ᠬᠦᠭᠡᠮᠳᠦᠭ ᠠᠭᠤᠯᠠᠰ᠎ᠢ ᠴᠠᠰᠤ ᠬᠤᠴᠢᠵᠤ

ᠲᠤᠮᠤᠭ᠎ᠤᠨ᠎ᠬᠢ ᠶᠤᠮ ᠱᠢᠭ᠋ ᠬᠠᠷᠠᠭ᠍ᠳᠠᠨ᠎ᠠ

ᠬᠦᠨᠳᠡᠯᠠᠨ᠎ᠤ ᠭᠠᠵᠠᠷ ᠨᠤᠳᠤᠭ᠎ᠢ ᠡᠷᠢᠬᠦᠯᠵᠤ

ᠲᠤᠭ᠍ᠳᠤᠯᠬᠤ ᠵᠢᠷᠦᠭᠡ᠎ᠶ᠋ᠢ ᠦᠢᠮᠤᠷᠠᠭᠤᠯᠤᠨ᠎ᠠ

ᠤᠨᠢᠶᠠᠷ ᠲᠠᠳᠠᠭ᠍ᠰᠠᠨ ᠬᠤᠯᠠ᠎ᠶ᠋ᠢᠨ ᠨᠤᠳᠤᠭ

ᠪᠤᠳᠤᠯ᠎ᠳᠤ ᠨᠢᠭᠡᠯᠠ ᠰᠦᠮᠡᠭᠡᠷ —

ᠠᠭᠤᠷ ᠴᠠᠩᠳᠤᠭ᠍ᠰᠠᠨ ᠬᠢᠷ᠎ᠠ᠎ᠶ᠋ᠢᠨ ᠴᠢᠯᠠᠭᠤᠳ᠎ᠨᠢ

ᠢᠯᠴᠢ᠎ᠲᠠᠢ ᠶᠤᠮ ᠱᠢᠭ᠋ ᠲᠤᠯᠠᠭᠠᠬᠠᠨ —

ᠴᠠᠰᠤ ᠮᠠᠯᠳᠠᠬᠤ ᠮᠤᠷᠢᠳ᠎ᠤᠨ ᠲᠤᠭᠤᠷᠠᠢ

ᠭᠠᠨᠭ᠌᠎ᠲᠠᠢ ᠶᠤᠮ ᠱᠢᠭ᠋ ᠬᠠᠳᠠᠭᠤ —

ᠴᠠᠭᠠᠨ᠎ᠠ ᠭᠤᠪᠢ᠎ᠶ᠋ᠢᠨ ᠬᠦᠭᠡᠮᠳᠦᠭ ᠤᠨᠢᠶᠠᠷ

ᠭᠠᠯ᠎ᠲᠠᠢ ᠶᠤᠮ ᠱᠢᠭ᠋ ᠤᠶᠠᠨ —

ᠡᠪᠤᠯ᠎ᠤᠨ ᠲᠡᠭ᠌ᠷᠢ ᠨᠢᠭᠡᠯᠠ ᠨᠠᠳᠦᠭᠡᠷ

ᠡᠳᠤᠷᠵᠢᠨ ᠬᠠᠶᠠᠯᠠᠬᠤ ᠴᠠᠰᠤᠨ ᠨᠠᠪᠰᠡᠭᠡᠷ

ᠦᠨᠳᠤᠷ ᠨᠠᠮ ᠭᠤᠪᠢ ᠴᠦᠯ

ᠦᠪᠴᠢ ᠎ᠳᠡᠭᠡᠨ ᠴᠠᠢᠷᠠᠨ ᠮᠦᠡᠭ᠌ᠬᠦ ᠱᠢᠭ ᠴᠠᠭᠠᠨ᠃

ᠴᠠᠰᠤ᠎ᠲᠠᠢ ᠡᠳᠤᠷ᠎ᠤᠳ᠎ᠤᠨ ᠲᠡᠭ᠌ᠷᠢ ᠲᠤᠤᠷ᠎ᠠ

ᠦᠭᠡᠬᠦᠨ ᠪᠦᠮᠪᠦᠭᠡ ᠰᠢᠭ ᠰᠦᠷᠦᠭ ᠴᠠᠭᠠᠨ

ᠦᠭᠡᠬᠦᠨ ᠪᠦᠮᠪᠦᠭᠡ ᠰᠢᠭ ᠰᠦᠷᠦᠭ᠎ᠢᠶᠠᠨ ᠬᠠᠷᠠᠭ᠍ᠰᠠᠨ

ᠡᠪᠤᠭᠡᠨ ᠬᠤᠨᠢᠴᠢᠨ᠎ᠤ ᠰᠠᠬᠠᠯ᠎ᠨᠢ ᠴᠤ᠌ ᠴᠠᠭᠠᠨ

ᠲᠡᠯᠡᠭᠡᠢ ᠴᠠᠭᠠᠨ ᠰᠦᠷᠦᠭ ᠴᠠᠭᠠᠨ

ᠲᠡᠭᠡᠷ᠎ᠡ᠎ᠨᠢ ᠬᠦᠮᠦᠰ᠎ᠤᠨ ᠰᠡᠳᠭᠢᠯ ᠴᠠᠭᠠᠨ

ᠲᠠᠪᠬᠢᠵᠤ ᠢᠷᠠᠬᠦ᠌ ᠠᠳᠤᠭᠤᠴᠢᠨ᠎ᠤ ᠪᠠᠷ᠎ᠠ

ᠲᠦᠬᠦᠮ ᠲᠤᠭᠤᠴᠠᠭᠠᠳ ᠴᠤᠯᠤ ᠴᠠᠭᠠᠨ᠃

ᠡᠪᠤᠯ᠎ᠤᠨ ᠲᠡᠭ᠌ᠷᠢ ᠮᠤᠩᠭᠤᠯ ᠨᠤᠳᠤᠭ᠎ᠲᠤ

ᠦᠷᠦ᠍᠎ᠪᠠᠨ ᠲᠡᠯᠭᠡᠭᠡᠳ ᠬᠤᠨ ᠴᠠᠭᠠᠨ

ᠦᠭᠡᠳᠠ ᠤᠷᠤᠭᠤ ᠲᠠᠷᠠᠰᠤ ᠰᠦᠯᠵᠢᠭ᠌ᠰᠡᠨ

ᠦᠨᠡᠭᠡ ᠲᠠᠤᠯᠠᠢ᠎ᠶ᠋ᠢᠨ ᠬᠢᠨᠢ ᠮᠦᠷ᠎ᠨᠢ ᠴᠤ᠌ ᠴᠠᠭᠠᠨ

ᠰᠠᠷᠠᠭᠤᠯ ᠮᠤᠩᠭᠤᠯ ᠨᠤᠳᠤᠭ᠎ᠤᠨ ᠮᠢᠨᠢ

ᠡᠪᠤᠯ᠎ᠨᠢ ᠴᠤ᠌ ᠭᠡᠯ᠎ᠡ ᠰᠠᠢᠬᠠᠨ ᠪᠠᠢᠨ᠎ᠠ

ᠰᠠᠨᠠᠭ᠎ᠠ ᠵᠠᠶᠠᠭ᠎ᠠ ᠬᠤᠶᠠᠷ᠎ᠢᠶᠠᠨ ᠱᠢᠭ᠋

ᠰᠦᠨ᠎ᠤ ᠦᠡᠭ᠌ᠭᠡ᠎ᠪᠠᠷ ᠴᠠᠭᠠᠬᠠᠨ ᠯᠡ ᠪᠠᠢᠨ᠎ᠠ᠃