ᠰᠡᠪᠱᠢᠶᠡ ᠲᠣᠷᠭᠠᠨ ᠠᠶᠠᠯᠭᠤ ᠠᠯᠲᠠᠨ ᠬᠢᠯᠭᠠᠨᠠᠶ᠋ᠢᠨ ᠨᠠᠮᠠᠭᠠ ᠴᠢᠪᠬᠠᠳᠠᠬᠤᠳᠤ
ᠰᠦᠷᠯᠢᠭ ᠠᠯᠳᠠᠢᠶ᠋ᠢᠨ ᠪᠠᠯ
ᠰᠦᠷᠦᠭ ᠠᠳᠤᠭᠤᠳᠤᠨ ᠲᠤᠷᠭᠢᠯᠳᠠᠪᠠᠷ
ᠰᠡᠪᠰᠡᠭᠡᠷ ᠴᠠᠰᠤᠪᠠᠨ ᠰᠡᠮᠡᠯᠡᠨ᠂ ᠰᠦ ᠱᠢᠭ ᠬᠠᠢᠯᠵᠤ ᠪᠠᠢᠭᠠ ᠪᠠᠢᠬᠤ ᠳ᠋ᠠ
ᠰᠠᠢᠬᠠᠨ ᠠᠪᠤᠶ᠋ᠢᠨ ᠭᠠᠭ᠍ᠴᠠ ᠨᠢᠳᠦᠨ ᠲᠤᠷᠠᠨᠳᠤ
ᠰᠦᠮᠡᠨ ᠰᠦᠮᠡᠨ ᠠᠯᠤᠰ ᠨᠠᠳᠠᠲᠠᠢ ᠵᠡᠷᠭᠡᠴᠡᠵᠦ᠍ ᠢᠷᠡᠭᠡᠳ
ᠰᠦᠭᠲᠠᠢ ᠴᠠᠬᠢᠭᠤᠷᠢᠨᠢ ᠴᠠᠬᠢᠵᠤ
ᠱᠢᠯᠪᠢᠲᠠᠢ ᠭᠠᠩᠰᠠᠶ᠋ᠢᠨᠢ ᠠᠰᠠᠭᠠᠨ ᠠᠴᠢᠯᠠᠵᠣ ᠯᠠ ᠰᠠᠨᠠᠭ᠍ᠳᠠᠭᠠ ᠪᠠᠢᠬᠤ ᠳ᠋ᠠ
ᠰᠠᠢᠬᠠᠨ ᠠᠪᠤᠶ᠋ᠢᠨ ᠪᠣᠳᠣᠯᠢ ᠰᠠᠯᠬᠢ ᠨᠠᠳᠠ ᠲᠡᠭᠡᠷᠠ ᠬᠦᠪᠦᠷᠢᠳᠦᠭᠡᠳ
ᠱᠢᠪᠠᠭᠤᠨ ᠳᠠᠯᠠᠪᠴᠢ ᠱᠢᠭ᠋ ᠮᠦᠷᠦᠭᠡᠳᠦᠯᠢ
ᠱᠢᠭᠤᠢᠶ᠋ᠢᠨ ᠵᠠᠬᠠᠶ᠋ᠢᠨ ᠬᠠᠪᠤᠷᠵᠢᠶᠠᠨᠳᠤ ᠱᠤᠤᠭᠢᠭᠤᠯᠤᠨ ᠬᠦᠷᠭᠡᠬᠦ᠌ ᠯᠠ ᠪᠠᠢᠬᠤ ᠳ᠋ᠠ
ᠰᠡᠩᠭᠢᠨᠡᠬᠦ᠌ ᠬᠦᠩᠭᠡᠨ ᠡᠭᠡᠱᠢᠭ ᠱᠢᠷᠢᠩᠬᠢᠶ᠋ᠢᠨ ᠵᠦᠯᠭᠡ ᠬᠤᠭᠤᠷᠳᠠᠬᠤᠳᠤ
ᠰᠡᠷᠢᠭᠦᠨ ᠰᠡᠯᠡᠩᠭᠡᠶ᠋ᠢᠨ ᠲᠡᠨᠵᠢ
ᠰᠠᠭᠠᠮᠠᠱᠢᠭ᠍ᠰᠠᠨ ᠦᠨᠢᠶᠡᠳᠤᠨ ᠮᠦᠭᠡᠷᠡᠯᠲᠡᠪᠠᠷ
ᠱᠢᠩᠭᠡᠬᠦ᠌ ᠨᠠᠷᠠᠪᠠᠨ ᠣᠶᠠᠨ᠂ ᠰᠣᠯᠣᠩᠭᠠ ᠱᠢᠭ᠋ ᠲᠤᠶᠠᠭᠠᠷᠠᠵᠤ ᠪᠠᠢᠭᠠ ᠪᠠᠢᠬᠤ ᠳ᠋ᠠ
ᠰᠠᠭᠠᠯᠢᠴᠢᠨ ᠡᠵᠢᠶ᠋ᠢᠨ ᠬᠤᠰᠤᠨ ᠮᠤᠳᠤᠨᠤ ᠬᠦᠨᠦᠭᠲᠤ
ᠰᠡᠷᠭᠦᠯᠡᠩ ᠰᠡᠷᠭᠦᠯᠡᠩ ᠪᠦᠷᠦᠢ ᠨᠠᠳᠠᠲᠠᠢ ᠬᠤᠤᠰᠯᠠᠵᠤ ᠪᠠᠭᠤᠭᠠᠳ
ᠰᠣᠷᠲᠠᠢ ᠲᠠᠲᠠᠭᠠᠷᠢᠶ᠋ᠢᠨᠢ ᠰᠤᠯᠠᠯᠠᠵᠤ
ᠰᠦᠲᠠᠢ ᠰᠠᠭᠤᠯᠠᠭᠠᠶ᠋ᠢᠨᠢ ᠲᠠᠮᠵᠢᠯᠠᠨ ᠬᠠᠮᠵᠢᠵᠤ ᠯᠠ ᠪᠤᠳᠤᠭ᠍ᠳᠠᠭᠠ ᠪᠠᠢᠬᠤ ᠳ᠋ᠠ
ᠰᠠᠨᠠᠭᠠᠨᠤ ᠴᠠᠭᠠᠨ ᠰᠠᠯᠬᠢᠶ᠋ᠢ ᠪᠣᠳᠣᠯ ᠨᠠᠳᠠ ᠳᠡᠭᠡᠷᠡ ᠬᠦᠪᠦᠷᠢᠳᠦᠭᠡᠳ
ᠰᠤᠷᠭᠤᠭ ᠴᠡᠴᠡᠭ ᠱᠢᠭ ᠬᠦᠰᠡᠯᠢ
ᠱᠢᠷᠢᠩᠬᠢᠶ᠋ᠢᠨ ᠴᠠᠭᠠᠨᠠᠬᠢ ᠬᠠᠪᠤᠷᠵᠢᠶᠠᠨᠳᠤ ᠱᠠᠬ᠍ᠰᠢᠭᠤᠯᠤᠨ ᠲᠡᠯᠭᠡᠷᠡᠭᠦᠯᠬᠦ᠌ ᠯᠠ ᠪᠠᠢᠬᠤ ᠳ᠋ᠠ
ᠰᠡᠷᠴᠢᠭᠢᠨᠡᠬᠦ᠌ ᠵᠦᠭᠡᠯᠡᠨ ᠠᠪᠢᠶᠠ ᠰᠤᠯᠢᠶ᠋ᠢᠨ ᠲᠣᠯᠣᠭᠠᠢ ᠬᠦᠭ᠌ᠵᠢᠮᠳᠡᠬᠦ᠌ᠳᠤ
ᠱᠠᠩᠬᠤᠲᠠᠢ ᠭᠤᠪᠢᠶ᠋ᠢᠨ ᠪᠦᠷᠢᠲᠦᠨ
ᠱᠢᠪᠡᠷᠡᠬᠦ᠌ ᠪᠣᠷᠣᠭᠠᠨᠤ ᠰᠣᠷᠠᠭᠢᠶᠠᠷ
ᠱᠢᠳᠢᠲᠠᠢ ᠵᠡᠷᠭᠡᠯᠭᠡᠨᠢᠶᠠᠨ ᠲᠣᠭ᠍ᠯᠠᠭᠤᠯᠣᠨ᠂ ᠱ᠌ᠢᠷᠦ᠍ ᠱᠢᠭ ᠤᠯᠠᠭᠠᠷᠠᠵᠤ ᠪᠠᠢᠭᠠ ᠪᠠᠢᠬᠤ ᠳ᠋ᠠ
ᠰᠠᠢᠬᠠᠨ ᠰᠦᠩᠵᠢᠳᠮᠠᠶ᠋ᠢᠨ ᠠᠯᠠᠭ ᠨᠢᠳᠤᠨᠤ ᠰᠣᠷᠮᠣᠣᠰᠣᠨᠳᠤ
