ᠱᠠᠨᠰᠠᠨᠤ ᠲᠤᠩᠭᠠᠯᠠᠭ ᠠᠶᠠᠯᠭᠤᠨᠳᠤ ᠰᠤᠭ᠍ᠳᠤᠨ
ᠱᠠᠭᠠᠵᠠᠩᠲᠤᠶ᠋ᠢᠨ ᠪᠦᠭᠡᠷᠡᠭ ᠨᠠᠮᠢᠯᠵᠠᠬᠤᠳᠤ
ᠱᠢᠷᠡᠭᠡ ᠠᠳᠠᠨᠤ ᠪᠠᠨ ᠵᠤᠭ᠍ᠳᠤᠷ ᠬᠠᠶᠠᠯᠠᠭᠤᠯᠤᠨ
ᠵᠦᠭᠡᠯᠡᠨ ᠠᠯᠬᠤᠭᠤᠯᠤᠭ᠍ᠰᠠᠭᠠᠷ
ᠭᠤᠪᠢᠶ᠋ᠢᠨ ᠲᠤᠷᠭᠠᠨ ᠠᠶᠠᠯᠭᠤ ᠰᠠᠮᠨᠠᠨ
ᠭᠤᠪᠱᠢᠶᠠ ᠰᠠᠯᠬᠢ ᠰᠡᠪᠢᠯᠵᠡᠬᠦ᠌ᠳᠤ
ᠭᠤᠯᠤᠩᠬᠠᠢ ᠪᠤᠷᠤᠪᠠᠨ ᠬᠠᠷᠠᠭᠤᠯᠳᠠᠨ
ᠬᠦᠭᠡᠷᠦᠬᠦᠢ ᠠᠪᠤ ᠮᠢᠨᠢ ᠲᠤᠷᠮᠤᠢᠭ᠍ᠰᠠᠭᠠᠷ
ᠡᠷᠳᠡᠨᠢᠶ᠋ᠢᠨ ᠵᠤᠰᠤᠨ ᠠᠶᠠᠯᠭᠤ ᠢᠳᠠᠮᠯᠠᠨ
ᠡᠷᠳᠡ ᠪᠤᠴᠠᠭ᠍ᠰᠠᠨ ᠱᠢᠪᠠᠭᠤᠳ ᠵᠡᠯᠡᠯᠡᠬᠦ᠌ᠳᠤ
ᠪᠠᠨᠳᠠᠭᠠᠷ ᠬᠦᠷᠡᠩᠢᠶᠠᠨ ᠬᠤᠮ ᠰᠠᠭᠤᠭ᠍ᠰᠠᠨᠢᠨᠢ ᠬᠠᠷᠠᠭᠠᠳ
ᠪᠠᠶᠠᠷᠯᠠᠨ ᠲᠤᠭ᠍ᠳᠤᠯᠤᠭ᠍ᠰᠠᠭᠠᠷ
ᠵᠠᠭᠤᠨ ᠨᠤᠮᠢᠨ ᠠᠶᠠᠯᠭᠤ ᠰᠡᠮᠡᠯᠡᠨ
ᠤᠯᠴᠤᠨ ᠰᠠᠷᠠ ᠮᠢᠱᠢᠶᠡᠬᠦ᠌ᠳᠤ
ᠦᠨᠢᠷ ᠤᠯᠠᠨ ᠪᠤᠲᠤᠭᠤᠪᠠᠨ ᠲᠤᠰᠴᠤ᠌
ᠤᠶᠠᠭᠠ ᠨᠤᠭ᠍ᠲᠤᠪᠠᠨ ᠰᠡᠯᠪᠢᠭ᠌ᠰᠡᠭᠡᠷ
ᠨᠡᠭᠦᠳᠡᠯᠤᠨ ᠱᠢᠷᠭᠠᠯ ᠠᠶᠠᠯᠭᠤ ᠲᠤᠪᠱᠢᠨ
