ᠡᠬᠢ ᠠᠲᠠᠭ ᠦᠭᠡᠢ ᠦᠷᠬᠦᠯᠵᠢᠯᠡᠬᠦ᠌ ᠨᠠᠢᠷᠤᠨ ᠰᠢᠷᠡᠭᠡ᠂ ᠨᠠᠭᠠᠳᠤᠮᠤᠨ ᠵᠠᠷᠢ ᠰᠤᠨᠤᠰᠭᠤᠠᠴᠠ ᠦᠨᠡᠬᠡᠷ ᠵᠢᠷᠤᠬᠡ ᠱᠢᠮᠱᠢᠷᠠᠬᠦ᠌ ᠶᠤᠮ᠃ ᠬᠤᠷᠢᠮ ᠨᠠᠢᠷ᠂ ᠬᠤᠷᠠᠯ ᠴᠤᠭᠯᠠᠭᠠᠨ᠂ ᠤᠢ ᠵᠢᠨ ᠪᠠᠶᠠᠷ᠂ ᠨᠠᠰᠤᠨ ᠪᠠᠶᠠᠷ᠂ ᠤᠷᠤᠭᠤᠨ ᠪᠠᠳᠤᠯᠠᠪᠤᠷᠢ ᠵᠢᠨ ᠨᠠᠢᠷ ᠁ ᠭᠡᠳ ᠦᠷ ᠴᠠᠢᠬᠤ ᠡᠴᠡ ᠦᠨᠡᠭᠡᠨ ᠬᠠᠷᠠᠨᠭᠭᠤᠢ ᠪᠤᠯᠳᠠᠯᠠ᠂ ᠬᠠᠪᠤᠷᠤᠨ ᠬᠠᠪᠰᠠᠷᠭᠠ ᠡᠴᠡ ᠡᠪᠦᠯᠤᠨ ᠵᠤᠳ ᠪᠤᠯᠳᠠᠯᠠ ᠲᠠᠭᠤᠰᠤᠰᠢ ᠦᠭᠡᠢ ᠦᠷᠭᠦᠯᠵᠢᠯᠡᠬᠦ ᠨᠠᠢᠷ ᠨᠠᠭᠠᠳᠤᠮᠤᠨ ᠲᠤᠮᠳᠠ ᠲᠠ ᠪᠢᠳᠡ ᠵᠤᠷᠢᠯᠭᠠ ᠲᠡᠢ ᠵᠤᠷᠢᠯᠭᠠ ᠦᠭᠡᠢ ᠪᠡᠷ ᠨᠢᠭᠡ ᠨᠠᠰᠤ ᠪᠡᠨ ᠡᠯᠡᠭᠡᠵᠦ ᠶᠠᠪᠤᠨᠠ᠃ ᠮᠠᠭᠤᠬᠠᠢᠪᠠᠷ ᠬᠡᠯᠡᠪᠡᠯ᠂ ᠤᠲᠤ ᠦᠨᠡᠬᠡᠷ ᠵᠠᠷᠢᠮ ᠨᠢᠭᠡᠨᠢ ᠨᠦᠭᠴᠢᠭ᠌ᠰᠡᠳᠤᠨᠢᠶᠠᠨ ᠬᠤᠢᠨᠠᠠᠴᠠ ᠬᠦᠷᠲᠡᠯᠡ ᠱᠢᠷᠡᠭᠡ ᠵᠠᠰᠠᠮᠠᠷ ᠪᠤᠯᠵᠣ ᠪᠠᠢᠬᠤ ᠶᠤᠮ᠃
ᠨᠢᠭᠡ ᠤᠲᠠᠭᠠ ᠬᠤᠯᠠᠠᠴᠠ ᠢᠷᠡᠭ᠌ᠰᠡᠨ ᠬᠤᠶᠠᠷ ᠰᠠᠢᠬᠠᠨ ᠨᠠᠢᠵᠠ ᠪᠠᠨ ᠵᠤᠴᠢᠯᠠᠵᠤ ᠲᠡᠢᠯᠠᠬᠤᠪᠠᠷ ᠨᠤᠲᠤᠭᠤᠨ ᠬᠡᠲᠤᠨ ᠠᠨᠲᠠᠪᠠᠨ ᠵᠠᠯᠠᠵᠤ ᠲᠦᠬᠦᠮ ᠱᠢᠷᠡᠭᠡ ᠵᠠᠰᠠᠬᠤᠳᠤ ᠠᠨᠲᠠ ᠮᠢᠨᠢ ᠨᠠᠳᠠᠳᠤ ᠬᠠᠨᠲᠤᠵᠤ᠄ 《ᠬᠦᠶᠢ！ᠠᠷᠪᠢᠨ ᠶᠠᠭᠤᠮᠠ ᠵᠠᠬᠢᠶᠠᠯᠠᠬᠤ ᠬᠡᠷᠡᠭ ᠦᠭᠡᠢ᠂ ᠢᠲᠡᠬᠦ᠌ ᠬᠡᠮᠵᠢᠶᠡᠪᠠᠷᠢᠶᠠᠨ ᠪᠠᠭᠠ ᠠᠪᠤᠶᠠ！ ᠵᠢᠷᠭᠠᠯᠳᠠᠭᠠᠨ ᠲᠠᠱᠢᠭᠤᠷᠠᠵᠦ ᠪᠦᠷᠢᠯᠭᠡᠨ ᠰᠤᠢᠳᠭᠡᠪᠡᠯ ᠨᠢᠬᠦᠯ ᠪᠤᠯᠵᠤ ᠪᠤᠶᠠᠨᠢᠶᠠᠨ ᠪᠠᠷᠠᠨᠠ ᠱᠢᠤ！ 〈ᠭᠠᠵᠠᠷ ᠲᠡᠭᠡᠷᠡᠬᠢ ᠨᠢᠭᠡ ᠮᠦᠬᠦᠯᠢᠭ ᠪᠤᠳᠠᠭᠠ᠂ ᠲᠡᠭ᠌ᠷᠢ ᠲᠡᠭᠡᠷᠡ ᠲᠡᠮᠡᠭᠡᠨ ᠴᠢᠨᠡᠭᠡ ᠬᠠᠷᠠᠭ᠍ᠲᠠᠨᠠ〉 ᠭᠡᠳᠡᠭ ᠰᠢᠦ⁈》 ᠭᠡᠳ᠄ 《ᠤᠲᠤ ᠴᠢᠨᠢ ᠨᠠᠢᠷ ᠬᠤᠷᠢᠮ ᠡᠮᠬᠢ ᠵᠠᠮᠪᠠᠷᠠᠭᠠᠪᠠᠨ ᠠᠯᠲᠠᠵᠤ᠂ ᠬᠦᠮᠤᠰᠤᠨ ᠪᠦᠷᠢᠯᠭᠡᠨ ᠰᠤᠢᠳᠭᠡᠬᠦ᠌ ᠦᠵᠡᠯ ᠰᠤᠷᠲᠠᠯ ᠰᠦᠷᠡᠬᠡᠢ ᠭᠠᠵᠠᠷ ᠠᠪᠴᠤ᠌ ᠪᠠᠢᠨᠠ᠃ ᠲᠡᠨᠤ ᠡᠨᠳᠡ ᠴᠤᠬᠤᠮ ᠶᠠᠭᠠᠬᠢᠵᠤ ᠪᠠᠢᠨᠠ ᠤᠤ？ ᠡᠨᠡ ᠬᠡᠲᠤᠨ ᠵᠢᠯᠠᠴᠠ ᠮᠠᠨᠤ ᠨᠤᠲᠤᠭᠢᠶᠠᠷ ᠪᠠᠰᠠ 〈ᠤᠷᠤᠭᠤᠨ ᠪᠠᠲᠤᠯᠠᠪᠤᠷᠢ〉 ᠶ᠋ᠢᠨ ᠨᠠᠢᠷ ᠤᠴᠢᠷ ᠵᠦᠭ ᠦᠭᠡᠢ ᠲᠡᠭ᠌ᠲᠡᠬᠦ᠌ ᠪᠤᠯᠤᠯᠠ》 ᠭᠡᠵᠦ ᠰᠠᠨᠠᠭᠠ ᠠᠯᠳᠠᠨᠭᠭᠤᠢ ᠶᠠᠷᠢᠯᠠ᠃
ᠦᠨᠡᠭᠡᠷ ᠤᠳᠤᠬᠠᠨᠳᠦ᠂ ᠤᠷᠤᠭᠤᠨ ᠪᠠᠲᠤᠯᠠᠪᠤᠷᠢᠪᠠᠨ ᠠᠪᠤᠭᠠᠳ᠂ ᠠᠲᠠᠭᠲᠠᠭᠠᠨ ᠲᠠᠪᠤ ᠲᠤᠯᠤᠭᠠᠨ ᠱᠢᠷᠡᠭᠡ᠂ ᠠᠶᠠᠬᠦᠢᠲᠡᠪᠡᠯ ᠵᠠᠷᠢᠮ ᠨᠢ ᠠᠷᠪᠠ ᠬᠤᠷᠢᠨ ᠱᠢᠷᠡᠭᠡ ᠪᠡᠯᠡᠳᠭᠡᠨ᠂ ᠪᠦᠲᠤᠨ ᠡᠲᠤᠷᠢᠶᠠᠷ ᠨᠠᠢᠷᠯᠠᠵᠤ᠂ ᠨᠠᠷᠬᠢᠬᠤᠶ᠋ᠢᠨ ᠶᠡᠬᠡ ᠪᠡᠷ ᠨᠠᠷᠬᠢᠵᠦ ᠪᠠᠢᠳᠠᠭ᠃ ᠲᠡᠭᠡᠭᠡᠳ ᠯᠠ ᠨᠢᠭᠡ ᠤᠯᠠᠨ ᠪᠠᠭᠠᠴᠤᠤᠯ ᠵᠠᠯᠠᠭᠤᠴᠤᠳ ᠴᠤᠭ᠍ᠯᠠᠷᠠᠨ ᠰᠤᠭ᠍ᠲᠤᠭᠤ ᠬᠦᠯᠴᠤᠬᠦᠤ ᠰᠤᠯᠢᠶᠠᠷᠠᠵᠤ ᠠᠭᠠᠱᠢᠯᠠᠭᠠᠳ᠂ ᠪᠦᠷᠢᠯᠭᠡᠨ ᠰᠤᠢᠳᠭᠡᠬᠦ᠌ᠶ᠋ᠢᠨ ᠲᠤᠢᠯ ᠪᠤᠯᠵᠦ᠂ ᠨᠡᠢᠭᠡᠮ ᠨᠡᠢᠳᠡᠳᠦ ᠮᠠᠭᠤ ᠨᠦᠯᠦᠭᠡ᠂ ᠮᠠᠭᠤᠬᠠᠢ ᠲᠠᠭᠤᠷᠢᠶᠠᠯ ᠭᠠᠷᠭᠠᠵᠤ ᠪᠤᠢ᠃ ᠢᠨᠠᠭ ᠬᠤᠤᠰ ᠬᠤᠭᠤᠷᠤᠨᠳᠦ ᠪᠡᠨ ᠬᠠᠤᠯᠢ ᠪᠡᠷ ᠪᠠᠳᠤᠯᠠᠭᠰᠠᠨ ᠦᠨᠡᠮᠯᠡᠬᠦ ᠭᠡᠷᠡᠴᠢᠯᠡᠭᠡ ᠠᠪᠬᠤᠳᠠᠭᠠᠨ ᠲᠦᠭᠦᠮᠬᠡᠨ ᠨᠢᠭᠡ ᠡᠷᠡᠨᠤ ᠬᠤᠭᠤᠯᠠ ᠪᠠᠵᠠᠭᠠᠵᠤ᠂ ᠤᠢᠷᠠ ᠲᠤᠭᠤᠷᠢᠨᠤ ᠬᠡᠳᠦᠨ ᠨᠠᠢᠵᠠ ᠲᠠᠢ ᠪᠡᠨ ᠵᠢᠷᠭᠠᠯᠳᠠᠢ ᠮᠦᠴᠡ ᠪᠡᠨ ᠲᠡᠮᠳᠡᠭᠯᠡᠪᠡᠯ ᠪᠤᠯᠴᠢᠬᠠᠳᠠᠭ ᠤᠴᠢᠷᠢ ᠶᠠᠭ ᠯᠡ ᠤᠷᠤᠭ ᠬᠤᠷᠢᠮᠢᠶᠡᠨ ᠲᠠᠯᠪᠢᠵᠤ ᠪᠠᠢᠬᠤ ᠰᠢᠬ ᠠᠷᠪᠠ ᠬᠤᠷᠢᠨ ᠰᠢᠷᠡᠭᠡ ᠵᠠᠰᠠᠵᠤ ᠰᠦᠷ ᠲᠠᠲᠠᠮᠠᠷ ᠶᠠᠪᠤᠳᠠᠯ ᠶᠡᠷᠦᠳᠡᠭᠡᠨ ᠠᠯᠠᠭᠠ᠃ ᠲᠡᠢᠮᠦ ᠪᠢᠰᠢ ᠬᠠᠷᠢᠨ ᠦᠪᠡᠷᠤᠨ ᠤᠯᠠᠭᠠᠨ ᠨᠢᠭᠤᠷᠢᠶᠡᠨ ᠬᠠᠢᠷᠠᠯᠠᠵᠤ᠂ ᠤᠯᠠᠨᠤ ᠡᠮᠦᠨᠡ ᠬᠤᠭᠤᠰᠤᠨ ᠨᠡᠷᠡ ᠨᠢᠭᠤᠷ᠂ ᠬᠠᠭᠤᠷᠮᠠᠴᠢ ᠨᠠᠢᠷ ᠲᠠᠯᠠ ᠪᠡᠨ ᠭᠠᠢᠬᠠᠭᠤᠯᠵᠤ ᠰᠦᠷᠵᠢᠨ ᠲᠠᠲᠠᠬᠤ ᠨᠢ ᠠᠮᠠᠷᠠᠭ ᠬᠤᠤᠰ᠂ ᠲᠡᠷᠡᠴᠢᠯᠡᠨ ᠠᠪᠤ ᠡᠵᠢ ᠲᠦᠷᠦᠯ ᠲᠦᠷᠦᠭᠰᠡᠳᠤᠨᠢᠶᠡᠨ ᠠᠵᠤ ᠠᠬᠤᠢ ᠵᠢᠨ ᠲᠠᠷᠤᠭᠠᠰᠦ ᠵᠢ ᠬᠦᠨᠳᠦᠷᠡᠭᠦᠯᠵᠤ᠂ ᠰᠡᠳᠬᠢᠯ ᠰᠠᠨᠠᠭᠠᠨᠳᠤᠨᠢ ᠴᠦ᠍ ᠰᠡᠪ ᠰᠠᠭᠤᠯᠭᠠᠬᠤ ᠨᠢ ᠪᠤᠯᠵᠤᠰᠢ ᠦᠭᠡᠢ ᠶᠤᠮ᠃ ᠲᠡᠷᠡ ᠮᠠᠭᠤ ᠨᠦᠯᠦᠭᠡ ᠪᠡᠷ ᠨᠡᠢᠭᠡᠮ ᠨᠡᠢᠳᠡ ᠡᠷᠡᠭᠦᠯ ᠪᠤᠰᠤ ᠡᠷᠬᠢᠯᠳᠡᠳᠦ ᠤᠷᠤᠵᠤ᠂ ᠲᠡᠭᠦᠨ ᠡᠴᠡ ᠪᠤᠯᠤᠭᠰᠠᠨ ᠮᠠᠭᠤ ᠦᠷᠡ ᠲᠠᠭᠠᠪᠤᠷᠢ ᠨᠢ ᠲᠤᠰ ᠪᠡᠶᠡᠳᠤᠨᠢ ᠪᠤᠴᠠᠭᠠᠳ ᠢᠷᠡᠳᠡᠭ ᠤᠴᠢᠷᠳᠠᠢ᠃ ᠲᠡᠭᠡᠬᠦ ᠵᠢᠨ ᠤᠷᠤᠨᠳᠦ ᠤᠳᠭᠠ ᠤᠴᠢᠷ ᠲᠡᠢ᠂ ᠠᠬᠠᠮᠠᠳ ᠲᠤᠮᠤᠭᠠᠳᠠᠳᠢᠶᠡᠨ ᠬᠦᠨᠳᠦᠯᠡᠵᠤ᠂ ᠠᠪᠰᠠᠷ ᠲᠦᠭᠦᠮᠬᠡᠨ᠂ ᠪᠦᠷᠢᠯᠭᠡᠵᠤ ᠰᠦᠢᠳᠬᠡᠬᠦ ᠦᠭᠡᠢ ᠪᠡᠷ ᠲᠡᠮᠳᠡᠭᠯᠡᠬᠦ ᠨᠢ ᠬᠡᠨ ᠠᠯᠢᠨᠳᠠᠭᠠᠨ ᠰᠠᠢᠨ ᠪᠠᠢᠳᠠᠭᠢ ᠮᠡᠳᠡᠭᠦᠰᠢᠳᠡᠢ ᠪᠢᠯᠡ᠃
ᠶᠠᠷᠢᠶᠠᠨ ᠦᠭᠡᠢ ᠭᠡᠨ ᠨᠢ ᠴᠦ᠍ ᠭᠡᠰᠡᠨ ᠬᠤᠶᠠᠷ ᠰᠢᠨᠡ ᠬᠦᠮᠦᠨᠤ ᠪᠡᠨ ᠬᠤᠵᠢᠮᠤᠨ ᠰᠠᠢᠨ ᠰᠠᠢᠬᠠᠨᠢ ᠪᠡᠯᠭᠡᠳᠡᠭᠡᠳ ᠲᠠᠢᠯᠠᠯᠭᠠ ᠵᠤᠴᠢᠯᠠᠭᠠ ᠪᠠᠵᠠᠭᠠᠬᠤ ᠵᠢ ᠪᠤᠳᠤᠨᠠ᠃ ᠭᠡᠪᠡᠴᠤ᠌ ᠤᠴᠢᠷ ᠶᠠᠪᠤᠲᠠᠯ ᠴᠢᠨᠢ ᠶᠠᠮᠠᠷ ᠲᠠᠭᠠᠨ ᠲᠠᠢᠯᠠᠯᠭᠠᠶ᠋ᠢᠨ ᠱᠢᠷᠡᠭᠡᠨᠤ ᠶᠡᠭᠡ ᠪᠠᠭᠠ ᠦᠷᠭᠡᠨ ᠲᠠᠩᠰᠤᠭ ᠲᠦ᠍ ᠪᠠᠢᠬᠤ ᠪᠢᠰᠢ！ ᠬᠠᠮᠤᠭᠤᠨ ᠴᠢᠬᠤᠯᠡᠨᠢ ᠬᠤᠢᠱᠢᠲᠠ ᠬᠡᠤᠬᠡᠳ ᠠᠴᠢᠨᠠᠷ ᠴᠢᠨᠢ ᠰᠢᠨᠡᠭᠡᠨ ᠪᠤᠰᠬᠠᠭᠰᠠᠨ ᠠᠢᠯ ᠭᠡᠷᠢᠶᠠᠨ ᠶᠠᠭᠠᠬᠢᠵᠤ ᠰᠠᠢᠬᠠᠨ ᠲᠤᠳᠤᠮᠳᠠᠵᠤ ᠶᠠᠪᠤᠬᠤ ᠤᠬᠠᠭᠠᠨ ᠪᠤᠲᠤᠯᠳᠦ ᠪᠤᠢ᠃ ᠮᠦᠩᠬᠦ᠌ ᠲᠦᠬᠦᠷᠢᠭᠢᠶᠠᠷ ᠠᠯᠢᠪᠠᠶ᠋ᠢ ᠬᠡᠮᠵᠢᠲᠡᠭ ᠪᠤᠯᠬᠢ ᠮᠠᠭᠤᠬᠠᠢ ᠱᠢᠨᠤᠭ ᠰᠠᠨᠠᠭᠠᠶ᠋ᠢ ᠡᠷᠡᠰ ᠲᠡᠪᠴᠢᠬᠦ᠌ ᠬᠡᠷᠡᠭ᠌ᠲᠡᠢ᠃ ᠶᠡᠷᠤᠨᠢ ᠶᠠᠮᠠᠷᠪᠡ ᠶᠠᠭᠤᠮᠠ ᠭᠡᠮ ᠬᠡᠮᠵᠢᠶᠡᠠᠴᠠᠪᠠᠨ ᠬᠡᠲᠤᠷᠡᠪᠡᠯ᠂ ᠡᠰᠡᠷᠬᠦ᠌ ᠦᠷᠡ ᠳ᠋ᠦᠩᠳᠦ ᠬᠦᠷᠳᠡᠭ᠃
《ᠲᠦᠮᠡᠨ ᠦᠭᠡ ᠵᠢᠨ ᠲᠤᠪᠴᠢ ᠨᠢ ᠨᠢᠭᠡ》 ᠭᠡᠳᠡᠭᠢᠶᠡᠷ ᠪᠢᠲᠠ ᠴᠠᠭ ᠦᠶᠡᠲᠠᠢᠪᠠᠨ ᠵᠡᠷᠭᠡᠴᠡᠨ ᠤᠷᠤᠭ᠍ᠰᠢᠯᠠᠬᠤᠳᠤ ᠶᠠᠭᠤᠨᠤ ᠤᠷᠢᠳ ᠦᠪᠡᠷᠢᠪᠠᠨ ᠲᠡᠬᠦᠯᠲᠡᠷᠵᠢᠬᠦᠯᠵᠤ᠂ ᠴᠠᠭᠢ ᠰᠠᠢᠲᠤᠷ ᠨᠠᠨᠳᠢᠩᠨᠠᠬᠤ ᠦᠵᠡᠯᠲᠡᠲᠠᠢ ᠪᠠᠢᠵᠤ᠂ ᠠᠵᠢᠯᠴᠢ ᠠᠷᠪᠢᠴᠢ ᠰᠤᠷᠲᠠᠯᠢ ᠡᠷᠬᠢᠮᠯᠠᠵᠤ᠂ ᠴᠢᠷᠮᠠᠢᠯᠲᠠ ᠬᠠᠲᠠᠭᠤ ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠬᠤ ᠰᠦᠰᠤ ᠵᠤᠷᠢᠭ ᠪᠠᠢᠬᠤ ᠬᠡᠷᠡᠭ᠌ᠲᠠᠢ᠃ ᠡᠨᠡ ᠪᠣᠯ ᠦᠷᠢᠰᠤᠯᠲᠤᠭᠡᠨ ᠶᠡᠬᠡᠲᠠᠢ ᠤᠲᠣᠭᠢ ᠨᠡᠢᠭᠡᠮᠳᠤ ᠬᠥᠯ ᠲᠤᠭ᠍ᠲᠠᠨᠢᠬᠤᠶ᠋ᠢᠨ ᠴᠢᠬᠤᠯᠠ ᠨᠢᠭᠡᠨ ᠪᠠᠷᠢᠮᠲᠠᠯᠠᠯ ᠪᠤᠯᠬᠤ ᠶᠤᠮ᠃ ᠨᠢᠭᠡ ᠬᠦᠮᠦᠨᠤ ᠪᠠᠶᠠᠨ ᠲᠠᠨᠭᠰᠤᠭᠢ ᠮᠦᠨᠭᠬᠦ ᠵᠤᠭᠤᠰ᠂ ᠡᠳ᠋ ᠪᠤᠳᠠᠰᠢᠶᠡᠷ ᠯᠡ ᠬᠡᠮᠵᠢᠶᠡᠯᠡᠬᠦ ᠪᠢᠰᠢ᠂ ᠬᠠᠮᠤᠭᠤᠨ ᠴᠢᠬᠤᠯᠠ ᠨᠢ ᠲᠠᠷᠢᠬᠢ ᠤᠶᠤᠨᠢᠶᠡᠨ ᠴᠠᠭ ᠦᠷᠭᠦᠯᠵᠢ ᠮᠡᠳᠡᠯᠭᠡ ᠪᠡᠷ ᠴᠡᠨᠡᠭᠯᠡᠵᠤ᠂ ᠬᠠᠷᠠᠭᠠ ᠵᠤᠭᠰᠤᠴᠠ ᠪᠡᠨ ᠬᠦᠮᠦᠨ ᠲᠦᠷᠤᠯᠬᠢᠳᠡᠨᠤ ᠬᠦᠭᠵᠢᠯ ᠲᠠᠪᠰᠢᠯᠤᠨ ᠠᠯᠬᠤᠭᠠᠳᠦ ᠨᠢᠭᠡᠳᠦᠭᠦᠯᠬᠦ ᠶᠠᠪᠤᠳᠠᠯ ᠭᠡᠳᠡᠭᠢ ᠪᠢᠳᠡ ᠪᠦᠬᠦᠨ ᠢᠮᠠᠭᠳᠠ ᠰᠠᠨᠠᠭᠤᠰᠢᠳᠠᠢ᠃