5 ᠰᠠᠷᠠᠶ᠋ᠢᠨ 13ᠤ᠋ ᠡᠳᠦᠷ᠂ ᠨᠡᠷᠡᠨᠦ ᠭᠡᠷᠡᠯ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠶ᠋ᠢᠨ ᠨᠢᠰᠭᠡᠯᠢᠶᠡᠷ ᠲᠠᠷᠢᠵᠤ ᠤᠢᠵᠢᠭᠤᠯᠬᠤ ᠲᠤᠭᠤᠷᠢᠭᠲᠤ ᠰᠠᠴᠤᠭᠳᠠᠵᠤ᠂ ᠢᠭ᠍ᠴᠤ ᠰᠠᠬᠤᠯᠢᠭ ᠵᠠᠭ ᠮᠣᠳᠣ᠂ ᠳᠡᠷᠪᠡᠯᠵᠢ᠂ ᠲᠤᠰᠤᠨ ᠲᠤᠷᠯᠤᠭ ᠵᠡᠷᠭᠡ ᠡᠯᠡᠰᠦᠨᠦ ᠤᠷᠭᠤᠮᠠᠯ ᠰᠠᠯᠬᠢᠨᠤ ᠠᠶᠠᠪᠠᠷ ᠨᠠᠢᠭᠤᠵᠤ᠂ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠵᠢᠡᠷ ᠪᠢᠯᠬᠠᠮᠠ᠃ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠤ ᠤᠢ ᠱᠢᠭᠤᠢᠶ᠋ᠢᠨ ᠠᠵᠢᠯᠯᠠᠬᠤ ᠦᠷᠳᠡᠬᠡᠶ᠋ᠢᠨ ᠳᠡᠭᠡᠳᠦ ᠵᠡᠷᠭᠡᠶ᠋ᠢᠨ ᠢᠨᠵᠧᠨᠧᠷ ᠯᠢᠦ ᠬᠣᠩ ᠢ ᠪᠤᠲᠠᠯᠢᠭ ᠤᠢᠵᠢᠨ ᠬᠠᠮᠠᠭᠠᠯᠠᠯᠲᠠ ᠪᠠ ᠤᠷᠭᠤᠴᠠᠶ᠋ᠢᠨ ᠪᠠᠢᠳᠠᠯᠢ ᠪᠠᠢᠴᠠᠭᠠᠨ ᠦᠵᠡᠬᠦ᠌ᠶ᠋ᠢᠨ ᠳᠠᠭᠠᠤ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠲᠡᠮᠳᠡᠭ᠌ᠯᠡᠯ ᠬᠢᠵᠦ᠍ ᠪᠠᠢᠯᠠ ᠁
《ᠡᠨᠳᠡ ᠥᠩᠭᠡᠷᠡᠭ᠌ᠰᠡᠨᠳᠦ ᠱᠢᠷᠠ ᠡᠯᠡᠰᠦ ᠨᠡᠯᠦᠢᠵᠦ᠍᠂ ᠣᠯᠠᠨ ᠵᠢᠯ ᠨᠢᠰᠭᠡᠯᠢᠶᠡᠷ ᠲᠠᠷᠢᠵᠤ ᠤᠢᠵᠢᠭᠤᠯᠬᠤ ᠪᠡᠷ ᠳᠠᠮᠵᠢᠨ ᠡᠨᠡ ᠬᠡᠰᠡᠭ ᠪᠤᠲᠠᠯᠢᠭ ᠣᠶᠶ᠋ᠢᠨ ᠤᠷᠭᠤᠴᠠ ᠰᠠᠢᠨ ᠪᠤᠯᠵᠠᠢ᠂ ᠥᠩᠭᠡᠷᠡᠭ᠌ᠰᠡᠨᠳᠦ ᠱᠤᠤᠭᠢᠨ ᠬᠤᠢᠯᠠᠷᠠᠵᠤ ᠪᠠᠢᠭ᠍ᠰᠠᠨ ᠨᠡᠭᠦᠳᠡᠯ ᠡᠯᠡᠰᠦ ᠨᠢ ᠨᠢᠭᠡᠨᠲᠡ ᠨᠣᠭᠣᠭᠠᠨ ᠥᠩᠭᠡᠪᠡᠷ ᠬᠤᠴᠢᠭ᠍ᠳᠠᠭ᠍ᠰᠠᠨ ᠪᠠᠢᠨᠠ》 ᠭᠡᠵᠦ ᠯᠢᠦ ᠬᠣᠩ ᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠲᠠᠨᠢᠯᠴᠠᠭᠤᠯᠪᠠ᠃
ᠠᠵᠢᠯᠤᠨ ᠪᠠᠢᠷᠢᠨᠳᠡᠬᠢ 39 ᠵᠢᠯᠦᠨ ᠲᠤᠷᠰᠢ᠂ ᠯᠢᠦ ᠬᠣᠩ ᠢ ᠠᠯᠠᠱᠠᠶ᠋ᠢᠨ ᠨᠡᠯᠦᠭᠡᠷ ᠶᠡᠬᠡ ᠡᠯᠡᠰᠦᠨ ᠭᠣᠪᠢᠳᠤ ᠦᠨᠳᠦᠰᠦᠯᠡᠵᠦ᠍᠂ ᠡᠯᠡᠰᠦᠷᠬᠡᠭᠵᠢᠯᠢ ᠰᠡᠷᠭᠡᠢᠯᠡᠵᠦ᠍ ᠡᠯᠡᠰᠦᠶ᠋ᠢ ᠵᠠᠰᠠᠵᠤ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨᠢ ᠰᠠᠢᠵᠢᠷᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠯ ᠪᠠ ᠪᠤᠴᠠᠰᠢ ᠦᠬᠡᠢ ᠪᠠᠷᠢᠮᠳᠠᠯᠠᠯ ᠵᠢᠠᠷ ᠡᠯᠡᠰᠦᠨ ᠴᠦᠯᠳᠦ ᠰᠡᠳᠭᠢᠯ ᠬᠥᠳᠡᠯᠭᠡᠮᠠ ᠦᠯᠢᠬᠡᠷ ᠲᠠᠭᠤᠯᠠᠯᠢ ᠪᠢᠴᠢᠭ᠌ᠯᠡᠵᠠᠢ᠃
