6 ᠰᠠᠷᠠᠶᠢᠨ 29 ᠤ᠋ ᠡᠳᠦᠷ᠂ ᠤᠯᠤᠰᠤᠨ ᠡᠨᠧᠷᠬᠢ ᠵᠢᠨ ᠱᠧᠨ ᠳ᠋ᠦᠩ ᠨᠡᠭᠦᠷᠡᠰᠦᠨᠦ ᠪᠦᠯᠦᠭᠯᠡᠯᠦᠨ ᠤᠯᠠᠭᠠᠨᠮᠥ᠋ᠷᠡᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠶᠢᠨ ᠬᠤᠳᠳᠤᠭᠤᠨ ᠵᠠᠭᠤᠨ ᠮᠧᠲᠷᠦᠨ ᠭᠦᠨᠳᠦ᠂ ᠠᠪᠤᠷᠭᠤ ᠲᠣᠮᠣ᠌ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠮᠠᠰᠢᠨ ᠠᠭᠠᠵᠢᠮᠢᠶᠠᠷ ᠤᠷᠤᠭᠰᠢᠯᠠᠵᠤ᠂ ᠥᠩᠬᠥᠷᠢᠭᠦᠯ ᠲᠦᠩᠰᠡᠶᠢᠨ ᠡᠷᠬᠢᠯᠳᠡ ᠵᠢ ᠲᠠᠭᠠᠯᠳᠤᠨ ᠬᠡᠰᠡᠭ ᠬᠡᠰᠡᠭ ᠨᠡᠭᠦᠷᠡᠰᠦ ᠬᠠᠲᠠᠭᠤ ᠪᠡᠬᠢ ᠨᠡᠭᠦᠷᠡᠰᠦᠨ ᠳᠠᠪᠬᠤᠷᠭᠠᠠᠴᠠ ᠬᠣᠪᠬᠣᠷᠠᠨ ᠤᠨᠠᠵᠤ᠂ ᠤᠨᠠᠭᠰᠠᠨ ᠨᠡᠬᠦᠷᠡᠰᠦ ᠵᠢ ᠳᠠᠮᠵᠢᠭᠤᠯᠬᠤ ᠮᠠᠰᠢᠨ ᠵᠢᠡᠷ ᠭᠠᠵᠠᠷ ᠳᠡᠬᠡᠷᠡ ᠵᠦᠬᠡᠬᠡᠪᠦᠷᠢᠯᠡᠵᠦ ᠭᠠᠷᠭᠠᠵᠤ ᠪᠠᠢᠯᠠ ᠁ ᠤᠯᠠᠭᠠᠨᠮᠥ᠋ᠷᠡᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠶᠢᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠮᠡᠷᠭᠡᠵᠢᠯᠲᠡᠨ᠂ ᠶᠡᠷᠦᠩᠬᠡᠢᠯᠡᠭᠰᠡᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠮᠠᠰᠢᠨᠤ ᠵᠢᠯᠣᠭᠣᠴᠢ ᠳ᠋ᠢᠩ ᠮᠢᠩ ᠯᠧᠢ ᠭᠠᠷᠲᠠᠭᠠᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠮᠠᠰᠢᠨᠤ ᠠᠯᠤᠰ ᠡᠵᠡᠮᠰᠢᠭᠦᠷᠢ ᠪᠠᠷᠢᠵᠤ᠂ ᠨᠢᠭᠡ ᠡᠳᠦᠷᠦᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠦᠯᠡ᠃
《ᠨᠢᠭᠡ ᠬᠢᠳᠤᠭᠠ ᠪᠠᠭᠤᠪᠠᠯ 700 ᠠ᠋ᠴᠠ 800 ᠲᠣᠨ ᠣᠭᠲᠣᠯᠵᠤ᠂ ᠡᠳᠦᠷᠲᠦ 1 ᠲᠦᠮᠡ ᠭᠠᠷᠤᠢ ᠲᠣᠨ ᠨᠡᠭᠦᠷᠡᠰᠦ ᠮᠠᠯᠲᠠᠵᠤ ᠪᠠᠢᠨᠠ》 ᠭᠡᠵᠦ ᠳ᠋ᠢᠩ ᠮᠢᠩ ᠯᠧᠢ ᠬᠡᠯᠡᠪᠡ᠃ 28 ᠵᠢᠯᠦᠨ ᠲᠤᠷᠰᠢ ᠲᠡᠷᠡ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠶᠢᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠦᠢᠯᠡᠳᠪᠦᠷᠢᠯᠡᠯᠦᠨ ᠡᠮᠦᠨᠡ ᠹᠷᠣᠨᠲᠲᠤ ᠴᠢᠷᠮᠠᠢᠨ ᠠᠵᠢᠯᠯᠠᠭᠰᠠᠭᠠᠷ ᠢᠷᠡᠵᠦ᠂ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠠᠷᠭᠠ ᠬᠡᠯᠪᠡᠷᠢᠶᠢᠨ ᠮᠧᠬᠠᠨᠢᠭ᠍ᠵᠢᠯᠲᠠᠠᠴᠠ ᠣᠶᠤᠨᠴᠢᠯᠠᠯᠲᠠ ᠬᠦᠷᠲᠡᠯᠡᠬᠢ ᠬᠤᠪᠢᠷᠠᠯᠳᠠ ᠵᠢ ᠨᠢᠳᠦ ᠪᠡᠷ ᠵᠢᠡᠨ ᠦᠵᠡᠵᠦ᠂ ᠥᠪᠡᠷᠦᠨ ᠠᠵᠢᠯᠳᠠᠭᠠᠨ ᠤᠯᠠᠮ ᠬᠠᠢᠷᠠᠲᠠᠢ ᠪᠤᠯᠵᠤ᠂ ᠨᠡᠭᠦᠷᠡᠰᠦ ᠵᠢ ᠥᠨᠳᠥᠷ ᠠᠰᠢᠭᠯᠠᠮᠵᠢ ᠲᠠᠢ ᠮᠠᠯᠲᠠᠬᠤ ᠠᠷᠭᠠᠶᠢ ᠨᠢᠭᠡ ᠰᠡᠳᠬᠢᠯᠢᠶᠡᠷ ᠬᠠᠢᠨ ᠰᠦᠪᠡᠭᠴᠢᠯᠡᠵᠦ᠂ ᠰᠢᠯᠭᠠᠷᠠᠭᠰᠠᠨ ᠮᠡᠷᠭᠡᠵᠢᠯᠢᠶᠡᠷ ᠵᠢᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠠᠵᠤ ᠦᠢᠯᠡᠳᠪᠦᠷᠢᠳᠤ ᠪᠠᠳᠤᠯᠠᠭᠠ ᠬᠠᠩᠭᠠᠨᠠ᠃
1998 ᠣᠨᠳᠤ᠂ 20 ᠨᠠᠰᠤᠳᠠᠢ ᠳ᠋ᠢᠩ ᠮᠢᠩ ᠯᠧᠢ ᠾᠧᠨᠠᠨ ᠮᠤᠵᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠠᠮᠤᠷ ᠲᠦᠪᠰᠢᠨᠦ ᠮᠡᠷᠭᠡᠵᠢᠯᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠠᠴᠠ ᠳᠡᠬᠦᠰᠴᠦ ᠨᠡᠭᠦᠷᠡᠰᠦᠨᠦ ᠠᠵᠢᠯ ᠲᠦᠷᠦᠯᠡᠷᠬᠢᠯᠡᠵᠡᠢ᠃ ᠲᠡᠷᠡ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠵᠢᠡᠨ ᠨᠢᠭᠡᠨ ᠨᠡᠭᠦᠷᠡᠰᠦᠨᠦ ᠠᠵᠤ ᠠᠬᠤᠢᠯᠠᠯᠳᠤ 10 ᠵᠢᠯ ᠠᠵᠢᠯᠯᠠᠭᠠᠳ᠂ 2007 ᠣᠨᠳᠤ ᠱᠧᠨ ᠳ᠋ᠦᠩ ᠨᠡᠭᠦᠷᠡᠰᠦᠨᠦ ᠪᠦᠯᠦᠭᠯᠡᠯᠦᠨ ᠱᠠᠩ ᠸᠠᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠳᠤ ᠣᠷᠣᠵᠤ᠂ 2018 ᠣᠨᠳᠤ ᠱᠧᠨ ᠳ᠋ᠦᠩ ᠨᠡᠭᠦᠷᠡᠰᠦᠨᠦ ᠪᠦᠯᠦᠭᠯᠡᠯᠦᠨ ᠤᠯᠠᠭᠠᠨᠮᠥ᠋ᠷᠡᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠳᠤ ᠠᠵᠢᠯᠯᠠᠵᠤ᠂ ᠣᠷᠳᠣᠰᠤᠨ ᠨᠡᠭᠦᠷᠡᠰᠦ ᠨᠡᠭᠡᠭᠡᠨ ᠮᠠᠯᠲᠠᠬᠤ ᠬᠦᠷᠢᠶᠡᠨᠳᠦ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᠪᠠᠳᠠᠷᠠᠭᠤᠯᠵᠠᠢ᠃
