ᠵᠢᠯ ᠪᠤᠯᠭᠠᠨ ᠤ᠋ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠰᠢᠨ᠎ᠡ ᠶ᠋ᠢᠨ ᠠᠷᠪᠠᠨ ᠬᠤᠶᠠᠷ ᠨᠢ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ᠎ᠤ ᠲᠠᠷᠠᠠᠠᠠᠠᠠᠭᠤᠯᠠ ᠰᠤᠮᠤ᠎ᠶᠢᠨ ᠭᠦᠩᠭᠡᠷ ᠭᠠᠴᠠᠭᠠᠨ᠎ᠤ ᠮᠠᠯᠴᠢᠳ᠎ᠲᠤ ᠠᠪᠴᠤ ᠬᠡᠯᠡᠪᠡᠯ ᠮᠠᠰᠢ ᠴᠢᠬᠤᠯᠠ ᠡᠳᠦᠷ ᠪᠤᠯᠬᠤ ᠶᠤᠮ᠃ 2026 ᠣᠨ᠎ᠤ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠰᠢᠨ᠎ᠡ ᠶ᠋ᠢᠨ ᠠᠷᠪᠠᠨ ᠬᠤᠶᠠᠷ ᠲᠤ᠌᠂ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ᠎ᠤ ᠭᠦᠩᠭᠡᠷ᠎ᠤᠨ ᠲᠠᠯ᠎ᠠ᠎ᠲᠩᠷᠢ᠎ᠶᠢᠨ ᠬᠠᠶᠠᠭ᠎ᠠ ᠬᠦᠷᠳᠡᠯ᠎ᠡ ᠪᠡᠨ ᠴᠠᠰᠤ ᠮᠦᠰᠤᠨ ᠳ᠋ᠥ ᠬᠤᠴᠢᠭᠳᠠᠵᠤ᠂ ᠠᠭᠠᠷ᠎ᠤᠨ ᠳᠤᠯᠠᠭᠠᠨ ᠲᠡᠭ᠎ᠠᠴᠠ ᠳᠣᠷᠣᠭ᠍ᠰᠢ 28 ᠭᠷᠠᠳᠦᠢ᠍ᠰ ᠤ᠋ᠨ ᠬᠠᠬᠢᠷ ᠬᠦᠢᠳᠡᠨ ᠪᠤᠯᠪᠠᠴᠦ《ᠲᠤᠮᠳᠠᠳᠤ ᠤᠯᠤᠰ ᠤ᠋ᠨ ᠠᠷᠠᠳ ᠤ᠋ᠨ ᠰᠤᠶᠤᠯ ᠤᠷᠠᠯᠢᠭ᠋ ᠤ᠋ᠨ ᠦᠯᠤᠭᠡᠢ》 ᠭᠡᠵᠦ ᠴᠤᠯᠠᠯᠠᠭᠳᠠᠭᠰᠠᠨ ᠲᠠᠷᠠᠠᠠᠠᠠᠠᠭᠤᠯᠠ ᠰᠤᠮᠤ᠎ᠶᠢᠨ ᠭᠦᠩᠭᠡᠷ ᠭᠠᠴᠠᠭᠠᠨ᠎ᠤ ᠮᠠᠯᠴᠢᠳ ᠵᠦᠭ ᠪᠦᠷᠢ ᠠ᠋ᠴᠠ ᠮᠠᠯ ᠰᠦᠷᠦᠭ ᠢ᠋ᠶ᠋ᠠᠨ ᠴᠤᠪᠤᠭ᠎ᠠ ᠳᠠᠳᠠᠭᠤᠯᠤᠨ ᠬᠦᠭᠡᠭᠡᠵᠦ ᠦᠶᠦᠭ ᠭᠠᠵᠠᠷ ᠲᠣ᠌ ᠬᠤᠷᠠᠨ ᠴᠤᠭᠯᠠᠷᠠᠵᠤ᠂ ᠭᠠᠴᠠᠭᠠᠨ᠎ᠤ ᠪᠠᠨ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠᠨ᠎ᠤ 《ᠮᠠᠯ᠎ᠤᠨ ᠰᠢᠨ᠎ᠡ᠎ᠶᠢᠨ ᠨᠠᠢᠷ》 ᠢ᠋ᠶ᠋ᠠᠨ ᠤᠭᠲᠤᠵᠤ ᠶᠠᠭᠠᠷᠠᠯᠳᠤᠨ᠎ᠠ᠃

ᠦᠳᠡ᠎ᠶᠢᠨ ᠡᠮᠦᠨᠡᠬᠢ 10 ᠴᠠᠭ ᠲᠤ᠌᠂ ᠭᠦᠩᠭᠡᠷ ᠭᠠᠴᠠᠭᠠᠨ᠎ᠤ ᠦᠩ ᠰᠠᠢᠬᠠᠨ ᠪᠠᠯᠴᠢᠭᠡᠷ ᠲᠣ᠌ ᠮᠠᠯ ᠤ᠋ᠨ ᠰᠢᠨ᠎ᠡ ᠶ᠋ᠢᠨ ᠨᠠᠢᠷ ᠵᠢᠩᠭᠢᠨᠢ ᠪᠠᠷ ᠡᠬᠢᠯᠡᠵᠦ ᠬᠦᠷ ᠬᠥᠭᠵᠢᠶᠡᠨ ᠢ᠋ᠶ᠋ᠠᠷ ᠪᠢᠯᠬᠠᠨ᠎ᠠ᠃ ᠬᠦᠩᠭᠡᠷ ᠭᠠᠴᠠᠭ᠎ᠠ᠂ ᠪᠠᠶᠠᠠᠰᠢᠯᠢ ᠭᠠᠴᠠᠭ᠎ᠠ᠂ ᠲᠠᠯᠠᠢ ᠭᠠᠴᠠᠭ᠎ᠠ᠂ ᠲᠠᠭᠠᠠᠨᠠᠭᠤᠷ ᠭᠠᠴᠠᠭ᠎ᠠ᠂ ᠲᠦᠷᠦᠭᠡᠨᠠᠭᠤᠷ ᠭᠠᠴᠠᠭ᠎ᠠ᠂ ᠨᠠᠷᠠᠰᠤ ᠭᠠᠴᠠᠭ᠎ᠠ ᠵᠡᠷᠭᠡ ᠣᠶ᠋ᠢᠷ᠎ᠠ ᠬᠠᠪᠢ᠎ᠶᠢᠨ ᠭᠠᠴᠠᠭᠠᠨ᠎ᠤ 800 ᠭᠠᠷᠤᠢ ᠮᠠᠯᠴᠢᠳ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠷ ᠢ᠋ᠶ᠋ᠠᠨ ᠭᠤᠶᠤᠯᠠᠵᠤ᠂ ᠬᠣᠷᠢᠶᠠᠨ ᠣᠢ᠍ᠢᠷᠠᠲᠤᠭᠤᠯᠤᠭᠰᠠᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤ᠋ᠨ ᠰᠦᠷᠦᠭ ᠨᠢ ᠴᠠᠰᠤᠳᠤ ᠲᠠᠯ᠎ᠠ ᠶ᠋ᠢᠨ ᠨᠠᠢᠷ ᠤ᠋ᠨ ᠲᠠᠯᠠᠪᠠᠢ ᠳ᠋ᠥ ᠨᠡᠭᠦᠳᠠᠯ᠎ᠤᠨ ᠵᠢᠷᠤᠭ ᠰᠢᠭ᠋ ᠬᠠᠷᠠᠭᠳᠠᠨ᠎ᠠ᠃

ᠭᠡᠰᠢᠭᠲᠡᠨ ᠮᠣᠩᠭᠣᠯᠴᠤᠳ᠎ᠦᠨ《ᠮᠠᠯ ᠰᠢᠨᠡᠯᠡᠭᠦᠯᠬᠦ ᠵᠠᠩᠰᠢᠯ》ᠪᠣᠯ ᠤᠯᠠᠮᠵᠢᠯᠠᠭᠳᠠᠭᠠᠳ ᠣᠨ ᠤᠳᠠᠵᠤ ᠪᠠᠶ᠋ᠢᠭ᠎ᠠ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ᠋᠎ᠲᠠᠢ ᠵᠠᠩ ᠦᠢᠯᠡ ᠪᠣᠯᠬᠤ ᠶᠤᠮ᠃ ᠬᠡᠰᠢᠭᠲᠡᠨ ᠨᠤᠲᠤᠭ ᠪᠤᠢ ᠪᠣᠯᠤᠭᠰᠠᠨ ᠴᠠᠭ ᠡᠴᠠ ᠠᠬᠤᠭᠤᠯᠤᠨ᠂1654 ᠣᠨ᠎ᠳᠤ ᠬᠣᠰᠢᠭᠤ ᠬᠤᠪᠢᠶᠡᠡᠡᠳᠠᠨ ᠨᠡᠷᠡᠶ᠋ᠢᠳᠦᠭᠳᠡᠭᠰᠡᠨ ᠪᠤᠯ᠂ ᠰᠤᠨᠣᠮ᠎ᠢᠶᠠᠷ ᠵᠠᠰᠠᠭ ᠨᠣᠶᠠᠨ ᠡᠷᠭᠦᠮᠵᠢᠯᠡᠵᠦ᠂ ᠦᠶ᠎ᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠭᠰᠠᠨ ᠭᠡᠰᠢᠭᠲᠡᠨ ᠰᠣᠶᠣᠯ ᠨᠢ ᠥᠪᠡᠷ᠎ᠦᠨ ᠭᠡᠰᠡᠨ ᠣᠨᠴᠠᠯᠢᠭ᠋᠎ᠢᠶᠠᠨ ᠠᠯᠬᠤᠮ ᠠᠯᠬᠤᠮ᠎ᠢᠶᠠᠷ ᠪᠦᠷᠢᠯᠳᠦᠭᠦᠯᠦᠭᠰᠡᠨ᠎ᠦ ᠳᠣᠲᠣᠷ᠎ᠠ ᠲᠠᠪᠤᠨ ᠬᠣᠰᠢᠭᠤ ᠮᠠᠯ᠎ᠢᠶᠠᠨ ᠰᠢᠨᠡᠯᠡᠭᠦᠯᠬᠦ ᠵᠠᠩᠰᠢᠯ ᠶᠣᠰᠣᠨ ᠪᠠᠭᠲᠠᠨ᠎ᠠ᠃ ᠴᠢᠩ᠎ᠤᠨ ᠦᠶ᠎ᠡ ᠪᠠ ᠢᠷᠭᠡᠨ ᠤᠯᠤᠰ ᠎ᠤᠨ ᠦᠶ᠎ᠡ᠎ᠳᠦ ᠡᠷᠬᠡ ᠰᠦᠷ᠎ᠲᠠᠢ ᠨᠣᠶᠠᠳ ᠪᠠᠶᠠᠳ ᠮᠠᠯ᠎ᠢᠶᠠᠨ ᠰᠢᠨᠡᠯᠡᠭᠦᠯᠬᠦ ᠎ᠶᠢ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠵᠤ᠂ ᠡᠭᠡᠯ ᠵᠢᠷ᠎ᠤᠨ ᠮᠠᠯᠴᠢᠳ ᠨᠣᠶᠠᠳ ᠎ᠤᠨ ᠴᠢᠷᠠᠶ᠎ᠶᠢ ᠬᠠᠷᠠᠵᠤ ᠬᠡᠳᠦᠨ ᠮᠠᠯ᠎ᠢᠶᠡᠨ ᠳᠠᠭᠠᠯᠳᠤᠭᠤᠯᠤᠨ ᠰᠢᠨᠡᠯᠡᠭᠦᠯᠵᠦ ᠪᠠᠶ᠋ᠢᠵᠠᠶ᠃ ᠴᠢᠯᠥᠭᠡᠯᠡᠭᠳᠡᠭᠰᠡᠨ ᠎ᠦ ᠳᠠᠷᠠᠭ᠎ᠠ ᠮᠠᠯᠴᠢᠳ ᠡᠷᠬᠡ ᠴᠢᠯᠥᠭᠡ ᠣᠯᠵᠦ ᠡᠵᠡᠨ ᠰᠠᠭᠤᠭᠰᠠᠨ᠎ᠠᠴᠠ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠳᠤᠮᠳᠠᠴᠢ᠎ᠪᠠᠷ ᠠᠶ᠋ᠢᠯ ᠰᠠᠭᠠᠬᠠᠯᠲᠠ᠎ᠪᠠᠷ᠎ᠢᠶᠠᠨ ᠨᠡᠶ᠋ᠢᠯᠠᠯᠳᠤᠨ᠂ ᠲᠣᠬᠢᠯᠢᠭ᠋ ᠰᠠᠢᠬᠠᠨ ᠦᠨᠭᠰᠢᠭ ᠳᠤᠯᠠᠭᠠᠨ ᠭᠠᠵᠠᠷ᠎ᠢ ᠰᠣᠩᠭᠣᠵᠤ᠂ ᠳᠡᠭᠡᠳᠦᠰ᠎ᠦᠨ ᠤᠯᠠᠮᠵᠢᠯᠠᠯ ᠶᠣᠰᠣᠭᠠᠷ ᠵᠢᠯ ᠪᠦᠷᠢ ᠮᠠᠯ ᠰᠢᠨᠡᠯᠡᠭᠦᠯᠬᠦ ᠨᠠᠢᠷ ᠬᠢᠳᠡᠭ ᠪᠤᠯᠪᠠ᠃ 《1978 ᠣᠨ ᠡᠴᠡ ᠬᠡᠰᠢᠭᠲᠡᠨ ᠬᠣᠰᠢᠭᠤᠨ᠎ᠤ ᠳᠠᠷᠬᠠᠠᠠᠠᠭᠤᠯᠠ ᠰᠤᠮᠤᠨ᠎ᠤ ᠬᠥᠩᠭᠡᠷ ᠭᠠᠴᠠᠭᠠᠨ᠎ᠤ ᠮᠠᠯ ᠰᠢᠨᠡᠯᠡᠭᠦᠯᠬᠦ ᠵᠠᠩᠰᠢᠯ ᠶᠤᠰᠤᠨ ᠲᠠᠬᠢᠨᠳᠠ ᠰᠡᠷᠭᠦᠭᠡᠭᠳᠡᠪᠡ》ᠭᠡᠰᠡᠨ᠎ᠢ ᠬᠥᠩᠭᠡᠷ ᠭᠠᠴᠠᠭ᠎ᠠ᠎ᠪᠠᠷ ᠨᠤᠲᠤᠭ᠎ᠲᠠᠢ ᠵᠠᠩ ᠦᠢᠯᠡ ᠰᠤᠳᠤᠯᠤᠭᠴᠢ᠂ ᠰᠣᠶᠣᠯ᠎ᠤᠨ ᠠᠬᠠᠮᠠᠳ ᠵᠢᠳᠬᠦᠯᠲᠡᠨ ᠪᠤᠶᠠᠨᠲᠡᠭᠦᠰ ᠠᠪᠤᠭᠠᠶ ᠶ᠋ᠢᠨ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠤᠭᠰᠠᠨ《ᠬᠡᠰᠢᠭᠳᠡᠨ ᠮᠤᠩᠭᠤᠯᠴᠤᠳ ᠤ᠋ᠨ ᠵᠠᠩ ᠠᠭᠠᠯᠢ》 ᠭᠡᠬᠦ ᠨᠤᠮ ᠠ᠋ᠴᠠ ᠬᠠᠷᠠᠵᠤ ᠪᠠᠢᠯ᠎ᠠ᠃  ᠬᠥᠩᠭᠡᠷ ᠭᠠᠴᠠᠭ᠎ᠠ ᠡᠨᠡᠬᠦ ᠪᠣᠳᠠᠰ᠎ᠤᠨ ᠪᠤᠰᠤ ᠰᠣᠶᠣᠯ᠎ᠤᠨ ᠥᠪ᠎ᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ᠎ᠶᠢ ᠵᠣᠷᠢᠵᠤ᠂ 2006 ᠣᠨ᠎ᠳᠤ ᠪᠦᠬᠦ ᠭᠠᠴᠠᠭ᠎ᠠ᠎ᠪᠠᠷ᠎ᠢᠶᠠᠨ《ᠮᠠᠯ ᠰᠢᠨᠡᠯᠡᠭᠦᠯᠬᠦ ᠵᠠᠩᠰᠢᠯ》 ᠢ᠋ ᠨᠢᠬᠡᠳᠦᠯᠳᠡᠢ ᠬᠢᠬᠦ ᠪᠡᠷ ᠲᠣᠭᠲᠠᠵᠤ ᠮᠠᠯ ᠰᠢᠨᠡᠯᠡᠭᠦᠯᠬᠦ ᠨᠠᠶ᠋ᠢᠷ ᠡᠷᠬᠢᠯᠡᠵᠤ ᠡᠬᠢᠯᠡᠵᠡᠢ᠃

