ᠰᠡᠮ ᠰᠡᠮᠬᠡᠨ ᠨᠡᠭᠦᠳᠡᠯᠯᠡᠬᠦ᠌ ᠡᠭᠦᠯᠡᠰ᠎ᠠᠴᠠ ᠤᠷᠴᠢᠯᠠᠩ᠎ᠢ ᠬᠠᠷᠠᠬᠤ᠎ᠳᠤ

ᠰᠦᠷᠦᠭ ᠭᠠᠯᠠᠭᠤ ᠦᠳᠦᠨ ᠳᠡᠭᠡᠷ᠎ᠡ᠎ᠪᠠᠨ ᠮᠥᠷᠦᠭᠡᠳᠦᠯ ᠪᠢᠴᠢᠭ᠌ᠯᠡᠵᠦ᠍

ᠰᠤᠨᠤᠮ᠎ᠠ ᠬᠤᠯᠠ᠎ᠶ᠋ᠢᠨ ᠶᠡᠭᠡ ᠳᠠᠯᠠᠢ᠎ᠶ᠋ᠢᠨ ᠬᠢᠵᠠᠭᠠᠷ ᠴᠢᠭ᠌ᠯᠡᠵᠦ᠍

ᠰᠤᠳᠤᠷ ᠪᠢᠴᠢᠭ᠎ᠤᠨ ᠤᠨᠢᠰᠤᠭ᠎ᠠ ᠮᠡᠲᠦ ᠨᠠᠨᠳᠢᠨ ᠪᠦᠬᠦᠨ᠎ᠢ ᠵᠤᠷᠢᠨᠠᠮ

ᠬᠤᠩᠭᠤᠷᠳᠠᠨ ᠱᠢᠷᠭᠠᠯᠱᠢᠬᠤ ᠨᠠᠪᠴᠢᠰ᠎ᠠᠴᠠ ᠤᠷᠴᠢᠯᠠᠩ᠎ᠢ ᠬᠠᠷᠠᠬᠤ᠎ᠳᠤ

ᠬᠤᠪᠤᠷᠬᠠᠨ ᠡᠳᠦᠷ ᠬᠤᠨᠤᠭ ᠬᠤᠷᠤᠭᠤᠨ᠎ᠤ ᠵᠠᠪᠰᠠᠷ᠎ᠢᠶᠠᠷ ᠭᠤᠭᠤᠵᠢᠵᠤ

ᠬᠤᠷ ᠳᠡᠯ᠎ᠲᠠᠢ ᠠᠳᠤᠭᠤ ᠰᠠᠯᠬᠢ ᠰᠦᠷᠦᠨ ᠲᠠᠪᠬᠢᠯᠳᠤᠵᠤ

ᠬᠠᠢᠷ᠎ᠠ᠎ᠶ᠋ᠢᠨ ᠦᠨᠳᠦᠷ᠎ᠲᠤ ᠡᠵᠢ ᠮᠢᠨᠢ ᠬᠠᠷᠠᠭᠤᠯ ᠪᠤᠯᠤᠨ ᠵᠤᠭ᠍ᠰᠤᠨᠠᠮ

ᠬᠦᠬᠡ ᠠᠭᠤᠯᠠᠰ᠎ᠤᠨ ᠤᠷᠤᠢ᠎ᠠᠴᠠ ᠤᠷᠴᠢᠯᠠᠩ᠎ᠢ ᠬᠠᠷᠠᠬᠤ᠎ᠳᠤ

ᠬᠦᠪᠡᠭᠡ᠎ᠨᠢ ᠬᠠᠷᠠᠭ᠍ᠳᠠᠬᠤ ᠦᠭᠡᠢ ᠨᠡᠯᠦᠭᠡᠷ᠎ᠤᠨ ᠳᠤᠮᠳᠠ ᠭᠠᠭ᠍ᠴᠠᠭᠠᠷ ᠰᠡᠬᠦᠢᠵᠦ᠍

ᠬᠦᠬᠡ ᠴᠢᠨ᠋ᠸ᠎ᠠ᠎ᠶ᠋ᠢᠨ ᠴᠤᠪᠤᠭ᠎ᠠ ᠭᠦᠨ ᠤᠢ ᠵᠦᠭ ᠰᠤᠪᠤᠵᠤ

ᠬᠦᠢ ᠲᠠᠷᠤᠭ᠍ᠰᠠᠨ ᠴᠢᠯᠠᠭᠤᠳ᠎ᠠᠴᠠ ᠤᠳᠤᠮ᠎ᠤᠨ ᠭᠡᠷᠡᠯ ᠰᠠᠴᠤᠷᠠᠨᠠᠮ

ᠨᠠᠮ ᠬᠦᠮ᠎ᠤᠨ ᠳᠤᠮᠳᠠ᠎ᠠᠴᠠ ᠤᠷᠴᠢᠯᠠᠩ᠎ᠢ ᠬᠠᠷᠠᠬᠤ᠎ᠳᠤ

ᠨᠠᠷᠠᠨ᠎ᠤ ᠳᠤᠯᠠᠭᠠᠨ ᠢᠯᠴᠢ ᠡᠯᠡᠰᠦᠨ᠎ᠤ ᠡᠯᠢᠭᠡ᠎ᠶ᠋ᠢ ᠲᠠᠭᠠᠯᠠᠵᠤ

ᠨᠠᠢ᠍ᠮᠠᠨ ᠱᠢᠷᠭ᠎ᠠ᠎ᠶ᠋ᠢᠨ ᠦᠤᠷᠰᠡᠭᠡ ᠬᠤᠭᠤᠷ᠎ᠤᠨ ᠴᠢᠪᠬᠠᠳᠠᠰᠤᠨ᠎ᠳᠤ ᠡᠭᠡᠱᠢᠭ᠌ᠷᠡᠵᠦ᠍

ᠨᠠᠢᠷ᠎ᠤᠨ ᠲᠤᠭᠤᠢ ᠬᠦᠷᠢᠶ᠎ᠡ ᠪᠦᠮᠪᠦᠷᠴᠡᠭ ᠲᠤᠯᠤᠨ ᠬᠦᠭ᠌ᠵᠢᠨᠡᠮ

ᠵᠦᠭᠡᠯᠡᠨ ᠱᠢᠷᠭᠠᠯ᠎ᠤᠨ ᠳᠤᠮᠳᠠ᠎ᠠᠴᠠ ᠤᠷᠴᠢᠯᠠᠩ᠎ᠢ ᠬᠠᠷᠠᠬᠤ᠎ᠳᠤ

ᠵᠢᠰᠦ᠎ᠨᠢ ᠴᠤᠬᠤᠷ ᠢᠨᠵᠠᠭ᠎ᠠ ᠬᠠᠳᠠ ᠳᠠᠮᠵᠢᠨ ᠴᠤᠪᠬᠤᠴᠢᠵᠤ

ᠵᠦᠢᠳᠡᠯ ᠦᠭᠡᠢ ᠲᠤᠷᠳᠤᠩ ᠲᠤᠷᠭ᠎ᠠ ᠱᠢᠭ᠋ ᠪᠤᠳᠤᠯ᠎ᠤᠨ ᠲᠠᠯ᠎ᠠ ᠲᠡᠨᠢᠢᠵᠦ᠍

ᠵᠦᠩ ᠪᠡᠯᠭᠡ᠎ᠶ᠋ᠢᠨ ᠵᠤᠯᠡ ᠵᠢᠷᠦᠬᠡᠨ ᠲᠤᠯᠳᠦ᠍᠎ᠳᠤ ᠭᠡᠷᠡᠯᠳᠦᠨᠡᠮ