ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠ᠂ ᠡᠨᠡ ᠬᠦ᠌ ᠬᠠᠨ ᠤᠯᠤᠰᠤᠨ ᠡᠦ ᠳ᠋ᠢ ᠬᠠᠭᠠᠨᠤ ᠶᠤᠸᠠᠨ ᠱᠸᠤᠵᠢᠨ ᠭᠤᠷᠪᠠᠳᠤᠭᠠᠷ ᠣᠨ （ᠨᠡᠢᠲᠡᠶ᠋ᠢᠨ ᠣᠨ ᠲᠣᠭᠠᠯᠠᠯᠡᠴᠡ ᠡᠮᠦᠨᠡ 120 ᠣᠨ） ᠳ᠋ᠤ᠌ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ ᠬᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠪᠤᠭᠤᠮᠳᠠ ᠨᠢ ᠶᠠᠭ ᠯᠠ ᠠᠪᠤᠷᠭᠤ ᠯᠣᠣᠶ᠋ᠢᠨ ᠨᠢᠷᠤᠭᠤᠨ ᠳᠡᠭᠡᠷᠡᠬᠢ ᠬᠠᠮᠤᠭ ᠦᠨ ᠭᠢᠯᠠᠯᠵᠠᠮᠠ ᠬᠠᠢᠷᠰᠤ ᠱᠢᠭ᠋ ᠮᠢᠩᠭᠠᠨ ᠣᠨᠤ ᠲᠡᠷᠳᠡᠭᠡᠬᠢ ᠳᠠᠢᠨᠦ ᠤᠲᠤᠭᠠ ᠪᠠ ᠤᠯᠠᠷᠢᠯ ᠬᠤᠪᠢᠷᠠᠯᠢ ᠨᠠᠮᠤᠭᠤᠬᠠᠨ ᠬᠦᠤᠷᠨᠢᠨᠡ᠃
1963 ᠣᠨᠳᠤ᠂ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠠᠵᠠᠷ ᠵᠦᠢᠶ᠋ᠢᠨ ᠤᠬᠠᠭᠠᠨᠲᠠᠨ ᠾᠧᠦ ᠷᠧᠨ ᡁᠢ ᠪᠣᠯᠤᠨ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢ ᠢᠦᠢ ᠸᠧᠢ ᠴᠤᠤ ᠥᠪᠥᠷ ᠮᠣᠩᠭᠣᠯᠤᠨ ᠪᠣᠷᠣᠲᠣᠬᠣᠢ ᠣᠷᠣᠨᠳᠤ ᠬᠦᠷᠴᠦ᠍ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠪᠠᠢᠴᠠᠭᠠᠯᠲᠠ ᠬᠢᠵᠦ᠍᠂ 《ᠬᠠᠨ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠮᠤᠨᠠ ᠠᠭᠤᠯᠠᠶ᠋ᠢᠨ ᠣᠷᠣᠨᠤ ᠠᠯᠳᠠᠷᠲᠤ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠪᠡᠬᠢᠯᠡᠯᠲᠡ ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠ》 ᠵᠢᠨ ᠪᠠᠢᠷᠢ ᠨᠢ ᠪᠠᠶᠠᠨᠨᠠᠭᠤᠷ ᠬᠤᠳᠠᠶ᠋ᠢᠨ ᠳ᠋ᠸᠩᠺᠸᠤ ᠱᠢᠶᠠᠨᠤ ᠬᠢᠯᠢᠳᠦ ᠪᠠᠢᠬᠤᠶ᠋ᠢ ᠨᠤᠲᠠᠯᠠᠪᠠ᠃
ᠡᠨᠡ ᠬᠦ᠌ ᠴᠢᠬᠤᠯᠠ ᠶᠡᠬᠡ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡ ᠨᠢ ᠮᠢᠩᠭᠠᠨ ᠣᠨᠤ ᠡᠷᠲᠡᠨᠦ ᠪᠤᠭᠤᠮᠳᠠᠶ᠋ᠢ 《ᠢᠯᠡ ᠭᠠᠷᠭᠠᠵᠤ》᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯ ᠵᠢᠴᠢ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠳᠤ ᠥᠪᠡᠷᠮᠢᠴᠡ ᠷᠢᠳᠢ ᠱᠢᠳᠢ ᠨᠡᠮᠡᠷᠢᠯᠡᠭ᠌ᠰᠡᠨ ᠪᠠᠢᠨᠠ᠃
62 ᠵᠢᠯᠦᠨ ᠳᠠᠷᠠᠭᠠᠬᠢ ᠥᠨᠥᠳᠦᠷ᠂ ᠪᠢᠳᠡ ᠡᠨᠡ ᠬᠦ᠌ ᠥᠨᠢ ᠡᠷᠲᠡᠨᠦ ᠨᠤᠲᠤᠭ ᠳᠡᠪᠢᠰᠭᠡᠷ ᠳᠡᠭᠡᠷᠡ ᠬᠦᠷᠴᠦ᠍᠂ ᠬᠣᠶᠠᠷ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠦ ᠮᠥᠷᠢᠶᠡᠷ ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠶ᠋ᠢ ᠬᠠᠢᠪᠠ —
ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠴᠢᠬᠤᠯᠠ ᠪᠡᠬᠢᠯᠡᠯᠲᠡᠵᠢᠨ ᠰᠦᠷ ᠵᠢᠪᠬᠤᠯᠠᠩ ᠪᠠ ᠣᠶᠤᠨ ᠪᠢᠯᠢᠭᠦᠨ ᠨᠢᠭᠤᠴᠠ ᠨᠣᠮᠧᠷ
ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠ ᠪᠣᠯ ᠳᠡᠨᠵᠢ ᠳᠡᠭᠡᠷᠡ ᠪᠠᠢᠭᠤᠯᠤᠭ᠍ᠰᠠᠨ ᠴᠢᠯᠠᠭᠤᠨ ᠬᠣᠲᠠ ᠪᠣᠯᠤᠨᠠ᠂ 18 ᠮᠧᠲ᠋ᠷ ᠥᠨᠳᠥᠷ ᠪᠠᠢᠳᠠᠭ᠃ ᠡᠨᠳᠡ ᠵᠣᠭ᠍ᠰᠣᠨ ᠪᠠᠷᠠᠯᠠᠬᠤᠳᠤ᠂ ᠰᠡᠬᠦᠢᠨ ᠰᠦᠨᠳᠡᠷᠯᠡᠭ᠌ᠰᠡᠨ ᠪᠤᠭᠳᠠ ᠠᠭᠤᠯᠠ᠂ ᠲᠡᠭ᠌ᠰᠢ ᠴᠡᠯᠡᠭᠡᠷ ᠲᠠᠯᠠᠵᠢᠨ ᠪᠦᠬᠦ ᠦᠵᠡᠮᠵᠢ ᠬᠠᠷᠠᠭ᠍ᠳᠠᠨᠠ᠃
