— 《ᠥᠪᠥᠷ ᠮᠣᠩᠭᠣᠯᠤᠨ ᠰᠠᠢᠨ ᠬᠥᠮᠥᠨ》ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠴᠠᠩ ᠯᠦᠩ ᠢᠦᠢ ᠵᠦ᠍ ᠡᠭᠦᠯᠳᠡᠷᠤᠨ ᠮᠠᠯᠤᠨ ᠲᠤᠰᠬᠠᠢ ᠬᠣᠷᠰᠢᠶᠠᠶᠢᠨ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠦᠨ ᠳᠠᠷᠤᠭᠠ ᠭᠦᠸᠧ ᠯᠢ ᠯᠢᠶᠢ ᠲᠡᠮᠳᠡᠭᠯᠡᠪᠡ
8 ᠰᠠᠷᠠᠶᠢᠨ 2 ᠤ᠋ᠨ ᠥᠷᠯᠥᠭᠡ ᠡᠷᠲᠡ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠴᠠᠩ ᠯᠦᠩ ᠢᠦᠢ ᠵᠦ᠍ ᠡᠭᠦᠯᠳᠡᠷᠤᠨ ᠮᠠᠯᠤᠨ ᠲᠤᠰᠬᠠᠢ ᠬᠤᠷᠰᠢᠶᠠᠶᠢᠨ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠦᠨ ᠳᠠᠷᠤᠭᠠ ᠭᠦᠸᠧ ᠯᠢ ᠯᠢ ᠨᠢᠬᠡ ᠡᠳᠦᠷᠤᠨ ᠶᠠᠭᠠᠷᠠᠯᠲᠠᠢ ᠠᠵᠢᠯ ᠵᠢᠠᠨ ᠡᠬᠢᠯᠡᠬᠦᠯᠵᠤ᠂ ᠬᠡᠳᠦᠨ ᠮᠡᠷᠭᠡᠵᠢᠯᠦᠨ ᠭᠣᠣᠯᠯᠠᠭ᠍ᠴᠢ ᠬᠦᠴᠦᠨᠲᠠᠢ ᠪᠠᠨ ᠬᠠᠮᠲᠤ ᠠᠵᠢᠯᠤᠨ ᠱᠤᠭᠤᠮ ᠳᠡᠭᠡᠷᠡᠬᠢ ᠵᠠᠩᠭᠢᠯᠠᠭᠠᠶᠢᠨ ᠴᠡᠭ ᠨᠢᠭᠡᠪᠦᠷᠢᠶᠢ ᠨᠠᠷᠢᠨ ᠨᠢᠮᠪᠠᠢ ᠪᠠᠢᠴᠠᠭᠠᠵᠤ ᠪᠠᠢᠯᠠ᠃《8 ᠰᠠᠷᠠᠶᠢᠨ ᠳᠤᠮᠳᠠᠴᠢᠪᠠᠷ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠡᠬᠢᠯᠡᠬᠦ ᠲᠤᠯᠠ ᠡᠨᠡ ᠮᠠᠰᠢᠨᠢ ᠡᠷᠬᠢᠯᠳᠦᠬᠦᠯᠦᠨ ᠠᠵᠢᠯᠯᠠᠭᠤᠯᠬᠤ ᠴᠢᠬᠤᠯᠠᠲᠠᠢ᠂ ᠣᠳᠣ᠌ ᠨᠢᠭᠡ ᠱᠤᠷᠠᠭ ᠨᠢ ᠰᠤᠯᠠᠷᠠᠭᠠᠳ ᠪᠠᠢᠪᠠᠯ ᠲᠡᠷᠡ ᠦᠶᠡ ᠪᠤᠯᠬᠤ ᠳᠤ ᠨᠢᠭᠡ ᠡᠳᠦᠷ ᠤᠨ ᠠᠵᠢᠯᠢ ᠰᠠᠭᠠᠲᠠᠭᠠᠵᠤ ᠮᠡᠳᠡᠨᠡ》 ᠭᠡᠵᠦ 《ᠨᠠᠶᠠᠭᠠᠳ ᠣᠨ ᠡᠴᠡ ᠰᠡᠬᠦᠯᠡᠷ ᠲᠥᠷᠥᠭᠰᠡᠨ》 ᠨᠤᠲᠤᠭ ᠪᠤᠴᠠᠭᠰᠠᠨ ᠣᠶᠤᠲᠠᠨ ᠬᠦᠸᠸ ᠯᠢ ᠯᠢ ᠰᠢᠨᠡ ᠪᠡᠷ ᠰᠣᠯᠢᠭ᠍ᠰᠠᠨ ᠮᠠᠰᠢᠨᠤ ᠬᠣᠯᠬᠣᠪᠴᠢ ᠵᠢ ᠵᠦᠯᠭᠦᠬᠦ ᠵᠢᠨ ᠳᠠᠭᠠᠤ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠯᠠ᠃
