• ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤ ᠤᠷᠢᠳ ᠬᠣᠵᠢᠳ 《ᠪᠥᠬᠥ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠣᠰᠢᠭᠤ 》 ᠂ 《ᠪᠥᠬᠥ ᠤᠯᠤᠰᠤᠨ ᠬᠣᠶᠠᠷᠢ ᠬᠦᠷᠢᠶᠡᠯᠡᠬᠦ ᠵᠢᠱ᠌ᠢᠶᠡᠴᠢ ᠬᠣᠰᠢᠭᠤ》᠂ 《ᠪᠥᠬᠥ ᠣᠷᠣᠨᠤ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡᠴᠢ ᠬᠣᠰᠢᠭᠤ 》 ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠪᠡ᠃
• ᠤᠷᠠᠳᠤᠨ ᠬᠤᠢᠲᠤ ᠬᠤᠰᠢᠭᠤᠨᠤ ᠪᠠᠶᠠᠨᠪᠤᠯᠠᠭ ᠪᠠᠯᠭᠠᠰᠤ ᠂ ᠪᠠᠶᠠᠨᠴᠢᠨᠳᠠᠮᠤᠨᠢ ᠰᠤᠮᠤ᠂ ᠬᠣᠰᠢᠭᠤᠨᠤ ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠨᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠰᠤᠨ 《ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢ ᠡᠭᠦᠳᠦᠨ ᠪᠠᠢᠭᠤᠯᠬᠤ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠨᠢᠭᠡᠴᠢ 》 ᠪᠡᠷ ᠦᠨᠡᠯᠡᠭᠳᠡᠪᠡ᠃
• ᠤᠷᠠᠳᠤᠨ ᠬᠤᠢᠲᠤ ᠬᠤᠰᠢᠭᠤᠨᠤ 《ᠭᠠᠷᠠᠭᠤᠨ ᠰᠡᠭᠦᠯᠴᠢᠶᠢᠨ ᠡᠵᠢ》 ᠬᠠᠢᠷᠠ ᠬᠠᠯᠠᠮᠵᠢᠶᠢᠨ ᠠᠵᠢᠯᠯᠠᠭᠠ ᠨᠢ ᠪᠥᠬᠥ ᠤᠯᠤᠰᠤᠨ 《ᠬᠠᠮᠤᠭᠤᠨ ᠭᠣᠶᠣ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠲᠥᠷᠥᠯ ᠵᠦᠢᠯ 》 ᠤ᠋ᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠪᠡ᠃
• ᠤᠷᠠᠳᠤᠨ ᠬᠤᠢᠲᠤ ᠬᠤᠰᠢᠭᠤᠨᠤ ᠬᠦᠬᠡᠦ᠌ᠨᠳᠦᠷ ᠪᠠᠯᠭᠠᠰᠤᠨᠤ ᠨᠠᠷᠠᠨ᠌ᠠᠦ᠋ᠪᠦᠷ ᠭᠠᠴᠠᠭᠠ 《ᠳᠤᠮᠳᠠᠳᠤ ᠤᠯᠤᠰᠤᠨ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨᠦ ᠤᠨᠴᠠᠯᠢᠬᠳᠤ ᠲᠣᠰᠬᠣᠨ 》ᠢᠶᠡᠷ ᠨᠡᠷᠡᠯᠡᠭᠳᠡᠪᠡ᠃
ᠨᠠᠮᠤᠷᠤᠨ ᠡᠬᠢᠪᠡᠷ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠᠶᠢᠨ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠴᠤᠬᠠᠦᠢ᠍ᠨᠳᠦᠷ ᠪᠠᠯᠭᠠᠰᠤᠨᠳᠤ ᠬᠦᠷᠬᠦᠳᠦ᠂ ᠭᠣᠪᠢ ᠨᠤᠳᠤᠭᠲᠤ ᠰᠡᠷᠢᠬᠦᠨ ᠰᠠᠯᠬᠢ ᠰᠡᠷᠴᠢᠭᠢᠨᠡᠵᠦ᠂ ᠬᠠᠷᠠᠭᠠᠨᠤ ᠦᠵᠦᠭᠦᠷᠲᠤ᠂ ᠪᠠᠯᠭᠠᠰᠤᠨᠤ ᠵᠡᠭᠦᠨ ᠵᠠᠬᠠᠶᠢᠨ ᠬᠠᠯᠬᠠᠪᠴᠢ ᠤᠢᠶᠢᠨ ᠳᠡᠷᠭᠡᠳᠡ᠂ ᠨᠢᠭᠡᠳᠦᠯᠲᠡᠢ ᠤᠯᠠᠭᠠᠨ ᠬᠠᠨᠵᠢᠶᠠᠷ ᠡᠮᠦᠰᠦᠭᠰᠡᠨ ᠬᠥᠮᠦᠰᠦᠨ ᠵᠠᠷᠢᠮ ᠨᠢ ᠬᠣᠭ ᠨᠣᠪᠰᠢ ᠲᠡᠭᠦᠵᠦ᠂ ᠵᠠᠷᠢᠮ ᠨᠢ ᠵᠤᠯᠵᠠᠭᠠ ᠮᠣᠳᠣᠶᠢ ᠠᠷᠠᠴᠢᠯᠠᠵᠤ᠂ ᠵᠠᠷᠢᠮ ᠨᠢ ᠬᠠᠯᠬᠠᠪᠴᠢ ᠤᠢᠶᠢᠨ ᠭᠠᠳᠠᠨᠠᠬᠢ ᠲᠣᠣᠷᠢ ᠰᠡᠯᠪᠢᠨ ᠵᠠᠰᠠᠭᠠᠳ᠂ ᠡᠮᠬᠢ ᠵᠢᠷᠤᠮ ᠲᠠᠢ ᠶᠠᠭᠠᠷᠠᠯᠳᠤᠬᠤ ᠬᠠᠷᠠᠭᠳᠠᠨᠠ᠃
— ᠡᠳᠡᠨᠤᠰ ᠪᠣᠯ ᠴᠥᠮ ᠮᠠᠨᠤ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭᠦᠨ ᠬᠡᠰᠢᠭᠦᠨ ᠮᠥᠨ᠂ ᠨᠡᠢᠭᠡᠮ ᠳᠡᠭᠡᠷᠡᠬᠢ ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠬᠥᠮᠦᠰᠢᠶᠡᠷ ᠪᠦᠷᠢᠯᠳᠦᠭᠰᠡᠨ ᠡᠨᠡᠬᠦ ᠨᠡᠢᠭᠡᠮᠯᠢᠭ ᠲᠤᠬᠠᠶᠶᠢᠨ ᠭᠠᠵᠠᠷᠲᠠᠭᠠᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ᠂ ᠨᠡᠢᠭᠡᠮᠦᠨ ᠬᠥᠭᠵᠢᠯᠲᠡᠳᠦ ᠠᠰᠢᠭᠲᠠᠶ ᠮᠠᠰᠢ ᠣᠯᠠᠨ ᠰᠠᠢᠨ ᠦᠢᠯᠡ ᠶᠠᠪᠤᠳᠠᠯ ᠬᠢᠵᠡᠶ᠂ ᠨᠡᠢᠭᠡᠮᠯᠢᠭᠦᠨ ᠠᠵᠢᠯᠯᠠᠭᠠᠨᠢ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠠᠮᠢ ᠠᠬᠤᠶᠶᠢᠨ ᠬᠠᠮᠠᠭᠠᠯᠠᠯᠲᠠ᠂ ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠬᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠠᠵᠢᠯᠯᠠᠭᠠ᠂ ᠴᠦᠯᠯᠡᠷᠭᠡᠭ ᠭᠠᠵᠠᠷᠲᠸ᠋ ᠮᠣᠳᠣ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ᠂ ᠬᠠᠤᠯᠢ ᠴᠠᠭᠠᠵᠠ ᠬᠠᠤᠯᠢ ᠲᠣᠭᠲᠠᠭᠠᠯᠢ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬᠤ ᠂ ᠵᠡᠮᠳᠡᠭ ᠪᠠᠭᠤᠷᠠᠢᠴᠤᠤᠯ ᠪᠠ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠰᠤᠷᠤᠭᠴᠢᠳᠢ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ ᠵᠡᠷᠭᠡ ᠡᠯᠡ ᠬᠦᠷᠢᠶᠡᠶᠢ ᠬᠠᠮᠤᠷᠴᠠᠶ ᠭᠡᠵᠦ ᠬᠠᠮᠲᠤ ᠶᠠᠪᠤᠭᠠ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠨᠠᠮᠦᠨ ᠬᠤᠷᠢᠶᠠᠨᠦ ᠤᠬᠠᠭᠤᠯᠬᠤ ᠬᠡᠯᠲᠡᠰᠦᠨ ᠠᠵᠢᠯᠲᠠᠨ ᠲᠠᠨᠢᠯᠴᠠᠭᠤᠯᠤᠨᠠ᠃
ᠲᠡᠷᠭᠡᠳᠡ ᠨᠢ ᠬᠦᠷᠦᠭᠡᠳ ᠤᠴᠢᠬᠤᠳᠤ ᠨᠢᠭᠡᠨ ᠲᠤᠮᠳᠠ ᠶᠢᠨ ᠪᠡᠶᠡ ᠲᠠᠢ᠂ ᠦᠰᠤ ᠰᠠᠬᠠᠯᠢᠶᠡᠨ ᠴᠡᠪᠡᠷ ᠰᠠᠢᠬᠠᠨ ᠵᠠᠰᠠᠭᠰᠠᠨ ᠲᠠᠪᠢᠭᠠᠳ ᠨᠠᠰᠤᠨᠤ ᠠᠬᠠ ᠬᠠᠯᠠᠭᠤᠨᠢᠶᠡᠷ ᠲᠤᠰᠤᠨ ᠠᠪᠴᠤ ᠮᠡᠨᠳᠦᠴᠢᠯᠡᠨᠡ᠃ ᠡᠨᠡ ᠬᠦ᠌ ᠶᠠᠷᠢᠶᠠ ᠬᠦᠭᠡᠷᠤᠭᠡ ᠲᠠᠢ ᠠᠬᠠᠵᠢ ᠶᠠᠩ ᠹᠧᠩ ᠴᠦᠨ ᠭᠡᠳᠡᠭ᠂ ᠤᠤᠯ ᠨᠢ ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭᠦᠨ ᠲᠡᠳ᠋ ᠲᠠᠷᠤᠭᠠ ᠪᠠᠢᠵᠠᠢ ᠂ ᠲᠦᠷᠦᠭᠦᠬᠡᠨ ᠪᠤᠯᠤᠭᠰᠠᠨ ᠡᠭᠡᠯᠵᠢ ᠰᠤᠯᠢᠬᠤ ᠬᠤᠷᠠᠯᠢᠶᠡᠷ ᠲᠤᠰᠢᠶᠠᠯᠡᠴᠡ ᠪᠠᠨ ᠪᠠᠭᠤᠭᠰᠠᠨ ᠪᠤᠯᠪᠠᠴᠤ ᠠᠬᠠᠮᠠᠳ ᠬᠡᠰᠢᠭᠦᠨᠤ ᠬᠤᠪᠢᠳᠤ ᠂ ᠶᠡᠷᠦᠳᠡᠶᠢᠨ ᠠᠵᠢᠯᠯᠠᠭᠠ ᠲᠤᠮᠳᠠ ᠵᠤᠬᠢᠶᠠᠨ ᠪᠠᠢᠭᠤᠯᠤᠭᠴᠢ ᠪᠤᠶᠤ ᠠᠬᠠᠯᠠᠨ ᠲᠠᠭᠠᠭᠤᠯᠤᠭᠴᠢ ᠪᠤᠯᠵᠤ ᠂ ᠤᠯᠠᠨᠢᠶᠡᠨ ᠲᠠᠭᠠᠭᠤᠯᠤᠨ ᠰᠠᠢᠨ ᠲᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠵᠢᠯ ᠦᠷᠨᠢᠭᠦᠯᠳᠡᠭ ᠪᠠᠢᠵᠠᠢ᠃
— ᠡᠨᠡ ᠬᠡᠰᠡᠭ ᠬᠠᠯᠬᠠᠪᠴᠢ ᠤᠢ ᠪᠣᠯ ᠮᠠᠨᠤ ᠨᠡᠢᠭᠡᠮᠯᠢᠭᠦᠨ ᠰᠠᠢᠨ ᠲᠤᠷᠠᠴᠤᠳᠤᠨ ᠲᠠᠷᠢᠭᠰᠠᠨ ᠨᠡᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠤᠢ ᠪᠣᠯᠤᠨᠠ᠃ ᠨᠡᠢᠭᠡᠮᠯᠢᠭ ᠪᠠᠢᠭᠤᠯᠤᠭᠳᠠᠭᠰᠠᠨᠠᠴᠠ ᠨᠠᠭᠠᠰᠢ ᠂ ᠪᠢᠳᠡ ᠨᠡᠢᠲᠡ 3 ᠲᠦᠮᠡ ᠭᠠᠷᠤᠶ ᠰᠠᠭᠤᠷᠢ ᠮᠣᠳᠣ ᠳᠠᠷᠢᠵᠤ᠂ ᠨᠢᠳᠤᠨᠤᠨ ᠪᠠᠰᠠ 30 ᠭᠠᠷᠤᠶ ᠲᠦᠮᠡᠨ ᠲᠥᠭᠥᠷᠢᠭᠦᠨ ᠪᠠᠯᠠ ᠣᠷᠣᠭᠤᠯᠵᠤ᠂ ᠲᠤᠤᠷ ᠬᠠᠰᠢᠶᠠᠶᠢ ᠰᠡᠯᠪᠢᠨ ᠵᠠᠰᠠᠬᠤ᠂ ᠤᠰᠤᠨ ᠬᠣᠭᠣᠯᠠᠶ ᠤᠭᠰᠠᠷᠠᠬᠤ ᠵᠡᠷᠭᠡᠳᠦ ᠬᠡᠷᠡᠭᠯᠡᠪᠡ᠂ ᠲᠠᠷᠠᠭᠠᠴᠢᠶᠢᠨ ᠠᠯᠬᠤᠮᠳᠤ ᠪᠢᠳᠡ ᠨᠠᠩ ᠣᠯᠠᠨ ᠮᠣᠳᠣ ᠳᠠᠷᠢᠵᠤ᠂ ᠠᠮᠢ ᠠᠬᠤᠶᠶᠢᠨ ᠵᠠᠰᠠᠯᠲᠠᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠭᠦᠯᠬᠦ ᠪᠣᠯᠤᠨᠠ ᠭᠡᠮᠡᠨ ᠶᠠᠩ ᠹᠸᠩ ᠴᠦᠨ ᠶᠠᠷᠢᠨᠠ᠃
ᠤᠯᠠᠨᠤ ᠲᠤᠮᠳᠠ ᠂ ᠨᠢᠭᠡᠨ ᠬᠣᠣᠰ ᠡᠷᠡ ᠡᠮᠡ ᠪᠠᠰᠠ ᠠᠷᠪᠠᠭᠠᠳ ᠨᠠᠰᠤᠲᠠᠢ ᠬᠡᠦᠬᠡᠳᠢᠶᠡᠨ ᠳᠠᠭᠠᠭᠤᠯᠤᠨ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠵᠤ ᠪᠠᠢᠯᠠ᠂ ᠪᠢᠴᠢᠬᠠᠨ ᠬᠦᠦ ᠪᠡᠶᠡᠡᠴᠡ ᠪᠠᠨ ᠲᠤᠮᠤ ᠤᠯᠠᠭᠠᠨ ᠬᠠᠨᠵᠢᠶᠠᠷ ᠡᠮᠦᠰᠴᠢᠭᠡᠭᠰᠡᠨ᠂ ᠲᠤᠷᠠᠩᠬᠠᠢ ᠵᠢᠭᠠᠬᠠᠨ ᠪᠡᠶᠡ ᠨᠢ ᠭᠤᠪᠢᠶᠢᠨ ᠰᠡᠷᠢᠬᠦᠨ ᠰᠠᠯᠬᠢᠨᠳᠤ ᠦᠯᠢᠶᠡᠭᠳᠡᠨ ᠬᠡᠰᠡᠭ ᠴᠡᠴᠡᠷᠡᠨ ᠲᠠᠭᠵᠢᠷᠠᠵᠤ ᠂ ᠠᠮᠠᠨ ᠳᠡᠭᠡᠷᠡᠪᠡᠨ《ᠦᠨᠡᠭᠡᠷ ᠰᠡᠷᠢᠬᠦᠨ ᠪᠠᠢᠨᠠ》 ᠭᠡᠳ ᠡᠵᠢ ᠠᠪᠤᠳᠠᠭᠠᠨ ᠦᠨᠡᠷᠬᠡᠬᠦ ᠪᠤᠯᠪᠠᠴᠤ ᠦᠴᠦᠭᠡᠨᠴᠤ ᠤᠬᠤᠷᠢᠯ ᠦᠭᠡᠢ ᠂ ᠠᠪᠤ ᠡᠵᠢᠪᠡᠨ ᠳᠠᠭᠠᠵᠤ ᠨᠠᠷᠢᠨ ᠬᠢᠨᠠᠮᠠᠭᠠᠢᠪᠠᠷ ᠬᠣᠭ ᠨᠣᠪᠰᠢ ᠲᠡᠭᠦᠵᠦ᠂ ᠲᠡᠳᠡᠨᠦ ᠶᠠᠪᠤᠵᠤ ᠥᠩᠭᠡᠷᠡᠭᠰᠡᠨ ᠭᠠᠵᠠᠷᠨᠢ ᠨᠢᠭᠡ ᠵᠢᠵᠢᠭ ᠲᠠᠮᠠᠬᠢᠨ ᠶᠤᠵᠤᠭᠤᠷᠴᠤ ᠦᠯᠡᠳᠡᠬᠦ ᠦᠭᠡᠢ ᠪᠠᠢᠯᠠ᠃
— ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭ ᠰᠠᠶᠢᠬᠠᠨ ᠪᠠᠢᠭᠤᠯᠤᠭᠳᠠᠬᠤᠳᠤ᠂ ᠮᠠᠨᠤ ᠨᠢᠭᠡ ᠭᠡᠷᠢᠶᠡᠷᠢᠶᠡᠨ ᠣᠷᠣᠯᠴᠠᠭᠰᠠᠨ ᠶᠤᠮ᠂ ᠮᠠᠨᠤ 3 ᠡᠴᠡ ᠭᠠᠳᠠᠨᠠ᠂ ᠮᠢᠨᠦ ᠬᠠᠳᠠᠮ ᠠᠪᠤ ᠡᠵᠢ᠂ ᠬᠡᠦᠬᠡᠳᠦᠨ ᠨᠠᠭᠠᠴᠤ ᠡᠭᠡᠴᠢᠨᠡᠷᠴᠦ ᠨᠡᠢᠭᠡᠮᠯᠢᠭᠦᠨ ᠬᠡᠰᠢᠭᠦᠨ ᠪᠣᠯᠤᠨᠠ᠃ ᠪᠢᠳᠡ ᠬᠡᠦᠬᠡᠳᠢ ᠬᠠᠷᠠᠬᠠᠨ ᠪᠠᠭᠠᠠᠴᠠ ᠨᠢ ᠪᠤᠶᠠᠨᠳᠡᠯᠭᠡᠷᠡᠴᠡ ᠰᠤᠷᠤᠯᠴᠠᠭᠤᠯᠵᠤ᠂ ᠨᠡᠢᠭᠡᠮᠯᠢᠭᠦᠨ ᠳᠣᠲᠣᠷᠠᠬᠢ ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠬᠥᠮᠦᠰᠡᠴᠡ ᠰᠤᠷᠤᠯᠴᠠᠭᠤᠯᠵᠤ᠂ ᠰᠠᠢᠨ ᠬᠥᠮᠦᠨᠤ ᠰᠠᠢᠨ ᠶᠠᠪᠤᠳᠠᠯᠳᠤ ᠣᠷᠣᠯᠴᠠᠭᠤᠯᠵᠤ᠂ ᠪᠠᠭᠠᠠᠴᠠᠪᠠᠨ ᠵᠦᠪ ᠰᠠᠢᠨ ᠦᠵᠡᠯ ᠰᠠᠨᠠᠭᠠ ᠪᠠ ᠦᠷᠳᠡᠭᠦᠨ ᠦᠵᠡᠯᠲᠡᠲᠡᠶ ᠪᠣᠯᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ ᠭᠡᠵᠦ ᠬᠡᠦᠬᠡᠳᠦᠨ ᠠᠪᠤ ᠪᠦᠬᠡᠪᠠᠭᠠᠲᠤᠷ ᠬᠡᠯᠡᠨᠡ᠃
ᠪᠦᠭᠡᠪᠠᠭᠠᠳᠤᠷᠤᠨ ᠶᠠᠷᠢᠳᠠᠭ ᠪᠤᠶᠠᠨᠳᠡᠯᠭᠡᠷ ᠪᠣᠯ ᠨᠡᠢᠭᠡᠮᠯᠢᠭᠦᠨ ᠭᠣᠣᠯ ᠡᠭᠦᠰᠭᠡᠨ ᠪᠠᠢᠭᠤᠯᠤᠭᠴᠢ ᠪᠤᠯᠤᠨᠠ᠂ ᠲᠡᠷᠡ ᠪᠤᠯ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠴᠤᠬᠠᠦ᠋ᠨᠳᠦᠷ ᠪᠠᠯᠭᠠᠰᠤᠨᠤ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠶᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠬᠴᠢ ᠪᠠᠢᠵᠤ ᠂ ᠳᠤᠮᠳᠠᠳᠤ ᠤᠯᠤᠰᠤᠨ 《ᠲᠠᠯᠠᠪᠠᠢᠪᠠᠷ ᠬᠠᠮᠤᠭᠤᠨ ᠶᠡᠬᠡ ᠬᠤᠪᠢᠶᠠᠷᠢ ᠲᠤᠭᠤᠷᠢᠭᠤᠨ ᠴᠠᠭᠳᠠᠭᠠ 》 ᠬᠡᠮᠡᠭᠳᠡᠵᠦ᠂ ᠤᠷᠢᠳ ᠬᠣᠵᠢᠳ ᠪᠦᠬᠦ ᠤᠯᠤᠰᠤᠨ ᠲᠡᠷᠢᠭᠦᠨᠦ ᠬᠢᠶᠢ ᠲᠡᠮᠡᠴᠡᠨ ᠰᠢᠯᠢᠳᠡᠭᠢ ᠡᠭᠦᠳᠬᠦ ᠰᠢᠯᠢᠳᠡᠭ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠂ ᠪᠦᠬᠦ ᠤᠯᠤᠰᠤᠨ ᠰᠢᠯᠢᠳᠡᠭ ᠠᠷᠠᠳᠤᠨ ᠴᠠᠭᠳᠠᠭᠠ᠂ ᠬᠠᠮᠤᠭᠤᠨ ᠭᠤᠶᠤ ᠦᠨᠳᠦᠰᠦᠨ ᠱᠠᠲᠤᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠠᠷᠠᠳᠤᠨ ᠴᠠᠭᠳᠠᠭᠠ ᠵᠡᠷᠭᠡ ᠤᠯᠠᠨ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠳᠡᠵᠡᠢ᠃
ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠤ ᠨᠡᠢᠭᠡᠮᠯᠢᠭᠢ ᠪᠠᠢᠭᠤᠯᠤᠭᠰᠠᠨ ᠠᠩᠬᠠᠨᠤ ᠬᠦᠰᠡᠯᠦᠨ ᠲᠤᠬᠠᠢ ᠪᠠᠨ ᠪᠤᠶᠠᠨᠳᠡᠯᠭᠡᠷ ᠄ 《 ᠭᠠᠭᠴᠠ ᠬᠥᠮᠦᠨᠦ ᠬᠦᠴᠦᠨ ᠴᠢᠳᠠᠯ ᠶᠠᠭᠠᠬᠢᠭᠰᠠᠨᠴᠤ ᠬᠢᠵᠠᠭᠠᠷᠲᠠᠶ ᠂ ᠵᠤᠯ ᠲᠠᠢ ᠠᠵᠢᠯ ᠠᠮᠢᠳᠤᠷᠠᠯᠤᠨ ᠳᠤᠮᠳᠠ ᠵᠣᠷᠢᠯᠲᠠ ᠨᠢᠭᠡᠲᠡᠢ ᠮᠠᠰᠢ ᠤᠯᠠᠨ ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠬᠥᠮᠦᠰ ᠲᠠᠢ ᠲᠠᠨᠢᠯᠴᠠᠵᠤ ᠂ ᠤᠯᠠᠨᠢᠶᠠᠷᠢᠶᠠᠨ ᠬᠠᠮᠲᠤᠪᠠᠷ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭᠢ ᠪᠠᠢᠭᠤᠯᠵᠤ ᠂ ᠬᠤᠪᠢ ᠬᠥᠮᠦᠨᠦ ᠥᠴᠦᠬᠡᠨ ᠬᠦᠴᠦᠨᠢ ᠬᠤᠷᠠᠮᠳᠤᠭᠤᠯᠤᠨ᠂ ᠤᠯᠠᠨᠤ ᠬᠦᠴᠦᠨ ᠪᠤᠯᠭᠠᠨ ᠲᠥᠪᠯᠡᠷᠡᠭᠦᠯᠵᠦ᠂ ᠤᠯᠠᠨ ᠲᠦᠮᠡᠨᠦ ᠪᠠᠴᠢᠮ ᠪᠠᠢᠳᠠᠯᠢ ᠰᠢᠢᠳᠪᠦᠷᠢᠯᠡᠬᠦ ᠂ ᠬᠦᠴᠢᠷ ᠶᠠᠪᠤᠳᠠᠯᠢ ᠪᠦᠲᠦᠭᠡᠬᠦ᠂ ᠨᠡᠢᠭᠡᠮᠦᠨ ᠲᠥᠪ ᠰᠤᠷᠲᠠᠯᠢ ᠪᠠᠳᠠᠷᠠᠭᠤᠯᠬᠤ ᠪᠡᠷ ᠵᠤᠷᠢᠯᠲᠠ ᠪᠤᠯᠭᠠᠪᠠ》 ᠭᠡᠮᠡᠨ ᠤᠷᠮᠠ ᠲᠡᠭᠦᠯᠳᠡᠷ ᠶᠠᠷᠢᠨᠠ᠃
ᠪᠤᠶᠠᠨᠳᠡᠯᠭᠡᠷᠤᠨ ᠠᠵᠢᠯᠯᠠᠵᠤ ᠪᠠᠢᠭᠠ ᠴᠤᠬᠠᠦ᠋ᠨᠳᠦᠷ ᠪᠠᠯᠭᠠᠰᠤᠨᠤ ᠲᠤᠳᠤᠭᠠᠳᠤᠵᠢ ᠬᠠᠮᠠᠭᠠᠯᠠᠬᠤ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠶᠢᠨ ᠡᠭᠦᠳᠡᠨᠳᠦ ᠨᠢᠭᠡᠨ ᠲᠣᠮᠣ 《48 ᠨᠣᠮᠧᠷᠲᠤ ᠰᠢᠦᠳᠠᠨ ᠬᠠᠢᠷᠴᠠᠭ》 ᠪᠠᠢᠳᠠᠭ ᠂ ᠡᠨᠡ 48 ᠨᠣᠮᠧᠷᠲᠤ ᠰᠢᠦᠳᠠᠨ ᠬᠠᠢᠷᠴᠠᠭ ᠪᠣᠯ ᠡᠷᠲᠡ ᠦᠶᠡᠶᠢᠨ ᠪᠤᠶᠠᠨᠳᠡᠯᠭᠡᠷᠤᠨ ᠮᠠᠯᠴᠢᠨ ᠲᠦᠮᠡᠨᠳᠦ ᠰᠣᠨᠢᠨ ᠰᠡᠳᠬᠦᠯ ᠵᠠᠬᠢᠶᠠᠯᠠᠵᠤ ᠥᠭᠬᠦᠳᠤ ᠬᠡᠷᠡᠭᠯᠡᠳᠡᠭ ᠪᠠᠢᠭᠰᠠᠨ ᠶᠤᠮ᠂ ᠬᠣᠵᠢᠮ ᠨᠢ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠤ ᠨᠡᠢᠭᠡᠮᠯᠢᠭ ᠪᠠᠢᠭᠤᠯᠤᠭᠳᠠᠭᠰᠠᠨᠤ ᠳᠠᠷᠠᠭᠠ ᠨᠡᠢᠭᠡᠮᠯᠢᠭᠦᠨ ᠨᠢᠭᠡᠨ ᠦᠢᠯᠡᠴᠢᠯᠡᠭᠡᠨᠦ ᠲᠦᠷᠦᠯ ᠵᠦᠢᠯ ᠪᠣᠯᠵᠤ᠂ ᠲᠤᠰᠬᠠᠢᠯᠠᠨ ᠬᠢᠯᠢ ᠬᠢᠵᠠᠭᠠᠷ ᠮᠠᠯᠵᠢᠬᠤ ᠣᠷᠣᠨᠤ ᠮᠠᠯᠴᠢᠨ ᠲᠦᠮᠡᠨᠳᠦ ᠰᠢᠦᠳᠠᠨᠤ ᠵᠦᠢᠯ᠂ ᠲᠦᠷᠭᠡᠨ ᠬᠦᠷᠭᠡᠯᠲᠡᠶᠢᠨ ᠪᠣᠭᠣᠳᠠᠯ ᠵᠡᠷᠭᠡᠶᠢ ᠣᠷᠣᠯᠠᠨ ᠬᠦᠯᠢᠶᠡᠨ ᠠᠪᠬᠤᠶᠢᠨ ᠬᠠᠮᠲᠤ ᠂ ᠦᠢᠯᠡᠴᠢᠯᠡᠭᠡᠨᠦ ᠲᠡᠷᠭᠡ ᠲᠣᠬᠢᠷᠠᠭᠤᠯᠤᠨ ᠮᠠᠯᠴᠢᠳᠲᠤ ᠲᠣᠭᠲᠠᠭᠰᠠᠨ ᠦᠢᠯᠡᠴᠢᠯᠡᠭᠡᠨᠤ ᠴᠡᠭᠲᠤᠨᠢ ᠬᠦᠷᠭᠡᠵᠦ ᠦᠭᠭᠦᠨ᠂ ᠮᠠᠯᠴᠢᠨ ᠲᠦᠮᠡᠨᠳᠦ ᠮᠠᠰᠢ ᠶᠡᠬᠡ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠵᠡᠶ᠃
ᠮᠠᠨᠤ ᠰᠤᠷᠪᠤᠯᠵᠢᠯᠠᠬᠤ ᠲᠤᠭᠤᠢᠯᠠᠩᠤᠨ ᠤᠴᠢᠭᠰᠠᠨ ᠡᠳᠦᠷ ᠶᠠᠭ ᠰᠠᠢᠬᠠᠨ ᠦᠢᠯᠡᠴᠢᠯᠡᠭᠡᠨᠦ ᠲᠡᠷᠭᠡ ᠮᠠᠯᠴᠢᠳᠲᠤ ᠨᠢᠭᠡᠳᠦᠯᠲᠡᠶ ᠪᠠᠷᠠᠭᠠ ᠬᠦᠷᠭᠡᠬᠦ ᠡᠳᠦᠷ ᠲᠠᠭᠠᠷᠠᠯᠳᠤᠵᠤ᠂ ᠰᠤᠷᠪᠤᠯᠵᠢᠯᠠᠭᠴᠢ ᠦᠢᠯᠡᠴᠢᠯᠡᠭᠡᠨᠦ ᠲᠡᠷᠭᠡᠶᠢ ᠳᠠᠭᠠᠨ ᠴᠠᠭᠠᠨ᠌ᠣ᠋ᠪᠣᠭᠠ ᠭᠠᠴᠠᠭᠠᠨᠤ ᠦᠢᠯᠡᠴᠢᠯᠡᠭᠡᠨᠦ ᠴᠡᠭᠲᠦ ᠬᠥᠷᠬᠥ ᠦᠶᠡᠳᠦ ᠮᠠᠯᠴᠢᠨ ᠬᠠᠰᠴᠡᠴᠡᠭ ᠦᠢᠯᠡᠴᠢᠯᠡᠭᠡᠨᠦ ᠴᠡᠭᠲᠦ ᠪᠠᠷᠠᠭᠠ ᠪᠠᠨ ᠬᠦᠯᠢᠶᠡᠵᠦ ᠪᠠᠢᠪᠠ᠃
— ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭᠦᠨ ᠡᠨᠡᠬᠦ ᠦᠢᠯᠡᠴᠢᠯᠡᠭᠡ ᠨᠢ ᠦᠨᠡᠬᠡᠷ ᠮᠠᠨᠤ ᠬᠢᠯᠢᠶᠢᠨ ᠮᠠᠯᠴᠢᠳᠲᠤ 〈ᠳᠠᠭᠠᠷᠠᠭᠰᠠᠨ ᠬᠥᠮᠦᠨᠳᠦ ᠳᠠᠬᠤ ᠬᠦᠷᠭᠡᠭᠰᠡᠨ〉 ᠶᠠᠪᠤᠳᠠᠯ ᠪᠣᠯᠵᠠᠶ᠂ ᠮᠠᠨᠤ ᠰᠠᠭᠤᠵᠤ ᠪᠠᠢᠭᠠ ᠭᠠᠵᠠᠷ ᠪᠠᠯᠭᠠᠰᠤᠠᠴᠠ ᠨᠡᠯᠢᠶᠡᠳ ᠬᠣᠯᠠ᠂ ᠬᠣᠰᠢᠭᠤᠠᠴᠠ ᠨᠡᠩ ᠬᠣᠯᠠ ᠪᠠᠢᠵᠤ᠂ ᠡᠩᠦᠨ ᠦᠶᠡᠳᠦ ᠠᠮᠢᠳᠤᠷᠠᠯᠤᠨ ᠬᠡᠷᠡᠭᠰᠡᠯ ᠪᠤᠶᠤ ᠠᠮᠤ ᠲᠣᠰᠣ ᠬᠤᠳᠠᠯᠳᠤᠨ ᠠᠪᠬᠤᠳᠤ ᠮᠠᠰᠢ ᠳᠥᠭᠥᠮ ᠦᠭᠡᠢ ᠪᠠᠢᠳᠠᠭ᠃ ᠰᠠᠢᠨ ᠲᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠤ ᠨᠡᠢᠭᠡᠮᠯᠢᠭᠦᠨ ᠦᠢᠯᠡᠴᠢᠯᠡᠭᠡᠲᠡᠶ ᠪᠣᠯᠤᠭᠰᠠᠨᠠᠴᠠ ᠰᠡᠭᠦᠯᠡᠷ ᠮᠠᠰᠢ ᠳᠥᠭᠥᠮ ᠪᠣᠯᠵᠠᠶ᠂ ᠪᠢᠳᠡ ᠰᠦᠯᠵᠢᠶᠡᠨ ᠳᠡᠭᠡᠷᠡᠡᠴᠡ ᠬᠡᠷᠡᠭᠴᠡᠭᠡ ᠲᠠᠢ ᠵᠦᠢᠯᠢᠶᠡᠨ ᠰᠢᠭᠤᠳ ᠵᠠᠬᠢᠶᠠᠯᠠᠬᠤ ᠪᠤᠶᠤ ᠦᠢᠯᠡᠴᠢᠯᠡᠭᠡᠨᠦ ᠲᠡᠷᠭᠡᠨᠦ ᠵᠢᠯᠣᠭᠣᠴᠢᠳᠤ ᠤᠲᠠᠰᠤ ᠵᠠᠯᠭᠠᠨ ᠵᠠᠬᠢᠴᠢᠬᠠᠪᠠᠯ᠂ ᠲᠡᠳᠡ ᠪᠦᠷ ᠪᠢᠳᠡᠨᠳᠦ ᠠᠪᠴᠢᠷᠠᠭᠠᠳ ᠥᠭᠴᠢᠭᠡᠨᠡ ᠭᠡᠳ ᠬᠠᠰᠴᠡᠴᠡᠭ ᠪᠠᠶᠠᠷᠲᠠᠶ ᠬᠡᠯᠡᠨᠡ᠃
— ᠮᠠᠯᠴᠢᠳ ᠰᠦᠯᠵᠢᠶᠡᠨ ᠳᠡᠭᠡᠷᠡᠡᠴᠡ ᠪᠠᠷᠠᠭᠠ ᠵᠠᠬᠢᠶᠠᠯᠠᠭᠰᠠᠨᠤ ᠳᠠᠷᠠᠭᠠ᠂ ᠲᠦᠷᠭᠡᠨ ᠬᠦᠷᠭᠡᠭᠴᠢᠪᠡᠷ ᠪᠠᠷᠠᠭᠠ ᠪᠠᠨ ᠪᠠᠯᠭᠠᠰᠤᠨᠤ 48 ᠨᠣᠮᠧᠷᠲᠤ ᠰᠢᠤᠳᠠᠨ ᠬᠠᠢᠷᠴᠠᠭᠲᠤ ᠲᠠᠯᠪᠢᠭᠤᠯᠪᠠᠯ᠂ ᠪᠢᠳᠡ ᠭᠠᠷᠠᠭ ᠪᠦᠷᠢ ᠦᠢᠯᠡᠴᠢᠯᠡᠭᠡᠨᠦ ᠲᠡᠷᠭᠡ ᠲᠣᠬᠢᠷᠠᠭᠤᠯᠵᠤ ᠡᠯᠡ ᠭᠠᠴᠠᠭᠠᠨᠤ ᠲᠣᠭᠲᠠᠭᠰᠠᠨ ᠦᠢᠯᠡᠴᠢᠯᠡᠭᠡᠨᠦ ᠴᠡᠭᠲᠦ ᠨᠢᠭᠡᠳᠦᠯᠲᠡᠶ ᠬᠦᠷᠭᠡᠨᠡ ᠭᠡᠵᠦ ᠨᠡᠢᠭᠡᠮᠯᠢᠭᠦᠨ ᠳᠡᠳ᠋ ᠨᠠᠷᠢᠨ ᠪᠢᠴᠢᠭᠦᠨ ᠳᠠᠷᠤᠭᠠ ᠫᠠᠨ ᠪᠦᠦ ᠳ᠋ᠸ ᠲᠠᠨᠢᠯᠴᠠᠭᠤᠯᠤᠨᠠ᠃
ᠫᠠᠨ ᠪᠦᠦ ᠳ᠋ᠸᠶᠢᠨ ᠬᠡᠯᠡᠬᠦᠪᠡᠷ᠂ ᠲᠡᠷᠡ ᠵᠥᠪᠬᠡᠨ ᠨᠡᠢᠭᠡᠮᠯᠢᠭᠦᠨ ᠭᠡᠰᠢᠭᠦᠨ ᠲᠡᠳᠦᠶ ᠪᠢᠰᠢ᠂ ᠮᠥᠨᠴᠦ ᠪᠤᠶᠠᠨᠳᠡᠯᠭᠡᠷᠦᠨ ᠬᠠᠪᠰᠤᠷᠤᠯᠭᠠᠶᠢ ᠬᠦᠷᠲᠡᠵᠦ ᠥᠩᠭᠡᠷᠡᠭᠰᠡᠨ ᠬᠥᠮᠦᠨ ᠶᠤᠮ ᠭᠡᠨᠡ᠂ ᠲᠤᠬᠠᠶᠶᠢᠨ ᠦᠶᠡᠳᠦ ᠲᠡᠭᠦᠨᠦ ᠠᠪᠤ ᠨᠢ ᠡᠷᠲᠡ ᠨᠠᠰᠤ ᠪᠠᠷᠠᠵᠤ ᠂ ᠲᠡᠷᠡ ᠥᠬᠢᠨ ᠳᠡᠭᠦᠦᠲᠡᠶᠪᠡᠨ ᠪᠦᠷ ᠪᠢᠴᠢᠭ ᠦᠵᠡᠵᠦ ᠪᠠᠢᠵᠠᠶ᠂ ᠬᠡᠷᠲᠦᠨᠢ ᠬᠥᠳᠡᠯᠮᠦᠷᠢ ᠬᠦᠴᠦ ᠳᠤᠲᠠᠭᠳᠠᠵᠤ᠂ ᠠᠮᠢᠳᠤᠷᠠᠯ ᠨᠢ ᠮᠠᠰᠢ ᠬᠦᠴᠢᠷᠲᠡᠶ ᠪᠠᠢᠪᠠ ᠂ ᠪᠤᠶᠠᠨᠳᠡᠯᠭᠡᠷ ᠲᠡᠳᠡᠨᠦ ᠪᠠᠢᠳᠠᠯᠢ ᠣᠢᠯᠠᠭᠠᠭᠰᠠᠨᠤ ᠳᠠᠷᠠᠭᠠ ᠦᠷᠭᠦᠯᠵᠢ ᠲᠡᠳᠡᠨᠢ ᠬᠠᠪᠰᠤᠷᠤᠨ ᠲᠡᠳᠭᠦᠵᠡᠢ ᠂ ᠲᠡᠭᠦᠨᠦ ᠥᠬᠢᠨ ᠳᠡᠭᠦᠦ ᠨᠢ ᠶᠡᠬᠡ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ ᠪᠠᠢᠬᠤᠳᠠᠭᠠᠨ ᠰᠤᠷᠤᠯᠭᠠᠶᠢᠨ ᠰᠦᠢᠳᠬᠡᠯᠢᠶᠡᠨ ᠲᠤᠰᠢᠶᠠᠵᠤ ᠳᠡᠢᠯᠬᠦ ᠥᠬᠡᠶ ᠪᠤᠯᠬᠤᠷ ᠪᠤᠶᠠᠨᠳᠡᠯᠭᠡᠷ ᠥᠬᠢᠨ ᠳᠡᠭᠦᠦ ᠵᠢ ᠨᠢ ᠲᠤᠰᠠᠯᠠᠵᠤ ᠰᠤᠷᠤᠯᠭᠠᠵᠢ ᠨᠢ ᠲᠡᠭᠦᠰᠬᠡᠭᠰᠡᠨ ᠪᠠᠢᠵᠠᠢ᠃
— ᠰᠡᠭᠦᠯᠡᠷ ᠨᠢ ᠪᠢ ᠠᠵᠢᠯᠳᠤ ᠭᠠᠷᠤᠭᠰᠠᠨᠤ ᠲᠠᠷᠠᠭᠠ ᠂ ᠪᠤᠶᠠᠨ ᠠᠬᠠ ᠵᠢᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭ ᠪᠠᠢᠭᠤᠯᠤᠭᠰᠠᠨᠢ ᠣᠯᠵᠤ ᠮᠡᠳᠡᠭᠡᠳ ᠲᠡᠷᠡ ᠳᠠᠷᠤᠢᠳᠠᠭᠠᠨ ᠨᠡᠢᠭᠡᠮᠯᠢᠭᠲᠦ ᠣᠷᠣᠯᠴᠠᠵᠤ ᠂ ᠲᠡᠭᠦᠦ ᠪᠢᠲᠡ ᠬᠤᠶᠠᠷ ᠲᠠᠢ ᠠᠳᠠᠯᠢ ᠪᠡᠷ ᠲᠤᠰᠠᠯᠠᠮᠵᠢ ᠬᠡᠷᠡᠭᠰᠡᠬᠦ ᠨᠡᠩ ᠤᠯᠠᠨ ᠬᠥᠮᠦᠰᠢ ᠲᠤᠰᠠᠯᠠᠬᠤ ᠪᠡᠷ ᠵᠤᠷᠢᠭ ᠰᠢᠢᠳᠪᠡ᠃ ᠣᠲᠣ ᠮᠠᠨᠤ ᠨᠡᠢᠭᠡᠮᠯᠢᠭ ᠵᠢᠯ ᠪᠦᠷᠢ ᠬᠠᠨᠳᠤᠯᠭᠠᠲᠠᠶᠪᠠᠷ ᠲᠤᠰᠠᠯᠠᠵᠤ ᠪᠠᠢᠭᠠ ᠬᠡᠦᠬᠡᠳ 5 ᠪᠠᠢᠨᠠ᠂ ᠰᠤᠷᠤᠯᠭᠠᠶᠢᠨ ᠰᠦᠢᠳᠬᠡᠯᠡᠴᠡ ᠭᠠᠳᠠᠨᠠ ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠬᠡᠷ ᠪᠦᠯᠢᠳᠦ ᠵᠢᠯ ᠪᠦᠷᠢ ᠪᠠᠰᠠ ᠠᠮᠤ ᠲᠣᠰᠣ ᠂ ᠨᠡᠭᠦᠷᠡᠰᠦ ᠵᠡᠷᠭᠡ ᠡᠳ᠋ ᠪᠣᠳᠠᠰ ᠲᠤᠰᠠᠯᠠᠳᠠᠭ ᠭᠡᠵᠦ ᠫᠠᠨ ᠪᠤᠤ ᠳ᠋ᠧ ᠶᠠᠷᠢᠨᠠ᠃
ᠰᠠᠢᠨᠪᠠᠲᠤ ᠪᠣᠯ ᠴᠤᠬᠠᠦ᠋ᠨᠲᠤᠷ ᠪᠠᠯᠭᠠᠰᠤᠨᠤ ᠨᠠᠭᠠᠳᠤ ᠵᠠᠬᠠᠶᠢᠨ ᠠᠮᠢᠳᠤᠷᠠᠯᠤᠨ ᠪᠠᠲᠤᠯᠠᠭᠠ ᠬᠦᠷᠲᠡᠵᠦ ᠪᠠᠢᠭᠠ ᠡᠷᠦᠬᠡ ᠂ ᠪᠠᠯᠭᠠᠰᠤᠨᠠᠴᠠ ᠤᠰᠤ ᠰᠦᠷᠴᠢᠬᠦ ᠮᠠᠰᠢᠨᠤ ᠵᠢᠯᠣᠭᠣᠴᠢᠶᠢᠨ ᠠᠵᠢᠯ ᠲᠣᠬᠢᠷᠠᠭᠤᠯᠤᠭᠰᠠᠨ ᠂ ᠭᠡᠪᠡᠴᠦ ᠣᠷᠣᠯᠭᠠ ᠨᠢ ᠲᠠᠩ ᠴᠤᠯᠭᠤᠢ᠂ ᠠᠮᠢᠳᠤᠷᠠᠯ ᠨᠢ ᠨᠡᠯᠢᠶᠡᠳ ᠬᠦᠴᠢᠷᠲᠡᠢ᠂ ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠤ ᠨᠡᠢᠭᠡᠮᠯᠢᠭᠤᠨ ᠬᠢᠨ ᠲᠡᠭᠦᠨᠦ ᠬᠡᠦᠬᠡᠳᠢ ᠡᠨᠡ ᠵᠢᠯ ᠠᠩᠬᠠ ᠳᠤᠮᠳᠠᠳᠤᠳᠤ ᠣᠷᠣᠬᠤ ᠪᠤᠯᠤᠭᠰᠠᠨᠢ ᠰᠣᠨᠣᠰᠤᠭᠠᠳ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠲᠡᠭᠦᠨ ᠲᠠᠢ ᠬᠠᠷᠢᠯᠴᠠᠵᠤ ᠂ ᠬᠡᠦᠬᠡᠳᠦᠨ ᠰᠤᠷᠤᠯᠭᠠᠶᠢᠨ ᠰᠦᠢᠳᠬᠡᠯᠦᠨ ᠠᠰᠠᠭᠤᠳᠠᠯᠢ ᠨᠢ ᠰᠢᠢᠳᠪᠦᠷᠢᠯᠡᠵᠦ ᠥᠭᠬᠦᠪᠡᠷ ᠵᠥᠪᠰᠢᠶᠡᠷᠡᠵᠡᠢ᠃
— ᠦᠨᠡᠬᠡᠷ ᠭᠠᠩ ᠲᠠᠢ ᠦᠶᠡᠳᠤ ᠦᠭᠭᠢᠶᠡᠮᠦᠷ ᠪᠤᠷᠤᠭᠠᠨ ᠤᠷᠤᠯᠠ ᠂ ᠪᠢ ᠬᠡᠦᠬᠡᠳᠦᠨᠢᠶᠡᠨ ᠰᠤᠷᠤᠯᠭᠠᠶᠢ ᠰᠠᠭᠠᠲᠠᠭᠠᠬᠤᠠᠴᠠ ᠡᠳᠦᠷᠵᠢᠨ ᠰᠠᠨᠠᠭᠠ ᠵᠤᠪᠠᠨ ᠠᠷᠭᠠ ᠮᠤᠬᠤᠷᠳᠠᠵᠤ ᠪᠠᠢᠬᠤᠳᠤ ᠂ ᠪᠤᠶᠠᠨ ᠰᠠᠢᠨ ᠲᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠤ ᠨᠡᠢᠭᠡᠮᠯᠢᠭᠦᠨ ᠬᠠᠪᠰᠤᠷᠤᠯᠭᠠᠶᠢ ᠣᠯᠤᠯᠠ ᠂ ᠴᠢᠩ ᠰᠡᠳᠭᠢᠯᠡᠴᠡ ᠪᠡᠨ ᠲᠠᠯᠠᠷᠬᠠᠵᠤ ᠪᠠᠢᠨᠠ᠃ ᠪᠢ ᠦᠪᠡᠷᠢᠶᠡᠨ ᠤᠳᠤᠬᠠᠨᠳᠤ ᠵᠤᠭᠤᠰ ᠮᠦᠩᠭᠦ ᠪᠡᠷ ᠪᠤᠰᠤᠳᠲᠤ ᠲᠤᠰᠠ ᠪᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠪᠠᠴᠤ ᠬᠤᠢᠰᠢᠳᠠ ᠰᠠᠢᠨ ᠲᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠤ ᠪᠤᠰᠤᠳ ᠠᠵᠢᠯᠯᠠᠭᠠᠳᠤ ᠢᠳᠡᠪᠬᠢᠲᠡᠢ ᠤᠷᠤᠯᠴᠠᠵᠤ ᠂ ᠦᠪᠡᠷᠤᠨ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠭᠦᠯᠦᠨᠡ ᠭᠡᠵᠦ ᠰᠠᠢᠨᠪᠠᠲᠤ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠬᠡᠯᠡᠨᠡ᠃
ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭ 2017 ᠤᠨᠳᠤ ᠪᠠᠢᠭᠤᠯᠤᠭᠳᠠᠵᠤ᠂ ᠣᠳᠣ 220 ᠭᠡᠰᠢᠭᠦᠨᠲᠡᠶ᠂ ᠡᠭᠦᠨᠳᠦ ᠬᠢᠲᠠᠳ ᠦᠨᠳᠦᠰᠦᠲᠡᠨ 43 ᠬᠥᠮᠦᠨ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ 177 ᠬᠥᠮᠦᠨ ᠪᠣᠢ᠂ ᠲᠡᠳᠡᠨᠡᠷᠦᠨ ᠦᠢᠯᠡᠴᠢᠯᠡᠬᠦ ᠡᠲᠡᠭᠡᠳ ᠨᠢ ᠡᠯᠡ ᠦᠨᠳᠦᠰᠦᠲᠡᠨᠦ ᠤᠯᠠᠨ ᠲᠦᠮᠡᠨᠢ ᠪᠠᠭᠲᠠᠭᠠᠵᠤ ᠂ ᠦᠢᠯᠡᠴᠢᠯᠡᠬᠦ ᠬᠦᠷᠢᠶᠡ ᠬᠡᠪᠴᠢᠶᠡ ᠨᠢ ᠵᠥᠪᠬᠡᠨ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠪᠠᠷ ᠵᠣᠭᠰᠣᠬᠤ ᠦᠭᠡᠢ ᠂ ᠣᠷᠳᠣᠰ ᠬᠣᠲᠠ ᠬᠦᠷᠲᠡᠯᠡ ᠥᠷᠭᠡᠵᠢᠵᠦ ᠂ ᠨᠡᠢᠭᠡᠮᠯᠢᠭ ᠪᠠᠢᠭᠤᠯᠤᠭᠳᠠᠭᠰᠠᠨᠠᠴᠠ ᠣᠳᠣ ᠪᠣᠯᠲᠠᠯᠠ ᠨᠡᠢᠲᠡ 1346 ᠤᠳᠠᠭᠠ ᠨᠡᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠠᠵᠢᠯᠯᠠᠭᠠᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠥᠷᠨᠢᠭᠦᠯᠪᠡ᠃ ᠡᠭᠦᠨᠳᠤ᠂ ᠨᠡᠯᠢᠶᠡᠳ ᠶᠡᠬᠡ ᠬᠡᠪᠴᠢᠶᠡᠨᠦ ᠬᠣᠭ ᠨᠣᠪᠰᠢ ᠴᠡᠪᠡᠷᠯᠡᠬᠦ ᠠᠵᠢᠯᠯᠠᠭᠠᠵᠢ 34 ᠲᠠᠯᠠᠪᠤᠷ ᠤᠳᠠᠭᠠ ᠦᠷᠨᠢᠭᠦᠯᠵᠦ᠂ 158 ᠲᠣᠨ ᠬᠣᠭ ᠨᠣᠪᠰᠢᠶᠢ ᠴᠡᠪᠡᠷᠯᠡᠪᠡ᠃ ᠨᠠᠮᠤᠨ ᠡᠳᠦᠷᠯᠢᠭᠦᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠶ ᠠᠵᠢᠯᠯᠠᠭᠠᠶᠢ 81 ᠲᠠᠯᠠᠪᠤᠷ ᠤᠳᠠᠭᠠ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠠᠬᠠᠮᠠᠳ ᠨᠠᠮᠤᠨ ᠭᠡᠰᠢᠭᠦᠨ᠂ ᠴᠡᠷᠢᠭᠡᠴᠡ ᠬᠠᠯᠠᠭᠳᠠᠭᠰᠠᠳ᠂ ᠥᠨᠥᠴᠢᠨ ᠪᠡᠯᠪᠡᠰᠦᠨ ᠨᠠᠰᠤᠲᠠᠢᠴᠤᠳᠢ 243 ᠬᠥᠮᠦᠨ ᠤᠳᠠᠭᠠ ᠲᠣᠬᠣᠨᠢᠭᠤᠯᠵᠤ᠂ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤ ᠪᠣᠯᠤᠨ ᠤᠷᠳᠤᠰ ᠬᠤᠳᠠᠶᠢᠨ ᠠᠬᠠᠮᠠᠳ ᠨᠠᠮᠤᠨ ᠭᠡᠰᠢᠭᠦᠨ᠂ ᠥᠨᠥᠴᠢᠨ ᠪᠡᠯᠪᠡᠰᠦᠨ ᠨᠠᠰᠤᠲᠠᠢᠴᠤᠳ᠂ ᠵᠡᠮᠳᠡᠭᠴᠦᠳ ᠵᠢᠴᠢ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠭᠡᠷ ᠪᠦᠯᠢᠶᠢᠨ ᠨᠡᠢᠳᠡ 389 ᠡᠷᠤᠭᠡᠶᠢ ᠪᠣᠯᠭᠣᠭᠠᠨ ᠲᠣᠬᠣᠨᠢᠭᠤᠯᠵᠤ ᠂ ᠲᠡᠳᠡᠨᠳᠦ 20 ᠲᠦᠮᠡ ᠭᠠᠷᠤᠢ ᠲᠥᠭᠥᠷᠢᠭᠦᠨ ᠦᠷᠳᠡᠭᠪᠦᠬᠦᠢ ᠲᠤᠲᠤᠷᠭᠠ ᠂ ᠢᠳᠡᠰᠢᠨ ᠲᠤᠰᠤ᠂ ᠭᠤᠯᠢᠷ ᠵᠡᠷᠭᠡ ᠠᠮᠢᠳᠤᠷᠠᠯᠤᠨ ᠡᠳ᠋ ᠪᠣᠳᠠᠰ ᠬᠦᠷᠭᠡᠵᠦ ᠂ ᠡᠪᠦᠯᠦᠨ ᠤᠯᠠᠷᠢᠯᠳᠤ ᠠᠮᠢᠳᠤᠷᠠᠯ ᠨᠢ ᠬᠦᠴᠢᠷᠳᠡᠯᠲᠡᠢ ᠤᠯᠠᠨ ᠲᠦᠮᠡᠨᠳᠦ 128 ᠲᠣᠨ ᠬᠠᠢᠷᠠ ᠬᠠᠯᠠᠮᠵᠢᠶᠢᠨ ᠨᠡᠭᠦᠷᠡᠰᠦ ᠬᠦᠷᠭᠡᠪᠡ᠃ 10 ᠬᠦᠴᠢᠷᠳᠡᠯᠲᠡᠢ ᠤᠶᠤᠲᠠᠨᠢ ᠬᠠᠪᠰᠤᠷᠤᠨ ᠰᠤᠷᠤᠯᠭᠠᠶᠢ ᠨᠢ ᠲᠡᠭᠦᠰᠭᠡᠵᠦ ᠂ ᠰᠤᠷᠤᠯᠭᠠᠶᠢᠨ ᠲᠡᠳᠬᠦᠮᠵᠢᠶᠢᠨ ᠪᠡᠯᠡ ᠮᠥᠩᠭᠥᠨᠢ ᠨᠡᠢᠲᠡ 8 ᠲᠦᠮᠡ ᠭᠠᠷᠤᠢ ᠲᠥᠭᠥᠷᠢᠭ ᠲᠤ ᠬᠦᠷᠴᠡᠢ ᠃ ᠰᠠᠢᠨ ᠳᠤᠷᠠᠴᠤᠳᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ 6 ᠤᠳᠠᠭᠠ ᠠᠯᠪᠠᠨ ᠵᠢᠷᠤᠮᠤᠨ ᠮᠣᠳᠣ ᠳᠠᠷᠢᠵᠤ ᠣᠢᠵᠢᠭᠤᠯᠤᠨ᠂ ᠨᠡᠢᠲᠡ 3 ᠲᠦᠮᠡ ᠭᠠᠷᠤᠶ ᠮᠣᠳᠣ ᠳᠠᠷᠢᠵᠤ᠂ 2 ᠲᠦᠮᠡ ᠭᠠᠷᠤᠶ ᠮᠧᠲ᠋ᠷᠦᠨ ᠲᠤᠤᠷ ᠬᠠᠰᠢᠯᠭᠠᠶᠢ ᠰᠡᠯᠪᠢᠨ ᠵᠠᠰᠠᠵᠤ᠂ ᠤᠷᠢᠳ ᠬᠤᠵᠢᠳ 4699 ᠬᠦᠮᠦᠨ ᠤᠳᠠᠭᠠ ᠰᠠᠢᠨ ᠳᠤᠷᠠᠴᠤᠳᠢ ᠬᠥᠳᠡᠯᠭᠡᠨ᠂ 179 ᠲᠡᠷᠭᠡ ᠭᠠᠷᠭᠠᠵᠤ᠂ ᠰᠠᠢᠨ ᠲᠤᠷᠠᠶᠢᠨ ᠠᠵᠢᠯᠯᠠᠭᠠᠨᠤ ᠨᠡᠢᠲᠡ ᠴᠠᠭ ᠨᠢ 31801 ᠴᠠᠭᠲᠤ ᠬᠦᠷᠪᠡ᠃
ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠪᠣᠯ ᠮᠠᠨᠤ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠠᠷᠠᠳ ᠲᠦᠮᠡᠨᠦ ᠠᠮᠢᠨ ᠰᠤᠳᠠᠰᠤ ᠮᠥᠨ᠃ ᠪᠤᠶᠠᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠦᠢᠯᠡᠴᠢᠯᠡᠭᠡᠨᠦ ᠨᠡᠢᠭᠡᠮᠯᠢᠭ ᠨᠢᠭᠡᠨ ᠬᠣᠯᠪᠣᠭᠠᠰᠤ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠡᠯᠡ ᠦᠨᠳᠦᠰᠦᠲᠡᠨᠦ ᠺᠠᠳ᠋ᠷ ᠣᠯᠠᠨ ᠲᠦᠮᠡᠨᠢ ᠬᠠᠷᠢᠯᠴᠠᠨ ᠬᠣᠯᠪᠣᠵᠤ᠂ ᠬᠠᠷᠢᠯᠴᠠᠨ ᠳᠣᠲᠣᠨᠣᠴᠢᠯᠠᠵᠤ᠂ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ᠂ ᠬᠠᠷᠢᠯᠴᠠᠨ ᠪᠠᠭᠲᠠᠭᠠᠵᠤ᠂ ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠵᠤ᠂ ᠠᠨᠠᠷᠤᠨ ᠦᠷᠡ ᠰᠢᠭ ᠨᠢᠭᠲᠠᠷᠠᠨ ᠪᠦᠯᠬᠦᠮᠳᠡᠵᠦ᠂ ᠠᠤᠭᠠ ᠶᠡᠬᠡ ᠬᠦᠴᠦᠨᠢ ᠨᠢᠭᠲᠠᠷᠠᠭᠤᠯᠵᠤ᠂ ᠳᠤᠮᠳᠠᠳᠤᠶᠢᠨ ᠵᠡᠭᠦᠳᠦᠪᠡᠨ ᠬᠠᠮᠲᠤ ᠪᠠᠷ ᠲᠡᠷᠭᠡᠯᠰᠢᠭᠦᠯᠦᠨᠡ᠃
ᠪᠤᠯᠤᠩ ᠲᠡᠭᠦᠰᠬᠦ ᠦᠭᠡ ᠄
ᠥᠪᠥᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ ᠬᠤᠷᠢᠶᠠ ᠵᠢᠨ ᠣᠨᠴᠠ ᠤᠬᠠᠭᠠᠯᠠᠯ 《ᠠᠢᠯ ᠰᠠᠭᠠᠬᠠᠯᠲᠠ ᠵᠢᠨ ᠠᠮᠢ ᠨᠢ ᠨᠢᠭᠡ》 ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠠᠵᠢᠯᠯᠠᠭᠠ ᠬᠠᠭᠠᠰ ᠵᠢᠯ ᠶᠠᠪᠣᠭ᠍ᠳᠠᠵᠦ᠍᠂ ᠤᠷᠢᠳ ᠬᠤᠵᠢᠳ 12 ᠰᠤᠷᠪᠤᠯᠵᠢᠯᠠᠬᠤ ᠳᠤᠭᠤᠢᠯᠠᠩ ᠲᠤᠮᠢᠯᠠᠨ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠂ ᠠᠢᠮᠠᠭ ᠬᠤᠲᠠ ᠂ ᠬᠤᠱᠢᠭᠤ ᠱᠢᠶᠠᠨᠤ ᠭᠤᠷᠪᠠᠨ ᠱᠠᠲᠤᠨᠤ ᠵᠠᠭᠤᠴᠢᠯᠠᠭᠤᠷᠤᠨ 100 ᠭᠠᠷᠤᠶ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠣᠷᠣᠯᠴᠠᠨ ᠂ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠭᠦᠨᠵᠡᠭᠡᠢᠷᠡᠵᠦ᠂ ᠦᠯᠢᠭᠡᠷ ᠲᠡᠤᠬᠡ ᠵᠢ ᠠᠭᠤᠳᠠᠯᠤᠨ᠂ ᠦᠨᠳᠦᠰᠦᠲᠡᠨᠦ ᠪᠦᠯᠭᠦᠮᠳᠡᠯᠢ ᠲᠡᠮᠳᠡᠭ᠌ᠯᠡᠵᠦ᠂ 36 ᠴᠢᠮᠡᠭᠡᠯᠡᠯ᠂ 100 ᠭᠠᠷᠤᠶ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠢᠶᠠᠷ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠣᠯᠠᠨ ᠲᠦᠮᠡᠨᠤ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠨ᠂ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠭ᠌ᠰᠡᠨ ᠦᠯᠢᠭᠡᠷᠢ ᠳᠡᠯᠭᠡᠵᠦ᠂ ᠱᠢᠷᠢᠰ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠠᠪᠴᠠᠩᠢᠶᠠᠷ ᠨᠡᠢᠲᠡᠯᠡᠨ᠂ ᠠᠷᠠᠳᠤᠨ ᠰᠦᠯᠵᠢᠶᠡ᠂ ᠱᠢᠨᠬᠤᠸᠠ ᠰᠦᠯᠵᠢᠶᠡ᠂ ᠰᠤᠷᠤᠯᠴᠠᠯᠭᠠᠶ᠋ᠢᠨ ᠬᠦᠴᠦᠷᠬᠡᠭ ᠤᠯᠤᠰ ᠲᠠᠪᠴᠠᠩ᠂ ᠱᠢᠨ ᠯᠠᠩ ᠰᠦᠯᠵᠢᠶᠡ᠂ ᠸᠠᠩ ᠢ ᠰᠦᠯᠵᠢᠶᠡ ᠵᠢᠴᠢ ᠠᠢᠮᠠᠭ ᠬᠤᠲᠠ᠂ ᠬᠤᠱᠢᠭᠤ ᠱᠢᠶᠠᠨᠤ ᠵᠠᠭᠤᠴᠢᠯᠠᠭᠤᠷᠤᠨ ᠲᠠᠪᠴᠠᠩ ᠱᠢᠯᠵᠢᠭᠦᠯᠦᠨ ᠳᠠᠮᠵᠢᠭᠤᠯᠵᠦ᠍᠂ ᠶᠡᠷᠦᠩᠬᠡᠶ ᠳᠠᠮᠵᠢᠭᠤᠯᠭᠠ ᠨᠢ ᠳ᠋ᠦᠩᠱᠢᠭᠤᠷᠢ ᠳᠠᠪᠠᠵᠦ ᠂ ᠥᠪᠥᠷ ᠮᠣᠩᠭᠤᠯᠤᠨ ᠴᠢᠨᠠᠷ ᠰᠠᠢᠲᠠᠶ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠵᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠮᠠᠶᠢᠭᠤᠨ ᠣᠳᠣᠬᠢᠴᠢᠯᠠᠯᠲᠠᠶ᠋ᠢᠨ ᠱᠢᠨᠡ ᠬᠠᠭᠤᠳᠠᠰᠤᠶ᠋ᠢ ᠪᠢᠴᠢᠭᠯᠡᠬᠦᠳᠦ ᠬᠦᠴᠦᠨ ᠨᠡᠮᠡᠷᠢᠯᠡᠪᠡ᠃
ᠡᠨᠳᠡ ᠲᠠ ᠪᠦᠭᠦᠨ ᠦ ᠪᠡᠨ ᠭᠦᠯᠢᠶᠡᠨ ᠠᠪᠴᠦ ᠰᠤᠨᠢᠷᠬᠠᠭᠰᠡᠨ ᠳᠦ ᠤᠨᠴᠠᠭᠠᠢᠯᠡᠨ ᠲᠠᠯᠠᠷᠬᠠᠯ ᠳᠡᠪᠱᠢᠭᠦᠯᠵᠦ ᠪᠠᠢᠨᠠ ！