ᠡᠪᠦᠯ ᠤ᠋ᠨ ᠨᠠᠷᠠᠨ ᠴᠠᠭᠠᠨ ᠬᠦᠷᠢᠶᠡ ᠳᠠᠳᠠᠨ ᠦᠨᠳᠦᠷ ᠲᠦ᠍ ᠲᠡᠭᠲᠡᠵᠦ ᠬᠦᠳᠡᠭᠡ ᠵᠢᠨ ᠨᠢᠭᠡᠨ ᠡᠳᠦᠷ ᠡᠬᠢᠯᠡᠭᠰᠡᠨᠢ ᠵᠠᠷᠯᠠᠨᠠ᠃ ᠭᠤᠤᠯ ᠤ᠋ᠨ ᠳᠡᠨᠵᠢ ᠵᠢ ᠳᠡᠷᠡᠯᠡᠨ ᠰᠠᠭᠤᠬᠰᠠᠨ ᠠᠢᠯ ᠤ᠋ᠨ ᠲᠠᠬᠢᠶᠠ ᠡᠵᠡᠨ ᠵᠢᠡᠨ ᠲᠠᠭᠣᠲᠠᠬᠣ ᠭᠡᠰᠡᠨ ᠮᠠᠶᠢᠬᠲᠠᠢ ᠭᠤᠷᠪᠠ ᠳᠤᠤᠭᠠᠷᠬᠤ ᠳ᠋ᠦ᠂ ᠰᠦᠨᠢ ᠵᠢᠨ ᠬᠦᠢᠳᠡᠨ ᠳ᠋ᠦ ᠬᠦᠷᠦᠵᠤ ᠬᠦᠢᠴᠡᠭᠰᠡᠨ ᠬᠠᠨᠵᠤᠨ ᠳᠡᠭᠡᠷᠡ ᠡᠴᠡ ᠪᠠᠨ ᠭᠠᠷᠪᠤ ᠬᠦᠭᠰᠢᠨ ᠰᠡᠭᠦᠷᠡᠰᠦ ᠠᠯᠳᠠᠨ ᠪᠠᠭᠤᠯᠠ᠃ ᠭᠠᠳᠠᠨᠠ ᠲᠠᠰᠣᠯᠭᠠᠨ ᠡᠴᠡ ᠴᠠᠢ ᠵᠢᠨ ᠦᠨᠦᠷ ᠬᠠᠩᠬᠤᠯᠵᠤ᠂ ᠬᠦᠦ ᠨᠢ ᠵᠤᠷᠰᠢᠯ ᠶᠤᠰᠤᠭᠠᠷ ᠮᠠᠯ ᠰᠦᠷᠦᠭᠶ᠋ᠢᠡᠨᠲᠦᠪᠬᠢᠨᠠᠭᠦᠯᠴᠢᠬᠡᠭᠡᠳᠦᠷᠯᠦᠭᠡᠨ ᠤ᠋ ᠴᠠᠢ ᠪᠠᠨ ᠤᠤᠭᠤᠵᠦ ᠰᠠᠭᠣᠨᠠ᠃
— ᠲᠤᠭᠤᠯ ᠴᠢᠨᠢ ᠶᠠᠭᠠᠬᠢᠵᠤ ᠪᠠᠢᠨᠠ᠃ ᠨᠡᠮᠨᠡᠬᠦ ᠴᠢᠬᠤᠯᠠ ᠦᠭᠡᠢ ᠪᠢᠵᠠ？ ᠭᠡᠵᠦ ᠬᠦᠭᠰᠢᠨ ᠠᠰᠠᠭᠣᠯᠠ᠃
— ᠨᠡᠮᠨᠡᠬᠦ ᠬᠡᠷᠡᠭ ᠦᠭᠡᠢ ᠭᠡᠳ ᠬᠦᠦ ᠨᠢ ᠭᠠᠷ ᠤᠳᠠᠰᠤ ᠪᠠᠨ ᠱᠠᠭᠠᠢᠨᠠ᠃
— ᠭᠠᠯ ᠤ᠋ᠨ ᠳᠠᠬᠢᠯ ᠵᠢᠠᠨ ᠡᠷᠭᠦᠴᠢᠬᠡᠪᠡᠦ？ ᠭᠡᠵᠤ ᠬᠦᠭᠰᠢᠨ ᠳᠠᠬᠢᠭᠠᠳ ᠯᠠᠪᠯᠠᠪᠠ᠃
ᠬᠦᠦ ᠨᠢ ᠬᠠᠷᠢᠭᠤ ᠦᠴᠢᠭᠰᠡᠨ ᠦᠭᠡᠢ ᠲᠤᠯᠤᠭᠠᠢ ᠲᠤᠬᠢᠨᠠ᠃
