ᠡᠨᠡ ᠵᠢᠯᠡᠴᠡ ᠨᠠᠭᠠᠰᠢ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠲᠠᠰᠤᠷᠠᠯᠲᠠ ᠦᠭᠡᠢ ᠥᠰᠴᠦ᠂ 9 ᠳ᠋ᠤᠭᠡᠷ ᠰᠠᠷᠠᠳᠤ ᠭᠷᠠᠮ ᠪᠦᠷᠢ ᠳ᠋ᠡᠭᠡᠨ 600 ᠲᠥᠭᠥᠷᠢᠭᠢ ᠳᠠᠪᠠᠬᠰᠠᠨ ᠪᠠᠢᠨᠠ᠃ ᠠᠯᠳᠠᠨᠤ ᠦᠨᠡ ᠠᠯᠳᠠ ᠳᠠᠯᠢᠮ ᠵᠢᠨᠷ ᠦᠰᠴᠦ ᠪᠠᠢᠭᠠ ᠪᠠᠢᠳᠠᠯᠳᠦ ᠠᠷᠠᠳ ᠣᠯᠠᠨ ᠴᠤ᠌ 《ᠠᠯᠲᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠠᠯᠠᠮᠰᠢᠯ》 ᠢ ᠪᠤᠢ ᠪᠤᠯᠭᠠᠨ ᠠᠯᠳᠠᠨᠤ ᠵᠠᠬᠠ ᠤᠷᠢᠳ ᠡᠮᠦᠨᠡ ᠪᠠᠢᠭᠠ ᠦᠭᠡᠢ ᠬᠦᠭᠵᠢᠶᠡᠨ ᠲᠠᠢ ᠪᠤᠯᠵᠠᠢ᠃
ᠭᠡᠪᠡᠴᠦ ᠬᠥᠮᠥᠰᠤᠨ 《ᠶᠡᠬᠡ ᠬᠦᠰᠡᠯ ᠨᠠᠶ᠋ᠢᠳᠠᠯᠭᠠ ᠲᠠᠯᠪᠢᠭ᠍ᠰᠠᠨ》 ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠤᠢᠷᠠ ᠵᠢᠨ ᠬᠤᠭᠤᠴᠠᠭᠠᠨᠳᠦ ᠬᠠᠷᠢᠨ ᠦᠷᠬᠦᠯᠵᠢᠯᠡᠨ ᠪᠠᠭᠤᠷᠠᠵᠤ ᠡᠬᠢᠯᠡᠭᠰᠡᠨ ᠪᠠᠢᠨᠠ᠃ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠠᠯᠲᠠᠨᠤ ᠦᠨᠡᠶᠢᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠤᠪᠢᠷᠠᠬᠤᠶᠢ ᠳᠠᠭᠠᠯᠳᠤᠨ᠂ ᠨᠢᠬᠡ ᠪᠦᠯᠦᠭ ᠬᠦᠮᠦᠰ ᠤᠳᠤᠬᠠᠨᠳᠦ ᠠᠯᠳᠠ ᠬᠤᠳᠠᠯᠳᠤᠨ ᠠᠪᠴᠤ ᠪᠤᠯᠬᠤ ᠡᠰᠡᠬᠦ ᠳᠤᠬᠠᠢ ᠰᠡᠵᠢᠭ ᠲᠦᠷᠦᠭᠰᠡᠨ ᠪᠠᠢᠨᠠ᠃
ᠠᠯᠲᠠᠨᠤ ᠦᠨᠡ ᠭᠤᠷᠪᠠᠨ ᠡᠳᠦᠷᠲᠦ 30 ᠲᠥᠭᠥᠷᠢᠭ ᠪᠠᠭᠤᠷᠠᠪᠠ
7ᠤ ᠡᠳᠦᠷ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠪᠡᠭᠡᠵᠢᠩᠦᠨ ᠵᠧᠦ ᠳᠡ ᠹᠦ ᠠᠯᠳᠠᠨᠤ ᠳᠡᠯᠬᠡᠬᠦᠷᠤᠨ ᠨᠢᠬᠡᠨ ᠬᠤᠪᠢᠶᠠᠷᠢ ᠳᠡᠯᠬᠡᠬᠦᠷᠲᠦ ᠬᠦᠷᠬᠦᠳᠦ ᠠᠯᠳᠠᠨᠤ ᠦᠨᠡ ᠭᠷᠡᠮ ᠪᠦᠷᠢᠳᠡᠭᠡᠨ 587 ᠲᠥᠭᠥᠷᠢᠭ ᠪᠤᠯᠴᠢᠬᠠᠬᠰᠠᠨ ᠪᠠᠢᠬᠤᠶᠢ ᠤᠯᠵᠤ ᠬᠠᠷᠠᠵᠠᠢ᠃
《9 ᠰᠠᠷᠠᠶᠢᠨ ᠦᠶᠡᠪᠡᠷ ᠠᠯᠲᠠᠨ ᠵᠠᠰᠠᠯ ᠵᠢᠮᠰᠡᠭᠦᠨ ᠦᠨᠡ ᠬᠠᠮᠤᠭᠤᠨ ᠥᠨᠳᠥᠷᠲᠡᠬᠡᠨ ᠭᠷᠠᠮ ᠪᠦᠷᠢ ᠳ᠋ᠡᠭᠡᠨ 615 ᠲᠥᠭᠥᠷᠢᠭ ᠬᠦᠷᠴᠦ ᠪᠠᠢᠬᠰᠠᠨ᠂ ᠤᠷᠴᠢᠮ ᠡᠴᠡ ᠦᠨᠡ ᠬᠠᠩᠰᠢ ᠨᠢ ᠵᠢᠭᠠᠬᠠᠨ ᠪᠠᠭᠤᠷᠠᠬᠰᠠᠨ》ᠭᠡᠵᠦ ᠳᠡᠯᠭᠡᠭᠦᠷᠦᠨ ᠠᠵᠢᠯᠲᠠᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠡᠭᠦᠨᠡᠴᠡ ᠡᠮᠦᠨᠡ ᠠᠯᠲᠠᠨᠤ ᠦᠨᠡ ᠦᠷᠭᠦᠯᠵᠢᠯᠡᠨ ᠦᠰᠴᠦ᠂ ᠠᠶᠤᠯ ᠲᠦᠭᠰᠢᠬᠦᠷᠢ ᠡᠴᠡ ᠵᠠᠢᠯᠠᠬᠤ ᠪᠠ ᠪᠡᠯᠡ ᠣᠷᠣᠭᠤᠯᠤᠯᠲᠠᠶᠢᠨ ᠬᠡᠷᠡᠭᠴᠡᠭᠡᠡᠴᠡ ᠪᠣᠯᠵᠤ᠂ ᠴᠥᠭᠡᠨ ᠪᠤᠰᠤ ᠬᠥᠮᠥᠨ ᠰᠠᠪᠠᠭᠠ ᠠᠯᠲᠠ ᠪᠠ ᠠᠯᠲᠠᠨ ᠪᠤᠷᠴᠠᠭ ᠬᠤᠳᠠᠯᠳᠤᠨ ᠠᠪᠤᠬᠰᠠᠨ ᠪᠠᠢᠨᠠ᠃ 《ᠠᠷᠪᠠᠨ ᠰᠠᠷᠠᠶᠢᠨ ᠨᠢᠭᠡᠨ》 ᠦ ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨᠳᠤ 《ᠥᠬᠢᠨ ᠬᠥᠮᠥᠨ ᠠᠯᠮᠠᠰ ᠪᠥᠭᠡᠵᠢ ᠬᠤᠳᠠᠯᠳᠤᠨ ᠠᠪᠬᠤᠪᠠᠨ ᠪᠣᠯᠢᠭᠠᠳ 50 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠰᠠᠪᠠᠭᠠ ᠠᠯᠲᠠ ᠬᠤᠳᠠᠯᠳᠤᠨ ᠠᠪᠤᠬᠰᠠᠨ》 ᠭᠡᠬᠦ ᠨᠡᠢᠳᠡᠯᠡᠯ ᠨᠢ ᠪᠠᠰᠠ ᠪᠢᠴᠢᠯ ᠪᠦᠷᠭᠡᠳᠦ ᠬᠠᠯᠠᠭᠤᠷᠠᠯ ᠳᠡᠭᠳᠡᠭᠡᠭᠰᠡᠨ ᠪᠠᠢᠯᠠ᠃
ᠣᠢᠷᠠᠶᠢᠨ ᠬᠤᠭᠤᠴᠠᠭᠠᠨᠤ ᠪᠡᠯᠡ ᠣᠷᠣᠭᠤᠯᠤᠯᠲᠠᠶᠢᠨ ᠠᠯᠲᠠᠨᠤ ᠦᠨᠡ ᠪᠠᠰᠠ ᠪᠠᠭᠤᠷᠠᠭᠰᠠᠨ ᠪᠠᠢᠨᠠ᠃ 《ᠥᠩᠭᠡᠷᠡᠭᠰᠡᠨᠳᠦ ᠠᠯᠲᠠᠨ ᠪᠤᠷᠴᠠᠭᠤᠨ ᠦᠨᠡ ᠨᠢ ᠭᠷᠡᠮ ᠪᠦᠷᠢᠳᠡᠭᠡᠨ560ᠲᠥᠭᠥᠷᠢᠭ ᠬᠦᠷᠴᠦ ᠪᠠᠢᠭᠰᠠᠨᠢᠶᠠᠨ ᠣᠳᠣ᠌ 539 ᠲᠥᠭᠥᠷᠢᠭᠪᠤᠯᠤᠬᠰᠠᠨ ᠪᠠᠢᠨᠠ》 ᠭᠡᠵᠦ ᠠᠯᠳᠠᠨ ᠤ ᠳᠡᠯᠬᠡᠬᠦᠷᠤᠨ ᠯᠠᠩᠭᠦᠢᠶᠢᠨ ᠠᠵᠢᠯᠲᠠᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠶᠠᠷᠢᠵᠤ ᠪᠢᠯᠡ᠃
ᠵᠧᠦ ᠳᠡ ᠹᠦᠪᠡᠷ ᠵᠣᠭᠰᠣᠬᠤ ᠦᠭᠡᠢ᠂ ᠣᠢᠷᠠᠳᠤ ᠵᠧᠦ ᠱᠧᠩ ᠱᠧᠩ᠂ ᠯᠣᠸ᠋ ᠹᠧᠩ ᠰᠢᠶᠠᠩ ᠵᠡᠷᠭᠡ ᠨᠠᠷᠠᠲᠤ ᠲᠡᠮᠳᠡᠭᠦᠨ ᠠᠯᠲᠠᠨ ᠵᠠᠰᠠᠯ ᠴᠢᠮᠡᠭᠯᠡᠯᠦᠨ ᠦᠨᠡ ᠴᠦ᠍ ᠪᠠᠭᠤᠷᠠᠵᠤ᠂ 9 ᠰᠠᠷᠠᠶᠢᠨ ᠳᠤᠮᠳᠠᠴᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠭᠷᠡᠮ ᠪᠦᠷᠢᠳᠡᠭᠡᠨ ᠪᠠᠷᠤᠭ 10 ᠲᠥᠭᠥᠷᠢᠭᠡᠴᠡ ᠳᠡᠭᠡᠭᠰᠢ ᠪᠠᠭᠤᠷᠠᠵᠠᠢ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠼᠠᠢ ᠪᠠᠢ ᠪᠡᠯᠡ ᠣᠷᠣᠭᠤᠯᠤᠯᠲᠠᠶᠢᠨ ᠠᠯᠲᠠᠨᠤ ᠦᠨᠡ ᠴᠦ᠍ ᠨᠡᠯᠢᠶᠡᠳ ᠶᠡᠬᠡ ᠬᠤᠪᠢᠷᠠᠯᠳᠠ ᠭᠠᠷᠴᠤ᠂ 9 ᠰᠠᠷᠠᠳᠤ ᠬᠠᠷᠢᠶᠠ ᠳᠡᠯᠭᠡᠭᠦᠷᠦᠨ ᠪᠡᠯᠡ ᠣᠷᠣᠭᠤᠯᠤᠯᠲᠠᠶᠢᠨ ᠰᠠᠪᠠᠭᠠ ᠠᠯᠳᠠᠶᠢᠨ ᠦᠨᠡ ᠨᠢ ᠬᠠᠮᠤᠭᠤᠨ ᠥᠨᠳᠥᠷᠲᠡᠬᠡᠨ ᠭᠷᠠᠮ ᠪᠦᠷᠢ ᠳ᠋ᠡᠭᠡᠨ 480 ᠲᠥᠭᠥᠷᠢᠭ ᠣᠷᠴᠢᠮ ᠬᠦᠷᠴᠦ ᠪᠠᠢᠬᠰᠠᠨ ᠵᠢᠨᠨ 10 ᠰᠠᠷᠠᠶᠢᠨ 7ᠤ ᠡᠳᠦᠷ ᠪᠤᠯᠬᠤᠳᠦ 444 ᠲᠥᠭᠥᠷᠢᠭ ᠪᠣᠯᠵᠤ ᠪᠠᠭᠤᠷᠠᠬᠰᠠᠨ ᠪᠠᠢᠨᠠ᠃
