ᠶᠠᠨᠱᠠᠨ ᠠᠭᠤᠯᠠᠶ᠋ᠢᠨ ᠬᠣᠢᠲᠤ ᠬᠡᠰᠡᠭᠦᠨ ᠠᠭᠤᠯᠠᠷᠬᠠᠭ ᠭᠠᠵᠠᠷ ᠡᠴᠡ ᠬᠣᠷᠴᠢᠨᠤ ᠡᠯᠡᠰᠦᠷᠬᠡᠭ ᠭᠠᠵᠠᠷᠲᠦ ᠵᠠᠯᠭᠠᠬᠤ ᠬᠡᠰᠡᠭᠲᠦ ᠴᠡᠮᠴᠡᠭᠡᠷ ᠭᠤᠢᠳᠠ᠂ ᠨᠦᠬᠡᠴᠡ ᠬᠦᠴᠦᠨ ᠲᠡᠬᠦᠯᠳᠡᠷ ᠵᠢᠵᠢᠭ ᠬᠣᠲᠠ— ᠲᠦᠩᠯᠢᠶᠣᠤ ᠬᠣᠲᠠᠶ᠋ᠢᠨ ᠬᠦᠷᠢᠶᠡ ᠬᠣᠱᠢᠭᠤ ᠪᠠᠢᠷᠢᠯᠠᠵᠤ ᠪᠤᠢ᠃
ᠲᠤᠰ ᠬᠤᠰᠢᠭᠤᠶᠢᠨ ᠡᠮᠦᠨᠡ ᠬᠡᠰᠡᠭᠲᠦ ᠨᠠᠮᠬᠠᠨ ᠠᠭᠤᠯᠠ ᠵᠠᠯᠭᠠᠯᠳᠤᠵᠤ᠂ ᠳᠤᠮᠳᠠ ᠬᠡᠰᠡᠭᠲᠦ ᠳᠤᠪᠤᠴᠠᠭ ᠦᠷᠬᠦᠯᠵᠢᠯᠡᠵᠦ᠂ ᠤᠮᠠᠷᠠᠲᠤ ᠬᠡᠰᠡᠭ ᠳᠤᠨᠢ ᠡᠯᠡᠰᠦᠨ ᠳᠣᠪᠣᠷᠬᠠᠭ ᠲᠠᠯᠠᠩᠨᠠᠨ᠂ ᠰᠦᠷ ᠳᠠᠯᠠᠢᠴᠠᠲᠠᠶ ᠭᠠᠵᠠᠷᠤᠨ ᠭᠠᠳᠠᠷᠭᠤᠶᠢᠨ ᠦᠵᠡᠮᠵᠢ ᠳᠡᠯᠭᠡᠭᠳᠡᠨᠡ᠃
ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠡᠷᠲᠡᠨᠦ ᠦᠯᠡᠳᠡᠭ᠌ᠳᠡᠯ ᠵᠡᠷᠭᠡ ᠨᠢ ᠦᠩᠭᠡᠷᠡᠭᠰᠡᠨ ᠴᠠᠭᠤᠨ ᠤᠯᠠᠷᠢᠯ ᠬᠤᠪᠢᠰᠤᠯᠢ ᠵᠢᠷᠤᠭ᠍ᠯᠠᠵᠤ᠂ ᠠᠨᠳᠠᠢ ᠪᠥᠵᠢᠭ ᠡᠷᠳᠡᠨ ᠡᠳᠦᠭᠡ ᠵᠢ ᠬᠦᠦᠷᠨᠢᠨ᠂ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠬᠦᠷᠢᠶᠡ ᠬᠤᠰᠢᠭᠤ ᠤᠮᠠᠷᠠᠲᠤ ᠬᠢᠯᠢᠳᠦ ᠬᠢᠯᠠᠯᠵᠠᠨᠠ᠃
ᠥᠷᠦᠨ ᠳᠤᠶᠠᠭᠠ ᠪᠠᠯᠠᠷ ᠡᠷᠳᠡᠨᠢ ᠭᠡᠭᠡᠷᠡᠬᠦᠯᠦᠨᠡ
ᠬᠦᠷᠢᠶᠡ ᠬᠣᠱᠢᠭᠤᠨᠤ ᠮᠦᠽᠧᠶᠳᠡᠬᠢ ᠦᠰᠦᠲᠦ ᠬᠡᠷᠢᠰ ᠳᠦᠮᠡᠨ ᠵᠢᠯᠤᠨ ᠬᠤᠭᠤᠴᠠᠭᠠ ᠵᠢ ᠰᠤᠨᠳᠠᠯᠠᠨ᠂ ᠴᠢᠯᠠᠭᠤᠵᠢᠮᠠᠯᠤᠨ ᠬᠡᠯᠪᠡᠷᠢ ᠪᠡᠷ ᠨᠠᠮᠵᠢᠭᠤᠨ ᠬᠡᠪᠳᠡᠨᠡ᠃
ᠬᠦᠷᠢᠶᠡ ᠬᠣᠱᠢᠭᠤᠨᠤ ᠵᠢᠷᠭᠤᠭᠠᠨᠭᠡᠷ ᠪᠠᠯᠭᠠᠰᠤ ᠡᠴᠡ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠦᠰᠦᠲᠦ ᠬᠡᠷᠢᠰᠦᠨ ᠠᠷᠤᠭ ᠶᠠᠰᠤᠨᠤ ᠴᠢᠯᠠᠭᠤᠵᠢᠮᠠᠯ ᠵᠢᠴᠢ ᠳᠡᠭᠦᠨᠤ ᠬᠤᠢᠨᠠ ᠡᠴᠡ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠠᠵᠢᠷᠭᠠᠨ ᠵᠠᠭᠠᠨ᠂ ᠪᠤᠬᠠ ᠬᠦᠷᠦᠭᠡᠰᠦ᠂ ᠳᠡᠬᠢᠶᠢᠨ ᠠᠷᠤᠭ ᠶᠠᠰᠤᠨᠤ ᠴᠢᠯᠠᠭᠤᠵᠢᠮᠠᠯ ᠨᠢ ᠬᠦᠷᠢᠶᠡᠶᠢᠨ ᠬᠠᠪᠢ ᠪᠡᠷ ᠤᠷᠤᠩᠨᠠᠵᠤ ᠪᠠᠢᠭᠰᠠᠨ ᠡᠷᠲᠡᠨᠦ ᠠᠮᠢᠳᠤ ᠪᠣᠳᠠᠰᠤᠨ ᠨᠢᠭᠤᠴᠠᠬᠠᠨ ᠳᠦᠷᠢ ᠵᠢ ᠢᠯᠡᠷᠡᠬᠦᠯᠪᠡ᠃
ᠣᠲᠣᠠᠴᠠ 30000 ᠡᠴᠡ 10000 ᠵᠢᠯᠦᠨ ᠡᠮᠦᠨᠡᠬᠢ ᠬᠠᠯᠠᠬᠤ ᠰᠢᠨᠡ ᠦᠶᠡᠶᠢᠨ ᠰᠡᠭᠦᠯᠴᠢᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠬᠦᠷᠢᠶᠡ ᠣᠷᠣᠨᠳᠦ ᠤᠷᠭᠤᠮᠠᠯᠤᠨ ᠲᠥᠷᠥᠯ ᠡᠯᠪᠡᠭ᠂ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠢᠭ᠍ᠴᠤ ᠰᠠᠬᠤᠯᠢᠭ ᠪᠠᠢᠵᠤ᠂ ᠡᠯᠪᠡᠭ ᠢᠳᠡᠭᠡᠨᠤ ᠡᠬᠢ ᠪᠠᠶᠠᠯᠢᠭ ᠪᠠ ᠥᠰᠥᠯᠲᠡᠳᠦ ᠲᠣᠬᠢᠷᠠᠮᠵᠢᠲᠠᠶ ᠣᠷᠴᠢᠨ ᠲᠣᠭᠣᠷᠢᠨᠳᠦ ᠲᠦᠰᠢᠭᠯᠡᠨ ᠠᠪᠤᠷᠭᠤ ᠳᠤᠮᠤ ᠡᠪᠡᠰᠦᠨ ᠲᠡᠵᠢᠭᠡᠯᠲᠡᠨ ᠡᠨᠳᠡ ᠦᠷᠡᠵᠢᠵᠦ ᠪᠠᠢᠪᠠ᠃
ᠲᠦᠮᠡᠨ ᠪᠣᠳᠠᠰᠤᠨ ᠬᠦᠭᠵᠢᠯᠳᠡᠶ᠋ᠢᠨ ᠶᠠᠪᠤᠴᠠᠳᠤ᠂ ᠡᠷᠳᠡᠨ ᠤ᠋ ᠬᠦᠮᠦᠰ ᠴᠢᠯᠠᠭᠤ ᠪᠡᠷ ᠪᠠᠭᠠᠵᠢ ᠪᠤᠯᠭᠠᠨ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠵᠤ᠂ ᠴᠤᠷᠮᠠᠳᠠᠨ ᠲᠠᠷᠢᠵᠤ᠂ ᠪᠣᠯᠪᠠᠰᠤᠨᠤ ᠭᠡᠷᠡᠯᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠠᠴᠤᠷᠠᠭᠤᠯᠪᠠ᠃