ᠬᠠᠮᠲᠤ ᠶᠠᠪᠤᠭᠠ ᠳ᠋ᠸᠩᠺᠸᠤ ᠱᠢᠶᠠᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠲᠥᠪᠦᠨ ᠰᠤᠳᠤᠯᠤᠭ᠍ᠴᠢ ᠸᠠᠩ ᠬᠤᠤ᠂ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠴᠦᠮ ᠬᠥᠬᠡᠬᠣᠲᠠ᠂ ᠪᠤᠭᠤᠲᠤᠡᠴᠡ ᠪᠠᠶᠠᠨᠨᠠᠭᠤᠷᠤᠨ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠱᠢᠭᠤ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠵᠤ᠂ ᠮᠤᠨᠠ ᠠᠭᠤᠯᠠ ᠨᠢᠷᠤᠭᠤᠵᠢ ᠳᠠᠭᠠᠨ ᠮᠤᠷᠤᠢᠯᠵᠠᠳᠠᠭ᠃ ᠮᠤᠨᠠ ᠠᠭᠤᠯᠠ ᠨᠢᠷᠤᠭᠤᠶ᠋ᠢᠨ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠪᠤᠭᠳᠠ ᠠᠭᠤᠯᠠᠶ᠋ᠢᠨ ᠬᠡᠰᠡᠭᠲᠦ ᠣᠷᠣᠪᠠᠯ᠂ ᠠᠭᠤᠯᠠ ᠨᠢ ᠡᠭ᠌ᠴᠡ ᠠᠰᠭᠠ ᠪᠣᠯᠵᠣ᠂ ᠪᠠᠢᠭᠠᠯᠢᠶ᠋ᠢᠨ ᠬᠠᠯᠬᠠᠪᠴᠢ ᠪᠤᠯᠤᠨ ᠪᠦᠷᠢᠯᠳᠦᠳᠡᠭ᠃ ᠡᠢᠮᠦ᠍ᠡᠴᠡ ᠪᠤᠭᠳᠠ ᠠᠭᠤᠯᠠ ᠳᠡᠭᠡᠷᠡ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠬᠡᠷᠡᠮ ᠪᠠᠷᠢᠭ᠍ᠰᠠᠨ ᠥᠬᠡᠶ᠂ ᠬᠠᠷᠢᠨ ᠨᠡᠪᠲᠡᠷᠡᠵᠦ᠍ ᠪᠣᠯᠬᠤ ᠠᠭᠤᠯᠠᠨ ᠬᠥᠨᠳᠡᠶᠳᠦ ᠬᠠᠯᠬᠠᠪᠴᠢ ᠬᠣᠲᠠ ᠪᠠᠢᠭᠤᠯᠤᠭ᠍ᠰᠠᠨ ᠪᠠᠢᠨᠠ᠂ ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠶ᠋ᠢᠨ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠢᠰᠲ᠋ᠧᠮ ᠪᠣᠯ ᠬᠠᠮᠤᠭᠤᠨ ᠨᠡᠢᠲᠡᠯᠢᠭ ᠲᠥᠯᠥᠭᠡᠯᠡᠭ᠌ᠴᠢ ᠪᠣᠯᠤᠨᠠ᠃
ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠶ᠋ᠢᠨ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠢᠰᠲ᠋ᠧᠮ ᠭᠡᠵᠦ᠍ ᠶᠠᠭᠤ ᠪᠣᠶ？ ᠬᠠᠨ ᠤᠯᠤᠰᠤᠨ ᠦᠶᠠᠳᠤ᠂ 《ᠪᠤᠭᠤᠮᠳᠠ》 ᠭᠡᠳᠡᠭ ᠨᠢ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠢ ᠵᠢᠭᠠᠵᠤ ᠪᠠᠢᠨᠠ᠃ ᠠᠭᠤᠯᠠᠨ ᠴᠣᠭ᠍ᠴᠠ᠂ ᠬᠠᠯᠬᠠᠪᠴᠢ ᠬᠣᠲᠠ᠂ ᠪᠡᠬᠢᠯᠡᠯᠲᠡ᠂ ᠴᠣᠨᠵᠢ ᠪᠣᠯᠤᠨ ᠤᠮᠠᠷᠠᠲᠤᠵᠢᠨ ᠵᠢᠶᠦ᠋ᠨᠦ ᠪᠠᠷᠠᠭᠤᠨ ᠬᠡᠰᠡᠭᠦᠨ ᠳ᠋ᠦ᠋ ᠸᠧᠶ ᠠᠯᠤᠰᠡᠴᠡ ᠳᠠᠭᠤ ᠳᠠᠭᠤ ᠪᠠᠨ ᠠᠪᠤᠯᠴᠠᠨ᠂ ᠬᠠᠨ ᠤᠯᠤᠰᠤᠨ ᠤᠮᠠᠷᠠᠲᠤᠵᠢᠨ ᠵᠢᠶᠦ᠋ᠨᠦ ᠪᠠᠷᠠᠭᠤᠨ ᠬᠣᠢᠲᠤ ᠬᠡᠰᠡᠭᠦᠨ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶ᠋ᠢᠨ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠢᠰᠲ᠋ᠧᠮ᠂ ᠳᠠᠷᠤᠶ ᠵᠢᠶ ᠯᠦ᠍ ᠪᠤᠭᠤᠮᠳᠠᠶ᠋ᠢᠨ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠢᠰᠲ᠋ᠧᠮᠢ ᠪᠦᠷᠢᠯᠳᠦᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠵᠢᠶ ᠯᠦ᠍ ᠪᠣᠭᠣᠮᠲᠠᠶ᠋ᠢᠨ ᠬᠠᠯᠬᠠᠪᠴᠢ ᠬᠣᠲᠠ ᠪᠣᠯ ᠳᠠᠷᠤᠶ ᠡᠨᠡ ᠬᠡᠰᠡᠭ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠤᠭᠤᠮᠤᠨ ᠵᠢᠯᠣᠭᠣᠳᠭᠤ ᠭᠠᠵᠠᠷ ᠪᠣᠯᠤᠨᠠ᠃
ᠳ᠋ᠸᠡᠭ᠌ᠺᠸᠤ ᠣᠷᠣᠨ ᠪᠣᠯ ᠬᠠᠲᠤᠨ ᠭᠣᠣᠯᠤᠨ ᠣᠯᠠᠨ ᠰᠠᠯᠠᠭᠠ ᠤᠷᠤᠰᠭᠠᠯᠲᠠᠶ ᠭᠠᠵᠠᠷ ᠪᠣᠯᠤᠨᠠ᠃ 2000 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡ᠂ ᠬᠠᠲᠤᠨ ᠭᠤᠤᠯᠤᠨ ᠡᠷᠲᠡᠨᠦ ᠭᠤᠤᠯᠤᠨ ᠵᠠᠮᠨᠢ ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠶ᠋ᠢᠨ ᠳᠤᠤᠷᠠ ᠨᠠᠮᠤᠭᠤᠨ ᠤᠷᠤᠰᠴᠤ᠌᠂ ᠪᠣᠷᠣᠲᠣᠬᠣᠶᠶ᠋ᠢᠨ ᠲᠠᠯᠠ ᠭᠠᠵᠠᠷᠢ ᠤᠮᠳᠠᠯᠠᠵᠤ᠂ ᠭᠠᠵᠠᠷ ᠰᠢᠷᠤᠢ ᠥᠩ ᠱᠢᠮᠡᠯᠢᠭ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠢᠭ᠍ᠴᠤ ᠰᠠᠬᠤᠯᠢᠭ ᠪᠠᠢᠬᠤ ᠥᠩᠭᠡ ᠦᠵᠡᠮᠵᠢ ᠢᠯᠡᠷᠡᠪᠡ᠃
ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠪᠠᠷ ᠠᠯᠬᠤᠯᠠᠨ ᠬᠤᠳᠠᠶ᠋ᠢᠨ ᠬᠠᠭᠠᠯᠭᠠᠪᠠᠷ ᠥᠩᠭᠡᠷᠡᠵᠦ᠂ 2000 ᠣᠨᠤ ᠬᠤᠳᠠ ᠪᠠᠢᠭᠤᠯᠤᠭ᠍ᠰᠠᠨ ᠴᠢᠯᠠᠭᠤᠨᠤ ᠬᠣᠲᠣᠭᠣᠷ ᠭᠦᠳᠦᠭᠦᠷ ᠵᠢᠷᠤᠭᠠᠰᠤᠵᠢ ᠲᠡᠮᠲᠡᠷᠢᠬᠦ᠌ᠳᠦ᠂ ᠲᠡᠦᠬᠡᠵᠢᠨ ᠬᠦᠨ ᠵᠤᠵᠠᠭᠠᠨ ᠰᠠᠭᠤᠭ᠍ᠳᠠᠯ ᠲᠦᠷᠦᠭᠳᠡᠨᠡ᠃
ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠶ᠋ᠢᠨ ᠡᠮᠦᠨᠡ ᠡᠭᠦᠳᠡᠪᠡᠷ ᠣᠷᠣᠪᠠᠯ ᠳᠠᠷᠤᠶ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠬᠠᠨᠳᠤᠭ᠍ᠰᠠᠨ ᠨᠢᠭᠡ ᠲᠠᠰᠤᠯᠭᠠ 《ᠬᠡᠷ》 ᠪᠠᠢᠵᠤ᠂ ᠳᠣᠲᠣᠭ᠍ᠰᠢ ᠣᠷᠣᠪᠠᠯ᠂ ᠬᠣᠲᠠᠶ᠋ᠢᠨ ᠬᠡᠷᠡᠮᠳᠤ ᠪᠦᠰᠡᠯᠡᠭᠳᠡᠭᠰᠡᠨ ᠰᠡᠷᠡᠭᠳᠡᠯ ᠲᠦᠷᠦᠭᠳᠡᠨᠡ᠃ ᠸᠠᠩ ᠬᠤᠤ᠄ 《ᠡᠨᠡ ᠪᠣᠯ ᠵᠶ᠋ᠢ ᠯᠦ᠍ ᠪᠤᠭᠤᠮᠳᠠᠶ᠋ᠢᠨ ᠭᠣᠣᠯ ᠡᠭᠦᠳᠡᠨᠦ ᠭᠠᠳᠠᠨᠠ ᠪᠠᠢᠭᠤᠯᠤᠭ᠍ᠰᠠᠨ ᠤᠷᠳᠤ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠢ ᠬᠠᠯᠬᠠᠭᠠ ᠬᠤᠳᠠ ᠪᠣᠯᠤᠨᠠ᠂ ᠬᠤᠳᠠᠶ᠋ᠢᠨ ᠭᠣᠣᠯ ᠡᠭᠦᠳᠡ ᠪᠣᠯᠤᠨ ᠬᠠᠯᠬᠠᠭᠠ ᠬᠤᠳᠠᠶ᠋ᠢᠨ ᠡᠭᠦᠳᠡᠶ᠋ᠢ ᠵᠡᠷᠭᠡᠪᠡᠷ ᠬᠠᠭᠠᠬᠤ ᠦᠶᠡᠳᠦ ᠮᠤᠬᠤᠷ ᠭᠤᠳᠤᠮᠵᠢ ᠪᠣᠯᠤᠨ ᠪᠦᠷᠢᠯᠳᠦᠵᠦ᠍᠂ ᠬᠤᠳᠠᠶ᠋ᠢᠨ ᠬᠡᠷᠡᠮ ᠳᠡᠭᠡᠷᠡᠬᠢ ᠴᠡᠷᠢᠭ ᠲᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰᠡᠴᠡ ᠬᠠᠷᠪᠤᠵᠤ ᠪᠣᠯᠤᠨᠠ᠂ ᠳᠠᠢᠰᠤᠨᠤ ᠴᠡᠷᠢᠭ ᠤᠷᠤᠵᠤ ᠢᠷᠡᠪᠡᠯ ᠭᠠᠷᠴᠤ ᠳᠡᠢᠯᠬᠦ ᠦᠭᠡᠢ᠂ ᠡᠨᠡ ᠪᠣᠯ ᠳᠠᠷᠤᠢ 〈ᠪᠣᠳᠣᠩ ᠳᠣᠲᠣᠷᠠᠡᠴᠡ ᠵᠢᠭᠠᠰᠤ ᠪᠠᠷᠢᠬᠤ〉 ᠪᠠᠢᠯᠳᠤᠬᠤ ᠠᠷᠭᠠ ᠪᠣᠯᠤᠨᠠ᠂ ᠮᠥᠨ ᠴᠦ᠍ ᠬᠠᠯᠬᠠᠭᠠ ᠬᠤᠳᠠᠶ᠋ᠢᠨ ᠭᠠᠢᠬᠠᠮᠱᠢᠭ᠍ᠲᠤ ᠲᠠᠯᠠ ᠪᠣᠯᠤᠨᠠ》 ᠭᠡᠪᠡ᠃
ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠᠶ᠋ᠢᠨ ᠡᠷᠲᠡᠨᠦ ᠬᠠᠯᠬᠠᠭᠠ ᠬᠤᠳᠠ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 21 ᠮᠸᠲᠷ ᠤᠷᠳᠤ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ 14 ᠮᠸᠲᠷ ᠥᠷᠭᠡᠨ ᠪᠠᠢᠵᠤ᠂ ᠤᠳᠤ ᠪᠣᠯᠲᠠᠯᠠ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠦᠯᠡᠳᠡᠵᠡᠢ᠃ ᠥᠪᠥᠷ ᠮᠣᠩᠭᠣᠯᠳᠤ ᠦᠨᠡᠬᠡᠷ ᠬᠣᠪᠣᠷ ᠲᠤᠬᠢᠶᠠᠯᠳᠤᠳᠠᠭ ᠶᠤᠮ᠃
ᠬᠠᠯᠬᠠᠭᠠ ᠬᠤᠳᠠᠡᠴᠡ 20 ᠮᠧᠲ᠋ᠷ ᠱᠢᠬᠠᠮ ᠬᠣᠩᠭᠢᠯᠢ ᠳᠤᠭᠤᠯᠤᠨ ᠭᠣᠣᠯ ᠬᠣᠲᠠᠳᠤ ᠣᠷᠣᠬᠤᠳᠤ᠂ ᠬᠠᠷᠠᠭᠠ ᠳᠣᠣᠷᠠᠪᠠᠨ ᠥᠷᠭᠡᠵᠢᠪᠡ᠃ 《ᠵᠢᠶ ᠯᠦ᠍ ᠪᠤᠭᠤᠮᠲᠠ ᠪᠣᠯ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠶ᠋ᠢᠨ ᠡᠷᠲᠡᠨᠦ ᠬᠣᠲᠠ ᠮᠥᠨ᠂ ᠬᠠᠵᠠᠭᠤᠶ᠋ᠢᠨ ᠣᠷᠳᠣ ᠨᠢ 69 ᠮᠧᠲ᠋ᠷ᠂ ᠬᠣᠲᠠᠶ᠋ᠢᠨ ᠬᠡᠷᠡᠮᠦᠨ ᠰᠠᠭᠤᠷᠢᠶ᠋ᠢᠨ ᠥᠷᠭᠡᠨ ᠨᠢ 5.3 ᠮᠧᠲ᠋ᠷ᠂ ᠣᠷᠣᠶᠶ᠋ᠢᠨ ᠥᠷᠭᠡᠨ ᠨᠢ 3.7 ᠮᠧᠲ᠋ᠷ᠂ ᠥᠨᠳᠥᠷ ᠨᠢ 5 ᠡᠴᠡ 8 ᠮᠧᠲ᠋ᠷ ᠪᠠᠢᠵᠤ᠂ ᠬᠡᠪᠴᠢᠶᠡ ᠨᠢ ᠨᠡᠯᠢᠶᠡᠳ ᠶᠡᠬᠡ᠂ ᠵᠡᠷᠭᠡ ᠳᠡᠰ ᠨᠢ ᠨᠡᠯᠢᠶᠡᠳ ᠥᠨᠳᠥᠷ ᠪᠠᠢᠵᠤ᠂ ᠬᠣᠲᠠᠶ᠋ᠢᠨ ᠬᠡᠷᠡᠮᠢ ᠴᠦ᠍ ᠮᠠᠰᠢ ᠥᠷᠭᠡᠨ ᠵᠠᠰᠠᠵᠤ ᠪᠠᠢᠨᠠ》 ᠭᠡᠵᠦ᠍ ᠸᠠᠩ ᠬᠤᠤ ᠲᠠᠨᠢᠯᠴᠠᠭᠤᠯᠪᠠ᠃
