— ᠱᠤᠭ ᠵᠢᠷᠤᠭ᠍ᠴᠢᠨ ᠪ᠊·ᠪᠢᠯᠢᠭᠤᠨ ᠳᠡᠯᠡᠬᠡᠢᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠲᠤᠳᠤᠷᠠᠭ᠍ᠰᠠᠨ ᠲᠡᠷᠢᠭᠦᠨ ᠱᠠᠩᠨᠠᠯᠲᠤ ᠪᠦᠲᠦᠭᠡᠯ ᠪᠠ ᠪᠤᠰᠤᠳ 4 ᠪᠦᠲᠦᠭᠡᠯᠢ ᠰᠣᠨᠢᠷᠬᠠᠭᠠᠳ
ᠤᠷᠠᠨ ᠪᠦᠲᠦᠭᠡᠯᠤᠨ ᠡᠨᠡ ᠬᠦ᠌ ᠥᠷᠭᠡᠨ ᠵᠠᠬᠠᠲᠠᠢ ᠨᠣᠮᠢᠨ ᠨᠠᠭᠤᠷ ᠨᠠᠮᠵᠢᠭᠤᠨ ᠪᠠᠢᠨᠠ᠂ ᠵᠠᠬᠠ ᠬᠦᠪᠡᠭᠡᠳᠡᠵᠦ᠍ ᠪᠠᠢᠨᠠ ᠭᠡᠳᠡᠭᠤᠨ ᠨᠢᠭᠡᠨ ᠢᠯᠡᠷᠡᠯᠨᠢ ᠤᠷᠠᠨ ᠪᠦᠲᠦᠭᠡᠯᠤᠨ ᠲᠤᠬᠠᠢ ᠱᠤᠤᠬᠢᠵᠦ᠍ ᠶᠠᠷᠢᠯᠴᠠᠬᠤ ᠦᠵᠡᠭ᠌ᠴᠢ ᠤᠩᠱᠢᠭ᠍ᠴᠢ ᠴᠥᠭᠡᠷᠡᠯᠡ᠂ ᠱᠤᠤᠬᠢᠭᠤᠯᠵᠤ ᠳᠣᠷᠭᠢᠭᠤᠯᠬᠤ ᠴᠢᠮᠪᠠᠢ ᠪᠦᠲᠦᠭᠡᠯ ᠴᠤ᠌ ᠬᠤᠮᠰᠠᠳᠠᠯᠠ ᠭᠡᠵᠦ᠍ ᠣᠢᠯᠠᠭᠠᠵᠤ ᠪᠣᠯᠬᠤ ᠪᠠᠢᠬᠠ᠃ ᠭᠡᠪᠡᠴᠦ᠍ ᠬᠠᠶᠠ ᠬᠤᠢ ᠰᠠᠯᠬᠢ ᠳᠡᠭ᠌ᠳᠡᠨ ᠨᠠᠮᠵᠢᠭᠤᠨ ᠪᠠᠢᠳᠠᠯ ᠡᠪᠳᠡᠭ᠌ᠳᠡᠵᠦ᠍ ᠡᠨᠡ ᠬᠦ᠌ ᠨᠣᠮᠢᠨ ᠨᠠᠭᠤᠷᠲᠤ ᠳᠠᠪᠠᠯᠭᠠ ᠪᠤᠰᠭᠤᠶ᠋ᠢ ᠦᠭᠡᠢᠰᠭᠡᠬᠦ᠌ ᠦᠬᠡᠢ᠃ ᠡᠨᠡ ᠮᠡᠲᠦ ᠳᠠᠪᠠᠯᠭᠠ ᠪᠤᠰᠭᠠᠵᠤ ᠱᠤᠤᠬᠢᠶᠠᠨ ᠲᠠᠲᠠᠳᠠᠭᠤᠨ ᠨᠢᠭᠡᠨᠢ ᠶᠠᠷᠢᠶᠠᠨ ᠦᠭᠡᠢ ᠱᠤᠭ ᠵᠢᠷᠤᠭ᠍ᠴᠢᠨ ᠪ᠊·ᠪᠢᠯᠢᠭ ᠪᠣᠯᠣᠨᠠ᠃ ᠦᠨᠦ ᠵᠢᠯ ᠲᠡᠭᠦᠨᠤ ᠱᠤᠭ ᠵᠢᠷᠤᠭᠨᠢ ᠮᠦᠨ ᠲᠡᠯᠡᠬᠡᠢᠶ᠋ᠢᠨ ᠲᠡᠷᠢᠭᠦᠨ ᠱᠠᠩᠢᠶᠠᠷ ᠮᠢᠯᠢᠶᠠᠯᠭᠠᠯᠠ ᠭᠡᠰᠡᠨ ᠬᠠᠯᠠᠭᠤᠨ ᠰᠤᠷᠠᠭ ᠣᠷᠣᠨ ᠠᠢᠮᠠᠭᠤᠨᠰᠣᠨᠢᠨ ᠰᠡᠳᠬᠦᠯ᠂ ᠵᠢᠷᠭᠢᠶᠡ᠂ ᠰᠦᠯᠵᠢᠶᠡ᠂ ᠴᠤᠤᠷᠢᠶᠠ ᠵᠡᠷᠬᠡ ᠳᠠᠪᠴᠠᠩᠢᠶᠠᠷ ᠳᠠᠮᠵᠢᠭ᠍ᠳᠠᠵᠤ᠂ ᠣᠯᠠᠨᠤ ᠠᠩᠬᠠᠷᠤᠯᠳᠤ ᠬᠦᠷᠴᠦ᠍ ᠪᠢᠯᠡ᠃ ᠡᠨᠡ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨᠳᠤ ᠲᠡᠪᠱᠢᠭᠦᠯᠦᠭ᠌ᠰᠡᠨ ᠲᠡᠭᠦᠨᠤ ᠱᠤᠭ ᠵᠢᠷᠤᠭᠤᠨ ᠲᠤᠬᠠᠢ ᠨᠢᠭᠡ ᠦᠵᠡᠭ᠌ᠴᠢ ᠤᠩᠱᠢᠭ᠍ᠴᠢᠶ᠋ᠢᠨ ᠬᠠᠷᠠᠭᠠᠪᠠᠷ ᠬᠢᠷᠢᠳᠤᠪᠠᠨ ᠰᠣᠨᠢᠷᠬᠠᠭ᠍ᠰᠠᠨᠢᠶᠠᠨ ᠬᠤᠪᠢᠶᠠᠯᠴᠠᠶᠠ ᠭᠡᠵᠦ᠍ ᠵᠣᠷᠢᠭ᠍ᠰᠠᠨ ᠶᠤᠮ᠃
ᠰᠧᠷᠪᠢᠶᠡ ᠤᠯᠤᠰᠤᠨ ᠱᠤᠭ ᠵᠢᠷᠤᠭᠤᠨ ᠬᠤᠯᠪᠤᠭᠠᠨᠠᠴᠠ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠶᠠᠪᠤᠭ᠍ᠳᠠᠭᠤᠯᠤᠭ᠍ᠰᠠᠨ《2021 ᠣᠯᠠᠨ ᠤᠯᠤᠰᠤᠨ ᠠᠮᠢᠲᠠᠨᠤ ᠰᠡᠳᠦᠪᠲᠦ ᠱᠤᠭ ᠵᠢᠷᠤᠭᠤᠨ ᠤᠷᠤᠯᠳᠤᠭᠠᠨ》ᠳ᠋ᠥ ᠱᠤᠭ ᠵᠢᠷᠤᠭ᠍ᠴᠢᠨ ᠪ᠊· ᠪᠢᠯᠢᠭ ᠮᠠᠨᠢ ᠲᠡᠪᠤᠨ ᠪᠦᠲᠦᠭᠡᠯ ᠳᠡᠪᠰᠢᠭᠦᠯᠵᠦ᠂ ᠡᠴᠦᠰᠤᠨ ᠱᠢᠢᠳᠪᠦᠷᠢᠲᠦ ᠲᠡᠮᠡᠴᠡᠭᠡᠨᠳᠤ ᠨᠢᠭᠡ ᠪᠦᠲᠦᠭᠡᠯᠨᠢ ᠨᠡᠷᠡ ᠳᠡᠪᠱᠢᠵᠤ᠂ ᠨᠥᠭᠦᠭᠡ ᠪᠦᠲᠦᠭᠡᠯᠨᠢ ᠲᠡᠷᠢᠭᠦᠨ ᠨᠡᠷᠡᠳᠤ ᠲᠣᠳᠤᠷᠠᠵᠠᠢ᠃ ᠣᠳᠣ ᠪᠣᠯᠬᠤᠳᠤ ᠪ᠊·ᠪᠢᠯᠢᠭ ᠲᠡᠯᠡᠬᠡᠢᠶ᠋ᠢᠨ ᠱᠤᠭ ᠵᠢᠷᠤᠭᠤᠨ ᠤᠷᠤᠯᠳᠤᠭᠠᠨᠳᠤ ᠶᠢᠰᠦᠳᠡᠬᠢ ᠤᠳᠠᠭᠠᠪᠠᠨ ᠲᠡᠷᠢᠭᠦᠨ ᠱᠠᠩᠨᠠᠯ ᠳᠣᠰᠴᠤ᠌ ᠪᠠᠢᠭᠠ ᠠᠵᠢ᠃
ᠪ᠊·ᠪᠢᠯᠢᠭᠤᠨ ᠤᠷᠠᠨ ᠪᠦᠲᠦᠭᠡᠯᠢ ᠲᠤᠳᠤᠭᠠᠲᠤ ᠠᠭᠤᠯᠤᠬ᠍ᠳᠠᠬᠤᠨᠤ ᠬᠢᠨᠢ ᠲᠠᠯᠠᠠᠴᠠ ᠵᠠᠳᠠᠯᠤᠨ ᠰᠣᠨᠢᠷᠬᠠᠬᠤᠳᠤ ᠬᠦᠷᠪᠠᠯ᠂ ᠬᠡᠳᠦᠢᠪᠡᠷ ᠪᠠᠶᠠᠯᠢᠭ ᠣᠯᠠᠨ ᠱᠢᠨᠵᠢᠶ᠋ᠢ ᠬᠠᠳᠠᠭᠠᠯᠠᠬᠤ ᠪᠣᠯᠪᠠᠴᠤ᠌ ᠬᠦᠮᠦᠨᠤ ᠬᠠᠯᠠᠮᠵᠢᠯᠠᠯ᠂ ᠪᠠᠢᠭᠠᠯᠢᠪᠠᠨ ᠳᠡᠭᠡᠳᠦᠯᠡᠬᠦ᠌ ᠤᠬᠠᠮᠰᠠᠷ ᠤᠷᠠᠨ ᠪᠦᠲᠦᠭᠡᠯᠤᠨ ᠬᠢᠨᠢ ᠳᠤᠲᠤᠷᠠᠬᠢ ᠨᠢᠭᠡᠨ ᠭᠤᠣᠯ ᠱᠢᠵᠢᠮ ᠪᠣᠯᠵᠤ ᠳᠣᠷᠠᠢᠨᠠ᠃ ᠲᠡᠭᠦᠨᠤ ᠲᠤᠰ ᠤᠳᠠᠭᠠᠨᠤ ᠤᠷᠤᠯᠳᠤᠭᠠᠨᠳᠦ ᠳᠡᠪᠰᠢᠭᠦᠯᠦᠭᠰᠡᠨ ᠲᠠᠪᠤᠨ ᠪᠦᠲᠦᠭᠡᠯᠳᠤᠨᠢ ᠬᠦᠮᠦᠨ ᠪᠠᠢᠭᠠᠯᠢᠳᠤ ᠢᠪᠢᠯᠦᠭ᠌ᠰᠡᠨ ᠠᠤᠭᠠ ᠬᠠᠢᠷᠠ ᠭᠤᠣᠯ ᠬᠦᠭ ᠪᠣᠯᠵᠤ᠂ ᠢᠷᠠᠭᠤ ᠡᠭᠡᠱᠢᠭ ᠴᠢᠪᠬᠠᠳᠠᠵᠠᠢ᠃
ᠤᠷᠤᠯᠳᠤᠭᠠᠨᠤ ᠲᠡᠷᠢᠭᠦᠨ ᠱᠠᠩᠨᠠᠯᠢ ᠱᠢᠭᠦᠷᠦᠭ᠌ᠰᠡᠨ ᠪᠦᠲᠦᠭᠡᠯ — ᠱᠢᠷᠠ᠂ ᠤᠯᠠᠭᠠᠨ ᠬᠤᠶᠠᠷ ᠬᠤᠷᠤᠭᠤ ᠦᠷᠭᠡᠨ ᠵᠢᠷᠤᠭᠠᠰᠤᠲᠠᠢ ᠪᠠᠭᠠᠨᠠ ᠪᠡᠶᠡᠲᠤ ᠲᠡᠪᠵᠢᠶᠠ ᠳᠡᠭᠡᠷᠡ ᠣᠴᠣᠢᠨ ᠰᠠᠭᠤᠵᠤ ᠪᠠᠢᠭᠠ ᠥᠳᠭᠡᠨ ᠤᠷᠲᠤ ᠵᠤᠭ᠍ᠳᠤᠷᠲᠠᠢ ᠠᠷᠰᠯᠠᠨ ᠠᠮᠠᠪᠠᠨ ᠠᠩᠭᠠᠢᠵᠤ ᠪᠠᠢᠨᠠ᠃ ᠠᠮᠠᠨ ᠬᠥᠨᠳᠡᠢᠳᠤᠨᠢ ᠮᠠᠰᠢ ᠰᠣᠴᠢᠭ᠍ᠰᠠᠨ ᠨᠢᠳᠦ᠍ᠪᠠᠷ ᠬᠠᠷᠠᠵᠤ ᠪᠠᠢᠭᠠ ᠬᠤᠶᠠᠷ ᠬᠦᠮᠦᠨᠤ ᠲᠣᠯᠣᠭᠠᠢ ᠪᠤᠢ᠃ ᠼᠢᠷᠺᠴᠢᠨᠤᠪᠠᠨ ᠬᠤᠪᠴᠠᠰᠤᠲᠠᠢ ᠰᠤᠷᠭᠠᠭ᠍ᠴᠢ ᠡᠨᠡ ᠠᠷᠰᠯᠠᠨᠤ ᠡᠮᠦᠨᠡ ᠵᠣᠭ᠍ᠰᠤᠭᠠᠳ ᠠᠮᠠᠨᠳᠤᠨᠢ ᠲᠣᠯᠣᠭᠠᠢᠪᠠᠨ ᠣᠷᠣᠭᠤᠯᠬᠤᠶ᠋ᠢᠨ ᠵᠡᠷᠭᠡᠴᠡᠭᠡ ᠦᠨᠦ᠍ ᠬᠤᠶᠠᠷ ᠬᠦᠮᠦᠨᠤ ᠲᠣᠯᠣᠭᠠᠢᠶ᠋ᠢ ᠭᠠᠢᠬᠠᠱᠢᠷᠠᠨ ᠬᠠᠷᠠᠵᠤ ᠪᠠᠢᠭᠠᠪᠠᠷ ᠵᠢᠷᠤᠵᠠᠢ᠃ ᠦᠵᠡᠭ᠌ᠴᠢᠶ᠋ᠢᠨ ᠬᠤᠪᠢᠳᠤ᠂ ᠡᠨᠡ ᠳᠦᠭ᠌ᠰᠢᠭᠦᠷᠢᠲᠦ ᠦᠢᠯᠡᠶ᠋ᠢ ᠬᠠᠷᠠᠭᠠᠳ ᠰᠤᠷᠭᠠᠭ᠍ᠴᠢᠶ᠋ᠢᠨ ᠤᠬᠠᠭᠠᠨ ᠴᠢᠳᠠᠪᠤᠷᠢ᠂ ᠵᠣᠷᠢᠭ ᠰᠦᠰᠦᠶ᠋ᠢ ᠪᠢᠱᠢᠷᠡᠬᠦ᠌ ᠪᠣᠯᠪᠠᠴᠤ᠌ ᠲᠡᠭᠦᠨᠤ ᠡᠮᠦᠨᠡᠠᠴᠠ ᠰᠡᠳᠭᠢᠯ ᠳᠦᠭ᠌ᠰᠢᠬᠦ᠌ ᠦᠭᠡᠢ ᠪᠠᠢᠵᠤ ᠴᠢᠳᠠᠬᠤ ᠦᠬᠡᠢ ᠶᠤᠮ᠃ ᠶᠠᠭᠤᠨᠤ ᠡᠮᠦᠨᠡ᠂ ᠠᠷᠰᠯᠠᠨᠨᠢ ᠵᠡᠷᠯᠢᠭ ᠳᠣᠭ᠍ᠰᠢᠨ ᠠᠮᠢᠲᠡᠨ ᠪᠣᠯᠬᠤᠶ᠋ᠢᠨ ᠬᠤᠪᠢᠳᠤ᠂ ᠲᠡᠬᠦᠨᠤ ᠵᠡᠷᠯᠢᠭ ᠴᠢᠨᠠᠷ ᠬᠡᠵᠢᠶᠡᠳᠡᠪᠠᠨ ᠠᠷᠢᠯᠴᠢᠬᠠᠨᠠ ᠭᠡᠰᠡᠨ ᠶᠠᠪᠤᠳᠠᠯ ᠪᠢᠰᠢ᠂ ᠬᠦᠮᠦᠨᠤ ᠡᠷᠬᠡᠪᠠᠷ ᠤᠤᠭᠠᠯ ᠴᠢᠨᠠᠷᠨᠢ ᠬᠠᠷᠱᠢᠯᠠᠭ᠍ᠳᠠᠬᠤ ᠲᠤᠳᠤᠮ ᠵᠡᠷᠯᠢᠭ ᠴᠢᠨᠠᠷᠨᠢ ᠠᠯᠢ ᠨᠢᠭᠡᠨ ᠴᠠᠭᠲᠤ ᠢᠯᠡᠷᠡᠨᠡ ᠭᠡᠰᠡᠨ ᠪᠣᠯᠣᠯᠴᠠᠭᠠ ᠲᠠᠯᠪᠢᠭ᠍ᠳᠠᠵᠠᠢ᠃ ᠳᠠᠷᠠᠭᠠᠯᠠᠪᠠᠯ᠂ ᠰᠤᠷᠭᠠᠭ᠍ᠴᠢ ᠬᠡᠳᠦᠢᠪᠡᠷ ᠨᠢᠭᠡᠨ ᠴᠠᠭᠢᠶᠠᠷ ᠠᠷᠰᠯᠠᠨᠢ ᠰᠤᠷᠭᠠᠵᠤ ᠴᠢᠳᠠᠭ᠍ᠰᠠᠨ ᠪᠣᠯᠪᠠᠴᠤ᠌ ᠠᠵᠠ ᠦᠭᠡᠢᠳᠡᠪᠡᠯ ᠠᠷᠰᠯᠠᠨᠤ ᠠᠮᠠᠨ ᠬᠥᠨᠳᠡᠢᠳᠠᠬᠢ ᠭᠤᠷᠪᠠᠳᠡᠬᠢ ᠪᠣᠯᠵᠤ ᠮᠡᠳᠡᠨᠡ ᠭᠡᠵᠦ᠍ᠰᠠᠷᠡᠮᠵᠢᠯᠡᠭᠦᠯᠵᠡᠢ᠃ ᠳᠡᠪᠵᠢᠶᠡᠶ᠋ᠢᠨ ᠱᠢᠷᠠ ᠵᠢᠷᠤᠭᠠᠰᠤᠨᠢ ᠰᠡᠷᠡᠮᠵᠢᠲᠠᠢ ᠪᠠᠢᠬᠤᠶ᠋ᠢ ᠰᠡᠷᠡᠭ᠌ᠳᠡᠭᠦᠯᠵᠦ᠍᠂ ᠤᠯᠠᠭᠠᠨ ᠵᠢᠷᠤᠭᠠᠰᠤᠨᠢ ᠰᠡᠷᠡᠮᠵᠢᠪᠠᠨ ᠠᠯᠳᠠᠪᠠᠯ ᠠᠮᠢᠪᠠᠨ ᠠᠯᠲᠠᠬᠤᠳᠤ ᠬᠦᠷᠦᠨᠡ ᠭᠡᠳᠡᠭᠢ ᠢᠯᠡᠳᠭᠡᠭ᠌ᠰᠡᠨ ᠪᠠᠢᠨᠠ᠃ ᠡᠭᠦᠨᠠᠴᠠ ᠬᠦᠮᠦᠨᠤ ᠬᠠᠯᠠᠮᠵᠢᠯᠠᠯᠢ ᠣᠯᠵᠤ ᠬᠠᠷᠠᠨᠠ᠃ ᠲᠠᠬᠢᠪᠡᠯ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ᠂ ᠠᠮᠢᠲᠡᠨ ᠭᠤᠣᠯᠲᠡᠨᠢ ᠪᠣᠯᠣᠮᠵᠢᠶ᠋ᠢᠨ ᠬᠢᠷᠢᠪᠠᠷ ᠵᠠᠬᠢᠷᠬᠤ ᠲᠤᠳᠤᠮ ᠣᠷᠣᠱᠢᠯ ᠲᠣᠭ᠍ᠲᠠᠨᠢᠯᠢᠶᠠᠨ ᠬᠤᠬᠢᠷᠠᠭᠤᠯᠬᠤ ᠪᠣᠯᠣᠨᠠ ᠭᠡᠳᠡᠭᠢ ᠳᠠᠮ ᠲᠣᠬᠢᠵᠠᠢ᠃ ᠰᠠᠭᠦᠯᠳᠤᠨᠢ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠪᠠ ᠶᠡᠭᠡ ᠪᠠᠢᠭᠠᠯᠢᠶ᠋ᠢᠨ ᠬᠠᠷᠢᠴᠠᠭᠠᠨᠠᠴᠠ ᠦᠵᠡᠪᠡᠯ᠂ ᠬᠦᠮᠦᠨ ᠬᠢᠷᠢ ᠵᠡᠷᠭᠡ ᠤᠬᠠᠭᠠᠨ ᠴᠢᠳᠠᠪᠤᠷᠢᠲᠠᠢ ᠪᠣᠯᠤᠯᠠ ᠭᠡᠳ ᠠᠷᠳᠠᠭ ᠪᠠᠢᠭᠠᠯᠢᠶ᠋ᠢ ᠪᠦᠷᠢᠨ ᠡᠷᠬᠡᠱᠢᠶᠡᠨᠡ ᠭᠡᠳᠡᠭ ᠪᠣᠯ ᠪᠠᠢᠵᠤ ᠪᠣᠯᠣᠰᠢ ᠦᠭᠡᠢ ᠶᠤᠮ᠃ ᠶᠡᠭᠡ ᠪᠠᠢᠭᠠᠯᠢᠶ᠋ᠢᠨ ᠡᠮᠦᠨᠡ ᠬᠦᠮᠦᠨᠤ ᠬᠦᠴᠦᠨ ᠴᠢᠳᠠᠯ ᠪᠣᠯ ᠥᠴᠦᠬᠡᠨᠠᠴᠠ ᠥᠴᠦᠬᠡᠨ ᠠᠵᠢ᠃ ᠡᠢᠮᠦ᠍ ᠪᠣᠯᠬᠤᠷ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠪᠠᠢᠭᠠᠯᠢᠶ᠋ᠢᠨ ᠵᠢᠮᠡᠶ᠋ᠢ ᠳᠠᠭᠠᠬᠤ ᠦᠬᠡᠢ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠦᠷᠡ ᠳ᠋ᠦᠩᠳᠤ ᠬᠦᠷᠬᠦ᠌ ᠪᠣᠯᠣᠨᠠ᠃
ᠪ᠊·ᠪᠢᠯᠢᠭᠤᠨ ᠤᠷᠤᠯᠳᠤᠭᠠᠨᠳᠤ ᠳᠡᠪᠱᠢᠭᠦᠯᠦᠭ᠌ᠰᠡᠨ ᠪᠠᠰᠠ ᠨᠢᠭᠡᠨ ᠪᠦᠲᠦᠭᠡᠯᠨᠢ ᠱᠢᠢᠳᠪᠦᠷᠢᠲᠦ ᠲᠡᠮᠡᠴᠡᠭᠡᠨᠳᠤ ᠨᠡᠷᠡ ᠳᠡᠪᠱᠢᠵᠦ᠍᠂ ᠤᠷᠤᠯᠳᠤᠭᠠᠨᠤ ᠡᠯᠧᠺᠲ᠋ᠷᠣᠨ ᠵᠢᠷᠤᠭᠤᠨ ᠳᠣᠪᠬᠢᠮᠠᠯᠳᠤ ᠰᠣᠩᠭᠤᠭ᠍ᠳᠠᠵᠠᠢ᠃ ᠠᠵᠢᠭ᠍ᠯᠠᠪᠠᠯ᠄ ᠥᠭᠡᠳᠡ ᠥᠭ᠌ᠰᠦᠭ᠌ᠰᠡᠨ ᠳᠡᠭ᠌ᠳᠡᠷᠯᠢᠭ ᠱᠠᠲᠤᠨᠤ ᠰᠠᠭᠤᠷᠢ ᠲᠠᠯᠠᠶ᠋ᠢᠨ ᠬᠤᠶᠠᠷ ᠬᠠᠵᠠᠭᠤᠳᠤ᠂ ᠭᠤᠷᠪᠠᠨ ᠳᠠᠪᠬᠤᠷ ᠴᠢᠯᠠᠭᠤᠨ ᠰᠠᠭᠤᠷᠢ ᠳᠡᠭᠡᠷᠡ ᠰᠠᠭᠤᠭᠠ ᠰᠦᠷᠯᠢᠭ ᠲᠥᠷᠬᠦ᠌ᠲᠠᠢ ᠠᠷᠰᠯᠠᠨᠤ ᠱᠤᠭᠤᠮᠠᠯ ᠪᠠᠢᠨᠠ᠃ ᠵᠠᠩᠭᠢᠶᠠ ᠵᠠᠭᠦᠵᠦ᠍᠂ ᠺᠤᠰᠲ᠋ᠢᠶᠤᠮ ᠬᠡᠳᠦᠷᠡᠭᠡᠳ ᠣᠷᠲᠤ ᠬᠤᠩᠱᠢᠶᠠᠷᠲᠤ ᠱᠠᠬᠠᠢ ᠢᠰᠭᠦᠯᠵᠦ᠍᠂ ᠠᠯᠪᠠᠨ ᠪᠤᠭ᠍ᠴᠤ ᠪᠠᠷᠠᠭᠤᠨ ᠭᠠᠷᠲᠤᠪᠠᠨ ᠪᠠᠷᠢᠭ᠍ᠰᠠᠨ ᠡᠷᠬᠢᠮᠰᠦᠭ ᠬᠦᠮᠦᠨ ᠠᠳᠡ ᠢᠷᠡᠭᠡᠳ ᠬᠡᠨᠡᠳᠲᠡ ᠱᠤᠭᠤᠮᠠᠯ ᠠᠷᠰᠯᠠᠨᠨᠢ ᠠᠮᠢᠲᠤ ᠪᠠᠢᠨᠠ ᠭᠡᠵᠦ᠍ ᠰᠠᠨᠠᠭᠠᠳ ᠰᠡᠮᠡᠭᠡᠷᠬᠡᠨ ᠠᠲᠠᠯᠠ ᠱᠠᠯᠠᠮᠠᠭ ᠵᠠᠢᠯᠠᠬᠤᠳᠤᠨᠢ ᠺᠤᠰᠲ᠋ᠢᠶᠤᠮᠤᠨ ᠬᠢᠨᠢ ᠬᠤᠷᠮᠦᠢ ᠢᠷᠠᠭ᠍ᠳᠠᠵᠤ ᠪᠤᠢ᠃ ᠬᠦᠮᠦᠨ ᠲᠥᠷᠥᠯᠬᠢᠲᠡᠨᠤ ᠠᠷᠰᠯᠠᠨᠳᠤ ᠬᠠᠨᠳᠤᠬᠤ ᠣᠪᠤᠷ ᠪᠣᠯ ᠬᠤᠶᠠᠷᠳᠠᠮᠠᠯ ᠴᠢᠨᠠᠷᠲᠠᠢ ᠪᠠᠢᠳᠠᠭ᠃ ᠨᠢᠭᠡ ᠲᠠᠯᠠᠪᠠᠷ ᠠᠷᠰᠯᠠᠨᠢ ᠠᠮᠢᠲᠡᠨᠤ ᠬᠠᠭᠠᠨ ᠬᠡᠮᠡᠨ ᠴᠣᠯᠠᠯᠠᠵᠤ᠂ ᠲᠡᠭᠦᠨᠤ ᠰᠦᠷ ᠰᠦᠯᠳᠡ᠂ ᠬᠦᠴᠦᠨ ᠴᠢᠳᠠᠯᠢ ᠲᠣᠭᠤᠨ ᠪᠢᠱᠢᠷᠡᠵᠦ᠍ ᠪᠠᠢᠳᠠᠭ᠃ ᠶᠡᠷᠦ᠍ᠶ᠋ᠢᠨ ᠪᠠᠢᠳᠠᠯᠳᠤ᠂ ᠠᠷᠰᠯᠠᠨᠤ ᠱᠤᠭᠤᠮᠠᠯᠢ ᠭᠤᠣᠯ ᠪᠠᠷᠢᠯᠭᠠᠶ᠋ᠢᠨ ᠡᠭᠦᠳᠡᠨᠤ ᠬᠤᠶᠠᠷ ᠲᠠᠯᠠᠳᠤ ᠪᠤᠰᠭᠠᠵᠤ᠂ ᠴᠢᠳᠬᠦᠷ ᠱᠢᠮᠨᠤᠰ᠂ ᠭᠠᠢ ᠪᠠᠷᠴᠢᠳᠤᠨ ᠳᠠᠷᠤᠯᠭᠠ ᠪᠣᠯᠭᠠᠨ ᠲᠠᠯᠪᠢᠳᠠᠭ᠃ ᠪᠠᠰᠠ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠶ᠋ᠢ ᠤᠷᠢᠳᠴᠢᠯᠠᠨ ᠮᠡᠳᠡᠭᠡᠯᠡᠬᠦ᠌ ᠪᠤᠶᠤ ᠡᠵᠡᠨ ᠬᠦᠮᠦᠨᠤ ᠡᠷᠬᠡ ᠰᠦᠷᠢ ᠬᠠᠷᠠᠭᠤᠯᠳᠠᠭ ᠭᠡᠵᠦ᠍ ᠦᠵᠡᠳᠡᠭ ᠪᠠᠢᠨᠠ᠃ ᠭᠡᠬᠦ᠌ᠳᠤᠪᠠᠨ ᠬᠦᠮᠦᠨᠤ ᠲᠣᠭᠤᠵᠤ ᠪᠢᠱᠢᠷᠡᠳᠡᠭ ᠠᠷᠰᠯᠠᠨᠨᠢ ᠪᠠᠢᠭᠠᠯᠢᠳᠤᠪᠠᠨ ᠲᠠᠪᠠᠪᠠᠷᠢᠶᠠᠨ ᠠᠮᠢᠳᠤᠷᠠᠭᠠ ᠠᠮᠢᠲᠡᠨ ᠪᠢᠰᠢ ᠬᠠᠷᠢᠨ ᠠᠷᠰᠯᠠᠨᠤ ᠵᠢᠷᠤᠭ ᠪᠤᠶᠤ ᠱᠤᠭᠤᠮᠠᠯ ᠪᠠᠢᠵᠠᠢ᠃ ᠬᠡᠷᠪᠡ ᠶᠠᠮᠠᠷ ᠨᠢᠭᠡᠨ ᠳᠣᠬᠢᠶᠠᠯᠳᠣᠯᠳᠤ ᠦᠨᠡᠨ ᠠᠷᠰᠯᠠᠨ ᠲᠠᠭᠠᠷᠠᠯᠳᠤᠬᠤᠳᠤ ᠬᠦᠷᠪᠡᠯ ᠣᠭ᠍ᠲᠤ ᠳᠠᠭᠤ ᠴᠢᠮᠡᠭᠡ ᠭᠠᠷᠭᠠᠯ ᠦᠭᠡᠢ᠂ ᠰᠡᠮᠡᠭᠡᠷ ᠭᠤᠳ ᠲᠤᠳᠠᠭᠠᠬᠤᠠᠴᠠ ᠥᠭᠡᠷᠡ ᠵᠠᠮ ᠦᠭᠡᠢ ᠶᠤᠮ᠃ ᠠᠷᠰᠯᠠᠨᠢ ᠲᠣᠭᠤᠵᠤ ᠪᠢᠱᠢᠷᠡᠬᠦ᠌ ᠭᠡᠳᠡᠭᠨᠢ ᠬᠦᠮᠦᠨ᠂ ᠥᠪᠡᠷᠢᠪᠠᠨ ᠥᠮᠥᠭ᠌ᠯᠡᠭᠦᠯᠬᠦ᠂ ᠥᠪᠡᠷᠤᠨ ᠶᠠᠮᠠᠷ ᠨᠢᠭᠡᠨ ᠬᠦᠰᠡᠯᠢᠶᠠᠨ ᠪᠡᠶᠡᠯᠡᠭᠦᠯᠬᠦ᠌ ᠭᠡᠰᠡᠨ ᠭᠤᠷᠢᠳᠠᠯ ᠪᠠᠢᠵᠠᠢ᠃ ᠳᠡᠷᠤᠢ ᠠᠮᠢᠪᠠᠨ ᠪᠦᠭᠡᠴᠡᠢᠯᠡᠵᠦ᠍ ᠠᠱᠢᠭ ᠬᠠᠷᠠᠬᠤ ᠨᠢᠳᠦ᠍ᠪᠠᠷ ᠠᠷᠰᠯᠠᠨᠢᠶᠠᠨ ᠰᠣᠨᠵᠢᠭ᠍ᠰᠠᠨ ᠶᠠᠪᠤᠳᠠᠯ ᠮᠦᠨ᠃
