ᠬᠢᠩᠭᠠᠨ ᠠᠢᠮᠠᠭᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠳᠤ ᠪᠠᠢᠷᠢᠯᠠᠭᠠ ᠠᠯᠲᠠᠷ ᠣᠲᠣ ᠦᠶᠡᠶ᠋ᠢᠨ ᠡᠪᠡᠰᠦᠨᠦ ᠠᠵᠤ ᠦᠶ᠋ᠯᠡᠰᠦᠨ ᠡᠳ᠋ᠱᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠠᠷᠠᠭᠠᠨᠤ ᠭᠦᠶ᠋ᠯᠭᠡᠭᠡᠨᠦ ᠠᠷᠠᠯᠵᠢᠶᠠᠨᠤ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭᠲᠤ ᠬᠦᠷᠬᠦᠳᠤ᠂ ᠵᠠᠮᠤᠨ ᠬᠣᠶᠠᠷ ᠬᠠᠵᠠᠭᠤᠶ᠋ᠢᠨ ᠪᠠᠷᠢᠮᠵᠢᠶᠠᠵᠢᠭᠤᠯᠤᠭ᠍ᠰᠠᠨ ᠡᠳ᠋ᠱᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠶ᠋ᠯᠡᠳᠪᠦᠷᠢᠶ᠋ᠢᠨ ᠲᠠᠰᠤᠭᠲᠤ ᠮᠠᠱᠢᠨ ᠬᠦᠷᠴᠢᠭᠢᠨᠡᠵᠦ᠍᠂ ᠤᠪᠤᠭᠠ ᠲᠠᠢ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠡᠰᠢ ᠰᠦᠷᠡᠯ ᠨᠢ ᠶᠠᠭ ᠲᠠᠷᠢᠶᠠᠯᠠᠩᠤᠨ ᠬᠠᠶᠠᠭ᠍ᠳᠠᠮᠠᠯ ᠪᠣᠳᠠᠰᠠᠴᠠ ᠴᠢᠨᠠᠷ ᠰᠠᠢᠲᠠᠶ ᠪᠣᠷᠳᠣᠭᠠᠪᠤᠯᠬᠤ 《ᠬᠤᠪᠢᠷᠠᠯᠲᠠ》 ᠶ᠋ᠢ ᠥᠩᠭᠡᠷᠡᠬᠡᠵᠤ ᠪᠠᠢᠯᠠ᠃
ᠨᠢᠭᠡ ᠲᠠᠯᠠᠶ᠋ᠢᠨ ᠦᠶ᠋ᠯᠡᠳᠪᠦᠷᠢᠶ᠋ᠢᠨ ᠲᠠᠰᠤᠭᠲᠤ᠂ ᠡᠰᠢ ᠰᠦᠷᠡᠯᠢ 180°C — 220°Cᠤ᠋ᠨ ᠥᠨᠳᠥᠷ ᠬᠠᠯᠠᠭᠤᠨ ᠥᠨᠳᠥᠷ ᠳᠠᠷᠤᠯᠲᠠᠲᠤ ᠠᠭᠤᠷᠢᠶᠠᠷ ᠱᠢᠶ᠋ᠳᠪᠦᠷᠢᠯᠡᠵᠦ᠂ ᠪᠦᠳᠦᠭᠦᠨ ᠱᠢᠷᠬᠡᠭ᠌ᠯᠢᠭᠦᠨ ᠪᠦᠲᠦᠴᠡᠶ᠋ᠢ ᠵᠠᠳᠠᠷᠠᠭᠤᠯᠤᠨᠠ᠃ ᠨᠥᠭᠥᠭᠡ ᠲᠠᠯᠠᠶ᠋ᠢᠨ ᠦᠶ᠋ᠯᠡᠳᠪᠦᠷᠢᠶ᠋ᠢᠨ ᠲᠠᠰᠤᠭᠲᠤ᠂ ᠬᠥᠭᠡᠯᠭᠡᠭ᠌ᠰᠡᠨᠦ ᠳᠠᠷᠠᠭᠠᠬᠢ ᠡᠰᠢ ᠰᠦᠷᠡᠯ ᠢ ᠣᠨᠴᠠ ᠦᠶ᠋ᠯᠡᠳᠦᠭ᠌ᠰᠡᠨ ᠨᠡᠢᠯᠡᠮᠡᠯ ᠪᠠᠺᠲ᠋ᠧᠷᠢᠶ᠋ᠢᠨ ᠢᠰᠭᠡᠭᠦᠷᠦᠨ ᠨᠠᠢᠷᠠᠯᠭᠠᠳᠦ ᠬᠣᠯᠢᠭ᠍ᠰᠠᠨᠤ ᠳᠠᠷᠠᠭᠠ ᠠᠪᠴᠢᠭᠤᠯᠵᠤ ᠬᠡᠰᠡᠭᠯᠡᠭᠰᠠᠨ ᠪᠣᠷᠳᠣᠭᠠ ᠪᠣᠯᠭᠠᠨ ᠪᠣᠭᠣᠳᠠᠯᠯᠠᠵᠤ᠂ ᠳᠠᠷᠠᠭᠠᠨᠢ 37°Cᠤ᠋ᠨ ᠲᠣᠭ᠍ᠲᠠᠮᠠᠯ ᠳᠤᠯᠠᠭᠠᠨᠲᠤ ᠢᠰᠭᠡᠯᠲᠠ ᠵᠢᠨ ᠲᠠᠰᠤᠭᠲᠤ ᠬᠦᠷᠭᠡᠵᠦ᠍ ᠢᠰᠭᠡᠨᠡ᠃ 30 ᠡᠳᠦᠷᠡᠴᠡ 60 ᠡᠳᠦᠷ ᠢᠰᠭᠡᠭ᠌ᠰᠡᠨᠦ ᠳᠠᠷᠠᠭᠠ᠂ ᠬᠠᠭᠤᠷᠠᠶ ᠬᠠᠲᠠᠭᠤ ᠡᠰᠢ ᠰᠦᠷᠡᠯᠢ 《ᠲᠦᠢᠯᠪᠤᠷᠢᠲᠠᠢ ᠬᠤᠪᠢᠷᠠᠭᠤᠯᠵᠤ》 ᠱᠢᠷᠬᠡᠭ᠌ᠯᠢᠭ ᠪᠣᠷᠳᠣᠭᠠ ᠪᠣᠯᠭᠠᠳᠠᠭ᠃
ᠡᠳᠡᠭᠡᠷ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠠᠭᠤᠯᠤᠭ᠍ᠳᠠᠴᠠ ᠪᠡᠷ ᠦᠨᠳᠦᠷ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠪᠦᠲᠦᠭᠡᠭ᠌ᠳᠡᠬᠦᠨ ᠨᠢ ᠲᠦᠴᠢᠦᠸᠠᠨ ᠱᠢᠶᠠᠨᠤ ᠰᠠᠨ ᠶᠠᠩ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨ ᠳ᠋ᠤ ᠲᠠᠰᠤᠷᠠᠯᠲᠠ ᠦᠭᠡᠶ ᠵᠥᠭᠡᠭᠡᠪᠦᠷᠢᠯᠡᠭ᠌ᠳᠡᠵᠦ᠍ ᠪᠠᠢᠨᠠ᠃ 《ᠡᠨᠡ ᠪᠤᠯ ᠡᠩᠦᠨ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠢᠰᠢ᠂ ᠬᠠᠷᠢᠨ ᠮᠠᠯ ᠤᠨᠤᠭᠠᠳᠤ ᠲᠤᠰᠭᠠᠢᠯᠠᠨ ᠨᠠᠢᠷᠠᠭᠤᠯᠤᠭᠰᠠᠨ 〈ᠡᠰᠢ ᠰᠦᠷᠡᠯ ᠤ᠋ᠨ ᠵᠠᠬᠢᠶᠠᠯᠠᠠ ᠦᠢᠯᠡᠳᠬᠦ ᠬᠤᠭᠤᠯᠠ〉 ᠮᠦᠠ᠂ ᠱᠢᠮᠡ ᠲᠡᠵᠢᠭᠡᠯ ᠡᠯᠪᠡᠭᠢᠶᠡᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠬᠠᠳᠠᠭᠠᠯᠠᠬᠤᠳᠤ ᠳᠠᠭᠠᠭᠠᠮᠠᠭᠠᠶ᠂ ᠵᠥᠭᠡᠭᠡᠪᠦᠷᠢᠯᠡᠬᠦ᠌ᠳᠦ ᠲᠥᠬᠥᠮ ᠪᠠᠢᠳᠠᠭ᠃ ᠤᠤᠯᠤᠨ ᠪᠦᠳᠦᠭᠦᠯᠢᠭ ᠬᠠᠲᠠᠭᠤ ᠡᠰᠢ ᠰᠦᠷᠡᠯᠨᠢ ᠡᠳ᠋ᠰᠢᠬᠦᠯᠦᠭᠳᠡᠭᠰᠠᠨᠦ ᠳᠠᠷᠠᠭᠠ ᠵᠥᠭᠡᠯᠡᠨ ᠪᠥᠭᠡᠳ ᠰᠢᠮᠡᠳᠡᠢ ᠪᠣᠯᠵᠣ᠂ ᠣᠨᠴᠠ ᠪᠠᠢᠳᠠᠭ ᠢᠰᠭᠡᠭ᠌ᠰᠡᠨ ᠠᠩᠬᠢᠯᠤᠮᠠ ᠦᠨᠦᠷ ᠨᠢ ᠮᠢᠬᠠᠨ ᠤ᠋ ᠬᠣᠨᠢᠶ᠋ᠢᠨ ᠢᠳᠡᠱᠢᠯᠡᠬᠦ᠌ ᠬᠡᠮᠵᠢᠶᠡᠶ᠋ᠢ ᠢᠯᠡᠳᠲᠡ ᠳᠡᠭᠡᠭ᠌ᠰᠢᠯᠡᠭᠦᠯᠳᠡᠭ᠃ ᠬᠣᠨᠢᠨ ᠰᠦᠷᠦᠭᠦᠨ ᠡᠳᠦᠷ ᠪᠦᠷᠢᠶ᠋ᠢᠨ ᠳᠤᠮᠳᠠᠴᠢ ᠬᠦᠨᠳᠦᠴᠡ ᠵᠢᠨ ᠬᠡᠮᠵᠢᠶᠡᠶ᠋ᠢ 15% ᠪᠡᠷ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠤ ᠥᠪᠡᠷ ᠦᠨ ᠥᠷᠲᠡᠭᠢ 20% ᠪᠡᠷ ᠪᠠᠭᠤᠷᠠᠭᠤᠯᠤᠨ᠂ ᠢᠯᠭᠠᠳᠠᠰᠤ ᠵᠢᠨ ᠱᠢᠪᠲᠦᠷᠦᠨ ᠬᠡᠢ ᠵᠢᠨ ᠭᠠᠳᠠᠭ᠍ᠰᠢᠯᠠᠭᠤᠯᠬᠤ ᠬᠡᠮᠵᠢᠶᠡᠶ᠋ᠢ ᠴᠦ᠍ ᠢᠯᠡᠳᠲᠡ ᠪᠠᠭᠠᠰᠬᠠᠲᠠᠭ》᠃ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠠᠯᠠᠪᠠᠶᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠦᠦ ᠸᠸᠨ ᠴᠧᠩ ᠲᠠᠨᠢᠯᠴᠠᠭᠤᠯᠬᠤᠳᠠᠭᠠᠨ᠂ 《ᠡᠰᠢ ᠰᠦᠷᠡᠯ ᠤᠨ ᠵᠠᠬᠢᠶᠠᠯᠠᠨ ᠦᠶ᠋ᠯᠡᠳᠬᠦ᠌ ᠬᠣᠭᠣᠯᠠ》 ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩ ᠦᠨ ᠮᠠᠯ ᠠᠵᠤ ᠠᠬᠤᠶ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠳᠠᠷᠤᠭᠠ ᠱᠢᠤᠸᠠᠢ ᠱᠸ᠋ ᠶᠤᠸᠠᠨᠤ ᠵᠢᠯᠣᠭᠣᠳᠣᠯᠭᠠ ᠳᠤᠤᠷᠠ ᠨᠡᠭᠡᠭᠡᠠ ᠬᠦᠭᠵᠢᠬᠦᠯᠦᠭᠰᠠᠨ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠦᠶ᠋ᠯᠡᠳᠬᠦᠨ ᠪᠣᠯᠤᠨᠠ᠃
ᠡᠨᠡ ᠬᠦ᠌ 《ᠡᠰᠢ ᠰᠦᠷᠡᠯ ᠢ ᠪᠠᠺᠲ᠋ᠧᠷᠢᠶ᠋ᠢᠨ ᠢᠰᠭᠡᠭᠦᠷᠵᠢᠡᠷ ᠲᠠᠵᠢᠬᠡᠯ ᠪᠤᠷᠲᠤᠭᠠ ᠪᠣᠯᠭᠠᠨ ᠠᠱᠢᠭ᠍ᠯᠠᠬᠤ》 ᠮᠡᠷᠭᠡᠵᠢᠯᠨᠢ ᠹᠢᠽᠢᠺᠦᠨ ᠬᠥᠭᠡᠯᠭᠡᠯᠲᠡ ᠬᠢᠭᠡᠳ ᠠᠮᠢᠳᠤ ᠪᠣᠳᠠᠰᠤᠨ ᠢᠰᠭᠡᠭᠦᠷᠦᠨ ᠵᠠᠳᠠᠷᠠᠯᠲᠠᠶ᠋ᠢᠨ ᠬᠠᠮᠵᠢᠯᠴᠠᠬᠤ ᠦᠢᠯᠡᠳᠦᠯ ᠳᠤᠤᠷᠠ᠂ ᠡᠰᠢ ᠰᠦᠷᠡᠯ ᠳᠣᠲᠣᠷᠠᠬᠢ ᠮᠣᠳᠣᠯᠢᠭ ᠱᠢᠷᠬᠡᠭ᠌ᠯᠢᠭ ᠡᠳ᠋᠂ ᠬᠠᠭᠠᠰ ᠱᠢᠷᠬᠡᠭ᠌ᠯᠢᠭ ᠡᠳ᠋ ᠵᠡᠷᠭᠡ ᠲᠣᠮᠣ ᠮᠣᠯᠧᠺᠦ᠋ᠯ ᠪᠣᠳᠠᠰ ᠢ ᠦᠬᠡᠷ ᠬᠣᠨᠢᠶ᠋ᠢᠨ ᠠᠮᠠᠷᠬᠠᠨ ᠱᠢᠩᠭᠡᠭᠡᠬᠦ᠌ ᠵᠢᠵᠢᠭ ᠮᠣᠯᠧᠺᠦ᠋ᠯ ᠱᠢᠬᠢᠷᠦᠨ ᠲᠥᠷᠥᠯ᠂ ᠤᠭᠤᠷᠠᠭ ᠪᠣᠯᠭᠠᠵᠤ ᠪᠠᠢᠲᠠᠭ᠃ ᠲᠣᠰ ᠮᠡᠷᠭᠡᠵᠢᠯᠨᠢ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠰᠢᠮᠡ ᠳᠡᠵᠢᠭᠡᠯᠢ ᠡᠯᠪᠡᠭᠵᠢᠭᠦᠯᠦᠭᠰᠡᠨᠢᠶᠡᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠲᠠᠷᠢᠮᠠᠯᠤᠨ ᠦᠶ᠋ᠯᠡᠰᠦᠨ ᠳᠠᠭᠠᠯᠲᠠ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠡᠷᠳᠡᠨᠢ ᠪᠣᠯᠭᠠᠨ ᠥᠨᠳᠥᠷ ᠪᠦᠲᠦᠮᠵᠢᠲᠡᠶ ᠠᠱᠢᠭ᠍ᠯᠠᠵᠤ᠂ ᠳᠠᠷᠢᠵᠤ ᠲᠡᠵᠢᠭᠡᠬᠦ᠌ ᠣᠷᠴᠢᠯᠳᠤ ᠬᠦᠴᠦᠲᠡᠶ ᠮᠡᠷᠭᠡᠵᠢᠯᠦᠨ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠪᠠ᠃
