ᠲᠤᠮᠲᠠᠲᠦᠶ᠋ᠢᠨ ᠪᠠᠯᠠᠷ ᠡᠷᠳᠡᠨᠤ ᠨᠢᠬᠡᠲᠦᠭᠡᠷ ᠲᠤᠰᠭᠤᠨ
ᠤᠲᠤᠠᠴᠠ 8000 ᠵᠢᠯᠤᠨ ᠡᠮᠦᠨᠡᠬᠢ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠤᠯᠠᠭᠠᠨᠬᠠᠲᠠ ᠬᠤᠲᠠᠶ᠋ᠢᠨ ᠠᠦᠬᠠᠨ ᠬᠤᠱᠢᠭᠤᠨᠤ ᠪᠤᠭᠤᠲᠤ ᠱᠢᠶᠠᠩᠤᠨ ᠱᠢᠩ ᠯᠦᠩ ᠸᠠ ᠲᠤᠰᠭᠤᠨᠠᠴᠠ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠤᠰ ᠪᠠᠭᠤᠷᠢ ᠪᠤᠯ ᠮᠠᠨᠤ ᠤᠷᠤᠨ ᠪᠠ ᠵᠡᠬᠦᠨ ᠬᠤᠢᠲᠦᠶ᠋ᠢᠨ ᠭᠠᠵᠠᠷ ᠤᠷᠤᠨᠤ ᠬᠠᠲᠠᠭᠠᠯᠠᠯᠲᠠᠪᠠᠷ ᠬᠠᠮᠤᠭᠤᠨ ᠪᠦᠷᠢᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠶ᠋ᠢᠨ ᠲᠤᠰᠭᠤᠨᠤ ᠪᠠᠭᠤᠷᠢ ᠪᠠᠢᠵᠦ᠍᠂ ᠬᠠᠭᠤᠴᠢ ᠰᠤᠲᠤᠯᠤᠯᠤᠨᠬᠢᠨᠳᠤ 《ᠲᠤᠮᠲᠠᠲᠦᠶ᠋ᠢᠨ ᠪᠠᠯᠠᠷ ᠡᠷᠳᠡᠨᠤ ᠨᠢᠬᠡᠲᠦᠭᠡᠷ ᠲᠤᠰᠭᠤᠨ》 ᠬᠡᠮᠡᠭ᠌ᠳᠡᠭ᠌ᠰᠡᠨ ᠪᠢᠯᠡ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠲᠠᠯᠠᠪᠠᠢᠨᠢ 3.5 ᠲᠦᠮᠡᠨ ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ᠂ ᠪᠠᠭᠤᠷᠢᠶ᠋ᠢ ᠬᠦᠷᠢᠶᠡᠯᠡᠭᠡᠳ ᠭᠤᠤ ᠰᠤᠪᠠᠭ ᠮᠠᠯᠲᠠᠵᠦ᠍᠂ ᠭᠤᠤ ᠰᠤᠪᠠᠭᠠᠴᠠ ᠲᠤᠲᠤᠭ᠍ᠰᠢ ᠪᠠᠯᠠᠷ ᠡᠷᠳᠡᠨᠤ ᠭᠡᠷ ᠪᠠᠢᠱᠢᠩᠤᠳ ᠡᠩᠨᠡᠷᠡᠨ ᠵᠢᠭ᠌ᠳᠡᠷᠡᠵᠡᠢ᠃ ᠡᠳᠡᠭᠡᠷ ᠪᠠᠢᠱᠢᠩᠤᠳ ᠪᠦᠷ ᠯᠡ ᠪᠠᠷᠠᠭᠤᠨ ᠬᠤᠢᠨᠠᠠᠴᠠ ᠵᠡᠬᠦᠨ ᠡᠮᠦᠨᠡᠰᠢ ᠴᠢᠭ᠌ᠯᠡᠯᠲᠠᠢ ᠪᠠᠢᠷᠢᠱᠢᠵᠦ᠍᠂ ᠪᠠᠷᠤᠭ ᠪᠦᠷ 50 ᠠᠴᠠ 80 ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠢᠲᠠᠢ ᠪᠠᠢᠲᠠᠭ᠂ ᠡᠬᠦᠨᠳᠤ ᠬᠠᠮᠤᠭᠤᠨ ᠶᠡᠭᠡᠨᠢ 140 ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠢᠲᠠᠢ ᠪᠠᠢᠵᠦ᠍᠂ ᠬᠠᠲᠤᠨ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠤᠪᠤᠭ ᠤᠬ᠍ᠰᠠᠭᠠᠨᠤ ᠰᠠᠭᠤᠷᠢᠱᠢᠯ ᠲᠤᠲᠤᠷᠠ ᠬᠠᠮᠤᠭᠠᠴᠠ ᠠᠭᠤᠵᠢᠮ ᠰᠠᠭᠤᠷᠢᠱᠢᠯᠳᠤ ᠲᠤᠭᠠᠴᠠᠭ᠍ᠲᠠᠵᠠᠢ᠃
