ᠲᠦᠷᠦ᠍ ᠲᠦᠪᠱᠢᠨ ᠲᠦᠮᠡᠨ ᠠᠮᠤᠭᠤᠯᠠᠩ ᠵᠢᠷᠭᠠᠯ ᠦᠭᠡᠳᠡ

ᠲᠡᠷᠢᠭᠦᠨ ᠡᠷᠭᠦᠮᠡᠭ᠌ᠴᠡ ᠦᠯᠵᠡᠢ ᠪᠠᠶᠠᠷ ᠡᠷᠦᠬᠡ ᠦᠭᠡᠳᠡ

ᠲᠤᠷᠤᠭᠤ ᠬᠡᠢᠰᠭᠡᠭ᠌ᠰᠡᠨ ᠬᠦᠮᠦᠰ᠎ᠤᠨ ᠠᠢᠯᠴᠢᠯᠠᠯᠳᠠ ᠮᠡᠨᠳᠦᠴᠢᠯᠡᠯ ᠦᠭᠡᠳᠡ

ᠲᠤᠰᠤ ᠦᠷᠦᠮ᠎ᠡ᠂ ᠠᠢᠷᠠᠭ ᠴᠡᠭᠡ ᠰᠦᠩ ᠦᠭᠡᠳᠡ

ᠲᠤᠭ᠍ᠯᠠᠵᠦ᠍ ᠨᠠᠭᠠᠳᠭᠤ ᠬᠡᠤᠬᠡᠳ ᠪᠠᠭᠠᠴᠤᠳ ᠬᠦᠰᠡᠯ ᠦᠭᠡᠳᠡ

ᠲᠦᠯᠦᠭᠡ ᠰᠡᠭᠦᠯ᠎ᠲᠠᠢ ᠱᠢᠨ᠎ᠡ ᠵᠢᠯ ᠦᠭᠡᠳᠡ ᠦᠭᠡᠳᠡ᠃

ᠲᠤᠯᠤᠭᠠᠳ ᠲᠠᠮᠵᠢᠭ᠍ᠰᠠᠨ ᠤᠷᠢᠬᠠᠨ ᠰᠠᠯᠬᠢ ᠲᠠᠯ᠎ᠠ ᠦᠭᠡᠳᠡ

ᠲᠤᠨᠤᠷᠠᠨ ᠴᠠᠢᠯᠵᠠᠬᠤ ᠭᠤᠤᠯ᠎ᠤᠨ ᠬᠠᠯᠢᠶ᠎ᠠ ᠬᠠᠪᠤᠷ ᠦᠭᠡᠳᠡ

ᠲᠡᠭᠡᠰᠦᠯᠡᠨ ᠢᠷᠡᠬᠦ᠌ ᠱᠢᠪᠠᠭᠤᠳ᠎ᠤᠨ ᠵᠢᠷᠭᠢᠭᠡ ᠲᠤᠯᠠᠭᠠᠨ ᠦᠭᠡᠳᠡ

ᠲᠠᠭᠤᠯᠠᠮᠠᠷ ᠲᠠᠭᠤᠯᠠᠮᠠᠷ ᠠᠮᠠᠷᠠᠭ᠎ᠤᠳ᠎ᠤᠨ ᠮᠦᠱᠢᠶᠡᠳᠦ ᠲᠡᠷᠭᠡᠯ ᠦᠭᠡᠳᠡ

ᠲᠠᠯᠠᠯᠭ᠎ᠠ ᠬᠤᠷᠤᠢ᠎ᠲᠠᠢ ᠮᠠᠯ᠎ᠤᠨ ᠬᠡᠱᠢᠭ ᠬᠦᠷᠢᠶ᠎ᠡ ᠦᠭᠡᠳᠡ

ᠲᠤᠷᠤᠮ ᠪᠦᠬᠦ᠌᠎ᠲᠠᠢ ᠱᠢᠨ᠎ᠠ ᠵᠢᠯ ᠦᠭᠡᠳᠡ ᠦᠭᠡᠳᠡ᠃

ᠪᠤᠷᠬᠠᠨ᠎ᠳᠤ ᠲᠠᠯᠪᠢᠭ᠍ᠰᠠᠨ ᠪᠤᠤᠪᠤ᠎ᠶ᠋ᠢᠨ ᠤᠷᠤᠢ ᠰᠦᠮᠪᠦᠷ ᠦᠭᠡᠳᠡ

ᠪᠤᠭᠤᠷᠤᠯ ᠨᠠᠰᠤᠳᠠᠨ᠎ᠳᠤ ᠪᠠᠷᠢᠭ᠍ᠰᠠᠨ ᠬᠠᠳᠠᠭ ᠢᠷᠦᠭᠡᠯ ᠦᠭᠡᠳᠡ

ᠪᠤᠶᠠᠨ ᠬᠡᠱᠢᠭ ᠪᠤᠳᠠᠭ᠎ᠠ ᠱᠢᠭ᠋ ᠠᠷᠪᠢᠵᠢᠨ ᠦᠷᠭᠦᠯᠵᠢ ᠦᠭᠡᠳᠡ

ᠪᠢᠯᠢᠭ ᠰᠤᠷᠭᠠᠯ ᠦᠪ ᠰᠤᠶᠤᠯ ᠬᠦᠮᠦᠵᠢᠯ ᠦᠭᠡᠳᠡ

ᠪᠤᠱᠤᠭ᠎ᠠ ᠠᠯᠬᠤᠭ᠍ᠰᠠᠨ ᠪᠠᠷᠰ ᠵᠢᠯ ᠰᠠᠢᠨ ᠰᠠᠢᠬᠠᠨ ᠦᠭᠡᠳᠡ

ᠪᠢᠷᠠᠭᠤ ᠪᠤᠯᠴᠢᠩ᠎ᠲᠠᠢ ᠱᠢᠨ᠎ᠡ ᠵᠢᠯ ᠦᠭᠡᠳᠡ ᠦᠭᠡᠳᠡ᠃

ᠬᠦᠪᠴᠢ᠎ᠶ᠋ᠢᠨ ᠨᠤᠭᠤᠭᠠᠨ ᠪᠠᠢᠭᠠᠯᠢ ᠠᠬᠤᠢ ᠤᠤᠭᠠᠯ ᠦᠭᠡᠳᠡ

ᠬᠤᠪᠤᠷ ᠴᠤᠬᠠᠭ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠬᠠᠮᠠᠭᠠᠯᠠᠯ ᠦᠭᠡᠳᠡ

ᠬᠦᠨᠳᠦᠯᠡᠵᠦ᠍ ᠠᠴᠢᠯᠠᠬᠤ᠂ ᠬᠦᠩᠭᠡᠮᠰᠦᠭ ᠲᠠᠷᠤᠤ ᠡᠯᠪᠡᠷᠢᠯ ᠦᠭᠡᠳᠡ

ᠬᠦᠳᠦᠰᠦᠨ ᠲᠡᠪᠡᠯ ᠶ᠋ᠢᠡᠨ ᠡᠮᠦᠰᠦᠭᠡᠳ ᠭᠠᠷᠬᠤ᠎ᠳᠤ ᠰᠦᠯᠳᠡ ᠦᠭᠡᠳᠡ

ᠬᠦᠷᠦᠭᠡᠳ ᠢᠷᠡᠭ᠌ᠰᠡᠨ ᠴᠠᠭᠠᠨ ᠰᠠᠷ᠎ᠠ ᠬᠦᠰᠡᠭ᠌ᠰᠡᠨ᠎ᠢᠶᠠᠷ ᠦᠭᠡᠳᠡ

ᠬᠦᠮᠦᠨ ᠪᠦᠬᠦᠨ ᠱᠢᠨ᠎ᠡ ᠵᠢᠯ᠎ᠳᠤ ᠦᠭᠡᠳᠡ ᠦᠭᠡᠳᠡ᠃

