ᠪᠤᠯᠤᠩ ᠨᠡᠭᠡᠭᠡᠬᠦ ᠦᠭᠡ᠄
ᠶᠡᠷᠦᠨᠭᠭᠡᠢ ᠱᠦᠵᠢ ᠰᠢ ᠵᠢᠨ ᠫᠢᠨᠭᠤᠨ ᠦᠨᠳᠦᠰᠦᠳᠡᠨ ᠤ ᠠᠵᠢᠯᠢ ᠴᠢᠨᠭᠭᠠᠳᠬᠠᠨ ᠰᠠᠢᠵᠢᠷᠠᠭᠤᠯᠬᠤ ᠲᠤᠬᠠᠢ ᠴᠢᠬᠤᠯᠠ ᠱᠠᠭᠠᠷᠳᠠᠯᠭᠠ ᠵᠢ ᠭᠦᠨᠵᠡᠭᠡᠢ ᠲᠤᠭᠤᠰᠢᠯᠠᠭᠤᠯᠵᠤ᠂ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨ ᠤ ᠬᠠᠮᠳᠤ ᠵᠢᠨ ᠴᠤᠬᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠳᠤ ᠴᠤᠬᠴᠠᠯᠠᠬᠤ ᠪᠡᠷ ᠭᠤᠤᠯ ᠰᠢᠵᠢᠮ ᠪᠤᠯᠭᠠᠵᠤ᠂ ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠨᠠᠮᠤᠨ ᠦᠨᠳᠦᠰᠦᠳᠡᠨᠤ ᠠᠵᠢᠯᠤᠨ ᠴᠢᠨᠠᠷ ᠰᠠᠢᠳᠠᠢ ᠬᠦᠭᠵᠢᠯᠲᠡ ᠪᠠ《ᠵᠢᠱᠶ᠋ᠶᠡᠴᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ》 ᠤ᠋ ᠪᠦᠬᠦ ᠲᠠᠯᠠ ᠵᠢᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠ ᠵᠢ ᠠᠬᠢᠭᠤᠯᠬᠤ ᠵᠢᠨ ᠲᠦᠯᠦᠭᠡ᠂ ᠦᠪᠤᠷ ᠮᠤᠨᠭᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠬᠤᠷᠢᠶᠠ《ᠠᠢᠯ ᠰᠠᠭᠠᠬᠠᠯᠳᠠ ᠵᠢᠨ ᠠᠮᠢ ᠨᠢ ᠨᠢᠭᠡ》ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠤᠮᠤ ᠬᠡᠯᠪᠡᠷᠢ ᠵᠢᠨ ᠲᠠᠮᠵᠢᠭᠤᠯᠭᠠ ᠵᠢᠨ ᠠᠵᠢᠯᠯᠠᠭᠠ ᠵᠢ ᠤᠨᠴᠠ ᠤᠬᠠᠭᠠᠯᠠᠨ ᠶᠠᠪᠤᠬᠳᠠᠭᠤᠯᠵᠤ᠂ ᠦᠨᠳᠦᠰᠦᠳᠡᠨ ᠨᠤᠬᠦᠤᠨᠤᠨ ᠤᠯᠠᠨ ᠲᠦᠮᠡᠨᠤ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ᠂ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠭᠰᠡᠨ ᠦᠯᠢᠭᠡᠷ ᠶᠠᠪᠤᠳᠠᠯᠢ ᠠᠭᠤᠳᠠᠯᠤᠨ ᠲᠡᠯᠭᠡᠵᠦ᠂ ᠤᠯᠠᠨ ᠬᠠᠷᠠᠭᠠᠰᠤ᠂ ᠠᠭᠤᠰᠤᠯᠴᠠᠯ ᠬᠡᠯᠪᠡᠷᠢ᠂ ᠪᠦᠷᠢᠨ ᠵᠠᠭᠤᠴᠢᠯᠠᠭᠤᠷ ᠵᠢᠡᠷ ᠦᠨᠳᠦᠰᠦᠳᠡᠨ ᠨᠤᠬᠦᠤᠨ ᠤᠨ ᠤᠯᠠᠨ ᠲᠦᠮᠡᠨᠤ ᠨᠠᠮ ᠤᠨ ᠠᠴᠢᠡᠨᠡᠷᠢᠯ ᠳᠤ ᠲᠠᠯᠠᠷᠬᠠᠵᠤ᠂ ᠨᠠᠮᠤᠨ ᠦᠭᠡ ᠵᠢ ᠰᠤᠨᠤᠰᠴᠤ᠂ ᠨᠠᠮ ᠵᠢᠡᠨ ᠲᠠᠭᠠᠨ ᠤᠷᠤᠬᠰᠢᠯᠠᠵᠤ᠂ ᠬᠠᠮᠳᠤ ᠪᠡᠷ ᠰᠠᠭᠤᠷᠢᠰᠢᠵᠤ ᠬᠠᠮᠳᠤ ᠪᠡᠷ ᠰᠤᠷᠤᠯᠴᠠᠵᠤ᠂ ᠬᠠᠮᠳᠤ ᠪᠡᠷ ᠪᠠᠢᠭᠤᠯᠵᠤ ᠬᠠᠮᠳᠤ ᠪᠡᠷ ᠡᠳ᠋ᠯᠡᠵᠦ᠂ ᠬᠠᠮᠳᠤ ᠪᠡᠷ ᠵᠢᠷᠭᠠᠵᠤ ᠪᠠᠢᠭᠠ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯᠤᠨ ᠵᠢᠷᠤᠭᠢ ᠪᠦᠬᠦ ᠲᠠᠯᠠ ᠪᠡᠷ ᠲᠡᠯᠭᠡᠨ ᠦᠵᠡᠬᠦᠯᠬᠦ ᠪᠡᠷ ᠪᠤᠯᠤᠯᠠ᠃ ᠲᠠᠭᠠᠯᠠᠨ ᠤᠨᠭᠰᠢᠮᠤ！
ᠬᠣᠯᠪᠦᠭᠠᠰᠤ
●ᠤᠯᠠᠭᠠᠨᠬᠤᠲᠠ ᠪᠣᠯ ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠮᠡᠨᠳᠦᠯᠡᠭᠰᠡᠨ ᠭᠠᠵᠠᠷ᠂ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠣᠷᠣᠨᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠬᠠᠮᠤᠭ ᠡᠷᠲᠡ ᠦᠢᠯᠡᠳᠦᠯᠭᠡᠵᠢᠭᠦᠯᠦᠭᠰᠡᠨ ᠭᠠᠵᠠᠷ ᠪᠤᠯᠬᠤ ᠶᠤᠮ᠃
