— 《ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠠᠢᠨ ᠬᠥᠮᠦᠨ》 ᠬᠣᠣᠯᠢᠨ ᠭᠤᠤᠯ ᠬᠣᠲᠠ ᠵᠢᠨ ᠴᠠᠭ᠍ᠳᠠ ᠠᠭᠤᠯᠠ ᠲᠣᠰᠭᠣᠨ ᠤ᠋ ᠠᠷᠠᠳ ᠯᠢ ᠯᠠᠨ ᡁᠢ ᠵᠢ ᠲᠡᠮᠳᠡᠭ᠌ᠯᠡᠪᠡ
8 ᠰᠠᠷᠠ ᠵᠢᠨ 15 ᠤ᠋ ᠦᠷ ᠴᠠᠢᠬᠤ ᠵᠢᠨ ᠵᠠᠢᠴᠠ ᠪᠠᠷ ᠲᠦᠩᠯᠢᠶᠣᠤ ᠬᠤᠳᠠ ᠵᠢᠨ ᠬᠣᠣᠯᠢᠨ ᠭᠤᠤᠯ ᠬᠤᠳᠠ ᠵᠢᠨ ᠴᠠᠭ᠍ᠳᠠ ᠠᠭᠤᠯᠠ ᠲᠣᠰᠭᠣᠨ ᠤ᠋ ᠠᠷᠠᠳ ᠯᠢ ᠯᠠᠨ ᡁᠢ ᠨᠣᠭᠣᠭᠠ ᠵᠢᠨ ᠬᠠᠰᠢᠶᠠᠨ ᠳ᠋ᠠᠭᠠᠨ ᠶᠠᠭᠠᠷᠠᠵᠦ ᠡᠬᠢᠯᠡᠪᠡ᠃ ᠲᠠᠬᠢᠶᠠ ᠨᠤᠭᠤᠰᠤ ᠲᠡᠵᠢᠭᠡᠬᠦ᠂ ᠨᠣᠭᠣᠭᠠ ᠵᠢᠨ ᠡᠪᠡᠰᠦ ᠵᠢ ᠠᠷᠢᠯᠭᠠᠬᠤ᠂ ᠭᠠᠬᠠᠢ ᠵᠢᠨ ᠢᠳᠡᠰᠢ ᠬᠣᠯᠢᠬᠤ᠂ ᠬᠦᠷᠢᠶᠡ ᠬᠠᠱᠢᠶᠠ ᠪᠡᠨ ᠴᠡᠪᠡᠷᠯᠡᠬᠦ ᠁ ᠯᠢ ᠯᠠᠨ ᡁᠢ ᠠᠷᠵᠠᠭᠠᠷ ᠭᠠᠷ ᠤ᠋ᠨ ᠠᠯᠠᠭᠠ ᠪᠡᠷ ᠵᠢᠡᠨ ᠮᠠᠩᠨᠠᠶ ᠵᠢᠨ ᠬᠥᠯᠥᠰᠥᠪᠡᠨ ᠠᠷᠴᠢᠭᠰᠠᠨ ᠵᠢᠡᠨ᠄ 《ᠤᠳᠤ ᠠᠮᠢᠳᠤᠷᠠᠯ ᠡᠷᠡᠮᠡᠯᠵᠡᠯ ᠲᠠᠢ ᠪᠣᠯᠤᠯᠠ！ ᠨᠣᠭᠣᠭᠠᠨ ᠬᠠᠰᠢᠶᠠᠨ ᠡᠴᠡ ᠪᠡᠨ ᠬᠤᠷᠢᠶᠠᠭᠰᠠᠨ ᠨᠣᠭᠣᠭᠠ᠂ ᠳᠠᠬᠢᠶᠠ ᠨᠤᠭᠤᠰᠤᠨ ᠤ᠋ ᠥᠨᠳᠡᠭᠡ᠂ ᠲᠡᠵᠢᠭᠡᠭᠰᠡᠨ ᠬᠡᠳᠦᠨ ᠭᠠᠬᠠᠢ ᠪᠡᠨ ᠨᠡᠮᠡᠪᠡᠯ᠂ ᠡᠨᠡ ᠨᠠᠮᠤᠷ ᠪᠢ ᠥᠷᠢᠪᠡᠨ ᠯᠠᠪᠳᠠᠢ ᠲᠥᠯᠥᠵᠦ᠍ ᠳᠠᠭᠤᠰᠬᠠᠨᠠ》 ᠭᠡᠵᠦ ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠨᠡ᠃
