— 《ᠥᠪᠥᠷ ᠮᠣᠩᠭᠣᠯᠤᠨ ᠰᠠᠢᠨ ᠬᠥᠮᠦᠨ》 ᠬᠦᠷᠢᠶᠡ ᠬᠣᠱᠢᠭᠤᠨᠤ ᠬᠦᠬᠦᠨ ᠪᠠᠯᠭᠠᠰᠤ ᠵᠢᠨ ᠱᠢᠩ ᠹᠠ ᠲᠣᠰᠭᠣᠨᠤ ᠠᠷᠠᠳ ᠸᠠᠩ ᠵᠢᠩ ᠵᠢᠶᠦ᠋ᠨᠢ ᠲᠡᠮᠳᠡᠭᠯᠡᠪᠡ
8 ᠰᠠᠷᠠᠶ᠋ᠢᠨ 1 ᠤ᠋ ᠡᠳᠦᠷ᠂ ᠲᠦᠩᠯᠢᠶᠣᠤ ᠬᠤᠳᠠᠶ᠋ᠢᠨ ᠬᠦᠷᠢᠢᠡ ᠬᠣᠱᠢᠭᠤᠨᠤ ᠬᠦᠬᠦᠨ ᠪᠠᠯᠭᠠᠰᠤᠶ᠋ᠢᠨ ᠱᠢᠩ ᠹᠠ ᠲᠣᠰᠭᠣᠨᠳᠤ᠂ ᠵᠢᠮᠢᠰᠦᠨ ᠮᠣᠳᠣ᠂ ᠲᠤᠷᠤᠭ ᠮᠣᠳᠣ ᠠᠭᠤᠯᠠ ᠵᠢᠯᠠᠭᠠ ᠵᠢ ᠪᠦᠷᠭᠦᠵᠦ᠂ ᠪᠡᠯ ᠳᠡᠭᠡᠷᠡᠡᠴᠡ ᠠᠯᠤᠰᠢ ᠪᠠᠷᠠᠯᠠᠬᠤᠳᠤ ᠨᠢᠳᠦ ᠳᠦᠭᠦᠷᠡᠩ ᠨᠣᠭᠣᠭᠠᠨ ᠦᠩᠭᠡ ᠴᠡᠯᠭᠡᠷᠡᠨ ᠬᠠᠷᠠᠭ᠍ᠳᠠᠨᠠ᠃ 《ᠬᠠᠷᠠᠭᠠ ᠲᠦᠬᠦᠷᠡᠩ ᠤᠢ ᠮᠤᠳᠤᠳᠢ ᠡᠳᠡᠭᠡᠷ ᠵᠢᠯᠦᠳᠲᠦ ᠨᠢᠭᠡ ᠨᠢᠭᠡ ᠰᠠᠭᠤᠷᠢᠪᠠᠷ ᠲᠠᠷᠢᠭ᠍ᠰᠠᠨ ᠶᠤᠮ》 ᠭᠡᠵᠦ᠍ ᠲᠣᠰᠭᠣᠨᠤ ᠠᠷᠠᠳ ᠸᠠᠩ ᠵᠢᠩ ᠵᠢᠶᠦ᠋ᠨ ᠬᠡᠯᠡᠨᠡ᠃
ᠱᠢᠩ ᠹᠠ ᠲᠣᠰᠭᠣᠨ ᠬᠦᠷᠢᠶᠡ ᠬᠣᠱᠢᠭᠤᠨᠤ ᠡᠮᠦᠨᠡ ᠬᠡᠰᠡᠭᠲᠦ ᠪᠠᠢᠷᠢᠯᠠᠵᠤ᠂ ᠪᠦᠬᠦ᠌ ᠲᠣᠰᠭᠣᠨᠤ ᠬᠣᠶᠠᠷ ᠲᠦᠮᠡᠨ ᠮᠦ᠍ ᠲᠠᠷᠢᠶᠠᠨ ᠭᠠᠵᠠᠷ ᠨᠢ 60 ᠱᠢᠬᠠᠮ ᠶᠡᠬᠡ ᠪᠠᠭᠠ ᠭᠤᠤ ᠵᠢᠯᠠᠭᠠᠵᠢᠨ ᠲᠤᠮᠳᠠᠭᠤᠷ ᠰᠦᠯᠵᠢᠯᠳᠦᠵᠦ᠍᠂ ᠸᠠᠩ ᠵᠢᠩ ᠵᠢᠶᠦ᠋ᠨᠦ ᠬᠢᠨ ᠮᠦᠨ ᠡᠳᠡᠭᠡᠷ ᠭᠤᠤ ᠵᠢᠯᠠᠭᠠ ᠵᠢᠨ ᠳᠣᠣᠷᠠ ᠰᠠᠭᠤᠷᠢᠰᠢᠵᠤ ᠪᠠᠢᠳᠠᠭ᠃ 20 ᠳ᠋ᠤᠭᠠᠷ ᠵᠠᠭᠤᠨᠤ ᠨᠠᠶᠠᠭᠠᠳ ᠣᠨᠳᠤ᠂ ᠸᠠᠩ ᠵᠢᠩ ᠵᠢᠶᠦ᠋ᠨᠦ ᠠᠪᠤ ᠸᠠᠩ ᠭᠦᠸᠧ ᠴᠢᠩ ᠵᠠᠰᠠᠭᠤᠨ ᠣᠷᠳᠣᠨᠤ ᠤᠷᠢᠶᠠᠯᠠᠭᠠᠶ᠋ᠢ ᠳᠠᠭᠠᠵᠤ᠂ ᠲᠣᠰᠭᠣᠨᠤ 350 ᠮᠦ᠍ ᠬᠤᠪᠠᠬᠠᠢ ᠭᠤᠤ ᠵᠢᠯᠠᠭᠠᠶ᠋ᠢ ᠳᠠᠭᠠᠭᠠᠴᠢᠯᠠᠵᠤ᠂ ᠨᠢᠭᠡᠳᠦᠭᠡᠷ ᠦᠶᠡᠶ᠋ᠢᠨ ᠭᠤᠤ ᠵᠠᠰᠠᠭ᠍ᠴᠢ ᠪᠣᠯᠪᠠ᠃