《ᠪᠢᠳᠡ ᠬᠠᠮᠢᠭᠠ ᠡᠴᠡ ᠢᠷᠡᠭ᠌ᠰᠡᠨ ᠪᠤᠢ？ ᠵᠠᠯᠭᠠᠭᠠᠳ ᠬᠠᠮᠢᠭᠠ ᠣᠴᠢᠬᠤ ᠪᠤᠢ？》 ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡᠨᠢ ᠪᠢᠳᠡᠨᠢ ᠬᠠᠪᠰᠤᠷᠴᠤ᠌ ᠲᠡᠦᠬᠡᠶ᠋ᠢᠨ ᠲᠣᠭᠣᠰᠣᠶ᠋ᠢ ᠠᠷᠢᠯᠭᠠᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤᠨ ᠦᠨᠳᠦᠰᠦ ᠰᠤᠷᠪᠤᠯᠵᠢ ᠭᠦᠨ ᠵᠤᠵᠠᠭᠠᠨ ᠪᠠᠢᠬᠤᠶ᠋ᠢ ᠬᠠᠷᠠᠭᠤᠯᠪᠠ᠃ ᠪᠦᠯᠦᠭ ᠪᠦᠯᠦᠭ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨ ᠡᠷᠳᠡᠮᠲᠡᠨ ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠢ ᠢᠯᠠᠨ ᠳᠠᠪᠠᠵᠤ᠂ ᠠᠭᠤᠯᠠ ᠱᠢᠭᠤᠢ ᠪᠡᠷ ᠰᠤᠳᠤᠯᠵᠤ᠂ ᠲᠡᠦᠬᠡᠶ᠋ᠢᠨ ᠤᠷᠳᠤ ᠠᠶᠠᠨᠳᠤ ᠬᠤᠷᠠᠮᠳᠤᠭ᠍ᠰᠠᠨ ᠰᠣᠶᠣᠯ ᠪᠤᠯᠪᠠᠰᠤᠨᠢ ᠠᠷᠠᠳ ᠤᠯᠠᠨᠲᠠᠶ ᠤᠢ᠍ᠢᠷᠠᠳᠤᠭᠤᠯᠵᠤ᠂ ᠤᠳᠤ ᠦᠶᠡ ᠲᠠᠢ ᠤᠢ᠍ᠢᠷᠠᠳᠤᠭᠤᠯᠪᠠ᠃
1991 ᠣᠨᠳᠤ᠂ ᠱᠢᠨᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠠᠭᠤᠷᠢᠯᠠᠭ᠍ᠴᠢ᠂ ᠠᠯᠳᠠᠷᠲᠤ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢ ᠰᠤ᠌ ᠪᠢᠩ ᠴᠢ ᠠᠪᠤᠭᠠᠶ《ᠳᠤᠮᠳᠠᠳᠤ ᠤᠯᠤᠰᠤᠨ ᠪᠠᠯᠠᠷ ᠡᠷᠲᠡᠨᠦ ᠲᠡᠦᠬᠡᠶ᠋ᠢ ᠳᠠᠬᠢᠨ ᠪᠠᠢᠭᠤᠯᠬᠤ ᠲᠤᠬᠠᠶ ᠪᠣᠳᠣᠯᠬᠢᠯᠠᠯ》 ᠭᠡᠬᠦ᠌ ᠵᠣᠬᠢᠶᠠᠯᠳᠠᠭᠠᠨ᠄ 《ᠳᠤᠮᠳᠠᠳᠤᠴᠤᠳᠤᠨ ᠡᠢᠮᠦᠷᠬᠦᠤ ᠠᠭᠤᠤ ᠶᠡᠬᠡ ᠦᠨᠳᠦᠰᠦᠲᠡᠨᠦ ᠵᠣᠷᠢᠭ ᠰᠠᠨᠠᠭᠠ᠂ ᠬᠦᠴᠦᠨ ᠴᠢᠳᠠᠯᠤᠨ ᠦᠨᠳᠦᠰᠦ ᠰᠤᠷᠪᠤᠯᠵᠢ ᠨᠢ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠳᠤ ᠭᠦᠨ ᠦᠨᠳᠦᠰᠦᠯᠡᠭ᠌ᠰᠡᠨ ᠶᠤᠮ》 ᠭᠡᠪᠡ᠃
ᠡᠨᠡ ᠬᠦ᠌ ᠦᠵᠡᠯᠲᠡ ᠨᠢ ᠬᠦᠷᠢᠶᠡ ᠬᠣᠱᠢᠭᠤ ᠡᠴᠡ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ᠂ ᠳᠡᠦᠬᠡᠶᠢᠨ ᠪᠠᠭᠤᠷᠢ ᠪᠡᠷ ᠭᠡᠷᠡᠴᠢᠯᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ᠃
ᠠᠯᠢ ᠡᠷᠲᠡ ᠣᠲᠣ ᠡᠴᠡ 8000 ᠵᠢᠯᠦᠨ ᠡᠮᠦᠨᠡ᠂ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠣᠶᠣᠯ ᠵᠢᠴᠢ ᠵᠢᠭᠠᠬᠠᠨ ᠣᠷᠣᠢᠳᠠᠵᠤ ᠪᠤᠢ ᠪᠤᠯᠤᠭᠰᠠᠨ ᠵᠣᠣ ᠪᠦᠦ ᠭᠸᠤ ᠵᠢᠨ ᠰᠣᠶᠣᠯᠤᠨ ᠲᠥᠯᠥᠭᠡᠯᠡᠵᠦ᠍ ᠪᠠᠢᠭᠠ ᠪᠠᠯᠠᠷ ᠡᠷᠲᠡᠨᠦ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠨᠢ ᠨᠢᠭᠡᠨᠲᠡ ᠡᠨᠳᠡ ᠲᠠᠷᠬᠠᠭᠰᠠᠨ ᠪᠠᠢᠳᠠᠭ᠃ ᠤᠳᠤ ᠡᠴᠡ 5500 ᠡᠴᠡ 5000 ᠵᠢᠯᠦᠨ ᠡᠮᠦᠨᠡ᠂ ᠡᠷᠲᠡᠨᠦ ᠬᠦᠮᠦᠰ ᠬᠤᠩᠱᠠᠨ ᠰᠣᠶᠣᠯᠢᠶᠠᠷ ᠲᠥᠯᠥᠭᠡᠯᠡᠭᠦᠯᠦᠭ᠌ᠰᠡᠨ ᠪᠣᠯᠪᠠᠰᠤᠨᠤ ᠥᠷᠦᠨ ᠲᠤᠶᠠᠭᠠᠶ᠋ᠢ ᠤᠭ᠍ᠲᠤᠨ ᠠᠪᠴᠠᠢ᠃
ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡᠳᠦ᠂ ᠬᠦᠷᠢᠶᠡ ᠬᠣᠱᠢᠭᠤᠨᠤ ᠬᠢᠯᠢ ᠳᠣᠲᠣᠷᠠᠬᠢ ᠳᠦᠷᠪᠡᠡᠭᠡᠷᠤᠨ ᠲᠠᠬᠢᠯᠭᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠦᠯᠡᠳᠡᠭ᠌ᠳᠡᠯ᠂ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠦᠯᠡᠳᠡᠭ᠌ᠳᠡᠯ ᠪᠣᠳᠠᠰ ᠨᠢ ᠯᠢᠶᠣᠤᠨᠢᠩ ᠮᠤᠵᠢᠶ᠋ᠢᠨ ᠨᠢᠤ ᠾᠧ ᠯᠢᠶᠠᠩᠤᠨ ᠳᠠᠭᠢᠨᠢᠶ᠋ᠢᠨ ᠰᠦᠮᠡᠶ᠋ᠢᠨ ᠳ᠋ᠦᠩ ᠫᠦᠸᠸ ᠪᠤᠷᠳᠤᠭᠤᠯᠢᠭ ᠬᠡᠯᠪᠡᠷᠢᠲᠦ ᠵᠡᠪᠰᠡᠭᠦᠨ ᠦᠯᠡᠳᠡᠭ᠌ᠳᠡᠯᠲᠡᠶ ᠮᠠᠰᠢ ᠠᠳᠠᠯᠢᠪᠳᠤᠷ ᠪᠠᠢᠵᠤ᠂ ᠬᠤᠩᠱᠠᠨ ᠰᠣᠶᠣᠯᠤᠨ ᠰᠡᠭᠦᠯᠴᠢᠶ᠋ᠢᠨ ᠦᠶᠡᠶ᠋ᠢᠨ ᠬᠥᠮᠦᠰᠦᠨ ᠦᠶ᠋ᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠳᠦᠷᠰᠦ ᠪᠠᠢᠳᠠᠯᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠤᠬᠠᠢᠶ᠋ᠢᠨ ᠵᠢᠯ᠂ ᠡᠷᠳᠡᠨᠤ ᠬᠦᠮᠦᠰ ᠦᠨᠳᠦᠷ ᠤᠭᠳᠠᠷᠭᠤᠢᠶᠢᠨ ᠳᠤᠤᠷᠠ ᠠᠭᠤᠳᠠᠮ ᠨᠤᠲᠤᠭᠢ ᠭᠢᠰᠭᠢᠯᠡᠨ᠂ ᠰᠠᠯᠬᠢᠨᠤ ᠳᠠᠭᠤᠨᠢ ᠴᠢᠬᠢ ᠳᠠᠯᠪᠢᠨ ᠰᠤᠨᠤᠰᠴᠤ᠂ ᠪᠢᠱᠢᠷᠡᠨ ᠵᠢᠷᠦᠬᠡᠱᠢᠶᠡᠬᠦ᠌ᠶᠢᠨ ᠳᠠᠭᠠᠤ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠡᠪᠦᠷᠯᠡᠨ ᠲᠩᠷᠢ ᠭᠠᠵᠠᠷᠲᠤ ᠮᠥᠷᠭᠦᠵᠦ ᠪᠠᠢᠭᠰᠠᠨ ᠠᠵᠢ᠃
ᠯᠠᠪᠳᠠᠭᠤᠨ ᠪᠠᠲᠤᠲᠠᠶ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠦᠷᠡ ᠪᠦᠲᠦᠭᠡᠯᠨᠢ ᠪᠠᠭᠤᠷᠢ ᠦᠯᠡᠳᠡᠭᠳᠡᠯᠢ ᠲᠡᠦᠬᠡᠶ᠋ᠢᠨ ᠳᠡᠳᠦᠢ ᠰᠦᠮᠡᠯᠵᠡᠬᠦ ᠪᠢᠰᠢ ᠬᠠᠷᠢᠨ ᠡᠳᠦᠷ ᠢᠷᠡᠬᠦᠶᠡ ᠲᠣᠳᠣᠷᠬᠠᠶ ᠪᠤᠯᠭᠠᠪᠠ᠄ 2023 ᠣᠨ ᠡᠴᠡ2025 ᠣᠨ ᠪᠣᠯᠲᠠᠯᠠ᠂ ᠲᠦᠩᠯᠢᠶᠣᠤ ᠬᠣᠲᠠᠶ᠋ᠢᠨ ᠰᠣᠶᠣᠯᠤᠨ ᠦᠵᠡᠰᠭᠦᠯᠡᠩᠦᠨ ᠬᠦᠷᠢᠶᠡᠯᠡᠩ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠦᠷᠢᠶᠡᠯᠡᠩ᠂ ᠬᠦᠷᠢᠶᠡ ᠬᠣᠱᠢᠭᠤᠨᠤ ᠮᠦᠽᠧᠶ ᠵᠡᠷᠭᠡ ᠨᠢᠭᠡᠴᠢᠲᠡᠶ ᠬᠠᠮᠲᠤᠷᠠᠨ 《ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠳᠤᠮᠳᠠᠳᠤ ᠤᠯᠤᠰ — ᠬᠤᠩᠱᠠᠨ ᠨᠡᠢᠭᠡᠮᠦᠨ ᠪᠣᠯᠪᠠᠰᠤᠨᠤ ᠠᠬᠢᠴᠠᠶ᠋ᠢᠨ ᠰᠤᠳᠤᠯᠤᠯ》 ᠤ᠋ᠨ ᠬᠦᠷᠢᠶᠡᠶᠢᠨ ᠡᠮᠦᠨᠡ ᠬᠡᠰᠡᠭᠦᠨ ᠯᠢᠦ ᠾᠧ ᠭᠤᠤᠯᠤᠨ ᠳᠡᠭᠡᠳᠦ ᠤᠷᠤᠰᠭᠠᠯᠤᠨ ᠴᠢᠨ ᠤᠯᠤᠰ ᠡᠴᠡ ᠡᠮᠦᠨᠡᠬᠢ ᠪᠠᠭᠤᠷᠢᠶ᠋ᠢ ᠪᠠᠢᠴᠠᠭᠠᠬᠤ ᠠᠵᠢᠯᠢ ᠥᠷᠨᠢᠭᠦᠯᠵᠦ᠍᠂ ᠴᠢᠨ ᠤᠯᠤᠰ ᠡᠴᠡ ᠡᠮᠦᠨᠡᠬᠢ ᠦᠶᠡᠶ᠋ᠢᠨ ᠣᠯᠠᠨ ᠪᠠᠭᠤᠷᠢᠶ᠋ᠢ ᠱᠢᠨᠡᠪᠡᠷ ᠢᠯᠡᠷᠡᠭᠦᠯᠵᠦ᠍᠂ ᠬᠤᠩᠱᠠᠨ ᠰᠣᠶᠣᠯᠤᠨ ᠳᠦᠷᠰᠦ ᠪᠠᠢᠳᠠᠯᠢ ᠤᠯᠠᠮ ᠲᠣᠳᠣᠷᠬᠠᠶ ᠪᠣᠯᠭᠠᠪᠠ᠃
ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰ ᠨᠢ ᠤᠭᠰᠠᠷᠠᠭᠤᠯᠬᠤ ᠵᠢᠷᠤᠭ ᠮᠡᠲᠦ ᠪᠡᠷ ᠬᠥᠮᠦᠰᠦᠨ ᠲᠡᠦᠬᠡᠶ᠋ᠢᠨ ᠲᠤᠬᠠᠶ ᠲᠠᠨᠢᠯᠲᠠᠶ᠋ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠱᠢᠨᠡᠳᠭᠡᠨᠡ᠃ ᠱᠢᠶᠠ ᠱᠠᠩ ᠵᠧᠦ ᠡᠴᠡ ᠪᠠᠢᠯᠳᠤᠭᠠᠨᠲᠤ ᠤᠯᠤᠰᠤᠨ ᠦᠶᠡᠳᠦ ᠬᠦᠷᠡᠯ ᠵᠡᠪᠰᠡᠭ ᠬᠡᠷᠡᠯ ᠬᠢᠯᠪᠠᠭᠠ ᠰᠠᠴᠤᠷᠠᠭᠤᠯᠵᠤ᠂ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰ ᠡᠴᠡ ᠡᠮᠦᠨᠡᠲᠦ ᠤᠮᠠᠷᠠᠲᠤ ᠲᠥᠷᠥᠶ᠋ᠢᠨ ᠦᠶᠡ ᠬᠦᠷᠴᠦ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠰᠡᠭᠦᠢᠨ ᠪᠤᠰᠴᠤ᠂ ᠰᠦᠶ ᠤᠯᠤᠰ ᠲᠠᠩ ᠤᠯᠤᠰ ᠡᠴᠡ ᠯᠢᠶᠣᠤ ᠤᠯᠤᠰ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠶᠢᠨ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠭ᠌ᠰᠡᠨ ᠨᠤᠲᠤᠭ ᠳᠡᠪᠢᠰᠭᠡᠷ ᠁ ᠸᠠᠭᠠᠷᠤᠨ ᠬᠡ ᠤᠭᠠᠯᠵᠠ ᠳᠡᠭᠡᠷᠡᠬᠢ ᠬᠤᠷᠤᠭᠤᠨ ᠣᠷᠣᠮ᠂ ᠬᠦᠷᠡᠯ ᠵᠡᠪᠰᠡᠭᠦᠨ ᠵᠢᠪᠡᠷᠡᠭ᠌ᠰᠡᠨ ᠮᠥᠷ᠂ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠬᠢᠯᠢᠶ᠋ᠢᠨ ᠴᠠᠢᠵᠠ ᠡᠴᠡ ᠬᠥᠮᠦᠰ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠰᠦᠷ ᠳᠠᠯᠠᠢᠴᠠ ᠵᠢ ᠮᠡᠳᠡᠷᠡᠵᠦ᠍ ᠪᠤᠯᠤᠨᠠ᠃
ᠰᠠᠯᠬᠢ ᠦᠯᠢᠶᠡᠵᠦ᠍ ᠡᠭᠦᠯᠡ ᠡᠪᠬᠡᠷᠡᠨ ᠬᠤᠢᠯᠠᠷᠠᠨ ᠨᠢᠭᠡᠳᠦᠨᠡ
ᠮᠠᠱᠢᠨ ᠲᠡᠷᠭᠡᠪᠡᠷ ᠬᠦᠬᠦᠨ ᠪᠠᠯᠭᠠᠰᠤᠨᠤ ᠳᠦᠷᠪᠡᠡᠭᠡᠷ ᠲᠣᠰᠭᠣᠨᠳᠤ ᠬᠦᠷᠬᠦ᠌ᠳᠦ᠂ ᠲᠣᠰᠭᠣᠨᠤ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠢᠭᠠ ᠨᠢᠭᠡ ᠳᠣᠪᠣᠴᠠᠭ ᠳᠡᠭᠡᠷᠡ 《ᠯᠢᠩ ᠠᠨ ᠵᠧᠦ᠍ ᠬᠤᠳᠠᠶ᠋ᠢᠨ ᠦᠯᠡᠳᠡᠭᠳᠡᠯ》ᠭᠡᠬᠦ ᠦᠰᠦᠭ ᠳᠡᠢ ᠴᠢᠯᠠᠭᠤᠨ ᠬᠥᠱᠢᠢᠡ ᠬᠠᠷᠠᠭᠳᠠᠨᠠ᠃ ᠡᠷᠲᠡᠨᠦ ᠬᠣᠲᠠ ᠮᠢᠩᠭᠠᠨ ᠵᠢᠯᠦᠨ ᠰᠠᠯᠬᠢ ᠱᠢᠭᠤᠷᠭᠠᠶ᠋ᠢ ᠳᠤᠭᠤᠯᠵᠤ᠂ ᠵᠥᠪᠬᠡᠨ ᠬᠡᠳᠦᠨ ᠱᠢᠷᠣᠶᠶ᠋ᠢᠨ ᠨᠢᠷᠤᠭᠤ ᠦᠯᠡᠳᠡᠭᠰᠡᠨᠴᠤ ᠥᠩᠭᠡᠷᠡᠭ᠌ᠰᠡᠨᠦ ᠳᠠᠢᠨ ᠳᠠᠵᠢᠨ ᠪᠠ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠢ ᠬᠡᠷᠡᠴᠢᠯᠡᠨᠡ᠃
1988 ᠣᠨᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡ ᠰᠣᠶᠣᠯᠤᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠭᠠᠵᠠᠷ （ᠤᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡ ᠰᠣᠶᠣᠯᠤᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠦᠷᠢᠶᠡᠯᠡᠩ） ᠤ᠋ᠨ ᠠᠵᠢᠯᠲᠠᠨ ᠯᠢᠩ ᠠᠨ ᠵᠸᠦ ᠬᠣᠲᠠᠶᠢᠨ ᠦᠯᠡᠳᠡᠭᠳᠡᠯᠢ ᠨᠠᠷᠢᠨ ᠱᠢᠨᠵᠢᠯᠡᠵᠦ᠍᠂ ᠳᠤᠰᠬᠤᠭᠤᠷ ᠸᠠᠭᠠᠷ᠂ ᠸᠠᠭᠠᠷᠤᠨ ᠴᠢᠮᠡᠭ᠌ᠯᠡᠯ᠂ ᠱᠠᠭᠠᠵᠠᠩ ᠡᠳ᠋ᠯᠡᠯ᠂ ᠤᠷᠤᠮ ᠳᠠᠷᠤᠬᠤ ᠵᠡᠰ ᠲᠠᠮᠠᠭᠠ᠂ ᠴᠢᠯᠠᠭᠤᠨ ᠪᠤᠷᠬᠠᠨ ᠵᠡᠷᠭᠡ ᠶᠡᠬᠡ ᠣᠯᠠᠨ ᠬᠣᠪᠣᠷ ᠦᠨᠡᠲᠦ ᠲᠡᠦᠬᠡ ᠰᠣᠶᠣᠯᠤᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠣᠯᠪᠠ᠃ ᠢᠯᠠᠩᠭᠤᠶᠠ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ《ᠯᠢᠩ ᠠᠨ ᠵᠧᠦᠶ᠋ᠢᠨ ᠮᠡᠳᠡᠭ᠌ᠴᠢᠶ᠋ᠢᠨ ᠲᠠᠮᠠᠭᠠ》 ᠨᠢ ᠲᠣᠰ ᠬᠣᠲᠠᠶ᠋ᠢᠨ ᠨᠡᠷᠡ ᠵᠢ ᠲᠣᠭ᠍ᠲᠠᠭᠠᠬᠤᠳᠤ ᠦᠨᠡᠨ ᠪᠣᠳᠠᠲᠠᠶ ᠭᠡᠷᠡᠴᠢ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ᠃ ᠲᠤᠰ ᠲᠠᠮᠠᠭᠠᠶ᠋ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠨᠢ《 ᠯᠢᠶᠣᠤ ᠤᠯᠤᠰᠤᠨ ᠲᠡᠦᠬᠡ 》 ᠂ 《ᠠᠯᠲᠠᠨ ᠤᠯᠤᠰᠤᠨ ᠲᠡᠦᠬᠡ》 ᠵᠢᠴᠢ 《ᠰᠦᠩ ᠤᠯᠤᠰᠤᠨ ᠲᠡᠦᠬᠡ》 ᠳ᠋ᠡᠬᠢ ᠯᠢᠩ ᠠᠨ ᠵᠧᠦᠶ᠋ᠢᠨ ᠲᠤᠬᠠᠶ ᠲᠡᠮᠳᠡᠭ᠌ᠯᠡᠯᠤᠨ ᠬᠣᠭᠣᠰᠣᠨᠢ ᠨᠥᠬᠥᠪᠥᠷᠢᠯᠡᠵᠦ᠍᠂ ᠯᠢᠶᠣᠤ ᠤᠯᠤᠰᠤᠨ ᠲᠡᠦᠬᠡ ᠭᠠᠵᠠᠷ ᠵᠦᠢᠶ᠋ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠰᠤᠳᠤᠯᠬᠤᠳᠤ ᠱᠢᠨᠡ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ᠃ 2013 ᠣᠨᠳᠤ ᠯᠢᠩ ᠠᠨ ᠵᠧᠦᠶ᠋ᠢᠨ ᠬᠣᠲᠠᠶ᠋ᠢᠨ ᠦᠯᠡᠳᠡᠭᠳᠡᠯᠢ ᠪᠦᠬᠦ᠌ ᠤᠯᠤᠰᠤᠨ ᠳᠣᠯᠣᠳᠤᠭᠠᠷ ᠪᠦᠯᠦᠭᠤᠨᠭᠤᠤᠯᠳᠠᠯᠭᠠᠳᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠪᠡᠷ ᠲᠣᠭ᠍ᠲᠠᠭᠠᠵᠠᠶ᠃