ᠠᠮᠠ ᠨᠡᠭᠡᠭᠡᠪᠡᠯ ᠠᠯᠳᠠ ᠤᠨᠠᠴᠢᠬᠠᠪᠠᠣ ᠭᠡᠮᠡᠷ ᠦᠭᠡ ᠲᠠᠭᠣ ᠴᠦᠭᠡᠨᠲᠠᠢ ᠡᠨᠡ ᠬᠦᠦ ᠵᠢ ᠪᠢᠯᠢᠭ ᠭᠡᠳᠡᠭ᠃ ᠬᠡᠲᠦᠢᠪᠡᠷ ᠡᠨᠡ ᠵᠢᠯ ᠭᠤᠴᠢᠨ ᠲᠤᠯᠤᠭᠠ ᠬᠦᠷᠦᠭᠰᠡᠨ ᠭᠡᠲᠡᠭ ᠴᠦ᠍ ᠦᠶᠡ ᠬᠤᠷᠠᠭ ᠤ᠋ᠨ ᠬᠦᠮᠦᠰ ᠵᠢᠠᠨ ᠰᠢᠭ ᠠᠪᠠᠭᠠᠢ ᠬᠡᠦᠬᠡᠳ ᠭᠡᠵᠤ ᠦᠭᠡᠢ ᠭᠤᠤᠨᠢ ᠪᠡᠶᠡ ᠭᠤᠵᠤᠩ ᠲᠤᠯᠤᠭᠠᠢ ᠶᠠᠪᠤᠬᠤ ᠨᠢ ᠬᠦᠭᠰᠢᠨ ᠡᠵᠢ ᠵᠢᠨ ᠬᠢᠨᠢ ᠰᠡᠳᠬᠢᠯ ᠤ᠋ᠨ ᠡᠪᠡᠳᠴᠢᠨ᠂ ᠰᠠᠳᠤᠨ ᠲᠦᠷᠦᠯ ᠤ᠋ᠨ ᠬᠢᠨ ᠤ᠋ ᠰᠠᠨᠠᠭᠠᠰᠢᠷᠠᠬᠣ ᠲᠣᠮᠣ ᠶᠠᠪᠤᠳᠠᠯ ᠪᠤᠯᠵᠠᠢ᠃
ᠬᠦᠦ ᠪᠠᠨ ᠢᠳᠡᠭᠡᠵᠤ ᠶᠠᠳᠠᠬᠰᠠᠨ ᠭᠠᠷᠪᠤ ᠬᠦᠭᠰᠢᠨ ᠮᠠᠢᠵᠢᠬᠢᠨᠠᠨ ᠠᠯᠬᠤᠵᠦ ᠮᠠᠯ ᠤ᠋ᠨ ᠬᠠᠰᠢᠶᠠ ᠪᠠᠨ ᠨᠢᠭᠡ ᠲᠤᠭᠤᠷᠢᠭᠠᠳ ᠰᠠᠶᠢ ᠰᠠᠨᠠᠭᠠ ᠠᠮᠠᠷᠠᠵᠤ᠄《ᠬᠦᠭᠡᠷᠦᠬᠦᠢ ᠡᠨᠡ ᠬᠦᠢᠳᠡᠨ ᠳ᠋ᠦ ᠪᠠᠭᠠᠰᠤ ᠠᠯᠳᠠᠬᠰᠠᠨ ᠴᠦ᠍ ᠦᠭᠡᠢ ᠤᠪᠤᠭᠠ ᠳᠠᠮᠢᠷ ᠲᠠᠢ ᠲᠦᠯ ᠪᠠᠢᠨᠠ》ᠭᠡᠵᠤ ᠲᠦᠲᠦᠨᠡᠭᠰᠡᠭᠡᠷ ᠭᠡᠷ ᠲᠡᠭᠡᠨ ᠣᠷᠣᠵᠦ ᠢᠷᠡᠪᠡ᠃
ᠭᠠᠷᠪᠣ ᠬᠦᠭᠰᠢᠨ ᠲᠤᠯᠭᠠ ᠵᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠰᠢᠭ᠋ ᠭᠤᠷᠪᠠᠨ ᠬᠦᠦ ᠲᠠᠢ᠃ ᠬᠤᠶᠠᠷ ᠬᠦᠦ ᠨᠢ ᠠᠢᠯ ᠭᠡᠷ ᠪᠤᠯᠵᠤ᠂ ᠬᠠᠶᠠ ᠠᠷᠢᠬᠢ ᠳᠠᠷᠠᠰᠤ ᠭᠡᠵᠤ ᠬᠡᠷᠡᠭᠦᠯ ᠴᠤᠤᠬᠢᠶᠠᠨ ᠪᠤᠯᠳᠠᠭᠢ ᠭᠠᠷᠭᠠᠪᠠᠯ ᠠᠢᠯ ᠠᠢᠮᠠᠬ ᠲᠠᠭᠠᠨ ᠵᠡᠭᠡᠭᠰᠡᠨ ᠠᠮᠢᠲᠣᠷᠠᠯ ᠲᠠᠢ ᠵᠣᠪᠠᠬᠣ ᠵᠦᠢᠯ ᠠᠯᠠᠭᠠ᠃ ᠤᠳᠬᠤᠨ ᠬᠦᠦ ᠪᠢᠯᠢᠭ ᠨᠢ ᠦᠨᠦ ᠪᠣᠯᠲᠠᠯᠠ ᠭᠠᠬᠴᠠ ᠪᠡᠶᠡ ᠪᠠᠢᠵᠦ᠂ ᠤᠤᠯ ᠳ᠋ᠠᠭᠠᠨ ᠬᠡᠦᠬᠡᠨ ᠳᠠᠨᠢᠯᠴᠠᠭᠤᠯᠪᠠᠯ ᠪᠠᠰᠠ ᠠᠭᠤᠯᠵᠠᠵᠤ ᠶᠠᠷᠢᠯᠴᠠᠳᠠᠭ ᠪᠠᠢᠬᠰᠠᠨ ᠡᠴᠡ ᠪᠠᠨ ᠤᠳᠤ ᠪᠦᠷ ᠠᠭᠤᠯᠵᠠᠵᠤ ᠤᠴᠠᠷᠠᠬᠤ ᠳᠤᠷᠠ ᠦᠭᠡᠢ ᠪᠤᠯᠵᠤ᠂ ᠭᠠᠬᠴᠠᠭᠠᠷ ᠵᠢᠠᠨ ᠭᠡᠷ ᠲᠡᠭᠡᠨ ᠣᠶᠠᠬᠲᠠᠲᠠᠬ ᠪᠣᠯᠵᠠᠢ᠃
ᠭᠠᠷᠪᠣ ᠬᠦᠭᠰᠢᠨ ᠴᠠᠢ ᠪᠠᠨ ᠤᠭᠤᠴᠢᠭᠠᠳ ᠬᠤᠷᠤᠳ ᠬᠡᠮᠡᠯᠢᠨ ᠰᠠᠭᠤᠬᠤ ᠬᠦᠦ ᠪᠠᠨ ᠨᠢᠭᠡ ᠬᠠᠷᠠᠵᠤ᠂ ᠣᠨᠲᠣᠢ ᠰᠣᠨᠲᠣᠢ᠂ ᠡᠮᠬᠢ ᠲᠢᠭᠯᠢᠮ ᠵᠢᠠᠨ ᠪᠠᠷᠠᠬᠰᠠᠨ ᠭᠡᠷ ᠲᠣᠲᠣᠷᠠᠬᠢᠶᠢ ᠲᠤᠭᠤᠷᠢᠭᠤᠯᠵᠤ ᠠᠵᠢᠯᠠ᠃
ᠬᠦᠦ ᠵᠢᠨ ᠬᠢᠨᠢ ᠰᠢᠪᠠᠷ ᠰᠢᠷᠤᠢ ᠳ᠋ᠦ ᠪᠢᠯᠳᠠᠬᠰᠠᠨ ᠱᠠᠬᠠᠢ ᠬᠠᠭᠠᠰ ᠰᠠᠷᠠ ᠬᠦᠳᠡᠯᠦᠭᠰᠡᠨ ᠦᠭᠡᠢ ᠬᠡᠪ ᠶ᠋ᠢᠡᠷ ᠡᠭᠦᠳᠡᠨ ᠲᠣᠰᠢᠶᠠ ᠬᠠᠶᠠᠬᠲᠠᠵᠦ᠂ ᠬᠠᠵᠠᠭᠤ ᠳ᠋ᠤᠨᠢ ᠬᠠᠭᠣᠴᠢᠷᠠᠵᠦ ᠦᠩᠭᠡ ᠨᠢ ᠲᠠᠨᠢᠬᠲᠠᠬᠣ ᠪᠠᠨ ᠪᠣᠯᠢᠬᠰᠠᠨ ᠤᠢᠮᠤᠰᠤ᠂ ᠰᠢᠬᠢᠷ ᠤ᠋ᠨ ᠴᠠᠭᠠᠰᠤ ᠦᠷᠬᠦᠯᠵᠢᠯᠡᠨᠡ᠃ ᠬᠠᠨᠠ ᠵᠢᠨ ᠦᠨᠴᠦᠭ ᠲᠠᠭᠠᠣ ᠣᠲᠣᠭᠠ ᠲᠤᠭᠤᠰᠤ ᠪᠦᠷᠬᠦᠵᠦ᠂ ᠤᠬᠢᠶᠠᠬᠤ ᠪᠤᠯᠤᠬᠰᠠᠨ ᠬᠤᠪᠴᠠᠰᠤ ᠲᠡᠪᠡᠯ ᠤᠷᠤ ᠵᠢᠨ ᠢᠷᠮᠡᠭ ᠬᠢᠷᠢᠲᠡᠢ ᠦᠨᠳᠦᠷ ᠤᠪᠤᠭᠠᠯᠠᠭᠠᠰᠤᠳᠠᠢ ᠪᠠᠢᠯᠠ᠃ ᠭᠠᠷᠪᠣ ᠬᠦᠭᠰᠢᠨ ᠬᠠᠷᠠᠬᠤ ᠳᠤᠳᠤᠮ ᠦᠯᠦ ᠮᠡᠳᠡᠭ ᠠᠭᠣᠷ ᠲᠦᠷᠦᠵᠦ᠂ ᠠᠶᠠᠭᠠ ᠲᠠᠢ ᠴᠠᠢ ᠪᠠᠨ ᠳᠠᠬᠢᠨᠳᠠ ᠤᠭᠤᠴᠢᠯᠠ᠃ ᠲᠡᠭᠡᠭᠡᠳ ᠠᠶᠠᠭᠠ ᠪᠠᠨ ᠰᠢᠷᠡᠭᠡᠨ ᠳ᠋ᠦ ᠳᠠᠯᠪᠢᠬᠤ ᠳ᠋ᠠᠭᠠᠨ ᠨᠦᠬᠦᠭᠡ ᠠᠶᠠᠭᠠ ᠨᠢ ᠬᠠᠯᠳᠠᠷ ᠡᠷᠢᠶᠡᠨ ᠪᠤᠯᠤᠬᠰᠠᠨ ᠢ᠋ ᠤᠯᠵᠤ ᠬᠠᠷᠠᠪᠠ᠃
ᠲᠡᠷᠡᠬᠡᠨ ᠮᠦᠴᠡ ᠳ᠋ᠦ ᠬᠦᠭᠰᠢᠨ ᠪᠡᠶᠡ ᠪᠡᠨ ᠪᠠᠷᠢᠵᠤ ᠶᠠᠳᠠᠨ ᠠᠭᠤᠷᠯᠠᠵᠤ᠄《ᠤᠳᠤ ᠬᠡᠳᠦᠨ ᠡᠳᠦᠷ ᠡᠴᠡ ᠰᠢᠨᠡᠯᠡᠬᠦ ᠭᠡᠵᠤ ᠪᠠᠢᠨᠠ᠃ ᠡᠨᠡ ᠭᠡᠷ ᠢ᠋ ᠦᠵᠡ ᠯᠡ ᠳᠠ᠂ ᠡᠭᠦᠳᠡ ᠤᠷᠤᠬᠤ ᠡᠴᠡ ᠠᠪᠤᠭᠠᠳ ᠡᠷᠦᠢ ᠬᠤᠷᠤᠢ ᠦᠭᠡᠢ᠃ ᠡᠳᠦᠷᠵᠢᠨ ᠶᠠᠭᠤ ᠪᠤᠳᠤᠵᠤ ᠪᠠᠢᠨᠠ ？ ᠬᠡᠷᠪᠡ ᠨᠢᠭᠡ ᠪᠡᠷᠢ ᠲᠠᠢ ᠪᠠᠢᠬᠰᠠᠨ ᠪᠤᠯ ᠪᠢᠳᠡ ᠢᠩᠬᠢᠵᠤ ᠠᠮᠢᠳᠤᠷᠠᠨᠠ ᠦᠦ？ ᠲᠠᠯᠠ ᠭᠠᠷᠣᠬᠰᠠᠨ ᠨᠠᠮᠠᠶ᠋ᠢ ᠪᠠᠰᠠ ᠠᠷᠪᠠᠨ ᠨᠠᠢ᠍ᠮᠠᠳᠠᠢ ᠠᠳᠠᠯᠢ ᠵᠠᠷᠤᠨᠠ ᠦᠦ？》ᠭᠡᠵᠤ ᠠᠬᠰᠣᠮᠨᠠᠵᠦ ᠭᠠᠷᠤᠯᠠ᠃
ᠪᠢᠯᠢᠭ ᠬᠦᠦ ᠡᠵᠢ ᠪᠠᠨ ᠬᠠᠷᠠᠬᠰᠠᠨ ᠵᠢᠠᠨ ᠠᠶᠠᠭᠠᠨ ᠳ᠋ᠤᠨᠢ ᠴᠠᠢ ᠠᠶᠠᠭᠠᠯᠠᠵᠤ ᠦᠭᠬᠦᠭᠡᠳ ᠭᠡᠷ ᠶ᠋ᠢᠡᠨ ᠲᠢᠭᠯᠡᠬᠦ ᠪᠡᠷ ᠪᠣᠵᠢᠬᠢᠨᠠᠵᠦ ᠭᠠᠷᠪᠠ᠃ ᠲᠡᠬᠦᠨ ᠳ᠋ᠦ ᠠᠪᠴᠤ ᠬᠡᠯᠡᠪᠡᠯ ᠡᠵᠢ ᠨᠢ ᠡᠳᠦᠷ ᠪᠤᠯᠭᠠᠨ ᠤᠩᠰᠢᠳᠠᠭ ᠨᠤᠮ ᠵᠢᠠᠨ ᠡᠬᠢᠯᠡᠵᠤ ᠤᠩᠰᠢᠵᠤ ᠪᠠᠢᠭᠠ ᠲᠡᠷᠡ᠃ ᠭᠡᠪᠡᠴᠦ ᠲᠡᠷᠡ ᠡᠵᠢ ᠪᠠᠨ ᠶᠡᠬᠡ ᠠᠭᠤᠷᠯᠠᠭᠣᠯᠵᠤ ᠡᠪᠡᠳᠴᠢᠨ ᠠᠷᠬᠠᠭ ᠤᠯᠬᠤ ᠡᠴᠡ ᠬᠢᠴᠢᠶᠡᠵᠤ᠂ ᠠᠯᠢ ᠴᠢᠲᠠᠬᠣᠢᠴᠠ ᠪᠡᠷ ᠠᠭᠤᠷ ᠢ᠋ ᠨᠢ ᠳᠠᠢᠳᠬᠤᠷᠠᠭᠤᠯᠬᠤ ᠵᠢ ᠪᠤᠳᠤᠨᠠ᠃
ᠭᠡᠷ ᠲᠢᠭᠯᠡᠵᠦ ᠮᠣᠩᠭᠠᠨᠢᠬᠣ ᠬᠦᠦ ᠪᠠᠨ ᠬᠠᠷᠠᠵᠤ᠂ ᠠᠭᠤᠷ ᠨᠢ ᠨᠠᠮᠳᠠᠬᠰᠠᠨ ᠭᠠᠷᠪᠣ ᠬᠦᠭᠰᠢᠨ᠄《ᠦᠴᠦᠭᠡᠳᠦᠷ ᠬᠡᠳᠦᠢ ᠪᠠᠩᠰᠢ ᠪᠠᠷᠢᠵᠦ ᠲᠠᠯᠪᠢᠪᠠ ᠳᠠ？》 ᠭᠡᠵᠤ ᠠᠰᠠᠭᠤᠯᠠ ᠃
《ᠢᠯᠡᠭᠦᠦ ᠭᠡᠷ ᠲᠦ᠍ ᠪᠠᠢᠨᠠ》ᠭᠡᠵᠤ ᠪᠢᠯᠢᠭ ᠬᠦᠦ ᠨᠠᠮ ᠲᠣᠣᠭᠠᠷᠪᠠ᠃
ᠭᠠᠷᠪᠣ ᠬᠦᠭᠰᠢᠨ ᠬᠦᠯ ᠵᠢᠠᠨ ᠴᠢᠷᠴᠦ᠂ ᠢᠯᠡᠭᠦᠦ ᠭᠡᠷ ᠲᠡᠬᠡᠨ ᠤᠷᠤᠵᠤ ᠦᠵᠡᠪᠡᠯ ᠠᠮᠪᠠᠨ ᠳᠡᠭᠡᠷᠡ ᠨᠢᠭᠡ ᠮᠠᠳᠠᠢ ᠲᠠᠢ ᠶᠠᠭᠤᠮᠠ ᠲᠠᠯᠪᠢᠬᠣ ᠬᠠᠷᠠᠬᠲᠠᠨᠠ᠃ ᠭᠠᠢᠬᠠᠬᠰᠠᠨ ᠬᠦᠴᠦᠨ ᠳ᠋ᠡᠭᠡᠨ ᠣᠢᠷᠠᠲᠣᠨ ᠦᠵᠡᠪᠡᠯ ᠮᠠᠳᠠᠢ ᠲᠦᠭᠦᠷᠡᠩ ᠬᠦᠯᠳᠡᠭᠡᠭᠰᠡᠨ ᠪᠠᠩᠰᠢ ᠪᠠᠢᠵᠠᠢ᠃ ᠡᠭᠦᠨ ᠢ᠋ ᠦᠵᠡᠭᠰᠡᠨ ᠬᠦᠭᠰᠢᠨᠤ ᠠᠭᠤᠷ ᠢᠨᠢᠶᠡᠳᠦ ᠬᠤᠤᠰᠯᠠᠨ᠄《ᠡᠢᠮᠦ ᠠᠷᠪᠢᠨ ᠪᠠᠩᠰᠢ ᠪᠠᠷᠢᠭᠠᠳ ᠶᠠᠭᠠᠬᠢᠬᠣ ᠭᠡᠰᠡᠨ ᠪᠤᠢ？ ᠬᠡᠳᠦᠨ ᠭᠡᠢᠴᠢᠨ ᠢᠷᠡᠨᠡ ᠭᠡᠵᠤ ᠡᠢᠮᠦ ᠠᠷᠪᠢᠨ ᠪᠠᠷᠢᠬᠰᠠᠨ ᠪᠤᠢ？》ᠭᠡᠵᠤ ᠶᠡᠬᠡ ᠳᠠᠭᠤ ᠪᠡᠷ ᠠᠭᠤᠷᠯᠠᠨ ᠪᠠᠷᠬᠢᠷᠠᠵᠤ᠂ ᠬᠦᠦ ᠪᠠᠨ ᠬᠦᠴᠦᠳᠠᠢ ᠠᠯᠠᠭᠠᠳᠠᠵᠤ ᠠᠪᠤᠯᠠ᠃
ᠪᠢᠯᠢᠭ ᠬᠦᠦ ᠣᠢᠰᠢᠶᠠᠬᠰᠠᠨ ᠴᠦ᠍ ᠦᠭᠡᠢ ᠢᠨᠢᠶᠡᠭᠰᠡᠨ ᠬᠡᠪ ᠶ᠋ᠢᠡᠷ᠄ 《ᠬᠠᠮᠢᠶᠠ ᠦᠭᠡᠢ᠂ ᠨᠠᠮᠠᠶ᠋ᠢ ᠭᠡᠷ ᠲᠦ᠍ ᠦᠭᠡᠢ ᠦᠶᠡᠰ ᠲᠠ ᠪᠠᠩᠰᠢ ᠴᠢᠨᠠᠭᠠᠳ ᠢᠳᠡᠬᠦ ᠦᠭᠡᠢ ᠦᠦ ！ ᠠᠮᠠᠷ ᠰᠢᠳᠠ》 ᠭᠡᠪᠡ᠃
ᠡᠬᠦᠨᠢ ᠰᠣᠨᠣᠰᠣᠭᠠᠳ ᠭᠠᠷᠪᠣ ᠬᠦᠭᠰᠢᠨ᠄《ᠠᠢ᠂ ᠮᠢᠬᠠ ᠲᠤᠰᠤᠨ ᠤ᠋ ᠪᠠᠷᠠᠮᠠᠯ ᠡ ᠴᠢ！》 ᠭᠡᠵᠤ ᠢᠨᠢᠶᠡᠳᠦ ᠠᠯᠳᠠᠪᠠ᠃
ᠡᠵᠢ ᠵᠢᠨ ᠵᠢᠠᠨ ᠢᠨᠢᠶᠡᠬᠦ ᠵᠢ ᠦᠵᠡᠭᠰᠡᠨ ᠪᠢᠯᠢᠭ ᠬᠦᠦ ᠪᠠᠬᠠᠨ ᠠᠭᠤᠵᠢᠷᠠᠬᠤ ᠰᠢᠭ᠋ ᠪᠤᠯᠵᠣ᠂ ᠪᠦᠲᠦᠨ ᠰᠦᠨᠢ ᠪᠠᠷᠢᠬᠰᠠᠨ ᠪᠠᠩᠰᠢ ᠮᠠᠨᠢ ᠬᠡᠷᠡᠭ ᠲᠦ᠍ ᠬᠦᠷᠦᠭᠰᠡᠨ ᠬᠡᠮᠡᠨ ᠪᠣᠲᠣᠵᠦ ᠠᠮᠵᠢᠪᠠ᠃ ᠴᠠᠭᠠᠨ ᠰᠠᠷᠠ ᠲᠦᠬᠦᠬᠦ ᠪᠡᠷ ᠠᠢᠯ ᠪᠤᠯᠭᠠᠨ ᠭᠠᠲᠠᠨᠠ ᠲᠣᠳᠣᠨᠠᠶᠢᠨ ᠣᠯᠠᠨ ᠠᠵᠢᠯ ᠳ᠋ᠦ ᠶᠠᠭᠠᠷᠠᠲᠠᠬ ᠭᠡᠬᠦ ᠳ᠋ᠦ ᠡᠲᠡᠨᠡᠢᠬᠢᠨ ᠪᠤᠯ ᠬᠠᠷᠢᠨ ᠪᠢᠯᠢᠭ ᠬᠦᠦ ᠶ᠋ᠢᠨ ᠪᠡᠷᠢ ᠬᠡᠯᠡᠯᠴᠡᠬᠦ ᠡᠴᠡ ᠦᠭᠡᠷᠡ ᠵᠦᠢᠯ ᠶᠠᠷᠢᠳᠠᠭ ᠦᠭᠡᠢ᠃ ᠦᠩᠭᠡᠷᠡᠭᠰᠡᠨ ᠵᠢᠯ ᠠᠪᠤ ᠨᠢ ᠮᠦᠨ ᠴᠠᠭᠠᠨ ᠰᠠᠷᠠ ᠪᠡᠷ ᠪᠢᠯᠢᠭ ᠢ᠋ ᠪᠡᠷᠢ ᠬᠡᠯᠡᠯᠴᠡᠬᠦ ᠦᠭᠡᠢ ᠭᠡᠵᠤ ᠠᠭᠤᠷᠯᠠᠵᠤ᠂ ᠪᠡᠶᠡ ᠮᠠᠭᠤᠳᠠᠨ ᠬᠡᠳᠦᠨ ᠰᠠᠷᠠ ᠵᠢᠨ ᠳᠠᠷᠠᠭᠠ ᠦᠮᠡᠨ ᠡᠪᠡᠳᠴᠢᠨ ᠵᠢᠡᠷ ᠨᠠᠰᠤ ᠪᠠᠷᠠᠵᠠᠢ᠃
