ᠶᠡᠷᠦᠩᠭᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠦᠪᠦᠷ ᠮᠤᠩᠭᠤᠯᠳᠤ ᠱᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤᠳᠠᠭᠠᠨ ᠮᠠᠨᠤ ᠤᠷᠤᠨᠤ ᠦᠨᠳᠦᠰᠦᠳᠡᠨᠨᠦᠭᠦᠳᠤᠨ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨᠢ ᠠᠵᠢᠯ ᠬᠢᠵᠦ᠍ ᠦᠢᠯᠡᠰ ᠪᠦᠳᠦᠭᠡᠬᠦ᠌ᠳᠡᠭᠡᠨ 《ᠲᠡᠰᠪᠦᠷᠢ ᠲᠠᠭᠠᠭᠠᠴᠠᠲᠠᠢ᠂ ᠴᠤᠴᠠᠯᠳᠠ ᠦᠭᠡᠢ ᠤᠷᠤᠭ᠍ᠰᠢᠯᠠᠬᠤ᠂ ᠵᠤᠷᠢᠭ᠍ᠰᠠᠨᠳᠠᠭᠠᠨ ᠵᠠᠪᠠᠯ ᠬᠦᠷᠬᠦ᠌》 ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠪᠠᠳᠠᠷᠠᠭᠤᠯᠬᠤᠶ᠋ᠢ ᠬᠦᠰᠡᠭ᠌ᠰᠡᠨ ᠪᠠᠢᠨᠠ᠃ ᠬᠡᠳᠦᠨ ᠵᠢᠯᠤᠨ ᠲᠤᠷᠰᠢ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠳᠡᠨᠨᠦᠭᠦᠳᠤᠨ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨ ᠶᠡᠷᠦᠩᠭᠡᠢ ᠱᠦᠵᠢᠶ᠋ᠢᠨ ᠬᠦᠰᠡᠯ ᠨᠠᠢᠳᠠᠯᠭᠠᠶ᠋ᠢ ᠬᠦᠰᠡᠷᠳᠡᠬᠦᠯᠦᠯ ᠦᠭᠡᠢ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠪᠠᠳᠠᠷᠠᠭᠤᠯᠵᠤ᠂ ᠲᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠳᠤ ᠴᠤᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠪᠠᠳᠤ ᠴᠤᠭ᠍ᠴᠠᠯᠠᠵᠤ᠂ ᠦᠵᠡᠰᠭᠦᠯᠡᠩᠳᠦ ᠰᠠᠢᠬᠠᠨ ᠦᠪᠦᠷ ᠮᠤᠩᠭᠤᠯᠢ ᠪᠦᠳᠦᠭᠡᠨ ᠪᠠᠢᠭᠤᠯᠬᠤᠪᠠᠷ ᠡᠯᠡ ᠹᠷᠤᠨᠲᠲᠤ ᠡᠷᠡᠮᠡᠭᠡᠢᠯᠡᠨ ᠲᠡᠮᠡᠴᠡᠵᠦ᠍᠂ ᠶᠠᠳᠠᠭᠤᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠱᠢᠪᠳᠤᠯᠬᠤ ᠲᠠᠢᠯᠠᠯᠳᠤᠭᠠᠨᠤ ᠱᠢᠢᠳᠪᠦᠷᠢᠳᠦ ᠢᠯᠠᠯᠳᠠᠶ᠋ᠢ ᠤᠯᠬᠤ᠂ ᠴᠢᠨᠡᠭᠡᠯᠢᠭ ᠨᠡᠢᠭᠡᠮᠢ ᠪᠦᠬᠦ᠌ ᠲᠠᠯᠠᠪᠠᠷ ᠪᠡᠶᠡᠯᠡᠬᠦᠯᠬᠦ᠌ ᠁ ᠢᠷᠠᠭᠤ ᠲᠠᠭᠤᠯᠠᠯᠢ ᠪᠢᠴᠢᠭ᠌ᠯᠡᠭ᠌ᠰᠡᠭᠡᠷ ᠢᠷᠡᠵᠡᠢ᠃ ᠤᠳᠭᠠ ᠤᠷᠠᠯᠢᠭ ᠪᠤᠯ ᠴᠠᠭ ᠦᠶᠡᠶ᠋ᠢᠨ ᠤᠷᠤᠭ᠍ᠰᠢᠯᠠᠯᠳᠠᠶ᠋ᠢᠨ ᠪᠦᠷᠢᠶᠡ ᠮᠦᠨ᠃ ᠦᠪᠦᠷ ᠮᠤᠩᠭᠤᠯᠤᠨ ᠰᠤᠶᠤᠯ ᠤᠳᠭᠠ ᠤᠷᠠᠯᠢᠭᠤᠨ ᠠᠵᠢᠯᠳᠠᠳ ᠠᠯᠢ ᠤᠯᠠᠨ ᠰᠤᠳᠤᠨ ᠪᠦᠳᠦᠭᠡᠯᠤᠳᠢ ᠵᠤᠬᠢᠶᠠᠨ ᠪᠦᠳᠦᠭᠡᠵᠦ᠍᠂ ᠡᠨᠡ ᠬᠦ᠌ ᠠᠭᠤᠤ ᠶᠡᠭᠡ ᠴᠠᠭ ᠦᠶᠡᠶ᠋ᠢᠨ ᠠᠭᠤᠤ ᠶᠡᠭᠡ ᠦᠢᠯᠡᠳᠦᠯᠭᠡᠶ᠋ᠢᠨ ᠲᠡᠮᠡᠴᠡᠯᠢ ᠲᠡᠮᠳᠡᠭ᠌ᠯᠡᠨ ᠦᠯᠡᠳᠡᠭᠡᠭ᠌ᠰᠡᠨ ᠪᠠᠢᠨᠠ᠃
● ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠨᠢ ᠮᠤᠩᠭᠤᠯ ᠦᠨᠲᠦᠰᠦᠳᠡᠨᠤ ᠦᠨᠡᠨᠴᠢ ᠱᠢᠲᠤᠷᠭᠤ ᠡᠷᠡᠯᠭᠡᠭ ᠪᠠᠭᠠᠲᠤᠷᠯᠢᠭ᠂ ᠭᠤᠶᠠᠴᠢ ᠦᠬᠡᠢ ᠡᠷᠬᠦᠨ ᠵᠤᠷᠢᠭᠤᠯᠬᠤ ᠪᠠᠭᠠᠲᠤᠷᠯᠢᠭ ᠲᠦᠷᠢᠶ᠋ᠢ ᠢᠯᠡᠷᠡᠬᠦᠯᠪᠡ᠃
● ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠨᠢ ᠲᠠᠯᠠ ᠨᠤᠲᠤᠭᠤᠨ ᠠᠷᠠᠳ ᠲᠦᠮᠡᠨᠤ ᠰᠠᠬᠢᠨ ᠪᠠᠷᠠᠯᠠᠵᠦ᠍ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠦ᠍᠂ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠬᠦ᠌ ᠡᠯᠪᠡᠭ ᠪᠠᠶᠠᠯᠢᠭ ᠲᠤᠲᠤᠭᠠᠲᠦ ᠠᠭᠤᠯᠬᠤᠨᠢ ᠲᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠪᠠ᠃
● ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠨᠨᠠᠭᠠᠨᠢ ᠲᠤᠮᠲᠠᠲᠦᠶ᠋ᠢᠨ ᠦᠨᠲᠦᠰᠦᠳᠡᠨᠤ ᠨᠢᠬᠡ ᠭᠡᠷ ᠮᠡᠲᠦ ᠲᠤᠲᠤᠨᠤ᠂ ᠲᠤᠮᠲᠠᠲᠦᠶ᠋ᠢᠨ ᠦᠨᠲᠦᠰᠦᠳᠡᠨᠤ ᠬᠠᠮᠲᠦ ᠴᠤᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠨᠢᠬ᠍ᠲᠠᠷᠠᠭᠤᠯᠬᠤ ᠡᠷᠬᠢᠮ ᠨᠠᠨᠳᠢᠨ ᠵᠤᠷᠢᠭ ᠰᠠᠨᠠᠭ᠋ ᠠᠶ᠋ᠢ ᠴᠤᠭ᠍ᠴᠠᠯᠠᠪᠠ᠃
11 ᠰᠠᠷᠠᠶ᠋ᠢᠨ 13 ᠤ ᠤᠷᠤᠢᠶ᠋ᠢᠨ 19᠄ 45 ᠮᠢᠨᠦ᠋ᠲᠲᠤ᠌᠂ ᠦᠪᠦᠷ ᠮᠤᠩᠭᠤᠯᠤᠨ ᠤᠷᠠᠯᠢᠭᠤᠨ ᠲᠡᠭᠡᠲᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠤᠭ᠍ᠯᠠᠯᠲᠠᠶ᠋ᠢᠨ ᠲᠢᠩᠬᠢᠮᠳᠤ᠂ ᠬᠤᠩᠬᠤᠨ ᠲᠠᠭᠤᠨ ᠭᠤᠷᠪᠠᠨᠲᠠ ᠲᠤᠤᠭᠠᠷᠴᠦ᠍᠂ ᠳ᠋ᠧᠩᠤᠨ ᠭᠡᠷᠡᠯ ᠠᠭᠠᠵᠢᠮᠢᠶᠠᠷ ᠪᠦᠳᠡᠬᠢᠷᠡᠨ᠂ ᠬᠡᠨᠡᠳᠳᠡ ᠰᠠᠯᠬᠢᠨ ᠢᠰᠭᠡᠷᠦᠬᠡ ᠲᠡᠷᠳᠡᠭᠡ ᠬᠤᠯᠠᠠᠴᠠ ᠤᠯᠠᠮᠢᠶᠠᠷ ᠤᠢ᠍ᠢᠷᠠᠳᠭᠤ ᠱᠢᠬ ᠪᠤᠯᠵᠦ᠍᠂ ᠪᠦᠵᠢᠭᠤᠨ ᠲᠠᠢᠵᠠᠨᠠ ᠭᠡᠷᠡᠯ ᠵᠢᠷᠤᠭ᠍ᠴᠢᠨ ᠠᠶᠠᠨᠤ ᠰᠡᠬᠦᠳᠡᠷᠯᠡᠭ᠌ᠰᠡᠨ ᠮᠤᠩᠭᠤᠯ ᠮᠤᠷᠢᠨᠤ ᠭᠡᠷᠡᠯ ᠵᠢᠷᠤᠭ ᠠᠭᠠᠵᠢᠮᠬᠠᠨ ᠢᠯᠡᠷᠡᠯᠡ᠃