ᠰᠠᠷᠭᠠᠢ ᠰᠠᠷᠭᠠᠢ ᠬᠠᠢᠷᠠ ᠨᠠᠳᠠᠲᠠᠢ ᠬᠠᠨᠢᠰᠠᠵᠦ ᠦᠨᠵᠢᠭᠡᠳ
ᠱᠢᠩᠬᠤᠲᠠᠢ ᠣᠷᠣᠭᠤᠯᠢᠨᠢ ᠦᠨᠦᠰᠴᠦ᠍
ᠰᠦᠷᠴᠢᠭᠲᠠᠢ ᠰᠡᠪᠡᠯᠭᠡᠶ᠋ᠢᠨᠢ ᠢᠯᠪᠢᠨ ᠡᠩᠬᠦᠷᠡᠢᠯᠡᠵᠦ᠍ ᠯᠠ ᠰᠣᠭ᠍ᠲᠤᠭᠠ ᠪᠠᠢᠬᠤ ᠳ᠋ᠠ
ᠰᠠᠷᠠᠨᠤ ᠬᠠᠯᠠᠭᠤᠬᠠᠨ ᠵᠡᠭᠦᠳᠦ᠍ᠶ᠋ᠢ ᠰᠠᠯᠬᠢ ᠨᠠᠳᠠ ᠳᠡᠭᠡᠷᠡ ᠬᠦᠪᠦᠷᠢᠳᠦᠭᠡᠳ
ᠱᠢᠬᠢᠷ ᠵᠢᠮᠢᠰ ᠱᠢᠭ ᠪᠣᠳᠣᠯᠢ
ᠱᠠᠩᠳᠠᠶ᠋ᠢᠨ ᠨᠠᠭᠠᠨᠠᠬᠢ ᠬᠠᠪᠤᠷᠵᠢᠶᠠᠨᠳᠤ ᠱᠢᠪᠡᠨᠡᠨ ᠲᠣᠭᠤᠯᠭᠠᠬᠤ ᠯᠠ ᠪᠠᠢᠬᠤ ᠳ᠋ᠠ
ᠰᠡᠩᠭᠢᠨᠡᠬᠦ᠌ ᠰᠡᠷᠴᠢᠭᠢᠨᠡᠬᠦ᠌ᠶ᠋ᠢᠨ ᠠᠶᠠᠰᠢ ᠡᠪᠡᠰᠦᠨᠠᠴᠠ ᠰᠠᠯᠭᠠᠬᠤ ᠦᠭᠡᠢ ᠬᠦᠪᠦᠷᠢᠳᠦᠭᠡᠳ
ᠰᠦ᠂ ᠨᠣᠭᠤᠭᠠᠨᠤ ᠬᠠᠪᠤᠷᠵᠢᠶᠠᠨᠳᠤ
ᠨᠠᠷᠠᠨ ᠲᠣᠭᠤᠷᠣᠣᠶ᠋ᠢᠨ ᠪᠦᠵᠢᠭᠢ ᠴᠡᠩᠬᠡᠯᠤᠨ ᠮᠡᠯᠮᠡᠢᠳᠤ ᠡᠷᠭᠦᠬᠦ᠌ ᠰᠠᠨ
ᠰᠠᠨᠠᠬᠤ ᠪᠣᠳᠣᠬᠤᠶ᠋ᠢᠨ ᠭᠦᠨᠵᠡᠭᠡᠢᠶ᠋ᠢ ᠴᠡᠭᠡᠵᠢᠨᠠᠴᠠᠪᠠᠨ ᠭᠠᠷᠭᠠᠬᠤ ᠦᠭᠡᠢ ᠬᠦᠪᠦᠷᠢᠳᠦᠭᠡᠳ
ᠰᠠᠢᠬᠠᠨ ᠪᠦᠬᠦᠨᠤ ᠳᠡᠷᠭᠡᠲᠡ
ᠵᠠᠶᠠᠭᠠ ᠵᠦᠪᠤᠨ ᠣᠷᠴᠢᠯᠠᠩᠢ ᠬᠠᠢᠷᠠᠶ᠋ᠢᠨ ᠳᠠᠭᠤᠣᠪᠠᠷ ᠵᠢᠷᠭᠠᠭᠠᠬᠤ ᠰᠠᠨ ᠁