1. ᠰᠢᠯᠦᠭ ᠶ᠋ᠢᠡᠷ ᠵᠣᠯᠭᠠᠬᠣ ᠴᠠᠭᠠᠨ ᠰᠠᠷᠠ
ᠪᠢᠴᠢᠲᠡᠭ ᠰᠢᠯᠦᠭ ᠮᠢᠨᠢ
ᠪᠣᠭᠣᠷᠣᠯᠤᠨ ᠵᠠᠬᠢᠬᠰᠠᠨ ᠰᠣᠷᠭᠠᠯ ᠶᠣᠮ ᠪᠣᠯᠬᠣᠷ
ᠰᠡᠳᠬᠢᠯ ᠶ᠋ᠢᠡᠷ ᠶ᠋ᠢᠡᠨ ᠪᠢ ᠲᠠᠲᠠᠯᠠᠭᠠᠳ
ᠰᠦᠬᠦᠷᠡᠨ ᠰᠦᠬᠦᠷᠡᠨ ᠵᠣᠯᠭᠠᠨᠠᠮ
ᠰᠠᠢᠨ ᠰᠠᠢᠬᠠᠨ ᠰᠢᠨᠡᠯᠡᠪᠡᠦ
ᠪᠠᠬᠠᠷᠬᠠᠲᠠᠬ ᠰᠢᠯᠦᠭ ᠮᠢᠨᠢ
ᠪᠣᠶᠠᠨᠲᠣ ᠰᠠᠷᠠᠶᠢᠨ ᠢᠷᠦᠭᠡᠯ ᠶᠣᠮ ᠪᠣᠯᠬᠣᠷ
ᠬᠠᠲᠠᠬ ᠲᠠᠭᠠᠨ ᠪᠢ ᠲᠣᠰᠣᠭᠠᠳ
ᠮᠦᠷᠬᠦᠨ ᠮᠦᠷᠬᠦᠨ ᠵᠣᠯᠭᠠᠨᠠᠮ
ᠮᠡᠨᠲᠦ ᠠᠮᠣᠷ ᠰᠢᠨᠡᠯᠡᠪᠡᠦ
ᠣᠶᠠᠩᠭᠠᠯᠠᠲᠠᠬ ᠰᠢᠯᠦᠭ ᠮᠢᠨᠢ
ᠣᠬᠠᠭᠠᠨ ᠲᠡᠬᠦᠯᠲᠡᠷ ᠮᠡᠨᠳᠦᠴᠢᠯᠡᠯ ᠶᠣᠮ ᠪᠣᠯᠬᠣᠷ
ᠠᠷᠠᠵᠠᠨ ᠳ᠋ᠠᠭᠠᠨ ᠪᠢ ᠬᠡᠮᠨᠡᠭᠡᠳ
ᠠᠶᠠᠯᠭᠣᠯᠠᠨ ᠠᠶᠠᠯᠭᠣᠯᠠᠨ ᠵᠣᠯᠭᠠᠨᠠᠮ
ᠠᠮᠣᠷ ᠪᠠᠶᠠᠰᠬᠣᠯᠠᠩ ᠰᠢᠨᠡᠯᠡᠪᠡᠦ
ᠲᠡᠭᠡᠵᠢᠯᠡᠲᠡᠭ ᠰᠢᠯᠦᠭ ᠮᠢᠨᠢ
ᠲᠡᠯᠭᠡᠷ ᠮᠣᠩᠭᠣᠯ ᠠᠮᠢᠲᠣᠷᠠᠯ ᠶᠣᠮ ᠪᠣᠯᠬᠣᠷ
ᠲᠡᠪᠡᠯ ᠳ᠋ᠡᠭᠡᠨ ᠪᠢ ᠪᠠᠬᠲᠠᠭᠠᠳ
ᠲᠠᠭᠣᠯᠠᠨ ᠬᠠᠢᠯᠠᠨ ᠵᠣᠯᠭᠠᠨᠠᠮ
ᠲᠠᠶᠠᠭᠠᠷ ᠠᠮᠣᠭᠣᠯᠠᠩ ᠰᠢᠨᠡᠯᠡᠪᠡᠦ
2. ᠰᠢᠯᠦᠭ ᠶ᠋ᠢᠡᠷ ᠡᠬᠢᠯᠡᠬᠦ ᠰᠢᠨᠡᠶᠢᠨ ᠬᠣᠶᠠᠷ
ᠰᠢᠨᠡᠶᠢᠨ ᠬᠣᠶᠠᠷᠢ ᠪᠢ ᠰᠢᠯᠦᠭ ᠪᠢᠴᠢᠵᠦ ᠡᠬᠢᠯᠡᠨᠡ
ᠰᠠᠢᠬᠠᠨ ᠴᠠᠬᠤᠨ ᠲᠣᠰᠢᠶᠠᠩᠭᠣᠢ ᠨᠠᠷᠠᠨᠤ ᠦᠷᠯᠦᠭᠡ ᠪᠡᠷ ᠲᠠᠲᠠᠯᠠᠨᠠ