2009 ᠣᠨᠳᠤ᠂ ᠶᠡᠬᠡ ᠰᠤᠷᠭᠠᠭᠤᠯᠢᠪᠠᠨ ᠰᠠᠶᠢᠬᠠᠨ ᠲᠡᠭᠦᠰᠬᠡᠭᠰᠡᠨ ᠭᠦᠸᠧ ᠯᠢ ᠯᠢ ᠪᠡᠭᠡᠵᠢᠩᠳᠦ ᠠᠵᠢᠯ ᠤᠯᠵᠤ ᠂ ᠬᠠᠳᠠᠭᠤᠵᠢᠯᠳᠠᠢ ᠴᠢᠷᠮᠠᠢᠯᠭᠠ ᠪᠡᠷ ᠵᠢᠡᠨ ᠮᠠᠰᠢ ᠲᠦᠷᠭᠡᠨ ᠲᠤᠭᠲᠠᠪᠤᠷᠢᠲᠠᠢ ᠪᠤᠯᠪᠠ᠃ ᠭᠡᠲᠡᠯᠡ ᠨᠤᠲᠤᠭᠲᠠᠭᠠᠨ ᠪᠤᠴᠠᠬᠤ ᠵᠢ ᠲᠡᠷᠡ ᠪᠤᠳᠤᠭᠰᠠᠭᠠᠷ ᠪᠠᠢᠯᠠ᠃
2012 ᠣᠨᠳᠤ᠂ ᠭᠦᠸᠧ ᠯᠢ ᠯᠢ ᠡᠷᠡᠰ ᠰᠢᠭᠤᠷᠬᠠᠢᠪᠠᠷ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠪᠣᠰᠬᠠᠬᠤᠶᠢ ᠰᠣᠩᠭᠣᠪᠠ᠃
ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠪᠣᠰᠬᠠᠬᠤ ᠭᠡᠭᠴᠢ ᠲᠦᠬᠦᠮ ᠬᠢᠯᠪᠠᠷ ᠶᠠᠪᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠰᠢᠨᠡ ᠭᠠᠷᠤᠭᠠ ᠪᠤᠯᠬᠤ ᠶᠤᠮ᠃ ᠭᠦᠸᠧ ᠯᠢ ᠯᠢ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠴᠠᠩ ᠯᠦᠩ ᠢᠦᠢ ᠵᠦ᠍ ᠡᠭᠦᠯᠳᠡᠷᠤᠨ ᠮᠠᠯᠤᠨ ᠲᠤᠰᠬᠠᠢ ᠬᠣᠷᠰᠢᠶᠠᠶᠢ ᠳᠠᠩᠰᠠᠯᠠᠭᠤᠯᠤᠨ ᠪᠠᠢᠭᠤᠯᠵᠤ᠂ ᠰᠢᠬᠢᠷᠯᠢᠭ ᠨᠠᠩᠭᠢᠳᠤ ᠡᠷᠳᠡᠨᠢ ᠰᠢᠰᠢᠶᠢᠨ ᠠᠵᠤ ᠦᠢᠯᠡᠰᠢ ᠬᠦᠭᠵᠢᠬᠦᠯᠬᠦ ᠪᠡᠷ ᠬᠦᠴᠦᠯᠡᠨ ᠴᠢᠷᠮᠠᠢᠪᠠ᠃
ᠲᠡᠭᠦᠨᠦ ᠳᠠᠭᠠᠭᠤᠯᠭᠠ ᠳᠣᠣᠷᠠ᠂ ᠬᠤᠷᠰᠢᠶᠠᠶᠢᠨ ᠰᠢᠬᠢᠷᠯᠢᠭ ᠨᠠᠩᠭᠢᠳᠤ ᠡᠷᠳᠡᠨᠢ ᠰᠢᠰᠢ ᠲᠠᠷᠢᠬᠤ ᠦᠢᠯᠡᠰ ᠤᠳᠠᠯ ᠦᠭᠡᠢ ᠲᠠᠪᠠᠯᠳᠠᠳᠤ ᠮᠠᠶᠢᠭ᠋ᠤᠨ ᠬᠥᠭᠵᠢᠯᠲᠡ ᠲᠠᠢ ᠪᠤᠯᠪᠠ；ᠬᠠᠮᠤᠭ ᠠᠩᠬᠠ 300 ᠮᠦ᠍ ᠲᠤᠷᠰᠢᠨ ᠲᠠᠷᠢᠵᠤ ᠪᠠᠢᠭᠰᠠᠨᠡᠴᠡ ᠪᠠᠨ ᠣᠬᠣᠷᠬᠠᠨ ᠬᠡᠳᠦᠨ ᠵᠢᠯᠳᠦ 2000 ᠮᠦ᠍ ᠪᠤᠯᠵᠤ ᠥᠷᠭᠡᠵᠢᠪᠡ᠃
