ᠬᠤᠯᠪᠤᠭᠠᠰᠦ ᠄
● ᠠᠪᠠᠭᠠ ᠬᠤᠰᠢᠭᠤᠨᠳᠤ ᠪᠥᠬᠥ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠠᠮᠲᠤ ᠨᠢᠭᠡᠴᠢ 1᠂ ᠪᠥᠬᠥ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠤᠪᠢ ᠬᠥᠮᠥᠨ 1 ᠪᠤᠢ᠃
● ᠠᠪᠠᠭᠠ ᠬᠤᠰᠢᠭᠤᠨᠳᠤ ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠨᠢᠭᠡᠴᠢ 3᠂ ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠠᠮᠲᠤ ᠨᠢᠭᠡᠴᠢ 6᠂ ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠤᠪᠢ ᠬᠥᠮᠥᠨ 8 ᠪᠤᠢ᠃
● ᠠᠪᠠᠭᠠ ᠬᠤᠰᠢᠭᠤᠨᠳᠤ ᠠᠢᠮᠠᠭᠤᠨ ᠲᠡᠰᠦᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠨᠢᠭᠡᠴᠢ 8᠂ ᠠᠢᠮᠠᠭᠤᠨ ᠲᠡᠰᠦᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠠᠮᠲᠤ ᠨᠢᠭᠡᠴᠢ 24᠂ ᠠᠢᠮᠠᠭᠤᠨ ᠲᠡᠰᠦᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠤᠪᠢ ᠬᠥᠮᠥᠨ 46 ᠪᠣᠶ ᠃
● ᠠᠪᠠᠭᠠ ᠬᠤᠰᠢᠭᠤᠨᠳᠤ ᠬᠤᠰᠢᠭᠤᠨ ᠲᠡᠰᠦᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠨᠢᠭᠡᠴᠢ 24᠂ ᠬᠣᠰᠢᠭᠤᠨᠲᠡᠰᠦᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠠᠮᠲᠤ ᠨᠢᠭᠡᠴᠢ 69 ᠂ ᠬᠣᠰᠢᠭᠤᠨᠲᠡᠰᠦᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠤᠪᠢ ᠬᠥᠮᠥᠨ 105 ᠪᠤᠢ᠃
● ᠠᠪᠠᠭᠠ ᠬᠤᠰᠢᠭᠤ ᠪᠦᠬᠦ ᠤᠷᠤᠨ ᠤ᠋ ᠠᠩᠬᠠᠳᠠᠬ᠍ᠴᠢ ᠮᠠᠯᠵᠢᠬᠤ ᠤᠷᠤᠨ ᠤ᠋ ᠨᠠᠰᠤᠳᠠᠢᠴᠤᠳ ᠢ᠋ ᠠᠰᠠᠷᠠᠬᠤ ᠦᠢᠯᠡᠴᠢᠯᠡᠭᠡᠨ ᠤ᠋ ᠲᠦᠪ ᠢ ᠡᠬᠦᠰᠭᠡᠨ ᠪᠠᠢᠭᠤᠯᠪᠠ ᠃
ᠦᠨᠦ ᠵᠢᠯ ᠪᠤᠷᠤᠭᠠᠨ ᠬᠤᠷᠠ ᠴᠤ᠌ ᠰᠠᠢᠨ᠂ ᠨᠠᠢᠷ ᠨᠠᠭᠠᠳᠤᠮ ᠴᠤ᠌ ᠰᠠᠢᠬᠠᠨ ᠪᠤᠯᠤᠯᠠ ᠁ ᠭᠡᠵᠤ 《 ᠬᠠᠯᠠᠮᠵᠢ 》 ᠶ᠋ᠢᠨ ᠡᠬᠦᠳᠡ ᠪᠡᠷ ᠮᠠᠢᠵᠢᠬᠢᠨᠠᠩᠬᠠᠨ ᠤᠷᠤᠵᠤ ᠢᠷᠡᠭᠰᠡᠨ ᠬᠡᠳᠤᠨ ᠪᠤᠭᠤᠷᠤᠯᠴᠤᠳ ᠮᠠᠨᠢ ᠠᠪᠠᠭᠠ ᠬᠣᠰᠢᠭᠤᠨᠤ ᠬᠠᠯᠠᠮᠵᠢ ᠨᠠᠰᠤᠲᠠᠢᠴᠤᠳᠤᠨ ᠠᠰᠠᠷᠠᠮᠵᠢ ᠵᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠥᠪ ᠢ᠋ᠶ᠋ᠠᠷ ᠰᠤᠷᠪᠤᠯᠵᠢᠯᠠᠨ ᠬᠦᠷᠦᠭᠰᠡᠨ ᠪᠢᠳᠡᠨ ᠤ᠋ ᠲᠤᠷᠠᠨ ᠳ᠋ᠤ᠌ ᠰᠡᠬᠦᠳᠡᠷᠯᠡᠭᠳᠡᠵᠤ᠂ ᠰᠤᠷᠪᠤᠯᠵᠢᠯᠠᠭᠠ ᠶ᠋ᠢᠨ ᠦᠯᠢᠬᠡᠷ ᠤ᠋ᠨ ᠤᠭᠤᠳᠠ ᠨᠡᠭᠡᠭᠡᠭᠳᠡᠭᠰᠡᠨ ᠮᠠᠨᠢ ᠡᠨᠡ ᠠᠵᠢ ᠃
