《ᠬᠡᠷᠪᠡ ᠤᠯᠤᠰᠤᠨ ᠶᠠᠳᠠᠭᠤᠶ᠋ᠢ ᠲᠡᠳᠬᠦᠬᠦ᠌ ᠲᠦᠷᠦᠶ᠋ᠢᠨ ᠪᠤᠳᠤᠯᠭᠠ ᠪᠠᠢᠭ᠍ᠰᠠᠨ ᠦᠭᠡᠢ ᠪᠣᠯ ᠪᠢ ᠡᠨᠡ ᠨᠠᠰᠤᠨᠳᠠᠭᠠᠨ ᠡᠢᠮᠦ᠍ ᠰᠠᠢᠬᠠᠨ ᠭᠡᠷᠲᠤ ᠰᠠᠭᠤᠵᠤ᠂ ᠡᠢᠮᠦ᠍ ᠤᠯᠠᠨ ᠦᠬᠡᠷ ᠲᠡᠵᠢᠭᠡᠵᠦ᠍᠂ ᠡᠢᠮᠦ᠍ ᠰᠠᠢᠬᠠᠨ ᠠᠮᠢᠳᠤᠷᠠᠯᠢ ᠡᠳ᠋ᠯᠡᠵᠦ᠍ ᠴᠢᠳᠠᠬᠤ ᠦᠭᠡᠢ ᠱᠢᠦ！》 ᠬᠡᠮᠡᠨ ᠱᠢᠨᠡ ᠤᠷᠤᠨ ᠰᠠᠭᠤᠴᠠᠳᠠᠭᠠᠨ ᠨᠡᠭᠦᠵᠦ᠍ ᠤᠷᠤᠭ᠍ᠰᠠᠨ ᠯᠸᠢ ᠵᠢᠶᠦ᠋ᠨ ᠠᠭᠤᠯᠵᠠᠭ᠍ᠰᠠᠨ ᠪᠤᠯᠭᠠᠨᠳᠤ ᠤᠴᠢᠷᠯᠠᠨᠠ᠃
ᠯᠧᠢ ᠵᠢᠶᠦ᠋ᠨ ᠪᠣᠯ ᠤᠯᠠᠭᠠᠨᠴᠠᠪ ᠬᠤᠲᠠᠶ᠋ᠢᠨ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠱᠢᠭᠤᠨᠤ ᠬᠤᠮᠤᠨ ᠠᠢᠯ ᠱᠢᠶᠠᠩᠤᠨ ᠪᠠᠷᠠᠭᠤᠨ ᠭᠤᠤᠯ ᠲᠣᠰᠭᠤᠨᠤ ᠬᠥᠮᠦᠨ ᠪᠤᠯᠤᠨᠠ᠃ ᠳᠡᠳᠡᠨᠠᠢᠬᠢᠨ ᠭᠠᠵᠠᠷ ᠱᠢᠷᠣᠶ ᠴᠥᠭᠡᠨ᠂ ᠮᠡᠷᠭᠡᠵᠢᠯ ᠳᠤᠲᠠᠮᠠᠭ ᠳᠡᠭᠡᠷᠡ ᠬᠤᠶᠠᠷ ᠬᠡᠦᠬᠡᠳᠨᠢ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ ᠪᠠᠢᠬᠤ ᠪᠣᠯᠬᠤᠷ ᠠᠮᠢᠳᠤᠷᠠᠯᠨᠢ ᠮᠠᠰᠢ ᠬᠦᠴᠢᠷᠳᠡᠯᠲᠡᠢ ᠪᠠᠢᠵᠤ᠂ 2016 ᠣᠨᠳᠤ ᠳᠡᠩᠰᠡᠯᠡᠵᠦ᠍ ᠺᠠᠷᠲᠯᠠᠭ᠍ᠰᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠡᠷᠦᠬᠡᠪᠠᠷ ᠲᠤᠳᠤᠯᠠᠭ᠍ᠳᠠᠪᠠ᠃
2019 ᠣᠨᠳᠤ᠂ ᠯᠧᠢ ᠵᠢᠶᠦ᠋ᠨᠤᠬᠢᠨ ᠤᠨᠳᠤᠤ ᠭᠠᠵᠠᠷᠲᠤ ᠨᠡᠭᠦᠯᠭᠡᠬᠦ᠌ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠰᠠᠢᠨᠢᠶᠠᠷ ᠬᠡᠭᠡᠨ ᠰᠠᠷᠠᠭᠤᠯ ᠱᠢᠨᠡ ᠪᠠᠢᠱᠢᠩᠳᠤ ᠤᠷᠤᠵᠤ ᠰᠠᠭᠤᠭ᠍ᠰᠠᠨᠢᠶᠠᠷ ᠰᠡᠳᠭᠢᠯ ᠬᠠᠩᠬᠤᠯᠤᠭᠤᠨ ᠪᠤᠯᠵᠤ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠢ ᠢᠯᠡᠨ ᠳᠠᠪᠠᠭ᠍ᠤ ᠢᠲᠡᠭᠡᠯ ᠵᠣᠷᠢᠭᠨᠢ ᠴᠦ᠍ ᠬᠥᠪᠴᠢᠯᠡᠭ᠌ᠳᠡᠪᠡ᠃
《ᠥᠩᠭᠡᠷᠡᠭ᠌ᠰᠡᠨᠳᠤ ᠪᠢᠳᠡ ᠵᠢᠯᠳᠤ ᠠᠬᠠᠳᠠᠬᠤᠳᠠᠭᠠᠨ ᠬᠤᠶᠠᠷ ᠤᠳᠠᠭᠠ ᠬᠤᠳᠠ ᠤᠷᠤᠳᠠᠭ᠂ ᠵᠦᠩᠳᠡᠭᠡᠨ ᠱᠢᠨᠡ ᠰᠣᠷᠭᠤᠭ ᠢᠳᠡᠱᠢᠨ ᠨᠣᠭᠤᠭᠠ ᠣᠯᠵᠤ ᠢᠳᠡᠳᠡᠭ ᠦᠭᠡᠢ ᠁》 ᠭᠡᠵᠦ᠍ ᠯᠸᠢ ᠵᠢᠶᠦ᠋ᠨ ᠦᠩᠭᠡᠷᠡᠬᠦᠯᠵᠦ᠍ ᠢᠷᠡᠭ᠌ᠰᠡᠨ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢᠪᠠᠨ ᠲᠣᠭᠠᠴᠢᠨᠠ᠃ ᠲᠩᠷᠢᠶ᠋ᠢᠨ ᠴᠢᠷᠠᠢ ᠬᠠᠷᠠᠵᠦ᠍ ᠠᠮᠢᠳᠤᠷᠠᠨᠠ᠂ ᠶᠠᠪᠤᠵᠤ ᠰᠠᠭᠤᠬᠤᠳᠤ ᠬᠦᠴᠢᠷ᠂ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠬᠤᠳᠤ ᠬᠦᠴᠢᠷ᠂ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠯᠡᠬᠦ᠌ᠳᠤ ᠬᠦᠴᠢᠷ᠂ ᠤᠰᠤ ᠤᠤᠭᠤᠬᠤᠳᠤ ᠴᠦ᠍ ᠪᠦᠷ ᠬᠦᠴᠢᠷᠲᠠᠢ ᠪᠠᠢᠵᠤ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠵᠤ ᠴᠢᠨᠡᠭᠡᠯᠢᠭ᠌ᠵᠢᠬᠦ᠌ᠨᠢ 《ᠲᠡᠷᠡ ᠬᠤᠯᠠ ᠲᠡᠭ᠌ᠷᠢ ᠤᠢ᠍ᠢᠷᠠ》 ᠵᠤᠭᠤᠭ ᠪᠠᠢᠵᠠᠢ᠃ ᠠᠭᠤᠯᠠᠨ ᠭᠦᠨᠳᠠᠬᠢ ᠲᠣᠰᠭᠤᠨᠤ ᠠᠷᠠᠳᠲᠤ ᠠᠪᠴᠤ᠌ ᠬᠡᠯᠡᠪᠡᠯ᠂ ᠠᠯᠢ ᠨᠢᠭᠡᠨ ᠡᠳᠦᠷ ᠠᠭᠤᠯᠠᠨᠠᠴᠠ ᠭᠠᠷᠴᠤ᠌᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠬᠤᠨᠢ ᠬᠠᠮᠤᠭᠤᠨ ᠶᠡᠭᠡ ᠬᠦᠰᠡᠯ ᠪᠠᠢᠪᠠ᠃
