ᠪᠠᠢᠩᠭᠤ ᠯᠠ ᠬᠦᠭ᠌ᠳᠡᠢ ᠱᠤᠭ᠍ᠳᠠᠢ ᠶᠠᠭᠤᠮᠠ ᠶᠠᠷᠢᠵᠤ ᠠᠭᠤᠯᠵᠠᠭ᠍ᠰᠠᠨ ᠤᠴᠠᠷᠠᠭ᠍ᠰᠠᠨ ᠪᠦᠬᠦᠳᠡᠶ᠋ᠢ ᠢᠨᠢᠶᠡᠯᠭᠡᠵᠦ᠍ ᠪᠠᠶᠠᠰᠭᠠᠵᠤ ᠶᠠᠪᠤᠳᠠᠭ ᠮᠠᠨᠤ ᠰᠠᠭᠤᠭᠠᠯᠢ ᠲᠤᠭᠤᠷᠢᠭᠤᠨ ᠨᠤᠷᠵᠢᠮᠠ ᠡᠭᠡᠴᠢ 《ᠰᠠᠢᠨ ᠤᠤ？ ᠭᠡᠷ ᠲᠠᠶᠠᠭᠠᠷᠢᠶᠠᠨ ᠰᠠᠢᠨ ᠪᠠᠢᠵᠠᠭᠠᠨᠠ ᠤᠤ？》 ᠭᠡᠭ᠌ᠰᠡᠭᠡᠷ ᠤᠷᠤᠵᠤ ᠢᠷᠡᠪᠡ᠃ ᠴᠢᠷᠠᠢᠨᠢ ᠨᠢᠬᠡ ᠯᠡ ᠲᠦᠩᠰᠦᠭᠡᠷ᠃
《ᠰᠠᠢᠨ᠂ ᠰᠠᠢᠨ ᠤᠤ？ ᠲᠡᠨᠤ ᠪᠡᠶᠡ ᠭᠠᠢᠭᠤᠢ ᠪᠢᠵᠡ？》 ᠭᠡᠰᠡᠨᠳᠤ 《ᠰᠠᠢᠨ᠂ ᠰᠠᠢᠨ᠃ ᠰᠠᠢᠨ ᠯᠠ ᠪᠠᠢᠨᠠ！》 ᠭᠡᠰᠡᠨᠢᠶᠠᠨ《ᠤᠷᠢᠳᠦ ᠰᠦᠨᠢ ᠪᠢ ᠡᠵᠢᠪᠠᠨ ᠢᠨᠢᠶᠡᠳᠦ ᠠᠯᠳᠠᠨ ᠤᠷᠤᠵᠤ ᠢᠷᠡᠵᠦ᠍ ᠪᠠᠢᠨᠠ ᠭᠡᠵᠤ ᠵᠡᠬᠦᠳᠦᠯᠡᠯᠡ᠃ ᠰᠠᠢᠬᠠᠨ ᠵᠡᠬᠦᠳᠦ ᠳ᠋ᠠ᠃ ᠰᠡᠳᠭᠢᠯ ᠨᠢᠬᠡ ᠯᠡ ᠬᠡᠬᠡᠯᠵᠡᠭᠡᠳ᠃ ᠪᠢ ᠴᠦ᠍ ᠡᠵᠢᠪᠠᠨ ᠭᠤᠮᠤᠳᠠᠭᠠᠵᠤ ᠬᠦᠢᠴᠡᠭ᠌ᠰᠡᠨ ᠡ》 ᠭᠡᠳ ᠨᠢᠯᠪᠤᠰᠤ ᠡᠷᠬᠢᠯᠳᠦᠪᠡ᠃ 《ᠲᠠᠨᠤ ᠡᠵᠢ ᠦᠷᠡ ᠬᠡᠦᠬᠡᠳᠲᠡᠭᠡᠨ ᠪᠠᠷᠠᠪᠠᠨ ᠬᠠᠷᠠᠭᠤᠯᠵᠤ᠂ ᠴᠢᠮᠠᠯᠠᠬᠤᠪᠠᠷ ᠦᠭᠡᠢ ᠦᠨᠳᠦᠷ ᠨᠠᠰᠤᠯᠠᠭ᠍ᠰᠠᠨ᠂ ᠡᠪᠡᠳᠴᠦ᠍ ᠵᠤᠪᠠᠭ᠍ᠤᠶ᠋ᠢᠨ ᠲᠠᠷᠴᠢᠯᠠᠭᠠᠯ ᠦᠭᠡᠢ ᠠᠮᠠᠷᠬᠠᠨ ᠴᠦ᠍ ᠮᠤᠷᠢᠯᠠᠭ᠍ᠰᠠᠨ᠃ ᠬᠦᠮᠦᠨᠳᠤ ᠠᠮᠠᠷᠬᠠᠨ ᠨᠠᠰᠤᠯᠠᠬᠤ ᠱᠢᠭ᠋ ᠵᠢᠷᠭᠠᠯ ᠬᠠᠮᠢᠭᠠ ᠪᠠᠢᠬᠤ ᠪᠤᠢ᠂ ᠴᠤᠪᠤᠵᠤ ᠲᠦᠷᠦᠨ ᠰᠤᠪᠤᠷᠠᠵᠤ ᠮᠤᠷᠢᠯᠠᠳᠠᠭᠨᠢ ᠶᠢᠷᠳᠢᠨᠴᠦ᠍ᠶ᠋ᠢᠨ ᠵᠢᠮᠡ ᠬᠤᠢᠨᠠ᠂ ᠶᠠᠭᠠᠬᠢᠶᠠ ᠭᠡᠬᠦ᠌ ᠪᠤᠢ ᠲᠡ ᠰᠡᠳᠭᠢᠯᠢᠶᠠᠨ ᠪᠡᠷᠢ ᠳ᠋ᠠ！》 ᠭᠡᠰᠡᠨᠳᠤ᠂ 《ᠲᠡᠢᠮᠦ᠍ᠨᠢ ᠴᠦ᠍ ᠲᠡᠢᠮᠦ᠍ ᠡ᠃ ᠲᠡᠭᠡᠭ᠌ᠰᠡᠨ ᠴᠦ᠍ ᠰᠠᠨᠠᠭᠠᠨᠠᠴᠠ ᠶᠡᠷᠦ᠍ ᠭᠠᠷᠬᠤ ᠦᠭᠡᠢ ᠶᠤᠮ》 ᠭᠡᠳ ᠰᠠᠨᠠᠭᠠ ᠠᠯᠳᠠᠪᠠ᠃
《ᠲᠡ ᠶᠡᠷᠦ᠍ᠨᠢ ᠡᠵᠢᠶ᠋ᠢᠨᠢᠶᠠᠨ ᠲᠤᠬᠠᠢ ᠰᠡᠳᠭᠢᠯᠢᠶᠠᠨ ᠠᠭᠤᠵᠢᠷᠠᠳᠠᠯᠠ ᠶᠠᠷᠢᠴᠢᠬᠠ᠂ ᠲᠤᠳᠤᠷᠠ ᠤᠩᠭᠤᠢᠳᠠᠭ ᠶᠤᠮ》 ᠭᠡᠰᠡᠨᠳᠤ᠂ 《ᠲᠡᠭᠡᠶᠡ᠂ ᠲᠡᠭᠡᠶᠡ᠃ ᠴᠢᠮᠡᠠᠴᠠ ᠶᠠᠭᠤᠪᠠᠨ ᠨᠢᠭᠤᠬᠤ ᠪᠤᠢ》 ᠭᠡᠳ ᠶᠠᠷᠢᠶᠠᠨᠳᠠᠭᠠᠨ ᠤᠷᠤᠯᠠ ᠁ ᠠᠪᠤ ᠮᠢᠨᠢ ᠡᠷᠳᠡ ᠪᠤᠷᠬᠠᠨ ᠪᠤᠯᠵᠤ᠂ ᠤᠯᠠᠨ ᠦᠨᠦᠴᠢᠨ ᠬᠡᠦᠬᠡᠳ ᠬᠤᠴᠤᠷᠤᠭ᠍ᠰᠠᠨ ᠳ᠋ᠠ᠂ ᠵᠠᠢᠯᠠᠭᠤᠯ！ ᠡᠵᠢ ᠮᠢᠨᠢ ᠵᠠᠯᠠᠭᠤᠠᠴᠠᠪᠠᠨ ᠮᠠᠭᠤ ᠡᠷᠡᠶ᠋ᠢ ᠲᠠᠭᠠᠭᠤᠯᠬᠤᠪᠠᠷ ᠦᠭᠡᠢ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ ᠴᠢᠳᠠᠪᠤᠷᠢᠯᠢᠭ ᠬᠦᠮᠦᠨ ᠪᠠᠢᠭ᠍ᠰᠠᠨ᠃ ᠬᠦᠳᠡᠭᠡᠨᠤ ᠠᠢᠯᠳᠤ ᠰᠠᠭᠠᠯᠢ ᠰᠦ ᠪᠠᠷᠢᠬᠤ᠂ ᠬᠡᠦᠬᠡᠳ ᠪᠠᠭᠠᠴᠤᠳᠢᠶᠠᠨ ᠦᠰᠭᠡᠬᠦ᠂ ᠬᠦᠨᠡᠰᠦ ᠬᠤᠭᠤᠯᠠᠪᠠᠨ ᠲᠦᠬᠦᠭᠡᠷᠬᠦ᠂ ᠤᠳᠤᠷ ᠨᠡᠬᠦᠳᠡᠯ ᠬᠢᠬᠦ᠌ᠠᠴᠠ ᠦᠭ᠌ᠰᠦᠬᠦᠯᠦᠭᠡᠳ ᠲᠡᠭᠡᠰᠦ ᠪᠤᠷᠠᠨᠳᠠᠭ ᠲᠠᠮᠤᠬᠤ᠂ ᠡᠷᠢᠯ ᠰᠤᠷᠠᠯᠳᠤ ᠶᠠᠪᠤᠬᠤ ᠁ ᠭᠡᠳ ᠭᠡᠷ ᠭᠠᠳᠠᠨᠠᠶ᠋ᠢᠨ ᠠᠷᠪᠢᠨ ᠠᠵᠢᠯᠬᠦᠭ᠌ᠯᠡᠷᠡᠳᠡᠭ᠃ ᠲᠡᠷᠡ ᠪᠦᠬᠦᠨᠢ ᠬᠦᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠦᠪᠡᠷᠤᠨ ᠪᠡᠶᠡᠪᠠᠷᠢᠶᠠᠨ ᠦᠯᠢᠭᠡᠷᠯᠡᠵᠦ᠍᠂ ᠦᠢᠯᠡ ᠠᠵᠢᠯᠳᠤ ᠰᠤᠷᠭᠠᠨ᠂ ᠦᠷᠡ ᠬᠡᠦᠬᠡᠳᠢ ᠮᠢᠨᠢ ᠦᠰᠭᠡᠯᠴᠡᠵᠦ᠍᠂ ᠦᠷᠦᠭᠡᠯᠤᠨ ᠴᠢᠷᠠᠢᠶ᠋ᠢ ᠬᠠᠷᠠᠬᠤᠪᠠᠷ ᠦᠭᠡᠢ ᠠᠮᠢᠳᠤᠷᠠᠬᠤᠶ᠋ᠢᠨ ᠤᠬᠠᠭᠠᠨᠢ ᠦᠪᠯᠡᠬᠦᠯᠦᠭ᠌ᠰᠡᠨ ᠪᠤᠶᠠᠨᠳᠠᠨ ᠶᠤᠮ᠃
ᠬᠤᠶᠠᠷᠤᠨ ᠬᠤᠶᠠᠷ ᠠᠢᠯᠤᠨ ᠭᠡᠷᠤᠨ ᠡᠵᠡᠭ᠌ᠳᠡᠢ ᠪᠤᠯᠤᠭ᠍ᠰᠠᠨ ᠡᠵᠢ ᠪᠢᠳᠡ ᠬᠤᠶᠠᠷᠤᠨ ᠪᠦᠬᠡᠴᠡᠢᠯᠡᠭᠡᠪᠠᠷ ᠲᠦᠷᠪᠡᠨ ᠲᠡᠬᠦᠦ᠂ ᠲᠠᠪᠤᠨ ᠦᠷᠡ ᠮᠢᠨᠢ ᠦᠰᠴᠦ᠍ ᠦᠨᠳᠡᠢᠨ ᠠᠢᠯ ᠡᠷᠦᠬᠡ ᠪᠤᠰᠭᠠᠵᠤ᠂ ᠠᠰ ᠠᠰᠲᠠᠭᠠᠨ ᠠᠵᠤ ᠠᠮᠢᠳᠤᠷᠠᠯᠢᠶᠠᠨ ᠬᠦᠭᠡᠭᠡᠴᠡᠯᠳᠦᠨ᠂ ᠦᠩᠭᠡᠲᠠᠢ ᠦᠬᠡᠳᠡᠲᠠᠢ ᠰᠠᠢᠬᠠᠨ ᠯᠠ ᠠᠮᠢᠳᠤᠷᠠᠵᠠᠭᠠᠵᠤ ᠶᠠᠪᠤᠨᠠ᠃ ᠬᠡᠯᠡᠯᠭᠡᠨ ᠦᠭᠡᠢ ᠬᠤᠶᠠᠷ ᠠᠢᠯᠤᠨ ᠭᠠᠭ᠍ᠴᠠ ᠨᠤᠶᠠᠨ ᠨᠢᠷᠤᠭᠤ ᠪᠤᠯᠤᠭ᠍ᠰᠠᠨ ᠬᠠᠨᠢᠶ᠋ᠢᠨ ᠮᠢᠨᠢ ᠦᠮᠦᠭ ᠲᠦᠱᠢᠭ᠂ ᠲᠡᠮᠵᠢᠯᠭᠡ ᠲᠤᠰᠠᠯᠠᠯᠴᠠᠭᠠ ᠪᠠᠢᠯᠬᠦᠢ ᠶᠠᠭᠠᠬᠢᠬᠤ ᠪᠤᠢ᠃ ᠲᠡᠭᠡᠭ᠌ᠰᠡᠨ ᠴᠦ᠍ ᠠᠢᠯ ᠭᠡᠷᠲᠤ ᠡᠬᠡᠨᠡᠷ ᠬᠦᠮᠦᠨᠤ ᠤᠶᠤᠨ ᠤᠬᠠᠭᠠᠨ᠂ ᠬᠦᠳᠡᠯᠮᠦᠷᠢ ᠬᠦᠴᠦ᠍ ᠶᠠᠭᠠᠬᠢᠨ ᠲᠤᠳᠠᠭ᠍ᠳᠠᠵᠤ ᠪᠤᠯᠬᠤ ᠪᠤᠢ᠃ ᠡᠳᠡᠭᠡᠷ ᠪᠦᠬᠦᠨᠢ ᠵᠢᠭᠠᠵᠤ ᠵᠢᠯᠤᠭᠤᠳᠤᠨ᠂ ᠬᠠᠪᠰᠤᠷᠴᠤ᠌ ᠡᠪᠰᠡᠯᠴᠡᠨ ᠬᠦᠳᠦᠯᠦᠯᠴᠡᠵᠦ᠍ ᠶᠠᠪᠤᠭ᠍ᠰᠠᠨ ᠭᠠᠪᠢᠶᠠᠳᠠᠨ ᠪᠤᠯ ᠶᠠᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠭᠡᠢ ᠡᠵᠢ ᠮᠢᠨᠢ ᠪᠢᠯᠡ᠃
