● ᠪᠠᠷᠭᠤ ᠠᠷᠠᠳᠤᠨ ᠤᠷᠳᠤ ᠵᠢᠨ ᠲᠠᠭᠤᠤ 《ᠲᠦᠷᠪᠡᠨ ᠨᠠᠰᠤᠳᠠᠢ ᠬᠠᠯᠢᠭᠤᠨ》 ᠤ᠋ ᠡᠭᠦᠰᠦᠯᠤᠨ ᠲᠤᠮᠤᠭ
● 《ᠲᠦᠷᠪᠡᠨ ᠨᠠᠰᠤᠳᠠᠢ ᠬᠠᠯᠢᠭᠤᠨ》 ᠤ᠋ ᠤᠯᠠᠨ ᠬᠤᠪᠢᠯᠪᠤᠷᠢ
● 《ᠡᠷᠴᠢᠯᠡᠨ ᠲᠠᠪᠬᠢᠬᠤ ᠬᠠᠯᠢᠭᠤᠨ》 ᠢ᠋ ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠶᠠᠪᠤᠴᠠ ᠵᠢᠴᠢ ᠵᠤᠬᠢᠶᠠᠬᠴᠢ
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠣᠣ ᠲᠡᠯᠡᠬᠡᠢᠶᠢᠨ ᠰᠣᠨᠣᠷᠢ ᠴᠢᠮᠡᠵᠦ ᠪᠠᠶᠠᠰᠬᠠᠨᠠ᠃
ᠡᠨᠡ ᠵᠢᠯᠤᠨ ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠦᠲᠡᠰᠢᠯᠡᠭᠡ ᠳ᠋ᠦ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠤᠷᠳᠤ ᠵᠢᠨ ᠲᠠᠭᠤᠤ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠢ᠋ ᠦᠭᠡᠷᠡᠴᠢᠯᠡᠨ ᠨᠠᠢᠷᠠᠭᠤᠯᠵᠦ᠂ ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ 《ᠡᠷᠴᠢᠯᠡᠨ ᠲᠠᠪᠬᠢᠬᠤ ᠬᠠᠯᠢᠭᠤᠨ》 ᠭᠡᠬᠦ ᠲᠠᠭᠤᠤ ᠣᠷᠲᠣᠶᠢᠨ ᠲᠠᠭᠣᠣ ᠶ᠋ᠢᠨ ᠣᠷᠠᠨ ᠰᠠᠢᠬᠠᠨ ᠣᠶᠠᠩᠭᠠ ᠨᠣᠭᠣᠯᠣᠭᠠ᠂ ᠣᠳᠬᠠ ᠲᠡᠬᠦᠯᠲᠡᠷ ᠰᠢᠯᠦᠭ ᠨᠠᠢᠷᠠᠬᠤᠨ ᠡᠭᠡᠰᠢᠭᠯᠡᠩ ᠶ᠋ᠢᠡᠷ ᠶ᠋ᠢᠡᠨ ᠬᠦᠮᠦᠨ ᠪᠠᠢᠭᠠᠯᠢ ᠮᠣᠷᠢ ᠭᠣᠷᠪᠠᠶᠢᠨ ᠬᠦᠯᠦᠰᠦᠶᠢ ᠰᠡᠪᠬᠢᠭᠡᠭᠰᠡᠨ ᠴᠡᠩᠭᠡᠷ ᠲᠠᠯᠠᠶᠢᠨ ᠠᠮᠢᠰᠬᠣᠯ ᠰᠢᠬ ᠬᠦᠮᠦᠨ ᠵᠣᠨᠤ ᠰᠣᠨᠣᠷᠢ ᠴᠢᠮᠡᠨ ᠪᠠᠶᠠᠰᠬᠠᠵᠦ᠂ ᠣᠯᠠᠨ ᠬᠦᠮᠦᠨᠤ ᠪᠠᠬᠠᠷᠬᠠᠯ ᠱᠠᠬᠰᠢᠯᠢ ᠬᠦᠷᠲᠡᠵᠦ᠂ ᠮᠡᠳᠡᠭᠡᠯᠡᠯ ᠵᠠᠭᠣᠴᠢᠯᠠᠭᠣᠷᠤᠨ ᠬᠢᠨ ᠪᠣᠯᠣᠨ ᠮᠡᠷᠭᠡᠳ ᠡᠷᠳᠡᠮᠲᠡᠳ ᠦᠭᠡ ᠦᠰᠦᠭ ᠬᠠᠷᠠᠮᠨᠠᠯ ᠦᠭᠡᠢ ᠦᠨᠡᠯᠡᠨ ᠮᠠᠬᠲᠠᠵᠦ ᠭᠠᠷᠪᠠ᠃ ᠲᠣᠩᠭᠠᠯᠠᠬ ᠴᠡᠭᠡᠯᠭᠡᠨ ᠣᠷᠣᠰᠣᠨ ᠣᠶᠠᠩᠭᠠᠷᠠᠬᠣ ᠬᠢᠷᠢᠨᠡ ᠣᠷᠠᠯᠢᠬᠤᠨ ᠭᠠᠢᠬᠠᠮᠰᠢᠬ᠂ ᠠᠮᠢᠵᠢᠷᠠᠯᠤᠨ ᠬᠦᠴᠦᠶᠢ ᠮᠡᠲᠡᠷᠡᠬᠦᠯᠦᠭᠰᠡᠨ ᠡᠨᠡ ᠲᠠᠭᠣᠣ ᠦᠪᠦᠷ ᠮᠣᠩᠭᠣᠯᠤᠨ ᠦᠩᠭᠡ ᠪᠣᠲᠣᠬ᠂ ᠦᠨᠦᠷ ᠠᠮᠲᠠᠶᠢ ᠬᠠᠲᠠᠭᠠᠯᠠᠬᠰᠠᠨ ᠲᠡᠳᠦᠢ ᠦᠭᠡᠢ ᠴᠣᠴᠠᠯᠲᠠ ᠦᠭᠡᠢ ᠲᠡᠮᠡᠦᠯᠵᠦ᠂ ᠵᠣᠷᠢᠬᠰᠠᠨ ᠳ᠋ᠠᠭᠠᠨ ᠵᠠᠪᠠᠯ ᠬᠦᠷᠬᠦ ᠵᠣᠷᠢᠬ ᠰᠠᠨᠠᠭᠠᠶᠢ ᠲᠣᠰᠬᠠᠵᠦ᠂ ᠣᠷᠲᠣᠶᠢᠨ ᠲᠠᠭᠣᠣ᠂ ᠣᠯᠠᠭᠠᠨᠮᠦᠢ᠍ᠴᠢᠷ ᠵᠡᠷᠭᠡᠶᠢ ᠠᠭᠣᠰᠣᠯᠴᠠᠭᠣᠯᠵᠦ ᠣᠶᠠᠯᠲᠣᠭᠣᠯᠣᠬᠰᠠᠨ ᠶ᠋ᠢᠡᠷ ᠶ᠋ᠢᠡᠨ ᠲᠦᠬᠦᠮᠬᠡᠨ ᠣᠳᠬᠠᠶᠢᠨ ᠲᠠᠭᠣᠣ ᠣᠷᠠᠯᠢᠬ ᠭᠡᠬᠦ ᠬᠦᠷᠢᠶᠡ ᠴᠠᠷᠠᠭᠠ ᠡᠴᠡ ᠬᠠᠯᠢᠨ ᠲᠠᠪᠠᠵᠦ᠂ ᠦᠪᠦᠷ ᠮᠣᠩᠭᠣᠯᠤᠨ 《ᠨᠡᠷᠡᠶᠢᠨ ᠬᠠᠭᠣᠲᠠᠰᠣ》 ᠪᠣᠯᠣᠬᠰᠠᠨ ᠪᠠᠢᠨᠠ᠃ ᠶᠠᠬ ᠯᠡ ᠲᠠᠭᠣᠴᠢᠨ ᠣᠷᠠᠨᠠ ᠵᠠᠭᠣᠴᠢᠯᠠᠭᠣᠷᠤᠨ ᠰᠣᠷᠪᠣᠯᠵᠢᠯᠠᠭᠠᠶᠢ ᠬᠦᠯᠢᠶᠡᠬᠦ ᠳ᠋ᠡᠭᠡᠨ ᠶᠠᠷᠢᠬᠰᠠᠨ ᠮᠡᠲᠦ᠄ 《ᠪᠢᠳᠡ ᠦᠪᠦᠷ ᠮᠣᠩᠭᠣᠯᠤᠨ ᠰᠣᠶᠣᠯᠢ ᠲᠦᠯᠦᠭᠡᠯᠡᠵᠦ ᠢᠷᠡᠭᠰᠡᠨ》 ᠭᠡᠲᠡᠭᠴᠢᠯᠡᠨ᠂ ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠬ ᠰᠠᠨᠠᠭᠠ ᠪᠠ ᠮᠣᠬᠣᠰᠢ ᠦᠭᠡᠢ ᠠᠶᠠᠨᠤ ᠲᠣᠷᠭᠠᠨ ᠵᠢᠯᠣᠭᠣ ᠪᠣᠯᠵᠦ ᠬᠠᠩᠬᠢᠨᠠᠬᠰᠠᠨ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠨᠢ ᠬᠦᠨ ᠵᠣᠵᠠᠭᠠᠨ ᠰᠣᠶᠣᠯᠤᠨ ᠴᠡᠭᠡᠵᠢᠯᠡᠬᠦᠢ᠂ ᠴᠠᠬ ᠦᠶᠡᠶᠢᠨ ᠵᠣᠷᠢᠬ ᠰᠠᠨᠠᠭᠠ ᠪᠣᠯᠣᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠲᠡᠯᠢ ᠠᠴᠢᠶᠠᠯᠠᠵᠦ᠂ ᠰᠡᠪᠢᠯᠵᠡᠩᠬᠡᠨ ᠦᠩᠭᠡᠷᠡᠬᠦ ᠰᠠᠯᠬᠢᠨᠤ ᠲᠣᠷᠭᠠᠨ ᠦᠵᠦᠬᠦᠷ᠂ ᠰᠡᠷᠡᠯᠵᠡᠨ ᠬᠠᠷᠠᠬᠲᠠᠬᠣ ᠠᠭᠣᠯᠠᠰᠤᠨ ᠴᠡᠩᠭᠡᠷ ᠪᠡᠷᠡ ᠲᠠᠮᠵᠢᠨ ᠣᠶᠠᠩᠭᠠᠷᠠᠵᠦ᠂ 《ᠲᠦᠷᠦᠭᠡ ᠵᠢᠬᠢᠵᠦ ᠶᠦᠷᠭᠡᠬᠦᠯᠦᠨ》 ᠲᠡᠭᠵᠢᠷᠡᠬᠦ ᠵᠠᠶᠠᠭᠠᠨᠤ ᠮᠦᠩᠭᠡᠶᠢᠨ ᠰᠠᠢᠬᠠᠨᠢ ᠮᠠᠬᠲᠠᠨ ᠲᠠᠭᠣᠯᠠᠬᠰᠠᠭᠠᠷ᠃
ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠᠶᠢᠨ ᠦᠲᠡᠰᠢᠯᠡᠭᠡ ᠳ᠋ᠦ ᠲᠣᠰ ᠲᠠᠭᠣᠣᠶᠢᠨ ᠣᠷᠲᠣᠶᠢᠨ ᠲᠠᠭᠣᠣᠶᠢᠨ ᠬᠡᠰᠡᠭᠢ ᠲᠠᠭᠣᠯᠠᠬᠰᠠᠨ ᠬᠦᠯᠦᠨ ᠪᠣᠢᠷ ᠬᠣᠲᠠᠶᠢᠨ ᠰᠢᠨᠡ ᠪᠠᠷᠭᠣ ᠵᠡᠬᠦᠨ ᠬᠣᠰᠢᠭᠣᠨᠤ ᠣᠯᠠᠭᠠᠨᠮᠦᠢ᠍ᠴᠢᠷᠤᠨ ᠭᠡᠷᠡᠯᠰᠠᠢᠬᠠᠨ᠄ 《ᠰᠢᠨᠡ ᠪᠠᠷᠭᠣ ᠵᠡᠬᠦᠨ ᠬᠣᠰᠢᠭᠣ ᠪᠣᠯ ᠲᠣᠮᠲᠠᠲᠣ ᠣᠯᠣᠰᠤᠨ ᠮᠣᠩᠭᠣᠯ ᠣᠷᠲᠣᠶᠢᠨ ᠲᠠᠭᠣᠣᠶᠢᠨ ᠦᠯᠦᠭᠡᠢ ᠶᠣᠮᠰᠠᠨ᠃ 〈ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ〉 ᠲᠠᠭᠣᠣ ᠪᠣᠯ ᠪᠠᠷᠭᠣᠴᠣᠳᠤᠨ ᠲᠦᠯᠦᠭᠡᠯᠡᠬᠦ ᠪᠦᠲᠦᠭᠡᠯ ᠪᠣᠯᠣᠨᠠ᠃ ᠪᠢᠳᠡᠨᠤ ᠲᠠᠭᠣᠯᠠᠬᠣᠶᠢ ᠰᠣᠨᠣᠰᠣᠬᠰᠠᠨ ᠣᠲᠣᠷᠢᠲᠣᠭᠠᠴᠢ ᠨᠠᠷ ᠡᠨᠡ ᠪᠣᠯ ᠰᠠᠶᠢ ᠲᠠᠯᠠ ᠨᠣᠲᠣᠬᠤᠨ ᠲᠠᠭᠣᠣ ᠬᠦᠭᠵᠢᠮᠤᠨ ᠦᠨᠡᠨ ᠮᠦᠨ ᠲᠦᠷᠰᠦ ᠪᠠᠢᠲᠠᠯ ᠭᠡᠮᠡᠨ ᠦᠨᠡᠯᠡᠵᠦ ᠪᠠᠢᠬᠰᠠᠨ》 ᠭᠡᠵᠦ ᠶᠠᠷᠢᠵᠦ ᠪᠠᠢᠯᠠ᠃
