ᠭᠤᠷᠪᠠᠨ ᠱᠠᠳᠤᠨᠤ ᠬᠤᠯᠪᠤᠭᠠᠯᠠᠯ ᠲᠤᠰᠬᠠᠢ ᠰᠡᠳᠦᠪᠲᠦ ᠮᠡᠳᠡᠭᠡᠯᠡᠯ 8
ᠰᠠᠢᠬᠠᠨ ᠨᠤᠳᠤᠭ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠪᠠᠨ ᠰᠤᠶᠤᠯ ᠲᠡᠤᠭᠡᠶᠢᠨ ᠲᠤᠬᠠᠢ ᠦᠬᠦᠯᠡᠬᠦᠳᠦ ᠳᠤᠰ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠲᠡᠮᠳᠡᠭ ᠪᠤᠯᠤᠬ᠍ᠰᠠᠨ ᠴᠢᠭᠤᠯᠭᠠ ᠬᠤᠯᠪᠤᠭᠠᠶᠢ ᠲᠤᠷᠠᠳᠬᠤ ᠦᠬᠡᠢ ᠦᠩᠭᠡᠷᠡᠵᠦ ᠪᠤᠯᠬᠤ ᠦᠬᠡᠢ ᠪᠢᠯᠡ᠃ ᠨᠤᠳᠤᠭᠤᠨ ᠥᠪᠡᠷᠮᠢᠴᠡ ᠤᠨᠴᠠᠯᠢᠭ᠋ ᠪᠦᠬᠦᠢ ᠰᠣᠶᠣᠯᠤᠨ ᠢᠮ ᠲᠠᠮᠠᠭᠠᠶᠢ ᠬᠦᠨ ᠬᠠᠷᠠᠭᠤᠯᠤᠬ᠍ᠰᠠᠨ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠨᠢ ᠰᠢᠨᠡᠶᠢ ᠡᠭᠦᠳᠬᠦ ᠪᠠ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠣᠨᠴᠠᠯᠢᠭ᠋ᠢ ᠬᠤᠤᠰᠯᠠᠨ ᠪᠦᠷᠢᠳᠦᠭᠦᠯᠵᠦ᠂ ᠥᠪᠡᠷᠮᠢᠴᠡ ᠰᠤᠳᠤᠨ ᠷᠢᠳᠢ ᠰᠢᠳᠢᠪᠡᠷᠢᠶᠡᠨ ᠴᠠᠭ ᠦᠶᠡ ᠣᠷᠣᠨ ᠵᠠᠢᠶᠢᠨ ᠶᠡᠭᠡ ᠰᠤᠷᠢᠭᠠᠶᠢ ᠳᠠᠪᠠᠨ ᠲᠤᠭᠤᠯᠵᠤ᠂ ᠴᠢᠭᠤᠯᠭᠠ ᠬᠤᠯᠪᠤᠭᠠᠨ ᠦ᠌ ᠲᠦᠯᠦᠭᠡᠯᠡᠬᠦ ᠪᠦᠳᠦᠭᠡᠯ ᠪᠤᠯᠤᠬ᠍ᠰᠠᠨ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》 ᠨᠢ ᠰᠢᠨᠡ ᠴᠠᠭ ᠦᠶᠡᠳᠦ ᠰᠢᠨᠡ ᠭᠡᠷᠡᠯ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠵᠤ ᠪᠠᠢᠨᠠ᠃
《ᠵᠠᠩᠭᠠᠷ》᠂ ᠴᠢᠭᠤᠯᠭᠠ ᠬᠤᠯᠪᠤᠭᠠ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ 》 ᠵᠡᠷᠭᠡ ᠤᠯᠠᠨᠳᠤ ᠲᠠᠨᠢᠬ᠍ᠳᠠᠵᠤ ᠲᠦᠮᠡᠨᠳᠦ ᠳᠠᠭᠤᠯᠠᠬ᠍ᠳᠠᠬ᠍ᠰᠠᠨ ᠤᠷᠠᠯᠢᠭ᠋ᠤᠨ ᠪᠦᠳᠦᠭᠡᠯᠢ ᠲᠡᠯᠭᠡᠨ ᠶᠠᠷᠢᠬᠤᠳᠤ ᠳᠠᠷᠬᠠᠨ ᠮᠤᠤᠮᠢᠨᠭᠭᠠᠨ ᠨᠤᠳᠤᠭᠤᠨ ᠨᠢᠭᠡᠨ ᠡᠷᠬᠢᠮ ᠬᠦᠮᠦᠨᠢ ᠲᠤᠷᠠᠳᠬᠤ ᠴᠢᠬᠤᠯᠠ ᠲᠠᠢ ᠪᠤᠯᠳᠠᠭ ᠪᠢᠯᠡ᠃ ᠲᠡᠷᠡ ᠪᠤᠯ ᠲᠡᠷᠦᠢ 《ᠴᠢᠭᠤᠯᠭᠠ ᠬᠤᠯᠪᠤᠭᠠ》 ᠵᠢ ᠰᠢᠨᠠ ᠪᠡᠷ ᠵᠤᠬᠢᠶᠡᠨ ᠪᠦᠳᠦᠬᠡᠭᠰᠡᠨ — ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠦ ᠠᠯᠲᠠᠷᠳᠤ ᠲᠠᠭᠤᠷᠢᠯᠢᠬ᠍ᠴᠢᠨ ᠳᠣᠷᠵᠢᠷᠢᠨᠴᠢᠨ ᠠᠭᠰᠠᠨ ᠪᠤᠯᠬᠤ ᠶᠤᠮ᠃ ᠠᠪᠢᠶᠠᠰᠳᠤ ᠬᠤᠯᠪᠤᠭᠠᠴᠢᠨ ᠳᠣᠷᠵᠢᠷᠢᠨᠴᠢᠨ 1947 ᠤᠨᠳᠤ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠬᠦᠩᠦᠨ ᠰᠤᠮᠤ （ᠤᠳᠤᠶᠢᠨ ᠳᠠᠷᠬᠠᠨ ᠰᠤᠮᠤᠨᠤ ᠬᠠᠰᠢᠶᠠᠳᠤ ᠭᠠᠴᠠᠭᠠ） ᠳ᠋ᠤ᠌ ᠠᠪᠤ ᠰᠠᠩᠵᠡᠢᠮᠢᠳᠤᠪ᠂ ᠡᠵᠢ ᠲᠤᠭᠤᠢᠴᠠᠭᠠᠨᠤ ᠪᠠᠨ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠬᠤᠭᠤᠷᠳᠠᠳᠠᠭ ᠠᠪᠤ᠂ ᠠᠷᠠᠳᠤᠨ ᠲᠠᠭᠤᠤ ᠰᠠᠢᠬᠠᠨ ᠲᠠᠭᠤᠯᠠᠳᠠᠭ ᠡᠵᠢᠶᠢᠨᠢᠶᠡᠨ ᠠᠪᠢᠶᠠᠰᠢ ᠦᠪᠯᠡᠵᠦ ᠲᠦᠷᠦᠭᠰᠡᠨ ᠲᠡᠷᠡ ᠪᠡᠷ 1955 ᠤᠨᠳᠤ ᠰᠤᠶᠤᠯᠤᠨ ᠮᠦᠷ ᠡᠬᠢᠯᠡᠨ ᠬᠦᠭᠡᠭᠡᠵᠦ᠂ 1963 ᠤᠨᠳᠤ 17 ᠨᠠᠰᠤᠳᠠᠢ ᠳ᠋ᠠᠭᠠᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠤᠯᠠᠭᠠᠨᠮᠦ᠋ᠴᠢᠷᠲᠤ ᠰᠢᠯᠭᠠᠨ ᠤᠷᠤᠵᠤ ᠤᠷᠠᠯᠢᠭ᠋ᠤᠨ ᠵᠠᠮᠢᠶᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠪᠢᠯᠡ᠃
ᠪᠠᠭᠠ ᠡᠴᠡ ᠪᠠᠨ ᠬᠤᠭᠤᠯᠠᠢ ᠰᠠᠢᠳᠠᠢ᠂ ᠤᠷᠠᠯᠢᠭ᠋ᠲᠤ ᠠᠪᠢᠶᠠᠰ ᠳᠠᠢ ᠪᠠᠢᠬ᠍ᠰᠠᠨᠤ ᠤᠯᠠᠮ ᠡᠴᠡ 1964 ᠤᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠰᠢᠭᠤᠳ ᠬᠠᠷᠢᠶᠠ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠬᠠᠮᠤᠭ ᠠᠩᠬᠠᠨᠤ ᠬᠡᠰᠢᠭᠦᠨᠢᠶᠡᠷ ᠰᠤᠩᠭᠤᠬ᠍ᠳᠠᠵᠤ᠂ ᠲᠦᠴᠢ ᠭᠠᠷᠤᠢ ᠵᠢᠯᠦᠨ ᠬᠢᠨᠢ ᠤᠷᠠᠯᠢᠭ᠋ᠤᠨ ᠠᠯᠳᠠᠨ ᠮᠦᠴᠡᠨᠦᠭᠦᠳ ᠠᠬᠢᠨ ᠳᠠᠪᠳᠠᠬ᠍ᠳᠠᠰᠢ ᠦᠬᠡᠢᠪᠡᠷ ᠤᠨ ᠴᠠᠭᠤᠨᠢᠶᠠᠨ ᠬᠦᠷᠳᠦᠨᠳᠦ ᠪᠢᠴᠢᠭᠳᠡᠭᠰᠡᠨ ᠶᠤᠮ᠃ ᠲᠡᠷᠡ ᠬᠤᠭᠤᠷᠴᠢᠨ᠂ ᠲᠠᠭᠤᠴᠢᠨ᠂ ᠪᠦᠵᠢᠭᠴᠢᠨ᠂ ᠰᠢᠯᠦᠭᠴᠢᠨ᠂ ᠱᠤᠬ᠍ᠴᠢᠨ᠂ ᠵᠦᠴᠦᠭᠡᠴᠢᠨ ᠭᠡᠳ ᠶᠠᠭ ᠯᠡ ᠳᠤᠬᠠᠢᠶᠢᠨ ᠴᠠᠭ ᠦᠶᠡᠶᠢᠨ ᠨᠢᠭᠡᠳᠦ ᠮᠡᠷᠭᠡᠰᠢᠵᠦ᠂ ᠤᠯᠠᠨᠳᠦ ᠴᠢᠳᠠᠪᠤᠷᠢᠵᠢᠬᠤ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠰᠤᠳᠤᠨ ᠭᠡᠰᠢᠭᠦᠨ ᠪᠠᠢᠬ᠍ᠰᠠᠨ ᠪᠢᠯᠡ᠃ ᠶᠤᠰᠤᠳᠠᠢ ᠯᠡ ᠯᠢᠭᠳᠡᠨ ᠭᠤᠸᠠᠢᠶᠢᠨ ᠪᠢᠴᠢᠭᠰᠡᠨ ᠰᠢᠭ《ᠳᠠᠭᠤᠯᠠᠵᠤ ᠪᠦᠵᠢᠭᠯᠡᠬᠦ᠂ ᠬᠦᠭᠵᠢᠮᠳᠡᠬᠦ ᠪᠠ ᠳᠤᠬ᠍ᠯᠠᠬᠤ ᠵᠡᠷᠭᠡᠳᠦ ᠪᠦᠷ ᠲᠦᠷᠦᠯᠬᠢᠶᠢᠨ ᠰᠠᠭᠤᠷᠢ ᠨᠦᠭᠦᠴᠡᠯ ᠲᠠᠢᠶᠢᠨ ᠲᠡᠭᠡᠷᠡ ᠰᠤᠷᠢᠨᠵᠢᠨ ᠴᠡᠭᠡᠵᠢ᠂ ᠰᠤᠳᠤᠨ ᠤᠬᠠᠭᠠᠨ᠂ ᠠᠯᠳᠠᠨ ᠬᠤᠭᠤᠯᠠᠢ ᠲᠠᠢ ᠮᠦᠷᠳᠡᠭᠡᠨ ᠪᠡᠶᠡ ᠬᠠᠷᠠᠭᠠ᠂ ᠵᠢᠰᠦ ᠴᠢᠷᠠᠢ ᠨᠢ ᠴᠤ᠌ ᠲᠦᠪᠯᠡᠭᠦᠨ ᠰᠠᠢᠬᠠᠨ ᠮᠤᠩᠭᠤᠯ ᠡᠷᠡᠶᠢᠨ ᠰᠢᠨᠵᠢ ᠲᠡᠭᠦᠰ ᠪᠦᠷᠢᠳᠦᠭᠰᠡᠨ ᠲᠤᠯᠠ ᠴᠤᠬᠤᠮ ᠨᠢᠭᠡᠨ ᠲᠡᠭᠷᠢ ᠡᠴᠡ ᠵᠠᠶᠠᠭᠠᠳᠠᠢ ᠤᠷᠠᠯᠢᠭ᠋ᠤᠨ ᠬᠦᠮᠦᠨ ᠭᠡᠮᠡᠷ》 ᠪᠠᠢᠪᠠ ᠃
ᠳᠤᠷᠵᠢᠷᠢᠨᠴᠢᠨ ᠭᠤᠸᠠᠢ ᠬᠤᠯᠪᠤᠭᠠᠨᠤ ᠤᠷᠠᠯᠢᠭ᠋ᠲᠤ ᠮᠡᠷᠭᠡᠰᠢᠵᠦ᠂ ᠨᠢᠭᠡ ᠪᠤᠶᠤ ᠬᠤᠶᠠᠷ ᠬᠦᠮᠦᠨᠦ ᠬᠤᠭᠤᠷᠳᠠᠨ ᠶᠠᠷᠢᠳᠠᠭ ᠪᠠᠢᠬ᠍ᠰᠠᠨ ᠤᠯᠠᠮᠵᠢᠯᠠᠯᠳᠤ ᠬᠤᠯᠪᠤᠭᠠᠨ ᠤ᠋ ᠬᠡᠪ ᠮᠠᠶᠢᠭ᠋ ᠲᠤ᠌ ᠰᠢᠨᠡᠴᠢᠯᠡᠯᠳᠡ ᠬᠢᠵᠦ᠂ ᠲᠡᠭᠡᠷᠡ ᠵᠠᠭᠤᠨᠤ ᠵᠢᠷᠠᠭᠠᠳ ᠤᠨ ᠡᠴᠡ ᠡᠬᠢᠯᠡᠨ《ᠴᠢᠭᠤᠯᠭᠠ ᠬᠤᠯᠪᠤᠭᠠ》 ᠬᠡᠮᠡᠬᠦ ᠴᠤ ᠰᠢᠨᠡ ᠦᠯᠢᠭᠡᠷ ᠬᠤᠯᠪᠤᠭᠠᠶᠢᠨ ᠬᠡᠪ ᠮᠠᠶᠢᠭ᠋ᠢ ᠡᠭᠦᠳᠦᠨ ᠪᠦᠳᠦᠭᠡᠵᠦ᠂ ᠦᠵᠡᠭᠴᠢ ᠤᠯᠠᠨᠤ ᠦᠷᠭᠡᠨ ᠳᠠᠭᠠᠰᠢᠶᠠᠯᠢ ᠤᠯᠵᠤ ᠭᠠᠢᠬᠠᠰᠢᠷᠠᠭᠤᠯᠤᠬ᠍ᠰᠠᠨ ᠪᠢᠯᠡ᠃ ᠳᠤᠬᠠᠢᠯᠠᠪᠠᠯ᠂ ᠤᠯᠠᠮᠵᠢᠯᠠᠯᠲᠤ 《ᠬᠤᠯᠪᠤᠭᠠ 》 ᠶ᠋ᠢᠨ ᠦᠨᠳᠦᠰᠦᠨ ᠬᠡᠮᠨᠡᠯᠦᠨ ᠪᠦᠲᠦᠴᠡ ᠪᠠ ᠬᠡᠯᠪᠡᠷᠢ ᠳᠡᠭᠡᠷᠡ ᠤᠯᠠᠨ ᠬᠦᠮᠦᠨ ᠬᠠᠮᠳᠤ ᠪᠡᠷ ᠬᠡᠯᠡᠵᠦ ᠲᠤᠬ᠍ᠯᠠᠬᠤ᠂ ᠪᠤᠰᠤᠳ ᠬᠦᠭᠵᠢᠮᠦᠨ ᠬᠠᠪᠰᠤᠷᠤᠯ ᠲᠠᠢ᠂ ᠠᠶᠠ ᠲᠠᠭᠤᠨᠤ ᠬᠤᠪᠢᠷᠠᠯᠲᠠ ᠲᠠᠢ᠂ ᠶᠠᠷᠢᠬᠤ ᠲᠠᠭᠤᠯᠠᠬᠤ ᠬᠦᠭᠵᠢᠮᠳᠡᠬᠦᠶᠢ ᠤᠶᠠᠨ ᠬᠠᠳᠠᠨᠢᠶᠠᠷ ᠤᠶᠠᠯᠳᠤᠭᠤᠯᠵᠤ᠂ᠠᠷᠠᠳᠤᠨ ᠲᠠᠭᠤᠤ ᠤᠷᠠᠯᠢᠭ᠋ᠤᠨ ᠠᠷᠭᠠ ᠪᠠᠷᠢᠯ ᠪᠤᠯᠤᠨ ᠳᠠᠷᠬᠠᠨ ᠮᠤᠤᠮᠢᠨᠭᠭᠠᠨᠤᠨᠤᠳᠤᠭᠤᠨ ᠠᠶᠠᠯᠭᠤ᠂ ᠠᠷᠠᠳᠤᠨ ᠵᠦᠢᠷ ᠰᠡᠴᠡᠨ ᠦᠭᠡ ᠪᠠ ᠠᠷᠠᠳᠤᠨ ᠵᠠᠩ ᠦᠢᠯᠡᠶᠢ ᠭᠦᠨᠵᠡᠭᠡᠢ ᠠᠭᠤᠰᠬᠠᠬ᠍ᠰᠠᠨ ᠲᠠᠭᠤᠷᠢᠯᠢᠭ᠋ᠤᠨ ᠰᠢᠨᠡ ᠬᠡᠯᠪᠡᠷᠢ ᠵᠢ ᠡᠬᠦᠳᠴᠠᠢ᠃
ᠡᠨᠡ ᠨᠤᠳᠤᠭᠤᠨ ᠠᠭᠤᠯᠠ ᠤᠰᠤ ᠪᠠᠨ ᠬᠠᠷᠠᠵᠤ ᠦᠰᠦᠭᠰᠡᠨ ᠲᠠᠷᠬᠠᠨ ᠨᠤᠳᠤᠭᠤᠨ ᠠᠪᠢᠶᠠᠰᠯᠢᠭ᠋ ᠬᠦᠤ ᠳᠣᠷᠵᠢᠷᠢᠨᠴᠢᠨ ᠭᠤᠸᠠᠢ ᠤᠷᠠᠯᠢᠭ᠋ ᠰᠤᠶᠤᠯᠤᠨ ᠮᠦᠷᠢᠶᠡᠷ ᠲᠦᠴᠢ ᠭᠠᠷᠤᠢ ᠵᠢᠯ ᠵᠢᠳᠭᠦᠨ ᠲᠡᠮᠡᠤᠯᠬᠦᠳ᠋ᠡᠬᠡᠨ ᠡᠬᠡ ᠨᠤᠳᠤᠭ᠂ ᠡᠯᠢᠭᠡᠨ ᠬᠠᠢᠷᠠᠳᠠᠢ ᠡᠵᠢ ᠠᠪᠤ᠂ ᠠᠷᠢᠭᠤᠨ ᠴᠢᠭ᠌ᠡᠴᠢ ᠪᠠᠭᠠᠳᠤᠷᠯᠢᠭ᠋ ᠲᠠᠭᠤᠯᠠᠯᠢᠶᠠᠨ ᠮᠠᠬ᠍ᠳᠠᠨ ᠲᠠᠭᠤᠯᠠᠵᠤ ᠠᠯᠢ ᠤᠯᠠᠨ ᠪᠦᠳᠦᠭᠡᠯ ᠲᠤᠭᠤᠷᠪᠢᠬ᠍ᠰᠠᠨᠤ ᠲᠤᠳᠤᠷᠠ ᠠᠷᠠᠳ ᠤᠯᠠᠨᠳᠠᠭᠠᠨ ᠬᠠᠮᠤᠭ ᠦᠷᠭᠡᠨ ᠲᠠᠭᠠᠰᠢᠶᠠᠬ᠍ᠳᠠᠬ᠍ᠰᠠᠨ ᠪᠦᠳᠦᠭᠡᠯ ᠨᠢ ᠤᠳᠤ ᠴᠤ᠌ ᠭᠡᠰᠡᠨ ᠤᠯᠠᠨᠤ ᠲᠤᠮᠳᠠ ᠲᠠᠭᠤᠯᠠᠬ᠍ᠳᠠᠬ᠍ᠰᠠᠭᠠᠷ ᠪᠠᠢᠭᠠ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》ᠪᠤᠯᠬᠤ ᠶᠤᠮ᠃ ᠬᠦᠮᠦᠨ ᠵᠤᠨᠦ ᠰᠡᠳᠬᠢᠯᠳᠦ ᠬᠦᠷᠤᠭ᠌ᠰᠡᠨ ᠰᠣᠡᠭ᠌ᠭᠤᠳᠠᠭ ᠤᠷᠠᠨ ᠪᠦᠲᠦᠬᠡᠯ ᠪᠤᠯᠬᠤ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》 ᠨᠢ ᠮᠤᠩᠭᠤᠯ ᠮᠤᠷᠢᠨᠤ ᠭᠠᠢᠬᠠᠮᠰᠢᠬ᠍ᠳᠤ ᠰᠠᠢᠬᠠᠨ ᠲᠦᠯᠦᠪ ᠰᠢᠨᠵᠢᠶᠢ ᠮᠠᠬ᠍ᠳᠠᠨ ᠰᠢᠯᠦᠭᠯᠡᠭᠰᠡᠨᠢᠶᠡᠷᠢᠶᠡᠨ ᠠᠷᠠᠳ ᠲᠦᠮᠡᠨᠦ ᠰᠡᠳᠬᠢᠯᠳᠦ ᠬᠦᠷᠴᠦ᠂1999 ᠤᠨᠳᠤ ᠲᠦᠪ ᠲᠸᠯᠸᠢᠰᠦᠨ ᠴᠠᠭᠠᠨ ᠰᠠᠷᠠᠶᠢᠨ ᠦᠳᠡᠰᠢᠯᠡᠭᠡᠶᠢᠨ ᠰᠢᠯᠢᠳᠡᠭ ᠱᠠᠩᠨᠠᠯ᠂ 2000 ᠤᠨᠳᠤ ᠲᠤᠮᠳᠠᠳᠤ ᠤᠯᠤᠰᠤᠨ ᠳᠠᠭᠤᠷᠢᠯᠢᠭ᠋ᠤᠨ 《ᠮᠦᠳᠠᠨ ᠱᠠᠩᠨᠠᠯᠳᠤ ᠤᠷᠤᠯᠳᠤᠭᠠᠨ》 ᠤ᠋ ᠲᠤᠬ᠍ᠯᠠᠯᠳᠠᠶᠢᠨ ᠱᠠᠩᠨᠠᠯᠢ ᠬᠦᠷᠳᠡᠵᠦ᠂ ᠳᠤᠤᠺᠢᠤ᠋ᠶᠢᠨ ᠤᠯᠠᠨ ᠤᠯᠤᠰᠤᠨ ᠭᠠᠳᠠᠭᠠᠳᠤ ᠬᠡᠯᠡᠨᠦ ᠰᠤᠷᠭᠠᠭᠤᠯᠢᠶᠢᠨ ᠵᠢᠭᠠᠬᠤ ᠮᠡᠲᠸᠷᠢᠶᠡᠯᠳᠦ ᠰᠢᠯᠢᠭᠳᠡᠨ ᠤᠷᠤᠬ᠍ᠰᠠᠨ ᠪᠠᠢᠨᠠ᠃
ᠤᠨ ᠴᠠᠭᠤᠨ ᠬᠦᠷᠳᠦ ᠬᠠᠷᠪᠤᠬ᠍ᠰᠠᠨ ᠰᠣᠮᠣ᠌ ᠰᠢᠭ᠋᠂ ᠬᠠᠰᠢᠯᠭᠠ ᠪᠠᠨ ᠰᠡᠳᠡᠯᠦᠭᠰᠡᠨ ᠦᠶᠡᠷ ᠰᠢᠭ ᠪᠢᠳᠠᠨᠤ ᠲᠡᠷᠭᠡᠳᠡᠭᠦᠷ ᠤᠷᠤᠰᠤᠨ ᠦᠩᠭᠡᠷᠡᠵᠦ᠂ ᠡᠨᠡ ᠡᠷᠬᠢᠮ ᠬᠦᠮᠦᠨ ᠮᠠᠨᠢ ᠪᠢᠳᠠᠨ ᠡᠴᠡ ᠬᠤᠯᠠᠳᠤᠨ ᠤᠳᠤᠭᠰᠠᠨ ᠴᠤ᠌ ᠲᠡᠭᠦᠨᠦ ᠲᠦᠴᠢ ᠰᠢᠬᠠᠭᠤ ᠵᠢᠯᠦᠨ ᠡᠮᠦᠨᠡ ᠪᠢᠴᠢᠭᠰᠡᠨ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》 ᠭᠡᠬᠦ ᠪᠦᠳᠦᠭᠡᠯ ᠨᠢ ᠤᠨ ᠴᠠᠭᠤᠨᠢᠶᠠᠨ ᠬᠦᠷᠳᠦᠨᠳᠦ ᠦᠪᠡᠷᠦᠨ ᠭᠡᠰᠡᠨ ᠰᠤᠳᠤᠨ ᠭᠡᠪ ᠨᠠᠮᠪᠠᠪᠠᠷᠢᠶᠠᠨ ᠵᠤᠬᠢᠴᠠᠨ ᠡᠷᠬᠢᠵᠦ᠂ ᠠᠷᠠᠳᠤᠨ ᠲᠠᠭᠤᠤ ᠰᠢᠭ᠋ ᠤᠷᠳᠤᠬᠠᠨ ᠠᠮᠢ ᠨᠠᠰᠤ ᠲᠠᠢ ᠪᠤᠯᠵᠤ᠂ ᠠᠬᠠᠮᠠᠳ ᠨᠢᠭᠡ ᠦᠶᠡᠶᠢᠨ ᠬᠢᠨᠦ ᠠᠯᠳᠠᠯ ᠦᠬᠡᠢ ᠮᠡᠳᠡᠳᠡᠭ ᠤᠷᠠᠨ ᠪᠦᠳᠦᠭᠡᠯ ᠪᠦᠭᠡᠳ ᠵᠠᠯᠠᠭᠤ ᠨᠢᠭᠡ ᠦᠶᠡᠶᠢᠨ ᠬᠢᠨ ᠴᠤ᠌ ᠭᠡᠰᠡᠨ ᠡᠷᠡᠨ ᠦᠶᠡᠶᠢᠨᠢᠶᠡᠨ ᠬᠦᠭ ᠠᠶᠠᠰᠲᠤ ᠵᠤᠬᠢᠴᠠᠭᠤᠯᠤᠨ ᠲᠠᠭᠤᠯᠠᠵᠤ᠂ 《ᠹᠧᠩ ᠬᠤᠸᠠᠩ ᠴᠤᠸᠠᠨ ᠴᠢ》᠂ 《ᠲᠤᠯᠭᠠᠳᠠᠨ》 ᠬᠠᠮᠳᠤᠯᠢᠭ᠋ᠤᠨ ᠬᠢᠨ ᠰᠢᠨᠡᠴᠢᠯᠡᠨ ᠲᠠᠭᠤᠯᠠᠬ᠍ᠰᠡᠠᠢᠶᠠᠷ ᠭᠠᠬ᠍ᠴᠠ ᠬᠦ᠌ ᠮᠤᠩᠭᠤᠯᠴᠤᠳ ᠲᠡᠳᠦᠢ ᠦᠬᠡᠢ ᠮᠠᠰᠢ ᠤᠯᠠᠨ ᠰᠦᠯᠵᠢᠶᠡᠴᠢᠳ ᠳᠤᠰ ᠲᠠᠭᠤᠤᠶᠢ ᠲᠠᠭᠤᠯᠠᠬᠤ ᠬᠠᠯᠠᠭᠤᠨ ᠦᠷᠨᠢᠯ ᠭᠠᠷᠴᠦ᠂ ᠰᠦᠯᠵᠢᠶᠡᠨ ᠲᠡᠭᠡᠷᠡ ᠡᠨᠡ ᠬᠦ᠌ ᠲᠠᠭᠤᠨᠤ ᠡᠬᠢᠨᠦ ᠠᠶᠠ ᠡᠭᠡᠰᠢᠭᠯᠡᠬᠦ ᠲᠠᠢ ᠵᠡᠷᠭᠡ ᠦᠨᠢᠷ ᠤᠯᠠᠭᠤᠯᠠ ᠪᠠᠨ ᠲᠠᠭᠤᠯᠠᠯᠳᠤᠨ ᠪᠠᠶᠠᠰᠤᠯᠳᠤᠳᠠᠭ ᠪᠢᠴᠢᠯᠭᠡ ᠮᠠᠰᠢ ᠤᠯᠠᠨ ᠬᠠᠷᠠᠬ᠍ᠳᠠᠳᠠᠭ ᠪᠢᠯᠡ᠃
2013ᠤᠨᠳᠤ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤ ᠨᠢ《ᠲᠤᠷᠵᠢᠷᠢᠨᠴᠢᠨᠤ ᠤᠷᠠᠨ ᠪᠦᠳᠦᠭᠡᠯᠦᠨ ᠦᠳᠡᠰᠢᠯᠡᠭᠡ》᠂ 《ᠪᠦᠬᠦ ᠤᠷᠤᠨᠤ ᠲᠤᠷᠵᠢᠷᠢᠨᠴᠢᠨ ᠬᠤᠨᠳᠠᠭᠠᠳᠤ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠵᠢᠨ ᠤᠷᠤᠯᠳᠤᠭᠠᠨ》 ᠵᠡᠷᠭᠡᠶᠢ ᠠᠮᠵᠢᠯᠲᠠ ᠲᠠᠢ ᠡᠷᠬᠢᠯᠡᠨ ᠶᠠᠪᠤᠬ᠍ᠳᠠᠭᠤᠯᠵᠤ᠂ 2014 ᠤᠨᠳᠤ 《ᠳᠤᠮᠳᠠᠳᠤ ᠤᠯᠤᠰᠤᠨ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠰᠤᠶᠤᠯᠤᠨ ᠦᠯᠦᠭᠡᠢ 》 ᠭᠡᠮᠡᠨ ᠨᠡᠷᠡᠢᠳᠦᠭᠳᠡᠭᠰᠡᠨ ᠡᠴᠡ ᠪᠡᠨ ᠬᠤᠢᠰᠢ ᠴᠦᠭᠡᠨ ᠪᠤᠰᠤ ᠤᠳᠠᠭᠠᠨᠤ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠤᠷᠤᠯᠳᠤᠭᠠᠨ᠂ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢ ᠵᠡᠷᠭᠡᠶᠢ ᠵᠤᠬᠢᠶᠠᠨ ᠪᠠᠢᠭᠤᠯᠵᠤ᠂ ᠲᠡᠭᠡᠷᠡ ᠱᠠᠳᠤᠨ ᠡᠴᠡ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠪᠠᠬ᠍ᠰᠢ ᠵᠠᠯᠠᠨ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠲᠤᠬ᠍ᠯᠠᠬ᠍ᠴᠢᠳᠲᠤ᠌ ᠬᠤᠯᠪᠤᠭᠠ ᠵᠢᠭᠠᠯᠭᠠᠵᠤ᠂ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠬᠢᠨ ᠡᠯᠡ ᠤᠳᠠᠭᠠᠨᠤ ᠲᠤᠰᠬᠠᠢ ᠲᠤᠬ᠍ᠯᠠᠯᠲᠠᠳᠦ ᠲᠠᠰᠤᠷᠠᠯᠳᠠ ᠦᠬᠡᠢ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠪᠠᠨ ᠦᠵᠡᠭᠴᠢ ᠲᠦᠮᠡᠨᠳᠦ ᠰᠤᠨᠢᠷᠬᠠᠭᠤᠯᠵᠤ᠂ ᠲᠤᠷᠵᠢᠷᠢᠨᠴᠢᠨ ᠭᠤᠸᠠᠢᠶᠢᠨ ᠤᠳᠬᠠᠨ ᠱᠠᠪᠢ᠂ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠬ᠍ᠴᠢ ᠰᠢᠨᠠᠰᠤᠶᠤᠯ᠂ ᠤᠯᠠᠭᠠᠨᠮᠦ᠋ᠴᠢᠷᠤᠨ ᠲᠤᠬ᠍ᠯᠠᠬ᠍ᠴᠢ᠂ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠪᠠᠬᠠᠳᠠᠨ ᠡᠩᠭᠡ᠂ ᠪᠦᠷᠢᠨᠪᠠᠶᠠᠷ ᠵᠡᠷᠭᠡ ᠬᠦᠮᠦᠰ ᠮᠠᠨᠢ ᠡᠳᠡᠭᠡᠷ ᠵᠢᠯᠦᠨ ᠲᠤᠷᠰᠢ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠦᠯᠦᠬᠡᠢ ᠨᠤᠳᠤᠭ ᠪᠤᠯᠤᠬ᠍ᠰᠠᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨᠤ ᠪᠠᠨ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ ᠦᠢᠯᠡᠰᠲᠦ ᠦᠪᠡᠷᠦᠨ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠭᠰᠡᠭᠡᠷ ᠢᠷᠡᠭᠰᠡᠨ ᠪᠢᠯᠡ᠃ ᠤᠷᠴᠢᠮᠤᠨ ᠬᠤᠶᠠᠷ ᠵᠢᠯ ᠡᠴᠡ ᠠᠬᠠᠮᠠᠳ ᠤᠷᠠᠯᠢᠬ᠍ᠴᠢᠳ ᠰᠢᠨᠡᠰᠦᠶᠤᠯ ᠵᠡᠷᠭᠡ ᠬᠦᠮᠦᠰᠦᠨ ᠴᠢᠷᠮᠠᠢᠯᠭᠠᠪᠠᠷ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠦ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ᠂ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤᠨᠤ ᠰᠣᠶᠣᠯᠤᠨ ᠣᠷᠳᠣᠨ᠂ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤᠨᠤ ᠳᠠᠭᠤᠷᠢᠯᠢᠭ᠋ᠤᠨ ᠨᠡᠢᠭᠡᠮᠯᠢᠭ ᠵᠡᠷᠭᠡ ᠪᠠᠢᠭᠤᠯᠭᠠ ᠨᠢᠭᠡᠴᠢ ᠬᠠᠮᠳᠤᠷᠠᠨ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠭᠡᠬᠦ ᠡᠨᠡ ᠬᠦ᠌ ᠰᠣᠩᠭᠣᠳᠠᠭ ᠤᠷᠠᠯᠢᠭ᠋ᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠬᠦᠨᠵᠡᠭᠡᠢᠷᠡᠭᠦᠯᠵᠦ᠂ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤᠨᠤ ᠭᠤᠷᠪᠠᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ 《ᠪᠣᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ》ᠢ᠋ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠤᠷᠤᠭᠤᠯᠬᠤ ᠠᠵᠢᠯᠯᠠᠭᠠ ᠪᠡᠷ ᠳᠠᠮᠵᠢᠭᠤᠯᠤᠨ᠂ ᠭᠡᠤᠭᠡᠳ ᠪᠠᠭᠠᠴᠤᠳᠲᠤ ᠦᠨᠳᠦᠰᠦᠳᠡᠨᠦ ᠥᠪ ᠰᠤᠶᠤᠯᠢᠶᠡᠨ ᠰᠤᠷᠴᠦ ᠮᠡᠳᠡᠬᠦ᠂ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠪᠠ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤᠤᠬᠠᠮᠰᠠᠷᠳᠤ ᠰᠡᠳᠬᠢᠯᠭᠡᠶᠢ ᠪᠤᠢ ᠪᠤᠯᠭᠠᠵᠤ᠂ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ ᠮᠡᠳᠡᠷᠡᠬᠦ ᠪᠠ ᠣᠮᠣᠭ ᠪᠠᠬᠠᠳᠤᠯᠲᠤ ᠰᠡᠳᠬᠢᠯᠭᠡᠶᠢ ᠬᠥᠮᠥᠵᠢᠭᠦᠯᠬᠦᠳᠦ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭᠳᠠᠯ ᠤᠯᠭᠤᠬ᠍ᠰᠠᠨ ᠪᠠᠢᠨᠠ᠃ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠦᠪᠯᠡᠨ ᠤᠯᠠᠮᠵᠢᠯᠠᠬ᠍ᠴᠢ ᠰᠢᠨᠠᠰᠤᠶᠤᠯ ᠭᠤᠸᠠᠢ ᠦᠪᠡᠷᠦᠨ ᠪᠡᠶᠡᠪᠡᠷᠢᠶᠡᠨ ᠭᠡᠤᠭᠡᠳᠤᠳᠲᠤ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠵᠢᠭᠠᠵᠤ᠂ ᠤᠳᠤ ᠪᠤᠯᠬᠤᠳᠤ ᠬᠤᠷᠢ ᠰᠢᠬᠠᠭᠤ ᠭᠡᠤᠭᠡᠳᠤᠳ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》 ᠬᠡᠭᠦ ᠬᠤᠯᠪᠤᠭᠠᠶᠢ ᠲᠠᠭᠤᠯᠠᠵᠤ ᠴᠢᠳᠠᠬᠤ ᠪᠤᠯᠤᠬ᠍ᠰᠠᠨ ᠪᠦᠭᠡᠳ ᠬᠤᠰᠢᠭᠤᠨᠤ ᠪᠡᠨ 2026 ᠤᠨᠦ 《ᠤᠤᠭᠠᠯ ᠰᠤᠶᠤᠯ》ᠠᠷᠠᠳᠤᠨ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮᠡᠴᠡ ᠲᠠᠭᠠᠭᠠᠴᠢᠯᠠᠬ᠍ᠰᠠᠨ ᠤᠯᠠᠭᠠᠨ ᠮᠤᠷᠢᠨ ᠵᠢᠯᠦᠨ ᠴᠠᠭᠠᠨ ᠰᠠᠷᠠᠶᠢᠨ ᠦᠳᠡᠰᠢᠯᠡᠭᠡᠳᠦ ᠤᠷᠤᠯᠴᠠᠵᠤ᠂ ᠦᠵᠡᠭᠴᠢ ᠤᠯᠠᠨᠤ ᠬᠠᠯᠠᠭᠤᠨ ᠲᠠᠭᠠᠰᠢᠶᠠᠯᠢ ᠤᠯᠤᠬ᠍ᠰᠠᠨ ᠪᠠᠢᠨᠠ᠃
《ᠤᠷᠢᠳᠤᠬᠢ ᠬᠦᠮᠦᠨᠦ ᠲᠠᠷᠢᠬ᠍ᠰᠠᠨ ᠮᠤᠳᠤᠬᠤᠢᠴᠢᠶᠢᠨ ᠬᠦᠮᠦᠰ ᠲᠤ᠌ ᠰᠡᠬᠦᠳᠡᠷ ᠪᠤᠯᠤᠨᠠ》ᠬᠡᠳᠡᠭᠴᠢᠯᠡᠨ ᠨᠤᠳᠤᠭᠤᠨ ᠲᠤᠮᠤᠬ᠍ᠳᠤ ᠤᠷᠠᠯᠢᠬ᠍ᠴᠢᠨ ᠲᠤᠷᠵᠢᠷᠢᠨᠴᠢᠨ ᠭᠤᠸᠠᠢᠶᠢᠨ ᠪᠢᠳᠠᠨᠳᠤ ᠦᠯᠡᠳᠡᠭᠡᠵᠦ ᠦᠭᠬᠦᠭᠰᠡᠨ ᠡᠨᠡ ᠶᠡᠭᠡ ᠰᠤᠶᠤᠯᠤᠨ ᠦᠪᠦᠨ ᠴᠡᠴᠡᠷᠯᠢᠭᠲᠦ ᠭᠡᠳᠦᠨ ᠦᠶᠡᠶᠢᠨ ᠬᠦᠮᠦᠰ ᠵᠤᠭᠠᠴᠠᠨ ᠵᠢᠷᠭᠠᠵᠤ᠂ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠪᠡᠨ ᠷᠢᠳᠢ ᠰᠢᠳᠢᠪᠡᠷ ᠲᠠᠭᠤᠯᠠᠨ ᠪᠠᠶᠠᠰᠴᠦ᠂ ᠤᠳᠤ ᠪᠡᠷ ᠠᠬᠠᠮᠠᠳ᠂ ᠲᠤᠮᠳᠠ ᠨᠠᠰᠤ᠂ ᠵᠠᠯᠠᠭᠤ ᠪᠠᠭᠠᠴᠤᠳ ᠭᠡᠳ ᠦᠶᠡ ᠦᠶᠡᠶᠢᠨ ᠬᠦᠮᠦᠰ ᠮᠠᠨᠢ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》ᠪᠠᠨ ᠲᠠᠭᠤᠯᠠᠨ᠂ ᠬᠤᠰᠢᠭᠤ ᠨᠠᠭᠠᠳᠤᠮᠤᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠡᠴᠡ ᠬᠤᠨᠳᠠᠭᠠ ᠮᠦᠷᠭᠦᠭᠦᠯᠦᠭᠰᠡᠨ ᠪᠠᠶᠠᠷᠤᠨ ᠰᠢᠷᠡᠭᠡ ᠬᠦᠷᠳᠡᠯᠡ᠂ ᠪᠡᠶᠡ ᠪᠤᠯᠪᠠᠰᠤᠷᠠᠳᠠᠭ ᠴᠡᠴᠡᠷᠯᠢᠭ ᠡᠴᠡ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠵᠠᠪᠰᠠᠷᠯᠠᠭᠠᠶᠢᠨ ᠲᠠᠮᠢᠷ ᠬᠦᠷᠳᠡᠯᠡ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ》 ᠪᠠᠨ ᠬᠠᠩᠬᠢᠨᠠᠭᠤᠯᠤᠨ᠂ ᠨᠠᠶᠠ ᠬᠦᠷᠦᠭᠰᠡᠨ ᠪᠤᠭᠤᠷᠤᠯᠴᠤᠳ ᠨᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠲᠤᠷᠠᠰᠤᠨ᠂ ᠲᠤᠷᠵᠢᠷᠢᠨᠴᠢᠨ ᠭᠤᠸᠠᠢᠶᠢᠨ ᠬᠤᠭᠤᠷᠢᠶᠠᠨ ᠬᠦᠭᠯᠡᠭᠡᠳ ᠳᠠᠭᠤᠯᠠᠳᠠᠭ ᠪᠠᠢᠬ᠍ᠰᠠᠨᠢ ᠨᠢ ᠨᠢᠳᠦᠨᠳᠦ ᠦᠵᠡᠭᠳᠡᠳᠡᠯᠡ ᠬᠠᠭᠤᠴᠢᠯᠠᠵᠤ᠂ ᠨᠠᠢ᠍ᠮᠠᠨ ᠨᠠᠰᠤᠳᠠᠢ ᠪᠠᠭᠠᠴᠤᠤᠯ ᠨᠢ ᠴᠦ᠍ ᠪᠠᠬ᠍ᠰᠢᠶᠢᠨ ᠵᠢᠭᠠᠬ᠍ᠰᠠᠨ ᠲᠠᠭᠤᠤ ᠬᠡᠮᠡᠨ ᠲᠠᠭᠠᠨ ᠪᠠᠶᠠᠰᠤᠨᠠ᠃
ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠰᠢᠭᠤ ᠨᠢ ᠦᠷᠭᠦᠯᠵᠢᠯᠡᠨ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠤᠯᠠᠮᠵᠢᠯᠠᠯ ᠪᠠ ᠬᠥᠭᠵᠢᠯᠲᠡᠳᠤ ᠠᠷᠭᠠ ᠵᠠᠮ ᠬᠠᠢᠨ ᠰᠦᠪᠡᠭᠴᠢᠯᠡᠵᠦ᠂ ᠤᠷᠤᠨ ᠨᠤᠳᠤᠭᠤᠨ ᠨᠡᠷᠡᠶᠢᠨ ᠬᠠᠭᠤᠳᠠᠰᠤ ᠪᠤᠯᠤᠬ᠍ᠰᠠᠨ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠪᠠᠨ ᠨᠡᠩ ᠤᠯᠠᠨ ᠬᠥᠮᠥᠰᠲᠦ ᠤᠢᠯᠠᠭᠠᠭᠤᠯᠤᠨ ᠲᠠᠨᠢᠭᠤᠯᠵᠤ᠂ ᠨᠡᠩ ᠦᠨᠳᠦᠷ ᠲᠠᠪᠴᠠᠩᠳᠤ ᠡᠷᠭᠦᠨ ᠭᠠᠷᠭᠠᠵᠤ᠂ ᠴᠢᠭᠤᠯᠭᠠ ᠬᠤᠯᠪᠤᠭᠠ ᠬᠡᠮᠡᠬᠦ ᠰᠤᠳᠤᠨ ᠤᠷᠠᠯᠢᠭ᠋ᠢᠶᠠᠨ 《ᠪᠦᠲᠦᠭᠡᠯᠴᠢ ᠴᠢᠨᠠᠷᠲᠠᠢᠪᠠᠷ ᠤᠯᠠᠷᠢᠭᠤᠯᠬᠤ᠂ ᠰᠢᠨᠡᠶᠢ ᠡᠭᠦᠳᠬᠦ ᠴᠢᠨᠠᠷᠲᠠᠢᠪᠠᠷ ᠬᠥᠭᠵᠢᠭᠦᠯᠬᠦ 》 ᠳᠤᠮᠳᠠᠳᠤᠶᠢᠨ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠠᠮᠢᠳᠤᠯᠢᠭ᠋ ᠦᠢᠯᠡᠳᠦᠯᠭᠡ ᠪᠣᠯᠭᠠᠬᠤᠳᠤ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠭᠰᠡᠭᠡᠷ ᠪᠠᠢᠬᠤ ᠪᠤᠯᠤᠨᠠ᠃
（ᠳᠤᠰ ᠨᠢᠭᠤᠷᠤᠨ ᠬᠡᠷᠡᠯ ᠵᠢᠷᠤᠭᠢ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠳᠦᠪᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠪᠤᠶᠠᠨᠳᠦ᠋ᠬᠦᠷᠡᠩ ᠡᠷᠬᠢᠮᠳᠤ ᠬᠠᠨᠭᠭᠠᠪᠠ）