2020 ᠣᠨ ᠪᠣᠯ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠶᠡᠭᠡ ᠪᠠᠭ᠍ᠰᠢᠳᠠᠨ ᠺᠠᠩ ᠼᠦᠢ ᠯᠢᠩ ᠠᠪᠤᠭᠠᠢᠶ᠋ᠢᠨ ᠮᠡᠨᠳᠦᠯᠡᠭ᠌ᠰᠡᠨ 90 ᠵᠢᠯᠤᠨ ᠤᠢ ᠪᠣᠯᠤᠨᠠ᠂ ᠬᠥᠬᠡᠬᠤᠲᠠᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠲᠣᠭ᠍ᠯᠠᠯᠲᠠᠶ᠋ᠢᠨ ᠪᠦᠯᠦᠭ᠌ᠯᠡᠯᠤᠨ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠬᠦᠷᠢᠶᠡᠯᠡᠩ ᠤᠢ᠍ᠢᠷᠠᠳᠤ 《ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠶᠡᠭᠡ ᠪᠠᠭ᠍ᠰᠢᠳᠠᠨ ᠺᠠᠩ ᠼᠦᠢ ᠯᠢᠩ ᠠᠪᠤᠭᠠᠢᠶ᠋ᠢᠨ ᠮᠡᠨᠳᠦᠯᠡᠭ᠌ᠰᠡᠨ 90 ᠵᠢᠯᠤᠨ ᠤᠢᠶ᠋ᠢ ᠳᠤᠷᠠᠰᠭᠠᠬᠤ》 ᠲᠤᠰᠭᠠᠢ ᠲᠤᠭ᠍ᠯᠠᠯᠳᠠ ᠭᠠᠷᠭᠠᠪᠠ᠃
ᠺᠠᠩ ᠼᠦᠢ ᠯᠢᠩ᠂ ᠠᠯᠳᠠᠷᠲᠤ ᠱᠠᠨ ᠰᠢ ᠵᠦ᠍ᠴᠦᠭᠡᠶ᠋ᠢᠨ ᠤᠷᠠᠯᠢᠭ᠍ᠴᠢᠨ᠂ 1930 ᠣᠨᠳᠤ ᠲᠥᠷᠥᠵᠡᠢ᠃ ᠬᠥᠬᠡᠬᠤᠲᠠᠶ᠋ᠢᠨ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠪᠦᠯᠬᠦᠮᠤᠨ ᠳᠠᠷᠤᠭᠠ ᠪᠠᠢᠪᠠ᠃ ᠲᠡᠷᠡ ᠪᠤᠯ ᠲᠤᠬᠠᠢᠶ᠋ᠢᠨ ᠦᠶᠠᠳᠤ ᠬᠥᠬᠡᠬᠤᠲᠠᠶ᠋ᠢᠨ ᠰᠣᠶᠣᠯ ᠤᠷᠠᠯᠢᠭᠤᠨ ᠡᠳᠡᠭᠡᠳᠲᠤ ᠮᠡᠳᠡᠷᠡᠭ᠌ᠳᠡᠭ᠌ᠰᠡᠨ ᠱᠠᠨ ᠰᠢ ᠵᠦᠴᠦᠬᠡᠶ᠋ᠢᠨ ᠠᠷᠪᠠᠨ ᠶᠡᠭᠡ ᠲᠤᠬ᠍ᠯᠠᠬ᠍ᠴᠢᠶ᠋ᠢᠨ ᠲᠤᠳᠤᠷᠠᠬᠢ ᠤᠬᠢ ᠰᠤᠳᠤᠨᠢ ᠪᠠᠢᠵᠤ᠂ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠵᠠᠯᠭᠠᠮᠵᠢ ᠦᠶᠡᠶ᠋ᠢᠨᠬᠢᠨᠤ ᠰᠤᠷᠤᠯᠴᠠᠬᠤ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠤᠨᠠ᠃ ᠲᠤᠰ ᠤᠳᠠᠭᠠᠨᠤ ᠲᠤᠰᠭᠠᠢ ᠲᠤᠬ᠍ᠯᠠᠯᠳᠡᠳᠤ ᠺᠠᠩ ᠼᠦᠢ ᠯᠢᠩ᠂ ᠷᠧᠨ ᠼᠦᠢ ᠹᠧᠩ ᠵᠡᠷᠭᠡ ᠠᠬᠠᠮᠠᠳ ᠨᠢᠭᠡ ᠦᠶᠠᠶ᠋ᠢᠨ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠶᠡᠭᠡ ᠪᠠᠭ᠍ᠰᠢᠳᠠᠨᠤ 1960 ᠤᠨᠳᠤ ᠱᠢᠩᠭᠡᠭᠡᠭ᠌ᠰᠡᠨ ᠲᠠᠭᠤᠨᠤ ᠳ᠋ᠢᠰᠺᠢ ᠠᠩᠬᠠ ᠤᠳᠠᠭᠠ ᠢᠯᠡᠪᠠᠷ ᠨᠡᠢᠳᠡᠯᠡᠵᠦ᠍᠂ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠪᠠᠭ᠍ᠠᠳᠠᠳᠤᠨ ᠠᠩᠬᠠᠷᠤᠯᠢ ᠲᠠᠳᠠᠬ᠍ᠰᠠᠨ ᠪᠠᠢᠨᠠ᠃
ᠱᠠᠨ ᠰᠢ ᠵᠦᠴᠦᠭᠡ ᠪᠤᠯ ᠱᠠᠨ ᠰᠢᠶ᠋ᠢᠨ ᠤᠷᠤᠨ ᠨᠤᠳᠤᠭᠤᠨ ᠲᠦᠷᠪᠡᠨ ᠲᠤᠮᠤ ᠰᠢ ᠵᠦᠴᠦᠭᠡᠶ᠋ᠢᠨ ᠨᠢᠭᠡ ᠪᠤᠯᠤᠨᠠ᠃ ᠲᠡᠷᠡᠨᠢ ᠱᠠᠨ ᠰᠢᠶ᠋ᠢᠨ ᠲᠤᠮᠳᠠ ᠬᠤᠢᠳᠤ ᠬᠡᠰᠡᠭ ᠵᠢᠴᠢ ᠱᠠᠨᠰᠢ ᠮᠤᠵᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠬᠢᠬᠡᠳ ᠾᠧᠪᠧᠢ ᠮᠤᠵᠢᠶ᠋ᠢᠨ ᠭᠡᠰᠡᠭ ᠭᠠᠵᠠᠷ ᠤᠷᠤᠨᠢᠶᠠᠷ ᠦᠷᠭᠡᠨᠢᠶᠠᠷ ᠲᠠᠭᠤᠯᠠᠬ᠍ᠳᠠᠬᠤ ᠰᠢ ᠵᠦᠴᠦᠭᠡᠶ᠋ᠢᠨ ᠲᠦᠷᠦᠯ ᠮᠦᠨ᠃ ᠱᠠᠨ ᠰᠢ ᠵᠦᠴᠦᠭᠡᠳᠤ ᠡᠷᠡᠭ᠌ᠳᠡᠢ᠂ ᠡᠮᠡᠭ᠌ᠳᠡᠢ᠂ ᠠᠯᠠᠭ ᠴᠠᠷᠠᠢᠳᠤ ᠵᠡᠷᠭᠡ ᠲᠦᠷᠢᠶ᠋ᠢ ᠲᠠᠢᠰᠠᠨᠠ ᠱᠤᠭᠤᠵᠤ᠂ ᠵᠦᠴᠦᠭᠡ ᠲᠤᠬ᠍ᠯᠠᠬᠤᠳᠤ ᠭᠡᠩᠭᠡᠷᠭᠡ᠂ ᠴᠠᠩ᠂ ᠬᠠᠷᠠᠩᠭᠠ᠂ ᠲᠤᠪᠱᠢᠭᠤᠷ᠂ ᠬᠤᠭᠤᠷ᠂ ᠯᠢᠩᠪᠤ᠂ ᠪᠦᠷᠢᠶᠠ᠂ ᠪᠢᠰᠭᠢᠬᠦᠷ ᠵᠡᠷᠭᠡ ᠤᠯᠠᠨ ᠵᠦᠢᠯᠤᠨ ᠭᠦᠭ᠌ᠵᠢᠮᠳᠡᠭᠦᠷ ᠤᠷᠤᠯᠴᠠᠳᠠᠭ᠃ 《ᠵᠢᠶᠠᠩ ᠡᠭᠡᠴᠢ》᠂ 《ᠱᠠ ᠵᠢᠶᠠ ᠪᠠᠩ》᠂ 《ᠤᠯᠠᠭᠠᠨ ᠳ᠋ᠧᠩᠤᠨ ᠲᠡᠮᠳᠡᠭ᠌ᠯᠡᠯ》 ᠵᠡᠷᠭᠡ ᠤᠯᠠᠮᠵᠢᠯᠠᠯᠳᠤ ᠱᠠᠨ ᠰᠢ ᠵᠦᠴᠦᠭᠡᠶ᠋ᠢᠨ ᠲᠦᠯᠦᠭᠡᠯᠡᠭ᠌ᠴᠢ ᠪᠦᠳᠦᠭᠡᠯᠤᠳᠨᠢ ᠦᠢ ᠤᠯᠠᠨ ᠦᠵᠡᠭ᠌ᠴᠢᠳᠤᠨ ᠬᠦᠷᠢᠶᠡᠯᠡᠯᠢ ᠤᠯᠵᠤ᠂ ᠲᠤᠮᠳᠠᠳᠤᠶ᠋ᠢᠨ ᠰᠤᠶᠤᠯᠤᠨ ᠴᠡᠴᠡᠭᠡᠰᠤᠨ ᠬᠦᠷᠢᠶᠡᠯᠡᠩᠳᠤ ᠦᠩᠭᠡ ᠨᠡᠮᠡᠷᠢᠯᠡᠭ᠌ᠰᠡᠨ ᠪᠠᠢᠨᠠ᠃ （ᠬᠠᠮᠢᠶᠠ ᠪᠦᠬᠦᠢ ᠰᠦᠯᠵᠢᠶᠡᠨᠠᠴᠠ ᠤᠷᠴᠢᠭᠤᠯᠤᠨ ᠠᠪᠤᠪᠠ）