ᠰᠠᠢᠨ ᠵᠦᠭᠤᠨ ᠲᠣᠪᠴᠢᠶᠠᠩᠭᠣᠢ ᠰᠠᠷᠠᠨᠤ ᠦᠯᠢᠭᠡᠷ ᠶ᠋ᠢᠡᠷ ᠵᠢᠷᠣᠨᠠ
ᠰᠡᠳᠬᠢᠯᠤᠨ ᠵᠦᠩᠤᠨ ᠬᠣᠷᠢᠶᠠᠩᠭᠣᠢ ᠬᠠᠲᠠᠬᠤᠨ ᠢᠷᠦᠭᠡᠯ ᠶ᠋ᠢᠡᠷ ᠲᠣᠰᠣᠨᠠ
ᠰᠠᠯᠬᠢᠨᠤ ᠦᠩᠤᠨ ᠲᠡᠯᠭᠡᠷᠡᠩᠬᠦᠢ ᠣᠯᠠᠷᠢᠯᠤᠨ ᠠᠨᠢᠷ ᠶ᠋ᠢᠡᠷ ᠠᠩᠬᠢᠯᠣᠨᠠ
ᠰᠢᠨᠡᠶᠢᠨ ᠬᠣᠶᠠᠷᠢ ᠪᠢ ᠰᠢᠯᠦᠭ ᠬᠡᠯᠬᠢᠵᠦ ᠡᠬᠢᠯᠡᠨᠡ
ᠪᠣᠷᠬᠠᠳᠤᠨ ᠭᠡᠷᠡᠯᠤᠨ ᠪᠠᠲᠠᠷᠠᠩᠭᠣᠢ ᠵᠣᠯᠠᠶᠢᠨ ᠪᠠᠳᠮᠠ ᠪᠡᠷ ᠬᠣᠪᠢᠰᠣᠨᠠ
ᠪᠣᠲᠣᠯᠤᠨ ᠲᠣᠢᠯᠤᠨ ᠲᠣᠶᠠᠭᠠᠷᠠᠩᠭᠣᠢ ᠲᠡᠭᠷᠢᠶᠢᠨ ᠬᠢᠵᠠᠭᠠᠷ ᠶ᠋ᠢᠡᠷ ᠡᠷᠬᠢᠨᠡ
ᠪᠢᠯᠢᠭᠤᠨ ᠬᠣᠷᠠᠶᠢᠨ ᠡᠷᠬᠡᠯᠡᠩᠬᠦᠢ ᠡᠬᠦᠯᠡᠨ ᠨᠡᠬᠦᠲᠡᠯ ᠶ᠋ᠢᠡᠷ ᠨᠠᠮᠢᠷᠠᠨᠠ
ᠪᠢᠴᠢᠭᠤᠨ ᠬᠦᠮᠦᠨᠤ ᠪᠠᠶᠠᠰᠣᠩᠭᠣᠢ ᠪᠡᠬᠡᠶᠢᠨ ᠦᠨᠦᠷ ᠶ᠋ᠢᠡᠷ ᠬᠠᠩᠬᠣᠯᠣᠨᠠ
ᠰᠢᠨᠡᠶᠢᠨ ᠬᠣᠶᠠᠷᠢ ᠪᠢ ᠰᠢᠯᠦᠭ ᠪᠦᠲᠦᠭᠡᠵᠦ ᠡᠬᠢᠯᠡᠨᠡ
ᠰᠠᠪᠠᠷ ᠠᠷᠣᠬᠤᠨ ᠬᠢᠴᠢᠶᠡᠩᠬᠦᠢ ᠮᠠᠯᠴᠢᠨᠤ ᠠᠢᠯ ᠶ᠋ᠢᠡᠷ ᠰᠡᠳᠬᠢᠨᠡ
ᠰᠦᠷᠦᠭᠤᠨ ᠲᠣᠭᠣᠰᠣᠨᠤ ᠣᠯᠠᠷᠢᠩᠭᠣᠢ ᠬᠡᠭᠡᠷᠡ ᠲᠠᠯᠠ ᠪᠡᠷ ᠪᠣᠳᠣᠨᠠ
ᠰᠠᠯᠬᠢᠨᠤ ᠵᠡᠬᠦᠲᠦ ᠠᠮᠣᠷᠯᠢᠩᠭᠣᠢ ᠠᠭᠣᠯᠠᠶᠢᠨ ᠴᠢᠯᠠᠭᠣᠳ ᠶ᠋ᠢᠡᠷ ᠴᠢᠮᠡᠨᠡ
ᠰᠦᠯᠲᠡᠶᠢᠨ ᠵᠡᠬᠦᠲᠦ ᠰᠠᠴᠣᠷᠠᠩᠭᠣᠢ ᠲᠡᠷᠯᠢᠭᠤᠨ ᠰᠢᠨᠡ ᠪᠡᠷ ᠭᠠᠲᠠᠷᠯᠠᠨᠠ