ᠬᠠᠪᠤᠷ ᠬᠠᠩᠰᠢ᠎ᠶ᠋ᠢ ᠨᠡᠬᠡᠭᠡᠨ᠎ᠡ

ᠬᠠᠩᠰᠢ ᠬᠠᠪᠤᠷ᠎ᠢ ᠮᠡᠳᠡᠭᠡᠯᠡᠨ᠎ᠡ

ᠬᠠᠶᠠ ᠡᠪᠡᠰᠦ ᠤᠷᠭᠤᠬᠤ᠎ᠨᠢ

ᠬᠠᠷ᠎ᠠ ᠳᠠᠷᠤᠭ᠍ᠰᠠᠨ ᠵᠡᠭᠦᠳᠦ ᠮᠡᠲᠦ ᠰᠤᠴᠢᠮᠠᠭ

ᠬᠠᠷᠢᠶᠠᠴᠠᠢ ᠦᠷ᠎ᠢᠶᠠᠷ ᠵᠢᠷᠭᠢᠵᠦ᠍

ᠬᠠᠢᠷ᠎ᠠ᠎ᠶ᠋ᠢᠨ ᠪᠠᠭᠤᠴᠠ᠎ᠪᠠᠨ ᠵᠠᠰᠠᠨ᠎ᠠ

ᠬᠠᠯᠠᠭᠤᠨ ᠠᠮᠢᠳᠤᠷᠠᠯ ᠲᠡᠨᠳᠡ ᠡᠬᠢᠯᠡᠨ᠎ᠡ

ᠬᠠᠷᠢ ᠨᠤᠳᠤᠭ᠎ᠢᠶᠠᠨ ᠭᠡᠵᠦ᠍

ᠬᠠᠷᠢᠭ᠍ᠰᠠᠨ ᠱᠢᠪᠠᠭᠤᠳ ᠡᠷᠭᠢᠨ᠎ᠡ

ᠬᠠᠢᠯᠠᠰᠤᠨ᠎ᠤ ᠨᠠᠮᠠᠭᠠᠨ ᠳᠡᠭᠡᠷ᠎ᠡ

ᠬᠠᠢᠷ᠎ᠠ ᠳᠤᠭ᠍ᠳᠤᠯᠵᠤ ᠬᠦᠪᠦᠷᠠᠨ᠎ᠡ

ᠬᠢᠵᠠᠭᠠᠷ᠎ᠤᠨ ᠲᠡᠭ᠌ᠷᠢ᠎ᠶ᠋ᠢ ᠴᠤᠭᠤᠴᠢᠵᠦ᠍

ᠬᠦᠵᠢᠰ᠎ᠤᠨ ᠤᠳᠤᠭ᠎ᠠ ᠨᠠᠮᠢᠷᠠᠨ᠎ᠠ

ᠬᠠᠨᠴᠦᠢ᠎ᠨᠢ ᠰᠡᠮᠡᠷᠡᠭ᠌ᠰᠡᠨ ᠬᠠᠭᠤᠴᠢᠨ ᠳᠡᠪᠡᠯ

ᠬᠠᠢᠷᠠᠲᠠᠢ ᠬᠦᠮᠦᠰ᠎ᠢ ᠡᠷᠢᠭ᠌ᠳᠡᠭᠦᠯᠦᠨ᠎ᠡ

ᠤᠷᠭᠤᠨ᠎ᠠ ᠭᠡᠰᠡᠨ ᠬᠦᠰᠡᠯ

ᠤᠨᠠᠭᠠᠨ᠎ᠠ ᠭᠡᠰᠡᠨ ᠨᠢᠯᠪᠤᠰᠤ

ᠤᠬᠠᠭᠠᠨ ᠤᠬᠠᠭᠠᠨ᠎ᠳᠠᠭᠠᠨ ᠰᠦᠵᠢᠷᠡᠨ᠎ᠡ

ᠤᠳᠠᠬᠤ ᠦᠭᠡᠢ ᠴᠡᠴᠡᠭ ᠳᠡᠯᠭᠡᠷᠡᠬᠦ᠌᠎ᠨᠢ

ᠤᠷᠢᠳᠦ᠍᠎ᠶ᠋ᠢᠨ ᠦᠯᠢᠭᠡᠷ ᠱᠢᠭ

ᠤᠷᠤᠰᠭᠤ ᠴᠠᠭ ᠬᠤᠭᠤᠴᠠᠭ᠎ᠠ

ᠤᠯᠠᠷᠢᠯ᠎ᠢ ᠤᠷᠪᠡᠭᠤᠯᠵᠤ ᠨᠠᠭᠠᠳᠤᠨ᠎ᠠ

ᠤᠴᠢᠷᠯᠠᠵᠦ᠍ ᠬᠢᠩᠱᠢᠬᠦ᠌ ᠰᠠᠯᠬᠢᠨ

ᠤᠷᠤᠭᠤᠯ ᠪᠤᠯᠵᠦ᠍ ᠲᠡᠭ᠌ᠷᠢ ᠵᠦᠭ ᠦᠭᠦᠯᠡᠨ᠎ᠡ

ᠤᠤᠯ᠎ᠨᠢ ᠠᠮᠢᠳᠤ ᠦᠬᠦᠯ

ᠦᠭᠡᠷ᠎ᠡ ᠶᠢᠷᠳᠢᠨᠴᠦ᠍᠎ᠠᠴᠠ ᠬᠠᠷᠠᠯᠴᠠᠨ᠎ᠠ

ᠦᠨᠡᠨᠴᠢ ᠬᠠᠢᠷ᠎ᠠ ᠬᠠᠩᠰᠢ᠎ᠪᠠᠷ ᠦᠷᠭᠦᠯᠵᠢᠯᠡᠨ᠎ᠡ