ᠮᠤᠩᠭᠤᠯ ᠮᠤᠷᠢᠶ᠋ᠢ ᠦᠪᠦᠷ ᠮᠤᠩᠭᠤᠯᠴᠤᠳ ᠬᠠᠷᠠᠵᠦ᠍ ᠯᠡ ᠪᠠᠢᠬ᠍ᠰᠠᠨ ᠳ᠋ᠠ᠂ ᠬᠠᠷᠢᠨ ᠡᠨᠡ ᠤᠲᠠᠭᠠ ᠪᠦᠵᠢᠭᠤᠨ ᠲᠠᠢᠰᠠᠨᠤ ᠦᠷᠭᠡᠨ ᠬᠦᠱᠢᠭᠡᠨ ᠲᠡᠭᠡᠷᠡ ᠢᠯᠡᠷᠡᠭ᠌ᠰᠡᠨ ᠮᠤᠩᠭᠤᠯ ᠮᠤᠷᠢᠨᠢ ᠠᠶᠠᠨ ᠭᠤᠸᠠᠢᠶ᠋ᠢᠨ ᠡᠳᠡᠭᠡᠳ ᠭᠠᠢᠬᠠᠯᠲᠠᠢ ᠤᠷᠠᠯᠢᠭᠤᠨ ᠢᠯᠡᠷᠡᠬᠦᠯᠬᠦ᠌ ᠬᠡᠯᠪᠡᠷᠢᠪᠠᠷ ᠲᠠᠮᠵᠢᠭᠠᠳ ᠦᠬᠡᠷᠡ ᠨᠢᠬᠡᠨ ᠰᠡᠳᠭᠢᠭ᠌ᠳᠡᠯ ᠦᠭ᠌ᠬᠦᠭ᠌ᠰᠡᠨ ᠪᠤᠯᠬᠤᠷ ᠠᠬᠤᠢ ᠲᠠᠯᠠᠪᠠᠢᠶ᠋ᠢᠨ ᠦᠵᠡᠭ᠌ᠴᠢᠳ ᠠᠮᠢᠰᠭᠤᠭᠠ ᠲᠠᠷᠤᠨ ᠨᠢᠬᠡ ᠨᠢᠬᠡ ᠵᠢᠷᠤᠭᠢ ᠠᠩᠬᠠᠷᠤᠯ ᠲᠠᠯᠪᠢᠨ ᠰᠤᠨᠢᠷᠬᠠᠵᠠᠭᠠᠨᠠ᠄ ᠲᠡᠭ᠌ᠷᠢ ᠭᠠᠵᠠᠷᠤᠨ ᠲᠤᠮᠲᠠ ᠴᠠᠰᠦ ᠬᠠᠶᠠᠯᠠᠨ ᠰᠠᠯᠬᠢ ᠢᠰᠭᠡᠷᠬᠦ᠌ᠳᠤ ᠮᠤᠩᠭᠤᠯ ᠮᠤᠷᠢ ᠠᠵᠢᠭ ᠴᠦ᠍ ᠦᠬᠡᠢ ᠲᠠᠪᠬᠢᠨᠠ᠂ ᠮᠤᠷᠢᠳᠤᠨ ᠴᠤᠯᠮᠤᠨ ᠬᠤᠶᠠᠷ ᠨᠢᠲᠦᠨᠢ ᠬᠢᠯᠠᠯᠵᠠᠵᠦ᠍᠂ ᠲᠡᠯ ᠰᠡᠬᠦᠯᠨᠢ ᠬᠤᠢᠯᠠᠷᠠᠵᠦ᠍᠂ ᠦᠦᠷᠰᠡᠭᠡ ᠢᠨᠴᠠᠭᠠᠨ ᠠᠯᠢ ᠡᠰᠡᠬᠦᠯᠡ ᠲᠤᠭᠤᠷᠠᠢᠶ᠋ᠢᠨ ᠴᠢᠮᠡᠭᠡᠨᠢ ᠬᠦᠷᠳᠡᠯᠡ ᠤᠢ᠍ᠢᠷᠠᠲᠤᠭᠠᠳ ᠢᠷᠡᠬᠦ᠌ ᠱᠢᠭ ᠪᠤᠯᠬᠤᠳᠤ ᠬᠡᠷᠡᠯ ᠵᠢᠷᠤᠭᠲᠠᠬᠢ ᠮᠤᠷᠢ ᠦᠵᠡᠭ᠌ᠴᠢᠳᠤᠨ ᠰᠡᠳᠭᠢᠯᠳᠤ ᠠᠮᠢᠯᠠᠯᠠ᠃
ᠮᠤᠩᠭᠤᠯ ᠮᠤᠷᠢᠨᠢ ᠠᠮᠢᠲᠠᠨᠠᠴᠠ ᠲᠠᠪᠠᠭ᠍ᠰᠠᠨ ᠤᠷᠤᠱᠢᠬᠤᠢᠶ᠋ᠢᠨ ᠬᠡᠯᠪᠡᠷᠢᠪᠠᠷ ᠮᠤᠩᠭᠤᠯᠴᠤᠳᠤᠨ ᠰᠡᠳᠭᠢᠯᠳᠤ ᠬᠦᠨ ᠬᠠᠲᠠᠩᠱᠢᠬ᠍ᠰᠠᠨ ᠪᠠᠢᠲᠠᠭ᠃ ᠠᠯᠲᠠᠷᠲᠦ ᠭᠡᠷᠡᠯ ᠵᠢᠷᠤᠭ᠍ᠴᠢᠨ ᠠᠶᠠᠨ ᠭᠤᠸᠠᠢ ᠭᠡᠷᠡᠯ ᠵᠢᠷᠤᠭᠤᠨ ᠤᠷᠠᠯᠢᠭᠲᠤ ᠵᠢᠳᠬᠦᠭ᠌ᠰᠡᠨ 30 ᠵᠢᠯᠤᠨ ᠲᠤᠷᠰᠢ᠂ ᠮᠤᠩᠭᠤᠯ ᠨᠤᠲᠤᠭᠤᠨ ᠪᠠᠢᠭᠠᠯᠢ ᠠᠬᠤᠢ᠂ ᠬᠦᠮᠦᠨ ᠵᠤᠨ᠂ ᠮᠤᠩᠭᠤᠯ ᠦᠨᠲᠦᠰᠦᠳᠡᠨᠤ ᠰᠤᠶᠤᠯ ᠢᠷᠭᠡᠨᠱᠢᠯᠢ ᠮᠠᠱᠢᠨᠤ ᠲᠤᠷᠠᠨᠲᠠᠭᠤᠷᠲᠠᠭᠠᠨ ᠮᠦᠩᠬᠡᠯᠡᠨ ᠦᠯᠡᠳᠡᠭᠡᠵᠦ᠍᠂ ᠭᠡᠷᠡᠯ ᠵᠢᠷᠤᠭᠢᠶᠠᠷᠢᠶᠠᠨ ᠮᠤᠩᠭᠤᠯ ᠨᠤᠲᠤᠭᠤᠨ ᠨᠡᠢᠬᠡᠮ ᠠᠮᠢᠲᠤᠷᠠᠯ᠂ ᠵᠠᠩ ᠦᠢᠯᠡᠶ᠋ᠢ ᠲᠤᠰᠭᠠᠬ᠍ᠰᠠᠨ ᠪᠠᠢᠲᠠᠭ᠃ 2015 ᠤᠨᠠᠴᠠ 2020 ᠤᠨ ᠪᠤᠯᠲᠠᠯᠠᠬᠢ 4 ᠵᠢᠯ ᠭᠠᠷᠤᠢᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠠᠶᠠᠨ ᠭᠤᠧᠠᠢ ᠭᠤᠤᠯᠲᠠᠭᠤ ᠮᠠᠨᠤ ᠤᠷᠤᠨᠤ ᠬᠢᠯᠢ ᠨᠤᠲᠤᠭᠢᠶᠠᠷ ᠶᠠᠪᠤᠵᠦ᠍᠂ ᠠᠲᠤᠭᠤᠨ ᠰᠦᠷᠦᠭᠢ ᠲᠠᠭᠠᠵᠦ᠍ ᠰᠡᠬᠦᠳᠡᠷᠯᠡᠨ 《ᠮᠤᠩᠭᠤᠯ ᠮᠤᠷᠢᠨᠤ ᠵᠢᠪᠬᠤᠭᠠ》 ᠬᠡᠮᠡᠬᠦ᠌ ᠢᠵᠢ ᠪᠦᠲᠦᠭᠡᠯᠢᠶᠠᠨ ᠵᠤᠬᠢᠶᠠᠨ ᠪᠦᠲᠦᠭᠡᠭ᠌ᠰᠡᠨ ᠪᠠᠢᠨᠠ᠃
