ᠬᠤᠯᠪᠤᠭᠠᠰᠦ ᠄
● ᠦᠬᠠᠢ ᠬᠤᠲᠠᠳᠤ ᠬᠢᠳᠠᠳ᠂ ᠮᠤᠩᠭᠤᠯ᠂ ᠮᠠᠨᠵᠤ᠂ ᠬᠤᠳᠤᠩ ᠵᠡᠷᠭᠡ 43 ᠦᠨᠳᠦᠰᠦᠲᠠᠨᠪᠤᠢ᠃ ᠬᠤᠳᠠᠴᠢᠯᠠᠯᠲᠠ ᠵᠢᠨ ᠨᠤᠷᠮᠠ ᠦᠨᠳᠦᠷ᠂ ᠬᠤᠲᠠ ᠵᠢᠨ ᠬᠡᠪᠴᠢᠶᠠᠨᠤ ᠲᠦᠯᠦᠪᠵᠢᠬᠦᠯᠭᠡ ᠪᠠᠭᠠ ᠪᠠᠢᠬᠤ ᠤᠨᠴᠠᠯᠢᠭᠲᠤ ᠪᠠᠨ ᠰᠠᠭᠤᠷᠢᠯᠠᠨ᠂ ᠦᠬᠠᠢ ᠬᠤᠲᠠ ᠤᠢᠷᠠᠵᠢᠨ ᠵᠢᠯ ᠡᠴᠡ ᠨᠠᠰᠢ ᠦᠨᠳᠦᠰᠦᠲᠠᠨ ᠨᠤᠭᠦᠳᠤᠨ ᠬᠠᠤᠯᠢ ᠶᠤᠰᠤᠨᠤ ᠡᠷᠭᠡ ᠠᠰᠢᠭᠢ ᠪᠠᠳᠤᠯᠠᠵᠦ᠂ ᠦᠨᠳᠦᠰᠦᠲᠠᠨ ᠨᠤᠭᠦᠳᠤᠨ ᠬᠠᠮᠳᠤ ᠪᠡᠷ ᠰᠠᠭᠤᠵᠦ᠂ ᠬᠠᠮᠳᠤ ᠪᠡᠷ ᠠᠵᠢᠯᠯᠠᠵᠦ᠂ ᠬᠠᠮᠳᠤ ᠪᠡᠷ ᠪᠠᠶᠠᠰᠬᠤ ᠨᠠᠢᠭᠡᠮᠤᠨ ᠨᠦᠬᠦᠴᠠᠯᠢ ᠢᠳᠡᠪᠬᠢᠲᠠᠢ ᠪᠤᠢ ᠪᠤᠯᠭᠠᠵᠦ ᠪᠤᠢ᠃
●ᠬᠠᠢᠨᠠᠨᠲᠤᠭᠤᠷᠢᠭᠬᠥᠭᠵᠢᠯᠲᠡᠪᠡᠷ ᠪᠦᠯᠬᠦᠮᠳᠡᠯᠢ ᠠᠬᠢᠭᠤᠯᠬᠤ᠂ ᠪᠦᠯᠬᠦᠮᠳᠡᠯᠢᠶᠡᠷ ᠬᠥᠭᠵᠢᠯᠲᠡᠶᠢ ᠳᠠᠢᠴᠢᠯᠠᠬᠤᠶᠢ ᠪᠠᠷᠢᠮᠲᠠᠯᠠᠵᠤ᠂ ᠤᠯᠠᠨ ᠲᠦᠮᠡᠨᠤ ᠠᠮᠢᠳᠤᠷᠠᠯᠤᠨ ᠲᠦᠪᠰᠢᠨ ᠢ ᠲᠡᠭᠡᠭᠰᠢᠯᠡᠬᠦᠯᠵᠦ᠂《ᠪᠦᠬᠦ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠣᠷᠣᠨ》 ᠲᠡᠰᠢ ᠤᠷᠤᠭᠰᠢᠯᠠᠵᠦ ᠪᠤᠢ᠃
● ᠬᠤᠸᠠ ᠶᠤᠸᠠᠨ ᠨᠠᠢᠭᠡᠮ ᠲᠤᠭᠤᠷᠢᠭ ᠨᠢ《ᠰᠠᠭᠤᠭᠠᠯᠢ ᠠᠷᠠᠳ ᠬᠠᠮᠢᠭᠠ ᠪᠠᠢᠪᠠᠯ ᠦᠨᠳᠦᠰᠦᠲᠡᠨᠦ ᠠᠵᠢᠯᠢ ᠲᠡᠨᠳᠡ ᠪᠦᠷᠬᠦᠭᠦᠯᠬᠦ》ᠠᠵᠢᠯᠤᠨ ᠰᠡᠳᠬᠢᠴᠡᠪᠡᠷ᠂ ᠡᠯᠠ ᠦᠨᠳᠦᠰᠦᠲᠡᠨᠤ ᠠᠷᠠᠳᠲᠦᠮᠡᠨᠦ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠵᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠬᠠᠩᠭᠠᠵᠦ᠂ ᠦᠨᠳᠦᠰᠦᠲᠠᠨ ᠨᠤᠬᠦᠳᠤᠨ ᠤᠯᠠᠨ ᠲᠦᠮᠡᠨᠤ ᠰᠠᠬᠢᠨ ᠪᠠᠷᠠᠯᠠᠵᠦ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠲᠤᠮᠤ ᠬᠡᠷ ᠪᠦᠯᠢ ᠵᠢ ᠢᠳᠡᠪᠬᠢᠲᠠᠢ ᠪᠦᠳᠦᠭᠡᠨ ᠪᠠᠢᠭᠤᠯᠵᠦ ᠪᠤᠢ᠃
ᠦᠬᠠᠢ ᠬᠤᠲᠠ ᠵᠢᠨ ᠬᠠᠢᠨᠠᠨ ᠲᠤᠭᠤᠷᠢᠭᠲᠤ ᠬᠤᠸᠠ ᠶᠤᠸᠠᠨ ᠬᠡᠮᠡᠬᠦ ᠨᠢᠭᠡᠨ ᠨᠠᠢᠭᠡᠮ ᠲᠤᠭᠤᠷᠢᠭ ᠪᠠᠢᠵᠦ᠂ ᠤᠳᠤ ᠪᠤᠯᠬᠤᠳᠤ 14 ᠦᠨᠳᠦᠰᠦᠲᠠᠨᠤ 6596 ᠡᠷᠦᠭᠡ ᠵᠢᠨ 17221ᠭᠠᠷᠤᠢ ᠬᠦᠮᠦᠨ ᠠᠮᠠ ᠲᠠᠢ ᠵᠢᠷᠭᠠᠯᠠᠩᠳᠤ ᠲᠤᠮᠤ ᠪᠦᠯᠢ ᠪᠤᠯᠵᠠᠢ᠃
ᠬᠤᠸᠠ ᠶᠤᠸᠠᠨ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠨᠢ ᠬᠠᠢᠨᠠᠨ ᠲᠤᠭᠤᠷᠢᠭᠤᠨ ᠤᠤᠯᠤᠨ ᠲᠦᠬᠦᠮ ᠪᠦᠳᠦᠴᠡᠳᠤ ᠤᠷᠤᠨ ᠰᠠᠭᠤᠴᠠ ᠡᠴᠡ ᠪᠠᠨ ᠴᠡᠪᠡᠷ ᠲᠤᠬᠢᠯᠢᠭ ᠠᠰᠠᠷᠲᠤ ᠨᠡᠬᠦᠨ ᠢᠷᠡᠭᠡᠳ ᠵᠢᠷᠭᠠᠯᠠᠩᠳᠤ ᠠᠮᠢᠳᠤᠷᠠᠯ ᠵᠢᠡᠨ ᠴᠤᠭᠴᠠᠯᠠᠵᠦ᠂ ᠬᠠᠯᠠᠮᠵᠢ ᠬᠠᠢᠷᠠ ᠪᠡᠷ ᠵᠢᠡᠨ ᠪᠠᠶᠠ ᠪᠠᠶᠠ ᠪᠠᠨ ᠬᠠᠪᠰᠤᠷᠤᠯᠴᠠᠨ᠂ ᠬᠠᠢᠷᠠ ᠵᠢᠨ ᠲᠠᠭᠤᠤ ᠬᠠᠩᠬᠢᠨᠠᠭᠤᠯᠤᠭᠰᠠᠨ ᠬᠠᠯᠠᠭᠤᠨ ᠲᠤᠭᠤᠷᠢᠭᠲᠤ ᠵᠤᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠵᠦ ᠪᠤᠢ᠃