《ᠡᠰᠢ ᠰᠦᠷᠡᠯᠢ ᠪᠠᠺᠲ᠋ᠧᠷᠢᠶ᠋ᠢᠨ ᠢᠰᠭᠡᠭᠦᠷᠵᠢᠡᠷ ᠲᠠᠵᠢᠬᠡᠯ ᠪᠤᠷᠲᠤᠭᠠ ᠪᠣᠯᠭᠠᠨ ᠠᠱᠢᠭ᠍ᠯᠠᠬᠤ》 ᠮᠡᠷᠭᠡᠵᠢᠯᠢ ᠰᠤᠳᠤᠯᠤᠨ ᠨᠡᠭᠡᠭᠡᠭ᠌ᠰᠡᠨᠨᠢ ᠱᠢᠤᠸᠠᠢ ᠱᠣ᠌ ᠶᠤᠸᠠᠨᠤ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯᠶ᠋ᠢᠡᠷᠢᠶᠡᠨ ᠮᠠᠯᠴᠢᠨ ᠡᠷᠦᠬᠡᠳᠦ ᠠᠰᠢᠭ ᠬᠦᠷᠳᠡᠭᠡᠭᠰᠡᠨ ᠬᠤᠷᠢᠶᠠᠩᠭᠤᠢ ᠳᠦᠷᠰᠦ ᠪᠤᠯᠬᠤ ᠶᠤᠮ᠃ 《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠢ ᠵᠥᠪᠬᠡᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭᠲᠤ ᠬᠢᠵᠦ ᠪᠣᠯᠬᠤ ᠥᠬᠡᠶ᠂ ᠮᠠᠯᠵᠢᠯᠤᠨ ᠲᠠᠯᠠᠪᠠᠶᠳᠤ ᠮᠠᠯᠴᠢᠳᠤᠨ ᠲᠡᠷᠭᠡᠲᠠ ᠬᠦᠨᠵᠡᠭᠡᠢᠷᠡᠬᠦ ᠬᠡᠷᠡᠭᠲᠠᠢ》᠃ ᠡᠢᠮᠤ ᠢᠲᠡᠭᠡᠯ ᠵᠣᠷᠢᠭᠢᠶᠠᠷ ᠱᠢᠤᠸᠠᠢ ᠱᠣ᠌ ᠶᠤᠸᠠᠨ ᠪᠦᠯᠬᠦᠮᠢᠶᠡᠨ ᠳᠠᠭᠠᠭᠤᠯᠤᠨ ᠱᠢᠯᠢᠶ᠋ᠢᠨ ᠭᠣᠣᠯ᠂ ᠬᠥᠯᠥᠨ ᠪᠤᠢ᠌ᠷ ᠵᠡᠷᠭᠡ ᠭᠠᠵᠠᠷᠤᠨ ᠮᠠᠯᠵᠢᠬᠤ ᠣᠷᠣᠨᠢᠶᠠᠷ ᠶᠠᠪᠤᠵᠤ᠂ ᠡᠳᠦᠷᠲᠡᠬᠡᠨ ᠬᠤᠨᠢᠨ ᠬᠠᠱᠢᠶᠠᠨᠳᠦ ᠣᠷᠣᠵᠤ ᠲᠣᠭᠠ ᠪᠠᠷᠢᠮᠲᠠᠶ᠋ᠢ ᠬᠡᠮᠵᠢᠵᠦ᠍᠂ ᠤᠷᠤᠢᠳᠠᠭᠠᠨ ᠮᠠᠯᠴᠢᠳᠲᠠᠶ ᠵᠣᠭᠣᠭ ᠳᠡᠯᠭᠡᠵᠦ᠂ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠶ᠋ᠢ ᠨᠢ ᠠᠰᠠᠭᠤᠵᠦ ᠤᠢᠯᠠᠭᠠᠨᠠ᠃
28 ᠵᠢᠯᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠠᠶᠠᠨᠳᠦ᠂ ᠱᠢᠤᠸᠠᠢ ᠱᠣ᠌ ᠶᠤᠸᠠᠨ ᠢᠮᠠᠭ᠍ᠲᠠ ᠠᠵᠤ ᠦᠢᠯᠡᠰᠦᠨ ᠬᠡᠷᠡᠭ᠌ᠴᠡᠭᠡᠪᠡᠷ ᠪᠣᠭᠣᠮᠲᠠ ᠱᠢᠪᠲᠤᠯᠬᠤ ᠰᠡᠳᠦᠪ ᠪᠣᠯᠭᠠᠪᠠ᠃ ᠪᠠᠢᠭᠠᠯᠢᠶ᠋ᠢᠨ ᠪᠡᠯᠴᠢᠭᠡᠷᠦᠨ ᠳᠠᠭᠠᠭᠠᠴᠠᠶᠢᠨ ᠬᠦᠴᠢᠷ ᠠᠰᠠᠭᠤᠳᠠᠯᠤᠨ ᠡᠮᠦᠨᠡ᠂ ᠱᠢᠤᠸᠠᠢ ᠱᠣ᠌ ᠶᠤᠸᠠᠨ ᠰᠤᠳᠤᠯᠭᠠᠨᠤ ᠴᠢᠭ᠌ᠯᠡᠯᠢᠶᠡᠨ 《ᠲᠡᠵᠢᠭᠡᠯ ᠡᠪᠡᠰᠦᠨᠦ ᠡᠬᠢ ᠪᠠᠶᠠᠯᠢᠭᠢ ᠥᠨᠳᠥᠷ ᠪᠦᠲᠦᠮᠵᠢᠲᠡᠶᠪᠡᠷ ᠠᠱᠢᠭ᠍ᠯᠠᠬᠤ》 ᠪᠠ 《ᠬᠡᠷᠦᠨ ᠲᠡᠵᠢᠭᠡᠪᠦᠷᠢᠶ᠋ᠢᠨ ᠱᠢᠮᠡ ᠲᠡᠵᠢᠭᠡᠯᠢ ᠲᠣᠬᠢᠷᠠᠭᠤᠯᠤᠨ ᠡᠵᠡᠮᠳᠡᠬᠦ᠌》 ᠳᠡᠭᠡᠷᠡ ᠲᠣᠭ᠍ᠲᠠᠭᠠᠪᠠ᠃ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠡᠬᠢ ᠪᠠᠶᠠᠯᠢᠭ ᠳᠤᠲᠠᠭ᠍ᠳᠠᠬᠤ ᠵᠡᠷᠭᠡ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠦᠷᠭᠦᠯᠵᠢᠯᠡᠬᠦ᠌ ᠬᠥᠭ᠌ᠵᠢᠯᠲᠡᠶ᠋ᠢ ᠬᠢᠵᠠᠭᠠᠷᠯᠠᠵᠤ ᠪᠠᠢᠭᠠ ᠪᠣᠭᠣᠮᠢᠶ᠋ᠢᠨ ᠠᠰᠠᠭᠤᠳᠠᠯᠳᠤ ᠴᠢᠭ᠌ᠯᠡᠭᠦᠯᠦᠨ᠂ ᠲᠡᠷᠡ ᠪᠦᠯᠬᠦᠮ ᠨᠡᠢᠲᠡᠪᠡᠨ ᠳᠠᠭᠠᠭᠤᠯᠤᠨ ᠡᠰᠢ ᠰᠦᠷᠡᠯ᠂ ᠪᠣᠳᠠ ᠮᠣᠳᠣᠨᠤ ᠡᠬᠢ ᠪᠠᠶᠠᠯᠢᠭᠤᠨ ᠮᠣᠳᠣᠯᠢᠭ ᠱᠢᠷᠬᠡᠭ ᠪᠣᠯᠤᠨ ᠱᠢᠮᠡ ᠲᠡᠵᠢᠭᠡᠯᠢ ᠡᠰᠡᠷᠭᠦᠴᠡᠬᠦ᠌ ᠪᠣᠳᠠᠰᠢ ᠵᠠᠳᠠᠷᠠᠭᠤᠯᠬᠤ ᠮᠡᠷᠭᠡᠵᠢᠯᠦᠨ ᠪᠣᠭᠣᠮᠲᠠ ᠱᠢᠪᠲᠤᠯᠬᠤ ᠠᠵᠢᠯᠢ ᠥᠷᠨᠢᠭᠦᠯᠵᠦ᠍᠂ ᠲᠤᠰᠭᠠᠶ ᠪᠠᠺᠲ᠋ᠧᠷᠢ ᠵᠢᠨ ᠨᠠᠢᠷᠠᠯᠲᠠᠶ᠋ᠢ ᠰᠤᠳᠤᠯᠤᠨ ᠦᠶ᠋ᠯᠡᠳᠪᠡ᠃ ᠡᠭᠦᠨᠦ ᠬᠠᠮᠲᠤ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠡᠬᠢ ᠪᠠᠶᠠᠯᠢᠭᠤᠨ ᠰᠠᠭᠤᠷᠢ ᠳ᠋ᠠᠢᠲ᠋ᠠ ᠬᠥᠮᠥᠷᠭᠡᠶ᠋ᠢ ᠪᠠᠢᠭᠤᠯᠵᠤ᠂ ᠮᠣᠳᠣᠯᠢᠭ ᠱᠢᠷᠬᠡᠭ᠌ᠯᠢᠭ ᠡᠳ᠋ᠢ ᠵᠠᠳᠠᠷᠠᠭᠤᠯᠬᠤ ᠲᠣᠭ᠍ᠲᠠᠴᠠ ᠵᠢᠴᠢ ᠮᠣᠳᠣᠯᠢᠭ ᠤᠷᠭᠤᠮᠠᠯᠤᠨ ᠠᠮᠢᠳᠤ ᠪᠣᠳᠠᠰᠤᠨ ᠠᠮᠢᠳᠤᠯᠢᠭ ᠴᠢᠳᠠᠮᠵᠢ ᠣᠨᠴᠠᠯᠢᠭᠢ ᠵᠠᠳᠠᠯᠪᠠ᠃
ᠡᠨᠡ ᠬᠦ᠌ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠱᠢᠤᠸᠠᠢ ᠱᠣ᠌ ᠶᠤᠸᠠᠨ ᠤ ᠪᠦᠯᠬᠦᠮᠢᠶᠡᠨ ᠳᠠᠭᠠᠭᠤᠯᠤᠨ ᠰᠤᠳᠤᠯᠤᠨ ᠦᠢᠯᠡᠳᠦᠭ᠌ᠰᠡᠨ 《ᠡᠰᠢ ᠰᠦᠷᠡᠯᠢ ᠪᠠᠺᠲ᠋ᠧᠷᠢᠶ᠋ᠢᠨ ᠢᠰᠭᠡᠭᠦᠷᠵᠢᠡᠷ ᠲᠠᠵᠢᠬᠡᠯ ᠪᠤᠷᠲᠤᠭᠠ ᠪᠣᠯᠭᠠᠨ ᠠᠱᠢᠭ᠍ᠯᠠᠬᠤ》 ᠮᠡᠷᠭᠡᠵᠢᠯ ᠨᠢ ᠬᠣᠶᠠᠷ ᠵᠢᠯ ᠳᠠᠷᠠᠭᠠᠯᠠᠨ ᠬᠥᠳᠡᠭᠡ ᠠᠵᠤ ᠠᠬᠤᠢ ᠬᠥᠳᠡᠭᠡ ᠲᠣᠰᠭᠣᠨᠤ ᠶᠠᠮᠤᠨᠤ ᠬᠥᠳᠡᠭᠡ ᠠᠵᠤ ᠠᠬᠤᠢᠶ᠋ᠢᠨ ᠭᠣᠣᠯ ᠳᠡᠯᠭᠡᠷᠡᠭᠦᠯᠬᠦ᠌ ᠮᠡᠷᠭᠡᠵᠢᠯᠳᠦ ᠰᠣᠩᠭᠣᠭ᠍ᠳᠠᠪᠠ； ᠡᠰᠢ ᠰᠦᠷᠡᠯᠢ ᠬᠥᠭᠡᠯᠭᠡᠵᠦ᠍ ᠢᠰᠭᠡᠬᠦ᠌ ᠵᠢᠴᠢ ᠲᠡᠭᠦᠨᠦ ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠡᠷᠭᠡᠵᠢᠯᠨᠢ 2023 ᠣᠨᠤ ᠬᠥᠳᠡᠭᠡ ᠠᠵᠤ ᠠᠬᠤᠢ ᠬᠥᠳᠡᠭᠡ ᠲᠣᠰᠭᠣᠨᠤ ᠶᠠᠮᠤᠨᠤ ᠲᠠᠷᠢᠶᠠᠯᠠᠩᠤᠨ ᠭᠤᠤᠯ ᠳᠡᠯᠭᠡᠷᠡᠭᠦᠯᠬᠦ᠌ ᠮᠡᠷᠭᠡᠵᠢᠯ ᠪᠠ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠭᠤᠤᠯ ᠳᠡᠯᠭᠡᠷᠡᠭᠦᠯᠬᠦ᠌ ᠮᠡᠷᠭᠡᠵᠢᠯᠳᠦ ᠰᠣᠩᠭᠣᠭ᠍ᠳᠠᠪᠠ； ᠡᠰᠢ ᠰᠦᠷᠡᠯᠢ ᠬᠠᠮᠲᠤᠷᠠᠨ ᠱᠢᠶ᠋ᠳᠪᠦᠷᠢᠯᠡᠵᠦ᠍ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠭᠠᠨ ᠠᠱᠢᠭ᠍ᠯᠠᠬᠤ ᠮᠡᠷᠭᠡᠵᠢᠯᠨᠢ 2024 ᠣᠨᠤ ᠪᠥᠬᠥ᠌ ᠤᠯᠤᠰᠤᠨ ᠲᠠᠷᠢᠶᠠᠯᠠᠩᠤᠨ ᠠᠷᠪᠠᠨ ᠵᠦᠶ᠋ᠯᠦᠨ ᠴᠢᠬᠤᠯᠠ ᠶᠡᠬᠡ ᠬᠥᠲᠥᠯᠥᠨ ᠳᠠᠭᠠᠭᠤᠯᠬᠤ ᠴᠢᠨᠠᠷᠲᠠᠶ ᠮᠡᠷᠭᠡᠵᠢᠯᠳᠦ ᠰᠣᠩᠭᠣᠭ᠍ᠳᠠᠪᠠ᠃
ᠲᠠᠯᠠ ᠨᠤᠲᠤᠭᠤᠨ ᠬᠤᠷᠠᠭᠠᠶ᠋ᠢᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠡᠳᠡᠭᠡᠷᠡᠯᠲᠡᠶ᠋ᠢᠨ ᠨᠤᠷᠮᠠ ᠳᠣᠣᠷᠠ ᠪᠠᠢᠭᠠ ᠠᠰᠠᠭᠤᠳᠠᠯᠳᠦ ᠴᠢᠭ᠌ᠯᠡᠭᠦᠯᠦᠨ᠂ ᠱᠢᠤᠸᠠᠢ ᠱᠣ᠌ ᠶᠤᠸᠠᠨ《ᠬᠤᠨᠢ ᠬᠤᠷᠠᠭᠠ ᠵᠢ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠥᠨᠳᠥᠷ ᠪᠦᠲᠦᠮᠵᠢᠲᠡᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠮᠡᠷᠭᠡᠵᠢᠯ》ᠤ᠋ᠨ ᠵᠠᠭ᠍ᠪᠤᠷᠤᠨ ᠱᠢᠨᠡᠶ᠋ᠢ ᠡᠭᠦᠳᠴᠦ᠍᠂ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠮᠠᠯᠵᠢᠬᠤ ᠣᠷᠣᠨᠤ ᠡᠪᠦᠯᠤᠨ ᠬᠤᠭᠤᠴᠠᠭᠠ ᠤᠷᠳᠤ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠳᠤᠳᠠᠭᠳᠠᠬᠤ ᠪᠠ ᠡᠪᠦᠯ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠬᠡᠭᠡᠯᠲᠦᠭ᠌ᠰᠡᠨ ᠬᠤᠨᠢ ᠵᠢᠨ ᠱᠢᠮᠡ ᠲᠡᠵᠢᠭᠡᠯᠦᠨ ᠬᠡᠮᠵᠢᠢᠡ ᠨᠡᠮᠡᠭᠳᠡᠬᠦ ᠬᠠᠩᠭᠠᠯᠭᠠ ᠬᠡᠷᠡᠭ᠌ᠴᠡᠭᠡᠶ᠋ᠢᠨ ᠵᠥᠷᠢᠴᠡᠯᠢ ᠱᠢᠢᠳᠪᠦᠷᠢᠯᠡᠪᠡ᠃ ᠲᠣᠰ ᠮᠡᠷᠭᠡᠵᠢᠯ ᠨᠢ 2021 ᠣᠨᠤ ᠬᠥᠳᠡᠭᠡ ᠠᠵᠤ ᠠᠬᠤᠢ ᠬᠥᠳᠡᠭᠡ ᠲᠣᠰᠭᠣᠨᠤ ᠶᠠᠮᠤᠨᠤ ᠲᠠᠷᠢᠶᠠᠯᠠᠩᠤᠨ ᠭᠤᠤᠯ ᠳᠡᠯᠭᠡᠷᠡᠭᠦᠯᠬᠦ᠌ ᠮᠡᠷᠭᠡᠵᠢᠯᠳᠦ ᠰᠣᠩᠭᠣᠭ᠍ᠳᠠᠵᠤ᠂ ᠪᠥᠬᠥ᠌ ᠤᠯᠤᠰᠤᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠶ ᠵᠢᠭᠠᠰᠤᠨᠤ ᠦᠢᠯᠡᠰᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠱᠠᠩᠨᠠᠯᠤᠨ ᠬᠣᠶᠠᠳᠤᠭᠠᠷ ᠳᠡᠰᠤᠨ ᠱᠠᠩᠨᠠᠯᠢ ᠭᠥᠷᠳᠡᠪᠡ᠃
ᠱᠢᠤᠸᠠᠢ ᠱᠣ᠌ ᠶᠤᠸᠠᠨ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠦᠷᠡ ᠪᠦᠲᠦᠭᠡᠯᠦᠨ ᠦᠨᠡ ᠥᠷᠲᠡᠭᠢ ᠬᠡᠮᠵᠢᠶᠡᠯᠡᠬᠦᠳᠦ᠂ ᠮᠡᠷᠭᠡᠵᠢᠯᠦᠨ ᠨᠥᠯᠥᠭᠡᠯᠡᠬᠦ᠌ ᠬᠦᠴᠦᠨ ᠵᠦᠶ᠋ᠯᠢ ᠦᠵᠡᠬᠦ᠌ ᠪᠡᠷ ᠪᠠᠷᠠᠬᠤ ᠦᠭᠡᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠢᠭᠤᠷ ᠲᠡᠭᠢ ᠢᠨᠢᠶᠡᠮᠰᠦᠭ᠌ᠯᠡᠯᠢ ᠦᠵᠡᠬᠦ᠌ ᠬᠡᠷᠡᠭ᠌ᠲᠡᠢ ᠭᠡᠵᠦ ᠦᠵᠡᠳᠡᠭ᠃ ᠲᠡᠷᠡ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠰᠤᠳᠤᠯᠭᠠᠨᠤ ᠭᠠᠵᠠᠷ ᠵᠢᠡᠨ ᠳᠠᠢᠴᠢᠯᠠᠵᠦ ᠬᠥᠳᠡᠭᠡ ᠲᠣᠰᠭᠣᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠪᠠᠷ ᠬᠦᠴᠦᠯᠡᠬᠦ᠌ ᠴᠡᠭ ᠪᠣᠯᠭᠠᠵᠤ᠂ 1 ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠲᠤᠯᠭᠠᠭᠤᠷᠢᠯᠠᠯᠪᠤᠯᠭᠠᠬᠰᠠᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠬᠣᠱᠢᠭᠤ᠂ 6 ᠪᠥᠬᠥ᠌ ᠲᠣᠰᠭᠣᠨᠢᠶᠠᠷ ᠠᠬᠢᠭᠤᠯᠬᠤ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠲᠣᠰᠭᠣᠨᠢ ᠪᠠᠢᠭᠤᠯᠬᠤᠶ᠋ᠢᠨ ᠬᠠᠮᠲᠤ᠂ ᠬᠥᠬᠡᠬᠣᠲᠠ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭ ᠵᠡᠷᠭᠡ 8 ᠠᠢᠮᠠᠭ ᠬᠣᠲᠠᠳᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ ᠱᠢᠶᠠᠨᠤ ᠬᠡᠪᠴᠢᠶᠡᠨᠦ ᠠᠵᠤ ᠠᠬᠤᠶᠶ᠋ᠢᠨ ᠠᠵᠢᠯ ᠥᠷᠨᠢᠭᠦᠯᠪᠡ᠃
ᠨᠢᠭᠡ ᠲᠠᠯᠠᠪᠠᠷ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠬᠦᠴᠢᠷ ᠠᠰᠠᠭᠤᠳᠠᠯ ᠢ ᠱᠢᠶ᠋ᠳᠪᠦᠷᠢᠯᠡᠵᠦ᠍᠂ ᠨᠥᠭᠥᠭᠡ ᠲᠠᠯᠠᠪᠠᠷ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠳᠡᠷᠭᠡᠳᠡᠬᠢ 《ᠨᠡᠭᠦᠳᠡᠯ ᠦᠶ᠋ᠯᠡᠴᠢᠯᠡᠭᠡᠨᠦ ᠥᠷᠲᠡᠭᠡ》 ᠪᠣᠯᠬᠤ ᠪᠣᠯ ᠱᠢᠤᠸᠠᠢ ᠱᠦ᠍ ᠶᠤᠸᠠᠨᠤ ᠠᠵᠢᠯᠤᠨ ᠪᠠᠢᠩᠭᠤ ᠵᠢᠨ ᠪᠠᠢᠳᠠᠯ ᠪᠣᠯᠤᠨᠠ᠃ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠰᠤᠳᠤᠯᠭᠠᠨᠤ ᠭᠠᠵᠠᠷᠤᠨ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠱᠢᠤᠸᠠᠢ ᠱᠦ᠍ ᠶᠤᠸᠠᠨ ᠲᠦᠷᠦᠭᠦᠯᠡᠨ 《ᠨᠠᠮᠤᠨ ᠭᠡᠱᠢᠭᠦᠨᠦ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠠᠩᠭᠢ》 ᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ 《ᠦᠬᠡᠷᠬᠤᠨᠢᠨᠤ ᠬᠠᠰᠢᠶᠠᠨ ᠡᠴᠡ ᠠᠰᠠᠭᠤᠳᠠᠯ ᠡᠷᠢᠵᠦ᠍᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠳᠤ ᠮᠡᠷᠭᠡᠵᠢᠯ ᠬᠦᠷᠭᠡᠬᠦ᠌》 ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠣᠢᠯᠠᠭᠠᠭ᠍ᠳᠠᠬᠤᠨᠢ ᠪᠠᠷᠢᠮᠲᠠᠯᠠᠵᠤ᠂ ᠪᠦᠯᠬᠦᠮ ᠨᠡᠢᠲᠡᠪᠡᠨ ᠳᠠᠭᠠᠭᠤᠯᠤᠨ ᠵᠢᠯ ᠪᠦᠷᠢ ᠨᠡᠢᠲᠡ 3 ᠲᠦᠮᠡ ᠭᠠᠷᠤᠶ ᠺᠢᠯᠣᠮᠧᠲ᠋ᠷ ᠠᠶᠠᠯᠠᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠦᠶ᠋ᠯᠡᠴᠢᠯᠡᠭᠡᠨᠢ ᠥᠪᠥᠷ ᠮᠣᠩᠭᠣᠯᠤᠨ 20 ᠭᠠᠷᠤᠶ ᠬᠣᠱᠢᠭᠤ ᠱᠢᠶᠠᠨᠢ ᠬᠠᠮᠤᠷᠴᠤ᠌᠂ 76 ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠰᠠᠭᠤᠷᠢᠨᠢ ᠪᠠᠢᠭᠤᠯᠵᠤ᠂ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯᠢ 5 ᠲᠦᠮᠡ ᠭᠠᠷᠤᠶ ᠬᠥᠮᠦᠨ ᠤᠳᠠᠭᠠ ᠥᠷᠨᠢᠭᠦᠯᠪᠡ᠃
ᠤᠯᠠᠨ ᠵᠢᠯᠦᠨ ᠱᠢᠷᠭᠠᠭᠤ ᠴᠢᠷᠮᠠᠢᠯᠭᠠᠪᠠᠷ ᠳᠠᠮᠵᠢᠨ᠂ ᠱᠢᠤᠸᠠᠢ ᠱᠦ᠍ ᠶᠤᠸᠠᠨ ᠪᠣᠯᠤᠨ ᠪᠦᠯᠬᠦᠮ ᠨᠡᠢᠲᠠ ᠨᠢ ᠠᠯᠢ ᠤᠯᠠᠨ ᠰᠢᠯᠢᠳᠡᠭ ᠪᠦᠲᠦᠮᠵᠢ ᠵᠢ ᠡᠭᠦᠳᠪᠡ᠃ ᠱᠢᠤᠸᠠᠢ ᠱᠦ᠍ ᠶᠤᠸᠠᠨ ᠪᠣᠯ ᠲᠥᠷᠥᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠨᠤ ᠣᠨᠴᠠ ᠨᠡᠮᠡᠭᠦᠷᠢ ᠭᠥᠷᠳᠡᠵᠦ ᠪᠠᠢᠭᠠ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠮᠥᠨ ᠪᠦᠬᠡᠤᠨ 《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠣᠪᠣᠢᠮᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭ᠌ᠰᠡᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ》 ᠵᠢᠡᠷ ᠦᠨᠡᠯᠡᠭᠳᠡᠨ᠂ ᠥᠪᠥᠷ ᠮᠣᠩᠭᠣᠯᠤᠨ 《ᠱᠢᠨᠡ ᠵᠠᠭᠤᠨᠤ 321 ᠴᠢᠳᠠᠪᠤᠷᠢᠲᠠᠨᠤ ᠢᠨᠵᠧᠨᠧᠷᠢᠩ》 ᠤ᠋ᠨ ᠨᠢᠭᠡᠳᠦᠭᠡᠷ ᠳᠡᠰ ᠳᠠᠪᠬᠤᠷᠭᠠ᠂ 《ᠲᠠᠯᠠ ᠨᠤᠲᠤᠭᠤᠨ ᠰᠤᠳᠤᠨ ᠴᠢᠳᠠᠪᠤᠷᠢᠲᠠᠨ》 ᠠᠵᠤ ᠦᠶ᠋ᠯᠡᠰᠦᠨ ᠱᠢᠨᠡᠶ᠋ᠢ ᠡᠭᠦᠳᠴᠦ᠍ ᠦᠶ᠋ᠯᠡᠰ ᠪᠤᠰᠬᠠᠬᠤ ᠴᠢᠳᠠᠪᠤᠷᠢᠲᠠᠨᠤ ᠪᠦᠯᠬᠦᠮᠦᠨ ᠲᠡᠷᠢᠭᠦᠨᠤ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ᠂ 《ᠰᠤᠳᠤᠨ ᠴᠢᠳᠠᠪᠤᠷᠢᠲᠠᠨᠢᠶᠠᠷ ᠥᠪᠥᠷ ᠮᠣᠩᠭᠣᠯᠢᠶᠠᠨ ᠮᠠᠨᠳᠤᠭᠤᠯᠬᠤ》 ᠳᠥᠷᠪᠡᠳᠦᠬᠡᠷ ᠲᠥᠷᠥᠯᠦᠨ ᠴᠢᠳᠠᠪᠤᠷᠢᠲᠠᠨ᠂ 《ᠵᠠᠭᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠠᠢᠮᠠᠭ ᠬᠣᠲᠠ ᠬᠣᠱᠢᠭᠤ ᠱᠢᠶᠠᠨᠳᠤ ᠬᠦᠷᠴᠦ᠍ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠦᠨ ᠤᠯᠠᠮᠵᠢᠯᠠᠬᠤ ᠠᠶᠠᠯᠠᠯ》 ᠤ᠋ᠨ ᠲᠣᠪᠣᠢᠮᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭ᠌ᠰᠡᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠵᠡᠷᠭᠡ ᠪᠡᠷ ᠰᠤᠩᠭᠤᠬᠳᠠᠵᠠᠢ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠱᠢᠤᠸᠠᠢ ᠱᠦ᠍ ᠶᠤᠸᠠᠨ ᠡᠯᠡ ᠱᠠᠲᠤᠨᠤ ᠡᠯᠡ ᠲᠥᠷᠥᠯᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠲᠥᠷᠥᠯ ᠵᠦᠶ᠋ᠯ ᠢ 40 ᠭᠠᠷᠤᠶ ᠳᠠᠭᠠᠭᠠᠴᠢᠯᠠᠨ ᠪᠡᠶᠡᠯᠡᠭᠦᠯᠵᠦ᠍᠂ ᠤᠯᠤᠰᠤᠨ ᠲᠤᠰᠭᠠᠶ ᠠᠱᠢᠭᠤᠨ ᠡᠷᠬᠡ ᠵᠢ 11 ᠵᠦᠢᠯ ᠣᠯᠵᠤ᠂ ᠮᠢᠬᠠᠨᠤ ᠬᠣᠨᠢᠨᠤ ᠡᠭᠦᠯᠳᠡᠷ ᠪᠣᠢᠵᠢᠭᠤᠯᠬᠤᠳᠤ 2 ᠤᠳᠠᠭᠠ ᠣᠷᠣᠯᠴᠠᠵᠤ᠂ 20 ᠭᠠᠷᠤᠶ ᠠᠵᠢᠯ ᠲᠥᠷᠥᠯ ᠵᠢᠴᠢ ᠣᠷᠣᠨ ᠨᠤᠲᠤᠭᠤᠨ ᠪᠠᠷᠢᠮᠵᠢᠶᠠ ᠲᠣᠭ᠍ᠲᠠᠭᠠᠵᠤ᠂ 70 ᠭᠠᠷᠤᠶ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠦ ᠥᠭᠦᠯᠡᠯ ᠨᠡᠢᠲᠡᠯᠡᠭᠦᠯᠵᠡᠶ᠃
ᠣᠢᠷᠠᠶ᠋ᠢᠨ ᠵᠢᠯᠦᠨ ᠲᠤᠷᠰᠢ᠂ ᠱᠢᠤᠸᠠᠢ ᠱᠦ᠍ ᠶᠤᠸᠠᠨ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠰᠤᠳᠤᠯᠭᠠᠨᠤ ᠭᠠᠵᠠᠷᠢ ᠳᠠᠭᠠᠭᠤᠯᠤᠨ ᠮᠢᠬᠠᠨᠤ ᠦᠬᠡᠷ᠂ ᠮᠢᠬᠠᠨᠤ ᠬᠣᠨᠢ᠂ ᠨᠤᠤᠯᠤᠭᠤᠷᠤᠨ ᠬᠣᠨᠢ᠂ ᠡᠷᠳᠡᠨᠢ ᠱᠢᠰᠢ᠂ ᠰᠠᠭᠠᠯᠢᠶ᠋ᠢᠨ ᠦᠨᠢᠶᠡ ᠵᠡᠷᠭᠡ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠭᠤᠤᠯᠳᠠᠯᠭᠠᠲᠠᠶ ᠠᠵᠤ ᠦᠶ᠋ᠯᠡᠰᠦᠨ ᠲᠣᠭᠣᠷᠢᠨᠳᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠬᠠᠮᠲᠤᠷᠠᠨ ᠪᠣᠭᠣᠮᠲᠠ ᠱᠢᠪᠲᠤᠯᠬᠤ ᠲᠥᠷᠥᠯ ᠵᠦᠶ᠋ᠯᠢ 200 ᠭᠠᠷᠤᠶ ᠵᠦᠶ᠋ᠯ ᠥᠷᠨᠢᠭᠦᠯᠵᠦ᠍᠂ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠬᠡᠯᠪᠡᠷᠢᠶ᠋ᠢᠨ ᠮᠡᠷᠭᠡᠵᠢᠯᠢ 20 ᠭᠠᠷᠤᠶ ᠵᠦᠶ᠋ᠯ ᠨᠡᠪᠴᠢᠭᠦᠯᠵᠦ᠍᠂ ᠡᠯᠡ ᠲᠥᠷᠥᠯᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠦᠷᠡ ᠪᠦᠲᠦᠭᠡᠯᠢ ᠨᠡᠢᠲᠡ 369 ᠵᠦᠶ᠋ᠯ ᠬᠦᠷᠳᠡᠵᠦ᠂ ᠭᠡᠷᠡ ᠲᠣᠭ᠍ᠲᠠᠭ᠍ᠰᠠᠨ ᠦᠷᠡ ᠪᠦᠲᠦᠭᠡᠯᠢ ᠤᠨᠳᠤᠤᠱᠢᠭᠤᠯᠬᠤ ᠬᠠᠮᠲᠤᠷᠠᠯᠴᠠᠭᠠᠨᠤ ᠵᠠᠷᠤᠳᠠᠯ ᠨᠢ 1000 ᠭᠠᠷᠤᠶ ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠴᠡᠶ᠃ 2023 ᠣᠨᠳᠤ᠂ ᠲᠡᠭᠦᠨᠦ ᠳᠠᠭᠠᠭᠤᠯᠤᠭ᠍ᠰᠠᠨ ᠮᠢᠬᠠᠨᠤ ᠬᠣᠨᠢᠨᠤ ᠤᠳᠤᠮᠯᠠᠯᠤᠨ ᠡᠬᠢ ᠪᠠᠶᠠᠯᠢᠭᠢ ᠦᠨᠡᠯᠡᠬᠦ᠌ ᠬᠢᠭᠡᠳ ᠦᠷᠡᠵᠢᠭᠦᠯᠦᠨ ᠪᠣᠢᠵᠢᠭᠤᠯᠬᠤ ᠮᠡᠷᠭᠡᠵᠢᠯᠦᠨ ᠤᠯᠤᠰ ᠣᠷᠣᠨ ᠨᠤᠲᠤᠭᠤᠨ ᠬᠠᠮᠲᠤᠷᠠᠭ᠍ᠰᠠᠨ ᠢᠨᠵᠧᠨᠧᠷᠢᠩᠦᠨ ᠰᠤᠳᠤᠯᠭᠠᠨᠤ ᠲᠥᠪᠨᠢ ᠪᠥᠬᠥ᠌ ᠤᠯᠤᠰᠤᠨ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠᠵᠢᠨ ᠪᠥᠬᠥ᠌ ᠤᠯᠤᠰᠤᠨ ᠡᠮᠡᠭ᠌ᠲᠡᠢᠴᠦᠳᠦᠨ ᠪᠣᠯᠪᠠᠰᠤᠨᠤ ᠠᠵᠢᠯᠤᠨ ᠪᠠᠢᠷᠢ ᠵᠢᠨ ᠴᠣᠯᠠ ᠬᠦᠷᠳᠡᠪᠡ᠃
《ᠲᠠᠷᠠᠭᠠᠴᠢ ᠶ᠋ᠢᠨ ᠠᠯᠬᠤᠮᠳᠤ᠂ ᠪᠢᠳᠡ ᠬᠡᠷ ᠦᠨ ᠲᠡᠵᠢᠭᠡᠪᠦᠷᠢᠶ᠋ᠢ ᠡᠷᠡᠭᠦᠯᠢᠶᠡᠷ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠵᠢᠴᠢ ᠲᠠᠷᠢᠶᠠᠯᠠᠩᠤᠨ ᠠᠮᠢᠳᠤ ᠪᠣᠳᠠᠰᠤᠨ ᠡᠬᠢ ᠪᠠᠶᠠᠯᠢᠭᠢ ᠥᠨᠳᠥᠷ ᠪᠦᠲᠦᠮᠵᠢᠲᠡᠶᠪᠡᠷ ᠠᠱᠢᠭ᠍ᠯᠠᠬᠤ ᠭᠤᠤᠯᠯᠠᠬᠤ ᠮᠡᠷᠭᠡᠵᠢᠯᠦᠨ ᠪᠣᠭᠣᠮᠲᠠ ᠱᠢᠪᠲᠤᠯᠬᠤ ᠪᠠ ᠱᠢᠯᠢᠳᠡᠭ᠌ᠵᠢᠭᠦᠯᠦᠨ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌ ᠠᠵᠢᠯᠢ ᠦᠷᠭᠦᠯᠵᠢᠯᠡᠨ ᠥᠷᠨᠢᠭᠦᠯᠵᠦ᠍᠂ ᠣᠶᠤᠨᠴᠢ ᠮᠠᠯ ᠠᠵᠤ ᠠᠬᠤᠶ ᠵᠢᠴᠢ ᠨᠡᠭᠦᠷᠡᠰᠦᠲᠥ᠋ᠷᠥᠭ᠌ᠴᠢ ᠪᠠᠭᠠ ᠭᠠᠳᠠᠭ᠍ᠰᠢᠯᠠᠭᠤᠯᠬᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ᠳᠦ ᠦᠷᠭᠦᠯᠵᠢᠯᠡᠨ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠦᠨᠡ᠃ ᠲᠠᠷᠢᠶᠠᠯᠠᠩᠤᠨ ᠮᠠᠱᠢᠨᠤ ᠠᠵᠤ ᠠᠬᠤᠢᠯᠠᠯᠲᠠᠶ ᠬᠠᠮᠲᠤᠷᠠᠨ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ᠌ ᠠᠵᠢᠯ ᠥᠷᠨᠢᠭᠦᠯᠵᠦ᠍᠂ ᠡᠰᠢ ᠰᠦᠷᠡᠯ ᠪᠣᠳᠠ ᠮᠣᠳᠣ ᠵᠡᠷᠭᠡ ᠡᠬᠢ ᠪᠠᠶᠠᠯᠢᠭᠢ ᠪᠣᠷᠳᠣᠭᠠ ᠪᠤᠯᠭᠠᠨ ᠠᠱᠢᠭ᠍ᠯᠠᠬᠤ ᠢᠵᠢ ᠪᠦᠷᠢᠳᠦᠭ᠌ᠰᠡᠨ ᠮᠡᠷᠭᠡᠵᠢᠯᠢ ᠨᠡᠩ ᠣᠯᠠᠨ ᠭᠠᠵᠠᠷᠲᠤ ᠪᠣᠳᠠᠲᠠᠢᠵᠢᠭᠤᠯᠬᠤᠶ᠋ᠢ ᠠᠬᠢᠭᠤᠯᠵᠤ᠂ ᠵᠢᠱ᠌ᠢᠶᠡ ᠦᠵᠡᠭᠦᠯᠦᠨ ᠳᠡᠯᠭᠡᠷᠡᠭᠦᠯᠬᠦ᠌ ᠪᠠ ᠮᠡᠷᠭᠡᠵᠢᠯᠦᠨ ᠦᠢᠯᠡᠴᠢᠯᠡᠭᠡᠨᠦ ᠠᠵᠢᠯᠢ ᠰᠠᠢᠲᠤᠷ ᠬᠢᠨᠡ᠃ ᠡᠭᠦᠨᠦ ᠬᠠᠮᠲᠤ᠂ ᠪᠢᠳᠡ ᠰᠠᠭᠤᠷᠢ ᠴᠢᠨᠠᠷᠲᠠᠶ ᠥᠨᠳᠥᠷ ᠦᠷᠡ ᠠᠱᠢᠭ᠍ᠲᠤ ᠪᠠᠺᠲ᠋ᠧᠷᠢᠶ᠋ᠢᠨ ᠨᠠᠢᠷᠠᠯᠲᠠᠶ᠋ᠢ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ᠌ ᠠᠵᠢᠯᠢ ᠦᠷᠭᠦᠯᠵᠢᠯᠡᠨ ᠥᠷᠨᠢᠭᠦᠯᠵᠦ᠍᠂ ᠦᠷᠭᠦᠯᠵᠢᠯᠡᠨ ᠱᠢᠭ᠌ᠰᠢᠨ ᠰᠣᠩᠭᠣᠬᠤ ᠦᠷᠡ ᠪᠦᠲᠦᠮᠵᠢᠪᠡᠷ ᠨᠠᠩ ᠰᠠᠢᠨ᠂ ᠵᠣᠬᠢᠴᠠᠬᠤ ᠴᠢᠨᠠᠷᠢᠶᠠᠷ ᠨᠠᠩ ᠴᠢᠩᠭᠠ ᠪᠠᠺᠲ᠋ᠧᠷᠢᠶ᠋ᠢᠨ ᠵᠦᠶ᠋ᠯᠢ ᠠᠵᠤ ᠦᠶ᠋ᠯᠡᠰᠲᠦ ᠬᠡᠷᠡᠭ᠌ᠯᠡᠨᠡ》 ᠭᠡᠵᠦ᠍ ᠱᠢᠤᠸᠠᠢ ᠱᠦ᠍ ᠶᠤᠸᠠᠨ ᠬᠡᠯᠡᠪᠡ᠃