《ᠦᠨᠤᠳᠦᠷᠤᠨ ᠦᠳᠡᠱᠢᠯᠡᠭᠡᠶ᠋ᠢᠨ ᠴᠡᠭᠡᠨ ᠬᠦᠱᠢᠬᠡᠨᠳᠤ ᠲᠡᠯᠬᠡᠭ᠌ᠳᠡᠭ᠌ᠰᠡᠨ ᠪᠦᠳᠦᠬᠡᠯ ᠪᠤᠯ ᠮᠢᠨᠦ᠍ 2015 ᠣᠨᠤ ᠬᠠᠬᠢᠷ ᠡᠪᠦᠯᠠᠴᠠ 2020 ᠤᠨᠤ 3 ᠰᠠᠷᠠᠶ᠋ᠢᠨ ᠬᠠᠪᠤᠷ ᠪᠤᠯᠳᠠᠯᠠ ᠰᠡᠬᠦᠳᠡᠷᠯᠡᠭ᠌ᠰᠡᠨ 〈ᠮᠤᠩᠭᠤᠯ ᠮᠤᠷᠢᠨᠤ ᠵᠢᠪᠬᠤᠭᠠ〉 ᠬᠡᠰᠡᠨ ᠢᠵᠢ ᠪᠦᠳᠦᠬᠡᠯ ᠪᠤᠯᠤᠨᠠ᠂ ᠪᠢ ᠬᠥᠯᠥᠨ ᠪᠤᠢᠷᠤᠨ ᠲᠠᠯᠠ ᠨᠤᠲᠤᠭ᠂ ᠲᠤᠮᠳᠠᠳᠤ ᠮᠤᠩᠭᠤᠯ᠂ ᠲᠤᠮᠳᠠᠳᠤ ᠤᠷᠤᠰᠤᠨ ᠬᠢᠯᠢ ᠬᠢᠵᠠᠭᠠᠷᠤᠨ ᠴᠠᠰᠤ ᠮᠥᠰᠥᠲᠦ ᠬᠡᠭᠡᠷᠡ ᠲᠠᠯᠠᠳᠤ ᠰᠠᠯᠬᠢ ᠱᠢᠭᠤᠷᠭᠠᠨᠢ ᠵᠦᠰᠦᠨ ᠲᠠᠪᠬᠢᠵᠦ᠍ ᠪᠠᠢᠭᠠ ᠮᠣᠩᠭᠤᠯ ᠮᠣᠷᠢᠶ᠋ᠢ ᠲᠠᠭᠠᠵᠦ᠍ ᠰᠡᠬᠦᠳᠡᠷᠯᠡᠭ᠌ᠰᠡᠨ᠂ ᠭᠤᠤᠯᠲᠠᠭᠤ ᠬᠡᠷᠡᠯ ᠵᠢᠷᠤᠭᠢᠶᠠᠷᠢᠶᠠᠨ ᠦᠵᠡᠭ᠌ᠴᠢ ᠲᠦᠮᠡᠨᠳᠤ ᠮᠤᠩᠭᠤᠯ ᠮᠤᠷᠢᠨᠤ ᠡᠷᠡᠯᠭᠡᠭ ᠪᠠᠭᠠᠲᠤᠷᠯᠢᠭ᠂ ᠰᠦᠷᠳᠡᠰᠢ ᠦᠬᠡᠢ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠤᠢ᠍ᠢᠯᠠᠭᠠᠭᠤᠯᠬᠤᠶ᠋ᠢ ᠵᠤᠷᠢᠬ᠍ᠰᠡᠨ ᠶᠤᠮ》 ᠬᠡᠵᠦ᠍ ᠠᠶᠠᠨ ᠭᠤᠧᠠᠢ ᠪᠦᠳᠦᠬᠡᠯᠤᠨᠢᠶᠠᠨ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠤᠨᠠ᠃
ᠴᠠᠰᠦ ᠮᠦᠰᠦᠲᠦ ᠬᠢᠯᠢᠶ᠋ᠢᠨ ᠨᠤᠲᠤᠭᠲᠤ ᠰᠠᠯᠬᠢ ᠰᠦᠷᠦᠨ ᠲᠤᠪᠲᠤᠯᠤᠭᠠ ᠮᠤᠩᠭᠤᠯ ᠮᠤᠷᠢᠶ᠋ᠢ ᠦᠷᠭᠡᠨ ᠬᠦᠱᠢᠭᠡᠨᠠᠴᠠ ᠰᠤᠨᠢᠷᠬᠠᠵᠦ᠍ ᠪᠠᠢᠲᠠᠯᠠ᠂ ᠰᠠᠯᠬᠢᠨ ᠲᠠᠬᠢᠨ ᠢᠰᠭᠡᠷᠴᠦ᠍᠂ ᠠᠭᠤᠯᠠᠲᠠᠢ ᠭᠤᠸᠠᠢᠶ᠋ᠢᠨ 《ᠲᠡᠭ᠌ᠷᠢᠶ᠋ᠢᠨ ᠰᠠᠯᠬᠢ》 ᠬᠡᠮᠡᠬᠦ᠌ ᠱᠢᠯᠦᠭ ᠦᠷᠭᠡᠨ ᠬᠦᠱᠢᠭᠡᠨ ᠲᠡᠭᠡᠷᠡ ᠡᠩᠨᠡᠷᠡᠨ ᠭᠠᠷᠴᠦ᠍ ᠢᠷᠡᠯᠡ᠄
ᠲᠡᠭ᠌ᠷᠢ ᠭᠠᠵᠠᠷᠤᠨ ᠬᠤᠭᠤᠷᠤᠨᠲᠦ
ᠴᠠᠬᠢᠯᠭᠠᠨ ᠬᠡᠨᠡᠳᠳᠡ ᠬᠢᠯᠪᠡᠵᠦ᠍
ᠲᠠᠯᠠ ᠨᠤᠲᠤᠭ ᠰᠤᠴᠢᠨ ᠰᠡᠷᠢᠵᠦ᠍
ᠡᠭᠡ ᠭᠠᠵᠠᠷ ᠲᠠᠢᠪᠢᠨᠠ
ᠠᠨᠲᠠᠶ᠋ᠢᠨ ᠲᠦᠪᠡᠷᠭᠡᠨ
ᠡᠪᠡᠰᠦᠨ ᠤᠷᠤᠢᠶ᠋ᠢ ᠱᠢᠬᠦᠷᠴᠦ᠍
ᠤᠲᠤᠨ ᠮᠡᠴᠢᠳ
ᠤᠬ᠍ᠲᠠᠷᠭᠤᠢᠶ᠋ᠢᠨ ᠬᠦᠨᠳᠤ ᠠᠨᠢᠪᠴᠢᠨᠠ
ᠲᠡᠯᠡᠭᠡᠢ ᠡᠢᠮᠦ᠍ ᠯᠡ ᠠᠭᠤᠵᠢᠮ
ᠤᠮᠠᠷᠠᠲᠦᠶ᠋ᠢᠨ ᠰᠠᠯᠬᠢ ᠵᠠᠮᠤᠨ ᠤᠷᠲᠤᠶ᠋ᠢ ᠬᠡᠮᠵᠢᠵᠦ᠍
ᠤᠮᠠᠷᠠᠲᠦᠶ᠋ᠢᠨ ᠰᠠᠯᠬᠢ ᠤᠭ᠍ᠲᠠᠷᠭᠤᠢᠶ᠋ᠢ ᠬᠦᠡᠭ᠌ᠭᠡᠭᠡᠨ ᠠᠷᠴᠢᠨᠠ
ᠤᠮᠠᠷᠠᠲᠦᠶ᠋ᠢᠨ ᠰᠠᠯᠬᠢ ᠲᠠᠯᠠ ᠨᠤᠲᠤᠭᠢ ᠠᠶᠠᠷᠬᠠᠨ ᠢᠯᠪᠢᠨᠡ ᠁
ᠡᠨᠡ ᠦᠶᠡᠳᠤ ᠰᠠᠯᠬᠢᠨᠤ ᠲᠠᠭᠤ ᠨᠠᠮᠬᠠᠷᠠᠵᠦ᠍᠂ ᠤᠷᠲᠤᠶ᠋ᠢᠨ ᠲᠠᠭᠤᠤ ᠱᠢᠷᠤᠩᠬᠠᠢᠯᠠᠨ ᠠᠨᠲᠠ ᠬᠠᠮᠲᠤᠯᠢᠭᠤᠨᠬᠢᠨ 《ᠡᠷᠳᠡᠨᠢ ᠵᠠᠰᠠᠭᠤᠨ ᠤᠨᠠᠭᠠ》 ᠪᠠᠷ ᠦᠳᠡᠱᠢᠯᠡᠭᠡᠶ᠋ᠢᠨ ᠰᠠᠯᠬᠢᠶ᠋ᠢ ᠬᠠᠭᠠᠯᠤᠨ ᠭᠠᠷᠴᠦ᠍ ᠢᠷᠡᠯᠡ᠃ ᠮᠤᠲᠤᠨ ᠴᠤᠭᠤᠷᠤᠨ ᠡᠬᠡᠱᠢᠭ ᠦᠦᠬᠡ ᠲᠡᠦᠭᠡᠶ᠋ᠢ ᠦᠬᠦᠯᠡᠬᠦ᠌ ᠱᠢᠦᠬᠠᠨ᠂ ᠬᠦᠮᠦᠨ ᠮᠤᠷᠢ ᠬᠤᠶᠠᠷᠤᠨ ᠬᠤᠪᠢ ᠪᠠᠷᠢᠯᠲᠤᠯᠭᠠᠶ᠋ᠢ ᠲᠠᠭᠤᠯᠠᠬᠤ ᠱᠢᠦᠬᠠᠨ᠂ ᠰᠦᠷᠦᠭ ᠠᠲᠤᠭᠤᠳ ᠲᠤᠪᠲᠤᠯᠵᠦ᠍ ᠢᠷᠡᠬᠦ᠌ ᠱᠢᠦᠠᠬ᠍ᠨ ᠪᠤᠯᠵᠠᠢ᠃
ᠮᠤᠲᠤᠨ ᠴᠤᠭᠤᠷᠤᠨ ᠠᠶᠠ ᠦᠨᠲᠦᠷᠯᠡᠮᠡᠭ᠌ᠴᠡ ᠮᠤᠷᠢᠨ ᠬᠤᠭᠤᠷᠤᠨ ᠡᠭᠡᠱᠢᠭ ᠴᠤᠤᠷᠢᠶᠠᠲᠤᠯᠠ᠃ ᠠᠨᠲᠠ ᠬᠠᠮᠲᠤᠯᠢᠭᠤᠨ ᠦᠷᠭᠡᠨ᠂ ᠠᠯᠲᠠᠷᠲᠦ ᠴᠤᠭᠤᠷᠴᠢ ᠪᠦᠷᠢᠨ ᠭᠤᠸᠠᠢᠶ᠋ᠢᠨ ᠵᠤᠬᠢᠶᠠᠬ᠍ᠰᠠᠨ 《ᠰᠠᠢᠬᠠᠨ ᠵᠤᠨᠤᠨ》 ᠭᠡᠮᠡᠬᠦ᠌ ᠠᠶᠠᠶ᠋ᠢ ᠡᠷᠬᠦᠵᠦ᠍᠂ ᠮᠤᠷᠢᠨ ᠬᠤᠭᠤᠷᠤᠨ ᠡᠬᠡᠱᠢᠭᠢᠶᠠᠷ ᠮᠤᠷᠢᠨᠤ ᠬᠦᠶᠦᠳᠡᠯ ᠠᠯᠬᠤᠭᠠ᠂ ᠬᠢᠰᠭᠢᠬᠡ ᠬᠠᠲᠠᠷᠢᠭᠠᠶ᠋ᠢ ᠢᠯᠡᠳᠭᠡᠨ᠂ ᠨᠢᠬᠡ ᠯᠡ ᠬᠦᠭ᠌ᠵᠢᠮᠤᠨ ᠠᠶᠠᠳᠤ ᠮᠤᠷᠢᠨᠤ ᠤᠯᠠᠨ ᠲᠦᠷᠦᠯᠤᠨ ᠠᠯᠬᠤᠮ ᠠᠢᠵᠠᠮᠢ ᠢᠯᠡᠳᠭᠡᠭ᠌ᠰᠡᠨᠢᠶᠠᠷᠢᠶᠠᠨ ᠲᠠᠯᠠᠪᠠᠢ ᠲᠦᠬᠦᠷᠡᠩ ᠠᠯᠠᠭᠠ ᠲᠠᠱᠢᠯᠲᠠ ᠨᠢᠵᠢᠬᠢᠨᠡᠯᠡ᠃
ᠮᠤᠷᠢᠨ ᠬᠤᠭᠤᠷᠤᠨ ᠡᠭᠡᠱᠢᠭ ᠲᠠᠬᠢᠨ ᠤᠶᠠᠩᠭᠠᠷᠠᠵᠦ᠍᠂ ᠠᠨᠲᠠ ᠬᠠᠮᠲᠤᠯᠢᠭᠤᠨ ᠪᠢᠯᠢᠭ᠍ᠪᠠᠭᠠᠲᠤᠷ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠠᠷᠠᠳᠤᠨ ᠲᠠᠭᠤᠤ 《ᠵᠢᠭᠠᠬᠠᠨ ᠱᠢᠷᠭᠠ》 ᠶ᠋ᠢ ᠲᠠᠭᠤᠯᠠᠯᠠ᠃ ᠲᠡᠭᠡᠷᠡ ᠵᠠᠭᠤᠨᠤ ᠲᠠᠪᠢᠭᠠᠳ ᠤᠨᠳᠤ 《ᠤᠷᠲᠤᠶ᠋ᠢᠨ ᠲᠠᠭᠤᠤᠶ᠋ᠢᠨ ᠠᠪᠤᠷᠭᠤ》 ᠯᠾᠠᠵᠠᠪ ᠲᠤᠰ ᠲᠠᠭᠤᠤᠶ᠋ᠢ ᠦᠷᠭᠡᠨ ᠲᠦᠮᠡᠨᠤ ᠰᠤᠨᠤᠷᠲᠤ ᠬᠦᠷᠭᠡᠭ᠌ᠰᠡᠨ ᠪᠤᠯ ᠡᠨᠡ ᠤᠲᠠᠭᠠ ᠠᠨᠲᠠ ᠬᠠᠮᠲᠤᠯᠢᠭᠤᠨᠬᠢᠨ ᠦᠬᠡᠷᠡ ᠨᠢᠬᠡᠨ ᠦᠨᠦᠷ ᠠᠮᠲᠠ ᠤᠷᠤᠭᠤᠯᠵᠦ᠍᠂ ᠡᠷᠬᠢᠮᠰᠦᠭ ᠢᠷᠠᠭᠤ ᠢᠯᠭᠤᠮ ᠴᠢᠯᠦᠬᠡᠳᠡᠢ ᠲᠠᠭᠤᠤᠶ᠋ᠢᠨ ᠬᠡᠪ ᠨᠠᠮᠪᠠᠪᠠᠷᠢᠶᠠᠨ ᠦᠵᠡᠭ᠌ᠴᠢ ᠪᠦᠬᠦᠨᠤ ᠰᠤᠨᠤᠷᠢ ᠮᠢᠯᠢᠶᠠᠵᠦ᠍ ᠪᠢᠯᠡ᠃
《ᠲᠤᠰ ᠤᠳᠠᠭᠠᠨᠤ 〈ᠮᠤᠩᠭᠤᠯ ᠮᠤᠷᠢ〉 ᠰᠡᠳᠤᠪᠳᠤ ᠨᠠᠢᠷᠠᠯ ᠦᠳᠡᠱᠢᠯᠡᠭᠡᠶ᠋ᠢ ᠪᠢᠳᠡ 2 ᠵᠢᠯ ᠭᠠᠷᠤᠢᠶ᠋ᠢᠨ ᠴᠠᠭᠢ ᠵᠠᠷᠤᠴᠠᠭᠤᠯᠵᠦ᠍ ᠪᠡᠯᠡᠳᠭᠡᠭ᠌ᠰᠡᠨ ᠶᠤᠮ᠃ ᠡᠨᠡ ᠵᠢᠯ ᠬᠢᠵᠢᠭᠤᠨ ᠪᠠᠢᠳᠠᠯᠠᠴᠠ ᠪᠤᠯᠤᠭᠠᠳ ᠤᠳᠤ ᠰᠠᠶᠢ ᠦᠵᠡᠭ᠌ᠴᠢᠳᠲᠠᠢ ᠵᠤᠯᠭᠠᠵᠦ᠍ ᠪᠠᠢᠨᠠ᠃ ᠲᠤᠰ ᠤᠳᠠᠭᠠᠨᠤ ᠲᠤᠭ᠍ᠯᠠᠯᠳᠡᠳᠤ ᠮᠠᠨᠤ ᠬᠠᠮᠳᠤᠯᠢᠭᠤᠨᠬᠢᠨ ᠬᠠᠭᠤᠴᠢᠨ ᠪᠦᠳᠦᠬᠡᠯᠢᠶᠠᠨ ᠲᠠᠭᠤᠯᠠᠬ᠍ᠰᠠᠨ ᠪᠦᠬᠡᠳ ᠪᠠᠰᠠ ᠱᠢᠨᠠ ᠪᠦᠳᠦᠬᠡᠯ ᠬᠡᠲᠦᠶ᠋ᠢ ᠲᠤᠬᠢᠷᠠᠭᠤᠯᠤᠬ᠍ᠰᠠᠨ ᠪᠠᠢᠲᠠᠭ᠃ ᠬᠦ᠍ᠭ᠌ᠵᠢᠮ ᠨᠠᠢᠷᠠᠭᠤᠯᠬᠤᠳᠠᠭᠠᠨ ᠪᠢᠳᠡ ᠬᠠᠭᠤᠴᠢᠨ ᠪᠦᠳᠦᠬᠡᠯᠳᠡᠭᠡᠨ ᠱᠢᠨᠠ ᠬᠦᠭ᠌ᠵᠢᠮ ᠨᠡᠮᠡᠨ ᠤᠷᠤᠭᠤᠯᠵᠦ᠍᠂ ᠪᠠᠰᠠ ᠱᠢᠨᠠ ᠲᠤᠭ᠍ᠯᠠᠬ᠍ᠴᠢᠶ᠋ᠢ ᠤᠷᠢᠵᠦ᠍ ᠲᠤᠰ ᠤᠷᠤᠢᠶ᠋ᠢᠨ ᠲᠤᠭ᠍ᠯᠠᠯᠳᠡᠳᠠᠭᠠᠨ ᠦᠩᠬᠡ ᠪᠤᠳᠤᠭ ᠨᠡᠮᠡᠷᠢᠯᠡᠭ᠌ᠰᠡᠨ᠃ ᠮᠠᠨᠤ ᠡᠨᠡ ᠲᠤᠭ᠍ᠯᠠᠯᠲᠠ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠴᠤ᠋ ᠱᠢᠨᠠ ᠤᠷᠠᠯᠢᠭᠤᠨ ᠬᠡᠯᠪᠡᠷᠢᠪᠠᠷ ᠠᠮᠢᠳᠤᠯᠢᠭ ᠢᠯᠠᠷᠡᠬᠦᠯᠵᠡᠢ ᠭᠡᠵᠦ᠍ ᠪᠢ ᠦᠵᠡᠵᠦ᠍ ᠪᠠᠢᠨᠠ》 ᠬᠡᠵᠦ᠍ ᠠᠨᠳᠡ ᠬᠠᠮᠳᠤᠯᠢᠭᠤᠨ ᠨᠠᠷᠠᠰᠤ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ᠌ᠳᠡᠭᠡᠨ ᠶᠠᠷᠢᠵᠦ᠍ ᠪᠠᠢᠬ᠍ᠰᠠᠨ ᠶᠤᠮ᠃
ᠲᠤᠪᠱᠢᠭᠤᠷ ᠬᠦᠭ᠌ᠵᠢᠮ 《ᠡᠬᠦᠯᠡᠨ ᠬᠦᠬᠡ》᠂ ᠬᠦᠮᠦᠨ ᠪᠠᠢᠭᠠᠯᠢᠶ᠋ᠢᠨ ᠡᠶᠡ ᠵᠤᠬᠢᠴᠠᠯᠢ ᠬᠠᠷᠠᠭᠤᠯᠤᠬ᠍ᠰᠠᠨ 《ᠪᠠᠢᠭᠠᠯᠢᠶ᠋ᠢᠨ ᠲᠠᠭᠤᠨ》 ᠵᠡᠷᠭᠡᠨᠢ ᠬᠠᠮᠤᠭᠤᠨ ᠤᠯᠠᠮᠵᠢᠯᠠᠯᠲᠦ ᠲᠠᠭᠤᠯᠠᠬᠤ ᠠᠷᠭᠠ᠂ ᠤᠯᠠᠨ ᠵᠦᠢᠯᠤᠨ ᠬᠦᠭ᠌ᠵᠢᠮᠳᠡᠬᠦᠷᠤᠨ ᠤᠷᠠᠯᠢᠭᠢᠶᠠᠷ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢ ᠵᠤᠬᠢᠴᠠᠵᠦ᠍᠂ ᠬᠦᠮᠦᠨ ᠪᠠᠢᠭᠠᠯᠢ ᠡᠭᠡᠨᠡᠭ᠌ᠰᠢᠨ ᠤᠷᠤᠱᠢᠬ᠍ᠰᠠᠨ ᠡᠶᠡ ᠵᠤᠬᠢᠴᠠᠩᠭᠤᠢ ᠪᠠᠢᠲᠠᠯᠢ ᠢᠯᠡᠷᠡᠬᠦᠯᠵᠦ᠍᠂ ᠲᠤᠰ ᠤᠲᠠᠭᠠᠨᠤ ᠨᠠᠢᠷᠠᠯ ᠦᠳᠡᠱᠢᠯᠡᠭᠡᠶ᠋ᠢᠨ ᠨᠢᠬᠡᠲᠦᠭᠡᠷ ᠪᠦᠯᠦᠭ 《ᠲᠡᠭ᠌ᠷᠢᠶ᠋ᠢᠨ ᠰᠠᠯᠬᠢ》 ᠪᠠᠨ ᠦᠨᠲᠦᠷᠯᠡᠬᠦᠯᠦᠯᠠ᠃
ᠲᠤᠰ ᠤᠲᠠᠭᠠᠨᠤ 《ᠮᠤᠩᠭᠤᠯ ᠮᠤᠷᠢ》 ᠰᠡᠳᠤᠪᠳᠤ ᠨᠠᠢᠷᠠᠯ ᠦᠳᠡᠱᠢᠯᠡᠭᠡᠨᠢ 《ᠲᠩᠷᠢᠶ᠋ᠢᠨ ᠰᠠᠯᠬᠢ》᠂ 《ᠡᠷᠭᠢᠨ ᠬᠠᠷᠠᠬᠤᠢ》᠂ 《ᠵᠡᠭᠦᠳᠦ ᠵᠡᠷᠭᠡᠯᠭᠡᠨ》 ᠬᠡᠮᠡᠬᠦ᠌ ᠭᠤᠷᠪᠠᠨ ᠪᠦᠯᠦᠭᠢᠶᠠᠷ ᠵᠤᠬᠢᠶᠠᠮᠵᠢᠯᠠᠬ᠍ᠲᠠᠭ᠍ᠰᠠᠨ ᠪᠠᠢᠨᠠ᠃ 《ᠲᠡᠭ᠌ᠷᠢᠶ᠋ᠢᠨ ᠰᠠᠯᠬᠢ》 ᠪᠦᠯᠦᠭᠨᠢ ᠡᠢᠨ ᠬᠦ᠌ ᠬᠤᠭᠤᠷ ᠴᠤᠭᠤᠷᠤᠨ ᠡᠬᠡᠱᠢᠭ᠂ ᠲᠤᠪᠱᠢᠭᠤᠷ ᠬᠦᠭ᠌ᠵᠢᠮᠤᠨ ᠠᠶᠠ᠂ ᠤᠷᠲᠤᠶ᠋ᠢᠨ ᠲᠠᠭᠤᠤᠶ᠋ᠢᠨ ᠱᠢᠷᠤᠩᠬᠠᠢ ᠲᠤᠮᠲᠠ ᠦᠨᠲᠦᠷᠯᠡᠨ᠂ ᠬᠤᠶᠠᠲᠤᠭᠠᠷ ᠪᠦᠯᠦᠭ 《ᠡᠷᠬᠢᠨ ᠬᠠᠷᠠᠬᠤᠢ》 ᠨᠢ 《ᠲᠠᠯᠠ ᠨᠤᠲᠤᠭ ᠮᠢᠨᠢ》᠂ 《ᠤᠲᠤᠷᠤᠨ ᠠᠲᠤᠭᠤᠴᠢᠨ》᠂ 《ᠬᠤᠷᠴᠢᠨ ᠵᠢᠷᠤᠭᠠ》᠂ 《ᠨᠤᠲᠤᠭ》᠂ 《ᠴᠤᠬᠤᠷ ᠮᠤᠷᠢ》᠂ 《ᠱᠠᠩᠬᠠᠢ ᠬᠢᠴᠡᠲᠠᠢ ᠪᠠᠨᠲᠤᠤᠲ᠋ᠢ》 ᠵᠡᠷᠭᠡ 6 ᠲᠠᠭᠤᠤᠪᠠᠨ ᠡᠷᠬᠦᠭ᠌ᠰᠡᠭᠡᠷ ᠦᠵᠡᠭ᠌ᠴᠢᠳ ᠲᠦᠮᠡᠨᠤ ᠤᠤᠬᠠᠢᠯᠠᠯ ᠲᠤᠮᠲᠠ ᠦᠷᠬᠦᠯᠵᠢᠯᠡᠭ᠌ᠰᠡᠨ ᠶᠤᠮ᠃
ᠠᠨᠲᠠ ᠬᠠᠮᠲᠤᠯᠢᠭᠤᠨ ᠨᠠᠷᠠᠰᠦᠶ᠋ᠢᠨ ᠬᠤᠭᠤᠷᠴᠢ ᠬᠠᠢᠴᠢᠩᠱᠢᠪᠠᠭᠤᠯᠤᠭᠠ ᠬᠠᠮᠲᠤᠷᠠᠨ ᠨᠠᠢᠷᠠᠭᠤᠯᠤᠬ᠍ᠰᠠᠨ 《ᠬᠤᠷᠴᠢᠨ ᠵᠢᠷᠤᠭᠠ》 ᠨᠢ ᠵᠤᠷᠢᠬ᠍ᠰᠠᠨᠳᠠᠭᠠᠨ ᠬᠦᠷᠬᠦ᠌ᠠᠴᠠ ᠨᠠᠭᠠᠰᠢ ᠪᠤᠴᠠᠲᠠᠭ ᠦᠬᠡᠢ ᠰᠠᠯᠬᠢᠨᠤ ᠬᠤᠷᠲᠤᠲᠠᠢ ᠵᠢᠷᠤᠭᠠ ᠮᠤᠷᠢᠶ᠋ᠢ ᠨᠢᠲᠦᠨᠳᠤ ᠦᠵᠡᠭ᠌ᠳᠡᠳᠡᠯᠡ ᠬᠦᠭ᠌ᠵᠢᠮᠳᠡᠭ᠌ᠰᠡᠨ ᠪᠤᠯ 《ᠤᠲᠤᠷᠤᠨ ᠠᠲᠤᠭᠤᠴᠢᠨ》 ᠬᠡᠮᠡᠬᠦ᠌ ᠲᠠᠭᠤᠤᠨᠢ ᠬᠦᠪᠡᠭᠡ ᠬᠢᠵᠠᠭᠠᠷ ᠦᠬᠡᠢ ᠦᠷᠬᠦᠯᠵᠢᠯᠡᠬᠦ᠌ ᠲᠠᠯᠠ ᠨᠤᠲᠤᠭᠲᠤ ᠬᠦᠯᠦᠭ ᠮᠤᠷᠢᠳ ᠲᠠᠪᠬᠢᠯᠲᠤᠬᠤᠳᠤ ᠠᠲᠤᠭᠤᠴᠢᠨ ᠵᠠᠯᠠᠭᠤᠰᠤᠨ ᠬᠡᠢᠮᠦᠷᠢ ᠰᠡᠷᠬᠦᠵᠦ᠍ ᠴᠤᠭ ᠵᠤᠯᠢ ᠪᠠᠲᠠᠷᠠᠬ᠍ᠰᠠᠨ ᠪᠠᠢᠲᠠᠯᠢ ᠨᠢᠲᠦᠨᠳᠤ ᠦᠵᠡᠭ᠌ᠳᠡᠳᠡᠯᠡ ᠲᠠᠭᠤᠯᠠᠵᠠᠢ᠃ ᠦᠳᠡᠱᠢᠯᠡᠭᠡᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠰᠠᠭᠠᠲᠠᠭ᠍ᠰᠠᠨ ᠠᠬᠠᠮᠠᠳ ᠢᠳᠡᠷ ᠦᠵᠡᠭ᠌ᠴᠢᠳᠤᠨ ᠲᠠᠭᠠᠱᠢᠶᠠᠯᠳᠤ ᠬᠦᠷᠦᠭ᠌ᠰᠡᠨᠨᠢ ᠬᠠᠱᠢᠯᠠ 《ᠱᠠᠩᠬᠠᠢ ᠬᠢᠴᠡᠲᠠᠢ ᠪᠠᠨᠲᠤᠤᠲ᠋ᠢ》 ᠪᠠᠢᠬᠠ᠂ ᠠᠨᠲᠠ ᠬᠠᠮᠲᠤᠯᠢᠬᠤᠨ ᠲᠠᠬᠢᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡᠪᠠᠷ ᠤᠯᠠᠨᠤ ᠰᠤᠨᠤᠷᠲᠤ ᠬᠦᠷᠦᠭ᠌ᠰᠡᠨ ᠲᠤᠰ ᠲᠠᠭᠤᠤᠨᠢ᠂ ᠬᠦᠳᠡᠯᠮᠦᠷᠢ ᠴᠢᠷᠮᠠᠢᠯᠭᠠᠪᠠᠷ ᠬᠦᠮᠦᠨ ᠤᠯᠠᠨᠳᠠᠭᠠᠨ ᠪᠠᠭ᠍ᠠᠷᠤᠭ᠍ᠲᠠᠵᠦ᠍ ᠠᠮᠢᠲᠤᠷᠠᠯ ᠦᠢᠯᠡᠰᠢᠶᠠᠨ ᠲᠡᠭᠡᠲᠦᠯᠡᠵᠦ᠍ ᠶᠠᠪᠤᠭ᠍ᠰᠠᠨ ᠲᠡᠭᠡᠷᠡ ᠵᠠᠭᠤᠨᠤ ᠲᠤᠷᠠᠳᠭᠠᠯᠢ ᠠᠬᠠᠮᠠᠳ ᠦᠵᠡᠭ᠌ᠴᠢᠴᠳᠤᠨ ᠰᠡᠳᠭᠢᠯᠳᠤ ᠤᠷᠭᠤᠲᠠᠯᠠ ᠲᠠᠭᠤᠯᠠᠵᠠᠢ᠃
《ᠲᠠᠯᠠ ᠨᠤᠲᠤᠭᠤᠨ ᠦᠯᠢᠬᠡᠷᠢ
ᠬᠡᠴᠢᠨᠡᠨ ᠴᠦ᠍ ᠶᠠᠷᠢᠬ᠍ᠰᠠᠨᠢ ᠪᠤᠤ ᠮᠡᠳᠡ᠂
ᠬᠡᠨ ᠴᠦ᠍ ᠲᠤᠭᠠᠯᠠᠵᠦ᠍ ᠦᠵᠡᠭᠡ ᠦᠬᠡᠢ ᠁》
ᠠᠭᠤᠯᠠᠲᠠᠢ ᠭᠤᠧᠠᠢᠶ᠋ᠢᠨ ᠱᠢᠯᠦᠭ 《ᠵᠡᠬᠦᠲᠦ ᠵᠡᠷᠭᠡᠯᠭᠡᠨ》 ᠴᠡᠭᠡᠨ ᠬᠦᠱᠢᠭᠡᠨᠡ ᠢᠯᠡᠷᠡᠬᠦ᠌ᠳᠤ᠂ ᠤᠷᠠᠯᠢᠬ᠍ᠴᠢᠨ ᠡᠷᠺᠠᠱ᠌ᠢ ᠪᠤᠯᠤᠨ ᠠᠨᠲᠠ ᠬᠠᠮᠲᠤᠯᠢᠭᠤᠨ ᠦᠨᠢᠶ᠋ᠢᠨ ᠬᠠᠮᠲᠤᠷᠠᠨ ᠨᠠᠢᠷᠠᠭᠤᠯᠤᠬ᠍ᠰᠠᠨ 《ᠵᠠᠩᠭᠠᠷᠤᠨ ᠮᠠᠬ᠍ᠲᠠᠭᠠᠯ》 ᠪᠠᠭᠠᠲᠤᠷ ᠵᠠᠩᠭᠠᠷᠤᠨ ᠦᠯᠢᠬᠡᠷ ᠪᠤᠯᠤᠨ ᠪᠤᠷᠬᠠᠨ ᠪᠤᠮᠪᠠᠶ᠋ᠢᠨ ᠤᠷᠤᠨᠤ ᠲᠤᠬᠠᠢ ᠰᠠᠢᠬᠠᠨ ᠮᠦᠷᠦᠭᠡᠲᠦᠯᠢ ᠬᠠᠢᠯᠠᠭ᠍ᠰᠠᠭᠠᠷ ᠭᠤᠷᠪᠠᠲᠤᠭᠠᠷ ᠪᠦᠯᠦᠭᠤᠨ ᠬᠦᠱᠢᠭᠡᠶ᠋ᠢ ᠢᠷᠠᠯᠠ᠃