ᠬᠣᠲᠠᠶ᠋ᠢᠨ ᠬᠡᠷᠡᠮᠦᠨ ᠳᠣᠲᠣᠷᠠ ᠲᠠᠯᠠᠶ᠋ᠢᠨ ᠵᠡᠭᠦᠨ ᠡᠮᠦᠨᠡ ᠥᠨᠴᠥᠭᠲᠦ ᠨᠠᠯᠠᠸ᠋ ᠬᠥᠲᠥᠯᠲᠡᠶ᠂ ᠶᠠᠭ ᠣᠲᠣ ᠦᠶᠡᠶ᠋ᠢᠨ ᠲᠦᠷᠭᠡᠨᠤ ᠵᠠᠰᠠᠮᠠᠯ ᠵᠠᠮᠤᠨ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠲᠡᠷᠭᠡᠨ ᠵᠠᠮ ᠰᠢᠬ ᠪᠠᠢᠵᠤ᠂ᠡᠷᠲᠡᠨᠦ ᠬᠥᠮᠦᠰ ᠮᠤᠷᠢᠨ ᠵᠠᠮ ᠪᠤᠶᠤ ᠭᠢᠰᠭᠢᠬᠦ᠌ ᠵᠠᠮ ᠭᠡᠳᠡᠭ᠃ ᠸᠠᠩ ᠬᠤᠤ᠂ ᠮᠤᠷᠢᠨ ᠵᠠᠮ ᠪᠣᠯ ᠴᠡᠷᠢᠭᠦᠨ ᠪᠠᠢᠳᠠᠯ ᠪᠠᠴᠢᠮ ᠪᠣᠯᠬᠤ ᠦᠶᠡᠳᠦ ᠪᠠᠢᠯᠳᠤᠭ᠍ᠴᠢᠳᠤᠨ ᠬᠣᠲᠠᠶ᠋ᠢᠨ ᠬᠡᠷᠡᠮ ᠳᠡᠭᠡᠷᠡ ᠲᠦᠷᠭᠡᠨᠢᠶᠡᠷ ᠭᠠᠷᠬᠤ ᠴᠢᠬᠤᠯᠠ ᠵᠠᠮ ᠪᠠᠢᠵᠤ᠂ ᠡᠳ᠋ ᠪᠣᠳᠠᠰ᠂ ᠠᠮᠤ ᠬᠦᠨᠡᠰᠦᠶ᠋ᠢ ᠴᠦ᠍ ᠲᠡᠭᠦᠨᠢᠶᠡᠷ ᠳᠠᠮᠵᠢᠭᠤᠯᠤᠨ ᠬᠣᠲᠠᠶ᠋ᠢᠨ ᠬᠡᠷᠡᠮ ᠳᠡᠭᠡᠷᠡ ᠠᠮᠠᠷᠬᠠᠨ ᠵᠥᠭᠡᠭᠡᠪᠦᠷᠢᠯᠡᠨ ᠠᠪᠠᠴᠢᠵᠤ ᠪᠣᠯᠤᠨᠠ ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠᠳᠤ᠂ ᠬᠠᠯᠬᠠᠭᠠ ᠬᠤᠳᠠ᠂ ᠮᠤᠷᠢᠨ ᠵᠠᠮ᠂ ᠲᠦᠷᠪᠡᠨ ᠥᠨᠴᠥᠭᠲᠤ ᠲᠠᠪᠴᠠᠩ᠂ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠴᠢᠨᠠᠷᠲᠠᠢ ᠣᠷᠣᠨ ᠵᠠᠢ ᠵᠢᠨ ᠪᠠᠢᠷᠢᠱᠢᠭᠤᠯᠤᠯᠲᠠ ᠨᠢᠭᠡ ᠪᠦᠷᠢᠳᠤ ᠴᠦᠮ ᠡᠷᠲᠡᠨᠦ ᠬᠥᠮᠦᠰᠦᠨ ᠤᠶᠤᠨ ᠤᠬᠠᠭᠠᠨ ᠨᠢᠭᠤᠭ᠍ᠳᠠᠵᠤ ᠪᠠᠢᠳᠠᠭ᠃
ᠦᠩᠭᠡᠷᠡᠭᠰᠡᠨᠢ ᠡᠷᠭᠢᠴᠡᠭᠦᠯᠬᠦᠶᠡ᠂ ᠥᠷᠦᠨ ᠲᠤᠶᠠᠭᠠ ᠬᠢᠯᠠᠯᠵᠠᠵᠤ᠂ ᠠᠯᠳᠠᠨ ᠱᠢᠷᠭᠠᠯ ᠨᠠᠷᠠᠨᠤ ᠭᠡᠷᠡᠯ ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠᠶ᠋ᠢᠨ ᠬᠤᠳᠠ ᠪᠠᠯᠭᠠᠰᠤᠨᠳᠤ ᠲᠤᠰᠴᠤ᠂ ᠪᠣᠯᠪᠠᠰᠤᠷᠠᠯᠤᠨ ᠲᠠᠯᠠᠪᠠᠢᠡᠴᠡ ᠮᠤᠷᠢᠨ ᠲᠦᠪᠡᠷᠬᠡᠨ ᠲᠤᠭᠤᠯᠳᠠᠵᠤ᠂ ᠲᠣᠭᠣᠰᠣ ᠮᠠᠨᠠᠷᠠᠨᠠ； ᠰᠤᠷ ᠬᠠᠷᠪᠤᠬᠤ ᠲᠣᠭᠣᠷᠢᠭ ᠲᠤ᠌᠂ ᠨᠤᠮᠤ ᠬᠠᠷᠪᠤᠭᠠᠴᠢᠳ᠂ ᠬᠥᠳᠡᠯᠦᠯ ᠪᠠᠷᠢᠯ ᠨᠢ ᠢᠷᠪᠢᠰ ᠠᠳᠠᠯᠢ ᠬᠤᠷᠴᠠ ᠱᠠᠯᠠᠮᠠᠭᠠᠢ ᠪᠠᠢᠯᠠ ᠁ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠠᠳᠠᠷᠠᠭᠰᠠᠨ ᠲᠡᠦᠬᠡᠶ᠋ᠢᠨ ᠵᠢᠷᠤᠭ ᠳᠦᠷᠰᠦ ᠲᠡᠯᠭᠡᠭᠳᠡᠨᠡ᠃
ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠳ ᠵᠢᠶ ᠯᠦ᠍ ᠪᠤᠭᠤᠮᠲᠠ ᠵᠢᠨ ᠡᠷᠲᠡᠨᠦ ᠬᠣᠲᠠᠡᠴᠡ ᠬᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠳᠡᠭᠡᠰᠦᠨᠦ ᠬᠡᠲᠡᠶ ᠲᠣᠭᠣᠰᠭᠠ᠂ ᠸᠠᠭᠠᠷ᠂ ᠫᠧᠩᠰᠡ ᠵᠢᠴᠢ ᠵᠡᠰ ᠵᠡᠪᠡ᠂ ᠬᠣᠯᠬᠣᠪᠴᠢ ᠨᠤᠮᠤ ᠵᠢᠨ ᠤᠭ᠍ᠰᠠᠷᠠᠭᠠ ᠲᠣᠨᠣᠭ ᠵᠡᠷᠭᠡᠶ᠋ᠢ ᠢᠯᠡᠷᠡᠭᠦᠯᠪᠡ᠃ ᠣᠲᠣ ᠵᠢᠶ ᠯᠦ᠍ ᠪᠤᠭᠤᠮᠲᠠ ᠵᠢᠨ ᠡᠷᠬᠢᠨ ᠲᠣᠭᠣᠷᠢᠨᠳᠤ ᠪᠠᠰᠠ ᠶᠡᠬᠡ ᠲᠥᠯᠥᠪ ᠪᠦᠷᠢᠨ ᠪᠦᠲᠦᠨ 19 ᠴᠣᠨᠵᠢ ᠪᠣᠶ᠂ ᠡᠲᠡᠭᠡᠷ ᠨᠢ ᠴᠦᠮ ᠵᠢᠶ ᠯᠦ᠍ ᠪᠤᠭᠤᠮᠲᠠ ᠵᠢᠨ ᠲᠡᠦᠬᠡᠶ᠋ᠢ ᠰᠤᠳᠤᠯᠬᠤᠳᠤ ᠪᠤᠳᠠᠳᠤ ᠭᠡᠷᠡᠴᠢ ᠪᠠᠷᠢᠮᠲᠠ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ᠃