ᠯᠢ ᠯᠠᠨ ᡁᠢ ᠵᠢᠨ ᠨᠢᠭᠡ ᠭᠡᠷ ᠤ᠋ᠨ ᠬᠢᠨ ᠤᠤᠯ ᠨᠢ ᠴᠠᠭ᠍ᠳᠠ ᠠᠭᠤᠯᠠ ᠲᠣᠰᠭᠣᠨ ᠤ᠋ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠢᠯ ᠪᠠᠢᠵᠠᠶ᠂ ᠭᠤᠷᠪᠠᠨ ᠲᠠᠰᠤᠯᠭᠠ ᠤᠯᠠᠭᠠᠨ ᠲᠣᠭᠣᠰᠭᠠᠨ ᠪᠠᠢᠱᠢᠩ ᠲᠠᠢ ᠂ ᠭᠡᠷ ᠲᠡᠭᠡᠨ 600 ᠭᠠᠷᠤᠶ ᠬᠣᠨᠢ᠂ 30 ᠭᠠᠷᠤᠶ ᠦᠬᠡᠷ ᠲᠡᠵᠢᠭᠡᠵᠦ᠍ ᠪᠠᠢᠪᠠ᠂ ᠭᠡᠲᠡᠯᠡ ᠨᠢᠭᠡ ᠤᠳᠠᠭᠠᠨ ᠤ᠋ ᠭᠡᠨᠡᠳᠲᠡ ᠵᠢᠨ ᠭᠠᠶ ᠭᠠᠮᠱᠢᠭ ᠯᠢ ᠯᠠᠨ ᡁᠢ ᠵᠢᠨ ᠬᠢᠨ ᠳ᠋ᠦ ᠬᠦᠨᠳᠦ ᠴᠣᠬᠢᠯᠲᠠ ᠥᠭ᠌ᠴᠡᠶ᠃ 2011 ᠣᠨ ᠳ᠋ᠦ᠂ ᠯᠢ ᠯᠠᠨ ᡁᠢ ᠵᠢᠨ ᠤᠤᠭᠠᠨ ᠬᠦᠦ ᠵᠣᠣ ᠢᠦᠶ ᠬᠤᠸᠠ ᠬᠦᠨᠳᠦ ᠨᠣᠴᠢᠲᠠᠶ ᠲᠡᠷᠭᠡᠨ ᠡᠨᠳᠡᠯ ᠭᠠᠷᠴᠦ᠂ ᠠᠮᠢ ᠨᠠᠰᠤᠨ ᠤ᠋ ᠠᠶᠤᠯ ᠲᠦᠭ᠌ᠰᠢᠭᠦᠷᠢ ᠳ᠋ᠦ ᠤᠴᠠᠷᠠᠪᠠ᠂ ᠯᠢ ᠯᠠᠨ ᡁᠢ ᠡᠷᠡ ᠨᠥᠬᠥᠷ ᠵᠣᠣ ᠯᠢᠶᠠᠨ ᠹᠠ ᠲᠠᠢ ᠪᠡᠨ ᠬᠠᠮᠳᠦ ᠪᠦᠬᠦ ᠬᠥᠷᠥᠩᠭᠡᠪᠡᠨ ᠬᠤᠭᠤᠰᠤᠯᠠᠵᠦ᠂ ᠪᠠᠰᠠ ᠲᠥᠷᠥᠯ ᠰᠠᠳᠤᠨ ᠨᠠᠢᠵᠠ ᠨᠥᠬᠥᠳ᠂ ᠬᠥᠷᠰᠢ ᠰᠠᠭᠠᠬᠠᠯᠲᠠ ᠡᠴᠡ ᠪᠡᠨ 120 ᠲᠦᠮᠡᠨ ᠲᠥᠭᠥᠷᠢᠭ ᠵᠢᠭᠡᠯᠡᠵᠦ ᠪᠠᠢᠮᠠᠨᠵᠢᠨ ᠰᠠᠶᠢ ᠤᠤᠭᠠᠨ ᠬᠦᠦ᠍ᠪᠡᠨ ᠦᠬᠦᠯ ᠤ᠋ᠨ ᠵᠠᠮ ᠡᠴᠡ ᠲᠡᠳᠡᠨ ᠠᠪᠴᠢᠷᠠᠪᠠ᠃
ᠤᠤᠭᠠᠨ ᠬᠦᠤ ᠨᠢ ᠠᠮᠢ ᠪᠡᠨ ᠠᠯᠳᠠᠭᠰᠠᠨ ᠦᠭᠡᠢ ᠪᠣᠯᠪᠠᠴᠤ᠌ ᠂ ᠳᠠᠬᠢᠨ ᠪᠣᠰᠬᠤ ᠡᠴᠡ ᠦᠩᠭᠡᠷᠡᠵᠦ᠂ ᠬᠥᠳᠡᠯᠮᠦᠷᠢᠯᠡᠬᠦ᠌ ᠴᠢᠳᠠᠪᠤᠷᠢ ᠪᠡᠨ ᠠᠯᠳᠠᠵᠠᠢ᠃ ᠤᠤᠭᠠᠨ ᠬᠦᠦ᠍ ᠵᠢᠨ ᠬᠢᠨ ᠭᠡᠷ ᠪᠦᠯᠢ ᠨᠢ ᠲᠦᠱᠢᠭ ᠲᠤᠯᠭᠠᠭᠤᠷᠢ ᠪᠡᠨ ᠠᠯᠳᠠᠭ᠍ᠰᠠᠨ ᠵᠢᠡᠷ ᠪᠠᠷᠠᠬᠤ ᠥᠬᠡᠶ ᠲᠡᠬᠦᠨ ᠢ᠋ ᠪᠠᠰᠠ ᠲᠤᠰᠭᠠᠶ ᠬᠥᠮᠦᠨ ᠵᠢᠡᠷ ᠬᠠᠷᠠᠭᠠᠯᠵᠠᠭᠤᠯᠬᠤ ᠴᠢᠬᠤᠯᠠ ᠲᠠᠶ᠃ ᠵᠣᠯ ᠵᠢᠡᠷ ᠬᠦᠦ ᠪᠠᠷᠢ ᠨᠢ ᠰᠠᠯᠵᠦ ᠶᠠᠪᠤᠭᠰᠠᠨ ᠦᠭᠡᠢ᠂ ᠪᠦᠬᠦ᠌ ᠰᠡᠳᠭᠢᠯ ᠵᠢᠡᠷ ᠵᠢᠡᠨ ᠵᠤᠤ ᠢᠦᠶ ᠬᠤᠸᠠ ᠵᠢ ᠬᠠᠷᠠᠭᠠᠯᠵᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ᠂ ᠲᠠᠪᠤᠬᠠᠨ ᠨᠠᠰᠤᠲᠠᠶ ᠬᠡᠦᠬᠡᠳ ᠵᠢᠡᠨ ᠴᠣ᠌ ᠴᠢᠷᠮᠠᠢᠵᠦ ᠦᠰᠭᠡᠨ ᠬᠦᠮᠦᠵᠢᠬᠦᠯᠵᠠᠢ᠃ ᠯᠢ ᠯᠠᠨ ᡁᠢ ᠵᠢᠨ ᠤᠳᠬᠤᠨ ᠬᠦᠦ ᠨᠢ ᠲᠤᠬᠠᠶ ᠵᠢᠨ ᠦᠶᠡ ᠳ᠋ᠦ 21 ᠨᠠᠰᠤᠲᠠᠶ᠂ ᠥᠷᠢ ᠱᠢᠷᠢᠪᠡᠨ ᠳᠥᠯᠥᠬᠦ᠌ ᠴᠢᠳᠠᠪᠤᠷᠢ ᠦᠭᠡᠶ᠂ ᠡᠨᠡ ᠭᠡᠷ ᠵᠢᠡᠨ ᠶᠠᠭᠠᠬᠢᠵᠤ ᠲᠡᠩᠭᠡᠷᠡᠬᠦᠯᠵᠦ ᠠᠪᠬᠤ ᠪᠤᠶ？ ᠶᠡᠬᠡ ᠬᠡᠮᠵᠢᠶᠡᠨ ᠤ᠋ ᠦᠷᠢ ᠵᠢ ᠶᠠᠭᠠᠬᠢᠵᠦ ᠲᠦᠯᠦᠬᠦ ᠪᠤᠢ？ ᠠᠮᠢᠳᠤᠷᠠᠯ ᠤ᠋ᠨ ᠬᠦᠨᠳᠦ ᠳᠠᠷᠤᠭᠠᠰᠦ ᠵᠢᠨ ᠡᠮᠦᠨᠡ᠂ ᠬᠤᠶᠠᠷ ᠨᠠᠰᠤᠳᠠᠨ 《ᠥᠷᠢᠲᠦᠭ᠌ᠰᠡᠨ ᠥᠷᠢᠵᠢ ᠪᠢᠳᠡ ᠬᠤᠶᠠᠷ ᠲᠥᠯᠥᠨᠡ！》 ᠭᠡᠵᠦ ᠰᠢᠳᠤ ᠪᠡᠨ ᠵᠠᠭᠤᠨ ᠡᠷᠡᠰ ᠱᠢᠭᠤᠷᠬᠠᠶ ᠪᠡᠷ ᠡᠨᠡ ᠬᠦ᠌ ᠵᠠᠭᠤᠨ ᠲᠦᠮᠡᠨ ᠤ᠋ ᠶᠡᠬᠡ ᠥᠷᠢ ᠵᠢ ᠳᠠᠭᠠᠭᠠᠵᠤ ᠠᠪᠤᠪᠠ᠃
2016 ᠣᠨ ᠳ᠋ᠦ᠂ ᠬᠣᠶᠠᠷ ᠨᠠᠰᠤᠲᠠᠨ ᠤ᠋ ᠥᠷᠢᠲᠦᠭ᠌ᠰᠡᠨ 120 ᠲᠦᠮᠡᠨ ᠲᠥᠭᠥᠷᠢᠭ ᠤ᠋ᠨ ᠥᠭ᠌ᠴᠡᠭᠡ ᠳᠡᠭᠡᠷᠡ ᠬᠦᠦ ᠮᠥᠩᠭᠥ ᠵᠢ ᠨᠡᠮᠡᠭᠡᠳ ᠨᠢᠭᠡᠨᠳᠡ150 ᠲᠦᠮᠡᠨ ᠲᠥᠭᠥᠷᠢᠭ ᠲᠣ᠌ ᠬᠦᠷᠴᠡᠢ᠃ 2018 ᠣᠨ ᠳ᠋ᠦ ᠂ 53 ᠨᠠᠰᠤᠲᠠᠢ ᠯᠢ ᠯᠠᠨ ᡁᠢ ᠬᠤᠨᠢᠴᠢᠨᠤ ᠠᠵᠢᠯ ᠣᠯᠵᠤ᠂ ᠨᠤᠲᠤᠭ ᠤ᠋ᠨ ᠠᠬᠠ ᠳᠡᠭᠦᠦ᠍ᠨᠡᠷ ᠤ᠋ᠨ ᠵᠢᠡᠨ 100 ᠬᠤᠨᠢ ᠵᠢ ᠣᠷᠣᠯᠠᠨ ᠬᠠᠮᠢᠶᠠᠷᠴᠤ᠌᠂ ᠥᠷᠯᠥᠭᠡ ᠪᠦᠷᠢ 5 ᠴᠠᠭ ᠪᠤᠯᠤᠯ ᠦᠭᠡᠢ ᠪᠡᠷ ᠶᠠᠭᠠᠷᠠᠯᠳᠤᠵᠤ ᠡᠬᠢᠯᠡᠨᠡ᠃ ᠨᠦᠬᠦᠷ ᠵᠤᠤ ᠯᠢᠶᠠᠨ ᠹᠠ ᠠᠭᠤᠷᠬᠠᠢ ᠵᠢᠨ ᠬᠤᠳᠳᠤᠭ ᠲᠣ᠌ ᠪᠠᠭᠤᠵᠤ ᠠᠵᠢᠯ ᠬᠢᠵᠦ᠍᠂ ᠰᠠᠷᠠ ᠪᠦᠷᠢ ᠲᠤᠯᠤᠭᠠ ᠨᠠᠢ᠍ᠮᠠᠨ ᠮᠢᠩᠭᠠᠨ ᠲᠥᠭᠥᠷᠢᠭ ᠣᠯᠵᠤ᠂ ᠡᠳᠦᠷ ᠪᠦᠷᠢ ᠵᠢᠨ ᠥᠷᠯᠥᠭᠡ ᠵᠢᠨ 2 ᠴᠠᠭ ᠲᠣ᠌ ᠰᠠᠶᠢ ᠠᠭᠤᠷᠬᠠᠢ ᠵᠢᠨ ᠠᠵᠢᠯ ᠡᠴᠡ ᠪᠡᠨ ᠪᠠᠭᠤᠵᠤ᠂ 6 ᠴᠠᠭ ᠪᠣᠯᠤᠯ ᠦᠭᠡᠢ ᠪᠡᠷ ᠳᠠᠬᠢᠨ ᠪᠣᠰᠴᠤ᠌ ᠯᠢ ᠯᠠᠨ ᡁᠢ ᠳ᠋ᠦ ᠬᠠᠪᠰᠤᠷᠤᠨ ᠬᠤᠨᠢ ᠵᠢ ᠨᠢ ᠬᠥᠭᠡᠭᠡᠵᠦ᠍ ᠥᠭ᠌ᠭᠦᠨᠡ᠃ ᠵᠢᠯ ᠪᠦᠷᠢ ᠵᠢᠨ ᠨᠠᠮᠤᠷ᠂ ᠬᠣᠶᠠᠷ ᠨᠠᠰᠤᠲᠠᠨ ᠠᠭᠤᠯᠠᠨ ᠳ᠋ᠦ ᠭᠠᠷᠴᠦ ᠡᠪᠡᠰᠦ ᠬᠠᠳᠤᠵᠤ᠂ 3000 ᠭᠠᠷᠤᠶ ᠪᠤᠭᠤᠵᠢ ᠡᠪᠡᠰᠦ ᠪᠣᠷᠳᠣᠭᠠ ᠪᠣᠭᠣᠵᠢᠯᠠᠵᠤ᠂ ᠪᠣᠭᠣᠵᠢ ᠪᠦᠷᠢ ᠵᠢ 8 ᠲᠥᠭᠥᠷᠢᠭ ᠵᠢᠡᠷ ᠬᠤᠳᠠᠯᠳᠤᠨᠠ᠃ ᠡᠨᠡ ᠮᠡᠳᠦ ᠪᠡᠷ ᠡᠳᠦᠷ ᠰᠥᠨᠢ ᠦᠭᠡᠶ ᠱᠢᠷᠭᠠᠭᠤ ᠬᠥᠳᠡᠯᠮᠦᠷᠢᠯᠡᠭᠰᠡᠨ ᠵᠢᠡᠷ ᠬᠣᠶᠠᠷ ᠨᠠᠰᠤᠲᠠᠨ ᠤ᠋ ᠵᠢᠯ ᠤ᠋ᠨ ᠳᠤᠮᠳᠠᠴᠢ ᠣᠷᠣᠯᠭᠠ ᠨᠢ 10 ᠭᠠᠷᠤᠶ ᠲᠦᠮᠡᠨ ᠲᠥᠭᠥᠷᠢᠭ ᠲᠣ᠌ ᠬᠦᠷᠴᠡᠶ᠃
ᠯᠢ ᠯᠠᠨ ᡁᠢ ᠄ 《ᠪᠢ ᠪᠤᠰᠤᠳ ᠤ᠋ᠨ ᠲᠠᠷᠢᠶᠠᠨ ᠤ᠋ ᠡᠪᠡᠰᠦ ᠵᠢ ᠦᠭ᠌ᠲᠡᠭᠡᠵᠦ᠍᠂ ᠢᠯᠡᠬᠦᠦ ᠴᠢᠬᠢ ᠵᠢ ᠦᠭ᠌ᠲᠡᠭᠡᠵᠦ᠂ ᠦᠢᠯᠡᠳᠪᠦᠷᠢ ᠳ᠋ᠦ ᠣᠴᠢᠵᠤ ᠬᠥᠯᠥᠰᠥᠨ ᠠᠵᠢᠯ ᠬᠢᠵᠦ᠍ ᠦᠩᠭᠡᠷᠡᠵᠠᠢ᠂ ᠱᠢᠪᠠᠷᠴᠢᠨ ᠳ᠋ᠦ ᠬᠦᠴᠦ ᠶᠠᠪᠤᠵᠦ ᠦᠩᠭᠡᠷᠡᠵᠠᠢ᠂ ᠲᠣᠭᠣᠰᠭᠠᠨ ᠤ᠋ ᠦᠢᠯᠡᠳᠪᠦᠷᠢ ᠴᠢᠯᠠᠭᠤᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ ᠠᠵᠢᠯ ᠬᠢᠵᠦ ᠦᠩᠭᠡᠷᠡᠵᠠᠢ᠂ ᠬᠦᠡᠭ᠌ᠭᠡᠨ ᠠᠵᠢᠯ ᠦᠭᠡᠢ᠂ ᠬᠦᠨᠳᠦ ᠠᠵᠢᠯ ᠶᠠᠳᠠᠷᠠᠭᠠᠨ ᠤ᠋ ᠠᠵᠢᠯ ᠢ᠋ ᠪᠠᠷᠤᠭ ᠪᠦᠷ ᠬᠢᠵᠦ᠍ ᠥᠩᠭᠡᠷᠡᠵᠠᠢ》 ᠭᠡᠵᠦ ᠦᠩᠭᠡᠷᠡᠭᠰᠡᠨ ᠵᠢᠡᠨ ᠡᠷᠬᠢᠴᠡᠬᠦᠯᠦᠨᠡ᠃
ᠥᠷᠢᠲᠦᠭ᠌ᠰᠡᠨ ᠵᠣᠭᠣᠰ ᠵᠢᠡᠨ ᠡᠷᠲᠡᠬᠡᠨ ᠲᠦᠯᠦᠵᠦ ᠳᠠᠭᠤᠰᠬᠠᠬᠤ ᠵᠢᠨ ᠲᠥᠯᠥᠭᠡ᠂ ᠯᠢ ᠯᠠᠨ ᡁᠢ ᠭᠤᠷᠪᠠᠨ ᠴᠠᠭ ᠤ᠋ᠨ ᠬᠤᠭᠤᠯᠠ ᠪᠡᠨ ᠦᠷᠬᠦᠯᠵᠢ ᠲᠤᠲᠤᠷᠭᠠᠨ ᠪᠤᠳᠠᠭᠠ ᠳᠠᠪᠤᠰᠤᠯᠠᠭ᠍ᠰᠠᠨ ᠨᠣᠭᠣᠭᠠᠪᠡᠷ ᠡᠪᠯᠡᠬᠦᠯᠵᠦ᠂ ᠵᠥᠪᠬᠡᠨ ᠨᠦᠬᠦᠷ ᠵᠤᠤ ᠯᠢᠶᠠᠨ ᠹᠠ ᠨᠢ ᠠᠭᠤᠷᠬᠠᠢ ᠡᠴᠡ ᠪᠡᠨ ᠬᠠᠷᠢᠵᠤ ᠢᠷᠡᠬᠦ ᠳ᠋ᠦ᠂ ᠯᠢ ᠯᠠᠨ ᡁᠢ ᠰᠠᠶᠢ ᠨᠢᠭᠡ ᠨᠣᠭᠣᠭᠠ ᠬᠠᠭᠤᠷᠠᠳᠠᠭ᠃ ᠡᠪᠦᠯ ᠤ᠋ᠨ ᠴᠠᠭ ᠲᠣ᠌᠂ ᠨᠡᠭᠦᠷᠡᠰᠦ ᠪᠡᠨ ᠠᠷᠪᠢᠯᠠᠬᠤ ᠵᠢᠨ ᠲᠥᠯᠥᠭᠡ᠂ ᠲᠦᠩᠭᠡᠵᠢ ᠪᠦᠷᠦᠢ ᠪᠤᠯᠬᠤ ᠪᠡᠷ ᠵᠤᠤᠬᠠᠨ ᠤ᠋ ᠭᠠᠯ ᠵᠢᠡᠨ ᠳᠠᠷᠤᠵᠤ᠂ ᠨᠡᠭᠦᠷᠡᠰᠦᠨ ᠤᠲᠤᠭᠠᠨ ᠳ᠋ᠦ ᠤᠲᠤᠭ᠍ᠳᠠᠵᠤ ᠬᠠᠷᠠᠯᠠᠭ᠍ᠰᠠᠨ ᠬᠠᠶᠠᠭᠠ ᠨᠢ ᠯᠢ ᠯᠠᠨ ᡁᠢ ᠵᠢᠨ ᠨᠢᠭᠡᠨ ᠳᠤᠷᠠᠳᠬᠠᠯ ᠪᠣᠯᠪᠠ᠃ ᠬᠡᠨ ᠤ᠋ ᠬᠣᠨᠢ ᠢᠮᠠᠭᠠ ᠵᠢ ᠬᠠᠮᠢᠶᠠᠷᠴᠤ᠌ ᠪᠠᠢᠭᠰᠠᠨ᠂ ᠬᠡᠨ ᠤ᠋ ᠬᠢ ᠡᠴᠡ ᠵᠣᠭᠣᠰ ᠵᠢᠭᠡᠯᠡᠭ᠌ᠰᠡᠨ᠂ ᠬᠡᠨ ᠤ᠋ ᠬᠢ ᠳ᠋ᠦ ᠥᠷᠢᠲᠦᠭ᠌ᠰᠡᠨ ᠢ᠋ ᠯᠢ ᠯᠠᠨ ᡁᠢ ᠪᠦᠷ ᠲᠤᠪ ᠲᠣᠳᠣᠷᠬᠠᠶ ᠴᠡᠭᠡᠵᠢᠯᠡᠭᠰᠡᠭᠡᠷ ᠪᠠᠢᠪᠠ᠃ ᠲᠡᠷᠡ᠄ 《ᠬᠥᠮᠦᠨ ᠨᠢᠩᠵᠢᠨ ᠰᠡᠳᠬᠢᠯ ᠲᠠᠢ ᠪᠠᠢᠬᠤ ᠬᠡᠷᠡᠭ᠌ᠲᠡᠢ᠂ ᠲᠡᠳᠡ ᠨᠠᠮᠠᠢ᠍ᠢ ᠬᠠᠮᠤᠭ ᠤ᠋ᠨ ᠬᠦᠴᠢᠷᠲᠡᠢ ᠦᠶᠡ ᠳ᠋ᠦ ᠳᠡᠭᠡᠭᠰᠢ ᠨᠢᠭᠡ ᠳᠠᠳᠠᠪᠠ᠂ ᠡᠨᠡ ᠪᠣᠯ ᠠᠴᠢ᠂ ᠪᠢ ᠴᠡᠭᠡᠵᠢᠯᠡᠬᠦ᠌ ᠬᠡᠷᠡᠭ᠌ᠲᠡᠢ᠂ ᠨᠡᠩ ᠬᠠᠷᠢᠭᠤᠯᠬᠤ ᠬᠡᠷᠡᠭ᠌ᠲᠡᠢ》 ᠭᠡᠵᠦ ᠨᠢᠳᠤᠨ ᠳ᠋ᠡᠭᠡᠨ ᠨᠢᠯᠪᠤᠰᠤ ᠮᠡᠯᠳᠡᠭᠡᠨᠡᠬᠦᠯᠤᠨ ᠬᠡᠯᠡᠨᠡ ᠃
ᠯᠢ ᠯᠠᠨ ᡁᠢ ᠡᠪᠦᠭᠡᠨ ᠬᠥᠭ᠌ᠰᠢᠨ ᠬᠣᠶᠠᠭᠤᠯᠠ ᠪᠡᠨ ᠬᠦᠴᠢᠷ ᠪᠡᠷᠬᠡᠱᠢᠶᠡᠯ ᠡᠴᠡ ᠠᠶᠤᠬᠤ ᠦᠭᠡᠢ᠂ ᠱᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯᠯᠠᠵᠤ᠂ ᠦᠨᠡᠨᠴᠢ ᠢᠲᠡᠭᠡᠮᠵᠢ ᠵᠢᠨ ᠬᠣᠷᠢᠭᠠ ᠱᠤᠭᠤᠮ ᠢ᠋ ᠠᠮᠢ ᠨᠠᠰᠤ ᠪᠡᠷ ᠵᠢᠡᠨ ᠰᠠᠬᠢᠨ ᠬᠠᠮᠠᠭᠠᠯᠠᠪᠠ᠃ 2019 ᠣᠨ ᠤ᠋ ᠡᠬᠢ ᠪᠡᠷ᠂ ᠬᠣᠶᠠᠷ ᠨᠠᠰᠤᠲᠠᠨ 7 ᠵᠢᠯ ᠬᠠᠭᠠᠰ ᠤ᠋ᠨ ᠴᠠᠭ ᠵᠢᠡᠷ 120 ᠲᠦᠮᠡᠨ ᠲᠥᠭᠥᠷᠢᠭ ᠤ᠋ᠨ ᠥᠷᠢ ᠱᠢᠷᠢᠪᠡᠨ ᠳᠥᠯᠥᠵᠦ ᠳᠠᠭᠤᠰᠬᠠᠪᠠ᠃ 2020 ᠣᠨ ᠳ᠋ᠦ᠂ ᠠᠯᠢᠪᠠ ᠪᠦᠬᠦᠨ ᠰᠠᠢ᠌ᠨ ᠲᠡᠢᠰᠢ ᠪᠠᠨ ᠪᠠᠢᠳᠠᠯᠠ᠂ ᠵᠤᠤ ᠯᠢᠶᠠᠨ ᠹᠠ ᠬᠠᠷᠢᠨ ᠡᠪᠡᠳᠴᠢᠯᠡᠵᠦ᠍᠂ ᠡᠪᠡᠳᠴᠢᠯᠡᠭᠰᠡᠨ ᠡᠴᠡ ᠨᠠᠰᠤ ᠪᠠᠷᠠᠳᠠᠯᠠ 1 ᠵᠢᠯ ᠴᠦ᠍ ᠪᠤᠯᠤᠭᠠ ᠦᠭᠡᠢ᠃ ᠡᠷᠡ ᠨᠥᠬᠥᠷ ᠨᠢ ᠡᠪᠡᠳᠴᠢᠨ ᠵᠢᠡᠷ ᠨᠠᠰᠤ ᠪᠠᠷᠠᠭ᠍ᠰᠠᠨ ᠤ᠋ ᠳᠠᠷᠠᠭᠠ᠂ ᠯᠢ ᠯᠠᠨ ᡁᠢ ᠭᠠᠭ᠍ᠴᠠᠭᠠᠷ ᠵᠢᠡᠨ ᠥᠷᠢ ᠲᠥᠯᠥᠬᠦ᠌ ᠬᠦᠨᠳᠦ ᠡᠭᠦᠷᠭᠡ ᠵᠢ ᠡᠭᠦᠷᠭᠡᠯᠡᠪᠡ᠃ 2021 ᠣᠨ ᠳ᠋ᠦ᠂ ᠣᠯᠠᠨ ᠵᠢᠯ ᠶᠠᠳᠠᠷᠠᠵᠤ ᠵᠦᠳᠡᠷᠡᠵᠦ᠂ ᠱᠢᠮᠡ ᠲᠡᠵᠢᠭᠡᠯ ᠳᠤᠲᠠᠭ᠍ᠳᠠᠭ᠍ᠰᠠᠨ ᠡᠴᠡ ᠯᠢ ᠯᠠᠨ ᡁᠢ ᠬᠡᠷᠦᠬᠦ᠌ ᠡᠪᠡᠳᠴᠢᠨᠳᠤ ᠨᠡᠷᠪᠡᠭᠳᠡᠪᠠ ᠭᠡᠵᠦ᠍ ᠣᠨᠣᠱᠢᠯᠠᠭ᠍ᠳᠠᠪᠠ᠂ ᠡᠭᠦᠨ ᠡᠴᠡ ᠬᠣᠢᠰᠢ ᠲᠡᠷᠡ ᠳᠠᠬᠢᠨ ᠬᠦᠨᠳᠦ ᠪᠡᠶᠡ ᠵᠢᠨ ᠬᠥᠳᠡᠯᠮᠦᠷᠢ ᠬᠢᠵᠦ᠍ ᠴᠢᠳᠠᠬᠤ ᠥᠬᠡᠶ ᠪᠤᠯᠤᠭᠰᠠᠨ ᠪᠦᠭᠡᠳ ᠬᠣᠨᠢ ᠲᠡᠵᠢᠭᠡᠵᠦ᠍ ᠴᠦ᠍ ᠴᠢᠳᠠᠬᠤ ᠥᠬᠡᠶ ᠪᠣᠯᠵᠠᠶ᠃ ᠲᠡᠭᠡᠭᠡᠳ ᠲᠡᠷᠡ ᠵᠢᠯ ᠪᠦᠷᠢ ᠴᠤᠭ᠍ᠯᠠᠭᠠ ᠮᠠᠢᠮᠠᠢ ᠳᠡᠭᠡᠷᠡ ᠣᠴᠢᠵᠤ 6 ᠭᠠᠬᠠᠢ ᠵᠢᠨ ᠲᠤᠷᠤᠢ ᠬᠤᠳᠠᠯᠳᠤᠨ ᠠᠪᠴᠤ᠌ ᠲᠡᠵᠢᠭᠡᠭᠡᠳ᠂ ᠵᠢᠯ ᠤ᠋ᠨ ᠡᠴᠦᠰ ᠪᠤᠯᠬᠤ ᠳ᠋ᠦ ᠬᠤᠳᠠᠯᠳᠤᠭᠠᠳ ᠵᠣᠭᠣᠰ ᠵᠢᠡᠨ ᠪᠤᠴᠠᠭᠠᠳᠠᠭ᠃ ᠡᠳᠡᠭᠡᠷ ᠵᠢᠯ ᠳ᠋ᠤ᠂ ᠯᠢ ᠯᠠᠨ ᡁᠢ ᠡᠪᠦᠭᠡᠨ ᠬᠦᠭᠰᠢᠨ ᠬᠣᠶᠠᠭᠤᠯᠠ ᠵᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠮᠠᠰᠢ ᠣᠯᠠᠨ ᠠᠪᠴᠠᠭᠠᠨ ᠤ᠋ ᠡᠵᠡᠨ ᠤ᠋ ᠰᠡᠳᠭᠢᠯ ᠢ᠋ ᠬᠦᠨᠳᠡᠵᠦ᠂ ᠲᠡᠭᠦᠨ ᠤ᠋ ᠬᠢᠯᠪᠠᠷ ᠪᠤᠰᠤ ᠪᠠᠢᠳᠠᠯ ᠢ ᠨᠢ ᠬᠠᠷᠠᠵᠦ ᠦᠷᠦᠪᠳᠦᠨ᠂ ᠰᠠᠨᠠᠭᠠᠴᠢᠯᠠᠭᠠ ᠡᠴᠡ ᠪᠡᠨ ᠬᠦᠦ ᠮᠥᠩᠭᠥ ᠵᠢ ᠨᠢ ᠬᠡᠯᠲᠦᠷᠢᠭᠦᠯᠵᠦ᠍᠂ ᠥᠷᠢ ᠱᠢᠷᠢ ᠨᠢ ᠤᠯᠠᠮ ᠡᠴᠡ ᠤᠯᠠᠮ ᠪᠠᠭᠠ ᠪᠣᠯᠪᠠ᠃ ᠤᠳᠤ᠂ ᠲᠤᠬᠠᠢ ᠵᠢᠨ ᠭᠠᠵᠠᠷ ᠤ᠋ᠨ ᠵᠡᠮᠳᠡᠭ᠌ᠴᠦᠳ ᠤ᠋ᠨ ᠬᠣᠯᠪᠣᠭᠠ ᠵᠢᠨ ᠬᠠᠪᠰᠤᠷᠤᠯᠭᠠ ᠳᠣᠣᠷᠠ᠂ ᠯᠢ ᠯᠠᠨ ᡁᠢ ᠬᠢᠮᠳᠠ ᠲᠦᠷᠢᠶᠡᠰᠦᠨ ᠭᠡᠷ ᠲᠣ᠌ ᠨᠡᠭᠦᠨ ᠤᠷᠤᠵᠤ ᠰᠠᠭᠤᠵᠠᠢ᠃