《ᠬᠠᠢᠷᠠ ᠵᠢᠨ ᠭᠠᠯ》 ᠡᠬᠦᠷᠢᠳᠡ ᠤᠨᠲᠠᠷᠠᠬᠤ ᠦᠬᠡᠢ
ᠪᠢᠳᠠᠨᠢ ᠠᠯᠪᠠᠯᠠᠬᠤ ᠠᠰᠠᠷᠤᠨ ᠡᠬᠦᠳᠠᠨᠳᠤ ᠨᠢ ᠬᠦᠷᠬᠦ ᠡᠴᠡ ᠡᠮᠦᠨᠠ᠂ ᠨᠠᠰᠤᠨᠤ ᠮᠦᠩᠬᠦᠨ ᠬᠢᠷᠠᠭᠤ ᠪᠠᠭᠤᠭᠰᠠᠨ ᠴᠸ᠋ ᠨᠢᠭᠤᠷ ᠳᠦᠬᠦᠷᠡᠩ ᠢᠨᠢᠶᠡᠳᠤ ᠪᠢᠯᠬᠠᠭᠠᠤᠯᠤᠭᠰᠠᠨ ᠲᠤᠷᠠᠩᠬᠠᠢᠪᠲᠤᠷ ᠪᠡᠶᠠ ᠲᠠᠢ᠂ ᠬᠠᠯᠠᠭᠤᠮᠰᠤᠭ ᠵᠠᠩ ᠲᠠᠢ ᠸᠠᠩ ᠱᠠ ᠵᠢᠨ ᠤᠭᠲᠤᠨ ᠠᠪᠤᠯᠠ᠃ ᠡᠨᠡ ᠵᠢᠯ 66 ᠨᠠᠰᠤᠲᠠᠢ ᠸᠠᠩ ᠱᠠ ᠵᠢᠨ ᠪᠤᠯ ᠰᠤᠯᠤᠩᠭᠤᠰ ᠦᠨᠳᠦᠰᠦᠲᠠᠨ᠃ ᠲᠡᠭᠡᠷᠠ ᠵᠠᠭᠤᠨᠤ ᠲᠠᠪᠢᠭᠠᠳ ᠤᠨᠤ ᠦᠶᠠᠳᠤ ᠠᠪᠤ ᠡᠵᠢ ᠨᠢ ᠴᠡᠷᠢᠭ ᠡᠴᠡ ᠬᠠᠯᠠᠭᠳᠠᠵᠦ᠂ ᠪᠠᠷᠠᠭᠤᠨ ᠬᠤᠢᠳᠤ ᠤᠷᠤᠨᠤ ᠬᠦᠭᠵᠢᠯᠲᠠᠳᠤ ᠬᠦᠴᠤ ᠪᠠᠨ ᠨᠠᠮᠡᠷᠢᠯᠡᠬᠦ ᠪᠡᠷ ᠠᠯᠤᠰ ᠬᠤᠯᠠ ᠯᠢᠶᠤᠤᠨᠢᠩ ᠮᠤᠵᠢ ᠡᠴᠡ ᠤᠷᠳᠤᠰ ᠬᠤᠲᠠ ᠵᠢ ᠵᠤᠷᠢᠨ ᠢᠷᠡᠵᠠᠢ᠃ ᠸᠠᠩ ᠱᠠ ᠵᠢᠨ ᠤᠷᠳᠤᠰᠲᠤ ᠲᠦᠷᠦᠵᠦ ᠦᠰᠦᠨ᠂ 5 ᠨᠠᠰᠤᠲᠠᠢᠳᠠᠭᠠᠨ ᠠᠪᠤ ᠡᠵᠢ ᠪᠠᠨ ᠲᠠᠭᠠᠵᠦ ᠦᠬᠠᠢ ᠬᠤᠲᠠᠳᠤ ᠢᠷᠡᠵᠦ ᠰᠠᠭᠤᠷᠢᠰᠢᠵᠡᠢ᠃ ᠲᠡᠷᠡ ᠤᠳᠤ ᠨᠦᠬᠦᠷ ᠳ᠋ᠦ᠋ ᠶᠦᠩ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠬᠤᠸᠠ ᠶᠤᠸᠠᠨ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠾᠸ ᠫᠢᠩ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠤᠭᠤᠷᠢᠭᠲᠤ ᠰᠠᠭᠤᠵᠦ ᠪᠤᠢ᠃
ᠸᠠᠩ ᠱᠠ ᠵᠢᠨᠤ ᠰᠠᠭᠤᠭᠠ ᠠᠰᠠᠷᠤᠨ ᠭᠤᠳᠤᠮᠵᠢᠳᠤ ᠬᠤᠭ ᠨᠤᠪᠰᠢ ᠶᠠᠷᠤ ᠬᠠᠷᠠᠭᠳᠠᠳᠠᠭ ᠦᠭᠡᠢ᠂ ᠡᠨᠡ ᠨᠢ ᠪᠦᠬᠦ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠲᠤᠮᠳᠠ ᠲᠠᠭᠤᠷᠢᠶᠠᠯ ᠪᠤᠯᠤᠨ ᠤᠯᠠᠮᠵᠢᠯᠠᠭᠳᠠᠵᠡᠢ᠃ ᠠᠯᠢ ᠠᠢᠯᠤᠨ ᠬᠢᠨᠤ ᠡᠬᠦᠳᠠᠨ ᠡᠮᠦᠨᠠ ᠤᠭᠤᠳᠠ ᠲᠠᠢ ᠨᠤᠪᠰᠢ ᠬᠠᠷᠠᠭᠳᠠᠪᠠᠯ ᠵᠡᠷᠭᠡᠯᠡᠳᠡᠭᠡ ᠠᠢᠯᠤᠨ ᠨᠢᠭᠡ ᠨᠢ ᠠᠰᠠᠷ ᠡᠴᠡ ᠪᠠᠨ ᠪᠠᠭᠤᠬᠤ ᠲᠠᠭᠠᠷᠠᠪᠠᠯ ᠪᠦᠷ ᠠᠪᠤᠭᠠᠳ ᠪᠠᠭᠤᠴᠢᠬᠠᠳᠠᠭ ᠶᠤᠮ ᠬᠡᠨᠠ᠃