《ᠪᠤᠰᠢᠭᠤ ᠱᠠᠯᠠᠮᠠᠭᠠᠢ ᠠᠵᠢᠯᠯᠠᠪᠠᠯ ᠨᠢᠭᠡ ᠰᠠᠷᠠᠳᠤ 4500 ᠭᠠᠷᠤᠢ ᠲᠥᠭᠥᠷᠢᠭ ᠣᠯᠣᠨᠠ！》 ᠭᠡᠵᠦ ᠲᠣᠰᠬᠣᠨᠤ ᠠᠷᠠᠳ ᠵᠢᠷᠭᠠᠯ ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠪᠡ᠃ ᠡᠳ᠋ᠰᠢᠭᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠬᠦᠭᠵᠢᠶᠡᠨᠳᠡᠢ ᠤᠯᠠᠷᠢᠯ ᠪᠤᠯᠬᠤ ᠪᠦᠷᠢ ᠲᠤᠰᠬᠤᠨᠤ 200 ᠭᠠᠷᠤᠢ ᠬᠦᠮᠦᠨ ᠦᠢᠯᠡᠳᠪᠦᠷᠢᠳᠤ ᠢᠷᠡᠵᠦ ᠠᠵᠢᠯᠯᠠᠨᠠ᠃ ᠲᠡᠭᠦᠨᠦ ᠡᠷᠳᠡᠨᠢ ᠰᠢᠰᠢ ᠡᠳ᠋ᠰᠢᠬᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠨᠢ ᠪᠠᠰᠠ ᠲᠣᠰᠬᠣᠨᠤ ᠠᠷᠠᠳᠤᠨ ᠬᠦᠴᠦ ᠶᠠᠪᠤᠵᠤ ᠵᠣᠭᠣᠰ ᠣᠯᠬᠤ ᠰᠠᠢᠨ ᠭᠠᠵᠠᠷ ᠪᠤᠯᠤᠭᠰᠠᠠ ᠠᠵᠢ᠃
ᠲᠠᠷᠢᠶᠠᠴᠢᠳᠢ ᠬᠠᠪᠰᠤᠷᠴᠤ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠬᠦ ᠵᠢᠨ ᠲᠦᠯᠦᠭᠡ ᠭᠦᠸᠧ ᠯᠢ ᠯᠢ ᠪᠠᠰᠠ ᠭᠠᠵᠠᠷ ᠰᠢᠷᠣᠢ ᠪᠡᠷ ᠵᠢᠡᠨ ᠵᠤᠭᠤᠰ ᠤᠯᠬᠤ ᠠᠷᠭᠠ ᠵᠠᠮᠢ ᠨᠡᠭᠡᠭᠡᠨ᠂ ᠲᠤᠰᠬᠤᠨᠤ ᠠᠷᠠᠳᠤᠨ ᠭᠠᠵᠠᠷ ᠰᠢᠷᠤᠢ ᠵᠢ ᠮᠦ᠍ ᠪᠦᠷᠢ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠦᠨᠡ ᠬᠠᠩᠰᠢᠡᠴᠡ 200 ᠲᠥᠭᠥᠷᠢᠭ ᠦᠨᠡᠲᠠᠢ ᠪᠡᠷ ᠰᠢᠯᠵᠢᠭᠦᠯᠦᠨ ᠲᠦᠷᠢᠶᠡᠰᠦᠯᠡᠬᠦᠯᠪᠡ᠃ ᠲᠡᠷᠡ ᠡᠷᠬᠢᠨ ᠲᠣᠭᠣᠷᠢᠨᠤ 1000 ᠭᠠᠷᠤᠢ ᠡᠷᠦᠬᠡ ᠲᠣᠰᠬᠣᠨᠤ ᠠᠷᠠᠳᠲᠠᠢ ᠵᠠᠬᠢᠶᠠᠯᠠᠭᠠ ᠲᠣᠭᠲᠠᠭᠰᠠᠨ ᠪᠥᠭᠡᠳ ᠦᠷᠡ ᠂ ᠬᠢᠮᠢᠶᠢᠨ ᠪᠣᠷᠳᠣᠭᠤᠷᠢ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢᠪᠡᠷ ᠬᠠᠩᠭᠠᠵᠤ᠂ ᠪᠦᠬᠦ ᠶᠠᠪᠤᠴᠠ ᠵᠢᠨ ᠮᠡᠷᠭᠡᠵᠢᠯᠤᠨ ᠵᠢᠯᠤᠭᠤᠳᠤᠯᠭᠠ ᠬᠠᠩᠭᠠᠵᠤ᠂ ᠡᠷᠳᠡᠨᠢ ᠰᠢᠰᠢ ᠪᠣᠯᠪᠠᠰᠤᠷᠠᠭᠰᠠᠨᠤ ᠳᠠᠷᠠᠭᠠ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠦᠨᠡᠡᠴᠡ ᠥᠨᠳᠥᠷ ᠦᠨᠡᠪᠡᠷ ᠬᠣᠷᠢᠶᠠᠨ ᠠᠪᠴᠤ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠣᠷᠣᠯᠴᠠᠭᠰᠠᠨ ᠲᠠᠷᠢᠶᠠᠴᠢᠨ ᠡᠷᠦᠬᠡ ᠵᠢᠨ ᠤᠷᠤᠯᠭᠠ ᠵᠢ ᠳᠤᠮᠳᠠᠴᠢᠪᠠᠷ 5000 ᠲᠥᠭᠥᠷᠢᠭ ᠨᠡᠮᠡᠭᠳᠡᠬᠦᠯᠵᠡᠢ᠃
ᠲᠠᠷᠢᠶᠠᠴᠢᠨ ᠡᠷᠦᠬᠡ ᠾᠧ ᠴᠠᠩ ᠷᠦᠩᠤᠨ ᠬᠢᠨ ᠡᠨᠡ ᠵᠢᠯ 3 ᠮᠦ᠍ ᠰᠢᠬᠢᠷᠯᠢᠭ ᠨᠠᠩᠭᠢᠳᠤ ᠡᠷᠳᠡᠨᠢ ᠰᠢᠰᠢᠶᠢᠨ ᠵᠠᠬᠢᠶᠠᠯᠠᠭᠠ ᠲᠣᠭᠲᠠᠵᠤ᠂ ᠵᠢᠱ᠌ᠢᠯᠲᠡᠪᠡᠷ 6000 ᠭᠠᠷᠤᠢ ᠲᠥᠭᠥᠷᠢᠭᠦᠨ ᠣᠷᠣᠯᠭᠠ ᠣᠯᠬᠤ ᠪᠣᠯᠣᠨᠠ᠃ ᠲᠡᠷᠡ ᠠᠮᠠ ᠬᠠᠮᠬᠢᠯ ᠦᠭᠡᠢ ᠪᠠᠶᠠᠷᠯᠠᠵᠤ᠄ 《ᠯᠢ ᠯᠢᠶᠢ ᠳᠠᠭᠠᠵᠤ ᠬᠢᠪᠡᠯ ᠰᠠᠨᠠᠭᠠ ᠠᠮᠤᠷ ᠰᠢᠦ！》 ᠭᠡᠨᠡ᠃
ᠬᠣᠷᠰᠢᠶᠠᠪᠠᠨ ᠬᠥᠭᠵᠢᠭᠦᠯᠦᠨ ᠪᠤᠵᠠᠭᠠᠢᠷᠠᠭᠤᠯᠬᠤᠬᠡᠪᠡᠯ ᠡᠷᠬᠡᠪᠰᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠳᠦ ᠲᠦᠰᠢᠭᠯᠡᠬᠦ ᠬᠡᠷᠡᠭᠲᠡᠢ ᠭᠡᠳᠡᠭᠢ ᠭᠦᠸᠧ ᠯᠢ ᠯᠢ ᠮᠡᠳᠡᠵᠦ ᠪᠠᠢᠯᠠ᠃ ᠲᠡᠷᠡ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩ ᠭᠠᠵᠠᠷᠲᠠᠢ ᠬᠠᠮᠲᠤᠷᠠᠯᠴᠠᠵᠤ᠂ ᠨᠢᠭᠡ ᠯᠡ ᠲᠡᠭᠡᠷᠡ 23 ᠰᠢᠨᠡ ᠡᠭᠦᠯᠳᠡᠷᠢ ᠣᠷᠣᠭᠤᠯᠤᠨ ᠠᠪᠴᠢᠷᠠᠵᠤ᠂ ᠬᠣᠷᠰᠢᠶᠠᠶᠢᠨ ᠲᠠᠷᠢᠶᠠᠨ ᠭᠠᠵᠠᠷᠠᠴᠠ ᠲᠤᠰᠬᠠᠢᠯᠠᠨ 100 ᠮᠦ᠍ ᠭᠠᠷᠭᠠᠵᠤ ᠲᠤᠷᠰᠢᠨ ᠳᠠᠷᠢᠪᠠ᠃ ᠲᠡᠷᠡ ᠪᠦᠯᠬᠦᠮᠲᠠᠢᠪᠡᠨ ᠡᠳᠦᠷᠵᠢᠨ ᠲᠠᠷᠢᠶᠠᠨ ᠭᠠᠵᠠᠷᠲᠠᠭᠠᠨ ᠰᠠᠭᠤᠵᠤ᠂ ᠲᠤᠷᠰᠢᠯᠲᠠᠶᠢᠨ ᠲᠠᠷᠢᠶᠠᠪᠠᠨ ᠨᠠᠷᠢᠨ ᠨᠢᠮᠪᠠᠢ ᠠᠷᠠᠴᠢᠯᠠᠨ ᠲᠤᠳᠤᠮᠳᠠᠵᠤ᠂ ᠡᠴᠦᠰ ᠲᠡᠬᠡᠨ ᠮᠠᠰᠢ ᠶᠡᠬᠡ ᠳᠠᠯᠳᠠ ᠬᠦᠴᠦᠨᠲᠠᠢ 3 ᠰᠢᠯᠢᠳᠡᠭ ᠡᠭᠦᠯᠳᠡᠷᠢ ᠰᠣᠩᠭᠣᠨ ᠭᠠᠷᠭᠠᠪᠠ᠃
