ᠤᠨᠴᠠᠯᠢᠭ ᠪᠦᠳᠦᠴᠡ      

ᠰᠦᠪᠸᠢ ᠮᠣᠩᠭᠤᠯᠴᠣᠳ ᠎ᠤᠨ ᠎ᠬᠤᠪᠴᠠᠰᠤ ᠎ᠵᠠᠰᠠᠯ᠎ᠨᠢ᠎ᠬᠤᠱᠤᠳ ᠮᠤᠩᠭᠤᠯᠴᠤᠳ᠎ᠤᠨ ᠤᠯᠠᠮᠵᠢᠯᠠᠯᠳᠦ ᠬᠤᠪᠴᠠᠰᠦ ᠵᠠᠰᠠᠯ᠎ᠤᠨ ᠦᠨᠳᠦᠰᠦᠨ ᠬᠡᠪ ᠵᠠᠠᠭ᠍ᠪᠤᠷ᠎ᠢ ᠬᠠᠳᠠᠭᠠᠯᠠᠭ᠍ᠰᠠᠨ ᠰᠠᠭᠤᠷᠢᠨ ᠳᠡᠭᠡᠷ᠎ᠡ᠂ ᠴᠠᠭ ᠦᠶ᠎ᠡ᠎ᠶ᠋ᠢᠨ ᠤᠨᠴᠠᠯᠢᠭ᠎ᠲᠤ ᠲᠤᠬᠢᠷᠠᠭ᠍ᠰᠠᠨ ᠦᠩᠬᠡ᠂ ᠡᠳ᠋᠂ ᠬᠡᠪ ᠮᠠᠶᠢᠭ᠂ ᠬᠡᠯᠪᠡᠷᠢ ᠨᠠᠮᠪᠠ᠎ᠶ᠋ᠢ ᠤᠷᠤᠭᠤᠯᠤᠭ᠍ᠰᠠᠨ ᠪᠠᠢᠳᠠᠭ᠃ ᠰᠦᠪᠸᠢ ᠮᠣᠩᠭᠤᠯᠴᠣᠳ᠎ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠎ᠨᠢ ᠬᠦᠬᠡᠨᠡᠭᠤᠷ ᠎ᠤᠨ ᠪᠠᠷᠠᠭᠤᠨ ᠬᠡᠰᠡᠭ᠎ᠤᠨ ᠮᠣᠩᠭᠤᠯᠴᠤᠳ ᠪᠠ ᠠᠨᠳᠣᠣ ᠣᠷᠣᠨ᠎ᠤ ᠲᠦᠪᠡᠳᠴᠦᠳ᠎ᠤᠨ ᠬᠤᠪᠴᠠᠰᠦ ᠵᠠᠰᠠᠯ᠎ᠲᠠᠢ ᠵᠠᠷᠢᠮ ᠲᠠᠯ᠎ᠠ᠎ᠪᠠᠷ ᠠᠳᠠᠯᠢᠪᠳᠦᠷ ᠬᠠᠷᠠᠭ᠍ᠳᠠᠪᠠᠴᠦ᠍ ᠮᠡᠳᠡᠳᠡᠭ ᠬᠦᠮᠦᠨ ᠪᠠᠷ᠎ᠠ᠎ᠶ᠋ᠢ᠎ᠨᠢ ᠬᠠᠷᠠᠮᠠᠭ᠍ᠴᠠ ᠳᠤᠳᠦ ᠢᠯᠭᠠᠵᠦ᠍ ᠴᠢᠳᠠᠨ᠎ᠠ᠃ ᠶᠠᠩᠵᠦ᠍ ᠬᠡᠪ᠂ ᠬᠦᠪᠡᠭᠡ ᠵᠠᠬ᠎ᠠ᠂ ᠤᠶᠤᠳᠠᠯ ᠬᠠᠳᠠᠯᠭ᠎ᠠ᠂ ᠤᠷᠳᠤ ᠤᠬᠤᠷ᠂ ᠪᠦᠰᠡᠯᠡᠬᠦ᠌ ᠠᠷᠭ᠎ᠠ᠎ᠨᠢ ᠬᠦᠷᠳᠡᠯ᠎ᠡ ᠤᠨᠳᠤᠤ ᠪᠠᠢᠳᠠᠭ᠃       ᠰᠦᠪᠸᠢ᠎ᠮᠣᠩᠭᠤᠯᠴᠣᠳ᠎ᠤᠨ᠎ᠤᠯᠠᠮᠵᠢᠯᠠᠯᠳᠦ᠎ᠬᠤᠪᠴᠠᠰᠦ᠎ᠳᠤ᠎ᠲᠡᠪᠡᠯ᠂ ᠮᠠᠯᠠᠭᠠᠢ᠂ ᠭᠤᠳᠤᠯ ᠬᠡᠭᠦ᠌ ᠭᠤᠷᠪᠠᠨ ᠶᠡᠭᠡ ᠦᠨᠳᠦᠰᠦᠨ ᠵᠦᠢᠯ᠎ᠳᠤ ᠬᠤᠪᠢᠶᠠᠳᠠᠭ᠃ ᠰᠦᠪᠸᠢ ᠮᠣᠩᠭᠤᠯᠴᠣᠳ ᠮᠠᠯᠠᠭᠠᠢ᠎ᠶ᠋ᠢ ᠡᠮᠦᠰᠦᠨ᠎ᠠ ᠭᠡᠵᠦ᠍ ᠬᠡᠯᠡᠳᠡᠭ᠂ ᠮᠠᠯᠠᠭᠠᠢ ᠵᠠᠭᠦᠨ᠎ᠠ ᠭᠡᠮᠡᠨ ᠬᠡᠯᠡᠳᠡᠭ ᠦᠭᠡᠢ ᠎ᠪᠠᠷ ᠎ᠢᠶᠠᠨ ᠪᠠᠰᠠ᠎ᠦᠪᠡᠷᠮᠢᠴᠡ᠎ᠤᠨᠴᠠᠯᠢᠭ᠎ᠲᠠᠢ᠃᠎ᠲᠡᠪᠡᠯ ᠦᠴᠢ᠎ᠶ᠋ᠢᠨ ᠵᠦᠢᠯ᠎ᠳᠤ ᠲᠡᠷᠯᠢᠭ᠂ ᠯᠠᠪᠠᠱᠢᠭ᠂ ᠴᠣᠪᠠ᠂ ᠵᠠᠪᠠᠳᠠᠨ᠂ ᠴᠡᠭᠡᠳᠡᠭ᠂ ᠤᠭ᠍ᠴᠤᠷ᠂ ᠬᠡᠪᠡᠨᠡᠭ᠂ ᠬᠦᠢᠯᠦᠭ᠂ ᠫᠢᠯᠡ᠂ ᠬᠠᠨᠵᠢᠶᠠᠷᠢ ᠵᠡᠷᠭᠡ ᠪᠠᠭ᠍ᠳᠠᠳᠠᠭ᠃ ᠡᠭᠦᠨ᠎ᠳᠤ ᠪᠠᠰᠠ ᠡᠷᠡᠭ᠌ᠲᠡᠢ᠂ ᠡᠮᠡᠭ᠌ᠲᠡᠢ᠂ ᠭᠡᠦᠭᠡᠳ ᠨᠠᠰᠤᠲᠠᠢᠴᠤᠳ᠎ᠤᠨ ᠳᠡᠪᠡᠯ᠎ᠨᠢ ᠮᠠᠰᠢ ᠶᠡᠭᠡ ᠢᠯᠭᠠᠭ᠎ᠠ᠎ᠲᠠᠢ ᠪᠠᠢᠳᠠᠭ᠃ ᠳᠦᠭᠦᠮᠴᠢᠯᠡᠨ ᠳᠤᠷᠠᠳᠪᠠᠯ᠄ ᠡᠷᠡᠭ᠌ᠲᠡᠢᠴᠣᠳ᠎ᠤᠨ ᠳᠡᠪᠡᠯ᠎ᠨᠢ ᠠᠭᠤᠵᠢᠭᠤ ᠡᠯᠪᠡᠭ᠂ ᠤᠬᠤᠷ ᠱᠢᠭ᠋ ᠪᠠᠢᠵᠦ᠍᠂ ᠵᠠᠬ᠎ᠠ᠎ᠨᠢ ᠦᠷᠭᠡᠨ᠂ ᠪᠦᠰᠡᠯᠡᠬᠦ᠌᠎ᠳᠤ ᠡᠪᠦᠳᠦᠭ᠎ᠠᠴᠠ ᠳᠡᠭᠡᠭ᠌ᠰᠢ ᠪᠠᠢᠳᠠᠭ᠃ ᠡᠮᠡᠭ᠌ᠲᠡᠢᠴᠣᠳ᠎ᠤᠨ ᠳᠡᠪᠡᠯ᠎ᠨᠢ ᠬᠤᠷᠴᠠ ᠦᠩᠭᠡᠯᠢᠭ ᠮᠦᠷᠲᠡᠭᠡᠨ ᠳᠤᠤᠵᠠ ᠵᠡᠭᠡᠭ᠂ ᠬᠠᠵᠢᠯᠭ᠎ᠠ ᠴᠢᠮᠬᠢᠶᠡᠷᠢ᠎ᠨᠢ ᠪᠦᠷᠢᠨ ᠰᠤᠯᠤᠩᠭᠠᠷᠠᠭ᠍ᠰᠠᠨ ᠪᠠᠢᠳᠠᠭ᠃ ᠡᠷᠡᠭ᠌ᠲᠡᠢ ᠬᠦᠮᠦᠨ᠎ᠤ ᠬᠤᠪᠴᠠᠰᠤᠨ᠎ᠠᠴᠠ ᠤᠷᠳᠤ᠂ ᠵᠠᠬ᠎ᠠ᠎ᠨᠢ ᠤᠬᠤᠷ᠂ ᠪᠦᠰᠡᠯᠡᠬᠦ᠌᠎ᠳᠤ ᠭᠤᠳᠤᠯ᠎ᠤᠨ ᠤᠯᠠ ᠠᠷᠠᠢ ᠯᠠ ᠦᠵᠡᠭ᠌ᠳᠡᠳᠡᠭ᠃          

ᠵᠠᠰᠠᠯ ᠴᠢᠮᠡᠭ᠌ᠯᠡᠯ

ᠡᠷᠡᠭ᠌ᠲᠡᠢᠴᠣᠳ᠎ᠤᠨ ᠎ᠪᠦᠰᠡ ᠎ᠶ᠋ᠢᠨ ᠎ᠵᠠᠰᠠᠯ ᠎ᠳᠤ ᠎ᠬᠠᠪᠳᠠᠭ᠎ᠠ᠂ ᠬᠦᠬᠦᠦᠷ᠂ ᠬᠦᠬᠦᠦᠷ᠎ᠤᠨ ᠳᠠᠯᠢᠩ᠂ ᠭᠠᠩᠰᠠ᠂ ᠭᠠᠩᠰᠠ᠎ᠶ᠋ᠢᠨ ᠲᠠᠩᠬᠤᠭ᠂ ᠮᠣᠩᠭᠤᠯ ᠬᠢᠳᠤᠭ᠎ᠠ᠂ ᠬᠢᠳᠦᠭᠠᠨ᠎ᠤ ᠬᠤᠢ᠂ ᠬᠡᠳᠡ ᠴᠠᠬᠢᠭᠤᠷ ᠪᠠᠢᠳᠠᠭ᠃ ᠡᠮᠡᠭ᠌ᠲᠡᠢᠴᠤᠳ᠎ᠤᠨ ᠪᠦᠰᠡ᠎ᠶ᠋ᠢᠨ ᠵᠠᠰᠠᠯ᠎ᠳᠤ ᠪᠠᠯ᠂ ᠵᠠᠭᠦᠪᠴᠢ᠂ ᠠᠯᠴᠢᠭᠤᠷ᠂ ᠱᠢᠷ᠎ᠠ ᠵᠣᠭᠤᠰ᠂ ᠮᠣᠩᠭᠤᠯ ᠬᠢᠳᠤᠭ᠎ᠠ᠂ ᠬᠢᠳᠤᠭᠠᠨ ᠬᠤᠢ ᠵᠡᠷᠭᠡ ᠪᠠᠢᠳᠠᠭ᠃ ᠵᠡᠭᠡᠭ ᠱᠢᠭ᠍ᠯᠠᠭᠠᠰᠤ᠎ᠠᠴᠠ᠎ᠨᠢ ᠦᠵᠡᠪᠡᠯ᠄ ᠨᠠᠷᠢᠨ ᠤᠷᠳᠦ ᠰᠤᠪ （ᠬᠠᠯᠢᠭᠤ᠎ᠶ᠋ᠢᠨ ᠠᠷᠠᠰᠦ）᠂ ᠬᠤᠷᠠᠰᠭ᠎ᠠ ᠵᠡᠷᠭᠡ᠎ᠪᠠᠷ ᠡᠮᠵᠢᠶᠡᠯᠡᠨ ᠭᠦᠪᠡᠭᠡᠯᠡᠬᠦ᠂ ᠪᠤᠰᠤᠭ᠎ᠠ ᠵᠡᠭᠡᠭ ᠳᠠᠷᠤᠭᠤᠯᠵᠦ᠍ ᠰᠤᠯᠤᠩᠭᠠᠷᠠᠭᠤᠯᠬᠤ ᠵᠡᠷᠭᠡ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ᠎ᠨᠢ ᠬᠤᠪᠴᠠᠰᠦ᠎ᠶ᠋ᠢ ᠪᠤᠰᠤᠭ᠎ᠠ ᠱᠢᠯᠤᠭᠤᠨ᠂ ᠠᠮᠢᠳᠤᠯᠢᠭ ᠬᠦᠳᠡᠯᠭᠡᠨᠲᠦ᠍᠂ ᠰᠦᠷᠯᠢᠭ ᠰᠠᠢᠬᠠᠨ ᠬᠠᠷᠠᠭ᠍ᠳᠠᠭᠤᠯᠤᠨ᠎ᠠ᠃ ᠦᠩᠭᠡ ᠵᠤᠬᠢᠴᠠᠯ᠎ᠤᠨ ᠬᠤᠪᠢ᠎ᠳᠤ ᠬᠤᠷᠴᠠ ᠲᠤᠳᠤ ᠠᠳᠠᠯᠢᠳᠭᠠᠯ ᠦᠩᠭᠡ᠎ᠪᠠᠷ ᠵᠤᠬᠢᠴᠠᠭᠤᠯᠬᠤ ᠪᠠ 《ᠵᠡᠭᠡᠭ᠎ᠤᠨ ᠦᠩᠭᠡ ᠢᠯᠭᠠᠬᠤ》 ᠴᠢᠮᠡᠭ᠌ᠯᠡᠯ᠎ᠨᠢ ᠡᠮᠦᠰᠦᠭ᠌ᠰᠡᠨ ᠬᠦᠮᠦᠨ᠎ᠳᠤ ᠴᠤᠭ ᠰᠦᠯᠳᠡ ᠨᠡᠮᠡᠷᠢᠯᠡᠨ᠂ ᠬᠠᠷᠠᠭ᠍ᠰᠠᠨ ᠪᠦᠬᠦᠨ᠎ᠤ ᠬᠠᠷᠠᠭ᠎ᠠ᠎ᠶ᠋ᠢ ᠪᠠᠶᠠᠰᠭᠠᠳᠠᠭ᠃   

ᠡᠮᠬᠢᠯᠡᠭᠴᠢ᠄ ᠦᠨᠡᠨᠵᠢᠷᠭᠠᠯ

ᠢᠷᠡᠯᠳᠡ᠄ ᠪᠠᠢ ᠳ᠋ᠦ᠋ ᠰᠦᠯᠵᠢᠶ᠎ᠠ