ᠲᠡᠢᠮᠦ ᠡ᠂ ᠬᠠᠪᠣᠷᠤᠨ ᠣᠷᠢᠨ ᠪᠣᠯᠬᠣᠢ ᠳ᠋ᠣᠷ ᠪᠢᠳᠡ ᠬᠠᠯᠢᠭᠣᠨ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠲᠠᠵᠦ ᠬᠠᠩᠬᠢᠨᠠᠲᠠᠯᠠ ᠲᠠᠭᠣᠯᠠᠵᠦ ᠬᠣᠯᠠᠶᠢ ᠵᠣᠷᠢᠲᠠᠬ ᠪᠦᠯᠦᠭᠡ᠃
ᠲᠦᠪ ᠲᠸᠯᠸᠢᠰ ᠤ᠋ᠨ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠦᠲᠡᠰᠢᠯᠡᠭᠡ ᠳ᠋ᠦ ᠣᠷᠣᠯᠴᠠᠬᠰᠠᠨ ᠲᠣᠬᠯᠠᠬᠴᠢᠳ
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠣᠣᠶᠢᠨ ᠬᠣᠪᠢᠯᠪᠣᠷᠢ
ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠᠶᠢᠨ ᠦᠲᠡᠰᠢᠯᠡᠭᠡ ᠳ᠋ᠦ ᠲᠠᠭᠣᠯᠠᠬᠰᠠᠨ 《ᠡᠷᠴᠢᠯᠡᠨ ᠲᠠᠪᠬᠢᠬᠤ ᠬᠠᠯᠢᠭᠤᠨ》 ᠪᠤᠯ ᠪᠠᠷᠭᠣ ᠠᠷᠠᠳᠤᠨ ᠣᠷᠲᠣᠶᠢᠨ ᠲᠠᠭᠣᠣ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》ᠢ᠋ ᠦᠭᠡᠷᠡᠴᠢᠯᠡᠨ ᠨᠠᠢᠷᠠᠭᠣᠯᠣᠬᠰᠠᠨ ᠶᠣᠮ᠃ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠣᠣ ᠦᠪᠦᠷ ᠮᠣᠩᠭᠣᠯ ᠲᠡᠳᠦᠢ ᠦᠭᠡᠢ ᠮᠤᠩᠭᠤᠯ ᠤᠯᠤᠰ ᠲᠠᠶᠠᠭᠠᠷ ᠴᠦ᠍ ᠦᠷᠭᠡᠨ ᠶ᠋ᠢᠡᠷ ᠲᠠᠷᠬᠠᠨ ᠲᠡᠯᠭᠡᠷᠡᠵᠦ ᠣᠯᠠᠨ ᠬᠣᠪᠢᠯᠪᠣᠷᠢ ᠪᠡᠷ ᠣᠯᠠᠮᠵᠢᠯᠠᠨ ᠲᠠᠭᠣᠯᠠᠵᠦ᠂ ᠨᠣᠲᠣᠬ ᠨᠣᠲᠣᠬᠤᠨ ᠣᠨᠴᠠᠯᠢᠬ ᠶ᠋ᠢᠡᠷ᠂ ᠦᠶᠡ ᠦᠶᠡᠶᠢᠨ ᠬᠦᠮᠦᠰᠤᠨ ᠰᠡᠳᠬᠢᠯᠤᠨ ᠴᠢᠪᠬᠠᠲᠠᠰᠣ ᠪᠣᠯᠣᠬᠰᠠᠭᠠᠷ ᠢᠷᠡᠵᠡᠢ᠃
《ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠴᠢᠭᠣᠯᠭᠠᠨ》᠂ 《ᠡᠵᠡᠨᠡ ᠠᠷᠠᠳᠤᠨ ᠲᠠᠭᠣᠣ》᠂ 《ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣ ᠲᠠᠪᠣᠨ ᠵᠠᠭᠣ》᠂ 《ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣᠶᠢᠨ ᠴᠣᠪᠣᠷᠠᠯ》 （ᠬᠦᠯᠦᠨ ᠪᠣᠢᠷ ᠠᠢᠮᠠᠬᠤᠨ ᠪᠣᠳᠢ）᠂ 《ᠮᠣᠩᠭᠣᠯ ᠠᠷᠠᠳᠤᠨ ᠣᠷᠲᠣᠶᠢᠨ ᠲᠠᠭᠣᠣ》 ᠪᠣᠯᠣᠨ ᠪᠦᠲᠦᠭᠡᠯᠲᠦᠶᠢᠨ ᠡᠷᠬᠢᠯᠡᠨ ᠨᠠᠢᠷᠠᠭᠣᠯᠣᠬᠰᠠᠨ 《ᠮᠣᠩᠭᠣᠯ ᠠᠷᠠᠳᠤᠨ ᠰᠣᠩᠭᠣᠲᠠᠬ ᠲᠠᠭᠣᠣᠶᠢᠨ ᠰᠣᠨᠢᠷᠬᠠᠮᠵᠢ》 ᠭᠡᠬᠦ ᠨᠣᠮ ᠳ᠋ᠦ ᠪᠦᠷ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣᠶᠢ ᠪᠠᠬᠲᠠᠭᠠᠨ ᠲᠡᠮᠲᠡᠭᠯᠡᠭᠰᠡᠨ ᠪᠠᠢᠨᠠ᠃
ᠦᠪᠦᠷ ᠮᠣᠩᠭᠣᠯᠤᠨ ᠰᠣᠷᠭᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠ ᠡᠴᠡ ᠬᠡᠪᠯᠡᠬᠦᠯᠦᠭᠰᠡᠨ 《ᠮᠣᠩᠭᠣᠯ ᠠᠷᠠᠳᠤᠨ ᠣᠷᠲᠣᠶᠢᠨ ᠲᠠᠭᠣᠣ》 ᠭᠡᠬᠦ ᠨᠣᠮ ᠳ᠋ᠦ ᠲᠣᠰ ᠲᠠᠭᠣᠣᠶᠢ 《ᠲᠦᠷᠪᠡᠨ ᠨᠠᠰᠣᠲᠠᠢ ᠪᠣᠷᠣ》 ᠭᠡᠰᠡᠨ ᠭᠠᠷᠴᠠᠬ ᠶ᠋ᠢᠡᠷ ᠲᠡᠮᠲᠡᠭᠯᠡᠵᠦ ᠲᠡᠬᠦᠨᠤ ᠦᠭᠡᠷᠡ ᠨᠢᠭᠡ ᠬᠣᠪᠢᠯᠪᠣᠷᠢ ᠨᠢ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠮᠡᠵᠦ᠄
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ ᠨᠢ
ᠲᠦᠷᠦᠭᠡ ᠵᠢᠬᠢᠬᠦ ᠳ᠋ᠦ ᠶᠦᠷᠬᠡᠭᠡ ᠲᠠᠢ
ᠲᠦᠷᠪᠡᠯᠵᠢᠯᠡᠭᠡᠳ ᠬᠠᠷᠠᠬᠲᠠᠬᠣ ᠪᠡᠷᠡ ᠨᠢ
ᠲᠦᠲᠡᠯᠡᠭᠰᠡᠨ ᠠᠮᠠᠷᠠᠬᠤᠨ ᠪᠠᠷᠠ ᠤᠤ
ᠲᠠᠪᠣᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ ᠨᠢ
ᠲᠠᠰᠢᠭᠣᠷ ᠡᠷᠬᠦᠬᠦ ᠳ᠋ᠦ ᠶᠦᠷᠭᠡᠭᠡ ᠲᠠᠢ
ᠲᠠᠷᠪᠠᠯᠵᠠᠭᠠᠳ ᠬᠠᠷᠠᠬᠲᠠᠬᠣ ᠪᠠᠷᠠ ᠨᠢ
ᠲᠠᠨᠢᠯᠴᠠᠬᠰᠠᠨ ᠠᠮᠠᠷᠠᠬᠤᠨ ᠪᠠᠷᠠ ᠤᠤ？》 ᠭᠡᠵᠡᠢ᠃
《ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣ ᠲᠠᠪᠣᠨ ᠵᠠᠭᠣ》 ᠭᠡᠬᠦ ᠨᠣᠮ ᠳ᠋ᠦ ᠲᠣᠰ ᠲᠠᠭᠣᠣᠶᠢ ᠴᠠᠬᠠᠷ ᠲᠦᠷᠪᠡᠳᠤᠨ ᠲᠠᠭᠣᠣ ᠳ᠋ᠦ ᠪᠠᠬᠲᠠᠭᠠᠵᠦ᠂ ᠲᠠᠭᠣᠣᠶᠢᠨ ᠦᠭᠡ ᠨᠢ ᠴᠦ᠍ ᠪᠠᠬᠠᠨ ᠬᠣᠪᠢᠷᠠᠯᠲᠠ ᠲᠠᠢ ᠪᠣᠯᠵᠦ᠄
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ ᠨᠢ ᠬᠦ
ᠲᠦᠷᠦᠭᠡ ᠬᠠᠩᠬᠢᠨᠠᠬᠣ ᠳ᠋ᠦ ᠦᠷᠬᠦᠭᠡ ᠲᠠᠢ ᠬᠦ
ᠲᠦᠷᠪᠡᠯᠵᠢᠯᠡᠭᠡᠳ ᠬᠠᠷᠠᠭᠲᠠᠬᠣ ᠪᠠᠷᠠ ᠨᠢ ᠬᠦ
ᠲᠦᠲᠡᠯᠡᠭᠰᠡᠨ ᠠᠮᠠᠷᠠᠬᠤᠨ ᠮᠢᠨᠢ ᠪᠠᠷᠠᠤᠤ ᠳ᠋ᠠ᠃
