ᠰᠠᠨᠰᠠᠷ ᠲᠡᠭᠷᠢᠶᠢᠨ ᠲᠠᠩᠨᠠᠢ ᠳ᠋ᠦ ᠰᠠᠴᠣᠷᠠᠬᠰᠠᠨ ᠨᠠᠷᠠᠨ ᠮᠡᠲᠦ ᠡᠬᠡ ᠣᠯᠣᠰ ᠮᠢᠨᠢ
ᠰᠦᠨᠢᠶᠢᠨ ᠣᠬᠲᠠᠷᠭᠣᠢ ᠳ᠋ᠦ ᠲᠣᠶᠠᠭᠠᠷᠠᠬᠰᠠᠨ ᠰᠠᠷᠠᠨ ᠰᠢᠭ᠋ ᠡᠬᠡ ᠣᠯᠣᠰ ᠮᠢᠨᠢ
ᠰᠠᠪᠠ ᠲᠡᠯᠡᠬᠡᠢᠶᠢ ᠴᠢᠮᠡᠭᠯᠡᠭᠰᠡᠨ ᠣᠲᠣᠨ ᠮᠡᠲᠦ ᠡᠬᠡ ᠣᠯᠣᠰ ᠮᠢᠨᠢ
ᠰᠡᠳᠬᠢᠯ ᠰᠡᠷᠬᠦᠭᠡᠬᠦ ᠠᠷᠢᠭᠣᠨ ᠠᠮᠢᠰᠬᠣᠯ ᠲᠠᠢ ᠲᠣᠩᠭᠠᠯᠠᠬ ᠠᠭᠠᠷ ᠮᠡᠳᠤ ᠡᠬᠡ ᠣᠯᠣᠰ ᠮᠢᠨᠢ
ᠠᠯᠲᠠᠨ ᠨᠠᠷᠠᠨ ᠲᠣᠯᠠᠢᠬᠰᠠᠨ ᠣᠷᠢᠬᠠᠨ ᠬᠠᠪᠣᠷ ᠪᠣᠯ ᠮᠢᠨᠦ ᠡᠬᠡ ᠣᠯᠣᠰ
ᠠᠯᠠᠬ ᠴᠡᠴᠡᠭ ᠦᠩᠭᠡ ᠪᠦᠷᠢᠲᠦᠭᠰᠡᠨ ᠣᠶᠠᠬᠠᠨ ᠵᠣᠨ ᠪᠣᠯ ᠮᠢᠨᠦ ᠡᠬᠡ ᠣᠯᠣᠰ
ᠡᠯᠪᠡᠭ ᠬᠣᠷᠢᠶᠠᠯᠲᠠᠶᠢᠨ ᠲᠠᠭᠣᠣ ᠬᠠᠩᠬᠢᠨᠠᠬᠰᠠᠨ ᠲᠠᠩᠰᠣᠬ ᠨᠠᠮᠣᠷ ᠪᠤᠯ ᠡᠬᠡ ᠣᠯᠣᠰ ᠮᠢᠨᠢ
ᠦᠯᠡᠮᠵᠢᠶᠢᠨ ᠭᠠᠢᠬᠠᠮᠰᠢᠬ ᠪᠦᠷᠢᠳᠦᠭᠰᠡᠨ ᠮᠦᠩᠬᠦᠨ ᠡᠪᠦᠯ ᠪᠣᠯ ᠮᠢᠨᠦ ᠡᠬᠡ ᠣᠯᠣᠰ
ᠠᠷᠣ ᠳ᠋ᠠᠭᠠᠨ ᠡᠬᠦᠷᠴᠦ ᠠᠯᠠᠭᠠᠨ ᠳ᠋ᠠᠭᠠᠨ ᠪᠦᠪᠡᠢᠯᠡᠭᠰᠡᠨ
ᠠᠪᠣᠶᠢᠨ ᠬᠠᠢᠷᠠ ᠪᠣᠯ ᠮᠢᠨᠦ ᠡᠬᠡ ᠣᠯᠣᠰ
