— ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠷᠢᠭᠦᠨᠦ ᠠᠵᠢᠯᠲᠠᠨ᠂ ᠪᠣᠷᠣᠲᠣᠬᠣᠶᠶ᠋ᠢᠨ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠤᠰᠤᠨ ᠠᠱᠢᠭ᠍ᠯᠠᠯᠲᠠᠶ᠋ᠢᠨ ᠬᠥᠭ᠌ᠵᠢᠬᠦᠯᠦᠯᠲᠡᠶ᠋ᠢᠨ ᠲᠥᠪᠦᠨ ᠤᠰᠤ ᠲᠠᠲᠠᠷᠠᠭᠤᠯᠬᠤ ᠬᠤᠪᠢᠶᠠᠷᠢ ᠲᠥᠪᠦᠨ ᠬᠣᠩ ᠭᠧ ᠪᠥᠸᠧ ᠤᠰᠤ ᠵᠠᠯᠠᠬᠤ ᠦᠷᠳᠡᠭᠡᠶ᠋ᠢᠨ ᠳᠡᠳ᠋ ᠳᠠᠷᠤᠭᠠ ᠮᠠ ᠵᠢᠶᠦ᠋ᠨᠢ ᠲᠡᠮᠳᠡᠭ᠌ᠯᠡᠪᠡ
ᠪᠠᠶᠠᠨᠨᠠᠭᠤᠷ ᠬᠤᠲᠠᠶ᠋ᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠤᠯᠠᠭᠠᠨᠰᠤᠬᠠᠢ ᠨᠠᠭᠤᠷᠤᠨ ᠪᠠᠷᠠᠭᠤᠨ ᠬᠥᠪᠡᠭᠡᠨᠳᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠣᠷᠣᠲᠣᠬᠣᠢᠶ᠋ᠢᠨ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠤᠰᠤᠨ ᠠᠱᠢᠭ᠍ᠯᠠᠯᠲᠠᠶ᠋ᠢᠨ ᠬᠥᠭ᠌ᠵᠢᠬᠦᠯᠦᠯᠲᠡᠶ᠋ᠢᠨ ᠲᠥᠪᠦᠨ ᠤᠰᠤ ᠲᠠᠲᠠᠷᠠᠭᠤᠯᠬᠤ ᠬᠤᠪᠢᠶᠠᠷᠢ ᠲᠥᠪᠦᠨ ᠬᠣᠩ ᠭᠧ ᠪᠥᠸᠧᠤᠰᠤ ᠵᠠᠯᠠᠬᠤ ᠦᠷᠳᠡᠭᠡᠶ᠋ᠢᠨ ᠮᠠᠱᠢᠨ ᠴᠣᠭ᠍ᠴᠠᠯᠠᠪᠤᠷᠢᠶ᠋ᠢᠨ ᠬᠦᠷᠴᠢᠭᠢᠨᠡᠬᠦ᠌ ᠳᠠᠭᠤᠨ ᠵᠢᠯ ᠲᠤᠷᠰᠢᠳᠡ ᠲᠤᠭᠤᠯᠳᠠᠨᠠ᠃ ᠠᠽᠢᠶᠠ ᠲᠢᠪᠦᠨ ᠬᠠᠮᠤᠭᠤᠨ ᠲᠣᠮᠣ 45 ᠭᠷᠠᠳᠦ᠋ᠰᠦᠨ ᠲᠠᠰᠢᠭᠤ ᠲᠡᠩᠭᠡᠯᠢᠭ᠌ᠲᠦ ᠤᠰᠤᠨ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡ ᠨᠢ ᠪᠣᠷᠣᠲᠣᠬᠣᠶᠶ᠋ᠢᠨ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠤ 《ᠪᠣᠯᠣᠳ ᠵᠢᠷᠦᠭᠡ》 ᠮᠡᠲᠦ ᠪᠡᠷ ᠵᠠᠭᠤᠨ ᠲᠦᠮᠡᠨ ᠮᠥ᠍ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠠᠮᠢᠨ ᠰᠤᠳᠠᠰᠤᠶ᠋ᠢ ᠬᠣᠯᠪᠣᠵᠤ ᠪᠠᠢᠳᠠᠭ᠃
ᠦᠢᠷᠡ ᠳ᠋ᠤ᠂ 56 ᠨᠠᠰᠤᠲᠠᠢ ᠮᠠ ᠵᠢᠶᠦ᠋ᠨ ᠬᠣᠩ ᠭᠧ ᠪᠥᠸᠧᠤᠰᠤ ᠵᠠᠯᠠᠬᠤ ᠦᠷᠳᠡᠭᠡᠳᠦ ᠬᠡᠮᠵᠢᠭᠦᠷᠯᠢᠭᠢᠶᠡᠨ ᠪᠠᠢᠴᠠᠭᠠᠨ ᠰᠡᠯᠪᠢᠵᠦ᠍ ᠶᠠᠭᠠᠷᠠᠨᠠ᠃ ᠬᠣᠩ ᠭᠧ ᠪᠥᠸᠧᠤᠰᠤ ᠵᠠᠯᠠᠬᠤ ᠦᠷᠳᠡᠭᠡ ᠵᠢᠨ ᠳᠡᠳ᠋ ᠳᠠᠷᠤᠭᠠ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠲᠡᠷᠡ 《ᠤᠰᠤᠨ ᠠᠱᠢᠭ᠍ᠯᠠᠯᠲᠠᠶ᠋ᠢᠨ ᠳᠠᠷᠬᠠᠨ》 ᠭᠡᠬᠦ᠌ ᠢᠷᠠᠭᠤ ᠠᠯᠳᠠᠷᠵᠢᠡᠨ ᠨᠠᠨᠳᠢᠨᠭᠨᠠᠨ ᠨᠠᠰᠤᠨ ᠲᠤᠷᠰᠢᠳᠠ ᠡᠨᠡᠬᠦ ᠤᠢᠯᠡᠰ ᠲᠸ᠋ ᠵᠢᠳᠬᠦᠭᠰᠡᠭᠡᠷ ᠢᠷᠡᠵᠠᠢ᠃
ᠬᠠᠮᠲᠤ ᠠᠵᠢᠯᠯᠠᠭᠰᠠᠳ ᠨᠢ ᠲᠡᠭᠦᠨᠢ 《ᠠᠮᠢᠳᠤ ᠳᠠᠩᠰᠠ ᠡᠪᠬᠡᠮᠡᠯ》᠂ 《ᠥᠷᠲᠡᠭᠡ ᠵᠢᠨ ᠨᠡᠪᠲᠡᠷᠭᠡᠢ ᠲᠤᠯᠢ》 ᠭᠡᠵᠦ᠍ ᠨᠠᠷᠡᠯᠡᠳᠡᠭ᠂ ᠤᠴᠢᠷ ᠨᠢ ᠲᠥᠬᠥᠭᠡᠷᠦᠮᠵᠢᠶ᠋ᠢᠨ ᠪᠣᠯᠵᠣᠯᠲᠤ ᠲᠣᠭᠠ᠂ ᠭᠡᠮᠲᠦᠯᠦᠨ ᠵᠢᠮᠡ ᠬᠠᠤᠯᠢᠶ᠋ᠢ ᠲᠡᠷᠡ ᠲᠣᠪ ᠲᠣᠳᠣᠷᠬᠠᠶ ᠮᠡᠳᠡᠨᠡ᠃ ᠡᠳᠦᠷ ᠲᠤᠲᠤᠮᠤᠨ ᠲᠣᠭᠣᠷᠢᠨ ᠪᠠᠢᠴᠠᠭᠠᠯᠲᠠ ᠳᠤᠮᠳᠠ ᠪᠠᠨ ᠲᠡᠷᠡ ᠶᠡᠷᠦ᠍ ᠨᠢ ᠲᠥᠬᠥᠭᠡᠷᠦᠮᠵᠢᠶ᠋ᠢᠨ ᠭᠡᠮᠲᠦᠯᠢ ᠣᠨᠣᠪᠴᠢᠲᠠᠶ ᠮᠠᠭᠠᠳᠯᠠᠵᠤ ᠴᠢᠳᠠᠳᠠᠭ᠃ ᠮᠠ ᠵᠢᠶᠦ᠋ᠨ᠂ ᠪᠠᠢᠴᠠᠭᠠᠨ ᠵᠠᠰᠠᠬᠤ ᠠᠵᠢᠯ ᠳ᠋ᠤ ᠥᠴᠦᠬᠡᠨ ᠴᠦ᠍ ᠴᠠᠯᠠᠭᠠᠢᠷᠠᠵᠤ ᠪᠣᠯᠬᠤ ᠥᠬᠡᠶ᠂ ᠤᠴᠢᠷ ᠨᠢ ᠪᠠᠭᠠ ᠯᠠ ᠠᠯᠳᠠᠰᠢ ᠭᠠᠷᠪᠠᠯ ᠬᠦᠨᠳᠦ ᠨᠣᠴᠢᠲᠠᠶ ᠦᠷᠡ ᠳ᠋ᠦᠩ ᠭᠠᠷᠴᠤ᠌ ᠮᠡᠳᠡᠨᠡ ᠬᠡᠪᠡ᠃ ᠲᠥᠬᠥᠭᠡᠷᠦᠮᠵᠢᠶ᠋ᠢᠨ ᠭᠡᠮᠲᠦᠯ ᠪᠠ ᠮᠡᠷᠭᠡᠵᠢᠯᠦᠨ ᠬᠦᠴᠢᠷ ᠠᠰᠠᠭᠤᠳᠠᠯ ᠭᠠᠷᠬᠤ ᠪᠦᠷᠢ ᠲᠡᠷᠡ ᠬᠡᠵᠢᠶᠡ ᠴᠦ᠍ ᠭᠡᠰᠡᠨ ᠴᠥᠮ ᠲᠤᠬᠠᠶᠶ᠋ᠢᠨ ᠲᠠᠯᠠᠪᠤᠷᠲᠤ ᠬᠦᠷᠴᠦ᠍ ᠦᠪᠡᠷᠢᠶᠡᠨ ᠱᠢᠶ᠋ᠳᠪᠦᠷᠢᠯᠡᠳᠡᠭ᠃ ᠦᠴᠦᠭᠡᠨ ᠴᠸ᠋ ᠠᠯᠳᠠᠭᠠ ᠡᠨᠳᠡᠯ ᠭᠠᠷᠭᠠᠭᠰᠠᠨ ᠦᠭᠡᠢ ᠲᠡᠮᠳᠡᠭ᠌ᠯᠡᠯ ᠨᠢ ᠲᠡᠭᠦᠨᠦ 《ᠠᠵᠢᠯᠯᠠᠭᠠᠨᠤ ᠵᠢᠷᠤᠮᠵᠢᠯᠢ ᠡᠷᠬᠡᠪᠰᠢ ᠨᠢᠬᠳᠠ ᠡᠴᠡ ᠨᠢᠬᠳᠠ ᠪᠠᠢᠯᠭᠠᠬᠤ》 ᠪᠠᠷᠢᠮᠲᠠᠯᠠᠯᠢ ᠨᠢ ᠬᠡᠷᠡᠴᠢᠯᠡᠵᠦ ᠪᠠᠢᠭᠠ ᠶᠤᠮ᠃
2012 ᠣᠨᠳᠤ᠂ ᠪᠣᠷᠣᠲᠣᠬᠣᠶᠶ᠋ᠢᠨ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠳᠤ ᠵᠠᠭᠤᠨ ᠵᠢᠯᠳᠦ ᠦᠯᠦ ᠲᠣᠬᠢᠶᠠᠯᠳᠤᠬᠤ ᠣᠨᠴᠠ ᠲᠤᠬᠰᠢᠨ ᠪᠣᠷᠣᠭᠠᠨ ᠣᠷᠣᠵᠤ᠂ ᠬᠣᠩ ᠭᠧ ᠪᠥᠸᠧ ᠤᠰᠤ ᠵᠠᠯᠠᠬᠤ ᠥᠷᠲᠡᠭᠡ ᠨᠢ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠤᠰᠤ ᠲᠠᠲᠠᠷᠠᠭᠤᠯᠬᠤ 《ᠬᠣᠭᠣᠯᠠᠶᠶ᠋ᠢᠨ ᠢᠨᠵᠧᠨᠧᠷᠢᠩ》 ᠪᠣᠯᠤᠭ᠍ᠰᠠᠨ ᠡᠴᠡ᠂ ᠪᠥᠬᠥ᠌ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠤᠰᠤ ᠲᠠᠲᠠᠷᠠᠭᠤᠯᠬᠤ ᠪᠠᠴᠢᠮ ᠡᠭᠦᠷᠭᠡᠶ᠋ᠢ ᠡᠭᠦᠷᠭᠡᠯᠡᠵᠦ᠍ ᠪᠠᠢᠯᠠ᠃ ᠵᠠᠭᠤᠨ ᠲᠦᠮᠡᠨ ᠮᠦ᠍ ᠲᠠᠷᠢᠶᠠ ᠲᠦᠮᠤᠰᠤ ᠦᠶᠡᠷᠤᠰᠤᠳᠤᠯ ᠳ᠋ᠤ ᠲᠤᠯᠭᠠᠷᠠᠭᠰᠠᠨ ᠴᠠᠭ ᠮᠥᠴᠡᠳᠦ᠂ ᠮᠠᠱᠢᠨ ᠴᠣᠭ᠍ᠴᠠᠯᠠᠪᠤᠷᠢ 24 