ᠬᠦᠷᠢᠶᠡ ᠬᠣᠰᠢᠭᠤᠨᠤ ᠮᠦᠽᠧᠢᠶᠢᠨ ᠳᠠᠷᠤᠭᠠ ᠶᠠᠩ ᠸᠧᠢ ᠳ᠋ᠦᠩ᠂ ᠯᠢᠩ ᠠᠨ ᠵᠧᠦᠶᠢᠨ ᠮᠡᠳᠡᠭᠴᠢᠶᠢᠨ ᠲᠠᠮᠠᠭᠠᠨ ᠳᠡᠭᠡᠷᠡ ᠰᠡᠢᠯᠦᠭᠰᠡᠨ ᠨᠢ ᠬᠢᠲᠠᠳ ᠥᠰᠥᠭᠦᠨ ᠭᠣᠷ ᠥᠰᠥᠭ ᠪᠣᠯᠣᠨᠠ᠂ ᠯᠢᠶᠣᠤ ᠤᠯᠤᠰᠤᠨ ᠬᠥᠮᠥᠰ ᠵᠦᠩᠶᠦᠸᠠᠨ ᠣᠷᠣᠨᠤ ᠥᠰᠥᠭ ᠪᠢᠴᠢᠭᠢ ᠨᠡᠢᠳᠡᠮ ᠮᠡᠳᠡᠷᠡᠵᠦ᠂ ᠠᠯᠪᠠᠨ ᠲᠠᠮᠠᠭᠠᠳᠤ ᠴᠥᠮ ᠬᠢᠲᠠᠳ ᠥᠰᠥᠭᠢ ᠬᠡᠷᠡᠭᠯᠡᠵᠦ᠂ ᠯᠢᠶᠣᠤ ᠤᠯᠤᠰᠤᠨ ᠰᠡᠭᠦᠯᠴᠢᠶᠢᠨ ᠦᠶᠡᠶᠢᠨ ᠬᠢᠲᠠᠳᠴᠢᠯᠠᠭᠰᠠᠨ ᠬᠡᠮᠵᠢᠶᠡ ᠨᠠᠩ ᠥᠨᠳᠥᠷ ᠪᠠᠢᠭᠰᠠᠨ ᠭᠡᠵᠤ ᠲᠠᠨᠢᠯᠴᠠᠭᠤᠯᠪᠠ᠃
ᠡᠨᠳᠡ ᠲᠡᠦᠬᠡ ᠨᠢ ᠨᠣᠮ ᠪᠢᠴᠢᠭ ᠳᠡᠭᠡᠷᠡᠬᠢ ᠦᠰᠦᠭ ᠪᠢᠴᠢᠭ ᠪᠢᠰᠢ᠂ ᠬᠠᠷᠢᠨ ᠭᠠᠷᠲᠤ ᠪᠠᠷᠢᠭ᠍ᠳᠠᠮᠠ ᠦᠨᠡᠨ ᠪᠣᠳᠠᠲᠦ ᠣᠷᠣᠰᠢᠬᠤᠢ ᠪᠣᠯᠵᠤ᠂ ᠬᠥᠮᠥᠰ ᠲᠦ᠍ ᠳᠤᠮᠳᠠᠳᠤᠶᠢᠨ ᠪᠣᠯᠪᠠᠰᠤᠨᠤ ᠤᠯᠠᠨ ᠡᠰᠢᠲᠦ ᠨᠢᠭᠡ ᠴᠣᠭᠴᠠᠶᠢᠨ ᠲᠤᠬᠠᠢ ᠨᠡᠩ ᠭᠦᠨᠵᠡᠭᠡᠢ ᠲᠠᠨᠢᠯᠲᠠ ᠵᠢ ᠪᠣᠯᠭᠠᠭᠰᠠᠨ ᠪᠠᠢᠨᠠ᠃
ᠯᠢᠩ ᠠᠨ ᠵᠧᠦ ᠬᠤᠳᠠᠶᠢᠨ ᠪᠠᠭᠤᠷᠢᠡᠴᠡ 50 ᠭᠠᠷᠤᠢ ᠺᠢᠯᠦᠮᠸᠲᠷ ᠵᠠᠢᠲᠠᠢ ᠪᠠᠢᠳᠠᠭ ᠨᠠᠷᠢᠨ ᠭᠤᠤ ᠵᠢᠨ ᠯᠢᠶᠣᠤ ᠤᠯᠤᠰᠤᠨ ᠤᠩᠭᠤᠨᠤ ᠰᠦᠷᠦᠭ ᠪᠣᠯᠣᠨ ᠤᠩᠭᠤᠨ ᠪᠤᠯᠠᠰᠢ ᠵᠢᠨ ᠭᠤᠢᠳᠠ ᠨᠠᠷᠢᠯᠢᠭ ᠬᠠᠨᠠᠶᠢᠨ ᠵᠢᠷᠤᠭ ᠨᠢ ᠮᠥᠨ ᠴᠦ᠍ ᠬᠠᠷᠠᠭᠠ ᠵᠢ ᠬᠤᠵᠢᠷᠯᠠᠨᠠ᠃ 《ᠡᠳᠡᠭᠡᠷ ᠬᠠᠨᠡ ᠵᠢᠨ ᠵᠢᠷᠤᠭᠤᠨ ᠲᠠᠯᠠᠪᠠᠶ ᠨᠢ ᠠᠰᠤᠷᠤ ᠶᠡᠬᠡ᠂ ᠠᠭᠤᠯᠭᠠ ᠪᠠᠶᠠᠯᠢᠭ᠋᠂ ᠤᠷᠠ ᠮᠡᠷᠭᠡᠵᠢᠯ ᠪᠣᠯᠪᠠᠰᠤᠷᠠᠩᠭᠤᠢ᠂ ᠡᠷᠳᠡᠮ ᠴᠢᠳᠠᠪᠤᠷᠢ ᠦᠨᠳᠦᠷ ᠪᠠᠢᠵᠤ᠂ ᠣᠳᠣ᠌ ᠦᠶᠡᠳᠦ ᠬᠣᠪᠣᠷᠬᠠᠨ ᠪᠠᠢᠳᠠᠭ᠃ ᠵᠢᠷᠤᠭᠲᠤ ᠵᠦᠩᠶᠦᠸᠠᠨ ᠣᠷᠣᠨᠤ ᠬᠥᠮᠥᠨ ᠪᠠᠢᠬᠤ ᠮᠥᠷᠲᠡᠭᠡᠨ ᠬᠢᠳᠠᠨ ᠬᠥᠮᠥᠨ ᠴᠦ᠍ ᠪᠠᠢᠨᠠ᠂ ᠡᠨᠡ ᠨᠢ ᠪᠠᠰᠠ ᠴᠤ᠌ ᠦᠨᠳᠦᠰᠦᠲᠡᠨᠦ ᠠᠭᠤᠰᠤᠯᠴᠠᠯᠤᠨ ᠢᠯᠡᠷᠡᠯ ᠮᠥᠨ》 ᠭᠡᠵᠦ ᠶᠠᠩ ᠸᠧᠢ ᠳ᠋ᠦᠩ ᠬᠡᠯᠡᠪᠡ᠃
ᠴᠠᠯ ᠪᠤᠭᠤᠷᠤᠯ ᠰᠠᠬᠠᠯᠲᠠᠢ ᠡᠪᠦᠭᠡᠨ ᠵᠠᠩᠵᠤᠨ ᠬᠤᠸᠠᠩ ᠵᠦᠩ ᠭᠠᠷᠲᠠᠭᠠᠨ ᠠᠯᠳᠠᠨ ᠢᠯᠳᠦ ᠪᠠᠷᠢᠵᠤ᠂ ᠮᠥᠩᠭᠥᠨ ᠰᠠᠬᠠᠯ ᠨᠢ ᠨᠠᠮᠢᠷᠠᠨ ᠬᠡᠢᠰᠦᠭᠰᠡᠭᠡᠷ ᠮᠣᠷᠢᠨᠳᠠᠭᠠᠨ ᠮᠣᠷᠳᠠᠵᠤ᠂ ᠡᠷᠳᠡᠨᠢᠶᠢᠨ ᠢᠯᠳᠦ ᠪᠡᠷ ᠰᠠᠯᠬᠢ ᠨᠡᠪᠲᠡᠷᠡᠬᠦ ᠦᠭᠡᠢ ᠪᠣᠯᠲᠠᠯᠠ ᠪᠥᠵᠢᠭᠯᠡᠪᠡ ᠁ ᠡᠨᠡ ᠬᠦ᠌ ᠬᠦᠷᠢᠶᠡ ᠬᠣᠰᠢᠭᠤᠨᠤ ᠭᠤᠷᠪᠠᠨ ᠶᠡᠬᠡ ᠰᠦᠮᠡᠶᠢᠨ ᠥᠩᠭᠡᠲᠦ ᠬᠠᠨᠠᠶᠢᠨ ᠵᠢᠷᠤᠭ ᠳᠡᠭᠡᠷᠡᠬᠢ 《ᠳ᠋ᠢᠩ ᠵᠢᠶᠦ᠋ᠨ ᠱᠠᠨ ᠠᠭᠤᠯᠠ》 ᠵᠢᠨ ᠦᠵᠡᠮᠵᠢ ᠨᠢ 《ᠮᠠ ᠰᠦ᠍ ᠵᠢ ᠴᠠᠪᠴᠢᠭ᠍ᠰᠠᠨ ᠨᠢ》᠂ 《ᠭᠤᠷᠪᠠᠨ ᠪᠣᠭᠣᠮᠲᠠᠶᠢ ᠳᠠᠪᠠᠭᠰᠠᠨ ᠨᠢ》 ᠵᠡᠷᠭᠡ ᠵᠦᠩᠶᠦᠸᠠᠨ ᠣᠷᠣᠨᠤ ᠰᠢ ᠵᠦᠴᠦᠭᠡᠶᠢᠨ ᠦᠯᠢᠭᠡᠷᠲᠠᠢ ᠬᠠᠮᠲᠤ ᠪᠠᠷ ᠣᠨ ᠰᠠᠷᠠᠶᠢᠨ ᠬᠤᠪᠢᠷᠠᠯᠲᠠᠶᠢ ᠥᠩᠭᠡᠷᠡᠭᠡᠭᠡᠳ ᠮᠥᠨ ᠬᠦ᠌ ᠪᠦᠷᠢᠨ ᠪᠦᠲᠦᠨ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ᠃ ᠡᠳᠡᠭᠡᠷ ᠭᠣᠢᠳᠠ ᠰᠠᠢᠬᠠᠨ ᠬᠠᠨᠠᠶᠢᠨ ᠵᠢᠷᠤᠭ ᠨᠢ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤᠨ ᠲᠡᠦᠬᠡᠶᠢ ᠭᠦᠢᠴᠡᠳ ᠭᠡᠷᠡᠴᠢᠯᠡᠵᠡᠢ᠃
ᠲᠦᠩᠯᠢᠶᠣᠣ ᠬᠤᠲᠠᠶᠢᠨ ᠮᠦᠽᠧᠢᠶᠢᠨ ᠭᠤᠤᠯ ᠡᠷᠳᠡᠨᠢᠶᠢᠨ ᠨᠢᠭᠡ ᠪᠣᠯᠬᠤ ᠶᠤᠸᠠᠨ ᠤᠯᠤᠰᠤᠨ ᠬᠥᠬᠡ ᠬᠤᠸᠠᠷᠲᠦ ᠬᠠᠰ ᠳᠡᠪᠦᠷᠡ ᠨᠢ ᠬᠦᠷᠢᠶᠡ ᠬᠣᠰᠢᠭᠤᠨᠡᠴᠡ ᠣᠯᠳᠠᠵᠠᠢ᠃ ᠲᠦᠩᠯᠢᠶᠣᠣ ᠬᠤᠳᠠᠶᠢᠨ ᠰᠣᠶᠣᠯ ᠦᠵᠡᠰᠬᠦᠯᠡᠩᠦᠨ ᠬᠦᠷᠢᠶᠡᠯᠡᠩᠦᠨ ᠳᠡᠳ᠋ ᠰᠤᠳᠤᠯᠤᠭᠠᠴᠢ ᠮᠦᠽᠸᠢ ᠵᠢᠨ ᠬᠠᠮᠢᠶᠠᠷᠤᠭᠴᠢ ᠢᠦᠢ ᠭᠤᠸᠠᠩ ᠬᠤᠢᠶᠢᠨ ᠦᠵᠡᠬᠦᠪᠡᠷ᠂ ᠶᠤᠸᠠᠨ ᠤᠯᠤᠰᠤᠨ ᠬᠥᠬᠡ ᠬᠤᠸᠠᠷᠲᠦ ᠬᠠᠰ ᠳᠡᠪᠦᠷᠡ ᠨᠢ ᠵᠢᠶᠠᠩᠨᠠᠨᠤ ᠵᠢᠩ ᠳ᠋ᠸ ᠵᠧᠨᠳᠤ ᠰᠢᠲᠠᠭᠠᠨ ᠦᠢᠯᠡᠳᠦᠭᠰᠡᠨ ᠰᠣᠳᠣᠨ ᠪᠦᠲᠦᠭᠡᠯ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠬᠠᠷᠢᠨ ᠮᠢᠩᠭᠠᠨ ᠭᠠᠵᠠᠷᠤᠨ ᠠᠯᠤᠰᠲᠤ ᠪᠠᠢᠭᠠ ᠤᠮᠠᠷᠠᠲᠤᠶᠢᠨ ᠪᠠᠷᠠᠭᠤᠨ ᠯᠢᠶᠣᠤᠾᠧ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠡᠴᠡ ᠣᠯᠳᠠᠵᠠᠢ᠂ ᠲᠡᠭᠦᠨᠦ ᠠᠮᠵᠢᠯᠲᠠ ᠵᠢᠨ ᠵᠠᠮ ᠮᠥᠷ ᠨᠢ ᠲᠤᠬᠠᠢᠶᠢᠨ ᠦᠶᠡᠶᠢᠨ ᠡᠮᠦᠨᠡᠲᠦ ᠤᠮᠠᠷᠠᠲᠤᠶᠢᠨ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠬᠣᠭᠣᠷᠣᠨᠳᠣᠬᠢ ᠠᠵᠤ ᠠᠬᠤᠢ ᠪᠣᠯᠣᠨ ᠰᠣᠶᠣᠯᠤᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤᠨ ᠬᠦᠴᠦᠲᠡᠢ ᠭᠡᠷᠡᠴᠢ ᠪᠣᠯᠣᠨᠠ ᠭᠡᠵᠡᠢ᠃
ᠬᠦᠷᠢᠶᠡ ᠬᠣᠰᠢᠭᠤᠪᠠᠷ ᠠᠶᠠᠯᠠᠬᠤᠳᠤ᠂ ᠶᠠᠭ ᠯᠠ ᠴᠠᠭ ᠦᠶᠡᠶᠢᠨ ᠭᠦᠨᠳᠦ ᠠᠯᠬᠤᠨ ᠣᠷᠣᠭᠰᠠᠨ ᠮᠡᠲᠦ᠄ ᠢᠯᠪᠢᠬᠦ ᠰᠠᠯᠬᠢ ᠨᠢ ᠴᠥᠮ ᠰᠣᠶᠣᠯᠤᠨ ᠤᠯᠠ ᠮᠥᠷᠢ ᠲᠠᠮᠠᠭᠠᠯᠠᠵᠤ᠂ ᠭᠠᠵᠠᠷ ᠰᠢᠷᠣᠢ ᠨᠢ ᠴᠥᠮ ᠲᠡᠦᠬᠡ ᠵᠢ ᠴᠤᠤᠷᠢᠶᠠᠳᠤᠨᠠ᠃ ᠵᠠᠭᠤ ᠮᠢᠩᠭᠠᠨ ᠵᠢᠯᠦᠨ ᠲᠤᠷᠰᠢ᠂ ᠣᠯᠠᠨ ᠡᠰᠢᠲᠦ ᠰᠣᠶᠣᠯ ᠡᠨᠳᠡ ᠰᠣᠯᠪᠢᠴᠠᠨ᠂ ᠮᠥᠷᠭᠥᠯᠳᠦᠵᠦ᠂ ᠤᠮᠳᠠᠯᠠᠵᠤ᠂ ᠡᠴᠦᠰᠲᠡᠬᠡᠨ ᠬᠠᠷᠢᠯᠴᠠᠨ ᠵᠣᠬᠢᠴᠠᠯᠳᠤᠨ ᠬᠠᠮᠲᠤ ᠣᠷᠣᠰᠢᠵᠤ᠂ ᠶᠠᠪᠤᠬᠤ ᠲᠤᠲᠤᠮ ᠰᠢᠨᠡᠳᠴᠦ ᠢᠷᠡᠭᠰᠡᠨ ᠶᠤᠮ᠃
ᠠᠨᠳᠠᠢ ᠪᠦᠵᠢᠭ ᠡᠷᠲᠡᠨᠡᠳᠦᠭᠡᠵᠢᠨ ᠦᠯᠢᠭᠡᠷ ᠬᠦᠦᠷᠨᠢᠨᠡ
ᠬᠦᠷᠢᠶᠡ ᠬᠣᠰᠢᠭᠤᠨᠤ ᠲᠡᠦᠬᠡ ᠪᠣᠯ ᠨᠤᠲᠤᠭᠤᠨ ᠬᠥᠮᠥᠰᠦᠨ ᠰᠡᠳᠬᠢᠯᠳᠡᠬᠢ ᠨᠤᠲᠤᠭᠤᠨ ᠬᠠᠢᠷᠠ ᠰᠡᠳᠬᠢᠯᠭᠡ᠂ ᠮᠥᠨ ᠴᠦ᠍ ᠭᠠᠳᠠᠷ ᠤᠷᠤᠨᠤ ᠬᠥᠮᠥᠰᠦᠨ ᠬᠠᠷᠠᠭᠠ ᠵᠢ ᠬᠤᠵᠢᠷᠯᠠᠬᠤ ᠦᠵᠡᠮᠵᠢ ᠮᠦᠨ᠃ ᠡᠳᠦᠭᠡ ᠲᠡᠦᠬᠡᠶᠢᠨ ᠤᠨᠢᠶᠠᠷ ᠰᠠᠷᠨᠢᠵᠤ᠂ ᠡᠨᠳᠡ ᠬᠠᠭᠤᠴᠢᠨᠤ ᠬᠡᠪ ᠨᠠᠮᠪᠠᠪᠠᠨ ᠬᠠᠳᠠᠭᠠᠯᠠᠵᠤ ᠦᠯᠡᠳᠡᠭᠰᠡᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠵᠠᠯᠠᠭᠤ ᠨᠠᠰᠤᠨᠤ ᠠᠮᠢᠵᠢᠷᠠᠯᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠬᠥᠮᠥᠰᠦᠨ ᠡᠷᠬᠡ ᠴᠢᠯᠦᠭᠡ ᠠᠨᠳᠠᠢ ᠪᠦᠵᠢᠭ ᠲᠦ᠍ ᠠᠭᠤᠰᠤᠨ ᠰᠢᠨᠭᠭᠡᠵᠡᠢ᠃ ᠬᠦᠴᠦᠲᠦ ᠳᠡᠪᠡᠷᠡᠭᠦᠨ ᠠᠯᠬᠤᠯᠳᠠ ᠨᠢ ᠲᠦᠮᠡᠨ ᠠᠭᠲᠠᠶᠢᠨ ᠲᠦᠪᠡᠷᠭᠡᠨ ᠮᠡᠲᠦ᠂ ᠳᠣᠯᠭᠢᠶᠠᠯᠠᠨ ᠳᠠᠪᠠᠯᠭᠠᠯᠠᠬᠤ ᠵᠢᠨ ᠳᠤᠮᠳᠠ ᠥᠩᠭᠡ ᠵᠢᠨ ᠲᠣᠷᠭᠠ ᠳᠤᠷᠳᠤᠩ ᠳᠡᠷᠪᠡᠯᠵᠡᠨ ᠮᠢᠷᠠᠯᠵᠠᠨᠠ ᠁ ᠬᠦᠷᠢᠶᠡ ᠬᠣᠰᠢᠭᠤᠨᠤ ᠨᠠᠰᠤᠲᠠᠢᠴᠤᠳᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠨᠡᠢᠭᠡᠮᠯᠢᠭᠦᠨ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠰᠣᠶᠣᠯ ᠤᠷᠠᠯᠢᠭ᠋ᠤᠨ ᠲᠥᠪᠦᠨ ᠪᠣᠯᠪᠠᠰᠤᠷᠠᠯᠤᠨ ᠲᠢᠩᠬᠢᠮᠳᠦ᠂ ᠪᠦᠵᠢᠭᠴᠢᠳᠤᠨ ᠠᠯᠬᠤᠭᠠ ᠬᠦᠳᠡᠯᠤᠯ ᠢᠳᠡᠷᠡᠭᠦᠨ ᠴᠤᠪᠤᠭᠤᠯᠢᠭ ᠪᠠᠢᠵᠤ᠂ ᠪᠦᠬᠦ ᠤᠯᠤᠰᠤᠨ ᠨᠠᠰᠤᠲᠠᠢᠴᠤᠳᠤᠨ ᠲᠠᠯᠠᠪᠠᠢᠶᠢᠨ ᠪᠥᠵᠢᠭᠦᠨ ᠰᠣᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠᠳᠤ ᠤᠷᠤᠯᠴᠠᠬᠤ ᠪᠡᠷ ᠪᠡᠯᠡᠳᠬᠡᠨᠡ᠃