1986 ᠣᠨᠳᠤ᠂ ᠯᠢᠦ ᠬᠣᠩ ᠢ ᠥᠪᠥᠷ ᠮᠣᠩᠭᠣᠯᠤᠨ ᠵᠠᠯᠠᠨ ᠠᠢᠯᠤᠨ ᠤᠢ ᠱᠢᠭᠤᠢᠶ᠋ᠢᠨ ᠰᠤᠷᠭᠠᠭᠤᠯᠢᠡᠴᠡ ᠲᠡᠭᠦᠰᠦᠭ᠌ᠰᠡᠨᠦ ᠳᠠᠷᠠᠭᠠ᠂ ᠨᠤᠲᠤᠭ ᠤᠰᠤᠨᠤᠪᠠᠨ ᠠᠮᠢ ᠠᠬᠤᠢᠶ᠋ᠢᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠲᠥᠯᠥᠭᠡ᠂ ᠶᠡᠬᠡ ᠬᠤᠳᠠᠳᠤ ᠣᠴᠢᠵᠤ ᠠᠵᠢᠯᠯᠠᠬᠤ ᠲᠣᠬᠢᠶᠠᠯᠢᠶᠠᠨ ᠲᠠᠶᠠᠭ᠍ᠳᠠᠵᠤ᠂ ᠨᠥᠬᠥᠴᠡᠯ ᠬᠠᠲᠠᠭᠤᠵᠢᠯᠲᠠᠢ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠤ ᠵᠢᠷᠠᠲᠠᠢ ᠤᠯᠤᠰᠤᠨ ᠡᠯᠡᠰᠦ ᠵᠠᠰᠠᠬᠤ ᠦᠷᠳᠡᠭᠡᠳᠦ ᠬᠦᠷᠴᠦ᠍ ᠠᠵᠢᠯᠯᠠᠪᠠ᠃ ᠰᠠᠶᠢᠬᠠᠨ ᠠᠵᠢᠯᠳᠤ ᠭᠠᠷᠤᠮᠠᠭᠴᠠᠪᠠᠨ ᠲᠡᠷᠡ ᠪᠤᠳᠤᠭ᠍ᠰᠠᠨᠡᠴᠡ ᠪᠠᠨ ᠨᠠᠩ ᠰᠣᠴᠢᠭᠠᠮᠠ ᠪᠠᠢᠳᠠᠯᠢ ᠣᠯᠵᠤ ᠬᠠᠷᠠᠪᠠ᠄ ᠰᠠᠯᠬᠢ ᠱᠢᠭᠤᠷᠭᠠ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠤᠯᠠᠭᠠᠨᠪᠤᠬᠠ ᠵᠢᠨ ᠡᠯᠡᠰᠦᠨ ᠴᠥᠯ᠂ ᠬᠤᠪᠠᠬᠠᠢᠷᠠᠵᠤ ᠮᠥᠬᠥᠬᠦ᠌ ᠱᠢᠬᠠᠭ᠍ᠰᠠᠨ ᠡᠪᠡᠰᠤ ᠮᠤᠳᠤ᠂ ᠤᠷᠤᠭᠰᠢᠯᠠᠬᠤᠳᠤ ᠬᠡᠴᠡᠬᠦᠦ ᠣᠶ ᠱᠢᠭᠤᠶᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠳᠠᠯ᠂ ᠬᠣᠴᠣᠷᠤᠩᠭᠤᠶ ᠬᠤᠮᠰᠠ ᠮᠡᠷᠭᠡᠵᠢᠯ ᠲᠥᠬᠥᠭᠡᠷᠦᠮᠵᠢ᠂ ᠡᠳᠦᠷ ᠢᠷᠡᠬᠦᠶᠡ ᠮᠠᠭᠤᠳᠠᠵᠤ ᠪᠠᠢᠭᠠ ᠠᠮᠢ ᠠᠬᠤᠶᠶ᠋ᠢᠨ ᠣᠷᠴᠢᠨ ᠲᠣᠭᠣᠷᠢᠨ ᠨᠢ ᠮᠠᠰᠢ ᠣᠯᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠢ ᠨᠤᠲᠤᠭᠡᠴᠡᠪᠠᠨ ᠰᠠᠯᠵᠤ ᠥᠭᠡᠷᠡ ᠭᠠᠷᠬᠤ ᠵᠠᠮ ᠡᠷᠢᠬᠦ᠌ ᠥᠬᠡᠶ ᠪᠠᠢᠬᠤᠶ᠋ᠢᠨ ᠠᠷᠭᠠ ᠥᠬᠡᠶ ᠪᠣᠯᠭᠠᠵᠠᠶ ᠁
ᠡᠳᠡᠭᠡᠷᠢ ᠦᠵᠡᠭᠡᠳ ᠯᠢᠦ ᠬᠣᠩ ᠢ ᠡᠯᠡᠰᠦᠨ ᠴᠦᠯᠳᠦ ᠨᠣᠭᠣᠭᠠᠷᠠᠭᠤᠯᠤᠯᠲᠠ ᠬᠢᠬᠦ᠌ ᠢᠲᠡᠭᠡᠯ ᠵᠣᠷᠢᠭᠢᠶᠠᠨ ᠤᠯᠠᠮ ᠪᠠᠲᠤᠳᠭᠠᠪᠠ᠃ 《ᠲᠤᠬᠠᠢᠶ᠋ᠢᠨ ᠦᠶᠡᠳᠦ ᠪᠢ ᠨᠢᠭᠡ ᠨᠠᠰᠤᠪᠠᠷᠢᠶᠠᠨ ᠡᠯᠡᠰᠦᠨ ᠴᠦᠯᠳᠦ ᠦᠨᠳᠦᠰᠦᠯᠡᠵᠦ᠍᠂ ᠡᠯᠡᠰᠦᠨ ᠴᠦᠯᠢ ᠨᠤᠭᠤᠭᠠᠷᠠᠭᠤᠯᠤᠨᠠ ᠭᠡᠵᠦ᠍ ᠰᠡᠳᠬᠢᠯ ᠳᠤᠲᠤᠷᠠ ᠪᠠᠨ ᠲᠠᠩᠭᠠᠷᠢᠭ᠍ᠯᠠᠬᠰᠠᠨ ᠶᠤᠮ》 ᠭᠡᠵᠦ᠍ ᠯᠢᠦ ᠬᠣᠩ ᠢ ᠬᠡᠯᠡᠪᠡ᠃
ᠡᠭᠦᠨᠡᠴᠡ ᠰᠡᠭᠦᠯᠡᠷ᠂ ᠲᠡᠷᠡ ᠡᠯᠡᠰᠦᠨ ᠴᠦᠯᠳᠦ ᠣᠷᠣᠵᠤ᠂ ᠪᠦᠬᠦ᠌ ᠰᠡᠳᠭᠢᠯ ᠪᠦᠬᠦ᠌ ᠵᠣᠷᠢᠭᠢᠶᠠᠷᠢᠶᠠᠨ ᠡᠯᠡᠰᠦᠷᠬᠡᠭ᠌ᠵᠢᠯᠢ ᠰᠡᠷᠭᠡᠢᠯᠡᠨ ᠡᠯᠡᠰᠦᠵᠢ ᠵᠠᠰᠠᠬᠤ ᠦᠢᠯᠡᠰᠲᠦ ᠣᠷᠣᠯᠴᠠᠵᠤ᠂ ᠤᠯᠤᠰᠤᠨ 《ᠳᠣᠯᠣᠳᠤᠭᠠᠷ ᠲᠠᠪᠤᠨ ᠵᠢᠯ》 ᠤ᠋ᠨ ᠪᠣᠭᠣᠮᠲᠠ ᠱᠢᠪᠲᠤᠯᠬᠤ ᠲᠦᠷᠦᠯ ᠵᠦᠢᠯ ᠪᠣᠯᠬᠤ 《ᠵᠠᠭ ᠮᠣᠳᠣᠶ᠋ᠢ ᠱᠢᠨᠡᠳᠭᠡᠨ ᠪᠤᠵᠠᠭᠠᠢᠷᠠᠭᠤᠯᠬᠤ ᠮᠡᠷᠭᠡᠵᠢᠯᠦᠨ ᠰᠤᠳᠤᠯᠭᠠᠨ》 ᠳ᠋ᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠪᠠ᠃ ᠲᠡᠷᠡ ᠵᠣᠨᠤ ᠤᠯᠠᠷᠢᠯᠳᠤ ᠡᠯᠡᠰᠦᠨ ᠴᠥᠯᠦᠨ ᠭᠠᠵᠠᠷᠤᠨ ᠭᠠᠳᠠᠷᠭᠤᠵᠢᠨ 50°C ᠢ᠋ ᠳᠠᠪᠠᠬᠰᠠᠠ ᠠᠭᠠᠭᠢᠮᠠ ᠬᠠᠯᠠᠭᠤᠨᠢ ᠰᠥᠷᠴᠦ᠍᠂ ᠡᠪᠦᠯᠦᠨ ᠤᠯᠠᠷᠢᠯᠳᠤ ᠶᠠᠰᠤ ᠶᠠᠩᠬᠢᠨᠠᠮᠠ ᠬᠦᠶ᠋ᠲᠡᠨ ᠪᠠ ᠡᠯᠡᠰᠦᠨ ᠱᠢᠭᠤᠷᠭᠠᠶ᠋ᠢᠨ ᠲᠠᠭᠠᠷᠢᠯᠲᠠᠶ᠋ᠢ ᠳᠠᠭᠠᠭᠠᠵᠤ᠂ ᠡᠯᠡᠰᠦᠶ᠋ᠢ ᠵᠠᠰᠠᠬᠤ ᠰᠤᠳᠤᠯᠭᠠᠨᠤ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ ᠶᠠᠭᠠᠷᠠᠯᠲᠠᠶ ᠠᠵᠢᠯᠯᠠᠬᠰᠠᠭᠠᠷ ᠢᠷᠡᠵᠡᠢ᠃ ᠬᠡᠳᠦᠨ ᠵᠢᠯ ᠨᠢᠭᠡ ᠰᠡᠳᠭᠢᠯᠢᠶᠡᠷ ᠵᠠᠭ ᠮᠣᠳᠣᠶ᠋ᠢ ᠱᠢᠨᠡᠳᠭᠡᠨ ᠪᠤᠵᠠᠭᠠᠢᠷᠠᠭᠤᠯᠬᠤ ᠰᠤᠳᠤᠯᠭᠠᠨ ᠬᠢᠬᠦ᠌ᠪᠡᠷ ᠳᠠᠮᠵᠢᠨ᠂ ᠲᠡᠭᠦᠨᠦ ᠬᠣᠢᠱᠢᠳᠠ ᠵᠠᠭ ᠮᠣᠳᠣ ᠲᠠᠷᠢᠬᠤ ᠴᠠᠭᠠᠨ ᠭᠣᠶᠣᠣ ᠮᠦᠴᠢᠷ ᠵᠠᠯᠭᠠᠬᠤᠶ᠋ᠢ ᠳᠡᠯᠭᠡᠷᠡᠭᠦᠯᠬᠦ᠌᠂ ᠡᠯᠡᠰᠦᠷᠬᠡᠭ᠌ᠵᠢᠯᠢ ᠰᠡᠷᠭᠡᠢᠯᠡᠨ ᠡᠯᠡᠰᠦᠵᠢ ᠵᠠᠰᠠᠬᠤ ᠠᠮᠢ ᠠᠬᠤᠢᠶ᠋ᠢᠨ ᠵᠠᠰᠠᠯᠲᠠ ᠬᠢᠬᠦ᠌᠂ ᠨᠣᠭᠣᠭᠠᠷᠠᠭᠤᠯᠬᠤᠵᠢᠨ ᠬᠠᠮᠲᠤ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭ᠌ᠵᠢᠭᠦᠵᠢ ᠪᠡᠶᠡᠯᠡᠭᠦᠯᠬᠦ᠌ᠳᠦ ᠪᠠᠲᠤ ᠪᠡᠬᠢ ᠰᠠᠭᠤᠷᠢᠶ᠋ᠢ ᠲᠠᠯᠪᠢᠵᠤ ᠥᠭ᠌ᠴᠡᠢ᠃
ᠡᠯᠡᠰᠦᠵᠢ ᠵᠠᠰᠠᠬᠤ ᠳᠤᠮᠳᠠ᠂ ᠯᠢᠦ ᠬᠣᠩ ᠢ ᠢᠮᠠᠭ᠍ᠲᠠ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ᠶ᠋ᠢ ᠠᠮᠢ ᠠᠬᠤᠢᠶ᠋ᠢᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠠᠬᠢᠭᠤᠯᠬᠤ ᠵᠠᠩᠭᠢᠯᠠᠭᠠᠶ᠋ᠢᠨ ᠬᠦᠴᠦᠨ ᠪᠣᠯᠭᠠᠭ᠍ᠰᠠᠭᠠᠷ ᠢᠷᠡᠵᠠᠢ᠃ 1998 ᠣᠨᠳᠤ᠂ ᠴᠢᠬᠢ ᠮᠣᠳᠣ ᠳᠤᠲᠠᠭ᠍ᠳᠠᠬᠤ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠱᠢᠶ᠋ᠳᠪᠦᠷᠢᠯᠡᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠯᠢᠦ ᠬᠣᠩ ᠢ ᠲᠦᠷᠦᠭᠦᠯᠡᠨ ᠵᠠᠭ ᠵᠡᠷᠭᠡ ᠡᠯᠡᠰᠦᠨᠤ᠋ ᠤᠷᠭᠤᠮᠠᠯ ᠲᠠᠷᠢᠬᠤ ᠲᠤᠷᠱᠢᠯᠲᠠᠶ᠋ᠢ ᠥᠷᠨᠢᠭᠦᠯᠪᠡ᠃ 700 ᠭᠠᠷᠤᠢ ᠡᠳᠦᠷ ᠰᠥᠨᠢᠶ᠋ᠢᠨ ᠰᠤᠳᠤᠯᠭᠠᠨᠢᠶᠠᠷ ᠳᠠᠮᠵᠢᠨ᠂ ᠯᠢᠦ ᠬᠣᠩ ᠢᠶ᠋ᠢᠨ ᠪᠦᠯᠬᠦᠮᠦᠨ ᠬᠢᠨ ᠠᠯᠠᠱᠠ ᠣᠷᠣᠨᠤ ᠤᠯᠠᠨ ᠵᠢᠯᠦᠨ ᠲᠤᠷᠰᠢ ᠭᠡᠭᠡᠭ᠌ᠳᠡᠭ᠌ᠰᠡᠨ ᠡᠯᠡᠰᠦᠨᠦ ᠤᠷᠭᠤᠮᠠᠯᠤᠨ ᠴᠢᠬᠢ ᠮᠣᠳᠣᠶ᠋ᠢ ᠪᠣᠢᠵᠢᠭᠤᠯᠤᠨ ᠭᠠᠷᠭᠠᠵᠤ᠂ 2 ᠵᠢᠯᠦᠨ ᠴᠠᠭᠢ ᠠᠱᠢᠭ᠍ᠯᠠᠨ᠂ 《ᠠᠯᠠᠱᠠᠶ᠋ᠢᠨ ᠭᠠᠩ ᠬᠠᠭᠤᠷᠠᠢ ᠴᠦᠯ ᠣᠷᠣᠨᠳᠤ ᠵᠠᠭ ᠮᠣᠳᠣ ᠲᠠᠷᠢᠬᠤ ᠵᠢᠴᠢ ᠴᠢᠬᠢ ᠪᠣᠢᠵᠢᠭᠤᠯᠬᠤ ᠮᠡᠷᠭᠡᠵᠢᠯ》 ᠢ᠋ ᠳ᠋ᠦᠩᠨᠡᠨ ᠭᠠᠷᠭᠠᠪᠠ᠃ ᠲᠡᠭᠦᠨᠦ ᠳᠠᠭᠠᠭᠤᠯᠭᠠ ᠳᠤᠤᠷᠠ᠂ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠬᠠᠮᠤᠭᠤᠨ ᠶᠡᠬᠡ ᠡᠯᠡᠰᠦᠨᠦ ᠤᠷᠭᠤᠮᠠᠯᠤᠨ ᠴᠢᠬᠢ ᠪᠣᠢᠵᠢᠭᠤᠯᠬᠤ ᠰᠠᠭᠤᠷᠢᠨ ᠪᠣᠯᠵᠣ᠂ ᠴᠢᠬᠢ ᠪᠣᠢᠵᠢᠭᠤᠯᠬᠤ ᠡᠭᠦᠯᠳᠡᠷ ᠨᠢ ᠨᠡᠮᠡᠭ᠌ᠳᠡᠭᠡᠳ 10 ᠭᠠᠷᠤᠶ ᠵᠦᠶ᠋ᠯ ᠪᠣᠯᠵᠣ᠂ ᠵᠢᠯᠦᠨ ᠭᠠᠷᠤᠯᠲᠠ ᠨᠢ 4000 ᠲᠦᠮᠡᠨ ᠰᠠᠭᠤᠷᠢᠶ᠋ᠢ ᠳᠠᠪᠠᠵᠤ᠂ ᠵᠢᠯᠦᠨ ᠦᠶ᠋ᠯᠡᠳᠬᠦᠨᠦ ᠥᠷᠲᠡᠭ ᠨᠢ 400 ᠭᠠᠷᠤᠶ ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠴᠡᠶ᠃
ᠨᠢᠰᠭᠡᠯᠢᠶᠡᠷ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ ᠨᠢ ᠬᠡᠪᠴᠢᠶᠡᠪᠡᠷ ᠶᠡᠬᠡ᠂ ᠬᠤᠷᠳᠤᠴᠠ ᠨᠢ ᠲᠦᠷᠭᠡᠨ᠂ ᠥᠪᠡᠷᠦᠨ ᠥᠷᠲᠡᠭ ᠨᠢ ᠳᠤᠤᠷᠠ ᠵᠡᠷᠭᠡ ᠣᠨᠴᠠᠯᠢᠭᠲᠠᠶ ᠪᠠᠢᠵᠤ᠂ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠤ ᠴᠦᠯᠯᠡᠷᠭᠡᠭ ᠭᠠᠵᠠᠷ ᠣᠷᠣᠨᠤ ᠠᠮᠢ ᠠᠬᠤᠶᠶ᠋ᠢᠨ ᠵᠠᠰᠠᠯᠲᠠᠳᠤ ᠳᠣᠭᠢᠷᠠᠨᠠ᠃ ᠨᠢᠰᠭᠡᠯᠢᠶᠡᠷ ᠳᠠᠷᠢᠵᠤ ᠣᠢᠵᠢᠭᠤᠯᠤᠨ ᠡᠯᠡᠰᠦᠶ᠋ᠢ ᠵᠠᠰᠠᠬᠤ ᠶᠠᠪᠤᠴᠠ ᠳ᠋ᠤ᠂ ᠯᠢᠦ ᠬᠣᠩ ᠢ ᠥᠪᠡᠷᠦᠨ ᠥᠷᠲᠡᠭᠢ ᠪᠠᠭᠤᠷᠠᠭᠤᠯᠵᠤ᠂ ᠡᠯᠡᠰᠦᠶ᠋ᠢ ᠵᠠᠰᠠᠬᠤ ᠦᠷᠡ ᠪᠦᠲᠦᠮᠵᠢᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠨᠢᠰᠭᠡᠯᠢᠶᠡᠷ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ ᠳᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠱᠢᠨᠡ ᠡᠭᠦᠳᠬᠦᠶ᠋ᠢ ᠢᠳᠡᠪᠬᠢᠲᠡᠶ ᠬᠢᠵᠦ᠍᠂ ᠨᠢᠰᠭᠡᠯᠢᠶᠡᠷ ᠳᠠᠷᠢᠵᠤ ᠣᠢᠵᠢᠭᠤᠯᠬᠤᠳᠤ ᠬᠡᠷᠡᠭᠯᠡᠬᠦ ᠦᠷᠡ ᠵᠢ ᠮᠥᠬᠦᠯᠢᠭ᠌ᠵᠢᠭᠦᠯᠬᠦ᠌ ᠱᠢᠨᠡ ᠮᠡᠷᠭᠡᠵᠢᠯᠢ ᠬᠡᠷᠡᠭ᠌ᠯᠡᠵᠦ᠍᠂ ᠴᠢᠬᠢ ᠮᠤᠳᠤᠨ ᠤ᠋ ᠡᠳᠡᠭᠡᠷᠡᠯᠲᠡᠶ᠋ᠢᠨ ᠨᠣᠷᠮᠠᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠭ᠌ᠰᠡᠨᠢᠶᠡᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠦᠷᠡ ᠤᠨᠠᠬᠤ ᠲᠡᠩᠴᠡᠭᠦᠷᠢ ᠥᠬᠡᠶ᠂ ᠣᠷᠣᠨ ᠱᠢᠯᠵᠢᠬᠦ᠌ ᠪᠠ《ᠭᠡᠨᠡᠳᠳᠡ ᠵᠤᠯᠭᠠᠷᠠᠨ ᠦᠭᠦᠰᠢᠷᠡᠬᠦ》ᠶ᠋ᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠮᠡᠷᠭᠡᠵᠢᠯᠦᠨ ᠪᠡᠷᠬᠡ ᠰᠡᠳᠦᠪᠢ ᠱᠢᠶ᠋ᠳᠪᠦᠷᠢᠯᠡᠭᠰᠡᠨ ᠪᠦᠭᠡᠳ ᠬᠣᠶᠠᠷ ᠵᠦᠶ᠋ᠯᠦᠨ ᠤᠯᠤᠰᠤᠨ ᠲᠤᠰᠭᠠᠶ ᠠᠱᠢᠭᠢ ᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠨᠢᠰᠭᠡᠯᠢᠶᠡᠷ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ ᠠᠵᠢᠯᠤᠨ ᠳᠤᠮᠳᠠᠬᠢ ᠨᠢᠰᠭᠡᠯᠦᠨ ᠠᠶᠠᠯᠠᠯ ᠣᠨᠣᠪᠴᠢ ᠥᠬᠡᠶ ᠪᠠᠢᠬᠤ ᠪᠠ ᠬᠥᠮᠦᠨᠦ ᠬᠦᠴᠦ᠍ᠪᠡᠷ ᠠᠵᠢᠯᠯᠠᠬᠤ ᠡᠷᠴᠢᠮ ᠬᠡᠲᠦ ᠴᠢᠩᠭᠠ ᠪᠠᠢᠬᠤ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠱᠢᠶ᠋ᠳᠪᠦᠷᠢᠯᠡᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠯᠢᠦ ᠬᠣᠩ ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠰᠡᠳᠭᠢᠨ ᠪᠣᠳᠣᠯᠬᠢᠯᠠᠵᠤ᠂ ᠳᠠᠭᠠᠭᠤᠯᠢ ᠣᠳᠣᠨᠤ ᠠᠶᠠᠯᠠᠯ ᠵᠠᠯᠠᠬᠤ ᠮᠡᠷᠭᠡᠵᠢᠯᠢ ᠨᠢᠰᠭᠡᠯᠦᠨ ᠠᠶᠠᠯᠠᠯ ᠵᠠᠯᠠᠬᠤ᠂ ᠲᠠᠯᠠᠪᠠᠶᠶ᠋ᠢ ᠬᠡᠮᠵᠢᠨ ᠲᠣᠭ᠍ᠲᠠᠭᠠᠬᠤ᠂ ᠲᠠᠷᠢᠬᠤ ᠪᠦᠰᠡᠶ᠋ᠢ ᠪᠠᠢᠷᠢᠯᠠᠭᠤᠯᠬᠤ᠂ ᠴᠢᠬᠢ ᠮᠤᠳᠤᠨ ᠤ᠋ ᠡᠳᠡᠭᠡᠷᠡᠯᠲᠡᠶ᠋ᠢᠨ ᠨᠣᠷᠮᠠ ᠵᠢᠨ ᠪᠠᠢᠴᠠᠭᠠᠯᠲᠠ ᠬᠢᠬᠦ᠌ ᠵᠡᠷᠭᠡ ᠠᠵᠢᠯᠤᠨ ᠳᠤᠮᠳᠠ ᠠᠮᠵᠢᠯᠲᠠᠲᠠᠶ ᠬᠡᠷᠡᠭ᠌ᠯᠡᠵᠦ᠍᠂ ᠥᠪᠡᠷᠦᠨ ᠥᠷᠲᠡᠭᠢᠨᠢ ᠶᠡᠬᠡᠪᠡᠷ ᠪᠠᠭᠤᠷᠠᠭᠤᠯᠵᠤ᠂ ᠵᠥᠪᠬᠡᠨ ᠡᠨᠡ ᠬᠦ᠌ ᠮᠡᠷᠭᠡᠵᠢᠯᠦᠨ ᠬᠡᠷᠡᠭ᠌ᠯᠡᠯᠲᠡᠨᠢ ᠵᠢᠯ ᠪᠦᠷᠢ ᠬᠡᠳᠦᠨ ᠠᠷᠪᠠᠨ ᠲᠦᠮᠡᠨ ᠲᠥᠭᠥᠷᠢᠭ ᠠᠷᠪᠢᠯᠠᠪᠠ᠃ ᠲᠡᠷᠡ ᠪᠠᠰᠠ ᠮᠧᠬᠠᠨᠢᠭ ᠡᠯᠡᠰᠦᠨ ᠬᠠᠯᠬᠠᠪᠴᠢᠶ᠋ᠢᠨ ᠮᠡᠷᠭᠡᠵᠢᠯᠢᠶᠡᠷ ᠳᠤᠮᠳᠠ ᠥᠨᠳᠥᠷ ᠡᠯᠡᠰᠦ ᠮᠠᠩᠬᠠ ᠳ᠋ᠤ ᠨᠢᠰᠭᠡᠯᠢᠶᠡᠷ ᠲᠠᠷᠢᠵᠤ ᠣᠢᠵᠢᠭᠤᠯᠬᠤ ᠵᠢᠨ ᠦᠷᠡ ᠪᠦᠲᠦᠮᠵᠢ ᠠᠨᠠᠶ ᠪᠠᠢᠬᠤ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠱᠢᠶ᠋ᠳᠪᠦᠷᠢᠯᠡᠵᠦ᠍᠂ ᠨᠢᠰᠭᠡᠯᠢᠶᠡᠷ ᠲᠠᠷᠢᠵᠤ ᠣᠢᠵᠢᠭᠤᠯᠤᠯᠲᠠ ᠬᠢᠭ᠌ᠰᠡᠨ ᠦᠷᠡ ᠪᠦᠲᠦᠮᠵᠢᠶ᠋ᠢ ᠶᠡᠬᠡᠪᠡᠷ ᠳᠡᠭᠡᠭ᠌ᠰᠢᠯᠡᠭᠦᠯᠪᠡ᠃
2024 ᠣᠨᠤ ᠡᠴᠦᠰ ᠪᠣᠯᠲᠠᠯᠠ᠂ ᠯᠢᠦ ᠬᠣᠩ ᠢᠪᠡᠷ ᠭᠤᠤᠯᠯᠠᠭᠤᠯᠵᠤ ᠪᠡᠶᠡᠯᠡᠭᠦᠯᠦᠭ᠌ᠰᠡᠨ ᠨᠢᠰᠭᠡᠯᠢᠶᠡᠷ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ ᠲᠠᠯᠠᠪᠠᠶ ᠨᠡᠢᠲᠡ 417 ᠲᠦᠮᠡᠨ ᠮᠤ᠌ᠳᠦ ᠬᠦᠷᠴᠦ᠍᠂ ᠪᠥᠬᠥ᠌ ᠬᠣᠱᠢᠭᠤᠨᠤ ᠨᠢᠰᠭᠡᠯᠢᠶᠡᠷ ᠳᠠᠷᠢᠭ᠍ᠰᠠᠨ ᠶᠡᠷᠦᠩᠬᠡᠶ ᠲᠠᠯᠠᠪᠠᠶᠶ᠋ᠢᠨ 65.3% ᠶ᠋ᠢ ᠡᠵᠡᠯᠡᠵᠦ᠍᠂ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶ᠋ᠢᠨ ᠪᠦᠷᠬᠦᠴᠡᠨᠢ ᠳᠠᠷᠢᠬᠤᠡᠴᠡ ᠡᠮᠦᠨᠡᠬᠢ 5% ᠬᠥᠷᠬᠥ᠌ ᠥᠬᠡᠶ ᠪᠠᠢᠭ᠍ᠰᠠᠨᠡᠴᠡᠪᠠᠨ ᠣᠲᠣ 12.5% — 50.8% ᠪᠣᠯᠲᠠᠯᠠ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠠᠯᠠᠱᠠᠶ᠋ᠢᠨ ᠡᠯᠡᠰᠦᠨ ᠴᠥᠯᠳᠦ《ᠨᠣᠭᠣᠭᠠᠨ ᠪᠦᠰᠡᠪᠡᠷ ᠱᠢᠷᠠ ᠡᠯᠡᠰᠦᠶ᠋ᠢ ᠲᠤᠭᠳᠠᠪᠤᠷᠢᠵᠢᠭᠤᠯᠬᠤ》ᠠᠮᠢ ᠠᠬᠤᠶᠶ᠋ᠢᠨ ᠬᠠᠯᠬᠠᠪᠴᠢᠶ᠋ᠢ ᠪᠠᠢᠭᠤᠯᠪᠠ᠃
ᠡᠯᠡᠰᠦ ᠵᠢ ᠵᠠᠰᠠᠬᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠠᠵᠢᠯᠳᠠᠨ ᠪᠣᠯᠤᠭ᠍ᠰᠠᠨ ᠤ᠋ ᠬᠤᠪᠢ ᠳ᠋ᠤ ᠯᠢᠦ ᠬᠣᠩ ᠢ᠂ ᠡᠯᠡᠰᠦ ᠵᠢ ᠵᠠᠰᠠᠬᠤᠪᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠪᠠᠶᠠᠵᠢᠬᠤ ᠬᠡᠷᠡᠭᠳᠡᠢ᠂ ᠭᠠᠭ᠍ᠴᠠ ᠬᠦ᠌ ᠠᠮᠢ ᠠᠬᠤᠢᠶ᠋ᠢᠨ ᠪᠦᠳᠦᠬᠡᠨ ᠪᠠᠢᠭᠤᠯᠤᠯᠲᠠ ᠪᠣᠯᠤᠨ ᠠᠵᠤ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢ ᠨᠢᠭ᠍ᠲᠠ ᠤᠶᠠᠯᠳᠤᠭᠤᠯᠪᠠᠯ ᠰᠠᠶ᠍ᠢ ᠡᠯᠡᠰᠦ ᠵᠢ ᠵᠠᠰᠠᠬᠤ ᠦᠷᠭᠦᠯᠵᠢᠯᠡᠬᠦ᠌ ᠴᠢᠨᠠᠷᠢ ᠪᠡᠶᠡᠯᠡᠭᠦᠯᠵᠦ᠍ ᠴᠢᠳᠠᠨᠠ ᠬᠡᠳᠡᠭᠢ ᠭᠦᠨᠵᠡᠭᠡᠢ ᠣᠢᠯᠠᠭᠠᠵᠤ ᠪᠠᠢᠯᠠ᠃
ᠲᠡᠭᠦᠨᠡᠴᠡ ᠬᠣᠢᠰᠢ᠂ ᠲᠡᠷᠡ ᠨᠢᠭᠡ ᠰᠡᠳᠭᠢᠯᠢᠶᠡᠷ ᠵᠠᠭ ᠮᠣᠳᠣ ᠵᠢᠨ ᠨᠠᠮᠤᠷ（ᠡᠪᠦᠯ） ᠤ᠋ᠨ ᠲᠠᠷᠢᠬᠤ ᠠᠷᠭᠠᠶ᠋ᠢ ᠡᠭᠦᠳᠴᠦ᠍᠂ ᠪᠦᠬᠦ᠌ ᠬᠣᠱᠢᠭᠤᠨᠤ ᠡᠯᠡᠰᠦᠨᠦ ᠠᠵᠤ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠳᠦ ᠳᠡᠯᠭᠡᠷᠡᠭᠦᠯᠪᠡ᠃ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠳᠤ 《ᠵᠠᠭᠤᠨ ᠲᠦᠮᠡᠨ ᠮᠦ᠍》 ᠵᠢᠨ ᠵᠠᠭ ᠮᠣᠳᠣ ᠴᠠᠭᠠᠨ ᠭᠣᠶᠣᠣᠶ᠋ᠢᠨ ᠠᠵᠤ ᠦᠢᠯᠡᠰᠦᠨ ᠰᠠᠭᠤᠷᠢᠨᠤ ᠲᠦᠷᠦᠯ ᠵᠦᠢᠯᠦᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠬᠦ᠌ ᠦᠶᠡᠳᠦ᠂ ᠯᠢᠦ ᠬᠣᠩ ᠢ ᠬᠦᠨᠳᠦ ᠡᠭᠦᠷᠭᠡᠶ᠋ᠢ ᠵᠣᠷᠢᠭ᠍ᠲᠠᠢ ᠡᠭᠦᠷᠭᠡᠯᠡᠵᠦ᠍᠂ 《ᠯᠢᠦ ᠬᠣᠩ ᠢᠶ᠋ᠢᠨ ᠬᠥᠳᠡᠯᠮᠦᠷᠢᠶ᠋ᠢᠨ ᠵᠢᠱ᠌ᠢᠶᠡᠴᠢᠶ᠋ᠢᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠠᠵᠢᠯᠯᠠᠬᠤ ᠲᠠᠰᠤᠭ》 ᠤ᠋ᠨ ᠪᠦᠬᠦ᠌ ᠬᠥᠮᠦᠰᠦᠨ ᠬᠠᠮᠲᠤᠶ᠋ᠢᠨ ᠴᠢᠷᠮᠠᠢᠯᠭᠠᠪᠠᠷ᠂ ᠤᠤᠯᠤᠨ 10 ᠵᠢᠯᠳᠦ ᠪᠡᠶᠡᠯᠡᠭᠦᠯᠬᠦ᠌ᠪᠡᠷ ᠲᠥᠯᠥᠪᠯᠡᠵᠦ᠍ ᠪᠠᠢᠭ᠍ᠰᠠᠨ ᠠᠤᠭᠠ ᠶᠡᠬᠡ ᠢᠨᠵᠧᠨᠧᠷᠢᠩᠢ 4 ᠵᠢᠯᠳᠦ ᠪᠡᠶᠡᠯᠡᠭᠦᠯᠪᠡ᠃ ᠲᠡᠷᠡ ᠪᠠᠰᠠ ᠵᠠᠭ ᠮᠣᠳᠣ ᠳᠠᠷᠢᠬᠤ ᠲᠤᠷᠱᠢᠯᠭᠠᠶ᠋ᠢ ᠳ᠋ᠦᠩᠨᠡᠵᠦ᠍᠂ ᠨᠠᠮᠤᠷᠤᠨ ᠣᠢᠵᠢᠭᠤᠯᠤᠯᠲᠠᠶ᠋ᠢ ᠳᠡᠯᠭᠡᠷᠡᠭᠦᠯᠵᠦ᠍᠂ ᠬᠠᠪᠤᠷ ᠨᠠᠮᠤᠷ ᠬᠣᠶᠠᠷ ᠤᠯᠠᠷᠢᠯᠳᠤ ᠬᠠᠷᠢᠯᠴᠠᠨ ᠨᠥᠬᠥᠪᠥᠷᠢᠯᠡᠵᠦ᠍ ᠳᠠᠷᠢᠬᠤᠪᠠᠷ ᠳᠡᠮᠵᠢᠨ᠂ ᠤᠰᠤᠯᠠᠬᠤ ᠤᠳᠠᠭᠠᠶ᠋ᠢ ᠪᠠᠭᠠᠰᠭᠠᠵᠤ᠂ ᠵᠠᠭ ᠮᠣᠳᠣ ᠳᠠᠷᠢᠬᠤ ᠴᠠᠭᠢ ᠤᠷᠲᠤᠳᠭᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ᠂ ᠵᠠᠭ ᠮᠣᠳᠣᠨᠤ ᠡᠳᠡᠭᠡᠷᠡᠯᠲᠡᠶ᠋ᠢᠨ ᠨᠣᠷᠮᠠᠶ᠋ᠢ 5% —10% ᠪᠠᠷ ᠳᠡᠭᠡᠭ᠌ᠰᠢᠯᠡᠭᠦᠯᠵᠡᠶ᠃ ᠵᠠᠭ ᠮᠤᠳᠤ ᠲᠠᠷᠢᠬᠤ ᠮᠡᠷᠭᠡᠵᠢᠯᠢᠶᠡᠷ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠳᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠲᠡᠷᠡ ᠪᠦᠯᠬᠦᠮᠢᠶᠡᠨ ᠳᠠᠭᠠᠭᠤᠯᠤᠨ 1000 ᠭᠠᠷᠤᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠳᠤ ᠪᠣᠯᠪᠠᠰᠤᠷᠠᠯ ᠬᠦᠷᠲᠡᠭᠡᠵᠦ᠍᠂ ᠬᠡᠳᠦᠨ ᠵᠠᠭᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠵᠠᠭ ᠮᠤᠳᠤ ᠲᠠᠷᠢᠬᠤ ᠪᠠ ᠬᠥᠮᠦᠨᠦ ᠬᠦᠴᠦ᠍ᠪᠡᠷ ᠴᠠᠭᠠᠨ ᠭᠣᠶᠣᠣ᠂ ᠤᠯᠠᠭᠠᠨ ᠭᠣᠶᠣᠣ ᠲᠠᠷᠢᠵᠤ᠂ ᠣᠷᠣᠯᠭᠠᠪᠠᠨ ᠨᠡᠮᠡᠭ᠌ᠳᠡᠭᠦᠯᠦᠨ ᠪᠠᠶᠠᠵᠢᠪᠠ᠃
ᠣᠯᠠᠨ ᠵᠢᠯᠦᠨ ᠲᠤᠷᠰᠢ᠂ ᠯᠢᠦ ᠬᠣᠩ ᠢᠶ᠋ᠢᠨ ᠡᠯᠡᠰᠦᠨᠦ ᠠᠵᠤ ᠦᠶ᠋ᠯᠡᠰᠦᠨ ᠳᠠᠷᠢᠬᠤ ᠮᠡᠷᠭᠡᠵᠢᠯᠢ ᠳᠡᠯᠭᠡᠷᠡᠭᠦᠯᠬᠦ᠌ᠪᠡᠷ ᠳᠡᠮᠵᠢᠨ᠂ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠤ ᠵᠠᠭ ᠮᠣᠳᠣ ᠳᠠᠷᠢᠬᠤ ᠲᠠᠯᠠᠪᠠᠶ ᠲᠠᠰᠤᠷᠠᠯᠲᠠ ᠥᠬᠡᠶ ᠥᠷᠭᠡᠳᠴᠦ᠍᠂ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠣᠷᠢᠨᠢ ᠪᠦᠲᠦᠮᠵᠢᠲᠡᠶ ᠰᠠᠢᠵᠢᠷᠠᠭᠤᠯᠤᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠣᠷᠣᠯᠭᠠᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠬᠤ ᠵᠠᠮᠢ ᠥᠷᠭᠡᠳᠭᠡᠪᠡ᠃ 2024 ᠣᠨ ᠪᠣᠯᠲᠠᠯᠠ᠂ ᠠᠯᠠᠱᠠ ᠵᠡᠭᠦᠨ ᠬᠣᠱᠢᠭᠤᠨᠤ ᠵᠠᠭ ᠮᠣᠳᠣ ᠲᠠᠷᠢᠬᠤᠶ᠋ᠢ ᠳᠡᠯᠭᠡᠷᠡᠭᠦᠯᠦᠭ᠌ᠰᠡᠨ ᠲᠠᠯᠠᠪᠠᠢ 290 ᠲᠦᠮᠡᠨ ᠮᠦ᠍ᠳᠦ ᠬᠦᠷᠴᠦ᠍᠂ ᠴᠠᠭᠠᠨ ᠭᠣᠶᠣᠣ᠂ ᠤᠯᠠᠭᠠᠨ ᠭᠣᠶᠣᠣ ᠲᠠᠷᠢᠬᠤ ᠲᠠᠯᠠᠪᠠᠢ 73 ᠲᠦᠮᠡᠨ ᠮᠦ᠍ᠳᠦ ᠬᠦᠷᠴᠦ᠍᠂ ᠠᠵᠤ ᠠᠬᠤᠢᠶ᠋ᠢᠨ ᠦᠷᠡ ᠠᠱᠢᠭᠢ 3 ᠳ᠋ᠦᠩᠱᠢᠭᠤᠷ ᠲᠥᠭᠥᠷᠢᠭ ᠱᠢᠬᠠᠮ ᠪᠡᠶᠡᠯᠡᠭᠦᠯᠵᠦ᠍᠂ 2 ᠲᠦᠮᠡ ᠭᠠᠷᠤᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠬᠥᠮᠦᠨ ᠳᠤᠮᠳᠠᠴᠢᠶ᠋ᠢᠨ ᠣᠷᠣᠯᠭᠠᠶ᠋ᠢ ᠲᠦᠮᠡᠨ ᠲᠥᠭᠥᠷᠢᠭ ᠱᠢᠬᠠᠮ ᠨᠡᠮᠡᠭ᠌ᠳᠡᠭᠦᠯᠪᠡ᠃