20 ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ᠂ ᠲᠡᠷᠡ ᠢᠮᠠᠭᠲᠠ ᠴᠢᠷᠮᠠᠢᠨ ᠰᠤᠷᠤᠯᠴᠠᠵᠤ᠂ ᠰᠢᠮᠳᠠᠨ ᠰᠤᠳᠤᠯᠵᠤ᠂ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠤᠨᠤᠯᠤᠨ ᠰᠠᠭᠤᠷᠢ ᠪᠠ ᠡᠯᠪᠡᠭ ᠪᠠᠶᠠᠯᠢᠭ᠋ ᠦᠢᠯᠡᠳᠦᠯᠭᠡᠶᠢᠨ ᠲᠤᠷᠰᠢᠯᠭᠠᠪᠠᠷᠢᠶᠠᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠠᠵᠤ ᠠᠬᠤᠢᠯᠠᠯᠤᠨ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠭᠣᠣᠯᠯᠠᠭ᠍ᠴᠢ ᠬᠦᠴᠦᠨ ᠪᠠ ᠮᠡᠷᠭᠡᠵᠢᠯᠦᠨ ᠳᠠᠭᠤᠷᠢᠶᠠᠯ ᠬᠦᠴᠦᠨ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠠᠵᠢᠯᠤᠨ ᠪᠦᠲᠦᠮᠵᠢ ᠲᠣᠪᠣᠢᠮᠠ ᠪᠣᠯᠬᠣᠷ᠂ 2011 ᠣᠨᠳᠤ ᠳ᠋ᠢᠩ ᠮᠢᠩ ᠯᠧᠢ ᠱᠠᠩ ᠸᠠᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠶᠢᠨ ᠶᠡᠷᠦᠩᠬᠡᠢᠯᠡᠨ ᠮᠠᠯᠲᠠᠬᠤ ᠨᠢᠭᠡᠳᠦᠭᠡᠷ ᠠᠩᠭᠢᠶᠢᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠬᠣᠶᠠᠳᠤᠭᠠᠷ ᠠᠩᠭᠢᠶᠢᠨ ᠲᠠᠰᠤᠭᠤᠨ ᠳᠠᠷᠤᠭᠠᠪᠠᠷ ᠰᠢᠭᠤᠳ ᠰᠣᠩᠭᠣᠭᠳᠠᠵᠠᠢ᠃ ᠲᠡᠭᠦᠨᠦ ᠳᠠᠭᠠᠭᠤᠯᠭᠠ ᠳᠣᠣᠷᠠ᠂ ᠡᠭᠡᠯᠵᠢ ᠳᠤᠭᠤᠢᠯᠠᠩᠤᠨ ᠪᠦᠷᠢᠯᠳᠦᠭᠦᠨ ᠨᠠᠷ ᠨᠢ 6.3 ᠮᠧᠲᠷ ᠥᠨᠳᠥᠷ᠂ 250 ᠮᠧᠲᠷ ᠣᠷᠳᠣ᠌ ᠪᠦᠬᠦᠢ ᠠᠵᠢᠯᠯᠠᠬᠤ ᠲᠠᠯᠠᠪᠤᠷᠲᠸ᠋᠂ 8 ᠴᠠᠭᠲᠤ 11.5 ᠬᠢᠲᠤᠭᠠ ᠨᠡᠬᠦᠷᠡᠰᠦ ᠣᠭᠲᠣᠯᠬᠤ᠂ 2.3 ᠲᠦᠮᠡᠨ ᠲᠣᠨ ᠨᠡᠭᠦᠷᠡᠰᠦ ᠭᠠᠷᠭᠠᠬᠤ ᠬᠠᠮᠤᠭᠤᠨ ᠰᠠᠢᠨ ᠬᠢᠷᠢ ᠪᠦᠲᠦᠮᠵᠢᠶᠢ ᠡᠭᠦᠳᠦᠭᠰᠡᠨ ᠪᠥᠭᠡᠳ 7 ᠰᠠᠷᠠ ᠳᠠᠷᠠᠭᠠᠯᠠᠨ ᠰᠠᠷᠠᠶᠢᠨ ᠭᠠᠷᠤᠯᠲᠠᠶᠢᠨ ᠳ᠋ᠦᠩᠨᠡᠯᠳᠡ ᠳ᠋ᠤ ᠨᠢᠭᠡᠳᠦᠭᠡᠷᠲᠦ ᠪᠠᠢᠷᠢᠯᠠᠵᠠᠢ᠃ ᠦᠢᠯᠡᠳᠪᠦᠷᠢᠯᠡᠬᠦ ᠪᠠ ᠪᠠᠢᠴᠠᠭᠠᠨ ᠰᠡᠯᠪᠢᠬᠦ ᠶᠠᠪᠤᠴᠠᠳᠤ᠂ ᠲᠡᠷᠡ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢᠶᠢᠨ ᠪᠠᠢᠳᠠᠯᠢ ᠨᠠᠷᠢᠨ ᠠᠵᠢᠭ᠍ᠯᠠᠵᠤ᠂ ᠡ᠊ᠨᠳᠡᠯᠦᠨ ᠲᠠᠯᠳᠠ ᠭᠡᠮᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠢᠯᠡᠷᠡᠬᠦᠯᠵᠦ᠂ ᠪᠠᠷᠢᠯᠭᠠᠶᠢᠨ ᠶᠠᠰᠤ ᠴᠢᠨᠠᠷ ᠪᠠ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢᠳᠦ ᠠᠰᠠᠭᠤᠳᠠᠯ ᠭᠠᠷᠬᠤ ᠦᠶᠡᠳᠦ᠂ ᠡᠩ ᠲᠡᠷᠢᠭᠦᠨᠳᠦ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠰᠢᠢᠳᠪᠦᠷᠢᠯᠡᠬᠦ ᠲᠥᠰᠥᠯᠭᠠᠷᠭᠠᠵᠤ᠂ ᠦᠢᠯᠡᠳᠪᠦᠷᠢᠯᠡᠯᠳᠦ ᠡᠷᠬᠢᠮ ᠨᠠᠨᠳᠢᠨ ᠴᠠᠭᠢ ᠠᠷᠪᠢᠯᠠᠵᠤ ᠦᠭᠳᠡᠭ᠃ ᠲᠡᠭᠦᠨᠦ ᠳ᠋ᠦᠩᠨᠡᠨ ᠭᠠᠷᠭᠠᠭᠰᠠᠨ 《ᠦᠵᠡᠵᠦ ᠰᠣᠨᠣᠰᠬᠤ ᠠᠰᠠᠭᠤᠵᠤ ᠯᠠᠪᠯᠠᠬᠤ》 ᠳᠥᠷᠪᠡᠨ ᠠᠯᠬᠤᠮᠤᠨ ᠪᠠᠢᠴᠠᠭᠠᠬᠤ ᠠᠷᠭᠠ ᠨᠢ ᠠᠵᠢᠯᠤᠨ ᠳᠤᠮᠳᠠᠪᠠᠨ ᠤᠯᠠᠨᠤ ᠳᠠᠭᠠᠰᠢᠶᠠᠯ ᠳ᠋ᠤ ᠬᠦᠷᠬᠦ ᠦᠬᠡᠢ ᠪᠠᠢᠭᠰᠠᠨ ᠴᠤ᠌ ᠡᠭᠡᠯᠵᠢ ᠳᠤᠭᠤᠢᠯᠠᠩᠤᠨ ᠠᠵᠢᠯᠳᠤ ᠭᠠᠷᠬᠤ ᠪᠠ ᠠᠵᠢᠯᠠᠴᠠ ᠪᠠᠭᠤᠬᠤᠶᠢ ᠲᠤᠰᠢᠶᠠᠬᠤ ᠪᠠ ᠭᠥᠯᠢᠶᠡᠨ ᠠᠪᠬᠤ ᠵᠢᠷᠤᠮᠵᠢᠭ᠍ᠰᠠᠨ ᠶᠠᠪᠤᠴᠠ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠳᠠᠭᠠᠨ ᠴᠠᠭᠠᠷᠠᠵᠤ ᠵᠣᠷᠢᠭ᠍ᠲᠠᠢᠪᠠᠷ ᠰᠢᠨᠡᠶᠢ ᠡᠭᠦᠳᠪᠡ᠃ ᠲᠡᠷᠡ ᠡᠭᠡᠯᠵᠢ ᠳᠤᠭᠤᠢᠯᠠᠩᠤᠨ ᠭᠡᠰᠢᠭᠦᠳᠢᠶᠡᠨ ᠳᠠᠭᠠᠭᠤᠯᠤᠨ ᠮᠡᠷᠭᠡᠵᠢᠯᠦᠨ ᠥᠭᠡᠷᠡᠴᠢᠯᠡᠯᠲᠡᠳᠦ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠵᠤ᠂ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠮᠠᠰᠢᠨᠤ ᠰᠢᠩᠭᠡᠨ ᠳᠠᠷᠤᠴᠠᠪᠠᠷ ᠬᠥᠷᠥᠭᠡᠬᠦ ᠰᠢᠰᠲᠧᠮᠦᠨ ᠥᠭᠡᠷᠡᠴᠢᠯᠡᠯᠲᠡ᠂ ᠬᠤᠰᠤᠬᠤ ᠬᠠᠪᠲᠠᠰᠤᠲᠤ ᠵᠥᠭᠡᠭᠡᠪᠦᠷᠢᠶᠢᠨ ᠮᠠᠰᠢᠨᠤ ᠰᠡᠭᠦᠯᠦᠨ ᠬᠡᠰᠡᠭᠤᠨ ᠨᠡᠭᠦᠷᠡᠰᠦ ᠬᠠᠰᠢᠬᠤ ᠬᠠᠪᠲᠠᠰᠤᠶᠢ ᠵᠢᠷᠤᠵᠤ ᠲᠥᠯᠥᠪᠯᠡᠬᠦ᠂ ᠨᠡᠬᠦᠷᠡᠰᠤ ᠰᠢᠯᠵᠢᠬᠦᠯᠦᠨ ᠳᠡᠬᠡᠬᠡᠪᠦᠷᠢᠯᠡᠬᠦ ᠭᠠᠯᠲᠤ ᠲᠡᠷᠭᠡ ᠵᠢᠨ ᠪᠤᠬᠢᠷ ᠤᠰᠤ ᠵᠢ ᠲᠥᠪᠯᠡᠷᠡᠭᠦᠯᠦᠨ ᠭᠠᠳᠠᠭᠰᠢᠯᠠᠭᠤᠯᠬᠤ᠂ ᠨᠡᠬᠦᠷᠡᠰᠦ ᠰᠢᠯᠵᠢᠬᠦᠯᠦᠨ ᠳᠡᠬᠡᠬᠡᠪᠦᠷᠢᠯᠡᠬᠦ ᠭᠠᠯᠲᠤ ᠲᠡᠷᠭᠡᠶᠢ ᠰᠢᠯᠢᠳᠡᠭᠵᠢᠭᠦᠯᠦᠨ ᠵᠢᠷᠤᠵᠤ ᠲᠥᠯᠥᠪᠯᠡᠬᠦ ᠵᠡᠷᠭᠡ 10 ᠭᠠᠷᠤᠢ ᠵᠦᠢᠯᠦᠨ ᠥᠭᠡᠷᠡᠴᠢᠯᠡᠯᠲᠡᠶᠢᠨ ᠦᠷᠡ ᠪᠦᠲᠦᠭᠡᠯᠢ ᠪᠡᠶᠡᠯᠡᠭᠦᠯᠵᠦ᠂ 30 ᠭᠠᠷᠤᠢ ᠵᠦᠢ ᠵᠣᠬᠢᠰᠲᠠᠢ ᠰᠠᠨᠠᠭᠤᠯᠭᠠᠶᠢ ᠳᠤᠷᠠᠳᠴᠠᠢ᠃ ᠲᠡᠭᠦᠨᠦ ᠵᠢᠷᠤᠵᠤ ᠲᠥᠯᠥᠪᠯᠡᠭᠰᠡᠨ ᠪᠥᠭᠡᠳ ᠥᠭᠡᠷᠡᠴᠢᠯᠡᠨ ᠰᠠᠢᠵᠢᠷᠠᠭᠤᠯᠬᠤ ᠠᠵᠢᠯᠳᠤ ᠣᠷᠣᠯᠴᠠᠭᠰᠠᠨ ᠨᠡᠭᠦᠷᠡᠰᠦᠨ ᠮᠠᠰᠢᠨᠤ ᠠᠯᠤᠰ ᠡᠵᠡᠮᠰᠢᠭᠦᠷᠦᠨ ᠬᠤᠳᠳᠤᠭ ᠳᠣᠣᠷᠠᠬᠢ ᠴᠠᠬᠢᠯᠭᠠᠨ ᠴᠡᠨᠡᠭᠯᠡᠬᠦ ᠲᠥᠬᠦᠭᠡᠷᠦᠮᠵᠢᠶᠢ ᠨᠢᠭᠡᠨᠲᠡ ᠱᠧᠨ ᠳ᠋ᠦᠩ ᠺᠣᠮᠫᠠᠨᠢᠶᠢᠨ ᠶᠡᠷᠦᠩᠬᠡᠢᠯᠡᠨ ᠮᠠᠯᠲᠠᠬᠤ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠥᠭᠡᠳ ᠲᠤᠰᠬᠠᠢ ᠠᠰᠢᠭ᠋ᠤᠨ ᠡᠷᠬᠡ ᠭᠤᠶᠤᠴᠢᠯᠠᠵᠤ ᠡᠬᠢᠯᠡᠵᠡᠢ᠃ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠬᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠠᠵᠢᠯᠳᠤ ᠣᠷᠣᠯᠴᠠᠭᠰᠠᠨ 20 ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ᠂ ᠲᠡᠷᠡ ᠠᠮᠤᠷ ᠲᠦᠪᠰᠢᠨᠢᠶᠡᠷ 2000 ᠭᠠᠷᠤᠢ ᠲᠦᠮᠡᠨ ᠲᠣᠨ ᠨᠡᠭᠦᠷᠡᠰᠦ ᠮᠠᠯᠲᠠᠵᠠᠢ᠃ ᠡᠨᠡ ᠨᠢ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠲᠣᠮᠣ᠌ ᠬᠡᠯᠪᠡᠷᠢᠶᠢᠨ ᠨᠡᠭᠦᠷᠡᠰᠦᠨᠦ ᠠᠵᠤ ᠠᠬᠤᠢᠯᠠᠯᠤᠨ ᠨᠢᠭᠡ ᠵᠢᠯᠦᠨ ᠭᠠᠷᠤᠯᠲᠠᠲᠠᠢ ᠲᠡᠩᠴᠡᠵᠦ᠂ ᠮᠠᠨᠤ ᠤᠯᠤᠰᠤᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠦᠢᠯᠡᠰᠲᠦ ᠲᠣᠪᠣᠢᠮᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠪᠡ᠃
