ᠵᠤᠨᠤ ᠤᠯᠠᠷᠢᠯᠤᠨ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤᠨ ᠠᠪᠠᠭᠠ ᠬᠣᠱᠢᠭᠤᠨᠤ ᠬᠣᠩᠭᠣᠷᠭᠣᠣᠯ ᠪᠠᠯᠭᠠᠰᠤᠶ᠋ᠢᠨ ᠰᠠᠷᠠᠭᠤᠯᠲᠤᠶᠠᠭᠠ ᠭᠠᠴᠠᠭᠠᠳᠤ ᠡᠪᠡᠰᠦ ᠪᠡᠯᠴᠢᠭᠡᠷ ᠬᠥᠬᠡᠷᠡᠨ ᠨᠣᠭᠣᠭᠠᠷᠠᠨᠠ᠃
ᠡᠨᠡ ᠪᠣᠯ ᠲᠢᠩ·ᠪᠠᠭᠠᠲᠤᠷᠤᠨ ᠬᠣᠶᠠᠳ᠋ᠡᠬᠢ ᠨᠤᠲᠤᠭ ᠪᠤᠯᠤᠨᠠ᠂ ᠮᠥᠨ ᠴᠦ᠍ ᠲᠡᠭᠦᠨᠦ ᠬᠠᠭᠠᠰ ᠵᠠᠭᠤᠨ ᠵᠢᠡᠷ ᠲᠡᠮᠡᠴᠡᠭ᠌ᠰᠡᠨ ᠨᠤᠲᠤᠭ ᠪᠤᠯᠬᠤ ᠶᠤᠮ᠃
6 ᠰᠠᠷᠠᠶ᠋ᠢᠨ 7 ᠤ᠋ ᠡᠳᠦᠷ᠂ ᠲᠢᠩ·ᠪᠠᠭᠠᠲᠤᠷᠤᠨ ᠮᠠᠯᠵᠢᠬᠤ ᠣᠷᠣᠨᠳᠤ ᠪᠠᠢᠭᠠ ᠬᠡᠷᠲᠦᠨᠢ ᠳᠠᠬᠢᠨᠲᠠ ᠬᠦᠷᠬᠦᠳᠤ᠂ ᠬᠦᠷᠢᠶᠡ ᠬᠠᠰᠢᠶᠠ ᠨᠢ ᠮᠥᠨ ᠯᠡ ᠡᠮᠬᠢ ᠴᠡᠭ᠌ᠴᠡᠲᠡᠶ ᠪᠠᠢᠵᠤ᠂ ᠡᠭᠦᠳᠡᠨ ᠡᠮᠦᠨᠡᠬᠢ ᠵᠢᠵᠢᠭ ᠨᠣᠭᠣᠭᠠᠶ᠋ᠢᠨ ᠬᠠᠰᠢᠶᠠᠳᠡᠬᠢ ᠡᠯᠡ ᠵᠦᠶ᠋ᠯᠦᠨ ᠨᠣᠭᠣᠭᠠᠨ ᠴᠢᠬᠢᠶ᠋ᠢᠨ ᠤᠷᠭᠤᠴᠠ ᠨᠢ ᠮᠠᠰᠢ ᠰᠠᠢᠨ ᠪᠠᠢᠵᠤ᠂ ᠦᠬᠡᠷᠦᠨ ᠬᠠᠰᠢᠶᠠ ᠨᠢ ᠬᠠᠷᠢᠨ ᠬᠤᠪ ᠬᠣᠭᠣᠰᠣᠨ ᠪᠠᠢᠯᠠ᠃
《70 ᠨᠠᠰᠤ ᠬᠦᠷᠲᠡᠯᠡ ᠮᠠᠯᠵᠢᠭᠠᠳ ᠬᠤᠲᠠ ᠣᠷᠣᠵᠤ ᠥᠲᠡᠯᠦᠭᠡ ᠨᠠᠰᠤᠪᠠᠨ ᠰᠠᠢᠬᠠᠨ ᠥᠩᠭᠡᠷᠡᠭᠦᠯᠦᠨᠡ ᠭᠡᠵᠦ᠍ ᠪᠢ ᠠᠯᠢ ᠡᠷᠲᠡ ᠬᠡᠯᠡᠭ᠌ᠰᠡᠨ ᠪᠠᠢᠯᠠ᠃ ᠲᠡᠢᠮᠦ᠍ᠡᠴᠡ ᠨᠢᠳᠤᠨᠤᠨ ᠨᠠᠮᠤᠷ ᠦᠬᠡᠷᠢᠶᠡᠨ ᠪᠦᠬᠦᠨᠢ ᠬᠤᠳᠠᠯᠳᠤᠪᠠ᠃ ᠠᠭᠤᠷ ᠠᠮᠢᠰᠬᠤᠯ ᠳᠤᠯᠠᠭᠠᠷᠠᠬᠤ ᠪᠡᠷ ᠮᠠᠯᠵᠢᠬᠤ ᠣᠷᠣᠨᠳ᠋ᠠᠭᠠᠨ ᠬᠠᠷᠢᠭᠠᠳ ᠵᠢᠭᠠᠬᠠᠨ ᠨᠣᠭᠣᠭᠠ ᠲᠠᠷᠢᠳᠠᠭ᠃ ᠴᠢᠯᠦᠭᠡ ᠲᠠᠢ ᠪᠤᠯ ᠬᠥᠭ᠌ᠰᠢᠨᠲᠡᠶᠪᠡᠨ ᠭᠠᠳᠠᠨᠠ ᠭᠠᠵᠠᠷᠢᠶᠡᠷ ᠲᠣᠭᠣᠷᠢᠵᠤ᠂ ᠡᠬᠡ ᠤᠯᠤᠰᠤᠨ ᠵᠢᠡᠨ ᠠᠭᠤᠯᠠ ᠤᠰᠤ ᠵᠢ ᠰᠤᠨᠢᠷᠬᠠᠨᠠ᠃ ᠡᠪᠦᠯ ᠪᠤᠯᠬᠤ ᠪᠡᠷ ᠬᠣᠲᠠᠤᠷᠤᠵᠤ ᠰᠠᠭᠤᠳᠠᠭ》 ᠭᠡᠵᠦ ᠲᠢᠩ·ᠪᠠᠭᠠᠲᠤᠷ ᠢᠨᠢᠶᠡᠮᠰᠦᠭ᠌ᠯᠡᠨ ᠬᠡᠯᠡᠨᠡ᠃