ᠣᠨᠳᠣᠣ ᠭᠠᠵᠠᠷᠲᠤ ᠨᠡᠭᠦᠯᠭᠡᠨ ᠶᠠᠳᠠᠭᠤᠶ᠋ᠢ ᠲᠡᠳᠬᠦᠬᠦ᠌ᠳᠤ 《ᠨᠡᠭᠦᠯᠭᠡᠵᠦ᠍ ᠳᠡᠢᠯᠬᠦ᠌》 ᠪᠣᠯ ᠵᠠᠩᠭᠢᠯᠠᠭᠠ᠂ 《ᠲᠣᠭ᠍ᠲᠠᠪᠤᠷᠢᠵᠢᠭᠤᠯᠵᠤ ᠳᠡᠢᠯᠬᠦ᠂ ᠴᠢᠨᠡᠭᠡᠯᠢᠭ᠌ᠵᠢᠭᠦᠯᠵᠦ᠍ ᠳᠡᠢᠯᠬᠦ᠌》 ᠪᠣᠯ ᠬᠠᠲᠠᠭᠤ ᠶᠣᠰᠣ ᠪᠣᠯᠤᠨᠠ᠃ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠡᠷᠦᠬᠡᠶ᠋ᠢ ᠳᠠᠢᠴᠢᠯᠠᠨ ᠲᠣᠭ᠍ᠲᠠᠭᠤᠨᠢᠶᠠᠷ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠱᠢᠭᠤ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠪᠠᠢᠳᠠᠯᠳᠠᠭᠠᠨ ᠲᠣᠬᠢᠷᠠᠭᠤᠯᠤᠨ᠂ ᠣᠨᠴᠠᠯᠢᠭᠲᠠᠢ᠂ ᠴᠢᠨᠠᠷ ᠰᠠᠢᠲᠠᠶ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠦᠢᠯᠡᠰᠢ ᠬᠥᠭ᠌ᠵᠢᠭᠦᠯᠬᠦ᠌ ᠳᠡᠭᠡᠷᠡ ᠬᠦᠴᠦ᠍ ᠲᠠᠯᠪᠢᠵᠤ᠂ ᠠᠩᠭᠧᠰ ᠮᠢᠬᠠᠨᠤ ᠦᠬᠡᠷ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠠᠯᠢ ᠣᠯᠠᠨ ᠬᠠᠷᠠᠭᠠᠯᠵᠠᠯᠤᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ ᠨᠡᠢᠲᠡᠯᠡᠵᠦ᠍ ᠲᠠᠷᠢᠶᠠᠴᠢᠨ ᠡᠷᠦᠬᠡ ᠶ᠋ᠢᠨ ᠪᠠᠯᠠ ᠮᠥᠩᠭᠦᠶ᠋ᠢᠨ ᠠᠰᠠᠭᠤᠳᠠᠯᠢ ᠱᠢᠢᠳᠪᠦᠷᠢᠯᠡᠪᠡ᠃ ᠬᠥᠳᠡᠯᠮᠦᠷᠢᠯᠡᠬᠦ᠌ ᠴᠢᠳᠠᠪᠤᠷᠢᠲᠠᠢ᠂ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠲᠠᠢ ᠲᠠᠷᠢᠶᠠᠴᠢᠨ ᠡᠷᠦᠬᠡ ᠪᠠ ᠤᠨᠳᠤᠤ ᠭᠠᠵᠠᠷᠲᠤ ᠨᠡᠭᠦᠯᠭᠡᠭ᠌ᠰᠡᠨ ᠡᠷᠦᠬᠡ ᠪᠦᠬᠦᠨ ᠴᠥᠮ ᠠᠩᠭᠧᠰ ᠮᠢᠬᠠᠨᠤ ᠦᠬᠡᠷ ᠬᠤᠳᠠᠯᠳᠤᠨ ᠠᠪᠴᠤ᠌ ᠪᠣᠯᠤᠨᠠ᠂ ᠦᠬᠡᠷ ᠪᠦᠷᠢᠶ᠋ᠢᠨ ᠦᠨᠡᠨᠢ 1.65 ᠲᠦᠮᠡᠨ ᠲᠥᠭᠦᠷᠢᠭ᠃ ᠡᠬᠦᠨᠳᠤ᠂ 1 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠪᠠᠭᠠ ᠲᠤᠭᠠᠨᠤ ᠢᠳᠡᠭᠡᠮᠵᠢᠳᠦ ᠵᠢᠭᠡᠯᠡᠯᠭᠡ ᠤᠯᠭᠤᠵᠤ᠂ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ ᠬᠦᠦ ᠮᠦᠩᠭᠦᠶ᠋ᠢ 3 ᠵᠢᠯ ᠤᠷᠤᠯᠠᠨ ᠲᠦᠯᠦᠵᠦ᠍ ᠦᠭ᠌ᠬᠦᠨᠡ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠡᠷᠦᠬᠡ ᠪᠠᠰᠠ ᠲᠣᠪᠶᠤᠭ ᠬᠡᠯᠪᠡᠷᠢᠶ᠋ᠢᠨ ᠨᠥᠬᠦᠪᠥᠷᠢᠶ᠋ᠢ 4000 ᠲᠥᠭᠦᠷᠢᠭ ᠭᠥᠷᠳᠡᠵᠦ᠍ ᠪᠣᠯᠤᠨᠠ᠂ ᠡᠢᠨ ᠬᠦ᠌ ᠬᠤᠪᠢ ᠬᠥᠮᠦᠨ ᠵᠥᠪᠬᠡᠨ 2500 ᠲᠥᠭᠦᠷᠢᠭ ᠵᠠᠷᠤᠴᠠᠭᠤᠯᠪᠠᠯ ᠳᠠᠷᠤᠶ 1 ᠲᠣᠯᠣᠭᠠᠶ ᠬᠡᠭᠡᠯᠲᠦᠭ᠌ᠰᠡᠨ ᠦᠨᠢᠶᠡ ᠬᠤᠳᠠᠯᠳᠤᠨ ᠠᠪᠴᠤ᠌ ᠪᠣᠯᠤᠨᠠ᠃ ᠮᠢᠬᠠᠨᠤ ᠦᠬᠡᠷᠢ ᠪᠣᠷᠣᠯᠠᠭᠤᠯᠬᠤ ᠪᠤᠯᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠲᠠᠷᠢᠶᠠᠯᠠᠩᠤᠨ ᠪᠠᠯᠠ ᠣᠷᠣᠭᠤᠯᠤᠯᠲᠠᠶ᠋ᠢᠨ ᠺᠣᠮᠫᠠᠨᠢ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠠᠩᠰᠢᠠᠴᠠ ᠥᠨᠳᠥᠷ ᠦᠨᠡᠪᠠᠷ ᠬᠡᠯᠡᠯᠴᠡᠭᠡᠷ ᠲᠤᠭ᠍ᠳᠠᠬᠤ ᠬᠡᠯᠪᠡᠷᠢᠪᠠᠷ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠡᠷᠦᠬᠡᠶ᠋ᠢᠨ ᠡᠷᠡᠭᠡᠯᠵᠡᠭᠡᠶ᠋ᠢ ᠲᠦᠢᠯᠪᠤᠷᠢᠲᠠᠶ ᠠᠷᠢᠯᠭᠠᠪᠠ᠃
ᠯᠸᠢ ᠵᠢᠶᠦ᠋ᠨᠤᠬᠢᠨ ᠪᠤᠯ ᠳᠠᠷᠤᠶ ᠡᠨᠡ ᠬᠦ᠌ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠠᠱᠢᠭ ᠬᠦᠷᠲᠡᠭ᠌ᠴᠢ ᠮᠦᠨ᠂ 2020 ᠣᠨᠤ 3 ᠰᠠᠷᠠᠳᠤ᠂ ᠲᠡᠷᠡ ᠨᠢᠭᠡ ᠯᠡ ᠳᠡᠭᠡᠷᠡ 5 ᠠᠩᠭᠧᠰ ᠮᠢᠬᠠᠨᠤ ᠦᠬᠡᠷ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠣᠲᠣ ᠪᠤᠯᠬᠤᠳᠤ 15 ᠦᠬᠡᠷᠲᠠᠢ ᠪᠣᠯᠵᠠᠶ᠂ ᠡᠷᠡ ᠨᠥᠬᠦᠷᠲᠠᠢᠪᠠᠨ ᠬᠠᠮᠲᠤ ᠵᠢᠷᠭᠠᠯᠳᠦ ᠠᠮᠢᠳᠤᠷᠠᠯᠢᠶᠠᠨ ᠴᠤᠭ᠍ᠴᠠᠯᠠᠬᠤᠶ᠋ᠢᠨ ᠲᠦᠯᠦᠭᠡ ᠡᠬᠡᠨᠡᠷᠨᠢ ᠡᠤ ᠱᠢᠤᠸᠠᠢ ᠹᠠᠩ ᠪᠠᠰᠠ ᠭᠠᠭ᠍ᠠᠶ ᠲᠡᠵᠢᠭᠡᠵᠦ᠍ ᠡᠬᠢᠯᠡᠪᠡ᠂ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠡᠳᠦᠷ ᠪᠦᠷᠢ ᠥᠷᠯᠥᠭᠡ ᠡᠷᠲᠡᠠᠴᠠ ᠡᠬᠢᠯᠡᠨ ᠠᠵᠢᠯᠤᠨ ᠬᠤᠪᠢᠶᠠᠷᠢᠯᠠᠯ ᠲᠣᠳᠣᠷᠬᠠᠶ ᠠᠵᠢᠯᠯᠠᠨᠠ᠂ ᠯᠸᠢ ᠵᠢᠶᠦ᠋ᠨ ᠦᠬᠡᠷ ᠲᠤᠳᠤᠮᠳᠠᠵᠤ᠂ ᠡᠤ ᠱᠢᠤᠸᠠᠢ ᠹᠠᠩ ᠭᠠᠭ᠍ᠠᠶ ᠲᠡᠵᠢᠭᠡᠵᠦ᠍᠂ ᠵᠠᠪ ᠴᠢᠯᠦᠭᠡᠪᠠᠷᠢᠶᠠᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠤᠷᠠ ᠮᠡᠷᠭᠡᠵᠢᠯᠢᠶᠠᠨ ᠰᠣᠯᠢᠯᠴᠠᠵᠤ ᠪᠠᠢᠳᠠᠭ᠃
ᠣᠳᠣ᠂ ᠯᠧᠢ ᠵᠢᠶᠦ᠋ᠨᠤ ᠬᠠᠮᠤᠭᠤᠨ ᠪᠠᠶᠠᠷᠯᠠᠳᠠᠭ ᠶᠠᠪᠤᠳᠠᠯ ᠪᠤᠯ 15 ᠦᠬᠡᠷᠲᠠᠢ ᠪᠤᠯᠤᠭ᠍ᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠯᠧᠢ ᠵᠢᠶᠦ᠋ᠨᠤ ᠦᠵᠡᠬᠦ᠌ᠪᠠᠷ᠂ ᠡᠨᠡ 15 ᠦᠬᠡᠷᠨᠢ ᠵᠦᠪᠬᠡᠨ ᠦᠬᠡᠷ ᠲᠡᠳᠦᠶ ᠪᠢᠰᠢ᠂ ᠬᠠᠷᠢᠨ 15 ᠵᠣᠭᠤᠰ ᠭᠠᠷᠭᠠᠬᠤ ᠮᠠᠱᠢᠨ ᠪᠣᠯᠤᠨᠠ᠃ ᠣᠳᠣ ᠯᠧᠢ ᠵᠢᠶᠦ᠋ᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠬᠡᠪᠴᠢᠶᠡᠪᠠᠨ ᠥᠷᠭᠡᠳᠭᠡᠵᠦ᠍᠂ ᠵᠢᠯᠤᠨ ᠣᠷᠣᠯᠭᠠᠪᠠᠨ 10 ᠲᠦᠮᠡᠨ ᠲᠥᠭᠦᠷᠢᠭᠲᠤ ᠬᠦᠷᠭᠡᠬᠦ᠌ ᠱᠢᠨᠡ ᠡᠭᠦᠷᠭᠡ ᠬᠠᠷᠠᠯᠲᠠ ᠲᠤᠭ᠍ᠲᠠᠭᠠᠪᠠ᠃ 2019 ᠣᠨᠤ 12 ᠰᠠᠷᠠᠳᠤ ᠳᠡᠭᠡᠳᠦ ᠱᠠᠲᠤᠨᠤ ᠰᠠᠯᠠᠭᠠ ᠮᠥᠴᠢᠷᠤᠨ ᠬᠢᠨᠠᠨ ᠱᠢᠯᠭᠠᠯᠲᠠᠪᠠᠷ ᠳᠠᠮᠵᠢᠨ ᠳᠠᠳᠠᠨᠠᠢᠬᠢᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭ᠍ᠰᠠᠨ ᠪᠠᠢᠨᠠ᠃
《ᠯᠧᠢ ᠵᠢᠶᠦ᠋ᠨᠤ ᠡᠨᠡ ᠬᠦ᠌ ᠠᠮᠢᠳᠤᠷᠠᠯ ᠪᠤᠯ 〈ᠲᠡᠵᠢᠭᠡᠵᠦ᠍〉 ᠪᠠᠢᠮᠠᠨᠵᠢᠨ ᠤᠯᠤᠭ᠍ᠰᠠᠨ ᠰᠠᠢᠨ ᠠᠮᠢᠳᠤᠷᠠᠯ ᠪᠤᠯᠤᠨᠠ᠂ ᠲᠣᠰᠭᠤᠨᠤ ᠬᠦᠮᠦᠰ ᠲᠡᠳᠡᠨᠤᠳᠤ ᠢᠷᠡᠵᠦ᠍ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠤᠷᠱᠢᠯᠭᠠᠶ᠋ᠢᠨᠢ ᠠᠰᠠᠭᠤᠵᠤ ᠰᠤᠷᠠᠳᠠᠭ ᠪᠤᠯᠪᠠ᠂ ᠲᠡᠷᠡ ᠥᠪᠡᠷᠢᠶᠠᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠨ ᠪᠠᠶᠠᠵᠢᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠮᠠᠰᠢ ᠣᠯᠠᠨ ᠬᠥᠮᠦᠰᠢ ᠳᠠᠭᠠᠭᠤᠯᠤᠨ ᠴᠢᠨᠡᠭᠡᠯᠢᠭ᠌ᠵᠢᠵᠦ᠍ ᠪᠠᠢᠨᠠ᠂ ᠣᠳᠣ ᠮᠠᠨᠤ ᠪᠠᠷᠠᠭᠤᠨ ᠭᠤᠤᠯ ᠲᠣᠰᠭᠤᠨᠤ ᠡᠷᠦᠬᠡ ᠪᠤᠯᠭᠠᠨ ᠪᠦᠷ ᠠᠵᠤ ᠦᠢᠯᠡᠰᠲᠠᠢ ᠪᠤᠯᠵᠠᠢ》 ᠭᠡᠵᠦ᠍ ᠬᠤᠮᠤᠨ ᠠᠢᠯ ᠱᠢᠶᠠᠩᠤᠨ ᠪᠠᠷᠠᠭᠤᠨ ᠭᠤᠤᠯ ᠲᠣᠰᠭᠤᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠵᠠᠩ ᠱᠢᠤᠸᠠᠨ ᠬᠡᠯᠡᠵᠦ᠍ ᠪᠠᠢᠪᠠ᠃