ᠠᠪᠤᠠᠴᠠ ᠬᠤᠢᠰᠢ ᠡᠵᠢ ᠮᠢᠨᠢ ᠬᠠᠮᠢᠭᠠᠨᠠ ᠴᠠᠭᠠᠨᠠ ᠨᠡᠷᠡᠮᠡᠯᠠᠴᠠᠪᠠᠨ ᠭᠠᠭ᠍ᠴᠠ ᠬᠤᠶᠠᠷ ᠪᠠᠯᠭᠤᠵᠤ ᠪᠠᠢᠬᠤ ᠬᠠᠷᠠᠭ᠍ᠳᠠᠳᠠᠭ᠃ 《ᠨᠡᠷᠡᠮᠡᠯᠤᠨᠢᠶᠠᠨ ᠴᠢᠩᠭᠠ ᠰᠤᠯᠠᠶ᠋ᠢ ᠱᠢᠯᠭᠠᠵᠤ ᠪᠠᠢᠭᠠ ᠶᠤᠮ ᠪᠠᠢᠯᠬᠦᠢ》 ᠭᠡᠵᠤ ᠪᠤᠳᠤᠭᠠᠳ ᠰᠠᠨᠠᠭᠠᠨᠳᠠᠭᠠᠨ ᠶᠠᠷᠤ ᠠᠪᠳᠠᠭ ᠦᠭᠡᠢ᠃ ᠲᠡᠭᠡᠵᠦ᠍ ᠪᠠᠢᠭ᠍ᠰᠠᠨ ᠴᠢᠨᠢ ᠪᠡᠶᠡᠨᠠᠴᠠᠨᠢ ᠠᠷᠢᠬᠢ ᠬᠠᠩᠬᠤᠯᠳᠠᠭ ᠪᠤᠯᠤᠯᠠ᠃ 《ᠲᠠᠨᠠᠴᠠ ᠠᠷᠢᠬᠢ ᠬᠠᠩᠬᠤᠯᠵᠤ ᠪᠠᠢᠨᠠ ᠤᠤ ᠳ᠋ᠠ？》 ᠭᠡᠰᠡᠨᠳᠤ᠂ 《ᠦ᠂ ᠶᠠᠭᠠᠬᠢᠬᠤ ᠪᠤᠢ᠃ ᠪᠤᠳᠤᠩᠤᠨ ᠠᠮᠠ ᠪᠤᠭᠤᠬᠤ ᠭᠡᠳ ᠴᠠᠯᠬᠢᠯᠠᠭᠤᠯᠴᠢᠬᠠᠭ᠍ᠰᠠᠨ ᠶᠤᠮ》 ᠭᠡᠵᠤ ᠪᠠᠢᠨᠠ᠃ ᠦᠷᠯᠦᠭᠡ ᠡᠪ ᠡᠷᠡᠬᠦᠯ ᠰᠡᠮᠪᠡᠯᠵᠡᠵᠦ᠍ ᠪᠠᠢᠭ᠍ᠰᠠᠨ ᠬᠦᠮᠦᠨ᠂ ᠤᠷᠤᠢᠬᠠᠨ ᠪᠤᠯᠬᠤᠳᠤ ᠠᠳᠡ ᠲᠡᠨᠳᠡ ᠬᠢᠰᠭᠢᠯᠡᠨ ᠭᠡᠯᠡ ᠠᠮᠠᠨᠢ ᠴᠤᠯᠴᠠᠷᠢᠭᠠᠳ ᠤᠯᠢᠭ᠍ᠳᠠᠢᠬᠠᠨ ᠢᠳᠡᠵᠦ᠍ ᠤᠤᠭᠤᠵᠤ ᠴᠢᠳᠠᠯ ᠦᠭᠡᠢ ᠲᠡᠷᠡ ᠲᠤᠯᠤᠭᠠᠢ ᠨᠡᠢᠯᠡᠬᠦᠯᠦᠨᠡ᠃ 《ᠬᠠᠷᠠ ᠤᠰᠤ ᠵᠠᠯᠬᠢᠯᠠᠵᠤ ᠪᠠᠢᠬᠤᠪᠠᠷ ᠬᠤᠭᠤᠯᠠ ᠪᠤᠳᠠᠭᠠᠪᠠᠨ ᠢᠳᠡᠳᠡᠭ ᠴᠦ᠍ ᠪᠤᠯᠤᠭᠠᠰᠠᠢ！》 ᠭᠡᠰᠡᠨᠳᠤ᠂ 《ᠠᠷᠢᠬᠢ ᠭᠡᠭ᠌ᠴᠢ ᠷᠠᠱᠢᠶᠠᠨ᠂ ᠶᠠᠳᠠᠷᠠᠬᠤᠶ᠋ᠢᠨ ᠴᠠᠭᠲᠤ ᠲᠦᠱᠢᠵᠦ᠍ ᠲᠤᠯᠳᠠᠭ ᠲᠠᠶᠠᠭ᠂ ᠵᠤᠪᠠᠭ᠍ᠤᠶ᠋ᠢᠨ ᠴᠠᠭᠲᠤ ᠰᠡᠳᠭᠢᠯ ᠠᠭᠤᠵᠢᠷᠠᠭᠤᠯᠳᠠᠭ ᠲᠠᠷᠨᠢ ᠶᠤᠮ》 ᠭᠡᠳᠡᠭ᠃ 《ᠲᠠ ᠶᠡᠷᠦ᠍ᠨᠢ ᠲᠡᠷᠡ ᠠᠷᠢᠬᠢ ᠤᠤᠭᠤᠳᠠᠭ ᠠᠮᠠᠪᠠᠷᠢᠶᠠᠨ ᠮᠠᠨᠢ ᠮᠡᠭ᠌ᠵᠡᠮ ᠤᠩᠱᠢᠭ᠍ᠰᠠᠨᠨᠢ ᠠᠷᠠᠢ ᠲᠡᠭᠡᠷᠡ ᠪᠠᠢᠯᠬᠦᠢ！》 ᠭᠡᠳᠡᠯᠡ 《ᠪᠢ ᠲᠡᠭᠡᠭᠡᠳ ᠢᠳᠡᠵᠦ᠍ ᠤᠤᠭᠤᠬᠤᠪᠠᠨ ᠴᠢᠮᠠᠪᠠᠷ ᠵᠢᠭᠠᠯᠭᠠᠬᠤ ᠪᠤᠯᠵᠤ ᠪᠠᠢᠨᠠ ᠤᠤ？》 ᠭᠡᠳ ᠪᠠᠷᠢᠵᠤ ᠪᠠᠢᠭ᠍ᠰᠠᠨ ᠮᠤᠳᠤ ᠲᠤᠯᠤᠭᠠᠢᠪᠠᠷᠢᠶᠠᠨ ᠲᠠᠳᠠᠭᠠᠳ ᠠᠪᠤᠪᠠ᠃ ᠮᠢᠨᠦ᠍ ᠢᠨᠢᠶᠡᠳᠦ ᠬᠦᠷᠴᠦ᠍᠄ 《ᠤᠳᠤ ᠪᠦᠷ ᠵᠤᠳᠤᠬᠤᠨᠢ》 ᠬᠡᠰᠡᠨᠳᠤ᠂《ᠦ᠂ ᠬᠦᠭᠡᠷᠦᠬᠦᠢ！ ᠡᠪᠡᠳᠭᠡᠴᠢᠬᠡᠪᠡ ᠤᠤ？》 ᠭᠡᠳ ᠰᠤᠭ᠍ᠳᠤᠭᠤ ᠨᠢᠳᠦ᠍ᠪᠠᠨ ᠰᠦᠮᠡᠢᠯᠬᠡᠨ ᠤᠷᠤᠭᠤᠯᠢᠶᠠᠨ ᠴᠦᠷᠪᠦᠢᠯᠭᠡᠵᠦ᠍ ᠪᠠᠢᠭᠠ ᠬᠦᠮᠦᠨᠢ ᠴᠢᠨᠢ ᠶᠠᠭᠠᠬᠢᠯᠳᠠᠢ ᠴᠦ᠍ ᠪᠢᠯᠡ ᠳ᠋ᠠ᠃
ᠪᠠᠯᠠᠭᠲᠠᠢ ᠬᠠᠷᠠ ᠠᠷᠢᠬᠢᠨᠠᠴᠠ ᠪᠤᠯᠵᠤ᠂ ᠡᠵᠢᠶ᠋ᠢᠨ ᠪᠡᠶᠡ ᠲᠤᠷᠤᠢᠳᠠᠨ ᠴᠢᠰᠦᠨ ᠲᠡᠷᠦᠯᠳᠡᠨᠢ ᠦᠨᠳᠦᠷᠳᠡᠵᠦ᠍᠂ ᠵᠢᠷᠦᠭᠡᠨ ᠴᠤᠬᠢᠯᠭᠠᠨᠢ ᠲᠦᠷᠭᠡᠰᠦᠭᠡᠳ ᠡᠮᠴᠢᠠᠴᠠ ᠠᠷᠢᠬᠢ ᠤᠤᠭᠤᠬᠤᠶ᠋ᠢᠨᠢ ᠲᠠᠰᠤ ᠬᠢᠵᠠᠭᠠᠷᠯᠠᠬᠤᠶ᠋ᠢ ᠰᠠᠨᠠᠭᠤᠯᠪᠠ᠃ ᠰᠡᠬᠦᠯᠳᠡᠵᠦ᠍ ᠢᠷᠡᠭᠡᠳ ᠡᠵᠢ ᠮᠢᠨᠢ ᠪᠦᠷ ᠴᠠᠭᠠᠨᠳᠠᠭᠠᠨ ᠭᠠᠷᠴᠤ᠌᠂ ᠲᠠᠯᠳᠠᠭᠤᠷ ᠤᠤᠭᠤᠬᠤᠪᠠᠨ ᠪᠤᠯᠢᠭᠠᠳ ᠭᠡᠷ ᠤᠷᠤᠨ᠂ ᠬᠤᠳᠠ ᠬᠤᠷᠤᠭᠠ ᠁ ᠬᠠᠮᠢᠭᠠ ᠪᠤᠯ ᠬᠠᠮᠢᠭᠠ ᠠᠷᠢᠬᠢ ᠲᠠᠯᠪᠢᠨ ᠤᠷᠤᠨ ᠭᠠᠷᠤᠨ ᠯᠤᠩᠬᠤᠪᠠᠷᠨᠢ ᠬᠦᠨᠳᠦᠷᠡᠳᠡᠭ ᠪᠤᠯᠤᠯᠠ ᠃ ᠨᠢᠭᠡ ᠡᠳᠦᠷ ᠤᠳᠭᠤᠨ ᠲᠡᠬᠦᠦ᠍ᠶ᠋ᠢ ᠠᠷᠢᠬᠢ ᠠᠪᠴᠢᠷᠠᠬᠤᠪᠠᠷᠨᠢ ᠲᠡᠰᠴᠦ᠍ ᠴᠢᠳᠠᠯ ᠦᠭᠡᠢ᠂ 《ᠡᠵᠢᠶ᠋ᠢᠨ ᠴᠢᠰᠦᠨ ᠲᠠᠷᠤᠯᠳᠠ ᠦᠨᠳᠦᠷᠢ ᠮᠡᠳᠡᠭ᠌ᠰᠡᠭᠡᠷ ᠪᠠᠢᠭᠠᠳ ᠶᠠᠭᠠᠬᠢᠬᠤᠯᠠᠷᠢᠶᠠᠨ ᠵᠠᠪᠠᠯ ᠠᠷᠢᠬᠢ ᠠᠪᠴᠢᠷᠠᠵᠤ ᠪᠠᠢᠳᠠᠭ ᠶᠤᠮ？》 ᠭᠡᠰᠡᠨᠳᠤ᠂《ᠪᠦᠷᠢᠳᠭᠡᠯᠠᠴᠠᠨᠢ ᠬᠤᠶᠠᠷ ᠲᠤᠳᠠᠭᠠᠵᠤ ᠭᠤᠮᠤᠳᠠᠭᠠᠭᠠᠳ ᠶᠠᠭᠠᠬᠢᠬᠤ ᠪᠤᠢ？》 ᠭᠡᠵᠤ ᠪᠠᠢᠨᠠ᠃ 《ᠪᠦᠷᠢᠳᠭᠡᠯ ᠮᠦᠷᠢᠳᠭᠡᠯ ᠭᠡᠳ ᠶᠠᠭᠤᠪᠠᠨ ᠶᠠᠷᠢᠭᠠᠳ ᠪᠠᠢᠭᠠ ᠶᠤᠮ？》 ᠭᠡᠰᠡᠨᠳᠤ᠂ 《ᠡᠵᠢ ᠴᠠᠭᠠᠨ ᠰᠠᠷᠠ ᠬᠡᠳᠦᠨ ᠯᠤᠩᠬᠤ ᠠᠷᠢᠬᠢᠲᠠᠢ ᠪᠤᠯᠬᠤᠪᠠᠨ ᠠᠯᠢ ᠭᠡᠳᠦᠢᠨ ᠪᠦᠷᠢᠳᠭᠡᠭᠡᠳ ᠲᠠᠯᠪᠢᠴᠢᠬᠠᠳᠠᠭ ᠶᠤᠮ》 ᠬᠡᠯᠡ᠃《ᠠᠷᠠᠢ ᠦᠭᠡᠢ ᠪᠠᠢᠯᠬᠦᠢ》 ᠭᠡᠰᠡᠨᠳᠤ᠂ 《ᠨᠢᠳᠤᠨᠤᠨ ᠴᠠᠭᠠᠨ ᠰᠠᠷᠠ ᠪᠢ ᠵᠤᠯᠭᠠᠬᠤᠪᠠᠷ ᠤᠷᠤᠬᠤᠳᠤ᠂ ᠡᠵᠢ ᠲᠠᠷᠠᠨ ᠲᠤᠤᠷᠠᠠᠴᠠᠪᠠᠨ ᠬᠠᠳᠠᠭ ᠠᠪᠬᠤ ᠭᠡᠳ ᠨᠢᠭᠡ ᠬᠠᠭᠤᠳᠠᠰᠤ ᠤᠨᠠᠭᠠᠪᠠ᠃ ᠦᠨᠦᠬᠢ ᠲᠡᠭᠡᠷᠡᠨᠢ 〈ᠪᠠᠭᠠᠳᠤᠷᠤᠨ ᠬᠤᠶᠠᠷ ᠱᠢᠯ᠂ ᠪᠠᠷᠬᠠᠰᠤᠨ ᠬᠤᠶᠠᠷ ᠱᠢᠯ᠂ ᠪᠠᠳᠮᠠᠶ᠋ᠢᠨ ᠬᠤᠶᠠᠷ ᠱᠢᠯ ᠁〉 ᠭᠡᠳ ᠲᠠᠪᠢ ᠭᠠᠷᠤᠢ ᠯᠤᠩᠬᠤ ᠠᠷᠢᠬᠢᠨᠤ ᠪᠦᠷᠢᠳᠭᠡᠯ ᠪᠢᠴᠢᠭᠡᠰᠦᠳᠡᠢ ᠪᠠᠢᠯᠠ᠃ ᠦᠷᠦ᠍ ᠡᠪᠡᠳᠦᠭᠡᠳ ᠶᠠᠭᠤ ᠴᠦ᠍ ᠲᠤᠤᠭᠠᠷᠴᠤ᠌ ᠴᠢᠳᠠᠭ᠍ᠰᠠᠨ ᠦᠭᠡᠢ ᠲᠡᠷᠡᠨ ᠲᠤᠤᠭᠤᠷᠨᠢ ᠪᠤᠴᠠᠭᠠᠭᠠᠳ ᠬᠢᠴᠢᠬᠡᠭ᠌ᠰᠡᠨ᠃ ᠠᠷᠢᠬᠢ ᠭᠤᠷᠢᠳᠠᠵᠤ ᠰᠠᠭᠤᠭᠠ ᠡᠵᠢᠪᠠᠨ ᠶᠠᠭᠠᠬᠢᠵᠤ ᠭᠤᠮᠤᠳᠠᠭᠠᠬᠤ ᠪᠤᠢ᠃ ᠨᠠᠰᠤ ᠶᠠᠪᠤᠭ᠍ᠰᠠᠨ ᠬᠦᠮᠦᠨ ᠬᠡᠳᠦᠢᠬᠡᠨ ᠯᠡ ᠠᠮᠢᠳᠤᠷᠠᠨᠠ ᠭᠡᠵᠤ ᠁ ᠤᠤᠭᠤᠪᠠᠯ ᠤᠤᠭᠤᠭ ᠳ᠋ᠠ！》 ᠭᠡᠪᠡ᠃
ᠲᠡᠬᠦᠦ᠍ᠶ᠋ᠢᠨ ᠬᠡᠯᠡᠬᠦ᠌ ᠵᠦᠪ ᠭᠡᠰᠡᠨ ᠴᠦ᠍ ᠦᠷᠡ ᠬᠤᠢᠴᠢᠰᠲᠠᠭᠠᠨ ᠢᠯᠡᠬᠦᠦ ᠭᠡᠳᠦᠨ ᠡᠳᠦᠷ ᠪᠠᠷᠠᠪᠠᠨ ᠬᠠᠷᠠᠭᠤᠯᠵᠤ᠂ ᠱᠢᠨᠡ ᠴᠠᠭᠤᠨ ᠰᠠᠢᠬᠠᠨ ᠠᠮᠢᠳᠤᠷᠠᠯᠢ ᠡᠳ᠋ᠯᠡᠭᠡᠰᠡᠢ ᠭᠡᠵᠤ ᠪᠤᠳᠤᠭᠠᠳ ᠦᠨᠦᠬᠢ ᠪᠦᠷᠢᠳᠭᠡᠯᠢᠶᠠᠷ ᠴᠤᠭ᠍ᠯᠠᠷᠠᠭ᠍ᠰᠠᠨ ᠠᠷᠢᠬᠢ ᠲᠠᠷᠠᠰᠤᠨᠤᠭᠤᠳᠢᠨᠢ ᠬᠤᠷᠢᠶᠠᠯᠳᠠᠲᠠᠢ ᠲᠦᠯᠡᠭᠡ᠂ ᠤᠪᠤᠭᠠᠯᠠᠭᠠᠳᠠᠢ ᠠᠷᠭᠠᠯ᠂ ᠭᠡᠷᠤᠨ ᠵᠠᠪᠠᠭ᠂ ᠤᠷᠪᠤᠭᠤᠨ ᠡᠩᠭᠡᠷ᠂ ᠬᠠᠳᠠᠨᠤ ᠬᠤᠩᠭᠢᠯ ᠳ᠋ᠦ ᠬᠦᠷᠳᠡᠯᠡ ᠠᠪᠠᠴᠢᠵᠤ ᠨᠢᠭᠤᠨᠠ᠃
《ᠡᠨᠡ ᠮᠠᠭᠤ ᠼᠧᠮᠧᠨ᠋ᠲ ᠵᠤᠯᠢᠭ ᠴᠢᠨᠢ ᠤᠰᠤᠨ ᠮᠠᠬᠠᠪᠤᠳᠲᠠᠢ ᠶᠤᠮ ᠪᠠᠢᠨᠠ᠃ ᠶᠢᠰᠦᠨ ᠵᠤᠭᠤᠰ ᠤᠷᠬᠢᠬᠤᠳᠤ᠂ ᠤᠰᠤ ᠪᠠᠭᠤᠭᠠᠳ ᠪᠠᠢᠬᠤᠪᠠᠷᠨᠢ ᠤᠩᠭᠤᠴᠠᠨᠤ ᠲᠡᠷᠡᠯᠡᠭᠡ᠂ ᠬᠤᠳᠳᠤᠭᠤᠨ ᠬᠠᠱᠢᠶᠠᠪᠠᠷ ᠡᠷᠢᠭᠡᠳ ᠪᠦᠷ ᠴᠦᠬᠦᠷᠡᠭ᠌ᠰᠡᠨ᠃ ᠬᠠᠷᠢᠨ ᠤᠪᠤᠭᠠᠯᠠᠭᠠᠳᠠᠢ ᠼᠧᠮᠧᠨ᠋ᠲᠤᠨ ᠵᠠᠪᠰᠠᠷᠲᠤ ᠱᠢᠷᠭᠤᠯᠠᠭᠠᠳᠠᠢ ᠭᠡᠪᠳᠡᠨᠡ》 ᠭᠡᠴᠢᠭᠡᠭ᠌ᠰᠡᠨ ᠯᠤᠩᠬᠤᠲᠠᠢ ᠠᠷᠢᠬᠢ ᠪᠠᠷᠢᠭᠠᠳ ᠢᠨᠢᠶᠡᠳᠦ ᠠᠯᠳᠠᠨ ᠤᠷᠤᠵᠤ ᠢᠷᠡᠵᠦ᠍ ᠪᠠᠢᠭᠠ ᠡᠵᠢᠶ᠋ᠢᠨᠢᠶᠠᠨ ᠦᠭᠡᠳᠡᠠᠴᠠ ᠢᠨᠢᠶᠡᠬᠦ᠌ ᠴᠦ᠍ ᠪᠢᠰᠢ᠂ ᠬᠠᠨᠢᠶᠠᠬᠤ ᠴᠦ᠍ ᠪᠢᠰᠢ ᠬᠠᠴᠢᠨ ᠪᠠᠢᠳᠠᠯᠳᠤ ᠭᠠᠴᠠᠭᠠᠭ᠍ᠳᠠᠪᠠ᠃
《ᠲᠠ ᠴᠢᠨᠢ ᠱᠢᠯᠢᠷᠡᠭ᠌ᠰᠡᠨ ᠢᠩᠭᠡᠨᠳᠤ ᠮᠡᠷᠭᠡᠯᠡᠬᠦ᠌ᠪᠠᠨ ᠪᠤᠯᠢᠭᠠᠳ᠂ ᠱᠢᠯᠲᠠᠢ ᠠᠷᠢᠬᠢᠨᠳᠠᠭᠠᠨ ᠮᠡᠷᠭᠡᠯᠡᠳᠡᠭ ᠪᠤᠯᠤᠭ᠍ᠰᠠᠨ ᠤᠤ？》 