ᠡᠪᠦᠷ ᠲᠡᠭᠡᠨ ᠲᠡᠪᠡᠷᠢᠵᠦ ᠦᠷᠡ ᠪᠠᠨ ᠬᠦᠬᠦᠬᠦᠯᠦᠭᠰᠡᠨ
ᠡᠵᠢᠶᠢᠨ ᠰᠡᠳᠬᠢᠯ ᠪᠣᠯ ᠮᠢᠨᠦ ᠡᠬᠡ ᠣᠯᠣᠰ
ᠡᠬᠡ ᠣᠯᠣᠰ ᠪᠣᠯ ᠮᠢᠨᠦ ᠰᠡᠳᠬᠢᠯᠤᠨ ᠣᠮᠣᠬᠰᠢᠯ
ᠡᠬᠡ ᠣᠯᠣᠰ ᠪᠣᠯ ᠮᠢᠨᠦ ᠵᠢᠷᠦᠭᠡᠨᠤ ᠣᠶᠠᠭᠠ
ᠡᠬᠡ ᠣᠯᠣᠰ ᠪᠣᠯ ᠮᠢᠨᠦ ᠦᠢᠯᠡᠰᠤᠨ ᠲᠦᠷᠦᠭᠡ
ᠡᠬᠡ ᠣᠯᠣᠰ ᠪᠣᠯ ᠮᠢᠨᠦ ᠵᠢᠷᠭᠠᠯᠤᠨ ᠣᠨᠲᠣᠷᠣᠭᠠ
ᠰᠡᠷᠬᠦᠨ ᠮᠠᠨᠲᠣᠯᠲᠠᠶᠢᠨ ᠵᠡᠬᠦᠲᠦ ᠪᠠᠨ ᠲᠡᠷᠭᠡᠯᠰᠢᠬᠦᠯᠬᠦ ᠪᠡᠷ
ᠰᠠᠷᠠᠭᠣᠯ ᠭᠡᠭᠡᠨ ᠣᠲᠣᠬᠢᠴᠢᠯᠠᠬᠰᠠᠨ ᠣᠯᠣᠰᠢ ᠪᠠᠢᠭᠣᠯᠬᠣ ᠪᠡᠷ
ᠰᠠᠶᠠ ᠲᠦᠮᠡᠨ ᠠᠷᠠᠳᠶ᠋ᠢᠡᠨ ᠬᠦᠲᠦᠯᠦᠨ ᠲᠠᠭᠠᠭᠣᠯᠵᠦ
ᠰᠢᠭᠣᠷᠬᠠᠢᠯᠠᠨ ᠲᠡᠮᠡᠴᠡᠵᠦ ᠪᠠᠢᠭᠠ ᠡᠬᠡ ᠣᠯᠣᠰ ᠮᠢᠨᠢ ！
ᠣᠶᠠᠩᠭᠠ ᠰᠢᠯᠦᠭᠤᠨ ᠪᠠᠲᠠᠬ ᠡᠬᠡ ᠣᠯᠣᠰ ᠮᠢᠨᠢ ᠭᠡᠳ ᠣᠨᠲᠣᠷᠲᠠᠬ
ᠣᠶᠣᠨ ᠰᠠᠨᠠᠭᠠᠨᠤ ᠰᠣᠷᠪᠣᠯᠵᠢ ᠡᠬᠡ ᠣᠯᠣᠰ ᠮᠢᠨᠢ ᠭᠡᠵᠦ ᠪᠠᠲᠠᠷᠠᠲᠠᠬ
ᠵᠢᠷᠭᠠᠯ ᠴᠡᠩᠭᠡᠯᠤᠨ ᠲᠣᠯᠠᠭᠠᠨ ᠦᠯᠦᠭᠡᠢ
ᠵᠢᠷᠦᠭᠡᠨᠤ ᠠᠷᠭᠠᠮᠵᠢᠶᠠ ᠡᠬᠡ ᠣᠯᠣᠰ ᠮᠢᠨᠢ！