《ᠨᠠᠰᠤ ᠠᠬᠢᠭ᠍ᠰᠠᠨ ᠴᠤ᠌ ᠪᠢ ᠮᠥᠨ ᠯᠡ ᠰᠠᠢᠨ ᠠᠵᠢᠯᠯᠠᠨᠠ᠂ ᠵᠠᠪᠠᠯ ᠰᠥᠰᠥ᠍ ᠵᠣᠷᠢᠭ ᠲᠠᠢ ᠪᠠᠢᠬᠤ ᠬᠡᠷᠡᠭ᠌ᠲᠡᠢ》᠃ ᠡᠨᠡ ᠪᠣᠯ ᠯᠢ ᠯᠠᠨ ᡁᠢ ᠵᠢᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠠᠨᠳᠤᠭᠰᠠᠨ ᠪᠠᠲᠤ ᠰᠠᠬᠢᠯᠳᠠ ᠪᠠ ᠢᠷᠡᠭᠡᠳᠦᠶ ᠵᠢᠨ ᠲᠤᠬᠠᠶ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠠᠵᠢ᠃
ᠠᠷᠪᠠᠨ ᠭᠤᠷᠪᠠᠨ ᠵᠢᠯ ᠤ᠋ᠨ ᠬᠠᠲᠠᠭᠤᠵᠢᠯ ᠳᠠᠪᠲᠠᠯᠲᠠ ᠳ᠋ᠦ᠂ ᠯᠢ ᠯᠠᠨ ᡁᠢ ᠬᠠᠮᠤᠭ ᠤ᠋ᠨ ᠪᠣᠷᠣᠭ᠍ᠵᠢᠭᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠡᠷ ᠵᠢᠡᠨ 《ᠦᠨᠡᠨᠴᠢ ᠢᠲᠡᠭᠡᠮᠵᠢ ᠪᠣᠯ ᠠᠯᠲᠠ》 ᠭᠡᠬᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠵᠢᠷᠤᠮᠯᠠᠯ ᠳ᠋ᠤ ᠲᠠᠢᠯᠪᠤᠷᠢᠯᠡᠯᠳᠠ ᠬᠢᠪᠠ᠃ ᠲᠦᠷᠦᠭᠦᠬᠡᠨ 2025 ᠣᠨ ᠤ᠋ ᠬᠣᠶᠠᠳᠤᠭᠠᠷ ᠤᠯᠠᠷᠢᠯ ᠤ᠋ᠨ 《ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠠᠢᠨ ᠬᠥᠮᠦᠨ ᠤ᠋ ᠨᠡᠷᠡᠰ ᠤ᠋ᠨ ᠵᠢᠭᠰᠠᠭᠠᠯᠳᠠ》 ᠢ᠋ᠢ ᠨᠡᠢᠲᠡᠯᠡᠵᠦ᠍ ᠂ ᠯᠢ ᠯᠠᠨ ᡁᠢ ᠨᠡᠷᠡᠰ ᠤ᠋ᠨ ᠵᠢᠭ᠍ᠰᠠᠭᠠᠯᠲᠠ ᠳ᠋ᠦ ᠲᠣᠳᠣᠷᠠᠪᠠ᠃ ᠯᠢ ᠯᠠᠨ ᡁᠢ᠂ ᠪᠢ ᠦᠷᠭᠦᠯᠵᠢᠯᠡᠨ ᠴᠢᠷᠮᠠᠢᠵᠤ᠂ ᠤᠯᠠᠨ ᠤ᠋ ᠬᠦᠰᠡᠯ ᠨᠠᠢᠳᠠᠯᠭᠠ ᠵᠢ ᠬᠥᠰᠡᠷᠳᠡᠭᠦᠯᠬᠦ᠌ ᠦᠭᠡᠢ᠂ ᠦᠨᠡᠨᠴᠢ ᠢᠲᠡᠭᠡᠮᠵᠢᠲᠡᠢ ᠪᠠᠢᠬᠤ ᠢᠳᠡᠪᠬᠢ ᠬᠦᠴᠦᠨ ᠢ᠋ ᠲᠠᠯᠠ ᠨᠤᠳᠤᠭ ᠤᠨ ᠲᠠᠶᠠᠭᠠᠷ ᠤᠯᠠᠨᠳᠠᠭᠠᠨ ᠳᠠᠮᠵᠢᠭᠤᠯᠤᠨᠠ ᠭᠡᠵᠦ᠍ ᠵᠤᠷᠢᠯᠳᠠ ᠪᠠᠨ ᠲᠤᠳᠤᠷᠠᠭᠤᠯᠤᠨᠠ᠃