ᠨᠠᠶ᠋ᠢᠷ᠎ᠤᠨ ᠲᠠᠯᠠᠪᠠᠢ᠎ᠶᠢᠨ ᠲᠥᠪ ᠡᠮᠦᠨ᠎ᠡ ᠬᠡᠰᠡᠭ᠎ᠲᠦ ᠰᠠᠩ᠎ᠦᠨ ᠵᠢᠯᠠᠪᠴᠢ᠎ᠳᠦ ᠠᠷᠴᠠ ᠬᠦᠵᠢ ᠣᠩᠭᠣᠰᠬᠠᠵᠤ᠂ ᠵᠤᠯᠠ ᠪᠠᠷᠢᠵᠤ᠂ ᠬᠠᠮᠤᠭ ᠲᠡᠷᠢᠭᠦᠨ᠎ᠳᠦ ᠲᠩᠷᠢ᠎ᠳᠦ ᠮᠥᠷᠭᠥᠵᠦ᠂ ᠰᠠᠷᠬᠤᠳ ᠴᠠᠭᠠᠨ ᠢᠳᠡᠭᠡᠨ᠎ᠦ ᠳᠡᠭᠡᠵᠢ᠎ᠪᠡᠨ ᠬᠥᠬᠡ ᠲᠩᠷᠢ᠂ ᠬᠡᠰᠢᠭᠲᠡᠨ ᠲᠠᠪᠤᠨ ᠬᠠᠶ᠋ᠢᠷᠬᠠᠨ᠎ᠳᠠᠭᠠᠨ ᠰᠠᠴᠤᠯᠢ ᠡᠷᠭᠦᠨ᠂ ᠰᠢᠨ᠎ᠡ ᠨᠢᠭᠡᠨ ᠵᠢᠯ ᠎ᠳᠡᠭᠡᠨ ᠲᠠᠪᠤᠨ ᠬᠣᠰᠢᠭᠤ ᠮᠠᠯ᠎ᠢᠶᠠᠨ ᠥᠨᠢᠷ ᠥᠰᠥᠯᠲᠡ᠎ᠲᠠᠢ ᠪᠣᠯᠬᠤ ᠎ᠶᠢ ᠵᠥᠩᠨᠡᠨ᠎ᠠ᠃ ᠰᠠᠩ᠎ᠤᠨ ᠵᠢᠯᠠᠪᠴᠢ᠎ᠪᠠᠨ ᠲᠣᠭᠣᠷᠢᠭᠤᠯᠤᠨ ᠲᠠᠪᠤᠨ ᠬᠣᠰᠢᠭᠤ ᠮᠠᠯ᠎ᠤᠨ ᠲᠦᠷᠦᠭᠦᠦ ᠪᠣᠯᠬᠤ ᠠᠵᠢᠷᠭ᠎ᠠ᠂ ᠪᠤᠤᠷ᠎ᠠ᠂ ᠪᠤᠬ᠎ᠠ᠂ ᠬᠤᠴᠠ᠂ ᠤᠬᠤᠨ᠎ᠡ ᠬᠢᠭᠡᠳ ᠲᠥᠯ ᠰᠠᠢᠳᠠᠢ ᠡᠬᠡ ᠮᠠᠯ᠂ ᠱᠠᠩ ᠬᠦᠷᠲᠡᠭᠰᠡᠨ ᠠᠯᠳᠠᠷ ᠴᠤᠤ᠎ᠲᠠᠢ ᠬᠤᠷᠳᠤᠨ ᠮᠣᠷᠢ᠂ ᠵᠢᠷᠤᠭ᠎ᠠ ᠮᠣᠷᠢ᠂ ᠤᠷᠭᠠᠨ᠎ᠤ ᠮᠣᠷᠢ᠂ ᠬᠤᠨᠢᠨ᠎ᠤ ᠮᠤᠷᠢ ᠬᠡᠬᠦᠴᠢᠯᠡᠨ ᠠᠴᠢ ᠳᠤᠰᠠ ᠶᠡᠬᠡᠲᠡᠶ ᠣᠨᠣᠭ᠎ᠠ ᠬᠥᠯᠥᠭ ᠲᠡᠷᠡᠴᠢᠯᠡᠨ ᠰᠠᠳᠠᠷᠲᠦ ᠮᠠᠯ ᠵᠡᠷᠭᠡ᠎ᠶᠢ ᠭᠠᠯ ᠮᠠᠩᠨᠠᠶ ᠳᠡᠭᠡᠷ᠎ᠡ ᠨᠢ ᠠᠮᠤᠰᠤ᠂ ᠰᠦ ᠰᠠᠴᠤᠯᠢ᠂ ᠰᠢᠷ᠎ᠠ ᠲᠣᠰᠣ᠌᠎ᠪᠠᠷ ᠮᠢᠯᠢᠶᠡᠨ᠂ ᠠᠬᠠᠮᠠᠳ ᠢᠷᠦᠭᠡᠯᠴᠢ᠎ᠡᠴᠡ ᠢᠷᠦᠭᠡᠯ ᠬᠡᠯᠡᠳᠡᠭ ᠶᠤᠮ᠃

ᠳᠠᠪᠤᠨ ᠬᠤᠰᠢᠭᠤ ᠮᠠᠯ᠎ᠢᠶᠠᠨ ᠮᠢᠯᠢᠶᠠᠬᠤ᠎ᠶᠢᠨ ᠦᠶ᠎ᠡ ᠳ᠋ᠥ ᠪᠠᠰᠠ ᠲᠠᠯᠠᠯᠭ᠎ᠠ ᠠᠪᠳᠠᠭ᠃ ᠮᠠᠯ᠎ᠤᠨ᠎ᠢᠶᠠᠨ ᠳᠠᠯᠠᠯᠭ᠎ᠠ᠎ᠶᠢ ᠠᠪᠬᠤ ᠦᠶ᠎ᠡ ᠳ᠋ᠥ᠂ ᠮᠠᠯᠴᠢᠳ ᠭᠡᠷ ᠭᠡᠷ᠎ᠡᠴᠡ ᠪᠡᠨ ᠴᠠᠭᠠᠨ ᠢᠳᠡᠭᠡ ᠪᠡᠯᠡᠳᠭᠡᠵᠦ᠂ ᠦᠪᠡᠷ ᠦᠪᠡᠷ᠎ᠦᠨ ᠢᠳᠡᠭᠡ ᠪᠠᠷ᠎ᠢᠶᠠᠨ ᠲᠠᠯᠠᠯᠭ᠎ᠠ ᠠᠪᠤᠨ᠎ᠠ᠂ ᠠᠶᠠᠭᠠᠯᠠᠭᠠᠳ ᠠᠪᠤᠭᠰᠠᠨ ᠠᠮᠤᠰᠤ ᠪᠠᠷ᠎ᠢᠶᠠᠨ ᠪᠠᠰᠠ ᠲᠠᠯᠠᠯᠭ᠎ᠠ ᠠᠪᠳᠠᠭ᠂ᠪᠦᠬᠦᠳᠡᠭᠡᠷ᠎ᠢᠶᠡᠨ ᠠᠯᠠᠭᠠᠨ ᠲᠡᠭᠡᠷ᠎ᠡ᠎ᠪᠡᠨ ᠰᠠᠢᠬᠠᠨ ᠪᠠᠷᠢᠭᠠᠳ᠂ 《ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ᠂ ᠪᠦᠭᠦᠳᠡ ᠮᠠᠯ᠎ᠤᠨ ᠪᠤᠶᠠᠨ ᠬᠡᠰᠢᠭ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ》 ᠭᠡᠵᠦ ᠬᠤᠷᠦᠢᠯᠠᠨ᠎ᠠ᠂ ᠬᠤᠷᠦᠢᠯᠠᠬᠤ ᠦᠶᠡᠰ ᠨᠢᠭᠡ ᠪᠦᠯᠦᠭ ᠬᠦᠮᠤᠰ 《ᠪᠤᠶᠠᠨ ᠬᠡᠰᠢᠭ ᠢᠷᠡᠪᠡᠤ》 ᠭᠡᠵᠦ ᠠᠰᠠᠭᠤᠬᠤ ᠪᠡᠷ᠂ ᠤᠯᠠᠨ᠎ᠢᠶᠠᠷ᠎ᠢᠶᠠᠨ 《ᠢᠷᠡᠵᠡᠢ ᠢᠷᠡᠵᠡᠢ ᠢᠷᠡᠵᠡᠢ᠂ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ᠂ ᠪᠦᠭᠦᠳᠡ ᠮᠠᠯ᠎ᠤᠨ ᠪᠤᠶᠠᠨ ᠬᠡᠰᠢᠭ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ᠂ ᠬᠥᠮᠦᠨ ᠮᠠᠯ ᠬᠢᠨᠢ ᠥᠭᠡᠳᠡ ᠡᠰᠡᠷᠡᠭ ᠬᠤᠷᠤᠶ ᠬᠤᠷᠤᠶ ᠬᠤᠷᠤᠶ》 ᠭᠡᠵᠦ ᠭᠠᠵᠠᠷ ᠲᠡᠭᠷᠢ᠎ᠳᠡᠭᠡᠨ ᠲᠠᠭᠠᠳᠬᠠᠵᠦ ᠬᠤᠷᠤᠢᠯᠠᠭᠠᠳ ᠬᠠᠮᠳᠤ᠎ᠳᠠᠭᠠᠨ ᠨᠠᠢᠷᠯᠠᠳᠠᠭ ᠳᠤᠬᠠᠢ ᠭᠦᠩᠭᠡᠷ ᠭᠠᠴᠠᠭᠠᠨ᠎ᠤ ᠤᠤᠯ ᠤ᠋ᠨ ᠨᠠᠮ ᠤ᠋ᠨ ᠡᠭᠦᠷ ᠤ᠋ᠨ ᠱᠦᠵᠢ ᠲᠠᠭᠤᠯᠠ ᠮᠠᠯ ᠤ᠋ᠨ ᠰᠢᠨ᠎ᠡ ᠶ᠋ᠢᠨ ᠨᠠᠢᠷ ᠲᠣ᠌ ᠮᠠᠯ᠎ᠤᠨ ᠳᠠᠯᠠᠯᠭ᠎ᠠ ᠠᠪᠬᠤ ᠦᠶ᠎ᠡ ᠶ᠋ᠢᠨ ᠪᠠᠢᠳᠠᠯ ᠢ᠋ ᠲᠠᠨᠢᠯᠴᠠᠭᠤᠯᠪᠠ᠃《ᠦᠨᠤᠳᠤᠷ ᠬᠡᠳᠤᠢᠪᠡᠷ ᠰᠢᠭᠤᠷᠭᠠᠨ ᠲᠠᠢ ᠪᠤᠯᠪᠠᠴᠦ ᠡᠷᠳᠡ ᠠ᠋ᠴᠠ ᠭᠡᠷ ᠤ᠋ᠨ ᠠᠵᠢᠯ ᠢ᠋ᠶ᠋ᠠᠨ ᠬᠢᠵᠦ ᠪᠠᠷᠠᠴᠢᠬᠠᠭᠠᠳ ᠭᠦᠩᠭᠡᠷ ᠭᠠᠴᠠᠭᠠᠨ᠎ᠤ ᠮᠠᠯ ᠤ᠋ᠨ ᠰᠢᠨ᠎ᠡ ᠳ᠋ᠥ ᠢᠷᠡᠭᠰᠡᠨ᠂ ᠨᠠᠢᠷ ᠶᠡᠭᠡ ᠰᠠᠢᠬᠠᠨ ᠪᠤᠯᠤᠯ᠎ᠠ᠂ ᠮᠠᠰᠢ ᠭᠤᠶᠤ ᠪᠠᠢᠨ᠎ᠠ᠂ ᠤᠨᠴᠠᠭᠠᠢ ᠤᠴᠢᠷ ᠪᠠᠢᠬᠤ ᠦᠭᠡᠢ ᠪᠤᠯ ᠪᠠᠷᠤᠭ ᠤᠳᠠᠭ᠎ᠠ ᠪᠤᠯᠭᠠᠨ ᠢᠷᠡᠳᠡᠭ》 ᠭᠡᠵᠦ ᠲᠠᠭᠠᠨᠨᠠᠭᠤᠷ ᠭᠠᠴᠠᠭᠠᠨ᠎ᠤ ᠮᠠᠯᠴᠢᠨ ᠰᠡᠴᠡᠨᠴᠢᠮᠡᠭ ᠨᠠᠢᠷ ᠦᠵᠡᠭᠰᠡᠨ ᠪᠠᠢᠳᠠᠯ ᠢ᠋ᠶ᠋ᠠᠨ ᠶᠠᠷᠢᠨ᠎ᠡ᠃

ᠮᠠᠯ ᠰᠢᠨᠡᠯᠡᠭᠦᠯᠬᠦ ᠵᠠᠩᠰᠢᠯ᠎ᠳᠤ ᠭᠠᠴᠠᠭᠠᠨ᠎ᠦ ᠮᠠᠯᠴᠢᠨ ᠲᠦᠮᠡᠨ ᠢᠳᠡᠭᠡᠨ᠎ᠦ ᠳᠡᠭᠡᠵᠢ᠎ᠪᠡᠨ ᠠᠪᠴᠤ ᠣᠴᠢᠭᠠᠳ ᠲᠣᠯᠣᠭᠠᠨ ᠲᠣᠭᠣᠭ᠎ᠠ ᠲᠣᠭᠣᠭᠠᠯᠠᠵᠤ᠂ ᠰᠦ ᠲᠠᠢ ᠴᠠᠢ ᠴᠢᠨᠠᠬᠤ᠂ ᠠᠮᠤᠰᠤ ᠬᠢᠬᠦ ᠪᠤᠶᠤ ᠬᠡᠭᠡᠷ᠎ᠡ᠎ᠶᠢᠨ ᠱᠥᠯᠥ ᠪᠤᠴᠠᠯᠭᠠᠵᠤ᠂ ᠠᠭᠤᠯᠠ ᠤᠰᠤᠨ ᠎ᠤ ᠪᠠᠨ ᠡᠵᠡᠨ ᠰᠠᠬᠢᠭᠤᠯᠰᠤᠨ᠂ ᠨᠠᠪᠲᠠᠭ ᠰᠠᠪᠳᠠᠭ᠎ᠲᠠᠭᠠᠨ ᠡᠷᠭᠦᠵᠦ᠂ ᠢᠷᠡᠬᠦ ᠰᠢᠨ᠎ᠡ ᠵᠢᠯ᠎ᠦᠨ ᠬᠤᠷ᠎ᠠ ᠪᠣᠷᠣᠭᠠᠨ ᠡᠯᠪᠡᠭ᠂ ᠮᠠᠯ ᠰᠦᠷᠦᠭ ᠥᠨᠢᠷ ᠥᠰᠬᠦ᠎ᠶᠢ ᠨᠠᠮᠠᠨᠴᠢᠯᠠᠨ ᠳᠠᠭᠠᠳᠬᠠᠬᠤ ᠵᠢᠨ ᠳᠠᠭᠠᠤ ᠮᠠᠯ ᠰᠢᠨᠡᠯᠡᠭᠦᠯᠬᠦ ᠨᠠᠶ᠋ᠢᠷ ᠵᠢᠡᠨ ᠬᠢᠵᠦ᠂ ᠳᠠᠭᠤᠤ ᠬᠤᠭᠤᠷ ᠡᠭᠦᠰᠭᠡᠨ᠂ ᠡᠷ᠎ᠠ᠎ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠶᠠᠪᠤᠭᠳᠠᠭᠤᠯᠵᠤ ᠬᠥᠭᠵᠢᠨ ᠪᠠᠶᠠᠰᠤᠯᠴᠠᠳᠠᠭ ᠪᠠᠢᠨ᠎ᠠ᠃ ᠨᠠᠢᠷ ᠤ᠋ᠨ ᠬᠤᠢᠮᠦᠷ ᠲᠤ᠌ ᠲᠤᠰ ᠭᠠᠴᠠᠭᠠᠨ᠎ᠤ ᠠᠬᠠᠮᠠᠳ ᠮᠠᠯᠴᠢᠨ᠂ ᠵᠢᠱ᠌ᠢᠶᠡᠴᠢ ᠮᠠᠯᠴᠢᠳ ᠨᠠᠶ᠋ᠢᠷ᠎ᠲᠤ ᠮᠣᠷᠢᠯᠠᠨ ᠰᠠᠭᠠᠲᠠᠭᠰᠠᠨ ᠵᠣᠴᠢᠳ᠎ᠲᠠᠢ ᠬᠠᠮᠲᠤ ᠰᠠᠭᠤᠯᠴᠠᠵᠦ᠂ ᠰᠢᠨ᠎ᠡ ᠵᠢᠯ᠎ᠦᠨ ᠵᠣᠯᠭᠠᠯᠲᠠ᠎ᠶᠢᠨ ᠬᠠᠳᠠᠭ᠎ᠢᠶᠠᠨ ᠳᠡᠯᠭᠡᠨ ᠪᠠᠷᠢᠵᠤ ᠠᠮᠤᠷ ᠮᠡᠨᠳᠦ ᠡᠷᠢᠨ᠂  ᠲᠦᠯ ᠲᠤᠰᠴᠦ ᠮᠡᠨᠳᠤ ᠤᠨᠳᠤᠷᠤᠭᠤᠯᠬᠤ ᠲᠤᠬᠠᠢ ᠵᠣᠭᠣᠭ ᠳᠡᠯᠭᠡᠨ᠎ᠡ᠃ 《ᠡᠪᠤᠯ ᠬᠠᠪᠤᠷ ᠤ᠋ᠨ ᠴᠠᠰᠤ ᠶᠡᠭᠡ᠂  ᠲᠦᠯ ᠲᠤᠰᠬᠤ ᠫᠸᠩ ᠰᠠᠷᠠᠪᠴᠢ ᠪᠠᠨ ᠰᠠᠢᠳᠤᠷ ᠪᠡᠬᠢᠯᠡᠬᠦ ᠴᠢᠬᠤᠯᠠᠳᠠᠢ᠂ ᠨᠢᠳᠤᠨᠤᠨ ᠪᠤᠷᠤᠭᠠᠨ ᠬᠤᠷ᠎ᠠ ᠰᠠᠢᠨ ᠡᠴᠡ ᠡᠨᠡ ᠭᠡᠰᠡᠭ ᠪᠠᠯᠴᠢᠭᠡᠷ ᠬᠠᠳᠤᠯᠠᠩ ᠤ᠋ᠨ ᠤᠷᠭᠤᠯᠳᠠ ᠴᠤ᠌ ᠰᠠᠢᠨ᠂ ᠬᠠᠩᠰᠢ ᠪᠤᠯᠳᠠᠯ᠎ᠠ ᠦᠭᠡᠷ ᠬᠤᠨᠢ ᠪᠠᠨ ᠲᠡᠵᠢᠭᠡᠬᠦ ᠳ᠋ᠥ ᠡᠪᠡᠰᠤ ᠪᠤᠷᠳᠤᠭ᠎ᠠ ᠲᠤᠳᠠᠭᠳᠠᠬᠤ ᠪᠠᠢᠳᠠᠯ ᠭᠠᠷᠬᠤ ᠦᠭᠡᠢ》ᠭᠡᠵᠦ ᠨᠠᠢᠷ ᠤ᠋ᠨ ᠲᠠᠯᠠᠪᠠᠢ ᠶ᠋ᠢᠨ ᠮᠠᠯᠴᠢᠳ  ᠵᠤᠭᠤᠭᠳᠠᠨ᠎ᠠ᠃

ᠡᠨᠡ ᠬᠦ᠌ ᠬᠥᠩᠭᠡᠷ ᠭᠠᠴᠠᠭᠠᠨ ᠤ᠋ 16 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨ᠎ᠤ ᠮᠠᠯ᠎ᠤᠨ ᠰᠢᠨ᠎ᠡ᠎ᠶᠢᠨ ᠨᠠᠶ᠋ᠢᠷ᠎ᠨᠢ ᠭᠠᠴᠠᠭᠠᠨ᠎ᠤ ᠪᠠᠨ ᠵᠢᠱ᠌ᠢᠶᠡᠴᠢ ᠮᠠᠯᠴᠢᠨ ᠢ᠋ ᠰᠢᠯᠭᠠᠷᠠᠭᠤᠯᠵᠦ ᠱᠠᠩᠨᠠᠬᠤ᠂ ᠬᠦᠴᠦᠲᠦ ᠪᠥᠬᠡ᠎ᠶᠢᠨ ᠪᠠᠷᠢᠯᠳᠤᠭᠠᠨ᠂ ᠠᠯᠤᠰ᠎ᠤᠨ ᠮᠣᠷᠢᠨ᠎ᠤ ᠤᠷᠤᠯᠳᠤᠭᠠᠨ᠂ ᠮᠣᠩᠭᠣᠯ ᠰᠢᠳᠠᠷ᠎ᠠ ᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠡᠮᠡᠭ᠌ᠲᠠᠢᠴᠤᠳ᠎ᠦᠨ ᠳᠡᠭᠡᠰᠦ ᠲᠠᠲᠠᠬᠤ ᠤᠷᠤᠯᠳᠤᠭᠠᠨ᠂ ᠱᠠᠭ᠎ᠠ ᠳᠤᠭᠯᠠᠬᠤ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠡᠯᠪᠡᠭ ᠠᠭᠤᠯᠭ᠎ᠠ᠎ᠪᠠᠷ ᠡᠷᠬᠢᠯᠡᠨ ᠶᠠᠪᠤᠭᠳᠠᠵᠦ᠂ ᠮᠠᠯ ᠰᠢᠨᠡᠯᠡᠭᠦᠯᠬᠦ ᠨᠠᠢᠷ ᠲᠠᠭᠠᠨ ᠤᠯᠠᠮ ᠢᠯᠡᠭᠦᠦ ᠬᠦᠭ᠌ᠵᠢᠶᠠᠨ ᠨᠠᠷᠭᠢᠶᠠᠨ ᠨᠡᠮᠡᠷᠢᠯᠡᠭᠰᠡᠨ ᠪᠠᠢᠨ᠎ᠠ᠃《ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠤᠯ ᠮᠠᠯᠴᠢᠨ ᠬᠦᠮᠤᠨ᠎ᠤ ᠠᠮᠢᠨ ᠰᠠᠬᠢᠶ᠎ᠠ᠂ ᠮᠠᠯ ᠠᠬᠤᠢ ᠪᠠᠢᠬᠤ ᠦᠭᠡᠢ ᠪᠤᠯ ᠮᠠᠯᠴᠢᠨ ᠬᠦᠮᠤᠨ᠎ᠤ ᠠᠮᠢᠳᠤᠷᠠᠯ ᠬᠠᠮᠢᠭ᠎ᠠ ᠠ᠋ᠴᠠ ᠢᠷᠡᠬᠦ ᠪᠤᠢ᠂ ᠵᠢᠯ ᠴᠠᠭᠠᠨ ᠰᠠᠷ᠎ᠠ ᠪᠤᠯᠤᠭᠰᠠᠭᠠᠷ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ᠋ᠶ᠋ᠠᠨ ᠰᠢᠨᠡᠯᠡᠬᠦᠯᠬᠦ ᠨᠢ ᠴᠤ᠌ ᠵᠦᠢᠳᠠᠢ》 ᠭᠡᠵᠦ ᠮᠠᠯ ᠤ᠋ᠨ ᠰᠢᠨ᠎ᠡ ᠶ᠋ᠢᠨ ᠨᠠᠢᠷ ᠤ᠋ᠨ ᠲᠤᠯᠤᠭᠠᠨ ᠲᠤᠭᠤᠭᠠᠨ ᠳ᠋ᠥ ᠬᠤᠭᠤᠯᠠ ᠪᠤᠳᠠᠭ᠎ᠠ ᠪᠠᠵᠠᠭᠠᠬᠤ ᠠᠵᠢᠯ ᠳ᠋ᠥ ᠤᠷᠤᠯᠴᠠᠭᠰᠠᠨ ᠭᠦᠩᠭᠡᠷ ᠭᠠᠴᠠᠭᠠᠨ ᠎ᠤ ᠮᠠᠯᠴᠢᠨ ᠡᠷᠳᠡᠨᠢᠪᠤᠯᠠᠭ ᠮᠠᠯ ᠰᠦᠷᠦᠭ ᠢ᠋ᠶ᠋ᠠᠨ ᠵᠢᠭᠠᠵᠦ ᠬᠡᠯᠡᠨ᠎ᠡ᠃

ᠡᠷᠲᠡ ᠳᠡᠭᠡᠳᠦ ᠦᠶ᠎ᠡ᠎ᠶᠢᠨ ᠶᠣᠰᠣ᠌ ᠵᠠᠩᠰᠢᠯ ᠣᠳᠣ᠌ ᠬᠡᠳᠦᠶ᠋ᠢᠪᠡᠷ ᠨᠡᠯᠢᠶᠡᠳ ᠳᠥᠭᠥᠮᠴᠢᠯᠡᠭᠳᠡᠨ ᠥᠭᠡᠷᠡᠴᠢᠯᠡᠭᠳᠡᠵᠦ ᠪᠠᠶ᠋ᠢᠭ᠎ᠠ ᠪᠣᠯᠪᠠᠴᠤ ᠬᠥᠩᠭᠡᠷ ᠭᠠᠴᠠᠭᠠᠨ ᠎ᠤ ᠬᠢᠨ ᠶᠣᠰᠣ᠌ ᠵᠠᠩᠰᠢᠯ ᠎ᠢᠶᠠᠨ ᠤᠯᠠᠮᠵᠢᠯᠠᠨ ᠭᠦᠢᠴᠡᠳᠭᠡᠵᠦ᠂ ᠦᠷᠡᠵᠢᠯᠲᠦ ᠰᠦᠷᠦᠭ᠎ᠦᠨ᠎ᠢᠶᠡᠨ ᠬᠡᠰᠢᠭ ᠪᠤᠶᠠᠨ᠎ᠢ ᠬᠤᠷᠤᠶ᠋ᠢᠯᠠᠨ ᠳᠠᠯᠠᠯᠤᠭᠰᠠᠭᠠᠷ ᠪᠠᠶ᠋ᠢᠭ᠎ᠠ ᠶᠤᠮ᠃ ᠡᠨᠡᠬᠦ ᠵᠠᠩ ᠵᠠᠩᠰᠢᠯ ᠢ᠋ᠶ᠋ᠠᠨ ᠲᠡᠭᠡᠳᠤᠯᠡᠨ ᠰᠢᠳᠤᠵᠦ ᠲᠡᠯᠭᠡᠷᠡᠭᠦᠯᠦᠭᠰᠡᠨ ᠠ᠋ᠴᠠ ᠤᠳᠤᠬᠠᠨ ᠳ᠋ᠥ᠂ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ᠎ᠤ ᠲᠠᠷᠠᠠᠠᠠᠠᠠᠭᠤᠯᠠ ᠰᠤᠮᠤᠨ᠎ᠤ ᠤᠯᠢᠶᠠᠰᠤᠳᠠᠢ ᠭᠠᠴᠠᠭ᠎ᠠ᠂ ᠪᠠᠶᠠᠨᠪᠤᠯᠠᠭ ᠭᠠᠴᠠᠭ᠎ᠠ᠂ ᠨᠠᠷᠠᠰᠤ ᠭᠠᠴᠠᠭ᠎ᠠ ᠵᠡᠷᠭᠡ ᠤᠯᠠᠨ ᠭᠠᠴᠠᠭ᠎ᠠ ᠪᠤᠯᠤᠨ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ᠎ᠤ ᠪᠠᠶᠠᠩᠭᠤᠥᠯ ᠭᠠᠴᠠᠭ᠎ᠠ᠂ ᠬᠠᠳᠠᠨᠪᠤᠯᠠᠭ ᠭᠠᠴᠠᠭ᠎ᠠ᠂ ᠡᠩᠭᠡᠷᠪᠤᠯᠠᠭ ᠭᠠᠴᠠᠭ᠎ᠠ ᠴᠠᠭᠠᠨ ᠰᠠᠷ᠎ᠠ ᠠ᠋ᠴᠠ ᠪᠢᠯᠢᠭ ᠤ᠋ᠨ ᠤᠯᠠᠷᠢᠯ ᠤ᠋ᠨ ᠬᠤᠶᠠᠷ ᠰᠠᠷ᠎ᠠ ᠶ᠋ᠢᠨ ᠡᠬᠢ ᠬᠦᠷᠳᠡᠯ᠎ᠠ ᠲᠤᠭᠳᠠᠮᠠᠯ ᠪᠤᠰᠤ ᠬᠤᠭᠤᠴᠠᠭ᠎ᠠ ᠲᠠᠢ ᠮᠠᠯ ᠰᠢᠨᠡᠯᠡᠭᠦᠯᠬᠦ ᠨᠠᠢᠷ ᠬᠢᠵᠦ᠂ ᠮᠠᠯᠴᠢᠳ ᠢ᠋ᠶ᠋ᠠᠨ ᠤᠷᠮᠠᠰᠢᠭᠤᠯᠵᠦ ᠵᠤᠷᠢᠭ᠍ᠵᠢᠭᠤᠯᠤᠨ᠂ ᠰᠢᠨ᠎ᠡ ᠨᠢᠭᠡ ᠵᠢᠯ ᠎ᠳᠡᠭᠡᠨ ᠮᠠᠯ ᠰᠦᠷᠦᠭ ᠤ᠋ᠨ ᠦᠨᠢᠷ ᠦᠰᠤᠯᠳᠠ ᠶ᠋ᠢ ᠵᠦᠩᠨᠡᠨ ᠪᠡᠯᠭᠡᠰᠢᠶᠡᠨ᠎ᠠ᠃

（ ᠳᠤᠰ ᠨᠢᠭᠤᠷ᠎ᠤᠨ ᠬᠡᠷᠡᠯ ᠵᠢᠷᠤᠭ᠎ᠢ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ᠎ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ᠎ᠤᠨ ᠳᠦᠪ ᠡᠴᠡ ᠬᠠᠨᠭᠭᠠᠪᠠ）