ᠭᠡᠰᠡᠨᠳᠤ᠂ 《ᠲᠡᠷᠡ ᠲᠡᠷᠡᠶ᠋ᠢ ᠴᠢᠨᠢ ᠪᠢ ᠬᠢᠬᠦ᠌ᠪᠠᠷᠢᠶᠠᠨ ᠪᠤᠯᠤᠭ᠍ᠰᠠᠨ᠃ ᠦᠪᠡᠷᠤᠨ ᠲᠤᠯᠤᠭᠠ ᠪᠢᠳᠡᠬᠡᠢ ᠬᠡᠯᠡ᠂ ᠦᠷᠦᠭᠡᠯᠤᠨ ᠲᠠᠪᠤᠶ᠋ᠢ ᠦᠰᠭᠡᠯᠴᠡᠨ ᠨᠠᠰᠤᠨᠤ ᠡᠬᠦᠷᠭᠡᠪᠠᠨ ᠠᠯᠢ ᠬᠡᠳᠦᠢᠨ ᠪᠡᠶᠡᠯᠡᠬᠦᠯᠴᠢᠬᠡᠭ᠌ᠰᠡᠨ᠃ ᠡᠭᠡᠯᠵᠢ ᠬᠠᠯᠠᠭᠠ ᠭᠡᠵᠤ ᠪᠠᠢᠳᠠᠭ ᠪᠠᠢᠭᠠ！ ᠠᠷᠢᠬᠢ ᠤᠤᠭᠤᠯᠠ ᠭᠡᠳ ᠪᠢ ᠲᠠ ᠨᠠᠷᠢ ᠶᠠᠭᠤᠪᠠᠷ ᠬᠤᠬᠢᠷᠠᠭᠠᠪᠠ？ ᠲᠤᠰᠠᠶ᠋ᠢ ᠪᠤᠳᠤᠬᠤ ᠦᠭᠡᠢ ᠴᠦ᠍ ᠦᠬᠦᠬᠦ᠌ᠶ᠋ᠢᠨ ᠦᠵᠦᠬᠦᠷ ᠴᠦ᠍ ᠤᠤᠭᠤᠵᠤ ᠡᠳ᠋ᠯᠡᠬᠦ᠌ᠶ᠋ᠢ ᠬᠡᠷᠡᠵᠦ᠍ ᠬᠡᠮᠵᠢᠬᠦ᠌ ᠦᠭᠡᠢ ᠪᠠᠢᠵᠤ ᠪᠤᠯᠤᠨᠠ ᠪᠢᠵᠡ ᠳ᠋ᠡ！》 ᠭᠡᠮᠡᠨ ᠢᠮᠠᠭᠠ ᠲᠠᠭᠤᠯᠠ（ᠠᠷᠢᠬᠢᠨᠤ ᠬᠠᠯᠠᠭᠤᠨᠢᠶᠠᠷ ᠠᠭ᠍ᠰᠤᠮ ᠲᠠᠯᠪᠢᠬᠤ）᠃ 《ᠵᠠ᠂ ᠵᠠ᠂ ᠤᠤᠭᠤᠬᠤᠪᠠᠨ ᠮᠡᠳᠡ！》 ᠭᠡᠳ ᠬᠡᠳᠦ ᠬᠡᠳᠦᠨ ᠱᠢᠯ ᠠᠷᠢᠬᠢ ᠠᠪᠴᠢᠷᠠᠵᠤ ᠡᠮᠦᠨᠡᠨᠢ ᠱᠤᠪᠤᠢᠯᠭᠠᠵᠤ ᠬᠠᠶᠠᠭᠠᠳ ᠡᠬᠦᠳᠡ ᠰᠠᠪᠠᠨ ᠭᠠᠷᠪᠠ᠃ 《ᠤᠤᠭᠤᠨᠠ᠂ ᠤᠤᠭᠤᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠶᠤᠮ？ ᠤᠤᠭᠤᠵᠤ ᠪᠠᠢᠭᠠᠳ ᠯᠠ ᠦᠬᠦᠨᠡ᠃ ᠮᠠᠭᠤ ᠠᠮᠢᠳᠤᠷᠠᠭ᠍ᠰᠠᠨᠠᠴᠠ ᠰᠠᠢᠬᠠᠨ ᠦᠬᠦᠭ᠌ᠰᠡᠨᠨᠢ ᠲᠡᠭᠡᠷᠡ！》 ᠭᠡᠮᠡᠨ ᠬᠠᠰᠭᠢᠷᠬᠤ ᠲᠤᠭᠤᠯᠳᠠᠪᠠ᠃
《ᠠᠷᠠᠢ ᠯᠡ ᠱᠢᠷᠦᠬᠦᠨ ᠬᠠᠨᠳᠤᠴᠢᠬᠠᠯᠠ᠃ ᠨᠠᠳᠠ ᠭᠤᠮᠤᠳᠠᠵᠤ ᠬᠦᠢᠴᠡᠭ᠌ᠰᠡᠨ ᠳ᠋ᠠ᠃ ᠦᠷᠯᠦᠭᠡ ᠱᠢᠷᠠᠳᠠᠭᠠᠳ ᠶᠠᠭᠤᠮᠠ ᠢᠳᠡᠵᠦ᠍ ᠤᠤᠭᠤᠭᠠ ᠦᠭᠡᠢ ᠦᠯᠦᠨ ᠡᠯᠢᠬᠡᠨ ᠲᠡᠭᠡᠷᠡᠪᠠᠨ ᠠᠷᠢᠬᠢ ᠵᠠᠯᠬᠢᠯᠠᠭᠠᠳ ᠤᠳᠤ ᠪᠦᠷ ᠱᠠᠯ ᠰᠤᠭ᠍ᠳᠤᠭᠤ ᠬᠡᠪᠳᠡᠵᠦ᠍ ᠪᠤᠢ᠃ ᠪᠠᠰᠠ ᠯᠠ ᠬᠡᠯᠡᠬᠦ᠂ ᠬᠡᠯᠡᠬᠦ᠌ ᠦᠭᠡᠢ ᠦᠬᠡᠪᠠᠷ ᠵᠠᠩᠨᠠᠬᠤ ᠪᠠᠢᠯᠬᠦᠢ！》 ᠭᠡᠵᠤ ᠪᠤᠳᠤᠭᠠᠳ ᠡᠬᠦᠳᠡᠨᠳᠤᠨᠢ ᠬᠡᠳᠦ ᠲᠠᠬᠢᠨ ᠤᠴᠢᠭ᠍ᠰᠠᠨ ᠴᠦ᠍ ᠤᠷᠤᠵᠤ ᠵᠢᠷᠦᠭᠡᠯᠡᠭ᠌ᠰᠡᠨ ᠦᠭᠡᠢ᠃ ᠨᠡᠷᠡ ᠪᠠᠷᠠᠭᠤᠨ ᠬᠤᠢᠰᠢᠪᠠᠨ ᠲᠤᠩᠭᠤᠢᠨ ᠬᠠᠷᠢᠭᠤ ᠦᠭᠡᠢ ᠱᠢᠩᠭᠡᠬᠦ᠌ᠨᠢ᠃ 《ᠶᠠᠭᠤ ᠴᠦ᠍ ᠪᠤᠯᠤᠭ᠍ᠰᠠᠨ ᠤᠷᠤᠶᠠ᠃ ᠶᠠᠳᠠᠵᠤ ᠰᠠᠢᠬᠠᠨ ᠦᠬᠡᠪᠠᠷ ᠰᠡᠳᠭᠢᠯᠢᠨᠢ ᠲᠠᠢᠳᠭᠤᠷᠠᠭᠤᠯᠤᠶᠠ！》 