ᠬᠥᠬᠡ ᠴᠡᠩᠬᠡᠷ ᠤᠭᠳᠠᠷᠭᠤᠢ᠂ ᠬᠦᠪᠦᠩ ᠴᠠᠭᠠᠨ‌ᠡᠭᠦᠯᠡᠰ ᠮᠢᠨᠢ ᠡ！ 

ᠬᠥᠪᠡᠭᠡ ᠵᠠᠬ᠎ᠠ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠨᠠᠯᠠᠭᠠᠷ ᠶᠡᠬᠡ ᠲᠡᠭᠷᠢ ᠡ！ 

ᠬᠦᠷᠤᠰᠤᠳᠤ ᠲᠡᠯᠡᠬᠡᠢ᠎ᠶᠢᠨ ᠭᠠᠩᠭᠠᠩ ᠰᠠᠶ᠋ᠢᠬᠠᠨ ᠴᠠᠭ ᠤᠯᠠᠷᠢᠯ᠎ᠳᠤ 

ᠬᠣᠯᠠ᠎ᠶᠢᠨ ᠬᠣᠯᠠ ᠡᠴᠠ᠂ ᠦᠨᠳᠤᠷ᠎ᠤᠨ ᠦᠨᠳᠤᠷ᠎ᠲᠤ᠌ ᠮᠡᠯᠴᠡᠶ᠋ᠢᠨ᠎ᠡ᠃ 

ᠠᠷᠴᠢᠭᠰᠠᠨ ᠲᠣᠯᠢ ᠰᠢᠭ᠋ ᠪᠣᠯᠣᠷ ᠲᠤᠩᠭᠠᠯᠠᠭ ᠤᠰᠤᠨ ᠮᠡᠳᠦ 

ᠠᠷᠢᠭᠤᠨ ᠷᠠᠰᠢᠶᠠᠨ᠎ᠢᠶᠠᠷ ᠰᠢᠪᠰᠢᠭᠰᠡᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠦᠩᠭᠡ ᠡ！ 