ᠢᠰᠡᠭᠡᠢ ᠤᠯᠪᠤᠭ᠎ᠲᠤ ᠠᠢᠯ ᠪᠦᠯᠢ ᠪᠠᠶᠠᠷ ᠦᠭᠡᠳᠡ

ᠢᠰᠭᠡᠵᠦ᠍ ᠲᠡᠵᠢᠭᠡᠭ᠌ᠰᠡᠨ ᠠᠢᠷᠠᠭ ᠰᠦ ᠬᠦᠷᠦᠩᠭᠡ ᠦᠭᠡᠳᠡ

ᠢᠯᠭᠢᠨ ᠪᠤᠭ᠍ᠴᠦ᠎ᠳᠤ ᠢᠳᠡᠭᠡ ᠲᠦᠭᠦᠷᠡᠩ ᠡᠷᠭᠢᠯᠳᠡ ᠦᠭᠡᠳᠡ

ᠢᠨᠲ᠋ᠧᠷ ᠰᠦᠯᠵᠢᠶ᠎ᠡ ᠱᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠲᠠᠶᠠᠭᠠᠷᠴᠢᠯᠠᠯ ᠦᠭᠡᠳᠡ

ᠶᠢᠷᠳᠢᠨᠴᠦ᠍ ᠎ᠶ᠋ᠢᠨ ᠬᠦᠮᠦᠰ ᠨᠢᠭᠡᠨ ᠭᠡᠷ ᠮᠡᠳᠦ ᠬᠠᠮᠲᠣ ᠦᠭᠡᠳᠡ

ᠢᠨᠢᠶᠡᠵᠦ᠍ ᠪᠠᠶᠠᠰᠤᠨ ᠢᠷᠡᠵᠦ᠍ ᠶᠠᠪᠤᠬᠤ ᠨᠠᠷᠠᠨ ᠦᠭᠡᠳᠡ᠃

ᠦᠷᠯᠦᠭᠡ ᠪᠤᠯᠭᠠᠨ ᠪᠠᠶᠠᠷ ᠪᠠᠶᠠᠰᠭᠤᠯᠠᠩ᠎ᠲᠠᠢ ᠦᠯᠡᠮᠵᠢ ᠦᠭᠡᠳᠡ

ᠤᠷᠠᠢ ᠬᠤᠷᠤᠢ ᠤᠤᠬᠠᠢ᠎ᠪᠠᠷ ᠪᠤᠯᠤᠭᠠᠳ ᠬᠡᠱᠢᠭ ᠦᠭᠡᠳᠡ

ᠤᠳᠭ᠎ᠠ ᠤᠷᠠᠯᠢᠭ ᠦᠩᠭᠡ ᠢᠯᠭᠠᠷᠠᠨ ᠠᠷᠠᠳ ᠲᠦᠮᠡᠨ ᠦᠭᠡᠳᠡ

ᠦᠩᠭᠡ᠎ᠲᠠᠢ ᠵᠢᠯ᠎ᠢᠶᠠᠨ ᠤᠭ᠍ᠳᠤᠬᠤ ᠱᠢᠯᠦᠭ᠎ᠤᠨ ᠰᠠᠨᠠᠭ᠎ᠠ ᠦᠭᠡᠳᠡ

ᠡᠳᠦᠷ᠎ᠠᠴᠠ ᠡᠳᠦᠷ ᠦᠭᠡᠳᠡᠯᠡᠨ ᠮᠡᠷᠡᠢᠵᠦ᠍ ᠲᠠᠪᠱᠢᠯᠳᠠ ᠦᠭᠡᠳᠡ

ᠤᠮ ᠰᠠᠢᠨ᠂ ᠤᠯᠠᠮ ᠰᠠᠢᠬᠠᠨ ᠵᠢᠷᠭᠠᠯᠠᠩ ᠦᠭᠡᠳᠡ᠃