ᠲᠠᠪᠣ ᠪᠡᠷ ᠲᠠᠷᠣᠬᠰᠠᠨ ᠭᠡᠵᠢᠭᠡ ᠨᠢ ᠬᠦ
ᠲᠠᠯᠠᠶᠢᠨ ᠪᠣᠳᠢᠣᠯ ᠰᠢᠬ ᠬᠠᠷᠠᠭᠲᠠᠭᠠᠳ ᠪᠠᠢᠨᠠ
ᠲᠠᠪᠣᠯᠵᠢᠯᠠᠭᠠᠳ ᠬᠠᠷᠠᠭᠲᠠᠬᠣ ᠪᠠᠷᠠ ᠨᠢ ᠬᠦ
ᠲᠠᠨᠢᠯᠴᠠᠬᠰᠠᠨ ᠠᠮᠠᠷᠠᠬᠤᠨ ᠮᠢᠨᠢ ᠪᠠᠷᠠ ᠤᠤ ᠳ᠋ᠠ》 ᠭᠡᠲᠡᠭ᠃
《 ᠡᠵᠡᠨᠡ ᠠᠷᠠᠳᠤᠨ ᠲᠠᠭᠣᠣ》 ᠨᠣᠮ ᠳ᠋ᠦ ᠡᠨᠡ ᠲᠠᠭᠣᠣᠶᠢ ᠪᠠᠰᠠ᠄
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ ᠨᠢ
ᠲᠦᠷᠦᠭᠡ ᠬᠢᠰᠬᠢᠮᠡᠷ ᠦᠷᠪᠡᠭᠡᠨ ᠲᠠᠢ ᠰᠢᠦ
ᠲᠦᠷᠪᠡᠯᠵᠢᠯᠡᠭᠡᠳ ᠬᠠᠷᠠᠭᠲᠠᠬᠣ ᠪᠠᠷᠠ ᠨᠢ
ᠮᠠᠨᠤ ᠠᠬᠠ ᠨᠠᠷᠤᠨ ᠪᠡᠷᠡ᠃
ᠲᠠᠪᠣ ᠪᠡᠷ ᠲᠠᠷᠢᠬᠰᠠᠨ ᠲᠠᠷᠢᠶᠠ
ᠲᠠᠯᠠᠶᠢᠨ ᠪᠣᠲᠠᠩ ᠰᠢᠬ ᠬᠠᠷᠠᠭᠲᠠᠭᠠᠳ ᠪᠠᠢᠨᠠ
ᠲᠠᠪᠣᠯᠵᠠᠭᠠᠳ ᠬᠠᠷᠠᠭᠲᠠᠬᠣ ᠪᠠᠷᠠ ᠨᠢ
ᠮᠠᠨᠤ ᠠᠬᠠ ᠨᠠᠷᠤᠨ ᠪᠠᠷᠠ》 ᠭᠡᠵᠦ ᠲᠠᠭᠣᠯᠠᠲᠠᠬ ᠠᠵᠢ᠃
ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣ ᠳ᠋ᠦ ᠬᠦᠯᠦᠭ ᠮᠣᠷᠢ ᠪᠡᠷ ᠰᠡᠳᠦᠪᠯᠡᠭᠰᠡᠨ ᠲᠠᠭᠣᠣ ᠪᠢᠰᠢᠬᠦᠢ ᠣᠯᠠᠨ ᠪᠠᠢᠵᠦ᠂ ᠠᠪᠣ ᠡᠵᠢ᠂ ᠠᠮᠠᠷᠠᠬ ᠬᠠᠨᠢ᠂ ᠲᠦᠷᠦᠭᠰᠡᠨ ᠨᠣᠲᠣᠬᠤᠨ ᠲᠣᠬᠠᠢ ᠰᠠᠨᠠᠯ ᠮᠦᠷᠦᠭᠡᠲᠦᠯ ᠶ᠋ᠢᠡᠨ ᠮᠣᠷᠢ ᠪᠡᠷ ᠦᠯᠢᠭᠡᠷᠯᠡᠨ ᠲᠠᠭᠣᠯᠠᠲᠠᠬ᠃ 《ᠮᠣᠩᠭᠣᠯ ᠠᠷᠠᠳᠤᠨ ᠰᠣᠩᠭᠣᠲᠠᠬ ᠲᠠᠭᠣᠣᠶᠢᠨ ᠰᠣᠨᠢᠷᠬᠠᠮᠵᠢ》 ᠨᠣᠮ ᠳ᠋ᠦ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠣᠣᠶᠢ ᠲᠠᠭᠣᠣ ᠬᠦᠭᠵᠢᠮᠤᠨ ᠲᠠᠯᠠ ᠡᠴᠡ ᠵᠠᠲᠠᠯᠣᠨ ᠰᠢᠨᠵᠢᠯᠡᠵᠦ᠂ ᠬᠣᠶᠠᠷ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢ ᠲᠠᠢ᠂ ᠨᠡᠢᠲᠡ ᠬᠣᠶᠠᠷ ᠪᠠᠲᠠᠬ ᠰᠢᠯᠦᠭ ᠶ᠋ᠢᠡᠷ ᠪᠦᠷᠢᠯᠲᠦᠵᠦ᠂ ᠪᠠᠲᠠᠬ ᠪᠦᠷᠢᠶᠢᠨ ᠨᠢᠭᠡ ᠮᠦᠷ ᠨᠢ ᠬᠣᠶᠠᠷ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢ ᠲᠠᠢ ᠵᠣᠬᠢᠴᠠᠲᠠᠬ᠃ ᠲᠡᠭᠡᠷᠡ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢ ᠨᠢ ᠱᠠᠩᠲᠠᠭᠣᠨ ᠲᠡᠭᠡᠷᠡ ᠵᠣᠬᠰᠣᠵᠦ ᠡᠬᠦᠨ ᠳ᠋ᠦ ᠨᠢᠭᠡᠲᠦᠭᠡᠷ ᠬᠦᠭᠵᠢᠮᠤᠨ ᠲᠠᠰᠣᠯᠪᠣᠷᠢ ᠳ᠋ᠦ ᠨᠠᠢ᠍ᠮᠠᠴᠠᠶᠢᠨ ᠶᠡᠬᠡ ᠦᠰᠦᠷᠦᠯᠲᠡ ᠶᠠᠪᠣᠬᠲᠠᠨ᠂ ᠴᠢᠮᠡᠭ ᠲᠠᠭᠣᠨ ᠲᠠᠢ ᠵᠢᠲᠠᠭᠣᠨ ᠲᠡᠭᠡᠷᠡ ᠲᠡᠬᠦᠰᠴᠦ᠂ ᠪᠦᠬᠦᠢᠯᠡ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢᠶᠢᠨ ᠠᠶᠠᠰ ᠨᠢ ᠲᠠᠪᠠᠯᠭᠠᠨ ᠮᠡᠲᠦ ᠶᠠᠪᠣᠬᠲᠠᠵᠠᠢ᠃ ᠲᠣᠣᠷᠠ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢᠶᠢᠨ ᠡᠮᠦᠨᠡᠬᠢ ᠲᠠᠰᠣᠯᠪᠣᠷᠢ ᠨᠢ ᠬᠦᠩᠲᠠᠬᠦᠨ ᠲᠡᠭᠡᠷᠡ ᠵᠣᠬᠰᠣᠵᠦ᠂ ᠵᠠᠯᠭᠠᠭᠠᠳ ᠲᠣᠣᠷᠠ ᠨᠠᠢ᠍ᠮᠠᠴᠠ ᠪᠠᠨ ᠶᠦᠲᠠᠭᠣᠨ ᠶ᠋ᠢᠡᠷ ᠡᠬᠢᠯᠡᠨ᠂ 《ᠬᠦ》 ᠤ᠋ᠨ ᠡᠭᠡᠰᠢᠭᠲᠦ ᠨᠣᠭᠣᠯᠣᠭᠠ ᠲᠠᠢ ᠵᠢᠲᠠᠭᠣᠨ ᠲᠡᠭᠡᠷᠡ ᠲᠡᠬᠦᠰᠦᠭᠰᠡᠨ ᠪᠠᠢᠨᠠ᠃ ᠲᠡᠭᠡᠷᠡ ᠲᠣᠣᠷᠠ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢ ᠨᠢ 《ᠬᠠᠷᠢᠶᠠ — ᠭᠣᠣᠯ》 ᠤ᠋ᠨ ᠬᠠᠷᠢᠴᠠᠭᠠ ᠲᠠᠢ᠃ ᠲᠠᠭᠣᠣᠶᠢᠨ ᠮᠠᠲ᠋ᠸᠷᠢᠶᠠᠯᠤᠨ ᠲᠠᠯᠠ ᠪᠡᠷ ᠲᠡᠭᠡᠷᠡ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢᠶᠢᠨ ᠬᠣᠢᠨᠠᠬᠢ ᠲᠠᠰᠣᠯᠪᠣᠷᠢᠶᠢᠨ ᠮᠠᠲ᠋ᠸᠷᠢᠶᠠᠯᠢ ᠲᠣᠣᠷᠠ ᠬᠦᠭᠵᠢᠮᠤᠨ ᠦᠬᠦᠯᠡᠪᠦᠷᠢ ᠳ᠋ᠦ ᠠᠢᠵᠠᠮᠢ ᠨᠢ ᠬᠣᠪᠢᠷᠠᠭᠠᠨ ᠲᠠᠪᠲᠠᠬᠰᠠᠨ ᠨᠢ ᠬᠠᠢᠷᠠ ᠰᠡᠳᠬᠢᠯᠭᠡ ᠪᠠᠨ ᠨᠡᠩ ᠬᠦᠨᠵᠡᠭᠡᠢ ᠲᠣᠰᠬᠠᠵᠦ ᠴᠢᠲᠠᠬᠰᠠᠨ ᠭᠡᠵᠦ ᠦᠨᠡᠯᠡᠵᠡᠢ᠃
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠤᠤ ᠵᠢᠨ ᠲᠤᠮᠤᠭ
ᠮᠣᠩᠭᠣᠯ ᠨᠣᠲᠣᠬᠤᠨ ᠠᠭᠣᠯᠠ ᠪᠣᠯᠭᠠᠨ ᠨᠢ ᠦᠯᠢᠭᠡᠷ ᠲᠠᠢ᠂ ᠲᠠᠭᠣᠣ ᠪᠣᠯᠭᠠᠨ ᠨᠢ ᠲᠣᠮᠣᠬ ᠲᠠᠢ᠃ ᠦᠪᠦᠷ ᠮᠣᠩᠭᠣᠯ ᠲᠠᠶᠠᠭᠠᠷ ᠣᠯᠠᠮᠵᠢᠯᠠᠨ ᠲᠠᠭᠣᠯᠠᠵᠦ ᠦᠢ ᠣᠯᠠᠨᠤ ᠪᠠᠬᠠᠷᠬᠠᠯᠢ ᠣᠯᠣᠬᠰᠠᠨ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣᠵᠢᠨ ᠡᠬᠦᠰᠦᠯᠤᠨ ᠲᠤᠬᠠᠢ ᠡᠢᠮᠦ ᠨᠢᠭᠡᠨ ᠣᠯᠠᠮᠵᠢᠯᠠᠯ ᠲᠣᠮᠣᠬ ᠪᠠᠢᠲᠠᠬ᠄
ᠪᠣᠢᠷ ᠨᠠᠭᠤᠷᠤᠨ ᠬᠠᠪᠢ ᠪᠡᠷ ᠭᠠᠯᠳᠠᠨ ᠪᠠᠢᠯᠠ ᠭᠡᠭᠴᠢ ᠪᠠᠶᠠᠨᠤ ᠬᠢ ᠨᠤᠲᠤᠭᠯᠠᠳᠠᠭ ᠪᠠᠢᠵᠠᠢ᠃ ᠲᠡᠷᠡᠪᠡᠷ ᠠᠰᠤᠷᠤ ᠶᠡᠬᠡ ᠮᠠᠯ ᠬᠤᠰᠢ ᠲᠠᠢ ᠪᠠᠢᠵᠦ᠂ ᠲᠡᠭᠦᠨᠢ ᠨᠢ ᠠᠲᠤᠭᠤᠯᠠᠬᠤ ᠬᠥᠯᠥᠰᠦᠨᠦ ᠣᠯᠠᠨ ᠵᠠᠷᠤᠴᠠ ᠠᠷᠠᠳᠲᠠᠢ᠂ ᠡᠳ᠋ ᠬᠥᠷᠥᠩᠭᠡᠳᠡᠭᠡᠨ ᠰᠠᠭᠠᠭᠰᠠᠨ ᠨᠢᠭᠡᠨ ᠠᠵᠢ᠃ ᠭᠠᠯᠳᠠᠨ ᠪᠠᠢᠯᠠᠵᠢᠨ ᠪᠠᠭᠠ ᠬᠠᠳᠤᠨ ᠠᠯᠢᠮᠠ ᠭᠡᠭᠴᠢ ᠡᠷᠬᠡ ᠳᠤᠷᠠ ᠪᠡᠷ ᠵᠢᠡᠨ ᠦᠪᠡᠷᠲᠤᠨᠢ ᠲᠤᠰᠠ ᠦᠬᠡᠢ ᠰᠠᠨᠠᠭᠳᠠᠭᠰᠠᠨ ᠬᠦᠮᠦᠨ ᠪᠦᠬᠦᠨᠢ ᠨᠤᠶᠠᠨᠳᠦ ᠬᠤᠪᠯᠠᠨ ᠬᠤᠵᠢᠭᠢᠷ ᠫᠦᠷᠪᠦ ᠪᠡᠷ ᠵᠤᠳᠤᠭᠤᠯᠵᠦ ᠴᠡᠭᠡᠷᠯᠡᠭᠦᠯᠳᠡᠭ ᠭᠡᠨᠡ᠃
ᠲᠡᠭᠡᠬᠦ ᠳ᠋ᠦ ᠰᠠᠷᠠᠬᠡᠳᠡᠷ ᠭᠡᠭᠴᠢ ᠴᠡᠭᠡᠯ ᠬᠣᠭᠣᠯᠠᠢᠲᠠᠢ᠂ ᠰᠡᠢ᠍ᠢᠬᠠᠠ ᠳᠠᠭᠤᠯᠠᠳᠠᠭ ᠨᠢᠭᠡᠨ ᠰᠡᠢ᠍ᠢᠬᠠᠠ ᠡᠷᠡ ᠪᠠᠢᠵᠠᠢ᠃ ᠲᠡᠭᠦᠨᠳᠤ ᠭᠠᠯᠳᠠᠨ ᠪᠠᠶᠠᠨᠤ ᠪᠠᠭᠠ ᠬᠠᠳᠤᠨ ᠠᠯᠢᠮᠠ ᠬᠠᠴᠢᠨ ᠰᠠᠢᠨ ᠪᠣᠯᠵᠤ᠂ ᠠᠷᠤᠠᠴᠠ ᠨᠢ ᠦᠭᠡ ᠬᠡᠯᠡᠭᠦᠯᠵᠦ ᠤᠴᠠᠷᠠᠯ ᠪᠦᠷᠢᠳᠦᠭᠦᠯᠬᠦᠶᠢ ᠰᠠᠨᠠᠭᠤᠯᠵᠤ᠂ ᠠᠭᠤᠯᠵᠠᠭᠠ ᠭᠣᠶᠣᠵᠤ ᠲᠤᠢᠳᠠᠭ ᠪᠠᠢᠭᠰᠠᠨ ᠴᠤ᠌ ᠤᠢᠰᠢᠶᠠᠭᠰᠠᠨ ᠦᠬᠡᠢ ᠭᠡᠨᠡ᠃ ᠬᠠᠷᠢᠨ ᠭᠠᠯᠳᠠᠨ ᠪᠠᠢᠯᠠ ᠵᠢᠨ ᠭᠡᠷᠲᠤᠨᠢ ᠵᠡᠷᠦᠴᠠ ᠬᠢᠳᠡᠭ ᠡᠮᠡᠭᠡᠨᠤ 16 ᠨᠠᠰᠤᠲᠠᠢ ᠦᠬᠢᠨ ᠰᠦᠷᠦᠩ ᠠᠳᠤᠭᠤᠴᠢᠨ ᠰᠠᠷᠠᠬᠡᠳᠡᠷ ᠲᠠᠢ ᠬᠠᠢᠷᠠᠶᠢᠨ ᠬᠠᠷᠢᠯᠴᠠᠭᠠ ᠲᠠᠢ ᠪᠣᠯᠵᠦ᠂ ᠠᠭᠤᠯᠵᠠᠵᠤ ᠤᠴᠠᠷᠠᠳᠠᠭ ᠪᠠᠢᠪᠠ᠃ ᠵᠡᠷᠦᠴᠠ ᠨᠢ ᠰᠠᠷᠠᠬᠡᠳᠡᠷ ᠲᠠᠢ ᠤᠴᠢᠷᠲᠠᠢ ᠮᠦᠷᠲᠡᠭᠡᠨ ᠵᠢᠷᠮᠦᠰᠦᠨ ᠭᠡᠳᠡᠭ ᠬᠣᠪᠢ ᠠᠯᠢᠮᠠ ᠬᠠᠲᠣᠨ ᠣᠯᠵᠤ ᠰᠤᠨᠤᠰᠤᠭᠠᠳ ᠰᠠᠷᠠᠬᠡᠳᠡᠷᠢ ᠠᠳᠤᠭᠤ ᠮᠠᠨᠠᠬᠤ ᠡᠭᠡᠯᠵᠢᠲᠠᠢ ᠦᠶᠡᠳᠤᠨᠢ ᠠᠯᠢᠮᠠ ᠬᠠᠲᠣᠨ ᠵᠠᠷᠤᠴᠠᠶᠢᠨ ᠦᠬᠢᠨ ᠰᠦᠷᠦᠩᠢ ᠪᠠᠷᠢᠭᠤᠯᠵᠤ᠂ ᠫᠦᠷᠪᠦᠪᠠᠷ ᠵᠣᠳᠣᠭᠤᠯᠵᠤ ᠲᠠᠮᠤᠯᠠᠪᠠ᠃ ᠫᠦᠷᠪᠦᠶᠢᠨ ᠭᠠᠷᠤᠨ ᠬᠦᠨᠳᠤ ᠴᠣᠬᠢᠯᠲᠠᠠᠴᠠ ᠪᠣᠯᠵᠤ ᠰᠦᠷᠦᠩ ᠠᠮᠢ ᠪᠡᠨ ᠠᠯᠳᠠᠵᠠᠢ᠃ ᠲᠡᠳᠡᠨᠤ ᠬᠢᠭᠰᠡᠨ ᠵᠦᠢᠯ ᠢ᠋ ᠪᠠᠩᠵᠠᠢᠶᠢᠨ ᠳᠣᠨᠤᠢ ᠭᠡᠮᠡᠬᠦ ᠠᠳᠤᠭᠤᠴᠢᠨ ᠠᠨᠳᠠ ᠨᠢ ᠰᠠᠷᠠᠬᠡᠳᠡᠷᠤᠨ ᠴᠢᠬᠢᠨᠳᠤ ᠬᠦᠷᠭᠡᠵᠡᠢ᠃ ᠬᠠᠶ᠋ᠢᠷᠠᠲᠠᠢ ᠪᠦᠰᠡᠭᠦᠢ ᠨᠢ ᠬᠡᠦᠬᠡᠳᠦᠨ ᠬᠢᠨᠢ ᠬᠠᠮᠲᠤ ᠠᠮᠢ ᠪᠡᠨ ᠠᠯᠳᠠᠭᠰᠠᠨᠢ ᠰᠣᠨᠣᠰᠤᠭᠠᠳ ᠬᠢᠯᠢᠩᠨᠡᠵᠦ ᠭᠠᠰᠢᠭᠤᠳᠠᠭᠰᠠᠨ ᠰᠠᠷᠠᠬᠡᠳᠡᠷ ᠫᠦᠷᠪᠦᠶᠢᠨ ᠭᠡᠷᠲᠤ ᠳᠠᠪᠬᠢᠵᠤ ᠣᠴᠢᠭᠠᠳ᠂ ᠬᠡᠮᠬᠡᠷᠡᠲᠡᠯᠡ ᠨᠦᠳᠦᠵᠦ ᠲᠡᠬᠦᠨᠢ ᠠᠯᠡᠬᠤ ᠭᠡᠵᠦ ᠪᠠᠶ᠋ᠢᠲᠠᠯᠠ ᠠᠯᠢᠮᠠᠶᠢᠨ ᠳᠠᠭᠤᠳᠠᠯᠭᠠ ᠪᠡᠷ ᠢᠷᠡᠭᠰᠡᠨ ᠬᠣᠰᠢᠭᠤ ᠲᠠᠮᠠᠭᠠᠶᠢᠨ ᠭᠠᠵᠠᠷᠤᠨ ᠬᠢᠨ ᠠᠮᠵᠢᠨ ᠢᠷᠠᠵᠤ ᠰᠠᠷᠠᠬᠡᠳᠡᠷᠢ ᠪᠠᠷᠢᠭᠠᠳ ᠬᠠᠷᠠ ᠭᠡᠷᠲᠤ ᠬᠣᠷᠢᠪᠠ᠃
ᠠᠯᠢᠮᠠ ᠠᠪᠠᠭᠠᠢᠶᠢᠨ ᠬᠦᠳᠭᠡᠯᠭᠡᠪᠠᠷ ᠰᠠᠷᠠᠬᠡᠳᠡᠷ ᠵᠢᠷᠮᠦᠰᠦᠨ ᠦᠬᠢᠨ ᠰᠦᠷᠦᠩᠤᠨ ᠠᠮᠢ ᠵᠢ ᠨᠢ ᠬᠤᠷᠤᠭᠠᠭᠰᠠᠨ ᠪᠥᠭᠡᠳ ᠲᠡᠭᠦᠨᠢ ᠪᠣᠯᠢᠭᠤᠯᠬᠤ ᠭᠡᠰᠡᠨ ᠰᠢᠳᠤᠷᠭᠤ ᠰᠠᠢᠨ ᠬᠥᠮᠦᠨ ᠫᠦᠷᠪᠦᠶᠢ ᠴᠤᠬᠢᠵᠤ᠂ ᠨᠠᠰᠦᠨ ᠲᠤᠷᠰᠢᠳᠠ ᠲᠠᠬᠢᠷ ᠲᠠᠲᠠᠭᠤ᠂ ᠰᠠᠭᠤᠮᠠᠭᠠᠶ ᠪᠤᠯᠭᠠᠭᠰᠠᠨ ᠪᠤᠷᠤᠭᠤᠲᠠᠨ ᠪᠣᠯᠵᠤ ᠴᠠᠭᠠᠵᠠᠯᠠᠭᠤᠯᠬᠤ ᠶᠠᠯᠠᠲᠠᠨ ᠪᠣᠯᠵᠠᠢ᠃
ᠠᠯᠢᠮᠠ ᠠᠪᠠᠭᠠᠢ ᠫᠦᠷᠪᠦ ᠨᠠᠷ ᠲᠡᠷᠡ ᠬᠦ᠌ ᠪᠣᠯᠣᠭᠰᠠᠨ ᠦᠶ᠋ᠯᠡ ᠶᠠᠪᠤᠳᠠᠯᠢ ᠬᠣᠰᠢᠭᠤᠨᠤ ᠣᠯᠠᠨᠳᠤ ᠮᠠᠰᠢ ᠪᠤᠷᠤᠭᠤ ᠣᠢᠯᠠᠭᠠᠭᠤᠯᠤᠭᠰᠠᠨ ᠲᠤᠯᠠ ᠠᠷᠠᠳᠤᠳ ᠡᠮᠵᠡᠭᠯᠡᠨ ᠰᠠᠷᠠᠬᠡᠳᠡᠷᠲᠦ ᠶᠡᠭᠡᠳᠠ ᠬᠢᠯᠢᠩᠨᠡᠵᠡᠭᠡᠪᠡ᠃ ᠬᠠᠷᠢᠨ ᠰᠠᠷᠠᠬᠡᠳᠡᠷ ᠲᠠᠢ ᠬᠠᠮᠲᠤ ᠠᠳᠤᠭᠤ ᠬᠠᠷᠢᠭᠤᠯᠳᠠᠭ ᠳᠣᠨᠤᠢ ᠯᠡ ᠤᠴᠢᠷ ᠪᠠᠢᠳᠠᠯᠢ ᠦᠨᠡᠨ ᠵᠥᠪᠢᠶᠡᠷ ᠨᠢ ᠣᠢᠯᠠᠭᠠᠵᠤ ᠪᠠᠢᠭᠰᠠᠨ ᠴᠤ᠌ ᠡᠵᠡᠷᠬᠡᠭ ᠵᠠᠰᠠᠭᠤᠨ ᠠ᠋ᠷᠭᠡ ᠮᠡᠲᠡᠯᠲᠡᠨ ᠨᠤᠭᠦᠳᠲᠠᠢ ᠰᠢᠳᠠᠷᠯᠠᠭᠰᠠᠨ ᠪᠠᠶᠠᠨᠤ ᠡᠰᠡᠷᠭᠦ ᠶᠠᠭᠠᠬᠢᠵᠦ ᠴᠦ᠍ ᠴᠢᠲᠠᠬᠣ ᠦᠭᠡᠢ ᠪᠠᠢᠯᠠ᠃ ᠳᠣᠨᠤᠢ ᠪᠠᠭᠠᠶᠢᠨ ᠠᠨᠳᠠ ᠪᠡᠨ ᠲᠡᠭᠡᠭᠡᠳ ᠦᠭᠦᠭᠦᠯᠴᠢᠬᠡᠬᠦᠶᠢ ᠬᠦᠰᠡᠭᠡ ᠦᠭᠡᠢ ᠲᠤᠯᠠ ᠬᠡᠰᠡᠭ ᠨᠥᠬᠥᠳᠤᠨ ᠬᠠᠮᠲᠤ ᠵᠢᠰᠦᠪᠡᠨ ᠪᠣᠷᠣᠭᠣᠯᠠᠵᠦ᠂ ᠰᠥᠨᠢ ᠬᠤᠭᠤᠰᠯᠠᠨ ᠳᠠᠪᠬᠢᠭ᠍ᠰᠠᠭᠠᠷ ᠬᠣᠰᠢᠭᠤᠨᠤ ᠬᠡᠷᠡᠭ ᠰᠢᠢᠳᠭᠡᠬᠦ ᠭᠠᠵᠠᠷᠲᠤ ᠬᠦᠷᠴᠦ᠂ ᠵᠣᠳᠣᠯᠳᠤᠨ ᠪᠠᠢᠵᠤ ᠰᠠᠷᠠᠬᠡᠳᠡᠷᠢ ᠠᠪᠤᠷᠠᠵᠤ ᠭᠠᠷᠭᠠᠪᠠ᠃ ᠲᠡᠭᠡᠭᠡᠳ ᠭᠠᠯᠳᠠᠨ ᠪᠠᠶᠠᠨᠤ ᠠᠳᠤᠭᠤᠨ ᠰᠦᠷᠦᠭᠤᠨ ᠳᠤᠮᠳᠠᠠᠴᠠ ᠬᠥᠲᠥᠯᠵᠦ ᠠᠪᠴᠢᠷᠠᠭᠰᠠᠨ ᠰᠣᠷ ᠪᠣᠯᠣᠭᠰᠠᠨ ᠬᠤᠷᠳᠤᠨ ᠬᠦᠯᠦᠭ ᠳᠥᠷᠪᠡᠨ ᠨᠠᠰᠤᠲᠠᠢ ᠬᠠᠯᠢᠭᠤᠨᠢ ᠡᠮᠡᠭᠡᠯᠯᠡᠵᠦ ᠮᠣᠷᠳᠠᠭᠤᠯᠤᠭᠠᠳ᠂ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠪᠡᠷ ᠵᠢᠭᠤᠲᠠᠨ ᠣᠳᠬᠤᠶᠢ ᠵᠠᠬᠢᠵᠠᠢ᠃ ᠠᠷᠤᠠᠴᠠ ᠨᠢ ᠨᠡᠬᠡᠭᠰᠡᠳ ᠳᠥᠷᠪᠡᠨ ᠨᠠᠰᠤᠲᠠᠢ ᠬᠠᠯᠢᠭᠤᠨᠤ ᠲᠣᠭᠣᠰᠣ᠌ᠶᠢ ᠨᠢ ᠴᠤ᠌ ᠬᠠᠷᠠᠵᠤ ᠴᠢᠳᠠᠭᠠ ᠦᠭᠡᠢ ᠠᠵᠢ᠃
ᠢᠩᠭᠢᠵᠦ ᠡᠷᠡᠯᠬᠡᠭ ᠡᠷᠡ᠂ ᠡᠷᠡᠮᠡᠬᠡᠶ ᠬᠦᠯᠦᠭ ᠬᠤᠶᠠᠷ ᠬᠤᠪᠢ ᠵᠠᠶᠠᠭᠠ ᠪᠡᠨ ᠬᠣᠯᠪᠣᠨ᠂ ᠡᠨᠡ ᠣᠷᠴᠢᠯᠠᠩᠤᠨ ᠵᠤᠪᠡᠯᠡᠡᠭ ᠵᠢᠷᠭᠠᠯᠢ ᠬᠠᠮᠲᠤᠳᠠᠭᠠᠨ ᠡᠯᠡᠭᠡᠨ᠂ ᠡᠭᠡᠭᠡ ᠯᠡ ᠨᠢᠭᠡ ᠡᠬᠡᠡᠴᠡ ᠲᠥᠷᠦᠭᠰᠡᠨ ᠠᠬᠠᠨ ᠳᠡᠭᠦᠦᠰ ᠮᠡᠳᠤ ᠢᠵᠢᠯᠢᠳᠤᠨ ᠳᠠᠰᠴᠤ᠂ ᠪᠠᠷᠭᠤᠶᠢᠨ ᠦᠷᠬᠡᠨ ᠠᠭᠤᠳᠠᠮ ᠲᠠᠯᠠ ᠪᠡᠷ ᠲᠡᠪᠬᠢᠵᠤ ᠪᠠᠢᠵᠡᠢ᠃ ᠣᠨ ᠵᠢᠯ ᠦᠨᠭᠭᠡᠷᠡᠭᠰᠡᠠ ᠴᠤ᠌ ᠵᠠᠯᠠᠭᠤ ᠡᠷᠡᠶᠢᠨ ᠰᠡᠳᠬᠢᠯᠤᠨ ᠰᠢᠷᠬᠠ ᠠᠨᠠᠯᠦᠭᠡᠢ ᠬᠠᠶ᠋ᠢᠷᠠᠲᠠᠢ ᠪᠦᠰᠡᠭᠦᠢᠲᠠᠢᠪᠠᠨ ᠵᠢᠷᠭᠠᠯᠲᠠᠢ ᠪᠠᠢᠭᠰᠠᠨᠢᠶᠠᠨ ᠰᠠᠨᠠᠵᠦ᠂ ᠰᠡᠦᠡᠬᠢᠯᠤᠨ ᠰᠢᠨᠠᠯᠤᠯᠢᠶᠠᠨ ᠲᠠᠭᠤᠤ ᠪᠣᠯᠭᠠᠨ ᠵᠣᠬᠢᠶᠠᠵᠤ ᠪᠠᠷᠭᠤ ᠨᠤᠲᠤᠭᠢᠶᠠᠷ ᠬᠠᠡᠭᠭᠢᠨᠠᠭᠤᠯᠤᠨ ᠲᠠᠭᠤᠯᠠᠬᠰᠠᠨ ᠭᠡᠲᠡᠭ᠃
ᠲᠡᠷᠡ ᠴᠠᠭᠠᠴᠠ ᠬᠣᠢᠰᠢ ᠰᠡᠷᠡᠭᠡᠲᠡᠷ ᠬᠠᠢᠯᠠᠷ ᠬᠣᠲᠠᠠᠴᠠ ᠬᠤᠢ᠍ᠢᠨᠠ ᠣᠷᠤᠰᠢᠬᠤ 《ᠨᠠᠭᠠᠨᠲᠠᠢᠶᠢᠨ ᠨᠠᠷᠠᠰᠤ》᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠣᠰᠢᠭᠤᠨᠤ 《ᠳᠦᠩᠭᠢᠨᠡᠬᠦ ᠤᠯᠢᠶᠠᠰᠤᠲᠠᠢ》 ᠬᠣᠶᠠᠷᠤᠨ ᠬᠤᠭᠤᠷᠦᠡᠳᠦ ᠬᠠᠢᠷᠠᠳᠠᠢ ᠬᠦᠮᠦᠨᠢᠶᠠᠨ ᠰᠠᠨᠠᠨ ᠪᠤᠳᠤᠨ᠂ ᠦᠳᠡᠰᠢᠶᠢᠨ ᠪᠦᠷᠦᠢ ᠪᠠᠷ ᠭᠠᠨᠵᠤᠭᠠ ᠢᠮᠲᠠᠢ ᠪᠣᠷᠤ ᠮᠣᠷᠢᠪᠠᠷᠢᠶᠠᠨ ᠳᠠᠪᠬᠢᠨ ᠶᠠᠪᠤᠬᠤᠳᠠᠭᠠᠨ 《ᠳᠥᠷᠪᠡᠨ ᠨᠠᠰᠤᠲᠠᠢ ᠪᠣᠷᠤ》᠂ 《ᠳᠥᠷᠪᠡᠨ ᠰᠧ ᠵᠢᠨ ᠬᠠᠯᠢᠭᠤᠨ》 ᠶ᠋ᠢᠡᠨ ᠳᠠᠭᠤᠯᠠᠭᠠᠳ ᠳᠠᠪᠬᠢᠭᠣᠯᠲᠠᠬ ᠪᠣᠯᠵᠠᠢ᠃ ᠲᠠᠭᠤᠤ ᠵᠢᠨ ᠦᠭᠡ ᠠᠭᠠᠵᠢᠮᠳᠠᠭᠠᠨ ᠬᠤᠪᠢᠰᠤᠭᠰᠠᠭᠠᠷ ᠪᠣᠷᠤ ᠠᠳᠤᠭᠤᠨᠤ ᠵᠢᠰᠦᠮ ᠨᠢ ᠬᠠᠯᠢᠭᠤᠨ ᠪᠣᠯᠣᠭᠰᠠᠨ ᠪᠣᠯᠣᠯᠲᠠᠢ᠃ ᠲᠡᠷᠡ ᠳᠠᠭᠤᠤ ᠨᠢ ᠪᠠᠷᠭᠤ ᠠᠷᠠᠳᠤᠨ ᠳᠠᠭᠤᠤ 《ᠳᠥᠷᠪᠡᠨ ᠨᠠᠰᠤᠲᠠᠢ ᠬᠠᠯᠢᠭᠤᠨ》 ᠪᠠᠢᠭᠰᠠᠨ ᠪᠦᠬᠡᠳ ᠵᠠᠭᠤᠨ ᠵᠠᠭᠤᠨ ᠵᠢᠡᠷ ᠪᠠᠷᠭᠤ ᠠᠷᠠᠳᠤᠨ ᠲᠤᠮᠳᠠ ᠲᠠᠷᠬᠠᠵᠦ ᠲᠠᠭᠤᠯᠠᠭᠳᠠᠵᠦ ᠡᠳᠦᠭᠡ ᠪᠣᠯᠣᠬᠰᠠᠨ ᠠᠵᠢ᠃
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠳᠠᠭᠤᠤ ᠶᠢ ᠬᠠᠮᠤᠭ ᠠᠡᠭᠬᠠ ᠪᠠᠷᠭᠤ ᠵᠢᠨ ᠠᠯᠳᠠᠷᠳᠤ ᠲᠠᠭᠤᠴᠢᠨ ᠪᠠᠳᠮᠠ ᠲᠠᠭᠤᠯᠠᠵᠤ ᠰᠢᠡᠭᠭᠡᠭᠡᠭᠰᠡᠨ ᠪᠦᠬᠡᠳ ᠲᠡᠬᠦᠨᠤ ᠱᠠᠪᠢ ᠨᠠᠷᠠᠳᠤ ᠠᠷᠠᠳᠤᠨ ᠲᠠᠭᠤᠴᠢᠨ ᠱᠤᠭᠠᠷᠠ ᠤᠶᠤᠨᠰᠤᠳᠤ ᠲᠡᠭᠡᠷᠠ ᠵᠠᠭᠤᠨᠤ ᠨᠠᠶᠠᠭᠠᠳ ᠤᠨᠳᠤ ᠵᠠᠯᠭᠠᠮᠵᠢᠯᠠᠨ ᠲᠠᠭᠤᠯᠠᠵᠡᠢ᠃
ᠲᠡᠭᠡᠷᠡ ᠦᠬᠦᠯᠡᠭᠰᠡᠨ 《ᠮᠣᠩᠭᠣᠯ ᠠᠷᠠᠳᠤᠨ ᠣᠷᠲᠣᠶᠢᠨ ᠲᠠᠭᠣᠣ》 ᠭᠡᠬᠦ ᠨᠣᠮ ᠳ᠋ᠦ ᠪᠠᠰᠠ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠣᠣᠶᠢᠨ ᠵᠣᠬᠢᠶᠠᠬᠴᠢ ᠪᠣᠯ ᠪ·ᠰᠡᠷᠡᠳᠡᠷ ᠭᠡᠮᠡᠨ ᠴᠣᠬᠣᠰ ᠲᠡᠮᠲᠡᠭᠯᠡᠭᠰᠡᠨ ᠪᠠᠢᠨᠠ᠃
ᠲᠡᠭᠡᠪᠡᠯ 《ᠲᠦᠷᠪᠡᠨ ᠨᠠᠰᠣᠲᠠᠢ ᠪᠣᠷᠣ》 ᠪᠣᠯᠣᠨ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠨᠢ ᠨᠢᠭᠡ ᠲᠠᠭᠣᠣᠶᠢᠨ ᠬᠣᠶᠠᠷ ᠣᠨᠲᠣᠣ ᠬᠣᠪᠢᠯᠪᠣᠷᠢ ᠶᠣᠮᠤᠤ？ ᠡᠰᠡᠪᠡᠯ ᠬᠣᠶᠠᠷ ᠣᠨᠲᠣᠣ ᠲᠠᠭᠣᠣ ᠶᠣᠮᠤᠤ？ ᠡᠨᠡ ᠲᠣᠬᠠᠢ ᠡᠷᠳᠡᠮᠲᠡᠨ ᠬ·ᠰᠠᠮᠫᠢᠯᠲᠠᠨᠲᠠᠪᠤᠨ ᠡᠮᠬᠢᠳᠭᠡᠨ ᠨᠠᠢᠷᠠᠭᠣᠯᠣᠬᠰᠠᠨ 《ᠮᠣᠩᠭᠣᠯ ᠲᠣᠮᠣᠬᠤᠨ ᠴᠢᠭᠣᠯᠭᠠᠨ》 ᠪᠣᠯᠣᠨ 《ᠮᠣᠩᠭᠣᠯ ᠲᠣᠮᠣᠬ》 ᠭᠡᠬᠦ ᠨᠣᠮ ᠳ᠋ᠦ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣᠶᠢᠨ ᠢᠷᠡᠯᠲᠡ ᠲᠡᠦᠬᠡᠶᠢᠨ ᠬᠣᠶᠠᠷ ᠬᠣᠪᠢᠯᠪᠣᠷᠢᠶᠢ ᠲᠡᠮᠲᠡᠭᠯᠡᠵᠦ᠂ ᠡᠨᠡ ᠲᠠᠭᠣᠣᠶᠢ ᠪᠠᠷᠠᠮᠰᠠᠢᠨ ᠰᠡᠷᠡᠭᠡᠲᠡᠷ ᠵᠣᠬᠢᠶᠠᠬᠰᠠᠨ ᠪᠦᠭᠡᠳ 《ᠲᠦᠷᠪᠡᠨ ᠨᠠᠰᠣᠲᠠᠢ ᠪᠣᠷᠣ》 ᠭᠡᠵᠦ ᠲᠠᠭᠣᠯᠠᠲᠠᠬ ᠪᠣᠯᠣᠬᠰᠠᠨ ᠰᠢᠯᠲᠠᠭᠠᠨᠢ ᠢᠩᠬᠢᠵᠦ ᠦᠬᠦᠯᠡᠭᠰᠡᠨ ᠪᠠᠢᠨᠠ᠄
ᠪᠠᠷᠠᠮᠰᠠᠢᠨ ᠰᠡᠷᠡᠭᠡᠲᠡᠷ ᠭᠠᠨᠲᠠᠨ ᠪᠡᠢᠯᠡᠶᠢᠨ ᠰᠢᠲᠦᠲᠡᠭ ᠲᠦᠪᠡᠳᠤᠨ ᠭᠠᠴᠢᠩ ᠯᠠᠮᠠᠶᠢᠨ ᠠᠲᠣᠭᠣᠨ ᠰᠦᠷᠦᠭᠢ ᠮᠠᠨᠠᠵᠦ ᠪᠠᠢᠬᠣ ᠳ᠋ᠠᠭᠠᠨ ᠨᠢᠭᠡᠨ ᠡᠷᠡᠮᠡᠭ ᠭᠡᠬᠦᠦ ᠡᠴᠡ ᠪᠣᠰᠣᠭᠠ ᠪᠣᠷᠣ ᠣᠨᠠᠭᠠ ᠲᠦᠷᠦᠬᠦ ᠳ᠋ᠣᠨᠢ ᠭᠠᠨᠵᠣᠭᠠᠨ ᠢᠮ ᠲᠠᠯᠪᠢᠵᠠᠢ᠃ ᠭᠠᠨᠲᠠᠨ ᠪᠡᠢᠯᠡ ᠳ᠋ᠦ ᠰᠡᠳᠬᠢᠯ ᠲᠠᠢ ᠪᠦᠰᠡᠬᠦᠢ ᠪᠠᠨ ᠠᠯᠲᠠᠵᠦ ᠭᠠᠲᠠᠭᠣᠷᠬᠠᠬᠲᠠᠬᠰᠠᠨ （ᠵᠠᠷᠢᠮ ᠶᠠᠷᠢᠶᠠᠨ ᠳ᠋ᠦ ᠪᠠᠰᠠ ᠪᠡᠢᠯᠡᠶᠢᠨ ᠠᠪᠠᠭᠠᠢᠶᠢ ᠰᠠᠯᠭᠠᠬᠰᠠᠨ ᠴᠦ᠍ ᠭᠡᠵᠦ ᠶᠠᠷᠢᠲᠠᠬ） ᠪᠠᠷᠠᠮᠰᠠᠢᠨ ᠰᠡᠷᠡᠭᠡᠲᠡᠷ ᠨᠢᠭᠡᠨ ᠪᠠᠶᠠᠨ ᠲᠠᠩᠵᠢᠶᠠᠳᠤᠨ ᠠᠲᠣᠭᠣᠶᠢ ᠲᠦᠷᠪᠡᠨ ᠵᠢᠯ ᠮᠠᠯᠯᠠᠵᠦ ᠪᠠᠢᠬᠣ ᠬᠣᠭᠣᠴᠠᠭᠠᠨ ᠳ᠋ᠦ ᠭᠠᠴᠢᠩ ᠯᠠᠮᠠ ᠡᠴᠡ ᠬᠣᠲᠠᠯᠲᠣᠬᠲᠠᠵᠦ ᠢᠷᠡᠭᠰᠡᠨ ᠣᠯᠠᠨ ᠮᠣᠷᠢᠳᠤᠨ ᠲᠣᠲᠣᠷᠠ ᠢᠮ ᠲᠠᠢ ᠪᠣᠷᠣ ᠮᠣᠷᠢ ᠨᠢ ᠪᠠᠢᠵᠠᠢ᠃ ᠲᠣᠬᠢᠷᠠᠯᠴᠠᠬᠰᠠᠨ ᠬᠣᠭᠣᠴᠠᠭᠠ ᠲᠠᠭᠣᠰᠴᠣ ᠪᠠᠶᠠᠨ ᠲᠠᠩᠵᠢᠶᠠᠳ ᠶᠡᠬᠡ ᠱᠠᠩ ᠬᠦᠯᠦᠰᠦ ᠦᠭᠬᠦᠨᠡ ᠭᠡᠬᠦ ᠳ᠋ᠣᠨᠢ ᠲᠡᠷᠡ ᠬᠠᠷᠢᠨ᠂
— ᠭᠠᠵᠠᠷ ᠬᠢᠲᠡᠷᠡᠭᠯᠡᠬᠦ ᠭᠠᠬᠴᠠ ᠮᠣᠷᠢ ᠬᠠᠢᠷᠠᠯᠠᠭᠠᠴᠢ ᠭᠡᠵᠦ ᠭᠣᠶᠣᠵᠠᠢ᠃
ᠪᠠᠶᠠᠨ ᠲᠠᠩᠵᠢᠶᠠᠳ᠄
— ᠠᠲᠣᠭᠣᠨ ᠡᠴᠡ ᠲᠣᠷᠠᠲᠠᠢ ᠪᠠᠨ ᠠᠪ ᠭᠡᠵᠡᠢ᠃ ᠬᠦᠮᠦᠨ ᠣᠨᠣᠭᠣᠯᠲᠠᠬ ᠦᠭᠡᠢ ᠣᠮᠣᠬᠯᠠᠩ ᠪᠣᠷᠣ ᠮᠣᠷᠢᠶᠢ ᠰᠢᠯᠢᠵᠦ ᠠᠪᠬᠣ ᠳ᠋ᠣᠨᠢ ᠪᠠᠶᠠᠨ ᠲᠠᠩᠵᠢᠶᠠᠳ ᠶᠠᠭᠣ ᠴᠦ᠍ ᠬᠡᠯᠡᠭᠰᠨᠨ ᠦᠭᠡᠢ᠂ ᠬᠠᠷᠢᠨ ᠣᠯᠵᠠᠷᠬᠠᠵᠦ ᠭᠡᠨᠡ᠃ ᠢᠩᠬᠢᠵᠦ ᠪᠣᠰᠣᠭᠠ ᠮᠡᠨᠲᠦᠯᠡᠭᠰᠡᠨ ᠭᠠᠨᠵᠣᠭᠠ ᠢᠮ ᠲᠠᠢ ᠪᠣᠷᠣ ᠣᠨᠠᠭᠠ ᠪᠠᠷᠠᠮᠰᠠᠢᠨ ᠰᠡᠷᠡᠭᠡᠲᠡᠷᠤᠨ ᠮᠣᠷᠢ ᠪᠣᠯᠣᠬᠰᠠᠨ ᠪᠠᠢᠨᠠ᠃ ᠪᠠᠷᠠᠮᠰᠠᠢᠨ ᠰᠡᠷᠡᠭᠡᠲᠡᠷ ᠬᠠᠢᠯᠠᠷ ᠡᠴᠡ ᠬᠣᠢᠰᠢ ᠣᠷᠣᠰᠢᠬᠣ ᠨᠠᠭᠠᠨᠲᠠᠢᠶᠢᠨ ᠨᠠᠷᠠᠰᠣᠨ ᠡᠴᠡ ᠪᠠᠷᠠᠭᠣᠨ ᠦᠵᠦᠮᠦᠴᠢᠨᠤ ᠨᠣᠲᠣᠬ ᠲᠦᠩᠬᠢᠨᠡᠬᠦ ᠣᠯᠢᠶᠠᠰᠣᠲᠠᠢ ᠭᠡᠲᠡᠭ ᠭᠠᠵᠠᠷᠤᠨ ᠬᠣᠭᠣᠷᠣᠨᠲᠣ ᠬᠣᠨᠣᠬ ᠲᠠᠭᠠᠨ ᠶᠠᠪᠣᠵᠦ᠂ ᠭᠠᠨᠲᠠᠨ ᠪᠡᠢᠯᠡᠶᠢᠨ ᠭᠡᠷᠤᠨ ᠬᠠᠶᠠᠭᠠ ᠪᠡᠷ ᠮᠣᠷᠢᠨᠤ ᠬᠣᠷᠲᠣ ᠪᠡᠷ ᠲᠠᠪᠬᠢᠨ ᠦᠩᠭᠡᠷᠡᠬᠦ ᠳ᠋ᠡᠭᠡᠨ 《ᠲᠦᠷᠪᠡᠨ ᠨᠠᠰᠣᠲᠠᠢ ᠪᠣᠷᠣ》 ᠭᠡᠲᠡᠭ ᠲᠠᠭᠣᠣ ᠪᠠᠨ ᠵᠣᠬᠢᠶᠠᠨ ᠲᠠᠭᠣᠯᠠᠵᠦ ᠶᠠᠪᠣᠵᠠᠢ᠃ ᠭᠠᠨᠲᠠᠨ ᠪᠡᠢᠯᠡ ᠰᠢᠯᠢᠶᠢᠨ ᠰᠠᠢᠨ ᠡᠷᠡ ᠪᠣᠯᠵᠦ᠂ ᠬᠦᠯᠦᠭᠤᠨ ᠰᠠᠢᠬᠠᠨ ᠪᠣᠷᠣ ᠮᠣᠷᠢ ᠣᠨᠣᠬᠰᠠᠨ ᠪᠠᠷᠠᠮᠰᠠᠢᠨ ᠰᠡᠷᠡᠭᠡᠲᠡᠷᠢ ᠣᠯᠠᠨ ᠵᠢᠯ ᠪᠠᠷᠢᠬᠣ ᠭᠡᠳ ᠴᠢᠲᠠᠭᠠ ᠦᠭᠡᠢ ᠳ᠋ᠡᠭᠡᠨ ᠦᠰᠢᠶᠡᠷᠬᠡᠨ ᠵᠡᠪᠰᠡᠭᠯᠡᠭᠰᠡᠨ ᠬᠣᠷᠢᠭᠠᠳ ᠬᠦᠮᠦᠨ ᠶ᠋ᠢᠡᠷ ᠲᠠᠩᠨᠠᠭᠣᠯ ᠲᠠᠯᠪᠢᠨ ᠲᠦᠷᠪᠡᠨ ᠨᠠᠰᠣᠲᠠᠢ ᠪᠣᠷᠣ ᠮᠣᠷᠢᠶᠢ ᠨᠢ ᠫᠣᠣᠲᠠᠨ ᠠᠯᠠᠵᠦ ᠰᠡᠷᠡᠭᠡᠲᠡᠷᠢ ᠪᠠᠷᠢᠭᠠᠳ 4 ᠠᠯᠲᠠ ᠨᠦᠬᠡ ᠣᠬᠣᠵᠦ ᠬᠣᠷᠢᠭᠠᠳ ᠬᠡᠳᠦᠨ ᠰᠠᠷᠠ ᠬᠣᠭᠣᠯᠠ ᠣᠮᠲᠠ ᠦᠭᠡᠢ ᠰᠠᠭᠣᠯᠭᠠᠨ ᠲᠣᠷᠭᠠᠵᠦ ᠠᠯᠠᠬᠰᠠᠨ ᠭᠡᠨᠡ᠃ ᠢᠩᠬᠢᠭᠡᠳ ᠡᠷᠡᠶᠢᠨ ᠰᠠᠢᠬᠠᠨ ᠡᠷᠡ᠂ ᠬᠦᠯᠦᠭᠤᠨ ᠰᠠᠢᠬᠠᠨ ᠬᠦᠯᠦᠭ ᠬᠣᠶᠠᠷᠤᠨ ᠲᠣᠮᠲᠠ ᠡᠴᠡ ᠡᠬᠦᠰᠦᠭᠰᠡᠨ 《ᠲᠦᠷᠪᠡᠨ ᠨᠠᠰᠣᠲᠠᠢ ᠪᠣᠷᠣ》 ᠲᠠᠭᠣᠣ ᠣᠯᠠᠨ ᠳ᠋ᠦ ᠲᠡᠯᠭᠡᠷᠡᠭᠰᠡᠨ ᠲᠡᠦᠬᠡ ᠲᠠᠢ ᠪᠢᠯᠡ᠃ ᠮᠦᠨ ᠲᠡᠷᠡ ᠦᠶᠡ ᠳ᠋ᠦ ᠠᠮᠢᠲᠣᠷᠠᠵᠦ ᠪᠠᠢᠬᠰᠠᠨ ᠪᠣᠬᠠᠶᠢᠨ ᠮᠡᠨᠲᠦᠶᠢᠨ ᠭᠠᠢᠬᠠᠮᠰᠢᠬᠲᠠᠢ ᠬᠣᠷᠲᠣᠨ 《ᠪᠣᠭᠣᠨ ᠬᠠᠯᠢᠭᠣᠨ》 ᠭᠡᠲᠡᠭ ᠮᠣᠷᠢ ᠪᠠᠢᠬᠰᠠᠨ ᠪᠦᠭᠡᠳ ᠡᠨᠡ ᠬᠦᠮᠦᠨᠤ ᠮᠣᠷᠢᠨᠤ ᠨᠡᠷᠡ ᠲᠠᠢ ᠠᠨᠲᠠᠭᠣᠷᠠᠨ ᠲᠠᠭᠣᠯᠠᠬᠲᠠᠬᠣ ᠪᠣᠯᠣᠬᠰᠠᠨ ᠭᠡᠲᠡᠭ᠃
ᠰᠠᠢᠨ ᠡᠷᠡ ᠰᠢᠨᠲᠠᠰᠣᠲᠣ ᠬᠦᠯᠦᠭ ᠬᠣᠶᠠᠷᠤᠨ ᠵᠣᠭᠣᠬ ᠶ᠋ᠢᠡᠷ ᠶᠠᠲᠠᠷᠠᠭᠠ ᠪᠠᠨ ᠲᠠᠢᠯᠵᠦ ᠨᠠᠷᠬᠢᠬᠰᠠᠨ ᠦᠢ ᠣᠯᠠᠨ ᠬᠦᠮᠦᠰᠤᠨ ᠪᠣᠲᠣᠯ ᠰᠡᠳᠬᠢᠯ ᠳ᠋ᠦ ᠮᠣᠷᠢ ᠪᠣᠯ ᠮᠣᠯᠣᠷ ᠡᠷᠳᠡᠨᠢ ᠮᠦᠷᠲᠡᠭᠡᠨ ᠰᠡᠳᠬᠢᠯ ᠳ᠋ᠣᠨᠢ ᠪᠦᠮᠪᠦᠭᠡᠨᠡᠭᠰᠡᠨ ᠬᠠᠢᠷᠠᠶᠢᠨ ᠨᠢᠯᠪᠣᠰᠣ᠂ ᠬᠠᠵᠠᠭᠣ ᠡᠴᠡ ᠨᠢ ᠲᠠᠢᠳᠬᠣᠷᠠᠭᠣᠯᠣᠬᠰᠠᠨ ᠬᠠᠨᠢᠶᠢᠨ ᠵᠠᠬᠢᠶᠠ᠂ ᠬᠠᠵᠠᠢᠬᠣ ᠳ᠋ᠦ ᠲᠠᠲᠠᠬᠰᠠᠨ ᠠᠨᠲᠠᠶᠢᠨ ᠬᠠᠢᠷᠠ ᠭᠡᠲᠡᠭᠢ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠠᠭᠣᠣ ᠪᠢᠳᠡᠨ ᠳ᠋ᠦ ᠬᠡᠯᠡᠭᠡᠳ ᠪᠠᠢᠭᠠ᠃
《ᠡᠷᠴᠢᠯᠡᠨ ᠲᠠᠪᠬᠢᠬᠤ ᠬᠠᠯᠢᠭᠣᠨ》 ᠡᠩ ᠲᠡᠯᠡᠬᠡᠢᠶᠢᠨ ᠰᠣᠨᠣᠷ ᠲᠦ᠍
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣᠶᠢ ᠰᠡᠷᠡᠭᠡᠲᠡᠷ ᠵᠣᠬᠢᠶᠠᠯᠠ ᠭᠡᠵᠦ ᠲᠣᠮᠣᠬ ᠦᠨᠡᠨᠤ ᠬᠣᠭᠣᠷᠣᠨᠲᠣ ᠶᠠᠷᠢᠬᠲᠠᠲᠠᠬ ᠴᠦ᠍ ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠᠶᠢᠨ ᠦᠲᠡᠰᠢᠯᠡᠭᠡ ᠪᠡᠷ ᠣᠣᠯ ᠲᠠᠭᠣᠣᠶᠢᠨ ᠠᠶᠠ ᠳ᠋ᠦ ᠰᠢᠨᠡ ᠪᠡᠷ ᠦᠭᠡ ᠲᠠᠭᠠᠷᠠᠭᠣᠯᠵᠦ ᠰᠣᠨᠣᠰᠣᠬᠴᠢᠳᠤᠨ ᠰᠣᠨᠣᠷᠤᠨ ᠴᠢᠮᠡᠭ᠂ ᠰᠡᠳᠬᠢᠯ ᠭᠡᠵᠢᠭᠡᠲᠡᠭᠰᠡᠨ ᠠᠶᠠᠯᠭᠣ ᠪᠣᠯᠭᠠᠵᠦ ᠦᠭᠡᠷᠡᠴᠢᠯᠡᠨ ᠨᠠᠢᠷᠠᠭᠣᠯᠣᠬᠰᠠᠨ ᠨᠢ ᠦᠪᠦᠷ ᠮᠣᠩᠭᠣᠯᠤᠨ ᠠᠯᠲᠠᠷᠲᠣ ᠵᠣᠬᠢᠶᠠᠯᠴᠢ᠂ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠣᠳᠬᠠ ᠣᠷᠠᠯᠢᠬᠤᠨ ᠬᠢᠨᠤ ᠬᠣᠯᠪᠣᠭᠠᠶᠢᠨ ᠣᠣᠯᠤᠨ ᠲᠡᠷᠢᠬᠦᠯᠡᠭᠴᠢ ᠰᠣᠷᠲᠠᠯᠲᠣ ᠪᠣᠯᠬᠣ ᠶᠣᠮ᠃
ᠰᠣᠷᠲᠠᠯᠲᠣ ᠣᠲᠣᠬᠠᠨ ᠪᠣᠯᠲᠠᠯᠠ 800 ᠭᠠᠷᠣᠢ ᠲᠠᠭᠣᠣᠶᠢᠨ ᠦᠭᠡ ᠵᠣᠬᠢᠶᠠᠬᠰᠠᠨ ᠪᠦᠭᠡᠳ ᠲᠡᠬᠦᠨᠤ ᠵᠣᠬᠢᠶᠠᠬᠰᠠᠨ 《ᠮᠦᠩᠬᠡᠶᠢᠨ ᠰᠠᠬᠢᠶᠠ》 ᠭᠡᠬᠦ ᠲᠠᠭᠣᠣ ᠨᠢ 2016 ᠤᠨᠤ ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠦᠲᠡᠰᠢᠯᠡᠭᠡ ᠳ᠋ᠦ ᠰᠣᠩᠭᠣᠬᠲᠠᠵᠦ᠂ ᠶᠦᠨ ᠹᠸᠢ ᠪᠠ ᠲᠣᠶᠠᠭᠠᠨᠠᠰᠢ ᠲᠠᠭᠣᠯᠠᠬᠰᠠᠨ ᠪᠠᠢᠨᠠ᠃ ᠬᠠᠷᠢᠨ ᠠᠷᠪᠠᠨ ᠵᠢᠯᠤᠨ ᠲᠠᠷᠠᠭᠠ ᠲᠡᠬᠦᠨ ᠳ᠋ᠦ ᠲᠠᠬᠢᠭᠠᠳ ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠᠶᠢᠨ ᠦᠲᠡᠰᠢᠯᠡᠭᠡᠶᠢᠨ ᠲᠣᠬᠯᠠᠯᠲᠠ ᠳ᠋ᠦ ᠲᠠᠭᠣᠣᠶᠢᠨ ᠦᠭᠡ ᠵᠣᠬᠢᠶᠠᠬᠣ 《ᠠᠯᠪᠠ》 ᠣᠨᠣᠬᠲᠠᠬᠰᠠᠨ ᠪᠠᠢᠨᠠ᠃
— 2025 ᠤᠨᠤ 12 ᠰᠠᠷᠠᠶᠢᠨ 7 ᠤ᠋ ᠡᠳᠦᠷ ᠪᠠᠢᠬᠠ᠂ ᠲᠦᠪᠤᠨ ᠲᠸᠯᠸᠢᠰ ᠬᠣᠷᠢᠶᠠᠶᠢᠨ ᠣᠲᠣᠷᠢᠲᠣᠭᠠᠴᠢ ᠯᠢᠦ ᠪᠢᠨ ᠨᠠᠲᠠ ᠳ᠋ᠦ ᠣᠲᠠᠰᠣ ᠢᠷᠡᠬᠦᠯᠵᠦ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣ ᠳ᠋ᠦ ᠦᠭᠡ ᠲᠠᠭᠠᠷᠠᠭᠣᠯᠵᠦ ᠦᠭᠬᠦᠶᠢ ᠨᠠᠢᠲᠠᠵᠠᠢ᠃ ᠲᠡᠷᠡ ᠪᠡᠷ ᠦᠲᠡᠰᠢᠯᠡᠭᠡ ᠳ᠋ᠦ ᠲᠣᠬᠯᠠᠵᠦ ᠲᠠᠭᠣᠯᠠᠬᠣ ᠪᠦᠬᠦ ᠠᠯᠬᠣᠮ ᠲᠠᠷᠠᠭᠠᠯᠠᠯ ᠶ᠋ᠢᠡᠨ ᠮᠡᠳᠡᠭᠳᠡᠵᠦ᠂ ᠣᠷᠢᠳ ᠶ᠋ᠢᠡᠷ ᠣᠷᠠᠨᠠ ᠪᠠᠬᠰᠢ ᠲᠠᠭᠣᠯᠠᠵᠦ᠂ᠲᠠᠷᠠᠭᠠ ᠨᠢ ᠠᠷᠢᠭᠣᠨ ᠲᠠᠭᠣᠯᠠᠬᠰᠠᠨᠤ ᠬᠣᠢᠨᠠ ᠵᠢᠵᠢᠭ ᠨᠠᠢᠷᠠᠯ ᠲᠠᠭᠣᠣ ᠲᠠᠭᠣᠯᠠᠬᠣ ᠪᠦᠭᠡᠳ ᠬᠠᠮᠣᠬ ᠰᠡᠬᠦᠯ ᠳ᠋ᠣᠨᠢ ᠪᠦᠬᠦᠲᠡᠭᠡᠷ ᠶ᠋ᠢᠡᠨ ᠬᠠᠮᠲᠣᠶᠢᠨ ᠨᠠᠢᠷᠠᠯ ᠲᠠᠭᠣᠣ ᠲᠠᠭᠣᠯᠠᠬᠣ ᠪᠡᠷ ᠲᠣᠬᠢᠷᠠᠭᠣᠯᠣᠬᠰᠠᠨ ᠭᠡᠵᠡᠢ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠮᠣᠷᠢᠨ ᠵᠢᠯᠢ ᠣᠬᠲᠣᠨ ᠪᠡᠯᠭᠡᠯᠡᠬᠦ ᠭᠣᠣᠯ ᠰᠡᠳᠦᠪ ᠲᠦ᠍ ᠵᠣᠷᠢᠭᠣᠯᠣᠨ ᠣᠣᠯ ᠲᠠᠭᠣᠣᠶᠢᠨ ᠣᠳᠬᠠ ᠰᠠᠨᠠᠭᠠ᠂ ᠦᠨᠦᠷ ᠠᠮᠲᠠᠶᠢ ᠬᠠᠲᠠᠭᠠᠯᠠᠬᠰᠠᠨ ᠰᠠᠭᠣᠷᠢᠨ ᠲᠡᠭᠡᠷᠡ ᠲᠣᠮᠲᠠᠲᠣᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠣᠶᠢᠨ ᠴᠣᠬᠴᠠᠶᠢᠨ ᠣᠬᠠᠮᠰᠠᠷ᠂ ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠬ ᠰᠠᠨᠠᠭᠠ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠲᠡᠯ ᠪᠣᠯᠣᠨ ᠭᠣᠷᠪᠠᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠦᠬᠡᠳᠤᠨ ᠦᠯᠢᠭᠡᠷ ᠵᠡᠷᠭᠡ ᠠᠭᠣᠯᠭᠠᠶᠢ ᠬᠠᠮᠣᠷᠣᠨ ᠪᠠᠬᠲᠠᠭᠠᠬᠰᠠᠨ ᠲᠠᠭᠣᠣᠶᠢᠨ ᠦᠭᠡ ᠵᠣᠬᠢᠶᠠᠬᠣ ᠱᠠᠭᠠᠷᠲᠠᠯᠭᠠ ᠲᠣᠷᠠᠲᠣᠬᠰᠠᠨ ᠭᠡᠵᠦ ᠰᠣᠷᠲᠠᠯᠲᠣ ᠡᠷᠬᠢᠴᠡᠬᠦᠯᠦᠨ ᠶᠠᠷᠢᠨᠠ᠃
ᠬᠡᠳᠦᠬᠡᠨ ᠪᠠᠲᠠᠬ ᠦᠭᠡᠨ ᠳ᠋ᠦ ᠡᠳᠡᠭᠡᠷ ᠣᠯᠠᠨ ᠠᠭᠣᠯᠭᠠ ᠰᠡᠳᠦᠪᠢ ᠬᠠᠮᠣᠷᠣᠨ ᠪᠠᠬᠲᠠᠭᠠᠨᠠ ᠭᠡᠵᠦ ᠶᠣᠰᠣᠲᠠᠢ ᠨᠢᠭᠡᠨ ᠲᠣᠰᠣᠯ ᠣᠰᠣᠨ ᠳ᠋ᠦ ᠨᠡᠯᠦᠭᠡᠷ ᠲᠠᠯᠠᠢᠶᠢ ᠪᠠᠬᠲᠠᠭᠠᠬᠣ ᠮᠡᠲᠦ ᠣᠷᠠ ᠡᠷᠳᠡᠮ ᠬᠡᠷᠡᠭ ᠲᠠᠢ᠃ ᠴᠣᠬᠣᠮ ᠶᠠᠭᠠᠬᠢᠵᠦ ᠦᠭᠡ ᠲᠠᠭᠠᠷᠠᠭᠣᠯᠲᠠᠬ ᠪᠢᠯᠡ？ ᠰᠣᠷᠲᠠᠯᠲᠣ ᠪᠠᠬᠠᠨ ᠪᠣᠲᠣᠯᠢᠪᠠ᠃ 《ᠲᠠᠭᠣᠣᠶᠢᠨ ᠦᠭᠡ ᠨᠢ ᠠᠶᠠ ᠳ᠋ᠠᠭᠠᠨ ᠦᠢᠯᠡᠴᠢᠯᠡᠭᠰᠡᠨ ᠪᠠᠢᠬᠣ ᠬᠡᠷᠡᠭᠲᠡᠢ᠃ ᠲᠣᠰ ᠲᠠᠭᠣᠣᠶᠢᠨ ᠦᠭᠡᠶᠢ ᠪᠢᠴᠢᠬᠦ ᠳ᠋ᠡᠭᠡᠨ ᠪᠢ ᠠᠶᠠᠶᠢ ᠨᠢ ᠲᠠᠭᠣᠯᠠᠵᠦ ᠪᠠᠢᠭᠠᠳ ᠪᠢᠴᠢᠭᠰᠡᠨ ᠶᠣᠮ᠃ ᠲᠡᠷᠡ ᠮᠦᠷᠲᠡᠭᠡᠨ ᠮᠣᠩᠭᠣᠯᠵᠢᠭᠣ ᠬᠡᠪ ᠮᠠᠶᠢᠬ ᠲᠠᠢ ᠪᠢᠴᠢᠵᠦ᠂ ᠮᠣᠩᠭᠣᠯ ᠬᠦᠮᠦᠨᠤ ᠢᠯᠡᠳᠭᠡᠬᠦ ᠬᠡᠯᠪᠡᠷᠢ ᠪᠠ ᠬᠦᠣᠷᠨᠢᠬᠦ ᠠᠷᠭᠠ ᠮᠠᠶᠢᠬ ᠶ᠋ᠢᠡᠷ ᠢᠯᠡᠷᠡᠬᠦᠯᠬᠦᠶᠢ ᠵᠣᠷᠢᠬᠰᠠᠨ》 ᠭᠡᠵᠦ ᠰᠣᠷᠲᠠᠯᠲᠣ ᠶᠠᠷᠢᠨᠠ᠃
— ᠮᠢᠨᠦ ᠪᠣᠲᠣᠯ ᠶ᠋ᠢᠡᠷ ᠪᠣᠯ᠂ ᠣᠷᠠᠯᠢᠬᠤᠨ ᠦᠨᠳᠦᠷᠴᠡ ᠳ᠋ᠦ ᠬᠦᠷᠪᠡᠯ ᠦᠵᠡᠯ ᠰᠠᠨᠠᠭᠠ ᠨᠢ ᠠᠶᠠᠨᠲᠠᠭᠠᠨ ᠲᠠᠭᠠᠯᠲᠣᠵᠦ ᠢᠯᠡᠷᠡᠲᠡᠭ᠃ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠪᠣᠯ ᠢᠨᠠᠬᠤᠨ ᠲᠠᠭᠣᠣ᠃ ᠡᠢᠮᠦ ᠡᠴᠡ ᠲᠠᠭᠣᠣᠶᠢᠨ ᠦᠭᠡ ᠪᠠᠨ ᠵᠣᠬᠢᠶᠠᠨ ᠪᠢᠴᠢᠬᠦ ᠳ᠋ᠡᠭᠡᠨ ᠡᠳᠡᠭᠡᠷ ᠵᠦᠢᠯᠢ ᠪᠦᠷ 《ᠬᠠᠢᠷᠠ》 ᠬᠡᠮᠡᠬᠦ ᠭᠠᠬᠴᠠ ᠰᠡᠳᠦᠪ ᠲᠦ᠍ ᠠᠭᠣᠰᠬᠠᠨ ᠪᠠᠬᠲᠠᠭᠠᠵᠠᠢ᠃ ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠬ ᠰᠠᠨᠠᠭᠠ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠲᠡᠯ᠂ ᠭᠣᠷᠪᠠᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠦᠬᠡᠳᠤᠨ ᠦᠯᠢᠭᠡᠷ ᠵᠡᠷᠭᠡ ᠨᠢ ᠪᠦᠷ ᠬᠠᠢᠷᠠ ᠳ᠋ᠦ ᠪᠠᠬᠲᠠᠨᠠ᠃ ᠪᠢᠳᠡ ᠮᠣᠷᠢᠨ ᠳ᠋ᠠᠭᠠᠨ ᠬᠠᠢᠷᠠᠲᠠᠢ᠂ ᠡᠬᠡ ᠨᠣᠲᠣᠬ ᠲᠠᠭᠠᠨ ᠬᠠᠢᠷᠠᠲᠠᠢ᠃ ᠢᠩᠬᠢᠬᠦ ᠳ᠋ᠡᠭᠡᠨ ᠭᠠᠬᠴᠠᠬᠠᠨ ᠵᠦᠢᠯ — ᠬᠠᠢᠷᠠᠶᠢ ᠪᠢᠴᠢᠵᠦ ᠢᠯᠡᠷᠡᠬᠦᠯᠬᠦ ᠬᠡᠷᠡᠭᠲᠡᠢ᠃ ᠪᠦᠬᠦ ᠵᠦᠢᠯᠢ ᠬᠠᠢᠷᠠ ᠳ᠋ᠦ ᠠᠭᠣᠰᠬᠠᠨ ᠰᠢᠮᠡᠳᠭᠡᠬᠦ ᠳ᠋ᠦ ᠦᠵᠡᠯ ᠰᠠᠨᠠᠭᠠ ᠨᠢ ᠴᠦ᠍ ᠠᠶᠠᠨᠲᠠᠭᠠᠨ ᠢᠯᠡᠷᠡᠲᠡᠭ ᠭᠡᠵᠦ ᠰᠣᠷᠲᠠᠯᠲᠣ ᠶᠠᠷᠢᠵᠦ ᠪᠠᠢᠯᠠ᠃
ᠣᠳᠬᠠ ᠰᠠᠨᠠᠭᠠ ᠪᠠᠨ ᠣᠷᠢᠳ ᠶ᠋ᠢᠡᠷ ᠪᠣᠲᠣᠵᠦ ᠲᠣᠬᠲᠠᠭᠠᠬᠰᠠᠨᠤ ᠬᠣᠢᠨᠠ ᠪᠡᠬᠡ ᠢᠲᠡᠬᠦᠯᠦᠨ ᠪᠢᠷ ᠬᠦᠲᠡᠯᠭᠡᠬᠦ ᠪᠣᠯ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡᠶᠢᠨ ᠵᠢᠮᠠ ᠶᠣᠰᠣ᠃ ᠬᠡᠯᠡᠬᠦ ᠭᠡᠰᠨᠨ ᠶᠠᠭᠣᠮᠠ ᠲᠣᠲᠣᠷᠬᠠᠢ ᠪᠣᠰᠣ ᠪᠣᠯ ᠣᠴᠢᠷ ᠣᠳᠬᠠ ᠲᠠᠢ ᠦᠭᠡ ᠡᠷᠢᠭᠡᠳ ᠲᠡᠮᠡᠢ ᠬᠡᠷᠡᠭ᠃ ᠬᠠᠷᠢᠨ ᠣᠬᠠᠭᠠᠨ ᠪᠣᠲᠣᠯ ᠳ᠋ᠦ ᠣᠳᠬᠠ ᠰᠠᠨᠠᠭᠠ ᠲᠣᠨᠣᠷᠠᠭᠠᠳ ᠢᠷᠡᠪᠡᠯ ᠣᠷᠠᠨ ᠢᠷᠠᠭᠣ ᠦᠭᠡ ᠠᠶᠠᠨᠲᠠᠭᠠᠨ ᠣᠨᠲᠣᠷᠣᠮᠠᠯ ᠪᠣᠯᠠᠬ ᠮᠡᠲᠦ ᠣᠷᠬᠢᠯᠣᠨ ᠭᠠᠷᠲᠠᠬ᠃ ᠰᠣᠷᠲᠠᠯᠲᠣ ᠬᠠᠭᠠᠰᠬᠠᠨ ᠡᠳᠦᠷᠤᠨ ᠲᠣᠲᠣᠷᠠ ᠲᠠᠭᠣᠣᠶᠢᠨ ᠦᠭᠡ ᠪᠠᠨ ᠪᠢᠴᠢᠵᠦ ᠲᠠᠭᠣᠰᠬᠠᠨ ᠪᠡᠯᠡᠨ ᠪᠣᠯᠭᠠᠵᠦ ᠲᠦᠪᠤᠨ ᠲᠸᠯᠸᠢᠰ ᠬᠣᠷᠢᠶᠠᠶᠢᠨ ᠣᠲᠣᠷᠢᠲᠣᠭᠠᠴᠢ ᠯᠢᠦ ᠪᠢᠨ ᠳ᠋ᠦ ᠶᠠᠪᠣᠭᠣᠯᠵᠠᠢ᠃
— ᠲᠦᠪ ᠲᠸᠯᠸᠢᠰᠤᠨ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠦᠲᠡᠰᠢᠯᠡᠭᠡ ᠳ᠋ᠦ ᠲᠠᠭᠣᠯᠠᠬᠰᠠᠨ 《ᠡᠷᠴᠢᠯᠡᠨ ᠲᠠᠪᠬᠢᠬᠤ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣ ᠪᠣᠯ ᠮᠢᠨᠦ ᠲᠦᠷᠦᠬᠦᠦ ᠣᠲᠠᠭᠠ ᠪᠢᠴᠢᠭᠰᠡᠨ ᠡᠬᠡ ᠨᠣᠣᠷᠠᠬ ᠪᠣᠯᠣᠨᠠ᠃ ᠦᠲᠡᠰᠢᠯᠡᠭᠡᠶᠢᠨ ᠣᠲᠣᠷᠢᠲᠣᠭᠠᠴᠢ ᠡᠴᠡ ᠲᠠᠭᠣᠣᠶᠢᠨ ᠦᠭᠡᠶᠢ ᠠᠮᠢᠲᠣᠯᠢᠬ ᠮᠦᠷᠲᠡᠭᠡᠨ ᠷᠣᠮᠠᠨᠲ᠋ᠢᠬ ᠦᠩᠭᠡ ᠠᠶᠠᠰ ᠲᠠᠢ ᠪᠣᠯᠭᠠᠨᠠ ᠭᠡᠳ ᠬᠣᠵᠢᠮ ᠨᠢ ᠪᠠᠰᠠ ᠬᠣᠶᠠᠷ ᠣᠲᠠᠭᠠ ᠲᠠᠭᠣᠣᠶᠢᠨ ᠦᠭᠡ ᠪᠢᠴᠢᠬᠦᠯᠦᠭᠰᠡᠨ᠃ ᠭᠡᠪᠡᠴᠦ ᠬᠠᠰᠢᠯᠠ ᠲᠦᠷᠦᠬᠦᠦ ᠣᠲᠠᠭᠠ ᠪᠢᠴᠢᠭᠰᠡᠨ ᠨᠢ ᠲᠠᠭᠠᠯᠠᠬᠲᠠᠬᠰᠠᠨ ᠪᠠᠢᠨᠠ ᠭᠡᠵᠦ ᠰᠣᠷᠲᠠᠯᠲᠣ ᠶᠠᠷᠢᠨᠠ᠃
ᠦᠩᠭᠡᠷᠡᠭᠰᠡᠨ ᠳ᠋ᠦ 《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠭᠡᠬᠦ ᠲᠠᠭᠣᠣᠶᠢ ᠣᠯᠠᠨ ᠲᠠᠭᠣᠴᠢᠨ ᠲᠠᠭᠣᠯᠠᠵᠦ ᠦᠩᠭᠡᠷᠡᠵᠡᠢ᠃ ᠲᠠᠭᠣᠴᠢᠨ ᠠᠶᠣᠩᠭᠠ ᠲᠣᠰ ᠲᠠᠭᠣᠣᠶᠢ ᠲᠠᠭᠣᠯᠠᠵᠦ ᠦᠩᠭᠡᠷᠡᠭᠰᠡᠨ ᠪᠦᠭᠡᠳ ᠪᠦᠵᠢᠭᠲᠦ ᠵᠦᠴᠦᠭᠡ 《ᠮᠣᠷᠢᠲᠣ ᠴᠡᠷᠢᠭ》 ᠲᠦ᠍ ᠪᠠᠰᠠ ᠡᠨᠡ ᠲᠠᠭᠣᠣᠶᠢ ᠲᠠᠭᠤᠯᠠᠵᠠᠢ᠃ 《ᠠᠪᠣ ᠡᠵᠢᠶᠢᠨ ᠲᠠᠯᠠ ᠨᠣᠲᠣᠬ》 ᠭᠡᠬᠦ ᠺᠢᠨᠣ᠋ ᠳ᠋ᠦ ᠪᠠᠰᠠ ᠲᠣᠰ ᠲᠠᠭᠣᠣᠶᠢ ᠬᠠᠪᠰᠣᠷᠣᠯ ᠠᠶᠠ ᠪᠡᠷ ᠲᠠᠭᠣᠯᠠᠵᠠᠢ᠃ 《ᠮᠣᠩᠭᠣᠯ ᠠᠷᠠᠳᠤᠨ ᠲᠠᠭᠣᠣ ᠲᠠᠯᠠᠢ ᠮᠡᠲᠦ ᠣᠯᠠᠨ᠃ ᠡᠲᠡᠭᠡᠷ ᠣᠯᠠᠨ ᠠᠷᠠᠳᠤᠨ ᠲᠠᠭᠣᠣᠶᠢ ᠨᠡᠩ ᠣᠯᠠᠨ ᠬᠦᠮᠦᠰ ᠲᠦ᠍ ᠮᠡᠳᠡᠷᠡᠬᠦᠯᠵᠦ᠂ ᠲᠡᠯᠡᠬᠡᠢᠶᠢᠨ ᠰᠣᠨᠣᠷ ᠲᠦ᠍ ᠲᠠᠭᠣᠷᠢᠰᠣᠭᠣᠯᠬᠣ ᠳ᠋ᠦ ᠬᠢᠲᠡᠳᠴᠢᠯᠠᠵᠦ ᠣᠷᠴᠢᠭᠣᠯᠬᠣ ᠪᠣᠯ ᠨᠢᠭᠡ ᠵᠦᠢᠯᠤᠨ ᠵᠠᠮ ᠰᠣᠪᠠᠬ ᠪᠠᠢᠵᠦ ᠲᠠᠭᠠᠷᠠᠨᠠ᠃ ᠲᠡᠭᠡᠷᠡ ᠵᠠᠭᠣᠨ ᠳ᠋ᠦ ᠬᠣᠷᠴᠢᠨ ᠠᠷᠠᠳᠤᠨ ᠲᠠᠭᠣᠣ 〈ᠵᠸᠩᠶᠠᠷᠮᠠ〉 ᠶ᠋ᠢᠨ ᠠᠶᠠ ᠳ᠋ᠦ ᠦᠭᠡ ᠲᠠᠭᠠᠷᠠᠭᠣᠯᠣᠭᠠᠳ 〈ᠮᠠᠬᠲᠠᠭᠠᠯ ᠲᠠᠭᠣᠣ〉 ᠪᠣᠯᠵᠦ ᠣᠯᠠᠨᠠ ᠲᠦᠭᠡᠵᠦ ᠲᠠᠷᠬᠠᠬᠰᠠᠨ᠃ 〈ᠠᠯᠠᠬ ᠮᠣᠷᠢ〉 ᠭᠡᠬᠦ ᠲᠠᠭᠣᠣᠶᠢᠨ ᠠᠶᠠ ᠳ᠋ᠦ ᠦᠭᠡ ᠲᠠᠭᠠᠷᠠᠭᠣᠯᠣᠭᠠᠳ ᠪᠠᠰᠠ 〈ᠲᠠᠯᠠ ᠨᠣᠲᠣᠬᠤᠨ ᠦᠷᠯᠦᠭᠡᠶᠢᠨ ᠣᠶᠠᠩᠭᠠ〉 ᠭᠡᠬᠦ ᠲᠠᠭᠣᠣ ᠪᠣᠯᠣᠬᠰᠠᠨ ᠵᠢᠱᠶ᠋ᠶᠡ ᠲᠠᠢ᠃ ᠮᠡᠳᠡᠭᠡᠵᠢ ᠪᠡᠷ᠂ ᠣᠷᠴᠢᠭᠣᠯᠭᠠ ᠪᠣᠯ ᠲᠠᠬᠢᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠮᠦᠨ᠃ ᠮᠣᠩᠭᠣᠯ ᠲᠠᠭᠣᠣᠶᠢ ᠣᠷᠴᠢᠭᠣᠯᠣᠨ ᠬᠢᠲᠡᠳᠴᠢᠯᠠᠬᠣ ᠳ᠋ᠦ ᠦᠰᠦᠭ ᠲᠠᠷᠠᠭᠠᠯᠠᠨ ᠣᠷᠴᠢᠭᠣᠯᠬᠣᠶᠢ ᠲᠡᠪᠴᠢᠬᠦ ᠬᠡᠷᠡᠭᠲᠡᠢ᠃ ᠪᠢᠳᠡ ᠲᠠᠭᠣᠣᠶᠢ ᠣᠷᠴᠢᠭᠣᠯᠵᠦ ᠲᠠᠬᠢᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠳ᠋ᠡᠭᠡᠨ ᠣᠣᠯ ᠲᠠᠭᠣᠣᠶᠢᠨ ᠮᠦᠷ ᠰᠡᠬᠦᠲᠡᠷᠢ ᠬᠠᠲᠠᠭᠠᠯᠠᠬᠰᠠᠨ ᠣᠷᠢᠲᠠᠯ ᠲᠣᠣᠷᠠ ᠣᠳᠬᠠ ᠰᠠᠨᠠᠭᠠᠶᠢ ᠨᠢ ᠢᠯᠡᠷᠡᠬᠦᠯᠬᠦᠶᠢ ᠪᠣᠲᠣᠯᠬᠢᠯᠠᠵᠦ᠂ ᠪᠦᠲᠦᠭᠡᠯᠴᠢ ᠪᠡᠷ ᠣᠷᠴᠢᠭᠣᠯᠬᠣᠶᠢ ᠪᠠᠷᠢᠮᠲᠠᠯᠠᠬᠣ ᠬᠡᠷᠡᠭᠲᠡᠢ》 ᠭᠡᠵᠦ ᠰᠣᠷᠲᠠᠯᠲᠣ ᠶᠠᠷᠢᠵᠦ ᠪᠠᠢᠯᠠ᠃
《ᠲᠦᠷᠪᠡᠨ ᠨᠠᠰᠣᠲᠠᠢ ᠬᠠᠯᠢᠭᠣᠨ》 ᠲᠦᠷᠦᠭᠡ ᠵᠢᠬᠢᠵᠦ ᠶᠦᠷᠭᠡᠬᠦᠯᠦᠭᠰᠡᠭᠡᠷ ᠁