ᠤᠢ᠍ᠢᠷᠠᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠲᠣᠪᠴᠢᠶᠠ ᠣᠷᠣᠨᠤ ᠳᠣᠲᠣᠷᠠᠬᠢ ᠬᠠᠮᠢᠶᠠ ᠪᠥᠬᠦᠶ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ᠂ ᠲᠤᠰᠭᠠᠶ ᠪᠠᠢᠴᠠᠭᠠᠬᠤ ᠳᠤᠭᠤᠢᠯᠠᠩᠤᠨ ᠬᠥᠮᠦᠰᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ 《ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡᠶ᠋ᠢᠨ ᠲᠤᠰᠭᠠᠶ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠮᠡᠳᠡᠭᠦᠯᠦᠯᠲᠡ》 ᠶ᠋ᠢ ᠬᠢᠨᠠᠨ ᠬᠠᠷᠭᠤᠭᠤᠯᠵᠤ ᠱᠢᠯᠭᠠᠨ ᠠᠪᠬᠤ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠪᠠ᠃
ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠳ 《ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡ （ᠬᠠᠲᠠᠨ ᠰᠡᠢᠯᠦᠮᠡᠯ ᠬᠥᠷᠥᠭᠢ ᠪᠠᠭ᠍ᠲᠠᠭᠠᠨᠠ） ᠶ᠋ᠢᠨ ᠲᠤᠰᠭᠠᠶ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠮᠡᠳᠡᠭᠦᠯᠦᠯᠲᠡ》 ᠵᠢᠴᠢ ᠰᠠᠭᠤᠷᠢ ᠮᠠᠲ᠋ᠧᠷᠢᠶᠠᠯᠤᠨ ᠡᠮᠬᠢᠳᠭᠡᠯ ᠵᠡᠷᠭᠡᠶ᠋ᠢ ᠬᠢᠨᠠᠨ ᠬᠠᠷᠭᠤᠭᠤᠯᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠲᠤᠰ ᠮᠡᠳᠡᠭᠦᠯᠦᠯᠲᠡᠨᠢ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠲᠣᠪᠴᠢᠶᠠᠶ᠋ᠢᠨ ᠲᠣᠭ᠍ᠲᠠᠭᠠᠭ᠍ᠰᠠᠨ ᠵᠢᠱ᠌ᠢᠶᠡ ᠪᠠ ᠠᠭᠤᠯᠭᠠᠶ᠋ᠢᠨ ᠱᠠᠭᠠᠷᠳᠠᠯᠭᠠᠳᠤ ᠨᠡᠢᠴᠡᠵᠦ᠍᠂ ᠪᠥᠬᠦ᠌ ᠣᠷᠣᠨᠤ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡᠶ᠋ᠢᠨ ᠰᠠᠭᠤᠷᠢ ᠲᠤᠭᠠᠶ᠋ᠢ ᠦᠨᠳᠦᠰᠦᠨᠳᠡᠭᠡᠨ ᠲᠣᠳᠣᠷᠬᠠᠶ ᠣᠢᠯᠠᠭᠠᠨ᠂ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡᠶ᠋ᠢ ᠬᠠᠮᠠᠭᠠᠯᠠᠨ ᠠᠱᠢᠬ᠍ᠯᠠᠵᠤ ᠪᠠᠢᠭᠠ ᠣᠳᠣᠬᠢ ᠪᠠᠢᠳᠠᠯᠢ ᠪᠥᠬᠦ᠌ ᠲᠠᠯᠠᠪᠠᠷ ᠣᠢᠯᠠᠭᠠᠵᠤ᠂ ᠲᠤᠭᠠ ᠪᠠᠷᠢᠮᠲᠠᠨᠢ ᠨᠡᠯᠢᠶᠡᠳ ᠨᠠᠷᠢᠨ ᠪᠣᠳᠠᠲᠠᠶ᠂ ᠲᠠᠷᠠᠭᠠᠴᠢᠶ᠋ᠢᠨ ᠠᠯᠬᠤᠮᠤᠨ ᠪᠥᠬᠦ᠌ ᠣᠷᠣᠨᠤ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡᠶ᠋ᠢ ᠬᠠᠮᠠᠭᠠᠯᠠᠨ ᠠᠱᠢᠬ᠍ᠯᠠᠬᠤ ᠠᠵᠢᠯᠳᠤ ᠨᠡᠯᠢᠶᠡᠳ ᠰᠠᠢᠨ ᠰᠠᠭᠤᠷᠢᠶ᠋ᠢ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ ᠭᠡᠪᠡ᠃