ᠦᠵᠦᠮᠦᠴᠢᠨ ᠠᠷᠠᠳᠤᠨ ᠲᠠᠭᠤᠤ 《ᠡᠵᠢᠳᠡᠭᠡᠨ ᠡᠷᠬᠦᠬᠦ᠌ ᠲᠠᠭᠤᠤ》᠂ ᠤᠷᠴᠦᠨᠴᠤᠳᠤᠨ ᠡᠭᠡ ᠪᠠᠢᠭᠠᠯᠢᠪᠠᠨ ᠮᠠᠬ᠍ᠲᠠᠨ ᠲᠠᠭᠤᠯᠠᠬ᠍ᠰᠠᠨ 《ᠬᠠᠨᠭ᠌ᠭᠠᠢ ᠮᠢᠨᠢ》 ᠵᠡᠷᠭᠡ ᠨᠤᠲᠤᠭ ᠨᠤᠲᠤᠭᠤᠨ ᠤᠨᠴᠠᠯᠢᠭ᠂ ᠤᠬ᠍ᠰᠠᠭᠠᠲᠠᠨ ᠶᠠᠰᠦᠲᠠᠨᠤ ᠬᠠᠢᠷᠠ ᠰᠡᠳᠭᠢᠯᠬᠡᠶ᠋ᠢ ᠲᠤᠰᠭᠠᠬ᠍ᠰᠠᠨ ᠲᠠᠭᠤᠤᠨᠤᠭᠤᠳ ᠦᠳᠡᠱᠢᠯᠡᠭᠡᠶ᠋ᠢ ᠤᠷᠬᠢᠯᠳᠤᠨᠢ ᠬᠦᠷᠭᠡᠵᠦ᠍᠂ ᠠᠨᠲᠠ ᠬᠠᠮᠲᠤᠯᠢᠭᠤᠨ ᠪᠦᠬᠡᠴᠤᠳ · ᠨᠠᠷᠠᠰᠦᠶ᠋ᠢᠨ ᠵᠤᠬᠢᠶᠠᠬ᠍ᠰᠠᠨ 《ᠱᠢᠪᠠᠭᠤᠨ ᠰᠠᠷᠠᠯ》 ᠬᠦᠭ᠌ᠵᠢᠮᠨᠢ ᠰᠦᠮᠡᠢᠨ ᠰᠦᠮᠡᠢᠨ ᠬᠠᠷᠠᠭ᠍ᠲᠠᠬᠤ ᠰᠦᠡᠭ᠌ᠵᠢᠳᠮᠠᠶ᠋ᠢᠨ ᠨᠤᠲᠤᠭ ᠤᠷᠤᠭᠤ ᠲᠡᠮᠡᠦᠯᠬᠦ᠌ ᠱᠢᠪᠠᠭᠤᠨ ᠰᠠᠷᠠᠯᠢ ᠨᠢᠲᠦᠨᠳᠤ ᠦᠵᠡᠭ᠌ᠳᠡᠬᠦᠯᠵᠦ᠍᠂ ᠵᠤᠷᠢᠬ᠍ᠰᠠᠨ ᠭᠠᠵᠠᠷᠲᠠᠭᠠᠨ ᠵᠠᠪᠠᠯ ᠬᠦᠷᠳᠡᠭ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠦᠵᠡᠭ᠌ᠴᠢᠳᠤᠨ ᠰᠡᠳᠭᠢᠯᠳᠤ ᠬᠠᠲᠠᠩᠱᠢᠭᠤᠯᠤᠯᠠ᠃ ᠦᠳᠡᠱᠢᠯᠡᠭᠡᠶ᠋ᠢᠨ ᠬᠠᠮᠤᠭᠤᠨ ᠰᠡᠬᠦᠯᠳᠤ 《ᠮᠠᠬ᠍ᠲᠠᠭᠠᠯ ᠲᠠᠭᠤᠤ》 ᠶ᠋ᠢᠨ ᠠᠶᠠᠰ ᠴᠤᠤᠷᠢᠶᠠᠲᠤᠬᠤᠳᠤ ᠲᠠᠯᠠᠪᠠᠢ ᠲᠦᠬᠦᠷᠡᠩ ᠦᠵᠡᠭ᠌ᠴᠢᠳ ᠠᠶᠠᠶ᠋ᠢᠲᠠᠭᠠᠨ ᠲᠠᠭᠤᠯᠠᠵᠦ᠍᠂ ᠦᠳᠡᠱᠢᠯᠡᠭᠡ ᠮᠠᠨᠢ ᠨᠢᠵᠢᠬᠢᠨᠡᠭ᠌ᠰᠡᠨ ᠠᠯᠠᠭᠠ ᠲᠠᠱᠢᠯᠲᠠ ᠲᠤᠮᠲᠠ ᠲᠡᠬᠦᠯᠳᠡᠷ ᠰᠠᠢᠬᠠᠨ ᠵᠢᠷᠭᠠᠵᠠᠢ᠃
2014 ᠤᠨᠠᠴᠠ ᠤᠲᠤ ᠪᠤᠯᠲᠠᠯᠠ᠂ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠲᠤᠭᠤᠱᠢᠯᠠᠭᠤᠯᠤᠨ ᠲᠤᠰᠭᠠᠬ᠍ᠰᠠᠨ ᠤᠷᠠᠨ ᠵᠢᠷᠤᠭᠤᠨ ᠦᠵᠡᠰᠭᠦᠯᠡᠩ᠂ ᠲᠠᠭᠤᠤ ᠪᠦᠵᠢᠭᠤᠨ ᠦᠳᠡᠱᠢᠯᠡᠭᠡ᠂ ᠪᠤᠲᠠᠲᠦ ᠦᠵᠡᠭ᠌ᠳᠡᠯᠲᠦ ᠵᠦᠴᠦᠭᠡ ᠭᠡᠳ ᠮᠠᠨᠤ ᠤᠷᠤᠨᠤ ᠰᠤᠶᠤᠯ ᠤᠷᠠᠯᠢᠭᠤᠨ ᠠᠵᠢᠯᠲᠠᠳ ᠮᠠᠨᠢ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠤᠷᠠᠨ ᠪᠦᠲᠦᠭᠡᠯᠳᠡᠭᠡᠨ ᠲᠡᠲᠦᠢ ᠪᠢᠰᠢ ᠤᠯᠠᠨ ᠲᠦᠮᠡᠨᠤ ᠰᠡᠳᠭᠢᠯᠳᠤ ᠬᠠᠲᠠᠩᠱᠢᠭᠤᠯᠤᠬ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠪᠢᠯᠡ᠃ ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠᠨᠢ ᠨᠢᠬᠡᠨᠳᠡ ᠤᠷᠤᠭ᠍ᠰᠢ ᠠᠬᠢᠵᠦ᠍ ᠦᠬᠡᠳᠡᠯᠡᠨ ᠲᠠᠪᠱᠢᠬᠤ ᠪᠦᠯᠬᠦᠮᠳᠡᠨ ᠤᠷᠤᠭ᠍ᠰᠢᠯᠠᠬᠤ ᠵᠤᠷᠢᠭ ᠰᠠᠨᠠᠭᠠᠨᠤ ᠬᠡᠢᠮᠦᠷᠢ ᠪᠤᠯᠵᠦ᠍ ᠦᠪᠦᠷ ᠮᠤᠩᠭᠤᠯᠴᠤᠳ ᠪᠦᠬᠦᠨᠤ ᠰᠡᠳᠭᠢᠯᠳᠤ ᠡᠷᠡᠮᠡᠬᠡᠢᠯᠡᠨ ᠲᠠᠪᠬᠢᠬ᠍ᠰᠠᠭᠠᠷ ᠁