●ᠤᠯᠠᠭᠠᠨᠬᠤᠲᠠ 2016 ᠣᠨᠤ 10 ᠰᠠᠷᠠᠳᠤ ᠤᠯᠤᠰᠤᠨ ᠲᠠᠰᠤᠨ 《ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠬᠤᠲᠠ》 ᠵᠢᠨ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠲᠡᠵᠦ᠂ 2023 ᠣᠨᠳᠤ 《ᠪᠥᠬᠦ᠌ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠳᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠣᠷᠣᠨᠤ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠨᠢᠭᠡᠴᠢ》 ᠶ᠋ᠢᠨ ᠴᠣᠯᠠᠶ᠋ᠢ ᠬᠦᠷᠲᠡᠨ᠂ ᠮᠠᠨᠤ ᠤᠷᠤᠨᠤ ᠡᠨᠡ ᠬᠤᠶᠠᠷ ᠢᠷᠠᠭᠤ ᠠᠯᠳᠠᠷᠢ ᠬᠠᠮᠳᠤᠳᠤᠨᠢ ᠬᠦᠷᠳᠡᠭᠰᠡᠨ ᠴᠤᠷᠤᠨ ᠭᠠᠭᠴᠠ ᠬᠤᠳᠠ ᠪᠤᠯᠪᠠ᠃
●ᠦᠨᠳᠦᠰᠦᠲᠡᠨ ᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠶᠢᠨ ᠨᠡᠢᠭᠡᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢ ᠰᠢᠨᠡ ᠪᠠᠷ ᠡᠭᠦᠳᠦᠨ ᠪᠠᠢᠭᠤᠯᠵᠤ᠂ ᠬᠤᠲᠠ᠂ ᠪᠠᠯᠭᠠᠰᠤ （ᠵᠡᠭᠡᠯᠢ）᠂ ᠭᠠᠴᠠᠭᠠ ᠲᠣᠰᠭᠤᠨ （ᠨᠡᠢᠭᠡᠮ ᠲᠣᠭᠤᠷᠢᠭ） ᠭᠤᠷᠪᠠᠨ ᠱᠠᠲᠤᠶᠢ ᠬᠠᠮᠤᠷᠤᠭᠰᠠᠨ 126 ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤᠶᠢᠨ ᠴᠤᠬᠴᠠᠶᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠪᠠᠬᠢ ᠪᠣᠶ ᠪᠣᠯᠭᠠᠬᠤᠶᠢ ᠠᠬᠢᠭᠤᠯᠬᠤ ᠬᠤᠷᠠᠯᠢ ᠪᠠᠢᠭᠤᠯᠪᠠ᠃
●《ᠨᠠᠮᠤᠨ ᠪᠠᠢᠭᠤᠯᠤᠯᠲᠠ + ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷ》᠂《ᠲᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷ + ᠬᠥᠳᠡᠭᠡ ᠲᠣᠰᠭᠤᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ》 ᠰᠢᠨᠡ ᠵᠠᠭᠪᠤᠷᠢ ᠪᠦᠷᠢᠯᠳᠦᠭᠦᠯᠪᠡ᠃
ᠲᠤᠨᠤᠯᠵᠠᠨ ᠤᠷᠤᠰᠭᠤ ᠲᠤᠭᠤᠷᠤᠨ ᠭᠤᠣᠯ ᠮᠡᠯᠳᠡᠭᠡᠨᠡᠨ ᠴᠡᠩᠭᠡᠷᠳᠤᠵᠦ᠍᠂ ᠨᠠᠯᠠᠢᠨ ᠦᠷᠭᠦᠯᠵᠢᠯᠡᠬᠦ ᠤᠰᠤᠨ ᠲᠠᠷᠢᠶᠠ ᠨᠤᠭᠤᠭᠠᠨ ᠲᠤᠯᠬᠢᠶᠠ ᠬᠠᠶᠠᠯᠠᠨᠠ ᠁
ᠨᠢᠰᠭᠡᠯᠡᠴᠡ ᠪᠠᠭᠤᠬᠤᠶ᠋ᠢᠨ ᠲᠡᠷᠡ ᠭᠱᠠᠨᠠ ᠵᠦᠭᠡᠯᠡᠨ ᠰᠠᠯᠬᠢ ᠬᠠᠴᠡᠷ ᠢᠯᠪᠢᠨ᠂ ᠴᠡᠯᠮᠡᠭ ᠠᠭᠠᠷ ᠴᠡᠭᠡᠵᠢ ᠠᠷᠢᠭᠤᠯᠠᠵᠤ᠂ ᠴᠡᠮᠴᠡᠭᠡᠷ ᠠᠰᠠᠷ ᠲᠠᠬ᠍ᠳᠤ ᠬᠠᠷᠠᠭᠠ ᠮᠢᠯᠢᠶᠠᠨ᠂ ᠵᠤᠨᠤ ᠡᠬᠢᠨᠤ ᠤᠯᠠᠭᠠᠨᠬᠤᠳᠠ ᠵᠢᠷᠤᠭ ᠱᠢᠭ᠋ ᠰᠠᠢᠬᠠᠨ ᠭᠤᠶᠤᠯᠠᠯᠢᠶᠠᠷᠢᠶᠠᠨ ᠪᠢᠳᠡᠨᠢ ᠤᠬ᠍ᠳᠤᠯᠠ᠃
ᠦᠤᠬᠡ ᠲᠡᠤᠭᠡᠶ᠋ᠢᠨ ᠬᠡᠷᠡᠴᠢᠯᠡᠯ ᠪᠤᠯᠤᠭ᠍ᠰᠠᠨ 《5.1》 ᠬᠤᠷᠠᠯᠤᠨ ᠭᠡᠷ᠂ ᠦᠪᠡᠷᠮᠢᠴᠡ ᠡᠷᠬᠢᠮᠰᠦᠭ ᠦᠯᠢᠭᠡᠷᠤᠨ ᠤᠷᠳᠤᠨ᠂ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯᠢ ᠪᠡᠯᠭᠡᠳᠡᠨ ᠬᠠᠷᠠᠭᠤᠯᠤᠬᠰᠠᠨ ᠫᠠᠢᠰᠠ ᠢᠯᠡᠷᠭᠡᠢᠯᠡᠯ ᠁ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠮᠠᠨᠢ ᠵᠠᠰᠠᠭᠤᠨ ᠤᠷᠳᠣᠨᠤ ᠮᠡᠨᠳᠦᠯᠡᠭ᠌ᠰᠡᠨ ᠭᠠᠵᠠᠷ᠂ ᠠᠩᠬᠠᠳᠠᠭ᠍ᠴᠢ ᠲᠥᠪ ᠬᠤᠳᠠ ᠪᠠᠢᠬ᠍ᠰᠠᠨ ᠭᠡᠵᠦ᠍ ᠪᠤᠳᠤᠬᠤᠯᠠᠷ ᠴᠠᠭᠠᠨᠠᠪᠠᠨ ᠨᠢᠭᠡ ᠯᠠ ᠲᠥᠪ ᠬᠢᠴᠢᠶᠡᠩᠭᠦᠢ ᠰᠠᠨᠠᠭ᠍ᠳᠠᠭᠤᠯᠵᠤ᠂ ᠬᠦᠨᠳᠦᠳᠭᠡᠯ ᠪᠢᠱᠢᠷᠡᠯᠤᠨ ᠰᠡᠳᠭᠢᠯᠭᠡᠶ᠋ᠢ ᠡᠷᠬᠡ ᠦᠭᠡᠢ ᠲᠦᠷᠦᠭᠦᠯᠦᠨᠡ᠃