ᠣᠳᠣᠬᠠᠨᠳᠤ᠂ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠴᠠᠩ ᠯᠦᠩ ᠢᠦᠢ ᠵᠦ᠍ ᠡᠬᠦᠯᠳᠡᠷᠤᠨ ᠮᠠᠯᠤᠨ ᠲᠤᠰᠭᠠᠢ ᠬᠤᠷᠱᠢᠶᠠᠶ᠋ᠢᠨ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠲᠠᠷᠢᠶᠠᠨᠳᠤ᠂ ᠬᠣᠷᠣᠬᠠᠢ ᠠᠯᠠᠬᠤ ᠳ᠋ᠧᠩᠢᠶᠡᠷ ᠲᠠᠷᠢᠮᠠᠯᠢ ᠬᠠᠮᠠᠭᠠᠯᠠᠨ ᠬᠣᠷᠣᠬᠠᠢᠶ᠋ᠢᠨ ᠬᠥᠨᠥᠭᠡᠯᠢ ᠰᠡᠷᠭᠡᠢᠯᠡᠵᠦ᠍᠂ ᠱᠢᠶᠤᠤ ᠢᠦᠢ ᠨᠦᠩ ᠤᠶᠤᠨᠳᠤ ᠱᠢᠰᠲ᠋ᠧᠮᠶ᠋ᠢᠡᠷ ᠴᠠᠭ ᠠᠭᠤᠷᠤᠨ ᠬᠤᠪᠢᠷᠠᠯᠲᠠᠶ᠋ᠢ ᠴᠠᠭ ᠲᠤᠬᠠᠢᠳᠤᠨᠢ ᠬᠢᠨᠠᠨ ᠬᠡᠮᠵᠢᠵᠦ᠍᠂ ᠬᠥᠷᠥᠰᠥ᠍ ᠱᠢᠷᠣᠢ ᠵᠢᠨ ᠬᠢᠨᠠᠨ ᠬᠡᠮᠵᠢᠬᠦᠷᠯᠢᠭ ᠨᠢ ᠵᠦᠢ ᠵᠣᠬᠢᠰᠲᠠᠢ ᠪᠤᠷᠳᠤᠭᠤᠷ ᠣᠷᠣᠭᠤᠯᠬᠤᠳᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠦᠨᠳᠦᠰᠦᠯᠡᠯ ᠬᠠᠨᠭᠭᠠᠨᠠ᠃ ᠡᠳ᠋ᠰᠢᠬᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠶ᠋ᠯᠡᠳᠪᠦᠷᠢᠶ᠋ᠢᠨ ᠲᠠᠰᠤᠭᠲᠤ ᠨᠠᠩ ᠴᠤ᠌ 《ᠰᠠᠢᠨ ᠪᠠᠷᠠᠭᠠ》 ᠤᠯᠠᠨ ᠪᠤᠢ᠄ ᠱᠢᠨᠡ ᠰᠣᠷᠭᠣᠭ ᠡᠷᠳᠡᠨᠢ ᠱᠢᠰᠢ ᠵᠢ ᠬᠠᠳᠤᠵᠤ ᠬᠤᠷᠢᠶᠠᠬᠤ ᠮᠠᠱᠢᠨ᠂ ᠠᠦ᠋ᠲ᠋ᠣ᠋ ᠬᠠᠯᠢᠰᠤ ᠱᠠᠭᠠᠯᠬᠤ ᠮᠠᠱᠢᠨ᠂ ᠠᠦ᠋ᠲ᠋ᠣ᠋ ᠪᠣᠭᠣᠳᠠᠯᠯᠠᠬᠤ ᠮᠠᠱᠢᠨ ᠵᠡᠷᠭᠡ ᠢᠵᠢ ᠪᠦᠷᠢᠳᠦᠵᠡᠢ᠃ ᠥᠩᠭᠡᠷᠡᠭ᠌ᠰᠡᠨᠳᠦ ᠠᠪᠬᠤ ᠬᠥᠮᠦᠨ ᠥᠬᠡᠶ ᠪᠠᠢᠭ᠍ᠰᠠᠨ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠰᠠᠬᠠᠯᠢ ᠭᠦᠸᠧ ᠯᠢ ᠯᠢ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠲᠠᠷᠢᠶᠠᠯᠠᠩᠤᠨ ᠰᠤᠳᠤᠯᠭᠠᠨᠤ ᠭᠠᠵᠠᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠲᠠᠢ ᠬᠠᠮᠲᠤᠪᠠᠷ ᠰᠤᠳᠤᠯᠤᠨ ᠨᠡᠭᠡᠭᠡᠵᠦ᠂ ᠤᠰᠤᠨᠳᠤ ᠳᠡᠪᠲᠦᠭᠡᠵᠦ᠍ ᠤᠤᠭᠤᠵᠤ ᠪᠤᠯᠬᠤ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠰᠠᠬᠠᠯᠤᠨ ᠴᠠᠶ ᠪᠤᠯᠭᠠᠨ ᠬᠤᠪᠢᠷᠠᠭᠤᠯᠪᠠ᠃
ᠭᠦᠸᠧ ᠯᠢ ᠯᠢ ᠡᠷᠳᠡᠨᠢ ᠱᠢᠰᠢ ᠲᠠᠷᠢᠬᠤᠳᠠᠭᠠᠨ ᠡᠬᠢᠯᠡᠩᠭᠦᠳᠡᠪᠡᠨ ᠲᠠᠷᠤᠢ ᠪᠣᠬᠢᠷᠲᠤᠯ ᠦᠭᠡᠢ ᠠᠮᠢ ᠠᠬᠤᠢᠶ᠋ᠢᠨ ᠲᠠᠷᠢᠮᠠᠯᠤᠨ ᠵᠠᠮᠵᠢᠡᠷ ᠵᠠᠮᠨᠠᠬᠤ ᠬᠡᠷᠡᠭᠳᠡᠢ ᠭᠡᠳᠡᠭᠢ ᠲᠠᠨᠢᠵᠤ ᠮᠡᠳᠡᠵᠢ᠃ ᠦᠷᠡ ᠰᠣᠩᠭᠣᠬᠤ ᠳ᠋ᠠᠭᠠᠨ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠣᠷᠴᠢᠨ ᠲᠣᠭᠣᠷᠢᠨᠳᠤ ᠲᠣᠬᠢᠷᠠᠬᠤ ᠮᠥᠷᠲᠡᠭᠡᠨ ᠡᠪᠡᠳᠴᠢᠨ ᠬᠣᠷᠣᠬᠠᠶᠶ᠋ᠢᠨ ᠬᠥᠨᠥᠭᠡᠯᠢ ᠡᠰᠡᠷᠭᠦᠴᠡᠬᠦ᠌ ᠴᠢᠳᠠᠪᠤᠷᠢᠪᠠᠷ ᠴᠢᠩᠭᠠ ᠴᠢᠨᠠᠷ ᠰᠠᠢᠲᠠᠶ ᠡᠭᠦᠯᠳᠡᠷᠢ ᠰᠣᠩᠭᠣᠪᠠ᠃ ᠬᠥᠷᠥᠰᠥ᠍ ᠱᠢᠷᠣᠢᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠲᠠᠯᠠᠪᠠᠷ ᠠᠵᠤ ᠦᠢᠯᠡᠳᠪᠦᠷᠢᠵᠢᠯᠲᠡᠶ᠋ᠢᠨ ᠪᠤᠷᠳᠤᠭᠤᠷᠢ ᠬᠡᠷᠡᠭ᠌ᠯᠡᠬᠦ᠌ ᠦᠭᠡᠢ᠂ ᠬᠠᠷᠢᠨ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠡᠰᠢ ᠰᠦᠷᠡᠯᠢ ᠡᠪᠡᠰᠦ ᠪᠣᠷᠳᠣᠭᠠ ᠪᠣᠯᠭᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠲᠤᠰᠬᠠᠢ ᠬᠣᠷᠱᠢᠶᠠᠨᠤ ᠦᠬᠡᠷ ᠬᠣᠨᠢᠶ᠋ᠢ ᠲᠡᠵᠢᠭᠡᠵᠦ᠂ ᠲᠠᠬᠢᠨ ᠦᠬᠡᠷ ᠬᠣᠨᠢᠶ᠋ᠢᠨ ᠠᠷᠭᠠᠯ ᠬᠤᠷᠭᠤᠯᠵᠢᠡᠷ ᠪᠣᠷᠳᠣᠭᠤᠷ ᠪᠣᠯᠭᠠᠵᠤ᠂ ᠬᠠᠮᠤᠭ ᠰᠡᠭᠦᠯᠳᠦ ᠲᠠᠷᠢᠶᠠᠨᠳᠤ ᠬᠡᠷᠡᠭ᠌ᠯᠡᠨᠡ᠃ ᠡᠨᠡᠬᠦ᠌ ᠣᠷᠴᠢᠯᠲᠠᠪᠠᠷ᠂ ᠲᠤᠰᠬᠠᠢ ᠬᠣᠷᠱᠢᠶᠠᠨᠤ ᠱᠢᠬᠢᠷᠯᠢᠭ ᠨᠠᠩᠬᠢᠳᠤ ᠡᠷᠳᠡᠨᠢ ᠱᠢᠰᠢᠨᠢ ᠪᠣᠬᠢᠷᠲᠤᠯ ᠥᠬᠡᠶ᠂ ᠠᠮᠢ ᠠᠬᠤᠶ ᠵᠢᠨ᠂ ᠴᠢᠨᠠᠷ ᠰᠠᠢᠲᠠᠶ ᠪᠦᠲᠦᠭᠡᠭ᠌ᠳᠡᠬᠦᠨᠢᠶᠡᠷ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ ᠴᠣᠯᠭᠣᠷᠠᠨ ᠭᠠᠷᠴᠤ᠌᠂ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠦᠨᠡ ᠬᠠᠩᠰᠢᠨᠢ ᠡᠩᠦᠨ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠡᠷᠳᠡᠨᠢ ᠱᠢᠰᠢᠲᠡᠶ ᠬᠠᠷᠢᠴᠠᠭᠤᠯᠪᠠᠯ 150 % ᠪᠠᠷ ᠨᠡᠮᠡᠭ᠌ᠳᠡᠭ᠌ᠰᠡᠨ ᠪᠥᠭᠡᠳ ᠪᠣᠷᠣᠯᠠᠭᠤᠯᠭᠠᠨᠢ ᠵᠢᠯᠡᠴᠡ ᠵᠢᠯ ᠰᠠᠢᠵᠢᠷᠠᠵᠤ ᠪᠤᠢ᠃
ᠭᠦᠸᠧ ᠯᠢ ᠯᠢᠶ᠋ᠢ ᠨᠤᠲᠤᠭᠤᠨ ᠬᠥᠮᠦᠰ ᠨᠢ ᠪᠦᠷ ᠢᠳᠡᠭᠡᠳᠡᠭ᠃ ᠦᠢᠯᠡᠰ ᠪᠣᠰᠭᠠᠬᠤ ᠡᠬᠢᠨᠦ ᠬᠤᠭᠤᠴᠠᠭᠠᠨᠳᠤ ᠭᠦᠸᠧ ᠯᠢ ᠯᠢ ᠵᠣᠭᠣᠰ ᠦᠭᠡᠢ ᠂ ᠲᠤᠷᠱᠢᠯᠭᠠᠴᠦ ᠦᠭᠡᠢ᠂ ᠭᠡᠪᠡᠴᠦ᠍ ᠲᠡᠷᠡ ᠲᠤᠨᠭ᠌ ᠦᠨᠠᠨᠴᠢ ᠢᠳᠡᠭᠡᠮᠵᠢᠲᠠᠢ᠃ ᠨᠤᠲᠤᠭᠤᠨ ᠤᠯᠠᠨ ᠲᠦᠮᠡᠨᠤ ᠡᠷᠳᠡᠨᠢ ᠱᠢᠰᠢᠶ᠋ᠢ ᠬᠤᠷᠢᠶᠠᠵᠤ ᠠᠪᠬᠤᠳᠤ ᠪᠠᠨ ᠲᠡᠷᠡ ᠪᠦᠷ ᠪᠡᠶᠡᠪᠡᠷᠢᠶᠡᠨ ᠣᠴᠢᠵᠤ ᠦᠵᠡᠨᠡ᠂ ᠶᠠᠭᠠᠬᠢᠵᠤ ᠳᠠᠷᠢᠵᠤ ᠪᠠᠢᠬᠤ ᠂ ᠶᠠᠰᠤ ᠴᠢᠨᠠᠷ ᠶᠠᠮᠠᠷ ᠵᠡᠷᠭᠡ ᠪᠠᠢᠬᠤᠵᠢ ᠪᠠᠢᠴᠠᠭᠠᠨ ᠦᠵᠡᠵᠦ ᠬᠢᠷᠢ ᠲᠡᠩᠴᠡᠪᠡᠯ ᠰᠠᠶᠢ ᠭᠡᠷᠡ ᠲᠣᠭ᠍ᠲᠠᠨᠠ᠃ 《ᠵᠠᠬᠠ ᠳᠡᠯᠭᠡᠭᠦᠷᠦᠨ ᠢᠲᠡᠭᠡᠯᠢ ᠣᠯᠤᠶᠠ ᠭᠡᠪᠡᠯ ᠶᠠᠰᠤ ᠴᠢᠨᠠᠷ ᠪᠣᠯ ᠲᠡᠷᠢᠭᠦᠨ ᠴᠢᠬᠤᠯᠠ ᠶᠤᠮ！》 ᠡᠨᠡ ᠪᠣᠯ ᠲᠡᠭᠦᠨᠦ ᠦᠷᠭᠦᠯᠵᠢ ᠶᠠᠷᠢᠳᠠᠭ ᠦᠭᠡ᠃ ᠲᠤᠰᠬᠠᠢ ᠬᠣᠷᠱᠢᠶᠠ ᠬᠥᠭ᠌ᠵᠢᠯᠡ᠂ ᠭᠦᠸᠧ ᠯᠢ ᠯᠢ ᠨᠤᠲᠤᠭᠤᠨ ᠤᠯᠠᠨ ᠲᠦᠮᠡᠨᠤ ᠠᠴᠢᠵᠢ ᠮᠠᠷᠲᠠᠭᠠ ᠦᠭᠡᠶ᠃ ᠲᠡᠷᠡ ᠵᠢᠯ ᠪᠦᠷᠢ 28 ᠲᠦᠮᠡ ᠭᠠᠷᠤᠶ ᠲᠥᠭᠥᠷᠢᠭ ᠭᠠᠷᠭᠠᠵᠤ᠂ ᠡᠷᠬᠢᠨ ᠲᠣᠭᠣᠷᠢᠨᠤ 7 ᠲᠣᠰᠭᠣᠨᠳᠤ ᠬᠤᠪᠢᠶᠠᠨ ᠥᠭ᠌ᠴᠦ᠂ ᠲᠣᠰᠭᠣᠨᠤ ᠬᠠᠮᠲᠤᠶ᠋ᠢᠨ ᠠᠵᠤ ᠠᠬᠤᠶᠶ᠋ᠢ ᠪᠤᠵᠠᠭᠠᠢᠷᠠᠭᠤᠯᠤᠨ᠂ ᠨᠠᠩ ᠣᠯᠠᠨ ᠨᠤᠲᠤᠭᠤᠨ ᠤᠯᠠᠨ ᠲᠦᠮᠡᠨᠳᠤ ᠠᠵᠤ ᠦᠶ᠋ᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠱᠢᠭ ᠲᠤᠰᠠᠶ᠋ᠢ ᠡᠳ᠋ᠯᠡᠭᠦᠯᠪᠡ᠃ ᠭᠦᠸᠧ ᠯᠢ ᠯᠢ᠄ 《ᠵᠦᠪᠭᠡᠨ ᠥᠪᠡᠷᠢᠶᠡᠨ ᠪᠠᠶᠠᠵᠢᠭ᠍ᠰᠠᠨᠢ ᠪᠠᠶᠠᠨᠳᠤ ᠲᠤᠭᠠᠴᠠᠬᠤ ᠦᠭᠡᠢ᠂ ᠤᠯᠠᠨᠢ ᠳᠠᠭᠠᠭᠤᠯᠤᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯᠢ ᠡᠳ᠋ᠯᠡᠬᠦᠯᠪᠡᠯ ᠰᠠᠶᠢ ᠵᠢᠩᠬᠢᠨᠢ ᠴᠢᠳᠠᠪᠤᠷᠢ ᠪᠣᠯᠤᠨᠠ》 ᠭᠡᠵᠦ ᠶᠠᠷᠢᠨᠠ᠃
