ᠬᠤᠯᠪᠤᠭᠠᠰᠤ
•ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ 《ᠬᠤᠨ ᠭᠠᠯᠠᠭᠤᠶᠢᠨ ᠰᠣᠶᠣᠯᠤᠨ ᠨᠤᠲᠤᠭ》᠂ 《ᠭᠣᠪᠢᠶᠢᠨ ᠬᠠᠴᠢᠨ ᠴᠢᠯᠠᠭᠤ ᠵᠢᠨ ᠨᠤᠲᠤᠭ》 ᠭᠡᠬᠦ ᠰᠠᠢᠬᠠᠨ ᠠᠯᠳᠠᠷ ᠲᠠᠢ ᠪᠠᠢᠵᠤ᠂ ᠤᠯᠤᠰᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠰᠢᠶᠨᠨ ᠪᠠ ᠪᠦᠬᠦ ᠤᠯᠤᠰᠤᠨ ᠪᠣᠯᠪᠠᠰᠤᠨ ᠬᠤᠳᠠ ᠪᠡᠷ ᠨᠡᠷᠡ ᠳᠤᠷᠠᠳᠤᠭᠳᠠᠵᠠᠢ᠃
•ᠤᠷᠠᠳᠤᠨ ᠳᠤᠮᠳᠠᠳᠤ ᠬᠤᠰᠢᠭᠤ 《ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠵᠢᠨ ᠴᠤᠬᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠤᠬᠴᠠᠯᠠᠬᠤ》 ᠪᠡᠷ ᠭᠤᠤᠯ ᠱᠤᠭᠤᠮ ᠪᠤᠯᠭᠠᠵᠤ᠂ 《ᠭᠤᠤᠯ ᠰᠡᠳᠦᠪᠲᠤ ᠨᠠᠮᠤᠨ ᠡᠳᠦᠷᠯᠢᠭ》 ᠤ᠋ᠨ ᠠᠵᠢᠯᠯᠠᠭᠠᠶᠢ 76 ᠤᠳᠠᠭᠠ ᠦᠷᠨᠢᠬᠦᠯᠵᠦ᠂ 《ᠰᠡᠳᠬᠢᠯ ᠵᠢᠷᠤᠬᠡ ᠪᠠᠨ ᠬᠤᠯᠪᠤᠵᠤ᠂ ᠭᠠᠷ ᠭᠠᠷᠢᠶᠠᠨ ᠬᠣᠯᠪᠣᠯᠴᠠᠬᠤ》᠂ 《ᠪᠢᠳᠡ ᠪᠤᠯ ᠨᠢᠭᠡ ᠭᠡᠷ ᠪᠦᠯᠢ》 ᠵᠡᠷᠭᠡ ᠠᠵᠢᠯᠯᠠᠭᠠᠶᠢ 230 ᠭᠠᠷᠤᠢ ᠤᠳᠠᠭᠠ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠷᠨᠢᠭᠦᠯᠵᠤ᠂ ᠦᠨᠳᠦᠰᠦᠲᠡᠨ ᠨᠤᠭᠦᠳᠤᠨ ᠰᠤᠯᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠤᠯᠠᠮ ᠨᠢᠬᠳᠠᠷᠠᠭᠤᠯᠪᠡ᠃
•ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ 《ᠵᠢᠷᠭᠤᠭᠠ ᠵᠢ ᠬᠤᠯᠪᠤᠭᠠᠯᠠᠨ ᠬᠠᠮᠳᠤ ᠪᠡᠷ ᠪᠠᠢᠭᠤᠯᠬᠤ》 ᠬᠡᠯᠪᠡᠷᠢ ᠪᠡᠷ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠤᠷᠤᠨᠤ ᠭᠠᠴᠠᠭᠠ ᠲᠤᠰᠬᠤᠨᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠢ ᠳᠠᠢᠴᠢᠯᠠᠨ᠂ ᠭᠠᠵᠠᠷ ᠤᠷᠤᠨᠤ ᠤᠨᠴᠠᠯᠢᠭ ᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠬᠣᠯᠪᠤᠭᠠᠯᠠᠬᠤ᠂ ᠦᠢᠯᠡᠳᠪᠦᠷᠢᠯᠡᠯ ᠬᠣᠯᠪᠤᠭᠠᠯᠠᠬᠤ᠂ ᠠᠵᠢᠯᠯᠠᠭᠠ ᠬᠣᠯᠪᠤᠭᠠᠯᠠᠨ ᠦᠷᠨᠢᠬᠦᠯᠬᠦ᠂ ᠡᠬᠢ ᠪᠠᠶᠠᠯᠢᠭ᠋ᠢ ᠬᠣᠯᠪᠤᠭᠠᠯᠠᠨ ᠡᠳ᠋ᠯᠡᠬᠦ᠂ ᠬᠦᠴᠢᠷᠳᠡᠯᠢ ᠬᠣᠯᠪᠤᠭᠠᠯᠠᠨ ᠲᠤᠰᠠᠯᠠᠬᠤ᠂ ᠠᠮᠢ ᠠᠬᠤᠢᠶᠢ ᠬᠣᠯᠪᠤᠭᠠᠯᠠᠨ ᠬᠠᠮᠠᠭᠠᠯᠠᠬᠤ ᠪᠡᠷ ᠳᠠᠮᠵᠢᠨ᠂ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨᠤ ᠦᠷᠨᠢᠬᠦᠨ ᠬᠦᠭᠵᠢᠯᠳᠡ ᠠᠮᠤᠷ ᠲᠦᠪᠰᠢᠨ ᠳᠤᠬᠳᠠᠭᠤᠨ ᠪᠠᠢᠳᠠᠯᠢ ᠠᠬᠢᠭᠤᠯᠤᠨᠠ᠃
ᠵᠤᠨᠤ ᠰᠡᠭᠦᠯᠴᠢ ᠵᠢᠨ ᠵᠦᠭᠡᠯᠡᠨ ᠪᠤᠷᠤᠭᠠᠨ ᠤᠷᠠᠳ ᠨᠤᠳᠤᠭᠤᠨ ᠰᠢᠮᠡᠳᠦ ᠬᠦᠷᠦᠰᠦ ᠵᠢ ᠤᠮᠳᠠᠯᠠᠨ᠂ ᠬᠦᠮᠦᠨ ᠠᠷᠠᠳᠤᠨ ᠰᠡᠳᠭᠢᠯᠢ ᠪᠠᠶᠠᠰᠬᠠᠨᠠ᠃ ᠡᠬᠡ ᠤᠯᠤᠰᠤᠨ ᠤᠮᠠᠷᠠᠲᠤ ᠬᠢᠯᠢᠳᠦ ᠪᠠᠢᠷᠢᠯᠠᠬᠰᠠᠨ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨᠤ ᠬᠦᠳᠡᠭᠡ ᠨᠤᠲᠤᠭ ᠡᠳᠤᠷ ᠦᠷᠭᠦᠯᠵᠢᠯᠡᠭᠰᠡᠨ ᠰᠢᠪᠡᠷᠡᠭᠡ ᠪᠤᠷᠤᠭᠠᠨᠳᠤ ᠨᠢᠭᠡ ᠰᠠᠢᠨ ᠭᠠᠩ ᠲᠠᠢᠯᠤᠭᠳᠠᠯᠠ᠃
ᠭᠠᠩᠤᠨ ᠬᠠᠲᠠᠭᠤ ᠭᠠᠴᠢᠭ ᠲᠸ᠋ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠦ ᠳᠤᠰᠠᠯᠠᠮᠵᠢ ᠦᠵᠡᠭᠦᠯᠦᠭᠰᠡᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠬᠤᠭᠤᠷᠤᠨᠳᠤ ᠪᠤᠯᠤᠭᠰᠠᠨ ᠰᠡᠳᠬᠢᠯ ᠬᠦᠳᠡᠯᠭᠡᠮᠡ ᠦᠯᠢᠭᠡᠷᠤᠳ ᠤᠷᠠᠳᠨᠤᠳᠤᠭᠲᠤ ᠠᠮᠠ ᠳᠠᠮᠵᠢᠨ ᠰᠠᠢᠬᠠᠨ ᠵᠤᠭᠤᠭ ᠪᠤᠯᠤᠨ ᠳᠡᠯᠭᠡᠭᠳᠡᠨᠡ᠃ ᠡᠨᠡ ᠪᠤᠯ ᠳᠠᠷᠤᠢ ᠬᠢᠲᠠᠳ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠲᠦᠪᠯᠡᠷᠡᠨ ᠰᠠᠭᠤᠷᠢᠰᠢᠬᠰᠠᠨ ᠲᠠᠷᠢᠶᠠᠯᠠᠬᠤ ᠪᠠᠯᠭᠠᠰᠤ ᠪᠤᠯᠤᠨ ᠮᠠᠯᠵᠢᠬᠤ ᠰᠤᠮᠤ ᠬᠤᠭᠤᠷᠤᠨᠳᠤ ᠪᠠᠨ 《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠪᠠᠢᠭᠤᠯᠤᠨ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠨ ᠬᠠᠷᠢᠯᠴᠠᠨ ᠳᠡᠮᠵᠢᠯᠴᠡᠵᠦ ᠬᠠᠮᠳᠤ ᠪᠡᠷ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠵᠢᠡᠨ ᠴᠤᠬᠴᠠᠯᠠᠵᠦ ᠪᠠᠢᠭᠠ ᠤᠴᠢᠷᠳᠠᠢ ᠰᠠᠢᠬᠠᠨ ᠦᠯᠢᠭᠡᠷ ᠪᠤᠯᠤᠨᠠ᠃
ᠮᠤᠨᠠ ᠠᠭᠤᠯᠠ ᠵᠢᠨ ᠠᠷᠤᠳᠡᠬᠢ ᠴᠤᠨᠭᠵᠢ ᠰᠤᠮᠤ ᠡᠴᠡ ᠮᠤᠷᠳᠠᠵᠤ ᠬᠦᠳᠡᠭᠡ ᠵᠢᠨ ᠵᠠᠮ ᠵᠢᠨᠷ ᠬᠤᠶᠠᠷ ᠵᠠᠭᠤᠨ ᠭᠠᠵᠠᠷᠢ ᠲᠤᠭᠤᠯᠵᠤ ᠠᠭᠤᠯᠠ ᠵᠢᠨ ᠡᠨᠭᠭᠡᠷ ᠲᠦᠰᠢᠨ ᠰᠠᠭᠤᠷᠢᠰᠢᠬᠰᠠᠨ ᠳᠡᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠ ᠵᠢ ᠴᠢᠭᠯᠡᠯᠡ᠃ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠ ᠪᠤᠯ ᠳᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠵᠢᠡᠷ ᠭᠤᠤᠯᠯᠠᠬᠰᠠᠨ ᠲᠠᠷᠢᠶᠠᠯᠠᠬᠤ ᠭᠠᠴᠠᠭᠠ ᠪᠤᠯᠤᠨᠠ᠃ ᠮᠠᠨᠤ ᠰᠤᠷᠪᠤᠯᠵᠢᠯᠠᠬᠤ ᠳᠤᠭᠤᠢᠯᠠᠩ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠳᠦ ᠬᠦᠷᠬᠦᠳᠦ᠂ ᠳᠤᠰ ᠭᠠᠴᠠᠭᠠ ᠳᠠᠢ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠬᠰᠠᠨ ᠴᠤᠨᠭᠵᠢ ᠰᠤᠮᠤ ᠵᠢᠨ ᠠᠮᠠᠰᠠᠷ ᠭᠠᠴᠠᠭᠠ ᠪᠤᠯᠤᠨ ᠪᠠᠶᠠᠠᠭᠤᠤᠯ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨᠤ ᠲᠦᠯᠦᠭᠡᠯᠡᠭᠴᠢ ᠲᠤᠰᠬᠠᠢᠯᠠᠨ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠬᠦᠷᠲᠤ ᠢᠷᠡᠵᠤ᠂ ᠲᠡᠳᠡᠨᠤ ᠬᠠᠮᠤᠭ ᠬᠦᠴᠢᠷ ᠴᠠᠭᠲᠤ ᠬᠠᠯᠠᠭᠤᠨ ᠭᠠᠷ ᠵᠢᠨᠨ ᠰᠤᠨᠭᠭᠠᠨ ᠲᠤᠰᠠᠯᠠᠮᠵᠢ ᠦᠵᠡᠬᠦᠯᠦᠭᠰᠡᠨᠳᠤ ᠲᠠᠯᠠᠷᠬᠠᠯᠤᠨ ᠰᠡᠳᠭᠢᠯ ᠵᠢᠡᠨ ᠢᠯᠡᠳᠭᠡᠨ ᠬᠡᠮᠡᠷᠯᠢᠭ ᠲᠤᠭ ᠬᠦᠷᠭᠡᠵᠤ ᠪᠠᠢᠪᠠ᠃
ᠡᠨᠡ ᠵᠢᠯ ᠤᠷᠠᠳ ᠨᠤᠲᠤᠭ ᠨᠡᠢᠳᠡᠮᠳᠡᠭᠡᠨ ᠭᠠᠨᠭᠳᠠᠵᠦ᠂ ᠢᠯᠠᠩᠭᠤᠶᠠ ᠮᠠᠯᠴᠢᠨ ᠴᠸᠨ ᠰᠢᠶᠤᠤ ᠭᠤᠸᠠᠨᠭ᠌ᠤᠨ ᠨᠤᠳᠤᠭ ᠪᠠᠶᠠᠠᠭᠤᠤᠯ ᠭᠠᠴᠠᠭᠠ ᠨᠡᠩᠴᠦ ᠤᠯᠠᠭᠠᠨ ᠬᠠᠯᠴᠠᠭᠠᠢ ᠪᠤᠯᠵᠦ᠂ 6 ᠰᠠᠷᠠ ᠵᠢᠨ ᠳᠤᠮᠳᠠᠴᠢ ᠪᠡᠷ ᠨᠦᠬᠡᠴᠡᠯᠡᠭᠰᠡᠨ ᠡᠪᠡᠰᠦ ᠪᠤᠷᠳᠤᠭᠠ ᠨᠢ ᠳᠠᠭᠤᠰᠴᠤ᠂ ᠭᠠᠷᠢᠶᠡᠨ ᠨᠤᠬᠤᠯᠠᠨ ᠭᠠᠴᠢᠭᠳᠠᠨ ᠰᠠᠭᠤᠯᠠ᠃
— ᠪᠢ ᠰᠤᠳᠠᠯᠤᠨ ᠬᠤᠳᠳᠤᠭᠤᠨ ᠠᠬᠠ ᠳᠡᠬᠦᠦ ᠨᠠᠷᠲᠠᠭᠠᠨ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠠᠨ ᠲᠠᠯᠠᠷᠬᠠᠵᠤ ᠪᠠᠢᠨᠠ᠂ ᠭᠠᠩ ᠭᠠᠴᠢᠭᠤᠨ ᠦᠶᠡᠳᠦ ᠡᠪᠡᠰᠦ ᠪᠤᠷᠳᠤᠭᠠ ᠬᠦᠷᠭᠡᠵᠦ ᠲᠤᠰᠠᠯᠠᠬᠰᠠᠨᠢ ᠪᠢ ᠬᠡᠵᠢᠶᠡᠲᠡ ᠮᠠᠷᠳᠠᠬᠤ ᠦᠭᠡᠢ ᠭᠡᠵᠤ ᠴᠸᠨ ᠰᠢᠶᠤᠤ ᠭᠤᠸᠠᠨᠭ᠌ ᠰᠡᠳᠬᠢᠯ ᠲᠤᠬᠳᠤᠯᠤᠨ ᠶᠠᠷᠢᠨᠠ᠃
《ᠳᠠᠭᠠᠷᠠᠬᠰᠠᠨ ᠬᠦᠮᠦᠨᠳᠤ ᠲᠠᠬᠤ ᠬᠦᠷᠭᠡᠨᠡ》 ᠭᠡᠳᠡᠭᠢᠶᠡᠷ᠂ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠤ ᠬᠢᠨ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠬᠰᠠᠨ ᠠᠬᠠ ᠳᠡᠭᠦᠤ ᠭᠠᠴᠠᠭᠠᠨᠤ ᠡᠨᠡᠬᠦ ᠪᠠᠢᠳᠠᠯᠢ ᠮᠡᠳᠡᠭᠰᠡᠨᠤ ᠳᠠᠷᠠᠭᠠ ᠬᠤᠯᠠ ᠵᠢᠨ ᠵᠠᠮᠢ ᠲᠤᠭᠤᠯᠵᠦ ᠪᠤᠭᠤᠯᠲᠠ ᠲᠠᠢ ᠡᠪᠡᠰᠦ᠂ ᠤᠭᠤᠳᠠ ᠳᠠᠢ ᠪᠤᠷᠳᠤᠭᠠ ᠵᠢ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ ᠪᠡᠷ ᠬᠦᠷᠭᠡᠵᠦ ᠥᠭᠬᠦᠭᠡᠳ ᠬᠦᠮᠦᠨ ᠮᠠᠯᠤᠨ ᠮᠠᠩᠨᠠᠢ ᠵᠢ ᠨᠢ ᠲᠡᠨᠢᠢᠯᠭᠡᠭᠰᠡᠨ ᠶᠤᠮ᠃
— ᠡᠨᠡ ᠵᠢᠯᠤᠨ 7 ᠰᠠᠷᠠ ᠵᠢᠨ ᠡᠬᠢ ᠪᠡᠷ᠂ ᠮᠠᠨᠠᠢᠬᠢᠨᠤ ᠡᠪᠡᠰᠦ ᠪᠤᠷᠳᠤᠭᠠ ᠪᠠᠷᠠᠬᠳᠠᠬᠤ ᠰᠢᠬᠠᠵᠤ᠂ ᠨᠢᠭᠡ ᠦᠶᠡ ᠪᠡᠷᠭᠡ ᠰᠠᠨᠳᠤᠷᠴᠤ ᠠᠪᠤᠯᠠ᠃ ᠶᠠᠭ ᠡᠨᠡ ᠦᠶᠡᠳᠤ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠤ ᠠᠬᠠ ᠳᠡᠬᠦᠦ ᠨᠠᠷ ᠡᠴᠡ ᠨᠠᠳᠠᠳᠦ 15 ᠪᠤᠭᠤᠯᠲᠠ ᠡᠪᠡᠰᠦ᠂ 3 ᠤᠭᠤᠳᠠ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠬᠦᠷᠭᠡᠵᠤ ᠢᠷᠡᠯᠡ ᠭᠡᠵᠤ ᠮᠠᠯᠴᠢᠨ ᠰᠡᠴᠡᠨᠲᠤ ᠶᠠᠷᠢᠨᠠ᠃ ᠡᠢᠨ ᠬᠦ᠌ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠ ᠤᠷᠢᠳ ᠬᠤᠵᠢᠳ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠭᠰᠠᠨ ᠪᠠᠶᠠᠠᠭᠤᠤᠯ ᠭᠠᠴᠠᠭᠠ ᠪᠤᠯᠤᠨ ᠠᠮᠠᠰᠠᠷ ᠭᠠᠴᠠᠭᠠᠨᠤ ᠡᠷᠦᠬᠡ ᠪᠦᠷᠢᠳᠤ ᠪᠤᠭᠤᠯᠲᠠ ᠲᠠᠢ ᠡᠪᠡᠰᠦ᠂ ᠤᠭᠤᠲᠠ ᠲᠠᠢ ᠪᠤᠷᠳᠤᠭᠠ ᠬᠦᠷᠭᠡᠵᠦ ᠥᠭᠬᠦᠭᠡᠳ ᠬᠠᠳᠠᠭᠤ ᠭᠠᠴᠢᠭᠢ ᠬᠠᠮᠲᠤ ᠳᠠᠭᠠᠨ ᠲᠤᠭᠤᠯᠤᠬᠰᠠᠨ ᠪᠢᠯᠡ᠃
ᠠᠮᠠᠰᠠᠷ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠾᠸᠤ ᠰᠢᠶᠠᠨᠭ᠌ ᠤᠷᠵᠢᠨᠤᠨᠤ ᠨᠢᠭᠡᠨ ᠶᠠᠪᠤᠳᠠᠯᠢ ᠮᠠᠷᠳᠠᠵᠦ ᠴᠢᠳᠠᠬᠤ ᠦᠬᠡᠢ᠃ ᠮᠠᠯᠴᠢᠨ ᠬᠦᠮᠦᠨ ᠴᠢᠨᠢ ᠥᠰᠭᠡᠭᠰᠡᠨ ᠬᠡᠳᠦᠨ ᠮᠠᠯᠢᠶᠡᠷᠢᠶᠡᠨ ᠤᠷᠤᠯᠭᠠ ᠤᠯᠳᠠᠭ ᠰᠠᠨ᠃ ᠭᠡᠳᠡᠯᠡ ᠤᠷᠵᠢᠨᠤᠨᠮᠠᠯᠤᠨ ᠦᠨᠡ ᠬᠠᠨᠭᠰᠢ ᠭᠡᠨᠡᠳᠲᠡ ᠪᠠᠭᠤᠷᠠᠵᠤ᠂ ᠮᠠᠯᠤᠨ ᠬᠤᠳᠠᠯᠳᠤᠭᠠᠴᠢᠨᠤ ᠪᠠᠷᠠ ᠬᠦᠳᠡᠭᠡ ᠨᠤᠲᠤᠭ ᠵᠢᠨᠷ ᠬᠠᠷᠠᠭᠳᠠᠬᠤ ᠪᠠᠨ ᠪᠤᠯᠢᠯᠠ᠃ ᠠᠮᠠᠰᠠᠷ ᠭᠠᠴᠠᠭᠠᠨᠤ ᠮᠠᠯᠴᠢᠳ ᠨᠢᠭᠡ ᠨᠠᠮᠤᠷ ᠮᠠᠰᠢᠨ ᠲᠡᠷᠭᠡᠨᠤ ᠳᠠᠭᠤᠨ ᠰᠤᠨᠤᠰᠪᠠᠯ ᠭᠠᠷᠴᠤ ᠮᠠᠯᠤᠨ ᠬᠤᠳᠠᠯᠳᠤᠭᠠᠴᠢᠨ ᠪᠤᠯᠪᠠᠤ ᠭᠡᠳ ᠬᠤᠶᠠᠷ ᠨᠢᠳᠦ ᠪᠠᠨ ᠬᠦᠰᠢᠲᠡᠯᠡ ᠪᠠᠨ ᠬᠠᠷᠠᠯᠠ᠂ ᠭᠡᠲᠡᠯᠡ ᠮᠠᠯᠤᠨ ᠬᠤᠳᠠᠯᠳᠤᠭᠠᠴᠢᠨᠤ ᠪᠠᠷᠠ ᠠᠯᠠᠭᠠ ᠡ᠃ ᠢᠩᠬᠢᠵᠦ ᠪᠠᠢᠲᠠᠯᠠ ᠭᠡᠨᠡᠳᠳᠡ ᠨᠢᠭᠡᠨ ᠡᠳᠦᠷ ᠪᠠᠷᠠᠭᠤᠨ ᠬᠤᠢᠨᠠ ᠡᠴᠡ ᠪᠦᠳᠦᠬᠦᠨ ᠠᠴᠢᠶᠠᠨᠤ ᠮᠠᠰᠢᠨ ᠾᠸᠤ ᠰᠢᠶᠠᠨᠭ᠌ᠤᠨ ᠭᠡᠷᠢ ᠴᠢᠭᠯᠡᠭᠡᠳ ᠢᠷᠡᠪᠡ᠃ ᠬᠠᠷᠠᠭᠰᠠᠨ ᠴᠢᠨᠢ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠬᠦᠷᠤᠨ ᠱᠦᠵᠢ ᠠᠮᠠᠰᠠᠷ ᠭᠠᠴᠠᠭᠠᠨᠳᠤ ᠮᠠᠯᠤᠨ ᠬᠤᠳᠠᠯᠳᠤᠭᠠᠴᠢᠨᠢ ᠳᠠᠭᠠᠭᠤᠯᠵᠤ ᠢᠷᠡᠯᠠ᠃ ᠲᠡᠳᠡ ᠵᠠᠬᠠ ᠳᠡᠯᠭᠡᠬᠦᠷᠤᠨ ᠦᠨᠡ ᠡᠴᠡ ᠦᠨᠳᠦᠷ ᠬᠠᠨᠭᠰᠢ ᠦᠭᠴᠦ ᠭᠤᠴᠢᠭᠠᠳ ᠦᠭᠡᠷᠢ ᠨᠢ ᠪᠤᠷᠤᠯᠠᠭᠤᠯᠵᠤ ᠦᠭᠬᠦᠯᠡ᠃ ᠡᠢᠨ ᠬᠦ᠌ ᠾᠸᠤ ᠰᠢᠶᠠᠨᠭ᠌ ᠲᠠᠢ ᠠᠳᠠᠯᠢᠬᠠᠨ ᠦᠭᠡᠷ ᠵᠢᠨᠨ ᠪᠤᠷᠤᠯᠠᠭᠤᠯᠬᠤ ᠵᠠᠮ ᠦᠭᠡᠢ ᠭᠠᠴᠢᠬᠳᠠᠵᠤ ᠪᠠᠢᠬᠰᠠᠨ ᠪᠤᠰᠤᠳ ᠮᠠᠯᠴᠢᠨ ᠠᠢᠯ ᠴᠸ᠋ ᠡᠨᠡ ᠬᠦ᠌ ᠳᠤᠬᠢᠶᠠᠯᠵᠢᠨᠷ ᠦᠭᠡᠷ ᠵᠢᠨᠨ ᠪᠤᠷᠤᠯᠠᠭᠤᠯᠵᠤ ᠨᠢᠭᠡ ᠠᠭᠤᠵᠢᠭᠤ ᠠᠮᠢᠰᠬᠤᠪᠠ᠃ ᠤᠤᠯ ᠨᠢ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠ ᠪᠤᠯᠤᠨ ᠠᠮᠠᠰᠠᠷ ᠭᠠᠴᠠᠭᠠᠨᠤ ᠵᠦᠪᠯᠡᠯ ᠨᠢ 《ᠭᠤᠤᠯ ᠰᠡᠳᠦᠪᠲᠤ ᠨᠠᠮᠤᠨ ᠡᠳᠦᠷᠯᠢᠭ》 ᠤ᠋ᠨ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠵᠦ ᠪᠠᠢᠬᠤ ᠳᠤᠮᠳᠠ ᠪᠠᠨ ᠮᠠᠯᠢᠶᠡᠨ ᠬᠤᠳᠠᠯᠳᠤᠵᠦ ᠳᠡᠢᠯᠬᠦ ᠦᠬᠡᠢ ᠲᠦᠪᠡᠭᠳᠡᠵᠦ ᠪᠠᠢᠭᠠ ᠪᠠᠨ ᠶᠠᠷᠢᠵᠡᠢ᠃ ᠡᠬᠦᠨᠢ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠤ ᠵᠦᠪᠯᠡᠯᠤᠨ ᠬᠢᠨ ᠴᠢᠬᠤᠯᠠ ᠤᠴᠢᠷ ᠪᠤᠯᠭᠠᠨ ᠦᠵᠡᠵᠦ᠂ ᠳᠠᠷᠢᠶᠠᠯᠠᠬᠤ ᠤᠷᠤᠨᠤ ᠬᠤᠳᠠᠯᠳᠤᠭᠠ ᠮᠠᠢᠮᠠᠢ ᠰᠠᠢᠨ ᠪᠠᠢᠳᠠᠭ ᠳᠠᠪᠠᠭᠤᠯᠢᠭ ᠵᠢᠡᠨ ᠪᠠᠳᠠᠷᠠᠭᠤᠯᠵᠦ᠂ ᠦᠪᠡᠷᠤᠨ ᠬᠠᠷᠢᠶᠠᠨᠳᠡᠬᠢ ᠮᠠᠯᠤᠨ ᠬᠤᠳᠠᠯᠳᠤᠭᠠᠴᠢᠨ ᠵᠢᠡᠨ ᠳᠠᠭᠠᠭᠤᠯᠵᠦ ᠠᠮᠠᠰᠠᠷ ᠭᠠᠴᠠᠭᠠᠨᠳᠦ ᠢᠷᠡᠭᠰᠡᠨ ᠨᠢ ᠡᠨᠡ ᠪᠢᠯᠡ᠃
《ᠳᠡᠮ ᠳᠡᠮᠳ᠋ᠡᠬᠡᠨ ᠳᠡᠭᠡᠰᠦ ᠡᠷᠴᠢᠮ ᠳ᠋ᠡᠭᠡᠨ》 ᠭᠡᠳᠡᠭᠴᠢᠯᠡᠨ ᠲᠠᠷᠢᠶᠠᠯᠠᠬᠤ ᠤᠷᠤᠨᠤ ᠭᠠᠴᠠᠭᠠ ᠨᠢ ᠮᠠᠯᠵᠢᠬᠤ ᠤᠷᠤᠨᠤ ᠭᠠᠴᠠᠭᠠ ᠪᠠᠨ ᠬᠠᠪᠰᠤᠷᠬᠤ ᠪᠡᠷ ᠪᠠᠷᠠᠬᠤ ᠦᠭᠡᠢ᠂ ᠮᠠᠯᠵᠢᠬᠤ ᠤᠷᠤᠨᠤ ᠭᠠᠴᠠᠭᠠ ᠨᠢ ᠴᠸ᠋ ᠲᠠᠷᠢᠶᠠᠯᠠᠬᠤ ᠤᠷᠤᠨᠤ ᠭᠠᠴᠠᠭᠠ ᠪᠠᠨ ᠬᠠᠪᠰᠤᠷᠳᠠᠭ᠃ ᠬᠢᠵᠢᠭᠤᠨ ᠬᠤᠭᠤᠴᠠᠭᠠᠨᠳᠤ ᠳᠡᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠭᠠᠴᠠᠭᠠᠨᠤ ᠠᠷᠠᠳ ᠢᠳᠡᠰᠢ ᠤᠤᠭᠤᠰᠢᠬᠤᠮᠰᠠᠳᠠᠬᠤᠳᠤ ᠮᠠᠯᠵᠢᠬᠤ ᠤᠷᠤᠨᠤ ᠭᠠᠴᠠᠭᠠ ᠡᠴᠡ ᠨᠢᠭᠡᠳᠦᠯᠲᠡᠢ ᠵᠤᠬᠢᠶᠠᠨ ᠪᠠᠢᠭᠤᠯᠵᠤ᠂ ᠡᠷᠦᠬᠡ ᠪᠦᠷᠢᠳᠤ ᠮᠢᠬᠠ᠂ ᠴᠠᠭᠠᠨ ᠢᠳᠡᠭᠡ ᠵᠡᠷᠭᠡ ᠵᠢ ᠬᠦᠷᠭᠡᠵᠦ ᠥᠭᠬᠦᠭᠰᠡᠨ ᠶᠤᠮ᠃ ᠤᠳᠤ ᠳᠠᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠲᠠᠷᠢᠶᠠᠴᠢᠳ ᠬᠦᠳᠡᠬᠡ ᠨᠤᠲᠤᠭᠤᠨ ᠬᠤᠨᠢ ᠦᠬᠡᠷᠤᠨ ᠮᠢᠬᠠ᠂ ᠴᠠᠭᠠᠨ ᠢᠳᠡᠭᠡ ᠪᠠᠨ ᠢᠳᠡᠬᠦ ᠭᠡᠪᠡᠯ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠬᠰᠠᠨ ᠭᠠᠴᠠᠭᠠᠨᠤ ᠠᠷᠠᠳᠡᠴᠡ ᠰᠢᠨᠡ ᠰᠤᠷᠭᠤᠭ ᠮᠢᠬᠠ᠂ ᠴᠠᠭᠠᠨ ᠢᠳᠡᠭᠡ ᠠᠪᠳᠠᠭ ᠪᠤᠯᠪᠠ᠃
— 《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 2021 ᠤᠨᠤ 5 ᠰᠠᠷᠠᠳᠤ ᠪᠠᠢᠭᠤᠯᠤᠬᠳᠠᠭᠰᠠᠨ ᠡᠴᠡ ᠤᠳᠤ ᠪᠤᠯᠲᠠᠯᠠ ᠮᠠᠯᠵᠢᠬᠤ ᠤᠷᠤᠨᠤ ᠡᠪᠡᠰᠦ ᠪᠤᠷᠳᠤᠭᠠ ᠠᠪᠬᠤᠳᠤ ᠲᠦᠪᠡᠭᠲᠡᠢ ᠠᠰᠠᠭᠤᠳᠠᠯᠢ ᠦᠨᠡᠨᠬᠦ ᠰᠢᠢᠳᠪᠦᠷᠢᠯᠡᠯᠡ᠃ ᠠᠭᠤᠯᠠᠨ ᠠᠷᠤ ᠳ᠋ᠡᠬᠢ ᠮᠠᠯᠴᠢᠳ ᠲᠠᠷ ᠮᠠᠭᠤᠲᠠᠢ ᠮᠠᠯ ᠵᠢᠨᠨ ᠠᠭᠤᠯᠠᠨ ᠡᠮᠦᠨᠡᠬᠢ ᠲᠠᠷᠢᠶᠠᠯᠠᠬᠤ ᠭᠠᠴᠠᠭᠠᠳᠤ ᠲᠡᠭᠡᠭᠡᠨ ᠬᠦᠷᠴᠤ᠂ ᠰᠢᠭᠤᠳ ᠲᠡᠨᠳᠡ ᠪᠠᠨ ᠡᠪᠦᠯᠵᠢᠵᠤ ᠲᠠᠷᠭᠤ ᠠᠪᠳᠠᠭ᠃ ᠪᠠᠰᠠ ᠲᠠᠷᠢᠶᠠᠯᠠᠬᠤ ᠤᠷᠤᠨᠤ ᠠᠷᠠᠳ ᠬᠤᠨᠢ ᠦᠭᠡᠷᠤᠨ ᠮᠢᠬᠠ ᠪᠤᠶᠤ ᠴᠠᠭᠠᠨ ᠢᠳᠡᠭᠡ᠂ ᠨᠤᠤᠰᠤ ᠨᠤᠤᠯᠤᠭᠤᠷ ᠠᠪᠬᠤ ᠭᠡᠪᠡᠯ ᠵᠠᠪᠠᠯ ᠮᠠᠨᠤ ᠨᠤᠲᠤᠭᠲᠤ ᠢᠷᠡᠳᠡᠭ᠃ ᠢᠨᠭᠬᠢᠵᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠬᠰᠠᠨ ᠭᠠᠴᠠᠭᠠ ᠬᠤᠭᠤᠷᠤᠨᠳᠤ ᠪᠠᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠦ ᠬᠠᠷᠢᠯᠴᠠᠨ ᠲᠤᠰᠠᠯᠠᠯᠴᠡᠵᠤ ᠶᠠᠪᠤᠨᠠ ᠭᠡᠵᠤ ᠴᠤᠨᠭᠵᠢ ᠰᠤᠮᠤ ᠵᠢᠨ ᠰᠤᠮᠤᠨ ᠳᠠᠷᠤᠭᠠ ᠸᠠᠨᠭ᠌ ᠸᠸᠢ ᠾᠸ ᠤᠴᠢᠷᠯᠠᠨᠠ᠃
《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠪᠤᠯ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢ ᠦᠨᠳᠦᠰᠦᠯᠡᠨ᠂ ᠡᠬᠢ ᠪᠠᠶᠠᠯᠢᠭ᠋ᠢ ᠬᠠᠮᠲᠤ ᠪᠠᠷ ᠡᠳ᠋ᠯᠡᠬᠦ᠂ ᠳᠠᠳᠠᠭᠤᠳᠠᠯ ᠵᠢᠡᠨ ᠬᠠᠷᠢᠯᠴᠠᠨ ᠨᠦᠬᠦᠪᠦᠷᠢᠯᠡᠨ ᠳᠠᠪᠠᠭᠤᠯᠢᠭ ᠵᠢᠡᠨ ᠪᠠᠳᠠᠷᠠᠭᠤᠯᠵᠦ᠂ ᠬᠠᠮᠲᠤᠷᠠᠨ ᠠᠵᠢᠯᠯᠠᠵᠤ ᠬᠠᠮᠲᠤ ᠪᠠᠷ ᠠᠰᠢᠭ᠋ ᠭᠥᠷᠳᠡᠬᠦ ᠵᠤᠷᠢᠯᠲᠠ ᠲᠠᠢ ᠶᠤᠮ᠃ ᠤᠷᠤᠨ ᠨᠤᠳᠤᠭᠤᠨ ᠤᠨᠴᠠᠯᠢᠭ ᠡᠴᠡ ᠪᠤᠯᠵᠦ ᠲᠠᠷᠢᠶᠠᠯᠠᠬᠤ ᠭᠠᠴᠠᠭᠠ ᠨᠢ ᠵᠦᠪᠬᠡᠨ ᠲᠠᠷᠢᠶᠠ ᠲᠠᠷᠢᠵᠤ᠂ ᠮᠠᠯᠵᠢᠬᠤ ᠭᠠᠴᠠᠭᠠ ᠨᠢ ᠵᠦᠪᠬᠡᠨ ᠮᠠᠯ ᠮᠠᠯᠵᠢᠬᠤᠳᠤ ᠯᠡ ᠲᠤᠬᠢᠷᠠᠬᠰᠠᠨ ᠤᠴᠢᠷ ᠡᠴᠡ ᠴᠤᠨᠭᠵᠢ ᠰᠤᠮᠤ ᠵᠢᠨ 8 ᠮᠠᠯᠵᠢᠬᠤ ᠭᠠᠴᠠᠭᠠ ᠪᠤᠯᠤᠨ ᠳᠡᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ 7 ᠲᠠᠷᠢᠶᠠᠯᠠᠬᠤ ᠭᠠᠴᠠᠭᠠ ᠲᠠᠢ 《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠪᠠᠢᠭᠤᠯᠵᠤ᠂ ᠡᠪ ᠪᠦᠯᠬᠦᠮᠳᠡᠯᠢ ᠨᠢᠬᠳᠠᠷᠠᠭᠤᠯᠵᠦ᠂ ᠬᠦᠭᠵᠢᠯᠳᠡ ᠳᠠᠪᠰᠢᠯᠳᠠ ᠵᠢ ᠠᠬᠢᠭᠤᠯᠵᠦ ᠶᠠᠪᠤᠨᠠ᠃
ᠳᠠᠯᠠᠷᠬᠠᠯᠤᠨ ᠰᠡᠳᠭᠢᠯ ᠵᠢᠡᠨ ᠢᠯᠡᠳᠭᠡᠬᠦ ᠬᠡᠮᠡᠷᠯᠢᠭ ᠲᠤᠭ ᠵᠢᠡᠨ ᠬᠦᠷᠭᠡᠭᠰᠡᠨ ᠴᠤᠨᠭᠵᠢ ᠰᠤᠮᠤ ᠵᠢᠨ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠨᠢᠭᠡᠳᠦᠮᠡᠯ ᠹᠷᠤᠠᠲᠤᠨ ᠭᠡᠰᠢᠬᠦᠨ ᠵᠠᠨᠭ᠌ ᠪᠢᠨ ᠮᠠᠯᠴᠢᠳ ᠵᠢᠡᠨ ᠳᠠᠭᠠᠭᠤᠯᠤᠨ ᠳᠠᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠶᠤᠤ ᠴᠸᠨ ᠴᠢ ᠰᠢᠨ ᠮᠠᠯ ᠲᠡᠵᠢᠭᠡᠪᠦᠷᠢ ᠵᠢᠨ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢᠳᠤ ᠬᠦᠷᠴᠦ᠂ 《ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠳᠤ ᠵᠢᠨ ᠴᠤᠬᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠳᠤ ᠴᠤᠬᠴᠠᠯᠠᠬᠤ》 ᠭᠤᠤᠯ ᠰᠡᠳᠤᠪᠳᠦ ᠨᠠᠮᠤᠨ ᠡᠳᠦᠷᠯᠢᠭᠤᠨ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠬᠦ ᠪᠡᠷ ᠮᠤᠷᠳᠠᠯᠠ᠃
ᠤᠳᠤᠬᠢᠴᠢᠯᠠᠬᠰᠠᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠦᠢᠯᠡᠳᠪᠦᠷᠢᠯᠡᠯ ᠵᠢᠡᠷ ᠭᠤᠤᠯᠯᠠᠬᠰᠠᠨ ᠶᠤᠤ ᠴᠸᠨ ᠴᠢ ᠰᠢᠨ ᠺᠤᠮᠫᠠᠨᠢ ᠨᠢ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠮᠠᠯᠴᠢᠳ ᠵᠢᠡᠨ ᠬᠠᠯᠠᠭᠤᠮᠰᠤᠭ ᠵᠢᠡᠷ ᠤᠬᠳᠤᠨ ᠠᠪᠴᠦ᠂ ᠮᠠᠯ ᠳᠡᠵᠢᠭᠡᠪᠦᠷᠢ ᠵᠢᠨ ᠤᠳᠤᠬᠢᠴᠢᠯᠠᠬᠰᠠᠨ ᠠᠷᠠᠴᠢᠯᠠᠵᠦ ᠳᠡᠵᠢᠭᠡᠬᠦ ᠮᠠᠷᠭᠡᠵᠢᠯᠢ ᠨᠠᠷᠢᠨ ᠰᠠᠢᠬᠠᠨ ᠳᠠᠨᠢᠯᠴᠠᠭᠤᠯᠤᠨᠠ᠃ ᠮᠠᠯᠴᠢᠳᠴᠦ ᠭᠠᠷ ᠤᠳᠠᠰᠤ᠂ ᠪᠢᠷᠢᠶᠡᠨ ᠪᠠᠷᠢᠵᠦ᠂ ᠦᠪᠡᠷᠤᠨ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯᠳᠡᠭᠡᠨ ᠳᠤᠰᠠ ᠳᠡᠮ ᠪᠤᠯᠬᠤ ᠵᠦᠢᠯᠡᠰ ᠵᠢᠡᠨ ᠨᠠᠷᠢᠨ ᠲᠡᠮᠳᠡᠭᠯᠡᠵᠦ᠂ ᠮᠡᠳᠡᠬᠦ ᠦᠬᠡᠢ ᠴᠢᠳᠠᠬᠤ ᠦᠬᠡᠢ ᠵᠦᠢᠯᠢᠶᠡᠨ ᠪᠠᠢᠠ ᠳᠠᠬᠢᠨ ᠠᠰᠠᠭᠤᠬᠤᠳᠦ᠂ ᠺᠤᠮᠫᠠᠨᠢ ᠵᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠡᠴᠡ ᠤᠳᠤᠬᠢᠴᠢᠯᠠᠭᠰᠠᠨ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠳᠤᠬᠠᠢ ᠮᠠᠯᠴᠢᠳᠤᠨ ᠠᠩᠬᠠᠷᠴᠦ ᠪᠠᠢᠭᠠ ᠵᠦᠢᠯᠳᠤ ᠨᠢᠭᠡᠳ ᠨᠢᠭᠡ ᠪᠡᠷ ᠬᠠᠷᠢᠭᠤᠯᠳᠠ ᠥᠭᠴᠦ᠂ ᠨᠠᠮᠤᠨ ᠡᠳᠦᠷᠯᠢᠭᠤᠨ ᠠᠵᠢᠯᠯᠠᠭᠠ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠬᠳᠠᠨᠠ᠃
ᠲᠤᠰ ᠠᠵᠢᠯᠯᠠᠭᠠ ᠪᠡᠷ ᠳᠠᠮᠵᠢᠨ ᠮᠠᠯᠴᠢᠳ ᠤᠳᠤᠬᠢᠴᠢᠯᠠᠬᠰᠠᠨ ᠮᠠᠯ ᠲᠡᠵᠢᠭᠡᠪᠦᠷᠢ ᠵᠢᠨ ᠲᠤᠷᠰᠢᠯᠭᠠ ᠵᠢ ᠰᠤᠷᠤᠯᠴᠠᠨᠠ᠃ ᠡᠨᠡ ᠮᠡᠲᠤ ᠪᠡᠷ᠂ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠬᠰᠠᠨ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷ ᠡᠴᠡ ᠰᠢᠨᠡ ᠵᠢᠯ ᠴᠠᠭᠠᠨ ᠰᠠᠷᠠ᠂ ᠨᠠᠮ ᠪᠠᠢᠭᠤᠯᠤᠬᠳᠠᠬᠰᠠᠨ ᠡᠳᠦᠷ᠂ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠬᠳᠠᠬᠰᠠᠨ ᠪᠠᠶᠠᠷᠤᠨ ᠡᠳᠤᠷ ᠵᠡᠷᠭᠡ ᠪᠠᠶᠠᠷ ᠳᠤᠷᠠᠰᠬᠠᠯᠤᠨ ᠡᠳᠦᠷᠢ ᠳᠤᠬᠢᠶᠠᠯᠳᠤᠭᠤᠯᠤᠨ᠂ ᠬᠤᠪᠢᠰᠬᠠᠯᠲᠤ ᠳᠠᠭᠤᠤᠶᠢᠨ ᠴᠤᠭᠯᠠᠭᠠᠨ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠤᠷᠠᠨ ᠰᠠᠢᠬᠠᠨᠤ ᠬᠠᠮᠲᠤᠷᠠᠭᠰᠠᠨ ᠲᠣᠭᠯᠠᠯᠲᠠ᠂ ᠰᠣᠨᠢᠷᠬᠠᠯᠲᠤ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ 《ᠭᠤᠤᠯ ᠰᠡᠳᠦᠪᠲᠤ ᠨᠠᠮᠤᠨ ᠡᠳᠦᠷᠯᠢᠭ》 ᠤ᠋ᠨ ᠠᠵᠢᠯᠯᠠᠭᠠᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠦᠷᠨᠢᠬᠦᠯᠵᠦ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠬᠤ ᠵᠢᠨ ᠬᠠᠮᠲᠤ ᠭᠠᠴᠠᠭᠠ ᠨᠤᠭᠤᠳᠤᠨ ᠬᠤᠭᠤᠷᠤᠨᠳᠤᠬᠢ ᠨᠦᠬᠦᠷᠯᠡᠯᠢ ᠤᠯᠠᠮ ᠨᠢᠬᠲᠠᠷᠠᠭᠤᠯᠵᠤ᠂ ᠦᠨᠳᠦᠰᠦᠲᠡᠨᠦ ᠶᠠᠪᠤᠯᠴᠠᠭᠠ ᠰᠤᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠠᠬᠢᠭᠤᠯᠳᠠᠭ᠃
— ᠴᠡᠪᠡᠷ ᠴᠡᠮᠴᠡᠭᠡᠷ ᠦᠬᠡᠷᠤᠨ ᠬᠠᠰᠢᠶᠠ᠂ ᠲᠤᠭᠤᠯᠤᠨ ᠫᠸᠨᠭ᠂ ᠲᠡᠷᠢ ᠲᠡᠭᠰᠢᠬᠡᠨ ᠪᠠᠢᠰᠢᠨᠭ᠌ ᠰᠠᠷᠠᠪᠴᠢ ᠵᠠᠬᠠ ᠡᠴᠡ ᠵᠢᠭᠳᠡᠷᠡᠨ ᠬᠠᠷᠠᠬᠳᠠᠨᠠ᠃ᠳᠠᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠶᠤᠤ ᠴᠸᠨ ᠴᠢ ᠰᠢᠨ ᠮᠠᠯ ᠲᠡᠵᠢᠭᠡᠪᠦᠷᠢ ᠵᠢᠨ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢᠳᠤ ᠢᠷᠡᠵᠤ ᠰᠤᠷᠤᠯᠴᠭᠠᠠᠳ ᠶᠤᠰᠤᠲᠠᠢ ᠨᠢᠳᠦ ᠨᠡᠬᠡᠬᠡᠯᠡ᠃ ᠰᠢᠨᠵᠢᠯᠡᠬᠦ ᠤᠬᠠᠭᠠᠴᠢ ᠪᠡᠷ ᠠᠷᠠᠴᠢᠯᠠᠵᠦ ᠳᠡᠵᠢᠭᠡᠬᠦ᠂ ᠲᠤᠬᠲᠠᠬᠰᠠᠨ ᠬᠤᠭᠤᠴᠠᠭᠠ ᠲᠠᠢ ᠲᠠᠷᠢᠯᠭᠠ ᠬᠢᠬᠦ᠂ ᠡᠪᠡᠳᠴᠢᠨ ᠬᠢᠵᠢᠭᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠯᠡᠬᠦ ᠵᠢ ᠨᠠᠷᠢᠨ ᠦᠢᠯᠠᠭᠠᠵᠦ ᠠᠪᠤᠯᠠ᠃ ᠬᠠᠷᠢᠬᠰᠠᠨᠤ ᠳᠠᠷᠠᠭᠠ ᠡᠳᠡᠭᠡᠷ ᠦᠵᠡᠵᠤ ᠰᠤᠨᠤᠰᠤᠬᠰᠠᠨ ᠵᠦᠢᠯᠡᠰ ᠵᠢᠨᠨ ᠭᠠᠴᠠᠭᠠᠨᠤ ᠮᠠᠯᠴᠢᠳ ᠲᠠᠢ ᠪᠠᠨ ᠬᠠᠮᠳᠤ ᠪᠡᠷ ᠰᠤᠷᠤᠯᠴᠠᠵᠤ ᠬᠠᠮᠳᠤ ᠪᠡᠷ ᠦᠢᠯᠡᠳᠦᠯᠬᠡᠵᠢᠬᠦᠯᠦᠨᠡ ᠭᠡᠵᠤ ᠪᠠᠶᠠᠠᠭᠤᠤᠯ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠬᠦᠷᠤᠨ ᠱᠦᠵᠢ ᠬᠦᠴᠦᠲᠤ ᠤᠴᠢᠷᠯᠠᠨᠠ᠃
— ᠳᠠᠷᠠᠭᠠᠴᠢ ᠪᠡᠷ ᠪᠢᠳᠡ ᠳᠠᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠶᠤᠤ ᠴᠸᠨ ᠴᠢ ᠰᠢᠨ ᠮᠠᠯ ᠲᠡᠵᠢᠭᠡᠪᠦᠷᠢ ᠵᠢᠨ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ ᠲᠠᠢ ᠬᠠᠮᠳᠤᠷᠠᠵᠤ᠂ ᠮᠠᠯᠵᠢᠬᠤ ᠤᠷᠤᠨᠤ ᠭᠠᠴᠠᠭᠠᠨ ᠡᠴᠡ ᠠᠷᠭᠠᠯ ᠬᠤᠳᠠᠯᠳᠤᠨ ᠠᠪᠴᠤ᠂ ᠠᠷᠭᠠᠯ ᠵᠢᠨᠷ ᠲᠦᠬᠦᠬᠡᠢ ᠡᠳ᠋ ᠪᠤᠯᠭᠠᠬᠰᠠᠨ ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠲᠦᠯᠡᠰᠢ ᠦᠢᠯᠡᠳᠬᠦ ᠪᠡᠷ ᠲᠦᠯᠦᠪᠯᠡᠵᠤ ᠪᠠᠢᠨᠠ᠂ ᠡᠨᠡᠬᠦ ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠲᠦᠯᠡᠰᠢ ᠵᠢ ᠦᠢᠯᠡᠳᠬᠦᠳᠤ ᠡᠳᠦᠷ ᠪᠦᠷᠢ 100 ᠲᠤᠨ ᠠᠷᠭᠠᠯ ᠬᠡᠷᠡᠭᠰᠡᠨᠡ᠂ ᠡᠨᠡ ᠨᠢ ᠮᠦᠨᠴᠤ ᠮᠠᠯᠵᠢᠬᠤ ᠤᠷᠤᠨᠤ ᠮᠠᠯᠴᠢᠳᠲᠠᠭᠠᠨ ᠠᠰᠢᠭ ᠲᠤᠰᠠ ᠬᠦᠷᠲᠡᠭᠡᠬᠦ ᠰᠠᠢᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ ᠭᠡᠵᠤ ᠰᠤᠳᠠᠯᠤᠨ ᠬᠤᠳᠳᠤᠭ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠬᠦᠷᠤᠨ ᠱᠦᠵᠢ ᠯᠢᠤ ᠫᠸᠢ ᠹᠦ ᠢᠲᠡᠭᠡᠯ ᠲᠡᠬᠦᠯᠳᠡᠷ ᠶᠠᠷᠢᠨᠠ᠃
《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠪᠤᠯ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠳᠦ ᠠᠰᠢᠭ ᠲᠤᠰᠠ ᠲᠠᠢ ᠪᠡᠷ ᠦᠯᠦ ᠪᠠᠷᠠᠨ ᠨᠡᠨᠭ ᠴᠸ᠋ ᠡᠯᠡ ᠦᠨᠳᠦᠰᠦᠳᠡᠨᠤ ᠤᠯᠠᠨ ᠲᠦᠮᠡᠨᠤ ᠰᠤᠯᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠠᠬᠢᠭᠤᠯᠬᠤ ᠡᠪ ᠪᠦᠯᠬᠦᠮᠳᠡᠯᠤᠨ ᠬᠦᠬᠦᠷᠭᠡ ᠪᠤᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ᠪᠢᠯᠡ᠃
— ᠲᠤᠰ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠵᠢ ᠪᠠᠢᠭᠤᠯᠤᠬᠰᠠᠨ ᠡᠴᠡ ᠡᠯᠡ ᠦᠨᠳᠦᠰᠦᠲᠡᠨᠤ ᠤᠯᠠᠨ ᠲᠦᠮᠡᠨ ᠨᠢᠭᠡ ᠭᠡᠷᠤᠨ ᠬᠦᠮᠦᠨ ᠮᠡᠲᠤ ᠲᠤᠳᠤᠨᠤ ᠶᠠᠪᠤᠯᠴᠠᠵᠤ᠂ ᠬᠡᠨ ᠨᠢᠭᠡ ᠨᠢ ᠬᠦᠴᠢᠷᠳᠡᠪᠡᠯ ᠬᠠᠮᠳᠤ ᠤᠯᠠᠨ ᠵᠢᠡᠷ ᠵᠢᠡᠨ ᠬᠦᠳᠡᠯᠦᠯᠴᠡᠵᠦ ᠬᠠᠷᠢᠯᠴᠠᠨ ᠳᠤᠰᠠ ᠳᠡᠮ ᠪᠤᠯᠤᠯᠴᠠᠵᠦ᠂ ᠬᠦᠴᠢᠷᠢ ᠲᠤᠭᠤᠯᠤᠨ ᠪᠡᠷᠬᠡ ᠵᠢ ᠳᠠᠪᠠᠨ ᠬᠠᠮᠳᠤ ᠪᠡᠷ ᠳᠠᠪᠰᠢᠬᠤ ᠪᠤᠯᠪᠠ᠃ ᠰᠡᠳᠭᠢᠯ ᠨᠢᠭᠡᠳᠤᠨ ᠬᠦᠴᠦᠨ ᠵᠢᠡᠨ ᠬᠠᠮᠳᠤᠳᠬᠠᠵᠦ ᠬᠠᠮᠳᠤᠷᠠᠨ ᠠᠵᠢᠯᠯᠠᠪᠠᠯ ᠰᠠᠶᠢ ᠦᠢᠯᠡᠰᠤᠨ ᠬᠠᠷᠭᠤᠢ ᠨᠡᠨᠭ ᠰᠠᠷᠠᠭᠤᠯᠵᠢᠵᠤ᠂ ᠬᠦᠭᠵᠢᠯᠤᠨ ᠵᠠᠮ ᠨᠡᠨᠭ ᠦᠷᠭᠡᠳᠭᠦ ᠶᠤᠮ ᠭᠡᠵᠤ ᠳᠡᠯ ᠠᠭᠤᠯᠠ ᠪᠠᠯᠭᠠᠰᠤᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠱᠦᠵᠢ ᠯᠢ ᠬᠤᠨᠭ᠌ ᠶᠠᠷᠢᠨᠠ᠃
ᠣᠢᠷᠠᠶᠢᠨ ᠵᠢᠯᠳᠦ᠂ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ 《ᠵᠢᠷᠭᠤᠭᠠ ᠵᠢ ᠬᠤᠯᠪᠤᠭᠠᠯᠠᠨ ᠬᠠᠮᠳᠤ ᠪᠡᠷ ᠪᠠᠢᠭᠤᠯᠬᠤ》 ᠬᠡᠯᠪᠡᠷᠢ ᠪᠡᠷ 《ᠡᠮᠦᠨᠡᠲᠦᠶᠢᠨ ᠲᠠᠷᠢᠶᠠᠯᠠᠩ ᠤᠮᠠᠷᠠᠲᠤᠶᠢᠨ ᠮᠠᠯ ᠠᠵᠤ ᠠᠬᠤᠢ》 ᠵᠢᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠪᠠᠢᠷᠢᠰᠢᠯᠤᠨ ᠣᠨᠴᠠᠯᠢᠭ᠋ᠲᠤ ᠰᠠᠭᠤᠷᠢᠯᠠᠨ᠂ 《ᠲᠡᠵᠢᠭᠡᠬᠦᠶᠢᠨ ᠲᠥᠯᠥᠭᠡ ᠳᠠᠷᠢᠵᠤ᠂ ᠳᠠᠷᠢᠵᠤ ᠲᠡᠵᠢᠭᠡᠬᠦᠶᠢ ᠤᠶᠠᠯᠳᠤᠭᠤᠯᠬᠤ》 ᠣᠢᠯᠠᠭᠠᠭᠳᠠᠬᠤᠨᠢ ᠪᠠᠷᠢᠮᠲᠠᠯᠠᠵᠤ᠂ ᠡᠮᠦᠨᠡᠲᠦ ᠬᠡᠰᠡᠭᠦᠨ ᠡᠪᠡᠰᠦ ᠪᠡᠷ ᠤᠮᠠᠷᠠᠲᠤ ᠬᠡᠰᠡᠭᠦᠨ ᠮᠠᠯᠢ ᠲᠡᠵᠢᠭᠡᠬᠦ᠂ ᠤᠮᠠᠷᠠᠲᠤ ᠭᠡᠰᠡᠭᠤᠨ ᠮᠠᠯᠢ ᠡᠮᠦᠨᠡᠲᠦ ᠬᠡᠰᠡᠭᠲᠤ ᠪᠤᠷᠳᠤᠬᠤ᠂ ᠤᠮᠠᠷᠠᠲᠤ ᠭᠡᠰᠡᠭᠤᠨ ᠪᠤᠷᠳᠤᠭᠤᠷᠢ ᠡᠮᠦᠨᠡᠲᠤ ᠭᠡᠰᠡᠭᠤᠨ ᠲᠠᠷᠢᠶᠠᠨᠳᠤ ᠤᠷᠤᠭᠤᠯᠬᠤ ᠵᠡᠷᠭᠡ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢ ᠨᠢᠬᠲᠠ ᠤᠶᠠᠯᠳᠤᠭᠤᠯᠵᠤ᠂ ᠪᠥᠬᠥ ᠤᠯᠤᠰᠤᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠰᠣᠯᠪᠢᠴᠠᠭᠰᠠᠨ ᠤᠷᠤᠨ ᠪᠦᠰᠡᠶᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠣᠷᠣᠨᠢ ᠪᠣᠶ ᠪᠣᠯᠭᠠᠬᠤ ᠪᠡᠷ ᠪᠦᠬᠦ ᠬᠦᠴᠦᠨ ᠵᠢᠨᠷ ᠵᠢᠨᠨ ᠴᠢᠷᠮᠠᠢᠵᠤ ᠪᠤᠢ᠃
— 《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠪᠤᠯ 《ᠨᠢᠭᠡ ᠭᠠᠴᠠᠭᠠ ᠨᠢᠭᠡ ᠭᠠᠴᠠᠭᠠ ᠲᠠᠢ ᠬᠠᠷᠢᠴᠠᠬᠤ》 ᠪᠤᠶᠤ 《ᠨᠢᠭᠡ ᠭᠠᠴᠠᠭᠠ ᠣᠯᠠᠨ ᠭᠠᠴᠠᠭᠠ ᠲᠠᠢ ᠬᠠᠷᠢᠴᠠᠬᠤ》 ᠬᠡᠯᠪᠡᠷᠢ ᠪᠡᠷ ᠪᠦᠬᠦ ᠬᠤᠰᠢᠭᠤᠨ ᠡᠴᠡ ᠨᠡᠢᠲᠡ 37 ᠭᠠᠴᠠᠭᠠ ᠲᠤᠰ ᠨᠦᠬᠦᠷᠰᠡᠭ ᠬᠤᠯᠪᠤᠭᠠᠳᠤ ᠢᠳᠡᠪᠬᠢᠲᠡᠢ ᠨᠡᠷᠡ ᠪᠦᠷᠢᠳᠭᠡᠯᠭᠡᠵᠤ᠂ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠪᠠᠢᠭᠤᠯᠤᠬᠰᠠᠨ ᠬᠣᠶᠠᠷ ᠲᠠᠯᠠ ᠵᠢᠨ ᠬᠢᠨᠤ ᠭᠠᠴᠠᠭᠠ ᠲᠣᠰᠬᠣᠨᠤ ᠨᠠᠮᠤᠨ ᠡᠭᠦᠷ ᠡᠴᠡ 《ᠰᠠᠨᠠᠮᠵᠢ ᠵᠢᠨ ᠪᠢᠴᠢᠭ》 ᠳᠤᠬᠳᠠᠵᠦ᠂ ᠤᠯᠠᠷᠢᠯ ᠪᠦᠷᠢᠳᠦ ᠲᠣᠭᠲᠠᠮᠠᠯ ᠬᠤᠭᠤᠴᠠᠭᠠᠲᠠᠢ ᠪᠠᠷ ᠭᠠᠴᠠᠭᠠᠨᠤ ᠨᠠᠮᠤᠨ ᠭᠡᠰᠢᠭᠦᠨ ᠪᠤᠯᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠲᠦᠯᠦᠭᠡᠯᠡᠭᠴᠢᠳᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠨᠠᠮᠤᠨ ᠪᠠᠢᠭᠤᠯᠤᠯᠲᠠᠶᠢᠨ ᠠᠵᠢᠯᠢ ᠬᠠᠮᠲᠤᠷᠠᠨ ᠵᠥᠪᠳᠡᠯᠴᠡᠬᠦ᠂ ᠺᠠᠳ᠋ᠷᠤᠨ ᠠᠵᠢᠯᠤᠨ ᠪᠠᠢᠷᠢ ᠰᠣᠯᠢᠬᠤ᠂ ᠪᠡᠯᠡᠳᠬᠡᠯ ᠬᠦᠴᠦᠨᠢ ᠬᠣᠣᠰᠯᠠᠨ ᠬᠥᠮᠥᠵᠢᠭᠦᠯᠬᠦ᠂ ᠬᠦᠴᠢᠷᠳᠡᠯᠲᠠᠢ ᠠᠰᠠᠭᠤᠳᠠᠯᠢ ᠬᠠᠮᠵᠢᠯᠴᠠᠨ ᠰᠢᠢᠳᠪᠦᠷᠢᠯᠡᠬᠦ ᠵᠡᠷᠭᠡ ᠠᠵᠢᠯᠯᠠᠭᠠᠶᠢ ᠬᠤᠯᠪᠤᠭᠠᠯᠠᠨ ᠦᠷᠨᠢᠬᠦᠯᠳᠡᠭ ᠭᠡᠵᠤ ᠬᠤᠰᠢᠭᠤᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠵᠤᠬᠢᠶᠠᠨ ᠪᠠᠢᠭᠤᠯᠬᠤ ᠬᠡᠯᠳᠡᠰᠤᠨ ᠬᠤᠶᠠᠳᠤᠭᠠᠷ ᠲᠠᠰᠤᠭᠤᠨ ᠡᠷᠬᠢᠯᠡᠭᠴᠢ ᠠᠤᠭᠠ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ ᠵᠢᠨ ᠪᠠᠢᠳᠠᠯ ᠵᠢᠡᠨ ᠲᠠᠨᠢᠯᠴᠠᠭᠤᠯᠤᠨᠠ᠃
《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠪᠠᠢᠭᠤᠯᠤᠬᠰᠠᠨ ᠭᠤᠷᠪᠠᠨ ᠵᠢᠯ ᠭᠠᠷᠤᠢ ᠵᠢᠨ ᠬᠤᠭᠤᠴᠠᠭᠠᠨᠳᠤ᠂ ᠤᠷᠠᠳᠤᠨ ᠳᠤᠮᠳᠠᠳᠦ ᠬᠤᠰᠢᠭᠤᠨᠤ ᠡᠯᠡ ᠰᠤᠮᠤ ᠪᠠᠯᠭᠠᠰᠤᠶᠢᠨ ᠬᠢᠨ ᠬᠠᠩᠭᠠᠯᠭᠠ ᠬᠡᠷᠡᠭᠴᠡᠭᠡᠨᠤ ᠠᠰᠠᠭᠤᠳᠠᠯᠢ ᠨᠡᠢᠲᠡ147 ᠤᠳᠠᠭᠠ ᠰᠢᠢᠳᠪᠦᠷᠢᠯᠡᠵᠤ᠂ ᠣᠷᠣᠨ ᠪᠦᠰᠡᠶᠢᠨ ᠳᠠᠪᠠᠭᠤᠯᠢᠭ᠋ᠢᠶᠠᠨ ᠪᠠᠳᠠᠷᠠᠭᠤᠯᠬᠤᠶᠢ ᠪᠦᠲᠦᠮᠵᠢᠲᠡᠢ ᠠᠬᠢᠭᠤᠯᠵᠤ᠂ ᠬᠠᠮᠲᠤ ᠪᠠᠷ ᠳᠡᠭᠡᠭᠰᠢᠯᠡᠭᠦᠯᠬᠦ ᠵᠣᠷᠢᠯᠭᠠᠳᠠᠭᠠᠨ ᠬᠦᠷᠴᠡᠢ᠃
ᠭᠤᠪᠢ ᠨᠤᠲᠤᠭᠢ ᠤᠮᠳᠠᠯᠠᠭᠰᠠᠨ ᠪᠤᠷᠤᠭᠠᠨᠤ ᠳᠠᠷᠠᠭᠠ ᠲᠡᠭᠷᠢ ᠵᠢᠨ ᠬᠠᠶᠠᠭᠠᠨᠠ ᠳᠠᠪᠬᠤᠷ ᠰᠤᠯᠤᠩᠭᠠ ᠲᠠᠲᠠᠵᠦ ᠤᠨᠴᠠ ᠵᠢᠨ ᠭᠤᠶᠤ ᠬᠠᠷᠠᠭᠳᠠᠨᠠ᠃ 《ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠨᠦᠬᠦᠷᠰᠡᠭ ᠬᠤᠯᠪᠤᠭᠠ》 ᠵᠢᠨ ᠬᠦᠴᠦᠨᠳᠦ ᠡᠯᠡ ᠦᠨᠳᠦᠰᠦᠳᠡᠨᠤ ᠤᠯᠠᠨ ᠲᠦᠮᠡᠨ ᠨᠢᠬᠳᠠᠷᠠᠨ ᠪᠦᠯᠬᠦᠮᠳᠡᠵᠦ ᠦᠵᠡᠰᠭᠦᠯᠡᠩᠳᠦ ᠰᠠᠢᠬᠠᠨ ᠤᠷᠠᠳ ᠨᠤᠳᠤᠭ ᠵᠢᠡᠨ ᠨᠡᠩ ᠰᠠᠢᠬᠠᠨ ᠪᠠᠢᠭᠤᠯᠬᠤ ᠪᠡᠷ ᠬᠦᠴᠦᠯᠡᠨ ᠴᠢᠷᠮᠠᠢᠨᠠ᠃
ᠴᠤᠨᠭᠵᠢ ᠰᠤᠮᠤᠨᠤ ᠪᠠᠶᠠᠨᠭᠤᠤᠯ ᠭᠠᠴᠠᠭᠠᠨᠤ ᠠᠵᠤ ᠦᠢᠯᠡᠰᠤᠨ ᠲᠤᠭᠤᠷᠢᠭ