ᠶᠤᠰᠤᠳᠠᠢ ᠰᠠᠢᠬᠠᠨ ᠭᠡᠵᠦ᠍ ᠪᠤᠯᠵᠤᠮᠤᠷ ᠱᠢᠪᠠᠭᠤᠳ
ᠶᠤᠤᠳᠠᠩ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ ᠪᠠᠭᠤᠨᠠ
ᠶᠢᠷᠲᠢᠨᠴᠦ᠍ᠶ᠋ᠢᠨ ᠭᠤᠷᠪᠠ ᠱᠢᠭ᠋ ᠮᠦᠷᠢᠶᠠᠨ ᠱᠠᠳᠯᠠᠵᠦ᠍
ᠴᠠᠰᠤᠨᠤ ᠴᠠᠭᠠᠨᠢ ᠮᠡᠳᠭᠡᠨ ᠵᠢᠷᠬᠢᠯᠳᠦᠨᠡ᠄
ᠬᠦᠬᠡᠬᠡ ᠡᠪᠦᠯᠤᠨ ᠵᠢᠰᠤ ᠴᠠᠭᠠᠨ
ᠬᠦᠢᠲᠡᠨ ᠤᠯᠠᠷᠢᠯᠤᠨ ᠨᠠᠰᠤ ᠴᠠᠭᠠᠨ
ᠬᠦᠨᠳᠦᠲᠠᠢ ᠰᠠᠷᠠᠶ᠋ᠢᠨ ᠨᠡᠷᠡ ᠴᠠᠭᠠᠨ
ᠬᠡᠷᠢᠶᠡ ᠶᠠᠪᠤᠭ᠍ᠰᠠᠨ ᠴᠤ᠌ ᠮᠦᠷᠨᠢ ᠴᠠᠭᠠᠨ
ᠰᠡᠭᠦᠳᠡᠷ ᠳᠤᠰᠤᠭ᠍ᠰᠠᠨ ᠴᠤ᠌ ᠦᠩᠭᠡᠨᠢ ᠴᠠᠭᠠᠨ
ᠰᠦᠨᠢ ᠪᠤᠯᠤᠭ᠍ᠰᠠᠨ ᠴᠤ᠌ ᠴᠢᠨᠠᠷᠨᠢ ᠴᠠᠭᠠᠨ
ᠰᠠᠢᠨ ᠬᠦᠮᠦᠨᠤ ᠮᠦᠷ ᠴᠠᠭᠠᠨ
ᠰᠠᠢᠨ ᠰᠠᠨᠠᠭᠠᠨᠤ ᠵᠠᠮ ᠴᠠᠭᠠᠨ
ᠰᠠᠢᠨ ᠦᠢᠯᠡᠶ᠋ᠢᠨ ᠪᠤᠶᠠᠨ ᠴᠠᠭᠠᠨ ᠁
ᠪᠤᠯᠵᠤᠮᠤᠷ ᠱᠢᠪᠠᠭᠤᠳ ᠡᠢᠨ ᠬᠦ᠌ ᠮᠡᠳᠭᠡᠯᠴᠡᠨ
ᠪᠤᠭ ᠪᠤᠭ ᠳᠡᠪᠬᠡᠷᠡᠨ ᠬᠦᠶᠦᠯᠳᠤᠨᠡ
ᠭᠤᠷᠪᠠᠨ《ᠦᠯᠮᠡᠢ》 ᠲᠠᠢ ᠴᠠᠭᠠᠨ ᠮᠦᠷᠨᠢ
ᠭᠤᠸᠠ ᠰᠠᠢᠬᠠᠨ ᠰᠠᠨᠠᠭᠠ ᠤᠷᠠᠯᠠᠨᠠ