《 ᠦᠨᠦ ᠵᠢᠯ ᠤ᠋ᠨ ᠬᠤᠰᠢᠭᠤ ᠨᠠᠭᠠᠳᠤᠮ ᠭᠤᠶᠤ ᠬᠡᠬᠦ ᠳ᠋ᠤ᠌ ᠮᠢᠨᠤ ᠪᠡᠶᠡ ᠴᠤ᠌ ᠬᠢᠩᠭᠠ ᠪᠠᠢᠨᠠ ᠰᠢᠤ ᠂ ᠭᠤᠷᠪᠠᠨ ᠡᠳᠤᠷ ᠨᠠᠢᠷ ᠦᠵᠡᠴᠢᠭᠡᠯᠡ ᠂ ᠬᠦᠯ ᠭᠠᠷ ᠨᠢᠷᠤᠭᠤ ᠲᠤᠷᠤᠭᠤ ᠭᠡᠵᠤ ᠡᠪᠡᠳᠦᠭᠰᠡᠨ ᠵᠦᠢᠯ ᠴᠤ᠌ ᠠᠯᠠᠭᠠ ᠂ 《 ᠬᠠᠷᠢᠮ ᠬᠡᠮ ᠂ ᠲᠠᠷᠤᠯᠳᠡ ᠡᠨᠡ ᠲᠡᠷᠡ ᠴᠤ᠌ ᠬᠡᠪ ᠤ᠋ᠨ᠂ ᠰᠡᠳᠬᠢᠯ ᠶᠡᠬᠡ ᠰᠡᠷᠬᠦᠯᠡ 》᠂ 《 ᠨᠦᠭᠦᠭᠡ ᠲᠦᠯᠦᠪᠦᠷᠢ ᠦᠬᠡᠢ ᠨᠡᠢᠳᠡ ᠶ᠋ᠢᠨ ᠮᠠᠰᠢᠨ ᠨᠢ ᠪᠢᠳᠡᠨ ᠢ᠋ ᠬᠠᠯᠠᠮᠵᠢ ᠶ᠋ᠢᠨ ᠡᠬᠦᠳᠡᠨ ᠠ᠋ᠴᠠ ᠰᠢᠭᠤᠳ ᠯᠡ ᠲᠡᠷᠢᠬᠦᠯᠡᠭᠴᠢ ᠶ᠋ᠢᠨ ᠲᠠᠢᠰᠠᠨ ᠤ᠋ ᠬᠠᠵᠠᠭᠤᠳᠠ ᠬᠦᠷᠭᠡᠵᠤ ᠦᠭᠬᠦᠨᠡ᠂ ᠤᠴᠢᠵᠤ ᠦᠵᠡᠯ ᠦᠬᠡᠢ ᠶᠠᠭᠠᠬᠢᠬᠤ ᠪᠤᠢ 》 ᠁
ᠡᠭᠡᠯ ᠴᠡᠪᠡᠷᠭᠡᠨ ᠭᠣᠷᠪᠠᠨ᠌ ᠡᠮᠵᠢᠶᠡᠷᠢ ᠲᠠᠢ ᠲᠡᠪᠡᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠤᠶᠤᠬ᠍ᠰᠠᠨ ᠬᠠᠯᠠᠮᠵᠢ ᠶ᠋ᠢᠨ ᠨᠠᠢᠷ ᠦᠵᠡᠭᠰᠡᠨ ᠨᠠᠰᠤᠳᠠᠢᠴᠤᠳ ᠪᠢᠳᠡᠨ ᠤ᠋ ᠰᠤᠷᠪᠤᠯᠵᠢᠯᠠᠭᠠ ᠶ᠋ᠢ ᠪᠠᠶᠠᠷᠳᠠᠢ ᠬᠦᠯᠢᠶᠡᠨ᠂ ᠬᠠᠯᠠᠮᠵᠢ ᠶ᠋ᠢᠨ ᠦᠯᠢᠬᠡᠷ᠂ ᠲᠦᠷᠦ ᠶ᠋ᠢᠨ ᠰᠠᠢᠬᠠᠨ᠂ ᠨᠠᠮ ᠤ᠋ᠨ ᠬᠠᠢᠷᠠ᠂ ᠠᠷᠠᠳ ᠤ᠋ᠨ ᠵᠢᠷᠭᠠᠯ ᠡᠢᠨᠬᠦ ᠲᠡᠮᠳᠡᠭᠯᠡᠭᠳᠡᠯᠡ ᠃
ᠡᠪ ᠢ᠋ᠶ᠋ᠠᠷ ᠲᠦᠰᠢᠯᠴᠡᠳᠡᠭ ᠬᠣᠷᠸᠠ ᠳ᠋ᠥ ᠬᠠᠢᠷᠠ ᠶ᠋ᠢᠨ ᠳᠠᠭᠣᠣ ᠣᠶᠠᠩᠭᠠᠷᠠᠵᠣ᠌᠂ ᠬᠠᠢᠷᠠ ᠪᠠᠷ ᠬᠡᠯᠬᠢᠭᠰᠡᠨ 《 ᠬᠠᠯᠠᠮᠵᠢ 》 ᠳ᠋ᠤ᠌᠂ ᠵᠢᠷᠭᠠᠯ ᠤ᠋ᠨ ᠲᠤᠤᠯᠢ ᠬᠠᠢᠯᠤᠬ᠍ᠳᠠᠨᠠ ᠁ ᠰᠠᠢᠬᠠᠨ ᠳᠠ᠂ ᠰᠠᠢᠬᠠᠨ ！
ᠨᠠᠢᠷ ᠲᠠᠢ ᠡᠨᠡ ᠣᠷᠴᠢᠯᠠᠩ ᠳ᠋ᠥ ᠨᠠᠷᠭᠢᠵᠦ ᠢᠨᠢᠶᠡᠵᠦ ᠠᠮᠢᠳᠣᠷᠠᠬᠣ᠌ ᠰᠠᠢᠬᠠᠨ
《 ᠡᠭᠦᠳᠡ ᠪᠡᠨ ᠬᠠᠭᠠᠵᠤ ᠪᠢ ᠠᠮᠢᠳᠤᠷᠠᠯ ᠪᠤᠴᠠᠯᠭᠠᠳᠠᠭ᠂ ᠡᠭᠦᠳᠡ ᠪᠡᠨ ᠨᠡᠭᠡᠭᠡᠵᠤ ᠪᠢ ᠵᠢᠷᠭᠠᠯ ᠳ᠋ᠤ᠌ ᠴᠡᠡᠭᠭᠡᠳᠡᠭ 》᠂ 《 ᠠᠢᠯ ᠡᠷᠦᠬᠡ ᠲᠤᠰ ᠲᠤᠰ ᠲᠠᠭᠠᠨ ᠲᠤᠭᠤᠭᠠᠯᠠᠵᠤ᠂ ᠠᠮᠢᠳᠤᠷᠠᠯ ᠦᠷᠬᠦᠯᠵᠢᠯᠡᠨᠡ᠂ ᠠᠢᠯ ᠰᠠᠭᠠᠬᠠᠯᠲᠠ ᠪᠡᠷ ᠢ᠋ᠶ᠋ᠠᠨ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠵᠦ᠂ ᠢᠨᠢᠶᠡᠳᠤ ᠵᠢᠷᠭᠠᠯ ᠦᠷᠬᠦᠯᠵᠢᠯᠡᠨᠡ 》 ᠁ ᠡᠨᠡ ᠪᠣᠯ ᠠᠪᠠᠭᠠ ᠬᠣᠰᠢᠭᠤᠨᠤ 《ᠬᠠᠯᠠᠮᠵᠢ》 ᠨᠠᠰᠤᠲᠠᠢᠴᠤᠳᠤᠨ ᠠᠰᠠᠷᠠᠮᠵᠢ ᠵᠢᠨ ᠦᠢᠯᠡᠴᠢᠯᠡᠭᠡᠨᠤ ᠲᠥᠪ ᠤ᠋ᠨ ᠤᠳᠤ ᠶ᠋ᠢᠨ ᠪᠠᠢᠳᠠᠯ᠂ ᠠᠪᠠᠭᠠ ᠪᠤᠭᠤᠷᠤᠯᠴᠤᠳ ᠤ᠋ᠨ ᠦᠳᠡᠯᠦᠬᠡ ᠨᠠᠰᠤᠨ ᠤ᠋ ᠠᠮᠢᠳᠤᠷᠠᠯ ᠃
ᠡᠨᠡᠬᠦ ᠲᠥᠪ ᠨᠢ ᠠᠪᠠᠭᠠ ᠬᠤᠰᠢᠭᠤᠨᠤ ᠭᠣᠣᠯᠳᠠᠯᠭᠠᠲᠠᠢ ᠪᠦᠲᠦᠭᠡᠨ ᠪᠠᠢᠭᠤᠯᠤᠭᠰᠠᠨ 《 ᠠᠷᠠᠳᠠᠴᠠ ᠡᠷᠬᠢᠯᠡᠵᠦ ᠠᠯᠪᠠᠨᠠᠴᠠ ᠲᠡᠮᠵᠢᠬᠦ 》 ᠰᠢᠨᠵᠢ ᠴᠢᠨᠠᠷᠲᠠᠢ ᠨᠠᠰᠤᠳᠠᠨ ᠤ᠋ ᠠᠰᠠᠷᠠᠮᠵᠢᠶᠢᠨ ᠪᠠᠢᠭᠤᠯᠤᠮᠵᠢ ᠪᠣᠯᠣᠨᠠ ᠃ 2014 ᠤᠨ ᠳ᠋ᠤ᠌᠂ ᠠᠪᠠᠭᠠ ᠬᠤᠰᠢᠭᠤᠨᠤ ᠶᠡᠷᠡᠭᠡᠳ ᠣᠨᠤ ᠦᠶᠡᠶᠢᠨ ᠨᠠᠮ ᠵᠠᠰᠠᠭᠤᠨ ᠠᠯᠪᠠᠨ ᠠᠰᠠᠷ ᠵᠢᠴᠢ ᠤᠢᠷᠠ ᠬᠠᠪᠢ ᠶᠢᠨ ᠰᠤᠯᠠ ᠰᠡᠯᠡᠬᠦᠦ 12 ᠠᠰᠠᠷ ᠢ ᠵᠠᠰᠠᠨ ᠦᠬᠡᠷᠡᠴᠢᠯᠡᠵᠤ᠂ ᠨᠠᠰᠤᠳᠠᠢᠴᠤᠳ ᠤ᠋ᠨ ᠠᠳᠠᠯᠢ ᠪᠤᠰᠤ ᠶ᠋ᠢᠨ ᠱᠠᠭᠠᠷᠳᠠᠯᠭᠠ ᠳ᠋ᠤ᠌ ᠵᠤᠬᠢᠴᠠᠭᠤᠯᠤᠨ᠂ ᠪᠠᠢᠷᠢ ᠶ᠋ᠢᠨ ᠭᠡᠷ ᠢ᠋ 30 — 60 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ ᠤ᠋ᠨ ᠬᠡᠮᠵᠢᠶᠡ ᠪᠡᠷ ᠠᠳᠠᠯᠢ ᠪᠤᠰᠤ ᠪᠠᠢᠭᠤᠯᠪᠠ ᠃ ᠪᠠᠷᠢᠯᠭᠠ ᠶ᠋ᠢᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠶ ᠨᠢ 1.9 ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠪᠠᠢᠵᠤ᠂ 1.48 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠦᠨ ᠪᠡᠯᠡ ᠣᠷᠣᠭᠤᠯᠵᠤ ᠂ ᠨᠡᠶ᠋ᠢᠲᠡ 646 ᠣᠷᠣ᠌ᠲᠠᠢ᠂ ᠣᠳᠣ᠌ ᠪᠡᠷ 150 ᠭᠠᠷᠤᠢ ᠡᠷᠤᠬᠡ ᠤᠷᠤᠵᠤ ᠪᠠᠭᠤᠳᠠᠯᠯᠠᠵᠤ᠂ 270 ᠭᠠᠷᠤᠢ ᠬᠦᠮᠦᠨ ᠠᠮᠠ ᠲᠠᠢ ᠶᠡᠬᠡ ᠬᠡᠷ ᠪᠦᠯᠢ ᠠᠮᠢᠳᠤᠷᠠᠵᠤ ᠪᠠᠢᠨᠠ ᠃
ᠰᠤᠷᠭᠠᠭᠤᠯᠢ ᠨᠤᠭᠤᠳ ᠢ᠋ ᠴᠤᠮᠬᠠᠳᠬᠠᠭᠰᠠᠨ ᠲᠡᠷᠡ ᠴᠠᠭ ᠡᠴᠡ ᠯᠡ ᠪᠠᠢᠬᠠ᠂ ᠬᠦᠳᠡᠭᠡ ᠶ᠋ᠢᠨ ᠤᠯᠠᠨ ᠪᠤᠭᠤᠷᠤᠯᠴᠤᠳ ᠤᠮᠪᠤᠯᠤ ᠪᠡᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠠᠭᠤᠯᠭᠠᠬᠤ ᠭᠡᠮᠡᠨ ᠬᠤᠰᠢᠭᠤᠨ ᠲᠦᠪ ᠢ᠋ᠶ᠋ᠠᠷ ᠭᠡᠷ ᠪᠠᠢᠰᠢᠩ ᠲᠦᠷᠢᠶᠡᠰᠦᠯᠡᠨ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠪᠢᠯᠡ ᠃ ᠢᠩᠬᠢᠵᠦ ᠬᠦᠳᠡᠭᠡ ᠶ᠋ᠢᠨ ᠪᠤᠭᠤᠷᠤᠯᠴᠤᠳ ᠤ᠋ᠨ ᠨᠡᠬᠦᠳᠡᠯ ᠤ᠋ᠨ ᠴᠦᠷᠬᠦᠯᠡᠭᠡ ᠴᠦᠷᠬᠦᠯᠡᠨ ᠪᠠᠢᠬ᠍ᠰᠠᠨ ᠪᠣᠯ 2014 ᠣᠨ ᠠ᠋ᠴᠠ ᠡᠨᠳᠡ ᠤᠯᠠᠨ ᠪᠤᠭᠤᠷᠤᠯᠴᠤᠳ ᠬᠠᠶᠠᠭᠠ ᠲᠠᠷᠤᠨ ᠪᠠᠭᠤᠴᠠᠯᠠᠵᠦ ᠬᠠᠮᠤᠭ ᠤᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠤᠷᠠᠨ ᠴᠤᠬ᠍ᠯᠠᠷᠠᠨ 《 ᠰᠢᠨᠡ ᠠᠮᠢᠳᠤᠷᠠᠯ 》 ᠢᠶᠠᠨ ᠡᠬᠢᠯᠡᠬᠦᠯᠦᠭᠰᠡᠨ ᠪᠢᠯᠡ᠃
《 ᠮᠠᠨ ᠤ᠋ ᠲᠦᠪ ᠪᠤᠯ ᠪᠦᠬᠦ ᠤᠷᠤᠨ ᠤ᠋ ᠠᠩᠬᠠᠳᠠᠬ᠍ᠴᠢ ᠮᠠᠯᠵᠢᠬᠤ ᠤᠷᠤᠨ ᠤ᠋ ᠨᠠᠰᠤᠳᠠᠢᠴᠤᠳ ᠢ᠋ ᠠᠰᠠᠷᠠᠬᠤ ᠲᠤᠷᠰᠢᠯᠳᠡ ᠶ᠋ᠢᠨ ᠴᠡᠭ᠂ ᠮᠠᠯᠵᠢᠬᠤ ᠤᠷᠤᠨ ᠤ᠋ ᠲᠤᠳᠠᠬ᠍ᠳᠠᠯ ᠢ᠋ ᠨᠦᠬᠦᠪᠦᠷᠢᠯᠡᠭᠰᠡᠨ ᠰᠢᠨᠡ ᠵᠠᠬ᠍ᠪᠤᠷ ᠃ ᠪᠢᠳᠡ ᠵᠦᠪᠭᠡᠨ ᠨᠠᠰᠤᠳᠠᠢᠴᠤᠳ ᠤ᠋ᠨ ᠦᠳᠡᠯᠦᠬᠡ ᠨᠠᠰᠤᠨ ᠤ᠋ ᠠᠮᠢᠳᠤᠷᠠᠯ ᠢ᠋ ᠰᠢᠢᠳᠪᠤᠷᠢᠯᠡᠭᠰᠡᠨ ᠪᠢᠰᠢ ᠬᠠᠷᠢᠨ ᠭᠤᠷᠪᠠᠨ ᠦᠶᠡ ᠶ᠋ᠢᠨ ᠬᠦᠮᠦᠰ ᠲᠤ᠌ ᠠᠰᠢᠭ᠋ ᠬᠦᠷᠳᠡᠭᠡᠵᠤ ᠪᠤᠢ᠂ ᠨᠠᠰᠤᠳᠠᠢᠴᠤᠳ ᠦᠳᠡᠯᠦᠭᠡ ᠨᠠᠰᠤ ᠪᠠᠨ ᠵᠢᠷᠭᠠᠯ ᠲᠠᠢ ᠦᠩᠭᠡᠷᠡᠬᠦᠯᠦᠨᠡ᠂ ᠤᠮᠪᠤᠯᠤ ᠲᠤᠮᠪᠤᠯᠤ ᠪᠢᠴᠢᠭ ᠰᠤᠶᠤᠯ ᠤ᠋ᠨ ᠮᠦᠷ ᠬᠦᠬᠡᠬᠡᠨᠡ ᠂ ᠠᠪᠤ ᠡᠵᠢ ᠨᠢ ᠰᠠᠨᠠᠭᠠ ᠠᠮᠤᠷ ᠠᠵᠤ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠰᠢᠭᠤᠷᠬᠠᠢᠯᠠᠨᠠ 》 ᠭᠡᠵᠤ ᠠᠪᠠᠭᠠ ᠬᠣᠰᠢᠭᠤᠨ ᠤ 《ᠬᠠᠯᠠᠮᠵᠢ 》 ᠨᠠᠰᠤᠲᠠᠢᠴᠤᠳᠤᠨ ᠠᠰᠠᠷᠠᠮᠵᠢ ᠵᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠲᠥᠪᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠽᠧᠦ ᠶᠠᠨ ᠸᠸᠨ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳ᠋ᠡᠭᠡᠨ ᠶᠠᠷᠢᠵᠤ ᠪᠠᠢᠯᠠ ᠃
ᠬᠦᠮᠦᠰ《 ᠬᠠᠯᠠᠮᠵᠢ 》ᠪᠠᠨ ᠦᠳᠡᠯᠦᠭᠡ ᠪᠤᠭᠤᠷᠤᠯᠴᠤᠳ ᠤ᠋ᠨ ᠵᠢᠷᠭᠠᠯ ᠤ᠋ᠨ ᠤᠷᠤᠨ᠂ ᠦᠰᠪᠤᠷᠢ ᠶ᠋ᠢᠨ ᠬᠡᠤᠬᠡᠳ ᠤ᠋ᠨ ᠴᠡᠩᠬᠡᠯ ᠤ᠋ᠨ ᠤᠷᠳᠤᠨ᠂ ᠢᠳᠡᠷ ᠵᠠᠯᠠᠭᠤᠴᠤᠳ ᠤ᠋ᠨ ᠠᠮᠠᠷᠠᠯᠳᠡ ᠶ᠋ᠢᠨ ᠦᠷᠳᠡᠭᠡ ᠭᠡᠮᠡᠨ ᠲᠤᠳᠤᠨᠤᠴᠢᠯᠠᠨ ᠲᠠᠭᠤᠳᠠᠨᠠ ᠃
— ᠦᠨᠳᠦᠷ ᠠᠪᠤ ᠡ᠂ ᠮᠠᠨ ᠤ ᠬᠤᠶᠡᠷ ᠨᠠᠰᠤᠳᠠᠨ ᠢ᠋ ᠬᠠᠷᠠᠵᠤ ᠪᠠᠢ ᠬᠡᠵᠤ ᠬᠡᠯᠡᠭᠡᠳ ᠰᠠᠨᠠᠭᠠ ᠠᠮᠤᠷ ᠬᠦᠳᠡᠭᠡ ᠪᠠᠨ ᠪᠤᠴᠠᠨ ᠠᠵᠢᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠶᠠᠭᠠᠷᠠᠭᠠᠳ ᠭᠤᠴᠢ ᠲᠦᠴᠢᠨ ᠬᠤᠨᠤᠭ ᠪᠤᠯᠤᠭᠠᠳ ᠰᠠᠶᠢ ᠨᠠᠰᠤᠳᠠᠳᠢᠶᠠᠨ ᠡᠷᠬᠢᠵᠦ ᠦᠵᠡᠬᠦ ᠶᠤᠮ᠂ ᠪᠦᠷ ᠰᠠᠨᠠᠭᠠ ᠠᠮᠤᠷ》 ᠭᠡᠵᠤ ᠠᠪᠠᠭᠠ ᠬᠣᠰᠢᠭᠤᠨᠤ 《ᠬᠠᠯᠠᠮᠵᠢ》 ᠨᠠᠰᠤᠲᠠᠢᠴᠤᠳᠤᠨ ᠠᠰᠠᠷᠠᠮᠵᠢ ᠵᠢᠨ ᠦᠢᠯᠡᠴᠢᠯᠡᠭᠡᠨᠤ ᠲᠥᠪᠤᠨ ᠠᠵᠢᠯᠳᠠᠨ ᠠᠶᠤᠰᠢ ᠭᠤᠸᠠᠢ ᠬᠡᠯᠡᠨᠡ ᠃
ᠠᠶᠤᠰᠢ ᠭᠤᠸᠠᠢ ᠦᠪᠡᠷ ᠵᠢᠨᠨ ᠴᠤ᠌ ᠭᠡᠰᠡᠨ ᠬᠤᠰᠢᠭᠤᠨᠳᠤ ᠭᠡᠷ ᠲᠦᠷᠢᠶᠡᠰᠦᠯᠡᠨ᠂ ᠤᠮᠪᠤᠯᠤᠪᠠᠨ ᠪᠢᠴᠢᠭ ᠦᠵᠡᠬᠦᠯᠵᠦ ᠪᠠᠢᠬ᠍ᠰᠠᠨ ᠪᠣᠯ 2017 ᠤᠨ ᠤ᠋ 9 ᠰᠠᠷᠠ ᠳ᠋ᠤ᠌ ᠬᠠᠯᠠᠮᠵᠢ ᠳᠤ ᠪᠠᠭᠤᠴᠠᠯᠠᠵᠤ᠂ ᠬᠠᠯᠠᠮᠵᠢᠶᠢᠨ ᠨᠢᠭᠡ ᠬᠡᠰᠢᠬᠦᠨ ᠪᠤᠯᠤᠬ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠲᠥᠪ ᠪᠤᠯᠤᠨ ᠨᠠᠰᠤᠳᠠᠢᠴᠤᠳᠤᠨ ᠬᠤᠭᠤᠷᠤᠨᠳᠤ 《ᠬᠡᠯᠡ ᠪᠤᠯᠳᠠᠭ᠂ ᠬᠥᠯ ᠪᠤᠯᠳᠠᠭ 》 ᠠᠵᠢᠯᠲᠠᠨ ᠪᠤᠯᠵᠤ᠂ 《 ᠦᠨᠳᠥᠷ ᠠᠬᠠ 》 ᠨᠡᠷᠡ ᠬᠠᠳᠠᠩᠰᠢᠵᠡᠢ ᠃
— ᠪᠢᠳᠡ ᠤᠤᠯ ᠨᠢ ᠤᠮᠪᠤᠯᠤᠪᠠᠨ ᠪᠢᠴᠢᠭ ᠦᠵᠡᠬᠦᠯᠬᠦ ᠭᠡᠳ ᠡᠬᠦᠳᠡᠨ ᠭᠡᠷ ᠲᠦᠷᠢᠶᠡᠰᠦᠯᠡᠭᠡᠳ ᠵᠢᠯᠦᠨ 7000 ᠊᠊ 8000 ᠲᠦᠬᠦᠷᠢᠭ᠂ ᠲᠡᠭᠡᠭᠡᠳ 9 ᠰᠠᠷᠠᠶᠢᠨ ᠰᠡᠬᠦᠯᠴᠢ ᠪᠡᠷ ᠡᠬᠢᠯᠡᠵᠤ ᠲᠠᠷᠠᠭᠠ ᠵᠢᠯᠦᠨ ᠬᠢᠨᠢ 5 ᠰᠠᠷᠠ ᠪᠤᠯᠳᠠᠯᠠ ᠵᠤᠤᠬᠠᠨᠳᠤ ᠨᠡᠬᠦᠷᠡᠰᠤ ᠲᠠᠰᠤᠷᠠᠬᠤ ᠦᠬᠡᠢ᠂ ᠨᠡᠬᠦᠷᠡᠰᠤᠨᠳᠡᠭᠡᠨ 《 ᠱᠦᠬᠦᠭᠳᠡᠴᠢᠭᠡᠨᠡ 》᠂ ᠡᠨᠳᠡ ᠴᠢᠨᠢ ᠲᠤᠯᠠᠭᠠᠯᠠᠭᠠ ᠭᠡᠵᠤ ᠵᠤᠪᠠᠬᠤ ᠦᠬᠡᠢ᠂ ᠪᠦᠬᠦ ᠶᠠᠭᠤᠮᠠ ᠴᠠᠬᠢᠯᠭᠠᠨᠵᠢᠬ᠍ᠰᠠᠨ᠂ ᠤᠳᠤᠭᠠ ᠲᠤᠭᠤᠰᠤ ᠭᠡᠵᠤ ᠪᠠᠢᠳᠠᠭ ᠦᠭᠡᠢ᠃ ᠡᠬᠦᠳᠡᠨᠡᠴᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠲᠡᠷᠭᠡ ᠲᠠᠢ᠂ ᠨᠢᠬᠡ ᠤᠳᠠᠭᠠ ᠨᠢᠭᠡ ᠯᠡ ᠲᠦᠬᠦᠷᠢᠭ᠃ ᠪᠠᠰᠠ ᠨᠠᠰᠤᠳᠠᠢᠴᠤᠳ ᠤ᠋ᠨ ᠨᠡᠢᠬᠡᠮᠯᠢᠭ ᠲᠤ᠌ 5000 ᠲᠦᠬᠦᠷᠢᠭ ᠤ᠋ᠨ ᠪᠡᠯᠡᠳᠭᠡᠯ ᠮᠦᠩᠬᠦ ᠲᠠᠯᠪᠢᠵᠤ᠂ ᠪᠠᠴᠢᠮ ᠪᠠᠢᠳᠠᠯ ᠢ᠋ ᠠᠷᠭᠠᠴᠠᠭᠠᠳᠠᠭ᠂ ᠬᠡᠷᠪᠡ ᠰᠦᠨᠢ ᠤᠷᠤᠢᠪᠡᠷ ᠡᠪᠡᠳᠪᠡᠯ ᠡᠨᠡ ᠵᠤᠭᠤᠰ ᠢ᠋ᠶ᠋ᠠᠷ ᠤᠷᠢᠳ ᠢᠶᠡᠷ ᠡᠮᠨᠡᠯᠬᠡ ᠳ᠋ᠤ᠌ ᠰᠠᠭᠤᠯᠭᠠᠵᠤ ᠦᠷᠡ ᠬᠡᠤᠬᠡᠳ ᠨᠢ ᠢᠷᠡᠪᠡᠯ ᠲᠠᠬᠢᠨ ᠪᠤᠴᠠᠭᠠᠭᠠᠳ ᠦᠭᠪᠡᠯ ᠪᠤᠯᠴᠢᠬᠠᠨᠠ ᠭᠡᠵᠤ ᠠᠶᠤᠰᠢ ᠭᠤᠸᠠᠢ ᠲᠠᠩᠰᠡ ᠪᠤᠳᠤᠵᠤ ᠦᠭᠬᠦᠨᠡ᠃
ᠨᠠᠰᠤᠳᠠᠢᠴᠤᠳ ᠨᠢ ᠠᠰᠠᠷ ᠲᠤ᠌ ᠰᠠᠭᠤᠭᠠᠳᠬᠡᠤᠬᠡᠳ ᠢ᠋ᠶ᠋ᠠᠨ ᠡᠷᠬᠢᠴᠡᠬᠦᠯᠴᠢᠭᠡᠭᠰᠡᠨ᠂ ᠵᠠᠯᠠᠭᠤᠰ ᠢᠳᠡᠷᠴᠣᠤᠯ ᠨᠢ ᠠᠵᠢᠯ ᠠᠮᠢᠳᠤᠷᠠᠯ ᠭᠡᠳ ᠮᠦᠩᠬᠦ ᠵᠤᠭᠤᠰ ᠤᠯᠴᠢᠬᠠᠬ᠍ᠰᠠᠨ ᠂ ᠬᠡᠨ ᠠᠯᠢ ᠨᠢ ᠴᠤ᠌ ᠵᠤᠪᠠᠬᠤ ᠤᠴᠢᠷ ᠦᠬᠡᠢ᠂ ᠵᠤᠪᠠᠬ᠍ᠰᠠᠨ ᠤᠴᠢᠷ ᠪᠠᠢᠪᠠᠯ ᠵᠠᠷᠤᠬ᠍ᠳᠠᠬᠤ ᠬᠦᠮᠦᠨ ᠲᠠᠢ᠂ ᠭᠠᠴᠢᠬ᠍ᠳᠠᠬ᠍ᠰᠠᠨ ᠦᠶᠡ ᠳ᠋ᠤᠨᠢ ᠲᠤᠰᠠᠯᠠᠬᠤ ᠮᠦᠩᠬᠦ ᠲᠠᠢ ᠪᠤᠯᠬᠤᠷ ᠡᠨᠳᠡᠬᠢ ᠨᠠᠰᠤᠳᠠᠢᠴᠤᠳ ᠶᠤᠰᠤᠳᠠᠢ ᠴᠠᠭᠤᠨ ᠰᠠᠢᠨ ᠢ᠋ ᠦᠵᠡᠵᠤ᠂ ᠴᠠᠭ ᠤ᠋ᠨ ᠰᠠᠢᠨ ᠢ᠋ ᠡᠳ᠋ᠯᠡᠵᠤ᠂ ᠨᠠᠰᠤᠯᠠᠨ ᠵᠢᠷᠭᠠᠬᠤ ᠶ᠋ᠢᠨ ᠪᠤᠶᠠᠨ ᠢ᠋ᠶ᠋ᠠᠨ ᠦᠵᠡᠨᠡ᠃ ᠠᠪᠠᠭᠠ ᠬᠤᠰᠢᠭᠤᠨ ᠤ᠋ ᠵᠢᠷᠭᠠᠯᠠᠩ ᠰᠤᠮᠤ ᠶ᠋ᠢᠨ ᠰᠢᠨᠡᠪᠤᠯᠠᠭ ᠭᠠᠴᠠᠭᠠ ᠶ᠋ᠢᠨ ᠮᠠᠯᠴᠢᠨ ᠨᠠᠰᠤᠨᠪᠠᠳᠤ ᠭᠤᠸᠠᠢ ᠴᠤ᠌ 《 ᠬᠠᠯᠠᠮᠵᠢ 》 ᠶ᠋ᠢᠨ ᠬᠠᠯᠠᠮᠵᠢᠳᠤ ᠰᠡᠳᠬᠢᠯ ᠬᠤᠷᠭᠤᠳᠠᠭᠠᠳ᠂ ᠦᠷᠡ ᠬᠡᠤᠬᠡᠳ ᠨᠢ ᠠᠰᠠᠷᠲᠠᠭᠠᠨ ᠬᠡᠳᠤᠨᠳᠡ ᠵᠠᠯᠠᠬ᠍ᠰᠠᠨ ᠴᠤ᠌ ᠨᠡᠬᠦᠬᠦ ᠦᠭᠡᠢ ᠠᠷᠪᠠᠨ ᠨᠢᠬᠡᠨ ᠵᠢᠯᠦᠨ ᠨᠢᠭᠤᠷ ᠦᠵᠡᠵᠡᠢ᠃ 《 ᠪᠦᠷ ᠲᠠᠰᠴᠢᠬᠠᠬ᠍ᠰᠠᠨ᠂ ᠡᠨᠳᠡ ᠴᠢᠨᠢ ᠦᠶᠡ ᠬᠤᠷᠠᠭ ᠤ᠋ᠨ ᠬᠦᠮᠦᠰ ᠲᠠᠢ ᠪᠠᠨ ᠵᠤᠭᠤᠬ᠍ᠳᠠᠨᠠ᠂ ᠨᠠᠭᠠᠳᠤᠨᠠ᠂ ᠡᠳᠣᠷ ᠪᠤᠯᠭᠠᠨ ᠵᠤᠭᠠ ᠲᠠᠢ᠂ ᠮᠠᠨ ᠤ ᠬᠠᠯᠠᠮᠵᠢ ᠪᠦᠷ ᠭᠤᠶᠤ ᠡ᠂ ᠶᠠᠭᠤᠮᠠ ᠲᠤᠳᠠᠪᠠᠯ ᠠᠪᠴᠢᠷᠠᠭᠠᠳ ᠦᠭᠬᠦᠨᠡ᠂ ᠡᠪᠳᠡᠷᠡᠪᠡᠯ ᠵᠠᠰᠠᠭᠠᠳ ᠦᠭᠬᠦᠨᠡ 》 ᠭᠡᠵᠤ 75 ᠨᠠᠰᠤᠳᠠᠢ ᠨᠠᠰᠤᠨᠪᠠᠳᠤ ᠭᠤᠸᠠᠢ ᠴᠤ᠌ ᠬᠠᠯᠠᠮᠵᠢᠳᠤ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠶᠠᠷᠢᠨᠠ ᠃
《 ᠣᠢᠷᠡ ᠵᠢᠨ ᠬᠦᠷᠰᠢ ᠬᠣᠯᠠ ᠵᠢᠨ ᠰᠠᠳᠣᠨ ᠡᠴᠡ ᠲᠡᠭᠡᠷᠡ 》 ᠬᠡᠳᠡᠭ ᠴᠤ᠌ ᠪᠢᠯᠡ ᠤᠤ ᠃ ᠦᠲᠡᠯᠬᠦᠶᠢᠨ ᠦᠵᠦᠬᠦᠷ ᠬᠠᠯᠠᠮᠵᠢᠳᠤ ᠴᠤᠬ᠍ᠯᠠᠵᠤ ᠬᠠᠮᠲᠤᠶᠢᠨ ᠠᠮᠢᠳᠤᠷᠠᠯᠢ ᠦᠩᠭᠡᠷᠡᠬᠦᠯᠬᠦ ᠨᠢ ᠠᠪᠠᠭᠠ ᠪᠤᠭᠤᠷᠤᠯᠴᠤᠳ ᠤ᠋ᠨ ᠮᠦᠷᠦᠭᠡᠳᠤᠯ ᠪᠤᠯᠤᠬ᠍ᠰᠠᠨ ᠰᠠᠨ ᠃
ᠨᠠᠯᠠᠢᠵᠤ ᠰᠠᠭᠤᠬ᠍ᠰᠠᠨ ᠨᠠᠰᠤᠳᠠᠳ ᠮᠢᠨᠢ
ᠨᠠᠷᠠᠨ ᠤ᠋ ᠬᠡᠷᠡᠯ ᠢ᠋ᠶ᠋ᠠᠷ ᠢᠪᠡᠭᠡᠭᠳᠡᠨ ᠪᠠᠢᠨᠠ
ᠨᠠᠢᠷ ᠲᠠᠢ ᠲᠠᠭᠤᠤ ᠲᠠᠢ ᠬᠤᠷᠸᠠ ᠳ᠋ᠠᠭᠠᠨ
ᠨᠠᠰᠤᠨ ᠤ᠋ ᠪᠤᠶᠠᠨ ᠢ᠋ᠶ᠋ᠠᠨ ᠡᠳ᠋ᠯᠡᠩᠭᠡᠨ ᠪᠠᠢᠨᠠ ᠁
ᠡᠨᠡ ᠪᠤᠯ ᠬᠠᠯᠠᠮᠵᠢ ᠪᠤᠭᠤᠷᠤᠯᠴᠤᠳ ᠤ᠋ᠨ ᠰᠡᠳᠬᠢᠯ ᠤ᠋ᠨ ᠴᠤᠤᠷᠢᠶᠠ ᠃
ᠬᠠᠢᠷᠠ ᠲᠠᠢ ᠡᠨᠡ ᠬᠣᠷᠸᠠ ᠳ᠋ᠥ ᠰᠠᠨᠠᠵᠤ ᠳᠣᠷᠠᠰᠴᠣ᠌ ᠵᠢᠷᠭᠠᠬᠣ᠌ ᠴᠦ᠍ ᠰᠠᠢᠬᠠᠨ
ᠬᠠᠯᠠᠮᠵᠢ ᠳ᠋ᠤ᠌ ᠶᠡᠷᠡᠨ ᠨᠠᠰᠤ ᠶ᠋ᠢ ᠵᠤᠭᠤᠬ᠍ᠯᠠᠬ᠍ᠰᠠᠨ ᠪᠤᠶᠠᠨᠳᠤ ᠪᠤᠭᠤᠷᠤᠯ ᠵᠦᠩᠳᠡᠭᠡᠨ᠂ ᠪᠠᠢᠯᠳᠤᠵᠤ ᠶᠠᠪᠤᠬ᠍ᠰᠠᠨ ᠴᠡᠷᠢᠭ ᠴᠤ᠌ ᠪᠤᠢ᠂ ᠨᠠᠮ ᠤ᠋ᠨ ᠨᠠᠰᠤ ᠨᠢ 72 ᠵᠢᠯ ᠢ᠋ ᠦᠵᠡᠭᠰᠡᠨ ᠰᠢᠯᠢᠳᠡᠭ ᠨᠠᠮ ᠤ᠋ᠨ ᠬᠡᠰᠢᠬᠦᠨ ᠴᠤ᠌ ᠪᠤᠢ᠂ ᠡᠨᠳᠡ ᠮᠤᠩᠭᠤᠯ ᠂ ᠬᠢᠳᠠᠳ᠂ ᠬᠤᠳᠤᠩ ᠂ ᠮᠠᠨᠵᠤ ᠦᠨᠳᠦᠰᠦᠳᠡᠨ ᠵᠦᠩᠢᠶᠡᠷᠢᠶᠡᠷ ᠤᠴᠠᠷᠠᠵᠤ᠂ ᠵᠢᠷᠤᠬᠡ ᠪᠠᠷ ᠢ᠋ᠶ᠋ᠠᠨ ᠲᠦᠰᠢᠯᠴᠡᠵᠤ᠂ 《 ᠬᠠᠯᠠᠮᠵᠢ 》 ᠶ᠋ᠢᠨ ᠦᠯᠢᠬᠡᠷ ᠢ᠋ 《 ᠰᠡᠢᠯᠦᠨᠡ 》᠃
ᠭᠡᠷ ᠭᠡᠳᠡᠭ ᠴᠢᠨᠢ ᠬᠦᠴᠦ ᠬᠦᠳᠡᠯᠮᠦᠷᠢ ᠪᠠᠷ ᠳᠡᠭᠵᠢᠷᠡᠳᠡᠭ ᠂ ᠬᠠᠢᠷᠠ ᠢᠲᠡᠭᠡᠯ ᠢ᠋ᠶ᠋ᠡᠷ ᠳᠣᠳᠣᠮᠳᠠᠳᠠᠭ᠂ ᠣᠬᠠᠭᠠᠨ ᠰᠠᠨᠠᠭᠠ ᠪᠠᠷ ᠡᠪᠯᠡᠭᠦᠯᠳᠡᠭ᠂ ᠡᠶᠡ ᠨᠠᠢᠷᠠᠮᠳᠠᠯ ᠢ᠋ᠶ᠋ᠡᠷ ᠦᠭᠡᠳᠡᠯᠡᠭᠦᠯᠳᠡᠭ᠃
ᠥᠨᠥ ᠵᠢᠯᠦᠨ 7 ᠰᠠᠷᠠᠶᠢᠨ 1ᠦ ᠨᠠᠮ ᠪᠠᠢᠭᠤᠯᠤᠬ᠍ᠳᠠᠬ᠍ᠰᠠᠨ 102 ᠵᠢᠯᠦᠨ ᠤᠢᠶᠢ ᠲᠤᠬᠢᠶᠠᠯᠳᠣᠭᠤᠯᠤᠨ᠂ ᠠᠪᠠᠭᠠ ᠬᠣᠰᠢᠭᠤᠨᠤ ᠬᠠᠯᠠᠮᠵᠢ ᠨᠠᠰᠤᠲᠠᠢᠴᠤᠳᠤᠨ ᠠᠰᠠᠷᠠᠮᠵᠢ ᠵᠢᠨ ᠦᠢᠯᠡᠴᠢᠯᠡᠭᠡᠨᠤ ᠲᠥᠪ ᠤᠨ ᠬᠢᠨ ᠠᠮᠸᠷᠢᠺᠡ ᠶ᠋ᠢ ᠡᠰᠡᠷᠬᠦᠴᠡᠨ ᠰᠤᠯᠤᠩᠭᠤᠰ ᠢ᠋ ᠲᠤᠰᠠᠯᠠᠬᠤ ᠲᠠᠢᠨᠳᠤ ᠶᠠᠪᠤᠵᠤ ᠪᠠᠢᠬ᠍ᠰᠠᠨ 97 ᠨᠠᠰᠤᠨ ᠬᠤᠳᠤᠭᠢ ᠦᠵᠡᠭᠰᠡᠨ ᠠᠬᠠᠮᠠᠳ ᠨᠠᠮᠤᠨ ᠬᠡᠰᠢᠬᠦᠨ ᠶᠠᠩ ᠵᠸᠨ ᠡᠸᠨ᠂ ᠨᠠᠮ ᠤ᠋ᠨ ᠨᠠᠰᠤ ᠨᠢ 72 ᠵᠢᠯ ᠪᠤᠯᠤᠬ᠍ᠰᠠᠨ ᠵᠢᠷᠠᠨᠳᠠᠢ ᠪᠤᠭᠤᠷᠤᠯᠢᠶᠠᠷ ᠦᠩᠭᠡᠷᠡᠬᠦᠯᠵᠦ ᠢᠷᠡᠭᠰᠡᠨ ᠦᠯᠢᠬᠡᠷ ᠲᠡᠤᠬᠡᠶᠢ ᠨᠢ ᠶᠠᠷᠢᠭᠤᠯᠵᠤ᠂ ᠦᠨᠳᠦᠰᠦᠳᠡᠨᠦ ᠪᠦᠯᠬᠦᠮᠳᠡᠯᠤᠨ ᠨᠢᠵᠢᠭᠢᠷ ᠨᠠᠢᠷ ᠪᠤᠯᠵᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠪᠢᠯᠡ ᠃
2014 ᠣᠨ ᠳ᠋ᠤ᠌ ᠦᠳᠡᠯᠬᠦ ᠶ᠋ᠢᠨ ᠦᠵᠦᠭᠦᠷ ᠪᠡᠶᠡ ᠰᠡᠳᠬᠢᠯ ᠤ᠋ᠨ ᠠᠮᠤᠷ ᠢ᠋ ᠪᠤᠳᠤᠵᠤ ᠂ ᠬᠠᠯᠠᠮᠵᠢ ᠳ᠋ᠤ᠌ ᠰᠠᠭᠤᠬ᠍ᠰᠠᠨ ᠠᠪᠠᠭᠠ ᠬᠤᠰᠢᠭᠤᠨ ᠤ᠋ ᠪᠠᠶᠠᠨᠴᠠᠭᠠᠨ ᠰᠤᠮᠤ ᠶ᠋ᠢᠨ ᠮᠠᠯᠴᠢᠨ ᠵᠢᠷᠠᠨᠳᠠᠢ ᠨᠠᠰᠤᠳᠠᠨ ᠦᠨᠦ ᠵᠢᠯ 92 ᠨᠠᠰᠤ ᠶ᠋ᠢ ᠵᠤᠭᠤᠬ᠍ᠯᠠᠵᠡᠢ ᠃ ᠵᠢᠷᠠᠨᠲᠠᠢ ᠨᠠᠰᠤᠲᠠᠨ᠄ 《 ᠪᠢ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠳ᠋ᠤ᠌ ᠡᠯᠰᠡᠭᠳᠡᠭᠡᠳ 72 ᠵᠢᠯ ᠪᠣᠯᠵᠤ ᠪᠠᠢᠨᠠ᠃ ᠮᠢᠨᠤ ᠨᠢᠳᠦ ᠪᠡᠷᠢᠶᠡᠨ ᠦᠵᠡᠵᠦ ᠪᠡᠶᠡ ᠪᠡᠷᠢᠶᠡᠨ ᠥᠩᠭᠡᠷᠡᠭᠦᠯᠦᠭᠰᠡᠨ ᠡᠨᠡ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠪᠣᠯ ᠴᠥᠮ ᠨᠠᠮᠤᠨ ᠮᠢᠨᠢ ᠠᠴᠢ ᠬᠦᠷᠲᠡᠭᠡᠯ ᠶᠤᠮ᠂ ᠲᠡᠢᠮᠤ ᠪᠣᠯᠬᠣᠷ ᠴᠠᠭᠤᠨ ᠰᠠᠢᠬᠠᠨ ᠡᠨᠡ ᠠᠮᠢᠳᠤᠷᠠᠯ ᠵᠢᠠᠨ ᠪᠢᠳᠡ ᠤᠯᠠᠮ ᠨᠠᠨᠳᠢᠩᠨᠠᠨ ᠬᠠᠢᠷᠠᠯᠠᠵᠤ ᠥᠭᠡᠳᠡ ᠨᠢ ᠲᠠᠲᠠᠬᠤ ᠤᠴᠢᠷᠲᠠᠢ ᠶᠤᠮ ᠳᠠ》 ᠭᠡᠵᠤ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯᠢᠶᠠᠨ ᠮᠠᠬ᠍ᠳᠠᠨᠠ ᠃
ᠡᠪ ᠨᠠᠢ᠍ᠢᠷᠰᠠᠬ ᠪᠤᠯ ᠬᠡᠷ ᠤ᠋ᠨ ᠡᠷᠳᠡᠨᠢ ᠭᠡᠳᠡᠭ ᠃ 《ᠬᠠᠯᠠᠮᠵᠢ》 ᠨᠠᠰᠤᠲᠠᠢᠴᠤᠳᠤᠨ ᠠᠰᠠᠷᠠᠮᠵᠢ ᠵᠢᠨ ᠦᠢᠯᠡᠴᠢᠯᠡᠭᠡ ᠵᠢᠨ ᠲᠥᠪ ᠪᠠᠢᠭᠤᠯᠤᠭᠳᠠᠭᠰᠠᠨ ᠴᠠᠭ ᠡᠴᠡ ᠪᠡᠨ ᠠᠪᠤᠭᠠᠳ ᠪᠠᠶᠠᠷ ᠳᠤᠷᠠᠰᠬᠠᠯᠤᠨ ᠡᠳᠦᠷ ᠪᠣᠯᠭᠠᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠶ᠋ᠢ ᠠᠬᠢᠭᠤᠯᠬᠤ ᠠᠯᠢ ᠤᠯᠠᠨ ᠭᠣᠣᠯ ᠰᠡᠳᠦᠪᠲᠦ ᠠᠵᠢᠯᠯᠠᠭᠠ ᠶ᠋ᠢ ᠥᠷᠨᠢᠭᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠪᠥᠭᠡᠳ ᠤᠳᠠᠭᠠ ᠪᠦᠷᠢ ᠨᠠᠮ ᠵᠠᠰᠠᠭᠤᠨ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠬᠠᠢᠷᠠ ᠬᠠᠯᠠᠮᠵᠢ ᠶ᠋ᠢ ᠨᠠᠰᠤᠲᠠᠢᠴᠤᠳ ᠲᠠᠭᠠᠨ ᠳᠠᠮᠵᠢᠭᠤᠯᠵᠤ᠂ ᠲᠡᠳᠡ ᠨᠠᠷᠤᠨ ᠦᠳᠡᠯᠦᠭᠡ ᠨᠠᠰᠤ ᠪᠡᠨ ᠠᠮᠤᠷ ᠵᠢᠷᠭᠠᠯᠲᠠᠢ ᠪᠡᠷ ᠥᠩᠭᠡᠷᠡᠭᠦᠯᠬᠦ ᠳ᠋ᠤ᠌ ᠲᠠᠪᠠᠲᠠᠢ ᠰᠠᠢᠬᠠᠨ ᠨᠥᠬᠥᠴᠡᠯ ᠪᠣᠯᠣᠮᠵᠢ ᠶ᠋ᠢ ᠪᠦᠷᠢᠯᠳᠦᠭᠦᠯᠵᠦ ᠥᠭᠬᠦ ᠪᠡᠷ ᠵᠣᠷᠢᠯᠲᠠ ᠪᠡᠨ ᠪᠣᠯᠭᠠᠵᠠᠢ᠃ ᠡᠭᠦᠨ ᠳ᠋ᠤ᠌᠂ ᠲᠤᠰ ᠦᠢᠯᠡᠴᠢᠯᠡᠭᠡᠨᠤ ᠲᠥᠪᠤᠨ ᠨᠠᠰᠤᠲᠠᠢᠴᠤᠳ ᠴᠥᠮ ᠢᠳᠡᠪᠬᠢᠯᠡᠨ ᠣᠷᠣᠯᠴᠠᠳᠠᠭ ᠪᠣᠯᠬᠣᠷ 《ᠬᠠᠯᠠᠮᠵᠢ》 ᠵᠢᠨ ᠬᠦᠷᠢᠶᠡᠯᠡᠩ ᠨᠡᠡᠭ ᠠᠵᠠ ᠵᠢᠷᠭᠠᠯ ᠵᠢᠠᠷ ᠪᠢᠯᠬᠠᠵᠤ᠂ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠵᠢᠷᠭᠠᠯᠤᠨ ᠲᠣᠷᠭᠠᠨ ᠪᠠᠭᠤᠴᠠ ᠪᠣᠯᠵᠠᠢ ᠃
ᠬᠠᠯᠠᠮᠵᠢ ᠨᠢ ᠨᠠᠰᠤᠲᠠᠢᠴᠤᠳᠤᠨ ᠬᠥᠳᠡᠯᠭᠡᠭᠡᠨ ᠦ ᠦᠷᠦᠭᠡ᠂ ᠰᠢᠲᠠᠷᠠᠶᠢᠨ ᠦᠷᠦᠭᠡ᠂ ᠨᠠᠮᠤᠨ ᠭᠡᠰᠢᠭᠦᠨᠦ ᠬᠥᠳᠡᠯᠭᠡᠭᠡᠨᠦ ᠦᠷᠦᠭᠡ ᠵᠡᠷᠭᠡ ᠴᠢᠳᠠᠪᠬᠢᠶᠢᠨ ᠦᠷᠦᠭᠡᠶᠢ ᠪᠠᠢᠭᠤᠯᠵᠤ᠂ ᠨᠠᠰᠤᠲᠠᠢᠴᠤᠳᠲᠤ ᠬᠥᠮᠥᠨᠴᠢᠯᠡᠭᠰᠡᠨ᠂ ᠥᠪᠡᠷᠮᠢᠴᠡᠵᠢᠭᠰᠡᠨ᠂ ᠳᠥᠭᠥᠮ ᠳᠥᠲᠡ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠨᠠ ᠃ ᠬᠠᠯᠠᠮᠵᠢ ᠦᠢᠯᠡᠴᠢᠯᠡᠭᠡᠨᠦ ᠲᠥᠪ ᠪᠣᠯᠣᠨ ᠪᠢᠯᠡᠬᠦᠳᠡᠢ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠡᠮᠨᠡᠯᠭᠡᠶᠢᠨ ᠬᠣᠷᠢᠶᠠ ᠦᠢᠯᠡᠴᠢᠯᠡᠭᠡᠨᠦ ᠬᠡᠯᠡᠯᠴᠡᠭᠡᠷ ᠲᠣᠭᠲᠠᠵᠤ᠂ ᠮᠣᠩᠭᠣᠯ ᠡᠮᠨᠡᠯᠭᠡᠶᠢᠨ ᠬᠣᠷᠢᠶᠠ ᠳ᠋ᠤ᠌ ᠬᠠᠭᠠᠰ ᠵᠢᠯᠳᠦ ᠨᠢᠭᠡ ᠤᠳᠠᠭᠠ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢᠪᠡᠷ ᠪᠡᠶᠡᠶᠢᠨ ᠪᠠᠢᠴᠠᠭᠠᠯᠲᠠ ᠬᠢᠯᠭᠡᠨ᠂ ᠵᠡᠮᠳᠡᠭ ᠂ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨᠲᠠᠢ᠂ ᠰᠠ ᠡᠪᠡᠳᠴᠢᠨᠳᠦ ᠨᠡᠷᠪᠡᠭᠳᠡᠭᠰᠡᠨ ᠨᠠᠰᠤᠲᠠᠢᠴᠤᠳᠲᠤ ᠡᠮᠴᠢᠯᠡᠭᠡ ᠂ ᠡᠷᠡᠭᠦᠯᠵᠢᠯ ᠰᠤᠪᠢᠯᠠᠯᠲᠠ᠂ ᠪᠠᠢᠴᠠᠭᠠᠯᠲᠠ ᠰᠢᠨᠵᠢᠯᠡᠭᠡ ᠵᠡᠷᠭᠡ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠪᠠᠢᠨᠠ᠃ ᠰᠤᠷᠭᠠᠭᠤᠯᠢ ᠵᠢᠨ ᠨᠠᠰᠤᠨᠤ ᠬᠡᠦᠬᠡᠳ ᠲᠤ᠌ ᠪᠠᠰᠠ ᠲᠤᠰᠬᠠᠢ ᠰᠤᠷᠤᠯᠴᠠᠬᠤ ᠪᠠ ᠲᠣᠭᠯᠠᠭᠠᠮᠤᠨ ᠭᠠᠵᠠᠷᠲᠠᠢ ᠪᠠᠢᠵᠤ᠂ ᠭᠡᠷᠦᠨ ᠠᠬᠠᠮᠠᠳᠤᠨ ᠰᠠᠨᠠᠭᠠᠰᠢᠷᠠᠯ ᠢ᠋ ᠠᠷᠢᠯᠭᠠᠵᠤ᠂ ᠲᠡᠳᠡᠨ ᠢ᠋ ᠰᠠᠨᠠᠭᠠ ᠠᠮᠤᠷ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯᠳᠠᠭᠠᠨ ᠭᠠᠪᠰᠢᠭᠠᠢᠯᠠᠬᠤᠳᠤ ᠬᠦᠴᠦᠳᠡᠢ ᠪᠠᠳᠤᠯᠠᠭᠠ ᠬᠠᠩᠭᠠᠵᠤ ᠪᠠᠢᠳᠠᠭ ᠃
ᠦᠯᠦᠭᠡᠢ ᠨᠤᠲᠤᠭ ᠲᠠᠭᠠᠨ ᠴᠠᠭ ᠤ᠋ᠨ ᠰᠠᠢᠬᠠᠨ ᠢ᠋ᠶ᠋ᠠᠷ ᠵᠢᠷᠭᠠᠬᠤ ᠰᠠᠢᠬᠠᠨ᠃ ᠬᠠᠯᠠᠮᠵᠢ ᠪᠤᠭᠤᠷᠤᠯᠴᠤᠳ ᠢᠯᠴᠢᠳᠦ ᠤᠯᠠᠭᠠᠨ ᠨᠠᠷᠠ ᠪᠠᠨ ᠲᠡᠪᠡᠷᠢᠵᠤ᠂ ᠦᠳᠡᠯᠦᠬᠡ ᠨᠠᠰᠤ ᠪᠠᠨ ᠡᠩᠬᠡ ᠲᠤᠩᠬᠠ᠂ ᠪᠡᠶᠡᠷ ᠵᠢᠷᠭᠠᠯ ᠢ᠋ᠶ᠋ᠠᠷ ᠲᠦᠬᠦᠷᠡᠩ ᠦᠩᠭᠡᠷᠡᠬᠦᠯᠦᠨᠡ ᠃
ᠤᠯᠠᠨ ᠨᠠᠰᠤᠳᠠᠨ ᠤ᠋ ᠢᠷᠤᠭᠡᠯ ᠰᠢᠩᠭᠡᠨ
ᠦᠯᠡᠮᠵᠢ ᠲᠠᠭᠠᠳᠠᠢ ᠮᠢᠨᠤ ᠬᠠᠯᠠᠮᠵᠢ
ᠠᠬ᠍ᠰᠢᠷᠠᠭᠠ ᠪᠢᠳᠡᠨ ᠤ᠋ ᠦᠷᠬᠦᠯᠵᠢ ᠵᠢᠷᠭᠠᠬᠤ
ᠠᠮᠢᠳᠤ ᠶ᠋ᠢᠨ ᠳ᠋ᠸᠪᠡᠵᠡᠨ ᠮᠢᠨᠤ ᠬᠠᠯᠠᠮᠵᠢ ᠁
ᠡᠨᠡ ᠪᠤᠯ ᠬᠠᠯᠠᠮᠵᠢ ᠪᠤᠭᠤᠷᠤᠯᠴᠤᠳ ᠤ᠋ᠨ ᠵᠢᠷᠤᠭᠡᠨᠤ ᠦᠭᠡ ᠃