ᠭᠡᠷ ᠪᠠᠢᠱᠢᠩᠠᠴᠠ ᠭᠠᠲᠠᠨᠠ ᠲᠤᠰ ᠪᠠᠭᠤᠷᠢᠠᠴᠠ ᠪᠠᠰᠠ ᠪᠠᠭᠠ ᠪᠤᠰᠤ ᠦᠨᠡᠰᠦᠨ ᠨᠦᠬᠡ ᠢᠯᠡᠷᠡᠬᠦᠯᠵᠡᠢ᠃ ᠡᠬᠦᠨᠳᠤ 35 ᠳ᠋ᠤᠭᠠᠷ ᠦᠨᠡᠰᠦᠨ ᠨᠦᠬᠡ ᠪᠤᠯ ᠬᠠᠮᠤᠭᠤᠨ ᠶᠡᠭᠡᠨᠢ ᠪᠠᠢᠵᠦ᠍᠂ ᠲᠤᠭᠤᠷᠢᠭ ᠬᠡᠯᠪᠡᠷᠢᠲᠠᠢ᠂ ᠳ᠋ᠢᠶᠠᠮᠧᠲᠷᠨᠢ ᠬᠠᠮᠤᠭᠤᠨ ᠶᠡᠭᠡᠳᠡᠭᠡᠨ 4.22 ᠮᠧᠲᠷ ᠪᠠᠢᠯᠠ᠃ ᠡᠨᠡ ᠬᠦ᠌ ᠦᠨᠡᠰᠦᠨ ᠨᠦᠬᠡᠶ᠋ᠢᠨ ᠤᠢᠷᠠ ᠬᠠᠪᠢᠪᠠᠷ 6 ᠵᠢᠵᠢᠭ᠌ᠭᠡᠨ ᠲᠤᠭᠤᠷᠢᠭ ᠬᠡᠯᠪᠡᠷᠢᠳᠡᠢ ᠦᠨᠡᠰᠦᠨ ᠨᠦᠬᠡ ᠬᠦᠷᠢᠶᠡᠯᠡᠵᠦ᠍᠂ ᠨᠦᠬᠡᠨᠤ ᠲᠤᠮᠲᠠ ᠭᠡᠰᠡᠭᠲᠤᠨᠢ ᠭᠠᠭ᠍ᠠᠢᠶ᠋ᠢᠨ ᠶᠠᠰᠦᠶ᠋ᠢ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠬᠠᠨᠲᠤᠭᠤᠯᠤᠨ ᠰᠡᠬᠦᠯᠤᠨ ᠭᠡᠰᠡᠭᠢᠨᠢ ᠪᠠᠷᠠᠭᠤᠨ ᠬᠤᠢᠰᠢ ᠬᠠᠨᠲᠤᠭᠤᠯᠤᠨ ᠤᠷᠤᠱᠢᠭᠤᠯᠤᠬ᠍ᠰᠠᠨ ᠪᠠᠢᠨᠠ᠃ ᠡᠢᠮᠦᠷᠬᠦᠦ ᠤᠷᠤᠱᠢᠭᠤᠯᠭᠠᠶ᠋ᠢᠨ ᠵᠠᠩ ᠦᠢᠯᠡᠨᠢ ᠨᠡᠩ ᠴᠦ᠍ ᠲᠤᠮᠲᠠᠲᠦ ᠤᠯᠤᠰᠤᠨ ᠪᠠᠯᠠᠷ ᠡᠷᠳᠡᠨᠤ ᠤᠨᠴᠠᠭᠠᠢ ᠵᠠᠩ ᠦᠢᠯᠡᠶ᠋ᠢ ᠲᠤᠰᠭᠠᠵᠠᠢ᠃ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ 118 ᠳ᠋ᠤᠭᠠᠷ ᠤᠩᠭᠤᠨᠳᠠᠬᠢ ᠤᠩᠭᠤᠨᠤ ᠡᠵᠡᠨᠤ ᠪᠠᠷᠠᠭᠤᠨ ᠲᠠᠯᠠᠳᠤ ᠡᠷᠡ ᠭᠠᠭ᠍ᠠᠢ ᠪᠤᠯᠤᠨ ᠮᠡᠭᠡᠵᠢᠶ᠋ᠢ ᠪᠦᠬᠦᠯᠢᠪᠠᠷᠨᠢ ᠤᠷᠤᠱᠢᠭᠤᠯᠤᠬ᠍ᠰᠠᠨ ᠪᠠᠢᠨᠠ᠃ ᠬᠦᠮᠦᠨ ᠪᠠ ᠭᠠᠭ᠍ᠠᠢᠶ᠋ᠢ ᠬᠠᠮᠲᠦ ᠤᠷᠤᠱᠢᠭᠤᠯᠤᠬ᠍ᠰᠠᠨ ᠡᠢᠮᠦᠷᠬᠦᠦ ᠦᠵᠡᠭ᠌ᠳᠡᠯᠨᠢ ᠲᠤᠮᠲᠠᠲᠦ ᠤᠯᠤᠰᠤᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠶ᠋ᠢᠨ ᠪᠠᠭᠤᠷᠢ ᠲᠤᠲᠤᠷᠠᠬᠢ ᠠᠩᠬᠠᠲᠠᠬ᠍ᠴᠢ ᠵᠢᠱ᠌ᠢᠶᠡ ᠪᠤᠯᠤᠬ᠍ᠰᠠᠨ ᠶᠤᠮ᠃
ᠲᠤᠮᠲᠠᠲᠦ ᠤᠯᠤᠰᠤᠨ ᠬᠠᠲᠠᠭᠠᠯᠠᠯᠲᠠᠪᠠᠷ ᠬᠠᠮᠤᠭᠠᠴᠠ ᠪᠦᠷᠢᠨ᠂ ᠤᠨ ᠵᠢᠯᠢᠶᠠᠷ ᠬᠠᠮᠤᠭᠤᠨ ᠡᠷᠳᠡᠨᠤ ᠪᠠᠯᠠᠷ ᠡᠷᠳᠡᠨᠤ ᠲᠤᠰᠭᠤᠨ ᠪᠤᠯᠬᠤᠷ ᠲᠤᠰ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠬᠦᠯᠦᠮᠡᠭ᠌ᠴᠡ ᠲᠡᠯᠡᠭᠡᠢᠶ᠋ᠢᠨ ᠠᠩᠬᠠᠷᠤᠯᠳᠤ ᠬᠦᠷᠴᠦ᠍᠂ ᠶᠠᠫᠦᠨᠤ ᠬᠠᠭᠤᠴᠢ ᠰᠤᠲᠤᠯᠤᠭᠠᠴᠢᠳ ᠴᠦ᠍ ᠲᠤᠰ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠬᠦᠯᠬᠦ᠌ᠳᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠬ᠍ᠰᠠᠨ ᠪᠠᠢᠨᠠ᠃ ᠲᠤᠮᠲᠠᠲᠦ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠰᠤᠲᠤᠯᠭᠠᠨᠤ ᠨᠡᠢᠬᠡᠮᠯᠢᠭᠤᠨ ᠤᠤᠯᠤᠨ ᠭᠡᠷᠡᠭ ᠡᠷᠬᠢᠯᠡᠭ᠌ᠴᠢᠳᠤᠨ ᠲᠠᠷᠤᠭᠠ ᠰᠦ᠋ ᠪᠢᠩ ᠴᠢ 《ᠲᠤᠮᠲᠠᠲᠦ ᠤᠯᠤᠰᠤᠨ ᠪᠤᠯᠪᠠᠰᠤᠨᠤ ᠡᠬᠦᠰᠦᠯᠤᠨ ᠱᠢᠨᠡ ᠬᠠᠢᠯᠲᠠ》 ᠭᠡᠮᠡᠬᠦ᠌ ᠨᠤᠮᠳᠠᠭᠠᠨ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ ᠲᠤᠬᠠᠢ 《ᠤᠯᠠᠭᠠᠨᠬᠠᠲᠠ ᠬᠤᠲᠠᠶ᠋ᠢᠨ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠨᠢ ᠤᠪᠤᠭ ᠤᠬ᠍ᠰᠠᠭᠠᠨᠤ ᠨᠡᠢᠬᠡᠮᠠᠴᠠ ᠤᠯᠤᠰ ᠲᠡᠢᠰᠢ ᠬᠦᠭ᠌ᠵᠢᠭ᠌ᠰᠡᠨ ᠡᠷᠬᠢᠯᠳᠡᠶ᠋ᠢᠨ ᠴᠡᠭ ᠪᠤᠯᠵᠠᠢ᠂ ᠲᠡᠬᠦᠨᠤ ᠪᠤᠯᠪᠠᠰᠤᠨᠤ ᠡᠬᠦᠰᠦᠯᠨᠢ ᠲᠦᠮᠡᠨ ᠵᠢᠯᠠᠴᠠ ᠬᠡᠲᠦᠷᠡᠵᠦ᠍᠂ ᠨᠡᠢᠬᠡᠮᠤᠨ ᠬᠤᠪᠢᠶᠠᠷᠢᠯᠠᠯᠲᠠᠨᠢ ᠲᠤᠮᠲᠠᠲᠦ ᠤᠷᠤᠨᠠᠴᠠ ᠡᠷᠳᠡ ᠪᠠᠢᠬ᠍ᠰᠠᠨ ᠶᠤᠮ》 ᠭᠡᠵᠦ᠍ ᠪᠢᠴᠢᠭ᠌ᠰᠡᠨ ᠪᠠᠢᠲᠠᠭ᠃
ᠬᠠᠰᠤᠨ ᠰᠤᠶᠤᠯᠤᠨ ᠡᠬᠦᠰᠦᠯᠤᠨ ᠪᠠᠲᠤᠲᠠᠢ ᠭᠡᠷᠡᠴᠢ
1992 ᠤᠨᠤ ᠨᠠᠮᠤᠷ᠂ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢᠨ 117 ᠳ᠋ᠤᠭᠠᠷ ᠤᠩᠭᠤᠨᠳᠠᠬᠢ ᠤᠩᠭᠤᠨᠤ ᠡᠵᠡᠨᠤ ᠬᠤᠶᠠᠷ ᠲᠠᠯᠠᠠᠴᠠ ᠬᠤᠤᠰ ᠬᠠᠰ ᠡᠬᠡᠮᠦᠭᠢ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ 1994 ᠤᠨᠤ 10 ᠰᠠᠷᠠᠳᠤ᠂ 135 ᠳ᠋ᠤᠭᠠᠷ ᠤᠩᠭᠤᠨᠠᠴᠠ ᠮᠦᠨ ᠨᠠᠷᠢᠯᠢᠭ ᠤᠷᠠᠯᠠᠨ ᠪᠦᠲᠦᠭᠡᠭ᠌ᠰᠡᠨ ᠳ᠋ᠢᠶᠠᠮᠧᠳ᠋ᠷᠨᠢ 6 ᠰᠡᠨᠲ᠋ᠢᠮᠧᠲᠷᠤᠨ ᠬᠤᠤᠰ ᠡᠬᠡᠮᠦᠭᠢ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠮᠦᠨ ᠪᠠᠰᠠ ᠲᠤᠰ ᠪᠠᠭᠤᠷᠢᠶ᠋ᠢᠨ 7 ᠳ᠋ᠤᠭᠠᠷ ᠤᠩᠭᠤᠨᠳᠠᠬᠢ ᠤᠩᠭᠤᠨᠤ ᠡᠵᠡᠨᠤ ᠵᠡᠬᠦᠨ ᠮᠦᠷᠦ᠍ ᠪᠠ ᠪᠠᠷᠠᠭᠤᠨ ᠴᠠᠷᠪᠠᠭᠤᠶ᠋ᠢᠨ ᠶᠠᠰᠦᠨᠠᠴᠠ ᠲᠤᠰ ᠲᠤᠰ ᠨᠢᠬᠡ ᠬᠠᠰ ᠵᠠᠰᠠᠯᠢ ᠤᠯᠤᠬ᠍ᠰᠠᠨ ᠪᠠᠢᠨᠠ ᠁ ᠲᠤᠰ ᠪᠠᠭᠤᠷᠢᠠᠴᠠ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠬᠠᠰ ᠰᠦᠬᠡ᠂ ᠬᠠᠰ ᠡᠬᠡᠮᠦᠭ ᠵᠡᠷᠭᠡ 100 ᠭᠠᠷᠤᠢ ᠬᠠᠰᠤᠨ ᠡᠳ᠋ᠯᠡᠯ ᠭᠡᠷᠡᠭ᠌ᠰᠡᠯ ᠪᠤᠯ ᠪᠦᠷ ᠤᠲᠤᠠᠴᠠ 8200 ᠵᠢᠯᠠᠴᠠ 7400 ᠵᠢᠯᠤᠨ ᠡᠮᠦᠨᠡᠬᠢ ᠪᠤᠲᠠᠰ ᠪᠠᠢᠵᠦ᠍᠂ ᠤᠲᠤᠬᠠᠨ ᠪᠤᠯᠲᠠᠯᠠ ᠮᠡᠳᠡᠭᠡᠳ ᠪᠠᠢᠭᠠ ᠲᠤᠮᠲᠠᠲᠦ ᠤᠯᠤᠰᠤᠨ ᠤᠨ ᠵᠢᠯᠢᠶᠠᠷ ᠬᠠᠮᠤᠭᠤᠨ ᠡᠷᠳᠡᠨᠤ ᠬᠠᠰ ᠡᠳ᠋ᠯᠡᠯ ᠪᠤᠯᠤᠬ᠍ᠰᠠᠨ ᠪᠠᠢᠨᠠ᠃
ᠬᠠᠰ ᠡᠳ᠋ᠯᠡᠯᠠᠴᠠ ᠭᠠᠲᠠᠨᠠ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠠᠴᠠ ᠪᠠᠰᠠ ᠸᠠᠭᠠᠷ ᠰᠠᠪᠠ᠂ ᠪᠤᠲᠤᠩ᠂ ᠪᠠᠭ᠍ᠪᠦᠷ ᠵᠢᠴᠢ ᠴᠢᠯᠠᠭᠤᠨ ᠵᠡᠪᠰᠡᠭᠢ ᠢᠯᠡᠷᠡᠬᠦᠯᠵᠡᠢ᠃ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠯᠠᠷ ᠡᠷᠳᠡᠨᠤ ᠬᠦᠮᠦᠰ ᠭᠤᠤᠯᠲᠠᠭᠤ ᠴᠢᠯᠠᠭᠤᠨ ᠪᠠᠭᠠᠵᠢᠶ᠋ᠢ ᠭᠡᠷᠡᠭ᠌ᠯᠡᠵᠦ᠍ ᠪᠠᠢᠬ᠍ᠰᠠᠨ ᠶᠤᠮ᠂ ᠲᠤᠰ ᠪᠠᠭᠤᠷᠢᠠᠴᠠ ᠭᠤᠤᠯᠲᠠᠭᠤ ᠭᠠᠵᠠᠷ ᠮᠠᠯᠲᠠᠬᠤᠳᠤ ᠭᠡᠷᠡᠭ᠌ᠯᠡᠵᠦ᠍ ᠪᠠᠢᠬ᠍ᠰᠠᠨ ᠴᠢᠯᠠᠭᠤᠨ ᠠᠷᠴᠢᠭᠤᠷ᠂ ᠴᠢᠯᠠᠭᠤᠨ ᠬᠦᠷᠵᠡ᠂ ᠴᠢᠯᠠᠭᠤᠨ ᠰᠦᠬᠡ᠂ ᠴᠢᠯᠠᠭᠤᠨ ᠤᠭᠤᠯᠢ᠂ ᠴᠢᠯᠠᠭᠤᠨ ᠲᠡᠭᠡᠷᠮᠡ᠂ ᠴᠢᠯᠠᠭᠤᠨ ᠱᠢᠲᠠᠮ ᠵᠡᠷᠭᠡᠶ᠋ᠢ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠡᠬᠦᠨᠳᠤ ᠶᠠᠰᠦᠨ ᠡᠱᠢᠨ ᠲᠤᠲᠤᠷᠠ ᠴᠢᠯᠠᠭᠤ ᠱᠢᠬᠢᠳᠭᠡᠵᠦ᠍ ᠪᠦᠲᠦᠭᠡᠭ᠌ᠰᠡᠨ ᠬᠢᠲᠤᠭᠠᠨᠢ ᠤᠮᠠᠷᠠᠲᠦᠶ᠋ᠢᠨ ᠨᠠᠷᠢᠯᠢᠭ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠤᠯᠠᠮᠵᠢᠯᠠᠯᠲᠦ ᠪᠦᠲᠦᠭᠡᠭ᠌ᠳᠡᠬᠦᠨ ᠪᠠᠢᠵᠦ᠍ ᠬᠠᠭᠤᠴᠢ ᠰᠤᠲᠤᠯᠤᠭᠠᠴᠢᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠭ᠍ᠰᠠᠨ ᠪᠠᠢᠲᠠᠭ᠃ ᠡᠳᠡᠭᠡᠷᠠᠴᠠ ᠭᠠᠲᠠᠨᠠ᠂ ᠲᠤᠰ ᠪᠠᠭᠤᠷᠢᠳᠤ ᠠᠷᠢᠶᠠᠲᠠᠨᠤ ᠠᠷᠠᠰᠦᠶ᠋ᠢ ᠪᠤᠯᠪᠠᠰᠤᠷᠠᠭᠤᠯᠵᠦ᠍ ᠡᠳ᠋ᠱᠢᠬᠦᠯᠬᠦ᠌ᠳᠤ ᠭᠡᠷᠡᠭ᠌ᠯᠡᠳᠡᠭ ᠴᠢᠯᠠᠭᠤᠨ ᠬᠢᠲᠤᠭᠠ ᠪᠠ ᠵᠢᠭᠠᠰᠦ ᠠᠩᠨᠠᠬᠤ ᠪᠠᠭᠠᠵᠢ ᠭᠡᠷᠡᠭ᠌ᠰᠡᠯ ᠵᠢᠴᠢ ᠶᠠᠰᠦᠨ ᠱᠢᠪᠦᠭᠡ᠂ ᠶᠠᠰᠦᠨ ᠵᠡᠬᠦᠦ ᠵᠡᠷᠭᠡ ᠦᠷᠦᠵᠦ᠍ ᠦᠢᠯᠡᠲᠦᠭ᠌ᠰᠡᠨ ᠨᠠᠷᠢᠯᠢᠭ ᠶᠠᠰᠦᠨ ᠡᠳ᠋ᠯᠡᠯ ᠤᠯᠠᠨ ᠪᠠᠢᠪᠠ᠃ ᠠᠮᠤ ᠪᠤᠲᠠᠭᠠᠶ᠋ᠢ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠲᠠᠷᠢᠮᠠᠯᠤᠨ ᠬᠠᠯᠢᠰᠦᠶ᠋ᠢ ᠬᠠᠭᠤᠯᠬᠤ᠂ ᠲᠡᠬᠦᠭ᠌ᠰᠡᠨ ᠤᠷᠭᠤᠮᠠᠯᠤᠨ ᠦᠷᠡᠶ᠋ᠢ ᠪᠤᠯᠪᠠᠰᠤᠷᠠᠭᠤᠯᠬᠤᠳᠤ ᠭᠡᠷᠡᠭ᠌ᠯᠡᠵᠦ᠍ ᠪᠠᠢᠬ᠍ᠰᠠᠨ ᠴᠢᠯᠠᠭᠤᠨ ᠲᠡᠭᠡᠷᠮᠡ ᠪᠠ ᠴᠢᠯᠠᠭᠤᠨ ᠱᠢᠲᠠᠮ ᠵᠡᠷᠭᠡᠨᠢ ᠪᠠᠯᠠᠷ ᠡᠷᠳᠡᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠪᠠᠢᠲᠠᠯᠢ ᠲᠤᠰᠭᠠᠵᠦ᠍᠂ ᠪᠠᠯᠠᠷ ᠡᠷᠳᠡᠨᠤ ᠨᠡᠢᠬᠡᠮᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠬᠦᠴᠦᠨ᠂ ᠦᠢᠯᠡᠳᠪᠦᠷᠢᠯᠡᠯᠤᠨ ᠬᠠᠷᠢᠴᠠᠭᠠ ᠵᠡᠷᠭᠡᠶ᠋ᠢ ᠰᠤᠲᠤᠯᠬᠤᠳᠤ ᠪᠠᠰᠠ ᠴᠦ᠍ ᠬᠤᠪᠤᠷ ᠮᠠᠲ᠋ᠧᠷᠢᠶᠠᠯ ᠪᠤᠯᠤᠬ᠍ᠰᠠᠨ ᠶᠤᠮ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠨᠢ ᠤᠮᠠᠷᠠᠲᠦᠶ᠋ᠢᠨ ᠭᠠᠵᠠᠷ ᠤᠷᠤᠨᠤ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠶ᠋ᠢᠨ ᠰᠠᠭᠤᠷᠢᠱᠢᠯᠤᠨ ᠬᠡᠯᠪᠡᠷᠢᠶ᠋ᠢ ᠰᠤᠲᠤᠯᠬᠤᠳᠤ ᠪᠤᠲᠠᠲᠦ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠵᠦ᠍᠂ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠬᠠᠰᠤᠨ ᠡᠳ᠋ᠯᠡᠯᠨᠢ ᠲᠤᠮᠲᠠᠲᠦ ᠤᠯᠤᠰᠤᠨ ᠬᠠᠰᠤᠨ ᠰᠤᠶᠤᠯᠤᠨ ᠡᠬᠦᠰᠦᠯᠢ ᠬᠠᠢᠬᠤᠳᠤ ᠪᠤᠲᠠᠲᠦ ᠭᠡᠷᠡᠴᠢ ᠪᠤᠯᠵᠦ᠍᠂ ᠶᠡᠭᠡ ᠬᠡᠮᠵᠢᠶᠡᠨᠤ ᠠᠮᠢᠲᠠᠨᠤ ᠠᠷᠠᠭ ᠶᠠᠰᠦᠨᠢ ᠱᠢᠩ ᠯᠦᠩ ᠸᠠᠶ᠋ᠢᠨ ᠡᠷᠳᠡᠨᠤ ᠬᠦᠮᠦᠰ ᠠᠩ ᠠᠩᠨᠠᠵᠦ᠍ ᠠᠮᠢᠲᠤᠷᠠᠵᠦ᠍ ᠪᠠᠢᠬ᠍ᠰᠠᠨᠤ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠤᠬ᠍ᠰᠠᠨ ᠪᠠᠢᠨᠠ᠃ ᠨᠡᠩ ᠴᠦ᠍ ᠪᠠᠭᠤᠷᠢᠠᠴᠠ ᠤᠯᠲᠠᠬ᠍ᠰᠠᠨ ᠬᠢᠰᠤᠭᠠᠶ᠋ᠢᠨ ᠬᠤᠶᠠᠭᠨᠢ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠯᠠᠷ ᠡᠷᠳᠡᠨᠤ ᠬᠦᠮᠦᠰᠤᠨ ᠲᠤᠲᠤᠭᠠᠲᠦ ᠤᠷᠤᠨ᠂ ᠴᠠᠭᠠᠱᠢᠯᠠᠪᠠᠯ ᠲᠠᠯᠠᠢ ᠲᠠᠭᠠᠦ ᠤᠷᠤᠨᠲᠠᠢ ᠰᠤᠯᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠦᠷᠨᠢᠬᠦᠯᠵᠦ᠍ ᠪᠠᠢᠬ᠍ᠰᠠᠨᠤ ᠪᠠᠲᠤᠲᠠᠢ ᠭᠡᠷᠡᠴᠢ ᠪᠤᠯᠤᠬ᠍ᠰᠠᠨ ᠪᠢᠯᠡ᠃