ᠨᠡᠭᠦᠳᠡᠯᠯᠡᠬᠦ ᠡᠭᠦᠯᠡᠰ ᠴᠠᠮᠨᠠᠬᠤᠳᠤ
ᠬᠦᠭ᠌ᠰᠢᠨ ᠤᠯᠠᠭᠠᠨᠢᠶᠠᠨ ᠤᠰᠤᠭᠤᠴᠢᠬᠠᠬᠤ ᠪᠤᠢ ᠭᠡᠳ
ᠬᠦᠳᠦᠰᠦᠨ ᠨᠡᠮᠨᠡᠭᠡᠪᠠᠨ ᠬᠠᠳᠠᠭᠠᠯᠠᠭ᠍ᠰᠠᠭᠠᠷ
ᠵᠠᠳᠠᠭᠠᠢ ᠰᠤᠮᠤᠨ ᠠᠶᠠᠯᠭᠤ ᠦᠶᠡᠯᠵᠡᠨ
ᠵᠡᠷᠭᠡᠯᠭᠡ ᠲᠤᠭᠤᠴᠢᠨ ᠲᠦᠡᠭ᠌ᠭᠢᠨᠡᠬᠦ᠌ᠳᠤ
ᠬᠦᠷᠡᠩ ᠪᠤᠤᠷᠠᠪᠠᠨ ᠠᠷᠢᠭᠤᠯᠠᠵᠤ
ᠭᠡᠭᠡᠷᠡᠭᠦᠯᠥᠨ ᠲᠤᠮᠤᠭᠤᠯᠤᠭ᠍ᠰᠠᠭᠠᠷ
ᠰᠦᠨ ᠴᠠᠭᠠᠨ ᠠᠶᠠᠯᠭᠤ ᠰᠡᠷᠵᠢᠮᠯᠡᠨ
ᠵᠤᠵᠠᠭᠠᠨ ᠪᠤᠶᠠᠨᠲᠤ ᠨᠤᠲᠤᠭᠲᠠᠭᠠᠨ
ᠴᠠᠭᠠᠨ ᠱᠢᠬᠢᠷᠡᠳᠦ᠍ᠪᠠᠨ ᠦᠮᠴᠢᠯᠡᠵᠤ
ᠡᠩᠬᠦᠷᠡᠢᠯᠡᠨ ᠬᠠᠢᠷᠠᠯᠠᠭ᠍ᠰᠠᠭᠠᠷ ᠯᠠ ᠶᠠᠪᠤᠭᠠ
ᠲᠤᠭ᠍ᠯᠢᠶ᠋ᠢᠨ ᠴᠡᠩᠬᠡᠷ ᠠᠶᠠᠯᠭᠤ
ᠨᠠᠮᠢᠷᠠᠭ᠍ᠰᠠᠭᠠᠷ ᠯᠠ ᠪᠠᠢᠭᠠ
ᠲᠤᠤᠯᠢᠶ᠋ᠢᠨ ᠴᠡᠩᠬᠡᠷ ᠦᠨᠳᠦᠷᠢᠶᠠᠷ
ᠤᠶᠠᠩᠭᠠᠷᠠᠭ᠍ᠰᠠᠭᠠᠷ ᠯᠠ ᠪᠠᠢᠭᠠ
ᠲᠤᠭ᠍ᠯᠢᠶ᠋ᠢᠨ ᠭᠡᠭᠡᠨ ᠤᠷᠤᠱᠢᠬᠤᠢ
ᠬᠠᠱᠢᠷ ᠲᠤᠬᠢ ᠲᠡᠮᠡᠭᠡᠴᠢᠨ
ᠲᠤᠩ ᠴᠤ᠌ ᠨᠢᠮᠪᠠᠢ ᠬᠦᠮᠦᠨ ᠶᠤᠮ ᠡ
ᠲᠤᠭ᠍ᠯᠢᠶ᠋ᠢᠨ ᠴᠡᠩᠬᠡᠷ ᠠᠶᠠᠯᠭᠤ — ᠠᠪᠤ ᠮᠢᠨᠢ ᠡ