ᠱᠢᠪᠠᠷ ᠦᠬᠡᠷ ᠮᠢᠨᠢ ᠱᠢᠵᠢᠷ ᠠᠯᠲᠠᠨ ᠦᠬᠡᠷ ᠪᠣᠯᠪᠠ
— 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠪᠣᠯ ᠲᠠ ᠪᠢᠳᠡᠨᠤ ᠣᠶᠤᠨ ᠨᠡᠭᠡᠭᠡᠯᠲᠡᠶ᠋ᠢᠨ ᠴᠣᠩᠬᠤ ᠶᠤᠮ
ᠠᠯᠢ ᠨᠢᠭᠡ ᠬᠦᠮᠦᠨ ᠨᠠᠳᠠᠳᠦ ᠬᠡᠯᠡᠵᠦ᠍ ᠪᠢᠯᠡ ᠳ᠋ᠧ᠄ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》ᠭᠡᠳᠡᠭ ᠰᠠᠨᠠᠭᠠᠪᠠᠷᠢᠶᠠᠨ ᠨᠠᠭᠠᠳᠳᠠᠭ ᠰᠠᠢᠬᠠᠨ ᠣᠷᠳᠣᠨ ᠪᠠᠢᠳᠠᠭ ᠭᠡᠵᠦ᠍！ᠲᠡᠭᠡᠬᠦ᠌ᠳᠤ ᠪᠢ ᠵᠠᠷᠢᠮᠳᠠᠭᠠᠨ ᠲᠣᠲᠣᠷᠠᠪᠠᠨ 《ᠰᠣᠬᠤᠷ ᠦᠬᠡᠷ ᠲᠦ᠍ ᠬᠤᠳᠳᠤᠭ ᠪᠦᠦ ᠲᠠᠨᠢᠭᠤᠯ ᠭᠡᠳᠡᠭᠨᠢ ᠲᠤᠰᠭᠠᠢᠯᠠᠨ ᠨᠠᠳᠠᠳᠦ ᠵᠣᠷᠢᠭᠤᠯᠤᠭ᠍ᠰᠠᠨ ᠦᠭᠡ ᠪᠢᠰᠢ ᠪᠢᠵᠡ ᠳ᠋ᠡ》 ᠭᠡᠵᠦ᠍ ᠪᠣᠳᠤᠭᠠᠳ ᠢᠨᠢᠶᠡᠳᠦ ᠬᠦᠷᠳᠡᠭ᠃ ᠭᠠᠯ ᠤᠷᠮᠠ ᠂ ᠬᠠᠲᠠᠭᠤ ᠴᠢᠷᠮᠠᠢᠯᠭᠠ ᠬᠡᠷᠪᠡ ᠵᠥᠪ ᠵᠦᠭᠲᠤ ᠬᠥᠲᠦᠯᠦᠭ᠌ᠳᠡᠭᠡᠳ ᠬᠥᠳᠡᠯᠦᠯᠡ ᠯᠡ ᠭᠡᠪᠡᠯ ᠬᠦᠷᠬᠦ᠌ ᠭᠠᠵᠠᠷ ᠲᠠᠭᠠᠨ ᠬᠦᠷᠳᠡᠭ ᠶᠤᠮ ᠪᠠᠢᠨᠠ᠃
ᠶᠠᠭᠤᠶ᠋ᠢᠨᠢ ᠨᠢᠭᠤᠬᠤ ᠪᠣᠢ！ᠪᠢ ᠳᠤᠮᠳᠠᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠦᠶᠡᠳᠡᠭᠡᠨ 《ᠱᠢᠪᠠᠷ ᠦᠬᠡᠷᠴᠢᠨ》 ᠴᠣᠯᠠᠲᠠᠢ ᠶᠤᠮ ᠱᠢᠦ ᠃ ᠦᠬᠡᠷᠴᠢᠨᠨᠢ ᠴᠤ᠌ ᠶᠠᠭᠠᠬᠢᠬᠤᠪ᠂ ᠰᠠᠢᠬᠠᠨ ᠯᠠ ᠰᠠᠨᠠᠭ᠍ᠳᠠᠳᠠᠭ ᠂ ᠵᠥᠪᠬᠡᠨ ᠱᠢᠪᠠᠷ ᠭᠡᠰᠡᠨᠳᠤᠨᠢ ᠪᠢ ᠵᠢᠭᠠᠬᠠᠨ ᠭᠤᠩᠰᠣᠭᠤᠷ᠃ ᠮᠢᠨᠤ ᠮᠠᠭᠤᠰᠠᠢᠨ 《ᠡᠭ᠌ᠳᠡᠭᠦᠲᠠᠢ》 ᠮᠥᠷᠲᠡᠭᠡᠨ 《ᠬᠠᠢᠷᠠᠲᠠᠢ》ᠠᠮᠠ ᠮᠠᠭᠤᠲᠦ᠍ᠶ᠋ᠢᠨ ᠨᠠᠭᠠᠳᠤᠮ ᠦᠨᠡᠬᠡᠷ ᠨᠠᠮᠠᠶ᠋ᠢ ᠠᠷᠭᠠ ᠠᠯᠳᠠᠭᠤᠯᠤᠨᠠ᠃ ᠬᠠᠷᠢᠨ ᠵᠠᠷᠢᠮᠨᠢ 《ᠪᠦᠮᠪᠦᠭᠡ ᠢᠰᠭᠦᠯᠦᠶᠡ》ᠭᠡᠳ ᠴᠢᠬᠢᠲᠡᠭᠡᠳ ᠴᠢᠷᠦᠭᠡᠳ ᠪᠠᠢᠳᠠᠭ᠃ ᠪᠢ ᠬᠥᠳᠡᠯᠳᠡᠭ ᠦᠭᠡᠢ᠃ ᠪᠠᠰᠠ ᠯᠡ ᠥᠨᠥᠬᠢ ᠥᠪᠥᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠳ᠋ᠠᠭᠠᠨ 《ᠶᠠᠭᠤᠮᠠ》ᠪᠢᠴᠢᠳᠡᠭ ᠬᠡᠪᠢᠶᠠᠷᠢᠶᠠᠨ᠂ ᠪᠢᠴᠢᠮᠡᠭ᠌ᠴᠡᠪᠠᠨ ᠨᠢᠰᠭᠡᠵᠦ᠍ ᠯᠡ ᠪᠠᠢᠪᠠ᠃ ᠲᠡᠷᠡᠨᠢ ᠴᠣᠬᠤᠮ ᠶᠠᠪᠤᠳᠠᠭ ᠵᠠᠮᠢᠶᠠᠷᠢᠶᠠᠨ ᠶᠠᠪᠤᠭ᠍ᠰᠠᠨ ᠦᠦ᠂ ᠲᠥᠭᠡᠷᠢᠭ᠌ᠰᠡᠨ ᠦᠦ ᠭᠡᠳᠡᠭᠢ ᠮᠡᠳᠡᠬᠦ᠌ ᠦᠭᠡᠢ᠃ ᠱᠢᠤᠳᠠᠨᠤ ᠪᠦᠭᠡᠷᠡᠩᠬᠡᠢ ᠨᠣᠭᠤᠭᠠᠨ ᠰᠠᠭᠤᠯᠠᠭᠠᠨᠤ ᠤᠲᠠᠰᠤᠨ ᠬᠠᠭᠠᠷᠬᠠᠢ ᠠᠮᠠᠪᠠᠷ ᠥᠨᠥᠬᠢ 《ᠡᠷᠬᠢᠮ ᠭᠤᠷᠢᠳᠠᠯ》 ᠶ᠋ᠢᠡᠨ ᠬᠢᠴᠢᠶᠡᠩᠭᠦᠢ ᠬᠢᠬᠦ᠌ᠳᠤ 《ᠬᠤᠳᠳᠤᠭ》 ᠲᠦ᠍ ᠤᠨᠠᠭ᠍ᠰᠠᠨ ᠱᠢᠭ᠋ ᠳᠠᠭᠤᠨᠢ 《ᠪᠠᠶᠠᠷᠲᠠᠢ》 ᠭᠡᠬᠦ᠌ ᠱᠢᠭ ᠰᠣᠨᠣᠰᠳᠠᠭᠠᠳ ᠳᠠᠬᠢᠭᠠᠳ ᠥᠨᠥᠬᠢᠶ᠋ᠢᠨ ᠮᠠᠨᠢ ᠪᠠᠷᠠᠨᠢ ᠴᠤ᠌ ᠬᠠᠷᠠᠭ᠍ᠳᠠᠬᠤ ᠦᠬᠡᠢ ᠴᠢᠮᠡᠭᠡᠨᠢ ᠴᠤ᠌ ᠰᠣᠨᠣᠰᠳᠠᠬᠤ ᠦᠭᠡᠢ ᠮᠡᠯᠡᠢᠴᠢᠬᠡᠳᠡᠭ ᠪᠠᠢᠯᠠ᠃ ᠳᠠᠯᠠᠢᠳᠤ ᠣᠷᠣᠭ᠍ᠰᠠᠨ 《ᠱᠢᠪᠠᠷ ᠦᠬᠡᠷ》ᠲᠡᠢᠮᠦ᠍ ᠪᠠᠢᠳᠠᠭ ᠭᠡᠨᠡ᠃ ᠡᠳᠦᠷ ᠪᠦᠭᠦᠳᠡ ᠰᠣᠨᠢᠨ ᠰᠡᠳᠭᠦᠯ ᠵᠠᠬᠢᠳᠠᠯ ᠲᠣᠰᠴᠤ᠌ ᠠᠪᠳᠠᠭ ᠡᠭᠦᠳᠡᠨ ᠭᠡᠷᠢᠶᠠᠷ ᠤᠰᠤᠯᠠᠭ᠍ᠰᠠᠨ ᠮᠣᠳᠣᠨᠤᠪᠠᠨ ᠳᠣᠣᠷᠠ ᠤᠨᠠᠭ᠍ᠰᠠᠨ ᠠᠯᠮᠤᠷᠠᠳᠢᠶᠠᠨ ᠡᠷᠢᠬᠦ᠌ ᠱᠢᠭ ᠪᠢ ᠡᠳᠦᠷᠤᠨ ᠬᠤᠶᠠᠷ ᠡᠷᠭᠢᠴᠡᠭᠡᠳ ᠥᠨᠥᠬᠢᠪᠠᠨ ᠰᠤᠷᠠᠭ᠍ᠯᠠᠳᠠᠭ ᠪᠠᠢᠭ᠍ᠰᠠᠨ᠃ ᠵᠠᠬᠢᠳᠠᠯ ᠰᠣᠨᠢᠨ ᠳᠠᠮᠵᠢᠭᠤᠯᠬᠤ ᠭᠡᠷᠤᠨ ᠡᠪᠦᠭᠡᠨ ᠰᠡᠭᠦᠯᠳᠡᠭᠡᠨ ᠵᠢᠭᠠᠬᠠᠨ ᠲᠡᠭᠡᠷᠡᠱᠢᠶᠠᠭᠡᠳ ᠨᠠᠳᠠᠶ᠋ᠢ ᠡᠭᠦᠳᠡ ᠬᠤᠢᠮᠤᠷᠤᠨ ᠭᠠᠵᠠᠷᠠᠴᠠ ᠲᠠᠨᠢᠴᠢᠬᠠᠭᠠᠳ ᠴᠣᠩᠬᠤᠨᠤ ᠴᠠᠭᠠᠨᠠᠠᠴᠠ 《ᠴᠢᠮᠠᠳᠦ ᠥᠨᠥᠳᠦᠷ ᠵᠠᠬᠢᠳᠠᠯ ᠴᠢᠮᠡᠭᠡ ᠦᠭᠡᠢ》 ᠭᠡᠵᠦ᠍ ᠬᠠᠲᠠᠪᠴᠢᠨᠤ ᠭᠠᠳᠠᠨᠠ ᠬᠥᠨᠳᠠᠯᠡᠨ ᠮᠣᠳᠣ ᠪᠠᠭᠤᠯᠭᠠᠬᠤ ᠮᠡᠲᠦ ᠬᠠᠱᠢᠴᠢᠬᠠᠳᠠᠭ ᠃ ᠲᠡᠭᠡᠭᠡᠳ ᠯᠡ ᠪᠢ ᠨᠢᠭᠡ ᠦᠶᠡ ᠮᠡᠷᠭᠡᠵᠢᠯᠤᠨ ᠮᠤᠱᠢᠭᠠᠢ ᠴᠣᠯᠠ ᠠᠪᠤᠭᠠᠳ 《ᠱᠢᠪᠠᠷ ᠦᠬᠡᠷᠴᠢᠨ》 ᠭᠡᠭ᠌ᠳᠡᠭ᠌ᠰᠡᠨᠨᠢ ᠲᠡᠷᠡ᠃ ᠲᠡᠷᠡ ᠦᠶᠡᠳᠤ ᠮᠢᠨᠤ 《ᠱᠢᠪᠠᠷ ᠦᠬᠡᠷ》ᠨᠢᠭᠡ ᠬᠡᠳᠦᠬᠡᠨᠢᠶᠠᠷ ᠵᠣᠭ᠍ᠰᠤᠭᠠ ᠦᠭᠡᠢ᠂ ᠥᠨᠳᠦᠷ ᠥᠰᠦᠯᠲᠡᠲᠠᠢ ᠪᠠᠢᠭ᠍ᠰᠠᠨ ᠶᠤᠮ᠃ ᠭᠡᠪᠡᠴᠦ᠍ ᠪᠢ ᠭᠠᠢᠯᠢᠠᠴᠠ ᠲᠤᠲᠠᠭᠠᠭ᠍ᠰᠠᠨᠳᠠᠭᠠᠨ ᠪᠢᠰᠢ ᠂ ᠵᠥᠪᠬᠡᠨ ᠨᠡᠷᠡᠯᠬᠡᠵᠦ᠍ ᠬᠦᠮᠦᠨᠤ ᠨᠠᠭᠠᠳᠤᠮᠤᠨ ᠦᠭᠡᠪᠠᠷ ᠪᠠᠶᠠᠷᠬᠠᠵᠦ᠍ ᠪᠣᠯᠬᠤ ᠦᠭᠡᠢᠶ᠋ᠢ ᠮᠡᠳᠡᠭᠡᠳ 《ᠡᠨᠡ ᠰᠠᠷᠠ ᠪᠢ ᠨᠢᠭᠡ ᠬᠤᠶᠠᠷᠬᠠᠨ》 ᠢ᠋ ᠯᠡ ᠶᠠᠪᠤᠭᠤᠯᠤᠭ᠍ᠰᠠᠨ ᠱᠢᠦ ᠭᠡᠳ 《 ᠪᠡᠶᠡᠪᠠᠨ ᠨᠢᠭᠤᠬᠤ ᠱᠢᠭ᠋ 》 ᠢᠨᠢᠶᠡᠴᠢᠬᠡᠳᠡᠭ ᠃ ᠦᠨᠡᠨᠳᠡᠭᠡᠨ ᠪᠣᠯ ᠲᠠᠪᠤ ᠵᠢᠷᠭᠤᠭᠠᠶ᠋ᠢ ᠶᠠᠪᠤᠭᠤᠯᠴᠢᠬᠠᠬ᠍ᠰᠠᠨ ᠯᠡ ᠪᠠᠢᠳᠠᠭ ᠃ ᠲᠡᠷᠡ ᠦᠶᠡᠳᠤ ᠶᠣᠰᠤᠲᠠᠢ 《ᠭᠠᠯ》ᠤᠷᠮᠠ ᠨᠢᠯᠬᠠ ᠲᠤᠭᠤᠯᠤᠨ ᠵᠢᠷᠦᠬᠡᠲᠠᠢ ᠪᠠᠢᠭ᠍ᠰᠠᠨᠳᠠᠭᠠᠨ ᠯᠠ ᠲᠡᠷᠡ ᠬᠦ᠌ ᠴᠥᠬᠦᠷᠡᠮᠡᠷ ᠤᠷᠲᠦ ᠡᠪᠡᠰᠦᠨ ᠳᠡᠭᠡᠰᠦ ᠲᠠᠮᠤᠬᠤ ᠱᠢᠭ᠋ ᠪᠣᠯᠪᠠᠰᠤᠷᠠᠯᠢ ᠪᠡᠲᠡᠷᠢᠵᠦ᠍ ᠲᠤᠭᠤᠯᠤᠭ᠍ᠰᠠᠨ ᠶᠤᠮ᠃ ᠭᠡᠬᠦ᠌ᠳᠤ ᠣᠳᠥ ᠡᠷᠭᠢᠴᠡᠭᠦᠯᠵᠦ᠍ ᠬᠢᠨᠠᠪᠠᠯ ᠲᠡᠷᠡ ᠶᠡᠭᠡ 《ᠲᠡᠨᠡᠭ》 ᠬᠥᠳᠡᠯᠮᠦᠷᠢᠪᠠᠨ ᠶᠠᠭ ᠦᠨᠡ ᠴᠡᠨᠡ ᠦᠭᠡᠢ ᠦᠷᠡᠴᠢᠬᠡᠭ᠌ᠰᠡᠨ ᠪᠢᠰᠢ ᠪᠠᠢᠵᠠᠢ᠃ ᠵᠣᠬᠢᠶᠠᠨ ᠪᠢᠴᠢᠬᠦ᠌ᠶ᠋ᠢᠨ ᠭᠠᠷ ᠳᠠᠰᠭᠠᠯᠢ ᠳᠠᠭᠠᠭᠠᠴᠠᠲᠠᠢ ᠪᠡᠶᠡᠯᠡᠭᠦᠯᠦᠭ᠌ᠰᠡᠨᠢᠶᠠᠷᠢᠶᠠᠨ᠂ ᠦᠴᠦᠬᠡᠨ ᠴᠤ᠌ ᠪᠣᠯᠪᠠ — ᠦᠭᠡ ᠥᠭᠦᠯᠡᠪᠤᠷᠢᠪᠠᠨ ᠤᠷᠠᠨ ᠨᠠᠷᠢᠯᠢᠭ᠍ᠵᠢᠭᠤᠯᠵᠤ ᠂ ᠦᠯᠦ᠍ ᠮᠡᠳᠡᠭ᠌ᠳᠡᠮᠡ ᠬᠤᠷᠤᠢᠯᠠᠳᠠᠭ 《 ᠣᠩᠭᠤᠳ 》 ᠢ᠋ ᠰᠣᠨᠣᠰᠳᠠᠮᠡ ᠦᠭᠡᠢ 《 ᠱᠢᠪᠱᠢᠯᠭᠡ 》 ᠪᠠᠷ ᠳᠠᠭᠤᠳᠠᠭ᠍ᠰᠠᠨ ᠮᠡᠲᠦ ᠭᠡᠬᠦ᠌ ᠦᠦ᠃
1963 ᠣᠨᠳᠤ ᠯᠸᠢ ᠹᠧᠩ ᠲᠣᠳᠣᠷᠠᠪᠠ᠂ ᠨᠨᠮᠠᠶ᠋ᠢ ᠭᠡᠷᠡᠯᠲᠦᠭᠦᠯᠪᠡ᠃ ᠮᠠᠨᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠠᠩᠬᠠ ᠳᠤᠮᠳᠠᠳᠦ᠍ᠶ᠋ᠢᠨ ᠹᠠᠨᠶ᠋ᠢᠨ ᠯᠢᠶᠠᠨ ᠭᠡᠳᠡᠭ ᠰᠤᠷᠤᠭ᠍ᠴᠢ ᠵᠠᠮᠠᠴᠠ ᠬᠦᠮᠦᠨᠤ ᠤᠨᠠᠭᠠᠵᠦ᠍ ᠭᠡᠭᠡᠭ᠌ᠰᠡᠨ ᠵᠣᠭᠤᠰᠤᠨ ᠭᠠᠷ ᠴᠥᠩᠬᠦ᠌ᠶ᠋ᠢ ᠣᠯᠣᠭᠠᠳ ᠰᠤᠷᠭᠠᠭᠤᠯᠢᠶ᠋ᠢᠨ ᠠᠯᠪᠠᠨ ᠭᠡᠷᠲᠤ ᠡᠷᠡᠭᠡᠯᠵᠡᠯ ᠦᠭᠡᠢ ᠵᠣᠷᠢᠭ᠍ᠲᠠᠢ ᠲᠤᠱᠢᠶᠠᠵᠠᠢ᠃ ᠡᠨᠡ ᠶᠠᠪᠤᠳᠠᠯᠢ ᠪᠢ ᠥᠪᠥᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ ᠬᠤᠷᠢᠶᠠᠨᠳᠤ ᠵᠠᠭᠤᠭᠠᠳ ᠦᠰᠦᠭᠢᠶᠠᠷ ᠮᠡᠳᠡᠭᠡᠯᠡᠵᠠᠢ᠃ ᠲᠡᠷᠡ ᠦᠶᠡᠳᠤ ᠪᠢ ᠲᠡᠭᠦᠨᠢᠶᠠᠨ 《ᠮᠡᠳᠡᠭᠡ》 ᠪᠢᠴᠢᠯᠡ ᠭᠡᠵᠦ᠍ ᠮᠡᠳᠡᠭᠡ ᠦᠭᠡᠢ᠂ ᠶᠡᠭᠡ ᠯᠡ ᠴᠢᠬᠤᠯᠠ 《ᠬᠤᠷᠢᠶᠠᠨᠤ ᠥᠭᠦᠯᠡᠯ》ᠪᠢᠴᠢᠴᠢᠭᠡᠭ᠌ᠰᠡᠨ ᠱᠢᠭ ᠣᠩᠭᠤᠯᠵᠠᠵᠦ᠍ ᠲᠣᠲᠣᠷᠠᠪᠠᠨ ᠳᠣᠯᠭᠢᠶᠠᠯᠠᠭᠠᠳ᠂ ᠳᠣᠯᠤᠭᠠ ᠬᠤᠨᠤᠭ ᠳᠣᠭ᠍ᠳᠣᠯᠵᠦ᠍᠂ ᠪᠢᠲᠡᠭᠡᠢ ᠯᠡ ᠪᠠᠰᠠ ᠨᠢᠭᠡᠨ 《ᠱᠢᠪᠠᠷ ᠦᠬᠡᠷ》ᠪᠣᠯᠭᠠᠴᠢᠬᠠᠶᠠ ᠳ᠋ᠠ ᠭᠡᠵᠦ᠍ ᠪᠣᠳᠣᠯᠳᠠᠭᠠᠨ ᠵᠠᠯᠪᠠᠷᠢᠵᠦ ᠪᠠᠢᠲᠠᠯᠠ ᠬᠠᠷᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠬᠤᠨᠤᠭ ᠪᠣᠯᠬᠤᠳᠤ ᠡᠭᠦᠳᠡᠨᠤ ᠡᠪᠤᠭᠡᠨ ᠭᠡᠨᠡᠳᠲᠡ ᠮᠠᠨᠤ ᠪᠠᠢᠷᠢᠳᠤ ᠭᠠᠷᠲᠠᠭᠠᠨ ᠨᠢᠭᠡ ᠬᠤᠪᠢ ᠮᠣᠩᠭᠤᠯ ᠡᠳᠦᠷᠤᠨ ᠰᠣᠨᠢᠨ ᠪᠠᠷᠢᠭᠠᠳ ᠠᠮᠢᠰᠭᠤᠭᠠᠳᠠᠭ᠍ᠰᠠᠭᠠᠷ ᠦᠭᠡᠪᠠᠨ ᠬᠡᠯᠡᠵᠦ᠍ ᠳᠡᠢᠯᠬᠦ᠌ ᠦᠭᠡᠢ 《ᠡᠨᠡ ᠡᠨᠡ ᠡᠨᠡ ᠁》 ᠭᠡᠳ ᠰᠣᠨᠢᠨᠤ ᠨᠢᠭᠤᠷᠤᠨ ᠨᠢᠭᠡᠨ ᠬᠡᠰᠡᠭ — ᠬᠡᠦᠬᠡᠳᠤᠨ ᠠᠯᠠᠭᠠ ᠳᠠᠷᠤᠮᠠ ᠭᠠᠵᠠᠷᠢ ᠵᠢᠭᠠᠭᠠᠳ ᠪᠠᠢᠪᠠ᠃ ᠲᠡᠷᠡ ᠬᠦ᠌ ᠵᠢᠷᠭᠠᠯᠠᠩᠲᠦ ᠮᠥᠴᠡᠳᠤ ᠪᠢ ᠳᠦᠷᠰᠦᠯᠡᠬᠦ᠌ᠶ᠋ᠢᠨ ᠠᠷᠭᠠ ᠦᠭᠡᠢ ᠮᠡᠨᠡᠭ ᠪᠣᠯᠲᠠᠯᠠᠪᠠᠨ ᠰᠣᠭ᠍ᠲᠤᠪᠠ᠃ ᠳᠠᠷᠠᠭᠠᠨᠢ ᠳᠡᠮᠡᠢ ᠤᠳᠠᠯ ᠦᠭᠡᠢ ᠱᠢᠤᠳᠠᠨᠢᠶᠠᠷ ᠠᠷᠠᠳᠤᠨ ᠵᠣᠭᠤᠰ ᠬᠤᠶᠠᠷ ᠲᠦᠭᠦᠷᠢᠭ ᠪᠠᠭᠤᠯᠠ᠃ ᠪᠢ ᠠᠩᠬᠠ ᠤᠳᠠᠭᠠ 《ᠬᠥᠯᠦᠰᠤᠨ》 ᠤ᠋ ᠲᠤᠰᠤᠯᠠᠴᠠ ᠠᠯᠲᠠᠨ ᠭᠡᠷᠡᠯ ᠰᠠᠴᠤᠷᠠᠬᠤᠶ᠋ᠢ ᠴᠣᠴᠢᠮᠠᠭ ᠬᠠᠷᠠᠯᠠ᠃ 1963.5.23 ᠢᠩᠭᠢᠵᠦ᠍ ᠮᠢᠨᠤ ᠨᠡᠷᠡᠪᠠᠨ ᠲᠡᠮᠳᠡᠭ᠌ᠯᠡᠭ᠌ᠰᠡᠨ ᠳᠤᠷᠠᠰᠭᠠᠯᠤᠨ ᠡᠳᠦᠷ ᠪᠣᠯᠣᠯᠠ᠃ ᠦᠪᠦᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ ᠪᠠᠢᠭᠠ ᠵᠦᠭ ᠴᠢᠭᠢ ᠪᠠᠯᠠᠷᠠᠰᠢ ᠦᠭᠡᠢ ᠪᠠᠲᠦ ᠲᠣᠭ᠍ᠲᠠᠭᠠᠯᠠ᠃ ᠣᠷᠳᠣᠨᠳᠤᠨᠢ ᠣᠷᠣᠬᠤ ᠨᠢᠭᠤᠴᠠ ᠳ᠋ᠤᠭᠠᠷ ᠲᠦᠯᠬᠢᠭᠦᠷᠢᠨᠢ ᠴᠤ᠌ ᠣᠯᠣᠯᠠ᠃ ᠭᠡᠪᠡᠴᠤ᠌ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠪᠠᠨ ᠪᠠᠰᠠ ᠯᠡ ᠵᠢᠩᠬᠢᠨᠢᠪᠠᠷ ᠡᠷᠢᠵᠦ᠍ ᠣᠯᠤᠭᠠ ᠦᠭᠡᠢ᠂ ᠡᠭᠦᠳᠡ ᠳᠠᠷᠠᠭᠠᠯᠠᠨ ᠲᠣᠭ᠍ᠰᠢᠵᠤ ᠲᠡᠮᠲᠡᠴᠢᠨ ᠪᠥᠳᠦᠴᠢᠨ ᠡᠷᠢᠭ᠌ᠰᠡᠭᠡᠷ ᠠᠪᠠᠢ᠃ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠳ᠋ᠦ ᠬᠦᠷᠬᠦ᠌ ᠬᠡᠵᠦ᠍ ᠲᠠᠮᠤᠴᠢᠶ᠋ᠢᠨ ᠲᠠᠯᠠᠶ᠋ᠢ ᠦᠩᠭᠡᠷᠡᠭᠡᠳ ᠲᠠᠪᠤᠩᠤᠨ ᠲᠠᠯᠠᠶ᠋ᠢ ᠲᠤᠭᠤᠯᠬᠤ ᠱᠢᠭ᠋ ᠬᠦᠷᠦᠰᠢ ᠦᠭᠡᠢ ᠬᠤᠯᠠ ᠰᠠᠨᠠᠭ᠍ᠳᠠᠭᠠᠳ ᠪᠠᠢᠪᠠ᠃ ᠶᠠᠪᠤᠴᠠᠶ᠋ᠢᠨ ᠳᠤᠮᠳᠠ 《ᠡᠪᠡᠰᠦᠲᠦ ᠲᠠᠯᠠ᠂ ᠨᠠᠮᠤᠭ᠍ᠲᠤ ᠭᠠᠵᠠᠷ᠂ ᠴᠠᠰᠤᠳᠤ ᠠᠭᠤᠯᠠ》 ᠬᠡᠷᠡᠭᠡᠳ ᠪᠠᠢᠯᠠ᠃ ᠭᠡᠪᠡᠴᠤ᠌ 《ᠵᠣᠷᠢᠪᠠᠰᠦ ᠬᠦᠷᠦᠶᠦ᠍᠂ ᠣᠷᠣᠯᠳᠤᠪᠠᠰᠦ ᠪᠥᠲᠦᠶᠦ᠍》ᠭᠡᠳᠡᠭᠤᠨ ᠬᠠᠤᠯᠢᠪᠠᠷ 《ᠰᠣᠶᠣᠯᠤᠨ ᠶᠡᠭᠡ ᠬᠤᠪᠢᠰᠭᠠᠯ》 ᠤ᠋ᠨ ᠳᠤᠮᠳᠠ ᠶᠠᠭ ᠲᠡᠷᠡ ᠴᠠᠭᠤᠨ ᠲᠣᠲᠣᠭᠠᠳᠦ ᠳᠣᠬᠢᠶᠠ ᠲᠡᠮᠳᠡᠭᠢᠶᠠᠷ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠪᠠᠨ ᠡᠷᠢᠭᠡᠳ ᠪᠠᠢᠪᠠ᠃ ᠮᠢᠨᠤ ᠥᠨᠥᠬᠢ ᠲᠥᠭᠦᠷᠢᠭ ᠰᠠᠷᠠᠨ ᠬᠦᠰᠡᠯᠡᠩᠤᠨ ᠪᠠᠭᠤᠴᠠ ᠡᠨᠡ ᠯᠡ ᠬᠠᠪᠢᠪᠠᠷ ᠪᠠᠢᠯᠲᠠᠢ ᠳ᠋ᠠ᠃ ᠲᠡᠭᠡᠲᠡᠯᠡ 《ᠮᠠᠤ ᠵᠦᠰᠢ ᠲᠦᠮᠡᠨ ᠨᠠᠰᠤᠯᠠᠲᠤᠭᠠᠢ！》 ᠭᠡᠰᠡᠨ ᠱᠢᠯᠦᠭᠢᠶᠠᠨ 1967 ᠣᠨᠤ 7 ᠳ᠋ᠤᠭᠠᠷ ᠰᠠᠷᠠᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ ᠣᠷᠣᠯᠠᠮᠠᠯ 《ᠡᠮᠦᠨᠡᠲᠦ ᠬᠠᠷᠠᠭᠤᠯ ᠰᠣᠨᠢᠨ》 ᠳ᠋ᠦ ᠨᠡᠢᠲᠡᠯᠡᠪᠡ᠃ ᠳᠠᠷᠠᠭᠠᠨᠢ 1973 ᠣᠨᠤ 2 ᠳ᠋ᠤᠭᠠᠷ ᠰᠠᠷᠠᠶ᠋ᠢᠨ 12 ᠲᠦ᠍ 《ᠪᠠᠭᠠᠲᠤᠷ ᠭᠠᠷ》ᠭᠡᠳᠡᠭ ᠱᠢᠯᠦᠭᠢᠶᠠᠨ ᠨᠡᠢᠲᠡᠯᠡᠭᠡᠳ ᠵᠢᠩᠬᠢᠨᠢ ᠤᠳᠭᠠᠶ᠋ᠢᠨ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠶ᠋ᠢᠨ ᠭᠡᠷᠡᠯᠲᠦ ᠠᠯᠲᠠᠨ ᠡᠭᠦᠳᠡᠪᠠᠷ ᠣᠷᠣᠭ᠍ᠰᠠᠨ ᠪᠢᠯᠡ᠃ ᠳᠠᠯᠠᠭᠠᠣᠨ ᠣᠨᠳᠤ ᠨᠡᠯᠢᠶᠡᠳ ᠬᠡᠳᠦᠨ ᠱᠢᠯᠦᠭ᠂ ᠨᠠᠶᠠᠭᠠᠳ ᠣᠨᠠᠴᠠ ᠬᠤᠢᠰᠢ ᠪᠥᠲᠦᠭᠡᠯ ᠮᠠᠨᠢ ᠪᠦᠷ ᠬᠦᠢᠯᠡᠭᠡᠳ 《ᠬᠥᠬᠡᠬᠤᠲᠠᠶ᠋ᠢᠨ ᠦᠳᠡᠰᠢ》 ᠨᠠᠢᠷᠠᠭᠤᠯᠤᠯ᠂ 《ᠬᠡᠢ ᠪᠦᠮᠪᠦᠭᠡ》ᠱᠢᠯᠦᠭ᠂ 《ᠰᠣᠬᠤᠷ ᠬᠥᠪᠡᠭᠦᠨ ᠰᠤᠪᠤᠳ ᠱᠦᠭᠦᠭ᠌ᠰᠡᠨᠨᠢ》 ᠨᠠᠢᠷᠠᠭ᠍ᠯᠠᠯ （300 ᠮᠥᠷ）᠂ 《ᠮᠥᠩᠬᠡᠷᠡᠯᠤᠨ ᠮᠥᠩᠭᠦᠨ ᠲᠣᠪᠴᠢ》 ᠥᠭᠦᠯᠡᠯᠭᠡ᠂ 17 ᠠᠩᠭᠢᠲᠦ 《ᠵᠠᠳᠠᠭᠠᠢ ᠱᠢᠯᠦᠭ》᠂ 《ᠬᠠᠮᠠᠷᠢᠶᠠᠨ ᠬᠠᠪᠴᠢᠭᠤᠯᠤᠭ᠍ᠰᠠᠨᠨᠢ》 ᠭᠡᠳᠡᠭ ᠭᠢᠯᠪᠢᠭᠡᠨ ᠵᠥᠴᠦᠭᠡ ᠵᠡᠷᠭᠡ ᠵᠢᠷᠭᠤᠭᠠ ᠳᠣᠯᠣᠭᠠᠨ ᠰᠲ᠋ᠢᠯᠢᠶ᠋ᠢᠨ ᠬᠡᠳᠦᠨ ᠠᠷᠪᠠᠨ ᠵᠣᠬᠢᠶᠠᠯ ᠨᠡᠢᠲᠡᠯᠡᠵᠠᠢ᠂ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠳ᠋ᠠᠭᠠᠨ᠃
ᠵᠢᠷᠠᠭᠠᠳ ᠵᠢᠯᠤᠨ ᠡᠮᠦᠨᠡ ᠮᠤᠷᠤᠢ ᠰᠠᠷᠤᠢ ᠤᠷᠲᠦ ᠵᠠᠮᠤᠨ ᠠᠶᠠᠨ ᠡᠷᠢᠯᠢᠶᠠᠷ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠳ᠋ᠦ ᠠᠩᠬᠠ ᠱᠠᠪᠢᠯᠠᠵᠦ᠍ ᠲᠡᠭᠦᠨᠤ ᠵᠤᠯᠠᠢ ᠢᠯᠪᠢᠯᠲᠡ᠂ ᠪᠢᠴᠢᠭ ᠪᠢᠯᠢᠭᠤᠨ 《ᠲᠤᠶᠠᠭᠠ》 ᠳ᠋ᠦ ᠭᠡᠢᠭᠦᠯᠦᠭ᠌ᠳᠡᠭ᠌ᠰᠡᠨᠠᠴᠠ ᠨᠠᠭᠠᠰᠢ ᠪᠢ ᠰᠠᠷᠠᠭᠤᠯ ᠰᠠᠢᠬᠠᠨ ᠬᠦᠰᠡᠯᠠᠩᠤᠨ ᠵᠠᠮᠢᠶᠠᠷ ᠶᠠᠪᠤᠬᠤ ᠲᠤᠲᠤᠮ ᠬᠤᠷᠳᠤᠯᠠᠵᠦ᠍᠂ ᠥᠭ᠌ᠰᠦᠵᠦ᠍᠂ ᠣᠳᠥ ᠪᠣᠯᠲᠠᠯᠠ ᠨᠢᠭ᠍ᠲᠠ ᠬᠠᠷᠢᠴᠠᠭᠠᠲᠠᠢ ᠪᠠᠢᠭ᠍ᠰᠠᠭᠠᠷ ᠪᠦᠭᠡᠳ ᠬᠤᠪᠢ ᠵᠠᠶᠠᠭᠠᠨᠤ ᠠᠮᠢᠨ ᠱᠢᠵᠢᠮᠢᠶᠠᠷ ᠡᠭᠦᠷᠢᠳᠡ ᠬᠤᠯᠪᠣᠭ᠍ᠳᠠᠵᠠᠢ᠃ ᠴᠥᠬᠦᠷᠡᠯ ᠦᠭᠡᠢ ᠴᠢᠷᠮᠠᠢᠯᠭᠠ ᠪᠠ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠶ᠋ᠢᠨ ᠲᠤᠰᠠᠯᠠᠮᠵᠢᠪᠠᠷ ᠬᠤᠶᠠᠷ ᠬᠥᠯᠲᠠᠢ ᠲᠤᠯᠬᠤ ᠴᠡᠭ ᠪᠣᠯᠭᠠᠭᠠᠳ ᠤᠯᠤᠰᠤᠨ ᠲᠣᠲᠣᠭᠠᠳᠦ᠍ᠶ᠋ᠢᠨ ᠠᠷᠪᠠ ᠱᠢᠬᠠᠮ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ ᠤᠯᠤᠰᠤᠨ ᠭᠠᠳᠠᠨᠠ ᠪᠠᠰᠠ ᠭᠤᠷᠪᠠ ᠳᠥᠷᠪᠡᠨ ᠬᠡᠪᠯᠡᠯᠤᠨ ᠭᠠᠵᠠᠷᠲᠤ ᠵᠣᠬᠢᠶᠠᠯ ᠬᠡᠪᠯᠡᠭᠦᠯᠦᠭ᠌ᠰᠡᠨ ᠡ᠃ ᠠᠵᠠᠪᠠᠷ ᠥᠨᠥᠬᠢ ᠦᠭᠦᠯᠡᠪᠤᠷᠢ ᠵᠣᠬᠢᠶᠠᠯᠭᠠᠶ᠋ᠢᠨ ᠠᠩᠬᠠᠨᠤ ᠦᠶᠡᠶ᠋ᠢᠨ ᠲᠠᠯᠠᠢᠳᠤ ᠣᠷᠣᠭᠠᠳ ᠴᠢᠪ ᠴᠢᠮᠡᠭᠡ ᠦᠭᠡᠢ ᠪᠣᠯᠳᠠᠭ 《ᠱᠢᠪᠠᠷ ᠦᠬᠡᠷ》 ᠶ᠋ᠢᠡᠨ ᠣᠷᠣᠯᠳᠤᠭ᠍ᠰᠠᠭᠠᠷ ᠪᠠᠢᠭᠠᠳ ᠱᠢᠵᠢᠷ ᠠᠯᠲᠠᠨ ᠦᠬᠡᠷ ᠪᠣᠯᠭᠠᠭ᠍ᠰᠠᠨ ᠤᠬᠠᠭᠠᠨᠲᠠᠢ᠃
《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠪᠣᠯ ᠮᠠᠨᠤ ᠦᠨᠳᠦᠰᠦᠲᠡᠨᠤ ᠤᠳᠭᠠ ᠰᠣᠶᠣᠯᠤᠨ ᠬᠢᠷᠢ ᠲᠦᠪᠱᠢᠨᠳᠤ ᠨᠡᠢᠴᠡᠭ᠌ᠰᠡᠨ᠂ ᠥᠨᠳᠦᠷ ᠴᠤ᠌ ᠪᠢᠰᠢ᠂ ᠪᠣᠭᠤᠨᠢ ᠴᠤ᠌ ᠪᠢᠰᠢ ᠶᠠᠪ ᠴᠠᠪ ᠵᠣᠬᠢᠴᠠᠭ᠍ᠰᠠᠨ ᠬᠥᠲᠦᠯᠦᠭ᠌ᠴᠢ ᠶᠤᠮ᠃ ᠲᠤᠬᠠᠢᠯᠠᠪᠠᠯ᠄ ᠳᠡᠯᠭᠡᠷᠡᠭᠦᠯᠦᠯᠤᠨ᠂ ᠦᠨᠳᠦᠰᠦᠯᠡᠯᠤᠨ᠂ ᠲᠥᠭᠡᠮᠡᠯᠵᠢᠭᠦᠯᠦᠯᠤᠨ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠳᠤ ᠣᠨᠣᠴᠠᠲᠠᠢ ᠲᠣᠬᠢᠷᠠᠭ᠍ᠰᠠᠨ ᠪᠤᠯᠤᠩ ᠳ᠋ᠠ ᠲᠡᠷᠡ᠃ ᠲᠡᠢᠮᠦ᠍ᠠᠴᠠ ᠲᠡᠷᠡ ᠮᠣᠩᠭᠤᠯᠴᠤᠳᠤᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭᠤᠨ ᠰᠣᠶᠣᠯ ᠤᠷᠠᠯᠢᠭᠢ ᠶᠡᠬᠡᠳᠡ ᠠᠬᠢᠭᠤᠯᠤᠭ᠍ᠰᠠᠨᠢᠶᠠᠷᠢᠶᠠᠨ ᠠᠭᠤᠤ ᠶᠡᠭᠡ ᠦᠢᠯᠡᠳᠦᠯ ᠦᠵᠡᠭᠦᠯᠵᠠᠢ᠃ ᠲᠡᠭᠦᠨᠤ ᠰᠠᠴᠤᠷᠠᠩᠭᠤᠢ ᠲᠤᠶᠠᠭᠠᠯᠠᠯᠢᠶᠠᠷ ᠮᠠᠨᠤ ᠤᠯᠤᠰ ᠣᠷᠣᠨᠤ ᠮᠣᠩᠭᠤᠯ ᠤᠳᠭᠠ ᠤᠷᠠᠯᠢᠭᠤᠨ ᠰᠡᠳᠭᠦᠯ ᠣᠳᠤᠨ ᠮᠡᠴᠢᠳ ᠱᠢᠭ ᠲᠥᠭᠡᠵᠦ᠍᠂ ᠳᠡᠮᠡᠢ ᠤᠳᠠᠯ ᠦᠭᠡᠢ 《ᠥᠨᠢᠷ ᠴᠡᠴᠡᠭ》 ᠮᠡᠲᠦ᠍ᠶ᠋ᠢᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠰᠡᠳᠭᠦᠯᠤᠳ ᠬᠤᠢᠨᠠ ᠬᠤᠢᠨᠠᠠᠴᠠᠪᠠᠨ ᠮᠡᠨᠳᠦᠯᠡᠭ᠌ᠰᠡᠨ ᠶᠤᠮ᠃ ᠥᠩᠭᠡᠷᠡᠭ᠌ᠰᠡᠨᠳᠤ ᠮᠠᠨᠤ ᠦᠨᠳᠦᠰᠦᠲᠡᠨᠤ ᠰᠣᠶᠣᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠬᠡᠨᠵᠡ ᠨᠢᠯᠬᠠ ᠪᠠᠢᠭ᠍ᠰᠠᠨᠠᠴᠠ ᠦᠰᠦᠭ ᠲᠠᠨᠢᠳᠠᠭ ᠬᠦᠮᠦᠨ ᠴᠥᠭᠡᠨ᠂ ᠠᠯᠤᠰ ᠬᠢᠵᠠᠭᠠᠷᠠᠴᠠ ᠡᠪᠦᠷᠠᠴᠠ ᠡᠪᠦᠷ ᠳᠠᠮᠵᠢᠵᠦ᠍ ᠢᠷᠡᠭ᠌ᠰᠡᠨ ᠬᠠᠷᠠᠨᠳᠠᠪᠠᠷ ᠪᠢᠴᠢᠭ᠌ᠰᠡᠨ ᠭᠤᠷᠪᠠᠯᠵᠢᠨ ᠡᠪᠬᠡᠮᠡᠯ ᠵᠠᠬᠢᠳᠠᠯᠢ ᠬᠦᠷᠲᠡᠯᠡ 《ᠳᠠᠭᠤᠳᠠᠭᠠᠴᠢ ᠡᠷᠳᠡᠮᠲᠡᠨ》 ᠵᠠᠯᠠᠵᠦ᠍ ᠳᠠᠭᠤᠳᠠᠭᠤᠯᠳᠠᠭ （ᠤᠩᠱᠢᠭᠤᠯᠳᠠᠭ） ᠪᠠᠢᠵᠠᠢ᠃ ᠰᠣᠶᠣᠯᠤᠨ ᠬᠢᠷᠢ ᠬᠡᠮᠵᠢᠶᠡ ᠰᠣᠶᠣᠯᠤᠨ ᠠᠮᠢᠳᠤᠷᠠᠯ᠂ ᠣᠶᠤᠨᠯᠢᠭ ᠦᠢᠯᠡᠳᠪᠦᠷᠢᠯᠡᠯᠢ ᠬᠢᠵᠠᠭᠠᠷᠯᠠᠳᠠᠭ ᠪᠣᠯᠬᠤᠷ ᠪᠢᠴᠢᠭᠤᠨ ᠤᠷᠠᠨ ᠵᠣᠬᠢᠶᠠᠯᠢ ᠵᠢᠩᠰᠡᠲᠡᠳᠤᠨ ᠳᠠᠪᠬᠤᠷᠭᠠᠶ᠋ᠢᠨ ᠪᠤᠶᠤ ᠱᠢᠷᠠ ᠳᠡᠪᠡᠯᠲᠡᠳᠤᠨ ᠦᠴᠦᠬᠡᠨ ᠪᠦᠯᠦᠭ ᠬᠦᠮᠦᠰ ᠯᠡ ᠰᠣᠨᠢᠷᠬᠠᠵᠦ᠍ ᠤᠩᠱᠢᠬᠤ ᠪᠤᠶᠤ ᠪᠢᠱᠢᠯᠭᠠᠵᠦ᠍ ᠪᠦᠲᠦᠭᠡᠳᠡᠭ ᠪᠠᠢᠪᠠ᠃ ᠱᠢᠨᠡ ᠨᠡᠢᠭᠡᠮ ᠡᠬᠢᠯᠡᠵᠦ᠍ ᠪᠢᠯᠢᠭᠤᠨ ᠰᠣᠷᠢᠭᠠ ᠨᠡᠢᠲᠡᠮᠵᠢᠬᠦ᠌ᠳᠤ ᠤᠷᠠᠨ ᠵᠣᠬᠢᠶᠠᠯᠤᠨ ᠨᠣᠮ ᠪᠢᠴᠢᠭ ᠬᠤᠷᠢᠳᠤᠭᠠᠷ ᠵᠠᠭᠤᠨᠤ ᠳᠥᠴᠢᠭᠡᠳ ᠣᠨᠠᠴᠠ ᠴᠣ ᠱᠢᠨᠡ ᠰᠣᠶᠣᠭᠠᠯᠠᠯ ᠬᠥᠭ᠌ᠵᠢᠯᠲᠡᠲᠠᠢ ᠪᠣᠯᠣᠭ᠍ᠰᠠᠨ ᠶᠤᠮ᠃ ᠲᠡᠭᠦᠨᠠᠴᠠ ᠡᠮᠦᠨᠡ ᠪᠣᠯ ᠠᠷᠠᠳᠤᠨ ᠳᠠᠭᠤᠤ᠂ ᠠᠷᠠᠳᠤᠨ ᠠᠮᠠᠨ ᠵᠣᠬᠢᠶᠠᠯ ᠪᠠᠢᠪᠠᠴᠤ᠌ ᠲᠡᠢᠮᠦ᠍ ᠤᠷᠠᠯᠢᠭ᠍ᠴᠢᠳ ᠡᠳᠦᠷᠤᠨ ᠣᠳᠥ ᠱᠢᠭ᠋ ᠴᠥᠭᠡᠨ᠃ ᠲᠡᠳᠡᠨᠤ ᠵᠠᠷᠢᠮᠨᠢ ᠪᠠᠰᠠ 《ᠰᠣᠯᠢᠶᠠᠲᠦ》 ᠪᠢᠰᠢ ᠪᠣᠯ ᠲᠠᠩᠬᠠᠢᠴᠤᠳ ᠭᠡᠬᠦ᠌ ᠮᠡᠲᠦ᠍ᠪᠠᠷ ᠭᠠᠳᠠᠭᠤᠷᠴᠢᠯᠠᠭ᠍ᠳᠠᠳᠠᠭ ᠪᠠᠢᠯᠠ᠃ ᠲᠡᠢᠮᠦ᠍ᠠᠴᠠ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠮᠢᠨᠢ ᠥᠩᠭᠡᠷᠡᠭ᠌ᠴᠢ ᠨᠠᠶᠨ ᠱᠢᠬᠠᠮ ᠵᠢᠯᠤᠨ ᠲᠣᠲᠣᠷᠠ ᠦᠢ ᠲᠦᠮᠡᠨ ᠵᠣᠬᠢᠶᠠᠭ᠍ᠴᠢᠶ᠋ᠢ ᠪᠦᠪᠡᠢᠯᠡᠨ ᠥᠰᠭᠡᠵᠦ᠍ ᠵᠣᠬᠢᠶᠠᠯ ᠪᠦᠲᠦᠭᠡᠯᠤᠨ ᠠᠭᠤᠯᠠ ᠬᠠᠢᠷᠬᠠᠨ ᠪᠣᠰᠭᠠᠭ᠍ᠰᠠᠨ ᠪᠢᠯᠡ᠃ ᠱᠢᠨᠡ ᠨᠡᠢᠭᠡᠮᠤᠨ ᠱᠢᠨᠡ ᠠᠭᠤᠷ ᠠᠮᠢᠰᠭᠤᠯ᠂ ᠨᠠᠷᠠ ᠬᠤᠷᠠᠶ᠋ᠢᠨ ᠱᠢᠮᠡ᠂ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》ᠪᠠᠷ ᠲᠠᠴᠢᠷ ᠬᠥᠷᠦᠰᠦᠨᠠᠴᠠ ᠡᠷᠳᠡᠮᠤᠨ ᠨᠠᠬᠢᠶᠠ ᠬᠥᠪᠦᠷᠡᠭᠦᠯᠦᠭ᠌ᠰᠡᠨ᠃ ᠨᠣᠮᠢᠨ ᠨᠣᠭᠤᠭᠠᠨ ᠪᠡᠯᠴᠢᠭᠡᠷ᠂ ᠴᠡᠴᠡᠭ ᠲᠤᠶᠠᠭᠠᠲᠦ ᠲᠠᠯᠠ ᠡᠨᠡ ᠪᠦᠮᠪᠦᠷᠴᠡᠭᠤᠨ ᠲᠤᠢᠯᠤᠨ ᠭᠠᠢᠬᠠᠮᠱᠢᠭ᠍ᠲᠠᠢ ᠰᠣᠶᠣᠯᠤᠨ ᠦᠵᠡᠭ᠌ᠳᠡᠯ ᠪᠣᠯᠣᠨ ᠮᠢᠷᠠᠯᠵᠠᠭ᠍ᠰᠠᠨ ᠶᠤᠮ᠃ ᠱᠢᠨᠡ ᠦᠶᠡᠶ᠋ᠢᠨ ᠮᠣᠩᠭᠤᠯ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭᠤᠨ ᠤᠷᠠᠨ ᠵᠣᠬᠢᠶᠠᠯᠳᠤ ᠭᠠᠪᠢᠶᠠ ᠲᠡᠮᠳᠡᠭ᠌ᠯᠡᠪᠡᠯ ᠶᠠᠭᠤᠨᠤ ᠡᠮᠦᠨᠡ 《ᠲᠠᠯᠠᠶ᠋ᠢᠨ ᠲᠤᠶᠠᠭᠠ》 ᠲᠣᠮᠣᠪᠠᠷ ᠪᠢᠴᠢᠭ᠌ᠳᠡᠬᠦ᠌ ᠶᠣᠰᠤᠲᠠᠢ᠃
（ᠨᠣᠮᠲᠦ ᠬᠠᠨᠠᠶ᠋ᠢᠨ ᠡᠩᠭᠡᠷᠲᠤ 2026.5.24）