ᠴᠠᠭᠢᠶᠠᠷ ᠳᠦᠭᠦᠷᠡᠩ ᠠᠴᠢᠶᠠ ᠲᠠᠶ ᠠᠵᠢᠯᠯᠠᠵᠤ ᠪᠠᠢᠯᠠ᠃ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠲᠦ ᠴᠠᠭ ᠮᠥᠴᠡᠳᠦ᠂ ᠮᠠ ᠵᠢᠶᠦ᠋ᠨ ᠪᠦᠯᠬᠦᠮᠢᠶᠡᠨ ᠳᠠᠭᠠᠭᠤᠯᠤᠨ ᠦᠶᠡᠷ ᠲᠡᠶ ᠲᠡᠮᠡᠴᠡᠨ ᠠᠶᠤᠯᠠᠴᠠ ᠠᠪᠤᠷᠠᠵᠤ᠂ 5 ᠡᠳᠦᠷ 4 ᠰᠥᠨᠢ ᠮᠠᠱᠢᠨ ᠴᠣᠭ᠍ᠴᠠᠯᠠᠪᠤᠷᠢᠪᠠᠨ ᠦᠬᠦᠨ ᠰᠠᠬᠢᠵᠤ᠂ ᠡᠳᠦᠷᠲᠡᠬᠡᠨ ᠬᠥᠭᠡᠷᠭᠡᠶ᠋ᠢᠨ ᠦᠷᠦᠭᠡ᠂ ᠬᠦᠴᠦᠳᠡᠯ ᠥᠭᠡᠷᠡᠴᠢᠯᠡᠬᠦ᠌ ᠦᠷᠲᠡᠭᠡ ᠪᠣᠯᠤᠨ ᠪᠣᠬᠢᠷ ᠤᠰᠤᠶ᠋ᠢ ᠬᠠᠱᠢᠬᠤ ᠬᠡᠷᠡᠰᠭᠡᠶ᠋ᠢᠨ ᠬᠣᠭᠣᠷᠣᠨᠳᠣ ᠰᠦᠯᠵᠢᠯᠳᠦᠵᠦ᠍᠂ ᠰᠥᠨᠢ ᠳᠦᠯᠢᠪᠡᠷ ᠮᠡᠷᠭᠡᠵᠢᠯᠦᠨ ᠭᠣᠣᠯᠯᠠᠭ᠍ᠴᠢ ᠬᠦᠴᠦᠨᠢ ᠴᠤᠭ᠍ᠯᠠᠭᠤᠯᠤᠨ ᠲᠣᠭᠠ ᠪᠠᠷᠢᠮᠲᠠᠶ᠋ᠢ ᠵᠠᠳᠠᠯᠵᠤ᠂ ᠤᠰᠤ ᠵᠠᠯᠠᠬᠤ ᠲᠥᠰᠦᠯᠢᠶᠡᠨ ᠱᠢᠯᠢᠳᠡᠭ᠌ᠵᠢᠭᠦᠯᠵᠦ᠍᠂ ᠵᠠᠭᠤᠨ ᠲᠦᠮᠡᠨ ᠮᠦ᠍ ᠲᠠᠷᠢᠶᠠᠶ᠋ᠢ ᠦᠶᠡᠷᠦᠨ ᠭᠠᠮᠰᠢᠭ ᠡᠴᠡ ᠵᠠᠢᠯᠠᠭᠤᠯᠪᠠ᠃
ᠬᠠᠬᠢᠷ ᠡᠪᠦᠯᠤᠨ ᠰᠦᠩ ᠬᠠᠯᠢᠶᠠᠶᠢᠨ ᠬᠤᠭᠤᠴᠠᠭᠠᠨᠳᠤ 2 ᠮᠸᠲᠷ ᠥᠨᠳᠥᠷ ᠮᠥᠰᠥᠨ ᠬᠠᠱᠢᠯᠭᠠ ᠨᠡᠭᠡᠯᠡᠭᠡᠢᠵᠢ ᠪᠦᠭᠯᠡᠵᠦ᠂ ᠳᠡᠭᠡᠳᠦ ᠤᠷᠤᠰᠭᠠᠯᠤᠨ ᠤᠰᠤᠨ ᠲᠦᠪᠱᠢᠨ ᠲᠡᠦᠬᠡᠶ᠋ᠢᠨ ᠲᠤᠢᠯᠳᠤ ᠬᠦᠷᠴᠦ᠍᠂ ᠪᠠᠢᠳᠠᠯ ᠮᠠᠰᠢ ᠲᠦᠭ᠌ᠰᠢᠭᠦᠷᠢᠲᠡᠢ ᠪᠠᠢᠯᠠ᠃ ᠮᠠ ᠵᠢᠶᠦ᠋ᠨ ᠲᠡᠷᠡ ᠳᠠᠷᠤᠢᠳᠤᠨᠢ ᠤᠳᠬᠤᠭᠤᠷ ᠮᠠᠱᠢᠨᠶ᠋ᠢᠡᠷ ᠮᠥᠰᠥ᠍ ᠬᠠᠭᠠᠯᠬᠤ ᠠᠵᠢᠯᠢ ᠡᠷᠡᠰ ᠱᠢᠭᠤᠷᠬᠠᠢ ᠬᠢᠵᠦ᠍᠂ ᠲᠦᠷᠪᠡᠨ ᠬᠦᠷᠳᠦᠲᠦ ᠲᠡᠷᠭᠡ ᠪᠡᠷ ᠮᠥᠰᠥ ᠲᠠᠢ ᠡᠪᠡᠰᠦᠶ᠋ᠢ ᠵᠥᠭᠡᠭᠡᠪᠦᠷᠢᠯᠡᠬᠦ᠌ᠶ᠋ᠢᠨ ᠬᠠᠮᠲᠤ᠂ 4 ᠠᠵᠢᠯᠳᠡᠨᠢ ᠲᠤᠮᠢᠯᠠᠵᠤ 24 ᠴᠠᠭ ᠵᠢᠡᠷ ᠬᠠᠱᠢᠯᠭᠠᠶᠢᠨᠬᠠᠵᠠᠭᠤᠳ᠋ᠤ ᠲᠣᠭᠣᠷᠢᠨ ᠪᠠᠢᠴᠠᠭᠠᠯᠭᠠᠪᠠ᠃ 48 ᠴᠠᠭᠤᠨ ᠳᠠᠷᠠᠭᠠ ᠮᠥᠰᠥᠨ ᠬᠠᠱᠢᠯᠭᠠ ᠨᠤᠷᠠᠪᠠ᠃ 《ᠲᠡᠷᠡ ᠦᠶᠡᠳᠦ ᠬᠠᠱᠢᠯᠭᠠᠶᠢᠨ ᠨᠡᠭᠡᠯᠡᠭᠡᠢ ᠰᠡᠳᠡᠷᠡᠬᠦᠡᠴᠡ ᠦᠨᠡᠬᠡᠷ ᠠᠶᠤᠵᠦ ᠪᠠᠢᠯᠠ᠂ ᠬᠠᠰᠢᠯᠭᠠᠶᠢᠨ ᠠᠷᠤᠳᠦ ᠲᠦᠭ ᠲᠦᠮᠡᠨ ᠠᠷᠠᠳ ᠤᠯᠠᠨᠤ ᠭᠡᠷ ᠪᠠᠢᠰᠢᠩ ᠪᠤᠢ ᠪᠤᠯᠬᠤᠷ ᠪᠢᠳᠡ ᠶᠠᠭᠠᠬᠢᠭᠰᠠᠨ ᠴᠸ᠋ ᠰᠤᠯᠠᠷᠠᠵᠤ ᠪᠤᠯᠬᠤ ᠦᠭᠡᠢ》 ᠭᠡᠵᠦ᠍ ᠮᠠ ᠵᠢᠶᠦ᠋ᠨ ᠶᠠᠷᠢᠪᠡ᠃
35 kv ᠬᠦᠴᠦᠳᠡᠯ ᠥᠭᠡᠷᠡᠴᠢᠯᠡᠬᠦ᠌ ᠥᠷᠲᠡᠭᠡᠳᠦ ᠴᠠᠬᠢᠯᠭᠠᠨ ᠬᠠᠩᠭᠠᠯᠭᠠ ᠵᠢᠨ ᠬᠡᠮ ᠰᠤᠭᠤᠭ ᠭᠠᠷᠴᠤ᠂ ᠤᠰᠤᠨ ᠬᠥᠭᠡᠷᠭᠡᠶ᠋ᠢᠨ ᠰᠡᠯᠪᠢᠭ ᠲᠣᠨᠣᠭ ᠡᠯᠡᠭ᠌ᠳᠡᠬᠦ ᠠᠰᠠᠭᠤᠳᠠᠯᠳᠤ ᠲᠤᠯᠭᠠᠷᠠᠪᠠ᠂ ᠲᠡᠷᠡ ᠰᠥᠷᠭᠡᠸ᠋ ᠬᠦᠴᠦᠳᠡᠯ ᠥᠭᠡᠷᠡᠴᠢᠯᠡᠬᠦ᠌ ᠲᠥᠰᠦᠯᠢ ᠳᠤᠷᠠᠳᠴᠤ᠌ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠶ᠋ᠢ ᠠᠷᠢᠯᠭᠠᠪᠠ᠃ ᠤᠯᠠᠮᠵᠢᠯᠠᠯᠲᠤ ᠲᠤᠰᠤ ᠭᠤᠯᠭᠤᠷᠢᠭᠤᠯᠬᠤ ᠬᠣᠯᠬᠣᠪᠴᠢᠶ᠋ᠢᠨ ᠤᠰᠤᠨ ᠴᠣᠭ᠍ᠴᠠᠶ᠋ᠢ ᠠᠮᠠᠷᠬᠠᠨ ᠪᠣᠬᠢᠷᠲᠤᠭᠤᠯᠬᠤ ᠠᠰᠠᠭᠤᠳᠠᠯᠳᠤ ᠴᠢᠭ᠌ᠯᠡᠭᠦᠯᠦᠨ᠂ ᠲᠡᠷᠡ ᠤᠰᠤᠨ ᠬᠥᠭᠡᠷᠭᠡᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡᠳᠦ ᠤᠯᠠᠨ ᠤᠳᠠᠭᠠ ᠣᠷᠣᠯᠴᠠᠵᠤ᠂ ᠰᠡᠯᠪᠢᠭ ᠲᠤᠨᠤᠭᠤᠨ ᠡᠯᠡᠭ᠌ᠳᠡᠯᠳᠤ ᠴᠢᠭ᠌ᠯᠡᠭᠦᠯᠦᠨ ᠥᠪᠡᠷᠮᠢᠴᠡ ᠲᠥᠰᠦᠯᠢ ᠲᠣᠭ᠍ᠲᠠᠭᠠᠪᠠ᠃ ᠲᠡᠮᠦᠷᠯᠢᠭ ᠪᠤᠰᠤ ᠲᠤᠮᠤ ᠮᠤᠯᠸᠺᠦ᠋ᠯᠲᠤ ᠤᠰᠤ ᠭᠤᠯᠭᠤᠷᠢᠭᠤᠯᠬᠤ ᠬᠣᠯᠬᠣᠪᠴᠢᠶ᠋ᠢ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ᠌ᠳᠦ ᠣᠷᠣᠯᠴᠠᠵᠤ᠂ ᠤᠯᠠᠮᠵᠢᠯᠠᠯᠲᠤ ᠲᠤᠰᠤ ᠭᠤᠯᠭᠤᠷᠢᠭᠤᠯᠬᠤ ᠲᠤᠨᠤᠭᠢ ᠣᠷᠣᠯᠠᠭᠤᠯᠵᠤ᠂ ᠥᠭᠡᠷᠡᠴᠢᠯᠡᠭ᠌ᠰᠡᠨᠦ ᠳᠠᠷᠠᠭᠠᠬᠢ ᠮᠠᠱᠢᠨ ᠴᠣᠭ᠍ᠴᠠᠯᠠᠪᠤᠷᠢ ᠨᠢ ᠲᠦᠮᠡ ᠱᠢᠬᠠᠮ ᠴᠠᠭ ᠲᠣᠭ᠍ᠲᠠᠭᠤᠨᠢᠶᠠᠷ ᠠᠵᠢᠯᠯᠠᠵᠤ᠂ ᠵᠢᠯ ᠪᠦᠷᠢ 10 ᠲᠦᠮᠡ ᠭᠠᠷᠤᠢ ᠲᠥᠭᠥᠷᠢᠭᠦᠨ ᠥᠪᠡᠷᠦᠨ ᠦᠷᠲᠡᠭᠢ ᠠᠷᠪᠢᠯᠠᠪᠠ᠃
《ᠮᠡᠷᠭᠡᠵᠢᠯᠦᠨ ᠱᠢᠨᠡᠴᠢᠯᠡᠯᠲᠡ ᠲᠦᠷᠭᠡᠨ᠂ ᠰᠤᠷᠤᠯᠴᠠᠬᠤ ᠦᠭᠡᠢ ᠪᠣᠯ ᠬᠤᠴᠤᠷᠤᠨᠠ》 ᠭᠡᠵᠦ᠍ ᠮᠠ ᠵᠢᠶᠦ᠋ᠨ ᠬᠡᠯᠡᠪᠡ᠃ ᠣᠳᠣᠬᠠᠨ ᠳ᠋ᠤ᠂ ᠲᠡᠷᠡ ᠪᠡᠷ ᠲᠦᠷᠦᠭᠦᠯᠡᠨ ᠠᠦ᠋ᠲ᠋ᠣᠴᠢᠯᠠᠭ᠍ᠰᠠᠨ ᠮᠡᠷᠭᠡᠵᠢᠯᠢ ᠰᠤᠳᠤᠯᠵᠤ᠂ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠣᠶᠤᠨᠴᠢ ᠤᠰᠤᠨ ᠠᠱᠢᠭ᠍ᠯᠠᠯᠲᠠ ᠲᠡᠢᠰᠢ ᠬᠡᠯᠪᠡᠷᠢᠪᠡᠨ ᠬᠤᠪᠢᠷᠠᠭᠤᠯᠬᠤᠶ᠋ᠢ ᠠᠬᠢᠭᠤᠯᠪᠠ᠃
《ᠪᠠᠭ᠍ᠰᠢ ᠪᠢᠳᠡᠨᠳᠦ ᠵᠥᠪᠬᠡᠨ ᠮᠡᠷᠭᠡᠵᠢᠯ ᠵᠢᠭᠠᠵᠤ ᠦᠭᠬᠦᠭᠰᠡᠨ ᠪᠢᠰᠢ᠂ ᠨᠡᠩ ᠴᠤ᠌ ᠤᠰᠤᠨ ᠠᠱᠢᠭ᠍ᠯᠠᠯᠲᠠᠶ᠋ᠢᠨ ᠬᠥᠮᠦᠨᠦ ᠵᠤᠷᠢᠭ ᠰᠠᠨᠠᠭᠠ ᠵᠢ ᠤᠯᠠᠮᠵᠢᠯᠠᠵᠠᠢ》 ᠭᠡᠵᠦ ᠲᠡᠬᠦᠨᠤ ᠱᠠᠪᠢ ᠯᠢᠦ ᠱᠤᠸᠠᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
2003 ᠣᠨᠳᠤ ᠬᠣᠩ ᠭᠧ ᠪᠥᠸᠧ ᠤᠰᠤ ᠵᠠᠯᠠᠬᠤ ᠥᠷᠲᠡᠭᠡᠨᠦ ᠳᠡᠳ᠋ ᠳᠠᠷᠤᠭᠠᠶ᠋ᠢᠨ ᠲᠤᠱᠢᠶᠠᠯᠢ ᠡᠭᠦᠷᠭᠡᠯᠡᠭ᠌ᠰᠡᠨᠡᠴᠡ ᠤᠳᠤ ᠪᠣᠯᠲᠠᠯᠠ ᠮᠠ ᠵᠢᠶᠦ᠋ᠨ 《ᠱᠠᠪᠢ ᠪᠠᠨ ᠳᠠᠭᠠᠭᠤᠯᠬᠤ》 ᠪᠡᠷ ᠳᠠᠮᠵᠢᠭᠤᠯᠤᠨ ᠬᠥᠭᠡᠷᠭᠡᠶ᠋ᠢᠨ ᠦᠷᠳᠡᠭᠡᠳᠦ ᠴᠢᠳᠠᠪᠤᠷᠢᠲᠠᠨ ᠬᠥᠮᠦᠵᠢᠭᠦᠯᠵᠦ᠍ ᠥᠭ᠌ᠴᠡᠢ᠃ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠮᠠᠱᠢᠨ ᠴᠣᠭ᠍ᠴᠠᠯᠠᠪᠤᠷᠢᠶ᠋ᠢ ᠲᠠᠰ ᠳᠡᠪᠱᠢᠭᠦᠯᠦᠨ ᠥᠭᠡᠷᠡᠴᠢᠯᠡᠨ ᠰᠠᠢᠵᠢᠷᠠᠭᠤᠯᠬᠤ ᠬᠤᠭᠤᠴᠠᠭᠠᠨᠳᠤ᠂ ᠲᠡᠷᠡ ᠪᠡᠶᠡᠪᠡᠷᠢᠶᠡᠨ ᠪᠦᠯᠬᠦᠮ ᠨᠢᠭᠡᠴᠢᠪᠡᠨ ᠳᠠᠭᠠᠭᠤᠯᠤᠨ ᠦᠶ᠋ᠯᠡᠳᠪᠦᠷᠢᠶ᠋ᠢᠨ ᠠᠵᠢᠯᠲᠠᠨᠤ ᠤᠭ᠍ᠰᠠᠷᠠᠵᠤ ᠪᠠᠢᠭᠠ ᠮᠠᠱᠢᠨ ᠴᠣᠭ᠍ᠴᠠᠯᠠᠪᠤᠷᠢᠶ᠋ᠢ ᠰᠣᠨᠢᠷᠬᠠᠨ ᠦᠵᠡᠵᠦ᠍ ᠲᠡᠮᠳᠡᠭ᠌ᠯᠡᠵᠦ᠍᠂ ᠣᠢᠯᠠᠭᠠᠬᠤ ᠥᠬᠡᠶ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠪᠠᠯ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠠᠰᠠᠭᠤᠨ ᠯᠠᠪᠯᠠᠵᠤ᠂ ᠰᠤᠷᠤᠯᠴᠠᠬᠤᠶᠢᠨ ᠳᠠᠭᠠᠤ ᠠᠵᠢᠯᠯᠠᠵᠤ᠂ ᠠᠵᠢᠯᠯᠠᠬᠤᠶᠢᠨ ᠳᠠᠭᠠᠤ ᠰᠤᠷᠤᠯᠴᠠᠵᠦ᠂ ᠥᠭᠡᠷᠡᠴᠢᠯᠡᠨ ᠰᠠᠢᠵᠢᠷᠠᠭᠤᠯᠬᠤ ᠢᠨᠵᠧᠨᠧᠷᠢᠩ ᠳᠠᠭᠤᠰᠤᠭ᠍ᠰᠠᠨᠤ ᠳᠠᠷᠠᠭᠠ ᠪᠦᠯᠬᠦᠮ ᠨᠢᠭᠡᠴᠢᠨᠢ ᠤᠰᠤᠨ ᠬᠥᠭᠡᠷᠭᠡᠶ᠋ᠢ ᠵᠠᠳᠠᠯᠬᠤ᠂ ᠵᠠᠰᠠᠬᠤ᠂ ᠤᠭ᠍ᠰᠠᠷᠠᠬᠤ᠂ ᠲᠤᠷᠱᠢᠨ ᠠᠵᠢᠯᠯᠠᠭᠤᠯᠬᠤ ᠵᠡᠷᠭᠡ ᠮᠡᠷᠭᠡᠵᠢᠯᠢ ᠪᠥᠬᠥ᠌ ᠲᠠᠯᠠᠪᠠᠷ ᠡᠵᠡᠮᠱᠢᠵᠦ᠍᠂ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠬᠣᠢᠱᠢᠳᠠᠶ᠋ᠢᠨ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠ ᠮᠡᠷᠭᠡᠵᠢᠯᠦᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ᠳᠦ ᠡᠷᠬᠢᠮ ᠨᠠᠨᠳᠢᠨ ᠲᠤᠷᠱᠢᠯᠭᠠ ᠬᠤᠷᠠᠮᠳᠤᠭᠤᠯᠵᠤ ᠥᠭ᠌ᠴᠡᠶ᠃ ᠣᠯᠠᠨ ᠵᠢᠯᠦᠨ ᠠᠵᠢᠯᠤᠨ ᠲᠤᠷᠱᠢᠯᠭᠠᠲᠠᠶᠪᠠᠨ ᠤᠶᠠᠯᠳᠤᠭᠤᠯᠤᠨ᠂ ᠮᠠ ᠵᠢᠶᠦ᠋ᠨ ᠠᠵᠢᠯ ᠲᠥᠷᠥᠯᠦᠨ ᠲᠡᠷᠢᠭᠦᠨᠦ ᠪᠠᠷᠢᠮᠵᠢᠶᠠᠪᠠᠷ ᠯᠠᠪᠯᠠᠯᠲᠠ ᠪᠣᠯᠭᠠᠵᠤ᠂ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠠᠵᠢᠯᠯᠠᠭᠠᠨᠤ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠡᠯᠡ ᠭᠣᠭ᠍ᠴᠣᠭᠠᠶ᠋ᠢ ᠵᠢᠷᠤᠮᠵᠢᠭᠤᠯᠬᠤᠶ᠋ᠢᠨ ᠬᠠᠮᠲᠤ 《45 ᠭᠷᠠᠳᠦ᠋ᠰᠦᠨ ᠲᠠᠰᠢᠭᠤ ᠲᠡᠩᠭᠡᠯᠢᠭᠳᠦ ᠤᠰᠤᠨ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠠᠵᠢᠯᠯᠠᠭᠠᠨ ᠬᠢᠭᠡᠳ ᠬᠠᠮᠢᠶᠠᠷᠤᠯᠲᠠ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠪᠠᠷᠢᠮᠵᠢᠶᠠ》᠂ 《ᠬᠣᠩ ᠭᠧ ᠪᠦᠸᠸ ᠤᠰᠤ ᠵᠠᠯᠠᠬᠤ ᠥᠷᠲᠡᠭᠡᠨᠦ ᠤᠰᠤᠯᠠᠬᠤ ᠲᠠᠲᠠᠷᠠᠭᠤᠯᠬᠤ ᠬᠥᠭᠡᠷᠭᠡᠶ᠋ᠢᠨ ᠥᠷᠲᠡᠭᠡᠶ᠋ᠢᠨ ᠪᠠᠷᠢᠮᠵᠢᠶᠠᠵᠢᠭᠤᠯᠤᠭ᠍ᠰᠠᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠭᠠᠷ ᠠᠪᠤᠯᠭᠠ》 ᠵᠡᠷᠭᠡ ᠮᠡᠷᠭᠡᠵᠢᠯᠦᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠢ ᠡᠷᠭᠢᠯᠡᠨ ᠨᠠᠢᠷᠠᠭᠤᠯᠪᠠ᠃