ᠱᠠᠩᠬᠠᠢᠶᠢᠨ ᠰᠢᠵᠢᠷ ᠠᠯᠲᠠᠨᠤ ᠠᠷᠠᠯᠵᠢᠶᠠᠨᠤ ᠭᠠᠵᠠᠷ ᠪᠣᠯ ᠰᠢᠵᠢᠷ ᠠᠯᠲᠠᠨᠤ ᠠᠷᠠᠯᠵᠢᠶᠠ ᠬᠢᠳᠡᠭ ᠤᠯᠤᠰᠤᠨ ᠳᠡᠰᠤᠨ ᠵᠠᠬᠠ ᠳᠡᠯᠭᠡᠭᠦᠷ ᠪᠣᠯᠣᠨᠠ᠃ ᠲᠡᠭᠦᠨᠦ Au99.99 ᠦᠨᠡ ᠬᠠᠩᠰᠢ ᠶ᠋ᠢᠨ ᠪᠠᠢᠳᠠᠯᠤᠨ ᠬᠠᠨᠳᠤᠰᠢ ᠶ᠋ᠢᠨ ᠵᠢᠷᠤᠭ ᠠ᠋ᠴᠠ ᠦᠵᠡᠪᠡᠯ᠂ ᠡᠭᠦᠨᠡᠴᠡ ᠡᠮᠦᠨᠡ ᠦᠷᠭᠦᠯᠵᠢᠯᠡᠨ ᠥᠰᠴᠦ ᠪᠠᠢᠭᠰᠠᠨ ᠠᠯᠲᠠᠨᠤ ᠦᠨᠡ 9 ᠰᠠᠷᠠ ᠶ᠋ᠢᠨ 26ᠤ ᠡᠳᠦᠷᠡᠴᠡ ᠡᠬᠢᠯᠡᠨ ᠦᠷᠭᠦᠯᠵᠢᠯᠡᠨ ᠪᠠᠭᠤᠷᠠᠵᠤ᠂ 9 ᠰᠠᠷᠠ ᠶ᠋ᠢᠨ 28ᠤ ᠡᠳᠦᠷ 447.50 ᠲᠥᠭᠥᠷᠢᠭ ᠬᠦᠷᠴᠦ᠂ ᠭᠤᠷᠪᠠᠬᠠᠨ ᠡᠳᠦᠷᠲᠦ 30 ᠰᠢᠬᠠᠮ ᠲᠥᠭᠥᠷᠢᠭ ᠪᠠᠭᠤᠷᠠᠵᠠᠢ᠃
ᠤᠯᠤᠰᠤᠨ ᠳᠣᠲᠣᠭᠠᠳᠤ ᠶ᠋ᠢᠨ ᠠᠯᠲᠠᠨᠤ ᠦᠨᠡ ᠪᠠᠭᠤᠷᠠᠭᠰᠠᠨ ᠠ᠋ᠴᠠ ᠭᠠᠳᠠᠨᠠ᠂ 5 ᠰᠠᠷᠠ ᠠ᠋ᠴᠠ ᠡᠬᠢᠯᠡᠨ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡᠴᠦ ᠶᠡᠬᠡᠪᠡᠷ ᠪᠠᠭᠤᠷᠠᠵᠤ᠂ ᠣᠢᠷᠠ ᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠨᠡᠩᠴᠦ ᠰᠦᠷᠡᠬᠡᠢ ᠪᠠᠭᠤᠷᠠᠪᠠ᠃
9 ᠰᠠᠷᠠᠶᠢᠨ 25ᠤ ᠡᠳᠦᠷᠡᠴᠡ 10 ᠰᠠᠷᠠᠶᠢᠨ 5ᠤ ᠡᠳᠦᠷ ᠪᠣᠯᠲᠠᠯᠠ᠂ ᠨᠢᠦ᠋ ᠶᠣᠷᠺᠤᠨ ᠬᠤᠭᠤᠴᠠᠭᠠᠲᠤ ᠪᠠᠷᠠᠭᠠᠨᠤ ᠰᠢᠵᠢᠷ ᠠᠯᠲᠠᠨᠤ ᠦᠨᠡ 9 ᠠᠷᠠᠯᠵᠢᠶᠠᠨᠤ ᠡᠳᠦᠷ ᠳᠠᠷᠠᠭᠠᠯᠠᠨ ᠪᠠᠭᠤᠷᠠᠵᠤ᠂ ᠤᠢᠷᠠ ᠵᠢᠨ 7 ᠰᠠᠷᠠ ᠰᠢᠬᠠᠮᠤᠨ ᠬᠤᠭᠤᠴᠠᠭᠠᠨᠤ ᠬᠠᠮᠤᠭᠤᠨ ᠳᠣᠣᠷᠠ ᠬᠡᠮᠵᠢᠶᠡᠨᠳᠦ ᠬᠦᠷᠴᠡᠢ᠃ ᠭᠡᠪᠡᠴᠦ 10 ᠰᠠᠷᠠᠶᠢᠨ 6ᠤ ᠡᠳᠦᠷ᠂ ᠨᠢᠦ᠋ ᠶᠣᠷᠺᠤᠨ ᠬᠤᠭᠤᠴᠠᠭᠠᠲᠤ ᠪᠠᠷᠠᠭᠠᠨᠤ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠡᠳᠦᠢ ᠲᠡᠳᠦᠢ ᠦᠰᠴᠦ᠂ ᠤᠨᠰ ᠪᠦᠷᠢ 1847 ᠳ᠋ᠣᠯᠯᠠᠷ ᠬᠦᠷᠦᠭᠰᠡᠨ ᠪᠠᠢᠨᠠ᠃
ᠠᠯᠲᠠᠨᠤ ᠦᠨᠡ ᠶᠠᠭᠠᠬᠢᠭᠠᠳ ᠵᠠᠯᠭᠠᠭᠠᠪᠠᠷ ᠪᠠᠭᠤᠷᠠᠬᠰᠠᠨ ᠪᠤᠢ？
ᠣᠢᠷᠠ ᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠶ᠋ᠢᠨ ᠠᠯᠲᠠᠨᠤ ᠦᠨᠡ ᠦᠷᠭᠦᠯᠵᠢᠯᠡᠨ ᠪᠠᠭᠤᠷᠠᠵᠤ ᠪᠠᠢᠭᠠ ᠪᠠᠢᠳᠠᠯᠤᠨ ᠲᠤᠬᠠᠢ ᠠᠵᠢᠯ ᠲᠥᠷᠥᠯᠦᠨ ᠳᠣᠲᠣᠷᠠᠬᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠬᠥᠮᠥᠰ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠵᠠᠳᠠᠯᠬᠤᠳᠠᠭᠠᠨ᠂ ᠡᠨᠡ ᠨᠢ ᠭᠣᠣᠯᠳᠠᠭᠤ ᠬᠠᠩᠭᠠᠯᠭᠠ ᠬᠡᠷᠡᠭᠴᠡᠭᠡ ᠪᠣᠯᠣᠨ ᠰᠢᠯᠵᠢᠯᠲᠡ ᠶ᠋ᠢᠨ ᠴᠢᠨᠠᠷᠲᠠᠢ ᠬᠤᠪᠢᠷᠠᠯᠲᠠ᠂ ᠠᠮᠧᠷᠢᠺᠠ ᠶ᠋ᠢᠨ ᠰᠲ᠋ᠣᠺᠤᠨ ᠵᠢᠭᠠᠯᠲᠠ ᠲᠣᠭᠠ ᠦᠰᠦᠭᠰᠡᠨ᠂ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡ ᠪᠠᠭᠤᠷᠠᠭᠰᠠᠨ ᠵᠡᠷᠭᠡ ᠬᠦᠴᠦᠨ ᠵᠦᠢᠯᠦᠨ ᠨᠥᠯᠥᠭᠡ ᠶ᠋ᠢ ᠭᠥᠷᠳᠡᠵᠦ ᠪᠠᠢᠨᠠ ᠭᠡᠵᠡᠢ᠃
ᠣᠯᠠᠨ ᠤᠯᠤᠰᠤᠨ ᠰᠢᠵᠢᠷ ᠠᠯᠲᠠᠨᠤ ᠬᠠᠨᠳᠤᠰᠢ ᠠ᠋ᠴᠠ ᠦᠵᠡᠪᠡᠯ᠂ ᠳᠡᠭᠡᠷᠡ ᠬᠠᠭᠠᠰ ᠵᠢᠯᠳᠦ ᠠᠮᠧᠷᠢᠺᠠ ᠶ᠋ᠢᠨ ᠪᠠᠩᠬᠢ ᠶ᠋ᠢᠨ ᠦᠢᠯᠡᠰᠦᠨ ᠬᠢᠮᠤᠷᠠᠯ ᠪᠣᠯᠣᠨ ᠠᠮᠧᠷᠢᠺᠠ ᠶ᠋ᠢᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠥᠭᠴᠡᠭᠡᠨᠦ ᠳᠡᠭᠡᠳᠦ ᠬᠢᠵᠠᠭᠠᠷᠤᠨ ᠬᠢᠮᠤᠷᠠᠯ ᠠ᠋ᠴᠠ ᠪᠣᠯᠤᠭᠰᠠᠨ ᠠᠶᠤᠯ ᠠ᠋ᠴᠠ ᠵᠠᠢᠯᠠᠬᠤ ᠰᠡᠳᠬᠢᠯᠭᠡ ᠨᠢ ᠪᠡᠯᠡ ᠣᠷᠣᠭᠤᠯᠤᠭ᠍ᠴᠢᠳᠤᠨ ᠰᠢᠵᠢᠷ ᠠᠯᠲᠠᠨᠤ ᠵᠠᠬᠠ ᠳᠡᠯᠭᠡᠭᠦᠷᠲᠦ ᠣᠷᠣᠬᠤ ᠶ᠋ᠢ ᠠᠬᠢᠭᠤᠯᠵᠤ᠂ ᠣᠯᠠᠨ ᠤᠯᠤᠰᠤᠨ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠶᠡᠬᠡᠪᠡᠷ ᠥᠰᠦᠭᠰᠡᠨ ᠪᠠᠢᠨᠠ᠃
《ᠭᠡᠪᠡᠴᠦ ᠠᠮᠧᠷᠢᠺᠠ ᠶ᠋ᠢᠨ ᠣᠢᠷᠠ ᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠨᠡᠢᠲᠡᠯᠡᠭᠰᠡᠨ ᠠᠵᠤ ᠠᠬᠤᠢ ᠶ᠋ᠢᠨ ᠲᠣᠭᠠ ᠪᠠᠷᠢᠮᠲᠠ ᠬᠠᠷᠢᠴᠠᠩᠭᠤᠢᠪᠠᠷ ᠲᠣᠭᠲᠠᠭᠤᠨ ᠪᠠᠢᠵᠤ᠂ ᠠᠮᠧᠷᠢᠺᠠ ᠶ᠋ᠢᠨ ᠠᠵᠤ ᠠᠬᠤᠢ ᠶ᠋ᠢᠨ ᠪᠠᠭᠤᠷᠠᠯᠲᠠ ᠶ᠋ᠢᠨ ᠲᠤᠬᠠᠢ ᠰᠠᠨᠠᠭᠠᠰᠢᠷᠠᠯ ᠲᠦᠷ ᠴᠠᠭ ᠨᠠᠮᠳᠠᠵᠤ᠂ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠬᠠᠩᠰᠢᠳᠤ ᠦᠵᠡᠭᠦᠯᠬᠦ ᠠᠶᠤᠯ ᠠ᠋ᠴᠠ ᠵᠠᠢᠯᠠᠬᠤ ᠰᠡᠳᠬᠢᠯᠭᠡ ᠶ᠋ᠢᠨ ᠲᠤᠯᠭᠠᠭᠤᠷᠢᠯᠠᠬᠤ ᠦᠢᠯᠡᠳᠦᠯ ᠪᠠᠭᠤᠷᠠᠵᠤ ᠪᠠᠢᠨᠠ》ᠭᠡᠵᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠠᠩᠬᠢᠶᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠰᠤᠳᠤᠯᠤᠭ᠍ᠴᠢ ᠸᠠᠩ ᠶᠢᠤ ᠰᠢᠨ ᠦᠵᠡᠵᠦ ᠪᠠᠢᠨᠠ᠃
《ᠨᠥᠭᠥᠭᠡ ᠲᠠᠯᠠᠪᠠᠷ᠂ ᠠᠮᠧᠷᠢᠺᠠ ᠶ᠋ᠢᠨ ᠬᠣᠯᠪᠣᠭᠠᠨᠤ ᠨᠥᠭᠡᠴᠡ ᠶ᠋ᠢᠨ ᠰᠢᠰᠲᠧᠮᠤᠨ 11 ᠰᠠᠷᠠ ᠶ᠋ᠢᠨ ᠬᠦᠦ ᠮᠥᠩᠭᠥ ᠨᠡᠮᠡᠬᠦ ᠵᠢᠱ᠌ᠢᠯᠲᠡ ᠳᠠᠬᠢᠨᠲᠠ ᠨᠡᠮᠡᠭᠳᠡᠭᠰᠡᠨ ᠪᠠ ᠠᠮᠧᠷᠢᠺᠠ ᠶ᠋ᠢᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠢᠨᠡ ᠡᠳ᠋ᠦᠨ ᠵᠠᠰᠠᠭᠤᠨ ᠵᠢᠯᠦᠨ ᠡᠳ᠋ᠦᠨ ᠵᠠᠰᠠᠭᠤᠨ ᠲᠥᠰᠥᠪᠦᠨ ᠵᠠᠷᠤᠯᠭᠠ ᠶ᠋ᠢᠨ ᠥᠷᠢᠰᠦᠯᠳᠦᠭᠡᠨ ᠰᠢᠷᠦᠭᠦᠰᠴᠦ ᠪᠠᠢᠭᠠ ᠵᠡᠷᠭᠡ ᠬᠦᠴᠦᠨ ᠵᠦᠢᠯᠦᠨ ᠨᠥᠯᠥᠭᠡᠡᠴᠡ ᠪᠣᠯᠵᠤ᠂ ᠣᠢᠷᠠ ᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠠᠮᠧᠷᠢᠺᠠ ᠵᠢᠨ ᠵᠢᠭᠡᠯᠡᠯᠬᠡ ᠵᠢᠨ ᠠᠰᠢᠬ ᠤᠷᠤᠯᠭᠠ ᠵᠢᠨ ᠨᠤᠷᠮᠠ ᠶᠡᠬᠡ ᠪᠡᠷ ᠲᠡᠭᠡᠭᠰᠢᠯᠡᠭᠰᠡᠨ ᠪᠠᠢᠨᠠ》᠃ ᠸᠠᠩ ᠶᠢᠤ ᠰᠢᠨ ᠢᠯᠡᠷᠬᠡᠢᠯᠡᠬᠦᠳᠡᠭᠡᠨ᠂ ᠠᠮᠧᠷᠢᠺᠠᠶᠢᠨ ᠵᠢᠭᠡᠯᠡᠯᠭᠡᠶᠢᠨ ᠠᠰᠢᠭ᠋ ᠣᠷᠣᠯᠭᠠᠶᠢᠨ ᠨᠣᠷᠮᠠᠶᠢᠨ ᠥᠰᠦᠯᠲᠡ ᠨᠢ ᠰᠢᠵᠢᠷ ᠠᠯᠲᠠ ᠡᠵᠡᠮᠰᠢᠵᠦ ᠪᠠᠢᠭᠠ ᠲᠣᠬᠢᠶᠠᠯᠤᠨ ᠥᠪᠡᠷᠦᠨ ᠥᠷᠲᠡᠭᠦᠨ ᠳᠡᠭᠡᠭᠰᠢᠯᠡᠯᠲᠡᠶᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠂ ᠡᠨᠡ ᠬᠣᠶᠠᠷ ᠨᠢ ᠥᠩᠭᠡᠷᠡᠭᠰᠡᠨᠳᠦ ᠦᠨᠳᠦᠰᠦᠨᠳᠡᠭᠡᠨ ᠰᠥᠭᠡᠷᠭᠦ ᠬᠣᠯᠪᠣᠭᠳᠠᠯᠤᠨ ᠬᠠᠨᠳᠤᠰᠢᠲᠠᠢ ᠪᠠᠢᠪᠠ᠃ ᠬᠠᠷᠢᠨ ᠳ᠋ᠣᠯᠯᠠᠷ ᠪᠣᠯ ᠣᠯᠠᠨ ᠤᠯᠤᠰᠤᠨ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠪᠤᠳᠤᠬᠤ ᠭᠣᠣᠯ ᠵᠣᠭᠣᠰ ᠪᠠᠢᠵᠤ᠂ ᠳ᠋ᠣᠯᠯᠠᠷᠤᠨ ᠥᠷᠲᠡᠭᠦᠨ ᠥᠰᠦᠯᠲᠡ ᠨᠢ ᠴᠦ᠍ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠶ᠋ᠢᠨ ᠬᠠᠨᠳᠤᠰᠢ ᠶ᠋ᠢ ᠬᠢᠵᠠᠭᠠᠷᠯᠠᠵᠤ ᠪᠠᠢᠳᠠᠬ᠃