ᠡᠨᠡ ᠨᠠᠰᠤᠲᠠᠨ᠂ ᠤᠯᠤᠰ ᠪᠠᠢᠭᠤᠯᠤᠭ᠍ᠰᠠᠨ ᠵᠠᠩᠵᠤᠨ ᠲᠢᠩ ᠮᠤᠤᠶ᠋ᠢᠨ ᠬᠦᠪᠡᠭᠦᠨ ᠪᠠᠢᠬᠰᠠᠨ ᠴᠦ᠍ ᠦᠪᠡᠷ ᠵᠢᠡᠨ ᠬᠠᠷᠢᠨ ᠠᠯᠢ ᠡᠷᠲᠡ ᠬᠠᠰᠢᠷ ᠮᠠᠯᠴᠢᠨ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠲᠡᠷᠡ ᠥᠩᠭᠡᠷᠡᠭ᠌ᠰᠡᠨᠳᠦ ᠮᠤᠵᠢᠶ᠋ᠢᠨ ᠲᠥᠪ ᠬᠣᠲᠠᠶ᠋ᠢᠨ ᠰᠡᠬᠡᠭᠡᠲᠡᠨ ᠪᠠᠢᠭ᠍ᠰᠠᠨ ᠪᠣᠯᠪᠠᠴᠤ᠌ ᠲᠠᠯᠠ ᠨᠤᠲᠤᠭᠤᠨ ᠦᠷᠦᠴᠡᠨᠳᠦ 50 ᠭᠠᠷᠤᠶ ᠵᠢᠯ ᠦᠨᠳᠦᠰᠦᠯᠡᠵᠡᠢ᠃ 19 ᠨᠠᠰᠤᠨᠡᠴᠡ ᠪᠠᠨ 71 ᠨᠠᠰᠤ ᠬᠦᠷᠲᠡᠯᠡ᠂ ᠲᠡᠷᠡ ᠶᠡᠷᠦ ᠨᠢ ᠡᠨᠡ ᠬᠦ᠌ ᠲᠠᠯᠠ ᠨᠤᠲᠤᠭᠤᠨ ᠲᠦᠯᠦᠭᠡ ᠵᠢᠳᠭᠦᠵᠦ᠂ ᠪᠣᠳᠠᠲᠤ ᠠᠵᠢᠯᠯᠠᠭᠠ ᠪᠠ ᠤᠶᠤᠨ ᠤᠬᠠᠭᠠᠨᠢᠶᠠᠷᠢᠶᠠᠨ ᠨᠢᠭᠡᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠱᠢᠭᠦᠨᠦ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠯᠢ ᠪᠢᠴᠢᠭ᠌ᠯᠡᠭᠰᠡᠨ ᠪᠠᠢᠨᠠ᠃
1974 ᠣᠨᠳᠤ᠂ 19 ᠨᠠᠰᠤᠲᠠᠢ ᠲᠢᠩ·ᠪᠠᠭᠠᠲᠤᠷ ᠰᠠᠷᠠᠭᠤᠯᠲᠤᠶᠠᠭᠠ ᠭᠠᠴᠠᠭᠠᠶᠢᠨ ᠪᠠᠷᠢᠭᠠᠳᠠᠳᠤ ᠪᠠᠭᠤᠵᠠᠢ᠃ 1978 ᠣᠨᠳᠤ ᠰᠡᠬᠡᠭᠡᠲᠡᠨ ᠵᠠᠯᠠᠭᠤᠴᠤᠳ ᠬᠣᠲᠠᠳᠤ ᠪᠤᠴᠠᠵᠤ ᠡᠬᠢᠯᠡᠬᠦ ᠪᠡᠷ ᠳᠡᠭᠦᠨ ᠤ᠋ ᠡᠴᠢᠭᠡ ᠲᠢᠩ ᠮᠤᠤ ᠨᠢ ᠬᠠᠷᠢᠨ ᠬᠦᠦ᠍ᠶᠢᠨᠢᠶᠡᠨ ᠬᠦᠳᠡᠭᠡᠳᠦ ᠦᠯᠡᠳᠡᠬᠦ ᠵᠢ ᠳᠡᠮᠵᠢᠪᠡ᠃ 《ᠪᠢ ᠪᠣᠯ ᠲᠠᠯᠠ ᠨᠤᠲᠤᠭᠤᠨ ᠬᠦᠪᠡᠭᠦᠨ᠂ ᠮᠢᠨᠦ᠍ ᠦᠨᠳᠦᠰᠦ ᠡᠨᠳᠡ ᠪᠤᠢ》 ᠭᠡᠵᠦ᠍ ᠲᠢᠩ·ᠪᠠᠭᠠᠲᠤᠷ ᠬᠡᠯᠡᠪᠡ᠃