ᠴᠢᠷᠮᠠᠢᠯᠭᠠ ᠬᠦᠮᠦᠨᠢ ᠭᠤᠮᠤᠳᠠᠭᠠᠬᠤ ᠦᠭᠡᠢ ᠭᠡᠳᠡᠭᠶ᠋ᠢᠡᠷ᠂ 2020 ᠣᠨᠳᠤ ᠭᠦᠸᠧ ᠯᠢ ᠯᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠳᠡᠯᠮᠦᠷᠢᠶ᠋ᠢᠨ ᠵᠢᠱ᠌ᠢᠶᠡᠴᠢᠶ᠋ᠢᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠵᠦ᠍᠂ 2025 ᠣᠨᠳᠤ ᠪᠥᠬᠥ᠌ ᠤᠯᠤᠰᠤᠨ ᠬᠥᠳᠡᠯᠮᠦᠷᠢᠶ᠋ᠢᠨ ᠵᠢᠱ᠌ᠢᠶᠡᠴᠢᠶ᠋ᠢᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠪᠡ᠃ ᠣᠢᠷᠠᠳᠤ᠂ ᠲᠡᠷᠡ ᠪᠠᠰᠠ 2025 ᠣᠨᠤ ᠬᠣᠶᠠᠳᠤᠭᠠᠷ ᠤᠯᠠᠷᠢᠯᠤᠨ 《ᠥᠪᠥᠷ ᠮᠣᠩᠭᠣᠯᠤᠨ ᠰᠠᠢᠨ ᠬᠥᠮᠦᠨ》 ᠤ᠋ ᠨᠡᠷᠡᠰᠦᠨ ᠵᠢᠭ᠍ᠰᠠᠭᠠᠯᠲᠠᠳᠤ ᠢᠷᠠᠭᠤ ᠠᠯᠳᠠᠷᠲᠠᠶᠪᠠᠷ ᠲᠣᠳᠣᠷᠠᠪᠠ᠃
ᠦᠳᠡᠰᠢᠶ᠋ᠢᠨ ᠲᠤᠯᠤᠩ ᠠᠯᠲᠠᠨ ᠱᠢᠷᠭᠠᠯ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠲᠠᠷᠢᠶᠠᠨᠳᠦ ᠲᠤᠶᠠᠭᠠᠷᠠᠨᠠ᠂ ᠡᠷᠳᠡᠨᠢ ᠱᠢᠰᠢᠶ᠋ᠢ ᠳᠦᠭᠦᠷᠲᠡᠯᠡ ᠠᠴᠢᠭ᠍ᠰᠠᠨ ᠪᠠᠰᠠ ᠨᠢᠭᠡ ᠪᠦᠯᠦᠭ ᠪᠠᠷᠠᠭᠠᠨᠤ ᠲᠡᠷᠭᠡ ᠦᠷᠬᠡᠨ ᠠᠭᠤᠳᠠᠮ ᠵᠠᠬᠠ ᠳᠡᠯᠭᠡᠭᠦᠷ ᠵᠦᠭ ᠳᠠᠪᠬᠢᠨᠠ᠃ ᠭᠦᠸᠧ ᠯᠢ ᠯᠢ ᠲᠠᠷᠢᠶᠠᠨ ᠳᠠᠯᠠᠩ ᠳᠡᠭᠡᠷᠡ ᠵᠣᠭ᠍ᠰᠣᠵᠤ᠂ ᠡᠨᠡᠬᠦ᠌ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠭ᠍ᠰᠠᠨ ᠬᠦᠷᠦᠰᠦ ᠰᠢᠷᠤᠢ ᠵᠢ ᠬᠦᠨ ᠰᠡᠳᠬᠢᠯᠭᠡ ᠲᠠᠢ ᠪᠠᠷᠠᠯᠠᠨᠠ᠃ ᠲᠡᠷᠡ᠄ 《 ᠪᠢ ᠨᠤᠲᠤᠭᠤᠨ ᠤᠯᠠᠨ ᠲᠦᠮᠡᠨ ᠵᠢᠠᠨ ᠳᠠᠭᠠᠭᠤᠯᠤᠨ ᠨᠡᠩ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠯᠢ ᠴᠤᠭᠴᠠᠯᠠᠬᠤ ᠪᠡᠷ ᠦᠷᠬᠦᠯᠵᠢᠯᠡᠨ ᠴᠢᠷᠮᠠᠢᠨᠠ》 ᠭᠡᠪᠡ᠃