ᠭᠤᠷᠪᠠᠳᠡᠬᠢ ᠵᠢᠷᠤᠭᠢ ᠠᠵᠢᠭ᠍ᠯᠠᠪᠠᠯ᠂ ᠬᠠᠨᠠᠨ ᠳᠡᠭᠡᠷᠡ ᠡᠯᠭᠦᠭ᠌ᠰᠡᠨ ᠠᠷᠰᠯᠠᠨᠤ ᠲᠣᠯᠣᠭᠠᠢᠶ᠋ᠢᠨ ᠱᠤᠭᠤᠮᠠᠯᠢ ᠬᠦᠷᠢᠶᠡᠯᠡᠭᠡᠳ ᠣᠯᠠᠨ ᠠᠮᠢᠲᠡᠨᠤ ᠱᠤᠭᠤᠮᠠᠯ ᠲᠥᠷᠬᠦ᠌ ᠡᠯᠭᠦᠭᠡᠰᠦᠲᠡᠢ ᠪᠠᠢᠨᠠ᠃ ᠪᠠᠢᠷᠢᠱᠢᠭᠤᠯᠤᠯᠲᠠᠠᠴᠠ ᠦᠵᠡᠪᠡᠯ᠂ ᠠᠷᠰᠯᠠᠨ ᠭᠤᠸᠠᠢ ᠠᠮᠢᠲᠡᠨᠤ ᠬᠠᠭᠠᠨ ᠭᠡᠰᠡᠨᠢᠶᠠᠷᠢᠶᠠᠨ ᠭᠤᠣᠯ ᠲᠦᠪᠢ ᠡᠵᠡᠯᠡᠵᠡᠢ᠃ ᠠᠷᠰᠯᠠᠨᠤ ᠲᠣᠯᠣᠭᠠᠢᠶ᠋ᠢᠨ ᠳᠣᠣᠷᠠ ᠬᠠᠪᠢᠳᠤ᠂ ᠬᠠᠨᠠ ᠳᠦᠱᠢᠭᠦᠯᠦᠨ ᠵᠤᠵᠠᠭᠠᠨ ᠣᠯᠪᠤᠭᠲᠠᠢ ᠰᠠᠨᠳᠠᠯᠢ ᠲᠠᠯᠪᠢᠵᠠᠢ᠃ ᠰᠠᠨᠳᠠᠯᠢᠶ᠋ᠢᠨ ᠵᠡᠭᠦᠨ ᠲᠠᠯᠠᠶ᠋ᠢᠨ ᠵᠢᠵᠢᠭ ᠬᠤᠷᠭᠤᠨ ᠳᠡᠭᠡᠷᠡ ᠠᠷᠢᠬᠢ ᠪᠠ ᠴᠣᠮᠣ ᠲᠠᠯᠪᠢᠵᠦ᠍᠂ ᠪᠠᠷᠠᠭᠤᠨ ᠲᠠᠯᠠᠶ᠋ᠢᠨ ᠵᠢᠵᠢᠭ ᠬᠤᠷᠭᠤ ᠳᠡᠭᠡᠷᠡ ᠴᠠᠬᠢᠯᠭᠠᠨ ᠳ᠋ᠧᠩ ᠪᠠ ᠬᠠᠪᠲᠠᠰᠤᠲᠤ ᠨᠤᠮ ᠲᠠᠯᠪᠢᠵᠠᠢ᠃ ᠨᠥᠭᠦᠬᠡ ᠲᠠᠯᠠᠳᠤ ᠪᠠᠢᠭᠠ ᠠᠪᠳᠠᠷᠠ ᠳᠡᠭᠡᠷᠡ ᠪᠠᠰᠠ ᠯᠣᠩᠬᠤᠲᠠᠢ ᠴᠡᠴᠡᠭ ᠲᠠᠯᠪᠢᠵᠠᠢ᠃ ᠰᠣᠷᠲᠣᠭᠤᠲᠠᠢ ᠥᠷᠥᠭᠡ ᠪᠣᠯᠬᠤᠨᠢ ᠦᠵᠡᠳᠡᠯᠡ ᠢᠯᠡ᠃ ᠭᠡᠬᠦ᠌ᠳᠤ ᠵᠥᠭᠡᠯᠡᠨ ᠰᠠᠨᠳᠠᠯᠢᠠᠴᠠ ᠬᠡᠨᠡᠳᠲᠡ ᠪᠤᠰᠤᠭ᠍ᠰᠠᠨ ᠬᠡᠮᠡᠷ ᠤᠨᠳᠠᠯᠭᠠᠶ᠋ᠢᠨ ᠬᠤᠪᠴᠠᠰᠤ ᠡᠮᠦᠰᠦᠭ᠌ᠰᠡᠨ ᠯᠠᠷᠵᠠᠲᠠᠢ ᠡᠵᠡᠨ ᠥᠨᠥ᠍ ᠬᠠᠨᠠ ᠤᠷᠤᠭᠤᠪᠠᠨ ᠠᠩᠬᠠᠷᠤᠯᠲᠠᠢ ᠭᠠᠢᠬᠠᠨ ᠱᠢᠷᠲᠡᠵᠦ᠍ ᠪᠠᠢᠨᠠ᠃ ᠨᠢᠷᠤᠭᠤᠪᠠᠨ ᠪᠦᠭ᠌ᠳᠦᠢᠯᠭᠡᠨ᠂ ᠬᠤᠶᠠᠷ ᠭᠠᠷᠢᠶᠠᠨ ᠠᠯᠲᠠᠯᠠᠩᠬᠠᠨ᠂ ᠠᠷᠪᠠᠨ ᠬᠤᠷᠤᠭᠤᠪᠠᠨ ᠰᠠᠷᠪᠠᠢᠯᠭᠠᠵᠤ ᠰᠠᠨᠳᠤᠷᠤᠭ᠍ᠰᠠᠨ ᠬᠠᠷᠠᠴᠠᠪᠠᠷ ᠱᠢᠷᠲᠡᠵᠦ᠍ ᠪᠠᠢᠬᠤᠨᠢ ᠲᠡᠭᠦᠨᠳᠤ ᠶᠠᠮᠠᠷ ᠨᠢᠭᠡᠨ ᠵᠦᠩ ᠰᠣᠪᠢᠩ ᠪᠠᠭᠤᠵᠤ ᠢᠷᠡᠭ᠌ᠰᠡᠨ ᠪᠠᠢᠵᠤ ᠲᠠᠭᠠᠷᠠᠨᠠ᠃ ᠲᠡᠷᠡ᠂ ᠥᠪᠡᠷᠤᠨ ᠦᠢᠯᠡᠳᠦᠭ᠌ᠰᠡᠨ ᠬᠡᠷᠡᠭᠲᠤᠪᠠᠨ ᠰᠡᠵᠢᠭ ᠲᠥᠷᠥᠵᠦ᠍ ᠪᠠᠢᠨᠠ᠃ ᠠᠮᠢᠲᠡᠨᠢ ᠪᠢᠱᠢᠷᠡᠵᠦ᠍ ᠰᠦᠵᠢᠭ᠌ᠯᠡᠬᠦ᠌ ᠨᠡᠷᠡᠪᠠᠷ ᠬᠤᠣᠷᠯᠠᠵᠤ ᠬᠥᠨᠥᠭᠡᠬᠦ᠌ᠨᠢ ᠨᠢᠭᠦᠯᠲᠦ ᠶᠠᠪᠤᠳᠠᠯ ᠮᠦᠨ᠃ ᠲᠡᠷᠡ ᠮᠦᠷᠲᠡᠬᠡᠨ ᠡᠨᠡ ᠬᠦ᠌ ᠨᠢᠭᠦᠯᠢᠶᠠᠨ ᠬᠡᠵᠢᠶᠡ ᠨᠢᠭᠡᠨ ᠴᠠᠭᠲᠤ ᠠᠮᠰᠠᠬᠤ ᠪᠣᠯᠣᠨᠠ ᠭᠡᠬᠦ᠌ᠠᠴᠠ ᠠᠶᠤᠨ ᠡᠮᠢᠶᠡᠵᠦ᠍᠂ ᠪᠠᠯᠭᠠᠷᠳᠠᠨ ᠰᠠᠨᠳᠤᠷᠴᠤ᠌ ᠪᠠᠢᠬᠤ ᠠᠵᠢ᠃
ᠳᠦᠷᠪᠡᠳᠡᠬᠢ ᠵᠢᠷᠤᠭᠢ ᠠᠵᠢᠭ᠍ᠯᠠᠪᠠᠯ᠂ ᠭᠤᠣᠯ ᠪᠠᠷᠢᠯᠭᠠᠶ᠋ᠢᠨ ᠡᠭᠦᠳᠡᠨᠡ ᠲᠠᠯᠪᠢᠭ᠍ᠳᠠᠳᠠᠭ ᠭᠠᠨᠳᠢᠭ ᠰᠠᠭᠤᠷᠢᠲᠠᠢ ᠠᠷᠰᠯᠠᠨᠤ ᠪᠤᠰᠤᠭᠠ ᠱᠤᠭᠤᠮᠠᠯ ᠪᠠᠢᠨᠠ᠃ ᠡᠨᠡ ᠠᠷᠰᠯᠠᠨᠢ ᠨᠢᠭᠤᠷᠯᠠᠭᠠᠳ ᠹᠷᠠᠨᠼᠢᠶ᠋ᠢᠨ ᠷᠤᠳᠢᠨᠤ 《ᠪᠤᠳᠤᠯᠭᠠᠲᠠᠨ》 ᠭᠡᠳᠡᠭ ᠠᠯᠳᠠᠷᠲᠤ ᠱᠤᠭᠤᠮᠠᠯᠤᠨ ᠲᠦᠷᠢ ᠲᠥᠯᠥᠪᠢ ᠲᠡᠷᠡ ᠶᠠᠩᠵᠤᠪᠠᠷᠨᠢ ᠭᠠᠷᠭᠠᠨ ᠰᠠᠭᠤᠭ᠍ᠰᠠᠨ ᠠᠮᠢᠲᠡᠨᠤ ᠰᠤᠷᠭᠠᠭ᠍ᠴᠢᠶ᠋ᠢᠨ ᠱᠤᠭᠤᠮᠠᠯ ᠪᠤᠢ᠃ ᠲᠡᠷᠡ ᠰᠤᠷᠭᠠᠭ᠍ᠴᠢ ᠲᠣᠭ᠍ᠯᠠᠯᠲᠠᠶ᠋ᠢᠨ ᠡᠮᠦᠰᠭᠡᠯᠢᠶᠠᠨ ᠡᠮᠦᠰᠴᠦ᠍᠂ ᠵᠠᠭᠦᠨ ᠭᠠᠷᠲᠤᠪᠠᠨ ᠲᠣᠭ᠍ᠯᠠᠬᠤ ᠪᠠᠭᠠᠵᠢᠨᠢ ᠪᠣᠯᠬᠤ ᠴᠠᠭᠠᠷᠢᠭ ᠪᠠᠷᠢᠵᠠᠢ᠃ ᠡᠨᠡ ᠱᠤᠭ ᠵᠢᠷᠤᠭᠲᠤ᠌᠂ ᠰᠤᠷᠭᠠᠭ᠍ᠴᠢ ᠭᠤᠸᠠᠢᠶ᠋ᠢ 《ᠪᠣᠳᠣᠯᠭᠠᠲᠠᠨ》 （ᠱᠤᠭᠤᠮᠠᠯ）ᠤ᠋ ᠲᠦᠷᠢ ᠲᠥᠯᠥᠪ ᠲᠠᠢ ᠱᠤᠭᠤᠭ᠍ᠰᠠᠨᠨᠢ ᠤᠷᠠᠨ ᠳᠠᠭᠠᠵᠢᠩᠨᠠᠯ ᠪᠣᠯᠬᠤ ᠪᠦᠭᠡᠳ ᠬᠤᠱᠣᠩᠨᠡᠯᠤᠨ ᠴᠠᠭᠠᠨᠠ ᠦᠭᠡᠪᠠᠨ ᠳᠠᠷᠤᠵᠤ ᠲᠠᠯᠪᠢᠵᠠᠢ᠃ ᠷᠣᠳᠢᠨᠤ 《ᠪᠤᠳᠤᠯᠭᠠᠲᠠᠨ》 ᠪᠣᠯ ᠬᠦᠮᠦᠨ ᠲᠥᠷᠥᠯᠬᠢᠲᠡᠨᠤ ᠬᠤᠪᠢ ᠵᠠᠶᠠᠭᠠᠨᠳᠤ ᠪᠤᠳᠤᠯᠭᠠᠱᠢᠷᠠᠵᠤ ᠪᠠᠢᠭᠠ ᠦᠵᠡᠯ ᠰᠠᠨᠠᠭᠠᠲᠠᠨᠤ ᠳᠦᠷᠢ ᠮᠦᠨ᠃ ᠲᠡᠷᠡ ᠲᠤᠷᠤᠭ᠍ᠰᠢ ᠱᠢᠷᠲᠡᠵᠦ᠍ ᠪᠠᠢᠭᠠᠨᠢ ᠨᠡᠢᠭᠡᠮᠤᠨ ᠳᠡᠭ᠌ᠰᠢ ᠪᠤᠰᠤ᠂ ᠪᠠᠷᠠᠭᠠᠨ ᠬᠠᠷᠠᠩᠭᠤᠢᠶ᠋ᠢ ᠠᠵᠢᠭ᠍ᠯᠠᠨ ᠪᠠᠢᠭᠠ ᠭᠡᠳᠡᠭ᠃ ᠡᠨᠡᠬᠦ᠌ ᠨᠡᠢᠭᠡᠮᠤᠨ 《ᠪᠤᠳᠤᠯᠭᠠᠲᠠᠨ》ᠲᠠᠢ ᠼᠢᠷᠺᠤᠨ 《ᠪᠤᠳᠤᠯᠭᠠᠲᠠᠨ》 （ᠰᠤᠷᠭᠠᠭ᠍ᠴᠢ） ᠮᠠᠨᠢ ᠮᠠᠰᠢ ᠲᠤᠳᠤ ᠬᠠᠷᠢᠴᠠᠭᠤᠯᠤᠯ ᠪᠣᠯᠵᠤ ᠪᠤᠢ᠃ ᠵᠠᠬᠠ ᠳᠡᠯᠭᠡᠭᠦᠷᠴᠢᠯᠡᠯᠤᠨ ᠡᠨᠡ ᠡᠷᠢᠨᠳᠤ᠂ ᠼᠢᠷᠺᠤᠨ 《ᠪᠤᠳᠤᠯᠭᠠᠲᠠᠨ》 ᠮᠠᠨᠢ ᠬᠠᠵᠠᠭᠤᠳᠤᠨᠢ ᠪᠠᠢᠭᠠ ᠡᠨᠡ ᠬᠦ᠌ ᠱᠤᠭᠤᠮᠠᠯ ᠠᠷᠰᠯᠠᠨᠢ ᠬᠡᠷᠬᠢᠨ ᠼᠢᠷᠺᠵᠢᠭᠦᠯᠬᠦ᠌ ᠭᠡᠳᠡᠭ ᠠᠰᠠᠭᠤᠳᠠᠯ ᠳᠡᠭᠡᠷᠡ ᠲᠠᠷᠢᠬᠢᠪᠠᠨ ᠭᠠᠱᠢᠯᠭᠠᠵᠤ ᠪᠤᠳᠤᠯᠳᠤ ᠵᠢᠪᠴᠠᠢ᠃ ᠠᠯᠠᠭ ᠴᠠᠭᠠᠷᠢᠭᠨᠢ ᠶᠧᠯᠸᠢᠲᠠᠢ ᠪᠠᠢᠭ᠍ᠰᠠᠨ ᠴᠤ᠌ ᠪᠣᠯᠣᠭᠠᠰᠠᠢ ᠭᠡᠵᠦ᠍ ᠭᠠᠷᠲᠤᠪᠠᠨ ᠵᠠᠭᠤᠷᠠᠭᠠᠳ ᠲᠠᠯᠪᠢᠬᠤ ᠦᠭᠡᠢ ᠪᠠᠢᠨᠠ᠃
ᠤᠷᠤᠯᠳᠤᠭᠠᠨᠳᠤ ᠳᠡᠪᠱᠢᠭᠦᠯᠦᠭ᠌ᠰᠡᠨ ᠲᠠᠪᠤᠨ ᠱᠤᠭ ᠵᠢᠷᠤᠭᠤᠨ ᠲᠤᠲᠤᠷᠠ ᠱᠤᠭᠤᠮᠠᠯ ᠳᠦᠷᠢᠪᠠᠷ ᠪᠢᠰᠢ᠂ ᠤᠤᠯ ᠪᠡᠶᠡᠪᠠᠷᠨᠢ ᠵᠢᠷᠤᠭ᠍ᠰᠠᠨ ᠨᠢᠭᠡ ᠠᠷᠰᠯᠠᠨ ᠪᠤᠢ᠃ ᠠᠵᠢᠭ᠍ᠯᠠᠪᠠᠯ᠄ ᠡᠨᠡ ᠵᠢᠷᠤᠭᠲᠤ᠌᠂ ᠴᠡᠴᠡᠷᠯᠢᠭᠤᠨ ᠰᠠᠷᠠᠯᠵᠢᠶ᠋ᠢᠨ ᠲᠣᠲᠤᠷᠠ ᠬᠤᠷᠢᠭ᠍ᠳᠠᠨ ᠲᠡᠵᠢᠭᠡᠭ᠌ᠳᠡᠵᠦ᠍ ᠪᠠᠢᠭᠠ ᠠᠷᠰᠯᠠᠨᠤ ᠪᠤᠳᠤᠯ ᠮᠥᠷᠥᠭᠡᠳᠦᠯᠢ ᠳᠦᠷᠰᠦᠯᠢᠭᠢᠶᠠᠷ ᠦᠵᠡᠭᠦᠯᠵᠡᠢ᠃ ᠥᠩᠭᠡᠲᠠᠢ ᠱᠢᠯ ᠵᠡᠭᠦᠵᠦ᠍ ᠣᠴᠣᠢᠨ ᠰᠠᠭᠤᠭ᠍ᠰᠠᠨ ᠠᠷᠰᠯᠠᠨ ᠮᠠᠨᠢ᠂ ᠬᠡᠭᠡᠷᠡ ᠬᠦᠲᠡᠭᠡ ᠠᠩᠨᠠᠵᠤ ᠪᠠᠢᠭ᠍ᠰᠠᠨ ᠡᠷᠢᠶᠡᠨᠲᠠᠬᠢᠪᠠᠨ ᠪᠤᠳᠤᠨᠠ᠃ ᠴᠡᠴᠡᠷᠯᠢᠭᠲᠤ ᠬᠡᠳᠦᠢᠪᠡᠷ ᠳᠤᠯᠠᠭᠠᠨ ᠪᠦᠯᠢᠶᠡᠨ᠂ ᠢᠳᠡᠬᠦ᠌ ᠤᠤᠭᠤᠬᠤᠨᠢ ᠲᠤᠲᠠᠬᠤ ᠦᠭᠡᠢ ᠴᠤ᠌᠂ ᠵᠣᠭᠤᠭᠤᠨ ᠬᠢᠨᠢ ᠨᠢᠭᠡ ᠠᠮᠲᠠ ᠪᠣᠯᠣᠭ᠍ᠰᠠᠨ ᠡᠷᠢᠶᠡᠨᠲᠠᠬᠢᠪᠠᠨ ᠰᠠᠨᠠᠵᠤ ᠪᠠᠢᠭᠠ ᠠᠵᠢ᠃ ᠠᠮᠢᠲᠠᠨ ᠭᠤᠣᠯᠲᠡᠨᠳᠤ ᠥᠪᠡᠷᠤᠨ ᠬᠢᠨᠢ ᠡᠷᠬᠡ ᠵᠢᠷᠭᠠᠯ ᠪᠤᠢ᠃ ᠡᠨᠡ ᠬᠦ᠌ ᠡᠷᠬᠡ ᠵᠢᠷᠭᠠᠯᠨᠢ ᠬᠠᠰᠤᠭ᠍ᠳᠠᠵᠤ ᠬᠢᠵᠠᠭᠠᠷᠯᠠᠭ᠍ᠳᠠᠬᠤᠳᠤ ᠬᠦᠷᠪᠡᠯ ᠬᠡᠳᠦᠢ ᠪᠠᠶᠠᠨ ᠲᠠᠩᠰᠤᠭ ᠠᠮᠢᠳᠤᠷᠠᠯᠠ ᠴᠤ᠌ ᠭᠡᠰᠡᠨ᠂ ᠪᠤᠰᠤᠳᠤᠨ ᠲᠠᠭᠠᠱᠢᠶᠠᠯ ᠰᠣᠨᠢᠷᠬᠠᠯᠢ ᠬᠡᠳᠦᠢ ᠬᠦᠷᠲᠡᠯᠡ ᠴᠤ᠌ ᠭᠡᠰᠡᠨ ᠭᠦᠢᠴᠡᠳ ᠪᠠᠶᠠᠷᠯᠠᠵᠤ ᠴᠡᠩᠭᠡᠵᠦ᠍ ᠴᠢᠳᠠᠬᠤ ᠦᠭᠡᠢ ᠠᠵᠢ᠃ ᠡᠢᠮᠦ᠍ᠳᠤ᠂ ᠪᠠᠢᠭᠠᠯᠢ ᠪᠣᠯ ᠲᠡᠲᠡᠨᠤ ᠵᠢᠩᠬᠢᠨᠢ ᠡᠷᠬᠡ ᠴᠢᠯᠦᠭᠡᠨᠤ ᠭᠡᠷ ᠣᠷᠣᠨ ᠮᠦᠨ᠃ ᠥᠩᠭᠡᠳᠦ ᠱᠢᠯ ᠵᠡᠭᠦᠭ᠌ᠰᠡᠨ ᠠᠷᠰᠯᠠᠨ ᠮᠠᠨᠢ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨᠳᠤ ᠥᠩᠭᠡᠲᠠᠢ ᠬᠠᠷᠠᠴᠠᠪᠠᠷ 《ᠪᠢᠲᠡᠨ》ᠢ᠋ ᠪᠢᠲᠡᠬᠡᠢ ᠬᠠᠷᠠᠭᠠᠰᠠᠢ ᠬᠡᠮᠡᠨ ᠵᠠᠬᠢᠨ ᠱᠠᠭᠠᠷᠳᠠᠵᠤ ᠪᠠᠢᠭᠠ ᠪᠢᠯᠡ᠃
ᠡᠨᠡ ᠲᠠᠪᠤᠨ ᠱᠤᠭ ᠵᠢᠷᠤᠭᠲᠤ ᠬᠦᠮᠦᠨᠤ ᠬᠠᠯᠠᠮᠵᠢᠯᠠᠯ᠂ ᠪᠠᠢᠭᠠᠯᠢᠶ᠋ᠢᠨ ᠵᠣᠬᠢᠴᠠᠯ ᠭᠡᠳᠡᠭ ᠰᠠᠨᠠᠭᠠ ᠨᠡᠢᠲᠡᠮ ᠲᠤᠭᠤᠱᠢᠯᠠᠭ᠍ᠳᠠᠵᠠᠢ ᠃