ᠥᠩᠭᠡᠯᠡᠭ᠌ᠳᠡᠬᠦ᠌ ᠤᠯᠠᠷᠢᠯ
ᠥᠪᠡᠷ ᠥᠪᠡᠷᠤᠨ ᠪᠤᠳᠤᠭᠲᠠᠢ ᠪᠠᠢᠳᠠᠭ ᠲᠤᠯᠠ
ᠵᠣᠨ ᠨᠠᠮᠤᠷ ᠡᠪᠦᠯ ᠬᠠᠪᠤᠷ ᠭᠡᠳᠡᠭ
ᠪᠦᠮᠪᠦᠷᠴᠡᠭᠤᠨ ᠡᠷᠬᠢᠯᠲᠡᠳᠤ ᠡᠭᠡᠯᠵᠢᠯᠡᠬᠦ᠌ ᠤᠯᠠᠷᠢᠯ
ᠬᠤᠪᠢ ᠬᠤᠪᠢᠶ᠋ᠢᠨ ᠵᠢᠷᠤᠭᠲᠠᠢ ᠪᠠᠢᠳᠠᠭ ᠲᠤᠯᠠ
ᠨᠠᠮᠤᠷ ᠡᠪᠦᠯ ᠬᠠᠪᠤᠷ ᠵᠣᠨ ᠭᠡᠳᠡᠭ
ᠤᠷᠤᠨ ᠵᠠᠢᠳᠤ ᠤᠷᠴᠢᠬᠤ ᠤᠯᠠᠷᠢᠯ
ᠨᠢᠭᠡ ᠨᠢᠭᠡᠶ᠋ᠢᠪᠠᠨ ᠬᠥᠭᠡᠭᠡᠵᠤ ᠬᠦᠢᠴᠡᠳᠡᠭ ᠦᠭᠡᠢ ᠲᠤᠯᠠ
ᠡᠪᠦᠯ ᠬᠠᠪᠤᠷ ᠵᠣᠨ ᠨᠠᠮᠤᠷ ᠭᠡᠳᠡᠭ ᠡ