39 ᠵᠢᠯᠦᠨ ᠲᠤᠷᠰᠢ᠂ ᠵᠠᠯᠠᠭᠤ ᠪᠠᠭᠠᠡᠴᠡ ᠠᠪᠤᠭᠠᠳ ᠵᠠᠵᠢᠶ᠋ᠢᠨ ᠦᠰᠦ ᠨᠢ ᠴᠠᠢᠬᠤ ᠬᠦᠷᠳᠡᠯᠠ᠂ ᠯᠢᠦ ᠬᠣᠩ ᠢ ᠥᠪᠡᠷᠦᠨ ᠵᠠᠯᠠᠭᠤ ᠨᠠᠰᠤ ᠪᠣᠯᠤᠨ ᠣᠶᠤᠨ ᠤᠬᠠᠭᠠᠨᠢᠶᠠᠨ ᠡᠯᠡᠰᠤᠷᠬᠡᠭᠵᠢᠯ ᠢ᠋ ᠰᠡᠷᠭᠡᠢ᠌ᠯᠡᠵᠤ ᠡᠯᠡᠰᠤᠶ᠋ᠢ ᠵᠠᠰᠠᠬᠤ ᠦᠶ᠋ᠯᠡᠰᠲᠦ ᠵᠣᠷᠢᠭᠤᠯᠵᠤ᠂ 《ᠱᠢᠷᠠ ᠡᠯᠡᠰᠦᠶ᠋ᠢ ᠨᠣᠭᠣᠭᠠᠨᠪᠦᠷᠢᠳᠤ ᠪᠤᠯᠭᠠᠨ ᠣᠢᠵᠢᠭᠤᠯᠬᠤ ᠪᠦᠭᠡᠳ ᠪᠠᠶᠠᠵᠢᠭᠤᠯᠬᠤ》 ᠬᠦᠰᠡᠯ ᠵᠡᠭᠦᠳᠦ᠍ᠶ᠋ᠢ ᠪᠣᠳᠠᠲᠤ ᠠᠬᠤᠶ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠪᠠ᠃ ᠣᠢᠷᠠᠶ᠋ᠢᠨ ᠵᠢᠯᠳᠦ᠂ ᠯᠢᠦ ᠬᠣᠩ ᠢ ᠤᠷᠢᠳ ᠬᠣᠵᠢᠳ 《ᠪᠥᠬᠥ᠌ ᠤᠯᠤᠰᠤᠨ ᠲᠠᠪᠤᠨ ᠰᠠᠷᠠᠶ᠋ᠢᠨ ᠨᠢᠭᠡᠨᠦ ᠬᠥᠳᠡᠯᠮᠦᠷᠢᠶ᠋ᠢᠨ ᠱᠠᠩᠨᠠᠯᠤᠨ ᠲᠡᠮᠳᠡᠭ》᠂《ᠪᠥᠬᠥ᠌ ᠤᠯᠤᠰᠤᠨ ᠬᠠᠮᠤᠭᠤᠨ ᠭᠣᠶᠣ ᠣᠶ ᠱᠢᠭᠤᠶ ᠡᠪᠡᠰᠦ ᠪᠡᠯᠴᠢᠭᠡᠷᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠳᠡᠯᠭᠡᠷᠡᠭᠦᠯᠦᠭ᠌ᠴᠢ》 ᠵᠡᠷᠭᠡ ᠣᠯᠠᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠭ᠌ᠰᠡᠨ ᠪᠥᠭᠡᠳ ᠤᠯᠤᠰᠤᠨ ᠣᠶ ᠱᠢᠭᠤᠶ ᠡᠪᠡᠰᠦ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠳᠤ 《ᠤᠯᠤᠰᠤᠨ ᠣᠶ ᠱᠢᠭᠤᠶ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ》 ᠵᠢᠡᠷ ᠤᠷᠢᠭ᠍ᠳᠠᠪᠠ᠃
《ᠡᠯᠡᠰᠦᠶ᠋ᠢ ᠵᠠᠰᠠᠵᠤ ᠨᠣᠭᠣᠭᠠᠷᠠᠭᠤᠯᠬᠤ ᠪᠣᠯ ᠮᠢᠨᠦ᠍ ᠨᠢᠭᠡ ᠨᠠᠰᠤᠨᠤ ᠬᠠᠢᠷᠠᠲᠠᠢ ᠦᠢᠯᠡᠰ ᠮᠥᠨ᠂ ᠬᠣᠢᠱᠢᠳᠠ ᠪᠢ ᠥᠪᠡᠷᠦᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠢᠶᠡᠨ ᠦᠷᠭᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠵᠤ ᠡᠯᠡᠰᠦᠷᠬᠡᠭᠵᠢᠯ ᠢ᠋ ᠰᠡᠷᠭᠡᠢᠯᠡᠵᠦ᠍ ᠡᠯᠡᠰᠦᠶ᠋ᠢ ᠵᠠᠰᠠᠬᠤ ᠡᠮᠦᠨᠡ ᠹᠷᠣᠨᠲᠲᠤ ᠲᠡᠮᠡᠴᠡᠵᠦ᠍᠂ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨᠢ ᠦᠷᠭᠦᠯᠵᠢᠯᠡᠨ ᠰᠠᠢᠵᠢᠷᠠᠭᠤᠯᠬᠤᠳᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠨᠡ》 ᠭᠡᠵᠦ᠍ ᠯᠢᠦ ᠬᠣᠩ ᠢ ᠬᠡᠯᠡᠵᠤ ᠭᠠᠷᠤᠯᠠ᠃