ᠬᠤᠯᠪᠤᠭᠠᠰᠦ ᠄
●ᠣᠲᠣᠭᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠳᠦ ᠤᠷᠤᠨᠤ ᠲᠡᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠦᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠨᠢᠭᠡᠴᠢ 2᠂ ᠬᠣᠲᠠᠶ᠋ᠢᠨ ᠳᠡᠰᠤᠨ 28᠂ ᠬᠣᠱᠢᠭᠤᠨᠤ ᠳᠡᠰᠤᠨ 50 ᠪᠤᠢ᠃
● 2022 ᠣᠨᠳᠤ᠂ ᠣᠲᠣᠭᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ 1 ᠬᠠᠮᠲᠤ ᠨᠢᠭᠡᠴᠢ ᠪᠠ 2 ᠬᠤᠪᠢ ᠬᠥᠮᠦᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯ ᠳᠠᠪᠱᠢᠯᠲᠠᠶ᠋ᠢᠨ ᠵᠢᠱ᠌ᠢᠶᠡᠴᠢ ᠬᠠᠮᠲᠤ ᠨᠢᠭᠡᠴᠢ ᠪᠠ ᠬᠤᠪᠢ ᠬᠥᠮᠦᠨᠢᠶᠡᠷ ᠰᠣᠩᠭᠣᠭ᠍ᠳᠠᠵᠦ᠂ 1 ᠬᠤᠪᠢ ᠬᠥᠮᠦᠨ ᠤᠯᠤᠰᠤᠨ ᠳᠡᠰᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠦᠨ ᠵᠢᠱ᠌ᠢᠶᠡᠴᠢ ᠬᠤᠪᠢ ᠬᠥᠮᠦᠨᠢᠶᠡᠷ ᠰᠣᠩᠭᠣᠭ᠍ᠳᠠᠪᠠ᠃
● ᠣᠲᠣᠭᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶ᠋ᠢᠨ ᠴᠣᠭ᠍ᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠤᠭᠴᠠᠯᠠᠬᠤ ᠦᠢᠯᠡᠳᠦᠯᠭᠡ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨ ᠭᠠᠵᠠᠷᠢ ᠪᠠᠢᠭᠤᠯᠵᠦ᠂ 2023 ᠣᠨᠳᠤ ᠬᠣᠱᠢᠭᠤᠨᠤ ᠨᠠᠮᠤᠨ ᠬᠣᠷᠢᠶᠠᠶ᠋ᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠨᠠᠮᠤᠨ ᠬᠣᠷᠢᠶᠠᠶ᠋ᠢᠨ ᠨᠢᠭᠡᠳᠦᠮᠡᠯ ᠹᠷᠣᠨᠲᠤᠨ ᠬᠡᠯᠲᠡᠰ᠂ ᠦᠨᠳᠦᠰᠦᠲᠡᠨᠦ ᠬᠡᠷᠡᠭ ᠡᠷᠭᠢᠯᠡᠬᠦ᠌ ᠵᠥᠪᠯᠡᠯ᠂ ᠬᠠᠸ᠋ᠯᠢ ᠴᠠᠭᠠᠵᠠᠶ᠋ᠢᠨ ᠲᠣᠪᠴᠢᠶᠠ ᠵᠡᠷᠭᠡ ᠨᠢᠭᠡᠴᠢ ᠬᠣᠯᠪᠣᠭᠠᠯᠠᠨ᠂《ᠦᠨᠳᠦᠰᠦᠲᠡᠨᠦ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠤᠬᠠᠭᠤᠯᠭᠠᠶ᠋ᠢᠨ ᠰᠠᠷᠠ》᠂《ᠦᠨᠳᠦᠰᠦᠲᠡᠨᠦ ᠬᠠᠸ᠋ᠯᠢᠪᠠᠷ ᠵᠠᠰᠠᠬᠤ ᠤᠬᠠᠭᠤᠯᠭᠠᠶ᠋ᠢᠨ ᠭᠠᠷᠠᠭ》 ᠢ᠋ ᠲᠤᠬᠢᠶᠠᠯᠳᠤᠭᠤᠯᠤᠨ 252 ᠤᠳᠠᠭᠠᠶ᠋ᠢᠨ ᠱᠢᠷᠢᠰ ᠠᠵᠢᠯᠯᠠᠭᠠᠶ᠋ᠢ ᠥᠷᠨᠢᠭᠦᠯᠵᠦ᠍᠂ ᠨᠠᠮᠤᠨ ᠦᠨᠳᠦᠰᠦᠲᠡᠨᠦ ᠣᠨᠣᠯ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠤᠬᠠᠭᠤᠯᠭᠠ ᠬᠥᠮᠦᠵᠢᠯᠢ ᠪᠥᠬᠥ᠌ ᠲᠠᠯᠠᠪᠠᠷ ᠪᠦᠷᠢᠨ ᠪᠦᠷᠬᠦᠭᠦᠯᠬᠦ᠌ ᠪᠠ ᠪᠠᠢᠩᠭᠤᠵᠢᠭᠤᠯᠬᠤ᠂ ᠪᠥᠬᠥ᠌ ᠠᠵᠢᠯᠲᠠᠨᠢᠶᠠᠷ ᠥᠷᠨᠢᠭᠦᠯᠬᠦ᠌ᠶ᠋ᠢ ᠪᠦᠲᠦᠮᠵᠢᠲᠡᠶ ᠠᠬᠢᠭᠤᠯᠪᠠ᠃
● ᠤᠲᠤᠭᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨᠤ 《ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠵᠢᠨ ᠵᠠᠮ》 ᠪᠤᠯ ᠬᠤᠪᠢᠰᠭᠠᠯᠤᠨ ᠰᠣᠶᠣᠯᠤᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠵᠠᠮ᠂ ᠬᠥᠳᠡᠭᠡ ᠲᠣᠰᠭᠣᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠵᠤ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠵᠠᠮ᠂ ᠠᠮᠢ ᠠᠬᠤᠢᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠡᠪ ᠳᠠᠭᠤᠷᠢᠶᠠᠯᠤᠨ ᠵᠠᠮ᠂ ᠨᠡᠩ ᠴᠤ᠌ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠦᠨ ᠵᠢᠱ᠌ᠢᠢᠡ ᠦᠵᠡᠭᠦᠯᠬᠦ᠌ ᠵᠠᠮ ᠪᠤᠯᠬᠤ ᠶᠤᠮ᠃
ᠤᠳᠤᠭᠤᠨ ᠡᠮᠦᠨᠡᠲᠦ ᠬᠤᠰᠢᠭᠤ ᠦᠪᠦᠷ ᠮᠤᠨᠭᠭᠤᠯ ᠤᠷᠤᠨᠤ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠬᠡᠰᠡᠭ ᠲᠦ᠍ ᠪᠠᠢᠷᠢᠯᠠᠵᠤ᠂ ᠪᠠᠷᠠᠭᠤᠨ ᠲᠠᠯᠠ ᠪᠡᠷᠢᠶᠡᠨ ᠨᠢᠨᠭᠰᠢᠶᠠ ᠵᠢᠨ ᠬᠤᠳᠤᠩ ᠦᠨᠳᠦᠰᠦᠳᠡᠨᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠂ ᠡᠮᠦᠨᠡ ᠲᠠᠯᠠ ᠪᠡᠷᠢᠶᠡᠨ ᠱᠠᠨᠰᠢ ᠮᠤᠵᠢ ᠲᠡᠢ ᠨᠢᠭᠤᠷᠯᠠᠵᠤ᠂ ᠤᠨᠴᠠ ᠲᠠᠪᠠᠭᠤᠯᠢᠭ ᠭᠠᠵᠠᠷ ᠵᠦᠢ ᠵᠢᠨ ᠪᠠᠢᠷᠢᠰᠢᠯ᠂ ᠦᠨᠡᠲᠦ ᠵᠤᠵᠠᠭᠠᠨ ᠰᠤᠶᠤᠯᠤᠨ ᠬᠦᠷᠦᠰᠦ ᠰᠢᠷᠤᠢ ᠪᠡᠷᠢᠶᠡᠨ ᠤᠯᠠᠨ ᠦᠨᠳᠦᠰᠦᠳᠡᠨ ᠬᠠᠮᠳᠤᠷᠠᠨ ᠤᠷᠤᠰᠢᠬᠰᠠᠨ ᠦᠪᠡᠷᠮᠢᠴᠠ ᠰᠤᠳᠤᠨ ᠦᠨᠭᠭᠡ ᠲᠦᠷᠬᠦ ᠵᠢ ᠱᠤᠭᠤᠵᠤ᠂ ᠡᠯᠡ ᠦᠨᠳᠦᠰᠦᠳᠡᠨᠤ ᠠᠷᠠᠳ ᠲᠦᠮᠡᠨ ᠬᠠᠶᠠᠭᠠ ᠬᠠᠶᠠᠭᠠ ᠪᠡᠨ ᠲᠦᠰᠢᠨ ᠠᠢᠯ ᠰᠠᠭᠠᠬᠠᠯᠳᠠ ᠰᠠᠭᠤᠵᠦ᠂ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠳᠦ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠲᠦ ᠴᠤᠭᠴᠠᠯᠠᠬᠤ ᠡᠪ ᠨᠢᠭᠲᠠᠷᠠᠯᠤᠨ ᠢᠷᠠᠭᠤ ᠲᠠᠭᠤᠤ ᠵᠢ ᠤᠶᠠᠨᠭᠭᠠᠯᠠᠨ ᠪᠢᠴᠢᠭᠯᠡᠵᠦ ᠶᠠᠪᠤᠨᠠ᠃
ᠬᠠᠢᠷᠠ ᠵᠢᠨ ᠬᠦᠴᠦᠨᠳᠦ ᠬᠤᠷᠸᠠ ᠵᠢᠵᠢᠭᠷᠡᠨᠡ
ᠤᠳᠤᠭᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨᠤ ᠤᠯᠵᠠᠴᠢ ᠪᠠᠯᠭᠠᠰᠤᠨᠳᠦ ᠪᠠᠢᠭᠠ ᠵᠡᠮᠳᠡᠭᠴᠤᠳᠤᠨ ᠠᠵᠢᠯ ᠤᠯᠵᠤ ᠠᠳᠠᠯ ᠪᠤᠰᠬᠠᠬᠤ ᠴᠢᠳᠠᠪᠤᠷᠢ ᠵᠢ ᠨᠡᠪᠴᠢᠭᠦᠯᠦᠨ ᠪᠤᠢᠵᠢᠭᠤᠯᠬᠤ ᠰᠠᠭᠤᠷᠢᠨ ᠭᠠᠵᠠᠷ ᠲᠦ᠍ ᠬᠦᠷᠬᠦᠳᠦ᠂ ᠡᠭᠦᠳᠡᠨ ᠲᠡᠭᠡᠷᠡ ᠨᠢ ᠬᠦᠮᠦᠰ ᠮᠤᠨᠭᠭᠤᠯ ᠬᠢᠳᠠᠳᠢᠶᠡᠷ ᠵᠤᠭᠤᠭᠳᠠᠨ᠂ ᠲᠤᠳᠤᠭᠰᠢ ᠤᠷᠤᠪᠠᠯ ᠵᠠᠷᠢᠮ ᠬᠤᠶᠠᠷ ᠨᠢ ᠴᠠᠢ ᠤᠭᠤᠴᠢᠨ ᠰᠢᠳᠠᠷᠠ ᠲᠠᠯᠪᠢᠵᠦ᠂ ᠴᠠᠭᠠᠨᠠ ᠨᠢ ᠠᠷᠠᠰᠤᠨ ᠤᠷᠠᠯᠠᠯ᠂ ᠲᠤᠯᠤᠭᠠᠢ ᠵᠢᠨ ᠵᠠᠰᠠᠯ᠂ ᠵᠢᠵᠢᠭ ᠴᠢᠮᠡᠭᠯᠡᠯ ᠤᠷᠠᠯᠠᠭᠰᠠᠨ ᠪᠦᠰᠡᠭᠦᠢᠴᠤᠳ ᠬᠤᠭᠤᠷᠤᠨᠳᠦ ᠪᠡᠨ ᠬᠤᠯᠠ ᠤᠢᠷᠠ ᠵᠢᠨ ᠶᠠᠷᠢᠶᠠ ᠡᠭᠦᠰᠭᠡᠨ᠂ ᠨᠢᠭᠤᠷ ᠲᠠᠭᠠᠨ ᠢᠨᠢᠶᠡᠳᠦ ᠲᠤᠳᠤᠷᠠᠭᠤᠯᠤᠨ ᠪᠠᠢᠯᠠ᠃ ᠠᠭᠤᠷ ᠠᠮᠢᠰᠬᠤᠯ᠂ ᠬᠦᠷ ᠨᠠᠷᠬᠢᠶᠠᠨ᠂ ᠵᠢᠷᠤᠭ ᠰᠠᠮᠪᠠᠷᠠ ᠡᠴᠡ ᠨᠢ ᠬᠠᠷᠠᠬᠤᠳᠦ ᠡᠭᠡᠭᠡ ᠯᠡ ᠨᠡᠢᠭᠡᠮ ᠲᠤᠭᠤᠷᠢᠭᠤᠨ ᠦᠢᠯᠡᠴᠢᠯᠡᠭᠡᠨᠤ ᠭᠠᠵᠠᠷ ᠲᠦ᠍ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠶᠤᠮ ᠰᠢᠬ ᠰᠠᠨᠠᠭᠳᠠᠨ᠂ ᠬᠦᠷᠳᠦᠳᠦ ᠰᠠᠨᠳᠠᠯᠢ ᠲᠡᠭᠡᠷᠡ ᠰᠠᠭᠤᠭᠰᠠᠨ ᠮᠠᠰᠢ ᠲᠠᠷᠤᠤᠬᠠᠨ ᠠᠭᠠᠳ ᠴᠠᠭᠠᠨᠠ ᠪᠡᠨ ᠨᠢᠭᠡ ᠯᠡ ᠬᠢᠨᠠᠮᠠᠭᠠᠢ ᠲᠦᠷᠬᠦ ᠲᠡᠢ ᠮᠤᠨᠭᠭᠤᠯ ᠵᠠᠯᠠᠭᠤ ᠪᠢᠳᠡᠨᠢ ᠤᠭᠳᠤᠨ ᠠᠪᠴᠦ ᠠᠭᠤᠯᠵᠠᠵᠦ ᠮᠡᠨᠳᠦᠯᠡᠭᠡᠳ ᠴᠠᠭᠠᠨᠠᠬᠢ ᠤᠳᠬᠠ ᠤᠴᠢᠷᠢ ᠨᠢ ᠲᠠᠢᠯᠪᠤᠷᠢᠯᠠᠵᠦ ᠦᠭᠬᠦᠭᠰᠡᠨ ᠪᠢᠯᠡ᠃
ᠲᠡᠭᠦᠨᠤ ᠨᠡᠷᠡ ᠵᠢ ᠮᠸᠲᠠᠯ ᠭᠡᠳᠡᠭ᠂ ᠤᠳᠤᠭᠤᠨ ᠡᠮᠦᠨᠡᠳᠦ ᠬᠤᠰᠢᠭᠤᠨᠤ ᠵᠡᠮᠳᠡᠭᠴᠤᠳᠤᠨ ᠬᠤᠯᠪᠤᠭᠠᠳᠦ ᠠᠵᠢᠯ ᠠᠯᠪᠠ ᠲᠡᠢ᠃ 2010 ᠤᠨᠳᠦ ᠶᠠᠫᠤᠨ ᠤᠯᠤᠰ ᠲᠦ᠍ ᠠᠵᠤ ᠠᠬᠤᠢ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠮᠡᠷᠭᠡᠵᠢᠯᠢᠶᠡᠷ ᠶᠡᠬᠡ ᠰᠤᠷᠭᠠᠭᠤᠯᠢ ᠪᠡᠨ ᠲᠡᠭᠦᠰᠭᠡᠭᠰᠡᠨ ᠲᠠᠷᠠ ᠪᠠᠷ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠵᠦ ᠢᠷᠡᠭᠰᠡᠨᠦ ᠲᠠᠷᠠᠭᠠ ᠠᠵᠠ ᠪᠤᠰᠤ ᠪᠡᠷ ᠲᠡᠷᠭᠡᠨ ᠡᠨᠳᠡᠯ ᠭᠠᠷᠴᠦ ᠬᠦᠯ ᠵᠡᠮᠳᠡᠭᠷᠡᠵᠠᠢ᠃ ᠲᠤᠰ ᠰᠠᠭᠤᠷᠢᠨ ᠭᠠᠵᠠᠷᠢ ᠲᠡᠭᠦᠨᠤ ᠬᠠᠳᠠᠮ ᠠᠪᠤ ᠯᠢ ᠵᠢᠨ ᠸᠠᠩ 20 ᠰᠢᠬᠠᠮ ᠲᠦᠮᠡᠨ ᠲᠦᠭᠦᠷᠢᠭ ᠵᠠᠷᠤᠴᠠᠭᠤᠯᠤᠨ ᠪᠠᠢᠭᠤᠯᠵᠤ᠂ 2023 ᠤᠨᠤ 2 ᠰᠠᠷᠠᠡᠴᠡ ᠠᠵᠢᠯᠯᠠᠭᠤᠯᠵᠤ ᠡᠬᠢᠯᠡᠵᠡᠢ᠃ ᠵᠢᠯᠤᠨ ᠲᠦᠷᠢᠶᠡᠰᠦ 3 ᠰᠢᠬᠠᠮ ᠲᠦᠮᠡᠨ ᠲᠦᠭᠦᠷᠢᠭ᠂ 300 ᠤᠷᠴᠢᠮ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ ᠲᠠᠯᠠᠪᠠᠢ ᠲᠡᠢ ᠡᠨᠡ ᠬᠦ᠌ ᠰᠠᠭᠤᠷᠢᠨ ᠭᠠᠵᠠᠷ ᠲᠤᠰᠬᠠᠢᠯᠠᠨ ᠵᠡᠮᠳᠡᠭᠴᠤᠳ ᠲᠦ᠍ ᠵᠤᠷᠢᠭᠤᠯᠤᠭᠰᠠᠨ ᠰᠠᠭᠠᠳ ᠦᠭᠡᠢ ᠲᠦᠬᠦᠭᠡᠷᠦᠮᠵᠢ᠂ ᠡᠷᠡᠬᠦᠯᠵᠢᠯᠤᠨ ᠬᠡᠷᠡᠭᠰᠡᠯ ᠤᠭᠰᠠᠷᠠᠵᠦ ᠲᠠᠭᠠᠷᠠᠭᠤᠯᠤᠭᠰᠠᠨ ᠪᠦᠭᠡᠳ ᠡᠭᠦᠷᠭᠡ ᠴᠢᠳᠠᠪᠬᠢ ᠪᠠᠷ ᠨᠢ ᠢᠯᠢᠵᠦ ᠨᠤᠬᠤᠯᠠᠬᠤ ᠲᠠᠰᠤᠭ᠂ ᠮᠤᠨᠭᠭᠤᠯ ᠡᠮ ᠡᠮᠨᠡᠯᠭᠡ᠂ ᠬᠠᠷᠠᠵᠦ ᠰᠠᠭᠠᠳᠠᠭᠤᠯᠬᠤ ᠦᠷᠦᠭᠡ᠂ ᠨᠤᠮ ᠰᠤᠨᠤᠰᠬᠤ᠂ ᠺᠢᠨᠤ᠋ ᠦᠵᠡᠬᠦ ᠲᠠᠰᠤᠭ᠂ ᠤᠯᠠᠨ ᠴᠢᠳᠠᠮᠵᠢᠲᠦ ᠲᠢᠨᠭᠬᠢᠮ ᠬᠡᠮᠡᠨ ᠤᠯᠠᠨ ᠲᠠᠰᠤᠯᠵᠤ ᠠᠨᠭᠭᠢᠯᠡᠵᠠᠢ᠃
— ᠮᠢᠨᠤ ᠬᠠᠳᠠᠮ ᠠᠪᠤ ᠵᠢᠨ ᠤᠭ ᠨᠤᠲᠤᠭ ᠪᠤᠯ ᠱᠠᠨᠰᠢ ᠮᠤᠵᠢ ᠵᠢᠨ ᠶᠠᠨ ᠠᠨ᠂ ᠬᠢᠳᠠᠳ ᠦᠨᠳᠦᠰᠦᠳᠡᠨ᠂ ᠬᠠᠳᠠᠮ ᠠᠪᠤ ᠡᠵᠢ ᠬᠤᠶᠠᠭᠤᠯᠠ ᠪᠡᠨ ᠪᠡᠶᠡ ᠵᠡᠮᠳᠡᠭ ᠪᠤᠯᠬᠤᠷ ᠵᠡᠮᠳᠡᠭ ᠬᠦᠮᠦᠰᠤᠨ ᠬᠦᠴᠢᠷ ᠵᠤᠪᠠᠯᠠᠩᠢ ᠰᠠᠢᠨ ᠤᠢᠯᠠᠭᠠᠨᠠ᠃ ᠦᠪᠡᠷᠢᠶᠡᠨ ᠬᠦᠳᠡᠭᠡᠳᠦ 200 ᠮᠦ᠍ ᠪᠤᠷᠤ ᠴᠠᠷᠭᠠᠰᠦ᠂ 70 ᠮᠦ᠍ ᠡᠷᠳᠡᠨᠢ ᠰᠢᠰᠢ ᠵᠢᠨ ᠲᠠᠷᠢᠶᠠ ᠲᠡᠢ᠂ ᠪᠤᠭ ᠮᠠᠯ 200 ᠭᠠᠷᠤᠢ᠂ ᠪᠤᠳᠠ ᠮᠠᠯ 10 ᠭᠠᠷᠤᠢ ᠮᠠᠯᠵᠢᠳᠠᠭ᠂ ᠲᠠᠭᠠᠤᠳᠤᠨᠢ ᠪᠠᠰᠠ ᠬᠦᠯᠦᠰᠦᠨ ᠠᠵᠢᠯ ᠬᠢᠳᠡᠭ᠃ ᠬᠡᠬᠦ ᠳ᠋ᠡᠭᠡᠨ ᠵᠡᠮᠳᠡᠭᠴᠤᠳ ᠲᠦ᠍ ᠲᠤᠰᠠ ᠲᠡᠮᠵᠢᠯᠭᠡ ᠦᠵᠡᠬᠦᠯᠵᠦ᠂ ᠲᠡᠳᠡᠨᠤᠰᠢ ᠢᠯᠡᠭᠦᠭᠡᠨ ᠭᠡᠷ ᠡᠴᠡ ᠪᠠᠨ ᠭᠠᠷᠴᠤ ᠬᠦᠮᠦᠨ ᠬᠠᠷᠠ ᠲᠠᠢ ᠢᠯᠡᠬᠦᠭᠡᠨ ᠠᠭᠤᠯᠵᠠᠭᠤᠯᠵᠤ ᠰᠠᠨᠠᠭᠠ ᠰᠡᠳᠬᠢᠯᠢ ᠨᠢ ᠦᠭᠡᠳᠡᠷᠬᠡᠭ ᠪᠠᠢᠯᠭᠠᠶᠠ ᠭᠡᠰᠡᠨ ᠵᠤᠷᠢᠯᠭᠠ ᠪᠡᠷ ᠡᠨᠡ ᠬᠦ᠌ ᠰᠠᠭᠤᠷᠢᠨ ᠭᠠᠵᠠᠷᠢ ᠡᠭᠦᠰᠭᠡᠨ ᠪᠠᠢᠭᠤᠯᠤᠭᠰᠠᠨ ᠶᠤᠮ ᠭᠡᠵᠦ ᠮᠸᠲᠠᠯ ᠲᠠᠨᠢᠯᠴᠠᠭᠤᠯᠤᠨ ᠶᠠᠷᠢᠯᠠ᠃ ᠤᠳᠤᠬᠠᠨᠳᠦ ᠲᠤᠰ ᠰᠠᠭᠤᠷᠢᠨ ᠭᠠᠵᠠᠷ ᠲᠦ᠍ ᠡᠳᠦᠷ ᠲᠦ᠍ ᠲᠤᠮᠳᠠᠴᠢ ᠪᠠᠷ 50 ᠭᠠᠷᠤᠢ ᠵᠡᠮᠳᠡᠭᠴᠤᠳ ᠤᠷᠤᠵᠤ ᠭᠠᠷᠤᠨ᠂ ᠵᠤᠭᠤᠭ ᠲᠡᠯᠭᠡᠨ ᠰᠡᠯᠡᠭᠦᠴᠡᠨ ᠰᠠᠭᠤᠵᠤ᠂ ᠡᠳᠦᠷ ᠪᠦᠷᠢ ᠵᠢ ᠬᠦᠭᠵᠢᠶᠠᠨᠳᠠᠢ ᠦᠨᠭᠭᠡᠷᠡᠭᠦᠯᠦᠨᠡ᠃
ᠮᠸᠲᠠᠯᠤᠨ ᠡᠵᠢ ᠮᠡᠯᠮᠢᠨᠭᠬᠤᠸᠠᠷ ᠠᠵᠢᠯᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠰᠠᠨ ᠪᠤᠯᠬᠤᠷ ᠵᠦᠭᠡᠷ ᠰᠠᠭᠤᠬᠤ ᠪᠡᠷ ᠵᠦᠯᠭᠦᠵᠦ ᠰᠠᠭᠤᠶᠠ ᠬᠡᠮᠡᠨ ᠲᠤᠰ ᠰᠠᠭᠤᠷᠢᠨ ᠭᠠᠵᠠᠷ ᠲᠦ᠍ ᠢᠷᠡᠵᠦ᠂ ᠮᠤᠨᠭᠭᠤᠯ ᠡᠮᠴᠢᠯᠡᠭᠡᠨᠤ ᠲᠠᠰᠤᠭ ᠨᠡᠭᠡᠬᠡᠵᠦ ᠠᠵᠢᠯᠯᠠᠭᠤᠯᠵᠠᠢ᠃ ᠰᠠᠭᠤᠷᠢᠨ ᠭᠠᠵᠠᠷ ᠨᠢ ᠨᠡᠢᠭᠡᠮᠳᠦ ᠬᠠᠨᠳᠤᠭᠤᠯᠤᠭᠰᠠᠨ ᠵᠡᠮᠳᠡᠭ ᠬᠦᠮᠦᠨᠤ ᠢᠯᠢᠵᠦ ᠨᠤᠬᠤᠯᠠᠬᠤ ᠦᠢᠯᠡᠴᠢᠯᠡᠭᠡ ᠲᠡᠢ ᠪᠠᠢᠵᠦ᠂ ᠵᠡᠮᠳᠡᠭ ᠬᠦᠮᠦᠰ ᠲᠦ᠍ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ ᠦᠢᠯᠡᠴᠢᠯᠡᠨ᠂ ᠡᠩᠤᠨ ᠬᠦᠮᠦᠰ ᠡᠴᠡ ᠨᠢᠭᠡ ᠤᠳᠠᠭᠠᠳᠦ 80 ᠲᠦᠭᠦᠷᠢᠭᠤᠨ ᠰᠦᠢᠳᠬᠡᠯ ᠬᠤᠷᠢᠶᠠᠳᠠᠭ᠃ ᠵᠡᠮᠳᠡᠭᠴᠤᠳᠤᠨ ᠠᠵᠢᠯ ᠤᠯᠵᠤ ᠠᠳᠠᠯ ᠪᠤᠰᠬᠠᠬᠤ ᠴᠢᠳᠠᠪᠤᠷᠢ ᠵᠢ ᠨᠡᠪᠴᠢᠭᠦᠯᠦᠨ ᠪᠤᠢᠵᠢᠭᠤᠯᠬᠤ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠤᠭᠰᠠᠨᠤ ᠬᠤᠪᠢᠳᠦ᠂ ᠡᠨᠳᠡ ᠢᠯᠢᠵᠦ ᠨᠤᠬᠤᠯᠠᠬᠤ ᠡᠴᠡ ᠭᠠᠳᠠᠨᠠ᠂ ᠦᠢᠯᠡ ᠤᠶᠤᠳᠠᠯ ᠪᠠ ᠭᠠᠷ ᠤᠷᠠᠯᠠᠯ᠂ ᠠᠷᠠᠰᠤᠨ ᠤᠷᠠᠯᠠᠯ ᠵᠡᠷᠭᠡ ᠲᠠᠯᠠᠪᠠᠷ ᠮᠡᠷᠭᠡᠵᠢᠯᠤᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠬᠠᠨᠭᠭᠠᠵᠦ ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠭᠡᠵᠤ᠂ ᠲᠠᠳᠤᠯᠭᠠ ᠬᠢᠵᠦ ᠪᠤᠯᠪᠠᠰᠤᠷᠠᠵᠦ ᠴᠠᠭᠠᠷᠠᠬᠤ ᠤᠷᠤᠨ ᠵᠠᠢ ᠬᠠᠨᠭᠭᠠᠵᠤ ᠪᠤᠢ᠃ ᠰᠠᠭᠤᠷᠢᠨ ᠭᠠᠵᠠᠷᠤᠨ ᠬᠤᠢᠨᠠ ᠦᠷᠦᠭᠡᠨᠳᠦ ᠤᠷᠤᠬᠤᠳᠦ᠂ ᠬᠤᠷᠢᠭᠠᠳ ᠨᠠᠰᠤᠨᠤ ᠨᠢᠭᠡ ᠦᠬᠢᠨ ᠠᠷᠠᠰᠤᠨ ᠤᠷᠠᠯᠠᠯ ᠬᠢᠵᠦ ᠪᠠᠢᠭᠰᠠᠨ ᠨᠢ ᠬᠤᠷᠸᠠ ᠪᠠᠢᠯᠠ᠃ ᠦᠪᠦᠷ ᠮᠤᠨᠭᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠡᠴᠡ ᠦᠨᠳᠦᠰᠦᠨ ᠠᠨᠭᠬᠢ ᠪᠡᠨ ᠳᠦᠭᠦᠷᠭᠡᠵᠦ᠂ ᠨᠢᠳᠤᠨᠤᠨ ᠵᠢᠯ ᠮᠤᠨᠭᠭᠤᠯ ᠤᠯᠤᠰᠤᠨ ᠰᠤᠶᠤᠯ ᠤᠷᠠᠯᠢᠭᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠡᠴᠡ ᠮᠠᠭᠢᠰᠲᠸᠷ ᠴᠤᠯᠠ ᠬᠠᠮᠠᠭᠠᠯᠠᠵᠦ ᠢᠷᠡᠭᠰᠡᠨ ᠬᠤᠷᠸᠠ ᠲᠦᠷᠦᠯᠬᠢ ᠬᠠᠷᠠᠭᠠ ᠮᠠᠭᠤ ᠵᠡᠮᠳᠡᠭ ᠬᠦᠮᠦᠨ ᠪᠤᠯᠬᠤᠷ ᠰᠠᠭᠤᠷᠢᠨ ᠭᠠᠵᠠᠷ ᠡᠴᠡ ᠲᠡᠭᠦᠨᠳᠦ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ ᠪᠡᠷ ᠠᠷᠠᠰᠤᠨ ᠤᠷᠠᠯᠠᠯᠤᠨ ᠲᠤᠰᠬᠠᠢ ᠲᠠᠰᠤᠭ ᠬᠠᠨᠭᠭᠠᠵᠤ ᠦᠭᠬᠦᠭᠰᠡᠨ ᠨᠢ ᠡᠨᠡ ᠠᠵᠢ᠃
— ᠶᠠᠮᠠᠷ ᠮᠠᠲᠸᠷᠢᠶᠠᠯ ᠬᠡᠷᠡᠭᠳᠡᠢ ᠭᠡᠳᠡᠭᠢᠶᠡᠨ ᠬᠡᠯᠡᠪᠡᠯ ᠰᠠᠭᠤᠷᠢᠨ ᠭᠠᠵᠠᠷ ᠡᠴᠡ ᠨᠠᠳᠠᠳᠦ ᠬᠤᠳᠠᠯᠳᠤᠨ ᠠᠪᠴᠦ ᠦᠭᠳᠡᠭ᠂ ᠪᠦᠲᠦᠭᠡᠯ ᠮᠠᠨᠢ ᠦᠪᠡᠷᠤᠨ ᠲᠦᠰᠦᠪᠯᠡᠵᠦ ᠤᠷᠠᠯᠠᠭᠰᠠᠨ ᠵᠢᠷᠤᠭ ᠬᠦᠷᠦᠭ ᠵᠢᠡᠷ ᠭᠤᠤᠯᠳᠠᠳᠠᠭ᠂ ᠰᠠᠭᠤᠷᠢᠨ ᠭᠠᠵᠠᠷ ᠡᠴᠡ ᠨᠠᠳᠠᠳᠦ ᠲᠤᠰᠠ ᠲᠡᠮᠵᠢᠯᠭᠡ ᠦᠵᠡᠭᠦᠯᠵᠦ᠂ ᠶᠠᠮᠠᠷ ᠴᠦ᠍ ᠮᠦᠨᠭᠬᠦ ᠵᠤᠭᠤᠰ ᠬᠤᠷᠢᠶᠠᠬᠤ ᠦᠭᠡᠢ ᠪᠡᠷ ᠠᠵᠢᠯᠯᠠᠬᠤ ᠲᠠᠰᠤᠭ ᠬᠠᠨᠭᠭᠠᠵᠤ ᠦᠭᠬᠦᠭᠰᠡᠨᠳᠦ ᠪᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠪᠡᠶᠠᠷᠯᠠᠵᠤ ᠶᠠᠪᠤᠳᠠᠭ ᠭᠡᠵᠦ ᠬᠤᠷᠦᠠ ᠶᠠᠷᠢᠵᠦ ᠪᠠᠢᠯᠠ᠃ ᠠᠷᠠᠰᠤᠨ ᠤᠷᠠᠯᠠᠯ ᠡᠴᠡ ᠭᠠᠳᠠᠨᠠ ᠡᠨᠳᠡ ᠪᠠᠰᠠ ᠲᠤᠯᠤᠭᠠᠢ ᠵᠢᠨ ᠵᠠᠰᠠᠯ᠂ ᠡᠯᠳᠡᠪ ᠵᠦᠢᠯᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠵᠡᠷᠭᠡ ᠵᠢᠵᠢᠭ ᠭᠠᠷ ᠤᠷᠠᠯᠠᠯᠢ ᠪᠠᠭᠳᠠᠭᠠᠭᠰᠠᠨ ᠠᠵᠢᠯᠯᠠᠬᠤ ᠲᠠᠰᠤᠭ ᠪᠠᠢᠵᠦ᠂ ᠤᠯᠠᠨ ᠦᠨᠳᠦᠰᠦᠳᠡᠨᠤ ᠠᠬᠠᠨ ᠲᠡᠭᠦᠦᠰ ᠨᠢᠭᠡ ᠦᠷᠦᠭᠡᠨᠳᠦ ᠡᠳᠦᠷᠵᠢᠨ ᠢᠨᠢᠶᠡᠳᠦ ᠬᠦᠭᠡᠷᠦᠭᠡ ᠲᠡᠢ ᠮᠤᠨᠭᠭᠠᠨᠢᠵᠤ ᠲᠠᠭᠠᠷᠠᠳᠠᠭ ᠪᠠᠢᠯᠠ᠃
ᠡᠳᠡᠭᠡᠷ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠳᠠᠷᠠᠭᠠᠴᠢ ᠵᠢᠨ ᠠᠯᠬᠤᠮᠳᠦ ᠪᠤᠳᠠᠳᠤ ᠲᠡᠯᠭᠡᠬᠦᠷ ᠪᠠ ᠡᠯᠸᠺᠲᠷᠤᠨ ᠬᠤᠳᠠᠯᠳᠤᠭᠠ ᠵᠢ ᠬᠠᠪᠰᠤᠷᠭᠠᠭᠰᠠᠨ ᠪᠤᠷᠤᠯᠠᠭᠤᠯᠬᠤ ᠵᠠᠮᠢ ᠬᠠᠢᠨ ᠰᠦᠪᠡᠭᠴᠢᠯᠡᠵᠦ᠂ ᠠᠵᠢᠯᠳᠠᠳᠤᠨ ᠤᠷᠤᠯᠭᠠ ᠵᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠵᠢᠨ ᠬᠠᠮᠳᠦ ᠰᠠᠭᠤᠷᠢᠨ ᠭᠠᠵᠠᠷᠤᠨᠢᠶᠡᠨ ᠡᠵᠡᠨᠭᠨᠡᠯᠳᠡ ᠡᠷᠬᠢᠯᠳᠡ ᠵᠢ ᠠᠬᠢᠭᠤᠯᠬᠤ ᠲᠦᠰᠦᠪ ᠲᠦᠯᠦᠪᠯᠡᠭᠡ ᠲᠡᠢ᠃ ᠮᠦᠨ ᠬᠦᠳᠡᠭᠡ ᠲᠤᠰᠬᠤᠨᠳᠦ ᠴᠦ᠍ ᠵᠡᠮᠳᠡᠭ ᠬᠦᠮᠦᠨ ᠤᠯᠠᠨ ᠪᠠᠢᠳᠠᠭ ᠪᠠᠢᠳᠠᠯᠳᠦ ᠬᠠᠨᠳᠤᠭᠤᠯᠤᠨ᠂ ᠲᠠᠷᠠᠭᠠᠴᠢ ᠵᠢᠨ ᠠᠯᠬᠤᠮᠳᠦ ᠯᠢ ᠵᠢᠨ ᠸᠠᠩ ᠬᠦᠳᠡᠭᠡ ᠨᠤᠳᠤᠭ ᠲᠠᠭᠠᠨ ᠵᠡᠮᠳᠡᠭᠴᠤᠳᠤᠨ ᠲᠠᠷᠢᠵᠦ ᠲᠡᠵᠢᠭᠡᠬᠦ ᠦᠢᠯᠡᠰᠤᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠵᠢᠨ ᠦᠷᠳᠡᠭᠡ ᠭᠠᠷᠭᠠᠵᠤ᠂ ᠬᠦᠳᠡᠭᠡᠳᠦ ᠪᠠᠢᠭᠠ ᠵᠡᠮᠳᠡᠭ ᠬᠦᠮᠦᠰ ᠲᠦ᠍ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠭᠡᠵᠦ᠂ ᠠᠳᠠᠯ ᠠᠮᠢᠳᠤᠷᠠᠯᠳᠦᠨᠢ ᠮᠡᠷᠭᠡᠵᠢᠯᠤᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠬᠠᠨᠭᠭᠠᠬᠤ ᠪᠡᠷ ᠲᠦᠯᠦᠪᠯᠡᠵᠦ ᠪᠠᠢᠭᠠ ᠵᠢ ᠮᠸᠲᠠᠯ ᠲᠤᠳᠤᠷᠠᠭᠤᠯᠤᠨ ᠶᠠᠷᠢᠵᠤ ᠪᠠᠢᠭᠰᠠᠨ ᠶᠤᠮ᠃
ᠬᠠᠢᠷᠠ ᠵᠢᠨ ᠬᠦᠴᠦᠨᠳᠦ ᠬᠤᠷᠸᠠ ᠵᠢᠵᠢᠭᠷᠡᠳᠡᠭ᠃ ᠦᠷᠦᠭᠡᠰᠦᠨ ᠵᠡᠮᠳᠡᠭᠢ ᠦᠷᠦᠪᠳᠦᠨ᠂ ᠦᠷᠦᠭᠡᠯ ᠪᠤᠰᠤᠳᠢ ᠲᠤᠰᠠᠯᠠᠨᠠ ᠭᠡᠰᠡᠨ ᠵᠢᠷᠤᠨ ᠨᠢᠭᠡᠨ ᠵᠡᠮᠳᠡᠭ ᠬᠦᠮᠦᠨ ᠯᠢ ᠵᠢᠨ ᠸᠠᠩᠤᠨ ᠶᠡᠬᠡ ᠬᠠᠢᠷᠠ ᠵᠢᠨ ᠬᠦᠴᠦᠨᠳᠦ ᠬᠤᠷᠸᠠ ᠲᠡᠯᠡᠬᠡᠢ ᠵᠢᠵᠢᠭᠷᠡᠨ ᠲᠤᠯᠠᠭᠠᠴᠠᠨᠠ᠃ ᠯᠢ ᠵᠢᠨ ᠸᠠᠩ ᠮᠡᠳᠦ ᠬᠦᠮᠦᠰᠤᠨ ᠴᠢᠷᠮᠠᠢᠯᠭᠠ᠂ ᠨᠡᠢᠬᠡᠮ ᠨᠡᠢᠳᠡ ᠵᠢᠨ ᠬᠠᠪᠰᠤᠷᠤᠯᠭᠠ ᠲᠡᠮᠵᠢᠯᠭᠡ ᠪᠡᠷ ᠬᠤᠵᠢᠮ ᠨᠡᠩ ᠤᠯᠠᠨ ᠵᠡᠮᠳᠡᠭ ᠬᠦᠮᠦᠰ ᠬᠡᠷᠤᠨ ᠮᠤᠬᠤᠷ ᠡᠴᠡ ᠭᠠᠷᠴᠦ᠂ ᠡᠩᠤᠨ ᠬᠦᠮᠦᠰ ᠲᠡᠢ ᠠᠳᠠᠯᠢ ᠡᠨᠡ ᠲᠡᠯᠡᠬᠡᠢ ᠵᠢᠨ ᠨᠠᠷᠠᠨᠤ ᠭᠡᠷᠡᠯᠢ ᠢᠵᠢᠯᠭᠡᠨ ᠬᠦᠷᠳᠡᠵᠦ ᠶᠠᠪᠤᠨᠠ ᠭᠡᠳᠡᠭ ᠲᠦ᠍ ᠢᠳᠡᠭᠡᠯ ᠲᠡᠢ᠃
ᠬᠠᠷᠭᠤᠢ ᠵᠠᠮ ᠬᠤᠯᠠ ᠵᠢ ᠵᠤᠷᠢᠨᠠ
ᠪᠢᠳᠡ ᠠᠨᠭᠬᠠᠨᠤ ᠰᠤᠷᠪᠤᠯᠵᠢᠯᠠᠭᠠ ᠵᠢᠨ ᠴᠡᠭ ᠡᠴᠡ ᠠᠶᠠᠷᠯᠠᠵᠦ᠂ ᠲᠠᠷᠠᠭᠠᠴᠢ ᠵᠢᠨ ᠭᠠᠵᠠᠷᠢᠶᠡᠨ ᠴᠢᠭᠯᠡᠨ ᠭᠠᠷᠬᠤᠳᠦ X628 ᠠᠩ ᠴᠧᠩ ᠱᠤᠭᠤᠮ ᠭᠡᠰᠡᠨ ᠵᠠᠰᠠᠮᠠᠯ ᠵᠠᠮᠢᠶᠡᠷ ᠲᠠᠪᠬᠢᠯᠠ᠃ ᠡᠨᠡ ᠵᠠᠮ ᠪᠤᠯ ᠤᠳᠤᠭᠤᠨ ᠡᠮᠦᠨᠡᠳᠦ ᠬᠤᠰᠢᠭᠤᠨᠤ ᠨᠠᠨᠭᠰᠦ ᠪᠠᠯᠭᠠᠰᠦ ᠪᠠ ᠪᠤᠷᠤᠪᠠᠯᠭᠠᠰᠦ ᠵᠢ ᠬᠤᠯᠪᠤᠵᠦ᠂ ᠵᠠᠮ ᠲᠠᠭᠠᠤ ᠬᠤᠪᠢᠰᠬᠠᠯᠤᠨ ᠲᠤᠷᠠᠰᠬᠠᠯᠳᠦ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢ ᠵᠢᠨ ᠴᠡᠭ᠂ ᠬᠤᠪᠢᠰᠭᠠᠯᠤᠨ ᠰᠤᠳᠤᠯᠭᠠᠨᠤ ᠴᠡᠭ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠠᠵᠤ ᠦᠢᠯᠡᠰᠦᠨ ᠵᠢᠱ᠌ᠢᠢᠡ ᠦᠵᠡᠭᠦᠯᠬᠦ᠌ ᠰᠠᠭᠤᠷᠢᠨ ᠭᠠᠵᠠᠷ ᠵᠡᠷᠭᠡ ᠮᠠᠰᠢ ᠤᠯᠠᠨ ᠵᠢᠱ᠌ᠢᠶᠡ ᠦᠵᠡᠬᠦᠯᠬᠦ ᠴᠡᠭᠢ ᠬᠠᠮᠤᠷᠤᠭᠰᠠᠨ 《ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠵᠢᠨ ᠵᠠᠮ》 ᠪᠤᠯᠤᠨᠠ᠃ ᠤᠳᠤᠭᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨ ᠡᠴᠡ ᠡᠭᠦᠨᠢ ᠬᠤᠪᠢᠰᠭᠠᠯᠤᠨ ᠰᠣᠶᠣᠯᠤᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠵᠠᠮ᠂ ᠬᠥᠳᠡᠭᠡ ᠲᠣᠰᠭᠣᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠵᠤ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠵᠠᠮ᠂ ᠠᠮᠢ ᠠᠬᠤᠢᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠡᠪ ᠳᠠᠭᠤᠷᠢᠶᠠᠯᠤᠨ ᠵᠠᠮ ᠪᠣᠯᠭᠠᠵᠤ᠂ ᠨᠡᠩ ᠴᠤ᠌ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠦᠨ ᠵᠢᠱ᠌ᠢᠢᠡ ᠦᠵᠡᠭᠦᠯᠬᠦ᠌ ᠵᠠᠮ ᠪᠣᠯᠭᠠᠭ᠍ᠰᠠᠨ ᠪᠠᠢᠨᠠ᠃
ᠪᠠᠶᠠᠨ ᠨᠡᠢᠭᠡᠮᠢ ᠪᠦᠬᠦ᠌ ᠲᠠᠯᠠᠪᠠᠷ ᠪᠡᠶᠡᠯᠡᠭᠦᠯᠬᠦ᠌ᠶ᠋ᠢᠨ ᠵᠠᠩᠭᠢᠯᠠᠭᠠ ᠨᠢ ᠬᠥᠳᠡᠭᠡ ᠲᠣᠰᠭᠣᠨᠳᠤ ᠪᠤᠢ； ᠬᠥᠳᠡᠭᠡ ᠲᠣᠰᠭᠣᠨᠢ ᠪᠠᠶᠠᠵᠢᠭᠤᠯᠬᠤᠶ᠋ᠢᠨ ᠰᠠᠭᠤᠷᠢ ᠨᠢ ᠵᠠᠮ ᠬᠠᠷᠢᠯᠴᠠᠭᠠᠳᠤ ᠪᠤᠢ᠃ ᠶᠡᠷᠦᠩᠬᠡᠶ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ《ᠬᠥᠳᠡᠭᠡ ᠲᠣᠰᠭᠣᠨᠤ ᠵᠠᠰᠠᠮᠠᠯ ᠵᠠᠮᠢ ᠰᠠᠢᠲᠤᠷ ᠪᠥᠲᠥᠭᠡᠨ ᠪᠠᠢᠭᠤᠯᠵᠤ᠂ ᠰᠠᠢᠲᠤᠷ ᠬᠠᠮᠢᠶᠠᠷᠬᠤ ᠬᠡᠷᠡᠭ᠌ᠲᠡᠶ᠂ ᠨᠠᠩ ᠴᠤ᠌ ᠰᠠᠢᠲᠤᠷ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠵᠤ᠂ ᠰᠠᠢᠲᠤᠷ ᠡᠵᠡᠩᠨᠡᠬᠦ᠌ ᠬᠡᠷᠡᠭ᠌ᠲᠡᠶ》 ᠭᠡᠰᠡᠨ ᠴᠢᠬᠤᠯᠠ ᠵᠢᠭᠠᠪᠤᠷᠢᠶ᠋ᠢᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠭᠦᠨᠵᠡᠭᠡᠶ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ ᠲᠤᠭᠤᠰᠢᠯᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠣᠲᠣᠭᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠨᠠᠮᠤᠨ ᠬᠣᠷᠢᠶᠠ ᠵᠠᠰᠠᠭᠤᠨ ᠣᠷᠳᠣᠨ《ᠬᠥᠳᠡᠭᠡ ᠲᠣᠰᠭᠣᠨᠤ ᠳᠥᠷᠪᠡᠨ ᠰᠠᠢᠨ ᠵᠠᠮ》 ᠤ᠋ᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠠᠵᠢᠯᠢ ᠯᠠᠪᠳᠠᠭᠤᠨ ᠪᠠᠲᠤᠲᠠᠶ ᠠᠬᠢᠭᠤᠯᠵᠤ᠂ 2022 ᠣᠨᠳᠤ ᠲᠤᠰ ᠬᠤᠰᠢᠭᠤ 《ᠬᠥᠳᠡᠭᠡ ᠲᠣᠰᠭᠣᠨᠤ ᠳᠥᠷᠪᠡᠨ ᠰᠠᠢᠨ ᠵᠠᠮ》 ᠤ᠋ᠨ ᠪᠥᠬᠥ᠌ ᠤᠯᠤᠰᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠱᠢᠶᠠᠨᠤ ᠡᠭᠦᠳᠦᠨ ᠪᠠᠢᠭᠤᠯᠬᠤ ᠨᠡᠷᠡᠰᠲᠦ ᠠᠮᠵᠢᠯᠲᠠᠲᠠᠶᠪᠠᠷ ᠰᠣᠩᠭᠣᠭ᠍ᠳᠠᠵᠠᠢ᠃
ᠬᠠᠷᠭᠤᠢ ᠵᠠᠮ ᠬᠤᠯᠠ ᠵᠢ ᠵᠤᠷᠢᠨᠠ ᠃ ᠠᠩ ᠴᠧᠩ ᠱᠤᠭᠤᠮᠢ 2020 ᠣᠨᠡᠴᠡ ᠡᠬᠢᠯᠡᠨ ᠪᠠᠢᠭᠤᠯᠵᠤ᠂ ᠪᠥᠬᠥ᠌ ᠣᠷᠳᠣ ᠨᠢ 54.6 ᠺᠢᠯᠣᠮᠧᠲ᠋ᠷ ᠂ᠡᠮᠦᠨᠠ ᠤᠮᠠᠷᠠ ᠵᠢᠨ ᠴᠢᠭᠯᠡᠯ ᠲᠠᠢ ᠪᠠᠢᠵᠦ᠂ ᠬᠤᠢᠳᠤ ᠦᠵᠦᠬᠦᠷ ᠨᠢ ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷ ᠪᠤᠷᠤᠪᠠᠭᠠᠲᠤᠷ ᠦᠯᠵᠡᠢᠬᠤᠲᠤᠭᠤᠨ ᠲᠤᠷᠠᠰᠬᠠᠯᠤᠨ ᠬᠦᠷᠢᠶᠠᠯᠠᠩ᠂ ᠡᠮᠦᠨᠠ ᠦᠵᠦᠬᠦᠷ ᠨᠢX663ᠲᠦᠩᠽᠢᠡᠴᠡ ᠪᠤᠷᠤᠪᠠᠯᠭᠠᠰᠦ ᠬᠦᠷᠬᠦ᠌ ᠬᠣᠶᠠᠳᠤᠭᠠᠷ ᠳᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠵᠠᠰᠠᠮᠠᠯ ᠵᠠᠮᠲᠠᠶ ᠨᠡᠢᠯᠡᠵᠦ᠍᠂ ᠶᠠᠨ ᠠᠨᠤ ᠦᠨᠳᠦᠰᠦᠲᠡᠨᠦ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠤᠷᠤᠪᠠᠯᠭᠠᠰᠦᠳᠡᠬᠢ ᠳᠤᠷᠠᠰᠭᠠᠯᠤᠨ ᠣᠷᠳᠣᠨᠠᠴᠠ ᠲᠠᠪᠤᠬᠠᠨ ᠺᠢᠯᠤᠮᠸᠲᠷ ᠵᠠᠢᠲᠠᠢ ᠪᠠᠢᠳᠠᠭ᠃ ᠵᠠᠮ ᠳᠠᠭᠠᠸ᠋ ᠬᠤᠪᠢᠰᠭᠠᠯᠤᠨ ᠳᠤᠷᠠᠰᠭᠠᠯᠲᠤ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠴᠡᠭ᠂ ᠬᠤᠪᠢᠰᠭᠠᠯᠤᠨ ᠰᠤᠳᠤᠯᠭᠠᠨᠤ ᠴᠡᠭᠲᠡᠶ ᠪᠠᠢᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶ᠋ᠢᠨ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠪᠠᠲᠦ ᠴᠤᠭᠴᠠᠯᠠᠬᠤ ᠬᠥᠮᠦᠵᠢᠯ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠴᠡᠭ（ᠥᠷᠲᠡᠭᠡ）13᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠢᠭᠤᠯᠴᠢᠯᠠᠯ 8᠂ ᠮᠠᠯ ᠠᠵᠤ ᠠᠬᠤᠶ ᠲᠠᠷᠢᠶᠠᠯᠠᠩᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠰᠠᠭᠤᠷᠢᠨ ᠭᠠᠵᠠᠷ 20 ᠭᠠᠷᠤᠶ ᠪᠣᠶ᠃ ᠡᠭᠦᠨᠳᠦ᠂ ᠦᠷᠡᠭᠳᠡᠭᠰᠡᠨ ᠪᠠᠭᠠᠳᠤᠷ ᠪᠤᠷᠤᠪᠠᠭᠠᠲᠤᠷ ᠦᠯᠵᠡᠢᠬᠤᠲᠤᠭᠤᠨ ᠲᠤᠷᠠᠰᠬᠠᠯᠤᠨ ᠬᠦᠷᠢᠶᠡᠯᠡᠩ ᠨᠢ ᠪᠤᠷᠤᠪᠠᠭᠠᠲᠤᠷ ᠦᠯᠵᠡᠢᠬᠤᠲᠤᠭᠤᠨ ᠢᠷᠠᠭᠤ ᠠᠯᠳᠠᠷᠲᠤ ᠬᠤᠪᠢᠰᠭᠠᠯᠲᠤ ᠦᠶ᠋ᠯᠡ ᠠᠵᠢᠯᠯᠠᠭᠠᠶ᠋ᠢ ᠳᠤᠷᠠᠰᠭᠠᠬᠤᠶ᠋ᠢᠨ ᠲᠥᠯᠥᠭᠡ᠂ ᠵᠢᠯ ᠪᠦᠷᠢᠶ᠋ᠢᠨ ᠬᠠᠩᠰᠢᠶ᠋ᠢᠨ ᠡᠳᠦᠷ ᠡᠯᠡ ᠪᠠᠢᠭᠤᠯᠭᠠ ᠠᠵᠢᠯ ᠦᠶ᠋ᠯᠡᠰᠦᠨ ᠨᠢᠭᠡᠴᠢ᠂ ᠰᠤᠷᠭᠠᠭᠤᠯᠢᠨᠤᠭᠤᠳ ᠡᠯᠡ ᠦᠨᠳᠦᠰᠦᠲᠡᠨᠦ ᠨᠠᠮᠤᠨ ᠭᠡᠱᠢᠭᠦᠨ ᠺᠠᠳ᠋ᠷ ᠣᠯᠠᠨ ᠲᠦᠮᠡᠨ ᠰᠤᠷᠤᠭ᠍ᠴᠢᠳᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠡᠪ ᠬᠠᠮᠲᠤ ᠨᠠᠮᠤᠨ ᠬᠤᠪᠢᠰᠭᠠᠯᠤᠨ ᠬᠡᠷᠡᠯ ᠰᠠᠴᠤᠷᠠᠩᠭᠤᠶ ᠣᠨ ᠰᠠᠷᠠᠶ᠋ᠢ ᠳᠠᠬᠢᠨ ᠳᠤᠷᠠᠰᠭᠠᠵᠤ᠂ ᠨᠠᠮᠤᠨ ᠲᠡᠸ᠋ᠬᠡᠶ᠋ᠢ ᠰᠤᠷᠤᠯᠴᠠᠨ᠂ ᠦᠨᠳᠦᠰᠦᠳᠡᠨ ᠨᠤᠭᠦᠳᠤᠨ ᠠᠷᠠᠳ ᠲᠦᠮᠡᠨ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠨ᠂ ᠨᠢᠭᠡ ᠭᠡᠷ ᠮᠡᠳᠦ ᠲᠤᠳᠤᠨᠤ ᠶᠠᠪᠤᠯᠴᠠᠬᠤ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯᠢ ᠠᠬᠢᠭᠤᠯᠵᠤ ᠪᠠᠢᠨᠠ᠃
ᠬᠠᠯᠠᠮᠵᠢ ᠵᠢᠨ ᠲᠤᠶᠠᠭᠠ ᠬᠠᠮᠤᠭᠢ ᠭᠡᠢᠭᠦᠯᠦᠨᠡ
ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠ ᠵᠢᠨ ᠵᠠᠮᠢᠶᠡᠷ ᠰᠤᠶᠤᠯ ᠲᠡᠥᠬᠡ ᠵᠢᠨ ᠲᠤᠷᠠᠰᠬᠠᠯᠳᠦ ᠴᠡᠭ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠴᠡᠭ ᠰᠠᠭᠤᠷᠢᠨᠢ ᠤᠢᠯᠠᠭᠠᠨ ᠰᠤᠨᠢᠷᠬᠠᠭᠰᠠᠭᠠᠷ ᠪᠢᠳᠡᠨᠤ ᠰᠤᠷᠪᠤᠯᠵᠢᠯᠠᠬᠤ ᠪᠦᠯᠬᠦᠮᠤᠨ ᠬᠢᠨ ᠨᠠᠨᠭᠰᠦ ᠪᠠᠯᠭᠠᠰᠤᠨᠤ ᠪᠠᠶᠠᠠᠠᠤᠰᠤ ᠭᠠᠴᠠᠭᠠᠨᠤ ᠨᠠᠰᠤᠲᠠᠨ ᠷᠢᠨᠴᠢᠨᠰᠤᠪᠤᠳᠤᠨ ᠡᠭᠦᠳᠡᠨᠳᠦ ᠪᠠᠭᠤᠯᠠ᠃ ᠤᠨ ᠴᠠᠭᠤᠨ ᠪᠤᠭᠤᠷᠤᠯ ᠰᠠᠯᠬᠢᠨᠳᠦ ᠡᠯᠡ ᠬᠠᠯᠠ ᠠᠮᠰᠠᠵᠤ᠂ ᠨᠢᠷᠤᠭᠤ ᠪᠦᠭᠲᠦᠢᠵᠦ ᠲᠠᠶᠠᠭ ᠲᠤᠯᠤᠭᠰᠠᠨ ᠬᠡᠳᠦᠢ ᠴᠦ᠍ ᠠᠯᠤᠰ ᠬᠤᠯᠠ ᠭᠠᠷᠤᠭᠰᠠᠨ ᠬᠦᠦ ᠪᠡᠨ ᠬᠦᠯᠢᠶᠡᠵᠤ ᠤᠭᠳᠤᠬᠤ ᠰᠢᠬ ᠠᠢᠯᠴᠢᠨ ᠬᠡᠢᠴᠢᠨ ᠢᠷᠡᠵᠦ ᠪᠠᠢᠨᠠ ᠬᠡᠮᠡᠨ ᠪᠢᠳᠡᠨᠢ ᠬᠠᠯᠠᠭᠤᠨ ᠢᠨᠢᠶᠡᠳᠦ ᠪᠡᠷᠢᠶᠡᠨ ᠤᠭᠳᠤᠭᠰᠠᠨ ᠨᠠᠰᠤᠳᠠᠨᠢ ᠬᠠᠷᠠᠭᠠᠳ ᠰᠤᠷᠪᠤᠯᠵᠢᠯᠠᠭᠴᠢᠳᠦ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠬᠠᠷᠢᠵᠦ ᠪᠠᠢᠬᠤ ᠰᠢᠬ ᠬᠠᠯᠠᠭᠤᠬᠠᠨ ᠰᠠᠨᠠᠭᠳᠠᠭᠰᠠᠨ ᠪᠢᠯᠡ᠃
ᠷᠢᠨᠴᠢᠨᠰᠤᠪᠤᠳ ᠨᠠᠰᠤᠳᠠᠨ ᠪᠤᠯ ᠵᠢᠷᠤᠨ ᠨᠢᠭᠡᠨ ᠬᠦᠳᠡᠭᠡ ᠵᠢᠨ ᠬᠦᠭᠰᠢᠨ᠃ ᠦᠨᠦ ᠵᠢᠯ 70 ᠨᠠᠰᠤ ᠵᠢ ᠵᠤᠭᠤᠬᠯᠠᠵᠦ ᠶᠠᠪᠤᠭᠠ ᠲᠡᠷᠡ ᠪᠡᠷ ᠡᠷᠳᠡᠨᠢᠪᠢᠯᠢᠭ ᠮᠦᠨᠭᠭᠡᠪᠢᠯᠢᠭ ᠭᠡᠰᠡᠨ ᠲᠤᠭᠤᠷᠭᠠ ᠲᠤᠰᠠᠭᠠᠷ ᠪᠤᠯᠤᠭᠰᠠᠨ ᠬᠤᠶᠠᠷ ᠬᠦᠦ ᠲᠡᠢ ᠪᠠᠢᠵᠦ᠂ ᠶᠡᠷᠦᠳᠡᠭᠡᠨ ᠡᠪᠦᠭᠡᠨ ᠲᠡᠢ ᠪᠡᠨ ᠬᠤᠶᠠᠭᠤᠯᠠ ᠮᠠᠯ ᠲᠠᠷᠢᠶᠠ ᠪᠡᠨ ᠲᠤᠳᠤᠮᠳᠠᠭᠠᠳ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠠᠮᠢᠳᠤᠷᠠᠳᠠᠭ᠃ ᠮᠠᠯ ᠲᠠᠷᠢᠶᠠ ᠭᠡᠵᠦ ᠬᠡᠯᠡᠬᠦᠡᠴᠡ100 ᠭᠠᠷᠤᠢ ᠪᠤᠭ ᠮᠠᠯ ᠮᠠᠯᠵᠢᠵᠦ᠂ 45 ᠮᠦ᠍ ᠡᠷᠳᠡᠨᠢ ᠰᠢᠰᠢ᠂ 15 ᠮᠦ᠍ ᠪᠤᠷᠤ ᠴᠠᠷᠭᠠᠰᠦ ᠲᠠᠷᠢᠳᠠᠭ ᠵᠢᠷᠤᠨ ᠨᠢᠭᠡᠨ ᠤᠨᠳᠤᠷᠤᠯᠭᠠ ᠲᠡᠢ ᠠᠢᠯ ᠪᠠᠢᠯᠠ᠃ ᠶᠠᠳᠠᠭᠤᠬᠠᠨ ᠭᠡᠵᠦ ᠲᠤᠭᠠᠴᠢᠬᠤ ᠦᠬᠡᠢᠳᠦ ᠶᠠᠳᠠᠷᠠᠭᠤᠬᠠᠨ ᠭᠡᠵᠦ ᠬᠡᠯᠡᠵᠦ ᠪᠤᠯᠬᠤ ᠠᠮᠢᠳᠤᠷᠠᠯ ᠲᠡᠢ ᠷᠢᠨᠴᠢᠨᠰᠤᠪᠤᠳ ᠨᠠᠰᠤᠳᠠᠨ ᠬᠠᠷᠢᠨ 30 ᠬᠡᠳᠦᠨ ᠵᠢᠯᠤᠨ ᠲᠤᠷᠰᠢ᠂ ᠬᠦᠮᠦᠨᠤ ᠦᠪᠡᠷᠤᠨ ᠭᠡᠵᠦ ᠰᠠᠯᠭᠠᠯ ᠦᠭᠡᠢ᠂ ᠬᠢᠳᠠᠳ ᠮᠤᠨᠭᠭᠤᠯ ᠭᠡᠵᠦ ᠢᠯᠭᠠᠯ ᠦᠭᠡᠢ 10 ᠬᠡᠳᠦᠨ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠳᠡᠢ ᠬᠡᠥᠬᠡᠳᠤᠳᠢ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷ ᠬᠦᠭᠡᠭᠡᠯᠭᠡᠬᠦ ᠪᠡᠷ 10 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭᠢᠶᠡᠷ ᠲᠤᠰᠠᠯᠠᠨ ᠲᠡᠮᠵᠢᠵᠦ᠂ ᠮᠤᠨᠭᠭᠤᠯ ᠡᠵᠢ ᠵᠢᠨ ᠠᠭᠤᠤ ᠬᠠᠢᠷᠠ᠂ ᠬᠠᠯᠠᠭᠠᠰᠦ ᠨᠢᠮᠭᠡᠨ ᠴᠦ᠍ ᠬᠠᠢᠷᠠ ᠵᠤᠵᠠᠭᠠᠨ ᠵᠤᠷᠢᠭ ᠰᠠᠨᠠᠭᠠ ᠵᠢ ᠲᠦᠷᠦ ᠲᠦᠮᠡᠨᠳᠡᠭᠡᠨ ᠬᠠᠷᠠᠭᠤᠯᠵᠤ ᠢᠷᠡᠵᠡᠢ᠃
ᠨᠠᠰᠤᠳᠠᠨᠤ ᠭᠡᠷ ᠲᠦ᠍ ᠤᠷᠤᠬᠤᠳᠦ ᠬᠠᠭᠠᠰ ᠨᠤᠬᠤᠵᠦ ᠲᠠᠯᠪᠢᠭᠰᠠᠨ ᠰᠠᠪᠠ ᠲᠡᠢ ᠭᠤᠯᠢᠷ ᠵᠤᠤᠬᠠᠨ ᠲᠤᠰᠢᠶᠠ ᠬᠠᠷᠠᠭᠳᠠᠵᠤ᠂ ᠬᠦ ᠰᠠᠭᠤᠵᠤ ᠤᠳᠤᠭᠠᠰᠢᠭᠰᠠᠨ ᠬᠠᠨᠠ ᠬᠠᠶᠠᠭᠠ ᠡᠴᠡ ᠡᠨᠡ ᠪᠠᠢᠰᠢᠩ ᠭᠡᠷ ᠲᠦ᠍ ᠤᠳᠠᠭᠠᠨ ᠵᠢᠯᠰᠠᠭᠤᠭᠰᠠᠨ ᠢᠮ ᠲᠠᠮᠠᠭᠠ ᠢᠯᠡᠬᠡᠨ ᠪᠠᠢᠯᠠ᠃ ᠪᠢᠳᠡᠨᠢ ᠭᠤᠤᠯ ᠦᠷᠦᠭᠡᠨᠳᠡᠭᠡᠨ ᠵᠠᠯᠠᠵᠤ᠂ ᠲᠠᠶᠠᠭᠢᠶᠡᠨ ᠲᠤᠯᠵᠦ ᠪᠦᠭᠴᠦᠭᠡᠨᠡᠨ 《ᠲᠠᠨᠤᠰᠢ ᠢᠷᠡᠨᠡ ᠭᠡᠵᠦ ᠰᠤᠨᠤᠰᠤᠭᠠᠳ ᠬᠤᠭᠤᠯᠠ ᠤᠮᠳᠠ ᠪᠡᠯᠡᠳᠬᠡᠵᠦ ᠪᠠᠢᠭᠠᠳ ᠴᠦ᠍ ᠵᠠᠪᠳᠤᠭᠰᠠᠨ ᠦᠭᠡᠢ》 ᠭᠡᠵᠦ ᠭᠤᠮᠤᠷᠬᠠᠨ ᠤᠰᠤ ᠴᠠᠢ ᠠᠶᠠᠭᠠᠯᠠᠨ ᠠᠯᠢ ᠪᠠᠢᠭᠰᠠᠨᠢᠶᠡᠨ ᠲᠡᠮᠳᠡᠷᠢᠵᠦ ᠶᠠᠭᠠᠷᠠᠨᠠ᠃ ᠶᠡᠷᠦ ᠵᠢᠨ ᠦᠶᠡᠳᠦ ᠲᠠᠨᠭᠳᠠ ᠭᠠᠳᠠᠭᠤᠷ ᠮᠠᠰᠢᠨ ᠪᠠᠷᠢᠵᠦ ᠬᠦᠯᠦᠰᠦᠨ ᠠᠵᠢᠯ ᠬᠢᠵᠦ ᠶᠠᠭᠠᠷᠠᠵᠦ ᠶᠠᠪᠤᠳᠠᠭ ᠡᠪᠦᠭᠡᠨᠢᠶᠡᠨ ᠡᠨᠡ ᠲᠡᠷᠡᠳᠦ ᠵᠢᠭᠠᠬᠠᠨ ᠴᠦ᠍ ᠭᠡᠰᠡᠨ ᠬᠠᠮᠵᠢᠭᠤᠯᠬᠤ ᠵᠢᠨ ᠲᠤᠰᠠᠳᠠ ᠦᠨᠦᠳᠦᠷ ᠲᠠᠭᠤᠳᠠᠵᠦ ᠠᠪᠴᠢᠷᠠᠭᠰᠠᠨ ᠪᠠᠢᠯᠠ᠃ ᠡᠪᠦᠭᠡᠨ ᠨᠢ ᠦᠨᠦ ᠵᠢᠯ 73 ᠨᠠᠰᠤ ᠵᠢ ᠵᠤᠭᠤᠭᠯᠠᠵᠦ ᠶᠠᠪᠤᠭᠠ ᠬᠢᠳᠠᠳ ᠦᠨᠳᠦᠰᠦᠳᠡᠨ᠃ 1970 ᠤᠨᠳᠦ ᠬᠤᠶᠠᠭᠤᠯᠠ ᠠᠢᠯ ᠭᠡᠷ ᠪᠤᠯᠵᠤ᠂ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠳᠦ ᠬᠡᠷᠡᠯᠳᠦᠬᠦᠯᠭᠡ ᠬᠢᠬᠦ᠂ ᠤᠰᠤ ᠵᠦᠭᠡᠭᠡᠬᠦ᠂ ᠲᠡᠷᠭᠡ ᠪᠠᠷᠢᠬᠤ᠂ ᠬᠤᠳᠳᠤᠭ ᠮᠠᠯᠳᠠᠬᠤ ᠵᠡᠷᠭᠡ ᠬᠠᠷᠠ ᠪᠤᠷᠤ ᠬᠦᠯᠦᠰᠦᠨ ᠠᠵᠢᠯ ᠬᠢᠵᠦ᠂ ᠨᠠᠶᠠᠭᠠᠳ ᠤᠨ ᠪᠤᠯᠵᠦ ᠭᠠᠵᠠᠷ ᠨᠤᠳᠤᠭᠢ ᠡᠷᠦᠭᠡᠳᠦ ᠲᠠᠭᠠᠭᠠᠴᠢᠯᠠᠭᠤᠯᠵᠦ ᠮᠠᠯ ᠰᠦᠷᠦᠭ ᠬᠤᠪᠢᠶᠠᠬᠤᠳᠦ ᠲᠡᠳᠡᠨᠤ ᠬᠢᠨ 6 ᠢᠮᠠᠭᠠ᠂ 1 ᠲᠤᠭᠤᠯ ᠬᠤᠪᠢᠳᠠᠵᠤ ᠦᠮᠴᠢᠯᠡᠭᠡᠳ ᠤᠨᠳᠤᠷᠤᠯᠭᠠ ᠪᠡᠨ ᠪᠤᠰᠬᠠᠵᠡᠢ᠃
ᠪᠠᠭᠠ ᠪᠠᠢᠬᠤᠳᠤᠨᠢ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠳᠡᠢ ᠨᠦᠭᠦᠴᠡᠯ ᠪᠠᠷᠤᠭᠳᠠᠢ ᠡᠴᠡ ᠪᠤᠯᠵᠤ᠂ ᠤᠯᠢᠭᠳᠠᠢᠬᠠᠨ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷ ᠬᠦᠭᠡᠭᠡᠵᠦ ᠴᠢᠳᠠᠯ ᠦᠭᠡᠢ ᠭᠤᠷᠪᠠᠳᠤᠭᠠᠷ ᠤᠨ ᠵᠢᠡᠨ ᠲᠡᠭᠦᠰᠭᠡᠭᠡᠳ ᠠᠷᠭᠠ ᠪᠤᠰᠤ ᠰᠤᠷᠤᠯᠭᠠ ᠪᠠᠨ ᠲᠤᠷᠭᠤᠨ ᠵᠤᠭᠰᠤᠭᠰᠠᠨ ᠨᠢ ᠷᠢᠨᠴᠢᠨᠰᠤᠪᠤᠳᠤᠨ ᠨᠢᠭᠡ ᠨᠠᠰᠤᠨᠤ ᠬᠢᠨᠢ ᠬᠠᠮᠤᠭᠤᠨ ᠬᠠᠷᠠᠮᠰᠠᠯᠳᠠᠢ ᠤᠴᠢᠷ ᠪᠠᠢᠯᠠ᠃ ᠦᠪᠡᠷ ᠲᠤᠨᠢ ᠲᠤᠯᠭᠠᠷᠠᠭᠰᠠᠨ ᠬᠠᠷᠠᠮᠰᠠᠯᠢᠶᠡᠨ ᠦᠷᠦᠭᠡᠯᠤᠨ ᠪᠡᠶᠡ ᠲᠡᠭᠡᠷᠡ ᠪᠡᠶᠡᠯᠡᠭᠦᠯᠦᠶᠡ ᠬᠡᠮᠡᠨ ᠷᠢᠨᠴᠢᠨᠰᠤᠪᠤᠳ ᠨᠠᠰᠤᠳᠠᠨ ᠲᠡᠭᠡᠷᠡ ᠵᠠᠭᠤᠨᠤ ᠨᠠᠶᠠᠭᠠᠳ ᠤᠨ ᠡᠴᠡ ᠡᠬᠢᠯᠡᠨ ᠤᠯᠤᠭᠰᠠᠨ ᠬᠡᠳᠦᠨ ᠮᠦᠨᠭᠭᠦ ᠪᠡᠷᠢᠶᠡᠨ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠳᠡᠢ ᠡᠴᠡ ᠪᠤᠯᠵᠦ ᠰᠤᠷᠭᠠᠭᠤᠯᠢᠳᠦ ᠶᠠᠪᠤᠵᠦ ᠲᠡᠢᠯᠬᠦ ᠦᠭᠡᠢ ᠪᠠᠢᠭᠰᠠᠨ ᠠᠢᠯ ᠠᠢᠮᠠᠭᠤᠨᠢᠶᠡᠨ ᠬᠡᠳᠦᠨ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠡᠥᠬᠡᠳᠢ ᠲᠤᠰᠠᠯᠠᠨ ᠲᠡᠮᠵᠢᠭᠰᠡᠭᠡᠷ ᠢᠷᠡᠵᠠᠢ᠃ ᠡᠭᠦᠨᠤ ᠲᠤᠳᠤᠷᠠ ᠴᠡᠨᠭᠬᠡᠯᠳᠠᠯᠠᠢ ᠭᠡᠭᠴᠢ ᠦᠨᠦᠴᠢᠨ ᠬᠡᠥᠬᠡᠳ 9 ᠨᠠᠰᠤᠨᠳᠠᠭᠠᠨ ᠷᠢᠨᠴᠢᠨᠰᠤᠪᠤᠳᠤᠨ ᠭᠡᠷ ᠲᠦ᠍ ᠢᠷᠡᠵᠦ 21 ᠨᠠᠰᠤᠯᠠᠳᠠᠯᠠ ᠪᠡᠨ ᠨᠡᠢᠲᠡ 11 ᠵᠢᠯ ᠠᠮᠢᠳᠤᠷᠠᠨ ᠰᠠᠭᠤᠵᠤ᠂ ᠦᠨᠳᠦᠷ ᠲᠤᠮᠳᠠᠳᠤ ᠬᠦᠷᠳᠡᠯᠡ ᠨᠢ ᠰᠤᠷᠤᠯᠭᠠ ᠵᠢ ᠨᠢ ᠲᠡᠮᠵᠢᠭᠡᠳ᠂ ᠬᠤᠵᠢᠮ ᠨᠢ ᠠᠢᠯ ᠭᠡᠷ ᠪᠤᠯᠬᠤᠳᠦᠨᠢ ᠴᠦ᠍ 12 ᠬᠤᠨᠢ ᠬᠤᠪᠢᠶᠠᠵᠤ ᠦᠭᠴᠠᠢ᠃ ᠤᠳᠤ ᠴᠡᠨᠭᠭᠡᠯᠳᠡᠯᠠᠢ ᠵᠢᠨ ᠬᠢᠨ ᠦᠨᠦᠷᠯᠡᠬᠦ ᠡᠴᠡ ᠦᠷᠡ ᠵᠢᠨ ᠵᠤᠯᠠᠢ ᠲᠡᠢ᠂ ᠬᠠᠷᠢᠭᠤᠯᠬᠤ ᠡᠴᠡ 200 ᠭᠠᠷᠤᠢ ᠪᠤᠭ ᠮᠠᠯ ᠲᠡᠢ ᠵᠡᠭᠡᠭᠡᠭᠰᠡᠨ ᠠᠮᠢᠳᠤᠷᠠᠯ ᠲᠡᠢ ᠮᠠᠯᠴᠢᠨ ᠠᠢᠯ ᠪᠤᠯᠵᠠᠢ᠃
— ᠲᠤᠰᠠᠯᠠᠨ ᠲᠡᠮᠵᠢᠭᠰᠡᠨ ᠬᠡᠥᠬᠡᠳᠤᠳᠤᠨ ᠲᠤᠳᠤᠷᠠ ᠶᠠᠷᠢᠶᠠᠨ ᠦᠭᠡᠢ ᠮᠢᠨᠤ ᠰᠠᠳᠤᠨᠤ ᠬᠡᠥᠬᠡᠳ ᠴᠦ᠍ ᠪᠤᠢ᠂ ᠲᠦᠷᠪᠡᠳᠦᠭᠡᠷ ᠲᠡᠭᠦᠦ ᠵᠢᠨ ᠬᠡᠥᠬᠡᠨ ᠮᠦᠨᠭᠭᠦᠨᠵᠢᠮᠢᠰ ᠪᠤᠯ ᠲᠦᠷᠦᠯᠬᠢ ᠪᠡᠶᠡ ᠵᠡᠮᠳᠡᠭ ᠪᠤᠯᠬᠤᠷ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠢ ᠨᠢ ᠤᠳᠠᠭᠠᠨ ᠵᠢᠯ ᠲᠡᠮᠵᠢᠨ ᠲᠤᠰᠠᠯᠠᠭᠰᠠᠨ᠂ ᠬᠤᠵᠢᠮ ᠨᠢ ᠲᠡᠷᠡ ᠵᠡᠮᠳᠡᠭᠴᠤᠳᠤᠨ ᠤᠯᠢᠮᠫᠢᠺᠤᠨ ᠤᠷᠤᠯᠳᠤᠭᠠᠨᠳᠦ ᠠᠯᠳᠠᠨ ᠮᠸᠲᠠᠯ ᠰᠢᠭᠦᠷᠡᠭᠰᠡᠨ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠪᠠᠰᠠ ᠤᠯᠠᠭᠠᠨ ᠵᠠᠭᠠᠯᠮᠠᠢᠳᠠᠨᠤ ᠨᠡᠢᠭᠡᠮᠯᠢᠭ ᠡᠴᠡ ᠡᠷᠬᠢᠯᠡᠭᠰᠡᠨ ᠲᠤᠰᠠᠯᠠᠨ ᠲᠡᠮᠵᠢᠬᠦ ᠠᠵᠢᠯᠯᠠᠭᠠ ᠪᠡᠷ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠳᠡᠢ ᠨᠡᠷᠡ ᠵᠢ ᠨᠢ ᠮᠡᠳᠡᠬᠦ ᠦᠬᠡᠢ᠂ ᠵᠢᠰᠦ ᠵᠢ ᠨᠢ ᠲᠠᠨᠢᠬᠤ ᠦᠬᠡᠢ ᠬᠢᠳᠠᠳ ᠮᠤᠨᠭᠭᠤᠯ ᠬᠡᠥᠬᠡᠳᠤᠳᠢ ᠤᠯᠠᠨ ᠤᠳᠠᠭᠠ ᠲᠡᠮᠵᠢᠵᠦ ᠢᠷᠡᠭᠰᠡᠨ ᠭᠡᠵᠦ ᠷᠢᠨᠴᠢᠨᠰᠤᠪᠤᠳ ᠨᠠᠰᠤᠳᠠᠨ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦᠳᠡᠭᠡᠨ ᠶᠠᠷᠢᠯᠠ᠃
ᠠᠯᠳᠠᠭᠠ ᠤᠨᠤᠭᠠ ᠵᠡᠷᠭᠡᠴᠡᠨ ᠢᠷᠡᠳᠡᠭ ᠡᠨᠡ ᠬᠤᠷᠸᠠᠳᠦ ᠬᠠᠷᠠᠮᠰᠠᠬᠤ ᠦᠶᠡ ᠪᠠᠢᠳᠠᠭ ᠴᠦ᠍ ᠪᠠᠶᠠᠷᠯᠠᠬᠤ ᠴᠠᠭ ᠴᠦ᠍ ᠪᠠᠢᠳᠠᠭ᠃ ᠬᠠᠷᠠᠬᠠᠨ ᠪᠠᠭᠠ ᠨᠠᠰᠤᠨᠳᠠᠭᠠᠨ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷᠢᠶᠡᠷ ᠤᠯᠢᠭᠳᠠᠢ ᠵᠠᠮᠨᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠨᠢ ᠷᠢᠨᠴᠢᠨᠰᠤᠪᠤᠳᠤᠨ ᠬᠠᠮᠤᠭ ᠡᠴᠡ ᠬᠠᠷᠠᠮᠰᠠᠳᠠᠭ ᠤᠴᠢᠷ ᠪᠤᠯ 60 ᠨᠠᠰᠤᠨᠳᠠᠭᠠᠨ ᠡᠪ ᠬᠠᠮᠳᠦ ᠨᠠᠮᠳᠦ ᠡᠯᠰᠡᠭᠳᠡᠨ ᠤᠷᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠲᠡᠭᠦᠨᠤ ᠨᠢᠭᠡ ᠨᠠᠰᠤᠨᠳᠡᠬᠢ ᠬᠠᠮᠤᠭᠤᠨ ᠵᠢᠷᠭᠠᠯᠳᠠᠢ ᠮᠦᠴᠡ ᠪᠠᠢᠯᠠ᠃
— 2013 ᠤᠨᠳᠦ 60 ᠨᠠᠰᠤᠲᠡᠢᠳᠠᠭᠠᠨ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠦ ᠨᠠᠮᠳᠦ ᠡᠯᠰᠡᠭᠳᠡᠨ ᠤᠷᠤᠭᠰᠠᠨ ᠮᠦᠴᠡ ᠪᠡᠨ ᠬᠡᠵᠢᠶᠡᠳᠡ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ ᠪᠠᠶᠠᠷᠯᠠᠵᠤ ᠶᠠᠪᠤᠳᠠᠭ᠂ ᠨᠠᠮᠤᠨᠢᠶᠡᠨ ᠠᠴᠢ ᠡᠨᠡᠷᠢᠯᠳᠦ ᠬᠦᠮᠦᠨ ᠪᠤᠯᠵᠤ᠂ ᠠᠬᠢᠭᠠᠳ ᠨᠠᠮᠤᠨ ᠭᠡᠰᠢᠬᠦᠨᠤ ᠬᠤᠪᠢ ᠡᠴᠡ ᠬᠠᠵᠠᠭᠤ ᠬᠠᠪᠢ ᠵᠢᠨ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠳᠡᠢ ᠬᠦᠮᠦᠰᠢᠶᠡᠨ ᠲᠤᠰᠠᠯᠠᠨ ᠲᠡᠮᠵᠢᠵᠦ ᠶᠠᠪᠤᠨᠠ ᠭᠡᠳᠡᠭ ᠮᠠᠰᠢ ᠤᠮᠤᠭᠰᠢᠯᠳᠠᠢ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ ᠭᠡᠵᠦ ᠷᠢᠨᠴᠢᠨᠰᠤᠪᠤᠳ ᠨᠠᠰᠤᠳᠠᠨ ᠡᠨᠭᠭᠡᠷ ᠲᠡᠬᠢ ᠨᠠᠮᠤᠨ ᠰᠦᠯᠳᠡ ᠪᠡᠨ ᠵᠠᠰᠠᠨ ᠵᠠᠰᠠᠨ ᠬᠡᠯᠡᠨᠡ᠃
ᠠᠮᠢᠳᠤᠷᠠᠯᠳᠦ ᠡᠳ᠋ ᠮᠦᠨᠭᠬᠦ ᠪᠡᠷ ᠲᠤᠳᠠᠪᠠᠴᠦ ᠬᠠᠯᠠᠮᠵᠢ ᠬᠠᠢᠷᠠ ᠪᠡᠷ ᠡᠰᠡ ᠲᠤᠳᠠᠨᠠ᠃ ᠶᠠᠳᠠᠭᠤ ᠵᠦᠳᠡᠬᠦᠦ ᠨᠢᠭᠡᠨᠢᠶᠡᠨ ᠲᠤᠰᠠᠯᠠᠨ ᠲᠡᠮᠵᠢᠵᠦ᠂ ᠡᠩ ᠶᠢᠷᠳᠢᠨᠴᠦ ᠵᠢ ᠬᠠᠢᠷᠠ ᠪᠡᠷ ᠲᠤᠯᠠᠭᠠᠴᠠᠭᠤᠯᠤᠨᠠ ᠭᠡᠵᠦ ᠦᠪᠡᠷᠤᠨ ᠠᠷᠪᠢᠴᠢ ᠪᠤᠷᠤᠭᠵᠢᠭᠤᠨ ᠠᠮᠢᠳᠤᠷᠠᠯᠤᠨᠢᠶᠡᠨ ᠲᠠᠯᠠ ᠮᠦᠨᠭᠭᠦ ᠪᠡᠷ ᠦᠷᠦᠭᠡᠯ ᠪᠤᠰᠤᠳᠤᠨ ᠬᠡᠥᠬᠡᠳᠢ ᠲᠤᠰᠠᠯᠠᠨ ᠲᠡᠮᠵᠢᠵᠦ᠂ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠵᠢᠨ ᠬᠢᠨᠢ ᠠᠯᠳᠠᠨ ᠬᠠᠷᠭᠤᠢ ᠵᠦᠭ ᠵᠠᠯᠠᠵᠤ᠂ 30 ᠵᠢᠯᠢ ᠨᠢᠭᠡ ᠡᠳᠦᠷ ᠮᠡᠳᠦ ᠦᠨᠭᠭᠡᠷᠡᠭᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠷᠢᠨᠴᠢᠨᠰᠤᠪᠤᠳ ᠨᠠᠰᠤᠳᠠᠨᠤ ᠦᠯᠢᠭᠡᠷ ᠦᠯᠢᠭᠡᠷ ᠪᠢᠰᠢ ᠦᠨᠡᠨ ᠤᠴᠢᠷ ᠪᠠᠢᠭᠰᠠᠨ ᠶᠤᠮ ᠁