1983 ᠣᠨᠳᠤ᠂ ᠭᠠᠴᠠᠭᠠ ᠡᠴᠡ ᠮᠠᠯ ᠪᠡᠯᠴᠢᠭᠡᠷᠦᠨ ᠬᠣᠣᠰ ᠳᠠᠭᠠᠭᠠᠴᠢᠯᠠᠯᠲᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠲᠡᠷᠡ ᠬᠠᠮᠤᠭᠤᠨ ᠰᠠᠢ᠌ᠨ ᠮᠠᠯ ᠤᠨᠤᠭᠠ ᠪᠣᠯᠤᠨ ᠨᠤᠲᠤᠭ ᠪᠡᠯᠴᠢᠭᠡᠷᠢ ᠮᠠᠯᠴᠢᠳᠲᠤ ᠬᠤᠪᠢᠶᠠᠨ ᠥᠭ᠌ᠴᠦ᠂ ᠥᠪᠡᠷᠢᠶᠡᠨ ᠬᠠᠮᠤᠭᠤᠨ ᠮᠠᠭᠤ ᠵᠢ ᠨᠢ ᠦᠯᠡᠳᠡᠭᠡᠪᠡ᠃ 《ᠮᠠᠯ ᠤᠨᠤᠭᠠ ᠠᠮᠢ ᠭᠣᠣᠯ ᠪᠢᠰᠢ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠪᠣᠯ ᠰᠠᠶᠢ ᠠᠮᠢ ᠭᠣᠣᠯ ᠮᠦᠨ》 ᠭᠡᠳ᠋ᠡᠭ᠌ᠢ ᠭᠡᠷᠡᠴᠢᠯᠡᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ 1986 ᠣᠨᠳᠤ ᠲᠡᠷᠡ ᠥᠪᠡᠷᠦᠨ 60 ᠬᠤᠨᠢᠪᠠᠨ ᠬᠤᠳᠠᠯᠳᠤᠵᠤ᠂ ᠳᠦᠷᠦᠭᠦᠯᠡᠨ ᠨᠤᠲᠤᠭ ᠪᠡᠯᠴᠢᠭᠡᠷᠢᠶᠡᠨ ᠬᠦᠷᠢᠶᠡᠯᠡᠨ᠂ ᠪᠡᠯᠴᠢᠭᠡᠷ ᠬᠤᠪᠢᠶᠠᠨ ᠰᠡᠯᠬᠦᠨ ᠮᠠᠯᠵᠢᠵᠠᠢ᠃ ᠡᠭᠦᠨᠢ ᠬᠠᠷᠠᠭᠠᠳ ᠮᠠᠯᠴᠢᠳ᠄ 《ᠲᠢᠩ ᠱᠦᠵᠢ ᠶᠠᠭᠠᠬᠢᠬᠤ ᠭᠡᠵᠦ᠍ ᠪᠠᠢᠭᠠ ᠪᠤᠶ？》 ᠭᠡᠵᠦ ᠭᠠᠢᠬᠠᠵᠤ ᠪᠠᠢᠪᠠ᠃ ᠬᠡᠳᠦᠨ ᠵᠢᠯᠦᠨ ᠲᠠᠷᠠᠭᠠ᠂ ᠬᠠᠮᠠᠷ ᠬᠠᠳᠭᠤᠬᠤ ᠡᠪᠡᠰᠦ ᠦᠭᠡᠢ ᠪᠠᠢᠭ᠍ᠰᠠᠨ ᠪᠡᠯᠴᠢᠭᠡᠷ ᠢᠭ᠍ᠴᠤ ᠰᠠᠬᠤᠯᠢᠭ ᠪᠤᠯᠵᠤ ᠢᠷᠡᠬᠦ ᠪᠡᠷ ᠮᠠᠯᠴᠢᠳ ᠰᠡᠳᠭᠢᠯᠦᠨ ᠤᠭ ᠡᠴᠡᠪᠠᠨ ᠪᠢᠱᠢᠷᠡᠵᠦ᠍᠂ ᠳᠠᠭᠠᠨ ᠰᠤᠷᠤᠯᠴᠠᠪᠠ᠃
2000 ᠣᠨᠤ ᠣᠷᠴᠢᠮᠢᠶᠠᠷ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠠᠮᠢ ᠠᠬᠤᠶ ᠮᠠᠭᠤᠳᠠᠵᠤ ᠡᠬᠢᠯᠡᠪᠡ᠃ ᠲᠢᠩ·ᠪᠠᠭᠠᠲᠤᠷ ᠠᠬᠢᠨ ᠳᠠᠬᠢᠨ ᠪᠤᠳᠤᠵᠤ᠂ ᠠᠯᠳᠠᠷᠲᠤ 《ᠲᠤᠭᠤᠷᠠᠶᠶ᠋ᠢᠨ ᠣᠨᠣᠯ》 ᠢ᠋ ᠳᠤᠷᠠᠳᠤᠨ ᠭᠠᠷᠭᠠᠵᠠᠶ᠄ 1 ᠦᠬᠡᠷᠦᠨ ᠠᠱᠢᠭ ᠣᠷᠣᠯᠭᠠ ᠨᠢ 5 ᠬᠣᠨᠢᠲᠠᠶ ᠲᠡᠩᠴᠡᠨᠡ᠂ ᠭᠡᠪᠡᠴᠦ᠍ 5 ᠬᠣᠨᠢ 20 ᠲᠤᠭᠤᠷᠠᠶᠲᠠᠶ᠂ ᠪᠡᠯᠴᠢᠭᠡᠷᠢ ᠡᠪᠳᠡᠭ᠌ᠦ ᠨᠢ 4 ᠬᠥᠯᠲᠠᠢ ᠦᠬᠡᠷ ᠡᠴᠡ ᠬᠣᠯᠠ ᠶᠡᠬᠡ ᠪᠠᠢᠳᠠᠭ᠃ ᠲᠡᠷᠡ ᠲᠦᠷᠦᠭᠦᠯᠡᠨ 400 ᠭᠠᠷᠤᠢ ᠬᠤᠨᠢᠪᠠᠨ ᠬᠤᠳᠠᠯᠳᠤᠵᠤ᠂ ᠮᠢᠬᠠᠨ ᠤ᠋ ᠦᠬᠡᠷ ᠲᠡᠵᠢᠭᠡᠬᠦ᠌ ᠪᠣᠯᠵᠠᠢ᠃ ᠣᠲᠣ ᠡᠨᠡ ᠬᠦ᠌ ᠣᠢᠯᠠᠭᠠᠭ᠍ᠳᠠᠬᠤᠨ ᠨᠢ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠮᠠᠯ ᠠᠵᠤ ᠠᠬᠤᠶᠶ᠋ᠢᠨ ᠬᠡᠯᠪᠡᠷᠢᠪᠡᠨ ᠬᠤᠪᠢᠷᠠᠭᠤᠯᠤᠭ᠍ᠰᠠᠨ ᠭᠤᠤᠯ ᠲᠤᠷᠱᠢᠯᠭᠠ ᠪᠣᠯᠵᠣ᠂ ᠮᠠᠯᠴᠢᠳᠤᠨ ᠣᠷᠣᠯᠭᠠ ᠬᠡᠳᠦᠨ ᠳᠠᠬᠢᠨ ᠨᠡᠮᠡᠭ᠌ᠳᠡᠪᠡ᠃
ᠲᠢᠩ·ᠪᠠᠭᠠᠲᠤᠷᠤᠨ ᠬᠡᠷᠲᠦ ᠣᠷᠣᠪᠠᠯ᠂ ᠡᠨᠡ ᠨᠢ ᠡᠩᠦᠨ ᠮᠠᠯᠴᠢᠨ ᠤ᠋ ᠣᠷᠣᠨ ᠰᠠᠭᠤᠴᠠ ᠪᠢᠰᠢ᠂ ᠬᠠᠷᠢᠨ ᠣᠶ ᠪᠢᠯᠢᠭ ᠪᠢᠯᠬᠠᠭ᠍ᠰᠠᠨ 《ᠠᠮᠢ ᠠᠬᠤᠶᠶ᠋ᠢᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭ》 ᠪᠣᠯᠬᠤᠶ᠋ᠢ ᠮᠡᠳᠡᠵᠦ᠍ ᠪᠣᠯᠤᠨᠠ᠃
ᠭᠡᠷᠦᠨ ᠣᠷᠣᠢ ᠳᠡᠭᠡᠷᠡᠬᠢ ᠨᠢᠭᠡᠨ ᠰᠢᠯ ᠴᠣᠩᠬᠣ᠌ᠲᠠᠢ ᠵᠢᠵᠢᠭ ᠪᠠᠢᠰᠢᠩ ᠨᠢ ᠤᠰᠤ ᠬᠠᠳᠠᠭᠠᠯᠠᠬᠤ ᠬᠠᠢᠷᠴᠠᠭ ᠪᠠᠢᠵᠤ᠂ ᠨᠡᠷᠡᠨᠦ ᠭᠡᠷᠡᠯᠢ ᠠᠰᠢᠭ᠍ᠯᠠᠨ ᠳᠤᠯᠠᠭᠠᠨᠢ ᠬᠠᠳᠠᠭᠠᠯᠠᠵᠤ᠂ ᠡᠪᠦᠯᠳᠡᠭᠡᠨ ᠴᠦ᠍ ᠮᠥᠰᠥ ᠬᠥᠯᠳᠡᠬᠦ ᠦᠭᠡᠢ ᠪᠠᠢᠳᠠᠭ； ᠲᠠᠯᠠ ᠨᠤᠳᠤᠭᠤᠨ ᠵᠢᠭᠠᠰᠤᠨ ᠴᠥᠭᠦᠷᠥᠮᠳᠦ ᠲᠡᠭᠦᠨᠦ ᠡᠭᠦᠳᠦᠭᠰᠡᠨ 《ᠨᠡᠷᠡᠨᠦ ᠡᠨᠧᠷᠭᠢᠶᠢᠨ ᠭᠡᠷᠡᠯᠦᠨ ᠰᠡᠷᠡᠯᠦᠨ ᠬᠣᠷᠣᠬᠠᠢ ᠥᠳᠥᠭᠡᠬᠦ ᠳ᠋ᠧᠩ》 ᠢ᠋ ᠪᠣᠰᠬᠠᠵᠤ᠂ ᠰᠥᠨᠢ ᠪᠦᠷᠢ ᠬᠡᠳᠦᠨ ᠠᠷᠪᠠᠨ ᠵᠢᠩ ᠰᠢᠮᠠᠭᠤᠯ ᠪᠠᠷᠢᠵᠤ ᠵᠢᠭᠠᠰᠤ ᠲᠡᠵᠢᠭᠡᠵᠦ᠂ ᠣᠷᠴᠢᠨ ᠠᠬᠤᠢᠶᠢ ᠬᠠᠮᠠᠭᠠᠯᠠᠬᠤ ᠮᠥᠷᠲᠡᠭᠡᠨ ᠣᠷᠣᠯᠭᠠᠶᠢ ᠨᠡᠮᠡᠭᠳᠡᠭᠦᠯᠳᠡᠭ； ᠲᠡᠭᠦᠨᠦ ᠥᠭᠡᠷᠡᠴᠢᠯᠡᠨ ᠰᠠᠢᠵᠢᠷᠠᠭᠤᠯᠤᠭᠰᠠᠨ ᠫᠧᠩ ᠰᠠᠷᠠᠪᠴᠢ ᠵᠢᠨ ᠪᠦᠲᠦᠴᠡ ᠨᠢ ᠳᠥᠭᠦᠮ ᠪᠤᠯᠪᠠᠴᠤ ᠰᠦ ᠰᠠᠭᠠᠬᠤ᠂ ᠲᠤᠭᠤᠯ ᠲᠤᠰᠬᠤ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ ᠵᠡᠷᠭᠡ 6 ᠵᠦᠢᠯᠦᠨ ᠴᠢᠳᠠᠪᠤᠷᠢᠶᠢ ᠪᠦᠷᠢᠯᠳᠦᠬᠦᠯᠵᠦ᠂ ᠬᠦᠴᠦ ᠭᠦᠳᠡᠯᠮᠦᠷᠢᠶᠢ ᠠᠷᠪᠢᠯᠠᠬᠰᠠᠨ ᠪᠠᠢᠨᠠ᠃
《ᠰᠠᠭᠤᠷᠢ ᠲᠥᠬᠦᠭᠡᠷᠦᠮᠵᠢ ᠶ᠋ᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠶ᠋ᠢ ᠴᠢᠩᠭᠠᠳᠬᠠᠵᠤ᠂ ᠮᠠᠯᠴᠢᠳᠤᠨ ᠠᠮᠢᠳᠤᠷᠠᠯ ᠢ᠋ ᠨᠡᠩ ᠲᠠᠭᠠᠯᠠᠮᠵᠢᠲᠠᠢ ᠪᠤᠯᠭᠠᠬᠤ ᠪᠣᠯ ᠮᠢᠨᠤ ᠴᠢᠷᠮᠠᠢᠬᠤ ᠴᠢᠭᠯᠡᠯ ᠶᠤᠮ》 ᠭᠡᠵᠦ ᠲᠢᠩ·ᠪᠠᠭᠠᠲᠤᠷ ᠬᠡᠯᠡᠨᠠ᠃ ᠲᠡᠷᠡ ᠬᠤᠪᠢᠶᠢᠨ ᠠᠰᠢᠭ᠋ᠢᠶᠠᠨ ᠪᠤᠳᠤᠬᠤ ᠦᠭᠡᠢ᠂ ᠡᠳᠡᠭᠡᠷ ᠡᠭᠦᠳᠦᠯᠲᠡᠶᠢ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠡᠷ ᠡᠷᠭᠢᠨ ᠲᠣᠭᠣᠷᠢᠨᠤ ᠪᠡᠨ ᠮᠠᠯᠴᠢᠳᠲᠤ ᠵᠢᠭᠠᠵᠤ ᠥᠭᠪᠡ᠃ ᠭᠠᠴᠠᠭᠠᠨᠤ ᠬᠢᠨᠢ ᠮᠠᠯᠴᠢᠨ ᠶᠦᠨ ᠯᠢᠶᠠᠩ ᠰᠢᠨᠡ ᠭᠡᠷ ᠪᠠᠷᠢᠬᠤᠳᠤ᠂ ᠲᠡᠷᠡ ᠬᠠᠪᠰᠤᠷᠤᠨ ᠵᠢᠷᠤᠭ ᠲᠥᠯᠥᠪᠯᠡᠭᠡ ᠬᠢᠵᠦ ᠥᠭᠭᠦᠭᠰᠡᠨ ᠵᠢᠨᠷ ᠪᠠᠷᠠᠬᠤ ᠦᠭᠡᠢ᠂ ᠳᠡᠭᠡᠷᠡ ᠳᠣᠣᠷᠠ ᠤᠰᠤᠨᠤ ᠬᠣᠭᠣᠯᠠᠢᠶᠢ ᠴᠤ᠌ ᠤᠬᠰᠠᠷᠠᠨ ᠦᠭᠴᠦ ᠬᠣᠲᠠᠶᠢᠨ ᠠᠰᠠᠷᠲᠠᠢ ᠠᠳᠠᠯᠢᠬᠠᠨ ᠲᠥᠭᠦᠮ ᠪᠣᠯᠭᠠᠵᠠᠢ᠃ ᠮᠥᠨ ᠴᠦ᠍ ᠲᠡᠭᠦᠨᠦ ᠳᠠᠭᠠᠭᠤᠯᠭᠠᠪᠠᠷ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠᠨᠤ 75% ᠶ᠋ᠢᠨ ᠮᠠᠯᠴᠢᠨ ᠡᠷᠦᠭᠡ ᠨᠢ ᠴᠥᠮ ᠦᠬᠡᠷ ᠲᠡᠵᠢᠭᠡᠬᠦ ᠲᠤᠰᠬᠠᠢ ᠡᠷᠦᠭᠡ ᠪᠣᠯᠵᠠᠢ᠃