— ᠬᠦᠮᠦᠨᠤ ᠲᠠᠳᠬᠠᠯ ᠬᠡᠳᠡᠭ ᠴᠢᠨᠢ ᠪᠤᠰᠤᠳᠢ ᠨᠦᠯᠦᠭᠡᠯᠡᠳᠡᠭ ᠶᠤᠮ ᠪᠠᠢᠨᠠ᠃ ᠰᠠᠶᠢ ᠡᠬᠢᠯᠡᠭᠡᠳ ᠪᠢ ᠵᠡᠷᠭᠡᠯᠡᠳᠡᠭᠡ ᠠᠢᠯᠤᠨ ᠵᠢᠡᠨ ᠡᠬᠦᠳᠠᠨ ᠡᠮᠦᠨᠡᠭᠢ ᠤᠭᠤᠳᠠ ᠲᠠᠢ ᠨᠤᠪᠰᠢ ᠵᠢ ᠬᠠᠶᠠᠬᠤ ᠨᠢ ᠵᠦᠪᠭᠡᠨ ᠦᠪᠡᠷᠤᠨ ᠰᠠᠢᠨ ᠲᠤᠷᠠ ᠡᠴᠡ ᠪᠠᠨ ᠬᠢᠭᠰᠡᠨ ᠠᠵᠢᠯ᠂ ᠬᠠᠷᠢᠨ ᠪᠤᠰᠤᠳᠢ ᠪᠠᠰᠠ ᠵᠠᠪᠠᠯ ᠢᠩᠬᠢᠵᠦ ᠬᠢᠬᠦ ᠬᠡᠷᠡᠭᠲᠠᠢ ᠬᠡᠵᠦ ᠱᠠᠭᠠᠷᠳᠠᠭᠰᠠᠨ ᠤᠴᠢᠷ ᠪᠢᠰᠢ᠃ ᠰᠠᠨᠠᠭᠠᠨ ᠡᠴᠡ ᠭᠠᠳᠠᠭᠤᠷ ᠮᠠᠨᠤ ᠪᠦᠬᠦ ᠠᠰᠠᠷᠤᠨ ᠠᠷᠪᠠᠭᠠᠳ ᠡᠷᠦᠭᠡ ᠪᠦᠷ ᠢᠩᠬᠢᠵᠦ ᠬᠢᠬᠦ ᠪᠤᠯᠤᠭᠰᠠᠨ ᠪᠠᠢᠨᠠ᠃ ᠠᠢᠯ ᠭᠡᠳᠡᠭ ᠴᠢᠨᠢ ᠬᠤᠪᠢ ᠪᠠᠨ ᠬᠦᠭᠡᠭᠡᠵᠦ ᠲᠤᠪᠤ ᠪᠠᠨ ᠪᠤᠷᠤᠯᠠᠭᠤᠯᠬᠤ ᠪᠢᠰᠢ᠂ ᠪᠢᠳᠠ ᠬᠠᠮᠲᠤ ᠪᠠᠷᠢᠶᠡᠨ ᠵᠢᠵᠢᠭ ᠭᠡᠷ ᠪᠦᠯᠢ ᠪᠠᠨ ᠰᠠᠢᠬᠠᠨ ᠠᠪᠴᠤ ᠶᠠᠪᠤᠪᠠᠯ ᠳᠤᠮᠤ ᠭᠡᠷ ᠪᠦᠯᠢ ᠮᠢᠨᠢ ᠪᠤᠯᠪᠠᠰᠤᠨ ᠰᠠᠢᠬᠠᠨ᠂ ᠪᠠᠶᠠᠨ ᠬᠦᠴᠦᠷᠬᠡᠭ ᠪᠤᠯᠵᠦ ᠴᠢᠳᠠᠨᠠ ᠰᠢᠦ ᠬᠡᠵᠦ ᠸᠠᠩ ᠱᠠ ᠵᠢᠨ ᠪᠠᠶᠠᠷᠯᠠᠨ ᠶᠠᠷᠢᠨᠠ᠃
ᠸᠠᠩ ᠱᠠ ᠵᠢᠨᠤ ᠡᠳᠦᠷ ᠲᠤᠲᠤᠮᠤᠨ ᠠᠮᠢᠳᠤᠷᠠᠯ ᠪᠦᠷ ᠯᠡ ᠬᠦᠮᠦᠨᠤ ᠲᠦᠯᠦᠭᠡ᠂ ᠨᠡᠢᠭᠡᠮ ᠰᠠᠭᠤᠭᠠᠯᠢ ᠵᠢᠨ ᠲᠦᠯᠦᠭᠡ ᠭᠡᠵᠦ ᠬᠡᠯᠡᠪᠡᠯ ᠠᠬᠠᠳᠠᠮᠠᠷ ᠦᠬᠡᠢ᠃ ᠲᠡᠷᠡ ᠪᠤᠯ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠤᠭᠤᠷᠢᠭᠤᠨ 500 ᠬᠦᠮᠦᠨᠤ ᠵᠢᠷᠬᠢᠶᠠ ᠵᠢᠨ ᠬᠤᠯᠪᠤᠭᠠᠨᠤ ᠲᠤᠳᠤᠷᠠᠬᠢ ᠬᠠᠮᠤᠭᠤᠨ ᠬᠠᠯᠠᠭᠤᠨ ᠰᠡᠳᠬᠢᠯᠳᠤ ᠵᠢᠨ ᠨᠢᠭᠡᠨ ᠪᠠᠢᠵᠦ᠂ ᠮᠦᠨᠴᠤ ᠲᠡᠬᠦᠨᠤ ᠡᠨᠡᠬᠦ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠡᠴᠡ ᠪᠤᠯᠵᠦ ᠰᠠᠢᠬᠠᠨ ᠲᠠᠰᠤᠯᠴᠠᠭᠰᠠᠨ ᠰᠠᠢᠨ ᠡᠭᠡᠴᠢ ᠲᠡᠬᠦᠦ ᠤᠯᠠᠨ ᠪᠤᠢ᠃ ᠶᠤᠸᠠᠨ ᠵᠢᠨ ᠹᠸᠩ ᠪᠤᠯ ᠲᠠᠷᠤᠢ ᠲᠡᠭᠦᠨᠤ ᠲᠡᠮᠵᠢᠯᠭᠡ ᠵᠢ ᠬᠦᠷᠳᠡᠭᠰᠡᠳᠤᠨ ᠨᠢᠭᠡ ᠮᠦᠨ᠃
2021 ᠤᠨᠤ 5 ᠰᠠᠷᠠᠳᠤ᠂ ᠾᠸ ᠫᠢᠩ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠤᠭᠤᠷᠢᠭᠤᠨ ᠭᠤᠷᠪᠠᠳᠤᠭᠠᠷ ᠠᠰᠠᠷᠤᠨ ᠨᠢᠭᠡᠳᠦᠭᠡᠷ ᠲᠠᠪᠬᠤᠷᠭᠠᠳᠤ ᠭᠠᠭᠴᠠᠭᠠᠷ ᠨᠡᠬᠦᠵᠦ ᠢᠷᠡᠭᠰᠡᠨ ᠶᠤᠸᠠᠨ ᠵᠢᠨ ᠹᠸᠩ ᠨᠠᠰᠤᠲᠠᠨ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠤᠭᠤᠷᠢᠭᠤᠨ ᠤᠢᠷᠠ ᠬᠠᠪᠢ ᠵᠢᠨ ᠪᠠᠢᠳᠠᠯᠢ ᠤᠢᠯᠠᠭᠠᠬᠤ ᠦᠭᠡᠢ ᠡᠴᠡ ᠪᠤᠯᠵᠦ ᠵᠢᠷᠬᠢᠶᠠ ᠵᠢᠨ ᠬᠤᠯᠪᠤᠭᠠᠨ ᠲᠡᠭᠡᠷᠠ ᠡᠴᠡ ᠬᠠᠪᠰᠤᠷᠤᠮᠵᠢ ᠭᠤᠶᠤᠭᠰᠠᠨᠳᠤ ᠸᠠᠩ ᠱᠠ ᠵᠢᠨ ᠬᠠᠮᠤᠭᠤᠨ ᠲᠦᠷᠦᠬᠦᠨᠳᠤ ᠬᠡᠷᠲᠤ ᠨᠢ ᠬᠦᠷᠴᠤ᠂ ᠲᠡᠬᠦᠨᠢ ᠲᠠᠭᠠᠭᠤᠯᠵᠦ ᠬᠡᠷ ᠵᠠᠭᠤᠷᠠ ᠵᠢᠨ ᠠᠷᠰᠠᠷ ᠶᠠᠭᠤᠮᠠ ᠵᠢ ᠨᠢ ᠪᠠᠵᠠᠭᠠᠨ ᠦᠭᠴᠤ᠂ ᠬᠡᠷ ᠤᠷᠤᠨᠢ ᠨᠢ ᠲᠦᠪᠬᠢᠨᠡᠬᠦᠯᠵᠦ ᠦᠭᠪᠠ᠃ ᠪᠢᠳᠠᠨᠢ ᠶᠤᠸᠠᠨ ᠵᠢᠨ ᠹᠸᠩᠤᠨᠳᠤ ᠬᠦᠷᠬᠦᠳᠤ ᠲᠡᠷᠡ ᠶᠠᠭ ᠬᠦᠬᠡᠬᠤᠲᠠᠳᠤ ᠠᠵᠢᠯᠯᠠᠵᠦ ᠪᠠᠢᠭᠠ ᠦᠬᠢᠨ ᠲᠠᠢ ᠪᠠᠨ ᠤᠳᠠᠰᠦᠳᠠᠵᠦ ᠪᠠᠢᠯᠠ᠃ ᠬᠦᠬᠡᠷᠦᠬᠦᠢ ᠭᠠᠭᠴᠠ ᠨᠠᠰᠤᠳᠠᠨ ᠸᠠᠩ ᠱᠠ ᠵᠢᠨᠢ ᠦᠵᠡᠭᠡᠳ ᠬᠡᠷᠤᠨ ᠬᠦᠮᠦᠨ ᠵᠢᠡᠨ ᠦᠵᠡᠭᠰᠡᠨ ᠮᠡᠳᠤ ᠪᠠᠶᠠᠷᠯᠠᠨᠠ᠃
ᠬᠤᠸᠠ ᠶᠤᠸᠠᠨ ᠲᠤᠭᠤᠷᠢᠭᠤᠨ ᠦᠵᠡᠮᠵᠢ
— ᠸᠠᠩ ᠡᠭᠡᠴᠢ ᠶᠠᠭ ᠯᠡ ᠰᠠᠳᠤᠨ ᠲᠦᠷᠦᠯ ᠭᠡᠵᠦ ᠮᠡᠳᠡ᠃ ᠪᠢ ᠴᠢᠨᠢ ᠶᠠᠭᠤᠮᠠ ᠪᠤᠯᠤᠭᠰᠠᠭᠠᠷ ᠯᠡ ᠸᠠᠩ ᠡᠭᠡᠴᠢ ᠵᠢ ᠪᠠᠨ ᠵᠤᠪᠠᠭᠠᠨᠠ᠃ ᠨᠢᠭᠡ ᠴᠸ᠋ ᠤᠳᠠᠭᠠ ᠬᠤᠢᠰᠢ ᠲᠦᠯᠬᠢᠵᠦ ᠪᠠᠢᠭᠰᠠᠨ ᠦᠬᠡᠢ᠃ ᠸᠠᠩ ᠡᠭᠡᠴᠢ ᠦᠪᠡᠷᠤᠨ ᠬᠦᠨᠳᠤ ᠡᠪᠡᠳᠴᠢᠨ ᠵᠢᠡᠨ ᠤᠮᠠᠷᠳᠠᠵᠦ᠂ ᠦᠷᠦᠭᠡᠯᠤᠨ ᠲᠦᠯᠦᠭᠡ ᠦᠢᠯᠡᠴᠢᠯᠡᠳᠡᠭ᠂ ᠡᠢᠮᠦ ᠰᠠᠢᠨ ᠬᠦᠮᠦᠨᠢ ᠬᠠᠮᠢᠭᠠ ᠡᠴᠡ ᠤᠯᠬᠤ ᠪᠢᠯᠡᠳᠠ？ ᠬᠡᠵᠦ ᠶᠤᠸᠠᠨ ᠵᠢᠨ ᠹᠸᠩ ᠰᠡᠳᠬᠢᠯ ᠲᠤᠭᠳᠤᠯᠤᠨ ᠶᠠᠷᠢᠵᠦ ᠭᠠᠷᠤᠯᠠ᠃
ᠸᠠᠩ ᠱᠠ ᠵᠢᠨ 6 ᠵᠢᠯᠤᠨ ᠡᠮᠦᠨᠠ ᠬᠤᠳᠤᠭᠤᠳᠤᠨ ᠦᠮᠡᠨᠳᠤ ᠤᠨᠤᠰᠢᠯᠠᠭᠳᠠᠭᠠᠳ᠂ ᠮᠠᠰᠠ ᠵᠠᠰᠠᠯ ᠬᠢᠵᠦ ᠬᠤᠳᠤᠭᠤᠳᠤ ᠵᠢᠨ ᠵᠢᠡᠨ 3/4 ᠬᠡᠰᠡᠭᠢ ᠨᠢ ᠠᠪᠤᠭᠤᠯᠵᠦ᠂ ᠲᠤᠬᠠᠢ ᠵᠢᠨ ᠦᠶᠠᠳᠤ ᠡᠮᠴᠢ ᠲᠡᠬᠦᠨᠢ ᠵᠦᠪᠭᠡᠨ 6 ᠰᠠᠷᠠ ᠯᠡ ᠠᠮᠢᠳᠤ ᠶᠠᠪᠤᠵᠦ ᠲᠡᠢᠯᠦᠨᠠ ᠬᠡᠵᠦ ᠲᠤᠳᠤᠯᠠᠵᠠᠢ᠃ ᠬᠡᠪᠡᠴᠤ ᠸᠠᠩ ᠱᠠ ᠵᠢᠨ ᠨᠢᠭᠡᠴᠤ ᠭᠤᠳᠤᠷᠠᠭᠰᠠᠨ ᠦᠭᠡᠢ ᠬᠠᠷᠢᠨ ᠤᠯᠠᠮ ᠢᠳᠡᠭᠡᠯ ᠲᠠᠢ ᠪᠡᠷ ᠠᠮᠢᠳᠤᠷᠠᠯᠳᠤ ᠪᠠᠨ ᠬᠠᠨᠳᠤᠵᠦ᠂ ᠤᠳᠤ ᠪᠤᠯᠬᠤᠳᠤ ᠶᠠᠭ 6 ᠵᠢᠯᠤᠨ ᠨᠢᠭᠤᠷᠢ ᠦᠵᠡᠵᠦ ᠪᠤᠢ᠃
《ᠰᠠᠷᠭᠠᠢ ᠴᠡᠴᠡᠭᠢ ᠬᠦᠮᠦᠨᠳᠤ ᠬᠦᠷᠬᠡᠬᠦᠳᠤ ᠰᠠᠢᠬᠠᠨ ᠦᠨᠦᠷ ᠨᠢ ᠭᠠᠷᠲᠤ ᠰᠢᠩᠭᠡᠳᠡᠭ》ᠬᠡᠬᠦᠴᠢᠯᠠᠨ᠂ ᠸᠠᠩ ᠱᠠ ᠵᠢᠨᠢ ᠬᠦᠴᠢᠷ ᠲᠤᠯᠭᠠᠷᠠᠭᠰᠠᠨ ᠦᠶᠠᠳᠤ ᠪᠦᠬᠦ ᠨᠠᠢᠭᠡᠮ ᠲᠤᠭᠤᠷᠢᠭ ᠵᠢᠡᠷ ᠵᠢᠡᠨ ᠪᠠᠰᠠ ᠲᠡᠬᠦᠨᠳᠤ ᠬᠠᠯᠠᠭᠤᠨ ᠭᠠᠷ ᠵᠢᠡᠨ ᠰᠤᠩᠭᠠᠵᠦ ᠬᠠᠷᠠᠮ ᠦᠭᠡᠢ ᠬᠠᠪᠰᠤᠷᠤᠯᠭᠠ ᠲᠡᠮᠵᠢᠯᠭᠡ ᠦᠵᠡᠬᠦᠯᠵᠦ ᠪᠢᠯᠡ᠃ ᠠᠮᠢᠳᠤᠷᠠᠯᠤᠨ ᠨᠦᠬᠦᠴᠠᠯ ᠠᠨᠠᠢᠬᠠᠨ ᠡᠳᠠᠨᠠᠢᠬᠢᠨᠳᠤ ᠠᠪᠴᠤ ᠬᠡᠯᠡᠪᠠᠯ ᠬᠤᠳᠤᠭᠤᠳᠤᠨ ᠦᠮᠡᠨ ᠡᠪᠡᠳᠴᠢᠨᠤ ᠮᠠᠰᠠ ᠵᠠᠰᠠᠯ ᠬᠢᠬᠦ ᠠᠷᠪᠠᠭᠠᠳ ᠲᠦᠮᠡᠨ ᠲᠦᠬᠦᠷᠢᠭᠢ ᠴᠤᠭᠯᠠᠭᠤᠯᠬᠤ ᠭᠡᠭᠴᠢ ᠮᠠᠰᠢ ᠬᠦᠴᠢᠷᠲᠠᠢ ᠤᠴᠢᠷ ᠪᠤᠯᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠸᠠᠩ ᠱᠠ ᠵᠢᠨᠤ ᠪᠠᠢᠳᠠᠯᠢ ᠤᠢᠯᠠᠭᠠᠭᠰᠠᠨ ᠬᠤᠸᠠ ᠶᠤᠸᠠᠨ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠬᠢᠨ ᠲᠡᠷᠡ ᠲᠠᠷᠤᠢᠳᠤ ᠨᠢ ᠵᠢᠷᠬᠢᠶᠠ ᠲᠡᠭᠡᠷᠠ ᠵᠤᠭᠤᠰ ᠬᠠᠨᠳᠢᠪᠯᠠᠬᠤ ᠤᠷᠢᠶᠠᠯᠠᠭᠠ ᠭᠠᠷᠭᠠᠵᠦ᠂ ᠨᠢᠭᠡ ᠯᠡ ᠡᠳᠦᠷᠤᠨ ᠲᠤᠳᠤᠷᠠ 10 ᠲᠦᠮᠡᠨ ᠲᠦᠬᠦᠷᠢᠭ ᠴᠤᠭᠯᠠᠭᠤᠯᠵᠦ᠂ ᠮᠠᠰᠠ ᠵᠠᠰᠠᠯ ᠬᠢᠬᠦ ᠵᠤᠭᠤᠰᠢ ᠨᠢ ᠪᠦᠷᠢᠳᠦᠬᠦᠯᠵᠦ ᠦᠭᠴᠠᠢ᠃
— ᠸᠠᠩ ᠡᠭᠡᠴᠢ ᠬᠦᠴᠢᠷ ᠲᠤᠯᠭᠠᠷᠠᠭᠰᠠᠨ ᠦᠶᠠᠳᠤ ᠮᠠᠨᠤ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠬᠢᠨ ᠪᠦᠬᠦᠳᠡᠭᠡᠷ ᠦᠪᠡᠷᠤᠨ ᠬᠢᠷᠢ ᠲᠤᠳᠤᠷᠠ ᠪᠠᠨ ᠲᠡᠬᠦᠨᠢ ᠴᠢᠷᠮᠠᠢᠨ ᠬᠠᠪᠰᠤᠷᠴᠠᠢ᠃ ᠡᠨᠡ ᠪᠤᠯ ᠲᠠᠷᠤᠢ ᠮᠠᠨᠤ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠪᠦᠯᠬᠦᠮᠳᠠᠯ ᠨᠢᠭᠳᠠᠷᠠᠯ᠂ ᠬᠠᠯᠠᠮᠵᠢ ᠬᠠᠪᠰᠤᠷᠤᠯᠭᠠ ᠵᠢᠨ ᠬᠠᠮᠤᠭᠤᠨ ᠪᠤᠳᠠᠳᠤ ᠢᠯᠡᠷᠡᠯ ᠪᠤᠯᠤᠨᠠ ᠬᠡᠵᠦ ᠬᠤᠸᠠ ᠶᠤᠸᠠᠨ ᠨᠠᠢᠭᠡᠮ ᠲᠤᠭᠤᠷᠢᠭᠤᠨ ᠨᠠᠮᠤᠨ ᠡᠬᠦᠷᠤᠨ ᠱᠦᠵᠢ᠂ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠵᠦᠪᠯᠡᠯᠤᠨ ᠡᠷᠬᠢᠯᠡᠭᠴᠢ ᠷᠸᠨ ᠶᠠᠨ ᠤᠴᠢᠷᠳᠠᠢᠬᠠᠨ ᠶᠠᠷᠢᠯᠠ᠃
ᠨᠢᠳᠤᠨᠤᠨ ᠵᠤᠨᠤ ᠤᠴᠢᠷ ᠪᠠᠢᠵᠦ ᠪᠢᠯᠡ᠃ ᠸᠠᠩ ᠱᠠ ᠵᠢᠨ ᠪᠠᠶᠠ ᠵᠢᠨ ᠡᠷᠭᠡᠳᠠᠨᠤ ᠬᠠᠨᠳᠢᠪᠯᠡᠯᠤᠨ ᠰᠠᠢᠨ ᠲᠤᠷᠠᠴᠤᠳᠤᠨ ᠨᠢᠭᠡᠨ ᠬᠡᠰᠢᠬᠦᠨ ᠪᠤᠯᠬᠤ ᠪᠡᠷ ᠨᠠᠷᠠ ᠪᠠᠨ ᠲᠠᠩᠰᠠᠯᠠᠭᠤᠯᠵᠠᠢ᠃ ᠲᠡᠬᠦᠨᠤ ᠡᠨᠡᠬᠦ ᠬᠢᠳᠠᠯ ᠨᠢ ᠲᠡᠷᠭᠡᠳᠡᠬᠢ ᠬᠦᠮᠦᠰᠢ ᠳᠤᠭᠳᠤᠯᠤᠭᠤᠯᠵᠦ᠂ 《ᠬᠠᠯᠠᠭᠤᠨ ᠰᠡᠳᠬᠢᠯᠲᠤ ᠸᠠᠩ ᠡᠭᠡᠴᠢ》ᠭᠡᠮᠡᠨ ᠳᠠᠭᠤᠳᠠᠭᠰᠠᠨ ᠨᠢ ᠨᠡᠷᠠ ᠨᠢᠳᠠᠷ ᠲᠸ᠋ ᠪᠠᠨ ᠨᠡᠢᠴᠡᠭᠰᠡᠨ ᠭᠡᠵᠡᠭᠡᠯᠠ᠃
— ᠬᠦᠮᠦᠨ ᠭᠡᠳᠡᠭ ᠴᠢᠨᠢ ᠠᠮᠢᠳᠤ ᠪᠠᠢᠪᠠᠯ ᠨᠢᠭᠡ ᠨᠢᠭᠡᠨᠳᠤ ᠪᠠᠨ ᠬᠠᠢᠷᠠ ᠬᠠᠯᠠᠮᠵᠢ ᠪᠠᠨ ᠬᠦᠷᠭᠡᠵᠦ᠂ ᠨᠢᠭᠡ ᠭᠡᠷᠤᠨ ᠬᠦᠮᠦᠨ ᠮᠡᠲᠤ ᠲᠤᠲᠤᠨᠤ ᠶᠠᠪᠤᠬᠤ ᠨᠢ ᠴᠢᠬᠤᠯᠠ᠃ ᠮᠢᠨᠤ ᠬᠤᠳᠤᠭᠤᠳᠤ ᠭᠡᠮ ᠲᠠᠢ ᠴᠸ᠋ ᠪᠤᠰᠤᠳ ᠡᠷᠭᠡᠳᠡᠨ ᠡᠷᠡᠬᠦᠯ ᠰᠠᠷᠠᠭᠤᠯ ᠪᠠᠢᠭᠰᠠᠭᠠᠷ᠃ ᠡᠷᠡᠬᠦᠯ ᠰᠠᠷᠠᠭᠤᠯ ᠡᠷᠭᠡᠳᠡᠨ ᠮᠢᠨᠢ ᠬᠡᠨ ᠨᠢᠭᠡᠨᠤ ᠠᠮᠢ ᠨᠠᠰᠤ᠂ ᠠᠮᠢᠳᠤᠷᠠᠯᠳᠤ ᠨᠢ ᠦᠷᠬᠦᠯᠵᠢᠯᠡᠯ ᠪᠤᠯᠪᠠᠯ ᠮᠢᠨᠤ ᠬᠦᠮᠦᠨ ᠪᠤᠯᠤᠭᠰᠠᠨᠤ ᠮᠢᠨᠢ ᠤᠴᠢᠷ ᠤᠳᠬᠠ ᠪᠤᠯᠬᠤ ᠨᠢ ᠲᠡᠷᠡᠳᠠ ᠭᠡᠵᠦ ᠸᠠᠩ ᠱᠠ ᠵᠢᠨ ᠪᠠᠶᠠ ᠵᠢᠨ ᠡᠷᠭᠡᠳᠠᠨᠢᠶᠡᠨ ᠬᠠᠨᠳᠢᠪᠯᠠᠬᠤ ᠪᠤᠯᠤᠭᠰᠠᠨ ᠲᠤᠬᠠᠢ ᠪᠠᠨ ᠶᠠᠷᠢᠯᠠ᠃
《ᠬᠠᠢᠷᠠ ᠵᠢᠨ ᠤᠯᠪᠠᠭᠠ》 ᠡᠭᠦᠷᠢᠳᠡ ᠲᠠᠰᠤᠷᠠᠬᠤ ᠦᠬᠡᠢ
ᠠᠭᠠᠬᠢᠮᠠ ᠵᠤᠨᠤ ᠦᠬᠠᠢ ᠬᠤᠲᠠ ᠵᠢᠨ ᠡᠳᠦᠷᠤᠨ ᠲᠤᠯᠠᠭᠠᠨᠤ ᠬᠡᠮᠵᠢᠶᠠ 36 ᠭᠷᠠᠳᠦ᠋ᠰ ᠬᠦᠷᠦᠭᠰᠡᠨᠴᠤ ᠤᠯᠠᠭᠠᠨ ᠬᠠᠨᠵᠢᠶᠠᠷ ᠵᠢᠡᠨ ᠴᠠᠪ ᠬᠢᠳᠠᠯᠠ ᠡᠮᠦᠰᠦᠭᠰᠡᠨ《ᠤᠯᠠᠭᠠᠨ ᠠᠨᠠᠷ ᠰᠠᠢᠨ ᠲᠤᠷᠠ ᠵᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠬᠢ》 ᠵᠢᠨ ᠬᠡᠰᠢᠬᠦᠳ ᠮᠦᠨᠬᠦ ᠬᠦᠯᠦᠰᠤ ᠪᠠᠨ ᠤᠷᠤᠰᠬᠠᠨ ᠠᠵᠢᠯᠯᠠᠵᠦ ᠪᠠᠢᠯᠠ᠃ ᠲᠡᠳᠠ ᠨᠠᠢᠭᠡᠮ ᠲᠤᠭᠤᠷᠢᠭ ᠲᠡᠬᠢ ᠬᠤᠪᠢᠳᠠᠭᠰᠠᠨ ᠠᠵᠢᠯ ᠵᠢᠡᠨ ᠲᠠᠭᠤᠰᠬᠠᠭᠠᠳ ᠾᠸ ᠫᠢᠩ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠤᠭᠤᠷᠢᠭᠲᠤ ᠬᠦᠷᠴᠤ ᠪᠦᠬᠦ ᠤᠯᠤᠰᠤᠨ ᠦᠨᠳᠦᠰᠦᠲᠠᠨᠤ ᠪᠦᠯᠬᠦᠮᠳᠠᠯ ᠲᠠᠪᠢᠰᠢᠯᠲᠠ ᠵᠢᠨ ᠲᠠᠷᠢᠬᠦᠨᠤ ᠬᠤᠪᠢ ᠬᠦᠮᠦᠨ ᠯᠢᠥ ᠰᠢ ᠵᠢ ᠪᠤᠯᠭᠤᠭᠠᠨ ᠦᠵᠡᠬᠦ ᠵᠢᠨ ᠳᠠᠭᠠᠤ 《ᠨᠤᠮ ᠵᠠᠯᠠᠬᠤ》ᠪᠠᠷ ᠶᠠᠪᠤᠵᠦ ᠪᠠᠢᠯᠠ᠃
— ᠡᠳᠡ ᠴᠢᠨᠢ ᠮᠠᠨᠤ ᠨᠡᠢᠭᠡᠮ ᠲᠤᠭᠤᠷᠢᠭᠤᠨ《ᠤᠯᠠᠭᠠᠨ ᠠᠨᠠᠷ ᠰᠠᠢᠨ ᠲᠤᠷᠠ ᠵᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠬᠢ》 ᠵᠢᠨ ᠬᠡᠰᠢᠬᠦᠳ ᠪᠤᠯᠤᠨᠠ᠃ ᠸᠠᠩ ᠡᠭᠡᠴᠢ ᠴᠸ᠋《ᠤᠯᠠᠭᠠᠨ ᠠᠨᠠᠷ ᠰᠠᠢᠨ ᠲᠤᠷᠠ ᠵᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠬᠢ》 ᠵᠢᠨ ᠠᠩᠬᠠᠨᠤ ᠪᠦᠯᠦᠭᠤᠨ ᠰᠠᠢᠨ ᠲᠤᠷᠠ ᠵᠢᠨ ᠬᠡᠰᠢᠬᠦᠨ ᠪᠤᠯᠤᠨᠠ᠃ ᠲᠡᠳᠡ ᠠᠬᠠᠮᠠᠳ ᠪᠤᠭᠤᠷᠤᠯᠢᠶᠡᠨ ᠬᠠᠪᠰᠤᠷᠤᠨ ᠳᠡᠮᠵᠢᠬᠦ ᠪᠠᠷ ᠪᠠᠷᠠᠬᠤ ᠦᠬᠡᠢ《ᠨᠤᠮ ᠵᠠᠯᠠᠵᠦ》᠂ ᠴᠠᠭ ᠢᠮᠠᠭᠳᠠ ᠦᠪᠡᠷᠢ ᠪᠠᠨ ᠲᠡᠬᠦᠯᠳᠠᠷᠵᠢᠬᠦᠯᠵᠦ ᠶᠠᠪᠤᠭᠠ ᠰᠢᠦ ᠭᠡᠵᠦ ᠷᠸᠨ ᠶᠠᠨ ᠲᠠᠨᠢᠯᠴᠠᠭᠤᠯᠤᠨᠠ᠃
ᠦᠨᠳᠦᠷᠭᠡᠨ ᠪᠠᠶᠠ ᠲᠠᠢ᠂ ᠬᠠᠷᠠ ᠦᠮᠦᠳᠤ ᠴᠠᠭᠠᠨ ᠴᠠᠮᠴᠠ ᠡᠮᠦᠰᠴᠤ᠂ ᠵᠡᠬᠦᠨ ᠭᠠᠷᠲᠤ ᠪᠠᠨ ᠠᠯᠳᠠᠨ ᠦᠩᠭᠡ ᠵᠢᠨ ᠴᠠᠭ ᠬᠢᠯᠠᠯᠵᠠᠭᠤᠯᠤᠨ᠂《ᠮᠢᠨᠤ ᠬᠡᠤᠬᠡᠳᠤᠳ ᠢᠷᠡᠯᠠ》ᠭᠡᠮᠡᠨ ᠯᠢᠦ ᠰᠢ ᠡᠬᠦᠳᠠ ᠪᠠᠨ ᠨᠡᠭᠡᠭᠡᠵᠦ ᠪᠢᠳᠠᠨᠢ ᠤᠭᠳᠤᠨ ᠠᠪᠤᠯᠠ᠃ ᠯᠢᠦ ᠰᠢ ᠵᠢᠨ ᠪᠦᠰᠡᠬᠦᠢ ᠨᠢ ᠬᠡᠳᠦᠨ ᠵᠢᠯᠤᠨ ᠡᠮᠦᠨᠠ ᠨᠠᠰᠤ ᠪᠠᠷᠠᠵᠦ᠂ ᠬᠡᠦᠬᠡᠳ ᠠᠴᠢ ᠨᠠᠷᠲᠤ ᠪᠠᠨ ᠲᠠᠷᠤᠭᠠᠰᠤ ᠪᠤᠯᠬᠤ ᠦᠭᠡᠢ ᠬᠡᠳ ᠲᠡᠷᠡ ᠭᠠᠭᠴᠠᠭᠠᠷ ᠵᠢᠡᠨ ᠰᠠᠭᠤᠵᠦ ᠪᠤᠢ᠃ ᠬᠡᠷ ᠡᠷᠦᠭᠡ ᠨᠢ ᠴᠡᠪᠡᠷ ᠲᠤᠬᠢᠯᠢᠭ᠂ ᠬᠠᠨᠠ ᠲᠡᠭᠡᠷᠠ ᠪᠠᠨ ᠬᠡᠷ ᠪᠦᠯᠢ ᠵᠢᠨ ᠵᠢᠷᠤᠭ ᠰᠡᠬᠦᠳᠠᠷ ᠵᠢᠡᠨ ᠡᠯᠬᠦᠨ᠂ ᠤᠨᠳᠠᠯᠭᠠ ᠵᠢᠨ ᠦᠷᠦᠭᠡᠨᠤ ᠬᠢᠨᠢ ᠨᠤᠮᠤᠨ ᠲᠠᠯᠪᠢᠭᠤᠷ ᠲᠡᠭᠡᠷᠠ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠵᠢᠡᠨ ᠲᠦᠬᠦᠷᠠᠩ ᠲᠠᠯᠪᠢᠭᠰᠠᠨ ᠨᠢ ᠡᠨᠡ ᠬᠦᠮᠦᠨᠤ ᠠᠵᠢᠯ ᠦᠢᠡᠯᠰ ᠲᠡᠭᠡᠨ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠭᠰᠠᠨᠤ ᠬᠢᠨᠢ ᠭᠡᠷᠡᠴᠢ ᠪᠢᠯᠡ᠃
— ᠯᠢᠦ ᠡᠪᠦᠭᠡ ᠡ᠂ ᠪᠡᠶᠠ ᠰᠠᠢᠨ ᠤᠤ？ ᠤᠷᠴᠢᠮ ᠲᠡᠭᠷᠢ ᠬᠠᠯᠠᠭᠤᠨ ᠪᠠᠢᠨᠠᠳᠠ᠃ ᠲᠠᠨᠳᠤ ᠬᠠᠪᠰᠤᠷᠤᠭᠤᠯᠬᠤ ᠤᠴᠢᠷ ᠶᠠᠭᠤ ᠪᠠᠢᠨᠠ？
— ᠨᠠᠳᠠᠳᠤ ᠬᠠᠪᠰᠤᠷᠠᠭᠤᠯᠤᠮᠠᠷ ᠶᠠᠭᠤᠮᠠ ᠦᠬᠡᠢ᠃ ᠲᠠᠨᠤ ᠬᠡᠳᠦᠬᠦᠯᠡ ᠪᠦᠭᠦᠳᠡ ᠵᠢ ᠨᠢ ᠬᠢᠴᠢᠭᠡᠳᠡᠭ ᠪᠤᠯᠬᠤᠷ ᠡᠪᠦᠭᠡᠨ ᠪᠢ ᠴᠢᠨᠢ ᠵᠢᠷᠭᠠᠯᠳᠠᠢ ᠪᠠᠢᠨᠠ ᠭᠡᠳ ᠯᠢᠦ ᠰᠢ ᠢᠨᠢᠶᠡᠨᠠ᠃
ᠯᠢᠦ ᠰᠢ ᠵᠢᠨ ᠮᠤᠩᠭᠤᠯ ᠨᠠᠷᠠ ᠨᠢ ᠵᠢᠷᠠᠨᠨᠢᠭᠡ ᠭᠡᠳᠡᠭ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠤ ᠬᠤᠰᠢᠭᠤ ᠪᠡᠷ ᠨᠤᠳᠤᠭ ᠲᠠᠢ ᠮᠤᠩᠭᠤᠯ ᠬᠦᠮᠦᠨ᠃ ᠨᠤᠳᠤᠭᠲᠤ ᠪᠠᠨ ᠮᠠᠯ ᠮᠠᠯᠵᠢᠨ ᠲᠠᠷᠢᠶᠠ ᠲᠠᠷᠢᠵᠦ ᠪᠠᠢᠭᠰᠠᠨ ᠲᠡᠷᠡᠪᠠᠷ ᠨᠠᠶᠠᠭᠠᠳ ᠤᠨᠤ ᠡᠬᠢ ᠪᠡᠷ ᠦᠬᠠᠢ ᠬᠤᠲᠠ ᠵᠢᠨ ᠡᠭᠢ ᠪᠠᠶᠠᠯᠢᠭᠤᠨ ᠺᠤᠮᠫᠠᠨᠢᠳᠤ ᠢᠷᠠᠵᠦ ᠠᠵᠢᠯᠯᠠᠠ᠂ ᠦᠪᠡᠷᠤᠨ ᠬᠤᠪᠢᠳᠠᠭᠰᠠᠨ ᠠᠵᠢᠯ ᠵᠢᠡᠨ ᠰᠠᠢᠳᠤᠷ ᠬᠢᠬᠦ ᠡᠴᠡ ᠭᠠᠳᠠᠨᠠ ᠪᠤᠰᠤᠳᠢ ᠬᠠᠯᠠᠮᠵᠢᠯᠠᠵᠦ ᠬᠠᠪᠰᠤᠷᠬᠤ ᠪᠡᠷ ᠵᠤᠯ ᠵᠢᠷᠭᠠᠯ ᠵᠢᠡᠨ ᠪᠤᠯᠭᠠᠭᠰᠠᠭᠠᠷ ᠢᠷᠡᠪᠠ᠃
1986 ᠤᠨᠳᠤ ᠺᠤᠮᠫᠠᠨᠢ ᠨᠢ ᠵᠦᠭᠡᠯᠡᠨ ᠤᠰᠤᠨᠤ ᠠᠵᠢᠯᠯᠠᠬᠤ ᠲᠠᠰᠤᠭᠢ ᠪᠠᠢᠭᠤᠯᠬᠤ ᠪᠡᠷ ᠲᠤᠭᠳᠠᠵᠦ᠂ ᠵᠢᠯᠳᠤ 300 ᠲᠤᠨ ᠠᠵᠦ ᠦᠢᠯᠡᠳᠪᠦᠷᠢ ᠵᠢᠨ ᠲᠠᠪᠤᠰᠤ ᠪᠠ 12 ᠲᠤᠨ ᠲᠠᠪᠤᠰᠤᠨ ᠬᠦᠴᠢᠯᠢ ᠠᠭᠤᠰᠬᠠᠬᠤ ᠴᠢᠬᠤᠯᠠ ᠲᠠᠢ ᠪᠤᠯᠵᠡᠢ᠃ ᠢᠩᠬᠢᠭᠡᠳ ᠯᠢᠦ ᠰᠢ ᠡᠳᠦᠷ ᠪᠦᠷᠢ ᠦᠦᠷᠤᠨ ᠦᠨᠡᠭᠡᠨ ᠬᠠᠷᠠᠩᠭᠤᠢ ᠡᠴᠡ ᠦᠳᠡᠰᠢ ᠵᠢᠨ ᠬᠦᠨ ᠪᠤᠯᠲᠠᠯᠠ ᠨᠢᠭᠡ ᠨᠢᠭᠡ ᠬᠦᠷᠵᠠ ᠪᠡᠷ ᠲᠠᠪᠤᠰᠤ ᠵᠢ ᠲᠠᠪᠤᠰᠤ ᠬᠠᠢᠯᠤᠭᠤᠯᠬᠤ ᠴᠦᠬᠦᠷᠦᠮᠳᠤ ᠬᠢᠵᠦ ᠤᠷᠤᠭᠤᠯᠤᠨ᠂ ᠳᠠᠬᠢᠨ ᠴᠦᠬᠦᠷᠦᠮᠳᠤ ᠲᠤᠨᠤᠭᠰᠠᠨ ᠰᠢᠪᠠᠷᠢ ᠰᠠᠭᠰᠤ ᠰᠠᠭᠰᠤ ᠪᠡᠷ ᠭᠠᠳᠠᠭᠰᠢ ᠵᠦᠭᠡᠭᠡᠵᠦ ᠭᠠᠷᠭᠠᠳᠠᠭ᠃ ᠲᠠᠪᠤᠰᠤ ᠲᠡᠭᠡᠭᠡᠭᠰᠡᠨ ᠠᠴᠢᠶᠠᠨᠤ ᠲᠡᠷᠭᠡ ᠡᠬᠦᠳᠠᠨ ᠲᠡᠭᠡᠷᠠ ᠬᠦᠷᠬᠦ ᠪᠤᠯᠭᠠᠨ ᠲᠡᠷᠡ ᠪᠦᠷ ᠬᠠᠮᠤᠭᠤᠨ ᠲᠦᠷᠦᠬᠦᠨᠳᠤ ᠬᠦᠶᠦᠨ ᠭᠠᠷᠴᠤ᠂ 200 ᠺᠢᠯᠦᠭᠷᠠᠮ ᠬᠦᠨᠳᠤ ᠤᠭᠤᠳᠠ ᠲᠠᠢ ᠲᠠᠪᠤᠰᠤ ᠵᠢ ᠵᠢᠵᠢᠭ ᠤᠭᠤᠳᠠᠠᠳᠤ ᠬᠤᠪᠢᠶᠠᠨ ᠬᠢᠵᠦ᠂ ᠨᠢᠭᠡ ᠤᠷᠤᠢ ᠵᠢᠨ ᠴᠠᠭ ᠵᠢᠡᠷ ᠪᠦᠬᠦᠨᠢ ᠵᠦᠭᠡᠭᠡᠪᠦᠷᠢᠯᠡᠵᠦ ᠲᠠᠭᠤᠰᠬᠠᠳᠠᠭ ᠪᠠᠢᠯᠠ᠃
1993 ᠤᠨᠳᠤ᠂ ᠯᠢᠦ ᠰᠢ ᠲᠠᠢ ᠴᠤᠭ ᠠᠵᠢᠯᠯᠠᠵᠦ ᠪᠠᠢᠭᠰᠠᠨ ᠬᠠᠮᠳᠤ ᠠᠵᠢᠯᠳᠠᠨ ᠵᠠᠩ ᠡᠯ ᠽᠢ ᠠᠵᠢᠯᠤᠨ ᠪᠠᠢᠷᠢ ᠲᠡᠭᠡᠷᠠ ᠪᠠᠨ ᠬᠡᠨᠡᠳᠲᠠ ᠮᠠᠨᠠᠷᠠᠵᠦ ᠤᠢᠴᠢᠭᠠᠳ ᠤᠬᠠᠭᠠᠨ ᠠᠯᠳᠠᠵᠦ᠂ ᠲᠤᠬᠠᠢ ᠵᠢᠨ ᠦᠶᠠᠳᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠦᠬᠦᠮ ᠦᠭᠡᠢ ᠤᠴᠢᠷ ᠡᠴᠡ ᠯᠢᠦ ᠰᠢ ᠶᠠᠭᠤᠴᠤ ᠪᠤᠳᠤᠭᠰᠠᠨ ᠦᠭᠡᠢ ᠪᠡᠷ ᠲᠡᠬᠦᠨᠢ ᠡᠬᠦᠷᠴᠤ ᠺᠤᠮᠫᠠᠨᠢ ᠡᠴᠡ ᠨᠢ 5 ᠭᠠᠵᠠᠷ ᠬᠤᠯᠠ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤ ᠬᠦᠷᠭᠡᠵᠠᠢ᠃ ᠵᠠᠩ ᠡᠯ ᠽᠢ ᠵᠢᠨ ᠬᠤᠳᠤᠭᠤᠳᠤ ᠡᠴᠡ ᠨᠢ ᠴᠢᠰᠤ ᠭᠠᠷᠴᠤ᠂ ᠡᠮᠴᠢ ᠡᠴᠡ ᠬᠡᠷᠪᠠ ᠪᠠᠰᠠ ᠬᠡᠳᠦᠨ ᠮᠢᠨᠦ᠋ᠲ ᠤᠷᠤᠢᠳᠠᠵᠦ ᠢᠷᠡᠭᠰᠡᠨ ᠪᠤᠯ ᠠᠮᠢ ᠨᠠᠰᠤᠨᠤ ᠠᠶᠤᠯᠳᠤ ᠲᠤᠯᠭᠠᠷᠠᠬᠤ ᠪᠤᠯᠤᠨᠠ ᠬᠡᠵᠦ ᠬᠡᠯᠠ᠃ ᠯᠢᠦ ᠰᠢ ᠵᠢᠨ ᠦᠷᠦᠭᠡᠯᠤᠨ ᠲᠦᠯᠦᠭᠡ ᠦᠪᠡᠷᠢ ᠪᠠᠨ ᠦᠷᠡᠭᠳᠡᠬᠦᠯᠦᠭᠰᠡᠨ ᠦᠯᠢᠭᠡᠷ ᠵᠢᠱ᠌ᠢᠶᠠ ᠪᠠᠰᠠ ᠮᠤᠩ ᠦᠭᠡᠢ ᠤᠯᠠᠨ ᠪᠤᠢ᠃ ᠲᠡᠬᠦᠨᠤ ᠦᠯᠢᠭᠡᠷ ᠵᠢᠱ᠌ᠢᠶᠠ ᠨᠢ ᠠᠮᠠ ᠲᠠᠮᠵᠢᠨ ᠶᠠᠷᠢᠭᠳᠠᠵᠦ᠂ ᠬᠦᠮᠦᠰ ᠲᠡᠬᠦᠨᠢ《ᠠᠮᠢᠳᠤ ᠯᠸᠢ ᠹᠸᠩ》 ᠬᠡᠵᠦ ᠲᠤᠳᠤᠨᠤᠴᠢᠯᠠᠨ ᠲᠠᠭᠤᠳᠠᠳᠠᠭ᠃ 1994 ᠤᠨᠳᠤ᠂ ᠯᠢᠦ ᠰᠢ《ᠪᠦᠬᠦ ᠤᠯᠤᠰᠤᠨ ᠦᠨᠳᠦᠰᠦᠲᠠᠨᠤ ᠪᠦᠯᠬᠦᠮᠳᠠᠯᠲᠠᠪᠰᠢᠯᠲᠠ ᠵᠢᠨ ᠲᠡᠷᠢᠬᠦᠨᠤ ᠬᠤᠪᠢ ᠬᠦᠮᠦᠨ》᠂ 1997 ᠤᠨᠳᠤ《ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠠᠷᠪᠠᠨ ᠰᠢᠯᠢᠳᠡᠭ ᠠᠷᠠᠳ》 ᠵᠢᠡᠷ ᠰᠤᠩᠭᠤᠭᠳᠠᠪᠠ᠃
ᠤᠳᠤ ᠨᠠᠶᠠᠨ ᠨᠠᠰᠤ ᠵᠢ ᠵᠤᠭᠤᠭᠯᠠᠵᠦ ᠶᠠᠪᠤᠭᠠ ᠲᠡᠷᠡᠪᠠᠷ ᠠᠵᠢᠯ ᠡᠴᠡ ᠪᠠᠨ ᠠᠮᠠᠷᠠᠭᠰᠠᠨᠴᠤ ᠮᠦᠨ ᠯᠡ ᠪᠤᠰᠤᠳᠤᠨ ᠲᠦᠯᠦᠭᠡ ᠵᠢᠳᠬᠦᠵᠦ᠂ ᠦᠪᠡᠷᠤᠨ ᠬᠠᠪᠢᠳᠠᠭᠰᠠᠨ ᠬᠡᠪᠴᠢᠶᠠᠨ ᠲᠤᠳᠤᠷᠠ ᠪᠠᠨ ᠦᠷᠬᠦᠯᠵᠢᠯᠡᠨ ᠪᠤᠰᠤᠳᠤᠨ ᠲᠦᠯᠦᠭᠡ ᠶᠠᠭᠤ ᠨᠢᠭᠡ ᠵᠢ ᠬᠢᠭᠰᠡᠭᠡᠷ ᠢᠷᠡᠵᠠᠢ᠃ ᠵᠡᠷᠭᠡᠯᠡᠳᠡᠭᠡ ᠠᠢᠯᠤᠨ ᠨᠠᠰᠤᠲᠠᠢᠴᠤᠳᠤᠨ ᠴᠢᠰᠦᠨ ᠲᠠᠷᠤᠯᠲᠠ ᠵᠢ ᠨᠢ ᠰᠠᠨᠠᠭᠠᠴᠢᠯᠠᠭᠠ ᠡᠴᠡ ᠪᠠᠨ ᠬᠡᠮᠵᠢᠵᠦ ᠦᠭᠬᠦ᠂ ᠦᠰᠤ ᠬᠡᠵᠢᠭᠡ ᠵᠢ ᠨᠢ ᠬᠠᠢᠴᠢᠯᠠᠬᠤ᠂ ᠤᠤᠯᠤᠨ ᠠᠵᠢᠯᠯᠠᠵᠦ ᠪᠠᠢᠭᠰᠠᠨ ᠺᠤᠮᠫᠠᠨᠢ ᠵᠢᠨ ᠵᠢᠡᠨ ᠬᠦᠷᠢᠶᠠ ᠬᠠᠰᠢᠶᠠ ᠵᠢ ᠴᠡᠪᠡᠷᠯᠡᠠ᠂ ᠬᠦᠷᠢᠶᠠᠨᠤ ᠮᠤᠳᠤ ᠴᠡᠴᠡᠭᠢ ᠨᠢ ᠤᠰᠤᠯᠠᠬᠤ ᠁ ᠡᠳᠡᠭᠡᠷ ᠡᠩ ᠶᠠᠷᠦᠮᠳᠡᠭ ᠠᠵᠢᠯ ᠨᠢ ᠯᠢᠦ ᠰᠢ ᠵᠢᠨ ᠠᠮᠢᠳᠤᠷᠠᠯᠢ ᠦᠨᠠ ᠴᠡᠨᠠ ᠲᠠᠢ ᠪᠤᠯᠭᠠᠪᠠ᠃
《ᠬᠦᠮᠦᠨ ᠨᠢᠭᠡ ᠤᠳᠠᠭᠠ ᠰᠠᠢᠨ ᠠᠵᠢᠯᠬᠢᠬᠦᠳᠤ ᠬᠢᠯᠪᠠᠷ᠂ ᠬᠠᠷᠢᠨ ᠨᠠᠰᠤ ᠪᠡᠷ ᠵᠢᠡᠨ ᠰᠠᠢᠨ ᠠᠵᠢᠯ ᠬᠢᠬᠦᠨᠢ ᠬᠦᠴᠢᠷ ᠰᠢᠤ！》ᠬᠡᠬᠦ ᠯᠢᠦ ᠰᠢ ᠵᠢᠨ ᠶᠠᠷᠢᠭᠰᠠᠨ ᠦᠬᠡ ᠰᠠᠢᠨ ᠳᠤᠷᠠᠴᠤᠳᠤᠨ《ᠨᠤᠮ ᠵᠠᠯᠠᠬᠤ》 ᠪᠤᠯᠤᠭᠰᠠᠨᠤ ᠤᠳᠬᠠ ᠵᠢ ᠲᠠᠢᠯᠤᠯᠠ᠃