《ᠲᠤᠮᠤᠭᠠ ᠤᠷᠤᠭ᠍ᠰᠠᠨ ᠡᠴᠡ ᠪᠠᠨ ᠨᠠᠭᠠᠰᠢ ᠪᠢ ᠠᠪᠤᠪᠡᠨ ᠳᠠᠭᠠᠵᠤ ᠮᠣᠳᠣ ᠲᠠᠷᠢᠭᠰᠠᠭᠠᠷ ᠢᠷᠡᠵᠡᠢ᠂ ᠬᠤᠵᠢᠮ ᠨᠢ ᠦᠪᠡᠷ ᠵᠢᠠᠨ ᠴᠸ᠋ ᠮᠤᠳᠤ ᠲᠠᠷᠢᠵᠤ ᠨᠤᠭᠤᠭᠠᠷᠠᠭᠤᠯᠬᠤ ᠠᠵᠢᠯᠳᠤ ᠪᠠᠬᠠ ᠲᠡᠢ ᠪᠤᠯᠤᠭᠰᠠᠠ ᠡ》 ᠭᠡᠵᠦ ᠸᠠᠩ ᠵᠢᠩ ᠵᠢᠶᠦ᠋ᠨ ᠡᠷᠬᠢᠴᠡᠬᠦᠯᠦᠨᠡ᠃
ᠡᠬᠦᠳᠡᠨ ᠡᠴᠡ ᠠᠭᠤᠯᠠᠨ ᠵᠠᠮ ᠲᠠᠬᠢᠷᠯᠠᠨ ᠮᠤᠷᠦᠯᠵᠡᠵᠤ᠂ ᠵᠠᠭᠤᠨ ᠭᠠᠵᠠᠷ ᠮᠢᠩᠭᠠᠨ ᠵᠢᠩᠢ ᠡᠬᠦᠷᠴᠦ ᠲᠠᠮᠨᠠᠬᠤ ᠯᠠ ᠬᠡᠷᠡᠭᠳᠡᠢ᠃ 70 ᠭᠷᠠᠳᠦ᠋ᠰᠤᠨ ᠬᠦᠳᠦᠯ ᠵᠢᠡᠷ ᠨᠢᠭᠡ ᠠᠯᠬᠤᠮ ᠠᠯᠬᠤᠬᠤ ᠳ᠋ᠤ ᠴᠸ᠋ ᠲᠤᠢᠯᠤᠨ ᠬᠦᠴᠢᠷ ᠃ ᠸᠠᠩ ᠵᠢᠩ ᠵᠢᠶᠦ᠋ᠨᠦ ᠬᠢᠨ ᠵᠢᠵᠢᠭᠭᠡᠨ ᠲᠦᠯᠬᠢᠬᠦ᠌ ᠲᠡᠷᠭᠡᠵᠠᠷᠤᠵᠤ ᠭᠤᠤᠲᠤᠳᠤᠷᠠ ᠳᠥᠭᠥᠮ ᠪᠦᠳᠦᠴᠡᠳᠦ ᠪᠠᠢᠱᠢᠩ ᠪᠤᠰᠭᠠᠵᠠᠢ᠃ ᠬᠦᠷᠵᠡᠪᠡᠷ ᠡᠭ᠌ᠴᠡ ᠬᠥᠲᠥᠯ ᠳᠡᠭᠡᠷᠡ ᠵᠢᠭᠠᠰᠤᠨ ᠬᠠᠢᠷᠰᠤᠨ ᠬᠡᠯᠪᠡᠷᠢ ᠵᠢᠨ ᠨᠦᠬᠡ ᠮᠠᠯᠲᠠᠵᠤ᠂ ᠨᠠᠯᠠᠤ ᠬᠥᠲᠥᠯ ᠳᠡᠭᠡᠷᠡ ᠬᠡᠪᠲᠡᠭᠡ ᠨᠦᠬᠡ ᠮᠠᠯᠲᠠᠵᠤ᠂ ᠭᠤᠤᠶ᠋ᠢᠨ ᠢᠷᠣᠭᠠᠷ ᠲᠦ᠍ ᠬᠠᠱᠢᠯᠭᠠ ᠪᠠᠷᠢᠵᠠᠢ᠃ ᠠᠭᠤᠯᠠᠨ ᠳᠡᠭᠡᠷᠡ ᠤᠰᠤ ᠦᠭᠡᠢ ᠪᠤᠯᠬᠤᠷ ᠵᠥᠪᠬᠡᠨ ᠭᠤᠤᠶ᠋ᠢᠨ ᠳᠣᠣᠷᠠᠬᠢ ᠬᠤᠳᠳᠤᠭᠠᠴᠠ ᠤᠰᠤ ᠲᠠᠮᠨᠠᠵᠤ ᠮᠣᠳᠣ ᠤᠰᠤᠯᠠᠨᠠ᠂ ᠪᠣᠷᠣᠭᠠᠨᠤ ᠤᠯᠠᠷᠢᠯ ᠪᠣᠯᠬᠤ ᠪᠦᠷᠢ᠂ ᠰᠠᠶᠢᠬᠠᠨ ᠵᠠᠰᠠᠭ᠍ᠰᠠᠨ ᠭᠤᠤᠶ᠋ᠢᠨ ᠬᠦᠪᠡᠭᠡ᠂ ᠭᠤᠤᠶ᠋ᠢᠨ ᠢᠷᠣᠭᠠᠷᠤᠨ ᠬᠠᠱᠢᠯᠭᠠ ᠨᠢ ᠪᠤᠷᠤᠭᠠᠨᠤ ᠤᠰᠤᠨ ᠳ᠋ᠤ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠡᠪᠳᠡᠭ᠌ᠳᠡᠳᠡᠭ᠃ ᠭᠡᠲᠡᠯᠡ ᠨᠥᠬᠥᠴᠡᠯ ᠬᠡᠳᠦᠢ ᠬᠠᠲᠠᠭᠤᠵᠢᠯᠲᠠᠢ ᠪᠠᠢᠭ᠍ᠰᠠᠨ ᠴᠤ᠌᠂ ᠡᠨᠡ ᠭᠡᠷᠦᠨ ᠬᠥᠮᠦᠰ ᠲᠠᠴᠢᠷ ᠭᠤᠤᠶ᠋ᠢ ᠵᠠᠰᠠᠬᠤ ᠡᠷᠡᠰ ᠵᠣᠷᠢᠭᠢᠶᠠᠨ ᠥᠴᠦᠬᠡᠨ ᠴᠦ᠍ ᠭᠤᠢᠪᠢᠯᠵᠠᠭᠤᠯᠤᠭ᠍ᠰᠠᠨ ᠦᠭᠡᠢ᠃ ᠨᠢᠳᠦ ᠢᠷᠮᠡᠬᠦ᠌ ᠵᠠᠭᠤᠷᠠ ᠠᠷᠪᠠᠨ ᠬᠡᠳᠦᠨ ᠵᠢᠯ ᠥᠩᠭᠡᠷᠡᠴᠢᠬᠡᠯᠡ᠂ ᠲᠠᠳᠠ ᠨᠤᠲᠤᠭᠤᠨ ᠠᠷᠭᠠᠪᠠᠷ ᠬᠡᠳᠦᠨ ᠲᠦᠮᠡᠨ ᠰᠠᠭᠤᠷᠢ ᠴᠢᠬᠢ ᠮᠣᠳᠣᠶ᠋ᠢ ᠲᠠᠴᠢᠷ ᠭᠤᠤᠳᠤ ᠡᠳᠡᠭᠡᠷᠡᠭᠦᠯᠵᠦ᠂ ᠠᠮᠢ ᠨᠠᠰᠤᠨᠤ ᠨᠣᠭᠣᠭᠠᠨ ᠥᠩᠭᠡᠶ᠋ᠢ ᠪᠤᠢ ᠪᠤᠯᠭᠠᠪᠠ᠃
2015 ᠣᠨᠳᠤ᠂ ᠸᠠᠩ ᠭᠦᠸᠧ ᠴᠢᠩ ᠡᠪᠡᠳᠴᠢᠨᠢᠶᠡᠷ ᠨᠠᠰᠤ ᠪᠠᠷᠠᠵᠤ᠂ ᠭᠦᠨ ᠬᠠᠢᠷᠠᠳᠠᠢ ᠠᠭᠤᠯᠠᠨ ᠭᠤᠤᠳ᠋ᠠᠭᠠᠨ ᠮᠥᠩᠬᠡ ᠨᠣᠢᠷᠰᠤᠵᠠᠢ᠃ ᠸᠠᠩ ᠵᠢᠩ ᠵᠢᠶᠦ᠋ᠨ ᠡᠬᠡᠨᠡᠷᠲᠡᠶᠪᠡᠨ ᠭᠤᠤ ᠵᠢᠯᠠᠭᠠᠶ᠋ᠢ ᠵᠠᠰᠠᠬᠤ ᠪᠤᠤᠬᠢᠢᠠᠶ᠋ᠢ ᠲᠤᠰᠴᠤ᠌᠂ ᠬᠣᠶᠠᠳᠡᠬᠢ ᠦᠶᠡᠶ᠋ᠢᠨ ᠭᠤᠤ ᠵᠠᠰᠠᠬᠴᠢ ᠵᠢᠨ ᠬᠦᠨᠳᠦ ᠡᠭᠦᠷᠭᠡᠶ᠋ᠢ ᠡᠭᠦᠷᠭᠡᠯᠡᠪᠡ᠃