ᠰᠠᠨ ᠡᠾᠧ ᠲᠤᠰᠭᠤᠨ ᠤᠯᠠᠭᠠᠨᠬᠤᠳᠠᠶ᠋ᠢᠨ ᠬᠤᠳᠠᠶ᠋ᠢᠨ ᠲᠤᠭᠤᠷᠢᠭᠡᠴᠡ ᠵᠡᠭᠦᠨ ᠡᠮᠦᠨᠡᠰᠢ 20 ᠺᠢᠯᠤᠮᠧᠲᠷ ᠵᠠᠢᠳᠠᠢ ᠪᠠᠢᠵᠤ᠂ ᠲᠤᠭᠤᠷᠤᠨ ᠭᠤᠣᠯ᠂ ᠭᠦᠢᠯᠡᠷ ᠭᠤᠣᠯ᠂ ᠠᠮᠤᠭᠤᠯᠠᠩ ᠭᠤᠣᠯ ᠭᠤᠷᠪᠠᠨ ᠭᠤᠣᠯᠤᠨ ᠠᠭᠤᠯᠵᠠᠭᠤᠷᠲᠤ ᠪᠠᠢᠷᠢᠯᠠᠳᠠᠭᠢᠶᠠᠷᠢᠶᠠᠨ 《ᠰᠠᠨ ᠡᠾᠧ》 ᠭᠡᠰᠡᠨ ᠨᠡᠷᠡᠢᠳᠦᠯᠢ ᠣᠯᠵᠠᠢ᠃ ᠶᠠᠭ ᠯᠠ ᠵᠦᠭ ᠵᠦᠭᠡᠴᠡ ᠦᠶᠡᠯᠵᠡᠨ ᠨᠡᠢᠯᠡᠭᠡ ᠭᠤᠷᠪᠠᠨ ᠭᠤᠣᠯᠤᠨ ᠤᠷᠤᠰᠭᠠᠯ ᠮᠡᠲᠦ᠍᠂ ᠤᠳᠠᠭᠠᠨ ᠵᠢᠯᠤᠨ ᠲᠤᠷᠰᠢ ᠠᠳᠡ ᠬᠢᠲᠠᠳ᠂ ᠮᠤᠩᠭᠤᠯ᠂ ᠰᠤᠯᠤᠩᠭᠤᠰ᠂ ᠮᠠᠨᠵᠤ᠂ ᠲᠠᠭᠤᠷ᠂ ᠬᠤᠳᠤᠩ ᠁ ᠤᠯᠠᠨ ᠦᠨᠳᠦᠰᠦᠳᠡᠨ ᠲᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠤᠪᠬᠢᠰᠡᠴᠡ ᠬᠦᠷᠦᠯᠴᠡᠨ ᠢᠷᠡᠵᠦ᠍ ᠬᠠᠮᠳᠤ ᠰᠠᠭᠤᠷᠢᠱᠢᠨ᠂ ᠠᠢᠯ ᠰᠠᠭᠠᠬᠠᠯᠳᠠᠶ᠋ᠢᠨ ᠬᠤᠭᠤᠷᠤᠨᠳᠤᠪᠠᠨ ᠡᠶᠡ ᠨᠠᠢᠷᠰᠠᠭ ᠬᠠᠷᠢᠯᠴᠠᠵᠤ᠂ ᠡᠬᠡᠯ ᠵᠢᠷᠤᠨ ᠠᠲᠠᠯᠠᠪᠠᠨ ᠦᠯᠢᠭᠡᠷ ᠪᠣᠯᠵᠤ ᠶᠠᠷᠢᠬ᠍ᠳᠠᠬᠤ ᠤᠯᠠᠨ ᠰᠠᠢᠬᠠᠨ ᠶᠠᠷᠢᠶᠠ ᠵᠢ ᠦᠯᠡᠳᠡᠭᠡᠭ᠌ᠰᠡᠨᠢᠶᠠᠷᠢᠶᠠᠨ 《ᠲᠤᠮᠳᠠᠳᠤ ᠤᠯᠤᠰᠤᠨ ᠴᠦᠬᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨᠤ ᠣᠨᠴᠠᠯᠢᠭ᠍ᠲᠤ ᠭᠠᠴᠠᠭᠠ ᠲᠤᠰᠭᠤᠨ》 ᠬᠡᠮᠡᠬᠦ᠌ ᠰᠠᠢᠬᠠᠨ ᠴᠣᠯᠠᠶ᠋ᠢ ᠬᠦᠷᠳᠡᠵᠡᠢ᠃
ᠰᠠᠨ ᠾᠧ ᠲᠤᠰᠭᠤᠨᠤ ᠰᠣᠶᠣᠯ ᠢᠷᠭᠡᠨᠱᠢᠯᠤᠨ ᠶᠠᠪᠠᠭᠠᠨ ᠵᠡᠭᠡᠯᠢᠳᠤ ᠬᠦᠷᠦᠭᠡᠳ ᠤᠴᠢᠪᠠᠯ᠂ ᠬᠦᠬᠡ ᠤᠷᠤᠢ ᠴᠠᠭᠠᠨ ᠬᠡᠷᠡᠮᠲᠠᠢ ᠰᠤᠯᠤᠩᠭᠤᠰ ᠮᠠᠶᠢᠭᠤᠨ ᠭᠡᠷ ᠪᠠᠢᠱᠢᠩᠤᠳ ᠮᠦᠷᠦ᠍ ᠲᠠᠷᠠᠭᠠᠯᠠᠨ ᠵᠢᠭ᠌ᠳᠡᠷᠡᠵᠦ᠍᠂ ᠦᠨᠳᠤᠰᠦᠳᠡᠨᠤ ᠬᠤᠪᠴᠠᠰᠤᠪᠠᠷ ᠭᠤᠶᠤᠬ᠍ᠰᠠᠨ ᠵᠢᠭᠤᠯᠴᠢᠯᠠᠭ᠍ᠰᠠᠳ ᠬᠤᠶᠠᠷ ᠬᠤᠶᠠᠷ ᠭᠤᠷᠪᠠ ᠭᠤᠷᠪᠠᠪᠠᠷ ᠦᠵᠡᠮᠵᠢ ᠬᠠᠢᠨ ᠰᠠᠭᠦᠳᠡᠷ ᠲᠠᠳᠠᠵᠤ᠂ ᠬᠠᠶᠠ ᠪᠠᠰᠠ ᠲᠠᠪᠤᠰᠤᠯᠠᠭ᠍ᠰᠠᠨ ᠨᠤᠭᠤᠭᠠᠨᠤ ᠦᠨᠦᠷ ᠬᠠᠮᠠᠷ ᠴᠤᠷᠬᠢᠨ ᠦᠨᠦᠷᠳᠦᠨᠡ᠃
ᠶᠠᠪᠠᠭᠠᠨ ᠵᠡᠭᠡᠯᠢᠶ᠋ᠢᠨ ᠲᠤᠮᠳᠠᠭᠤᠷ ᠵᠡᠭᠦᠨᠰᠢ ᠣᠷᠣᠭ᠍ᠰᠠᠨ ᠵᠦᠷᠢᠭᠢᠶᠠᠷ ᠵᠠᠭᠤᠨ ᠮᠧᠲᠷ ᠬᠢᠷᠢᠳᠠᠢ ᠠᠯᠬᠤᠪᠠᠯ᠂ ᠲᠠᠪᠤᠨ ᠵᠠᠭᠤᠨ ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠴᠡᠪᠡᠷ ᠲᠤᠬᠢᠯᠢᠭ ᠬᠦᠷᠢᠶᠡ ᠬᠠᠱᠢᠶᠠᠨᠤ ᠶᠡᠬᠡᠩᠭᠢ ᠭᠡᠰᠡᠭ ᠭᠠᠵᠠᠷᠲᠤ ᠦᠵᠦᠮᠤᠨ ᠮᠤᠳᠤ ᠲᠠᠷᠢᠬ᠍ᠰᠠᠨ ᠪᠠᠢᠵᠤ᠂ ᠠᠷᠤ ᠬᠠᠶᠠᠭᠠᠶ᠋ᠢᠨᠢ ᠲᠠᠭᠠᠭᠠᠳ ᠪᠠᠷᠠᠭᠤᠨᠡᠴᠡ ᠵᠡᠭᠦᠨᠰᠢ᠂ ᠬᠠᠭᠤᠴᠢᠨᠡᠴᠡ ᠱᠢᠨᠡ ᠭᠤᠷᠪᠠᠨ ᠪᠠᠢᠱᠢᠩ ᠵᠡᠷᠭᠡᠴᠡᠨ ᠪᠤᠰᠤᠭ᠍ᠰᠠᠨᠨᠢ ᠡᠨᠡ ᠠᠢᠯᠤᠨ ᠵᠢᠯᠡᠴᠡ ᠵᠢᠯ ᠦᠭᠡᠳᠡᠯᠡᠨ ᠲᠡᠭ᠌ᠵᠢᠷᠡᠭ᠌ᠰᠡᠭᠡᠷ ᠢᠷᠡᠭ᠌ᠰᠡᠨᠢ ᠲᠤᠳᠤᠬᠠᠨ ᠬᠠᠷᠠᠭᠤᠯᠤᠨᠠ᠃