ᠭᠡᠵᠤ ᠪᠤᠳᠤᠭᠠᠳ ᠬᠠᠷᠠ ᠱᠦᠯᠦ᠍ ᠪᠤᠴᠠᠯᠭᠠᠨ ᠠᠪᠴᠤ᠌ ᠤᠷᠤᠪᠠᠯ᠄ 《ᠡᠵᠢᠨᠢ ᠰᠤᠭ᠍ᠳᠤᠴᠢᠬᠠᠭᠠᠳ ᠯᠠ ᠲᠡᠮᠡᠢ ᠪᠠᠯᠠᠢ ᠶᠠᠭᠤᠮᠠ ᠴᠠᠯᠴᠢᠵᠤ ᠪᠠᠢᠬᠤᠠᠴᠠ᠃ ᠮᠢᠨᠦ᠍ ᠲᠦᠯᠦᠭᠡ ᠭᠡᠳᠡᠭᠢ ᠴᠢᠨᠢ ᠮᠡᠳᠡᠵᠦ᠍ ᠯᠡ ᠪᠠᠢᠭᠠ᠃ ᠲᠠᠬᠢᠵᠤ ᠬᠠᠷᠠ ᠤᠰᠤ ᠵᠠᠯᠬᠢᠯᠠᠵᠤ᠂ ᠦᠷᠡ ᠬᠡᠦᠬᠡᠳᠢᠶᠠᠨ ᠵᠤᠪᠠᠭᠠᠬᠤᠪᠠᠨ ᠪᠤᠯᠢᠶᠠ！》 ᠭᠡᠳ ᠬᠠᠯᠠᠭᠤᠨ ᠱᠦᠯᠦᠨᠠᠴᠠ ᠬᠡᠳᠦ ᠤᠭᠤᠴᠢᠯᠠᠪᠠ᠃ ᠬᠠᠷᠠ ᠱᠦᠯᠦ᠍ ᠤᠤᠭᠤᠵᠤ ᠪᠡᠶᠡᠨᠢ ᠲᠠᠯᠪᠢᠭᠣᠷᠠᠨ ᠲᠤᠤᠷᠠᠬᠠᠨᠢᠶᠠᠨ ᠤᠨᠳᠠᠭᠠᠳ ᠦᠭ᠌ᠬᠦᠯᠡ᠃
ᠲᠡᠬᠦᠨᠠᠴᠠ ᠬᠤᠢᠰᠢ ᠡᠵᠢ ᠮᠢᠨᠢ ᠠᠷᠢᠬᠢ ᠬᠠᠪᠢᠳᠠᠭᠤᠯᠬᠤᠪᠠᠨ ᠪᠤᠯᠢᠨ᠂ ᠢᠳᠡᠵᠦ᠍ ᠤᠤᠭᠤᠬᠤᠨᠢ ᠰᠠᠢᠵᠢᠷᠠᠵᠤ᠂ ᠬᠦᠷᠡᠩ ᠤᠯᠠᠭᠠᠨ ᠴᠢᠷᠠᠢᠨᠢ ᠱᠢᠩᠭᠡᠷᠡᠨ ᠬᠦᠳᠡᠯᠵᠦ᠍ ᠪᠠᠷᠢᠬᠤᠨᠢ ᠴᠦ᠍ ᠬᠦᠩᠭᠡᠨ ᠱᠢᠩᠭᠡᠨ ᠪᠤᠯᠤᠯᠠ᠃ ᠢᠯᠡᠬᠦᠦ ᠬᠡᠳᠦᠨ ᠵᠢᠯ ᠪᠢᠳᠠᠨᠳᠤ ᠪᠠᠷᠠᠪᠠᠨ ᠬᠠᠷᠠᠭᠤᠯᠬᠤᠨᠢ ᠭᠡᠵᠤ ᠬᠡᠨ ᠠᠯᠢ ᠨᠢ ᠦᠭᠡᠢ ᠪᠠᠶᠠᠷᠳᠠᠢ ᠪᠠᠢᠳᠠᠭ ᠪᠤᠯᠵᠠᠭᠠᠯᠠ᠃ ᠵᠢᠯ ᠲᠤᠭᠤᠷᠢᠭᠤᠬᠠᠨ ᠪᠤᠯᠤᠭᠠᠳ ᠨᠢᠬᠡᠨ ᠦᠷᠯᠦᠭᠡ ᠤᠨᠳᠠᠭᠠᠪᠠᠷᠢᠶᠠᠨ ᠠᠮᠤᠭᠤᠯᠠᠩ ᠲᠠᠢᠪᠤᠩ ᠮᠤᠷᠢᠯᠠᠴᠢᠬᠠᠭ᠍ᠰᠠᠨ ᠪᠠᠢᠵᠤ ᠪᠢᠯᠡ᠃ ᠬᠡᠴᠢᠨᠡᠨ ᠤᠯᠠᠨ ᠬᠡᠦᠬᠡᠳ ᠦᠰᠭᠡᠭ᠌ᠰᠡᠨ ᠴᠦ᠍ ᠲᠤᠯᠤᠭᠠᠢᠶ᠋ᠢᠨᠢ ᠲᠦᠱᠢᠭ᠌ᠰᠡᠨ ᠬᠦᠮᠦᠨ ᠭᠠᠷᠤᠭ᠍ᠰᠠᠨ ᠦᠭᠡᠢ᠃ ᠪᠢ ᠬᠠᠵᠠᠭᠤᠳᠤᠨᠢ ᠲᠤᠭ ᠨᠤᠢᠷᠲᠠᠭᠠᠨ ᠲᠤᠭ᠍ᠵᠢᠷᠠᠨ ᠬᠦᠭᠡᠷᠦᠬᠦᠢ ᠡᠵᠢᠶ᠋ᠢᠨᠢᠶᠠᠨ ᠲᠤᠯᠤᠭᠠᠢᠶ᠋ᠢᠨᠢ ᠲᠦᠱᠢᠬᠦ᠌ ᠵᠠᠶᠠᠭᠠ ᠲᠤᠳᠠᠴᠢᠬᠠᠭ᠍ᠰᠠᠨ ᠶᠤᠮ᠃
ᠡᠵᠢ ᠮᠢᠨᠢ ᠬᠡᠯᠡᠭ᠌ᠰᠡᠨᠳᠡᠭᠡᠨ ᠬᠦᠷᠳᠡᠭ ᠲᠡᠪᠴᠢᠶᠡᠷᠢᠲᠠᠢ ᠬᠦᠮᠦᠨ ᠪᠠᠢᠭ᠍ᠰᠠᠨ ᠳ᠋ᠠ᠂ ᠬᠦᠭᠡᠷᠦᠬᠦᠢ᠃ ᠬᠠᠷᠠ ᠦᠷᠯᠦᠭᠡᠬᠦᠷ ᠴᠠᠭᠠ ᠴᠢᠨᠠᠨ ᠠᠷᠢᠬᠢ ᠨᠡᠷᠡᠵᠦ᠍᠂ ᠨᠡᠷᠡᠮᠡᠯᠤᠨᠢᠶᠠᠨ ᠴᠢᠩᠭᠠ ᠰᠤᠯᠠᠶ᠋ᠢ ᠱᠢᠯᠭᠠᠬᠤ ᠭᠡᠵᠤ ᠠᠮᠰᠠᠭ᠍ᠰᠠᠭᠠᠷ ᠪᠠᠢᠭᠠᠳ ᠠᠷᠢᠬᠢᠨᠳᠤ ᠤᠷᠤᠴᠢᠬᠠᠭ᠍ᠰᠠᠨ ᠮᠠᠭᠠᠳ᠃ ᠭᠠᠭ᠍ᠴᠠ ᠪᠠᠶᠠ ᠪᠡᠯᠪᠡᠰᠦᠨ ᠬᠤᠴᠤᠷᠤᠭ᠍ᠰᠠᠨ ᠪᠦᠰᠡᠬᠦᠢ ᠬᠦᠮᠦᠨᠳᠤ ᠠᠪᠴᠤ᠌ ᠬᠡᠯᠡᠪᠡᠯ ᠲᠤᠯᠤᠭᠠᠶ᠋ᠢᠨ ᠲᠤᠯᠤᠭᠠᠨ ᠦᠨᠦᠴᠢᠨ ᠬᠡᠦᠬᠡᠳᠢ ᠦᠰᠭᠡᠵᠦ᠍ ᠦᠨᠳᠡᠢᠯᠬᠡᠨ᠂ ᠠᠰ ᠠᠰᠲᠤᠨᠢ ᠠᠢᠯ ᠡᠷᠦᠬᠡ ᠪᠤᠰᠭᠠᠬᠤ ᠬᠡᠴᠡᠬᠦᠦ ᠪᠠᠢᠭ᠍ᠰᠠᠨᠨᠢ ᠦᠨᠡᠨ᠃ ᠲᠡᠭᠡᠷᠡᠨᠢ ᠪᠠᠰᠠ ᠮᠠᠨᠤ ᠲᠠᠪᠤᠨ ᠬᠡᠦᠬᠡᠳ ᠨᠡᠮᠡᠨᠡ᠃ ᠪᠢᠳᠠ ᠬᠤᠶᠠᠷᠢᠶᠠᠷ ᠬᠠᠨᠢ ᠪᠠᠷᠠ ᠲᠠᠳᠠᠵᠤ ᠬᠠᠶᠠᠭᠠᠨᠠᠴᠠᠪᠠᠨ ᠰᠠᠯᠭᠠᠳᠠᠭ ᠦᠭᠡᠢ ᠪᠠᠢᠭ᠍ᠰᠠᠨᠢᠨᠢ ᠤᠢᠯᠠᠭᠠᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠂ ᠤᠢᠯᠠᠭᠠᠬᠤᠶ᠋ᠢᠨ ᠲᠡᠭᠡᠳᠦ᠍ᠪᠠᠷ ᠤᠢᠯᠠᠭᠠᠳᠠᠭ᠃ ᠲᠡᠷᠡ ᠲᠤᠰᠤᠮᠢᠶᠠᠨ ᠮᠠᠨᠤ ᠭᠡᠷ ᠪᠦᠯᠢᠳᠤ ᠴᠢᠮᠠᠯᠠᠰᠢ ᠦᠭᠡᠢ ᠶᠡᠭᠡ ᠬᠠᠢᠷᠠ ᠡᠨᠡᠷᠢᠯ᠂ ᠬᠠᠪᠰᠤᠷᠤᠯᠭᠠ ᠲᠡᠮᠵᠢᠯᠭᠡ ᠦᠵᠡᠬᠦᠯᠵᠦ᠍ ᠶᠠᠪᠤᠭ᠍ᠰᠠᠨᠢᠨᠢ ᠶᠠᠭᠠᠬᠢᠨ ᠮᠠᠷᠳᠠᠵᠤ ᠪᠤᠯᠬᠤ ᠪᠤᠢ᠃ ᠬᠦᠮᠦᠨ ᠶᠡᠷᠦ᠍ᠨᠢ ᠪᠤᠰᠤᠳᠤᠨ ᠠᠴᠢ ᠭᠠᠪᠢᠶᠠ᠂ ᠦᠩᠭᠡᠲᠠᠢ ᠦᠬᠡᠳᠡᠲᠠᠢ ᠭᠡᠭᠡᠯᠢᠭ ᠲᠠᠯᠠᠶ᠋ᠢ ᠪᠤᠷᠬᠠᠨ ᠪᠤᠯᠤᠭ᠍ᠰᠠᠨ ᠬᠤᠢᠨᠠᠨᠢ ᠰᠠᠶᠢ ᠤᠯᠵᠤ ᠬᠠᠷᠠᠳᠠᠭ ᠲᠤᠷᠤᠢ ᠵᠠᠩᠲᠠᠢ ᠬᠠᠷᠠᠯᠭᠠᠨ ᠠᠮᠢᠳᠠᠨ ᠶᠤᠮ᠃ ᠡᠵᠢᠶ᠋ᠢᠪᠠᠨ ᠵᠠᠭᠤ ᠨᠠᠰᠤᠯᠠᠬᠤ ᠶᠤᠮ ᠱᠢᠭ᠋ ᠲᠤᠷᠠᠳᠠᠢ ᠵᠦᠢᠯᠢᠨᠢ ᠬᠤᠷᠢᠵᠤ ᠬᠠᠱᠢᠨ᠂ ᠨᠢᠭᠤᠵᠤ ᠲᠠᠯᠳᠠᠯᠠᠨ ᠨᠢᠬᠦᠯ ᠬᠤᠷᠢᠶᠠᠵᠤ ᠶᠠᠪᠤᠭ᠍ᠰᠠᠨᠳᠠᠭᠠᠨ ᠬᠠᠷᠠᠮᠰᠠᠬᠤᠶ᠋ᠢᠨ ᠶᠡᠭᠡᠪᠠᠷ ᠬᠠᠷᠠᠮᠰᠠᠳᠠᠭ ᠭᠡᠳ ᠨᠢᠯᠪᠤᠰᠤᠪᠠᠨ ᠲᠤᠰᠤᠯᠠᠭᠤᠯᠤᠨ ᠶᠠᠷᠢᠶᠠᠪᠠᠨ ᠲᠠᠭᠤᠰᠭᠠᠪᠠ᠃
《ᠤᠷᠢᠳᠤ ᠰᠦᠨᠢ ᠲᠡ ᠡᠵᠢᠶ᠋ᠢᠪᠠᠨ ᠢᠨᠢᠶᠡᠳᠦ ᠠᠯᠳᠠᠨ ᠤᠷᠤᠵᠤ ᠢᠷᠡᠯᠡ ᠭᠡᠵᠤ ᠵᠡᠬᠦᠳᠦᠯᠡᠭ᠌ᠰᠡᠨ ᠪᠢᠵᠡ ᠳ᠋ᠡ？ ᠲᠠᠨᠤ ᠡᠵᠢ ᠲᠦᠷᠦᠭ᠌ᠰᠡᠨ ᠨᠤᠳᠤᠭᠤᠨᠢᠶᠠᠨ ᠠᠷᠢᠭᠤᠨ ᠬᠦᠷᠦᠰᠦᠨ ᠲᠡᠭᠡᠷᠡ ᠲᠠ ᠨᠠᠷᠤᠨᠢᠶᠠᠨ ᠰᠠᠢᠨ ᠰᠠᠢᠬᠠᠨᠢ ᠬᠠᠷᠠᠨ ᠪᠠᠶᠠᠷᠳᠠᠢ ᠨᠤᠢᠷᠰᠤᠵᠤ ᠪᠠᠢᠭᠠ ᠶᠤᠮ ᠪᠠᠢᠨᠠ》 ᠭᠡᠳ ᠨᠢᠯᠪᠤᠰᠤᠶ᠋ᠢᠨᠢ ᠠᠷᠴᠢᠭ᠍ᠰᠠᠨᠳᠤ᠂ 《ᠪᠠᠶᠠᠷᠯᠠᠯᠠ᠂ ᠴᠢᠮᠠᠳᠤ᠃ ᠰᠡᠳᠭᠢᠯ ᠤᠩᠭᠤᠢᠭᠠᠳ ᠰᠠᠢᠬᠠᠨ ᠪᠤᠯᠤᠯᠠ᠃ ᠡᠭᠡᠴᠢᠨᠢ ᠬᠠᠷᠢᠵᠤ ᠠᠴᠢ ᠦᠬᠢᠨᠤᠪᠠᠨ ᠬᠤᠭᠤᠯᠠ ᠴᠠᠢᠶ᠋ᠢ ᠪᠡᠯᠡᠳᠭᠡᠶᠡ！》 ᠭᠡᠳ ᠪᠤᠰᠪᠠ᠃
ᠡᠵᠢ ᠭᠡᠵᠤ ᠰᠡᠳᠭᠢᠯ ᠰᠠᠨᠠᠭᠠᠨᠤ ᠮᠦᠩᠬᠡᠶ᠋ᠢᠨ ᠬᠦᠱᠢᠶᠡ ᠶᠤᠮ ᠳ᠋ᠠ！