ᠵᠢᠯ ᠪᠦᠷᠢᠶ᠋ᠢᠨ ᠬᠠᠪᠤᠷᠤᠨ ᠠᠭᠤᠷ ᠤᠷᠤᠮᠠᠭᠴᠠ ᠸᠠᠩ ᠵᠢᠩ ᠵᠢᠶᠦ᠋ᠨ ᠨᠢᠭᠡ ᠵᠢᠯᠤᠨ ᠶᠠᠭᠠᠷᠠᠯᠲᠠᠢ ᠠᠵᠢᠯ ᠵᠢᠡᠨ ᠡᠬᠢᠯᠡᠭᠦᠯᠦᠨᠡ᠂ ᠡᠨᠡ ᠭᠠᠵᠠᠷ 35 ᠵᠢᠯ ᠠᠵᠢᠯᠯᠠᠵᠤ ᠬᠦᠳᠡᠯᠮᠦᠷᠢᠯᠡᠭᠰᠡᠨ ᠲᠡᠷᠡ ᠪᠡᠷ ᠡᠭ᠌ᠴᠡ ᠬᠥᠲᠥᠯ ᠳᠡᠭᠡᠷᠡ ᠴᠦ᠍ ᠲᠡᠭ᠌ᠰᠢ ᠭᠠᠵᠠᠷ ᠮᠠᠲᠤ ᠠᠯᠬᠤᠵᠤ ᠶᠠᠪᠤᠳᠠᠬ ᠪᠤᠯᠵᠠᠢ᠃ ᠸᠠᠩ ᠵᠢᠩ ᠵᠢᠶᠦ᠋ᠨ ᠬᠠᠢᠴᠢᠯᠠᠵᠦ ᠵᠠᠰᠠᠬᠤ᠂ ᠮᠠᠯᠲᠠᠵᠤ ᠬᠤᠰᠤᠬᠤ ᠬᠡᠬᠦᠴᠢᠯᠡᠨ ᠠᠭᠤᠯᠠᠨᠳᠤ ᠭᠠᠷᠤᠮᠠᠭ᠍ᠴᠠ ᠨᠢᠭᠡ ᠡᠳᠦᠷ ᠪᠤᠯᠴᠢᠬᠠᠳᠠᠬ᠃ ᠵᠠᠷᠢᠮ ᠰᠠᠳᠤᠨ ᠲᠥᠷᠥᠯ ᠨᠢ ᠸᠠᠩ ᠵᠢᠩ ᠵᠢᠶᠦ᠋ᠨᠢ ᠠᠭᠤᠯᠠᠨᠳᠤ ᠭᠠᠷᠴᠤ᠌ ᠲᠠᠴᠢᠷ ᠭᠤᠤᠳᠤ ᠮᠣᠳᠣ ᠲᠠᠷᠢᠬᠤ ᠡᠴᠡ ᠭᠠᠳᠠᠭ᠍ᠰᠢ ᠭᠠᠷᠴᠤ᠌ ᠬᠥᠯᠥᠰᠥᠨ ᠠᠵᠢᠯ ᠬᠢᠬᠦ᠌ ᠨᠢ ᠬᠠᠷᠢᠴᠠᠩᠭᠤᠶ ᠬᠥᠩᠭᠡᠨ ᠪᠦᠭᠡᠳ ᠵᠣᠭᠣᠰ ᠣᠯᠬᠤ ᠨᠢ ᠴᠦ᠍ ᠠᠮᠠᠷᠬᠠᠨ ᠭᠡᠵᠦ ᠢᠳᠬᠠᠪᠠ᠃ ᠭᠡᠪᠡᠴᠦ᠍ ᠸᠠᠩ ᠵᠢᠩ ᠵᠢᠶᠦ᠋ᠨ ᠶᠡᠷᠦ᠍ᠡᠴᠡ ᠭᠤᠢᠪᠢᠯᠵᠠᠵᠤ ᠥᠩᠭᠡᠷᠡᠭᠡ ᠦᠭᠡᠢ᠃ 《ᠮᠣᠳᠣ ᠵᠠᠢᠯᠠᠵᠤ ᠭᠤᠤ ᠵᠢᠯᠠᠭᠠ ᠵᠢ ᠵᠠᠰᠠᠬᠤ ᠪᠣᠯ ᠠᠮᠢ ᠵᠢᠭᠤᠬᠤ ᠠᠷᠭᠠ ᠬᠡᠯᠪᠡᠷᠢ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠨᠡᠩ ᠴᠤ᠌ ᠦᠷᠡ ᠬᠣᠢᠴᠢᠰᠲᠠᠭᠠᠨ ᠪᠤᠶᠠᠨ ᠦᠢᠯᠡᠳᠬᠦ᠌ ᠶᠡᠬᠡ ᠶᠠᠪᠤᠳᠠᠯ ᠮᠥᠨ᠂ ᠬᠡᠳᠦᠢ ᠬᠦᠴᠢᠷᠲᠡᠢ ᠪᠠᠢᠯᠠ ᠴᠤ᠌ ᠭᠡᠰᠡᠨ ᠦᠨᠡ ᠦᠷᠳᠡᠭ ᠵᠢᠡᠷ ᠶᠡᠭᠡ ᠶᠤᠮ》 ᠬᠡᠵᠦ ᠸᠠᠩ ᠵᠢᠩ ᠵᠢᠶᠦ᠋ᠨ ᠡᠷᠡᠰ ᠱᠢᠭᠤᠷᠬᠠᠶᠪᠠᠷ ᠬᠡᠯᠡᠪᠡ᠃
《ᠭᠤᠤ ᠵᠠᠰᠠᠭ᠍ᠴᠢ ᠬᠦᠮᠦᠨ ᠭᠡᠵᠦ ᠮᠣᠳᠣ ᠲᠠᠢ ᠠᠳᠠᠯᠢ ᠶᠤᠮ᠃ ᠠᠮᠢᠳᠤᠪᠠᠢᠬᠤ ᠳ᠋ᠤ ᠪᠠᠨ ᠰᠠᠯᠬᠢ ᠡᠯᠡᠰᠦᠶ᠋ᠢ ᠬᠠᠯᠬᠠᠯᠠᠵᠤ᠂ ᠬᠤᠪᠠᠬᠠᠢᠷᠠᠵᠤ ᠬᠠᠳᠠᠪᠠᠯ ᠲᠦᠯᠡᠭᠡ ᠪᠣᠯᠤᠨᠠ》 ᠭᠡᠵᠦ ᠬᠡᠯᠡᠭᠰᠡᠨ ᠠᠪᠤᠶ᠋ᠢᠨᠢᠶᠡᠨ ᠦᠭᠡᠶ᠋ᠢ ᠸᠠᠩ ᠵᠢᠩ ᠵᠢᠶᠦ᠋ᠨ ᠬᠡᠵᠢᠶᠡᠳᠡ ᠴᠡᠭᠡᠵᠢᠯᠡᠵᠦ᠍ ᠶᠠᠪᠤᠳᠠᠭ᠃ ᠵᠢᠯ ᠲᠤᠷᠰᠢ ᠲᠡᠷᠡ ᠡᠨᠡ ᠬᠦ᠌ ᠠᠭᠤᠯᠠᠨ ᠭᠤᠤᠶ᠋ᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ ᠭᠠᠵᠠᠷ ᠲᠡᠭ᠌ᠰᠢᠯᠡᠬᠦ᠂ ᠬᠤᠳᠳᠤᠭ ᠮᠠᠯᠲᠠᠬᠤ᠂ ᠵᠤᠯᠵᠠᠭᠠ ᠮᠣᠳᠣ ᠬᠤᠳᠠᠯᠳᠤᠨ ᠠᠪᠬᠤ ᠬᠡᠬᠦᠴᠢᠯᠡᠨ ᠪᠠᠷᠤᠭ ᠪᠦᠬᠦ᠌ ᠬᠠᠳᠠᠭᠠᠯᠠᠮᠵᠢ ᠪᠠᠨ ᠵᠠᠷᠤᠵᠤ ᠪᠠᠷᠠᠭᠠᠪᠠ᠃ ᠵᠠᠷᠤᠳᠠᠯ ᠵᠢᠡᠨ ᠠᠷᠪᠢᠯᠠᠬᠤᠶ᠋ᠢᠨ ᠲᠥᠯᠥᠭᠡ᠂ ᠲᠡᠷᠡ ᠥᠪᠡᠷᠢᠶᠡᠨ ᠡᠭᠦᠯᠳᠡᠷ ᠰᠠᠢᠵᠢᠷᠠᠭᠤᠯᠬᠤᠶ᠋ᠢ ᠪᠣᠳᠣᠯᠬᠢᠯᠠᠵᠤ᠂ ᠵᠢᠮᠢᠰᠦᠨ ᠮᠣᠳᠣᠶ᠋ᠢ ᠵᠠᠯᠭᠠᠵᠤ ᠪᠣᠢᠵᠢᠭᠤᠯᠬᠤᠶ᠋ᠢ ᠰᠤᠳᠤᠯᠵᠤ᠂ ᠤᠤᠯᠤᠨ ᠨᠢᠭᠡ ᠪᠦᠯᠦᠭ ᠬᠠᠭᠤᠴᠢᠨ ᠡᠭᠦᠯᠳᠡᠷᠦᠨ ᠵᠢᠮᠢᠰᠦᠨ ᠮᠣᠳᠣᠪᠠᠷ ᠵᠠᠯᠭᠠᠳᠠᠰᠤ ᠬᠢᠵᠦ᠍᠂ ᠳᠡᠭᠡᠷᠡ ᠨᠢ ᠯᠦᠩ ᠹᠧᠩ ᠵᠢᠮᠢᠰ᠂ ᠠᠯᠮᠤᠷᠠᠳᠦᠨ ᠠᠯᠢᠮᠠ ᠵᠡᠷᠭᠡ ᠠᠷᠪᠠᠨ ᠱᠢᠬᠠᠮ ᠡᠭᠦᠯᠳᠡᠷᠦᠨ ᠵᠢᠮᠢᠰᠦᠨ ᠮᠣᠳᠣᠶ᠋ᠢ ᠵᠠᠯᠭᠠᠵᠤ ᠤᠷᠭᠤᠭᠤᠯᠪᠠ᠃ 2019 ᠣᠨᠳᠤ᠂ ᠸᠠᠩ ᠵᠢᠩ ᠵᠢᠶᠦ᠋ᠨ ᠪᠠᠰᠠ ᠵᠢᠨ ᠰᠢᠦ ᠬᠠᠢᠲᠠᠩ᠂ ᠠᠯᠮᠤᠷᠠᠳᠦᠨ ᠠᠯᠢᠮᠠ᠂ ᠨᠠᠩᠬᠢᠶᠠᠳ ᠠᠯᠢᠮᠠ ᠵᠡᠷᠭᠡ ᠠᠷᠪᠠᠨ ᠲᠦᠷᠦᠯᠦᠨ 5000 ᠭᠠᠷᠤᠢ ᠰᠠᠭᠤᠷᠢ ᠵᠢᠮᠢᠰᠦᠨ ᠮᠣᠳᠣᠶ᠋ᠢ ᠲᠠᠷᠢᠵᠠᠢ᠃ ᠥᠩᠭᠡᠷᠡᠭ᠌ᠰᠡᠨᠦ ᠲᠠᠴᠢᠷ ᠭᠤᠤ ᠲᠡᠭᠦᠨᠦ ᠨᠢᠮᠪᠠᠢ ᠠᠷᠠᠴᠢᠯᠠᠯᠳᠠᠪᠠᠷ ᠠᠭᠠᠵᠢᠮᠢᠶᠠᠷ ᠨᠣᠭᠣᠭᠠᠨ ᠦᠭᠭᠡ ᠪᠡᠷ ᠬᠤᠴᠢᠬᠳᠠᠨ᠂ ᠴᠡᠴᠡᠭ ᠵᠢᠮᠢᠰᠦᠨ ᠠᠩᠬᠢᠯᠤᠮᠠ ᠦᠨᠦᠷ ᠬᠠᠩᠬᠤᠯᠤᠭ᠍ᠰᠠᠨ ᠵᠢᠷᠭᠠᠯᠤᠨ ᠭᠤᠤ ᠪᠣᠯᠤᠨ ᠬᠤᠪᠢᠷᠠᠵᠠᠢ᠃
ᠥᠩᠭᠡᠷᠡᠭ᠌ᠰᠡᠨᠦ 《ᠨᠢᠭᠡ ᠠᠯᠬᠤᠮ᠂ ᠨᠢᠭᠡ ᠴᠢᠬᠢ ᠮᠤᠳᠤ᠂ ᠨᠢᠭᠡ ᠬᠤᠯᠤ ᠤᠰᠤ》ᠡᠴᠡ ᠤᠳᠤᠬᠠᠨᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠢᠶᠡᠷ ᠡᠯᠡᠰᠦᠶ᠋ᠢ ᠵᠠᠰᠠᠬᠤ ᠪᠤᠯᠳᠠᠯᠠᠬᠢ ᠡᠨᠡ ᠳᠥᠴᠢᠨ ᠵᠢᠯ ᠪᠤᠯ ᠨᠤᠮᠢᠨ ᠨᠤᠭᠤᠭᠠᠨᠤ ᠪᠤᠤᠬᠢᠶᠠ ᠲᠠᠮᠵᠢᠭᠤᠯᠭᠠ ᠪᠣᠯᠤᠨᠠ᠃ ᠸᠠᠩ ᠵᠢᠩ ᠵᠢᠶᠦ᠋ᠨᠦ ᠨᠢᠭᠡ ᠬᠡᠷᠦᠨ ᠬᠢᠨᠦ ᠳᠠᠷᠢᠭ᠍ᠰᠠᠨ ᠬᠡᠳᠦᠨ ᠲᠦᠮᠡᠨ ᠰᠠᠭᠤᠷᠢ ᠮᠣᠳᠣᠨᠢ ᠡᠨᠡ ᠬᠦ᠌ ᠨᠤᠲᠤᠭ ᠳᠡᠪᠢᠰᠭᠡᠷᠲᠦ ᠭᠦᠨ ᠦᠨᠳᠦᠰᠦᠯᠡᠵᠦ᠍᠂ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠣᠷᠢᠨᠢ ᠰᠠᠢᠵᠢᠷᠠᠭᠤᠯᠤᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠰᠠᠯᠬᠢ ᠡᠯᠡᠰᠦᠶ᠋ᠢ ᠰᠡᠷᠭᠡᠢᠯᠡᠬᠦ ᠨᠤᠮᠢᠨ ᠨᠣᠭᠣᠭᠠᠨ ᠬᠠᠯᠬᠠᠪᠴᠢᠪᠤᠯᠪᠠ᠃ ᠸᠠᠩ ᠵᠢᠩ ᠵᠢᠶᠦ᠋ᠨᠦ ᠨᠢᠭᠡ ᠭᠡᠷᠦᠨ ᠲᠠᠭᠠᠭᠤᠯᠭᠠ ᠳᠣᠣᠷᠠ ᠂ ᠨᠡᠩ ᠤᠯᠠᠨ ᠬᠥᠮᠦᠨ ᠲᠠᠴᠢᠷ ᠭᠤᠤᠶ᠋ᠢ ᠵᠠᠰᠠᠬᠤᠳᠤ ᠣᠷᠣᠯᠴᠠᠪᠠ᠃ ᠸᠠᠩ ᠵᠢᠩ ᠵᠢᠶᠦ᠋ᠨ ᠨᠠᠩ ᠴᠤ᠌ ᠭᠤᠤ ᠵᠠᠰᠠᠭ᠍ᠰᠠᠨ ᠲᠤᠷᠱᠢᠯᠭᠠ ᠪᠣᠯᠤᠨ ᠵᠢᠮᠢᠰᠦᠨ ᠮᠣᠳᠣ ᠳᠠᠷᠢᠬᠤ ᠮᠡᠷᠭᠡᠵᠢᠯᠢᠶᠡᠨ ᠬᠠᠷᠠᠮ ᠥᠬᠡᠶ ᠬᠤᠪᠢᠶᠠᠯᠴᠠᠵᠤ᠂ ᠪᠥᠬᠥ᠌ ᠬᠣᠱᠢᠭᠤᠨᠤ 《ᠮᠢᠩᠭᠠᠨ ᠭᠤᠤ ᠲᠦᠮᠡᠨ ᠵᠢᠯᠠᠭᠠ》 ᠡᠴᠠ 《ᠨᠤᠮᠢᠨ ᠤᠰᠤ ᠬᠦᠭᠡᠮᠳᠦᠭ ᠠᠭᠤᠯᠠ》 ᠪᠤᠯᠤᠭᠰᠠᠨ ᠭᠣᠶᠣ ᠬᠡᠭᠡᠨᠴᠢᠷ ᠬᠤᠪᠢᠷᠠᠯᠲᠠ ᠵᠢ ᠪᠡᠶᠡᠯᠡᠬᠦᠯᠬᠦᠳᠤ ᠥᠪᠡᠷᠦᠨ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠪᠡ᠃ ᠸᠠᠩ ᠵᠢᠩ ᠵᠢᠶᠦ᠋ᠨᠦ ᠨᠢᠭᠡ ᠬᠡᠷᠦᠨ ᠬᠢᠨ ᠮᠡᠳᠦ ᠲᠠᠴᠢᠷ ᠭᠤᠤᠶ᠋ᠢ ᠵᠠᠰᠠᠭᠴᠢ ᠬᠦᠷᠢᠶᠡᠶ᠋ᠢᠨ ᠬᠥᠮᠦᠰᠦᠨ ᠴᠥᠬᠥᠷᠡᠰᠢ ᠥᠬᠡᠶ ᠴᠢᠷᠮᠠᠢᠯᠭᠠ ᠳᠤᠤᠷᠠ ᠪᠥᠬᠥ᠌ ᠬᠣᠱᠢᠭᠤᠨᠤ ᠣᠶ ᠱᠢᠭᠤᠶᠶ᠋ᠢᠨ ᠪᠦᠷᠬᠦᠴᠡᠶ᠋ᠢᠨ ᠨᠣᠷᠮᠠ 34% ᠡᠴᠠ ᠳᠡᠭᠡᠭ᠌ᠰᠢᠳᠦ ᠬᠦᠷᠴᠡᠶ᠃
ᠰᠤᠯᠠ ᠰᠡᠯᠡᠬᠦᠤ ᠴᠠᠭᠢᠶᠡᠷᠢᠶᠡᠨ ᠸᠠᠩ ᠵᠢᠩ ᠵᠢᠶᠦ᠋ᠨ ᠬᠡᠦᠬᠡᠳᠦᠳᠢᠶᠡᠨ ᠳᠠᠭᠠᠭᠤᠯᠤᠨ ᠠᠭᠤᠯᠠᠨᠳᠤ ᠭᠠᠷᠴᠤ᠌᠂ ᠡᠴᠢᠭᠡᠵᠢᠨᠢᠶᠡᠨ ᠵᠢᠮᠢᠰᠦᠨ ᠮᠣᠳᠣ ᠲᠠᠷᠢᠵᠤ᠂ ᠭᠤᠤ ᠭᠠᠨᠭᠭᠠᠶ᠋ᠢ ᠵᠠᠰᠠᠭ᠍ᠰᠠᠨ ᠦᠯᠢᠭᠡᠷᠢ ᠶᠠᠷᠢᠵᠤ ᠦᠭᠳᠡᠭ᠃ ᠣᠳᠣᠬᠠᠨᠳᠤ᠂ ᠬᠡᠦᠬᠡᠳᠦᠳ ᠨᠢ ᠴᠸ᠋ ᠮᠠᠰᠢ ᠲᠠᠳᠮᠠᠭᠠᠢ ᠪᠡᠷ ᠤᠰᠤᠯᠠᠵᠤ᠂ ᠪᠣᠷᠲᠣᠭᠣᠷ ᠣᠷᠣᠭᠤᠯᠵᠤ᠂ ᠵᠢᠮᠢᠰ ᠲᠡᠭᠦᠵᠦ᠍ ᠴᠢᠳᠠᠬᠤ ᠪᠤᠯᠵᠠᠢ᠃ 《ᠡᠨᠳᠡᠬᠢ ᠮᠣᠳᠣᠳ ᠲᠸ᠋ ᠡᠪᠦᠭᠡ ᠡᠮᠡᠭᠡᠶ᠋ᠢᠨ ᠲᠠᠷᠢᠭ᠍ᠰᠠᠨ ᠮᠣᠳᠣ ᠪᠠᠢᠨᠠ᠂ ᠪᠠᠰᠠ ᠠᠪᠤ ᠡᠵᠢᠶ᠋ᠢᠨ ᠲᠠᠷᠢᠬᠰᠠᠨ ᠴᠸ᠋ ᠪᠠᠢᠨᠠ᠂ ᠨᠠᠮᠤᠷ ᠪᠣᠯᠤᠮᠠᠬᠴᠠ ᠦᠩᠬᠡ ᠦᠵᠡᠮᠵᠢ ᠮᠠᠰᠢ ᠭᠤᠶᠤ᠂ ᠪᠢᠳᠡ ᠲᠣᠮᠣ ᠪᠣᠯᠤᠭ᠍ᠰᠠᠨᠤ ᠬᠤᠢᠨᠠ ᠪᠠᠰᠠ ᠦᠷᠬᠦᠯᠵᠢᠯᠡᠨ ᠨᠤᠭᠤᠭᠠᠷᠠᠭᠤᠯᠬᠤ ᠠᠵᠢᠯᠢ ᠵᠠᠯᠭᠠᠵᠤ᠂ ᠡᠨᠳᠡᠬᠢᠶ᠋ᠢ ᠦᠷᠬᠦᠯᠵᠢᠯᠡᠨ ᠦᠵᠡᠰᠬᠦᠯᠡᠩᠳᠦ ᠰᠠᠢᠬᠠᠨ ᠪᠠᠢᠯᠭᠠᠨᠠ》 ᠭᠡᠵᠤ ᠬᠡᠤᠬᠡᠳᠤᠳ ᠨᠢ ᠬᠡᠯᠡᠨᠠ᠃
ᠬᠣᠶᠠᠷ ᠦᠶᠡᠶ᠋ᠢᠨ ᠬᠥᠮᠦᠰ ᠲᠠᠴᠢᠷ ᠭᠤᠤᠶ᠋ᠢ ᠭᠤᠢᠪᠢᠰᠢ ᠦᠭᠡᠢ ᠵᠠᠰᠠᠵᠤ᠂ ᠠᠭᠤᠯᠠ ᠲᠠᠯᠠ ᠳ᠋ᠤ ᠨᠤᠭᠤᠭᠠᠨ ᠬᠦᠷᠮᠡ ᠬᠡᠳᠦᠷᠡᠬᠦᠯᠪᠡ᠃ ᠦᠳᠡᠰᠢᠶ᠋ᠢᠨ ᠨᠡᠷᠡᠨ ᠪᠠᠷᠠᠭᠤᠨᠰᠢ ᠲᠠᠱᠢᠬᠤᠶᠠ᠂ ᠸᠠᠩ ᠵᠢᠩ ᠵᠢᠶᠦ᠋ᠨ ᠵᠢᠵᠢᠭ ᠬᠦᠷᠢᠶᠡᠨ ᠳ᠋ᠡᠭᠡᠨ ᠰᠠᠭᠤᠨ᠂ ᠡᠰᠡᠷᠭᠦ᠌ ᠲᠠᠯᠠᠶ᠋ᠢᠨ ᠬᠦᠭᠡᠮᠳᠦᠭ ᠨᠤᠭᠤᠭᠠᠨ ᠠᠭᠤᠯᠨ ᠤᠰᠤ ᠵᠢ ᠰᠢᠷᠳᠡᠬᠦ ᠳ᠋ᠤ ᠰᠡᠳᠬᠢᠯ ᠰᠠᠨᠠᠭᠠ ᠰᠠᠷᠠᠭᠤᠯᠵᠢᠨ ᠲᠠᠢᠪᠤᠰᠢᠷᠠᠨᠠ᠂ ᠡᠨᠡ ᠵᠢᠯ ᠡᠴᠡ ᠲᠡᠷᠡ ᠬᠥᠳᠡᠭᠡ ᠲᠣᠰᠭᠣᠨᠤ ᠵᠢᠭᠤᠯᠴᠢᠯᠠᠯᠢ ᠰᠦᠪᠡᠭ᠌ᠴᠢᠯᠡᠵᠦ᠂ ᠨᠤᠲᠤᠭ ᠤᠰᠤᠨᠤᠪᠠᠨ ᠵᠣᠯ ᠵᠢᠷᠭᠠᠯᠤᠨ ᠭᠤᠤᠵᠢ ᠨᠡᠩ ᠤᠯᠠᠨ ᠬᠥᠮᠦᠰᠲᠦ ᠰᠣᠨᠢᠷᠬᠠᠭᠤᠯᠬᠤ ᠪᠠᠷ ᠪᠤᠢ᠃ 《ᠡᠳᠡᠭᠡᠷ ᠨᠤᠮᠢᠨ ᠨᠣᠭᠣᠭᠠᠨ ᠢ᠋ ᠪᠠᠲᠤ ᠰᠠᠬᠢᠳᠠᠭ ᠯᠠ ᠶᠤᠮ ᠪᠣᠯ ᠱᠢᠩ ᠹᠠ ᠲᠣᠰᠭᠣᠨᠤ ᠮᠠᠷᠭᠠᠰᠢ ᠨᠡᠩ ᠰᠠᠢᠨ ᠰᠠᠢᠬᠠᠨ ᠪᠤᠯᠤᠨᠠ》 ᠭᠡᠵᠦ᠍ ᠸᠠᠩ ᠵᠢᠩ ᠵᠢᠶᠦ᠋ᠨ ᠬᠡᠯᠡᠪᠡ᠃