ᠬᠦᠷᠢᠶᠡᠨ ᠳᠤᠲᠤᠷᠠ ᠨᠠᠮᠬᠠᠨ ᠪᠡᠶᠡᠲᠠᠢ᠂ ᠪᠤᠷᠤᠪᠳᠤᠷ ᠴᠢᠷᠠᠢᠲᠠᠢ᠂ ᠵᠢᠷᠠ ᠱᠢᠬᠠᠮ ᠨᠠᠰᠤᠨᠤ ᠡᠷᠡᠭ᠌ᠳᠡᠢ ᠲᠦᠩᠭᠡᠵᠢ ᠵᠢᠮᠢᠰ ᠰᠠᠭᠤᠭᠠ ᠦᠵᠦᠮᠡ ᠤᠨ ᠮᠣᠳᠤᠳᠢᠶᠠᠨ ᠨᠠᠷᠢᠯᠢᠭ ᠨᠢᠮᠪᠠᠢ ᠠᠷᠴᠢᠯᠠᠵᠤ ᠪᠠᠢᠭ᠍ᠰᠠᠨᠨᠢ ᠡᠨᠡ ᠠᠢᠯᠤᠨ ᠭᠡᠷᠤᠨ ᠡᠵᠡᠨ ᠵᠠᠩ ᠴᠦᠨ ᠵᠶ᠋ᠢ ᠪᠠᠢᠵᠤ᠂ ᠴᠤᠩᠬᠤᠨᠤ ᠴᠠᠭᠠᠨᠠ ᠬᠦᠷᠡᠩ ᠤᠯᠠᠭᠠᠨ ᠬᠦᠷᠮᠡᠲᠠᠢ ᠢᠨᠢᠶᠡᠳᠦ ᠠᠯᠳᠠᠭ᠍ᠰᠠᠨ ᠨᠢᠭᠡᠨ ᠪᠦᠰᠡᠭᠦᠢ ᠨᠤᠭᠤᠭᠠ ᠲᠠᠪᠤᠰᠤᠯᠠᠨ ᠶᠠᠭᠠᠷᠠᠵᠤ ᠪᠠᠢᠭ᠍ᠰᠠᠨᠨᠢ ᠲᠡᠭᠦᠨᠤ ᠡᠭᠡᠨᠡᠷ ᠪᠤᠤ ᠱᠤ᠌ ᠱᠢᠶᠠ ᠪᠠᠢᠯᠠ᠃
ᠵᠠᠩ ᠴᠦᠨ ᠵᠶ᠋ᠢ ᠰᠤᠯᠤᠩᠭᠤᠰ ᠦᠨᠳᠦᠰᠦᠳᠡᠨ᠂ ᠡᠭᠡᠨᠡᠷ ᠪᠤᠤ ᠱᠤ᠌ ᠱᠢᠶᠠᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠃ ᠭᠤᠴᠢ ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡ ᠡᠳᠡ ᠬᠤᠶᠠᠭᠤᠯᠠ ᠠᠩᠬᠠ ᠡᠬᠢᠯᠡᠵᠦ᠍ ᠠᠢᠯ ᠡᠷᠦᠭᠡᠪᠠᠨ ᠪᠤᠰᠭᠠᠬᠤ ᠦᠶᠡᠰ᠂ ᠢᠳᠡᠵᠦ᠍ ᠤᠤᠭᠤᠬᠤᠡᠴᠡ ᠡᠬᠢᠯᠡᠨ ᠠᠮᠢᠳᠤᠷᠠᠯᠤᠨ ᠠᠯᠢ ᠤᠯᠠᠨ ᠵᠢᠵᠢᠭ ᠰᠠᠵᠢᠭ ᠤᠴᠢᠷᠲᠤ ᠬᠦᠷᠳᠡᠯᠡ ᠲᠠᠳᠭᠠᠯ ᠠᠷᠠᠨᠱᠢᠨ ᠪᠦᠷ ᠦᠰᠦᠳ ᠦᠭᠡᠷᠡ ᠪᠠᠢᠵᠤ᠂ ᠬᠡᠯᠡ ᠶᠠᠷᠢᠶᠠ ᠨᠡᠪᠳᠡᠷᠡᠯᠴᠡᠬᠦ᠌ ᠲᠠᠯᠠᠪᠠᠷ ᠴᠤ᠌ ᠪᠠᠭᠠ ᠪᠤᠰᠤ ᠰᠠᠭᠠᠳ ᠲᠤᠳᠭᠠᠷᠲᠤ ᠤᠴᠠᠷᠠᠵᠤ ᠪᠠᠢᠵᠠᠢ᠃ ᠬᠡᠬᠦ᠌ᠳᠡᠭᠡᠨ ᠬᠤᠪᠢ ᠢᠷᠦᠭᠡᠯᠪᠠᠷ ᠤᠴᠠᠷᠠᠵᠤ᠂ ᠬᠠᠢᠷᠠ ᠰᠡᠳᠭᠢᠯᠢᠶᠠᠷᠢᠶᠠᠨ ᠲᠠᠰᠤᠯᠴᠠᠭ᠍ᠰᠠᠨ ᠡᠳᠡ ᠬᠤᠶᠠᠭᠤᠯᠠ ᠡᠳᠦᠷᠤᠨ ᠤᠳᠠᠭᠠᠨ ᠬᠤᠨᠤᠭᠤᠨ ᠵᠤᠵᠠᠭᠠᠨᠳᠤ ᠬᠠᠷᠢᠯᠴᠠᠨ ᠤᠢᠯᠠᠭᠠᠯᠴᠠᠨ ᠬᠠᠷᠢᠯᠴᠠᠨ ᠲᠦᠱᠢᠯᠴᠡᠭ᠌ᠰᠡᠭᠡᠷ ᠦᠨᠦᠳᠤᠷ ᠪᠤᠯᠬᠤᠳᠤ ᠭᠡᠷ ᠪᠦᠯᠢᠪᠠᠨ ᠡᠶᠡ ᠨᠠᠢᠷᠳᠠᠢ ᠦᠭᠡᠳᠡ ᠡᠰᠡᠷᠡᠭ ᠠᠪᠴᠤ᠌ ᠶᠠᠪᠤᠨᠠ᠃ ᠡᠳᠡ ᠬᠤᠶᠠᠷᠤᠨ ᠠᠭᠤᠯᠵᠠᠵᠤ ᠤᠴᠠᠷᠠᠭᠰᠠᠨ ᠲᠤᠬᠠᠢ ᠪᠠᠰᠠ ᠨᠢᠭᠡᠨ ᠬᠠᠭᠤᠴᠢᠯᠠᠭᠤᠱᠢᠳᠠᠢ ᠦᠯᠢᠭᠡᠷ ᠪᠤᠢ᠃
33 ᠵᠢᠯᠤᠨ ᠡᠮᠦᠨᠡᠬᠢ ᠬᠠᠪᠤᠷᠤᠨ ᠡᠬᠢᠨᠤ ᠨᠢᠭᠡᠨ ᠡᠳᠦᠷ ᠪᠠᠢᠵᠤ ᠪᠢᠯᠡ᠂ ᠲᠤᠰᠭᠤᠨᠤᠪᠠᠨ ᠬᠠᠮᠲᠦ᠍ᠶ᠋ᠢᠨ ᠴᠢᠯᠠᠭᠤᠶ᠋ᠢ ᠴᠤᠭ᠍ᠯᠠᠭᠤᠯᠬᠤ ᠠᠵᠢᠯᠳᠤ ᠤᠷᠤᠯᠴᠠᠵᠤ ᠪᠠᠢᠭ᠍ᠰᠠᠨ ᠵᠠᠩ ᠱ᠌ᠢ ᠸᠠᠨ （ᠵᠠᠩ ᠴᠦᠨ ᠵᠶ᠋ᠢᠶ᠋ᠢᠨ ᠠᠪᠤ） ᠵᠤᠷᠱᠢᠯ ᠶᠤᠰᠤᠭᠠᠷ ᠦᠤᠷᠤᠨ ᠲᠦᠷᠪᠡᠨ ᠴᠠᠭᠲᠤ ᠪᠤᠰᠤᠭᠠᠳ᠂ ᠡᠳᠦᠷᠤᠨ ᠢᠳᠡᠬᠦ᠌ ᠲᠠᠪᠤᠰᠤᠯᠠᠭ᠍ᠰᠠᠨ ᠨᠤᠭᠤᠭᠠ ᠪᠤᠯᠤᠨ ᠤᠮᠳᠠ ᠲᠠᠷᠤᠬᠤ ᠠᠷᠪᠠᠢᠶ᠋ᠢᠨ ᠴᠠᠢᠪᠠᠨ ᠬᠦᠨᠡᠰᠦᠯᠡᠵᠦ᠍ ᠠᠪᠤᠭᠠᠳ᠂ ᠭᠡᠷᠡᠴᠡᠪᠠᠨ ᠬᠤᠢᠰᠢ 10 ᠭᠠᠵᠠᠷ ᠵᠠᠢᠳᠠᠢ ᠪᠠᠢᠷᠢᠯᠠᠭᠠ ᠬᠠᠳᠠᠳᠤ ᠠᠭᠤᠯᠠᠶ᠋ᠢᠨ ᠠᠷᠤᠳᠤ ᠬᠦᠷᠴᠦ᠍᠂ ᠴᠢᠯᠠᠭᠤ ᠮᠠᠯᠳᠠᠬᠤ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠵᠡᠢ᠃
ᠴᠠᠭ ᠪᠠᠴᠢᠮ ᠠᠵᠢᠯ ᠬᠦᠨᠳᠤ ᠪᠠᠢᠬ᠍ᠰᠠᠨ ᠪᠤᠯᠬᠤᠷ᠂ ᠡᠳᠤᠷᠨᠢ ᠭᠡᠷᠲᠡᠭᠡᠨ ᠬᠠᠷᠢᠬᠤᠶ᠋ᠢ ᠪᠦᠦ ᠬᠡᠯᠡ ᠬᠤᠭᠤᠯᠨ ᠤᠮᠳᠠᠪᠠᠨ ᠲᠤᠬᠢᠳᠠᠢ ᠢᠳᠡᠬᠦ᠌ ᠪᠣᠯᠤᠮᠵᠢ ᠴᠦ᠍ ᠬᠤᠪᠤᠷ ᠪᠠᠢᠵᠤ᠂ ᠦᠯᠦᠰᠴᠦ᠍ ᠤᠮᠳᠠᠭᠠᠰᠪᠠᠯ ᠠᠭᠤᠯᠠᠶ᠋ᠢᠨ ᠬᠤᠩᠭᠢᠯ ᠬᠠᠳᠠᠨᠤ ᠡᠩᠭᠡᠷ ᠬᠠᠮᠢᠭᠠ ᠤᠯᠳᠠᠭ᠍ᠰᠠᠨ ᠨᠦᠮᠦᠷᠢᠲᠠᠢ ᠭᠠᠵᠠᠷᠢᠶᠠᠨ ᠬᠤᠷᠳᠤᠬᠠᠨ ᠢᠳᠡᠵᠦ᠍ ᠤᠤᠭᠤᠭᠠᠳ ᠦᠷᠭᠦᠯᠵᠢᠯᠡᠨ ᠠᠵᠢᠯᠯᠠᠳᠠᠭ ᠪᠠᠢᠪᠠ᠃
ᠲᠤᠬᠠᠢᠶ᠋ᠢᠨ ᠡᠳᠦᠷ᠂ ᠵᠠᠩ ᠱ᠌ᠢ ᠸᠠᠨᠤ ᠮᠠᠯᠳᠠᠭ᠍ᠰᠠᠨ ᠭᠠᠵᠠᠷᠨᠢ ᠬᠦᠷᠦᠰᠦ ᠱᠢᠷᠦᠢ ᠵᠦᠭᠡᠯᠡᠨ᠂ ᠬᠠᠳᠠ ᠴᠢᠯᠠᠭᠤ ᠡᠯᠪᠡᠭ ᠪᠠᠢᠭ᠍ᠰᠠᠨ ᠪᠤᠯᠬᠤᠷ ᠢᠯᠡᠭᠦᠦ ᠴᠠᠭ ᠭᠠᠷᠤᠢ ᠠᠵᠢᠯᠯᠠᠭ᠍ᠰᠠᠨᠢᠶᠠᠨ ᠦᠪᠡᠷᠢᠶᠠᠨ ᠴᠤ᠌ ᠮᠡᠳᠡᠭᠡ ᠦᠭᠡᠢ᠂ ᠦᠳᠡ ᠲᠤᠮᠳᠠ ᠪᠤᠯᠬᠤᠶ᠋ᠢᠨ ᠠᠯᠳᠠᠳᠤ ᠶᠡᠭᠡᠯᠡ ᠶᠠᠳᠠᠷᠠᠵᠤ ᠲᠤᠢᠯᠳᠠᠬᠤᠪᠠᠷ ᠰᠠᠶᠢ ᠭᠠᠷ ᠲᠡᠬᠢ ᠬᠦᠷᠵᠡ ᠵᠡᠭᠡᠲᠦᠦ᠍ᠪᠠᠨ ᠬᠠᠶᠠᠵᠤ ᠤᠷᠬᠢᠨ ᠲᠦᠷ ᠵᠠᠭᠤᠷᠠ ᠠᠮᠠᠷᠠᠬᠤᠪᠠᠷ ᠪᠣᠯᠵᠠᠢ᠃
ᠡᠷᠬᠢᠨ ᠲᠤᠭᠤᠷᠢᠨᠢᠶᠠᠨ ᠬᠠᠷᠠᠭᠠᠳ ᠨᠦᠮᠦᠷᠢᠳᠠᠢ ᠭᠠᠵᠠᠷ ᠤᠯᠳᠠᠭ᠍ᠰᠠᠨ ᠦᠭᠡᠢ᠂ ᠤᠭ ᠤᠷᠤᠨᠳᠠᠭᠠᠨ ᠴᠢᠯᠠᠭᠤ ᠵᠡᠷᠭᠡᠯᠡᠵᠦ᠍ ᠰᠠᠭᠤᠭᠠᠳ ᠠᠶᠠᠳᠠᠢᠬᠠᠨ ᠨᠢᠭᠡ ᠦᠳᠡᠯᠡᠶᠡ ᠭᠡᠵᠤ ᠪᠠᠢᠳᠠᠯᠠ᠂ ᠬᠠᠭᠠᠰᠲᠠᠢ ᠬᠤᠭᠤᠰᠲᠠᠢ ᠬᠠᠪᠤᠷᠤᠨ ᠲᠡᠭ᠌ᠷᠢ ᠭᠡᠨᠡᠳᠲᠡ ᠴᠢᠷᠠᠢ ᠬᠤᠪᠢᠷᠠᠨ᠂ ᠠᠭᠤᠷ ᠠᠮᠢᠰᠭᠤᠯ ᠬᠦᠢᠳᠡᠷᠡᠵᠦ᠍᠂ ᠰᠠᠯᠬᠢ ᠬᠠᠤᠬᠢᠨ ᠴᠠᠰᠤ ᠱᠢᠭᠤᠷᠴᠤ᠌ ᠡᠬᠢᠯᠡᠵᠡᠢ᠃ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠤᠭ᠍ᠰᠠᠨ ᠵᠠᠩ ᠱ᠌ᠢ ᠸᠠᠨ ᠲᠡᠷᠡ ᠲᠤᠤᠷᠠᠨᠢ ᠬᠠᠮᠤᠭ ᠤᠢᠷᠠ ᠬᠠᠷᠠᠭ᠍ᠳᠠᠭᠠ ᠠᠢᠯ ᠵᠦᠭ ᠰᠠᠯᠬᠢ ᠰᠦᠷᠦᠨ ᠭᠦᠶᠦᠯᠡ᠃
《ᠠᠢ！ ᠪᠠᠰᠠ ᠯᠡ ᠲᠡᠭ᠌ᠷᠢ ᠬᠤᠪᠢᠷᠠᠴᠢᠬᠠᠯᠠ᠂ ᠡᠪᠦᠭᠡᠨ ᠡ᠂ ᠬᠠᠷᠤᠭᠠᠳ ᠬᠤᠨᠢᠨ ᠬᠠᠱᠢᠶᠠᠨᠤ ᠡᠭᠦᠳᠡᠶ᠋ᠢ ᠦᠵᠡᠭᠡᠳ ᠢᠷᠡ᠂ ᠴᠤᠬᠤᠮ ᠰᠠᠢᠨ ᠤᠶᠠᠵᠤ ᠤᠤ ᠦᠭᠡᠢ ᠤᠤ！》 ᠭᠡᠵᠦ᠍ ᠪᠤᠤ ᠱᠤ᠌ ᠱᠢᠶᠠᠶ᠋ᠢᠨ ᠡᠵᠢ᠂ ᠲᠠᠮᠠᠬᠢ ᠳᠠᠲᠠᠨ ᠮᠡᠯᠡᠷᠡᠵᠦ᠍ ᠰᠠᠭᠤᠭᠠ ᠨᠦᠬᠦᠷ ᠪᠤᠤ ᠪᠤᠤ ᠵᠤ᠌ᠳᠡᠭᠡᠨ ᠬᠠᠨᠳᠤᠨ ᠬᠡᠯᠡᠨᠡ᠃
ᠪᠤᠤ ᠪᠤᠤ ᠵᠤ᠌ ᠬᠠᠭᠠᠯᠭᠠᠪᠠᠨ ᠨᠡᠭᠡᠭᠡᠳ ᠭᠠᠷᠬᠤᠲᠠᠢ ᠵᠡᠷᠭᠡ ᠨᠢᠭᠡ ᠭᠠᠷᠲᠠᠭᠠᠨ ᠪᠦᠰᠡ ᠤᠭᠤᠲᠠ ᠲᠡᠭᠦᠵᠢᠯᠡᠭᠰᠡᠨ ᠲᠠᠭᠠᠷᠠᠵᠤ ᠲᠠᠭ᠍ᠵᠢᠭ᠍ᠰᠠᠭᠠᠷ ᠨᠠᠭᠠᠰᠢ ᠴᠠᠭᠠᠰᠢ ᠡᠷᠬᠢᠴᠡᠵᠦ᠍ ᠪᠠᠢᠭᠠ ᠵᠠᠩ ᠱ᠌ᠢ ᠸᠠᠨᠢ ᠤᠯᠵᠦ᠍ ᠬᠠᠷᠠᠯᠠ᠃
《ᠬᠥᠱ᠌ᠢ！ ᠴᠢ ᠶᠠᠭᠤᠨᠤ ᠬᠦᠮᠦᠨ ᠪᠤᠢ？》 ᠭᠡᠵᠤ ᠠᠰᠠᠭᠤᠳᠠᠯᠠ᠂ ᠵᠠᠩ ᠱ᠌ᠢ ᠸᠠᠨ᠄ 《ᠠᠬᠠ ᠠ᠂ ᠪᠢ ᠬᠠᠵᠠᠭᠤᠶ᠋ᠢᠨ ᠠᠭᠤᠯᠠᠨ ᠲᠡᠭᠡᠷᠡ ᠬᠠᠮᠳᠤᠶ᠋ᠢᠨ ᠴᠢᠯᠠᠭᠤᠶ᠋ᠢ ᠮᠠᠯᠳᠠᠵᠤ ᠪᠠᠢᠭᠠ ᠠᠵᠢᠯᠳᠠᠨ ᠪᠠᠢᠨᠠ᠂ ᠭᠡᠨᠡᠳᠲᠡ ᠲᠡᠭ᠌ᠷᠢ ᠬᠦᠢᠳᠡᠷᠡᠵᠦ᠍ ᠴᠠᠰᠤ ᠱᠢᠭᠤᠷᠬᠤᠪᠠᠷ ᠰᠠᠨᠳᠤᠷᠤᠭᠠᠳ ᠲᠠᠨᠤᠳᠤ ᠢᠷᠡᠯᠡ᠂ ᠭᠡᠷᠲᠤ ᠴᠢᠨᠢ ᠤᠷᠤᠵᠤ ᠲᠦᠷ ᠪᠦᠯᠢᠶᠡᠰᠦᠭᠡᠳ ᠬᠤᠭᠤᠯᠠᠪᠠᠨ ᠢᠳᠡᠭᠡᠳ ᠭᠠᠷᠪᠠᠯ ᠪᠤᠯᠬᠤ ᠤᠤ？》 ᠭᠡᠵᠦ᠍ ᠭᠠᠷᠲᠠᠬᠢ ᠤᠭᠤᠲᠠᠲᠠᠢ ᠬᠦᠨᠡᠰᠦᠪᠠᠨ ᠡᠷᠭᠦᠪᠡᠯ᠂ ᠪᠤᠤ ᠪᠤᠤ ᠵᠤ᠌ ᠰᠠᠩᠳᠡ ᠮᠡᠩᠳᠡ ᠵᠠᠩ ᠱ᠌ᠢ ᠸᠠᠨᠢ ᠭᠡᠷᠲᠡᠭᠡᠨ ᠤᠭ᠍ᠳᠤᠨ ᠤᠷᠤᠭᠤᠯᠵᠤ᠂ ᠲᠤᠮᠤᠬᠠᠨ ᠭᠡᠭ᠌ᠴᠢ ᠱᠠᠭᠠᠵᠠᠩ ᠠᠶᠠᠭᠠᠨᠳᠤ ᠬᠠᠯᠠᠭᠤᠨ ᠰᠦᠲᠠᠢ ᠴᠠᠢ ᠠᠶᠠᠭᠠᠯᠠᠵᠤ ᠪᠠᠷᠢᠭᠤᠯᠤᠭᠠᠳ᠂ ᠬᠤᠭᠤᠯᠠ ᠪᠤᠳᠠᠭᠠ ᠬᠠᠯᠠᠭᠠᠵᠤ ᠥᠭ᠌ᠴᠡᠢ᠃
ᠡᠭᠦᠨᠡᠴᠡ ᠬᠤᠢᠰᠢ ᠬᠤᠶᠠᠷ ᠠᠢᠯᠤᠨ ᠬᠠᠷᠢᠯᠴᠠᠭᠠ ᠶᠠᠪᠤᠬᠤ ᠲᠤᠳᠤᠮ ᠤᠢᠷᠠ ᠲᠤᠳᠤᠨᠤ ᠪᠤᠯᠵᠤ᠂ ᠰᠠᠢᠨ ᠨᠠᠢᠵᠠ᠂ ᠰᠠᠢᠨ ᠰᠠᠭᠠᠬᠠᠯᠳᠠ᠂ ᠴᠢᠨᠠᠭ᠍ᠰᠢᠯᠠᠭᠠᠳ ᠰᠠᠢᠨ ᠬᠤᠳᠠ ᠤᠷᠤᠭ ᠪᠤᠯᠤᠯᠴᠠᠭ᠍ᠰᠠᠨᠨᠢ ᠡᠨᠡ ᠪᠠᠢᠵᠠᠢ᠃