2006 ᠣᠨᠳᠤ ᠵᠢᠶ ᠯᠦ᠍ ᠪᠤᠭᠤᠮᠲᠠ ᠵᠢᠨ ᠪᠠᠭᠤᠷᠢ ᠨᠢ ᠵᠢᠷᠭᠤᠳᠤᠭᠠᠷ ᠪᠦᠯᠦᠭᠦᠨ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠳᠦ ᠵᠢᠭ᠍ᠰᠠᠭᠠᠭ᠍ᠳᠠᠪᠠ᠃
ᠪᠠᠷᠲᠠᠭᠠᠲᠤ ᠪᠣᠭᠣᠮᠲᠠ ᠵᠢᠨ ᠪᠤᠭᠤᠷᠤᠯ ᠲᠡᠦᠬᠡ ᠪᠠ ᠡᠷᠲᠡᠨᠦ ᠳᠣᠮᠣᠭ
《ᠲᠡᠦᠬᠡᠨ ᠳᠡᠭᠡᠷᠡ᠂ ᠵᠢᠶ ᠯᠦ᠍ ᠪᠤᠭᠤᠮᠲᠠᠳᠤ ᠬᠣᠶᠠᠷ ᠶᠡᠬᠡ ᠶᠠᠪᠤᠳᠠᠯ ᠭᠠᠷᠴᠤ᠌ ᠥᠩᠭᠡᠷᠡᠵᠡᠶ》᠃ ᠸᠠᠩ ᠬᠤᠤᠶ᠋ᠢᠨ ᠦᠭᠡ ᠨᠢ ᠪᠢᠳᠡᠨᠦ ᠪᠣᠳᠣᠯ ᠰᠠᠨᠠᠭᠠᠶ᠋ᠢ ᠠᠯᠤᠰ ᠬᠡᠲᠦ᠍ᠶ᠋ᠢᠨ ᠲᠡᠤᠬᠡ ᠲᠡᠢᠰᠢ ᠬᠦᠲᠦᠯᠪᠡ᠃
ᠨᠢᠭᠡᠳᠦᠭᠡᠷ ᠶᠡᠬᠡ ᠶᠠᠪᠤᠳᠠᠯ ᠪᠣᠯ ᠬᠣ᠌ ᠬᠠᠨ ᠶᠧ ᠴᠠᠨ ᠢᠦᠢ ᠴᠠᠩ ᠠᠨ ᠬᠤᠲᠠᠡᠴᠡ ᠪᠤᠴᠠᠬᠤᠳᠠᠭᠠᠨ ᠬᠠᠨ ᠤᠯᠤᠰᠤᠨ ᠳᠠᠷᠤᠭᠠ ᠪᠠᠢᠯᠳᠤᠭ᠍ᠴᠢᠳ ᠵᠢᠴᠢ ᠬᠢᠯᠢ ᠵᠢᠨ ᠵᠢᠶᠦ᠋ᠨᠤ ᠴᠡᠷᠢᠭᠦᠨ ᠬᠦᠴᠦᠨᠦ ᠬᠠᠮᠠᠭᠠᠯᠠᠯ ᠳᠣᠣᠷᠠ ᠵᠢᠶ ᠯᠦ᠍ ᠪᠤᠭᠤᠮᠲᠠ ᠪᠡᠷ ᠠᠮᠤᠷ ᠲᠦᠪᠱᠢᠨ ᠥᠩᠭᠡᠷᠡᠪᠡ᠃ ᠬᠣᠶᠠᠳᠤᠭᠠᠷ ᠶᠡᠬᠡ ᠶᠠᠪᠤᠳᠠᠯ ᠪᠣᠯ ᠵᠡᠭᠦᠨ ᠬᠠᠨ ᠤᠯᠤᠰᠤᠨ ᠶᠦᠩ ᠶᠤᠸᠠᠨᠤ ᠠᠩᠬᠠᠨᠤ ᠵᠢᠯ （89 ᠣᠨ） ᠳ᠋ᠤ᠌᠂ ᠵᠠᠩᠵᠤᠨ ᠳ᠋ᠧᠦ ᠱᠢᠶᠠᠨ ᠵᠢᠶ ᠯᠦ᠍ ᠪᠤᠭᠤᠮᠲᠠᠡᠴᠡ ᠮᠤᠷᠳᠠᠨ ᠤᠮᠠᠷᠠᠰᠢ ᠾᠦᠩᠨᠦ᠍ᠶ᠋ᠢ ᠳᠠᠢᠯᠠᠵᠤ᠂ ᠶᠠᠨ ᠷᠠᠨ ᠱᠠᠨ ᠠᠭᠤᠯᠠ ᠬᠦᠷᠲᠡᠯᠡ ᠪᠠᠢᠯᠳᠤᠭᠠᠳ ᠶᠡᠬᠡ ᠢᠯᠠᠯᠲᠠ ᠣᠯᠵᠤ᠂ ᠤᠮᠠᠷᠠᠲᠤ ᠾᠦᠩᠨᠦ᠍ ᠵᠢᠨ ᠴᠠᠨ ᠢᠦᠶᠶ᠋ᠢᠨ ᠭᠣᠣᠯ ᠬᠦᠴᠦᠨᠢ ᠪᠠᠷᠤᠭ ᠪᠦᠬᠦᠨᠢ ᠰᠥᠨᠥᠭᠡᠵᠡᠶ᠃ ᠡᠭᠦᠨᠢ 《ᠬᠣᠢᠲᠤ ᠬᠠᠨ ᠤᠯᠤᠰᠤᠨ ᠪᠢᠴᠢᠭ· ᠳ᠋ᠧᠦ ᠱᠢᠶᠠᠨᠤ ᠨᠠᠮᠲᠠᠷ》 ᠲᠤ᠌ ᠲᠣᠳᠣᠷᠬᠠᠶ ᠲᠡᠮᠳᠡᠭ᠌ᠯᠡᠭ᠌ᠰᠡᠨ ᠪᠠᠢᠳᠠᠭ᠃
ᠵᠢᠶ ᠯᠦ᠍ ᠪᠤᠭᠤᠮᠲᠠ ᠨᠢ ᠲᠤᠬᠠᠶᠶ᠋ᠢᠨ ᠦᠶᠡᠳᠦ ᠵᠦᠩᠶᠤᠸᠠᠨ ᠣᠷᠣᠨ ᠪᠣᠯᠤᠨ ᠤᠮᠠᠷᠠᠲᠤ ᠣᠷᠣᠨᠢ ᠬᠣᠯᠪᠣᠭ᠍ᠰᠠᠨ ᠴᠢᠬᠤᠯᠠ ᠵᠠᠮ ᠵᠢᠴᠢ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠴᠢᠬᠤᠯᠠ ᠪᠣᠭᠣᠮᠲᠠ ᠪᠣᠯᠬᠤ ᠪᠠᠢᠷᠢ ᠰᠠᠭᠤᠷᠢ ᠨᠢ ᠳᠠᠬᠢᠨᠲᠠ ᠲᠣᠪᠣᠢᠮᠠ ᠪᠣᠯᠪᠠ᠃
ᠲᠡᠦᠬᠡᠶ᠋ᠢᠨ ᠤᠷᠳᠤ ᠠᠶᠠᠨᠳᠤ᠂ ᠲᠠᠢᠨ ᠪᠠᠢᠯᠳᠤᠭᠠᠨᠤ ᠦᠢᠮᠡᠭᠡᠨ ᠳᠡᠪᠵᠢᠶᠡᠨᠡᠴᠡ ᠭᠠᠳᠠᠨᠠ ᠪᠠᠰᠠ ᠨᠠᠮ ᠵᠢᠮ ᠠᠮᠤᠷ ᠠᠮᠤᠭᠤᠯᠠᠩ ᠭᠠᠵᠠᠷ ᠪᠤᠢ᠂ ᠲᠡᠨᠳᠡᠬᠢ ᠨᠢ ᠪᠤᠯ ᠰᠣᠶᠣᠯ ᠠᠭᠤᠰᠤᠯᠴᠠᠭ᠍ᠰᠠᠨ ᠭᠠᠷᠠᠮ ᠪᠤᠯᠤᠩ ᠪᠤᠯᠤᠨᠠ᠃ ᠵᠢᠶ ᠯᠦ᠍ ᠪᠤᠭᠤᠮᠲᠠ ᠨᠢ ᠵᠦᠩᠶᠤᠸᠠᠨ ᠣᠷᠣᠨᠤ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠪᠣᠯᠤᠨ ᠤᠮᠠᠷᠠᠲᠤᠶ᠋ᠢᠨ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠰᠣᠶᠣᠯᠤᠨ ᠬᠣᠭᠣᠷᠣᠨᠳᠣᠬᠢ ᠮᠥᠷᠭᠥᠯᠳᠦᠯ᠂ ᠰᠣᠯᠢᠯᠴᠠᠭᠠ ᠪᠣᠯᠤᠨ ᠠᠭᠤᠰᠤᠯᠴᠠᠯᠢ ᠭᠡᠷᠡᠴᠢᠯᠡᠵᠦ᠂ ᠡᠶᠡ ᠵᠣᠬᠢᠴᠠᠩᠭᠤᠢ ᠦᠵᠡᠰᠭᠦᠯᠡᠩᠲᠤ ᠰᠠᠢᠬᠠᠨ ᠦᠵᠡᠭ᠌ᠳᠡᠯ ᠪᠠᠢᠳᠠᠯᠢ ᠵᠢᠷᠤᠭ᠍ᠯᠠᠪᠠ᠃
ᠵᠢᠶ ᠯᠦ᠍ ᠪᠤᠭᠤᠮᠲᠠᠳᠤ ᠪᠠᠰᠠ 《ᠡᠩᠬᠡ ᠲᠠᠢᠪᠤᠩᠤᠨ ᠡᠯᠴᠢ》 ᠸᠠᠩ ᠵᠤᠤ ᠵᠢᠶᠦ᠋ᠨᠲᠡᠶ ᠬᠠᠮᠢᠶᠠᠲᠠᠶ ᠨᠢᠭᠡᠨ ᠡᠷᠲᠡᠨᠦ ᠳᠣᠮᠣᠭ ᠪᠠᠢᠳᠠᠭ᠃
ᠨᠡᠢᠲᠡᠶ᠋ᠢᠨ ᠣᠨ ᠲᠣᠭᠠᠯᠠᠯᠠᠴᠠ ᠡᠮᠦᠨᠡ 33 ᠣᠨᠳᠤ᠂ ᠬᠣ᠌ ᠬᠠᠨ ᠶᠧ ᠴᠠᠨ ᠢᠦᠶ ᠭᠤᠷᠪᠠᠳᠤᠭᠠᠷ ᠤᠳᠠᠭᠠ ᠴᠠᠩ ᠠᠨᠳᠤ ᠬᠦᠷᠪᠡ᠂ ᠬᠠᠨ ᠶᠤᠸᠠᠨ ᠳᠢ ᠬᠠᠭᠠᠨ ᠸᠠᠩ ᠵᠣᠣ ᠵᠢᠶᠦ᠋ᠨᠢ ᠴᠠᠨ ᠢᠦᠢᠳᠤ ᠡᠬᠡᠨᠡᠷ ᠪᠤᠯᠭᠠᠨ ᠦᠭᠴᠡᠢ᠃ ᠸᠠᠩ ᠵᠤᠤ ᠵᠢᠶᠦ᠋ᠨ ᠬᠣ᠌ ᠬᠠᠨ ᠶᠧ ᠴᠠᠨ ᠢᠦᠢᠲᠡᠶ ᠬᠠᠮᠲᠤ ᠪᠣᠭᠣᠮᠲᠠᠶ᠋ᠢᠨ ᠭᠠᠳᠠᠨᠠ ᠵᠢ ᠴᠢᠭᠯᠡᠨ ᠮᠤᠷᠳᠠᠵᠤ᠂ ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠᠪᠡᠷ ᠥᠩᠭᠡᠷᠡᠪᠡ᠃ ᠲᠤᠮᠤᠭ ᠦᠯᠢᠭᠡᠷᠢ ᠦᠨᠳᠦᠰᠦᠯᠡᠪᠡᠯ᠂ ᠲᠠᠳᠠ ᠬᠣᠶᠠᠭᠤᠯᠠ ᠵᠢᠶ ᠯᠦ᠍ ᠪᠤᠭᠤᠮᠲᠠᠳᠤ ᠣᠯᠠᠨ ᠵᠢᠯ ᠠᠮᠢᠳᠤᠷᠠᠵᠤ ᠦᠩᠭᠡᠷᠡᠵᠡᠢ᠂ ᠡᠨᠡ ᠬᠦ᠌ ᠬᠤᠭᠤᠴᠠᠭᠠᠨᠳᠤ ᠥᠷᠯᠥᠭᠡ ᠡᠷᠲᠡ ᠲᠠᠬᠢᠶᠠ ᠲᠤᠤᠭᠠᠷᠴᠤ᠂ ᠦᠳᠡᠰᠢ ᠪᠤᠯᠬᠤ ᠪᠡᠷ ᠪᠤᠭᠤ ᠤᠷᠤᠮᠳᠠᠨᠠ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠬᠥᠮᠦᠰ ᠡᠭᠦᠨᠢ ᠥᠯᠵᠡᠢ ᠪᠡᠯᠭᠡᠲᠡᠶ ᠶᠠᠪᠤᠳᠠᠯᠢᠶᠡᠷᠦᠵᠡᠵᠦ᠍᠂ ᠡᠨᠡ ᠬᠦ᠌ ᠪᠤᠭᠤᠮᠲᠠ ᠵᠢᠨ ᠬᠤᠲᠠᠶ᠋ᠢ 《ᠵᠢᠶ （ᠲᠠᠬᠢᠶᠠ） ᠯᠦ᠍ （ᠪᠤᠭᠤ） ᠪᠤᠭᠤᠮᠲᠠ》 ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠪᠠᠢᠨᠠ᠃
ᠠᠷᠠᠳᠤᠨ ᠳᠤᠮᠳᠠ ᠪᠠᠰᠠ 《ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠ ᠪᠣᠯ ᠵᠤᠤ ᠵᠢᠶᠦ᠋ᠨᠤ ᠠᠷᠤ ᠭᠠᠵᠠᠷ ᠮᠤᠷᠳᠠᠬᠤ ᠦᠶᠡ ᠵᠢᠨ ᠬᠠᠮᠤᠭᠤᠨ ᠰᠡᠭᠦᠯᠴᠢᠶ᠋ᠢᠨ ᠤᠳᠠᠭᠠ ᠵᠢᠨ ᠡᠷᠭᠢᠵᠦ᠍ ᠬᠠᠷᠠᠬᠰᠠᠨ ᠭᠠᠵᠠᠷ ᠪᠤᠯᠤᠨᠠ》 ᠭᠡᠳᠡᠭ᠃ ᠡᠨᠡ ᠨᠢ ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠᠳᠤ ᠣᠨᠴᠠᠭᠠᠶ ᠤᠳᠭᠠ ᠠᠭᠤᠯᠭᠠ ᠣᠯᠭᠣᠵᠤ᠂ ᠵᠶ᠋ᠢ ᠯᠦ᠍ ᠪᠤᠭᠤᠮᠲᠠᠨᠢ ᠨᠡᠯᠦᠭᠡᠷ ᠶᠡᠬᠡ ᠭᠤᠪᠢ ᠨᠤᠲᠤᠭᠲᠤ ᠡᠩᠬᠡ ᠲᠠᠢᠪᠤᠩᠤᠨ ᠬᠡᠷᠡᠯ ᠭᠢᠯᠪᠠᠭᠠ ᠪᠡᠨ ᠰᠠᠴᠤᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠵᠢᠢ ᠯᠦ᠍ ᠪᠤᠭᠤᠮᠳᠠ ᠬᠠᠨ ᠤᠯᠤᠰᠡᠴᠡ ᠡᠬᠢᠯᠡᠨ ᠡᠨᠳᠡ ᠰᠦᠨᠳᠡᠷᠯᠡᠵᠦ᠂ ᠣᠨ ᠵᠢᠯᠤᠨ ᠡᠯᠡᠭᠳᠡᠯ ᠳ᠋ᠤ ᠠᠷᠤ ᠬᠡᠷᠡᠮ᠂ ᠪᠠᠷᠠᠭᠤᠨ ᠬᠡᠷᠡᠮᠦᠨ ᠳᠡᠭᠡᠷᠡ ᠬᠡᠰᠡᠭ ᠨᠢ ᠨᠤᠷᠠᠵᠤ᠂ ᠡᠮᠦᠨᠡ ᠬᠡᠷᠡᠮ ᠨᠢ ᠪᠠᠰᠠ ᠬᠡᠰᠡᠭ ᠬᠡᠰᠡᠭ ᠨᠢ ᠨᠤᠷᠠᠵᠤ ᠤᠨᠠᠪᠠ᠃ 2016 ᠣᠨᠡᠴᠡ 2020 ᠣᠨ ᠪᠣᠯᠲᠠᠯᠠ᠂ ᠳ᠋ᠸᠩᠺᠸᠤ ᠰᠢᠶᠠᠨᠤ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠲᠥᠪ ᠨᠢ ᠬᠤᠳᠠᠶᠢᠨ ᠬᠡᠷᠡᠮ ᠵᠢᠴᠢ ᠡᠷᠬᠢᠨ ᠲᠣᠭᠣᠷᠢᠨᠤ 4 ᠴᠣᠨᠵᠢᠶᠢ ᠰᠡᠯᠪᠢᠨ ᠵᠠᠰᠠᠵᠤ ᠪᠡᠬᠢᠵᠢᠭᠦᠯᠪᠡ᠃ 《ᠪᠢᠳᠡ ᠬᠣᠲᠠᠶᠢᠨ ᠬᠡᠷᠡᠮᠢ ᠰᠡᠯᠪᠢᠨ ᠵᠠᠰᠠᠬᠤ ᠶᠠᠪᠤᠴᠠᠳᠤ᠂ ᠭᠠᠳᠠᠨᠠᠡᠴᠡ ᠠᠪᠴᠢᠷᠠᠭᠰᠠᠨ ᠴᠢᠯᠠᠭᠤᠶᠢ ᠨᠢᠭᠡ ᠴᠤ᠌ ᠬᠡᠷᠡᠭᠯᠡᠭᠰᠡᠨ ᠦᠭᠡᠢ᠂ ᠬᠡᠷᠡᠮ ᠪᠣᠯᠭᠠᠨᠢ ᠴᠥᠮ ᠨᠤᠷᠠᠵᠤ ᠤᠨᠠᠵᠤ ᠢᠷᠡᠭᠰᠡᠨ ᠴᠢᠯᠠᠭᠤᠪᠠᠷ ᠪᠠᠷᠢᠭ᠍ᠰᠠᠨ ᠶᠤᠮ᠂ ᠡᠨᠡ ᠨᠢ ᠲᠦᠭᠦᠬᠡᠢ ᠮᠠᠲᠧᠷᠢᠶᠠᠯ᠂ ᠤᠤᠯᠤᠨ ᠤᠷᠠᠯᠠᠯ ᠮᠡᠷᠭᠡᠵᠢᠯᠢ ᠦᠯᠡᠳᠡᠭᠡᠭᠰᠡᠨᠢᠶᠡᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠲᠡᠭᠦᠨᠦ ᠲᠡᠦᠬᠡᠨ ᠳᠦᠷᠰᠦ ᠪᠠᠢᠳᠠᠯᠢ ᠬᠠᠮᠤᠭᠤᠨ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠬᠠᠳᠠᠭᠠᠯᠠᠵᠤ᠂ ᠬᠠᠮᠤᠭᠤᠨ ᠪᠠᠭᠠ ᠬᠡᠮᠵᠢᠶᠡᠪᠡᠷ ᠭᠠᠷ ᠳᠦᠷᠦᠭᠰᠡᠨ ᠪᠠᠢᠨᠠ》 ᠭᠡᠵᠦ ᠸᠠᠩ ᠬᠤᠤ ᠬᠡᠯᠡᠪᠡ᠃
ᠵᠢᠢ ᠯᠦ᠍ ᠪᠤᠭᠤᠮᠳᠠᠵᠢᠨ ᠪᠠᠭᠤᠷᠢᠳᠤ᠂ ᠲᠡᠳᠡᠭᠡᠷ ᠨᠤᠷᠠᠵᠤ ᠤᠨᠠᠭᠰᠠᠨ ᠦᠭᠡᠢ᠂ ᠤᠳᠠᠭᠠᠨ ᠵᠢᠯᠤᠨ ᠰᠡᠯᠬᠢ ᠨᠠᠷᠠᠨᠤ ᠡᠯᠡ ᠬᠠᠯᠠ ᠵᠢ ᠦᠨᠭᠭᠡᠷᠡᠭᠦᠯᠦᠭᠰᠡᠨ ᠴᠢᠯᠠᠭᠤᠳᠤᠨ ᠥᠩᠭᠡ ᠨᠢ ᠨᠢᠭᠡᠨᠲᠡ ᠬᠠᠷᠠᠯᠠᠵᠤ᠂ ᠤᠨ ᠰᠠᠷᠠᠵᠢᠨ ᠤᠷᠴᠢᠯ ᠬᠤᠪᠢᠰᠤᠯᠲᠠ ᠪᠠ ᠤᠴᠢᠷ ᠤᠳᠬᠠ ᠵᠢ ᠦᠭᠦᠯᠡᠨᠡ᠃ ᠬᠠᠷᠢᠨ ᠲᠡᠳᠡᠭᠡᠷ ᠠᠯᠢ ᠡᠷᠲᠡ ᠨᠤᠷᠠᠵᠤ ᠤᠨᠠᠨ᠂ ᠰᠢᠪᠠᠷ ᠰᠢᠷᠣᠢᠳᠤ ᠭᠦᠨ ᠪᠤᠯᠠᠭᠳᠠᠭᠰᠠᠨ ᠴᠢᠯᠠᠭᠤᠳ ᠨᠢ ᠨᠢᠭᠡ ᠵᠦᠢᠯᠦᠨ ᠤᠨᠴᠠᠭᠠᠢ ᠴᠠᠭᠠᠨ ᠥᠩᠭᠡ ᠲᠠᠢ ᠪᠤᠯᠵᠤ᠂ ᠶᠠᠭ ᠴᠠᠭ ᠮᠥᠴᠡᠳᠦ ᠮᠠᠷᠲᠠᠭᠳᠠᠭᠰᠠᠨ ᠰᠤᠪᠤᠳ ᠰᠢᠭ᠋ ᠬᠢᠯᠠᠯᠵᠠᠨᠠ᠃ ᠬᠠᠷᠠ ᠴᠠᠭᠠᠨ ᠡᠷᠢᠶᠡᠯᠵᠢᠭᠰᠡᠨ ᠬᠡᠷᠡᠮᠦᠨ ᠴᠢᠯᠠᠭᠤ ᠨᠢ ᠵᠢᠢ ᠯᠦ᠍ ᠪᠤᠭᠤᠮᠳᠠᠶᠢᠨ ᠥᠪᠡᠷᠮᠢᠴᠡ ᠣᠨ ᠰᠠᠷᠠᠶᠢᠨ ᠢᠮ ᠲᠠᠮᠠᠭᠠᠶᠢ ᠵᠢᠷᠤᠭᠯᠠᠪᠠ᠃
ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠠᠭᠤᠰᠤᠯᠴᠠᠭᠰᠠᠨ ᠲᠡᠦᠬᠡᠶᠢᠨ ᠳᠠᠬᠢᠨ ᠢᠯᠡᠷᠡᠭᠦᠯᠦᠯᠲᠡ ᠪᠠ ᠰᠢᠨᠡ ᠵᠢ ᠡᠭᠦᠳᠦᠭᠰᠡᠨ ᠢᠯᠡᠳᠭᠡᠯᠲᠡ
ᠥᠨᠥᠳᠥᠷ᠂ ᠪᠠᠶᠠᠨᠨᠠᠭᠤᠷ ᠣᠷᠣᠨᠳᠤ᠂ ᠲᠡᠦᠬᠡᠶᠢᠨ ᠥᠪ ᠪᠣᠯᠣᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠭᠦᠨᠵᠡᠭᠡᠢ ᠠᠭᠤᠰᠤᠯᠴᠠᠯ ᠨᠢ ᠰᠢᠨᠡ ᠮᠠᠭᠠᠳᠯᠠᠭᠠᠲᠠᠢ ᠪᠣᠯᠵᠤ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ᠋ ᠲᠠᠢ ᠪᠥᠭᠡᠳ ᠲᠠᠲᠠᠬᠤ ᠬᠦᠴᠦᠨᠲᠠᠢ ᠰᠣᠶᠣᠯᠤᠨ ᠪᠡᠶᠡᠴᠢ ᠣᠢᠯᠠᠭᠠᠯᠲᠠᠵᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠢᠨᠠ᠃ 2025 ᠤᠨᠦ 《5·1》 ᠤ᠋ ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨᠳᠤ᠂ 《ᠬᠤᠪᠢᠵᠢᠨ ᠮᠠᠰᠢᠨᠵᠢᠡᠨ ᠵᠢᠯᠤᠭᠤᠳᠴᠤ ᠲᠠᠯᠠ ᠨᠤᠲᠤᠭᠢᠶᠠᠷ ᠠᠶᠠᠯᠠᠬᠤ·ᠥᠪᠥᠷ ᠮᠣᠩᠭᠣᠯᠳᠤ ᠵᠢᠭᠤᠯᠴᠢᠯᠠᠨ ᠠᠮᠠᠷᠠᠬᠤ》 ᠵᠢᠴᠢ ᠪᠠᠶᠠᠨᠨᠠᠭᠤᠷ ᠬᠣᠲᠠᠶᠢᠨ 《ᠮᠤᠨᠠ ᠠᠭᠤᠯᠠᠶᠢ ᠳᠠᠪᠠᠵᠤ ᠤᠮᠠᠷᠠᠲᠤ ᠬᠢᠯᠢᠪᠡᠷ ᠵᠢᠭᠤᠯᠴᠢᠯᠠᠬᠤ》 ᠠᠵᠢᠯᠯᠠᠭᠠ ᠬᠥᠷ ᠬᠥᠭᠵᠢᠶᠡᠨᠲᠡᠢ ᠡᠬᠢᠯᠡᠪᠡ᠃ ᠲᠡᠭᠦᠨᠦ ᠳᠣᠲᠣᠷᠠᠬᠢ ᠨᠢᠭᠡ ᠴᠢᠬᠤᠯᠠ ᠠᠵᠢᠯᠯᠠᠭᠠ ᠪᠤᠯᠬᠤ 《ᠪᠣᠭᠣᠮᠲᠠᠶᠢᠨ ᠭᠠᠳᠠᠨᠠᠬᠢ ᠣᠷᠳᠣ᠌ ᠳᠠᠭᠤᠤ· ᠵᠣᠣ ᠵᠢᠶᠦ᠋ᠨᠦ ᠰᠦᠨᠡᠰᠦ》 ᠨᠢ ᠵᠢᠢ ᠯᠦ᠍ ᠪᠤᠭᠤᠮᠳᠠᠵᠢᠨ ᠪᠠᠭᠤᠷᠢᠶᠢᠨ ᠳᠣᠣᠷᠠ ᠶᠠᠪᠤᠭᠳᠠᠵᠠᠢ᠃
《ᠮᠤᠨᠠ ᠠᠭᠤᠯᠠᠶᠢ ᠳᠠᠪᠠᠬᠤ》 ᠬᠤᠪᠢᠵᠢᠨ ᠮᠠᠰᠢᠨᠵᠢᠡᠨ ᠵᠢᠯᠤᠭᠤᠳᠴᠤ ᠵᠢᠭᠤᠯᠴᠢᠯᠠᠬᠤ ᠵᠠᠮ ᠱᠤᠭᠤᠮᠳᠤ ᠪᠠᠷᠠᠭᠤᠨ ᠱᠤᠭᠤᠮ ᠤ᠋ᠨ ᠳ᠋ᠸᠩᠺᠸᠤ ᠰᠢᠶᠠᠨ᠂ ᠵᠡᠭᠦᠨ ᠱᠤᠭᠤᠮᠤᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤ ᠵᠡᠷᠭᠡ ᠣᠯᠠᠨ ᠱᠤᠭᠤᠮ ᠪᠠᠢᠨᠠ᠃ ᠳ᠋ᠸᠩᠺᠸᠤ ᠰᠢᠶᠠᠨᠤ ᠬᠢᠯᠢ ᠳᠣᠲᠣᠷᠠᠬᠢ 《ᠮᠤᠨᠠ ᠠᠭᠤᠯᠠᠶᠢ ᠳᠠᠪᠠᠬᠤ》 ᠬᠤᠪᠢᠵᠢᠨ ᠮᠠᠰᠢᠨᠵᠢᠡᠨ ᠵᠢᠯᠤᠭᠤᠳᠴᠤ ᠵᠢᠭᠤᠯᠴᠢᠯᠠᠬᠤ ᠵᠠᠮ ᠱᠤᠭᠤᠮ ᠨᠢ ᠵᠢᠢ ᠯᠦ᠍ ᠪᠤᠭᠤᠮᠳᠠᠵᠢᠨ ᠪᠠᠭᠤᠷᠢᠶᠢᠨ ᠳᠣᠣᠭᠤᠷ ᠰᠦᠯᠵᠢᠯᠳᠦᠨ ᠥᠩᠭᠡᠷᠡᠵᠦ᠂ ᠬᠤᠪᠢᠵᠢᠨ ᠮᠠᠰᠢᠨᠵᠢᠡᠨ ᠵᠢᠯᠤᠭᠤᠳᠴᠤ ᠵᠢᠭᠤᠯᠴᠢᠯᠠᠬᠤ ᠪᠠᠬᠠᠲᠠᠳ ᠲᠡᠷᠭᠡᠨ ᠬᠦᠷᠳᠦᠪᠡᠷ ᠪᠢᠷ ᠪᠣᠯᠭᠠᠨ᠂ ᠠᠭᠤᠯᠠ ᠤᠰᠤᠪᠠᠷ ᠬᠠᠭᠤᠳᠠᠰᠤ ᠪᠣᠯᠭᠠᠨ᠂ ᠡᠷᠲᠡᠨᠦ ᠠᠷᠤ ᠭᠣᠪᠢᠶᠢᠨ ᠵᠠᠮᠢᠶᠠᠷ ᠳᠠᠬᠢᠨ ᠶᠠᠪᠤᠵᠤ᠂ ᠲᠡᠦᠬᠡᠶᠢᠨ ᠤᠯᠠ ᠮᠥᠷᠢ ᠳᠠᠬᠢᠨᠲᠠ ᠡᠷᠭᠢᠴᠡᠭᠦᠯᠪᠡ᠃