2020 ᠣᠨᠤ 11 ᠰᠠᠷᠠᠠᠴᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠲᠣᠪᠴᠢᠶᠠ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡ ᠪᠠᠢᠳᠠᠭ ᠬᠠᠮᠢᠶᠠ ᠪᠥᠬᠦᠶ ᠠᠢᠮᠠᠭ ᠬᠤᠲᠠᠶ᠋ᠢᠨᠬᠢᠨᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ 4 ᠰᠠᠷᠠ ᠱᠢᠬᠠᠮᠤᠨ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡᠶ᠋ᠢᠨ ᠲᠤᠰᠭᠠᠶ ᠪᠠᠢᠴᠠᠭᠠᠯᠲᠠ ᠥᠷᠨᠢᠭᠦᠯᠵᠦ᠍᠂ 2021 ᠣᠨᠤ 3 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠪᠠᠷ ᠬᠡᠭᠡᠷᠡᠶ᠋ᠢᠨ ᠪᠠᠢᠴᠠᠭᠠᠯᠲᠠᠶ᠋ᠢ ᠪᠦᠬᠦ᠌ ᠲᠠᠯᠠᠪᠠᠷ ᠪᠡᠶᠡᠯᠡᠭᠦᠯᠪᠡ᠃ ᠪᠠᠢᠴᠠᠭᠠᠯᠲᠠᠪᠠᠷ ᠳᠠᠮᠵᠢᠨ᠂ ᠪᠥᠬᠦ᠌ ᠣᠷᠣᠨᠳᠤ ᠣᠲᠣ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠠᠢᠭᠠ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡ （ᠬᠠᠲᠠᠨ ᠰᠡᠢᠯᠦᠮᠡᠯ ᠬᠥᠷᠥᠭᠢ ᠪᠠᠭ᠍ᠲᠠᠭᠠᠨᠠ） 36 ᠪᠠᠢᠵᠤ᠂ ᠡᠭᠦᠨᠳᠤ 3 ᠤᠯᠤᠰᠤᠨ ᠲᠠᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ᠂ 15 ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ ᠪᠠᠢᠵᠤ᠂ ᠭᠤᠤᠯᠳᠠᠭᠤ ᠬᠥᠬᠡᠬᠤᠲᠠ᠂ ᠪᠤᠭᠤᠲᠤ᠌᠂ ᠣᠷᠳᠣᠰ ᠵᠡᠷᠭᠡ 8 ᠠᠢᠮᠠᠭ ᠬᠤᠲᠠᠳᠤ ᠲᠠᠷᠬᠠᠵᠤ ᠪᠠᠢᠳᠠᠭᠢ ᠢᠯᠡᠷᠡᠭᠦᠯᠵᠦ᠍᠂ ᠡᠲᠡᠭᠡᠷ ᠴᠢᠯᠠᠭᠤᠨ ᠠᠭᠤᠶᠶ᠋ᠢᠨ ᠰᠦᠮᠡᠨᠢ ᠢᠯᠡ ᠲᠣᠳᠣ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠᠯᠢᠭᠲᠠᠢ᠂ ᠲᠡᠦᠬᠡᠨᠳᠠᠬᠢ ᠦᠨᠳᠦᠰᠦᠲᠡᠨᠤ ᠭᠠᠵᠠᠷ ᠣᠷᠣᠨ ᠪᠣᠯᠤᠨ ᠵᠦᠩᠶᠤᠸᠠᠨ ᠣᠷᠣᠨᠤ ᠣᠯᠠᠨ ᠤᠳᠠᠭᠠᠶ᠋ᠢᠨ ᠰᠣᠶᠣᠯᠤᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠲᠤᠰᠭᠠᠵᠤ᠂ ᠴᠢᠬᠤᠯᠠ ᠲᠡᠦᠬᠡᠶ᠋ᠢᠨ ᠪᠠ ᠤᠷᠠᠯᠢᠭᠤᠨ ᠦᠨᠡ ᠥᠷᠲᠡᠭᠲᠠᠢ᠂ ᠣᠯᠠᠨ ᠡᠱᠢᠲᠦ ᠨᠢᠭᠡ ᠴᠣᠭ᠍ᠴᠠᠵᠢᠭ᠍ᠰᠠᠨ ᠱᠢᠯᠢᠳᠡᠭ ᠳᠤᠮᠳᠠᠳᠤᠶ᠋ᠢᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠣᠯᠤᠨᠠ᠃