● 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠪᠤᠯ ᠲᠣᠷᠭᠠᠨ ᠵᠠᠮᠤᠨ ᠳᠠᠷᠠᠭᠠᠬᠢ ᠧᠦ᠋ᠷᠣᠫᠠ ᠠᠽᠢᠶᠠᠶ᠋ᠢᠨ ᠡᠬᠡ ᠬᠠᠭᠤᠷᠠᠶᠳᠤ ᠡᠭᠦᠰᠦᠭ᠌ᠰᠡᠨ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠣᠯᠠᠨ ᠤᠯᠤᠰᠤᠨ ᠬᠤᠳᠠᠯᠳᠤᠭᠠᠨᠤ ᠵᠠᠮ ᠪᠣᠯᠤᠨᠠ᠃
● 300 ᠭᠠᠷᠤᠶ ᠵᠢᠯ ᠦᠷᠭᠦᠯᠵᠢᠯᠡᠭ᠌ᠰᠡᠨ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠨᠢ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠲᠤ ᠶᠡᠭᠡ ᠬᠡᠮᠵᠢᠶᠡᠨᠤ ᠰᠣᠶᠣᠯᠤᠨ ᠥᠪ ᠦᠯᠡᠳᠡᠭᠡᠵᠡᠶ᠃
● 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠨᠢ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠤᠨ ᠬᠤᠭᠤᠷᠣᠨᠳᠣᠬᠢ ᠠᠷᠠᠯᠵᠢᠶᠠᠶ᠋ᠢ ᠬᠥᠭ᠌ᠵᠢᠭᠦᠯᠵᠦ᠍᠂ ᠬᠤᠳᠠᠯᠳᠤᠭᠠᠴᠢᠨ ᠪᠠ ᠤᠯᠤᠰ ᠣᠷᠣᠨ ᠴᠥᠮ ᠠᠱᠢᠭ ᠭᠥᠷᠳᠡᠪᠡ᠃
● 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠪᠣᠯ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠤᠨ ᠰᠠᠨᠠᠭᠠᠴᠢᠯᠠᠭᠠᠳᠠᠬᠢ ᠰᠣᠶᠣᠯ ᠢᠷᠭᠡᠨᠱᠢᠯᠤᠨ ᠨᠡᠪᠲᠡᠷᠡᠯᠴᠡᠭᠡ᠂ ᠠᠷᠠᠯᠵᠢᠶᠠ ᠵᠢᠭᠤᠯᠴᠢᠯᠠᠯᠤᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠴᠢᠬᠤᠯᠠ ᠵᠠᠮ ᠮᠥᠨ᠃
ᠬᠤᠲᠠ ᠪᠣᠯ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮᠤᠨ ᠠᠮᠢᠨ ᠰᠦᠨᠡᠰᠦ ᠮᠥᠨ᠂ ᠪᠠᠰᠠ ᠴᠤ᠌ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮᠤᠨ ᠰᠣᠶᠣᠯ ᠬᠢᠭᠡᠳ ᠵᠣᠷᠢᠭ ᠰᠠᠨᠠᠭᠠᠨᠤ ᠠᠴᠢᠶᠠᠯᠠᠭ᠍ᠴᠢ ᠮᠥᠨ᠃ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮᠤᠨ ᠬᠠᠮᠵᠢᠯᠴᠠᠭᠠᠨᠤ ᠴᠣᠭ᠍ᠴᠠᠶ᠋ᠢᠨ ᠭᠦᠢᠴᠡᠳᠭᠡᠭ᠌ᠴᠢ ᠲᠡᠷᠢᠭᠦᠯᠡᠭ᠌ᠴᠢ ᠭᠦᠸᠧ ᠵᠢᠶᠧ ᠲᠦᠷᠦᠭᠦᠬᠡᠨᠳᠤ ᠬᠤᠷᠠᠯᠳᠤᠭ᠍ᠰᠠᠨ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠮᠣᠩᠭᠤᠯ ᠤᠷᠤᠰᠤᠨ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ （ᠲᠤᠯᠤᠨ ᠨᠤᠤᠷ） ᠤᠨ ᠬᠤᠲᠠᠶ᠋ᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠬᠤᠷᠠᠯ ᠳᠡᠭᠡᠷᠡ 《ᠬᠡᠰᠡᠭ 〈ᠨᠠᠪᠴᠢ〉 ᠨᠢ ᠬᠤᠲᠠᠶ᠋ᠢᠨ ᠬᠤᠯᠪᠤᠭᠠᠯᠠᠯᠢ ᠨᠡᠩ ᠨᠢᠭ᠍ᠲᠠᠷᠠᠭᠤᠯᠳᠠᠭ᠂ ᠬᠤᠲᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠳᠤ ᠵᠦᠢᠯᠤᠨ ᠴᠡᠴᠡᠭ ᠦᠩᠭᠡ ᠪᠤᠯᠢᠶᠠᠯᠳᠤᠨ ᠳᠡᠯᠭᠡᠷᠡᠪᠡᠯ ᠰᠠᠶᠢ ᠬᠠᠷᠠᠭᠠ ᠪᠤᠯᠢᠶᠠᠭ᠍ᠰᠠᠨ ᠦᠩᠭᠡ ᠦᠵᠡᠮᠵᠢᠲᠠᠢ ᠪᠤᠯᠵᠤ ᠴᠢᠳᠠᠨᠠ》 ᠭᠡᠵᠦ᠍ ᠢᠯᠡᠳᠭᠡᠪᠡ᠃
8 ᠰᠠᠷᠠᠶ᠋ᠢᠨ 1 — 3 ᠤ ᠡᠳᠦᠷ ᠪᠣᠯᠲᠠᠯᠠ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠳᠤ ᠬᠤᠷᠠᠯᠳᠤᠭ᠍ᠰᠠᠨ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠮᠣᠩᠭᠤᠯ ᠤᠷᠤᠰᠤᠨ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ （ᠲᠤᠯᠤᠨ ᠨᠤᠤᠷ） ᠤᠨ ᠬᠤᠲᠠᠶ᠋ᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠬᠤᠷᠠᠯᠳᠤ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰ ᠭᠤᠷᠪᠠᠨ ᠤᠯᠤᠰᠤᠨ 60 ᠵᠠᠩᠭᠢᠯᠠᠭᠠᠶ᠋ᠢᠨ ᠴᠡᠭᠤᠨ ᠬᠤᠲᠠᠶ᠋ᠢᠨ ᠭᠤᠤᠯ ᠬᠠᠷᠢᠭᠤᠴᠠᠯᠭᠠᠲᠠᠨ᠂ 100 ᠱᠢᠬᠠᠮ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ᠂ ᠡᠷᠳᠡᠮᠲᠡᠨ ᠪᠠ ᠠᠵᠤ ᠠᠬᠤᠢᠯᠠᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠨᠠᠷ ᠣᠷᠣᠯᠴᠠᠵᠤ᠂ ᠣᠯᠠᠨ ᠤᠯᠤᠰᠤᠨ ᠬᠠᠮᠲᠤᠷᠠᠯᠴᠠᠭᠠ᠂ ᠠᠵᠤ ᠦᠶ᠋ᠯᠡᠰᠤᠨ ᠠᠭᠤᠰᠤᠯᠴᠠᠯ᠂ ᠵᠠᠯᠠᠭᠤᠴᠤᠳᠤᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠂ ᠰᠣᠶᠣᠯᠤᠨ ᠥᠪᠢ ᠬᠠᠮᠲᠤᠷᠠᠨ ᠡᠷᠡᠮᠡᠯᠵᠡᠯᠡᠬᠦ᠌ ᠳᠥᠷᠪᠡᠨ ᠲᠠᠯᠠᠠᠴᠠ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰ ᠭᠤᠷᠪᠠᠨ ᠤᠯᠤᠰᠤᠨ ᠬᠤᠲᠠᠶ᠋ᠢᠨ ᠬᠤᠭᠤᠷᠣᠨᠳᠣᠬᠢ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠲᠤᠯᠢᠳᠠᠯ᠂ ᠠᠵᠤ ᠠᠬᠤᠶᠶ᠋ᠢᠨ ᠨᠡᠪᠲᠡᠷᠡᠯᠴᠡᠭᠡ ᠬᠤᠯᠪᠣᠭᠠᠯᠠᠯᠢ ᠠᠬᠢᠭᠤᠯᠬᠤ ᠵᠡᠷᠬᠡ ᠣᠯᠠᠨ ᠵᠦᠶ᠋ᠯᠤᠨ ᠠᠷᠭᠠ ᠬᠡᠮᠵᠢᠶᠡᠶ᠋ᠢ ᠬᠠᠮᠲᠤᠪᠠᠷ ᠵᠥᠪᠳᠡᠯᠴᠡᠭ᠌ᠰᠡᠨ ᠪᠢᠯᠡ᠃
ᠱᠠᠨ ᠰᠢ ᠴᠢᠭᠤᠯᠭᠠᠨᠤ ᠤᠯᠠᠮᠵᠢᠯᠠᠯᠳᠦ ᠬᠦᠳᠡᠯᠭᠡᠭᠡᠨᠤ ᠴᠠᠭ ᠬᠤᠭᠤᠴᠠᠭᠠᠨᠤ ᠬᠦᠰᠦᠨᠦᠭ᠌ᠳᠤ ᠪᠠ ᠠᠭᠤᠯᠭᠠ
ᠲᠤᠰ ᠰᠤᠨᠢᠨᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠭᠤᠤ ᠬᠤᠩ ᠯᠢᠶᠠᠨ ᠰᠡᠬᠦᠳᠡᠷᠯᠡᠪᠡ
ᠴᠢᠭᠤᠯᠭᠠᠨ ᠬᠤᠷᠠᠭ᠍ᠰᠠᠨ ᠬᠡᠢᠳ
ᠲᠤᠰ ᠰᠤᠨᠢᠨᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠭᠤᠤ ᠬᠤᠩ ᠯᠢᠶᠠᠨ ᠰᠡᠬᠦᠳᠡᠷᠯᠡᠪᠡ
ᠮᠤᠨᠢ ᠠᠭᠤᠯᠠ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠪᠠᠯᠭᠠᠰᠤᠳᠠᠬᠢ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮᠤᠨ ᠦᠷᠳᠡᠭᠡ
ᠱᠠᠨ ᠰᠢ ᠴᠢᠭᠤᠯᠭᠠᠨ
ᠲᠤᠰ ᠰᠤᠨᠢᠨᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠭᠤᠤ ᠬᠤᠩ ᠯᠢᠶᠠᠨ ᠰᠡᠬᠦᠳᠡᠷᠯᠡᠪᠡ
《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠤᠨ ᠡᠬᠦᠰᠦᠯ
ᠲᠡᠥᠬᠡᠨ ᠳᠡᠮᠳᠡᠭ᠌ᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠨᠢ ᠴᠢᠩ ᠤᠯᠤᠰᠤᠨ ᠦᠶᠡᠳᠠᠬᠢ ᠳᠣᠯᠣᠨ ᠨᠤᠤᠷᠤᠨ ᠴᠢᠭᠤᠯᠭᠠᠨᠠᠴᠠ ᠢᠷᠡᠯᠲᠡᠲᠠᠢ ᠭᠡᠳᠡᠭ᠃ ᠡᠨᠡ ᠬᠦ᠌ ᠴᠠᠢᠶ᠋ᠢᠨ ᠵᠠᠮᠢ ᠬᠦᠴᠦᠯᠡᠨ ᠰᠤᠳᠤᠯᠵᠦ᠍᠂ ᠲᠡᠦᠬᠡᠶ᠋ᠢᠨ ᠤᠬᠠᠭᠠᠨᠤ ᠪᠦᠲᠦᠭᠡᠯ 《ᠴᠠᠢᠶ᠋ᠢᠨ ᠵᠠᠮ》 ᠢ ᠪᠢᠴᠢᠵᠦ᠍ ᠬᠡᠪᠯᠡᠭᠦᠯᠦᠭ᠌ᠰᠡᠨ ᠥᠪᠥᠷ ᠮᠣᠩᠭᠤᠯᠤᠨ ᠵᠣᠬᠢᠶᠠᠯᠴᠢ ᠳ᠋ᠧᠩ ᠵᠢᠦ ᠭᠠᠩᠤᠨ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠲᠤᠬᠠᠢᠶ᠋ᠢᠨ ᠦᠶᠡᠳᠤ ᠤᠷᠤᠰᠤᠨ ᠬᠤᠳᠠᠯᠳᠤᠭᠠᠴᠢᠳ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭ᠌ᠴᠢᠯᠡᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠢᠷᠡᠵᠦ᠍ ᠴᠠᠢ ᠬᠤᠳᠠᠯᠳᠤᠨ ᠠᠪᠬᠤ ᠭᠤᠶᠤᠴᠢᠯᠠᠯ ᠭᠠᠷᠭᠠᠵᠤ᠂ 《ᠨᠢᠪᠦ᠋ᠴᠦ᠋ᠶ᠋ᠢᠨ ᠭᠡᠷᠡ》 ᠲᠣᠭ᠍ᠲᠠᠭ᠍ᠰᠠᠨᠤ ᠳᠠᠷᠠᠭᠠ ᠴᠢᠩ ᠤᠯᠤᠰᠤᠨ ᠵᠠᠰᠠᠭᠤᠨ ᠭᠠᠵᠠᠷ ᠰᠠᠶᠢ ᠬᠢᠯᠢᠶ᠋ᠢᠨ ᠪᠣᠭᠤᠮᠲᠠᠶ᠋ᠢ ᠨᠡᠭᠡᠭᠡᠵᠦ᠍᠂ ᠤᠷᠤᠰᠲᠠᠢ ᠠᠷᠠᠯᠵᠢᠶᠠ ᠬᠢᠬᠦ᠌ᠶ᠋ᠢ ᠵᠥᠪᠱᠢᠶᠡᠷᠡᠭ᠌ᠰᠡᠨ ᠪᠠᠢᠪᠠ᠃ ᠳᠡᠭᠡᠬᠦ᠌ᠳᠤ ᠣᠷᠣᠰ ᠮᠣᠩᠭᠤᠯᠤᠨ ᠬᠤᠳᠠᠯᠳᠤᠭᠠᠨᠤ ᠪᠣᠭᠤᠮᠲᠠ — ᠬᠢᠶᠠᠭ᠍ᠲᠤᠪᠠᠷ ᠳᠠᠮᠵᠢᠨ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠤᠨ ᠠᠷᠠᠯᠵᠢᠶᠠ ᠨᠡᠪᠲᠡᠷᠡᠵᠦ᠍᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠠᠶ ᠬᠢᠶᠠᠭ᠍ᠳᠤᠪᠠᠷ ᠥᠩᠭᠡᠷᠡᠨ ᠲᠦᠮᠡᠨ ᠭᠠᠵᠠᠷ ᠠᠶᠠᠯᠠᠭ᠍ᠰᠠᠨᠤ ᠲᠠᠷᠠᠭᠠ ᠰᠠᠶᠢ ᠣᠷᠣᠰᠤᠨ ᠡᠷᠬᠢᠮ ᠬᠠᠲᠤᠭ᠍ᠲᠠᠶᠶ᠋ᠢᠨ ᠮᠥᠩᠭᠦᠨ ᠴᠣᠮᠣᠨᠳᠤ ᠤᠷᠤᠵᠠᠢ᠃ ᠰᠤᠷᠪᠤᠯᠵᠢ ᠪᠢᠴᠢᠭᠲᠠᠬᠢ ᠲᠡᠮᠳᠡᠭ᠌ᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠬᠢᠶᠠᠬ᠍ᠳᠦ ᠪᠣᠭᠤᠮᠲᠠᠶ᠋ᠢᠨ ᠵᠢᠯᠤᠨ ᠠᠷᠠᠯᠵᠢᠶᠠᠨᠤ ᠳᠣᠲᠣᠷᠠ ᠴᠠᠶᠶ᠋ᠢᠨ ᠬᠤᠪᠢᠶ᠋ᠢᠨ ᠵᠢᠩ ᠶᠡᠷᠦᠨᠢ 50% ᠠᠴᠠ ᠳᠡᠭᠡᠭ᠌ᠰᠢᠬᠢᠶ᠋ᠢ ᠡᠵᠡᠯᠡᠵᠦ᠍ ᠪᠠᠢᠪᠠ᠃
《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠪᠤᠯ ᠲᠣᠷᠭᠠᠨ ᠵᠠᠮᠤᠨ ᠳᠠᠷᠠᠭᠠᠬᠢ ᠧᠦ᠋ᠷᠣᠫᠠ ᠠᠽᠢᠶᠠᠶ᠋ᠢᠨ ᠡᠬᠡ ᠬᠠᠭᠤᠷᠠᠶᠳᠤ ᠡᠭᠦᠰᠦᠭ᠌ᠰᠡᠨ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠣᠯᠠᠨ ᠤᠯᠤᠰᠤᠨ ᠬᠤᠳᠠᠯᠳᠤᠭᠠᠨᠤ ᠵᠠᠮ ᠪᠣᠯᠤᠨᠠ᠃ ᠹᠦᠵᠢᠶᠠᠨᠤ ᠡᠦ ᠢ ᠱᠠᠨ ᠠᠭᠤᠯᠠᠨᠠᠴᠠ ᠡᠬᠢᠯᠡᠵᠦ᠍᠂ ᠵᠢᠶᠠᠩᠰᠢ᠂ ᠠᠨᠾᠦ᠋ᠢ᠂ ᠬᠤᠨᠠᠨ᠂ ᠬᠤᠪᠸᠢ᠂ ᠾᠧᠨᠠᠨ᠂ ᠱᠠᠨ ᠰᠢ᠂ ᠾᠧᠪᠸᠢ᠂ ᠥᠪᠥᠷ ᠮᠣᠩᠭᠤᠯ ᠵᠡᠷᠭᠡ ᠭᠠᠵᠠᠷᠢᠶᠠᠷ ᠥᠩᠭᠡᠷᠡᠵᠤ᠂ ᠮᠣᠩᠭᠤᠯᠤᠨ ᠥᠨᠳᠦᠷᠯᠢᠭᠢ ᠳᠤᠭᠤᠯᠤᠨ᠂ ᠬᠠᠮᠤᠭᠤᠨ ᠰᠡᠬᠦᠯᠳᠤ ᠣᠷᠣᠰᠤᠨ ᠰᠠᠨᠲ ᠫᠧᠲ᠋ᠧᠷᠪᠦ᠋ᠷᠡᠭᠲᠤ ᠬᠦᠷᠴᠦ᠍᠂ ᠪᠦᠬᠦ᠌ ᠵᠠᠮᠨᠢ ᠪᠠᠷᠤᠭ 1.3 ᠲᠦᠮᠡᠨ ᠺᠢᠯᠣᠮᠧᠲᠷ ᠤᠷᠳᠤ ᠪᠠᠢᠵᠤ᠂ ᠲᠡᠦᠬᠡᠨ ᠳᠡᠭᠡᠷᠡ ᠡᠬᠡ ᠬᠠᠭᠤᠷᠠᠶᠶ᠋ᠢ ᠰᠤᠨᠳᠠᠯᠠᠭ᠍ᠰᠠᠨ ᠬᠠᠮᠤᠭᠤᠨ ᠣᠷᠳᠣ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠵᠠᠮ ᠪᠤᠯᠬᠤ ᠶᠤᠮ᠃
ᠳᠤᠮᠳᠠᠳᠤ ᠤᠯᠤᠰ ᠪᠣᠯ ᠴᠠᠶᠶ᠋ᠢᠨ ᠭᠠᠷᠤᠯᠲᠠᠶ᠋ᠢᠨ ᠤᠯᠤᠰ᠂ ᠠᠯᠢ ᠡᠷᠲᠡ ᠨᠡᠢᠲᠡᠶ᠋ᠢᠨ ᠤᠨ ᠲᠣᠭᠠᠯᠠᠯᠤᠨ 16 ᠳ᠋ᠤᠭᠠᠷ ᠵᠠᠭᠤᠨᠤ ᠦᠶᠡᠳᠤ ᠳᠤᠮᠳᠠᠳᠤ ᠤᠯᠤᠰ ᠨᠢᠭᠡᠨᠲᠡ ᠴᠠᠶᠶ᠋ᠢ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠭ᠍ᠰᠠᠨ ᠲᠡᠦᠬᠡᠲᠠᠢ ᠪᠤᠯᠵᠤ᠂ 17 ᠳ᠋ᠤᠭᠠᠷ ᠵᠠᠭᠤᠨ ᠪᠣᠯᠬᠤᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪᠤᠨ ᠴᠠᠶᠨᠢ ᠣᠷᠣᠰ ᠪᠣᠯᠤᠨ ᠧᠦ᠋ᠷᠣᠫᠠ ᠲᠢᠪᠲᠤ ᠨᠢᠭᠡᠨᠲᠡ ᠨᠢᠭᠡᠨ ᠲᠣᠭ᠍ᠲᠠᠪᠤᠷᠢᠲᠠᠶ ᠪᠥᠭᠡᠳ ᠮᠤᠨᠳᠠᠭ ᠶᠡᠭᠡ ᠬᠡᠷᠡᠭ᠌ᠯᠡᠭ᠌ᠴᠢᠶ᠋ᠢᠨ ᠪᠦᠯᠬᠦᠮᠲᠠᠢ ᠪᠤᠯᠵᠠᠢ᠂ ᠢᠯᠠᠩᠭᠤᠶᠠ ᠱᠢᠪᠧᠷᠢᠶᠠ ᠣᠷᠴᠢᠮᠤᠨ ᠤᠯᠠᠭᠠᠨ ᠴᠠᠭᠠᠨ ᠢᠳᠡᠭᠡᠨᠢᠶᠠᠷ ᠭᠤᠣᠯ ᠢᠳᠡᠭᠡᠨ ᠪᠣᠯᠭᠠᠭ᠍ᠰᠠᠨ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨ 《ᠨᠢᠭᠡ ᠡᠳᠦᠷ ᠶᠠᠭᠤᠮᠠ ᠢᠳᠡᠬᠦ᠌ ᠦᠭᠡᠶ ᠪᠠᠢᠭ᠍ᠰᠠᠨ ᠴᠤ᠌ ᠨᠢᠭᠡ ᠡᠳᠦᠷ ᠴᠠᠶ ᠤᠤᠭᠤᠬᠤ ᠦᠭᠡᠶ ᠪᠣᠯᠬᠤ ᠦᠭᠡᠶ》 ᠬᠡᠮᠵᠢᠶᠡᠨᠳᠤ ᠬᠦᠷᠪᠠ᠃ ᠣᠷᠣᠰᠲᠤ ᠤᠤᠭᠤᠳᠠᠭ ᠬᠡᠪᠤᠨ ᠴᠠᠶᠨᠢ ᠴᠥᠮ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠣᠷᠣᠨᠠᠴᠠ ᠢᠷᠡᠭ᠌ᠰᠡᠨ ᠪᠠᠢᠬᠤᠳᠤ ᠡᠵᠡᠩᠨᠡᠭ᠌ᠴᠢᠨᠢ ᠬᠠᠷᠢᠨ ᠴᠠᠶ ᠳᠠᠷᠢᠳᠠᠭ ᠦᠭᠡᠶ ᠱᠠᠨ ᠰᠢ ᠮᠤᠵᠢᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳ ᠪᠣᠯᠤᠨᠠ᠃
ᠱᠠᠨ ᠰᠢᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳ ᠡᠯᠪᠡᠭ ᠪᠠᠶᠠᠯᠢᠭ ᠡᠳ᠋ᠤᠨ ᠬᠦᠴᠦ᠍᠂ ᠠᠮᠢᠳᠤᠯᠢᠭ ᠪᠥᠭᠡᠳ ᠬᠤᠪᠢᠷᠠᠯᠲᠠ ᠶᠡᠬᠡᠲᠡᠶ ᠡᠵᠡᠩᠨᠡᠯᠲᠡᠶ᠋ᠢᠨ ᠠᠷᠭᠠ ᠵᠠᠮ᠂ ᠱᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠶ ᠠᠵᠢᠯᠯᠠᠬᠤ ᠱᠢᠨᠳᠠᠰᠤ᠂ ᠵᠣᠷᠢᠭ᠍ᠲᠠᠶᠪᠠᠷ ᠠᠳᠠᠯ ᠦᠢᠯᠡᠰ ᠴᠣᠭ᠍ᠴᠠᠯᠠᠬᠤ ᠡᠷᠴᠢ ᠵᠤᠷᠢᠭᠢᠶᠠᠷ ᠬᠤᠯᠠ ᠵᠠᠮᠤᠨ ᠫᠠᠨᠽᠠᠯᠠᠨ ᠵᠥᠭᠡᠭᠡᠪᠦᠷᠢᠯᠡᠬᠦ᠌ ᠠᠷᠠᠯᠵᠢᠶᠠᠨᠤ ᠳᠤᠮᠳᠠ ᠠᠭᠠᠵᠢᠮᠢᠶᠠᠷ ᠵᠠᠷᠢᠮ ᠬᠤᠳᠠᠯᠳᠤᠭᠠᠨᠤ ᠵᠠᠮ᠂ ᠪᠠᠷᠠᠭᠠᠨᠤ ᠵᠠᠮᠢ ᠨᠡᠭᠡᠭᠡᠭ᠌ᠰᠡᠨ ᠪᠠ ᠪᠦᠷᠢᠯᠳᠦᠭᠦᠯᠵᠦ᠍᠂ ᠳᠡᠯᠡᠬᠡᠶ ᠳ᠋ᠠᠬᠢᠨᠢ ᠨᠡᠪᠲᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠳᠠᠭ᠃
ᠬᠤᠳᠠᠶ᠋ᠢᠨ ᠬᠦᠭ᠌ᠵᠢᠯᠳᠡᠳᠤ ᠦᠵᠡᠬᠦᠯᠦᠭ᠌ᠰᠡᠨ ᠦᠢᠯᠡᠳᠦᠯ
ᠱᠠᠨ ᠰᠢᠶ᠋ᠢᠨ ᠴᠠᠶᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳ ᠵᠢᠯ ᠪᠦᠷᠢ ᠵᠢᠶᠠᠩᠨᠠᠨ ᠣᠷᠣᠨᠤ ᠴᠠᠶ ᠭᠠᠷᠳᠠᠭ ᠭᠠᠵᠠᠷᠠᠴᠠ ᠴᠠᠶ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠲᠤᠨᠢ ᠪᠡᠯᠡ ᠣᠷᠣᠭᠤᠯᠤᠨ ᠦᠢᠯᠡᠳᠪᠦᠷᠢ ᠪᠠᠢᠭᠤᠯᠵᠤ᠂ ᠮᠢᠩᠭᠠ ᠲᠦᠮᠡᠨ ᠲᠠᠷᠢᠶᠠᠴᠢᠨᠢ ᠬᠥᠯᠥᠰᠥᠯᠡᠨ ᠴᠠᠶ ᠲᠡᠭᠦᠬᠦ᠌ ᠪᠠ ᠬᠡᠪᠤᠨ ᠴᠠᠶ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠬᠢᠯᠭᠡᠵᠦ᠍᠂ ᠬᠡᠪᠤᠨ ᠴᠠᠶᠶ᠋ᠢᠨ ᠦᠢᠯᠡᠳᠭᠡᠯᠨᠢ ᠡᠮᠦᠨᠡᠲᠦ ᠣᠷᠣᠨᠤ ᠴᠢᠬᠤᠯᠠ ᠭᠠᠷ ᠦᠢᠯᠡᠳᠪᠦᠷᠢ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
ᠴᠢᠩ ᠤᠯᠤᠰᠤᠨ ᠦᠶᠡᠳᠤ᠂ ᠳᠤᠮᠳᠠᠳᠤ ᠣᠷᠣᠰ ᠬᠤᠶᠠᠷ ᠲᠣᠮᠣ ᠤᠯᠤᠰᠤᠨ ᠭᠠᠳᠠᠭᠠᠳᠤᠠᠴᠠ ᠣᠷᠣᠭᠤᠯᠵᠤ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠬᠤ ᠠᠷᠠᠯᠵᠢᠶᠠᠨᠢ ᠴᠠᠶᠶ᠋ᠢᠨ ᠠᠷᠠᠯᠵᠢᠶᠠ ᠪᠠᠢᠭ᠍ᠰᠠᠨ᠂ ᠳᠤᠮᠳᠠᠳᠤ ᠣᠷᠣᠰᠤᠨ ᠴᠠᠶᠶ᠋ᠢᠨ ᠵᠠᠮᠤᠨ ᠴᠡᠴᠡᠭ᠌ᠯᠡᠯᠨᠢ ᠮᠠᠨᠤ ᠤᠯᠤᠰᠤᠨ ᠳᠣᠲᠣᠷᠠ ᠭᠠᠵᠠᠷᠤᠨ ᠴᠠᠶ ᠳᠠᠷᠢᠬᠤ ᠦᠶ᠋ᠯᠡᠰ ᠪᠠ ᠲᠡᠭᠡᠭᠡᠪᠦᠷᠢᠶ᠋ᠢᠨ ᠦᠶ᠋ᠯᠡᠰᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠵᠤ᠂ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠲᠠᠯᠠ ᠨᠤᠲᠤᠭ ᠪᠤᠯᠤᠨ ᠣᠷᠣᠰᠤᠨ ᠱᠢᠪᠧᠷᠢᠶᠠᠶ᠋ᠢᠨ ᠠᠵᠤ ᠠᠬᠤᠶ ᠨᠡᠢᠭᠡᠮᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠬᠦᠴᠦᠲᠡᠶ ᠠᠬᠢᠭᠤᠯᠵᠤ᠂ ᠴᠠᠶ ᠵᠦᠭᠡᠬᠡᠪᠦᠷᠢᠯᠡᠬᠦ᠌ ᠲᠡᠮᠡᠭᠡᠨ ᠵᠢᠩᠤᠨ ᠵᠠᠮ ᠳᠠᠭᠠᠤ ᠠᠲᠠᠷ ᠬᠡᠭᠡᠷᠡ ᠪᠠᠢᠭ᠍ᠰᠠᠨ ᠭᠠᠵᠠᠷᠤᠳᠲᠤ ᠬᠤᠲᠠ ᠪᠠᠯᠭᠠᠰᠤ ᠰᠡᠬᠦ᠋ᠢᠨ ᠪᠣᠰᠴᠤ᠌᠂ ᠧᠦ᠋ᠷᠣᠫᠠᠶ᠋ᠢᠨ ᠪᠣᠯᠪᠠᠰᠤᠨ ᠬᠢᠭᠡᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠳᠤᠮᠳᠠᠳᠤ ᠣᠷᠣᠨᠤ ᠪᠣᠯᠪᠠᠰᠤᠨ ᠠᠳᠡ ᠠᠭᠤᠰᠤᠯᠴᠠᠨ᠂ ᠳᠤᠮᠳᠠᠳᠤ ᠤᠯᠤᠰ ᠪᠣᠯᠤᠨ ᠧᠦ᠋ᠷᠣᠫᠠ ᠲᠢᠪ ᠡᠨᠡ ᠬᠦ᠌ ᠬᠤᠳᠠᠯᠳᠤᠭᠠᠨᠤ ᠵᠠᠮᠢᠶᠠᠷ ᠪᠣᠳᠠᠰᠤᠨ ᠪᠠ ᠪᠣᠯᠪᠠᠰᠤᠨᠤ ᠰᠣᠯᠢᠯᠴᠠᠭᠠ ᠬᠢᠵᠦ᠍ ᠪᠠᠢᠵᠠᠢ᠃
ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ ᠬᠦᠭ᠌ᠵᠢᠨ ᠴᠡᠴᠡᠭ᠌ᠯᠡᠬᠦ᠌ᠠᠴᠠ ᠡᠮᠦᠨᠡ ᠮᠣᠩᠭᠤᠯᠤᠨ ᠥᠨᠳᠦᠷᠯᠢᠭ ᠪᠠ ᠱᠢᠪᠧᠷᠢᠶᠠᠶ᠋ᠢᠨ ᠭᠠᠵᠠᠷ ᠣᠷᠣᠨ ᠮᠥᠨ ᠯᠡ ᠡᠵᠡᠬᠦᠢ ᠠᠭᠤᠳᠠᠮ᠂ ᠬᠥᠮᠦᠨ ᠠᠮᠠ ᠴᠥᠭᠡᠨ ᠪᠠᠢᠳᠠᠯᠲᠠᠢ ᠪᠠᠢᠭ᠍ᠰᠠᠨ ᠶᠤᠮ᠃ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠬᠦᠭ᠌ᠵᠢᠨ ᠴᠡᠴᠡᠭ᠌ᠯᠡᠬᠦ᠌ᠶ᠋ᠢ ᠳᠠᠭᠠᠯᠳᠤᠨ ᠦᠯᠡᠮᠵᠢ ᠣᠯᠠᠨ ᠬᠥᠮᠦᠨ ᠤᠰᠤᠨ ᠵᠠᠮ᠂ ᠬᠠᠭᠤᠷᠠᠶ ᠵᠠᠮᠤᠨ ᠲᠡᠭᠡᠭᠡᠪᠦᠷᠢ ᠡᠷᠭᠢᠯᠡᠵᠦ᠍᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠨᠤ ᠦᠶ᠋ᠯᠡᠰᠢ ᠲᠦᠷᠭᠡᠨ ᠬᠥᠭ᠌ᠵᠢᠭᠦᠯᠵᠦ᠍᠂ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠬᠤᠲᠠ ᠪᠠᠯᠭᠠᠰᠤᠵᠢᠯᠲᠠᠶ᠋ᠢᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠠᠬᠢᠭᠤᠯᠤᠨ᠂ ᠦᠯᠡᠮᠵᠢ ᠣᠯᠠᠨ ᠬᠤᠲᠠ ᠪᠠᠯᠭᠠᠰᠤ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠤᠨ ᠨᠥᠯᠥᠭᠡᠯᠡᠯ ᠳᠤᠤᠷᠠ ᠰᠣᠶᠣᠭᠠᠯᠠᠨ ᠪᠤᠢᠵᠢᠭ᠍ᠰᠠᠨ ᠠᠵᠢ᠃
ᠬᠤᠲᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠨᠢ ᠪᠠᠰᠠ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠬᠦ᠌ᠶ᠋ᠢ ᠠᠬᠢᠭᠤᠯᠤᠨ᠂ ᠳᠡᠯᠭᠡᠭᠦᠷ ᠬᠤᠳᠠᠯᠳᠤᠭᠠ ᠰᠡᠬᠦ᠋ᠢᠨ ᠰᠦᠨᠳᠡᠷᠯᠡᠵᠦ᠍᠂ ᠬᠡᠪᠴᠢᠶᠡᠨᠢ ᠶᠠᠪᠤᠬᠤ ᠲᠤᠲᠤᠮ ᠶᠡᠭᠡ ᠪᠣᠯᠵᠠᠢ᠃ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠬᠠᠮᠤᠭᠤᠨ ᠨᠡᠷᠡᠲᠠᠢ ᠶᠡᠭᠡ ᠬᠤᠳᠠᠯᠳᠤᠭᠠ ᠪᠣᠯ ᠳ᠋ᠠ ᠱᠧᠩ ᠺᠦᠶ ᠪᠣᠯᠤᠨᠠ᠃ 200 ᠭᠠᠷᠤᠶ ᠵᠢᠯᠤᠨ ᠬᠤᠭᠤᠴᠠᠭᠠᠨᠳᠤ᠂ ᠶᠡᠷᠦᠩᠬᠡᠶ ᠵᠠᠬᠢᠷᠭᠠᠪᠠᠨ ᠬᠦᠶ ᠬᠤᠸᠠ （ᠤᠳᠤᠶ᠋ᠢᠨ ᠬᠦᠬᠡᠬᠤᠳᠠ） ᠳᠤ ᠪᠠᠢᠭᠤᠯᠤᠭ᠍ᠰᠠᠨ ᠳ᠋ᠠ ᠱᠧᠩ ᠺᠦᠶᠶ᠋ᠢᠨ ᠥᠪᠥᠷ ᠮᠣᠩᠭᠤᠯ ᠪᠣᠯᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠤᠮᠠᠷᠠᠲᠤᠶ᠋ᠢᠨ ᠪᠤᠰᠤᠳ ᠭᠠᠵᠠᠷ ᠣᠷᠣᠨᠳᠤ ᠪᠠᠢᠭᠤᠯᠤᠭ᠍ᠰᠠᠨ ᠬᠤᠪᠢᠶᠠᠷᠢ ᠲᠣᠰᠭᠤᠨ᠂ ᠬᠤᠪᠢᠶᠠᠷᠢ ᠫᠦᠰᠡ᠂ ᠵᠤᠭᠤᠰᠤᠨ ᠫᠦᠰᠡ᠂ ᠮᠠᠯᠵᠢᠯᠤᠨ ᠲᠠᠯᠠᠪᠠᠶ᠂ ᠮᠤᠷᠢᠨ ᠳᠠᠯᠠᠪᠠᠢ᠂ ᠴᠠᠶ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠬᠡᠳᠦᠨ ᠠᠷᠪᠠᠳᠤ ᠬᠦᠷᠴᠦ᠍᠂ ᠡᠵᠡᠩᠨᠡᠯᠲᠡᠶ᠋ᠢᠨ ᠡᠳ᠋ ᠪᠣᠳᠠᠰᠨᠢ 《ᠲᠣᠷᠭᠠ ᠳᠤᠷᠳᠤᠩᠠᠴᠠ ᠰᠣᠩᠭᠢᠨᠠ ᠰᠠᠷᠢᠮᠰᠠᠭ》 ᠬᠦᠷᠲᠡᠯᠡ ᠪᠦᠷᠢᠨ ᠪᠠᠢᠵᠠᠶ᠃ ᠥᠨᠥᠳᠦᠷ ᠳ᠋ᠠ ᠱᠧᠩ ᠺᠦᠢ ᠰᠣᠶᠣᠯᠤᠨ ᠪᠦᠲᠦᠭᠡᠯᠴᠢ ᠠᠵᠤ ᠦᠢᠯᠡᠰᠤᠨ ᠬᠦᠷᠢᠶᠡᠯᠡᠩᠨᠢ ᠬᠥᠬᠡᠬᠤᠲᠠᠶ᠋ᠢᠨ ᠢᠦ᠋ᠢᠴᠢᠤᠸᠠᠨ ᠲᠣᠭᠤᠷᠢᠭᠲᠤ ᠪᠠᠢᠷᠢᠯᠠᠵᠤ᠂ ᠨᠢᠬᠡᠨᠳᠡ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨ ᠪᠣᠯᠤᠭ᠍ᠰᠠᠨ ᠪᠢᠯᠡ᠃
ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯ
300 ᠭᠠᠷᠤᠶ ᠵᠢᠯ ᠦᠷᠭᠦᠯᠵᠢᠯᠡᠭ᠌ᠰᠡᠨ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠨᠢ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠲᠤ ᠶᠡᠭᠡ ᠬᠡᠮᠵᠢᠶᠡᠨᠤ ᠰᠣᠶᠣᠯᠤᠨ ᠥᠪ ᠦᠯᠡᠳᠡᠭᠡᠵᠡᠶ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠣᠷᠣᠰᠤᠨ ᠬᠢᠶᠠᠭ᠍ᠲᠤ᠂ ᠮᠣᠩᠭᠤᠯ ᠤᠯᠤᠰᠤᠨ ᠤᠯᠢᠶᠠᠰᠤᠲᠠᠢᠶ᠋ᠢᠨ ᠬᠠᠭᠤᠴᠢᠨ ᠬᠤᠲᠠᠶ᠋ᠢᠨ ᠪᠠᠭᠤᠷᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠶᠠᠩ ᠯᠧᠦ ᠳ᠋ᠦᠩ ᠡᠷᠲᠡᠨᠤ ᠪᠠᠯᠭᠠᠰᠤ ᠵᠡᠷᠭᠡ ᠬᠤᠲᠠ ᠪᠠᠯᠭᠠᠰᠤ᠂ ᠪᠠᠰᠠ ᠴᠢᠭᠤᠯᠭᠠᠨ ᠬᠤᠷᠠᠭ᠍ᠰᠠᠨ ᠬᠡᠢᠳ （ᠬᠦᠬᠡ ᠰᠦᠮᠡ）᠂ ᠬᠢᠯᠢᠶ᠋ᠢᠨ ᠡᠭᠦᠳᠡ ᠵᠡᠷᠭᠡ ᠪᠠᠷᠢᠯᠭᠠᠨᠤᠭᠤᠳ ᠵᠢᠴᠢ ᠲᠣᠭᠠᠯᠠᠰᠢ ᠥᠬᠡᠶ ᠣᠯᠠᠨ ᠴᠠᠶᠶ᠋ᠢᠨ ᠰᠠᠪᠠ᠂ ᠳᠡᠪᠦᠷᠡ ᠵᠡᠷᠭᠡ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰ ᠪᠤᠯ ᠴᠦᠮ ᠲᠤᠬᠠᠶᠶ᠋ᠢᠨ ᠵᠢᠯᠤᠨ ᠲᠡᠥᠬᠡᠶ᠋ᠢ ᠬᠡᠷᠡᠴᠢᠯᠡᠬᠦ᠌ ᠴᠢᠬᠤᠯᠠ ᠪᠣᠳᠠᠰᠤᠨ ᠭᠡᠷᠡᠴᠢ ᠪᠣᠯᠬᠤ ᠶᠤᠮ᠃
ᠥᠪᠥᠷ ᠮᠣᠩᠭᠤᠯᠤᠨ ᠲᠤᠯᠤᠨ ᠨᠤᠤᠷ ᠱᠢᠶᠠᠨ ᠪᠣᠯ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠳᠡᠭᠡᠷᠡᠬᠢ ᠴᠢᠬᠤᠯᠠ ᠵᠠᠩᠭᠢᠯᠠᠭᠠᠶ᠋ᠢᠨ ᠭᠠᠵᠠᠷ ᠪᠤᠯᠬᠤ ᠰᠠᠨ᠃ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠳᠤᠯᠤᠨ ᠨᠤᠤᠷᠲᠤ ᠠᠵᠤ ᠠᠬᠤᠢ ᠬᠦᠭ᠌ᠵᠢᠨ ᠴᠡᠴᠡᠭ᠌ᠯᠡᠵᠤ᠂ ᠬᠤᠳᠠᠯᠳᠤᠭᠠᠨᠤ ᠳᠡᠯᠭᠡᠭᠦᠷ ᠫᠦᠰᠡ᠂ ᠭᠠᠷ ᠦᠢᠯᠡᠳᠪᠦᠷᠢᠶ᠋ᠢᠨ ᠦᠢᠯᠡᠳᠭᠡᠯᠤᠨ ᠭᠠᠵᠠᠷ᠂ ᠬᠤᠳᠠᠯᠳᠤᠭᠠᠴᠢᠳᠤᠨ ᠦᠷᠭᠦᠭᠡ᠂ ᠰᠦᠮᠡ ᠬᠡᠢᠳ᠂ ᠠᠷᠠᠳᠤᠨ ᠰᠠᠭᠤᠴᠠ ᠵᠢᠭ᠌ᠳᠡᠷᠡᠨ᠂ 《ᠡᠮᠦᠨᠡᠰᠢᠪᠠᠨ ᠲᠤᠮᠳᠠᠳᠤᠶ᠋ᠢᠨ ᠪᠤᠶᠠᠨᠲᠠᠢ᠂ ᠤᠮᠠᠷᠠᠰᠢᠪᠠᠨ ᠮᠣᠩᠭᠤᠯᠤᠨ ᠡᠳ᠋ ᠪᠠᠶᠠᠯᠢᠭᠲᠠᠢ ᠬᠤᠯᠪᠤᠭ᠍ᠰᠠᠨ》 《ᠭᠤᠪᠢᠶ᠋ᠢᠨ ᠡᠮᠦᠨᠡᠬᠢ ᠬᠤᠳᠠᠯᠳᠤᠭᠠᠨᠤ ᠬᠤᠳᠠ》 ᠪᠤᠯᠵᠦ᠍ ᠬᠦᠭ᠌ᠵᠢᠪᠡ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠬᠤᠳᠠᠶ᠋ᠢᠨ ᠬᠤᠢᠲᠤ ᠲᠠᠯᠠᠳᠤ ᠴᠢᠭᠤᠯᠭᠠᠨ ᠬᠤᠷᠠᠭ᠍ᠰᠠᠨ ᠬᠡᠢᠳ ᠭᠡᠵᠦ᠍ ᠶᠡᠭᠡ ᠬᠡᠪᠴᠢᠶᠠᠲᠠᠢ ᠰᠦᠮᠡ ᠬᠡᠢᠳ ᠪᠠᠢᠳᠠᠭ᠃ ᠰᠦᠮᠡᠶ᠋ᠢᠨ ᠰᠤᠭ᠍ᠴᠢᠨ ᠲᠤᠭᠠᠩᠤᠨ ᠠᠷᠤᠳᠤ ᠨᠢᠭᠡᠨ 《ᠡᠩᠬᠡ ᠠᠮᠤᠭᠤᠯᠠᠩᠤᠨ ᠴᠢᠭᠤᠯᠭᠠᠨ ᠴᠢᠭᠤᠯᠬᠤ ᠬᠥᠱᠢᠶᠡ》 ᠪᠠᠢᠵᠦ᠍᠂ ᠬᠥᠱᠢᠶᠡᠨ ᠳᠡᠭᠡᠷᠡ ᠮᠠᠨᠵᠤ᠂ ᠬᠢᠲᠠᠳ᠂ ᠲᠥᠪᠡᠳ᠂ ᠮᠣᠩᠭᠤᠯ ᠳᠥᠷᠪᠡᠨ ᠵᠦᠢᠯᠤᠨ ᠦᠰᠦᠭᠤᠨ ᠰᠡᠢᠯᠪᠦᠷᠢᠲᠠᠢ᠃ ᠴᠢᠭᠤᠯᠭᠠᠨ ᠬᠤᠷᠠᠭ᠍ᠰᠠᠨ ᠬᠡᠢᠳ ᠪᠠᠢᠭᠤᠯᠤᠭ᠍ᠳᠠᠬᠤᠶ᠋ᠢ ᠳᠠᠭᠠᠯᠳᠤᠨ ᠵᠡᠰ ᠮᠥᠩᠭᠦᠨ ᠪᠤᠷᠬᠠᠨᠤ ᠬᠥᠷᠥᠭᠤᠨ ᠬᠡᠷᠡᠭ᠌ᠴᠡᠭᠡ ᠶᠡᠭᠡᠪᠠᠷ ᠨᠡᠮᠡᠭ᠌ᠳᠡᠵᠦ᠍᠂ ᠨᠡᠩ ᠴᠤ᠌ ᠲᠤᠰ ᠰᠦᠮᠡᠨᠢ ᠬᠠᠭᠠᠨᠤ ᠤᠭ᠍ᠰᠠᠭᠠᠨᠤ ᠰᠦᠮᠡ ᠬᠡᠢᠳ ᠪᠣᠯᠬᠤᠷ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠴᠢᠨᠠᠷ ᠪᠣᠯᠤᠨ ᠬᠢᠴᠡ ᠤᠷᠠᠯᠠᠯᠳᠤ ᠮᠠᠰᠢ ᠴᠢᠩᠭᠠ ᠱᠠᠭᠠᠷᠳᠠᠯᠭᠠᠲᠠᠢ ᠪᠠᠢᠳᠠᠭ᠃ ᠡᠢᠮᠦᠠᠴᠠ ᠳᠣᠯᠣᠨ ᠨᠤᠤᠷᠤᠨ ᠵᠡᠰ ᠳᠠᠷᠬᠠᠨᠤ ᠫᠦᠰᠡ ᠠᠰᠤᠷᠤ ᠲᠣᠮᠣ ᠬᠦᠷᠢᠶᠡ ᠴᠠᠷᠠᠭᠠᠲᠠᠢ ᠮᠦᠷᠳᠡᠭᠡᠨ ᠬᠢᠴᠡᠨᠢ ᠤᠷᠠᠨ ᠨᠠᠷᠢᠯᠢᠭ ᠪᠠᠢᠵᠦ᠍᠂ ᠲᠤᠯᠤᠨ ᠨᠤᠤᠷ 《ᠬᠤᠶᠠᠳᠤᠭᠠᠷ ᠪᠡᠭᠡᠵᠢᠩ》 ᠬᠡᠮᠡᠭ᠌ᠳᠡᠨ᠂ ᠬᠤᠯᠠᠠᠴᠠ ᠲᠥᠪᠡᠳ ᠪᠣᠯᠤᠨ ᠤᠯᠠᠭᠠᠨᠪᠠᠭᠠᠲᠤᠷᠤᠨ ᠬᠦᠷᠡᠯ ᠪᠤᠷᠬᠠᠨ ᠬᠦᠷᠲᠡᠯᠡ᠂ ᠣᠯᠠᠩᠬᠢᠶ᠋ᠢᠨᠢ ᠪᠦᠷ ᠲᠤᠯᠤᠨ ᠨᠤᠤᠷᠤᠨ ᠬᠦᠷᠡᠯ ᠳᠠᠷᠬᠠᠨᠴᠤᠳ ᠪᠦᠲᠦᠭᠡᠭ᠌ᠰᠡᠨ ᠬᠡᠳᠡᠭ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠠᠰᠠ ᠨᠢᠭᠡᠨ 《ᠱᠠᠨ ᠰᠢ ᠴᠢᠭᠤᠯᠭᠠᠨ》 ᠬᠡᠮᠡᠬᠦ᠌ ᠱᠠᠨ ᠰᠢᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳᠤᠨ ᠦᠷᠭᠦᠭᠡ ᠪᠠᠢᠳᠠᠭ᠃ ᠴᠢᠩ ᠤᠯᠤᠰᠤᠨ ᠦᠶᠡᠳᠤ ᠳᠣᠯᠣᠨ ᠨᠤᠤᠷᠤᠨ ᠠᠵᠤ ᠠᠬᠤᠶ ᠬᠦᠭ᠌ᠵᠢᠨ ᠴᠡᠴᠡᠭ᠌ᠯᠡᠵᠤ᠂ ᠬᠤᠳᠠᠯᠳᠤᠭᠠᠴᠢᠳ ᠠᠳᠡ ᠬᠤᠷᠠᠨ ᠴᠤᠭ᠍ᠯᠠᠷᠠᠯᠠ᠃ ᠡᠬᠦᠨᠳᠤ ᠱᠠᠨ ᠰᠢᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠨᠤ ᠲᠤᠭᠠ ᠬᠠᠮᠤᠭᠤᠨ ᠣᠯᠠᠨ ᠪᠣᠯᠵᠤ᠂ ᠱᠠᠨ ᠰᠢᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳ ᠪᠡᠯᠡ ᠴᠤᠭ᠍ᠯᠠᠭᠤᠯᠤᠨ 《ᠱᠠᠨ ᠰᠢ ᠴᠢᠭᠤᠯᠭᠠᠨ》 ᠢ ᠪᠠᠢᠭᠤᠯᠵᠤ᠂ ᠲᠩᠷᠢ ᠲᠡᠳᠬᠦᠭ᠌ᠴᠢᠶ᠋ᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠤᠨ （1749 ᠤᠨ） ᠳᠤ ᠪᠠᠷᠢᠯᠭᠠᠪᠠᠨ ᠲᠠᠭᠤᠰᠭᠠᠪᠠ᠃ ᠰᠡᠭᠦᠯᠡᠷᠨᠢ ᠪᠠᠰᠠ ᠣᠯᠠᠨ ᠤᠳᠠᠭᠠ ᠰᠡᠯᠪᠢᠨ ᠵᠠᠰᠠᠵᠤ ᠥᠷᠭᠡᠳᠭᠡᠨ ᠪᠠᠢᠭᠤᠯᠤᠭᠠᠳ ᠨᠡᠯᠢᠶᠡᠳ ᠶᠡᠭᠡ ᠬᠡᠪᠴᠢᠶᠡᠲᠠᠢ ᠪᠣᠯᠵᠠᠢ᠃ 《ᠱᠠᠨ ᠰᠢ ᠴᠢᠭᠤᠯᠭᠠᠨ》 ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠨᠢ ᠱᠠᠨ ᠰᠢᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳᠲᠤ ᠶᠡᠭᠡ ᠵᠤᠷᠢᠭ᠍ᠵᠢᠭᠤᠯ ᠪᠤᠯᠵᠤ᠂ ᠴᠢᠭᠤᠯᠭᠠᠨᠳᠤ ᠤᠷᠤᠵᠦ᠍ ᠰᠠᠭᠤᠭ᠍ᠰᠠᠨ ᠬᠤᠳᠠᠯᠳᠤᠭᠠᠴᠢᠨ 1000 ᠬᠦᠮᠦᠨᠢ ᠲᠠᠪᠠᠵᠠᠢ᠃ ᠴᠢᠭᠤᠯᠭᠠᠨ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠡᠯᠡ ᠫᠦᠰᠡᠶ᠋ᠢᠨ ᠳᠠᠭᠠᠭᠠᠮᠠᠯ ᠡᠭᠡᠯᠵᠢᠯᠡᠨ ᠬᠡᠷᠡᠭ ᠡᠷᠬᠢᠯᠡᠭ᠌ᠴᠢ ᠪᠣᠯᠵᠤ᠂ ᠬᠤᠷᠠᠯ ᠴᠤᠭ᠍ᠯᠠᠭᠠ ᠬᠢᠵᠦ᠍ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯ᠂ ᠳᠦᠷᠢᠮ ᠲᠣᠭ᠍ᠲᠠᠭᠠᠯᠢ ᠶᠠᠷᠢᠯᠴᠠᠳᠠᠭ ᠪᠠᠢᠪᠠ᠃ ᠲᠤᠰ ᠦᠷᠭᠦᠭᠡᠨᠢ ᠬᠤᠳᠠᠯᠳᠤᠭᠠᠴᠢᠳᠤᠨ ᠪᠦᠯᠬᠦᠮ ᠪᠠᠢᠭᠤᠯᠬᠤ᠂ ᠬᠤᠷᠠᠯ ᠴᠤᠭ᠍ᠯᠠᠭᠠ ᠬᠢᠬᠦ᠂ ᠤᠴᠢᠷ ᠶᠠᠪᠤᠳᠠᠯ ᠵᠥᠪᠯᠡᠬᠦ᠌ ᠭᠠᠵᠠᠷ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠲᠡᠳᠡᠨᠤ ᠵᠤᠭᠠ ᠴᠡᠩᠭᠡᠯᠤᠨ ᠭᠠᠵᠠᠷ ᠪᠤᠯᠬᠤ ᠶᠤᠮ᠃
ᠥᠪᠥᠷ ᠮᠣᠩᠭᠤᠯᠤᠨ ᠡᠷᠢᠶᠡᠨ ᠬᠤᠲᠠ ᠪᠣᠯ ᠪᠠᠰᠠ ᠴᠤ᠌ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠳᠡᠭᠡᠷᠡᠬᠢ ᠵᠠᠩᠭᠢᠯᠠᠭᠠᠶ᠋ᠢᠨ ᠬᠤᠲᠠ ᠮᠦᠨ᠃ ᠬᠤᠲᠠᠶ᠋ᠢᠨ ᠵᠡᠭᠦᠨ ᠬᠤᠢᠲᠤ ᠬᠡᠰᠡᠭᠲᠤ ᠣᠷᠣᠱᠢᠬᠤ 《ᠡᠷᠢᠶᠡᠨ ᠤᠯᠠᠭᠠ ᠥᠷᠲᠡᠭᠡ》 ᠶ᠋ᠢᠨ ᠪᠠᠭᠤᠷᠢ ᠪᠣᠯ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠤᠨ ᠴᠢᠬᠤᠯᠠ ᠥᠪ ᠬᠥᠷᠥᠩᠭᠡ ᠪᠣᠯᠤᠨᠠ᠂ ᠲᠤᠰ ᠥᠷᠲᠡᠭᠡᠶ᠋ᠢ ᠠᠩᠬᠠ ᠴᠢᠩ ᠤᠯᠤᠰᠤᠨ ᠰᠠᠢᠱᠢᠶᠠᠯ ᠢᠷᠥᠭᠡᠯᠲᠦᠶ᠋ᠢᠨ ᠦᠶᠡᠳᠤ ᠪᠠᠢᠭᠤᠯᠵᠤ᠂ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠤᠨ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠᠠᠴᠠ ᠬᠦᠷᠢᠶᠡ （ᠣᠲᠣᠶ᠋ᠢᠨ ᠤᠯᠠᠭᠠᠨᠪᠠᠭᠠᠲᠤᠷ） ᠬᠥᠷᠬᠦ᠌ ᠵᠠᠮ ᠱᠤᠭᠤᠮᠤᠨ ᠴᠢᠬᠤᠯᠠ ᠤᠯᠠᠭᠠ ᠥᠷᠲᠡᠭᠡ ᠪᠠᠢᠵᠠᠶ᠃ ᠣᠳᠣ ᠠᠳᠡᠬᠢ ᠪᠠᠭᠤᠷᠢᠨᠤᠭᠤᠳᠨᠢ ᠲᠡᠮᠦᠷ ᠲᠣᠣᠷᠲᠤ ᠬᠦᠷᠢᠶᠡᠯᠡᠭ᠌ᠳᠡᠵᠦ᠍᠂ ᠸᠠᠭᠠᠷ ᠰᠠᠪᠠᠶ᠋ᠢᠨ ᠬᠠᠭᠠᠷᠠᠬᠠᠢ ᠬᠡᠯᠳᠡᠷᠬᠡᠢᠨᠢ ᠡᠪᠡᠰᠦ ᠱᠢᠷᠣᠶᠳᠤ ᠲᠠᠷᠤᠭ᠍ᠳᠠᠭ᠍ᠰᠠᠨ ᠴᠦ᠍ ᠦᠯᠡᠳᠡᠵᠦ᠍ ᠪᠠᠢᠭᠠ ᠭᠡᠷᠤᠨ ᠪᠠᠭᠤᠷᠢ ᠪᠠ ᠬᠦᠷᠢᠶᠡ ᠬᠡᠷᠡᠮᠢ ᠮᠦᠨ ᠬᠦ᠌ ᠣᠯᠵᠤ ᠬᠠᠷᠠᠬᠤ ᠶᠤᠮ᠃ ᠤᠯᠠᠭᠠ ᠥᠷᠲᠡᠭᠡᠠᠴᠠ ᠡᠮᠦᠨᠡᠰᠢ 200 ᠮᠧᠲᠷ ᠵᠠᠢᠲᠠᠶ ᠭᠠᠵᠠᠷᠲᠤ ᠲᠤᠬᠠᠶᠶ᠋ᠢᠨ ᠦᠶᠡᠳᠤ ᠬᠡᠷᠡᠭ᠌ᠯᠡᠵᠦ᠍ ᠪᠠᠢᠭ᠍ᠰᠠᠨ ᠬᠤᠶᠠᠷ ᠬᠤᠳᠳᠤᠭ ᠪᠦᠷᠢᠨ ᠪᠦᠲᠦᠨ ᠬᠠᠳᠠᠭᠠᠯᠠᠭ᠍ᠳᠠᠵᠤ᠂ ᠣᠲᠣ ᠪᠣᠯᠲᠠᠯᠠ ᠣᠢᠷᠠ ᠬᠠᠪᠢᠶ᠋ᠢᠨ ᠮᠠᠯᠴᠢᠳ ᠮᠥᠨ ᠬᠡᠷᠡᠭ᠌ᠯᠡᠵᠦ᠍ ᠪᠠᠢᠭ᠍ᠰᠠᠭᠠᠷ᠃
ᠲᠡᠥᠬᠡᠳᠦ ᠠᠴᠢ ᠬᠤᠯᠪᠤᠭ᠍ᠳᠠᠯ ᠪᠠ ᠱᠢᠨᠡ ᠴᠠᠭᠤᠨ ᠬᠦᠭ᠌ᠵᠢᠯᠳᠡ
ᠧᠦ᠋ᠷᠣᠫᠠ ᠠᠽᠢᠶᠠᠶ᠋ᠢᠨ ᠡᠬᠡ ᠬᠠᠭᠤᠷᠠᠶᠶ᠋ᠢ ᠰᠤᠨᠳᠠᠯᠠᠭ᠍ᠰᠠᠨ᠂ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰ ᠭᠤᠷᠪᠠᠨ ᠤᠯᠤᠰᠢ ᠬᠤᠯᠪᠣᠭ᠍ᠰᠠᠨ᠂ ᠴᠠᠶᠶ᠋ᠢᠨ ᠠᠷᠠᠯᠵᠢᠶᠠᠪᠠᠷ ᠭᠤᠤᠯ ᠴᠣᠭ᠍ᠴᠠ ᠪᠣᠯᠭᠠᠭ᠍ᠰᠠᠨ᠂ ᠲᠦᠮᠡᠨ ᠭᠠᠵᠠᠷ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠡᠨᠡ ᠬᠦ᠌ ᠡᠷᠲᠡᠨᠤ ᠬᠤᠳᠠᠯᠳᠤᠭᠠᠨᠤ ᠵᠠᠮᠨᠢ ᠣᠲᠣ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠩᠬᠠᠷᠤᠯᠢ ᠲᠦᠢᠯᠢᠶᠠᠷ ᠲᠠᠲᠠᠵᠤ᠂ ᠭᠤᠷᠪᠠᠨ ᠤᠯᠤᠰᠤᠨ ᠱᠢᠨᠡ ᠡᠷᠢᠨ ᠵᠠᠭᠤᠨᠤ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠪᠠᠨ ᠵᠣᠯᠭᠠᠭᠤᠯᠬᠤ᠂ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠᠪᠠᠨ ᠭᠦᠨᠵᠡᠭᠡᠢᠷᠡᠭᠦᠯᠬᠦ᠌ ᠴᠢᠬᠤᠯᠠ ᠬᠠᠮᠲᠤᠶ᠋ᠢᠨ ᠲᠠᠨᠢᠯᠲᠠ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰ ᠨᠢᠭᠡᠨᠲᠡ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠤᠨ ᠳᠡᠯᠡᠬᠡᠶᠶ᠋ᠢᠨ ᠰᠣᠶᠣᠯᠤᠨ ᠥᠪᠢ ᠬᠠᠮᠲᠤᠷᠠᠨ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦ᠌ ᠠᠵᠢᠯᠯᠠᠭᠠᠶ᠋ᠢ ᠥᠷᠨᠢᠭᠦᠯᠵᠤ ᠡᠬᠢᠯᠡᠪᠡ᠃
ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰ ᠭᠤᠷᠪᠠᠨ ᠤᠯᠤᠰᠤᠨ ᠬᠤᠯᠪᠣᠭ᠍ᠳᠠᠯ ᠪᠥᠬᠦᠶ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠡᠷᠳᠡᠮᠲᠡᠳᠤᠨ ᠦᠵᠡᠬᠦ᠌ᠪᠠᠷ᠂ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠨᠢ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠤᠨ ᠬᠤᠭᠤᠷᠣᠨᠳᠣᠬᠢ ᠠᠷᠠᠯᠵᠢᠶᠠᠶ᠋ᠢ ᠬᠥᠭ᠌ᠵᠢᠭᠦᠯᠵᠦ᠍᠂ ᠬᠤᠳᠠᠯᠳᠤᠭᠠᠴᠢᠨ ᠪᠠ ᠤᠯᠤᠰ ᠣᠷᠣᠨ ᠴᠥᠮ ᠠᠱᠢᠭ ᠭᠥᠷᠳᠡᠪᠡ᠃ ᠲᠡᠷᠡᠨᠢ ᠮᠣᠩᠭᠤᠯ ᠤᠯᠤᠰ ᠪᠣᠯᠤᠨ ᠣᠷᠣᠰᠤᠨ ᠨᠡᠭᠦᠳᠡᠯᠴᠢᠨ ᠮᠠᠯᠴᠢᠳᠤᠨ ᠴᠠᠢ᠂ ᠲᠣᠷᠭᠠᠨ ᠨᠡᠬᠡᠮᠡᠯ᠂ ᠡᠳᠦᠷ ᠳᠣᠲᠣᠮᠤᠨ ᠬᠡᠷᠡᠭ᠌ᠯᠡᠭᠡᠨᠤ ᠵᠦᠢᠯ ᠪᠠ ᠢᠳᠡᠭᠡᠨᠤ ᠵᠦᠢᠯᠤᠨ ᠬᠡᠷᠡᠭ᠌ᠴᠡᠭᠡᠶ᠋ᠢ ᠱᠢᠢᠳᠪᠦᠷᠢᠯᠡᠭ᠌ᠰᠡᠨᠤ ᠬᠠᠮᠲᠤ᠌᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠠᠢ ᠭᠠᠷᠳᠠᠭ ᠥᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠣᠷᠣᠨᠤ ᠲᠠᠷᠢᠮᠠᠯᠤᠨ ᠦᠢᠯᠡᠰ ᠪᠣᠯᠤᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠰ ᠵᠢᠴᠢ ᠴᠠᠢ ᠲᠡᠭᠡᠭᠡᠪᠦᠷᠢᠯᠡᠨ ᠪᠣᠷᠣᠯᠠᠭᠤᠯᠬᠤ ᠭᠠᠵᠠᠷ ᠣᠷᠣᠨᠤ ᠲᠡᠭᠡᠭᠡᠪᠦᠷᠢᠶ᠋ᠢᠨ ᠦᠢᠯᠡᠰ ᠪᠣᠯᠤᠨ ᠮᠥᠩᠭᠦᠨ ᠭᠦᠢᠯᠭᠡᠭᠡᠨᠤ ᠦᠢᠯᠡᠰᠢ ᠳᠠᠢᠴᠢᠯᠠᠭ᠍ᠰᠠᠨ ᠪᠠᠢᠨᠠ᠃
ᠡᠳᠦᠭᠡ ᠲᠡᠮᠦᠷ ᠵᠠᠮ᠂ ᠵᠠᠰᠠᠮᠠᠯ ᠵᠠᠮ ᠪᠣᠯᠤᠨ ᠠᠭᠠᠷᠤᠨ ᠠᠶᠠᠯᠠᠯ ᠠᠯᠢ ᠡᠷᠲᠡ ᠡᠷᠲᠡᠨᠤ ᠵᠠᠮᠢ ᠣᠷᠣᠯᠠᠪᠠ᠂ ᠭᠡᠪᠡᠴᠦ᠍ ᠳᠤᠮᠳᠠᠳᠤ ᠮᠣᠩᠭᠤᠯ ᠤᠷᠤᠰᠤᠨ ᠬᠤᠭᠤᠷᠣᠨᠳᠣᠬᠢ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠ ᠪᠠᠰᠠ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠳᠡᠭᠡᠷᠡ ᠲᠠᠰᠤᠷᠠᠯᠲᠠ ᠦᠭᠡᠢ ᠳᠡᠰ ᠳᠡᠪᠱᠢᠨ ᠭᠦᠨᠵᠡᠭᠡᠢᠷᠡᠵᠦ᠍᠂ ᠨᠢᠰᠭᠦ ᠮᠡᠲᠦ ᠳᠠᠪᠬᠢᠵᠤ ᠪᠠᠢᠭᠠ ᠳᠤᠮᠳᠠᠳᠤ ᠧᠦ᠋ᠷᠣᠫᠠᠶ᠋ᠢᠨ ᠵᠢᠱᠢᠶᠠᠨᠤ ᠭᠠᠯᠲᠤ ᠲᠡᠷᠭᠡ᠂ ᠲᠡᠭ᠌ᠰᠢ ᠳᠠᠷᠳᠠᠩ ᠲᠦᠷᠭᠡᠨᠤ ᠵᠠᠰᠠᠮᠠᠯ ᠵᠠᠮ ᠪᠣᠯᠤᠨ ᠬᠦᠷᠬᠢᠷᠡᠨ ᠱᠤᠤᠬᠢᠵᠤ ᠪᠠᠢᠭᠠ ᠨᠢᠰᠭᠡᠯᠨᠢ ᠡᠷᠢᠨ ᠵᠠᠭᠤᠨᠤ ᠯᠤᠭ᠍ᠰᠢᠭᠤᠨ ᠰᠤᠳᠠᠯᠤᠨ ᠬᠤᠯᠪᠣᠯᠳᠤᠨ ᠨᠡᠪᠲᠡᠷᠡᠯᠴᠡᠬᠦ᠌ ᠬᠤᠯᠪᠣᠭᠠᠰᠤ ᠪᠤᠯᠵᠤ᠂ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰ ᠭᠤᠷᠪᠠᠨ ᠤᠯᠤᠰᠢ ᠨᠢᠭ᠍ᠲᠠ ᠬᠤᠯᠪᠣᠭ᠍ᠰᠠᠨ ᠪᠠᠢᠨᠠ᠃
ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠢ ᠠᠬᠢᠭᠤᠯᠬᠤ ᠨᠡᠢᠭᠡᠮᠯᠢᠭᠤᠨ ᠳᠡᠳ᠋ ᠲᠡᠷᠢᠭᠦᠯᠡᠭ᠌ᠴᠢ ᠭᠦᠸᠧ ᠵᠢᠶᠧᠶ᠋ᠢᠨ ᠦᠵᠡᠬᠦ᠌ᠪᠠᠷ᠂ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠪᠣᠯ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠤᠨ ᠰᠠᠨᠠᠭᠠᠴᠢᠯᠠᠭᠠᠳᠠᠬᠢ ᠰᠣᠶᠣᠯ ᠢᠷᠭᠡᠨᠱᠢᠯᠤᠨ ᠨᠡᠪᠲᠡᠷᠡᠯᠴᠡᠭᠡ᠂ ᠠᠷᠠᠯᠵᠢᠶᠠ ᠵᠢᠭᠤᠯᠴᠢᠯᠠᠯᠤᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠴᠢᠬᠤᠯᠠ ᠵᠠᠮ ᠮᠥᠨ᠃ ᠴᠠᠶᠪᠠᠷ ᠠᠴᠢᠶᠠᠯᠠᠪᠤᠷᠢ ᠪᠣᠯᠭᠠᠵᠤ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠢᠶᠠᠷ ᠳᠠᠢᠴᠢᠯᠠᠯᠲᠠ ᠪᠣᠯᠭᠠᠨ᠂ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ᠪᠠᠷ ᠠᠷᠭᠠ ᠪᠠᠷᠢᠯ ᠪᠣᠯᠭᠠᠵᠤ᠂ ᠵᠠᠮ ᠳᠠᠭᠠᠤᠶ᠋ᠢᠨ ᠣᠯᠠᠨ ᠶᠠᠩᠵᠤᠴᠢᠯᠠᠭ᠍ᠰᠠᠨ ᠰᠣᠶᠣᠯᠤᠨ ᠥᠪᠲᠤ ᠲᠦᠱᠢᠭ᠌ᠯᠡᠨ᠂ ᠵᠠᠮ ᠳᠠᠭᠠᠤᠶ᠋ᠢᠨ ᠬᠤᠲᠠᠶ᠋ᠢᠨ ᠬᠤᠭᠤᠷᠣᠨᠳᠣᠬᠢ ᠰᠣᠶᠣᠯ ᠢᠷᠭᠡᠨᠱᠢᠯ᠂ ᠵᠢᠭᠤᠯᠴᠢᠯᠠᠯ᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠵᠡᠷᠭᠡ ᠬᠦᠷᠢᠶᠡᠨᠳᠠᠬᠢ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠᠶ᠋ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠠᠬᠢᠭᠤᠯᠬᠤ ᠪᠣᠯ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠤᠨ ᠱᠢᠨᠡ ᠴᠠᠭ ᠦᠶᠡᠳᠠᠬᠢ ᠦᠨᠠ ᠥᠷᠲᠡᠭ ᠮᠥᠨ᠃
ᠳᠤᠮᠳᠠᠳᠤ ᠤᠯᠤᠰᠲᠤ ᠰᠠᠭᠤᠭᠠ ᠣᠷᠣᠰᠤᠨ ᠡᠯᠴᠢᠨ ᠰᠠᠢᠳ ᠳ᠋ᠢᠶᠧᠨᠢᠰᠤᠹ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠮᠣᠩᠭᠤᠯ ᠤᠷᠤᠰᠤᠨ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ （ᠲᠤᠯᠤᠨ ᠨᠤᠤᠷ） ᠤᠨ ᠬᠤᠲᠠᠶ᠋ᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠬᠤᠷᠠᠯ ᠳᠡᠭᠡᠷᠡ ᠬᠡᠯᠡᠬᠦ᠌ᠳᠡᠭᠡᠨ᠂ ᠡᠷᠲᠡᠨᠤ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ ᠥᠨᠥᠳᠦᠷ ᠱᠢᠨᠡ ᠠᠮᠢᠯᠠᠯᠢᠶᠠᠨ ᠣᠯᠵᠠᠶ᠂ ᠡᠨᠡ ᠬᠦ᠌ ᠵᠠᠮ ᠱᠤᠭᠤᠮᠨᠢ ᠳᠤᠮᠳᠠᠳᠤ ᠮᠣᠩᠭᠤᠯ ᠣᠷᠣᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠰᠣᠯᠢᠯᠴᠠᠭᠠᠶ᠋ᠢ ᠥᠷᠭᠡᠳᠭᠡᠬᠦ᠂ ᠣᠯᠠᠨ ᠤᠯᠤᠰᠤᠨ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠤᠷᠪᠠᠨ ᠤᠯᠤᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠶ᠋ᠯᠡᠳᠬᠦᠨᠢ ᠳᠡᠯᠭᠡᠷᠡᠭᠦᠯᠬᠦ᠌ ᠲᠠᠯᠠᠪᠠᠷ ᠯᠤᠲᠤ ᠶᠡᠭᠡ ᠳᠠᠯᠳᠠ ᠬᠦᠴᠦᠨᠲᠠᠢ ᠶᠤᠮ ᠭᠡᠯᠡ᠃
ᠡᠳᠦᠭᠡ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠤᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠠᠬᠢᠭᠤᠯᠬᠤ ᠳᠤᠮᠳᠠ ᠳᠤᠮᠳᠠᠳᠤ ᠮᠣᠩᠭᠤᠯ ᠤᠷᠤᠰ ᠭᠤᠷᠪᠠᠨ ᠤᠯᠤᠰ ᠶᠠᠭ ᠡᠨᠡ ᠬᠦ᠌ ᠡᠷᠲᠡᠨᠤ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠢ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠬᠤᠪᠠᠷ ᠬᠦᠴᠦᠯᠡᠵᠤ᠂ ᠤᠯᠤᠰ ᠠᠯᠤᠰᠯᠠᠭ᠍ᠰᠠᠨ ᠬᠤᠳᠠᠨᠤᠭᠤᠳᠤᠨ ᠠᠭᠤᠰᠤᠯᠴᠠᠨ ᠬᠥᠭ᠌ᠵᠢᠬᠦ᠌ᠶ᠋ᠢ ᠭᠦᠨᠵᠡᠭᠡᠢ ᠠᠬᠢᠭᠤᠯᠬᠤᠪᠠᠷ ᠴᠢᠷᠮᠠᠢᠵᠤ ᠪᠠᠢᠨᠠ᠃
（ᠲᠤᠰ ᠨᠢᠭᠤᠷᠤᠨ ᠨᠠᠷᠠ ᠬᠠᠲᠠᠬ᠍ᠰᠠᠨ ᠥᠬᠡᠢ ᠬᠡᠷᠡᠯ ᠵᠢᠷᠤᠬᠢ ᠰᠥᠯᠵᠢᠶᠡᠨᠠᠴᠠ ᠠᠪᠤᠪᠠ）