ᠤᠶᠠᠩᠭ᠎ᠠ ᠨᠠᠢᠷᠠᠭ ᠭᠡᠳᠡᠭ

ᠤᠤᠭᠤᠭᠠᠳ ᠬᠠᠨᠤᠰᠢ ᠦᠬᠡᠢ ᠲᠠᠷᠠᠰᠤ ᠶᠤᠮ

ᠠᠭᠤᠯᠵᠠᠨ ᠨᠠᠷᠬᠢᠯᠳᠤᠨ᠎ᠠ ᠭᠡᠳᠡᠭ

ᠤᠴᠢᠷᠳᠠᠢ ᠰᠠᠢᠬᠠᠨ ᠪᠤᠯᠵᠤᠭ᠎ᠠ ᠶᠤᠮ

ᠪᠦᠰᠡᠬᠦᠢ ᠬᠦᠮᠦᠨ ᠭᠡᠳᠡᠭ

ᠪᠦᠯᠢᠶᠡᠨ ᠠᠮᠢᠳᠤᠷᠠᠯ᠎ᠤᠨ ᠵᠢᠷᠤᠭᠠᠴᠢ ᠶᠤᠮ

ᠪᠦᠰᠡᠬᠦᠢ ᠬᠦᠮᠦᠨ ᠭᠡᠳᠡᠭ

ᠪᠦᠮᠪᠤᠷᠴᠡᠭ᠎ᠢ ᠭᠡᠷᠡᠯᠳᠦᠬᠦᠯᠬᠦ᠌ ᠰᠠᠷᠠᠨ ᠶᠤᠮ

ᠪᠦᠰᠡᠬᠦᠢ ᠬᠦᠮᠦᠨ ᠭᠡᠳᠡᠭ

ᠠᠢᠯ ᠭᠡᠷ᠎ᠤᠨ ᠴᠢᠮᠡᠭ ᠶᠤᠮ

ᠪᠦᠰᠡᠬᠦᠢ ᠬᠦᠮᠦᠨ ᠭᠡᠳᠡᠭ

ᠠᠵᠤ ᠠᠮᠢᠳᠤᠷᠠᠯ᠎ᠤᠨ ᠲᠦᠱᠢᠭ ᠶᠤᠮ

ᠪᠦᠰᠡᠬᠦᠢ ᠬᠦᠮᠦᠨ ᠭᠡᠳᠡᠭ

ᠪᠦᠳᠦᠨ ᠲᠡᠯᠡᠬᠡᠢ᠎ᠶ᠋ᠢᠨ ᠬᠠᠢᠷ᠎ᠠ ᠶᠤᠮ

ᠨᠠᠭᠤᠷ᠎ᠲᠠᠭᠠᠨ ᠨᠤᠷᠬᠢᠬᠤ ᠬᠤᠨ ᠱᠢᠭ᠋

ᠠᠮᠤᠷ ᠠᠮᠤᠭᠤᠯᠠᠩ᠎ᠤᠨ ᠡᠯᠴᠢ ᠶᠤᠮ

ᠨᠤᠳᠤᠭ᠎ᠲᠠᠭᠠᠨ ᠬᠤᠷᠭᠤᠳᠠᠬᠤ ᠱᠢᠪᠠᠭᠤᠳ ᠱᠢᠭ᠋

ᠨᠠᠰᠤᠨ᠎ᠤ ᠭᠠᠭ᠍ᠴᠠᠬᠠᠨ ᠬᠠᠨᠢ ᠶᠤᠮ

ᠦᠷ᠎ᠡ᠎ᠳᠡᠭᠡᠨ ᠢᠪᠢᠯᠬᠦ᠌ ᠬᠠᠢᠷ᠎ᠠ᠎ᠨᠢ

ᠠᠨᠠᠪᠠᠳ ᠲᠠᠯᠠᠢ᠎ᠶ᠋ᠢᠨ ᠤᠰᠤᠨ ᠶᠤᠮ

ᠦᠷᠦᠪᠴᠢᠭᠡᠨ ᠰᠡᠳᠭᠢᠯ᠎ᠤᠨ ᠪᠠᠭ᠍ᠳᠠᠭᠠᠮᠵᠢ᠎ᠨᠢ

ᠤᠷᠴᠢᠯᠠᠩ᠎ᠤᠨ ᠠᠭᠤᠳᠠᠮ ᠵᠠᠢ ᠶᠤᠮ

ᠨᠤᠮ᠎ᠤᠨ ᠲᠠᠯᠠᠢ ᠲᠠᠪᠠᠯᠭᠠᠯᠠᠨ᠂ ᠨᠠᠢᠷᠠᠭ᠎ᠤᠨ ᠴᠠᠯᠬᠢᠶ᠎ᠠ ᠬᠠᠩᠭᠢᠨᠠᠬᠤᠢ

ᠨᠤᠮᠢᠨ ᠲᠠᠯ᠎ᠠ ᠴᠡᠩᠭᠡᠷᠯᠡᠨ᠂ ᠤᠳᠭ᠎ᠠ᠎ᠶ᠋ᠢᠨ ᠴᠡᠴᠡᠭᠡᠰ ᠮᠢᠷᠠᠯᠵᠠᠬᠤᠢ

ᠪᠡᠭᠡ᠎ᠶ᠋ᠢᠨ ᠦᠨᠦᠷ ᠠᠩᠭᠢᠯᠤᠨ᠂ ᠤᠶᠠᠩᠭ᠎ᠠ᠎ᠶ᠋ᠢᠨ ᠱᠢᠪᠠᠭᠤᠬᠠᠢ ᠵᠢᠷᠬᠢᠬᠦᠢ

ᠪᠢᠯᠢᠭ᠎ᠤᠨ ᠡᠭᠦᠯᠡ ᠬᠤᠷᠠᠯᠳᠤᠨ᠂ ᠪᠡᠯᠭᠡᠳᠦ ᠬᠤᠷ᠎ᠠ ᠱᠠᠬᠢᠬᠤᠢ

ᠰᠠᠷᠠᠨ᠎ᠤ ᠰᠤᠷᠮᠤᠤᠰᠤ ᠲᠡᠷᠪᠡᠯᠵᠡᠨ᠂ ᠬᠦᠭᠡᠷᠦᠬᠦᠨ ᠨᠢᠳᠤᠨ᠎ᠳᠤ ᠠᠭᠤᠰᠭᠤᠢ

ᠰᠠᠨᠰᠠᠷ᠎ᠤᠨ ᠤᠳᠤᠳ ᠲᠤᠷᠠᠯᠠᠯᠴᠠᠨ᠂ ᠭᠡᠭᠡᠪᠴᠢ᠎ᠶ᠋ᠢᠨ ᠲᠡᠷᠭᠡᠳᠡ ᠲᠤᠭ᠍ᠯᠠᠬᠤᠢ

ᠦᠷ᠎ᠤᠨ ᠱᠢᠬᠦᠳᠡᠷᠢ ᠦᠷᠭᠦᠯᠴᠡᠨ᠂ ᠪᠠᠩᠵᠠᠯ᠎ᠤᠨ ᠬᠤᠷᠮᠤᠢ ᠨᠤᠷᠬᠤᠢ

ᠤᠳᠭ᠎ᠠ᠎ᠶ᠋ᠢᠨ ᠭᠡᠭᠡ ᠲᠤᠳᠤᠷᠠᠨ᠂ ᠦᠷᠦᠴᠡᠨ᠎ᠤ ᠨᠠᠷᠠᠨ ᠮᠠᠨᠳᠤᠬᠤᠢ