《ᠠᠨᠳᠠᠢ ᠪᠥᠵᠢᠭ ᠨᠢ ᠨᠢᠭᠡ ᠵᠦᠢᠯᠦᠨ ᠬᠠᠯᠠᠭᠤᠮᠰᠤᠭ᠂ ᠢᠳᠡᠪᠬᠢᠲᠡᠢ᠂ ᠪᠡᠶᠡᠳᠡᠭᠡᠨ ᠢᠲᠡᠭᠡᠯᠲᠠᠢ ᠠᠮᠢᠳᠤᠷᠠᠯᠤᠨ ᠣᠪᠣᠷᠢ ᠢᠯᠡᠷᠡᠭᠦᠯᠳᠡᠭ》᠃ ᠠᠨᠳᠠᠢ ᠪᠥᠵᠢᠭᠦᠨ ᠲᠤᠬᠠᠢ ᠶᠠᠷᠢᠬᠤᠳᠤ ᠤᠷᠠᠯᠢᠭ᠋ᠤᠨ ᠲᠥᠪᠦᠨ ᠡᠷᠬᠢᠯᠡᠭᠴᠢ ᠪᠥᠭᠡᠳ ᠪᠦᠯᠬᠦᠮᠦᠨ ᠳᠠᠷᠤᠭᠠ ᠱᠤᠸᠠᠩ ᠪᠠᠶᠠᠷᠤᠨ ᠴᠢᠷᠠᠢᠳᠦ ᠪᠠᠶᠠᠷ ᠪᠢᠯᠬᠠᠨᠠ᠃ ᠬᠦᠷᠢᠶᠡ ᠬᠣᠰᠢᠭᠤ ᠤᠤᠯᠡᠴᠡᠪᠠᠨ《ᠳᠤᠮᠳᠠᠳᠤ ᠤᠯᠤᠰᠤᠨ ᠠᠨᠳᠠᠢ ᠤᠷᠠᠯᠢᠭ᠋ᠤᠨ ᠨᠤᠲᠤᠭ》 ᠭᠡᠬᠦ ᠰᠠᠢᠬᠠᠨ ᠠᠯᠳᠠᠷᠲᠠᠢ ᠪᠠᠢᠵᠦ᠂ ᠡᠨᠳᠡᠬᠢ ᠬᠥᠮᠥᠰ 《ᠠᠨᠵᠢᠰᠤ ᠪᠠᠷᠢᠪᠠᠯ ᠲᠠᠷᠢᠶᠠᠴᠢᠨ᠂ ᠠᠯᠴᠢᠭᠤᠷ ᠪᠠᠷᠢᠪᠠᠯ ᠪᠦᠵᠢᠭᠴᠢᠨ》 ᠪᠤᠯᠳᠠᠭ᠃ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠶᠤ ᠪᠠᠶᠠᠷ ᠳᠤᠷᠠᠰᠬᠠᠯᠤᠨ ᠡᠳᠦᠷ᠂ ᠡᠯᠪᠡᠭ ᠬᠤᠷᠢᠶᠠᠯᠲᠠᠶᠢ ᠪᠡᠯᠭᠡᠯᠡᠬᠦ᠂ ᠬᠤᠷᠢᠮ ᠨᠠᠢᠷᠬᠢᠬᠦ ᠁ ᠬᠥᠮᠥᠰ ᠴᠥᠮ ᠠᠨᠳᠠᠢ ᠪᠥᠵᠢᠭ ᠪᠥᠵᠢᠭᠯᠡᠨᠡ᠃ ᠦᠬᠢᠳ ᠪᠡᠷᠢᠶᠡᠳ ᠠᠯᠴᠢᠭᠤᠷᠢᠶᠠᠨ ᠡᠷᠭᠢᠭᠦᠯᠦᠨ ᠪᠥᠵᠢᠭᠯᠡᠵᠤ᠂ ᠵᠠᠯᠠᠭᠤᠰ ᠭᠤᠲᠤᠯᠢᠶᠠᠨ ᠲᠠᠢ᠍ᠢᠯᠵᠤ ᠬᠥᠯ ᠨᠢᠴᠦᠭᠦᠨ ᠪᠥᠵᠢᠭᠯᠡᠨ᠂ ᠬᠡᠦᠬᠡᠳᠦᠳ ᠬᠠᠴᠢᠨ ᠲᠦᠷᠢ ᠦᠵᠡᠭᠦᠯᠦᠨ ᠪᠥᠵᠢᠭᠯᠡᠵᠤ᠂ ᠭᠠᠯ ᠤᠯᠠᠭᠠᠨ ᠲᠣᠷᠭᠠᠨ ᠠᠯᠴᠢᠭᠤᠷ ᠪᠠ ᠬᠦᠷ ᠬᠥᠭᠵᠢᠭᠡᠨᠲᠠᠢ ᠪᠦᠵᠢᠭᠤᠨ ᠬᠦᠳᠡᠯᠦᠯ ᠨᠢ ᠬᠥᠮᠥᠰᠦᠨ ᠰᠡᠳᠬᠢᠯ ᠵᠢᠷᠦᠬᠡᠨᠦ ᠵᠣᠯ ᠵᠢᠷᠭᠠᠯᠢ ᠢᠯᠡᠷᠡᠭᠦᠯᠦᠨᠡ᠃
ᠱᠤᠸᠠᠩ ᠪᠠᠶᠠᠷ ᠠᠵᠢᠯᠡᠴᠡᠪᠠᠨ ᠠᠮᠠᠷᠠᠭᠰᠠᠨᠤ ᠳᠠᠷᠠᠭᠠ ᠠᠨᠳᠠᠢ ᠪᠥᠵᠢᠭᠲᠦ ᠪᠠᠬᠠᠲᠠᠢ ᠬᠥᠮᠥᠰᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠰᠣᠶᠣᠯᠤᠨ ᠦᠨᠡᠲᠦ ᠦᠪᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠪᠣᠳᠣᠯ ᠲᠥᠷᠥᠭᠳᠡᠵᠡᠢ᠃ 2009 ᠣᠨᠳᠤ ᠲᠡᠭᠦᠨᠦ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ《ᠡᠭᠡᠯ ᠲᠦᠮᠡᠨ》ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮ ᠵᠢᠩᠬᠢᠨᠢᠪᠡᠷ ᠪᠠᠢᠭᠤᠯᠤᠭᠳᠠᠪᠠ᠃ ᠲᠡᠷᠡᠪᠡᠷ ᠪᠦᠯᠬᠦᠮᠤᠨ ᠭᠡᠰᠢᠭᠦᠳᠢᠶᠡᠨ ᠳᠠᠭᠠᠭᠤᠯᠤᠨ ᠤᠯᠠᠮᠵᠢᠯᠠᠯᠲᠤ ᠠᠨᠳᠠᠢ ᠪᠥᠵᠢᠭᠢ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠵᠦ᠂ ᠡᠷᠡᠭᠦᠯ ᠰᠠᠷᠠᠭᠤᠯ ᠣᠶᠤᠨ ᠰᠠᠨᠠᠭᠠᠨᠤ ᠬᠥᠭᠡᠭᠡᠴᠡᠯᠳᠦᠯ ᠪᠠ ᠭᠤᠤᠠ ᠰᠠᠢᠬᠠᠨᠤ ᠬᠦᠷᠲᠡᠭᠡᠯᠢ ᠥᠷᠭᠡᠨ ᠣᠯᠠᠨ ᠦᠵᠡᠭᠴᠢᠳᠲᠦ ᠠᠪᠴᠢᠷᠠᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠠᠨᠳᠠᠢ ᠪᠥᠵᠢᠭᠢ ᠴᠦ᠍ ᠴᠣ᠌ ᠰᠢᠨᠡ ᠳᠦᠷᠰᠦ ᠪᠠᠢᠳᠠᠯᠢᠶᠠᠷ ᠪᠥᠬᠥ ᠤᠯᠤᠰ ᠴᠢᠨᠠᠭᠰᠢᠯᠠᠪᠠᠯ ᠳᠡᠯᠡᠬᠡᠢᠶᠢᠨ ᠲᠠᠪᠴᠠᠩᠳᠤ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃ 2012 ᠣᠨᠤ 6 ᠰᠠᠷᠠᠳᠤ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮ ᠤᠷᠢᠯᠭᠠᠪᠠᠷ ᠺᠣᠷᠢᠶᠠᠳᠤ ᠡᠷᠬᠢᠯᠡᠭᠰᠡᠨ《ᠲᠠᠩᠰᠤᠭ ᠰᠠᠢᠬᠠᠨ ᠨᠠᠮᠤᠷᠤᠨ ᠠᠶᠠᠰ ︱ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ ᠤᠯᠤᠰᠤᠨ ᠢᠳᠡᠷ ᠥᠲᠡᠯᠦᠭᠡ ᠨᠠᠰᠤᠨᠤ ᠤᠷᠡ ᠴᠢᠳᠠᠪᠤᠷᠢᠶᠢᠨ ᠦᠵᠡᠭᠦᠯᠭᠡᠶᠢᠨ ᠲᠣᠭᠯᠠᠯᠲᠠ》 ᠳ᠋ᠤ᠌ ᠣᠷᠣᠯᠴᠠᠵᠤ᠂ ᠲᠥᠯᠥᠭᠡᠯᠡᠬᠦ ᠪᠦᠲᠦᠭᠡᠯ《ᠤᠷᠭᠢᠯᠤᠮᠠ ᠬᠠᠯᠠᠭᠤᠨ ᠠᠨᠳᠠᠢ》 ᠨᠢ ᠣᠨᠴᠠ ᠳᠡᠰᠤᠨ ᠱᠠᠩᠨᠠᠯ᠂ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠱᠠᠩᠨᠠᠯ ᠵᠢᠴᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠱᠠᠩᠨᠠᠯ ᠬᠦᠷᠲᠡᠵᠡᠢ᠃
2018 ᠣᠨᠳᠤ᠂ ᠡᠨᠡ ᠬᠦ᠌ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠢ ᠬᠦᠷᠢᠶᠡ ᠬᠣᠰᠢᠭᠤᠨᠤ ᠨᠠᠰᠤᠲᠠᠢᠴᠤᠳᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠨᠡᠢᠭᠡᠮᠯᠢᠭᠲᠦ ᠬᠠᠷᠢᠶᠠᠯᠠᠭᠤᠯᠵᠤ᠂ 60 ᠰᠢᠬᠠᠮ ᠬᠥᠮᠥᠨᠲᠠᠢ ᠪᠣᠯᠵᠠᠢ᠃ ᠱᠤᠸᠠᠩ ᠪᠠᠶᠠᠷ᠂ ᠪᠦᠯᠬᠦᠮᠤᠨ ᠭᠡᠰᠢᠭᠦᠳ ᠠᠨᠳᠠᠢ ᠪᠥᠵᠢᠭᠲᠦ ᠴᠥᠮ ᠤᠷᠠᠯᠢᠭ᠋ᠤᠨ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠬᠢᠯᠭᠡᠲᠠᠢ᠃ ᠲᠡᠳᠡ ᠡᠩᠦᠨ ᠴᠠᠭᠲᠠᠭᠠᠨ ᠥᠪᠡᠷ ᠥᠪᠡᠷᠦᠨ ᠠᠵᠢᠯᠲᠠᠢ᠂ ᠭᠡᠪᠡᠴᠦ ᠲᠣᠭᠯᠠᠯᠲᠠ ᠪᠠᠢᠳᠠᠭ ᠯᠠ ᠶᠤᠮ ᠪᠣᠯ ᠪᠦᠭᠦᠳᠡᠭᠡᠷᠢᠶᠡᠨ ᠭᠠᠷᠲᠠᠬᠢ ᠠᠵᠢᠯᠢᠶᠠᠨ ᠤᠷᠬᠢᠵᠤ᠂ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠣᠷᠢᠭ᠋ᠢᠶᠠᠷᠢᠶᠠᠨ ᠲᠣᠭᠯᠠᠯᠲᠠᠶᠢᠨ ᠪᠣᠯᠪᠠᠰᠤᠷᠠᠯᠳᠤ ᠣᠷᠣᠯᠴᠠᠳᠠᠭ ᠭᠡᠪᠡ᠃
ᠥᠨᠥᠳᠥᠷᠦᠨ ᠠᠨᠳᠠᠢ ᠪᠥᠵᠢᠭ ᠨᠢ ᠤᠮᠠᠷᠠᠲᠤ ᠬᠢᠯᠢᠶᠢᠨ ᠰᠣᠶᠣᠯᠤᠨ ᠳᠦᠷᠰᠦ ᠪᠠᠢᠳᠠᠯ ᠪᠠ ᠡᠷᠡᠭᠦᠯ ᠰᠠᠢᠬᠠᠨ ᠤᠷᠠᠯᠢᠭ᠋ᠤᠨ ᠣᠨᠴᠠᠯᠢᠭ᠋ᠲᠠᠢ ᠪᠠᠢᠵᠤ᠂ ᠠᠷᠠᠳ ᠲᠦᠮᠡᠨᠦ ᠪᠡᠶᠡ ᠴᠢᠭᠢᠷᠠᠭᠵᠢᠭᠤᠯᠤᠯᠲᠠ ᠪᠠ ᠵᠤᠭᠠ ᠴᠡᠩᠭᠡᠯᠦᠨ ᠬᠠᠮᠤᠭᠤᠨ ᠰᠠᠢᠨ ᠬᠡᠯᠪᠡᠷᠢ ᠪᠣᠯᠣᠨ ᠬᠤᠪᠢᠷᠠᠵᠤ᠂ ᠵᠥᠪᠬᠡᠨ ᠬᠦᠷᠢᠶᠡ ᠬᠣᠰᠢᠭᠤᠨᠳᠤ 200 ᠭᠠᠷᠤᠢ ᠠᠨᠳᠠᠢ ᠪᠥᠵᠢᠭᠦᠨ ᠡᠩᠨᠡᠭᠡᠲᠠᠢ ᠪᠣᠯᠵᠠᠢ᠃ ᠠᠨᠳᠠᠢ ᠪᠥᠵᠢᠭ ᠨᠢ ᠨᠢᠭᠡᠨᠲᠡ ᠪᠥᠵᠢᠭᠦᠨ ᠤᠷᠠᠯᠢᠭ᠋ᠤᠨ ᠣᠷᠳᠣᠨᠤ ᠨᠢᠭᠡᠨ ᠬᠡᠷᠡᠯᠳᠦ ᠰᠤᠪᠤᠳ ᠪᠣᠯᠵᠤ ᠭᠢᠯᠠᠯᠵᠠᠨᠠ᠃ ᠱᠤᠸᠠᠩ ᠪᠠᠶᠠᠷᠤᠨ ᠦᠵᠡᠬᠦᠪᠡᠷ᠂ ᠠᠨᠳᠠᠢ ᠪᠥᠵᠢᠭ ᠨᠢ ᠤᠮᠠᠷᠠᠲᠤ ᠬᠢᠯᠢᠶᠢᠨ ᠰᠣᠶᠣᠯᠤᠨ ᠲᠦᠷᠦᠯ ᠲᠡᠮᠳᠡᠭᠳᠦ ᠵᠢ ᠪᠣᠶ ᠪᠣᠯᠭᠠᠬᠤ᠂ ᠠᠷᠠᠳᠤᠨ ᠳᠠᠭᠤᠤ ᠪᠥᠵᠢᠭᠦᠨ ᠤᠷᠠᠯᠢᠭ᠋ᠢ ᠪᠠᠳᠠᠷᠠᠭᠤᠯᠬᠤᠳᠤ ᠴᠢᠬᠤᠯᠠ ᠦᠢᠯᠡᠳᠦᠯᠲᠠᠢ᠂ ᠠᠨᠳᠠᠢ ᠪᠥᠵᠢᠭᠢ ᠰᠠᠢᠲᠤᠷ ᠬᠠᠮᠠᠭᠠᠯᠠᠨ ᠤᠯᠠᠮᠵᠢᠯᠠᠬᠤᠳᠤ ᠴᠢᠬᠤᠯᠠ ᠴᠠᠭ ᠦᠶᠡᠶᠢᠨ ᠦᠨᠡ ᠥᠷᠲᠡᠭᠲᠠᠢ᠃
ᠬᠦᠷᠢᠶᠡ ᠬᠣᠰᠢᠭᠤᠨᠤ ᠮᠦᠽᠧᠢ᠂ ᠬᠦᠷᠢᠶᠡ ᠰᠠᠭᠠᠭ᠂ ᠮᠣᠩᠭᠣᠯ ᠡᠮ᠂ ᠪᠢᠯᠠᠭᠤ ᠴᠤᠬᠢᠬᠤ ᠵᠡᠷᠭᠡ ᠭᠠᠵᠠᠷᠢᠶᠠᠷ ᠵᠢᠭᠤᠯᠴᠢᠯᠠᠨ ᠲᠣᠭᠣᠷᠢᠪᠠᠯ᠂ ᠰᠣᠶᠣᠯᠤᠨ ᠤᠯᠠᠮᠵᠢᠯᠠᠯᠢ ᠲᠣᠳᠣᠷᠬᠠᠢ ᠣᠯᠵᠤ ᠮᠡᠳᠡᠨᠡ᠃ ᠠᠨᠳᠠᠢ ᠪᠥᠵᠢᠭᠦᠨ ᠬᠠᠪᠰᠤᠷᠤᠨ ᠬᠥᠭᠵᠢᠮᠳᠡᠬᠦ ᠬᠥᠭᠵᠢᠮᠳᠡᠭᠦᠷ ᠮᠣᠷᠢᠨ ᠬᠤᠭᠤᠷ᠂ ᠳᠥᠷᠪᠡᠨ ᠤᠲᠠᠰᠤᠲᠤ ᠬᠤᠭᠤᠷ᠂ ᠴᠦ᠍ᠭᠤᠷ ᠨᠢ ᠥᠪᠡᠷᠮᠢᠴᠡ ᠬᠦᠭ ᠠᠢᠵᠠᠮᠢᠶᠡᠷᠢᠶᠡᠨ ᠬᠠᠷᠢᠯᠴᠠᠨ ᠰᠣᠯᠪᠢᠴᠠᠵᠤ᠂ ᠡᠶᠡ ᠵᠣᠬᠢᠴᠠᠯᠲᠠᠢᠪᠠᠷ ᠬᠠᠮᠲᠤ ᠣᠷᠣᠰᠢᠬᠰᠠᠨ᠂ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠵᠤ ᠬᠠᠷᠢᠯᠴᠠᠨ ᠲᠤᠯᠢ ᠪᠤᠯᠭᠠᠭᠰᠠᠨ ᠢᠷᠠᠭᠤ ᠬᠥᠭᠵᠢᠮᠢ ᠬᠥᠭᠵᠢᠮᠳᠡᠪᠡ᠃
ᠥᠨᠢ ᠤᠳᠠᠭᠠᠨ ᠲᠡᠦᠬᠡ᠂ ᠡᠴᠢᠨᠠ ᠬᠤᠪᠢᠷᠠᠯᠲᠠ ᠲᠡᠢ ᠭᠠᠵᠠᠷ ᠵᠦᠢ᠂ ᠦᠨᠡᠨᠴᠢ ᠴᠠᠭᠠᠪᠤᠷ ᠡᠯᠡ ᠦᠨᠳᠦᠰᠦᠲᠡᠨᠦ ᠬᠥᠪᠡᠭᠦᠳ ᠥᠬᠢᠳ ᠬᠦᠷᠢᠶᠡ ᠬᠣᠰᠢᠭᠤᠨᠤ ᠤᠯᠠᠨ ᠡᠰᠢᠲᠦ ᠠᠭᠤᠰᠤᠯᠴᠠᠭᠰᠠᠨ ᠤᠮᠠᠷᠠᠲᠤ ᠬᠢᠯᠢᠶᠢᠨ ᠰᠣᠶᠣᠯᠢ ᠪᠣᠢᠵᠢᠭᠤᠯᠵᠠᠢ᠃ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠦᠯᠢᠬᠡᠷ ᠮᠥᠨ ᠦᠷᠭᠦᠯᠵᠢᠯᠡᠵᠦ᠂ ᠠᠮᠢᠳᠤᠷᠠᠯᠤᠨ ᠦᠯᠢᠬᠡᠷ ᠰᠢᠨᠡ ᠬᠠᠭᠤᠳᠠᠰᠤᠨᠠ ᠪᠢᠴᠢᠭᠯᠡᠭᠳᠡᠨᠡᠮ᠃