— ᠮᠠᠨᠤ ᠬᠦᠮᠦᠨ ᠠᠵᠢᠯᠳᠤ ᠰᠠᠢᠨ᠂ ᠦᠭᠡ ᠲᠠᠭᠤ ᠴᠦᠬᠡᠨ ᠪᠤᠯᠪᠠᠴᠤ᠌ ᠬᠦᠮᠦᠨᠢ ᠥᠷᠥ᠍ ᠡᠪᠡᠳᠬᠦ᠌ᠶ᠋ᠢ ᠮᠡᠳᠡᠨᠡ᠂ ᠲᠤᠬᠠᠢᠶ᠋ᠢᠨ ᠵᠢᠯ ᠬᠠᠳᠠᠮ ᠠᠪᠤᠶ᠋ᠢ ᠲᠠᠭᠠᠵᠤ ᠬᠠᠮᠤᠭ ᠠᠩᠬᠠ ᠤᠳᠠᠭᠠ ᠮᠠᠨᠤᠳᠤ ᠢᠷᠡᠬᠦ᠌ᠪᠠᠷᠨᠢ ᠨᠦᠬᠦᠷ ᠮᠠᠨᠢ ᠪᠣᠯᠬᠤ ᠬᠦᠮᠦᠨ ᠮᠦᠨ ᠪᠠᠢᠨᠠ ᠭᠡᠵᠦ᠍ ᠲᠠᠨᠢᠬᠰᠠᠨ ᠬᠡᠮᠡᠨ ᠪᠤᠤ ᠱᠤ᠌ ᠱᠢᠶᠠ ᠢᠨᠢᠶᠡᠮᠰᠦᠭ᠌ᠯᠡᠨ ᠶᠠᠷᠢᠨᠠ᠃
20 ᠳ᠋ᠤᠭᠠᠷ ᠵᠠᠭᠤᠨᠤ ᠡᠬᠢᠨᠳᠤ᠂ ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠭᠡᠢᠳᠡᠨ ᠰᠣᠯᠣᠩᠭᠤᠰᠢ ᠲᠦᠷᠢᠮᠡᠬᠡᠢᠯᠡᠨ ᠡᠵᠡᠯᠡᠭ᠌ᠰᠡᠨᠢᠶᠠᠷ ᠲᠡᠨᠳᠡᠬᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠲᠠᠷᠢᠶᠠᠴᠢᠳ ᠭᠡᠳᠡᠰᠦ ᠴᠠᠳᠭᠤᠯᠠᠩ ᠠᠮᠢᠳᠤᠷᠠᠬᠤᠶ᠋ᠢᠨ ᠲᠤᠯᠠᠳᠠ ᠡᠬᠡ ᠤᠯᠤᠰᠡᠴᠡᠪᠠᠨ ᠰᠠᠯᠵᠤ᠂ ᠦᠳᠡᠭᠦᠰ ᠨᠢᠯᠬᠠᠰᠢᠶᠠᠨ ᠴᠢᠷᠦᠭ᠌ᠰᠡᠭᠡᠷ᠂ ᠶᠠᠯᠤ ᠮᠦᠷᠡᠨᠢ ᠭᠡᠲᠦᠯᠦᠨ ᠮᠠᠨᠤ ᠤᠯᠤᠰᠤᠨ ᠵᠡᠭᠦᠨ ᠬᠤᠢᠲᠤ ᠣᠷᠣᠨ ᠪᠣᠯᠤᠨ ᠣᠳᠤᠶ᠋ᠢᠨ ᠥᠪᠥᠷ ᠮᠣᠩᠭᠤᠯᠤᠨ ᠨᠤᠳᠤᠭᠲᠤ ᠢᠷᠡᠵᠦ᠂ ᠰᠡᠭᠦᠯᠡᠷᠨᠢ 1937 ᠣᠨᠤ ᠦᠶᠡ ᠪᠡᠷ 100 ᠭᠠᠷᠤᠢ ᠡᠷᠤᠬᠡ ᠰᠤᠯᠤᠩᠭᠤᠰ ᠲᠠᠷᠢᠶᠠᠴᠢᠨ ᠨᠡᠢᠯᠡᠵᠦ᠂ ᠰᠠᠨ ᠾᠧ ᠳᠠᠷᠢᠶᠠᠯᠠᠩᠤᠨ ᠳᠠᠯᠠᠪᠠᠢᠶ᠋ᠢ ᠨᠡᠭᠡᠭᠡᠪᠡ᠃ ᠡᠨᠡ ᠬᠦ᠌ 100 ᠭᠠᠷᠤᠢ ᠡᠷᠦᠭᠡᠶ᠋ᠢᠨ ᠨᠢᠭᠡᠨᠢ ᠵᠠᠩ ᠴᠦᠨ ᠵᠶ᠋ᠢᠶ᠋ᠢᠨᠬᠢ ᠪᠠᠢᠬ᠍ᠰᠠᠨ ᠶᠤᠮ᠃
ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ᠍ ᠴᠢᠯᠦᠭᠡᠳᠠᠢ ᠶᠠᠪᠤᠯᠴᠠᠭ᠍ᠰᠠᠨᠡᠴᠡ ᠬᠤᠢᠰᠢ᠂ ᠠᠳᠡᠬᠢ ᠤᠯᠠᠨ ᠬᠦᠮᠦᠰ ᠦᠭᠡ ᠬᠡᠯᠡᠨᠤ ᠲᠠᠪᠠᠭᠤᠯᠢᠭᠢᠶᠠᠨ ᠠᠱᠢᠬ᠍ᠯᠠᠨ᠂ ᠺᠤᠷᠢᠶᠠ ᠤᠯᠤᠰᠲᠤ ᠬᠦᠷᠴᠦ᠍ ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠵᠤ ᠡᠬᠢᠯᠡᠪᠡ᠃ 1997 ᠣᠨᠳᠤ᠂ ᠵᠠᠩ ᠴᠦᠨ ᠵᠶ᠋ᠢ ᠴᠤ᠌ ᠠᠵᠢᠯ ᠠᠮᠢᠳᠤᠷᠠᠯᠤᠨ ᠡᠷᠬᠡᠪᠠᠷ ᠡᠨᠡ ᠬᠦ᠌ ᠦᠷᠨᠢᠯᠲᠡᠶ᠋ᠢᠲᠠᠭᠠᠨ ᠬᠦᠯᠦᠰᠦᠨ ᠠᠵᠢᠯ ᠬᠢᠬᠦ᠌ᠪᠠᠷ ᠺᠤᠷᠢᠶᠠᠶ᠋ᠢ ᠵᠤᠷᠢᠵᠠᠢ᠃
ᠢᠯᠡᠭᠦᠭᠡᠨ ᠮᠦᠩᠭᠦ᠌ ᠵᠤᠭᠤᠰ ᠬᠠᠳᠠᠭᠠᠯᠠᠵᠤ᠂ ᠡᠷᠳᠡᠭᠡᠨ ᠨᠢᠭᠡ ᠡᠳᠦᠷ ᠭᠡᠷᠲᠡᠭᠡᠨ ᠪᠤᠴᠠᠶᠠ ᠭᠡᠰᠡᠨ ᠪᠤᠳᠤᠯᠢ ᠡᠪᠦᠷᠯᠡᠭ᠌ᠰᠡᠭᠡᠷ ᠲᠡᠷᠡ ᠵᠤᠨᠤ ᠠᠭᠠᠭᠢᠮᠠ ᠬᠠᠯᠠᠭᠤᠨ᠂ ᠡᠪᠦᠯᠤᠨ ᠬᠠᠬᠢᠷ ᠬᠦᠢᠳᠡᠨᠢ ᠢᠯᠭᠠᠯ ᠦᠭᠡᠢ ᠰᠸᠦ᠋ᠯ ᠬᠤᠲᠠᠶ᠋ᠢᠨ ᠪᠠᠷᠢᠯᠭᠠᠶ᠋ᠢᠨ ᠠᠵᠢᠯᠳᠤ ᠤᠯᠳᠠᠭ᠍ᠰᠠᠨᠤ ᠬᠢᠨᠢ ᠬᠢᠷᠢᠪᠠᠷ ᠬᠦᠴᠦ᠍ ᠶᠠᠪᠤᠭ᠍ᠰᠠᠭᠠᠷ ᠨᠢᠭᠡ ᠮᠡᠳᠡᠬᠦ᠌ᠳᠤ 3 ᠵᠢᠯᠢ ᠠᠷᠤᠳᠠᠭᠠᠨ ᠤᠷᠬᠢᠵᠠᠢ᠃
— ᠬᠠᠷᠢ ᠭᠠᠳᠠᠨᠠ ᠬᠦᠴᠦᠨᠤ ᠠᠵᠢᠯᠳᠤ ᠶᠠᠪᠤᠵᠤ ᠪᠠᠢᠭᠠ ᠬᠦᠮᠦᠨ ᠭᠡᠷᠢᠶᠠᠨ ᠰᠠᠨᠠᠬᠤᠶ᠋ᠢ ᠶᠠᠷᠢᠨᠠ ᠤᠤ᠂ ᠲᠤᠬᠠᠢᠶ᠋ᠢᠨ ᠦᠶᠡᠰ ᠬᠡᠳᠤᠢᠪᠡᠷ ᠡᠳᠦᠷᠵᠢᠨ ᠰᠤᠯᠤᠩᠭᠤᠰ ᠬᠤᠭᠤᠯᠠ ᠤᠯᠵᠤ ᠢᠳᠡᠬᠦ᠌ ᠪᠤᠯᠪᠠᠴᠤ᠌ ᠠᠮᠲᠠ ᠱᠢᠮᠲᠡᠨᠢ ᠮᠢᠨᠤ ᠡᠭᠡᠨᠡᠷᠤᠨ ᠬᠢᠭ᠌ᠰᠡᠨᠢ ᠬᠤᠯᠠ ᠬᠦᠷᠬᠦ᠌ ᠦᠭᠡᠢ ᠯᠠ ᠰᠠᠨᠠᠭᠳᠠᠳᠠᠭ ᠪᠠᠢᠬᠰᠠᠨ ᠃ 2000 ᠣᠨ ᠭᠠᠷᠤᠭᠠᠳ ᠤᠯᠤᠰᠤᠨ ᠲᠤᠳᠤᠭᠠᠳᠤᠶ᠋ᠢᠨ ᠠᠵᠤ ᠠᠬᠤᠢ ᠴᠤ᠌ ᠶᠡᠭᠡᠪᠡᠷ ᠰᠠᠢᠵᠢᠷᠠᠵᠤ᠂ ᠤᠯᠠᠭᠠᠨᠬᠤᠳᠠᠶ᠋ᠢᠨ ᠤᠢᠷᠠ ᠤᠷᠴᠢᠮᠢᠶᠠᠷ ᠠᠷ ᠰᠠᠷ ᠠᠵᠢᠯ ᠠᠮᠠᠷᠬᠠᠨ ᠤᠯᠳᠠᠬᠤ ᠪᠤᠯᠤᠭ᠍ᠰᠠᠨ᠂ ᠲᠡᠭᠡᠭᠦᠯᠡᠷ ᠬᠦᠴᠦ᠍ ᠶᠠᠪᠤᠵᠤ ᠤᠯᠤᠭ᠍ᠰᠠᠨ 10 ᠲᠦᠮᠡᠨ ᠲᠦᠭᠦᠷᠢᠭᠢᠶᠠᠨ ᠡᠪᠤᠷᠯᠡᠭᠡᠳ ᠭᠡᠷᠲᠡᠭᠡᠨ ᠪᠤᠴᠠᠭᠠᠳ ᠢᠷᠡᠭ᠌ᠰᠡᠨ ᠭᠡᠵᠤ ᠵᠠᠩ ᠴᠦᠨ ᠵᠶ᠋ᠢ ᠡᠷᠬᠢᠴᠡᠭᠦᠯᠦᠨᠡ᠃
ᠵᠠᠩ ᠴᠦᠨ ᠵᠶ᠋ᠢᠶ᠋ᠢ ᠺᠤᠷᠢᠶᠠᠳᠤ ᠪᠠᠢᠬᠤ ᠬᠤᠭᠤᠴᠠᠭᠠᠨᠳᠤ᠂ ᠪᠤᠤ ᠱᠤ᠌ ᠱᠢᠶᠠ ᠭᠠᠵᠠᠷ ᠬᠠᠭᠠᠯᠤᠨ ᠲᠠᠷᠢᠶᠠ ᠲᠠᠷᠢᠵᠤ᠂ ᠬᠠᠳᠠᠮ ᠡᠮᠡᠭᠡ᠂ ᠬᠠᠳᠠᠮ ᠡᠴᠢᠭᠡ ᠡᠬᠡᠪᠠᠨ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠵᠤ᠂ ᠦᠰᠪᠦᠷᠢᠶ᠋ᠢᠨ ᠨᠠᠰᠤᠨᠤ ᠬᠦᠦ ᠦᠬᠢᠨᠢᠶᠠᠨ ᠲᠤᠳᠤᠮᠳᠠᠨ ᠬᠦᠮᠦᠵᠢᠭᠦᠯᠵᠦ᠍᠂ ᠠᠷᠤ ᠭᠡᠷᠤᠨ ᠠᠯᠢᠪᠠ ᠠᠵᠢᠯᠢᠶᠠᠨ ᠭᠠᠭ᠍ᠴᠠᠭᠠᠷᠢᠶᠠᠨ ᠲᠦᠪᠬᠢᠨᠡᠬᠦᠯᠤᠭ᠌ᠰᠡᠭᠡᠷ ᠢᠷᠡᠵᠡᠢ᠃ ᠨᠦᠬᠦᠷᠤᠨᠢᠶᠠᠨ ᠬᠠᠷᠢ ᠭᠠᠵᠠᠷ ᠬᠦᠮᠦᠨᠤ ᠨᠤᠳᠤᠭᠲᠤ ᠭᠤᠨᠢ ᠭᠠᠭ᠍ᠴᠠᠭᠠᠷ ᠵᠦᠳᠡᠷᠡᠵᠦ᠍ ᠶᠠᠪᠤᠭᠠᠨᠢ ᠪᠦᠷ ᠯᠡ ᠭᠡᠷᠤᠨᠢᠶᠠᠨ ᠲᠦᠯᠦᠭᠡ ᠭᠡᠵᠦ᠍ ᠤᠢᠯᠠᠭᠠᠳᠠᠭ ᠪᠤᠯᠬᠤᠷ᠂ 《ᠠᠷᠤ ᠭᠡᠷᠢᠶᠠᠨ ᠭᠠᠭ᠍ᠴᠠᠭᠠᠷ ᠲᠤᠳᠤᠮᠳᠠᠵᠤ ᠵᠦᠳᠡᠷᠡᠯᠠ》 ᠭᠡᠬᠦ᠌ ᠦᠭᠡᠶ᠋ᠢ ᠪᠤᠤ ᠱᠤ᠌ ᠱᠢᠶᠠ ᠨᠢᠭᠡ ᠴᠤ᠌ ᠤᠳᠠᠭᠠ ᠠᠮᠠᠨᠡᠴᠡᠪᠠᠨ ᠴᠤᠬᠤᠢᠯᠭᠠᠳᠤᠢ ᠂ ᠬᠠᠷᠢᠨ ᠨᠦᠬᠦᠷᠢᠶᠠᠨ ᠬᠠᠷᠢᠵᠤ ᠢᠷᠡᠭ᠌ᠰᠡᠨᠡᠴᠡ ᠰᠡᠭᠦᠯᠡᠷ ᠳᠠᠪᠤᠰᠤᠯᠠᠭ᠍ᠰᠠᠨ ᠨᠤᠭᠤᠭᠠ᠂ ᠵᠢᠶᠠᠩᠲᠠᠢ ᠱᠥᠯᠥ᠍ ᠵᠡᠷᠭᠡ ᠰᠤᠯᠤᠩᠭᠤᠰ ᠮᠠᠶᠢᠭᠤᠨ ᠬᠤᠭᠤᠯᠠ ᠤᠮᠳᠠᠶ᠋ᠢ ᠤᠯᠠᠮ ᠴᠤ᠌ ᠰᠠᠢᠨ ᠰᠤᠷᠴᠤ᠌ ᠠᠮᠳᠠᠳᠠᠢ ᠰᠠᠢᠬᠠᠨ ᠬᠢᠬᠦ᠌ ᠪᠤᠯᠵᠠᠢ᠃
— ᠤᠳᠠᠯ ᠦᠭᠡᠢ ᠵᠢᠭᠤᠯᠴᠢᠯᠠᠯᠤᠨ ᠬᠦᠭ᠌ᠵᠢᠶᠡᠩᠳᠦ ᠤᠯᠠᠷᠢᠯ ᠪᠣᠯᠣᠨᠠ᠂ ᠲᠡᠷᠡ ᠦᠶᠡᠰ ᠬᠦᠮᠦᠰ ᠮᠠᠨᠤ ᠬᠦᠷᠢᠶᠡᠨᠳᠤ ᠢᠷᠡᠵᠦ᠍ ᠦᠵᠦᠮ ᠬᠤᠳᠠᠯᠳᠤᠨ ᠠᠪᠴᠤ᠌ ᠪᠤᠯᠤᠨᠠ᠃
— ᠲᠡᠢᠮᠦ᠍ ᠱᠢᠤ᠂ ᠡᠳᠡᠭᠡᠷ ᠴᠢᠨᠢ ᠭᠡᠳ ᠪᠦᠷ ᠲᠤᠰᠭᠤᠨᠤ ᠬᠤᠭᠤᠯᠠᠨ ᠭᠡᠷᠤᠳᠡᠴᠡ ᠤᠷᠢᠳᠴᠢᠯᠠᠨ ᠵᠠᠬᠢᠶᠠᠯᠠᠭ᠍ᠰᠠᠨ ᠲᠠᠪᠤᠰᠤᠯᠠᠭ᠍ᠰᠠᠨ ᠨᠤᠭᠤᠭᠠᠨᠤᠭᠤᠳ᠂ ᠡᠷᠳᠡᠭᠡᠨ ᠪᠡᠯᠡᠳᠭᠡᠵᠦ᠍ ᠲᠠᠯᠪᠢᠬᠤ ᠦᠭᠡᠢ ᠪᠣᠯ ᠴᠠᠭᠨᠢ ᠲᠤᠯᠤᠭᠠᠳ ᠬᠢᠵᠦ᠍ ᠵᠠᠪᠳᠤᠬᠤ ᠦᠭᠡᠢ ᠪᠣᠯᠤᠨᠠ ᠭᠡᠵᠦ᠍ ᠲᠡᠷᠡ ᠬᠤᠶᠠᠭᠤᠯᠠ ᠪᠠᠶᠠᠷᠳᠠᠢᠬᠠᠨ ᠶᠠᠷᠢᠨᠠ᠃
— ᠡᠭᠡᠴᠢ ᠬᠡᠳᠤᠢᠪᠡᠷ ᠮᠤᠩᠭᠤᠯ ᠬᠦᠮᠦᠨ ᠪᠤᠯᠪᠠᠴᠤ᠌ ᠲᠠᠪᠤᠰᠤᠯᠠᠭ᠍ᠰᠠᠨ ᠨᠤᠭᠤᠭᠠᠶ᠋ᠢ ᠰᠤᠯᠤᠩᠭᠤᠰ ᠬᠦᠮᠦᠨᠡᠴᠡ ᠴᠤ᠌ ᠢᠯᠡᠭᠦᠦ ᠠᠮᠳᠠᠳᠠᠢ ᠬᠢᠳᠡᠭ᠂ ᠤᠳᠤ ᠴᠤ᠌ ᠭᠡᠰᠡᠨ ᠮᠠᠨᠤ ᠬᠤᠭᠤᠯᠠᠨ ᠭᠡᠷᠤᠨ ᠨᠢᠭᠡ ᠭᠡᠰᠡᠭ ᠲᠠᠪᠤᠰᠤᠯᠠᠭ᠍ᠰᠠᠨ ᠨᠤᠭᠤᠭᠠᠶ᠋ᠢ ᠬᠠᠩᠭᠠᠵᠤ ᠪᠠᠢᠭᠠ ᠱᠢᠤ᠂ ᠪᠢ ᠦᠪᠡᠷᠢᠶᠠᠨ ᠮᠠᠨᠵᠤ ᠦᠨᠳᠦᠰᠦᠳᠡᠨ᠂ ᠮᠢᠨᠤ ᠨᠦᠬᠦᠷ ᠬᠢᠲᠠᠳ ᠦᠨᠳᠦᠰᠦᠳᠡᠨ᠂ ᠮᠠᠨᠤ ᠲᠤᠰᠭᠤᠨᠡᠴᠡ ᠰᠤᠯᠤᠩᠭᠤᠰ ᠤᠨᠴᠠᠯᠢᠬ᠍ᠳᠤ ᠰᠤᠶᠤᠯ ᠵᠢᠭᠤᠯᠴᠢᠯᠠᠯᠢ ᠭᠤᠣᠯᠴᠢᠯᠠᠨ ᠡᠭᠦᠳᠴᠦ᠍ ᠪᠠᠢᠭᠠ ᠪᠤᠯᠬᠤᠷ ᠮᠠᠨᠤᠬᠢ ᠰᠤᠯᠤᠩᠭᠤᠰ ᠦᠨᠦᠷ ᠠᠮᠳᠠᠳᠠᠢ ᠬᠤᠭᠤᠯᠠᠨ ᠭᠡᠷ ᠨᠡᠭᠡᠭᠡᠭ᠌ᠰᠡᠨ ᠭᠡᠵᠦ᠍ ᠪᠤᠤ ᠱᠤ᠌ ᠱᠢᠶᠠᠶ᠋ᠢᠨ ᠰᠠᠭᠠᠬᠠᠯᠳᠠ ᠵᠣᠣ ᠹᠠᠨ ᠶᠠᠷᠢᠨᠠ᠃
ᠤᠢᠷᠠᠶ᠋ᠢᠨ ᠵᠢᠯᠡᠴᠡ ᠰᠠᠨ ᠡᠾᠧ ᠲᠤᠰᠭᠤᠨᠨᠢ ᠦᠪᠡᠷᠮᠢᠴᠡ ᠤᠨᠴᠠᠯᠢᠬ᠍ᠳᠤ ᠰᠤᠶᠤᠯᠤᠨ ᠠᠭᠤᠯᠬᠤᠨ ᠪᠠ ᠡᠶᠡᠪᠡᠷᠭᠦᠦ ᠲᠤᠯᠠᠭᠠᠨ ᠠᠭᠤᠷ ᠠᠮᠢᠰᠭᠤᠯ᠂ ᠥᠩ ᠱᠢᠮᠡᠯᠢᠭ ᠬᠦᠷᠦᠰᠦ ᠱᠢᠷᠤᠢ᠂ ᠡᠯᠪᠡᠭ ᠪᠠᠶᠠᠯᠢᠭ ᠤᠰᠤᠨᠤ ᠡᠬᠢ ᠰᠤᠷᠪᠤᠯᠵᠢ ᠵᠡᠷᠭᠡ ᠪᠠᠢᠭᠠᠯᠢᠶ᠋ᠢᠨ ᠲᠠᠪᠠᠭᠤᠯᠢᠭᠲᠠᠭᠠᠨ ᠲᠦᠱᠢᠭ᠌ᠯᠡᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠢ ᠶᠡᠬᠡᠪᠡᠷ ᠬᠦᠭ᠌ᠵᠢᠭᠦᠯᠵᠦ᠍ ᠡᠬᠢᠯᠡᠭ᠌ᠰᠡᠨᠢᠶᠠᠷ ᠲᠤᠰᠭᠤᠨᠤ ᠠᠢᠯᠤᠳ ᠵᠢᠭᠤᠯᠴᠢᠯᠠᠯᠤᠨ ᠠᠱᠢᠭ ᠲᠤᠰᠠᠶᠢ ᠪᠦᠷ ᠬᠦᠷᠳᠡᠵᠦ᠍ ᠲᠡᠢᠯᠬᠦ᠌ ᠪᠤᠯᠵᠠᠢ᠃
ᠰᠤᠷᠪᠤᠯᠵᠢᠯᠠᠭᠠ ᠲᠠᠭᠤᠰᠤᠭᠠᠳ ᠪᠤᠴᠠᠬᠤᠳᠤ ᠨᠢᠭᠡᠨᠲᠡ ᠤᠷᠤᠢ ᠵᠢᠨ 7 ᠴᠠᠭ ᠠᠶᠠᠳᠠᠭᠠᠳ ᠪᠠᠢᠪᠠ᠃ ᠵᠢᠷᠭᠠᠬᠤ ᠨᠠᠷᠠᠨᠤ ᠤᠯᠠᠪᠢᠷ ᠲᠤᠶᠠᠭᠠᠨᠳᠤ ᠰᠤᠯᠤᠩᠭᠤᠰ ᠬᠤᠪᠴᠠᠰᠤ ᠪᠠᠷ ᠭᠤᠶᠤᠬ᠍ᠰᠠᠨ ᠬᠤᠷᠢᠮᠤᠨ ᠰᠡᠭᠦᠳᠡᠷ ᠲᠠᠳᠠᠭᠤᠯᠵᠦ᠍ ᠪᠠᠢᠭᠠ ᠵᠠᠯᠠᠭᠤ ᠬᠤᠤᠰ᠂ ᠭᠡᠤᠭᠡᠳ ᠤᠮᠪᠤᠯᠤᠪᠠᠨ ᠲᠠᠭᠠᠭᠤᠯᠤᠭ᠍ᠰᠠᠨ ᠢᠳᠡᠷ ᠦᠳᠡᠭᠦᠰ ᠶᠠᠪᠠᠭᠠᠨ ᠵᠡᠭᠡᠯᠢᠶ᠋ᠢᠨ ᠠᠭᠤᠷ ᠠᠮᠢᠰᠭᠤᠯᠢ ᠤᠯᠠᠮ ᠴᠤ᠌ ᠪᠦᠷ ᠬᠠᠯᠠᠭᠤᠬᠠᠨ ᠰᠠᠨᠠᠭ᠍ᠳᠠᠭᠤᠯᠵᠤ᠂ ᠵᠡᠭᠡᠯᠢᠶ᠋ᠢᠨ ᠬᠤᠶᠠᠷ ᠲᠠᠯᠠᠪᠠᠷ ᠠᠵᠢᠯ ᠪᠠᠭᠤᠭᠠᠳ ᠢᠷᠡᠭ᠌ᠰᠡᠨ ᠬᠦᠮᠦᠰ ᠱᠣᠷᠤᠯᠢᠭ ᠢᠳᠡᠨ ᠫᠢᠸᠣ᠋ ᠤᠤᠭᠤᠵᠤ᠂ ᠵᠠᠷᠢᠮᠨᠢ ᠮᠤᠩᠭᠤᠯᠢᠶᠠᠷ᠂ ᠵᠠᠷᠢᠮᠨᠢ ᠰᠤᠯᠤᠩᠭᠤᠰᠢᠶᠠᠷ᠂ ᠵᠠᠷᠢᠮᠨᠢ ᠬᠢᠲᠠᠳᠢᠶᠠᠷ ᠶᠠᠷᠢᠵᠠᠭᠠᠨ ᠮᠠᠰᠢ ᠬᠦᠷ ᠬᠦᠭ᠌ᠵᠢᠶᠡᠨᠲᠠᠢ ᠪᠠᠢᠵᠠᠭᠠᠯᠠ᠃
ᠰᠠᠨ ᠾᠧ ᠲᠤᠰᠭᠤᠨᠳᠤ ᠵᠠᠩ ᠴᠦᠨ ᠵᠶ᠋ᠢ᠂ ᠵᠤᠤ ᠹᠠᠨᠤᠬᠢᠲᠠᠢ ᠠᠳᠠᠯᠢᠪᠠᠷ ᠤᠯᠠᠨ ᠦᠨᠳᠦᠰᠦᠳᠡᠨᠢᠶᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠭᠡᠷ ᠪᠦᠯᠢᠨᠦᠭᠦᠳ ᠤᠯᠠᠨ ᠪᠤᠢ᠃ ᠲᠡᠳᠡᠨᠡᠷ ᠠᠢᠯ ᠰᠠᠭᠠᠬᠠᠯᠳᠠ ᠪᠣᠯᠣᠯᠴᠠᠨ ᠤᠳᠠᠭᠠᠨ ᠵᠢᠯ ᠬᠠᠮᠳᠤᠷᠠᠨ ᠠᠮᠢᠳᠤᠷᠠᠬᠤᠳᠠᠭᠠᠨ ᠬᠠᠷᠢᠯᠴᠠᠨ ᠲᠦᠱᠢᠯᠴᠡᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ ᠭᠦᠨ ᠵᠤᠵᠠᠭᠠᠨ ᠨᠦᠬᠦᠷᠯᠡᠯᠢ ᠪᠠᠢᠭᠤᠯᠤᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠯᠠᠮᠵᠢᠯᠠᠯ ᠵᠠᠩ ᠲᠠᠳᠭᠠᠯᠤᠨ ᠲᠠᠯᠠᠪᠠᠷ ᠠᠭᠤᠰᠤᠯᠴᠠᠨ ᠤᠶᠠᠯᠳᠤᠬ᠍ᠰᠠᠭᠠᠷ ᠦᠪᠡᠷᠮᠢᠴᠡ ᠤᠨᠴᠠᠭᠠᠢ ᠰᠤᠶᠤᠯ ᠢᠷᠭᠡᠨᠭ᠌ᠰᠢᠯᠤᠨ ᠤᠷᠤᠨ ᠵᠠᠢᠶ᠋ᠢ ᠪᠦᠳᠦᠭᠡᠭ᠌ᠰᠡᠭᠡᠷ ᠁ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠭᠡᠷ ᠤᠷᠤᠨᠢᠶᠠᠨ ᠬᠠᠮᠲᠤᠪᠠᠷ ᠪᠠᠢᠭᠤᠯᠤᠭ᠍ᠰᠠᠭᠠᠷ ᠁
ᠶᠠᠭ ᠯᠡ ᠵᠠᠭᠤᠨ ᠮᠢᠩᠭᠠᠨ ᠵᠢᠯᠢᠶᠠᠷ ᠶᠡᠭᠡ ᠬᠢᠩᠭᠠᠨᠤᠪᠠᠨ ᠬᠠᠯᠠᠭᠤᠨ ᠡᠯᠢᠭᠡᠨᠳᠤ ᠬᠦᠷᠦᠰᠦ ᠱᠢᠷᠤᠢ᠂ ᠬᠦᠮᠦᠨ ᠠᠷᠠᠳᠢᠶᠠᠨ ᠤᠮᠳᠠᠯᠠᠨ ᠦᠶᠡᠯᠵᠡᠭᠡ ᠲᠤᠭᠤᠷ᠂ ᠬᠦᠢᠯᠡᠷ᠂ ᠠᠮᠤᠭᠤᠯᠠᠩ ᠭᠤᠷᠪᠠᠨ ᠭᠤᠣᠯᠤᠨ ᠤᠰᠤᠨ ᠮᠡᠲᠦ᠂ ᠶᠡᠭᠡ ᠴᠢᠳᠭᠤᠯᠠᠩᠳᠤ ᠤᠷᠤᠰᠭᠠᠯ ᠨᠠᠢᠯᠠᠨ ᠠᠯᠤᠰᠢ ᠵᠤᠷᠢᠨ ᠱᠤᠤᠬᠢᠨ ᠤᠷᠤᠰᠤᠨᠠ᠃