ᠴᠡᠯ ᠵᠠᠯᠠᠭᠤ ᠨᠠᠰᠤᠨ᠎ᠳᠤ᠎ᠪᠠᠨ‌ᠤᠮᠤᠭᠯᠠᠩ ᠲᠤᠯᠭᠢᠨ‌ ᠪᠠᠢ᠌ᠵᠤ ᠪᠠᠶ᠋ᠢᠯ᠎ᠠ 

ᠴᠡᠩᠬᠡᠷ ᠤᠭᠳᠠᠷᠭᠤᠢ ᠰᠢᠭ᠋᠎ᠢᠶᠡᠨ ᠭᠡᠪ ᠭᠡᠭᠡᠬᠡᠨ ᠶᠠᠪᠤᠵᠤ ᠢᠷᠡᠯ᠎ᠡ᠃ 

ᠲᠡᠭᠡᠭᠰᠢ᠎ᠪᠡᠨ ᠬᠠᠷᠠᠬᠤ᠎ᠳᠤ ᠠᠭᠠᠷ ᠴᠡᠯᠮᠡᠶ᠋ᠢᠨ᠎ᠡ 

ᠲᠡᠷᠭᠡᠳᠡ᠎ᠡᠴᠡ ᠨᠢ ᠰᠠᠯᠬᠤ᠎ᠳᠤ ᠰᠡᠳᠬᠢᠯ ᠠᠷᠭᠠᠮᠵᠢᠭᠳᠠᠨ᠎ᠠ᠃ 

ᠲᠠᠩᠳᠠ ᠳᠡᠭᠡᠳᠦᠯᠡᠭᠳᠡᠨ ᠪᠠᠶ᠋ᠢᠳᠠᠭ ᠦᠨᠳᠤᠷ ᠲᠡᠭᠷᠢ 

ᠲᠡᠩᠴᠤ᠌ ᠶᠡᠬᠡ ᠰᠠᠨᠠᠭᠳᠠᠬᠤ ᠬᠠᠶ᠋ᠢᠷ᠎ᠠ᠎ᠶᠢᠨ ᠳᠡᠭᠡᠵᠢ ᠡ᠃ 

ᠣᠷᠣᠢ ᠲᠡᠭᠡᠷ᠎ᠡ᠎ᠡᠴᠡ ᠲᠡᠳᠬᠦᠳᠡᠭ ᠬᠥᠬᠡ ᠴᠡᠩᠬᠡᠷ ᠲᠡᠭᠷᠢ᠎ᠳᠦ᠎ᠪᠠᠨ ᠰᠦᠰᠦᠭᠯᠡᠨ᠎ᠡ 

ᠤᠭᠳᠠᠷᠭᠤᠢ᠎ᠶᠢᠨ ᠮᠠᠨᠳᠠᠯ᠎ᠠᠴᠠ ᠢᠪᠡᠭᠡᠳᠡᠭ ᠬᠦᠪᠦᠩ ᠴᠠᠭᠠᠨ ᠡᠭᠦᠯᠡᠰ᠎ᠢᠶᠠᠨ ᠲᠡᠭᠡᠳᠤᠯᠡᠨ᠎ᠡ 

ᠰᠠᠨᠰᠠᠷ ᠤᠷᠴᠢᠯᠠᠩ᠎ᠤᠨ ᠠᠭᠤᠵᠢᠮ ᠵᠠᠢ᠎ᠪᠠᠷ ᠵᠤᠭᠠᠯᠠᠨ ᠶᠠᠪᠤᠵᠤ 

ᠰᠠᠨᠠᠭᠠᠨ ᠲᠠᠪᠠ᠎ᠪᠠᠷ᠎ᠢᠶᠠᠨ ᠨᠡᠭᠦᠵᠤ ᠰᠠᠭᠤᠬᠤ ᠡᠷᠬᠡ ᠲᠠᠢ ᠪᠢᠯᠡ᠂ ᠡᠭᠦᠯᠡᠰ ᠮᠢᠨᠢ᠃ 

ᠰᠠᠯᠬᠢᠨ᠎ᠤ ᠠᠶ᠎ᠠ᠎ᠪᠠᠷ ᠡᠪᠬᠡᠷᠡᠨ ᠬᠤᠶ᠋ᠢᠯᠠᠷᠠᠨ ᠲᠣᠯᠣᠭᠠᠶ᠋ᠢᠯᠠᠵᠤ 

ᠰᠠᠶ᠋ᠢᠬᠠᠨ ᠬᠤᠷᠸ᠎ᠠ᠎ᠶᠢᠨ ᠠᠮᠢᠯᠠᠯ ᠎ᠢ ᠬᠠᠮᠤᠭ ᠦᠨᠳᠤᠷ᠎ᠠᠴᠠ ᠬᠠᠶ᠋ᠢᠷᠠᠯᠠᠨ᠎ᠠ᠂ ᠡᠭᠦᠯᠡᠰ ᠮᠢᠨᠢ᠃ 

ᠤᠭᠠᠯᠵᠠ ᠤᠷᠠᠯᠠᠬᠤ ᠨᠤᠳᠤᠭ᠎ᠤᠨ ᠮᠢᠨᠢ ᠴᠠᠭᠠᠨ ᠡᠭᠦᠯᠡᠰ 

ᠤᠷᠠᠨ ᠨᠤᠭᠤᠷᠠᠯ᠎ᠤᠨ ᠪᠥᠵᠢᠭ᠎ᠦᠨ ᠳᠠᠭᠢᠨᠢ ᠭᠡᠮᠡᠷ ᠡ！ 

ᠡᠷᠬᠡ ᠴᠢᠯᠤᠭᠡᠨ᠎ᠤ ᠪᠡᠶᠡᠯᠡᠭᠡ ᠪᠡᠶᠡᠯᠡᠵᠤ ᠬᠠᠷᠠᠭᠳᠠᠬᠤ ᠨᠢ 

ᠡᠭᠡᠨᠡᠭᠳᠡ ᠠᠷᠢᠭᠤᠨ‌ᠰᠡᠳᠬᠢᠯ᠎ᠤᠨ ᠪᠦᠷᠢᠯᠸ᠎ᠠ ᠭᠡᠮᠡᠷ ᠡ！ 

ᠤᠨᠠᠭᠰᠠᠨ ᠨᠤᠳᠤᠭ᠎ᠤᠨ᠎ᠢᠶᠠᠨ ᠲᠡᠭᠷᠢ᠎ᠶᠢ ᠭᠠᠪ ᠭᠠᠭᠴᠠᠭᠠᠷᠬᠠᠨ ᠰᠢᠷᠳᠡᠵᠤ 

ᠠᠭᠤᠰᠬᠢ ᠵᠢᠷᠤᠬᠡᠨ᠎ᠤ᠎ᠪᠠᠨ ᠮᠦᠷᠤᠭᠡᠳᠤᠯ᠎ᠢᠶᠠᠷ ᠮᠦᠩᠭᠦᠨ ᠬᠠᠵᠠᠭᠠᠷ ᠵᠠᠩᠭᠢᠳᠴᠤ 

ᠤᠤᠭᠠᠯ ᠨᠤᠳᠤᠭ᠎ᠤᠨ᠎ᠢᠶᠠᠨ ᠡᠭᠦᠯᠡᠰ᠎ᠢ ᠨᠤᠭᠳᠤᠯᠠᠵᠤ ᠠᠪᠤᠭᠠᠳ 

ᠤᠭᠳᠠᠷᠭᠤᠢ᠎ᠶᠢᠨ ᠭᠦᠨ᠎ᠢᠶᠡᠷ ᠰᠠᠯᠬᠢ ᠬᠦᠯᠤᠭ᠌ᠯᠡᠨ ᠴᠣᠭ᠎ᠲᠤ᠎ᠪᠠᠨ ᠠᠶᠠᠯᠠᠮᠠᠷ ᠪᠠᠶ᠋ᠢᠨ᠎ᠠ᠃