ᠠᠵᠢᠯ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢ ᠳᠠᠭᠠᠯᠳᠤᠨ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠥᠵᠢᠭᠦᠯᠬᠦ ᠪᠠ ᠮᠡᠷᠭᠡᠵᠢᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠠᠵᠢᠯᠢ ᠥᠷᠨᠢᠭᠦᠯᠬᠦ ᠶᠠᠪᠤᠳᠠᠯ ᠲᠤᠯᠭᠠᠮ ᠱᠠᠭᠠᠷᠳᠠᠭᠳᠠᠬᠤ ᠪᠤᠯᠵᠠᠢ᠃ 2018 ᠣᠨᠳᠤ᠂ ᠳ᠋ᠢᠩ ᠮᠢᠩ ᠯᠧᠢ ᠤᠷᠠ ᠮᠡᠷᠭᠡᠵᠢᠯᠤᠨ ᠶᠡᠬᠡ ᠪᠠᠭᠰᠢ ᠵᠢᠨ ᠠᠵᠢᠯᠤᠨ ᠦᠷᠦᠭᠡ ᠨᠢ ᠤᠯᠤᠰᠤᠨ ᠲᠠᠰᠤᠨ ᠤᠷᠠ ᠮᠡᠷᠭᠡᠵᠢᠯᠤᠨ ᠶᠡᠬᠡ ᠪᠠᠭᠰᠢ ᠵᠢᠨ ᠠᠵᠢᠯᠤᠨ ᠦᠷᠦᠭᠡ ᠪᠡᠷ ᠦᠨᠡᠯᠡᠭᠳᠡᠵᠦ᠂ ᠨᠡᠭᠦᠷᠡᠰᠦᠨᠦ ᠦᠢᠯᠡᠰᠤᠨ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠥᠵᠢᠭᠦᠯᠬᠦ᠂ ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢᠵᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠂ ᠭᠠᠷ ᠤᠷᠠᠯᠠᠯᠤᠨ ᠰᠢᠨᠡᠶᠢ ᠡᠭᠦᠳᠬᠦ ᠲᠠᠪᠴᠠᠩ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠠᠵᠢᠯᠤᠨ ᠳᠤᠮᠳᠠ ᠡᠭᠦᠰᠦᠭᠰᠡᠨ ᠨᠢᠭᠡ ᠶᠠᠪᠤᠳᠠᠯ ᠨᠢ ᠲᠤᠰ ᠠᠵᠢᠯᠤᠨ ᠦᠷᠦᠭᠡ ᠵᠢᠨ ᠰᠢᠨᠡᠶᠢ ᠡᠭᠦᠳᠬᠦ ᠰᠤᠳᠤᠯᠭᠠᠨᠤ ᠦᠷᠡ ᠪᠦᠲᠦᠮᠵᠢ ᠪᠠ ᠣᠶᠤᠨ ᠤᠬᠠᠭᠠᠨᠢ ᠬᠦᠢᠴᠡᠳ ᠢᠯᠡᠷᠡᠭᠦᠯᠪᠡ᠃
12408 ᠶᠡᠷᠦᠩᠬᠡᠢᠯᠡᠨ ᠮᠠᠯᠲᠠᠬᠤ ᠠᠵᠢᠯᠤᠨ ᠲᠠᠯᠠᠪᠤᠷᠢ ᠨᠡᠭᠡᠭᠡᠨ ᠮᠠᠯᠲᠠᠬᠤ ᠡᠬᠢᠨᠦ ᠬᠤᠭᠤᠴᠠᠭᠠᠨᠳᠤ ᠠᠵᠢᠯᠤᠨ ᠭᠠᠳᠠᠷᠭᠤᠳᠠᠬᠢ ᠮᠠᠰᠢᠨᠤ ᠰᠡᠭᠦᠯᠦᠨ ᠳᠠᠷᠤᠯᠲᠠ ᠶᠡᠬᠡ᠂ ᠨᠡᠭᠦᠷᠡᠰᠦ ᠬᠠᠰᠢᠬᠤ ᠬᠠᠪᠲᠠᠰᠤ ᠡᠪᠳᠡᠷᠡᠵᠦ ᠰᠦᠢᠳᠦᠭᠰᠡᠨ ᠪᠠᠢᠳᠠᠯ ᠢᠯᠡᠷᠡᠵᠦ᠂ ᠲᠣᠰ ᠠᠵᠢᠯᠤᠨ ᠠᠬᠢᠴᠠᠶᠢ ᠬᠦᠨᠳᠦ ᠨᠣᠴᠢᠲᠠᠢ ᠬᠢᠵᠠᠭᠠᠷᠯᠠᠵᠤ ᠪᠠᠢᠪᠠ᠃ ᠳ᠋ᠢᠩ ᠮᠢᠩ ᠯᠧᠢ ᠲᠤᠬᠠᠢᠶᠢᠨ ᠲᠠᠯᠠᠪᠠᠶᠶᠢᠨ ᠪᠠᠢᠳᠠᠯᠢ ᠠᠵᠢᠭ᠍ᠯᠠᠭᠰᠠᠨᠤ ᠳᠠᠷᠠᠭᠠ᠂ 《ᠮᠠᠰᠢᠨᠤ ᠰᠡᠬᠦᠯᠦᠨ ᠨᠡᠭᠦᠷᠡᠰᠦ ᠬᠠᠰᠢᠬᠤ ᠬᠠᠪᠲᠠᠰᠤᠶᠢ ᠠᠪᠴᠤ ᠬᠠᠶᠠᠬᠤ᠂ ᠨᠡᠭᠦᠷᠡᠰᠦᠨ ᠮᠠᠰᠢᠨᠤ ᠪᠣᠷᠣᠯᠠᠭᠤᠯᠵᠤ ᠭᠠᠳᠠᠭᠰᠢᠯᠠᠭᠤᠯᠬᠤᠶᠢ ᠤᠷᠲᠤᠳᠬᠠᠬᠤ᠂ ᠮᠠᠰᠢᠨᠤ ᠰᠡᠭᠦᠯᠦᠨ ᠬᠣᠭᠣᠯᠠᠢ ᠱᠤᠭᠤᠮᠢ ᠳᠡᠭᠡᠭᠦᠷ ᠡᠯᠭᠦᠵᠤ᠂ ᠨᠡᠭᠦᠷᠡᠰᠦᠨ ᠮᠠᠰᠢᠨᠢᠶᠡᠷ ᠮᠠᠰᠢᠨᠤ ᠰᠡᠭᠦᠯᠦᠨ ᠭᠢᠨᠵᠢᠲᠦ ᠬᠦᠷᠳᠦᠶᠢ ᠬᠠᠢᠨ ᠭᠠᠷᠭᠠᠬᠤ》 ᠰᠡᠳᠬᠢᠮᠵᠢᠶᠢ ᠳᠤᠷᠠᠳᠤᠭᠰᠠᠨᠤ ᠬᠠᠮᠲᠤ ᠨᠡᠭᠦᠷᠡᠰᠦᠨ ᠮᠠᠰᠢᠨᠤ ᠵᠢᠯᠣᠭᠣᠴᠢᠶᠢᠨ ᠨᠡᠭᠦᠷᠡᠰᠦ ᠣᠭᠲᠣᠯᠬᠤᠳᠤ 《ᠪᠣᠳᠠᠲᠠᠢ ᠬᠠᠢᠬᠤ᠂ ᠡᠴᠦᠰ ᠲᠦ᠍ᠨᠢ ᠲᠤᠯᠲᠠᠯᠠ ᠣᠭᠲᠣᠯᠬᠤ᠂ ᠲᠡᠭᠰᠢᠬᠡᠨ ᠲᠠᠲᠠᠬᠤ᠂ ᠴᠡᠪᠡᠷᠬᠡᠨ ᠠᠷᠢᠯᠭᠠᠬᠤ》 ᠪᠣᠳᠠᠲᠠᠢ ᠠᠵᠢᠯᠯᠠᠬᠤ ᠠᠯᠬᠤᠮ ᠳᠠᠷᠠᠭᠠᠶᠢ ᠳᠤᠷᠠᠳᠤᠭᠰᠠᠨ ᠪᠠᠢᠨᠠ᠃ ᠡᠨᠡᠬᠦ ᠪᠦᠳᠦᠭᠡᠯᠴᠢ ᠰᠡᠳᠬᠢᠮᠵᠢ ᠨᠢ ᠪᠣᠳᠠᠲᠠᠢ ᠰᠢᠯᠭᠠᠨ ᠪᠠᠢᠴᠠᠭᠠᠯᠲᠠᠪᠠᠷ ᠳᠡᠮᠵᠢᠨ ᠮᠠᠰᠢ ᠰᠠᠢᠨ ᠦᠷᠡ ᠪᠦᠲᠦᠮᠵᠢ ᠣᠯᠵᠤ᠂ ᠤᠤᠯᠤᠨ ᠪᠠᠭᠠ ᠠᠩᠭᠢᠶᠢᠨ ᠬᠢᠨ 8 ᠴᠠᠭᠲᠤ 3 ᠬᠢᠲᠤᠭᠠ ᠨᠡᠭᠦᠷᠡᠰᠦ ᠣᠭᠲᠣᠯᠵᠤ ᠪᠠᠢᠭᠰᠠᠨᠢ 8 ᠴᠠᠭ ᠲᠸ᠋ 8 ᠬᠢᠳᠤᠭᠠ ᠨᠡᠭᠦᠷᠡᠰᠦ ᠣᠭᠲᠣᠯᠬᠤ ᠪᠣᠯᠭᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠤᠯᠠᠭᠠᠨᠮᠥ᠋ᠷᠡᠨᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠶᠢᠨ 2023 ᠣᠨᠤ ᠠᠶᠤᠯᠭᠦᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠡᠭᠦᠷᠭᠡᠶᠢ ᠲᠡᠭᠦᠰ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠭᠦᠯᠬᠦᠳᠦ ᠲᠤᠢᠯᠤᠨ ᠵᠠᠩᠭᠢᠯᠠᠭᠠᠶᠢᠨ ᠦᠢᠯᠡᠳᠦᠯ ᠦᠵᠡᠭᠦᠯᠵᠠᠢ᠃