ᠲᠦᠷᠦᠭᠦᠦ ᠬᠡᠰᠡᠭ ᠬᠤᠭᠤᠴᠠᠭᠠᠨᠳᠤ᠂ ᠬᠡᠷᠡᠭᠯᠡᠭᠡᠨᠦ ᠬᠡᠷᠡᠭᠴᠡᠭᠡ ᠶᠡᠬᠡᠪᠡᠷ ᠨᠡᠮᠡᠭᠳᠡᠭᠰᠡᠨ᠂ ᠠᠷᠠᠳᠤᠨ ᠵᠣᠭᠣᠰᠤᠨ ᠦᠨᠡ ᠪᠠᠭᠤᠷᠠᠬᠰᠠᠨ᠂ ᠠᠶᠤᠯ ᠠ᠋ᠴᠠ ᠵᠠᠢᠯᠠᠬᠤ ᠰᠡᠳᠬᠢᠯᠭᠡ ᠵᠡᠷᠭᠡ ᠬᠦᠴᠦᠨ ᠵᠦᠢᠯᠦᠨ ᠨᠥᠯᠥᠭᠡᠡᠴᠡ ᠪᠣᠯᠵᠤ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠶ᠋ᠢᠨ ᠠᠯᠲᠠᠨᠤ ᠦᠨᠡ ᠵᠠᠯᠭᠠᠭᠠ ᠪᠡᠷ ᠥᠰᠴᠦ᠂ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡ ᠶ᠋ᠢᠨ ᠬᠠᠨᠳᠤᠰᠢ ᠠ᠋ᠴᠠ ᠡᠳᠦᠢ ᠲᠡᠳᠦᠢ ᠲᠡᠷᠰᠯᠡᠭᠰᠡᠨ ᠪᠠᠢᠨᠠ᠃
《ᠭᠡᠪᠡᠴᠦ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡ ᠦᠷᠭᠦᠯᠵᠢᠯᠡᠨ ᠪᠠᠭᠤᠷᠠᠵᠤ ᠪᠠᠢᠬᠤ ᠪᠠ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠶ᠋ᠢᠨ ᠠᠵᠤ ᠠᠬᠤᠢ ᠲᠣᠭᠲᠠᠭᠤᠨᠢᠶᠠᠷ ᠰᠡᠷᠭᠦᠵᠦ ᠪᠠᠢᠬᠤ᠂ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠤᠷᠮᠠ ᠵᠣᠷᠢᠭ᠋ ᠰᠠᠢᠵᠢᠷᠠᠵᠤ ᠪᠠᠢᠬᠤ ᠵᠡᠷᠭᠡ ᠬᠦᠴᠦᠨ ᠵᠦᠢᠯᠦᠨ ᠨᠥᠯᠥᠭᠡᠯᠡᠯ ᠢ᠋ᠶ᠋ᠡᠷ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠶ᠋ᠢᠨ ᠠᠯᠲᠠᠨᠤ ᠦᠨᠡ ᠤᠯᠠᠮᠢᠶᠠᠷ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡ ᠬᠠᠩᠰᠢ ᠵᠦᠭ ᠬᠡᠯᠪᠡᠢᠬᠦ ᠪᠤᠯᠤᠨᠠ》ᠭᠡᠵᠦ ᠸᠠᠩ ᠶᠢᠦ ᠰᠢᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠵᠠᠳᠠᠯᠤᠯᠲᠠ ᠬᠢᠵᠦ ᠦᠭᠴᠠᠢ᠃
ᠲᠡᠭᠡᠪᠡᠯ ᠤᠳᠤ ᠰᠢᠵᠢᠷ ᠠᠯᠳᠠ ᠬᠤᠳᠠᠯᠳᠤᠨ ᠠᠪᠴᠤ ᠪᠤᠯᠬᠤ ᠤᠤ？
ᠡᠨᠡ ᠵᠢᠯᠡᠴᠡ ᠨᠠᠭᠠᠰᠢ᠂ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠰᠦᠭᠰᠡᠨ ᠡᠴᠡ ᠪᠤᠯᠵᠤ ᠰᠢᠵᠢᠷ ᠠᠯᠲᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠠᠯᠠᠭᠤᠨ ᠥᠷᠨᠢᠯᠲᠡ ᠭᠠᠷᠴᠠᠢ᠃
《ᠪᠠᠩᠬᠢ ᠶ᠋ᠢᠨ ᠬᠦᠦ ᠮᠥᠩᠭᠥ ᠨᠡᠯᠢᠶᠡᠳ ᠳᠣᠣᠷᠠ ᠪᠠᠢᠬᠤ ᠤᠷᠢᠳᠠᠯ ᠳᠤᠤᠷᠠ〈ᠦᠰᠴᠦ ᠪᠠᠢᠬᠤ ᠳ᠋ᠤᠨᠢ ᠬᠤᠳᠠᠯᠳᠤᠨ ᠠᠪᠬᠤ ᠡᠴᠡ ᠪᠢᠰᠢ ᠪᠠᠭᠤᠷᠠᠬᠰᠠᠨᠤ ᠳᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠦᠭᠡᠢ〉 ᠭᠡᠰᠡᠨ ᠪᠣᠳᠣᠯ ᠨᠢ ᠬᠥᠮᠥᠰᠦᠨ ᠠᠯᠲᠠ ᠬᠤᠳᠠᠯᠳᠤᠨ ᠠᠪᠬᠤ ᠤᠷᠮᠠ ᠵᠣᠷᠢᠭ᠋ ᠢ᠋ ᠬᠥᠭᠵᠢᠭᠡᠭᠰᠡᠨ ᠪᠠᠢᠨᠠ 》 ᠭᠡᠵᠦ ᠵᠧᠦ ᠳᠡ ᠹᠦ ᠠᠯᠳᠠᠨᠤ ᠳᠡᠯᠬᠡᠬᠦᠷᠤᠨ ᠯᠠᠩᠭᠦᠢ ᠶ᠋ᠢᠨ ᠠᠵᠢᠯᠲᠠᠨ ᠶᠠᠷᠢᠵᠤ ᠥᠩᠭᠡᠷᠡᠭᠰᠡᠨ ᠪᠢᠯᠡ᠃
ᠣᠢᠷᠠᠳᠤ ᠰᠢᠵᠢᠷ ᠠᠯᠲᠠᠨᠤ ᠦᠨᠡ ᠪᠠᠭᠤᠷᠠᠭᠰᠠᠨ ᠨᠢ ᠬᠥᠮᠥᠰᠦᠨ ᠠᠯᠲᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠶ᠋ᠢ ᠨᠦᠯᠦᠭᠡᠯᠡᠬᠦ ᠪᠤᠯ ᠤᠤ？ᠡᠭᠦᠨᠦ ᠲᠤᠬᠠᠢ ᠼᠠᠢ ᠪᠠᠢ ᠵᠢᠨ ᠲᠠᠯᠠ ᠶ᠋ᠢᠨ ᠬᠢᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠦ᠄ 《〈ᠬᠤᠤᠰ ᠪᠠᠶᠠᠷ〉ᠤᠨ ᠬᠤᠭᠤᠴᠠᠭᠠᠨᠤ ᠬᠡᠷᠡᠭᠯᠡᠭᠡ ᠶ᠋ᠢ ᠠᠬᠢᠭᠤᠯᠬᠤ ᠠᠯᠢ ᠣᠯᠠᠨ ᠠᠵᠢᠯᠯᠠᠭᠠ ᠨᠢ ᠰᠢᠵᠢᠷ ᠠᠯᠳᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠠᠯᠠᠭᠤᠷᠠᠯᠢ ᠦᠷᠬᠦᠯᠵᠢᠯᠡᠬᠦᠯᠦᠭᠰᠡᠨ ᠪᠠᠢᠨᠠ》 ᠭᠡᠵᠠᠢ᠃
ᠨᠢᠭᠡᠨ ᠡᠯᠧᠺᠲᠷᠣᠨ ᠬᠤᠳᠠᠯᠳᠤᠭᠠᠨᠤ ᠲᠠᠪᠴᠠᠩᠤᠨ ᠬᠡᠷᠡᠭᠯᠡᠭᠡᠨᠦ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂ ᠡᠨᠡ ᠵᠢᠯᠦᠨ ᠤᠯᠤᠰᠤᠨ ᠪᠠᠶᠠᠷᠤᠨ ᠠᠮᠠᠷᠠᠯᠳᠠ ᠵᠢᠨ ᠬᠤᠭᠤᠴᠠᠭᠠᠨᠳᠤ᠂ ᠰᠢᠵᠢᠷ ᠠᠯᠲᠠᠨᠤ ᠴᠥᠷᠬᠡᠯᠡᠭᠡ （ᠰᠣᠨᠳᠣᠷ᠂ ᠡᠭᠡᠮᠦᠭ ᠵᠢᠴᠢ ᠪᠠᠭᠤᠪᠴᠢ ᠵᠡᠷᠭᠡ ᠵᠢᠨ ᠨᠢᠭᠡ ᠰᠢᠷᠢᠰ ᠨᠡᠢᠯᠡᠯ） ᠵᠢᠨ ᠪᠣᠷᠤᠯᠠᠭᠤᠯᠭᠠ ᠨᠢ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 892% ᠵᠢᠡᠷ ᠨᠡᠮᠡᠭᠳᠡᠵᠦ （9 ᠰᠠᠷᠠᠶᠢᠨ 29ᠦ ᠡᠳᠦᠷᠡᠴᠡ 10 ᠰᠠᠷᠠᠶᠢᠨ 1ᠦ ᠡᠳᠦᠷ ᠪᠣᠯᠲᠠᠯᠠ᠂ ᠵᠣᠭᠣᠰᠤᠨ ᠲᠣᠭᠠ ᠨᠢ ᠨᠢᠳᠤᠨᠤᠨᠤ ᠠᠷᠪᠠᠨ ᠰᠠᠷᠠᠶᠢᠨ ᠨᠢᠭᠡᠨᠦ ᠠᠮᠠᠷᠠᠯᠲᠠᠶᠢᠨ ᠡᠮᠦᠨᠡᠬᠢ ᠭᠤᠷᠪᠠᠨ ᠡᠳᠦᠷᠦᠨ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ）᠂ ᠪᠡᠯᠡ ᠣᠷᠣᠭᠤᠯᠤᠯᠲᠠᠶᠢᠨ ᠠᠯᠳᠠᠨᠤ ᠬᠡᠷᠡᠭᠯᠡᠭᠡ 772% ᠵᠢᠡᠷ ᠨᠡᠮᠡᠭᠳᠡᠵᠦ᠂ ᠬᠡᠤᠬᠡᠳᠤᠨ ᠠᠯᠲᠠᠨ ᠴᠢᠮᠡᠭᠯᠡᠯ 52% ᠵᠢᠡᠷ ᠨᠡᠮᠡᠭᠳᠡᠵᠠᠢ᠃
ᠲᠣᠭᠠ ᠪᠠᠷᠢᠮᠲᠠ ᠠ᠋ᠴᠠ ᠦᠵᠡᠪᠡᠯ᠂ ᠬᠦᠮᠦᠰᠤᠨ ᠰᠢᠵᠢᠷ ᠠᠯᠳᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠠᠯᠠᠭᠤᠨ ᠰᠡᠳᠬᠢᠯᠬᠡ ᠮᠦᠨ ᠪᠠᠭᠤᠷᠠᠬᠰᠠᠨ ᠦᠭᠡᠢ᠃ ᠡᠭᠦᠨᠦ ᠵᠡᠷᠭᠡ ᠪᠡᠷ᠂ ᠠᠯᠲᠠᠨᠤ ᠦᠨᠡ ᠦᠷᠭᠦᠯᠵᠢᠯᠡᠨ ᠪᠠᠭᠤᠷᠠᠬᠤ ᠡᠰᠡᠬᠦ᠂ ᠣᠳᠣᠬᠠᠨᠳᠤ ᠬᠤᠳᠠᠯᠳᠤᠨ ᠠᠪᠴᠤ ᠪᠤᠯᠬᠤ ᠵᠡᠷᠭᠡᠳᠦ ᠴᠦᠬᠡᠨ ᠪᠤᠰᠤ ᠬᠦᠮᠦᠨ ᠰᠡᠳᠬᠢᠯ ᠳᠠᠯᠪᠢᠵᠤ ᠪᠠᠢᠨᠠ᠃ ᠪᠠᠰᠠ ᠵᠠᠷᠢᠮ ᠬᠦᠮᠦᠰ ᠠᠯᠳᠠᠨᠤ ᠦᠨᠡ ᠶᠡᠬᠡ ᠪᠡᠷ ᠪᠠᠭᠤᠷᠠᠬᠰᠠᠨᠤ ᠳᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠬᠡᠮᠡᠨ ᠬᠦᠰᠡᠮᠵᠢᠯᠡᠵᠦ ᠪᠤᠢ᠃
ᠡᠭᠦᠨᠦ ᠲᠤᠬᠠᠢ ᠸᠠᠩ ᠶᠢᠤ ᠰᠢᠨ᠂ ᠬᠤᠵᠢᠮᠤᠨ ᠬᠠᠨᠳᠤᠰᠢ ᠠ᠋ᠴᠠ ᠦᠵᠡᠪᠡᠯ᠂ ᠨᠠᠭᠠᠲᠤ ᠵᠠᠬᠠᠳᠠᠭᠠᠨ 11 ᠰᠠᠷᠠᠳᠤ ᠠᠮᠧᠷᠢᠺᠠ ᠶ᠋ᠢᠨ ᠬᠣᠯᠪᠣᠭᠠᠨᠤ ᠨᠦᠬᠡᠴᠡ ᠵᠢᠨ ᠰᠢᠰᠲᠧᠮᠤᠨ ᠬᠦᠦ ᠮᠥᠩᠭᠥ ᠶ᠋ᠢᠨ ᠵᠦᠪᠯᠡᠯᠬᠡᠨᠤ ᠬᠤᠷᠠᠯᠳᠤᠭᠠᠨ ᠠ᠋ᠴᠠ ᠡᠮᠦᠨᠡ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡ ᠮᠦᠨ ᠳᠠᠷᠤᠯᠳᠠᠶᠢ ᠬᠦᠯᠢᠶᠡᠬᠦ ᠪᠤᠯᠤᠨᠠ᠃ 《ᠣᠳᠣᠬᠠᠨᠳᠤ ᠠᠮᠧᠷᠢᠺᠠ ᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠪᠤᠰᠤ ᠲᠣᠭᠠ ᠪᠠᠷᠢᠮᠲᠠ ᠶ᠋ᠢ ᠨᠡᠢᠲᠡᠯᠡᠬᠦᠶᠢ ᠳᠠᠭᠠᠯᠳᠤᠨ᠂ ᠵᠠᠬᠠ ᠳᠡᠯᠭᠡᠭᠦᠷ ᠪᠠᠰᠠ 11 ᠰᠠᠷᠠ ᠵᠢᠨ ᠠᠮᠧᠷᠢᠺᠠ ᠶ᠋ᠢᠨ ᠬᠣᠯᠪᠣᠭᠠᠨᠤ ᠨᠦᠬᠡᠴᠡ ᠶ᠋ᠢᠨ ᠬᠦᠦ ᠮᠥᠩᠭᠥ ᠨᠡᠮᠡᠬᠦ ᠲᠣᠬᠢᠶᠠᠯᠳᠤᠮᠵᠢ ᠶ᠋ᠢ ᠬᠥᠭᠡᠷᠭᠡᠳᠡᠵᠦ᠂ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡ ᠶ᠋ᠢ ᠦᠷᠭᠦᠯᠵᠢᠯᠡᠨ ᠬᠢᠵᠠᠭᠠᠷᠯᠠᠬᠤ ᠪᠣᠯᠣᠨᠠ》 ᠃
《ᠡᠭᠦᠨᠦ ᠵᠡᠷᠭᠡ ᠪᠡᠷ ᠪᠦᠬᠦ ᠪᠥᠮᠪᠥᠷᠴᠡᠭᠦᠨ ᠠᠵᠤ ᠠᠬᠤᠢ ᠳᠤᠷᠤᠢᠳᠠᠬᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠴᠦ᠍ ᠲᠦᠷᠭᠡᠨ ᠢ᠋ᠶ᠋ᠡᠷ ᠬᠤᠷᠠᠮᠳᠤᠵᠤ ᠪᠠᠢᠨᠠ᠂ ᠢᠷᠡᠭᠡᠳᠦᠢᠳᠦ ᠠᠶᠤᠯ ᠠ᠋ᠴᠠ ᠵᠠᠢᠯᠠᠬᠤ ᠰᠡᠳᠬᠢᠯᠬᠡ ᠳᠠᠬᠢᠨᠲᠠ ᠨᠡᠮᠡᠭᠳᠡᠵᠦ᠂ ᠡᠭᠦᠨᠦ ᠤᠯᠠᠮ ᠵᠢᠨᠷ ᠣᠯᠠᠨ ᠤᠯᠤᠰᠤᠨ ᠠᠯᠲᠠᠨᠤ ᠦᠨᠡᠳᠦ ᠳᠠᠬᠢᠨᠲᠠ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠪᠣᠯᠵᠤ ᠮᠡᠳᠡᠨᠡ》ᠭᠡᠵᠦ ᠢᠯᠡᠷᠬᠡᠢᠯᠡᠪᠡ᠃
（《ᠠᠷᠠᠳᠤᠨ ᠰᠦᠯᠵᠢᠶᠡ》 ᠡᠴᠡ ᠤᠷᠴᠢᠭᠤᠯᠤᠨ ᠨᠠᠢᠷᠠᠭᠤᠯᠪᠠ）