2001 ᠣᠨᠳᠤ᠂ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠᠨᠳᠤ 24 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠭᠡ ᠪᠠᠢᠪᠠ᠃ ᠲᠡᠷᠡ 《ᠶᠠᠳᠠᠭᠤᠶᠢ ᠲᠡᠳᠬᠦᠬᠦ ᠨᠡᠭᠦᠳᠡᠯ ᠬᠣᠨᠢ （ᠦᠬᠡᠷ） ᠵᠢᠨ ᠰᠦᠷᠦᠭ》ᠤ᠋ᠨ ᠵᠠᠭᠪᠤᠷᠢ ᠰᠢᠨᠡᠪᠡᠷ ᠡᠭᠦᠳᠪᠡ᠄ ᠭᠠᠴᠠᠭᠠ ᠡᠴᠡ ᠰᠠᠭᠤᠷᠢ ᠡᠬᠡ ᠮᠠᠯ ᠬᠤᠳᠠᠯᠳᠤᠨ ᠠᠪᠴᠤ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠭᠡᠳᠦ ᠳᠠᠭᠠᠭᠠᠴᠢᠯᠠᠭᠤᠯᠤᠨ ᠥᠭᠴᠦ᠂ ᠨᠣᠣᠰᠣ ᠨᠤᠤᠯᠤᠭᠤᠷ ᠤ᠋ᠨ ᠣᠷᠣᠯᠭᠠ ᠪᠠ ᠨᠠᠢ᠍ᠮᠠᠨ ᠬᠤᠪᠢᠶᠢᠨ ᠬᠤᠷᠠᠭᠠᠶᠢ ᠮᠠᠯᠴᠢᠳᠲᠦ ᠦᠭᠴᠦ᠂ ᠬᠣᠶᠠᠷ ᠬᠤᠪᠢᠶᠢᠨ ᠬᠤᠷᠠᠭᠠᠶᠢ ᠬᠠᠮᠲᠤᠶᠢᠨ ᠭᠢ ᠪᠣᠯᠭᠠᠨ ᠡᠷᠭᠢᠯᠳᠦᠭᠦᠯᠦᠨ ᠬᠥᠭᠵᠢᠭᠦᠯᠪᠡ᠃
ᠬᠥᠮᠥᠰᠦᠨ ᠮᠠᠭᠲᠠᠭᠠᠯ ᠰᠠᠢᠰᠢᠶᠠᠯᠢ ᠨᠡᠩ ᠢᠯᠡᠬᠦᠦ ᠣᠯᠣᠭᠰᠠᠨ ᠶᠠᠪᠤᠳᠠᠯ ᠭᠡᠪᠡᠯ᠂ ᠲᠡᠭᠦᠨᠦ 《ᠬᠤᠪᠢ ᠤᠯᠭᠤᠬᠤ ᠳᠦᠷᠢᠮᠢᠶᠡᠷ ᠶᠠᠳᠠᠭᠤᠶᠢ ᠲᠡᠳᠬᠦᠬᠦ》 ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠲᠡᠷᠡ 《ᠠᠯᠵᠠᠭᠤ ᠬᠣᠢᠷᠭᠤ》 ᠶ᠋ᠢ ᠲᠡᠪᠴᠢᠵᠦ᠂ 《ᠴᠢᠰᠤ ᠪᠦᠲᠦᠭᠡᠬᠦ ᠮᠠᠶᠢᠭ᠋ᠢᠶᠠᠷ ᠶᠠᠳᠠᠭᠤᠶᠢ ᠲᠡᠳᠬᠦᠬᠦ》 ᠶ᠋ᠢ ᠵᠣᠷᠢᠪᠠ᠃ 《ᠬᠥᠳᠡᠯᠮᠦᠷᠢᠶᠢᠨ ᠢᠯᠡᠷᠡᠯ ᠮᠠᠭᠤ ᠪᠠᠢᠪᠠᠯ ᠬᠤᠪᠢ ᠬᠠᠰᠤᠵᠤ᠂ ᠠᠷᠢᠬᠢᠨᠳᠤ ᠰᠢᠨᠤᠪᠠᠯ ᠬᠤᠪᠢ ᠬᠠᠰᠤᠵᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷᠢ ᠬᠠᠢᠷᠠᠯᠠᠬᠤ ᠦᠭᠡᠢ ᠪᠠᠢᠪᠠᠯ ᠬᠤᠪᠢ ᠬᠠᠰᠤᠨᠠ》᠃ ᠮᠠᠯᠴᠢᠳᠢᠶᠠᠷ ᠦᠨᠡᠯᠡᠭᠦᠯᠵᠤ᠂ ᠬᠡᠨᠢ ᠤᠷᠢᠳ ᠵᠢᠡᠷ ᠲᠡᠳᠬᠦᠪᠡᠯ ᠵᠣᠬᠢᠬᠤ᠂ᠬᠡᠨᠢ ᠳᠠᠷᠠᠭᠠ ᠨᠢ ᠲᠡᠳᠬᠦᠪᠡᠯ ᠵᠣᠬᠢᠬᠤ ᠲᠤᠬᠠᠢ ᠤᠯᠠᠨᠢᠶᠠᠷᠢᠶᠠᠨ ᠰᠠᠨᠠᠯ ᠨᠢᠭᠡᠳᠦᠨ ᠵᠦᠪᠰᠢᠶᠡᠷᠡᠪᠡ᠃ ᠨᠢᠭᠡᠯᠬᠡᠨ ᠵᠢᠯᠤᠨ ᠬᠤᠭᠤᠷᠤᠨᠳᠦ 24 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡ ᠪᠦᠬᠦᠨᠢᠶᠡᠷᠢᠶᠡᠨ ᠶᠠᠳᠠᠭᠤᠡᠴᠡ ᠠᠩᠭᠢᠵᠢᠷᠠᠪᠠ᠃ ᠣᠳᠣᠬᠠᠨᠳᠤ ᠭᠠᠴᠠᠭᠠᠨᠤ ᠬᠥᠮᠥᠨ ᠳᠤᠮᠳᠠᠴᠢᠶᠢᠨ ᠵᠢᠯᠦᠨ ᠣᠷᠣᠯᠭᠠ ᠨᠢᠭᠡᠨᠲᠡ 2 ᠲᠦᠮᠡᠨ ᠲᠥᠭᠥᠷᠢᠭᠢ ᠳᠠᠪᠠᠵᠤ᠂ ᠪᠠᠰᠠ ᠬᠣᠯᠠ ᠣᠢᠷᠠᠳᠠᠭᠠᠨ ᠠᠯᠳᠠᠷᠰᠢᠭ᠍ᠰᠠᠨ 《ᠠᠮᠢ ᠠᠬᠤᠢᠶᠢᠨ ᠲᠣᠰᠬᠣᠨ》 ᠪᠣᠯᠤᠭᠰᠠᠨ ᠪᠠᠢᠨᠠ᠃
2009 ᠣᠨᠳᠤ᠂ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠪᠣᠯᠪᠠᠰᠤᠷᠠᠯᠤᠨ ᠲᠥᠪ ᠲᠡᠭᠦᠨᠤ ᠭᠡᠷᠲᠦ ᠪᠠᠢᠭᠤᠯᠤᠭᠳᠠᠪᠠ᠃ ᠡᠳᠦᠷ ᠪᠦᠷᠢ ᠡᠯᠡ ᠭᠠᠵᠠᠷ᠂ ᠴᠢᠨᠠᠭᠰᠢᠯᠠᠭᠠᠳ ᠮᠣᠩᠭᠣᠯ ᠤᠯᠤᠰ᠂ ᠣᠷᠣᠰᠤᠨ ᠮᠠᠯᠴᠢᠳ ᠢᠷᠡᠵᠦ ᠲᠣᠭᠣᠷᠢᠨ ᠦᠵᠡᠵᠦ ᠰᠤᠷᠤᠯᠴᠠᠳᠠᠭ᠃ ᠲᠢᠩ·ᠪᠠᠭᠠᠲᠤᠷ 《ᠪᠡᠯᠴᠢᠭᠡᠷ ᠬᠤᠪᠢᠶᠠᠨ ᠰᠡᠯᠭᠦᠨ ᠮᠠᠯᠵᠢᠬᠤ》᠂ 《ᠡᠪᠡᠰᠦ ᠬᠠᠳᠤᠬᠤᠳᠦ ᠦᠨᠳᠦᠰᠦ ᠵᠢ ᠨᠢ ᠬᠦᠨᠳᠡᠬᠦ ᠦᠭᠡᠢ》᠂ 《ᠠᠰᠢᠭ᠋ ᠬᠣᠨᠵᠢᠪᠤᠷᠢᠶᠢᠨ ᠬᠠᠮᠤᠭᠤᠨ ᠥᠨᠳᠥᠷ ᠴᠡᠭ᠂ ᠥᠪᠡᠷᠦᠨ ᠥᠷᠲᠡᠭᠦᠨ ᠬᠠᠮᠤᠭᠤᠨ ᠳᠣᠣᠷᠠ ᠴᠡᠭ᠂ ᠠᠮᠢ ᠠᠬᠤᠢᠶᠢᠨ ᠬᠠᠮᠤᠭᠤᠨ ᠰᠠᠢᠨ ᠴᠡᠭ》 ᠵᠡᠷᠭᠡ ᠲᠤᠷᠰᠢᠯᠭᠠ ᠪᠡᠨ ᠬᠠᠷᠠᠮ ᠦᠭᠡᠢ ᠤᠯᠠᠮᠵᠢᠯᠠᠪᠠ᠃
《〈ᠡᠪᠡᠰᠦ ᠬᠠᠳᠤᠬᠤᠳᠦ ᠦᠨᠳᠦᠰᠦ ᠵᠢ ᠨᠢ ᠬᠦᠨᠳᠡᠬᠦ ᠦᠭᠡᠢ〉 ᠶ᠋ᠢᠨ ᠰᠠᠢᠨ ᠲᠠᠯᠠ ᠤᠯᠠᠨ ᠪᠠᠢᠳᠠᠭ᠂ ᠡᠪᠡᠰᠦᠨᠦ ᠦᠷᠡ ᠭᠠᠵᠠᠷ ᠲᠠᠭᠠᠨ ᠦᠯᠡᠳᠡᠪᠡᠯ ᠠᠶᠠᠨᠳᠠᠭᠠᠨ ᠤᠷᠭᠤᠵᠤ᠂ ᠠᠷᠭᠠᠯ ᠭᠠᠵᠠᠷ ᠲᠠᠭᠠᠨ ᠦᠯᠡᠳᠡᠪᠡᠯ ᠲᠠᠷᠢᠶᠠᠨᠳᠤ ᠪᠤᠷᠳᠤᠭᠤᠷ ᠪᠤᠯᠳᠠᠭ》᠃ ᠲᠢᠩ·ᠪᠠᠭᠠᠲᠤᠷ ᠪᠡᠯᠴᠢᠭᠡᠷᠦᠨ ᠭᠠᠵᠠᠷᠤᠨ ᠵᠢᠷᠤᠭᠢ ᠪᠠᠷᠢᠵᠤ᠂ ᠮᠠᠯᠴᠢᠳᠤᠨ ᠲᠠᠩᠰᠠᠶᠢ ᠪᠠᠢᠨ ᠳᠠᠬᠢᠨ ᠪᠤᠳᠤᠨᠠ᠃ ᠠᠷᠪᠠᠨ ᠬᠡᠳᠦᠨ ᠵᠢᠯᠦᠨ ᠲᠤᠷᠰᠢ᠂ ᠲᠡᠷᠡ 2 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠳᠦ ᠪᠣᠯᠪᠠᠰᠤᠷᠠᠯ ᠬᠦᠷᠲᠡᠭᠡᠵᠡᠢ᠃
2021 ᠣᠨᠤ 6 ᠰᠠᠷᠠᠶᠢᠨ 29ᠤ᠋ ᠡᠳᠦᠷ᠂ ᠪᠡᠭᠡᠵᠢᠩᠦᠨ ᠠᠷᠠᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠲᠠᠩᠬᠢᠮᠳᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶᠢᠨ ᠫᠢᠩ ᠥᠪᠡᠷᠦᠨ ᠭᠠᠷᠢᠶᠠᠷᠢᠶᠠᠨ ᠨᠠᠮᠤᠨ ᠳᠣᠲᠣᠭᠠᠳᠤᠶᠢᠨ ᠬᠠᠮᠤᠭᠤᠨ ᠳᠡᠭᠡᠳᠦ ᠢᠷᠠᠭᠤ ᠠᠯᠳᠠᠷ — 《7·1ᠤ᠋ ᠭᠠᠪᠢᠶᠠᠨ ᠲᠡᠮᠳᠡᠭ》 ᠢ᠋ ᠲᠢᠩ·ᠪᠠᠭᠠᠲᠤᠷᠤᠨ ᠡᠩᠭᠡᠷᠲᠦ ᠵᠡᠭᠦᠯᠭᠡᠪᠡ᠃
ᠡᠨᠡ ᠬᠦ᠌ ᠠᠬᠠᠮᠠᠳ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ᠄《ᠪᠢ ᠪᠣᠯ ᠨᠢᠭᠡᠨ ᠡᠭᠡᠯ ᠵᠢᠷᠦᠨ ᠮᠠᠯᠴᠢᠨ ᠬᠦᠮᠦᠨ᠂ ᠪᠢ ᠡᠭᠦᠷᠢᠳᠡ ᠡᠬᠡ ᠨᠤᠲᠤᠭᠵᠢᠡᠨ ᠰᠠᠬᠢᠵᠤ᠂ ᠲᠠᠯᠠ ᠨᠤᠲᠤᠭᠲᠤ ᠬᠤᠷᠠᠮᠳᠤᠭᠤᠯᠤᠭᠰᠠᠨ 50 ᠰᠢᠬᠠᠮ ᠵᠢᠯᠦᠨ ᠲᠤᠷᠰᠢᠯᠭᠠᠪᠠᠨ ᠮᠠᠯᠴᠢᠳᠲᠤ ᠤᠯᠠᠮᠵᠢᠯᠠᠵᠤ᠂ ᠬᠠᠮᠲᠤ ᠪᠠᠷ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠯᠢ ᠴᠣᠭᠴᠠᠯᠠᠨᠡ》 ᠭᠡᠵᠦ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠬᠡᠯᠡᠯᠡ᠃