● ᠰᠦᠨᠢᠳ ᠵᠡᠬᠦᠨ ᠬᠣᠰᠢᠭᠤᠨᠳᠦ ᠪᠥᠬᠥ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠨᠢᠭᠡᠴᠢ 1᠂ ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠨᠢᠭᠡᠴᠢ 2᠂ ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠠᠮᠲᠤ ᠨᠢᠭᠡᠴᠢ 5᠂ ᠵᠢᠱ᠌ᠢᠶᠡᠴᠢ ᠬᠤᠪᠢ ᠬᠥᠮᠥᠨ 4 ᠪᠣᠶ ᠃
● 2022 ᠣᠨᠳᠤ ᠂ᠰᠦᠨᠢᠳ ᠵᠡᠬᠦᠨ ᠬᠣᠰᠢᠭᠤ ᠨᠠᠢ᠍ᠮᠠᠳᠤᠭᠠᠷ ᠪᠦᠯᠦᠭ ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠬᠣᠰᠢᠭᠤᠪᠠᠷ ᠦᠨᠡᠯᠡᠭᠳᠡᠵᠦ᠂ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠦᠨ ᠶᠡᠬᠡ ᠲᠠᠯᠠᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠡᠬᠢᠵᠢᠭᠦᠯᠦᠨ ᠬᠥᠭᠵᠢᠭᠦᠯᠪᠡ᠃
● 2022 ᠣᠨᠤ 11 ᠰᠠᠷᠠ ᠳᠤ ᠂ ᠰᠥᠨᠢᠳ ᠵᠡᠭᠦᠨ ᠬᠣᠰᠢᠭᠤ 《ᠤᠯᠤᠰᠤᠨ ᠬᠡᠦᠬᠡᠳ》 ᠤ᠋ᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠬᠥᠮᠦᠵᠢᠯᠦᠨ ᠦᠵᠡᠭᠦᠯᠭᠡᠶᠢᠨ ᠲᠢᠩᠬᠢᠮᠢ ᠪᠠᠢᠭᠤᠯᠪᠠ᠃
20 ᠳ᠋ᠤᠭᠠᠷ ᠵᠠᠭᠤᠨᠤ ᠲᠠᠪᠢᠭᠠᠳ ᠣᠨᠤ ᠰᠡᠭᠦᠯᠴᠢ ᠵᠢᠷᠠᠭᠠᠳ ᠣᠨᠤ ᠡᠬᠢ ᠭᠡᠵᠤ ᠲᠡᠤᠬᠡᠶᠢᠨ ᠬᠤᠷᠤᠮᠳᠤ ᠲᠤᠳᠤᠬᠠᠨ ᠦᠯᠡᠳᠡᠭᠰᠡᠨ ᠤᠷᠤᠭᠠ ᠪᠤᠰᠬᠠᠭᠠ ᠴᠠᠭ ᠦᠶᠡ ᠪᠠᠢᠯᠠ᠃
ᠵᠢᠶᠠᠩᠨᠠᠨ ᠤᠷᠤᠨᠠᠴᠠ 《ᠡᠬᠡᠪᠡᠨ ᠬᠠᠢᠨ》 ᠤᠶᠠᠷᠠᠨ ᠢᠷᠡᠭᠰᠡᠨ ᠨᠢᠯᠬᠠ ᠠᠮᠢᠶᠢ ᠤᠮᠠᠷᠠᠳᠤ ᠬᠢᠯᠢ ᠬᠠᠯᠠᠭᠤᠨ ᠡᠯᠢᠭᠡᠨᠳᠡᠭᠡᠨ ᠪᠦᠬᠡᠴᠡᠢᠯᠡᠵᠤ᠂ ᠨᠡᠭᠡᠯ ᠬᠠᠲᠠᠭᠤ ᠤᠷᠴᠢᠯᠠᠩᠢ ᠪᠦᠪᠡᠢᠶᠢᠨ ᠲᠠᠭᠤ ᠪᠡᠷ ᠵᠦᠬᠡᠯᠡᠯᠡ ᠁
ᠲᠡᠢᠨ ᠬᠦ 《ᠭᠤᠷᠪᠠᠨ ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠬᠡᠳᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ》 ᠲᠡᠦᠬᠡᠶ᠋ᠢᠨ ᠰᠣᠳᠣᠨ ᠰᠠᠢᠬᠠᠨ ᠳᠠᠭᠤᠷᠢᠰᠬᠠᠯᠨᠢ ᠥᠷᠥᠴᠡ ᠵᠢᠷᠦᠬᠡᠨᠳᠤ ᠥᠨᠢᠳᠡ ᠬᠠᠳᠠᠩᠰᠢᠭ᠍ᠰᠠᠨ ᠢᠷᠠᠭᠤ ᠲᠤᠤᠯᠢᠰ᠂ ᠬᠤᠯᠤᠰᠤᠨ ᠦᠵᠦᠭ ᠬᠠᠭᠤᠳᠠᠰᠤ ᠴᠠᠭᠠᠰᠤᠨᠳᠤ ᠡᠬᠦᠷᠢᠳᠡ ᠪᠢᠴᠢᠭᠯᠡᠭᠳᠡᠬᠦ ᠮᠦᠩᠭᠡᠶᠢᠨ ᠰᠡᠳᠦᠪ ᠪᠤᠯᠵᠡᠢ᠂ ᠦᠨᠦᠳᠦᠷ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨᠳᠤ ᠪᠤᠯᠤᠬ᠍ᠰᠠᠨ ᠶᠡᠭᠡ ᠬᠠᠢᠷᠠᠶᠢᠨ ᠦᠯᠢᠭᠡᠷ ᠪᠤᠳᠣᠯ ᠤᠨ ᠭᠠᠨᠳᠠᠷᠢ ᠰᠡᠳᠬᠢᠯ ᠦᠨ ᠬᠦᠪᠴᠢ ᠶᠢ ᠲᠣᠷᠬᠢᠭᠤᠯᠤᠨ᠂ ᠬᠦᠨᠳᠦᠬᠡᠨ ᠪᠠᠭᠤᠵᠤ ᠪᠠᠢᠭᠠ ᠨᠢ ᠡᠨᠡ ᠠᠵᠢ᠃
ᠡᠯᠢᠭᠡ ᠪᠦᠳᠦᠨ ᠵᠠᠶᠠᠭᠠ
ᠬᠠᠢᠷᠠ ᠶ᠋ᠢᠨ ᠬᠠᠯᠠᠭᠤᠨ ᠬᠠᠯᠬᠢᠶᠠ ᠵᠢᠷᠦᠬᠡᠨᠤ ᠭᠤᠤᠯ ᠢ᠋ᠶ᠋ᠠᠷ ᠲᠠᠳᠠᠷᠠᠰᠢ ᠦᠬᠡᠢ
ᠰᠥᠨᠢᠳ ᠵᠡᠭᠦᠨ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠵᠢᠨ ᠬᠥᠮᠦᠵᠢᠯᠤᠨ ᠰᠠᠭᠤᠷᠢᠨᠢᠶᠠᠷ ᠰᠤᠷᠪᠤᠯᠵᠢᠯᠠᠬᠤᠳᠤ ᠬᠠᠳᠬᠤᠮᠠᠯ ᠬᠤᠸᠠᠷᠲᠠᠢ ᠪᠥᠰ ᠱᠠᠬᠠᠢ ᠡᠷᠭᠡ ᠦᠬᠡᠢ ᠠᠩᠬᠠᠷᠤᠯᠢ ᠲᠠᠳᠠᠬ᠍ᠰᠠᠨ ᠪᠣᠯ ᠲᠤᠩᠭᠠᠯᠠᠭ ᠡᠵᠢᠶᠢᠨ ᠲᠠᠢᠯᠪᠤᠷᠢ ᠴᠤ᠌ ᠨᠢᠯᠪᠤᠰᠤᠨ ᠬᠦᠮᠦᠨ ᠪᠤᠯᠭᠠᠵᠡᠢ ᠪᠢᠳᠡᠨᠢ᠃
《ᠡᠨᠡ ᠱᠠᠬᠠᠢ ᠪᠣᠯ ᠮᠢᠨᠤ ᠲᠦᠷᠦᠭᠰᠡᠨ ᠡᠵᠢᠶᠢᠨ ᠨᠠᠳᠠᠳᠤ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨ ᠴᠤᠷᠤᠨ ᠭᠠᠭᠴᠠ ᠡᠳ᠋ ᠪᠣᠳᠠᠰ ᠶᠤᠮ᠂ ᠪᠢ ᠡᠬᠦᠨᠢ ᠡᠮᠦᠰᠦᠭᠡᠳ ᠲᠠᠮᠤᠴᠢᠶᠢᠨ ᠲᠠᠯᠠᠳᠤ ᠢᠷᠡᠵᠠᠢ᠂ ᠤᠯᠠ ᠨᠢ ᠡᠯᠡᠭᠳᠡᠭᠡᠳ ᠴᠤᠭᠤᠷᠠᠬᠤᠳᠤ ᠡᠷᠬᠦᠭᠰᠡᠨ ᠡᠵᠢ ᠮᠢᠨᠢ ᠠᠷᠠᠰᠤ ᠪᠡᠷ ᠤᠯᠠᠯᠠᠵᠤ ᠥᠭᠭᠦᠭᠰᠡᠨ ᠠ᠋᠃ ᠡᠨᠡ ᠱᠠᠬᠠᠢ ᠨᠠᠳᠠᠳᠤ ᠠᠪᠴᠤ ᠬᠡᠯᠡᠪᠡᠯ ᠬᠣᠶᠠᠷ ᠡᠵᠢ ᠵᠢᠨ ᠠᠴᠢ ᠬᠠᠢᠷᠠ ᠰᠢᠩᠭᠡᠭᠰᠡᠨ ᠶᠡᠬᠡ ᠳᠤᠷᠠᠰᠬᠠᠯ ᠳᠠᠢ ᠡᠳ᠋ ᠰᠢᠤ᠂ ᠡᠨᠡ ᠪᠡᠶᠡᠶᠢ ᠮᠢᠨᠢ ᠡᠵᠢ ᠮᠢᠨᠢ ᠵᠠᠶᠠᠭᠠᠬ᠍ᠰᠠᠨ ᠭᠡᠬᠦᠳᠦ ᠠᠮᠢᠳᠤ ᠶᠠᠪᠤᠬᠤ ᠵᠠᠶᠠᠭᠠᠶᠢ ᠮᠢᠨᠢ ᠲᠠᠯᠠ ᠨᠤᠳᠤᠭ᠂ ᠮᠤᠩᠭᠤᠯ ᠡᠵᠢ ᠤᠯᠭᠤᠬ᠍ᠰᠠᠨ》 ᠃
ᠲᠤᠩᠭᠠᠯᠠᠭ ᠡᠵᠢ ᠪᠣᠯ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨᠤ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠳᠡᠭᠰᠡᠨ170 ᠭᠠᠷᠤᠢ ᠤᠯᠤᠰᠤᠨ ᠬᠡᠤᠬᠡᠳᠤᠨ ᠨᠢᠭᠡ᠃ ᠲᠤᠩᠭᠠᠯᠠᠭ ᠡᠵᠢᠶᠢᠨ ᠡᠷᠬᠢᠴᠡᠬᠦᠯᠬᠦ ᠪᠡᠷ ᠲᠤᠬᠠᠢᠶᠢᠨ ᠦᠶᠡᠳᠦ ᠡᠷᠬᠦᠭᠰᠡᠨ ᠠᠪᠤ ᠨᠢ ᠬᠠᠩᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶᠡᠳᠤ ᠠᠵᠢᠯᠯᠠᠵᠤ᠂ ᠡᠵᠢ ᠨᠢ ᠪᠠᠭ᠍ᠰᠢ ᠪᠠᠢᠬ᠍ᠰᠠᠨᠢᠶᠠᠷ ᠲᠡᠬᠦᠨᠢ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ ᠬᠦᠮᠦᠨ ᠪᠠᠢᠬᠤ ᠦᠬᠡᠢ᠂ ᠤᠯᠤᠰᠤᠨ ᠬᠡᠤᠬᠡᠳ ᠤᠴᠢᠷᠠᠴᠠ ᠬᠠᠷᠢᠭᠤᠴᠠᠯᠭᠠᠠᠴᠠ ᠠᠶᠤᠵᠤ ᠬᠡᠤᠬᠡᠳ ᠬᠠᠷᠠᠬᠤ ᠬᠦᠮᠦᠨ ᠴᠤ᠌ ᠤᠯᠳᠠᠳᠠᠭ ᠦᠬᠡᠢ ᠪᠠᠢᠬ᠍ᠰᠠᠨ ᠭᠡᠨᠡ᠃ ᠨᠢᠬᠡ ᠤᠳᠠᠭᠠ ᠲᠦᠩᠭᠡᠵᠢ ᠬᠥᠯᠳᠦ ᠤᠷᠤᠨ᠂ ᠶᠠᠭᠤᠮᠠ ᠲᠦᠰᠢᠭᠡᠳ ᠠᠯᠬᠤᠵᠤ ᠪᠠᠢᠬᠤᠳᠠᠭᠠᠨ ᠡᠵᠢᠶᠢᠨ ᠢ᠋ᠶ᠋ᠡᠨ ᠠᠭᠤᠰᠬᠢᠨ ᠡᠪᠡᠳᠴᠢᠨᠦ ᠡᠮᠢ ᠨᠢ ᠵᠠᠯᠬᠢᠵᠤ ᠰᠦᠢᠳ ᠪᠤᠯᠤᠯᠠ ᠬᠡᠳᠡᠭ᠃ ᠰᠠᠨᠳᠤᠷᠤᠬ᠍ᠰᠠᠨ ᠡᠵᠢ ᠨᠢ ᠡᠮᠨᠡᠯᠭᠡᠳᠦ ᠬᠦᠷᠭᠡᠵᠤ᠂ ᠪᠤᠷᠤᠭᠤ ᠡᠮ ᠢᠳᠡᠭᠰᠡᠨᠢ ᠨᠢ ᠲᠤᠤᠷᠠᠬᠠᠨᠢᠶᠠᠨ ᠬᠡᠯᠡᠭᠰᠡᠨᠢᠶᠡᠷ ᠡᠮᠴᠢ ᠴᠤ᠌ ᠵᠥᠪ ᠤᠨᠤᠰᠢᠯᠳᠡ ᠦᠭᠴᠦ ᠠᠪᠤᠷᠠᠬ᠍ᠰᠠᠨ ᠪᠠᠢᠵᠡᠢ᠃
《 ᠬᠡᠷᠪᠡ ᠡᠵᠢ ᠮᠢᠨᠢ ᠬᠠᠷᠢᠭᠤᠴᠠᠯᠭᠠᠠᠴᠠ ᠠᠶᠤᠵᠤ ᠶᠠᠷᠢᠭᠠ ᠦᠭᠡᠢ ᠪᠣᠯ ᠪᠢ ᠶᠠᠭᠤ ᠪᠤᠯᠬᠤᠶᠢ ᠪᠣᠤ ᠮᠡᠳᠡ᠂ ᠲᠡᠷᠡ ᠯᠡ ᠦᠶᠡᠡᠴᠡ ᠡᠵᠢ ᠮᠢᠨᠢ ᠪᠠᠭ᠍ᠰᠢᠶᠢᠨ ᠠᠵᠢᠯᠢᠶᠠᠨ ᠰᠤᠯᠠᠯᠠᠵᠤ᠂ ᠠᠯᠢᠪᠠᠪᠠᠨ ᠨᠠᠳᠠᠳᠤᠪᠠᠨ ᠵᠤᠷᠢᠭᠤᠯᠤᠬ᠍ᠰᠠᠨ》 ᠭᠡᠵᠤ ᠬᠡᠯᠡᠭᠰᠡᠨᠢᠶᠠᠨ 《 ᠨᠠᠮᠤᠨ ᠮᠢᠨᠢ ᠰᠠᠢᠬᠠᠨ᠂ ᠮᠠᠯᠴᠢᠨ ᠡᠵᠢᠶᠢᠨ ᠮᠢᠨᠢ ᠰᠠᠢᠬᠠᠨ᠂ ᠦᠬᠡᠢ ᠪᠣᠯ ᠪᠢᠳᠡ ᠤᠳᠤ ᠠᠮᠢᠳᠤ ᠪᠠᠢᠨᠠ ᠤᠤ ᠦᠬᠡᠢ ᠤᠤ ᠪᠤᠤ ᠮᠡᠳᠡ᠂ ᠡᠨᠡ ᠯᠡ ᠪᠤᠶᠠᠨᠢᠶᠠᠷ ᠨᠡᠢᠭᠡᠮᠤᠨ ᠰᠠᠢᠬᠠᠨᠢ ᠦᠵᠡᠵᠤ᠂ ᠤᠯᠤᠰ ᠲᠥᠷᠥᠶᠢᠨ ᠵᠦᠪᠯᠡᠯᠭᠡᠨᠦ ᠬᠡᠰᠢᠬᠦᠨ ᠴᠤ᠌ ᠶᠠᠪᠤᠯᠠ᠂ ᠦᠷᠡ ᠠᠴᠢᠨᠡᠷ ᠲᠠᠢ ᠴᠤ᠌ ᠪᠤᠯᠤᠯᠠ！》 ᠭᠡᠵᠤ ᠲᠤᠩᠭᠠᠯᠠᠭ ᠡᠵᠢ ᠠᠮᠢᠳᠤᠷᠠᠯᠤᠨ ᠰᠠᠢᠬᠠᠨᠢᠶᠠᠨ ᠱᠠᠬ᠍ᠰᠢᠬᠤᠳᠤ ᠲᠤ · ᠮᠠᠨᠳᠠᠷᠤᠡ ᠡᠵᠢ ᠪᠦᠷ ᠲᠠᠭᠤᠤ ᠪᠤᠯᠭᠠᠨ ᠲᠠᠭᠤᠯᠠᠵᠤ ᠭᠠᠷᠤᠯᠠ᠃
ᠬᠦᠨᠡᠢᠷᠬᠡᠵᠦ ᠶᠡᠷᠦᠳᠡᠭᠡᠨ ᠴᠢᠳᠠᠭᠠ ᠦᠭᠡᠢ
ᠬᠥᠬᠥ ᠵᠢᠨ ᠰᠦ ᠪᠡᠨ ᠰᠢᠮᠡᠭᠦᠯᠦᠭᠰᠡᠨ
ᠬᠥᠭᠰᠢᠨ ᠪᠤᠭᠤᠷᠤᠯ ᠡᠵᠢ ᠲᠠᠢ ᠪᠣᠯᠤᠭᠰᠠᠨ ᠳ᠋ᠠᠭᠠᠨ
ᠰᠡᠳᠬᠢᠯ ᠪᠠᠶᠠᠨ ᠶᠠᠪᠤᠭᠰᠠᠨ ᠶᠤᠮ ᠠ᠋
ᠠᠢ ᠭᠦ ᠂ ᠡᠵᠢ ᠵᠢᠨ ᠪᠦᠪᠡᠢ ᠲᠠᠢ ᠵᠠᠶᠠᠭᠠ
ᠡᠷᠭᠢᠭᠡᠳ ᠣᠯᠳᠠᠰᠢ ᠦᠭᠡᠢ ᠵᠠᠶᠠᠭᠠ ᠭᠦ ᠁
《 ᠡᠯᠢᠭᠡ ᠪᠦᠲᠦᠨ ᠵᠠᠶᠠᠭᠠ 》 ᠭᠡᠬᠦ ᠠᠷᠠᠳᠤᠨ ᠳᠠᠭᠤᠤ ᠭᠡᠮᠡᠷ ᠪᠣᠯᠤᠭᠰᠠᠨ ᠡᠨᠡ ᠬᠦ᠌ ᠳᠠᠭᠤᠤ ᠵᠢᠨ ᠦᠭᠡ ᠵᠢᠨ ᠵᠣᠬᠢᠶᠠᠭ᠍ᠴᠢ᠂ ᠲᠤ·ᠮᠠᠨᠳᠠᠷᠤᠡ ᠨᠠᠰᠤᠲᠠᠨ ᠪᠣᠯ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨᠳᠤ ᠦᠷᠡᠴᠢᠯᠡᠭᠳᠡᠨ ᠲᠡᠵᠢᠭᠡᠭᠳᠡᠭᠰᠡᠨ 《ᠤᠯᠤᠰᠤᠨ ᠬᠡᠦᠬᠡᠳ》 ᠤᠨ ᠨᠢᠭᠡ᠃
《ᠡᠬᠢᠨᠤ ᠪᠠᠳᠠᠭᠢ ᠪᠢᠴᠢᠬᠦ ᠦᠶᠡᠳᠤ ᠪᠢ ᠨᠢᠭᠡᠨᠲᠡ ᠨᠢᠯᠪᠤᠰᠤᠨ ᠬᠥᠮᠥᠨ ᠪᠣᠯᠴᠢᠬᠠᠭᠰᠠᠨ ᠪᠠᠢᠯᠠ》 ᠭᠡᠵᠤ ᠶᠠᠷᠢᠶᠠ ᠬᠦᠬᠡᠷᠤᠬᠡ ᠡᠬᠢᠯᠡᠬᠦᠯᠦᠭᠰᠡᠨᠢᠶᠡᠨ ᠨᠢᠳᠦᠨ ᠳ᠋ᠤᠨᠢ ᠵᠠᠢᠷ ᠭᠦᠶᠦᠵᠦ ᠪᠠᠢᠯᠠ ᠃
ᠠᠯᠳᠠᠷᠲᠤ ᠳᠠᠭᠤᠴᠢᠨ ᠣᠶᠤᠨᠪᠢᠯᠢᠭ᠌ᠤᠨ ᠬᠤᠭᠤᠯᠠᠢᠪᠠᠷ ᠠᠮᠢᠯᠠᠬ᠍ᠰᠠᠨ ᠡᠨᠡ ᠯᠡ ᠲᠠᠭᠤᠤ ᠠᠭᠤᠤ ᠶᠡᠬᠡ ᠲᠠᠯᠠ ᠨᠣᠳᠤᠭᠤᠨ ᠡᠵᠢ ᠵᠢᠨ ᠵᠢᠠᠨ ᠡᠨᠡᠷᠢᠯ ᠬᠠᠢᠷᠠ ᠳ᠋ᠤ᠌ ᠲᠠᠯᠠᠷᠬᠠᠵᠤ᠂ ᠬᠣᠶᠠᠷ ᠦᠭᠡᠢ ᠰᠡᠳᠬᠢᠯ ᠵᠢᠠᠷ ᠪᠦᠪᠡᠢᠯᠡᠨ ᠥᠰᠬᠡᠭᠰᠡᠨ ᠰᠦᠨ ᠲᠠᠯᠠᠢ ᠶᠡᠭᠡ ᠬᠠᠢᠷᠠᠶᠢ ᠪᠠᠬᠠᠳᠤᠭᠰᠠᠨᠢ ᠶᠠᠭᠤᠨ ᠠᠨᠳᠠᠬᠤ ᠪᠢᠯᠡ᠃ 《ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠪᠠᠢᠳᠠᠯ ᠦᠨᠡᠬᠡᠷ ᠬᠦᠴᠢᠷ ᠪᠠᠢᠭᠰᠠᠨ ᠠ᠋᠂ ᠭᠡᠪᠡᠴᠦ ᠮᠠᠯᠴᠢᠨ ᠡᠵᠢ ᠯᠡ ᠦᠪᠡᠷᠤᠨ ᠤᠭᠤᠷᠠᠬ ᠰᠦᠪᠠᠷᠢᠶᠠᠨ ᠵᠤᠯ ᠪᠤᠰᠤ ᠬᠡᠦᠬᠡᠳᠢ ᠠᠵᠠ ᠵᠢᠷᠭᠠᠯᠳᠠᠢ ᠬᠡᠦᠬᠡᠳ ᠪᠤᠯᠭᠠᠵᠤ ᠦᠰᠬᠡᠨ᠂ ᠬᠥᠯᠢ ᠮᠢᠨᠢ ᠲᠦᠷᠦᠭᠡᠨᠳᠦ᠂ ᠭᠠᠷᠢ ᠮᠢᠨᠢ ᠭᠠᠨᠵᠤᠭᠠᠨᠳᠤ ᠬᠦᠷᠭᠡᠭᠰᠡᠨ》 ᠭᠡᠵᠤ ᠲᠤ·ᠮᠠᠨᠳᠠᠷᠤᠡ ᠡᠵᠢ ᠶᠠᠷᠢᠨᠠ ᠃
ᠦᠷᠦᠭᠡᠯ ᠤ᠋ᠨ ᠦᠷᠠ ᠶ᠋ᠢ ᠪᠢᠲᠡᠬᠡᠢ ᠬᠡᠯᠡ᠂ ᠦᠪᠡᠷ ᠤ᠋ᠨ ᠬᠡᠥᠬᠡᠥᠨ ᠢᠶᠡᠨ ᠴᠦ᠍ ᠦᠰᠭᠡᠬᠥ ᠳ᠋ᠥ ᠬᠦᠴᠢᠷᠲᠠᠢ ᠪᠠᠢᠭᠰᠠᠨ ᠲᠡᠷᠡ ᠠᠮᠢᠳᠤᠷᠠᠯ ᠤ᠋ᠨ ᠤᠷᠴᠢᠨ ᠠᠬᠤᠢ ᠳ᠋ᠥ ᠦᠨᠦᠴᠢᠨ ᠨᠢᠯᠬᠠ ᠬᠡᠥᠬᠡᠥᠨ ᠢ᠋ ᠡᠷᠭᠦᠨ ᠲᠡᠵᠢᠭᠡᠵᠤ ᠬᠦᠮᠥᠨ ᠪᠤᠯᠭᠠᠨᠠ ᠭᠡᠳᠡᠭ ᠪᠤᠯ ᠨᠡᠭᠡᠷᠡᠨ ᠠᠭᠤᠤ ᠶᠡᠬᠡ ᠬᠠᠢᠷᠠ ！ ᠠ᠋ᠨᠡ ᠪᠤᠯ ᠠᠮᠢ ᠨᠠᠰᠤᠨᠤ ᠢᠷᠠᠭᠤ ᠲᠠᠭᠤᠯᠠᠯ᠂ ᠡᠨᠡ ᠪᠤᠯ ᠲᠠᠯᠠ ᠨᠤᠳᠤᠭᠤᠨ ᠡᠵᠢᠶᠢᠨ ᠬᠠᠢᠷᠠ ᠪᠤᠶᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠢ ᠪᠢᠴᠢᠭᠯᠡᠭ᠌ᠰᠠᠨ ᠮᠦᠩᠭᠡ ᠶ᠋ᠢᠨ ᠬᠠᠢᠷᠠ ！
ᠰᠦᠨ ᠴᠠᠭᠠᠨ 《ᠰᠠᠴᠤᠯᠢ》
ᠬᠠᠢᠷᠠᠶᠢᠨ ᠬᠠᠯᠠᠭᠤᠨ ᠪᠤᠤᠬᠢᠶᠡ ᠦᠶᠡᠶᠢᠨ ᠦᠶᠡ ᠲᠠᠰᠤᠷᠠᠰᠢ ᠦᠬᠡᠢ
ᠰᠤᠷᠪᠤᠯᠵᠢᠯᠠᠬᠤ ᠤᠷᠢᠯᠭᠠᠶᠢ ᠬᠦᠯᠢᠶᠡᠵᠤ᠂ ᠲᠠᠪᠤᠨ ᠡᠵᠢ ᠰᠥᠨᠢᠳ ᠵᠡᠭᠦᠨ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠵᠢᠨ ᠬᠥᠮᠦᠵᠢᠯᠤᠨ ᠰᠠᠭᠤᠷᠢᠨᠳᠦ ᠴᠤᠬ᠍ᠯᠠᠬ᠍ᠰᠠᠨ ᠪᠢᠯᠡ᠃ ᠲᠡᠳᠡᠨᠳᠦ ᠢᠵᠢᠯᠭᠡᠨ ᠨᠡᠷᠡ ᠲᠠᠢ᠄ 《 ᠤᠯᠤᠰᠤᠨ ᠬᠡᠤᠬᠡᠳ》᠃ ᠡᠷᠬᠦᠭᠰᠡᠨ ᠠᠪᠤ ᠡᠵᠢᠶᠢᠨ ᠬᠢᠨᠢ ᠬᠠᠢᠷᠠᠯᠠᠬ᠍ᠰᠠᠨ ᠨᠡᠷᠡ ᠨᠢ ᠤᠷᠠᠩᠭᠤᠸᠠ᠂ ᠲᠣᠭᠣᠰ᠂ ᠤᠳᠠᠪᠠᠯᠠ ᠲᠤᠩᠭᠠᠯᠠᠭ᠂ ᠲᠤ·ᠮᠠᠨᠳᠠᠷᠤᠡ᠃ ᠮᠣᠩᠭᠣᠯ ᠬᠡᠯᠡ ᠪᠡᠷ ᠤᠷᠤᠰᠤᠮᠠ ᠰᠠᠢᠬᠠᠨ ᠶᠠᠷᠢᠴᠢᠬᠠᠬ᠍ᠰᠠᠨ ᠲᠡᠪᠡᠯ ᠲᠡᠷᠯᠢᠭᠢᠶᠡᠷᠢᠶᠡᠨ ᠭᠤᠶᠤᠬ᠍ᠰᠠᠨ ᠡᠵᠢ ᠨᠡᠷᠤᠨ ᠪᠠᠢᠳᠠᠯ ᠲᠥᠷᠬᠦ ᠨᠢᠭᠡᠨᠲᠡ ᠲᠠᠯᠠ ᠨᠤᠲᠤᠭᠲᠤ ᠶᠠᠭᠠᠬᠢᠬᠤᠶᠢᠨ ᠠᠷᠭᠠ ᠦᠭᠡᠢ ᠠᠭᠤᠰᠤᠨ ᠰᠢᠩᠭᠡᠵᠡᠢ᠃ ᠠᠷᠭᠠ ᠦᠬᠡᠢ ᠳᠠ᠂ ᠤᠤᠭᠤᠬ᠍ᠰᠠᠨ ᠤᠰᠤ ᠢᠳᠡᠭᠡᠰᠢᠭᠰᠡᠨ ᠨᠤᠳᠤᠭ ᠨᠢ ᠶᠤᠮ ᠴᠢᠨᠢ᠃ ᠲᠠᠯᠠ ᠰᠢᠬᠠᠭᠰᠠᠨ ᠲᠡᠳᠡ ᠨᠡᠷ ᠴᠤᠭ ᠵᠤᠯᠪᠤᠭᠠ ᠪᠠᠳᠠᠷᠠᠩᠭᠤᠢ ᠪᠥᠭᠡᠳ ᠴᠢᠷᠠᠢ ᠨᠢᠭᠤᠷ ᠲᠤᠨᠢ ᠠᠵᠠ ᠵᠢᠷᠭᠠᠯᠤᠨ ᠢᠨᠢᠶᠡᠳᠦ ᠪᠢᠯᠬᠠᠮᠠ ᠪᠠᠢᠯᠠ᠃
《ᠪᠢ ᠲᠡᠷᠡ ᠡᠮᠤᠨᠠ ᠭᠠᠵᠡᠷ ᠣᠴᠢᠶᠠ ᠭᠡᠵᠤ ᠨᠢᠭᠡ ᠴᠤ᠌ ᠤᠳᠠᠭᠠ ᠪᠤᠳᠤᠵᠤ ᠦᠩᠭᠡᠷᠡᠭᠡ ᠦᠭᠡᠢ᠂ ᠡᠷᠬᠦᠭᠰᠡᠨ ᠠᠪᠤ ᠡᠵᠢ ᠮᠢᠨᠢ ᠮᠢᠨᠤ ᠲᠦᠯᠦᠭᠡ ᠵᠦᠳᠡᠭᠰᠡᠨ᠂ ᠨᠠᠮᠠᠶ᠋ᠢᠰᠤᠶᠤᠨ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠵᠦ᠂ ᠪᠠᠭ᠍ᠰᠢᠶᠢᠨ ᠠᠵᠢᠯ ᠠᠯᠪᠠ ᠲᠠᠢ ᠪᠤᠯᠭᠠᠬ᠍ᠰᠠᠨ》 ᠭᠡᠵᠤ ᠲᠣᠭᠣᠰ ᠡᠵᠢ ᠪᠢᠳᠡᠨ ᠲᠠᠢ ᠲᠡᠤᠬᠡ ᠬᠦᠤᠷᠨᠢᠵᠤ ᠰᠠᠭᠤᠨᠠ᠃
ᠲᠡᠷᠡ ᠪᠡᠷ ᠪᠠᠬ᠍ᠰᠢᠯᠠᠬ᠍ᠰᠠᠨᠤ ᠪᠠᠨ ᠲᠠᠷᠠᠭᠠ᠂ ᠬᠠᠰᠠᠭᠤᠨ ᠬᠤᠶᠠᠷ ᠬᠦᠷᠳᠦ ᠬᠡᠮᠡᠷ ᠬᠠᠢᠷᠠ ᠬᠠᠷᠢᠭᠤᠴᠠᠯᠭᠠᠶᠢ ᠤᠯᠠᠮ ᠮᠡᠳᠡᠷᠡᠵᠤ᠂ ᠭᠣᠶᠠᠴᠢ ᠦᠭᠡᠢ ᠵᠢᠳᠬᠦᠨ ᠤᠯᠠᠨ ᠱᠠᠪᠢ ᠬᠦᠮᠦᠵᠢᠬᠦᠯᠦᠭᠰᠡᠨᠢᠶᠡᠷ ᠪᠠᠷᠠᠬᠤ ᠦᠬᠡᠢ ᠤᠷᠢᠳ ᠬᠣᠵᠢᠳ 《ᠰᠢᠯᠢᠳᠡᠭ ᠠᠩᠭᠢᠶᠢᠨ ᠡᠷᠬᠢᠯᠡᠭᠴᠢ》᠂ 《ᠰᠢᠯᠢᠳᠡᠭ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ》᠂ 《ᠬᠥᠳᠡᠯᠮᠦᠷᠢᠶᠢᠨ ᠵᠢᠱ᠌ᠢᠶᠡᠴᠢ》 ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠪᠡ᠃ ᠲᠡᠷᠡ ᠪᠡᠷ ᠡᠨᠡ ᠯᠡ ᠠᠯᠳᠠᠷᠤᠨ ᠲᠢᠳᠢᠮ᠂ ᠡᠩᠭᠡᠷᠦᠨ ᠲᠡᠮᠳᠡᠭᠢ ᠬᠦᠬᠡᠭᠡᠴᠡᠯᠳᠦᠭᠡ ᠦᠬᠡᠢ᠂ ᠬᠠᠷᠢᠨ ᠠᠴᠢ ᠬᠠᠷᠢᠭᠤᠯᠬᠤᠶᠢᠨ ᠲᠦᠯᠦᠭᠡ ᠡᠨᠡ ᠶᠠᠪᠤᠭᠠ ᠨᠠᠰᠤᠨᠳᠠᠭᠠᠨ ᠬᠤᠶᠡᠷ ᠦᠬᠡᠢ ᠵᠢᠳᠬᠦᠵᠡᠢ᠃
2010 ᠣᠨᠤ 8 ᠰᠠᠷᠠᠳᠤ ᠲᠤ·ᠮᠠᠨᠳᠠᠷᠤᠡᠶᠢᠨ ᠰᠠᠨᠠᠭᠠᠴᠢᠯᠠᠭᠠᠪᠠᠷ᠂ ᠲᠣᠭᠣᠰ᠂ ᠲᠤᠩᠭᠠᠯᠠᠭ ᠵᠡᠷᠭᠡ ᠤᠯᠤᠰᠤᠨ ᠬᠡᠤᠬᠡᠳᠤᠨ ᠤᠷᠤᠯᠴᠠᠯᠭᠠ ᠪᠡᠷ 《ᠤᠯᠤᠰᠤᠨ ᠬᠡᠦᠬᠡᠳ》 ᠦᠳ ᠬᠠᠢᠷᠠ ᠬᠠᠯᠠᠮᠵᠢ ᠵᠢᠨ ᠨᠡᠢᠭᠡᠮᠯᠢᠭᠢ ᠡᠭᠦᠰᠬᠡᠨ ᠪᠠᠢᠭᠤᠯᠵᠤ᠂ ᠠᠩᠬᠠᠯᠠᠨ 70 ᠭᠠᠷᠤᠢᠬᠠᠨ ᠭᠡᠰᠢᠭᠦᠨ ᠲᠠᠢ ᠪᠠᠢᠭᠰᠠᠨ ᠡᠴᠡ ᠪᠡᠨ ᠤᠳᠤ ᠪᠤᠯᠬᠤᠳᠤ 270 ᠭᠠᠷᠤᠢ ᠬᠥᠮᠥᠨ ᠲᠠᠢ ᠪᠣᠯᠣᠨ ᠥᠷᠭᠡᠵᠢᠵᠦ᠂ ᠰᠥᠨᠢᠳ ᠵᠡᠭᠦᠨ ᠬᠣᠰᠢᠭᠤᠨᠤ ᠬᠡᠪᠴᠢᠶᠡᠨ ᠡᠴᠡ ᠥᠷᠭᠡᠵᠢᠨ ᠲᠡᠯᠡᠭᠡᠳ ᠪᠤᠰᠤᠳ ᠠᠢᠮᠠᠭ ᠬᠤᠳᠠ ᠪᠠ ᠬᠣᠰᠢᠭᠤ ᠰᠢᠶᠠᠨᠢ ᠬᠠᠮᠤᠷᠴᠤ᠂ ᠡᠭᠦᠨᠦ ᠳᠣᠲᠣᠷᠠ ᠮᠠᠯᠴᠢᠨ᠂ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ᠂ ᠪᠡᠭᠡᠵᠢᠩ ᠰᠡᠬᠡᠬᠡᠳᠡᠳ ᠪᠠᠰᠠ ᠰᠢᠨᠡ ᠨᠢᠭᠡ ᠦᠶᠡᠶᠢᠨ ᠵᠠᠯᠠᠭᠤᠴᠤᠳ ᠪᠠᠭᠲᠠᠯᠴᠠᠪᠠ᠃ ᠨᠡᠢᠭᠡᠮᠯᠢᠭ ᠪᠠᠢᠭᠤᠯᠤᠭᠳᠠᠭᠰᠠᠨ ᠠ᠋ᠴᠠ ᠨᠠᠭᠠᠰᠢ᠂ ᠨᠡᠶ᠋ᠢᠲᠡ 78000 ᠭᠠᠷᠤᠢ ᠲᠥᠭᠥᠷᠢᠭᠦᠨ ᠬᠠᠨᠳᠢᠪ ᠡᠷᠬᠦᠵᠦ᠂ ᠶᠡᠬᠡ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭ᠍ᠴᠢᠳ ᠪᠣᠯᠣᠨ ᠨᠡᠢᠭᠡᠮᠦᠨ ᠡᠯᠡ ᠡᠲᠡᠭᠡᠳᠦᠨ ᠬᠥᠭᠰᠢᠨ ᠪᠠᠭᠤᠷᠠᠢ ᠡᠪᠡᠳᠴᠢᠨᠲᠠᠢ ᠵᠡᠮᠳᠡᠭ ᠬᠥᠮᠥᠰᠢ ᠲᠤᠰᠠᠯᠠᠬ᠍ᠰᠠᠭᠠᠷ ᠢᠷᠡᠪᠡ᠃ 《ᠡᠵᠢ ᠵᠢᠨ ᠬᠠᠢᠷᠠ ᠶᠠᠭ ᠲᠠᠯᠠ ᠨᠤᠲᠤᠭ ᠰᠢᠭ᠋ ᠠᠭᠤᠳᠠᠮ ᠡᠨᠡᠷᠢᠩᠭᠦᠢ᠂ ᠪᠢᠳᠡ ᠡᠢᠮᠦ ᠶᠡᠬᠡ ᠬᠠᠢᠷᠠᠪᠡᠷ ᠡᠷᠬᠡ ᠵᠢᠷᠭᠠᠯᠲᠠᠢ ᠲᠣᠷᠨᠢᠵᠤ ᠥᠰᠦᠭᠰᠡᠨ ᠪᠣᠯᠬᠣᠷ ᠦᠶᠡ ᠵᠢᠨ ᠦᠶᠡᠳᠤ ᠦᠷᠡ ᠵᠢᠨ ᠦᠷᠡ ᠳ᠋ᠡᠭᠡᠨ ᠡᠨᠡ ᠬᠠᠢᠷᠠᠶᠢ ᠤᠯᠠᠮᠵᠢᠯᠠᠵᠤ᠂ ᠨᠡᠡᠭ ᠤᠯᠠᠨ ᠬᠥᠮᠥᠰᠲᠦ ᠡᠨᠡ ᠬᠠᠢᠷᠠ ᠶ᠋ᠢ ᠮᠡᠳᠡᠷᠡᠭᠦᠯᠬᠦ ᠪᠡᠷ ᠴᠢᠷᠮᠠᠢᠨᠠ》 ᠭᠡᠵᠤ ᠤᠷᠠᠩᠭᠤᠸᠠ ᠡᠵᠢ ᠶᠠᠷᠢᠵᠤ ᠪᠠᠢᠯᠠ᠃
ᠨᠢᠭᠡᠨ ᠵᠢᠷᠠᠨᠤ ᠬᠤᠭᠤᠴᠠᠭᠠᠨᠳᠤ ᠲᠡᠳᠡ ᠠᠯᠢ ᠬᠡᠳᠦᠢᠨ ᠲᠠᠯᠠ ᠨᠤᠲᠤᠭᠤᠨ ᠠᠮᠢᠳᠤᠷᠠᠯ ᠢᠷᠭᠡᠨᠰᠢᠯᠳᠤ ᠠᠭᠤᠰᠤᠨ ᠢᠳᠡᠭᠡᠰᠢᠵᠦ᠂ ᠵᠢᠶᠠᠩᠨᠠᠨ ᠣᠷᠣᠨᠳᠤ ᠵᠠᠶᠠᠭᠠᠭᠰᠠᠨ ᠪᠤᠯᠪᠠᠴᠤ ᠠᠷᠤ ᠭᠠᠵᠠᠷᠤᠨ ᠲᠠᠯᠠ ᠨᠤᠲᠤᠭ ᠲᠠᠢ ᠠᠮᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠵᠡᠢ᠃
ᠬᠠᠷᠢᠵᠤ ᠪᠠᠢᠭᠠ ᠤᠯᠠᠷᠢᠯᠤᠨ ᠦᠩᠭᠡᠨᠳᠦ ᠪᠤᠭᠤᠷᠤᠯᠳᠤᠬ᠍ᠰᠠᠭᠠᠷ ᠂ ᠬᠠᠢᠷᠠᠳᠠᠢ ᠡᠵᠢ ᠮᠢᠨᠢ ᠬᠤᠯᠠᠳᠠᠭᠠᠳ ᠪᠠᠢᠬᠤ ᠰᠢᠭ᠋ ᠰᠠᠨᠠᠬ᠍ᠳᠠᠨᠠ ᠁ ᠲᠤᠬᠠᠢᠶᠢᠨ ᠵᠢᠯᠤᠨ 《ᠤᠯᠤᠰᠤᠨ ᠬᠡᠤᠬᠡᠳ》ᠤᠳ ᠤᠳᠤ ᠨᠢᠭᠡᠨᠲᠡ ᠪᠤᠭᠤᠷᠤᠯ ᠪᠣᠯᠵᠤ᠂ ᠲᠤᠬᠠᠢᠶᠢᠨ ᠵᠢᠯᠳᠤ ᠡᠲᠡᠭᠡᠷ ᠬᠡᠦᠬᠡᠳᠢ ᠡᠯᠢᠭᠡᠨᠳᠡᠭᠡᠨ ᠪᠦᠪᠡᠢᠯᠡᠨ ᠠᠪᠤᠭᠰᠠᠨ ᠠᠪᠤ ᠡᠵᠢ ᠨᠢ ᠴᠦ᠍ ᠨᠠᠰᠤ ᠠᠬᠢᠬ᠍ᠰᠠᠨ ᠲᠡᠳᠤᠢ ᠦᠭᠡᠢ ᠪᠦᠷ ᠵᠠᠷᠢᠮ ᠨᠢ ᠪᠤᠷᠬᠠᠨᠤ ᠤᠷᠤᠨᠢ ᠵᠤᠷᠢᠵᠡᠢ᠃ ᠬᠡᠪᠡᠴᠤ ᠡᠨᠡ ᠬᠦ᠌ ᠴᠢᠰᠤᠨ ᠲᠥᠷᠥᠯ᠂ ᠭᠠᠵᠠᠷ ᠣᠷᠣᠨ᠂ ᠦᠭᠡ ᠬᠡᠯᠡ᠂ ᠴᠠᠭᠤᠨ ᠬᠢᠵᠠᠭᠠᠷᠢ ᠳᠠᠪᠠᠭᠰᠠᠨ ᠬᠠᠢᠷᠠ ᠨᠢ ᠲᠠᠰᠤᠷᠠᠰᠢ ᠦᠭᠡᠢ ᠦᠷᠭᠦᠯᠵᠢᠯᠡᠬᠦ ᠲᠡᠦᠬᠡ ᠵᠢᠨ ᠴᠤᠪᠤᠭᠠ ᠲᠤᠮᠳᠡ ᠮᠦᠩᠭᠡᠶᠢᠨ ᠬᠦᠰᠢᠭᠡ ᠪᠤᠯᠤᠨ ᠰᠦᠨᠳᠡᠷᠯᠡᠵᠤ᠂ ᠵᠠᠭᠣᠨ ᠵᠠᠭᠣᠨᠢᠶᠠᠷ ᠳᠣᠮᠳᠠᠷᠠᠰᠢ ᠦᠬᠡᠢ ᠬᠠᠢᠷᠠᠶᠢᠨ ᠳᠠᠪᠠᠯᠭᠠᠨ ᠤᠢᠯᠰᠤᠯᠠᠨᠠ᠃
2022 ᠣᠨᠤ 11 ᠰᠠᠷᠠᠳᠤ᠂ ᠰᠥᠨᠢᠳ ᠵᠡᠭᠦᠨ ᠬᠣᠰᠢᠭᠤ 《ᠤᠯᠤᠰᠤᠨ ᠬᠡᠦᠬᠡᠳ》ᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠬᠥᠮᠦᠵᠢᠯᠦᠨ ᠦᠵᠡᠭᠦᠯᠭᠡᠶᠢᠨ ᠲᠢᠩᠬᠢᠮᠢ ᠪᠠᠢᠭᠤᠯᠪᠠ᠃ ᠦᠵᠡᠭᠦᠯᠭᠡ ᠶ᠋ᠢᠨ ᠲᠢᠩᠬᠢᠮᠦᠨ ᠪᠠᠷᠢᠯᠭᠠ ᠶ᠋ᠢᠨ ᠲᠠᠯᠠᠪᠠᠶ ᠨᠢ 300 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠬᠦᠷᠴᠤ ᠂ ᠣᠷᠣᠰᠢᠯ ᠬᠡᠰᠡᠭ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠣᠶᠠᠷ ᠦᠵᠡᠭᠦᠯᠭᠡ ᠵᠢᠨ ᠲᠠᠩᠬᠢᠮ ᠪᠣᠯᠣᠨ ᠪᠠᠰᠠ ᠨᠢᠭᠡ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠲᠠᠩᠬᠢᠮ ᠵᠢᠠᠷ ᠪᠦᠷᠢᠯᠳᠦᠪᠡ᠃ ᠤᠳᠤᠬᠠᠨᠳᠤ 191 ᠬᠤᠪᠢ ᠬᠠᠭᠤᠴᠢᠨᠤ ᠡᠳ᠋ ᠪᠣᠳᠠᠰ᠂ 80 ᠭᠠᠷᠤᠢ ᠬᠤᠪᠢ 《ᠤᠯᠤᠰᠤᠨ ᠬᠡᠦᠬᠡᠳ》ᠤᠨ ᠵᠢᠷᠤᠭ ᠰᠡᠭᠦᠳᠡᠷ ᠪᠠ 4 ᠳᠦᠷᠰᠦ ᠰᠢᠩᠭᠡᠭᠡᠯᠲᠡ ᠶ᠋ᠢ ᠳᠡᠯᠭᠡᠨ ᠦᠵᠡᠬᠦᠯᠵᠦ ᠪᠠᠢᠨᠠ᠃ ᠡᠨᠡ ᠨᠢ 1958 ᠣᠨᠳᠤ 170 ᠭᠠᠷᠤᠢ ᠥᠨᠥᠴᠢᠨ ᠬᠡᠦᠬᠡᠳ ᠰᠥᠨᠢᠳᠦᠨ ᠲᠠᠯᠠ ᠨᠤᠲᠤᠭᠲᠤ ᠢᠷᠡᠵᠦ᠂ ᠲᠠᠯᠠ ᠨᠤᠲᠤᠭᠤᠨ 《ᠡᠵᠢ》 ᠶ᠋ᠢᠨ ᠬᠠᠢᠷᠠ ᠬᠠᠯᠠᠮᠵᠢ ᠳᠣᠣᠷᠠ ᠢᠳᠡᠷᠡᠭᠦᠨ ᠢ᠋ᠶ᠋ᠡᠷ ᠦᠰᠦᠨ ᠪᠣᠢᠵᠢᠭ᠍ᠰᠠᠨ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠦᠯᠢᠭᠡᠷᠢ ᠮᠦᠩᠭᠡᠯᠡᠨ ᠬᠠᠳᠠᠭᠠᠯᠠᠵᠤ᠂ ᠡᠨᠡᠬᠦ ᠠᠭᠤᠤ ᠬᠠᠢᠷᠠᠶᠢ ᠤᠯᠠᠮᠵᠢᠯᠠᠨ ᠲᠡᠯᠭᠡᠷᠡᠬᠦᠯᠬᠦᠪᠡᠷ ᠤᠴᠢᠷ ᠵᠣᠷᠢᠯᠭᠠᠪᠠᠨ ᠪᠤᠯᠭᠠᠪᠠ᠃
ᠠᠭᠤᠳᠠᠮ ᠲᠠᠮᠤᠴᠢ ᠮᠠᠨᠢ ᠬᠠᠢᠷᠠ ᠢᠪᠡᠭᠡᠯ᠂ ᠠᠴᠢᠯᠠᠯ ᠡᠨᠡᠷᠢᠯᠦᠨ ᠠᠶᠠᠯᠭᠤᠨ ᠲᠣᠮᠳᠠ ᠡᠶᠡ ᠵᠣᠬᠢᠴᠠᠯᠤᠨ ᠬᠦᠭᠵᠢᠮ ᠴᠢᠪᠬᠠᠳᠠᠵᠤ᠂ ᠬᠠᠢᠷᠠ ᠪᠡᠷ ᠴᠠᠯᠬᠢᠯᠠᠵᠤ ᠨᠠᠯᠠᠢᠬ᠍ᠰᠠᠭᠠᠷ ᠁