ᠤᠮᠠᠷᠠᠲᠦᠶ᠋ᠢᠨ ᠭᠤᠷᠪᠠᠨ ᠶᠡᠭᠡ ᠰᠤᠶᠤᠯᠤᠨ ᠱᠢᠰᠲ᠋ᠧᠮᠤᠨ ᠨᠢᠬᠡ
ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠤᠶᠤᠯ ᠪᠤᠯ ᠤᠮᠠᠷᠠᠲᠦᠶ᠋ᠢᠨ ᠭᠤᠷᠪᠠᠨ ᠶᠡᠭᠡ ᠰᠤᠶᠤᠯᠤᠨ ᠱᠢᠰᠲ᠋ᠧᠮᠤᠨ ᠨᠢᠬᠡ ᠮᠦᠨ᠂ ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠬᠦᠯᠦᠭ᠌ᠰᠡᠨᠨᠢ ᠦᠪᠦᠷ ᠮᠤᠩᠭᠤᠯ ᠭᠠᠵᠠᠷ ᠤᠷᠤᠨᠤ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠶ᠋ᠢᠨ ᠰᠤᠶᠤᠯᠤᠨ ᠢᠷᠡᠯ ᠡᠬᠦᠰᠦᠯᠢ ᠬᠠᠷᠠᠭᠤᠯᠵᠦ᠍᠂ ᠬᠤᠩᠱᠠᠨ ᠰᠤᠶᠤᠯᠤᠨ ᠡᠬᠦᠰᠦᠯᠤᠨ ᠠᠰᠠᠭᠤᠲᠠᠯᠢ ᠱᠢᠢᠳᠪᠦᠷᠢᠯᠡᠵᠦ᠍᠂ ᠴᠠᠭᠠᠨ ᠭᠡᠷᠡᠮᠤᠨ ᠪᠦᠰᠡᠶ᠋ᠢᠨ ᠵᠡᠬᠦᠨ ᠭᠡᠰᠡᠭᠤᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠶ᠋ᠢᠨ ᠰᠤᠶᠤᠯᠤᠨ ᠤᠨᠴᠠᠯᠢᠭᠢ ᠲᠤᠲᠤᠷᠬᠠᠢᠯᠠᠵᠦ᠍᠂ ᠲᠤᠰ ᠭᠠᠵᠠᠷ ᠤᠷᠤᠨᠤ ᠰᠤᠶᠤᠯᠤᠨ ᠬᠠᠲᠤᠨ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠱᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭᠤᠨ ᠦᠶᠡᠶ᠋ᠢᠨ ᠰᠤᠶᠤᠯᠯᠤᠭᠠ ᠵᠡᠷᠭᠡᠴᠡᠨ ᠤᠷᠤᠱᠢᠵᠦ᠍ ᠬᠠᠷᠢᠯᠴᠠᠨ ᠨᠦᠯᠦᠬᠡᠯᠡᠭ᠌ᠰᠡᠨ ᠲᠡᠦᠭᠡᠶ᠋ᠢᠨ ᠪᠠᠢᠷᠢ ᠰᠠᠭᠤᠷᠢᠶ᠋ᠢ ᠲᠤᠲᠤᠷᠬᠠᠢᠯᠠᠬ᠍ᠰᠠᠨᠤ ᠬᠠᠮᠲᠦ ᠪᠦᠬᠦ᠋ᠢᠯᠡ ᠵᠡᠬᠦᠨ ᠬᠤᠢᠲᠦᠶ᠋ᠢᠨ ᠭᠠᠵᠠᠷ ᠤᠷᠤᠨᠤ ᠰᠤᠶᠤᠯᠤᠨ ᠬᠦᠭ᠌ᠵᠢᠯᠳᠡᠳᠤ ᠬᠦᠴᠦᠳᠡᠢ ᠲᠦᠯᠬᠢᠬᠦ᠌ ᠦᠢᠯᠡᠲᠦᠯ ᠦᠵᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠪᠠᠭᠤᠷᠢᠠᠴᠠ ᠪᠠᠷᠠᠭᠤᠨ ᠬᠤᠢᠰᠢ ᠪᠠᠷᠤᠭ 13 ᠺᠢᠯᠤᠮᠧᠳ᠋ᠷᠤᠨ ᠵᠠᠢᠳᠤ᠂ ᠬᠠᠭᠤᠴᠢ ᠰᠤᠲᠤᠯᠤᠭᠠᠴᠢᠳ ᠪᠠᠰᠠ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠤᠶᠤᠯᠤᠨ ᠬᠤᠶᠠᠲᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠤᠰᠭᠤᠨᠤ ᠪᠠᠭᠤᠷᠢᠶ᠋ᠢ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠤᠮᠲᠠᠲᠦ ᠤᠯᠤᠰᠤᠨ ᠨᠡᠢᠬᠡᠮᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠤᠨ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠰᠤᠲᠤᠯᠭᠠᠨᠤ ᠭᠠᠵᠠᠷᠨᠢ ᠲᠤᠰ ᠪᠠᠭᠤᠷᠢᠳᠤ 2 ᠤᠲᠠᠭᠠᠨᠤ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠠᠭᠤᠲᠠᠯᠤᠯᠲᠠ ᠬᠢᠵᠦ᠍᠂ ᠪᠠᠯᠠᠷ ᠡᠷᠳᠡᠨᠤ ᠨᠡᠢᠬᠡᠮᠤᠨ ᠲᠡᠰ ᠲᠠᠪᠬᠤᠷᠭᠠ ᠪᠠ ᠱᠠᠱᠢᠨ ᠱᠢᠲᠦᠯᠭᠡᠶ᠋ᠢᠨ ᠲᠤᠬᠠᠢ ᠱᠢᠨᠡ ᠮᠠᠲ᠋ᠧᠷᠢᠶᠠᠯᠤᠳᠢ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠲᠤᠬᠠᠢᠯᠠᠪᠠᠯ᠂ ᠠᠳᠡ ᠠᠮᠢᠲᠤᠷᠠᠵᠦ᠍ ᠪᠠᠢᠬ᠍ᠰᠠᠨ ᠡᠷᠳᠡᠨᠤ ᠬᠦᠮᠦᠰᠲᠤ ᠵᠡᠷᠭᠡ ᠲᠡᠰᠤᠨ ᠢᠯᠭᠠᠭᠠᠲᠠᠢ ᠪᠠᠢᠵᠦ᠍᠂ ᠵᠠᠷᠢᠮ ᠭᠡᠷ ᠪᠠᠢᠱᠢᠩᠨᠢ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨᠢᠶᠠᠷᠢᠶᠠᠨ ᠦᠯᠡᠳᠡᠭ᠌ᠰᠡᠨ ᠪᠦᠬᠡᠳ ᠢᠯᠡᠷᠡᠬᠦᠯᠦᠭ᠌ᠰᠡᠨ ᠪᠤᠲᠠᠰᠨᠢ ᠤᠯᠠᠨ᠂ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠦᠨᠡ ᠦᠷᠳᠡᠭᠢᠶᠠᠷ ᠦᠨᠲᠦᠷ ᠪᠠᠢᠲᠠᠭ᠃ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠠᠭᠤᠲᠠᠯᠤᠯᠲᠠ ᠲᠤᠮᠲᠠ ᠰᠤᠲᠤᠯᠤᠭᠠᠴᠢᠳ ᠪᠠᠰᠠ ᠮᠠᠩᠨᠠᠢ ᠲᠤᠮᠲᠠᠪᠠᠨ ᠨᠦᠬᠡᠲᠠᠢ ᠠᠮᠢᠲᠠᠨᠤ ᠲᠤᠯᠤᠭᠠᠢᠶ᠋ᠢᠨ ᠶᠠᠰᠦ᠂ ᠬᠢᠰᠤᠭᠠᠶ᠋ᠢᠨ ᠬᠤᠶᠠᠭᠢ ᠱᠢᠬᠢᠳᠭᠡᠭ᠌ᠰᠡᠨ ᠨᠢᠭᠤᠷᠤᠨ ᠵᠠᠰᠠᠯ ᠵᠡᠷᠭᠡᠶ᠋ᠢ ᠢᠯᠡᠷᠡᠬᠦᠯᠵᠡᠢ᠂ ᠡᠳᠡᠭᠡᠷ ᠪᠤᠲᠠᠰᠨᠢ 8000 ᠵᠢᠯᠤᠨ ᠡᠮᠦᠨᠡᠬᠢ ᠪᠠᠯᠠᠷ ᠡᠷᠳᠡᠨᠤ ᠱᠠᠱᠢᠨ ᠱᠢᠲᠦᠯᠭᠡᠶ᠋ᠢ ᠰᠤᠲᠤᠯᠬᠤᠳᠤ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠪᠠ ᠪᠤᠲᠠᠲᠦ ᠭᠡᠷᠡᠴᠢ ᠪᠤᠯᠤᠬ᠍ᠰᠠᠨ ᠪᠠᠢᠨᠠ᠃
ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠤᠶᠤᠯᠨᠢ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠴᠢᠬᠤᠯᠠ ᠢᠯᠡᠷᠡᠬᠦᠯᠦᠯᠳᠡᠶ᠋ᠢᠨ ᠬᠤᠪᠢᠪᠠᠷ ᠠᠦᠬᠠᠨ ᠬᠤᠱᠢᠭᠤᠶ᠋ᠢ ᠲᠡᠯᠡᠭᠡᠢᠳᠤ ᠲᠠᠨᠢᠭᠤᠯᠤᠬ᠍ᠰᠠᠨ ᠪᠦᠬᠡᠳ ᠲᠤᠰ ᠬᠤᠱᠢᠭᠤᠳᠤ ᠬᠦᠭ᠌ᠵᠢᠯᠳᠡᠶ᠋ᠢᠨ ᠱᠢᠨᠡ ᠪᠤᠯᠤᠮᠵᠢᠶ᠋ᠢ ᠠᠪᠴᠢᠷᠠᠭ᠍ᠰᠠᠨ ᠶᠤᠮ᠃ ᠤᠢᠷᠠᠶ᠋ᠢᠨ ᠵᠢᠯ ᠠᠩᠭ᠌ᠯᠢ᠂ ᠠᠮᠧᠷᠢᠺᠠ᠂ ᠤᠷᠤᠰ᠂ ᠹᠷᠠᠨᠼᠢ᠂ ᠠᠦ᠋ᠰᠳ᠋ᠷᠠᠯᠢᠶᠠ᠂ ᠺᠤᠷᠢᠶᠠ ᠵᠡᠷᠭᠡ ᠤᠯᠤᠰᠤᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠳᠡᠳ ᠱᠢᠩ ᠯᠦᠩ ᠸᠠᠶ᠋ᠢᠨ ᠰᠤᠶᠤᠯᠢ ᠲᠦᠢᠯᠢᠶᠠᠷ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ᠍᠂ ᠠᠦᠬᠠᠨ ᠬᠤᠱᠢᠭᠤᠨᠳᠤ ᠤᠯᠠᠨᠲᠠ ᠢᠷᠡᠵᠦ᠍ ᠪᠠᠢᠴᠠᠭᠠᠨ ᠰᠤᠲᠤᠯᠤᠯᠲᠠ ᠬᠢᠬᠦ᠌ ᠪᠤᠯᠤᠬ᠍ᠰᠠᠨ ᠶᠤᠮ᠃ ᠲᠤᠰ ᠪᠠᠭᠤᠷᠢᠨᠢ ᠮᠦᠨ 1992 ᠤᠨᠳᠤ ᠲᠤᠮᠲᠠᠲᠦ ᠤᠯᠤᠰᠤᠨ ᠠᠷᠪᠠᠨ ᠶᠡᠭᠡ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠱᠢᠨᠡ ᠢᠯᠡᠷᠡᠬᠦᠯᠦᠯᠳᠡᠶ᠋ᠢᠨ ᠨᠢᠬᠡ ᠪᠤᠯᠵᠦ᠍᠂ 1996 ᠤᠨᠳᠤ ᠲᠦᠷᠦᠶ᠋ᠢᠨ ᠶᠠᠪᠤᠲᠠᠯᠤᠨ ᠬᠤᠷᠢᠶᠠᠨᠠᠴᠠ ᠨᠡᠢᠳᠡᠯᠡᠭ᠌ᠰᠡᠨ ᠪᠦᠬᠦ᠌ ᠤᠯᠤᠰᠤᠨ ᠴᠢᠬᠤᠯᠠ ᠲᠡᠦᠭᠡᠨ ᠲᠤᠷᠠᠰᠭᠠᠯᠲᠦ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠬᠡᠴᠢ᠂ 《ᠨᠠᠢ᠍ᠮᠠᠲᠤᠭᠠᠷ ᠲᠠᠪᠤᠨ ᠵᠢᠯ》 ᠤᠨ ᠲᠦᠯᠦᠪᠵᠢᠬᠦᠯᠬᠡᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠪᠦᠬᠦ᠌ ᠤᠯᠤᠰᠤᠨ ᠠᠷᠪᠠᠨ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠱᠢᠨᠡ ᠢᠯᠡᠷᠡᠬᠦᠯᠦᠯᠳᠡ᠂ ᠬᠤᠷᠢᠲᠤᠭᠠᠷ ᠵᠠᠭᠤᠨᠤ ᠲᠤᠮᠲᠠᠲᠦ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠲᠤᠯᠤᠯᠤᠨ ᠵᠠᠭᠤᠨ ᠲᠤᠮᠤ ᠢᠯᠡᠷᠡᠬᠦᠯᠦᠯᠳᠡ ᠵᠡᠷᠭᠡᠪᠠᠷ ᠦᠨᠡᠯᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ᠃