ᠠᠵᠢᠯᠤᠨ ᠦᠷᠦᠭᠡ ᠪᠠᠢᠭᠤᠯᠤᠭᠳᠠᠭᠰᠠᠨᠠᠴᠠ ᠣᠲᠣ᠌ ᠪᠣᠯᠲᠠᠯᠠ᠂ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠶᠠᠪᠤᠴᠠᠳᠤ ᠢᠯᠡᠷᠡᠭᠰᠡᠨ ᠡᠯᠡ ᠵᠦᠢᠯᠦᠨ ᠪᠤᠳᠤᠯᠢᠶᠠᠨᠲᠠᠢ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠬᠦᠳᠦ ᠮᠠᠰᠢ ᠣᠯᠠᠨ ᠰᠢᠢᠳᠪᠦᠷᠢᠯᠡᠬᠦ ᠲᠥᠰᠥᠯ ᠬᠠᠩᠭᠠᠭᠰᠠᠨ ᠪᠥᠭᠡᠳ ᠳ᠋ᠢᠩ ᠮᠢᠩ ᠯᠧᠢ ᠴᠦ᠍ ᠤᠷᠢᠳ ᠬᠣᠵᠢᠳ 20 ᠭᠠᠷᠤᠢ ᠠᠵᠢᠯᠤᠨ ᠪᠠᠢᠷᠢᠶᠢᠨ ᠵᠠᠯᠠᠭᠤ ᠴᠢᠳᠠᠪᠤᠷᠢᠲᠠᠨᠢ ᠳᠠᠭᠠᠭᠤᠯᠤᠨ ᠬᠦᠮᠦᠵᠢᠬᠦᠯᠵᠤ᠂ ᠡᠭᠦᠨᠦ ᠳᠣᠲᠣᠷᠠ ᠪᠥᠬᠥ ᠤᠯᠤᠰ ᠪᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠳᠡᠯᠮᠦᠷᠢᠶᠢᠨ ᠵᠢᠱ᠌ᠢᠶᠡᠴᠢ ᠪᠠ ᠠᠵᠢᠯ ᠲᠥᠷᠥᠯᠦᠨ ᠵᠢᠱ᠌ᠢᠶᠡᠴᠢ ᠣᠯᠠᠨ ᠴᠤᠯᠭᠤᠷᠠᠨ ᠭᠠᠷᠴᠠᠢ᠃
ᠬᠣᠷᠢ ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠢᠮᠳᠡᠨ ᠰᠤᠳᠤᠯᠵᠤ᠂ ᠵᠢᠳᠬᠦᠯ ᠴᠢᠷᠮᠠᠢᠯᠭᠠ ᠭᠠᠷᠭᠠᠨ ᠤᠯᠠᠨ ᠢᠷᠠᠭᠤ ᠠᠯᠳᠠᠷᠢᠶᠡᠷ ᠡᠨᠭᠭᠡᠷᠢᠶᠡᠨ ᠮᠢᠯᠢᠶᠠᠯᠭᠠᠵᠠᠢ᠃ 2010 ᠣᠨᠠᠴᠠ ᠣᠲᠣ᠌ ᠪᠣᠯᠲᠠᠯᠠ᠂ ᠳ᠋ᠢᠩ ᠮᠢᠩ ᠯᠧᠢ ᠤᠷᠢᠳ ᠬᠣᠵᠢᠳ 《ᠨᠡᠭᠦᠷᠡᠰᠦᠨᠦ ᠠᠵᠢᠯ ᠲᠥᠷᠥᠯᠦᠨ ᠤᠷᠠ ᠴᠢᠳᠠᠪᠤᠷᠢᠶᠢᠨ ᠶᠡᠬᠡ ᠪᠠᠭ᠍ᠰᠢ》᠂ 《ᠪᠥᠬᠥ ᠤᠯᠤᠰᠤᠨ ᠮᠡᠷᠭᠡᠵᠢᠯᠦᠨ ᠴᠢᠳᠠᠪᠤᠷᠢᠲᠠᠨ》᠂ 《ᠤᠮᠠᠷᠠᠲᠤ ᠬᠢᠯᠢᠶᠢᠨ ᠤᠷᠠᠨ ᠳᠠᠷᠬᠠᠨ》᠂ 《ᠲᠣᠮᠣ᠌ ᠤᠯᠤᠰᠤᠨ ᠤᠷᠠᠨ ᠳᠠᠷᠬᠠᠨ》 ᠵᠡᠷᠭᠡ ᠠᠷᠪᠠᠨ ᠬᠡᠳᠦᠨ ᠢᠷᠠᠭᠤ ᠠᠯᠳᠠᠷᠤᠨ ᠴᠣᠯᠠ ᠭᠥᠷᠳᠡᠪᠡ᠂ ᠲᠡᠷᠡ ᠪᠣᠳᠠᠲᠤ ᠠᠵᠢᠯᠯᠠᠭᠠᠪᠠᠷᠢᠶᠠᠨ 《ᠲᠣᠮᠣ᠌ ᠤᠯᠤᠰᠤᠨ ᠤᠷᠠᠨ ᠳᠠᠷᠬᠠᠨ》 ᠤ᠋ ᠪᠠᠢᠪᠠᠰᠤ ᠵᠣᠬᠢᠬᠤ ᠬᠠᠷᠢᠭᠤᠴᠠᠯᠭᠠ ᠪᠠ ᠡᠭᠦᠷᠭᠡᠯᠡᠯᠢ ᠦᠢᠯᠡᠳᠦᠯᠭᠡᠵᠢᠭᠦᠯᠵᠦ᠂ ᠴᠠᠭᠠᠷᠠᠭᠰᠠᠨ ᠮᠡᠷᠭᠡᠵᠢᠯᠢᠶᠡᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠭᠦᠷᠡᠰᠦ ᠮᠠᠯᠲᠠᠬᠤ ᠠᠵᠤ ᠦᠢᠯᠡᠳᠪᠦᠷᠢᠳᠦ ᠪᠠᠲᠤᠯᠠᠭᠠ ᠬᠠᠩᠭᠠᠪᠠ᠃