《ᠮᠤᠨᠠ ᠠᠭᠤᠯᠠᠶᠢ ᠳᠠᠪᠠᠬᠤ》 ᠬᠤᠪᠢᠵᠢᠨ ᠮᠠᠰᠢᠨᠵᠢᠡᠨ ᠵᠢᠯᠤᠭᠤᠳᠴᠤ ᠵᠢᠭᠤᠯᠴᠢᠯᠠᠬᠤ ᠵᠠᠮ ᠱᠤᠭᠤᠮ ᠪᠣᠯ ᠨᠢᠭᠡᠨ ᠵᠤᠷᠪᠤᠰ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮ ᠮᠥᠨ᠂ ᠨᠢᠭᠡᠨ ᠵᠤᠷᠪᠤᠰ ᠲᠡᠦᠬᠡ ᠰᠣᠶᠣᠯᠤᠨ ᠵᠠᠮ ᠱᠤᠭᠤᠮ ᠮᠥᠨ᠂ ᠪᠠᠰᠠ ᠴᠤ᠌ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠠᠬᠢᠭᠤᠯᠬᠤ ᠵᠠᠮ ᠱᠤᠭᠤᠮ ᠮᠥᠨ᠃ ᠣᠢᠷᠠᠶᠢᠨ ᠵᠢᠯᠦᠳᠲᠦ᠂ 《ᠮᠤᠨᠠ ᠠᠭᠤᠯᠠᠶᠢ ᠳᠠᠪᠠᠬᠤ》 ᠲᠦᠷᠦᠯ ᠲᠡᠮᠲᠡᠭ ᠨᠢ ᠨᠢᠭᠡᠨᠲᠡ ᠪᠥᠬᠥ ᠤᠯᠤᠰᠤᠨ ᠬᠤᠪᠢᠵᠢᠨ ᠮᠠᠰᠢᠨᠵᠢᠡᠨ ᠵᠢᠯᠤᠭᠤᠳᠴᠤ ᠵᠢᠭᠤᠯᠴᠢᠯᠠᠬᠤ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠦᠵᠡᠭᠳᠡᠯᠦᠨ ᠲᠠᠰᠤᠨ IP ᠪᠣᠯᠵᠤ᠂ ᠬᠥᠭᠵᠢᠶᠡᠨᠲᠦ ᠤᠯᠠᠷᠢᠯᠳ᠋ᠤ ᠡᠳᠦᠷᠤᠨ ᠬᠦᠯᠢᠶᠡᠨ ᠠᠪᠬᠤ ᠲᠡᠷᠭᠡ ᠬᠥᠰᠬᠡ 2000 ᠭᠠᠷᠤᠢ ᠪᠠᠢᠵᠤ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠵᠢᠭᠤᠯᠴᠢᠯᠠᠯᠤᠨ ᠲᠦᠷᠦᠯ ᠲᠡᠮᠳᠡᠭᠤᠨ ᠳᠦᠷᠢ ᠲᠥᠷᠬᠦᠶᠢ ᠤᠯᠠᠮ ᠳᠡᠭᠡᠭᠰᠢᠯᠡᠭᠦᠯᠪᠡ᠃
ᠬᠠᠮᠠᠭᠠᠯᠠᠯᠲᠠ ᠦᠭᠡᠢ ᠪᠣᠯ ᠤᠯᠠᠮᠵᠢᠯᠠᠬᠤ ᠪᠠ ᠠᠮᠢᠳᠤᠯᠢᠭᠵᠢᠭᠤᠯᠤᠨ ᠠᠰᠢᠭ᠍ᠯᠠᠬᠤ ᠶᠠᠪᠤᠳᠠᠯ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠣᠳᠣᠬᠠᠨᠳᠤ᠂ ᠳ᠋ᠸᠩᠺᠸᠤ ᠰᠢᠶᠠᠨᠤ ᠵᠢᠢ ᠯᠦ᠍ ᠪᠤᠭᠤᠮᠲᠠᠵᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠳᠡᠯᠭᠡᠨ ᠦᠵᠡᠭᠦᠯᠬᠦ ᠢᠨᠵᠧᠨᠧᠷᠢᠩ ᠶᠠᠭ ᠯᠠᠪᠳᠠᠭᠤᠨᠠᠬᠢᠵᠤ ᠪᠠᠢᠨᠠ᠃ ᠢᠨᠵᠧᠨᠧᠷᠢᠩ ᠨᠢ ᠬᠠᠮᠠᠭᠠᠯᠠᠯᠲᠠᠶᠢᠨ ᠥᠷᠲᠡᠭᠡ ᠪᠠ ᠦᠵᠡᠭᠦᠯᠭᠡᠶᠢᠨ ᠲᠢᠩᠬᠢᠮ ᠪᠠᠶ᠋ᠢᠭᠤᠯᠬᠤᠪᠠᠷ ᠳᠡᠮᠵᠢᠨ᠂ ᠵᠢᠢ ᠯᠦ᠍ ᠪᠤᠭᠤᠮᠳᠠ ᠵᠢᠴᠢ ᠡᠷᠬᠢᠨ ᠲᠣᠭᠣᠷᠢᠨᠤ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠰᠢᠰᠲᠧᠮᠢ ᠪᠥᠬᠥ ᠲᠠᠯᠠᠪᠠᠷ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠨᠠᠩ ᠣᠯᠠᠨ ᠬᠥᠮᠥᠨᠳᠦ ᠵᠢᠢ ᠯᠦ᠍ ᠪᠤᠭᠤᠮᠳᠠᠶᠢ ᠣᠢᠯᠠᠭᠠᠭᠤᠯᠵᠤ᠂ ᠪᠠᠶᠠᠨᠨᠠᠭᠤᠷᠤᠨ ᠣᠷᠳᠣ᠌ ᠴᠠᠭᠠᠨ ᠬᠡᠷᠡᠮᠦᠨ ᠶᠡᠷᠦᠩᠬᠡᠢ ᠪᠠᠢᠳᠠᠯ ᠵᠢᠴᠢ ᠪᠣᠷᠣᠳᠣᠬᠣᠢᠶᠢᠨ ᠰᠣᠶᠣᠯᠢ ᠣᠢᠯᠠᠭᠠᠭᠤᠯᠬᠤ ᠪᠣᠯᠣᠨᠠ᠃
ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠠᠵᠢᠯᠲᠠᠨ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠸᠠᠩ ᠬᠤᠤ ᠵᠢᠯ ᠪᠦᠷᠢ ᠵᠢᠢ ᠯᠦ᠍ ᠪᠤᠭᠤᠮᠳᠠᠳᠤ 20 ᠭᠠᠷᠤᠢ ᠤᠳᠠᠭᠠ ᠣᠴᠢᠳᠠᠭ᠃ ᠤᠳᠠᠭᠠ ᠪᠦᠷᠢᠶᠢᠨ ᠲᠣᠭᠣᠷᠢᠨ ᠪᠠᠢᠴᠠᠭᠠᠯᠲᠠ᠂ ᠬᠠᠭᠤᠴᠢ ᠰᠤᠳᠤᠯᠤᠯ ᠨᠢ ᠪᠦᠷ ᠲᠡᠦᠬᠡᠶᠢᠨ ᠭᠦᠨ ᠰᠡᠳᠬᠢᠯᠭᠡᠲᠦ ᠶᠠᠷᠢᠯᠴᠠᠭᠠ ᠰᠢᠭ᠋ ᠪᠠᠢᠳᠠᠭ᠃ ᠲᠡᠷᠡ᠄ 《ᠮᠠᠨᠤ ᠬᠠᠮᠠᠭᠠᠯᠠᠬᠤ ᠲᠥᠪᠦᠨ ᠠᠵᠢᠯᠲᠠᠳ ᠤᠯᠠᠷᠢᠯ ᠪᠦᠷᠢᠳᠦ ᠨᠠᠭᠠᠲᠤ ᠵᠠᠬᠠᠳᠠᠭᠠᠨ ᠨᠢᠭᠡ ᠤᠳᠠᠭᠠ ᠵᠢᠢ ᠯᠦ᠍ ᠪᠤᠭᠤᠮᠳᠠᠶᠢ ᠲᠣᠭᠣᠷᠢᠨ ᠪᠠᠢᠴᠠᠭᠠᠵᠤ᠂ ᠰᠢᠶᠠᠨᠡᠴᠡ ᠪᠠᠰᠠ ᠲᠤᠰᠬᠠᠢ ᠬᠠᠮᠠᠭᠠᠯᠠᠭ᠍ᠴᠢ ᠵᠠᠯᠠᠵᠠᠢ᠃ ᠪᠢᠳᠡᠨᠦ ᠬᠠᠮᠠᠭᠠᠯᠠᠯᠲᠠᠪᠠᠷ ᠳᠠᠮᠵᠢᠨ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠦᠨ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠪᠦᠷᠢᠨ ᠪᠦᠲᠦᠨ ᠪᠠᠢᠬᠤᠶᠢ ᠪᠠᠲᠤᠯᠠᠵᠤ᠂ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠢ ᠤᠯᠠᠮᠵᠢᠯᠠᠨᠠ》 ᠭᠡᠵᠦ ᠪᠠᠢᠯᠠ᠃