ᠲᠡᠷᠡ ᠴᠠᠬ ᠡᠴᠡ ᠬᠣᠢᠰᠢ ᠪᠢᠯᠢᠭ ᠬᠦᠦ ᠡᠵᠢ ᠵᠢ ᠪᠡᠨ ᠠᠭᠣᠷᠯᠠᠭᠣᠯᠬᠣ ᠡᠴᠡ ᠶᠡᠬᠡ ᠬᠢᠴᠢᠶᠡᠳᠡᠭ ᠪᠤᠯᠤᠬᠰᠠᠨ ᠶᠤᠮ᠃ ᠦᠨᠡᠨᠢ ᠬᠡᠯᠡᠪᠡᠯ᠂ ᠪᠢᠯᠢᠭ ᠬᠦᠦ ᠴᠦ᠍ ᠮᠦᠨ ᠬᠠᠨᠢ ᠢᠵᠢᠯᠢ ᠲᠠᠢ ᠪᠤᠯᠬᠤ ᠵᠢ ᠬᠦᠰᠡᠨᠡ᠃ ᠭᠡᠪᠡᠴᠦ ᠨᠢᠷᠤᠭᠤ ᠪᠠᠨ ᠡᠭᠦᠷᠦᠭᠰᠡᠨ ᠨᠢ ᠲᠡᠭᠦᠨ ᠢ᠋ ᠭᠤᠯᠤᠵᠤ᠂ ᠨᠢᠰᠤ ᠪᠠᠨ ᠴᠢᠷᠦᠭᠰᠡᠨ ᠢ᠋ ᠨᠢ ᠲᠡᠷᠡ ᠭᠤᠯᠤᠵᠤ ᠦᠨᠦ ᠬᠦᠷᠴᠠᠢ᠃ ᠡᠳᠦᠢ ᠪᠤᠯᠳᠠᠯᠠ ᠭᠠᠬᠴᠠᠭᠠᠷ ᠶᠠᠪᠣᠵᠦ ᠢᠷᠡᠭᠰᠡᠨ ᠬᠤᠢᠨᠠ᠂ ᠶᠠᠭᠠᠬᠢᠬᠰᠠᠨ ᠴᠦ᠍ ᠳᠤᠷᠠ ᠦᠭᠡᠢ ᠨᠢᠭᠡᠨ ᠲᠠᠢ ᠪᠠᠨ ᠰᠠᠭᠤᠬᠤ ᠦᠭᠡᠢ ᠭᠡᠵᠤ ᠲᠡᠷᠡ ᠲᠠᠰᠣ ᠪᠤᠳᠤᠵᠠᠢ᠃
ᠪᠢᠯᠢᠭ ᠰᠡᠢᠯᠦᠮᠡᠯ ᠤ᠋ᠨ ᠠᠵᠢᠯ ᠳ᠋ᠦ ᠭᠠᠷ ᠲᠡᠮᠲᠡᠢ᠃ ᠭᠡᠬᠦ ᠳ᠋ᠡᠬᠡᠨ ᠨᠤᠳᠤᠭ ᠤᠰᠤ᠂ ᠡᠵᠢ ᠡᠴᠡ ᠪᠠᠨ ᠰᠠᠯᠵᠦ ᠲᠦᠪᠲᠡᠬᠦ ᠦᠭᠡᠢ ᠬᠠᠭᠠᠰ ᠮᠠᠯᠴᠢᠨ ᠪᠤᠯᠵᠤ᠂ ᠬᠤᠳᠠ ᠬᠦᠳᠡᠭᠡ ᠵᠢᠨ ᠳᠤᠮᠳᠠ ᠬᠤᠶᠠᠷ ᠳᠡᠢᠰᠢ ᠬᠣᠯᠬᠢᠵᠦ ᠲᠠᠪᠬᠢᠭᠣᠯᠣᠨᠠ᠃ ᠵᠠᠶᠠᠭᠠᠨ ᠤ᠋ ᠬᠠᠨᠢ ᠵᠠᠮ ᠳᠡᠭᠡᠷᠡ ᠭᠡᠵᠤ ᠬᠡᠯᠡᠳᠡᠭ ᠴᠦ᠍ ᠲᠡᠭᠦᠨ ᠤ᠋ ᠵᠠᠮ ᠳᠡᠭᠡᠷᠡ ᠬᠠᠷᠢᠨ ᠬᠠᠢᠷᠠᠯᠠᠵᠤ ᠰᠠᠨᠠᠬᠰᠠᠨ ᠬᠦᠮᠦᠨ ᠨᠢ ᠬᠦᠯᠢᠶᠡᠵᠤ ᠪᠠᠢᠬᠰᠠᠨ ᠦᠭᠡᠢ᠃ ᠬᠤᠪᠢ ᠵᠠᠶᠠᠭᠠᠨ ᠤ᠋ ᠡᠷᠬᠡ ᠪᠡᠷ ᠭᠠᠬᠴᠠ ᠪᠡᠶᠡ ᠶᠠᠪᠤᠬᠤ ᠬᠦᠦ ᠪᠠᠨ ᠦᠷᠦᠪᠳᠡᠭᠰᠡᠨ ᠡᠵᠢ ᠨᠢ ᠠᠶᠤᠯᠭᠠᠵᠤ ᠰᠦᠷᠳᠡᠭᠦᠯᠬᠦ ᠪᠠ ᠠᠷᠭᠠᠲᠠᠵᠦ ᠭᠤᠶᠤᠬᠣ ᠠᠷᠭᠠ ᠪᠦᠬᠦᠨᠢ ᠬᠡᠷᠡᠭᠯᠡᠵᠦ ᠠᠷᠣ ᠡᠴᠡ ᠨᠢ ᠰᠢᠪᠠᠲᠠᠭᠣᠯᠣᠨᠠ᠃
《ᠡᠵᠢ ᠨᠢ ᠶᠠᠭᠠᠬᠢᠬᠣᠪ ᠳ᠋ᠠ᠂ ᠬᠡᠳᠦᠢ ᠡᠳᠦᠷ ᠠᠮᠢᠳᠤᠷᠠᠨᠠ ᠭᠡᠵᠢ᠂ ᠨᠠᠮᠠᠶ᠋ᠢ ᠶᠠᠪᠤᠬᠰᠠᠨ ᠬᠤᠢᠨᠠ ᠴᠢ ᠯᠠ ᠭᠠᠬᠴᠠᠭᠠᠷ ᠪᠤᠯᠤᠨᠠ ᠰᠢᠦ ！》 ᠭᠡᠵᠤ ᠭᠠᠷᠪᠣ ᠬᠦᠭᠰᠢᠨ ᠰᠡᠭᠦᠷᠡᠰᠤ ᠠᠯᠳᠠᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠪᠡᠨ ᠰᠠᠭᠤᠭᠠᠳ᠄《ᠬᠦᠭᠰᠢᠨ ᠡᠵᠢ ᠪᠠᠨ ᠪᠠᠷᠢ ᠲᠠᠢ ᠴᠢᠨᠢ ᠬᠡᠷᠡᠯᠳᠦᠵᠤ ᠤᠷᠤᠯᠳᠤᠬᠤ ᠡᠴᠡ ᠠᠶᠤᠬᠤ ᠬᠡᠷᠡᠭ ᠦᠭᠡᠢ᠂ ᠪᠠᠷᠢ ᠲᠠᠢ ᠪᠤᠯᠪᠠᠯ ᠪᠢ ᠠᠬᠠᠶᠢᠨ ᠳ᠋ᠦ ᠴᠢᠨᠢ ᠣᠴᠢᠨᠠ᠃ ᠪᠢ ᠬᠡᠯᠡᠯᠴᠡᠭᠡᠳ ᠲᠣᠬᠲᠠᠴᠢᠬᠠᠬᠰᠠᠨ᠂ ᠪᠡᠷᠬᠡᠨ ᠲᠠᠢ ᠴᠢᠨᠢ ᠡᠳᠦᠢ ᠵᠢᠯ ᠠᠭᠠᠰᠢ ᠵᠠᠩ ᠶ᠋ᠢᠡᠨ ᠮᠡᠳᠡᠴᠢᠭᠡᠬᠰᠡᠨ ᠶᠣᠮ᠂ ᠰᠠᠨᠠᠭᠠ ᠪᠤᠯᠬᠤ ᠴᠢᠬᠤᠯᠠ ᠦᠭᠡᠢ ᠁》 ᠭᠡᠵᠤ ᠶᠠᠷᠢᠨᠠ᠃
ᠵᠦᠭ ᠵᠦᠭ ᠲᠠᠬᠡᠨ ᠵᠢᠳᠬᠦᠭᠰᠡᠨ ᠡᠵᠢ ᠬᠦᠦ ᠬᠤᠶᠠᠭᠣᠯᠠ ᠭᠡᠷ ᠲᠡᠷᠬᠡ ᠪᠠᠨ ᠲᠢᠭᠯᠡᠨ ᠰᠢᠨᠡ ᠵᠢᠨ ᠪᠡᠯᠡᠳᠭᠡᠯ ᠳ᠋ᠦ ᠶᠠᠭᠠᠷᠠᠨᠠ᠃ ᠴᠣᠩᠬᠣᠨ ᠭᠠᠳᠠᠨᠠᠬᠢ ᠰᠠᠬᠯᠠᠭᠠᠷ ᠮᠤᠳᠤᠨ ᠳᠡᠭᠡᠷᠠ ᠰᠠᠭᠣᠬᠰᠠᠨ ᠠᠯᠠᠭ ᠱᠠᠭᠠᠵᠠᠭᠠᠢ ᠡᠳᠡ ᠬᠣᠶᠠᠭᠣᠯᠠᠶᠢᠨ ᠶᠠᠷᠢᠶᠠᠶᠢ ᠴᠢᠩᠨᠠᠬᠣ ᠮᠡᠲᠦ ᠱᠠᠬᠰᠢᠵᠦ ᠪᠠᠢᠯᠠ᠃